नेपाली गजलहरुको ब्लग

गजल

noreply@blogger.com (Yatri Shekhar) — Sat, 10 Dec 2011 12:49:00 +0000

अभागी कान्छा गाउले

आँखा डुलाई गजलको, बहरमा खोजि रा'छु !
हराएकी मायालुलाई, सहरमा खोजि रा'छु !!

याद आउदा पर्दा तानि, झ्याल बाट तल हेर्दै
दिन रात उनैलाई, हर प्रहरमा खोजि रा'छु !!

आँशु बगाई बिते कत्ती, चिसा मेरा रातहरु
पाउने आसा नमरे रै, रहरमा खोजि रा'छु !!

एकान्तमा टोलाएर, सम्झनामा एक्लै पाउदा
स्नान गर्ने सधै उनको, नहरमा खोजि रा'छु !!

आसा सबै मरी सके , लोलाई सके नजर पनि
उन्लाई भेट्ने बाटो अब, जहरमा खोजि रा'छु !

गजल

noreply@blogger.com (Yatri Shekhar) — Sat, 10 Dec 2011 12:48:00 +0000

सँचारकर्मि श्यामशुन्दर पुडासैनी

रात को शित बाँकी छ, नव बसन्त 'आ' छैन,
चिस्याउने जाडो बाँकी छ, शिशिर अझै 'गा' छैन,

पोहोर साल हालेको, जडौरीको लुगा मेरो,
जस्ता को तस्तै नै छ, अहिलेसम्म 'ला' छैन,

मौका मा चौका हान्न कुरेर नै बसी 'रा' छु,
केही दिन अरु पर्ख, समय ठीक भा छैन

गजल

noreply@blogger.com (Yatri Shekhar) — Sat, 10 Dec 2011 12:45:00 +0000

शिब सिग्देल

अमिट माया पाउने आशमा रित्तो मेरो हात भयो
अभागिको कर्म यस्तै एका देशको बात भयो

माहान तिनको उदेश्य लाइ बुझ्ने प्रयास गर्छु भन्दा
अनयाशै आज किन सपना को रात भयो

पागल प्रेमि पात्र बनी समिप्यमा गइ बस्दा
बेशहारा एक्लो हुनु जिन्दगीको मात भयो

अभिशाप भइ आउनु रैछ उनको बचन तोड्न खोज्दा
बेदनाले मुटु भरी अतितको खात भयो

गजल

noreply@blogger.com (Yatri Shekhar) — Sat, 10 Dec 2011 12:39:00 +0000

यात्री शेखर

एउटै मन कहिले आगो कहिले पानी हुन्छ ।
भइदिन्छ कहिले राजा कहिले रानी हुन्छ ।

खुसी हुदाँ उफ्रिएर मनको हिमाल चढे पनि,
यही मन कहिले बद्मास् कहिले ज्ञानी हुन्छ ।

संसारको रीतसँग मिल्नु पर्ने बाध्यता छ
त्यसैले पो कहिलो चोर कहिले ध्यानी हुन्छ ।

दुई कृति सार्वजनिक

noreply@blogger.com (Yatri Shekhar) — Fri, 02 Dec 2011 13:28:00 +0000

दमक १६ मंसिर । मिडिया नेटवर्क भूटानको आयोजनमा आज शुक्रबार दमक १० स्थित गन्तव्य थिएटरको हलमा दुई साहित्यिक कृतिको विमोचन भएको छ ।
वारँगी मोरँगका स्रष्टा शन्देस तुम्बापोको गजल कृति अतीतका शब्दहरु र नेपालीभाषी भूटानी स्रष्टा धर्मेन्द्र तिम्सिनाको रुबाइ र गजलको सँयुक्त कृति जानु कहाँ हो क्रमस सँगीतकार मणिकमल क्षेत्री, डि.बि. शारु र युवा समालोचक मुनाराज शेर्माले सँयुक्त रुपमा विमोचन गरेका थिए ।
अतीतका शब्द माथि स्रष्टा भुपेन्द्र तिम्सिना र जानु कहाँ हो माथि स्रष्टा धनकुटेकान्छाले समिक्षा गरेका थिए । यसैगरी मिडिया नेटवर्क भूटानले सुरुवात गरेको प्रत्येक महिनाको अनलाई फोटो प्रतियोगिता अन्तर्ग अक्टुवरको बिजयी फोटोग्राफर काशी कँडेललाई पुरस्कार प्रदान गरिएको थियो ।
कार्यक्रमा स्रष्टाहरु प्रकाश आङ्देम्बे, सुन्दर कुरुप, बैदिक अत्री, जितेन मुस्कान, लिला निशा, दिपा प्रहार, एलिना सँग्रौला, रत्न तुम्बापो, देउकुमार तामाँग, यमन सुवेदी, कृष्ण घिमिरे आदिले रचना वाचन गरको सो कार्यक्रम सञ्चालन ज्योति भट्टराइले गरेका थिए भने मेडिया नेटवर्क भूटानका कार्यकारी प्रमुख मनरथ पोख्रेलको अध्यक्षतामा सम्पन्न भएको थियो ।

