007Sathish

அலுவலகத்தில் கற்றுக்கொள்ள வேண்டியவை

noreply@blogger.com (Unknown) — Thu, 7 Mar 2024 12:23:00 +0530

என் வாழ்க்கை அதிகமாக அலுவலக உலகில் சஞ்சரித்து , பின்பு மறு வாழ்க்கையை நோக்கி ஓடிக்கொண்டிருக்கிறது. நான் கற்ற பாடங்கள் பற்பல. இதை வாசிக்கும் ஒவ்வொருவரும் அறிந்து , சுயமாக சிந்தித்து , தங்கள் வாழ்க்கையை அமைத்து கொள்ள வேண்டும். இதை பள்ளிக்கூடத்தில் நீங்கள் படிக்க முடியாது.

நீங்கள் நன்றாக உழைத்தாலும், உயர்வு என்பது ஏணி மாதிரி. எற நினைப்பார்கள். பாதி தூரம் சென்றவுடன், கீழிருந்து யாராவது இழத்து விடுவார்கள்.இது தான் நண்டு வித்தை (Crab Technique). இதை பற்றி நீங்கள் தெரிந்து கொள்வது அவசியம்: நீங்கள் ஒரு பாத்திரத்தில் எத்தனை நண்டுகளை போட்டு, மூடாமல் தைரிய

மாக வைக்கலாம் . எந்த நண்டும் வெளியே போகாது. எந்த நண்டு மேலே ஏறினாலும், கீழே உள்ள நண்டு அதை பிடித்து இழுக்கும். இதை தான் நாம் கார்பரேட் உலகில் காண்பது.
தாங்கள் என்னதான் இரவு பகலாக வேலை செய்தாலும் அதைத் தாங்கள் வெளிக்காட்டிக்கொள்ளா விட்டால் உங்கள் உழைப்பு வீணாகிப்போவது உறுதி. அவ்வப்போது உங்கள் உழைப்பை உங்கள் மேலாளர் கவனிக்கும்படி செய்துகொள்ளுங்கள்.இல்லையேல் எவருக்கு நன்றாக பேச தெரிகிறதோ அவர் அச்செயலின் பலனை எடுத்துக்கொள்வார்.
உங்கள் அரிசியில் உங்கள் பெயர் உள்ளது என்பது போல உங்கள் வேலையை மட்டும் நீங்கள் செய்தல் உங்கள் பணி சிறப்பாக இருக்கும்.அடுத்தவர் வேலையை நீங்கள் செய்ய தொடங்கினால் அதை கடைசி வரை உங்கள் தலையில் மற்றவர் ஏற்றிவிட வாய்ப்பு உண்டு. என் அலுவலகத்தில் இதனாலயே என்னுடைய வேலை என்ன என்பது பலருக்கும் தெரிவதில்லை. நான் ஒரு ஆசிரியர் என்பதை அடிக்கடி அவர்களுக்கு நியாபகப்படுத்தும் இக்கட்டான நிலையில் இருக்கிறேன். எந்த வேலையை யாருக்கு சொல்வது என்பதில் அவர்களுக்கு இங்கிதம் இல்லையென்றாலும் நாம் தான் அதில் கவனமாக இருக்க வேண்டும்.
நம் சுயமரியாதையை விற்று, மேலே உயரலாம். நீங்கள் சுயமரியாதை உள்ளவர்கள் என்றால் மிகவும் கடினம் தான்.
எப்போதும் அலுவலகத்தில் அளவோடும் வாசிக்கவேண்டும். அதேநேரம் பேசப் பயந்து வாய் மூடியிருக்கும் ஊமைகள் கவனிக்கப் படுவதில்லை.
நிறைய காலங்கள் ஒரே கம்பெனியில் கழிக்கக் கூடாது. அப்படி உழைக்க , வேலை பார்க்க வேண்டும் என்றால் , மேலே சொன்ன பாய்ன்ட் எண் 2ஐ பார்க்கவும்.
நாம் நன்றாக உழைக்கும் போது, நிறைய சிங்கம், புலி, ஓநாய்களை சந்திக்க வேண்டும். இதில் மேலே சொன்ன பாய்ன்ட் எண் 1ஐ பார்க்கவும்.
நல்ல பாஸ் கிடைத்தால், நல்ல முன்னேற்றம் கிடைக்கும். நான் அப்படி ஒருவரை தேடிக்கொண்டு இருக்கிறேன். நீங்கள் வேலைபார்க்கும் கம்பெனியில் நல்ல பாஸ் கிடைக்கா விட்டால், வேறொரு கம்பெனியை தேடுங்கள்.
உங்களை நீங்கள் அறிந்து கொள்ளுங்கள். (know yourself). இது தான் நீங்கள் முதலில் செய்ய வேண்டிய காரியம். நான் சொல்லும் இந்த விஷயம் சாதாரனமானது அல்ல. இதை வாசிப்பவர் அனைவரும் சற்றே சில நிமிடங்களையாவது இதில் கவனம் செலுத்தி இதன் தாத்பரியம் என்ன என்பதை விளங்கிக் கொள்ளவும். இதை விளங்காது, நீங்கள் என்ன முயற்சி எடுத்தாலும் அது வீணானது என்பதை புரிந்து கொள்ளவும். இதை தான் கிரேக்க அறிஞர் சாக்ரடீஸ் 2000 ஆண்டுகளுக்கு முன்பே சொன்னார். இதை நாம் பள்ளி, கல்லூரியில் படிக்க முடியாது.
உங்களை அறிவதன் மூலம் தான், உங்களுடைய மதிப்பு (worth) என்ன என்பது தெரியும். இதனை விளங்காவிட்டால், நாம் வாழ்க்கை முழுவதும் பணியாளர்களாகவே வேலை பார்த்து கடைசியில் ஓய்வும் பெறலாம். நீங்கள் அந்த 5% வெற்றியாளர்களின் பட்டியலில் வரவேண்டும் என்றால், எண் 9ஐ நன்றாக ஆழ்ந்து சிந்திக்கவும். இல்லை என்றால், அந்த 95% பட்டியலில் தான் வாழ்க்கையை கழிக்க முடியும்.
துறை சார்ந்து தினமும் ஏதேனும் படிக்க வேண்டும்.உங்கள் திறன்களை (skills) நன்றாக வளர்த்து கொள்ளுங்கள். இது உங்கள் வாழ்வின் எல்லை வரை மிகவும் உதவும். எப்போதுமே ஒரு தாகத்தோடு எதையாவது படித்துக்கொண்டே இருக்க இந்த புதிய டெக்னாலஜி டிமாண்ட் உதவுகிறது. இல்லையேல் காலம் முழுக்க ஒரே மாதிரி வேலை செய்து அலுத்து விடும். நல்ல தகவல் தொடர்புத் திறன், கருத்துப் பரிமாற்றத் திறன், பேச்சுத் திறன் இவை உங்களை முன்நிறுத்தும்.
உங்கள் பிரச்சனைகளை கேட்க ஒருவருக்கும் நேரமில்லை. அவர்கள் பிரச்சனைகளை தீர்க்கவே நீங்கள் உள்ளீர்கள் என்பதை உணர்ந்து வேலையை சரியாக செய்ய வேண்டும்.கண்காணிக்க யாரும் இல்லை என்பது போல தெரியும், ஆனால் எல்லோரும் கண்கணிக்கப்படுவார்கள்.
தன்னம்பிக்கை மிக அவசியம். என்ன சிக்கல் வந்தாலும் எப்போதும் நம்பிக்கையை இழக்காதீர்கள்.
காலையில் சரியான நேரத்திற்கு அலுவலகத்திற்கு செல்ல வேண்டும், அதே போல மாலையிலும் சரியான நேரத்திர்ற்கு கிளம்பிவிடவேண்டும். நாம் வீட்டிற்கு கிளம்பும் நேரம் பார்த்து நமக்கு வேலை சொல்லும் அரைக்கிறுக்கன்கள் எல்லா அலுவலகத்திலும் உண்டு. அவர்களை பார்த்தல் எனக்கு என்ன தோன்றும் தெரியுமா? வீட்டை முழுவதும் சுத்தம் செய்த பின் நாய் ஓடிவந்து அசிங்கம் செய்யுமே, அது போல.
எங்கு வேலை செய்தாலும், என்ன வேலை செய்தாலும் உங்கள் வேலைய மட்டும் நேசியுங்கள், வேலை செய்யும் இடத்தை அளவுக்கு அதிகமாக நேசித்து மனமுடைந்து போகாதீர்கள்.
உடல் நலனை பாதுகாக்க மாதம் ஒரு நாள் கட்டாயம் விடுமுறை எடுத்துக்கொள்ளுங்கள். உங்கள் உடல்நலனில் அக்கறை எடுத்துக்கொண்டால் மட்டுமே நீங்கள் தொடர்ந்து நன்றாக உழைக்க முடியும். உங்கள் வாழ்வில் கடைசி வரை கூடவே வரப்போவது உங்கள் உடல் மட்டுமே.
ஒரு முறை விடுமுறை அன்று அலுவலகம் வந்தால், எல்லா விடுமுறைக்கும் அலுவலகம் வரவைக்கபடுவார்கள். விடுமுறை நாட்களில் சம்பளம் கொடுத்தால் மட்டும் செல்வது தான் மரியாதை இல்லையேல் அவர்களுக்கு ஓசியில் வேலை வாங்கும் பழக்கத்தை நாமே கற்றுக்கொடுத்து விடுவோம். திறமையை மதிக்கும் நிர்வாகமென்றால், நீங்கள் நேரத்துக்கு வீடு திரும்ப முடியும்; விடுப்பு எடுக்க முடியும். அப்படியில்லாத நிர்வாகம் என்றால் நீங்கள் தன சரியான முறையை பின்பற்ற வேண்டும். முடிந்த வரை விடுமுறை நாட்களில் குடும்பத்தினருடன் நேரம் செலவிடுங்கள்.
உங்கள் வேலையை நம்பி கடன் வாங்கி வீடு கார் வாங்கக்கூடாது. சேமிக்க கற்று கொள்ள வேண்டும். சரியான திட்டமிடுதல், உங்கள் வெற்றி வாய்ப்பை உறுதி செய்யும்.
ஊதிய உயர்வு பற்றி நீங்கள் பேசாதவரை அது கிணற்றில் விழுந்து கல்லு மாதிரி தான். அவர்களாகவே அழைத்து சம்பள உயர்வு தரமாட்டார்கள். 3 மாசத்துக்கு ஒரு முறையாவது உப்புமா மாதிரி கிண்டிட்டே இருக்கணும். உங்கள் எஜமானர் ஒன்றும் நஷ்டத்திற்காக தொழில் செய்யவில்லை, உங்கள் உழைப்பிற்கு ஏற்ற சம்பளத்தை பேசி வாங்குவது உங்கள் கடமை. நீங்கள் எவ்வளவு வேலை செய்கிறீர்கள் என்பது முக்கியமல்ல. அதை எவ்வளவு மிகைப்படுத்தி காட்டுகிறீர்கள் என்பது தான் உங்கள் வளர்ச்சிக்கு உறுதுணை. இல்லையேல் கடைசி வரைக்கும் நீங்கள் அவருக்கு அடிமை.
சரியான சம்பளம் கிடைக்கவில்லையென்றால் அந்த வேலையை விட்டு நின்றுவிடுவதே மிகசிறப்பு. அடுத்த வேலை கிடைக்க தாமதம் ஆனாலும் சரியான வேலையை தேர்ந்து எடுக்க நேரம் கிடைக்கும். உழைத்தால் உயரலாம், இருக்கும் அலுவலகத்தில் வாய்ப்பு இல்லையென்றால் வேறு கடையை பார்க்க வேண்டும். உங்களுக்கு சம்பளம் தான் தருகிறார்கள் தவிர உங்களை விலைக்கு வாங்கிவிட வில்லை என்பதை நினைவில் கொள்ளுங்கள்.அதனால் அந்த இடத்தை விட்டு நகர்ந்து செல்ல தயங்காதீர்கள்.
அலுவலகத்தில் (gossip) என்கின்ற கிசுகிசுவை விட்டும் நீங்கள் விலகி இருங்கள். உங்களுடைய பாஸ் (boss) நிறைய ஒற்றர்களை நியமித்து இருப்பார். சில பேர் உங்களிடம் வந்து, நலினமாக பேச்சு கொடுத்து உங்களை உள் வாங்குவார். நீங்கள் யாரிடமும் உங்கள் சொந்த மற்றும் அலுவலக விஷயங்களில் நீங்கள் அனுபவிக்கின்ற எதிர்மறை (negative) மற்றும் பச்சாதாபங்களை என்றுமே பகிர்ந்து கொள்ளாதீர்கள். எந்த புற்றில் எந்த பாம்பு இருக்கும் என்று நமக்கு தெரியாது. கவனம் தேவை. நல்ல நண்பர்கள் கிடைப்பது அரிது. ஒருவரை வைத்து ஒருவர் சுயலாபம் சம்பாதிப்பதில் அதிக அக்கறை காட்டுகிறார்கள்.
பின்னூட்டங்களையும் விமர்சனங்களையும் ஏற்றுக்கொள்ளுங்கள், இல்லையெனில் உங்கள் தவறுகளை அறிந்துகொள்வதற்கும், சரி செய்வதற்கும் வாய்ப்பு கிடைக்காது. இதை ஒரு வாய்ப்பாக கருதி முன்னேறுங்கள்.
உங்கள் தவறை தனியாக அழைத்து சுட்டிக்காட்டும் முதலாளி தான் சரியானவர். நான்கு பேர் முன்னிலையில் சீன போடும் ஆர்வக்கோளாறு போல உங்களிடம் சத்தம் போட்டால் அந்த இடத்தில நிற்காமல் நகர்ந்து விடுவது தான் உங்களுக்கு நல்லது. இது போன்று நடந்துகொள்ளும் முதலாளி நிச்சயம் உங்களை மனரீதியாக துன்புறுத்தும் நோக்கில் தான் அதை செய்கிறார் என்பதை உணர்ந்து கொள்ளுங்கள். அந்த மாதிரி சைக்கோ மனிதர்கள் எல்லா இடத்திலும் உண்டு.சக மனிதனை மனிதனாக நடத்த தெரியாதவர்கள் மனிதனே அல்ல.
சில சந்தர்ப்பங்களில், நாம் இலக்குகளை தாமதமாக முடிக்கலாம் அல்லது தாமதமாக முடிக்கும் சூழ்நிலை உருவாகலாம். இதை முன்னறிவிப்புடன் தங்கள் மேலாளரிடம் கூறுவது ஒரு புத்திசாலித்தனமான அணுகுமுறை. ஒரு வேலையை செய்ய எவ்வளவு நேரம் எடுத்துக்கொள்ளும் என்பதை அறிந்து அந்த வேலையை செய்ய தொடங்குங்கள். சரியான நேரத்திற்கு முடிக்க முடியாமல் போனால் அவப்பெயர் வாங்க நேரிடும். கடைசி நாளில் கூறினால் முழு திட்டமிடலும் வீணாகிவிடும். இது ஒரு பாடமாக கற்றுக்கொண்டேன்.
மிகவும் திறமை மிக்க அகங்காரிகளை விடத் திறமை குறைந்த, பணிந்து, மற்றவரோடு அனுசரித்துப் போகும் குணமுள்ளவரே மேலும் மேலும் பதவி உயர்வு பெறுவார். ஒரு துறையில் நிபுணராய் இருப்பவரை விட, பல துறைகளைப் பற்றியும் மேலோட்டமாக அறிந்து அடுத்தவரை நன்கு வேலை வாங்கத் தெரிந்தவரே கூடுதல் வெற்றி பெற்று மேலே போவார்.
சில நேரங்களில், கொஞ்சமும் தகுதியில்லாதவர் உங்களுக்கு தலைவராக வரக்கூடும். அப்பொழுது ‘சகித்துக் கொண்டுதான்' ஆகவேண்டும். மேனேஜ்மெண்ட் முடிவுகளை ஒருபோதும் குறைத்து கூறக்கூடாது, அது ‘முட்டாள்தனமாக இருந்தாலும்'.
திறமையான, தன்னம்பிக்கை மிகுந்த நிர்வாகிகள், திறமை மிக்க ஊழியர்களை ஊக்குவித்து வளர்ப்பார்கள்; அவை இல்லாத நிர்வாகிகள் தமக்கு மரியாதை தந்து எப்போதும் அனுசரித்துப் போகும், திறமை குறைந்த ஊழியரையே மேலே கொண்டுவருவார்கள். தமது ஊழியர் ஒருநாளும் தமது பதவிக்குப் போட்டியாளராகிவிடக்கூடாது என்பதில் விழிப்புடன் இருப்பார்கள்.
பெண் ஊழியர்களிடம் பழகும்போது அதிகப்படி ஜாக்கிரதை அவசியம்; மிக அவசியம். இது #metoo காலம்.
வாழ்க்கையில் எப்படி முன்னேறுவது என்பதை உலகம் கற்று தராது. நீங்கள் தான் சுயமாக கற்றுக் கொள்ள முடியும். இல்லை என்றால் அங்கு காட்பாதர் (godfather) ஒருத்தர் வேண்டும். தனி நபரின் முன்னேற்றம் என்பது அவரவர் உழைப்பு மற்றும் சுமார்ட்னஸ் (smartness)ஐ பொருத்தது.

