-- "Truth ver 0.9" --

Youtube videos for Nawal :)

2011-04-09T21:56:00.002+03:00

Here is a video that plays Kalma Tayyaba in loop for my little angel to learn :)

And here is Alif Baa Taa :)

پہلوان

2011-01-09T18:43:00.003+02:00

ایک دفعہ کا زکر ہے ایک گاءوں میں کہیں سے ایک پہلوان آکر آباد ہوگیا۔ یہ پہلوان مزاج کے لحاظ سے کافی ٹھنڈے دل کا اور غریبوں اور کمزوروں کے کام آنے والا تھا۔ چنانچہ کچھ ہی عرصے میں گاءوں کے لوگوں میں اسکی کافی عزت اور احترام پیدا ہوگیا۔ اب جب بھی کسی کمزور کے ساتھ کوئی زیادتی ہوتی یا کسی دو فریقوں میں جھگڑے کا سماں بندھتا تو یا تو فریقین خود یا کوئی دوسرا اس مسئلہ کو پہلوان کے پاس لے آتا۔ پہلوان باہمی مشورے سے انکے درمیان فیصلہ کروادیاتا اور چونکہ گاءوں میں کوئی پہلوان کی ٹکر کا نہیں تھا اس لیے فیصلے کی تعمیل میں بھی زیادہ مشکل درپیش نا ہوتی۔

گاءوں میں امن اور بھائی چارہ کا دور دورہ تھا۔

لیکن یہ امن اور سکون پچھلے مکھیا اور مولوی کو زیادہ پسند نا تھا۔ پہلوان کے آنے سے پہلے لوگ اپنے مسائل لے کر مکھیا کے پاس آیا کرتے تھے اور مکھیا اپنے فیصلوں کے باعث کافی اثرورسوخ کا حامل سمجھا جاتا تھا لیکن پہلوان نے اسکی دکان بڑھا دی تھی جسکا اسکو کافی رنج تھا۔ اسی طرح مولوی بھی اب صرف بچے کو اذان سنانے یا کسی کی جنازے پڑھانے تک ہی کارآمد رہ گیا تھا کیونکہ پہلوان کا اکھاڑہ آباد ہونے کے بعد لوگ اب زیادہ ادھر ہی بیٹھک لگاتے تھے اور مختلف مسائل کا حل بھی وہیں دھونڈا کرتے تھے۔ مولوی کو اپنی مفت کی چوہدراہٹ چھن جانے کا دکھ کھائے جاتا تھا۔

اس مسئلہ کو حل کرنے کے لیے یہ دونوں اکثر دماغ لڑایا کرتے تھے پر کچھ سمجھ نا آتا تھا ۔ ایک دن مولوی کو ایک ترکیب سوجھی اور اس نے مکھیا کو بھی اپنے ساتھ ملا لیا ۔ یہ دونوں اسکے بعد پہلوان کے پاس گئے اور اس کا حال چال پوچھنے لگے۔

کچھ دیر کی گفتگو کے بعد مولوی نے پہلوان کو کہا کہ اتنی طاقت اور گاءوں والوں کے اتنے کام آنے کا کیا فائدہ جب کچھ لوگ پہلوان کی عزت ہی نہیں کرتے۔ پہلوان نے حیران ہوکر ان سے انکا مطلب پوچھا تو مکھیا کہنے لگا۔ دیکھو لوگ تمہاری تو عزت کرتے تمہارے ڈر کی وجہ سے پر تمہارے خاندان کی عزت نہیں کرتے۔ میں نے کئی لوگوں کو بہت سی غلط باتیں کرتے سنا ہے۔ میرا تو بڑا دل دکھتا پر جب تمہیں نہیں پرواہ تو ہم کیا کر سکتے ہیں۔ پہلوان غصے میں آگیا اور کہنے لگا کس میں ہمت میں کہ ایسی بات کرے۔ میں اسکی ٹانگیں توڑ دونگا۔ اس پر مولوی کہنے لگا کہ وہ تمہارے سامنے مانیں گے تو تمہیں پتا چلے گا کے انہوں نے کیسی غلیظ بات کی ہے۔ اب پہلوان بھی سوچ میں پڑ گیا پر اسے کچھ سمجھ ناآیا۔ چنانچہ اس نے مولوی کو کہا کے پھر وہ ہی اسکا حل بتائے۔ مولوی نے جب حل بتایا تو پہلوان کو بہت پسند آیا۔

پہلوان نے گاءوں میں اعلان کروا دیا کے جو بھی اسکے خاندان کے متعلق بری بات کرے گا وہ اس کو سزا دے گا اور جو اسکے سامنے کسی کی اس حرکت کی گواہی دے گا اس کو انعام ملے گا۔ گاءوں والے اس اعلان پر حیران ہوئے پر ہر کسی نے سوچا کہ ایسا کوئی کرتا نہیں چنانچہ کوئی مسئلہ بھی نہیں ہونا چاہئیے۔

اب مولوی اور مکھیا اپنے ترکیب کے دوسرے حصے کو عملی جامہ پہنانے کے لیے انہوں نے ایک نیا کام شروع کیا۔ وہ جب دیکھتے کے کوئی جھگڑا ہوا ہے یا ان کو کسی رنجش کی خبر ملتی وہ چپکے سے اس فریق کو ملتے جو زیادتی کا مرتکب ہو اور اسکو پہلوان سے بچنے کی ترکیب بتاتے۔ یہ ترکیب بہت ہی سادہ ہوتی کہ بس پہلوان کے پاس جا کر گواہی دے دہ کے فلاں شخص تمہارے خاندان کے متعلق نازیبا باتیں کررہا تھا۔ اور نتیجتاً پہلوان کو اس شخص کے خلاف ایکشن لینا پڑتا۔ جہاں کہیں بھی پہلوان کسی سوچ میں پڑتا دکھائی دیتا تو مولوی اور مکھیا شور مچادیتے کہ پہلوان کو اپنے خاندان کی ناموس کا احساس نہیں ہے۔