धरानमा गजल प्रतियोगितासंगै रमाइलो

noreply@blogger.com (Yatri Shekhar) — Sat, 26 Nov 2011 12:43:00 +0000

इटहरी १० मंसिर । सुनसरीको धरानमा जिल्ला स्तरिय खुल्ला प्रतियोगितात्मक गजल गोष्ठि सम्पन्न भएको छ ।
नेपाल गजल प्रतिष्ठान सुनसरी शाखाले आयोजना गरेको कार्यक्रममा सुनसरी जिल्लाका नयाँ तथा पुराना सर्जकहरुले भाग लिएका थिए ।
प्रतियोगितामा अर्जुन भट्टराई, आश्था आले, तेजोत्पल भट्टराई र आनन राईका गजलला

ई उत्कृष्ट घोषणा गरिएको थियो । उत्कृष्ट गजलकारलाई कार्यक्रमका प्रमुख अतिथी प्राध्यापक डा टंक न्यौपानेले पुरस्कार र प्रमाणपत्र वितरण गर्नुभएको थियो ।
कार्यक्रममा प्रतियोगि सगै अप्रतियोगी गजलकारहरुले पनि गजल बाचन सगैं गजलको संरचना इतिहास र वर्तमान अवस्थकाका बारेमा चर्चा गरेको थिए ।

चर्चा गर्ने गजलकारहरुमा नेपाल गजल प्रतिष्ठानका अध्यक्ष यात्री शेखर, साहित्यकारहरु हेमन यात्री देवान किराती, सुदिप पाख्रीन, करुणा राई चन्दा खडकालगायत थिए ।
कार्यक्रममा धेरै प्रतियोगी तथा अप्रतियोगी गजलकारले गजल गाएर मन्त्रमुग्ध पारेका थिए । गजलबाचनमा प्रफुल्लराज भण्डारीलेले नाचेर कार्यक्रमको रौनक अझ थपेका थिए ।

मोतीराम दिवसको अवसरमा गजल प्रतियोगिता र स्मारिका विमोचन

noreply@blogger.com (Yatri Shekhar) — Mon, 29 Aug 2011 16:23:00 +0000

इटहरी १२ भदौ । १४६ औ मोती जयन्तीको अवसरमा धनकुटामा खुल्ला गजल प्रतियोगिता भएको छ । नेपाल गजल प्रतिष्ठान धनकुटाशाखा र सल्लेरी साहित्य संगमले आयोजना गरेको प्रतियोगितामा कृष्ण सदवहारले प्रथम स्थान हासिल गरेका छन् । त्यस्तै खगेन्द्र भण्डारीले दोस्रो, खगेन्द्र थापाले तेस्रो र मिलन पराजुलीले सान्त्वना स्थान हासिल गरेका छन् । उहाँहरुलाई कार्यक्रमका प्रमुख अतिथि धनकुटाका कोष तथा लेखा नियन्त्रक बाबुराम सुवेदी, साहित्यकार शेषराज शिवाकोटी, समाजसेवी दोर्ण गुरागाईँलगायतले पुरस्कार तथा प्रमाणपत्र वितरण गर्नु भएको थियो । सो कार्यक्रमको सभापतित्व सल्लेरी साहित्य संगम धनकुटाका अध्यक्ष रमेशचनद्र अधिकारीले गर्नु भएको थियो । त्यस अवसरमा साहित्यकार शेषराज शिवकोटीलाई सम्मान गरिएको थियो ।
यस्तै नेपाल गजल प्रतिष्ठान भोजपुर शाखाले प्रकाशित मोत जयन्तीका अवसरमा गजल स्मारिका विमोचन गरेको छ ।
पुस्तकमा केहि महिनाअघि भोजपुरमा आयोजित पूर्वाञ्चलस्तरीय गजल प्रतियोगितामा सहभागी रचनाको साथमा अन्य गजलकारहरुको रचना समावेश गरिएको छ । नेपाली साहित्य विधामा लोकप्रिय बन्दै गएको गजलप्रति युवाको उत्साहलाई प्रतिष्ठानले सम्मानस्वरुप गजलसम्बन्धी खुराकहरु पस्किदै जाने गजल प्रतिष्ठान भोजपुरका अध्यक्ष राजन साम्पाङले बताउनुभएको छ ।
उता रोल्पाको लिबाङमा तीन वटा कृति एकैसाथ विमोचन भएका छन् । राप्ती साहित्य परिषद् जिल्ला शाखा रोल्पाले आज लिबाङमा ‘जिल्ला स्तरीय गजल प्रतियोगिता तथा साहित्यिक कार्यक्रम’को आयोजना गरी जलजला रोकामगरको ‘समर्पण’ गजलसंग्रह, डी.वी.मगर ‘स्वेद’को ‘एक यात्रा अनेक मोड’ गजलसंग्रह र मधु वलीको ‘अधुरो जीवनको अधुरै सपनाहरू’ जीवनीसंग्रहको विमोचन गरेको हो । वरिष्ठ साहित्यकार नारायणप्रसाद सुवेदीले कृतिहरु विमोचन गर्नु भएको राप्ती साहित्य परिषद् जिल्ला शाखा रोल्पाका अध्यक्ष डी.वी. टुहुरोले जानकारी दिनुभयो ।
यस्तै १ सय ४६ औ मोतीजयन्तीको अवसरमा आज जलजला बहुमुखी क्याम्पस लिबाङ रोल्पामा गजल बाचन कार्यक्रम सम्पन्न भएको छ । निमित्त क्याम्पस प्रमुख भिमबहादुर पुनमगरको अध्यक्षतामा सम्पन्न कार्यक्रममा प्राध्यापकहरु दिपेन्द्र शर्मा, नवीन कुमार श्रेष्ठ, गोकर्ण प्रसाद पुनमगर, अमृत बाँठामगर, खेम बहादुर खड्का क्षेत्री, कृष्ण प्रसाद न्यौपाने लगायतले मन्तव्य तथा रचना बाचन गर्नुभएको थियो । त्यस्तै कार्यक्रममा क्याम्पसमा अध्ययनरत खेमराज गाउँले, टेककुमारी वली, सिर्जना शर्मा, यम विरही मगर, निमकुमारी डाँगी, सिर्जना सेन, कर्ण डाँगी, नरेन्द्र बुढामगर, शान्ति घर्तीमगर, श्याम लेकाली, खिमराज कवर, लोकन्द्र थापामगर लगायतले गजल तथा रचनाहरु बाचन गर्नुभएको थियो । कार्यक्रमको सन्चालन क्याम्पसका उपप्राध्यापक होमनाथ न्यौपानेले गर्नुभएको थियो ।