விதைத்தது நீயாக இரு

noreply@blogger.com (Unknown) — Wed, 31 May 2023 17:10:00 +0530

பரந்து விரிந்த வானில் வியாபித்துக் கிடக்கும் மேகம் போல.. நம் மனதிலும்.. ஆசைகள் ஆயிரம் இருக்கும். அதை செயல்படுத்தும் வழிகளை தேடும் கண்களுக்கு விருந்தாக அமைய சின்னதாய் ஒரு பயணம் மேற்கொள்வோமா நண்பர்களே!

பொதுவாக நாமளும் வாழ்க்கையில் எதையாவது சாதிக்கனும் என நம்ம மனசு துடிக்கும். அதிலும் நமக்கு ஏதோ ஒரு விஷயத்துல ஈடுபாடும் அதிகமா இருக்கும். ஆனா பாருங்க ஏதோ ஒரு தயக்கம் அடி மனசுல இருந்துகிட்டேதாங்க இருக்கு. எதற்கு இந்த தயக்கம்... சின்னதா ஒரு உதாரணம் பார்ப்போமா!

ஒரு வழிப்போக்கன் ஒரு ஊருக்கு போனாராம். அந்த ஊரே பார்ப்பதற்கு ஒரு காடு போல கட்சியாளித்ததாம். ஆள் நடமாட்டம் கூட இல்லையாம். அவருக்கே நடக்க நடக்க ரொம்ப போராகவும் கொஞ்சம் பயமாகவும் இருந்ததாம். என்னடா இது என்று குழம்பிப் போன அவர், அந்த அலுப்பைப் போக்க கையில் இருந்த பழத்தை சாப்பிட்டுகிட்டே போனாராம். அப்படி போகும் போது பழத்தின் விதையை ஆங்காங்கே நின்னு கீழே போட்டுட்டே போனாராம்.

இப்படியாக ஒரு வழியாக அந்த ஊரை கடந்து போய்ட்டாரம். ஆத்தாடி. இனிமே திரும்ப இந்த ஊருக்கே வரக்கூடாதுப்பா அப்படினு நினைச்சாராம். ஆனால் நேரம் சும்மா இருக்குமா.. இருக்காதே.. திரும்பவும் சில காலம் கழித்து அதே ஊருக்கு செல்லவேண்டிய சூழ்நிலை வந்தது.. ஆஹா.. அந்த ஊருக்கா போகணும் என்று விரக்தியாகி விட்டாராம். ஆனால் வேறு வழியில்லாததால், வெறுப்புடன் மீண்டும் அதே ஊருக்குள் சென்றாராம்.

ஆனால் ஊருக்குள் போகப் போக அவருக்குள் ஆச்சரியம் அடி மனதை ஆக்கிரமிக்க ஆரம்பித்தது.. கொஞ்சம் கொஞ்சமாக வியப்பு மேலிட ஆரம்பித்தது.. காரணம் அந்த ஊர் அப்படி அடியோடு மாறிப் போயிருந்தது. ஆங்காங்கே மரங்கள்.. அது தரும் நிழல்.. அதன் கீழே ஓய்வில் மனிதர்கள்.. கூடவே நிறைய கடைகள்.. என ஊரே மாறிப் போயிருந்தது.

என்னடா இது.. அந்த ஊரா இது என்று இவர் ஆச்சரியப்பட்டுப் போய் விட்டார். காடு மாதிரி இருந்த ஊர் எப்படி இவ்வளவு அழகானது என்று அவருக்குப்புரியவில்லை. அதே யோசனையிலே ஒரு மரத்துக்கு கீழே கொஞ்ச நேரம் உட்கார்ந்தராம். அப்போ அந்த மரத்திலிருந்து ஒரு பழம் விழுந்துதாம். அதை அவர் உண்ணும்போது தான் அவருக்கே ஒரு விஷயம் புரிந்தது.. ஆஹா, இது நாம அன்னிக்கு சாப்பிட்ட அதே பழத்தின் சுவையாச்சே என்று யோசித்த அவருக்குள் ஓங்கி ஒரு மணி அடித்தது.. அடடா.. நாம அன்று சாப்பிட்டு போட்ட விதையில் முளைத்த மரங்களா இவை என்று மனம் நெகிழ்ந்தாராம்.

இவ்வளவுதாங்க வாழ்க்கை.. நாம் தயங்கி நிற்கும் தருணம் யாருக்கும் பயன்படாமல் வீணாகிறது என்பதை மறவாதீர்கள். நாம் நினைப்பது சரியோ, தவறோ, செய்வது சரியோ, தவறோ.. ஆனால் எதையும் யோசிக்காமல் உடனே செயல்படுத்த பாருங்க. அது நமக்கு பயன்படுதோ இல்லையோ, யாரோ ஒருவருக்கு பயனுள்ளதாய் இருக்கும்.

நீ நட்ட மரத்தின் நிழல்களை கடந்து செல்பவர்கள் யாராக வேண்டுமானாலும் இருக்கட்டும் விதைத்தது நீயாக இரு!

உதட்டில் முத்தம் Kiss in the lips

noreply@blogger.com (Unknown) — Tue, 14 Feb 2023 01:00:00 +0530

காதலர்களின் முத்தம் அன்பின் வெளிப்பாடா? பாலுணர்வைத் தூண்டவா?

உதடுகளில் முத்தமிடும் பழக்கம் உலகம் முழுவதும் பல்வேறு நாடுகளில் பொதுமக்களிடையே வெகு இயல்பாகக் காணப்படும் பழக்கமாக உள்ளது. ஆனால் உண்மையில், இந்த பழக்கம் நம்மிடையே எப்போதுமே இருந்து வந்த பழக்கமா, அல்லது அண்மைக்காலத்தில் தோன்றிய பழக்கமா என்பது குறித்த தெளிவான விவரங்கள் இதுவரை கிடைக்கவில்லை.

முத்தமிடுவதற்கான காரணங்கள் நாம் நினைப்பது போல் எளிதானவை கிடையாது. அவை மிகவும் சிக்கலானவை. இந்தப்பழக்கம் இந்தியாவில் கிமு 1500க்கு முன் தோன்றியிருக்கலாம் என இதுவரை நம்பப்பட்டு வருகிறது. ஆனால், சயின்ஸ் இதழில் அண்மையில் வெளியான ஒரு கட்டுரையில், இந்தக் கருத்துக்கு எதிரான ஏராளமான உண்மைகள் நமக்குக் கிடைத்துள்ளன.

இந்த கட்டுரையின் படி, சுமார் 2500 ஆண்டுகளுக்கு முன் தற்போதைய ஈராக் மற்றும் சிரியாவில் இருந்த பண்டைய மெசபடோமியாவில் உதடுகளில் முத்தமிடும் பழக்கம் தோன்றியிருக்கலாம் என்பதற்கான ஆதாரங்கள் கிடைத்துள்ளன. இதன்படி, பாலுணர்வை அதிகரிக்கும் விதமாக இது போன்ற உதடுகளில் முத்தமிடும் பழக்கம், இதுவரை நாம் நினைத்து வந்த காலத்துக்கும் 1000 ஆண்டுகள் பழமையானது.

நாம் ஏன் முத்தமிடுகிறோம்?

ஒருவர் நமக்கு சரியான துணையாக இருப்பாரா என்பதை அறிவதில் உதடுகளில் முத்தமிடுதல் பெரும் பங்காற்றுவதாக பரிணாம மானுடவியலாளர்கள் கருதுகின்றனர். உதடுகளில் முத்தமிட்டுக்கொள்ளும் போது, உமிழ்நீர் மற்றும் மூச்சுக் காற்று மூலம் பல சமிக்ஞைகள் பகிரப்படுவதாகவும், இதன் மூலம் ஒருவருக்கு ஒருவர் ஏற்ற துணைகளா என்பது அறியப்படுகிறது என்றும் அவர்கள் விளக்குகின்றனர்.

இரண்டு பேருக்கு இடையே மிகவும் நெருக்கமான அன்புப் பிணைப்பை உருவாக்கவும், பாலுணர்வுகளைத் தூண்டவுமே உதடுகளில் முத்தமிடும் பழக்கம் உதவுவதாக மற்றுமொரு காரணம் சொல்லப்படுகிறது.

மனிதப் படைப்புடன் நெருங்கிய தொடர்புகளைக் கொண்டுள்ள சிம்பன்சி குரங்குகளிடமும் இது போல் உதடுகளில் முத்தமிடும் பழக்கம் காணப்படுகிறது. இந்த உண்மை, உதடுகளில் முத்தமிடும் பழக்கம், மனிதர்களிடையே தோன்றிய காலத்துக்கும் முற்பட்டது என்ற உண்மையை நமக்குப் புரியவைக்கிறது.

பண்டைய மெசபடோமியாவில் வாழ்ந்த மக்கள் எழுத்துகளைக் கண்டுபிடித்த காலத்திலேயே எகிப்தில் வாழ்ந்த மக்களும் எழுதக் கற்றுக்கொண்டிருக்கலாம்.