لوگ کہتے ہیں کہ کچھ عرصے بعد ہی پہلوان اس گاءوں سے چلا گیا۔ کہاں گیا اس کا صحیح اندازا تو نہیں پر کچھ لوگوں کا خیال ہے کہ واپس وہیں چلاگیا جہاں سے آیا تھا۔

یہ یا وہ؟

2011-01-06T11:16:00.000+02:00

کہتے ہیں کے توہین رسالت کا قانون بہت ضروری ہے تاکہ توہین کے مجرموں کو قرار واقعی سزا دلائی جا سکے اور لوگ قانون ہاتھ میں نا لیں۔

اگر کوئی توہین رسالت قانون کے خلاف بات کرے گا تو اسکی زندگی کی ضمانت نہیں دی جا سکتی اور کوئی بھی شخص بنا کسی عدالتی جھنجٹ میں پڑے فیصلہ صادر اور تعمیل کر سکتا ہے۔

کیا سچ ہے؟

واپسی

2010-12-25T15:12:00.000+02:00

تقریباَ ڈیڑھ سال ہوگئے یہاں کچھ لکھے پر انشاءاللہ اب دوبارہ اسکو معمول بنانے کی کوشش کرونگا۔ چاہے اچھی بات چاہے بری بات، چاہے مزیدار گفتگو چاہے بہت ہی بورنگ اور چاہے اب سیاست ہی کی بات زہن میں آئے؛ یہاں تم سب لوگوں کے ساتھ ضرور شئیر کرونگا، انشاءاللہ۔

اس بیچ میں میری شادی ہوئی اور ماشاءاللہ میری بیٹی نوال نورہدی بھی دنیا میں آگئی اور شاید زندگی کافی بدل گئی۔

اب میری بیٹی ماشاءاللہ چوتھے مہینے میں ہے لیکن بابا سے دور اپنی خالہ کی شادی کا لطف اٹھارہی ہے۔ شروع میں تو پتا نہیں لگا پر اب دل کرتا ہے کے وہ جلدی سے آجائے اور میں اسکو خوب پیار کروں۔ اب کچھ ہی انشاءاللہ دن رہ گئے ہیں انکی واپسی کے۔

Iftikhar yad aaey ga (افتخار یاد آئے گا )

2009-02-15T22:03:00.005+02:00

پچھلے سال میں جون کے مہینے میں پاکستان میں تھا جب وکلاء نے اپنا پہلا لانگ مارچ ترتیب دیا۔ میں نے اپنی موجودگی کو غنیمت جانتے ہوئے اس میں شرکت کرنے کا ارادہ کیا اور حسن رحمان کو مشورے سے فاسٹ نیشنل یونیورسٹی جو کہ میری اپنی یونیورسٹی ہے سے اس میں شامل ہوا۔

اگرچہ یہ ایک کافی دلچسپ سفر ثابت ہوا پر شریف وکلاء کے آخری فیصلے نے خوشی کو گہنا سا دیا۔

اس سفر کی میرے لیے اچھی باتوں میں سے ایک یہ تھی کہ میں نے چند نئے دوست بنائے جن میں زیشان رانا عرف مولانا خاص طور پر قابل زکر ہے۔ زیشان اور عمر سلیمان کے ساتھ مل کر میں نے چند پیروڈیز بنائیں تھیں جن میں سے صرف ایک علی ناطق کےموبائل ویڈیو کی وجہ سے محفوظ ہو سکی اور باقی سب ہم ریکارڈ نہیں کر سکے۔ کتنے افسوس کی بات ہے ۔ چچچ

اب وکلاء نے پھر لانگ مارچ کا اعلان کیا ہے جس میں اس دفعہ دھرنا بھی شامل ہے لیکن میں پاکستان نہیں جا سکتا کیونکہ ابھی اتنی چھٹیاں نہیں ہیں۔ چنانچہ اب میں صرف دعا ہی کرسکتا ہوں کہ اللہ زرداری کو عقل دے کہ وہ ڈوگر کو دھکا دے ۔۔

ہاں کل میں نے ایک نیا کام یہ کیا اپنے پا مہدی حسن کے ایک پورے گانے کی پیروڈی بنادی ہے۔ زرا پڑھو یہاں ۔ بلکہ ٹھہرو میں نے آسانی کے لیے اس اپنی آواز میں یوٹیوب پر بھی پہنچا دیا ہے۔ مجھے ہمیشہ سے ترنم سے پڑھنے والے شاعر پسند ہیں چنانچہ ترنم بی بی بھی کو زحمت دی ہے ۔ ہاہا

عوام کے نام۔

جب کوئی مارشل لاء لگائے گا

تم کو ایک شخص یاد آئے گا

جب کوئی مارشل لاء لگائے گا

تم کو 'اف تخار' یاد آئے گا

جب کوئی مارشل لاء لگائے گا

تم کو ایک شخص یاد آئے گا

لذت بم سے آشناء ہو کر

پر امن دور سے جدا ہو کر

لذت بم سے آشناء ہو کر

پر امن دور سے جدا ہو کر

کوئی بھی جب امن نا پائے گا

تم کو ایک شخص یاد آئے گا

جب کوئی مارشل لاء لگائے گا

تم کو 'اف تخار' یاد آئے گا

جب کوئی مارشل لاء لگائے گا

تم کو ایک شخص یاد آئے گا

تیرے لب پہ نام ہوگا افتخار کا

ڈوگر دیکھ کرجلے گا دل تیرا

تیرے لب پہ نام ہوگا افتخار کا

ڈوگر دیکھ کرجلے گا دل تیرا

جب کوئی ڈاکٹر بن نا پائے گا

تم کو ایک شخص یاد آئے گا

جب کوئی مارشل لاء لگائے گا

تم کو 'اف تخار' یاد آئے گا

جب کوئی مارشل لاء لگائے گا

تم کو ایک شخص یاد آئے گا

لاپتوں کے درد کو سہوگے تم

بوگس الاٹمنٹ دیکھتے رہوگے تم

لاپتوں کے درد کو سہوگے تم

بوگس الاٹمنٹ دیکھتے رہوگے تم

سٹیل مل جب کوئی بچا نا پائے گا

تم کو ایک شخص یاد آئے گا

جب کوئی مارشل لاء لگائے گا

تم کو 'اف تخار' یاد آئے گا

جب کوئی مارشل لاء لگائے گا

تم کو ایک شخص یاد آئے گا

اچھا اب جن کو یہ پسند آئے وہ اس کو آگے فارورڈ کردے آج شام سے پہلے انشاءاللہ مجھے خوشی ملے گی۔

Angraizi Shaery!