सपनाको राजधानी र गजलको माहौल

noreply@blogger.com (Yatri Shekhar) — Mon, 27 Jun 2011 04:30:00 +0000

यात्री शेखर

फोटो राखेर सुतेपछि सिरानीमा सपनी देखिनँ नभन्नु ।

मनको बलेँसीमा कुल्चिएर पनि आँगन टेकिन नभन्नु ।

हो तिमीले दिएकी छ्यौ, मैले पिएको छु मर्म तिम्रो,

दुई शबद कोरेर दिइ सके पछि चिठ्ठी लेखिँन नभन्नु ।

उनका यी शेरको निक्कै तारिफ भयो एउटा गजलमय जमघटमा । झापा, मोरङ्ग, सुनसरीमात्र हैन काठमाण्डौ देखिका गजलकार भेला भएका थिए शनिबार इटहरीमा । त्यही माहौलमा हो सिताराम सुचारुका यी गजल शेरको तारिफ भएको । सुचारुको गजल संग्रह सपनाको राजधानी विमोचनको बाहनामा भएको जमघट गजलमा गतिलो जम्यो ।

तिमीले पठाको चिठ्ठीमा खाम थिएन ।

कुनै पनि हरफमा मेरो नाम थिएन ।

कस्तो लेख्छौ प्रमी, खै कस्तो लेख्छौ,

तिमीले लेखेको शब्दको कुनै काम थिएन् ।

यस्तै यस्तै

कतै मायाका शेरहरु कतै राष्ट्रियताका भावहरु अनि कतै विकृति र विसंगती बिरुद्धका प्रहार केही जिवनका मुल्यहरु समेटेका शेरले भरिपुर्ण सपनाको राजधानी विमोचन कार्यक्रममा पनि यस्तै गजलहरु वाचन भए अरुबाट । काठमाण्डौको ब्यस्ततामा बिरामीका कथा ब्याथासंग परिचित डा निरज भट्टराईको यो अभिब्यक्तिले तिनै भावनालाई मलजल पुर्याउँछ ः

सिङ्गै आकाश पिँजडामा राख, चरा रमाउदैन ।

चराले आकाश हैन, पिँजडा मन पराउदैन ।

जस्ले यो गीत सुनेको छ त्या बहिरो भएको छ, तैपनि यो गीत नसुनी यहाँ कोही निदाउँदैन ।

भर्खरै सकिएको राष्ट्रिय कविता महोत्सवमा तेस्रो भएका बाबु त्रिपाठी र राबत दुवै उत्तिके जमे इटहरीको कार्यक्रममा बाबु त्रिपाठीले आफ्नो गजल सुनाए यसरी

बाढी घुम्दै आयो अरु केही गरेन् ।

सबथोक बगायो अरु केही गरेन् ।

मेरो घरमा आएर चराले पनि,

आफ्नो घर बनायो अरु केही गरेन् ।

काठमाण्डौबाट आएका मनोज न्यौपानेका गजल पनि उत्तिकै दमदार थिए । यता मोरङ्ग सुनसरी र झापाका गजलकार झन

के कम हुन्थे र जे वी थुलुङ्गको गजल गयक साजन राइले गाए, सिताराम सुचारुको गजल सुजाता विष्टले गाइन उसैगरी । टिका अत्रेय, तीला लेकाली, पुनम अधिकारी, इश्वर लम्सालले आफ्ना

गजल सुनाए स्वरको जादु देखाउदै सबैको भन लोभ्याएर ।

कार्यक्रमको अर्को रमाइलो थियो हेमन यात्रीको सञ्चालन । उनले बा आमाले खाएको रक्सी लागेको देखि जिव्रो लटपटिने कुरा झिकेर उपस्थितहरुलाई हसाइ रहे हसाइ रहे । सर्जकको रचनामा उनले दिने प्रतिक्रियाले पनि हाँस्न बाध्य पाथ्र्यो कुनै वेला । त्यसैमा रमाइलो थपियो अर्को । कवि कृष्णभुष्ण बलले गाए जेवी थुलुङ्गको गजल साजन राइ जसरीने त्यसवेला सबै जना चकित भए बलको स्वर सुनेर ।