மிகப்பழமையான மெசபடோனிய எழுத்துப் பிரதிகள், தற்போதைய ஈராக்கின் தென்பகுதியில் உள்ள உருக் நகரில் கிமு 3200ல் கண்டுபிடிக்கப்பட்டன.

இந்த எழுத்து முறை க்யூனிஃபார்ம் என அழைக்கப்படுகிறது. இவை ஈரமான களிமண்ணால் செய்யப்பட்ட சிறிய மாத்திரை போன்ற கட்டிகளில் முக்கோண வடிவில் பொறிக்கப்பட்டன. உண்மையில் இந்த எழுத்துகள், பிற எந்த மொழியுடனும் தொடர்பில்லாத சுமேரிய மொழியில் சில தகவல்களை வெளிப்படுத்தும் பிரதிகளாக உருவாக்கப்பட்டன.

பிற்காலத்தில், பழங்கால செமிட்டிக் மொழியான அக்காதிய மொழியில் எழுத அந்த எழுத்துக்கள் பயன்படுத்தப்பட்டன.

நமக்குத் தெரிந்த ஆரம்ப கால மொழியில் எழுதப்பட்ட நூல்கள் நிர்வாக நடைமுறைகள் மற்றும் பல்வேறு அதிகார நிலைகளைக் குறிக்கும் நூல்களாக இருக்கும் நிலையில், பின்னர் படிப்படியாக பொதுமக்கள் அந்த மொழியை மற்ற தகவல்கள் மற்றும் கருத்துக்களை வெளிப்படுத்தவும் பயன்படுத்திக்கொண்டனர். அதற்கான எழுத்துமுறைகளும் உருவாகின.

கிமு மூன்றாம் மில்லினியத்தின் முதல் பாதியில், மத நம்பிக்கை சார்ந்த கதைகள் மற்றும் மந்திரங்களை எழுதுவதற்கு மட்டுமே இந்த மொழி எழுத்துககள் பயன்படுத்தப்பட்டு வந்த நிலையில், அதன் பின் பொதுமக்களின் தனிப்பட்ட விவரங்கள் மற்றும் தகவல்களைத் தெரிவிக்கவும் இந்த எழுத்துக்கள் பயன்படுத்தப்பட்டன.

இவற்றில் ஒரு சில மிகப்பழமையான எழுத்துகளில், உதடுகளில் முத்தமிடுவது பற்றிய குறிப்புகள் காணப்படுகின்றன. கிமு 2500 முதல் ஏராளமான கதைகளில் கடவுள்கள் இது போல் முத்தமிட்டுக் கொண்ட தகவல்களும் கிடைக்கின்றன.

முத்தமிடுவது குறித்த முதல் ஆதாரம்

இது போன்று நமக்குக் கிடைத்துள்ள மிகப்பழமையான மெசபடோமிய களிமண் உருவத்தில் க்யூனிஃபார்ம் எழுத்துமுறையில் எழுதப்பட்ட பிரதி ஒன்றில் இரண்டு தெய்வங்கள் உதடுகளில் முத்தமிட்டது மற்றும் பாலுறவில் ஈடுபட்ட தகவல்கள் இடம்பெற்றுள்ளன. அது:

'...நின்ஹர்சாக் என்ற பெண் தெய்வத்துடன் அந்த கடவுள் உடலுறவு வைத்துக்கொண்டார். அவர் அந்த பெண் தெய்வத்தை முத்தமிட்டார். அந்த பெண் தெய்வத்தின் வயிற்றில் 7 இரட்டையர்களின் விந்தணு மூலம் ஒரு கருவை அவர் உருவாக்கினார்.'

பிற்காலத்தில் ஒரு ஆணுக்கும், பெண்ணுக்கும் இடையே நடைபெற்ற உரையாடலாக கிடைத்த எழுத்துப் பிரதி ஒன்றில், முத்தமிடுவது என்பது பாலுறவைத் தூண்டுதல், குடும்ப உறவுகளை வெளிப்படுத்துதல், நட்புணர்வை வெளிப்படுத்துதல் போன்ற பல்வேறு நிலைகளில் பொதுமக்களிடையே சர்வசாதாரணமாக மூன்றாவது மில்லீனிய காலத்தின் இறுதியில் இருந்தே நடைமுறையில் இருந்ததாக கூறப்பட்டுள்ளது.

பொதுவெளியில் ஒரு ஆணும் பெண்ணும் முத்தமிட்டுக்கொள்வது முகம் சுளிக்கும் செயலே என்றாலும், திருமணமான ஜோடிகள் முத்தமிட்டுக்கொண்ட நிகழ்வுகள் பழங்காலத்திலேயே நிகழ்ந்துள்ளன.

தரமான நடத்தையை உறுதி செய்ய ஒவ்வொரு சமூகத்திலும் சில விதிகள் உள்ளன. இதே போன்ற விதிகள் பழங்காலத்திலும் பரவலாக இருந்துள்ளன.

முத்தமிடும் பழக்கம் ஒற்றை இடத்திலிருந்து தோன்றியதா?

இந்தியா மற்றும் மத்திய கிழக்கு நாடுகளில் உதடுகளில் முத்தமிடும் பழக்கம் பழங்காலத்திலேயே நடைமுறையில் இருந்தது என்பதை பல ஆதாரங்கள் காட்டுகின்றன.

மனிதர்களிடையே முத்தமிடும் பழக்கம் எப்போது தோன்றியது என்பது குறித்து ஏற்கெனவே நாம் அறிந்திருந்தவற்றை இந்த ஆதாரங்கள் மாற்றியமைத்துள்ளன.

கிமு 1500ல் இந்தியாவில் எழுதப்பட்ட கையெழுத்துப் பிரதி ஒன்றில், முத்தமிடும் பழக்கம் இந்தியாவில் இருந்து ஒரு கலாச்சாரப் பகிர்வாக மேற்குலகத்துக்கு எடுத்துச் செல்லப்பட்டதாகத் தெரிவிக்கப்பட்டுள்ளது.

மெசபடோமியாவில் கிடைத்துள்ள ஆதாரங்களின் படி, இந்தத் தகவலை நாம் மறுக்கமுடியும்.பாலுணர்வைத் தூண்டும் முத்தம் குறித்து நமக்குக் கிடைத்துள்ள தகவல்களை ஆராய்ந்தால் அது பல சமூகங்களில் பல நிலைகளில் தோன்றியிருக்கலாம் என்றே தெரியவருகிறது.

அதே நேரம் உதடுகளில் முத்தமிடும் பழக்கம் முதன்முதலாக எங்கு தோன்றியது என ஒரே ஒரு இடத்தைக் கண்டுபிடிக்க விரும்பினால், அது பல ஆயிரக்கணக்கான ஆண்டுகளுக்கு முன்பு, வரலாற்றுக்கு முந்தைய காலங்களை ஆராய்ந்தால் மட்டுமே சாத்தியப்படும்.

முத்தமிடுவது குறித்த வரலாறு குழப்பமானது

தற்போதைய மானுடவியல் ஆய்வு ஒன்றின் படி, பாலுணர்வைத் தூண்டும் விதத்தில் முத்தமிடுவது உலகளாவியது அல்ல என்பது புலனாகிறது. இருப்பினும் சிக்கலான படிநிலைகளைக் கொண்டிருந்த சமூகங்களிலும் இது போன்ற முத்தமிடும் பழக்கம் இருந்ததை பழங்காலத்தில் எழுதப்பட்ட பிரதி ஒன்று நமக்கும் காட்டுகிறது.

இந்நிலையில், தொடக்க காலத்தில் எழுதவே தெரிந்திருக்காத சமூகங்களில் இதே போன்று முத்தமிடும் பழக்கம் இருந்ததா என்பதை எப்படிக் கண்டுபிடிக்க முடியும் என்ற கேள்வி எழுகிறது.

சில சமூகங்களில் பாலுணர்வைத் தூண்டும் வகையில் முத்தமிடும் பழக்கங்கள் இல்லாவிட்டாலும், கலாச்சார தொடர்புகள் முழுவதும் அந்தப் பழக்கம் பழங்காலத்தில் உலகம் முழுவதும் பரவலாக இருந்திருக்கவேண்டும் என நாம் வாதிட முடியும்.

எதிர்காலத்தில் வரவிருக்கும் ஆராய்ச்சிகளின் படி, உதடுகளில் முத்தமிடும் பழக்கம் உலகளாவியது அல்ல எனக் காட்டினாலும், ஏன் அனைத்து சமூகங்களிலும் இந்த முத்தமிடும் பழக்கம் இல்லாமல் போனது என்பது உள்ளிட்ட ஆர்வத்தைத் தூண்டக்கூடிய கேள்விகள் எழும்.

வாழ்க்கையில் யாரையும் சாராமல் வாழ்வது

noreply@blogger.com (Unknown) — Sat, 7 Jan 2023 14:09:00 +0530

1930 ஆம் ஆண்டில், சென்ட்ரல் அமெரிக்காவில், ஹோண்டுராவின் சோலுடெகா ஆற்றின் குறுக்கே, சோலுடெகா பாலம் கட்டப்பட்டது.

அதற்கும் நான் முன்னேறுவதற்கும் என்ன சம்பந்தம் ?

கடுமையான வானிலை மண்டல பகுதியில் அமைந்திருக்கும் இந்த பாலம், உலகின் மிகப் பெரிய கட்டிடக் கலைஞர்களால் சூறாவளிகளை எதிர்கொள்ளும் வகையில் வடிவமைக்கப்பட்ட ஒரு அதிநவீன பாலமாக இருந்தது.

1998 ஆம் ஆண்டில் மிட்ச்" சூறாவளி தாக்கியபோது மற்ற பாலங்கள், கட்டிடங்கள் மற்றும் சாலைகள் அழிக்கப்பட்டாலும், சோலுடெகா பாலம் தொடர்ந்து தாக்கு பிடித்து நின்றது. ஆனால்?

ஒரே ஒரு சிக்கல்…

சோலுடெகா அசையாமல், உறுதியாக, மாறாமல் - நின்றது. ஆனால், கடந்து வந்த நதி நகர்ந்துவிட்டது!

பாலத்திற்கு செல்லும் சாலைகள் வெள்ளத்தால் அழிக்கப்பட்டன. ஒரு காலத்தில் அதிநவீன கட்டுமானம், தற்போது புதிய சூழலுடன் ஒத்துப்போக முடியாது என்று ஆகிவிட்டது மற்றும் பயனற்றதாகி போனது.

வலுவான, உடைக்க முடியாத பாலம் எங்கும் செல்லாததால் யாருக்கு என்ன பயன்?

கீழே படத்தில் சோலுடெகா பாலம், ஹோண்டுராஸ்.

சோலுடெகா பாலம் இப்போது ஒரு சிறந்த அடையாளமாக உள்ளது. எதற்காக?

எல்லாருக்கும் இது ஒரு முக்கியமான பாடமாகிப்போனது.

நீங்களே, உங்களை வாழ்க்கை சூழலுக்கு தகுந்தாற்போல் மாற்றியமைக்க சோம்பேறித்தனமாக இருந்தால், குண்டு சட்டியில் குதிரை ஓட்டி கொண்டு இருந்தால்… என்ன நடக்கும் என்பதற்கான அடையாளம்.

“ஒவ்வொரு அமைப்பும் ஒரு முடிவை பெறுவதற்காக மட்டுமே வடிவமைக்கப்பட்டுள்ளது”

இது நமது வாழ்க்கை முறைக்கு ஒரு சிறந்த எடுத்துக்காட்டு. புத்தகங்களை தவிர வேறு ஒன்றும் கற்று கொள்ளாமல் தற்போதைய கல்வி முறைகளில் மட்டுமே சிக்கித் தவித்து, எதற்கெடுத்தாலும் குறை மட்டுமே சொல்லி கொண்டிருந்தால் என்ன நடக்கும் என்பதை காட்டுகிறது.

We wants to create best solution for the problem, whereas problem itself might change.

சோலுடெக்காவைப் போலவே, உலகெங்கிலும் உள்ள பல வியாபாரங்கள், கல்வி முறைகள் ‘வெறும் பாலம்’ ஆகிவிட்டது.

மேற்படிப்பு படித்தால் மட்டுமே பற்றாது. ஒரு கிளை தான் இருக்கிறது என்று பல்வேறு கிளைகள் உங்கள் வியாபாரத்தில் ஆரம்பித்தால், ஆன்லைன் பிசினஸ் சக்கை போடு போடுகிறது.

நீங்கள் வெறும் பாலமாக இருக்கக் விரும்புகிறீர்களா?

முன்னெப்போதையும் விட இப்போது நமக்கு தேவை - தேடி சென்று கற்றல்.

Build to last தற்போது இல்லை. Build to adapt என்பது தான் நிஜம்.

Source

சுய முன்னேற்றத்திற்கு மிகப்பெரிய தடையாக இருப்பது என்ன?

noreply@blogger.com (Unknown) — Tue, 20 Dec 2022 23:55:00 +0530

ஒரு மனிதன் முன்னேற்றம் அடைய தடையாக இருப்பது தன்நம்பிக்கை இல்லாமை, முயற்சி இன்மை.