2009-01-10T19:19:00.003+02:00

They asked me to die

I asked them why?

To create outrage and cry

I told them go away

werna ker doonga bheja fry

16th December 2008

2008-12-15T23:33:00.003+02:00

Now it is 16th December. Sadest day of our history.

شاعری

2008-12-06T15:27:00.001+02:00

اپنے سکول کے میلنگ گروپ پر سپیمنگ کی بحث کے دوران میں نے یہ کچھ شعر لکھے ہیں

محبت کرنے والے کم ہونگے

تری دنیا میں جو اتنے بم ہونگے

ایک حمزہ اور ایک اس کی ایمیل

ارریٹیٹڈ کبھی بھی کم نا ہونگے

اگر تواتفاقاّ چھٹی پر بھی چلا جائے

تیری میلوں کے صدمے کم نا ہونگے

جی میل کی فلٹریں بڑھتی رہیں گی

اگر کچھ مشورے باہم نا ہونگے

فراز میں ان میلوں سے جتنا بدگماں ہوں

متن میں اتنے بھی بے ڈھنگ نا ہونگے

رضارومی کا سفر ۔ محمدپور کیمپ

2008-10-10T23:25:00.002+03:00

رضارومی جو ایک بلاگر ہیں نے اپنے حالیہ دورے ڈھاکہ میں محمدپور کیمپ کا دورہ کیا اور ان حالات کو یہاں قلمبند کیا ہے۔
میں نے سوچا کہ یاددہانی کے لیے یہاں بھی پوسٹ کردوں۔

محصورین ۔ بی بی سی رپورٹ

2008-05-20T21:55:00.003+03:00

یہاں دیکھیں ۔

آخرکار ادھار بند ہونے لگا

2008-05-14T18:36:00.003+03:00

کبھی کبھی کتنا برا لگتا ہے جب آپ کو پتا لگتا ہے کہ جو آپ نے بدترین حالت کی تصویر کھینچی تھی وہی مقدر بننے لگی ہے۔ یہاں ایک میری پرانی پوسٹ ہے اور زرا دیکھیں آج کے جنگ اخبار کی ایک تصویر۔

کول اپریل شغل

2008-04-03T23:19:00.000+03:00

زرا یہ دیکھو

نسیم اشرف یا نسیم مشرف

2008-04-03T17:26:00.003+03:00

ایک استانی نے ایک بچے کا ہوم ورک چیک کرتے ہوئے پوچھا۔
"یہ تمہارے ہوم ورک میں کس نے مدد کی ہے؟"
"جی پاپا نے" بچے نے ڈرتے ڈرتے جواب دیا
"ہممم' مجھے معلوم تھا۔ کوئی ایک بندہ اتنی غلطیاں کر ہی نہیں سکتا" استانی بولی

پاکستان چلانے میں جتنے باکمال مشرف صاحب ہیں اتنا ہی انکا اچھا انتخاب پی سی بی چلانے کے لیے بھی ہے۔

تقریب یوم پاکستان

2008-03-30T00:25:00.006+02:00

فن لینڈ میں اس دفعہ سردی کا موسم بن سردی کے ہی لگتا ہے گزر جائے گا ۔ اسی شش و پنج میں دن گزر رہے تھے کے مارچ کے اوائل میں یہ خیال زہن میں آیا کہ کیوں نا یوم پاکستان 'قومی جوش و جزبے' سے منانے کا اہتمام کیا جائے :) اور اس جزبے کا سیدھا سادا مطلب ہے کے اچھے اچھے کھانے پکائے جائیں اور کھائے جائیں ۔

یہ سوچ کر میں نے ایچ یو ٹی کیمپس اوتانیامی میں موجود تمام طلباء و طالبات کو ایمیل کی کہ زرا نام تو لکھوائیں جس نے شرکت کرنی ہے۔ ابتدائی طور پر 22 افراد کو پیغام بھیجا گیا اور میں 20 کے بارے میں پرامید تھا کے آہی جائیں گے۔ اب کھانے کی اس تقریب میں تھوڑا سا ہلا گلا ڈالنے کے لیے میں نے یہ سوچ لیا کہ پاکستانی سٹوڈنٹس کی تنظیم جو کہ تقریباََ بنی ہوئی تھی لیکن ابھی تک باقاعدہ اعلان نہیں کیا گیا تھا کو بھی اس موقع پر عوام کے سامنے لے آیا جائے۔

پروگرام کی ترکیب یوں تھی کہ تمام افراد جو شرکت کرنا چاہتے ہیں وہ سب کچھ ہدیہ جمع کرائیں گے اور اپنی رضاکارانہ خدمات بھی اس کام کے لیے وقف کریں گے۔ ابتدائی فارمولے کے مطابق 12 لوگ 'مختلف' انداز میں چکن قورمہ اور کڑاہی بنائیں گے جب کے 4 افراد روٹیاں اور چاول پر طبع آزمائی کریں گے۔ اسی طرح کچھ لوگ کھیر اور سویاں، کچھ سلاد اور رائتہ جبکہ باقی انتظامی امور کی نگرانی کریں گے۔

خیر قصہ مختصر یہ کہ لوگ تو بڑھتے بڑھتے 55 ہوگئے جنہوں نے تقریب میں شرکت کی تصدیق کردی۔ تمام تیاریاں اور منصوبہ مکمل تھا کے مرتضیٰ ہاشمی نے آفر کی کہ انکی وائف کافی اچھا اور کافی کچھ بناسکتی ہیں اگر کیمپس ہال جہاں پروگرام ہونا تھا کے ساتھ باورچی خانہ بھی بک کر لیا جائے۔ آئیڈیا میں جان تھی اس لیے میں نے فوراّ حامی بھر لی ۔ فائنل پروگرام یہ طے پایا کے مسز مرتضیٰ مٹن کی ایک بڑی ڈش اور کھیر اور کباب بنائیں گی۔ میرا دل کیا کہ بس اب جا کر سو جاوں۔