विरेश राई, कृष्णउदाशी, एकराज दोसाँध, हेमसागर तिम्सिना, करुणा राईका गजलले पनि वा वाही पाए । मिश्र बैजयन्तीले सपनाको राजधानीलाई गरेको टिप्पणीमा सबै एकमत भएका थिए । उनको प्रस्तुतीलाई सबैले मन पराएको आभाष पाउन कसैलाई गाह्रो भएन किनकी उपस्थित सबैले त्यो मन पराएका थिए ।

अन्त्यमा बरिष्ठ गजलकार ज्ञानुवाकर पौडेल र कवि मनु मन्जिलका प्रस्तुती कायृक्रमका लागि बढी बजनदार बने साहित्य र गजल पारखीका लागि उनिहरुले गजल र कविताको विशिष्टता प्रष्ट्याए उदाहरण सहित । इटहरी नगरपालीकाको सास्कृतिक भवनमा भएको कार्यक्रममा चार घण्टा वितेको पत्तो नपाउदै सकियो कार्यक्रम तर पनि अझै धेरै गजलकारहरु आफ्ना सिर्जना सुनाउन नपाएर बिच्कीए भन्दै थिए कार्यक्रम सञ्चालक हेमन ।

गजल

noreply@blogger.com (Yatri Shekhar) — Tue, 21 Jun 2011 15:55:00 +0000

यात्री शेखर

मैले आकाश खसाउँनुछ, र त गजल लेख्छु ।

आँधी, बतास बसाउँनुछ, र त गजल लेख्छु ।

घाम जुन रातदिन, किन लुकामारी खैल्छन् ?

दुवै जालमा फसाउँनुछ, र त गजल लेख्छु ।

आजकाल देख्छु यहा, मानवियता टुक्रदैछ,

उस्मा संवेग पसाउँनुछ र त गजल लेख्छु ।

अरु हैन आफैबाट, सकिदैछ मान्छे यहाँ,

विकृतीहरु भसाउँनुछ, र त गजल लेख्छु ।

आ आफ्नै चोटब्यथा, दुःखी रा’छ सबै मान्छे,

हरेकलाई हसाउँनुछ, र त गजल लेख्छु ।

गजल, सम्मान र जुही

noreply@blogger.com (Yatri Shekhar) — Sun, 12 Jun 2011 15:50:00 +0000

यात्री शेखर

शितको थोपा थोपामा रम्ने घाम हो गजल

सुन्यो की मन चञ्चल हुने नाम हो गजल ।

संगत त्यसै गरेका हैनन गालिब मोतीले ,

नपिउदै मात लगाइदिने जाम हो गजल ।

प्राज्ञ बुंद रानाले गजलको परिभाषा गजलमै गरे । गजलको विशेषता गजलमै सुनाए र गजलको महिमा गजलमै गाए । आफु गजलकार बन्नुको यथार्थ पनि गजलबाटै प्रष्ट पारे ।

विराटनगरमा शनिबार गजलमय जमघट भयो । नेपाली गजलका हस्ति रानादेखि भर्खरै गजलमा कलम चलाउन थालेका नवयुवासम्मले गजल सुनाए । दाह्री समेत सेताम्य भएका झापाली साहित्यकार केशव आचार्यले मायाले गर्ने तमासा ग

जलमा ब्यक्त गरे

मायामा अनेक अनेक हुन्छ ।

साँच्चै पो त उदेक उदेक हुन्छ ।

संसारको रीत नै यस्तो छ की,

प्रायः मायामा थुनछेक हुन्छ ।

जुही साहित्यिक त्रैमासिक पत्रिका चन्द्रगढी झापा र मोतीराम राष्ट्रिय साहित्य प्रतिष्ठान विराटनगरले आयोजना गरेको कार्यक्रममा सम्मानितहुने हरुलेमात्र गजल सुनाउन पाए र भ्याए । गजल सुनाउने रहर बोकेर आएका धेरै इच्छा भने अधुरै रह्यो ।

तिमी बाँच्दा तिमीसगै बाँच्ने हजार—हजार हुन्छन् ।

तिमी मर्दा हुन्छौ एक्लै नाच्ने हजार—हजार हुन्छन् ।

कहाँ हुन्छ फक्रेपछि नझरेको फूलको कथा,

तर फुलिदि न्छ फूल भाँच्ने हजार—हजार हुन्छन् ।

जुही गजल रत्नबाट सम्मानित विवश बलिभद्र कोइरालाले जीवनलाई यसरी नै परिभाषित गरे गजलमा । कोइरालासगै जुही गजल रत्नबाट सम्मानित भए गजलकारहरु केशव आचार्य, वीरेश राई, प्रकाश आङ्देम्बे, आरती पोखरेल, रोमा निरौला, दीपक सुवेदी, सुमित्रा वाङ्देल चेली, टीका आत्रेय पनि । उनिहरु सबैले गजल सुनाउने मौका पाए पुर्वका साहित्यकारहरुको त्यो बृहत भेलामा ।