உங்களை நீங்கள் அறியாமை (not knowing yourself). இது தான் நம்மில் முதல் முட்டுகட்டை.

உங்களை அறிதல் மிக மிக அவசியம் Knowing yourself is very important.

இந்த ஆமையை மாதிரி மிகவும் கெட்டதை நீங்கள் எங்கேயும் பார்க்ககே முடியாது, இது தண்ணீரில் வாழும் ஆமையை விட கொடூரமானது. ஆனால் மற்றவர்களை பற்றி நன்றாக தெரிந்து வைத்து இருக்கின்றீர்கள். பிரபலமானவர்களை (celebrities) பற்றி இன்னும் நன்றாகவே தெரிந்து வைத்து இருக்கின்றீர்கள். இதில் நடிகர்களின் ஆடியோ (அ) வீடீயோ ட்ரெய்லர் வருமுன்னே அதனுடைய எதிர்பார்ப்பு; பின் பறந்து விழுந்து வாங்குதல், download இப்படி இத்தியாதிகள் அனைத்தும் நடக்கும். அவர்களுக்கு எவ்வளவு வருமானம், அடுத்த புராஜக்ட் என்ன, அவர்கள் உலக Forbes பட்டியலில் எத்தனையாவது இடத்தில் உள்ளார்கள்? என்றெல்லாம் ஆராய்ச்சி செய்யும் நீங்கள், ஒவ்வொரு நாளும் உங்களை பற்றி நினைக்க சில மணித்துளிகள் செலவு செய்தாலே, நீங்கள் உங்கள் முன்னேற்ற பாதையில் ஒரு படி மேலே வந்து விட்டீர்கள் என்று அர்த்தம். ஒரு முக்கிய விஷயத்தை நீங்கள் நினைவில் கொள்வது மிகவும் அவசியம். அவர்களும் சாதாரண மனிதர்களாக இருந்து தான், பிரபலமானவர்களாக (celebrities) ஆனவர்கள்.

இதனை எத்தனை பேர் நினைத்து சிந்திப்பார்கள்? அவர்கள் பலகோடி உங்களை வைத்து சம்பாதிக்கின்றார்கள். நீங்கள் குறைந்தது எத்தனை ஆயிரம் சம்பாதிக்கின்றீர்கள்? என்று சற்றே சிந்தியுங்கள். நாம் நிறைய சிந்திக்க கூடியவர்கள், செயலாக்கம் செய்பவர்கள். ஆனால் நம்மை அதை செய்ய விடாமல் தடுப்பது எது? இதே கதை தான் விளையாட்டு, மூயூசிக், அரசியல் இப்படி பல தரப்பட்ட பிரபலமானவர்களை (celebrities) நாம் கொண்டாடும் போது.

என்னாலும் முடியும் என்று உங்களை நீங்கள் நம்புங்கள். மற்றவை உங்களுக்காக நடக்க ஆரம்பிக்கும்.

கீழே ஸ்டார்டிங் ட்ரபில் (starting trouble) பற்றி மார்ட்டின் லூதர் என்ன சொல்கின்றார் பாருங்கள்:

நீங்கள் உயரமான படிக்கட்டுகளை பார்த்து பயப்பட வேண்டாம். முதல் படியில் ஏறினாலே போதும்.

இங்கு தான் நாம் யோசித்து, தாமதித்து ஏறாமல் மீண்டும் தாமதித்து கொண்டே இருக்கின்றோம்.

நான் ஒரு முடிவுக்கு வந்து விட்டேன். உங்கள் வாழ்வில் ஒரு இருப்பு தன்மை இருக்கின்றது (existence moment), அது உங்களுக்காக நீங்கள் மட்டுமே பேசும் போது உணர முடியும். வேறு யாரும் உங்களுக்காக பேச மாட்டார்கள் என்றார், மார்ட்டின் லூதர்.

நீங்கள் எவ்வளவு காலம் வாழ்ந்தாலும் , உங்களுடைய தரம் ஒன்று மட்டுமே முக்கியம் என்கின்றார், மார்ட்டின் லூதர். அதை நீங்கள் தான் வெளிப்படுத்த வேண்டும்.

இதவே உங்கள் முன்னேற்றத்திற்கு முதல் படிகட்டு.

Source

இலக்குகள் மீது முழு கவனம் - Focus on target

noreply@blogger.com (Unknown) — Sat, 1 Oct 2022 13:54:00 +0530

நீங்கள் உறங்கப்போகும் முன்பும் காலையில் எழுந்த பின்பும் உங்கள் இலக்கை அடைந்த பின் எப்படி உணர்வீர்கள்? உங்கள் பெற்றோர்கள் எவ்வளவு மகிழ்ச்சி அடைவார்கள்? உங்கள் வாழ்க்கை தரம் எப்படி மாறும்? உங்களை பற்றி இழிவாய் பேசியவர்கள் அப்போது என்ன பேசிக்கொள்வார்கள்? என மனதில் காட்சிப்படுத்துங்கள்(Visualization). இது உங்கள் இலக்கை நோக்கி பயணிக்க தேவையான உத்வேகத்தை கொடுக்கும்.

தினமும் கவனச்சிதறல்(Distraction) இல்லாத 1 மணி நேரம் உங்கள் இலக்குக்காக ஒதுக்குங்கள். இந்த ஒரு மணி நேரத்தில் உங்கள் கவனத்தை சிதைக்கக்கூடிய எதற்கும் நீங்கள் இடம் கொடுக்க கூடாது. 1 மணி நேரம் என்பது உங்கள் இலக்குக்கு குறைவான நேரமாக தெரியலாம். ஆனால் கவனச்சிதறல் இல்லாத 1 மணி நேரம், 6 மாதங்களில் மிகப்பெரிய மாற்றத்தை ஏற்படுத்தும்.

உங்கள் அன்றாட வாழ்வில் எவ்வளவு பெரிய துன்பங்கள் வந்தாலும், தினமும் இந்த நேரத்தை உங்கள் இலக்குக்காக செலவிடுவதை தவிர்க்காதீர்கள். மற்றவர்களுக்கு "யார்ரா இவன், இங்க இவ்வளவு அமளி துமளி நடந்துட்டு இருக்கு ஒருத்தன் உக்காந்து மிக்ஸ்சர் சாப்டுட்டு இருக்கான்" என்பது போல தான் தோன்றும். பரவாயில்லை, ஆரியக் கூத்தாடினாலும் காரியத்தில் கண்ணாயிரு இந்த மனிதரை போல.

உங்கள் இலக்கை அடைய 5 வருடங்கள் ஆகும் என்றால், அதை சிறிய இலக்குகளாக(Short Term Goals) பிரித்துக்கொள்ளுங்கள். ஒரு நாளுக்கான, ஒரு வாரத்திற்கான, ஒரு மாதத்திற்கான, ஒரு வருடத்திற்கான சிறிய சிறிய இலக்குகளை குறிப்பெடுத்துக்கொள்ளுங்கள். அந்த நாளில் நீங்கள் என்ன செய்ய வேண்டும் என்று முடிவு எடுத்திருந்தீர்களோ, அதை செய்து முடித்தவுடன், உங்களை நீங்களே பாராட்டிக்கொள்ளுங்கள். இது பெரிய இலக்கின் நினைவுகளில் உங்களை மூழ்கடிக்காமல்(Overwhelming) பார்த்துக்கொள்ளும்.

கடைசியில், உங்கள் இலக்கை எவ்வளவு தீவிரமாக(Desperately) அடைய விரும்புகிறீர்கள் என்பதை பொறுத்தே இலக்கின் மீது உங்கள் கவனம் அமையும்.

நீங்கள் தீவிரமாக ஒரு இலக்கை அடைய ஆசைப்படுகிறீர்கள் என்றால், முழு கவனமாக அதை நோக்கி எப்படி பயணிப்பது என்பதை நீங்களே ஏற்கனவே அறிந்திருப்பீர்கள். கோராவில் கேள்வி கேட்டு அதில் வரும் பதில்களை வைத்து நீங்கள் இலக்கை அடைய முயற்சிப்பீர்கள் என்றால், உங்கள் இலக்கை அடைவது கடினம்.

இதற்கு ஒரு கதை மூலம் தான் கூறமுடியும்.

ஒரு முறை சத்ரபதி சிவாஜி சிறுவயதில் தனக்கான நாட்டை அமைப்பதற்கு போராடிக் கொண்டிருந்தார்.

அப்போதும் ஒரு முயற்சி எடுத்து அதில் தோற்றுவிட்டு தலைமறைவாக இருந்த போது ஒரு கிராமத்தில் ஒரு பாட்டி வீட்டில் சாப்பிடும் சூழ்நிலையில் மிகவும் சூடான உணவை நடுவில் தொட்டு விட்டு சூடு தாங்காமல் கையை உதறிய போது அந்த பாட்டி கூறுவார்,"என்னப்பா எங்கள் மன்னன் சிவாஜி போல் அல்லவா செயல்படுகிறாய்.சூடான உணவை ஓரத்தில் இருந்தல்ல வா உண்ண ஆரம்பிக்கவேண்டும்.அப்போதுதான் சூடு குறைய குறைய உண்ணமுடியும்.

நாட்டை பிடிக்க வேண்டும் என்றால் முதலில் பக்கத்தில் உள்ள நாடுகளில் இருந்து ஆரம்பிக்கவேண்டும்.சிறுசிறு நாடுகளை ஆக்ரமித்து பின்னர் தான் கோட்டையைப்பிடிக்கமுடியும்.எடுத்தவுடன் கோட்டையில் கைவைத்தால் எப்படி?என்று பாட்டி கூறியதால்.

அப்போது தான் சிவாஜிக்கு தன்னுடைய முயற்சி யின் தோல்வியின் காரணம் புரிந்ததாம்.

இந்த பாட்டியின் பதில்தான் உங்களுக்கும்.

உங்கள் கேள்வி இரண்டு எதிர் எதிர் முனைகளைக் கொண்டுள்ளது.

எனது இலக்கை அடைய முடியா விட்டால், ஏன் வாழ வேண்டும்? இவ்வுலகில் பிறக்கும் ஒவ்வொருவரும் ஏதோ ஒரு காரணத்திற்காக தான் பிறக்கிறார்கள். அடைய முடியாமல் போகும் இலக்கிற்காக நீங்கள் உயிரை விடுவதை விட, அடையக்கூடிய இலக்கை அமைத்துக் கொண்டு வாழ்ந்து காட்டுவதே ஆகச் சிறந்த செயல்.
சரியான திட்டமிடல், விடா முயற்சி, தன்னம்பிக்கை, நேர்மறை எண்ணங்கள், இறை நம்பிக்கை, தியானம், நல்ல நிலையில் மனதையும் உடலையும் பயிற்சி மூலம் வைத்தல், மூத்தவர் அறிவுரை/ஆலோசனை கேட்டு நடத்தல், வேலை நேரத்தில் வேலை, மற்ற நேரத்தில் மற்றது என்பதில் மன உறுதியுடன் செயல்படுதல், மன அழுத்தம்/உளைச்சலை எக்காரணம் கொண்டும் அனுமதியாது வேறு பயனுள்ள வழியில் மனதைச் செலுத்துதல், குடும்பம் மற்றும் நண்பர்கள் உடன் தரம் மிக்க நேரத்தை செலவு செய்தல், முன் யோசனையோடு பணம் மற்றும் பொருட்கள் செலவிடுதல், எந்த முக்கியமான முடிவுகள் எடுத்தாலும் ஒன்றுக்கு பத்து அல்லது நூறு முறை யோசித்து செயல்படுத்துதல்: இவைகள் எல்லாம் உங்கள் இலக்கை நீங்கள் அடைய 100 சதமானம் உதவியாக இருக்கும்.

Source

நம்மை வியப்பில் ஆழ்த்தும் கணக்கதிகார செய்யுள்கள்

noreply@blogger.com (Unknown) — Wed, 6 Jul 2022 13:46:00 +0530

நம்மை வியப்பில் ஆழ்த்தும் கணக்கதிகார செய்யுள்கள்...

பல நூற்றாண்டுகள் முன்பிருந்தே நம் முன்னோர்கள் பயன்படுத்திவந்த கால அளவுகள் இத்தனை துல்லியமானவையா !!!

"நிம

ைநோடி மாத்திரை நேர்முற் றிதனை

இணைகுரு பற்றும உயிரென்றார் - அனையஉயிர்

ஆறுசணி கம்மீரா றாகும்விநாடி தான்

ஆறுபத்தே நாழிகை யாம். "

விளக்கம் :

2 கண்ணிமை=1 கைந்நொடி

2 கைந்நொடி=1 மாத்திரை

2 மாத்திரை=1 குரு

2 குரு=1 உயிர்

6 உயிர்=1 கஷணிகம்

12 கஷணிகம்=1 விநாடி

60 விநாடி=1 நாழிகை

இத்தோடு இல்லாமல், பொழுது, நாள், வாரம், மாதம் என நீண்டுகொண்டே செல்கிறது. மேலும் கால அளவுகளை விவரிக்கும் கணக்கதிகார பாடல் பின்வருமாறு.