اب کچھ ڈسکشن کے بعد پروگرام کو ایک اور ٹوئسٹ دیا گیا اور طے یہ پایا کے جب مسز مرتضیٰ کھانا پکا لیں گی تو وہیں پر باقی ڈشوں کو مقابلہ ہوگا اور تمام چھڑے وہاں جمع ہونگے اور پارٹی سے پہلے پارٹی کا مزا لیا جائے گا۔ میرے البم میں موجود ابتدائی تصویریں اس پری پارٹی کی ہیں جب بعد کے میں پھر اصل پارٹی کی ہیں۔

پارٹی کا آغاز عدنان غنی کے خوش الحان تلاوت کلام پاک سے ہوا۔ اس کے بعد میں نے پاکستان سٹوڈنٹ ایسوسی ایشن کے اغراض و مقاصد اور پھر پاکستان سٹوڈنٹ ایسوسی ایشن ایچ یو ٹی چیپٹر کے ممبران اور آفیسرز کا تعارف کروایا۔ تقریر اچھی خاصی طویل ہوتی گئی اور مجھے ڈر لگتا گیا کہ کہیں کھانے کا انتظار کرتے لوگ مجھے ظالم سماج نا سمجھنا شروع کردیں ۔ چنانچہ تقریباّ 8 بج کر 30 منٹ پر کھانے کا اعلان کر دیا گیا۔ محفل میں 10 کے قریب خواتین بھی موجود تھیں جن کا فائدہ مجھے اور علی زیدی کو یوں ہوا کے انہوں نے ڈشز کو صاف کرنے سے پرہیز کیا اور ہم شریف لوگوں کو جو کھانا کھانے سے زیادہ لوگوں سے ملنے ملانے میں مصروف تھے تمام کھانا ختم ہونے کے بعد بھی کچھ کھانے کو مل گیا۔ اسے لیے کسی نے کہا ہے کہ وجود زن سے ہے ۔۔۔

تقریب میں ٹھنڈے مشروبات موجود تھے لیکن جب بہت سے لوگ چلے گئے تو ایاز کی محنت سے باقی بچے ہوئے سٹوڈنٹس پارٹی کو چائے پیش کی گئی ۔

یہ 22 مارچ کا دن تھا سو جیسے ہی رات کے بارہ بجے ہم نے 23 مارچ کو جلدی سے منا لیا :) ۔۔۔

میرا البم
تقریر با تصویر

عجیب مصیبت

2008-02-27T21:52:00.005+02:00

میں آج کھانا پکارہا تھا اور آخر میں چاول کو دم دینا تھا تو میں نے مرغی کی دیگچی چاول والی دیگچی پر رکھدی۔ اور بیچ میں اخبار۔ عام طور پور میں ایک سادہ پلیٹ رکھ دیتا ہوں لیکن آج میں نے سوچا کہ اچھی طرح سے دم دے دوں اور بھاپ کو قید کردوں۔
نتیجہ یہ ہے کہ ابھی ابھی میں نے دیکھا ہے کہ دونوں دیگچیاں چپک گئی ہیں اور مرغی اٹھاتا ہوں تو ساتھ میں چاول صاحب بھی ساتھ ساتھ تشریف لے آتے ہیں ۔۔۔۔۔۔۔
اب میں اسکے ٹھنڈا ہونے کا انتظار کر رہا ہوں کہ شاید انکی دوستی ختم ہوجائے اس طرح۔
عجیب مصیبت۔۔

تازہ ترین ۔
آخری خبر یہ ہے کہ پکا ائیر لاک لگ گیا ہے اور طاقت کا استعمال بے فائدہ لگتا ہے۔ کاش کچھ سائنس پڑھی ہوتی تو آج کوئی رستہ کھلتا۔ گوگل سرچ سے بھی کوئی فائدہ نہیں ہو رہا۔ میری دیگچی :(
۔۔

آخری حربہ۔
ایک خیال یہ آیا کہ شاید دوبارہ گرم کرنے سے ہوا کا دباو بڑھے اور شاید کھل جائے۔ یہ بھی کیا لیکن ڈھاک کے وہی تین پات۔ بلکہ اندر سے چاول جلنا شروع ہوگیا اور بو پھیلنے لگی ہے۔

ہممممم ۔ سو پھر بسم اللہ کرتے ہیں اور اوپر والی دیگچی میں سوراخ کردیتے ہیں۔ اس سے تو مسئلہ حل ہوگا نا؟

میں ابھی آیا۔

اندھیروں کا تسلسل ۔ سید عارف

2008-02-21T14:57:00.000+02:00

اندھیروں کا تسلسل مختصر ہونے نہیں دیتا
سحر کا نام لیتا ہے، سحر ہونے نہیں دیتا

وہ شب فطرت ہے اس کو روشنی اچھی نہیں لگتی
کسی گھر میں اجالوں کا گزر ہونے نہیں دیتا

وہ دہشت بانٹتا ہے خوف کے منظر بناتا ہے
کوئی شاخِ تمنا بارور ہونے نہیں دیتا

وہ سارے فیصلے حسبِ ضرورت آپ کرتا ہے
کسی کا حرف، حرفِ معتبر ہونے نہیں دیتا

ہمیشہ دوسروں میں فاصلے تقسیم کرتا ہے
وہ لوگوں کو بہم شیروشکر ہونے نہیں دیتا

امیرِ کارواں رہنے کا اتنا شوق ہے اس کو
کہ دانستہ بھی تکمیلِ سفر ہونے نہیں دیتا
(سید عارف)