सुनिरहँ जास्तो लाग्छ सधै उनका कुरा ।

एकान्तमा एक्लै गर्छु तारा जुनका कुरा ।

रोमा निरौलाले मायाको भाव व्यक्त गरिन गजलका शेरहरुमा यसरी नै । झापा

मोरङं र सुनसरीका दजनौ साहित्यकार भेला भएको कार्यक्रममा जुही त्रैमासिकले वरिष्ठ गजलकार बुँद रानालाई जुही गजल शिरो

मणि सम्मानबाट सम्मानित गर्यो । सम्मानका क्रममा भाषाशास्त्री बालकृष्ण पोखरेलले रानालाई लगाउनु पर्ने सम्मानको टोपी आफै लगाएर मञ्चमा बसेपछि माहौल रमाइलो बनेको थियो । उनले आफ्नो टोपीमा माथी त्यो टोपी लगाएका थिए । उनको टाउकामा दुईवटा टोपी भएको थियो ।

अरु सम्मानित व्यक्तिहरुलाई कार्यक्रमका प्रमुख अतिथि प्राज्ञ बुँद राना, प्राज्ञ तथा वरिष्ठ कवि कृष्णभूषण बल, भाषाशास्त्री बालकृष्ण पोखरेल, प्राज्ञ अनिरुद्ध तिम्सिना, जुही पत्रिकाका सम्पादक चूडामणि रेग्मीलगायतले संयुक्त रुपमा सम्मान गरेका थिए ।

कार्यक्रममा गजलकार मधु पोखरेल विशेषाङ्क जुहीको समेत लोकार्पण गरिएको थियो । विशेषाङ्कमा गजलकार मधु पोखरेलका विषयमा विभिन्न स्रष्टाहरुले लेखेका रचना तथा लेखहरु समावेश गरिएको छ । कार्यक्रममा वरिष्ठ पत्रकार कोशराज रेग्मी, बुँद राना, प्रा.डा. टंक न्यौपाने, प्राज्ञ कृष्णभूषण बल, मधु पोखरेल, ज्योति जंगल, गण्डकीपुत्र, मिश्र वैजयन्ती, केदार आचार्यलगायतले सम्मानित व्यक्तिहरुलाई शुभकामना दिएका थिए ।

गजल

noreply@blogger.com (नेपाली गजल) — Wed, 25 May 2011 05:56:00 +0000

सुरज पौडेल

तिमीले नै मलाइ नजरवाण, हान्न सिकायौ ।
छाडिदियौ फेरी आज चुरोट, तान्न सिकायौ ।

मलाइ साथ दियौ हिजो, आज शायद कसैलाई,
तिमी जस्तै मलाइ पनि अरु, छान्न सिकायौ ।

सगै थियौ जब तिमी, लाग्थ्यो सत्ययूग थियो,
गयौ तिमी अनि कलियूग, जान्न सिकायौ ।

हिजो तिम्रो बाटोमा, जिन्दगीलाई हिडाएँथे,
आज भने जिन्दगीको बाटो, मान्न सिकायौ ।

Phy_suraj11@yahoo.com

तेह्रथुममा गजल प्रतियोगीता

noreply@blogger.com (नेपाली गजल) — Wed, 25 May 2011 05:48:00 +0000

तेह्रथुम । नेपाल गजल प्रतिष्ठान जिल्ला शाखा तेह्रथुमले तेह्रथुमको शुक्रबारे बजारमा खुल्ला गजल प्रतियोगीता सम्पन्न गरेको छ ।

प्रतियोगितामा रुपाञ्जली लिम्बू प्रथम दिलेन लिम्बू, द्वितिय र आईन्द्र मादेन तृतिय स्थान प्राप्त गर्नुभएको थियो । प्रथम, द्धितिय र तृतिय हुने गजलकारहरुलाई नगद तथा प्रमाण पत्र प्रदान गरिएको थियो साथै सहभागी सम्पुर्णलाई प्रमाणपत्र प्रदान गरिएको थियो । कार्यक्रममा ९ जना गजलकारहरुको ससहभागीता थियो ।

कार्यक्रममा रुपाकोट एफ एम खोटाङका गजलकार सम्झना भुजेल, गणतन्त्र एफ एम ससुनससरीका गजलकार ‘दुखी रहेको सन्देश’, बी एफ एम मोरङका गजलकार धनुषा अन्जान चेम्जोङले फोन मार्फत ससहभागीता जनाउनु भएको थियो सो कार्यक्रममा विभिन्न राजनिति दलका प्रतिनिधि विभिन्न संघससंस्थाका प्रतिनिधिको उपस्थिति थियो ।

नेपाल गजल प्रतिष्ठानका संस्थापक केन्द्रिय अध्यक्ष एकु घिमिरेको प्रमुख आतिथ्य तथा प्रतिष्ठानको शाखा तेह्रथुमका अध्यक्ष दिल पाक्ससावा ‘नामराक’को सभापतित्वमा सम्पन्न कार्यक्रममा फक्ताङलुङस सांस्कृतिक मञ्च र ससंघीय लिम्बुवान कलाकार परिषदको समेत सांस्कृतिक प्रस्तुति रहेको थियो साथै कार्यक्रमको संचालन नेपाल गजल प्रतिष्ठान जिल्ला शाखा तेह्रथुमका सचिव नाम्सामी प्रकाश पाक्सवाले गर्नुभएको थियो ।