"நாழிகை ஏழரை நற்சாமந் தானாலாம்

போழ்தாகுங் காணாய் பொழுதிரண்டாய்த் - தோழி

தினமாகி முப்பது திங்களாய்ச் சேர்ந்த

தினமான தீரா றாண்டே"

விளக்கம் :

60 விநாடி=1 நாழிகை

2½ நாழிகை=1 ஓரை

3¾ நாழிகை=1 முகூர்த்தம்

7½ நாழிகை=1 சாமம்

4 சாமம்=1 பொழுது

2 பொழுது=1 நாள்

7 நாள்=1 கிழமை

15 நாள்=1 பக்கம்

30 நாள்=1 திங்கள்

6 திங்கள்=1 அயனம்

2 அயனம்=1 ஆண்டு

இத்தனை இனிமையான காலப்பகுப்புகளா?!

இவற்றை ஏன் நாம் நம் வட்டார வழக்கிலிருந்து தொலைத்து வருகிறோம்??

மாதம் இருமுறை (அ) 15 நாட்களுக்கு ஒருமுறை என்பதற்கு பதிலாக பக்கம் தோறும் என்று பயன்படுத்தலாமே!

ஆண்டிற்கு இருமுறை (அ) 6 மாதங்களுக்கு ஒருமுறை என்பதற்கு பதிலாக அயனம் தோறும் என்று பேசலாமே!!

தமிழ் - ஆங்கில கால அளவுகள் ஓர் ஒப்பீடு :

நம் தமிழ் கால அளவுகள் எத்தனை துல்லியமானவை என்ற புரிந்துகொள்ள, தற்பொழுது நாம் பயன்படுத்தும் கால அளவுகளை கணக்கதிகாரம் சொல்லும் தமிழ் கால அளவுகளோடு ஒப்பிட்டு பார்ப்போம் !!

8 சாமம்=1 DAY

2.5 நாழிகை=1 HOUR

1 நாழிகை=0.4 HOUR

2.5 விநாடி=1 MINUTE

1 விநாடி=0.4 MINUTE

1 விநாடி=24 SECONDS

1 கஷணிகம்=2 SECONDS

1 உயிர்=0.3333333333333333 SECOND

1 குரு=0.1666666666666667 SECOND

1 மாத்திரை=0.0833333333333333 SECOND

1 கைந்நொடி=0.0416666666666667 SECOND = 41.66 MILLISECONDS

1 கண்ணிமை=0.0208333333333333 SECOND = 20.83 MILLISECONDS

இத்தனை எளிமையான நம் தமிழ் கால அளவுகள் இப்பொழுது எங்கே ?

நாம் சிறுக சிறுக தொலைத்து வருவது நம் கால அளவுகளை மட்டும் அல்ல... நம் காலத்தையும் தான்...

விழித்துக்கொள்வோம் தமிழர்களே !

நம் பெருமையை இவ்வுலகமெங்கும் பறைசாற்றுவோம் !!

நன்றி: வரலாற்றுப் புதையல்

சங்க இலக்கியத்தில் வானியல்

noreply@blogger.com (Unknown) — Fri, 25 Feb 2022 12:07:00 +0530

மனிதனின் அறிவியல் பிரிவின் ஒரு கூறே வானியல். இன்றைக்கு வானியலின் வளர்ச்சி மனிதனை வேற்று கிரகவாசிகளாக மாற்றும் அளவுக்கு உயர்த்தியுள்ளது. ஸ்பிரிட், ஆப்பர்சினிட்டி ஆகிய விண்கலங்கள் செவ்வாய்க் கோளை ஆராய மனிதனால் ஏவப்பட்டவை. மேலும், இன்றைய அறிவியலாளர்கள் ஞாயிறை விட 320 மடங்கு பெரிய, 1 கோடி மடங்கு ஒளி வீசக்கூடிய, இதுவரை வானியல் அறிஞர்களே கண்டிராத மிகப்பெரிய விண்மீனை லண்டனில் உள்ள "ஷெபீல்ட்' வானியல் துறை விஞ்ஞானிகள் கண்டறிந்துள்ளனர். இவ்விண்மீனுக்கு மான்ஸ்டர் ஸ்டார் (ராட்சத நட்சத்திரம்) என்று பெயரிட்டுள்ளனர். இக்கண்டுபிடிப்புகளுக்கெல்லாம் முன்னோடியாக தொல் மனிதர்களின் வானியல் கண்டுபிடிப்பே அடிப்படை ஆகும். உலகில் உள்ள தொன்மையான மனித இனங்களில் ஒன்றான தமிழினம் தமக்கென வானியல் கொள்கையை சங்க இலக்கியங்களில் பதிவு செய்துள்ளனர்.

பழந்தமிழர்கள் வானத்தையே தன் வீட்டின் மேற் கூரையாகக் கொண்டவர்கள். வானத்தில் நாள்தோறும் நிகழ்கின்ற வானியல் நிகழ்வுகளையும், மாற்றங்களையும் கூர்ந்து கவனித்து வானியல் தொடர்பான சிந்தனைகளை இவ்வுலகுக்கு எடுத்தியம்பியவர்கள். தமிழகத்தில் வானியல் துறையில் சிறந்து விளங்கிய பலர் வாழ்ந்தனர் என்பதை கணியன் பூங்குன்றனார், கனிமேதாவியார், பக்குடுக்கை நன்கணியார் முதலிய பெயர்கள் சான்று பகர்கின்றன. சிலேட்டர் என்னும் வானியல் அறிஞர் தமிழருடைய வானநூற்கணித முறையே வழக்கிலுள்ள எல்லாக் கணிதங்களிலும் நிதானமானது என்னும் கருத்து ஈண்டு நோக்கத்தக்கது.

சங்கத் தமிழர் ஐம்பெரும் பூதங்களின் தோற்றங்களை வெளிப்படுத்தும்போது பரந்து விரிந்த வானத்திலிருந்து காற்றும், காற்றிலிருந்து தீயும், தீயிலிருந்து நீரும், நீரிலிருந்து நிலமும் தோன்றியுள்ள அறிவியல் உண்மையை இவ்வுலகுக்குப் பதிவு செய்துள்ளனர்.

விசும்பில் ஊழூழ் செல்லக்

கருவளர் வானத்திசையில் தோன்றி

உருவறி வாரா ஒன்றன் ஊழியும்

செந்தீச் சுடரிய ஊழியும் பனியொடு

தண்பெயல் தலைஇய ஊழியும் அவையிற்

நுண்முறை வெள்ள மூழ்கி ஆர்தருபு

(பரிபாடல்:2)

இப்பாடலடிகள் முறையாகத் தோன்றும் ஊழிக் காலங்களை வெளிப்படுத்துகிறது. முறையே வானம் முதல் ஊழிக் காலத்திலும், காற்று இரண்டாம் ஊழியிலும், தீ மூன்றாம் ஊழியிலும், நீர் நான்காம் ஊழியிலும், நிலம் ஐந்தாம் ஊழியிலும் தோன்றிய நிகழ்வு இன்றைய அறிவியலாரும் உடன்படு கருத்தாகும்.

தமிழர் இவ்வுலகிலுள்ள உயிர்கள் நிலைத்து வாழ ஞாயிறே முதன்மைக் காரணம் என்பதை உணர்ந்திருந்தனர். தமிழரின் பொங்கல் திருநாள் ஞாயிறை முதன்மைப்படுத்துவது ஈண்டு நோக்கத்தக்கது. திருமுருகாற்றுப்படையின் தொடக்க வரிகள், உயிர்கள் மகிழ ஞாயிறு எழுவதாக நக்கீரர் பதிவு செய்கிறார்.

உலக முவப்பு வலனேர்பு திரிதரு

பலர்புகழ் ஞாயிறு கடற்கண் டாஅங்கு

ஓவற இமைக்கும் சேண்விளங்கு அவிரொளி

(திருமுருகு:1-3)

இங்கு, உலக உயிர்கள் ஞாயிறின் கதிர்களால் உயிர் வாழ்கின்றன. இல்லையேல் இவ்வுலகம் பனிமண்டி உலக அழிவு ஏற்படும் என்ற உண்மை புலப்பட்டு நிற்கிறது. மேலும், நற்றிணை பாடலொன்று, ஞாயிறு இருளைப்போக்க அதன் உட்பகுதி நெருப்பினால் எரிந்து கொண்டிருக்கிறது என்றும் அதைச் சுற்றிலும் ஒளிப்படலம் உள்ளது என்றும் கூறுகிறது. அப்பாடலடிகள் வருமாறு.

வானம் மூழ்கிய வயங்கொளி நெடுஞ்சுடர்க்

கதிர்காய்ந்து எழுந்தகங் கனலி ஞாயிறு

(நற்:163)

இதன் மூலம், பழந்தமிழர்கள் ஞாயிறை நெருப்புக் கோளம் என்கின்றனர். இன்றைய அறிவியல் அறிஞர்களும் ஞாயிறு வடிவமற்று எரிந்து கொண்டிருக்கின்ற நெருப்புக் கோளம் என்பதை ஏற்றுக்கொள்கின்றனர். இன்றைய வானியலறிஞர்கள் ஞாயிறை ஒன்பது கோள்கள் சுற்றுவதாகக் கண்டறிந்துள்ளனர். இந்நிகழ்வின் எச்சத்தை சிறுபாணாற்றுப்படையில் காணமுடிகிறது.

வாணிற விசும்பின் கோண்மீன் சூழ்ந்த

விளங்கதிர் ஞாயி றெள்ளுந் தோற்றத்து

(சிறுபாண்: 242-43)

என்னும் வரிகள், ஞாயிறைச் சுற்றிலும் கோள்கள் சூழ்ந்துள்ள உண்மைப் பதிவைப் புலப்படுத்துகின்றன. இதன் மூலம் பல கோள்கள் ஞாயிறைச் சுற்றிவந்தன என்று தமிழர்கள் கண்டறிந்துள்ளனர். ஆனால், பூமியை ஞாயிறின் கோளாக இவர்கள் கண்டறியவில்லை. மாறாக காட்சிப் பார்வையின் அடிப்படையில் பூமியை ஞாயிறும் சந்திரனும் சுற்றுவதாக நம்பினர். இதை,

குடதிசை மாய்ந்து குணமுதல் தோன்றிப்

பாயிருள் அகற்றும் பயங்கெழு பண்பின்

(பதிற்று: 22:33-34)

இங்கு, ஞாயிறு கிழக்கில் தோன்றி, மேற்கில் மறைவதையும், பூமி நிலையாக ஓரிடத்திலேயே இருப்பதாகவும் காட்சிப் பார்வையின் அடிப்படையில் அறிவியல் உண்மையை அறியாது இருந்த செய்தியும் வெளிப்பட்டு நிற்கிறது.

மேலும், திருப்பாவை 13, புறம்:26:1-2; புறம் 117:1-2; பதிற்றுப்பத்து 13:25-26; ஆகிய பாடல்கள் மூலமும் அறியமுடிகிறது.

தமிழரின் வானியல் அறிவு இன்றைய அறிவுசார் உலகுக்கு ஒரு முன்னோடி என்பதில் ஐயமில்லை.

நன்றி - தமிழ்மணி

இந்தியர்களுக்கு இங்கு செல்ல விசா தேவையில்லை

noreply@blogger.com (Unknown) — Thu, 30 Dec 2021 17:24:00 +0530

கடல் அலைகள் தாலாட்ட, கடற்காற்று உங்கள் நாசிகளில் கடலின் வாசனைகளை நிரப்ப, பனை மரங்கள் சூழ உங்கள் நாள் ஆரம்பித்தால் எப்படி இருக்கும். அத்தகைய அழகான தீவு தான், 'ரீ யூனியன் ஐலண்ட்!'.

யுனெஸ்கோவால், உலக பாரம்பரிய பூமி என்று சான்றிதழ் பெற்ற, ஐரோப்பிய நாடான பிரான்ஸ் கட்டுப்பாட்டில் உள்ள, ரீ யூனியன் ஐலண்ட் தீவு, மொரீஷியஸ் நாட்டிலிருந்து, 210 கி.மீ., தொலைவில் உள்ளது. இந்தியர்களுக்கு இங்கு செல்ல விசா தேவையில்லை என்பது கூடுதல் தகவல்.இரண்டரை லட்சம் இந்தியர்கள் வாழும் இந்த தீவில், இறங்கிய நிமிடத்திலிருந்து நீங்கள் அதன் வெவ்வேறு கலாசாரத்தை அனுபவிக்கலாம். அழகிய உப்பங்கழிகள் நிறைந்த ரீ யூனியன் தீவில், மரகத பச்சை நிறக் கடலில், 30 கி.மீ., துாரத்திற்கு, பவளப் பாறைகள் அமைந்துள்ளன. இந்த தீவு, 1,000 கி.மீ., பரப்பளவில் அமைந்துள்ளது. இந்த தீவை நடந்து சென்றோ, குதிரை மேலோ அல்லது பைக்குகளிலோ நம் வசதிக்கேற்ப சில மணி நேரங்களிலோ அல்லது சில நாட்கள் தங்கியோ சுற்றிப் பார்க்கலாம்.