عاطف سعید ۔ عجب پاگل سی لڑکی ہے

2008-02-13T21:15:00.003+02:00

عجب پاگل سی لڑکی ہے

مجھے ہر خط میں لکھتی ہے
مجھے تم یاد کرتے ہو؟ تمھیں میں یاد آتی ہوں؟
مری باتیں ستاتی ہیں
مری نیندیں جگاتی ہیں
مری آنکھیں رلاتی ہیں
دسمبر کی سنہری دھوپ میں اب بھی ٹہلتے ہو؟
کسی خاموش رستے سے کوئی آواز آتی ہے؟
ٹھٹہرتی سرد راتوں میں تم اب بھی چھت پہ جاتے ہو؟
فلک کے سب ستاروں کو مری باتیں سناتے ہو؟
کتابوں سے تمھارے عشق میں کوئی کمی آئی؟
یا میری یاد کی شدت سے آنکھوں میں نمی آئی؟
عجب پاگل سی لڑکی ہے
مجھے ہر خط میں لکھتی ہے
جوابااس کو لکھتا ہوں
مری مصروفیت دیکھو
سحرسے شام آفس میں چراغ عمر جلتا ہے
پھر اس کے بعد دنیا کی کئی مجبوریاں پاؤں میں بیڑی ڈال رکھتی ہیں
مجھے بے فکر، چاہت سے بھرے سپنے نہیں دکھتے
ٹہلنے، جاگنے، رونے کی فرصت ہی نہیں ملتی
ستاروں سے ملے عرصہ ہوا ناراض ہوں شاید
کتابوں سے شغف میرا ابھی ویسے ہی قائم ہے
بس اب اتنا ہوا ہے میں انھیں عرصہ میں پڑھتا ہوں
تمھیں کس نے کہا پگلی تمھیں میں یاد کرتا ہوں؟
کہ میں خود کو بھلانے کی مسلسل جستجو میں ہوں
تمھیں نہ یاد آنے کی مسلسل جستجو میں ہوں
مگر یہ جستجو میری بہت ناکام رہتی ہے
مرے دن رات میں اب بھی تمھاری شام رہتی ہے
مرے لفظوں کی ہر مالا تمھارے نام رہتی ہے
تمھیں کس نے کہا پگلی مجھے تم یاد آتی ہو؟
پرانی بات ہو جو لوگ اکثر گنگناتے ہیں
انھیں ہم یاد کرتے ہیں جنھیں ہم بھول جاتے ہیں
عجب پاگل سی لڑکی ہو
مری مصروفیت دیکھو
تمھیں دل سے بھلاؤں تو تمھاری یاد آئے نا!
تمھیں دل سے بھلانے کی مجھے فرصت نہیں ملتی
اور اس مصروف جیون میں
تمھارے خط کا اک جملہ
تمھیں میں یاد آتی ہوں
مری چاہت کی شدت میں کمی ہونے نہیں دیتا
بہت راتیں جگاتاہے مجھے سونے نہیں دیتا
سو اگلی بار اپنے خط میں یہ جملہ نہیں لکھنا!
عجب پاگل سی لڑکی ہے، مجھے پھر بھی یہ کہتی ہے
مجھے تم یاد کرتے ہو؟ تمھیں میں یاد آتی ہوں؟

۔۔ عاطف سعید

ماں کے لیے

2008-01-16T01:32:00.000+02:00

یہ ایک بلاگ پوسٹ شئیر کر رہا ہوں۔ ماں کے لیے

http://mawra.urdutech.com/2008/01/12/maan

Boycott is "The Best Option"

2007-12-10T19:43:00.000+02:00

As of today, PPP, PMLN and ANP have agreed to participate in a unanimously agreed rigged elections to be held on 8th January coming year. It is not so surprising that these parties will be participating in any kinda election to get back to their lost seats and to protect 'their' billions of dollars through NROs. But that is something we donot need to be surprised as we had clues about these deals already in one way or the other. Good thing is that we now have those political parties which are clear in their stance and still standing on principles. These parties may be smaller in sizes but we the civil society, lawyers and students can make them feel their weights and put their full efforts for restoration of constitution and judiciary. It has been discussed here and here that boycott is not a good option as this will give Musharraf a free hand, politicians have to see things other than just principles and credibility does not matter much in the current scenario.

I will strongly disagree to the thoughts presented by these and other authors and try to put my points as following.

First of all Musharraf is not seeing anyone to give him free hand or not. As mentioned by Mr. Ali Malik, he already posses all required tools which is called a free hand actually. Q league's members of previous govt's MNAs have enough budget to manipulate huge vote banks of poor throughout the country. In the form of city and caretaker governments they also have hold to official machinery to further turn things in their favor. Judges in Supreme Court and high courts are hand picked by Musharraf and his allies and hence expecting anything different than what government wants will be living in fools paradise. Media is already under strict censorship and so in their absence PTV has every liberty to play in minds of people in vast rural areas. These and few others will be enough for Musharraf government to feel free in their self decorated play ground. They donot need outsiders support as a matter of fact, what they need is presence of some contestants.

Second point is that boycotting elections would take away any credibility whatsoever is attached to it. The argument that credibility of election does not matter has its inherent problem; thinking in this way will lead to only disaster. Actually it does not matter if credibility of election does not have any importance for current government because the struggle for democracy is from people of Pakistan and they are the ones to decide and measure the credibility of election and contestants. And if they believe that election was fraud then nothing can stop them resisting.

The most important point is that changing Musharraf regime to Kiyani's or BB or anyone else wont solve the problem and does not mean that our moment has ended with that. I would go to a further step by saying that even restoration of 3rd November bench alone is not final solution of the problem. We have to stop army's intervention in our political system and by changing Musharraf government to another one would only mean to keep the threat as it is. Another 10 to 12 years and there would be another COAS to throw out constitution to the garbage again. This permanent stopper can only be achieved by first boycotting the election completely. By completely, I mean, not only a low turnout but also protests, dharnai and rallies against illegitimate rule of (General) Musharraf.

After doing this and elections, there can be one of two scenarios 1) a government is formed in which different political segments have different ratio or 2) election turn out to be a failure and our movement reaches its peak. For case 1, our movement will be boosted by involvement of anti government political parties and it will also lead sooner to case 2.

Case 2, either directly or through case 1 will definitely lead to another full fledge martial law or regime change without (or with support) army intervention. In case of simple regime change we will only have an option of either sit quietly or get involved in political struggle to introduce a better democracy which will take its time of course.