गजल

noreply@blogger.com (नेपाली गजल) — Tue, 03 May 2011 05:14:00 +0000

दिल पाक्सावा ‘नामराक’

काँडा बिचमा फुल्छ दुखेर फूल ।
टाढा क्षितिज पारी लुकेर फूल ।

रोयो बिचरा साह्रै खडेरी लाग्दा,
फेरि ओईली गयो झुकेर फूल ।

धोको उसको ठूलो सुगन्ध छर्ने,
साथ नपाई हेर सुकेर फूल ।

स्वार्थी संसारबाट बिदाई भयो
बाँच्ने आधारबाट चुकेर फूल ।

dilpratikshya@gmail.com

सुचना ! सुचना !! सुचना !!

noreply@blogger.com (नेपाली गजल) — Fri, 29 Apr 2011 03:13:00 +0000

यहि मिति २०६८ वैसाख २४ गते शनिवारका दिन नेपाल गजल प्रतिष्ठान जिल्ला शाखा तेह्रथुमको आयोजनामा छथरको शुक्रबारे बजारमा हुन गईरहेको गजल वाचन प्रतियोगिता साथै फक्ताङलुङ सास्कृतिक मञ्चको सास्कृतिक प्रस्तुती र संघीय लिम्बुवान कलाकार परिषदको केलाङ समेत रहने भएकोले गजलकार तथा सम्पुर्ण महानुभावहरुलाई उपस्थित भई कार्यक्रमको शोभा बढाई दिनुहुन अनुरोध गर्दछौ ।

नोट गजल वाचन प्रतियोगितामा सहभागी हुने साहित्यकारहरुले २३ गते सम्ममा आफ्नो गजल दर्ता गर्नु पर्नेछ   ।



                                        आयोजक                                नेपाल गजल प्रतिष्ठान
                               जिल्ला शाखा तेह्रथुम
थप जानकारीको लागी ९८४२३०५९८५, ९८४२२५५२००, ९८४२१४७८१३

लोकतन्त्र दिवसका अवसरमा गजल गोष्ठी

noreply@blogger.com (नेपाली गजल) — Sun, 24 Apr 2011 15:42:00 +0000

इटहरी । नेपाल गजल प्रतिष्ठानले आइतबार धरानमा गजल गोष्ठि गरेको छ ।

लोकतन्त्र दिवसको अवसर पारेर आयोजना गरिएको गोष्ठिमा दुई दर्जन बढी गजलकारले आफ्ना गजल सुनाएका थिए । गजलकारहरुले देशको वर्तमान परिवेशलाई गजलमा उतारेका थिए । पिण्डेश्वर बिद्या पीठ धरानको सभाहलमा भएको कार्यक्रममा डा भिम खतिवडा, एकु घिमिरे, सुदिप पाख्रीन, श्रेष्ठ परिक्रमा, के पी लम्साल, सिजन नयन श्रेष्ठलगायतका गजलकारले गजल प्रस्तुत गरेका थिए ।

लोकतन्त्र प्राप्तिको आन्दोलनमा होमिएका श्रष्टाहरुलाई लोकतन्त्र दिवसमा अवसरमा प्रतिष्ठानले सृजना सुनाउने अवसर जुटाएको प्रतिष्ठानका सचिव केपी लम्सालले बताउनु भयो । उहाले लोकतान्त्रिक आन्दोलनले दिएको कार्यदिशा देशका नेताहरुले पुरा नगरेकाले झक्झक्याउन कलम जिविहरुलाई भेला गराएको बताउनु भयो ।

सोहि भेलाले प्रतिष्ठानको सुनसरी शाखा समेत गठन गरेको छ । श्रेष्ठ परिक्रमाको अध्यक्षतामा १० सदसिय कार्यसमिति गठन गरिएको हो । नवगठित समितिको उपाध्यक्षमा प्रकाश दिप्साली मिराक, सचिवमा रोम ढुगेंल, सह सचिवमा भुवन पौडेल रहेका छन् । त्यस्तै सदस्यमा शुशिला कार्की, पशुपति ढुगांना, खेमराज खनाल, मणी राई, प्रफुल्ल भण्डारी र अर्जुन राई रहेका छन् ।

नेपाली गजललाई साहित्यको छुट्टै विधाका रुपमा स्थापित गराउने अभियानमा जुटेको प्रतिष्ठान नेपाल भरि विस्तारित भैरहेको प्रतिष्ठानका अध्यक्ष यात्री शेखरले बताउनु भयो । उहाले नेपाली गजललाई स्थापित गराउन लागि परेका विभिन्न संस्थाको छाता संगठनका रुपमा गजल प्रतिष्ठानले कार्य गर्ने जानकारी दिनुभयो ।