இத்தீவை சுற்றி, 31 விடுதிகள் உள்ளன. இவை அனைத்தும், இயற்கை சூழ்நிலையிலேயே அமைந்துள்ளன.பல நீர்வீழ்ச்சிகள், நதிகள் மற்றும் உப்பங்கழிகள் உள்ளன. இவற்றில் படகுகள், ஆழ்கடல் நீச்சல் மூலம் பல சாகச விளையாட்டுகளை மேற்கொள்ளலாம். ரீ யூனியன் தீவில் பல தமிழ் கோவில்கள், மசூதிகள், தேவாலயங்கள் மற்றும் சீன கோவில்களும் உள்ளன. இங்கு, பல நாட்டவர்களின் பண்டிகைகளும் பெருமளவில் கொண்டாடப்படுகின்றன.

என்ன சாப்பிடலாம்?

எல்லா உணவும் அரிசி சார்ந்தே உள்ளன. இந்திய சீன உணவுகள், கறி மற்றும் மீன் உணவுகள், தக்காளி, பூண்டு, மஞ்சள், வெங்காயம் போட்டு தயாரிக்கப்படுகின்றன. கரும்பிலிருந்து தயாரிக்கப்படும் ஒரு வகை மது வகையும் பரிமாறப்படுகிறது. இதை நேரடியாகவோ அல்லது சர்க்கரை மற்றும் தேனுடனோ கலந்து தருகின்றனர். இங்கு சில எரிமலைகளும் இருக்கின்றன. அவற்றை சிறிய விமானங்கள் மூலமாகவோ, ஹெலிகாப்டர் மூலமாகவோ பார்வையிடலாம். இத்தீவு, 3,000 ஆண்டுகளுக்கு முன் கடலுக்குள் ஒரு எரிமலை வெடித்ததிலிருந்து உருவாகியது. எரிமலைகளை சுற்றி, மலைகளும், வளங்களும், விளை நிலங்களும், நீர்வீழ்ச்சிகளும் உருவாகின. இதன் தென் பகுதியில் எரிமலையில் ஆன கரிய நிற மணற்பரப்பை கொண்ட கடற்கரையை காணலாம். உலகின் அழகிய கோல்ப் மைதானங்களும் இங்குள்ளன.

எப்படி செல்லலாம்?

சென்னையிலிருந்து, ஏர் ஆஸ்ட்ரல் நிறுவனத்தின் வாரமிருமுறை விமானத்தில் டில்லி அல்லது மும்பை சென்று, அங்கிருந்து ரீ யூனியன் சென்றடையலாம்.

பாதுகாப்பு

இந்த தீவில் வசிப்பவர்கள் தீவிற்கு சுற்றுப்பயணம் மேற்கொள்பவர்களை மரியாதையுடனும், பாசத்துடனும் நடத்துகின்றனர். திருட்டு பயம் அறவே கிடையாது.

உடல் நலம்

கொசுக்கள் உள்ளதால், அதற்கான பாதுகாப்பு அவசியம். பலவகை மருந்துகளும், மருந்து கடைகளில் கிடைக்கின்றன. வெயில் அதிகம் என்பதால், அதற்காக பாதுகாப்புகளுடன் பயணிக்க வேண்டும். மெல்லிய கதர் ஆடைகள், கறுப்பு கண்ணாடிகள், தொப்பிகள் தேவைப்படுகின்றன. வெயிலுக்கான களிம்புகளும், கிரீம்களும் தேவைப்படும்.

சீதோஷ்ண நிலை

மே மாதம் முதல் அக்டோபர் மாதம் வரை குளிர் காலம் என்பதால், 20 டிகிரி வரை செல்கிறது. மலைகளில், 4 டிகிரி வரை கூட செல்லலாம். அங்கு, பனி படர்ந்து காணப்படுகிறது.இத்தீவிற்கு செல்ல விதிமுறைகள்ரீயூனியன் தீவு, பிரான்ஸ் நாட்டின் ஒரு பகுதியாக கருதப்பட்டாலும், இந்திய பாஸ்போர்ட் வைத்திருப்பவர்களுக்கு, 15 நாட்கள் வரை தங்குவதற்கு விசா தேவையில்லை.

உள்நாட்டு பயணங்கள்

நாமே ஓட்டிச் செல்லும் வாடகை கார்களே பெரும்பாலும் உபயோகப் படுத்தப்படுகின்றன. நம் ஊரை போலவே வலது பக்கம் ஓட்டக்கூடிய கார்களே உள்ளன. இந்த கார்களை வாடகைக்கு எடுக்க, சர்வதேச ஓட்டுனர் உரிமம் அல்லது பிரான்ஸ் நாட்டின் ஓட்டுனர் உரிமம் தேவைப்படும். இந்தியாவுக்கும், ரீ யூனியன் தீவிற்குமான நேர வித்தியாசம் நம் நாட்டிலிருந்து ஒன்றரை மணி நேரம் பின்னால் உள்ளது. ரீ யூனியன் தீவில் நேரம் காலை, 8:00 என்றால், இந்தியாவில், காலை, 9:30.நாணயம் மற்றும் வங்கி சேவைகள்பிரான்ஸ் நாட்டின் ஒரு பகுதியாகவும், ஐரோப்பியாவின் ஒரு பகுதியாகவும் இருப்பதால், 'யூரோ' நாணயங்கள் உபயோகப்படுகின்றன. விசா, மாஸ்டர் கார்டு, டைனர்ஸ் கார்டு, யூரோ கார்டு மற்றும் அமெரிக்கன் எக்ஸ்பிரஸ் கார்டுகளை உபயோகிக்கலாம்.

பருவநிலை மாற்றம் - கார்பன் உறிஞ்சவேண்டிய காடுகளை கார்பன் உமிழ்கிறவையாக மாற்றிய மனிதர்கள் - Global Warming or Climate Change human changed forests as Carbon emitters

noreply@blogger.com (Unknown) — Fri, 29 Oct 2021 14:31:00 +0530

புவியை அச்சுறுத்திக்கொண்டிருக்கிற பருவநிலை மாற்றத்தை எதிர்க்கும் போரில் துணையாக இருக்க கூடியவை காடுகளே. அவையே பெரிய அளவில் கார்பனை உறிஞ்சி சுற்றுச்சூழலை காக்க உதவி செய்ய முடியும்.

ஆனால், காடுகள் கார்பனை உறிஞ்சுவதற்குப் பதிலாக கார்பனை உமிழ்பவையாக மாறியுள்ளன என்பதும், அதற்கு மனித நடவடிக்கைகளும், பருவநிலை மாற்றமும் காரணமாகியுள்ளன என்பதும் ஓர் ஆய்வில் தெரியவந்துள்ளது.

யுனெஸ்கோ உலகப் பாரம்பரிய தலங்களாக அறிவிக்கப்பட்ட உலகின் 10 காடுகள், கடந்த 20 ஆண்டுகளில் உறிஞ்சிய கார்பன் அளவைவிட அவை உமிழ்ந்த கார்பன் அளவு அதிகம் என்கிற மோசமான தகவல் ஓர் ஆய்வில் தெரியவந்துள்ளது.

இப்படி ஆய்வுக்கு எடுத்துக்கொள்ளப்பட்ட காடுகளின் மொத்த பரப்பளவு ஜெர்மன் நாட்டின் பரப்பளவைப் போல இரு மடங்கு ஆகும்.

உலகில் உள்ள 257 பாரம்பரியக் காடுகள் மொத்தமாக சேர்ந்து ஆண்டுதோறும் 19 கோடி டன் கார்பனை வளிமண்டலத்தில் உறிஞ்சியதாகவும் அதே ஆய்வில் கண்டறிந்து தெரிவிக்கப்பட்டுள்ளது.

"புதைபடிவ எரிபொருள்கள் வழியாக ஆண்டுதோறும் பிரிட்டன் உமிழும் கார்பன் அளவில் பாதி இது," என இந்த ஆய்வுக் கட்டுரையின் இணை ஆசிரியரான டாக்டர் டேல்ஸ் கார்வல்ஹோ தெரிவித்துள்ளார்.

ஐக்கிய நாடுகள் கல்வி, அறிவியல், பண்பாட்டு நிறுவனமான யுனெஸ்கோ-வை சேர்ந்தவர் அவர்.

"பருவநிலை மாற்றத்தின் கெடு விளைவுகளை போக்குவதற்கு இன்றைய தேதிவரை இந்தக் காடுகள் ஆற்றியுள்ள இன்றியமையாத பங்கினைப் பற்றிய விளக்கமான சித்திரம் இப்போது நம்மிடம் உள்ளது," என அவர் கூறியுள்ளார்.

ஆனால், சட்ட விரோதமாக மரம் வெட்டுதல், காடுகளை ஒட்டி வேளாண் நிலங்களை விரிவாக்கம் செய்தல், காட்டுத் தீ போன்றவற்றால் காடுகள் பெரும் நெருக்கடிக்கு உள்ளாகியுள்ளன. இவற்றில் காட்டுத் தீ பிரச்சனை அதிகரிப்பதற்கு பருவநிலை மாற்றமே காரணமாக இருக்க வாய்ப்பு உள்ளது.

செயற்கைக் கோள் தரவுகளையும், தல அளவில் கிடைத்த கண்காணிப்பு புள்ளிவிவரங்களையும் இணைத்துப் பார்த்து உலகப் பாரம்பரிய காடுகள் 2001 -2020 காலகட்டத்தில் உறிஞ்சிய, உமிழ்ந்த கார்பன் அளவை ஆராச்சியாளர்கள் மதிப்பிட்டுள்ளனர்.

மொத்த மரங்கள், செடிகொடிகள் கொண்ட உயிர்த் திரள் உறிஞ்சிய பல பில்லியன் டன் கார்பன் அளவை கணக்கிட்ட இந்த ஆய்வில் சில காடுகள் எவ்வளவு நெருக்கடிக்கு உள்ளாகியுள்ளன என்ற தகவலும் வெளியாகியுள்ளது.

ஆய்வுக்கு எடுத்துக்கொள்ளப்பட்ட காடுகள் அதி உயர் பாதுகாப்பை பெற்றவை. உலகத்துக்கு அவை பங்களிக்கும் இயற்கை வளங்களின் அளவை கருத்தில் கொண்டு உலக முக்கியத்துவம் வாய்ந்தவையாக கருதப்பட்டவை. நெருக்கமாகவும் தொடர்ச்சியாகவும் கண்காணிக்கப்படுகிறவை.

"இவ்வளவு இருந்தாலும் அவை பெரிய அளவில் நெருக்கடியை சந்திக்கின்றன," என்கிறார் கார்வால்ஹோ ரெசன்டே.

"வேளாண்மை சார்ந்த ஆக்கிரமிப்பு, சட்ட விரோத மரம் வெட்டுதல் ஆகிய மனித நடவடிக்கைகளே நெருக்கடிக்கான முக்கியக் காரணங்கள். ஆனால், பருவநிலை மாற்றத்தால் ஏற்படும் நெருக்கடிகளையும் நாங்கள் கவனித்தோம். அவற்றில் முக்கியமானது காட்டுத் தீ," என்கிறார் அவர்.

'நச்சு சுழல்'

கடந்த சில ஆண்டுகளில் குறிப்பாக சைபீரியா, அமெரிக்கா, ஆஸ்திரேலியாவில் ஏற்பட்ட காட்டுத் தீ சம்பவங்கள் மூலம் பல கோடி டன் கரியமில வாயு உற்பத்தியாகி வளி மண்டலத்தில் கலந்தது.

இந்த காட்டுத் தீ சம்பவங்களை 'முன்னெப்போதும் காணாதவை' என்று யுனெஸ்கோ வருணித்தது.

"அதிக கார்பன் உமிழப்படுவதால், அதிகம் காட்டுத் தீ ஏற்படும். அதனால் மீண்டும் அதிகமான அளவு கார்பன் வெளியாகும். இது ஒரு நச்சு சுழல்," என்று டாக்டர் கார்வால்ஹோ ரெசென்டே கூறுகிறார். ஆனால், காட்டுத் தீ ஒன்று மட்டுமே பருவநிலை அபாயம் அல்ல.

கார்பன் உமிழ்ந்த பாரம்பரியக் காடுகள்

2001-2020 காலகட்டத்தில் உறிஞ்சியதை விட அதிகம் கார்பன் உமிழ்ந்ததாக கண்டறியப்பட்ட உலக பாரம்பரிய காடுகள் பட்டியல்:

வெப்பமண்டல மழைக்காடு, சுமத்ரா, இந்தோனீசியா
ரியோ பிளாடானோ பயோஸ்பியர் ரிசர்வ், ஹோண்டுராஸ்.
யோசமட்டீ தேசியப் பூங்கா, அமெரிக்கா.
வாட்டர்டான் கிளேசியர் இன்டர்நேஷனல் பீஸ் பார்க், கனடா, அமெரிக்கா.
தி பார்பர்டான் மக்கோஞ்ச்வா மலைகள், தென்னாப்பிரிக்கா.
கினாபாலு பூங்கா, மலேசியா.
அவ்ஸ் நர் பேசின், ரஷ்யா மற்றும் மங்கோலியா.
கிராண்ட் கேன்யன் தேசியப் பூங்கா, அமெரிக்கா.
தி கிரேட்டர் புளூ மவுன்டெய்ன்ஸ் ஏரியா, ஆஸ்திரேலியா.
மார்னே டிராய்ஸ் பிட்டன்ஸ் தேசியப் பூங்கா, டொமினிகா.