But if martial law comes then history says Pakistani people have always in good number welcomed martial laws which is the reason army remained brave enough to introduce it as soon as they find some room for it.

This is where the real test of our movement exist. Students, Lawyers and Civil Society members have to show the courage and resist martial law with full force yet in peaceful ways to finally remove the army from occupying the nation again. If we are successful in doing this then we can be sure Inshallah that it will stop army intervention permanently or at least not as simple as it was in 77 and 99.

میری سیاہی کچڑ کے پکڑ؟

2007-12-10T19:17:00.001+02:00

بچپن میں‌ تختی لکھتے ہوئے جب بھی سیاہی بنانے کی ضرورت پڑی تو یہ کھیل کھیلنے کا موقع مل جاتا تھا۔ پتا نہیں‌ تم لوگوں‌ نے اسے کھیلا یا نہیں‌ اور اس کا بھی اندازہ نہیں‌ ہے کہ کیا اب بھی سکولوں‌ میں‌ یہ کھیل کھیلا جاتا ہے کہ نہیں۔ اس کھیل میں‌ سیاہی بنانے والا اپنی سیاہی کی دوات میں‌ تمام اجزاء ڈال لیتا ہے جو کو سیاہی دانہ، تھوڑا سا پانی اور تھوڑی سی روئی پر مشتمل ہوتا ہے۔ اس کے بعد دوات کو اپنے دونوں‌ پاؤں کے بیچ میں‌ پھنسا کر اس میں‌ کنڈا یعنی قلم کو چلانا شروع کر دیتا ہے جیسے لسی بناتے ہوئے دیہات کی عورتیں‌ مدھانی چلاتی ہیں۔ اب ساتھ میں‌ وہ کہتا جاتا ہے کہ "میری سیاہی کچڑ کے پکڑ؟"ایک دوسرا شخص اس کے جواب میں‌ بار بار کچڑ، کچڑ پکارتا جاتا ہے ۔ یہاں‌تک کے اندازاً سیاہی اچھی طرح گھل چکی ہوتی ہے اور وہ پھر جواب میں‌ پکڑ کہتا ہے اور یوں سیاہی بنانے کا عمل پورا ہو جاتا ہے۔ اس کھیل میں‌ جواب دینے والا اچھا ساتھی ڈھونڈنا بڑا ضروری ہوتا ہے ورنہ آپ قلم چلاتے رہ جاتے ہیں‌ اور جواب میں‌ کچڑ ہی سننے کو ملتا رہتا ہے۔

پچھلے کچھ عرصے سے ہم لوگ دیکھ رہے ہیں‌ کہ یہ کھیل کچھ بڑے پیمانے پر کھیلا جا رہا ہے اور بی بی، نواز اور مشرف بمع ق لیگ کے اپنی اپنی سیاہیاں‌ پکڑ بنانے کی جتن میں‌ لگے ہوئے ہیں۔ بی بی اور نوازشریف نے تو اب تک ٹھیک ٹھیک وقت پر پکڑ بول دیا ہے، دیکھنا یہ ہے کو مشرف بھی ایسا کرتے ہیں‌ یا وہ کچھ شرارتی بچوں‌ کی طرح کچڑ کچڑ کی رٹ لگا کر بی بی اور بابو کا کھیل خراب کریں گے۔

عدلیہ کی آزادی تک ادھار بند ہے

2007-12-09T20:21:00.000+02:00

اے پی ڈی ایم کا حالیہ اجلاس ختم ہو چکا ہے اور اس میں شامل تمام پارٹیوں نے انفرادی طور پر بایٗکاٹ کر نے نا کرنے کا فیصلہ کیا ہے۔ چنانچہ موجود صورتحال کو دیکھتے ہوٗے یہ آسانی سے کہا جاسکتا ہے کہ جماعت اسلامی اور تحریک انصاف کے علاوہ شاید تمام جماعتیں الیکشن میں حصہ لیں گی۔

اب جماعت اسلامی اور تحریک انصاف کو مل کر کوٗی ایسی تحریک چلانا ہو گی جو کے انتخابات کے انعقاد کو مشکل ہی نہیں ناممکن بنادے۔ پرامن رہتے ہوٗے ایسا کرنا اگرچہ مشکل تو ضرور ہے پر ناممکن نہیں۔ اسلام آباد، لاہور، ملتان، پشاور، فیصل آباد اور کوٗیٹہ میں مظاہروں اور دھرنوں کا سلسلہ شروع کرنا ہوگا جس میں طلباء، وکلاء اور جماعت کے سیاسی کارکن اچھی طرح حصہ لے سکتے ہیں۔ عمران خان کو اب خود چھوٹے شہروں کا چکر لگانا ہوگا تاکہ عام لوگوں اور طلباء کا اس بڑے مقصد کے لیے تیار کیا جا سکے۔ جماعت کو اب اپنے ساکھ بچانے کے لیے اپنی سٹریٹ پاور کا مظاہرہ کرنا ہوگا ورنہ 5 سال تک انکے کارکن خالی ہاتھ نہیں بیٹھ سکتے۔ وکلاء اگرچہ پہلے ہی اس جدوجید میں سب سے آگے پر ابھی انکی منزل نہیں آٗی ہے چنانچہ اس جوش و جذبہ کو قاٗم رکھنا ہوگا۔

اگر یہ سب کرنے میں تحریک انصاف ، جماعت اسلامی اور وکلاء تحریک ناکام ہوجاتے ہیں تو پھر اس بات کو اچھی طرح سمجھ لینا چاہیے کہ جو سیاسی جماعتیں انتخابات میں حصہ لینے کا بہانا ڈھونڈ چکی ہیں وہ کبھی پیچھے مڑ کے عدلیہ کو نہیں دیکھیں گی۔ خاص طور پر اس صورت میں کے ایک آزاد عدلیہ ہماری سیاسس جماعتوں کے لیے ویسے ہی موت ہے۔

یہ نا ہو پھر پان کی دکانوں پر کشمیر کی جگہ یہ لکھا ہو "عدلیہ کی آزادی تک ادھار بند ہے"

Espoo Cricket Cup

2007-07-05T21:59:00.000+03:00

It gives me great pleasure to share the great news of participation of 'Otaniemi Campus Stars' in Espoo Cricket Cup (15 overs) and securing second position in the tournament. We lost by FPCA (the great team of Nadeem and company) in the final by some 52 runs. Before that, we defeated EspooB in qualifier and then reached semi-final from group B on the basis of higher run rate. FPCB was then also defeated by stars in a thriller in which we reached their total of 151 in 14.2 overs after loosing 4 wickets.