लोकतन्त्र दिवसमा कविता प्रतियोगिता

noreply@blogger.com (नेपाली गजल) — Sun, 24 Apr 2011 15:39:00 +0000

धनकुटा । नेपाल गजल प्रतिष्ठान धनकुटाको आयोजनामा धनकुटामा शनिबार खुल्ला कविता प्रतियोगिता सम्पन्न भएको छ ।
पाचौ लोकतन्त्र दिवसको अवसरमा सम्पन्न प्रतियोगितामा १७ जना प्रतियोगीहरुको सहभागिता थियो ।
जस्मा निर्मला कुवर प्रथम, उत्तम लिम्वु दोश्रो, द्धवारिका रिजाल तेश्रो र कृष्ण सदावहार सान्त्वना हुनु भएको छ । प्रतिष्ठानका धनकुटा अध्यक्ष यादव तिम्सिनाको अध्यक्षतामा समपन्न प्रतियोगितामा प्रथम दोस्रो तेस्रो र सान्तव्ता हुनेलाई प्रमुख अतिथी कृष्णप्रसाद वस्ती तथा विशिष्ट अतिथि शेषराज शिवाकोटीले पुरस्कार तथा प्रमाण पत्र प्रदान गर्नु भयो । साथै प्रतियोगितामा सहभागि मध्ये कम उमेरका प्रज्वल भण्डारीलाई समेत पुरस्कार प्रदान गरिएको सचिव खगेन्द्र भण्डारी जानकारी दिनुभएको छ । सो अवसरमा गजलकार रामु घिमिरे क्ष्ितजको काचँ टुटेपछि गजल सग्रह विमोचन गरिएको छ । मोरङगको इटहरा घर भएका गजलकार क्षितिजको धनकुटामा रहि साहित्य सिर्जना गरिरहनु भएको छ । उहाको यो गजल सग्रह पहिलो कृति हो । कार्यक्रममा साहित्कार पिताम्वर भट्टराई टिकाप्रसाद लामिछाने मुकुन्द प्रयास जनार्दन गोठाले रमेशचन्द्र अधिकारी वावुराम सुवेदी लगायतको उस्थिीति थियो ।

गजल

noreply@blogger.com (नेपाली गजल) — Fri, 15 Apr 2011 08:47:00 +0000

यात्री शेखर

नियम मिचेर गजल सुनाएँ ।
जरुर किटेर गजल सुनाएँ ।

सञ्चार सम्बन्ध बिच्छेद जस्तै भो,
झ्याली पिटेर गजल सुनाएँ ।

बसन्त लागेर राताम्य पाखामा,
गुराँस टिपेर गजल सुनाएँ ।

संस्कृति विविध्छ डाँडाबजारमा,
त्यै हुर्रा मिसेर गजल सुनाएँ ।

बजाइ ढोल ती डाँडामा नाचेर,
हाक्पारे झिकेर गजल सुनाएँ ।

कुरा नै नगरौं आत्मियपनको,
आफैलाई बिर्सेर गजल सुनाएँ ।
मिति २०६८ बैसाख २

गजल

noreply@blogger.com (नेपाली गजल) — Fri, 15 Apr 2011 08:45:00 +0000

तिर्थ"यात्री"पौडेल

नब बर्ष तिमी आउदा खुशी बोकी आउ

हत्या हिंसा बलात्कारको बाटो रोकी आउ//

नेपालीको चाहाना त्यो नँया कानुन बन्ने

जेठ १४ निश्चित गरी मिति तोकी आउ //

देश डुबाउने भ्रस्टचारी घुसखोरी खोज्दै

छानी छानी एक एक गरी गोली ढोकी आउ//

बुद्ध भुमि हाम्रो देश शान्ति प्रिय नेपाल

पबित्र भइ नमो पद्मे शान्ति घोकी आउ//

गजल

noreply@blogger.com (नेपाली गजल) — Sat, 09 Apr 2011 15:34:00 +0000

- प्रतिमा परियार “क्षितिजा”

मनको राजा मान्छु तर सर्त छ ।
तिमि संगै जान्छु तर सर्त छ ।

देउती बज्यै बागेश्वरी जहाँ लगेपनि,
तिम्रै भनि कसम खान्छु तर सर्त छ ।

मरीहत्ये गर्नुपर्छ भन्दीन तिमिलाइर्,
अंगालोमै बान्छु तर सर्त छ ।

जीवन साथी को भनि सोधे भने,
तिमिलाई नै छान्छु तर सर्त छ ।

उपहार त दियौ ग्रहण गर्न बाँकी छ,
जे दिन्छौ त्यही लान्छु तर सर्त छ ।
लेखफर्सा ६ सुर्खेत
partima.skt7@gmail.com

गजल

noreply@blogger.com (नेपाली गजल) — Sat, 09 Apr 2011 15:32:00 +0000

प्रकाश आङ्देम्बे
म तिर फर्केको बन्दुकको नाल छ अरु त राम्रै छ
नेता सुखी देश जनता बेहाल छ अरु त राम्रै छ

पसिनाले बगाएको कृषकले भन्दै थियो
मँसिरमा अनिकाल छ अरु त राम्रै छ

थोरै दिइ धेरै लाने तल्लाघरे छिमेकीले
जँगेपिलर दिनै ढाल्छ अरु त राम्रै छ

सँसदवाट भागेको खरायो को गुनासो
भित्र कुकुर र स्याल छ अरु त राम्रै छ

बिहारको एउटा व्यपारीको कथन
नेपाली नागरिकता फालाफाल छ अरु त राम्रै छ

गजल

noreply@blogger.com (नेपाली गजल) — Sat, 09 Apr 2011 15:27:00 +0000

- प्रकाश बञ्जारा
हाल खबर के छ आज भोली गजलको ?
भन्नुहोस् न हजुर दिल खोली गजलको ।

धेरै भयो चौतारीमा देखिएन रुपरगं,
भरी छ कि खाली नै छ झोली गजलको ?