அபாயச் சங்கு ஊதும் செய்தி

2017ம் ஆண்டு மரியா புயல் வீசியதில் டொமினிகாவில் உள்ள மார்னே டிராய்ஸ் பிட்டன்ஸ் தேசியப் பூங்காவில் உள்ள 20 சதவீத காட்டுப்பகுதி அழிந்துபோனது.

"இந்த ஆய்வில் அபாயச் சங்கு ஊதும் ஒரு செய்தி உள்ளது," என டாக்டர் கார்வால்ஹோ ரெசென்டே தெரிவித்துள்ளார்.

உலகின் மிகச் சிறந்த, மிகவும் பாதுகாக்கப்பட்ட காடுகள் கூட பருவநிலை மாற்றத்தால் ஆபத்தை எதிர்கொண்டுள்ளன என்று அவர் கூறினார்.

"எனவே, இந்தக் காடுகள் மட்டுமல்ல, எல்லா காடுகளும், கார்பன் உறிஞ்சுகிறவையாக தொடர வேண்டுமானால், பல்லுயிர்ப் பெருக்கத்தைப் பேணுகிற இடங்களாக அவை நீடிக்கவேண்டுமானால், உலக அளவில் கார்பன் உமிழ்வு அளவை கட்டுப்படுத்தும் நடவடிக்கையில் ஈடுபடுவது அவசியம்" என்றும் கூறுகிறார் ரெசன்டே.

Credit: Thanks to bbc, images from google image search

புதிய பாடத்தை விரைவாகக் கற்றுக்கொள்வதற்கான சில சிறந்த உத்திகள்

noreply@blogger.com (Unknown) — Fri, 21 May 2021 22:22:00 +0530

நான் கற்றுக் கொண்டு, பின்பற்றிவரும் பின்வரும் வழிமுறைகளை, எந்த ஒரு புத்தகத்தையும், அதிலுள்ள கருத்துக்களை நன்கு மனதில் பதியவைக்க நீங்களும் முயன்று பாருங்கள். இது பாடநூல்கள் மட்டுமல்ல, எந்த ஒரு புத்தகத்திற்கும் பொருத்திப் பார்க்கலாம்.

படிப்பதில் நான்கு படிகள் உள்ளன.

படிப்பது (Reading) : ஒரு புத்தகத்தினை படிக்கும் போது, பத்தி பத்தியாக படிக்க வேண்டும். ஒரு பத்தியினை படித்த முடித்தபின்பே, அடுத்த படிக்கு செல்ல வேண்டும்.
அடிக்கோடிடுவது(Underlining): படித்த பத்தியில் உள்ள முக்கியமான வரிகளை அடிக்கோடிட வேண்டும். இவ்வாறு, அடிக்கோடிடும் போது, படித்த பத்தியினை அடுத்த முறை முழுதாக படிக்க வேண்டிய அவசியமில்லை. முக்கிய வரிகளை படித்தாலே போதுமானது. இதன் மூலம், அவசியமற்ற வரிகளை மீண்டும் நாம் படிப்பதை தவிர்க்கிறோம். இதற்கு பின்பே, அடுத்த படிக்கு செல்ல வேண்டும்.
சாராம்சத்தினை குறித்துக் கொள்வது (Outlining): படித்த பத்தி சொல்லவரும் கருத்தின் சாராம்சத்தினை, பத்திக்கு அருகிலேயே, குறிப்பெடுத்துக் கொள்ள வேண்டும். இவ்வாறு குறிப்பெடுத்துக் கொள்வதன் மூலம், அடுத்த முறை, அந்த சாராம்சத்தினை படித்தாலே, அந்த பத்தி சொல்லவரும் விடயம் விளங்கிவிடும். தேவைப்பட்டால், ஒரு படி கீழறங்கி, அடிக்கோடிட்ட வரிகளை மீண்டும் படித்து தெளிவடையலாம்.
மறுபடி அலசுவது அல்லது மறுபடி பார்வையிடுவது (Reviewing) : இவ்வாறு மறுபடி அலசுவதற்கு இரண்டு வழிமுறைகள் உள்ளன.

புத்தகத்தின் ஊடாகவே அலசுவது(Reviewing through the book): புத்தகத்தில் ஏற்கனவே கடந்து வந்த படிகளின் மூலமாக, நமக்கு சாராம்சமும், அடிக்கோடிட்ட வரிகளும் உள்ளன. சாராம்சத்தினை மறுபடி நினைவு கூர்ந்து, அந்த பத்திகள் என்ன சொல்ல வருகின்றன என்று மறுபடி அலசுவது. இது மாடு அசைபோடுவதைப் போன்றது. இவ்வாறு அசை போடுவதன் மூலமாக, அந்த புத்தகத்தின் கருத்துக்கள் நம் மனதில் மறுபடி புதுப்பிக்கப்பட்டு, அந்த கருத்துக்கள் ஆழமாக பதிகின்றன. தேர்வுகளுக்கு முன்பாக, இவ்வாறு, மறுபடி மறுபடி அலசுவது என்பது தேர்வுக்கு நம்மை நன்றாக தயார் படுத்த உதவும். தேர்வில் அது சம்மந்தமாக கேள்வி வரும்போது, எளிதாக கோர்வையாக எழுத உதவும்.
குறிப்பேட்டின் ஊடாக அலசுவது (Reviewing through the hints): புத்தகத்தின் தலைப்புகள், உப தலைப்புகள், சாராம்சங்கள் போன்றவற்றை, ஒரு சிறிய குறிப்பேட்டில் குறித்து வைத்துக் கொள்வது. இவ்வாறு குறித்து வைத்துக் கொள்வதன் மூலம், அந்த குறிப்பேட்டினை மறுபடி மறுபடி அலசுவது எளிதாகிறது. 300 பக்கங்கள் உள்ள புத்தகத்தின் குறிப்பேடு, கிட்டத்தட்ட 8 முதல் 10 பக்கங்களுக்குள் அடங்கிவிடும். இவ்வாறு, சிறிய குறிப்பேட்டின் மூலம், மறுபார்வை செய்வதென்பது எளிதாகிவிட்டு, 300 பக்க புத்தகத்தை புரட்டும் அவசியம் ஏற்படுவது குறைகிறது. நான் இந்த முறையைத் தான் பின்பற்றி வருகிறேன். இந்த குறிப்பேட்டினை மறுபடி மறுபடி அலச, புத்தகத்தின் கருத்துக்கள் நமது மனதில் எளிதாக பதிகின்றன. தேர்வில், எந்த ஒரு கேள்வியையும் எளிதாக கையாள முடிகிறது.

நான் மேலே குறிப்பிட்ட வழிமுறை, எனது பள்ளி, கல்லூரி காலங்களில் மட்டுமன்றி, இப்போதும் கூட, நான் பகுதி நேரத்தில், மேல்படிப்பு படித்து வருவதற்கு உதவி வருகிறது. எந்த ஒரு புத்தகத்தினை படித்தாலும், அதனை குறிப்பெடுத்து, மறுபடி நினைவு கூர்வதற்கு உதவுகிறது.

எவ்வாறு கணிணியில், பல்வேறு தரவுகள், சிறிய இடத்தில் சேமிக்கப்படுகிறதோ, அவ்வாறு பெரிய புத்தகத்தின் சாராம்ச குறிப்பேடு, அந்த புத்தகத்தினை, தேவைப்படும் போது, மறுபடி நினைவு கூற உதவுகிறது.

இவ்வாறு படித்து, குறிப்பெடுத்துக் கொள்வதன் மூலம், புதிய பாடத்தினை எளிதாக நினைவு கூர்ந்து, தேர்வு எழுதவோ அல்லது வாழ்வில் பயன்படுத்தவோ முடியும்.

இலக்கியங்களில் சொல்லப்பட்டிருக்கும் நீர் நிலைகள்

noreply@blogger.com (Unknown) — Mon, 25 Jan 2021 13:36:00 +0530

ஒரு சின்ன குழாயில் நீர் பிடிக்கும் காலத்தில் நாம் இருக்கிறோம். ஆனால், நமது இலக்கியங்களில் சொல்லப்பட்டிருக்கும் நீர் நிலைகள் மொத்தம் 47

(1) அகழி (Moat) - கோட்டையின் புறத்தே அகழ்ந்தமைக்கப்பட்ட நீர் அரண்.
(2) அருவி (Water Falls) - மலை முகட்ட

ில் தேங்கிய நீர் குத்திட்டு விழுவது.
(3) ஆழிக்கிணறு (Well in Sea-shore) - கடலுக்கு அருகே தோண்டி கட்டிய கிணறு.
(4) ஆறு (River) - பெருகி ஓடும் நதி.
(5) இலஞ்சி (Reservoir for drinking and other purposes) - பல வகைக்கும் பயன்படும் நீர் தேக்கம்.
(6) உறை கிணறு (Ring Well) - மணற்பாங்கான இடத்தில் தோண்டி சுடுமண் வலையமிட்ட கிணறு.
(7) ஊருணி (Drinking water tank) - மக்கள் பருகும் நீர் நிலை.
(8) ஊற்று (Spring) - பூமிக்கடியிலிருந்து நீர் ஊறுவது.
(9) ஏரி (Irrigation Tank) - வேளாண்மை பாசன நீர் தேக்கம்.
(10) ஓடை (Brook) - அடியிலிருந்து ஊற்று எடுக்கும் நீர் - எப்பொழுதும் வாய்க்கால் வழி ஓடும் நீர்.
(11) கட்டுங்கிணக் கிணறு (Built-in -well) - சரளை நிலத்தில் வெட்டி, கல், செங்கல் இவைகளால் சுவர்கட்டிய கிணறு.
(12) கடல் (Sea) - சமுத்திரம்.
(13) கண்மாய் (கம்மாய்) (Irrigation Tank) - பாண்டிய மண்டலத்தில் ஏரிக்கு வழங்கும் பெயர்.
(14) கலிங்கு (Sluice with many Venturis) - ஏரி முதலிய பாசன நீர் தேக்கம் உடைப்பெடுக்காமல் இருப்பதற்கு முன் எச்சரிக்கையாக கற்களால் உறுதியாக்கப்பட்டு பலகைகளால் அடைத்து திறக்கக்கூடியதாய் உள்ள நீர் செல்லும் அமைப்பு.
(15) கால் (Channel) - நீரோடும் வழி.
(16) கால்வாய் (Suppy channel to a tank) - ஏரி, குளம் ஊருணி இவற்றிக்கு நீர் ஊட்டும் வழி.
(17) குட்டம் (Large Pond) - பெருங் குட்டை.
(18) குட்டை (Small Pond) - சிறிய குட்டம். மாடு முதலியன் குளிப்பாட்டும் நீர் நிலை.
(19) குண்டம் (Small Pool) - சிறியதாக அமைந்த குளிக்கும் நீர் நிலை.
(20) குண்டு (Pool) - குளிப்பதற்கேற்ற ஒரு சிறு குளம்.
(21) குமிழி (Rock cut Well) - நிலத்தின் பாறையை குடைந்து அடி ஊற்றை மேலெழுப்பி வரச்செய்த குடை கிணறு.
(22) குமிழி ஊற்று (Artesian fountain) -அடி நிலத்து நீர் நிலமட்டத்திற்கு கொப்பளித்து வரும் ஊற்று.
(23) குளம் (Bathing tank) - ஊர் அருகே உள்ள மக்கள் குளிக்கப் பயன்படும் நீர் நிலை.
(24) கூவம் (Abnormal well) - ஒரு ஒழுங்கில் அமையாத கிணறு.
(25) கூவல் (Hollow) - ஆழமற்ற கிணறு போன்ற பள்ளம்.
(26) வாளி (stream) - ஆற்று நீர் தன் ஊற்று நீரால் நிரப்பி மறுகால்வழி அதிக நீர் வெளிச் செல்லுமாறு அமைந்த அல்லது அமைக்கப்பட்ட நீர்நிலை.
(27) கேணி (Large Well) - அகலமும், ஆழமும் உள்ள ஒரு பெருங்கிணறு.
(28) சிறை (Reservoir) - தேக்கப்பட்ட பெரிய நீர் நிலை.
(29) சுனை (Mountain Pool) - மலையிடத்து இயல்பாயமைந்த நீர் நிலை.
(30) சேங்கை (Tank with Duck Weed) - பாசிக்கொடி மண்டிய குளம்.
(31) தடம் (Beautifully Constructed Bathing Tank) - அழகாக் நாற்பபுறமும் கட்டப்பட்ட குளம்.
(32) தளிக்குளம் (Tank Surrounding a Temple) - கோயிலின் நாற்புறமும் சூழ்ந்தமைந்த அகழி போன்ற நீர் நிலை.
(33) தாங்கல் (Irrigation tank) - இப்பெயர் தொண்ட மண்டலத்தை ஒட்டிய பகுதியில் ஏரியை குறிக்கும்.
(34) திருக்குளம் (Temple tank) - கோயிலின் அருகே அமைந்த நீராடும் குளம்.
(35) தெப்பக்குளம் (Temple tank with inside pathway along parapet wall) - ஆளோடியுடன் கூடிய, தெப்பம் சுற்றி வரும் குளம்.
(36) தொடு கிணறு (Dig well) - ஆற்றில் அவ்வப்பொழுது மணலைத்தோண்டி நீர் கொள்ளும் இடம்.
(37) நடை கேணி (Large well with steps on one side) - இறங்கிச் செல்லும் படிக்கட்டமைந்த பெருங்கிணறு.
(38) நீராவி (Bigger tank with center Mantapam) - மைய மண்டபத்துடன் கூடிய பெருங்குளம். ஆவி என்றும் கூறப்படும்.
(39) பிள்ளைக்கிணறு (Well in middle of a tank) - குளம் ஏரியின் நடுவே அமைந்த கிணறு.
(40) பொங்கு கிணறு (Well with bubbling spring) - ஊற்றுக்கால் கொப்பளித்துக் கொண்டே இருக்கும் கிணறு.
(41) பொய்கை(Lake) - தாமரை முதலியன மண்டிக்கிடக்கும் இயற்கையாய் அமைந்த நீண்டதொரு நீர் நிலை.
(42) மடு (Deep place in a river) - ஆற்றிடையுடைய அபாயமான பள்ளம்.
(43) மடை (Small sluice with single venturi) - ஒரு கண்ணே உள்ள சிறு மதகு.
(44) மதகு (Sluice with many venturis) - பெரிய மடை அடைப்பும் திறப்பும் உள்ள, பல கண்ணுள்ள ஏரி நீர் வெளிப்படும் மடை.
(45) மறு கால் (Surplus water channel) - அதிக நீர் கழிக்கப்படும் பெரிய வாய்க்கால்.
(46) வலயம் (Round tank) - வட்டமாய் அமைந்த குளம்.
(47) வாய்க்கால் (Small water course) - ஏரி முதலிய நீர் நிலைகள்.