30th June turns out to be an exciting day for campus pakistanies and so I thought to share some of the memories here.

Here is the list of the players,
Ali Raza Zaidi, Mobashar Sattar, Imran Zaman, Adnan Ali, Syed Basit, Waqas Khattak, Imran Asghar, Mobien, Naveed, Aamir Mahmood, Zeeshan and the writer.

It was definitely a team effort but the captain was a real difference. He woke up at about 3AM so that he can make breakfast for the team.
(If my last sentence doesnt make sense, please ignore)

تمپرے میں قیصرانی سے ملاقات کا آنکھوں دیکھا حال

2007-06-27T17:23:00.001+03:00

یکم جون بروز جمعہ
میرے دل میں‌ سمایا کے بس جی بہت ہوگئ۔ لوگ قیصرانی سے ملنے کے لیے یوکے سے چلے آرہے ہیں‌ جبکہ ہم ہیں‌ کے یہی ڈیڑھ گھنٹے کی مسافت، اور پھر بھی ملاقات ندارد۔ ہم اور ہماری سستی۔
آج قدرت نے موقعہ دیا تھا اور میں ‌تمپرے اپنے ایک دوست کی مہندی میں پہنچا تھا (مہندی کی تفصیل وقفہ کے بعد) چنانچہ قریبا رات کے 10 بجے میں‌ نے قیصرانی کو فون کیا۔
ابتدائ مختصر تعارف کے بعد میں‌نے مدعا بیان کیا اور بتایا کے کل یہاں‌ اہل تمپرے نے ایک ٹریکنگ پلان کیا ہوا ہے اگر مناسب سمجھیں‌ تو رونق بخشیں۔ دل ہی دل میں‌ ہم دعا کررہے تھے کے اللہ کرے قیصرانی کوئ نخرے والے بندے ہوں‌ اور انکار کردیں‌ کیونکہ 15 کلومیٹر بغیر کسی لالچ کے پیدل سفر کرنا کچھ ہمیں‌ بھا نہیں‌ رہا تھا پر انہوں‌ نے آؤ دیکھا نا تاؤ اور ہامی بھر لی۔ (ہمیں‌ بڑا غصہ آیا)

----------------------------------------------------------

2 جون بروز سنیچر
مہندی کے فنکشن کے بعد جب ہم 4 یا اسکے بعد سوئے تو ہمیں‌پتا بھی نا چلا اور 5 یا 7 منٹ بعد کسی نے اٹھا دیا۔ چلو یار تیار ہو جاؤ۔ ابھی نہا کر ناشتہ کا سوچا ہی تھا کے پتا چلا کے بس جی کوئ ناشتہ نہیں‌ کیونکہ جانے کا ٹائم ہوگیا ہے ۔ اگلے ہی لمحے قیصرانی آموجود ہوئے۔ قیصرانی کو دیکھ کر لگا کے ۔۔کچھ نہیں‌
راستہ شروع ہوا ۔ تھوڑی دیر میں‌ وہی ہوا جس کا ڈر تھا
ہم ایک آدھ دوسروں‌ کے ساتھ آخری گروپ میں‌ چل رہے تھے اور قیصرانی شاید 1500 میٹر اولمپک کے ہراول دستے میں‌ تھے۔ میں‌نے قسمت کا لکھا سمجھا اور چلتا رہا ۔ آخر کار کچھ دعائیں‌ رنگ لائیں‌ اور اعلان ہوا کہ تین‌ جی پی ایس نیویگیٹرز کی موجودگی میں‌ ھم لوگ راستہ بھول چکے تھے اور 3 کلومیٹر کا غلط راستہ طے کرلیا تھے۔ چنانچہ واپسی شروع ہوئ اور یہی وہ مقام تھا جہاں‌ ہماری قیصرانی سے صحیح طور پر ملاقات ہوئ۔ ہم نے انکی نوکری اور تمپرے میں‌ رہائش کے متعلق دریافت کیا۔
تمپرے میں‌ موجود نئے پاکستانی چہرے دیکھ کر قیصرانی کی باچھیں‌ کھلی ہوئ تھیں اور وہ وقتا فوقتا لوگوں‌ سے فون نمبر کا تبادلہ کرتے ہوئے پائے گئے۔
(ہمیں‌ بڑی ‌ ‌‌‌‌‌‌‌‌ہوئ)
بڑی ہی جدوجہد کے بعد ہم لوگ منزل پر پہنچ چکے تھے اور وہاں عجیب سی چیزیں کھا کر ہم نے واپس جانے کا فیصلہ کر لیا۔ واپسی پر طالب علموں کے گڑھ میکن تالو پر جمع ہوئے اور نیک خواہشات کے تبادلے کے بعد رخصت ہوئے۔
(سارے دن کی خواری کے بعد شام کو ہمیں بتایا گیا کے سارا فاصلہ کل ملا کر بھی 15 کلومیٹر سے کچھ کم ہی تھا۔ہمیں بڑی حیرانی ہوئ)