सँधैभरी बर्षा मास जस्तो पार्नुहुन्थ्यो,
हम्मे हम्मे पथ्र्यो तर्न खोली गजलको ?

हजुरको जिउ डाल रुप पनि गजलजस्तै,
सुनौ सुनौ लागि राख्छ बोली गजलको ?

जहाँ जहाँ प्रेम बिछोड त्यहाँ त्यहाँ मात्र हैन,
फेर्नुपर्छ अब साँच्चै चोली गजलको ।
साउने चउर ९ खोटाङ हाल काठमाण्डौं

गजल

noreply@blogger.com (नेपाली गजल) — Sat, 09 Apr 2011 15:25:00 +0000

– दिव्य गिरी
तुवाँलोले ढाकेको आकाश देखें
दिनभर तिमीलाई उदास देखें ।

यौटैसँगको माया अमर हुन्छ,
तिमीसँग कैले पुष्कर, कैले प्रकाश देखें ।

धर्म, संस्कृति र परम्परा कता गयो ?
हिजो आज विकृतिको विकास देखें ।

सूर्य उदाएकै हो हाम्रो छानामाथि
घरभित्र सधैं अँध्यारोको वास देखें ।

नेताको पछिपछि लागेका छौ मित्र
कविभन्दा राजनीतिको दास देखें ।

कस्को स्वार्थमा बन्दुक बोकेर हिँड्यौ
घरघरमा ढलेको आफन्तकै लास देखें ।

ऊ अझै अस्मिता लुट्न खोज्दै छ
बलात्कारीलाई तिम्रै आसपास देखें ।

चुनेर पठाएका थियौ जसलाई
उसैले उठाएको तिम्रो वास देखें ।

भैगो छोड, हावाको चित्र बनाउन
‘दिव्य’ खै, कस्ले भन्यो बतास देखें ।
टीकाथली–५, ललितपुर,

गजल

noreply@blogger.com (नेपाली गजल) — Sat, 09 Apr 2011 15:23:00 +0000

–गणेश आचार्य
खर्च छैन हात्ती गैंडा, छिटो पठाइदिनु आमा ।
भोकै छु म दुईचारमाना, पिठो पठाइदिनु आमा ।

कागुनो झै“ भात हुन्छ, दाल त रारातालै हुन्छ,
यस्तै खाना कति खाने, मिठो पठाइदिनु आमा ।

छैन स्वादै तागत दिन्न, भोजन् भु“डि मात्रै भर्छ,
मकै कोदो कनिकाको, लिटो पठाइदिनु आमा ।

स्याउ सुन्तला सुनभन्दा, महङ्गा पो रैछन् यता,
कन्दमुलै खान्छु तरूल, गिठो पठाइदिनु आमा ।

पैसा विना डेग नचल्ने, रैछ आम्मै शहरतिर,
आठोले के पुग्छ अब, बिटो पठाइदिनु आमा ।
गोल्टाकुरी–२ दाङ
हाल काठमाडौं

गजल

noreply@blogger.com (नेपाली गजल) — Sat, 09 Apr 2011 15:19:00 +0000

लिलप्रकाश चन्द 'यात्री'

वारि आफ्नो छैन कोही पारि पनि छैन ।
आफू एक्लो बाहेक गोठघारी पनि छैन ।

सपनामा रम्नेहरु व्युभिीँएर यति भन्छन्,
सहरमा हिजोआज इमान्दारी पनि छैन ।

आफ्नै माटो वर्काइफर्काइ केही गरौं लाग्छ,
जीजिबिषा धान्ने खाल्को रोजगारी पनि छैन ।

अभावले चाहाहरु खुम्चिएपछि होला सायद
हल्का छैन जीवन अचेल भारी पनि छैन ।

चौबाटोमा अडिएर यात्री पर्खेजस्तै गरी
भन्नैपर्ने विशेष त्यस्तो सफारी पनि छैन ।
abhimat.lil@gmail.com

गजल

noreply@blogger.com (नेपाली गजल) — Sat, 09 Apr 2011 15:15:00 +0000

यमप्रसाद पराजुली
म मरेको दिन तिम्ले आफ्ना गुन्टा कस्छेउ होलि ।
पराइको हात समाई उसै सग बस्छेउ होलि ।

मेरा आफन्त मेरो वियोगमा छटपटी रहदा ,
तिमि बाटो खुलो भन्दै अर्कैसगं भाग्छेउ होलि ।

तेह्रौ दिनको पुन्ने तिथिमा सबै दुखी हुदा खेरि ,
तिमि रमाइलो उत्तसब ठानी नाची राख्छेउ होलि

नवलपरासी प्रगतिनगर ७ गैंडी
हाल - दोहा कतार