تمپرے میں مہندی

2007-06-21T03:29:00.000+03:00

ہیلو!!
کافی دن ہوگئے، بات نہیں ہوئ
اور آج ہے میرے پاس ایک اہم دستاویز۔ زرا قریب قریب آجاؤ
جمعہ، یکم جون کو میں تمپرے گیا جہاں عالی مرتبت جناب عارف زبیری سے آخری ملاقات کرنا تھی۔ گبھرانے کی چنداں ضرورت نہیں ہے یہ آخری ملاقات کنوارے عارف سے ہی آخری ملاقات تھی ناکہ ۔۔۔
خیر اصل بات تو بتائ نہیں اور وہ یہ کہ ہم نے اس شریف آدمی کی مہندی منعقد کرنے کی ٹھانی تھی اور تمپرے میں خواص کو آگاہی دے دی گئ تھی۔ پچھلے 2 ہفتوں کی مسلسل محنت کے باوجود ڈھولک کی دستیابی ممکن نا ہو سکی تھی چنانچہ ارم کون مہندی کے جلو میں، میں یاسر کے ساتھ تمپرے کی طرف رواں دواں تھا۔ ٹرین میں حسب معمول دو فنش دوشیزائیں دیکھ کر ہم نے سیٹ پکڑلی (‌یا شاید اپنی سیٹ پکڑنے کےبعد انکو دیکھ کر شکر ادا کیا۔ صحیح سے یاد نہیں) اور پھر سفر شروع ہوگیا۔ تھوڑی دیر میں ہی پتا چل گیا کے موصوفہ اخیر پڑھاکو اور سارا راستہ انہوں نے نوٹس تیار کرنے ہیں۔ یاسر کو بہت مایوسی ہوئ۔ لیکن اس کو موقعہ بھی میسر آگیا اور چنانچہ اس نے لگے ہاتھوں اپنا تھیسس پراجیکٹ دکھانا شروع کردیا۔ میں نے دیکھ لیا۔
تمپرے پہنچ کر میں نے اہلیان محفل کو فون کرنا شروع کیا اور 11 بجے تک جملہ احباب مدعو ہو چکے تھے۔ کچھ چائے ناشتے کا بندوبست بھی کرلیا گیا تھا اور پھر کام شروع ہوگیا :)
تفصیل یہال لکھنے کا کوئ فائدہ نہیں ہے کیونکہ متصل ویڈیو میں آپ عارف کی مہندی کو بمعہ فیصل آبادی براہ راست کمنٹری کے سنیں گے۔ انشاءاللہ۔
خاص و عام کی اطلاع کے لیے عرض ہے کہ اس ویڈیو میں کچھ ضرورت سے زیادہ فرینک کمنٹری بھی موجود ہے ۔

مہندی کے بعد اصل یعنی گانے کی محفل سجی۔
مجھ میں چونکہ ہر طرح کا ٹیلنٹ (بے شرمی پڑھیں) کوٹ کوٹ کر بھرا ہے چنانچہ میں نے بڑھ بڑھ کر گانے گائے اور ڈھولک بجائ۔ یہ ڈھولک خاص طور پر عارف کے فرائنگ پان سے تیار کیا گیا تھا ۔ میرے علاوہ احسن نے عطاء اللہ کے گانے گا کر لوگوں کی باتیں سنیں۔ بالا آخر اکبر بھائ جو کہ ویڈیو میں کیمرہ میں کے فرائض بھی انجام دے رہے تھے نے ایک دو اچھے گانے گا ڈالے :D
اس طرح عارف کی مہندی کی یہ محفل صبح 4 بجے تک چلی۔ اسکے بعد عمران باجوہ کی پرزور فرمائش پر سب سونے کے لیے چل پڑے کیونکہ اگلےدن 11 بجے پروگرام کے مطابق ہم سب نے ٹریکنگ پر جانا تھا ۔
اگر آپ کو اوپر کی کسی بھی بات پر اعتراض ہے تو ۔۔
بڑی عجیب سی بات ہے :?

27 May - ورلڈ ولیج فیسٹیول

2007-05-27T22:47:00.000+03:00

پچھلے ہفتے میں‌ نے ککنگ سیشن ارینج کیا تھا ۔ اس کا زکر میں نہیں‌ کرسکتا یہاں‌ کیونکہ مجھ سے اپنی تعریفیں نہیں‌ ہوتیں۔ بلشنگ بلشنگ۔
آج کی کہانی
آج صبح‌ سے موسم بہت خوشگوار ہے اور گرمیوں‌ کا آغاز حقیقتاً ہوتا نظر آرہا ہے۔
ہمارا کرکٹ گراؤنڈ آج بچوں کی اتھلیٹکس کے لیے مخصوص تھا اور دوپہر کو ہمیں‌ معلوم ہوا کے آج ورلڈ ولیج فیسٹیول کا دن ہے چنانچہ ہم (میں، سہیل، وقاص اور علی زیدی) نے وہاں جانے کا فیصلہ کر لیا۔
سہیل چونکہ میرے پاس آیا ہوا تھا اور فیسٹیول میں‌ جانے سے پہلے فارغ بھی تھا چنانچہ میں‌نے لگے ہاتھوں‌اس کا پہلے اپنے ایک مجوزہ ویڈیو کے لیے انٹرویو بھی ریکارڈ کر لیا۔ مذکورہ ویڈیو بشرط تکمیل انشاءاللہ جلد ہی تم سب کو دکھاؤنگا ۔ زبردستی
خیر وہاں‌ پہنچ کر پہلے ہم نے دیسیوں‌ کی دکان سے کھانا کھایا اور پھر میلہ دیکھنے لگ گئے ۔
اس میلے میں‌ زیادہ تر سوشلسٹ خیالات کے اسٹالز نظر آئے۔ میں‌ نے بھی ایک انٹی کیپیلسٹ‌اور ایک نمبر ون ٹیررسٹ کے دو بیجز لیے اور اپنے سینے پر آویزاں‌ کیے پھرتا رہا۔ ایمنسٹی انٹرنیشنل کے اسٹالز پر سے ہمیں‌ نو ٹارچر ہیر کی راکھی ملی جو کہ ہم نے خود سے اپنے ہاتھوں‌ میں‌ باندھ لی جبکہ علی نے محترمہ کی مدد حاصل کی ۔ پس ثابت ہوا ۔۔۔
افریقن اسٹالز ہی زیادہ تر چھائے ہوئے تھے اور ہم نے بھی زیادہ ٹائم ادھر ہی گزارا۔
اب یہاں‌ میں‌ ویڈیوز کے ربط دے رہا ہوں‌ جو کے میں‌ نے وہاں‌ ریکارڈ کیں ۔ دیکھ کر ثواب دارین حاصل کریں۔ اپنے خرچے پر