வாரிஸ் டிரீ Waris Dirie

noreply@blogger.com (Unknown) — Tue, 13 Oct 2020 15:56:00 +0530

இந்த புகைப்படத்தில் இருக்கும் பெண்ணை நீங்கள் பார்த்திருக்கக்கூடும். இவர் ஒரு பிரபல ஆப்பிரிக்கா நாட்டின் மாடல் அழகி வாரிஸ் டிரீஸ். இவரின் வாழ்க்கை கதை கேட்கவே நடுங்க வைக்கும் ஒரு பாவப்பட்ட பயங்கரமான ஒரு மூட பழக்கத்தின் கதை.

வாரிஸ் டிரீ Waris Dirie (சோமாலி: Waris Diiriye, அரபு: واريس ديري‎) (பிறப்பு 1965) என்பவர் சோமாலியவைச்சேர்ந்த மாடல், நடிகை, எழுத்தாளர், சமூகச் செயற்பாட்டாளர். 1997இல் இருந்து 2003வரை ஐக்கிய நாடுகள் சபையின் நல்லெண்ணத் தூதராகவும் பணியாற்றியுள்ளார். ‘டெசர்ட் ஃப்ளவர் ஃபவுண்டேஷன்’ மூலம் உலகின் பல நாடுகளிலும் பெண் குழந்தைகளைக் காப்பாற்றி வருகிறார்.ஆண்-பெண் சமத்துவம், பெண்ணுரிமை, பெண் கல்வி, பெண் ஆரோக்கியம், மனித உரிமைகள் போன்றவற்றுக்காகப் போராடும் வாரிஸ் டைரி, நான்கு குழந்தைகளுடன் போலந்தில் வசித்து வருகிறார்.

இன்றைக்கு அவர் ஒரு கோடீஸ்வரர், இன்னும் சொல்லப்போனால் 1980ல் வந்த ஜேம்ஸ் பாண்ட் படத்தில் இவர் நடித்தார், ஒரு புத்தகம் எழுதினர், UN தூதரக அதிகாரியாக சில ஆண்டுகள் இருந்தார், 100 கோடி சொத்து சேர்த்தார். ஆனால் இந்த பெண்மணி சிறு வயதில் அனுபவித்த கொடுமை மிகப்பெரிய கொடுமை. இது இவருக்கு மட்டும் நேர்ந்த கொடுமை கிடையாது. அந்த மலைவாழ் மக்கள் கூட்டத்தில் பிறந்த எல்லா பெண் குழந்தைகளுக்கும் ஏற்பட்ட ஒரு துயரமான சம்பவம்.

வாரிஸ் தன் டைரி குறிப்பிலிருந்து தன் வாழ்க்கையில் நடந்ததை எண்ணி பார்க்கிறாள்... வாருங்கள் நாமும் சேர்ந்து பார்ப்போம்.

பசுமை என்றால் என்னவென்றே தெரியாத சோமாலியா நாட்டு பாலைவனத்தில் தான் நான் பிறந்தேன்.

ஒரு நாள் இரவு என் அம்மா தேவைக்கு அதிகமாகவே அன்று சாப்பாடு கொடுத்தாள் மேலும் தண்ணீர் மற்றும் பால் குடிக்கக்கூடாது என்று சொன்னாள்...

ஏன் அம்மா என்று கேட்டதற்கு, நாளைக்கு உனக்கு ஒரு சடங்கு இருக்கு அதற்காக தான் சொல்கிறேன். உங்கப்பா மருத்துவச்சியை பாக்கப் போயிருக்கார். அவரு வந்ததும் நாம் போகலாம் என்றாள். நானும் நாளைக்கு நடக்கவிருக்கும் சடங்கை எண்ணி சந்தோஷமாக உறங்கினேன்.

விடியற்காலையில் என் அம்மா வாரிஸ் வாரிஸ் என்று என்னை எழுப்பினாள்.

வா சீக்கிரம் போகலாம் என்றாள்...

நானும் தூக்க கலக்கத்தோடு அவளை பின்தொடர்ந்தேன், கரடுமுரடான ஒரு காட்டுப் பாதையில் என்னை கூட்டிக்கொண்டு போனாள். நாங்கள் இருவரும் தூரத்தில் தெரியும் ஒரு மலைக் குன்றை நோக்கி நடக்கத் தொடங்கினோம். அந்த குன்றை அடையும்போது பொழுது விடிந்துவிட்டது.

அருகில் இருக்கும் ஒரு பாறையில் என் அம்மா என்னை படுக்க சொன்னார். சிறிது நேரத்தில் சரக் சரக் என்ற ஒரு சத்தம் கேட்டது. சத்தம் வந்த திசையில் பார்த்தால் ஒரு அகோரமான ஒரு கிழவி, அதாவது அந்த மருத்துவச்சி வந்தால்... என் அம்மா ஒரு மரக்கட்டையை வாயில் வைத்து கடிக்க சொன்னால், கொஞ்ச நேரத்தில் என் தொடைப் பகுதியில் அந்த மருத்துவச்சி கையை விட்டு துழாவி என் ஆடையை அவிழ்த்தாள்.

அப்புறம் அவள் எடுத்து வந்த பையில் எதையோ தேடி கடைசியில் ஒரு பிளேடு எடுத்தாள். ரத்தக்கரை படிந்த அந்த பிளேடை அவள் எச்சிலை துப்பி அந்த பிளேடை சுத்தம் செய்தால் பிறகு என்ன நடக்கும் என்று நான் யோசிக்கையில் என் அம்மா என் கண்ணை பொத்தினாள்.

என் பிறப்பு உறுப்பில் அந்த பிளேடு சரசரவென்று நாலாபக்கமும் ஓடியது அப்படியே செத்து விடலாமா என்று தோன்றியது. இன்றும் அந்த வலியை நினைக்கும்போது நெஞ்சுக்குள் ஒரு நெருப்பு ஜுவாலை என் உயிரை அழுத்தும்.

அந்தக் கிழவி என்ன செய்கிறான் என்று யோசிப்பதற்குள் அவள் எதையோ கொண்டு என் தோளை தைப்பது போன்ற ஒரு உணர்வு எனக்கு ஏற்பட்டது. சிறிதுநேரத்தில் கண்விழித்தேன். என் கால்கள் நடுங்கத் தொடங்கின.

ஒரு விலங்கை கொடூரமாக வெட்டிப் போட்டால் எப்படி ரத்த சகதியாக இருக்குமோ, அதே போல் இருந்தது, நான் படுத்து இருந்த பாறை.

அங்கொன்றும் இங்கொன்றுமாய் கிடந்தது என்னுடைய குட்டி குட்டி சதைகள்.

அருகிலேயே அக்கேசியா எனப்படும் ஒரு முள் வகை அங்கு கொட்டி கிடந்தது. அப்போதுதான் எனக்கு சிறிது புரிந்தது. அந்த முட்களை கொண்டு என் சதைகளை தைத்தால் என்று.

ஒரு தீக்குச்சி சொருகும் அளவுக்கு ஒரு ஓட்டையை விட்டுவிட்டு மற்ற பகுதிகளை அவள் அந்த முட்களை கொண்டு ஒரு நூலினால் தைத்து விட்டாள்.

அது ஏன் என்று புரிவதற்கு முன்பே என் பிறப்பு உறுப்பில் ஆசிடை கொட்டியது போல் ஒரு எரிச்சல் ஏற்பட்டது. பின்பு தான் தெரிந்தது அந்த சிறு ஓட்டையின் வழியே சிறுநீர் வெளியேறியது.

வாழ்க்கையில் இனிமேல் தண்ணீரே குடிக்க கூடாது என்று முடிவெடுத்தேன். ஏனென்றால் அந்த வலியை மறுபடியும் எதிர்கொள்ளும் தைரியம் எனக்கு இல்லை.

ஏன் இப்படி செய்கிறார்கள் என்று கேட்க துணிவும் இல்லாமல், உடம்பில் தெம்பும் இல்லாமல் நடுங்கியபடியே என் அம்மாவை பின்தொடர்ந்து அங்கே தற்காலிகமாக அமைந்திருந்த ஒரு குடிலில் தங்க வைக்கப்பட்டேன்.

என் அம்மா சொன்னாள், ஒரு வாரம் இங்கு தங்கி விட்டு உடம்பு சரியானதும் நாம் வீட்டுக்கு போகலாம் என்று.

ஏன் என்னை இப்படி சித்திரவதை பண்ணுகிறீர்கள் அதற்கு பதிலாக என்னை தயவுசெய்து கொன்றுவிடுங்கள் என்று கெஞ்சினேன்.

ஓரிரு நாளில் எனக்கு காய்ச்சலும் வந்தது. ஆனால் என் அம்மா என்னை அக்கறையாக பார்த்துக் கொண்டதால், சில நாட்களிலேயே அந்த காய்ச்சல் சென்றுவிட்டது. பின்பு எங்கள் வீட்டுக்கு வந்து சேர்ந்தோம்.

வருடங்கள் உருண்டோடின, பின்பு தான் புரிந்தது அந்த சடங்கு சம்பிரதாயங்கள் என்னவென்று.

பெண்களின் தொடைகளின் நடுவில் நரகம் இருப்பதாகவும் அவர்களின் கன்னித்தன்மையை பாதுகாக்க இந்த சடங்குகள் செய்யப்படுவதாகவும் நான் கேள்விப்பட்டேன்.

வருடங்கள் பல கடந்தாலும் சின்னவயதில் தூக்கத்தில் என் அம்மா வாரிஸ்.. வாரிஸ்... என்று என்னை எழுப்பிய கணமும்.. பின்பு மலையின் உச்சிக்கு கூட்டிக்கொண்டு போய் எனக்கு செய்த கொடுமையை எண்ணி எண்ணி நான் அழுது கொண்டே இருப்பேன்.

அந்த ஒரு சம்பவத்தினால் என் பெயரை யார் உச்சரித்தாலும் என் உடல் நடுங்க தொடங்கியது.

அப்போது எனக்கு வயது பதிமூன்று இருக்கும், நான் நடந்த துயரத்தை மறந்து சகஜ வாழ்க்கைக்குத் திரும்பிக் கொண்டிருந்தேன். என் வீட்டின் பின்புறத்தில் ஆட்டுப்பால் கறந்து கொண்டிருந்தேன். அப்போது யாரோ வாரிஸ் வாரிஸ் என்று என்னை கூப்பிட்டார்கள்..

என் உடல் நடுங்கத் தொடங்கின, இதயம் பட படவென்று அடித்துக் கொண்டது, ரத்தம் உறைய தொடங்கியது, மெதுவாக திரும்பி பார்த்தேன்...

குறிப்பு: அவளுக்கு நடந்த சடங்கு என்னவென்றால் FGM எனப்படும் Female Genital Mutilation...

அதாவது நம்ம ஊரில் ஆண் குழந்தைகளுக்கு பண்ணும் சுன்னத்து வழக்கம்போல் சோமாலியா மற்றும் இதர ஆப்பிரிக்க நாடுகள், ஆசிய நாடுகள், மத்திய கிழக்காசிய நாடுகளில் இது நடந்தது... கிட்டத்தட்ட 13 கோடி பெண்கள் இதனால் பாதிக்கப்பட்டனர்.

துணுக்கு செய்தி....வட இந்தியாவிலும் இந்த பழக்கம் இருந்தது.

பெண்களின் தொடைகளுக்கு நடுவே தான் நரகம் ஒளிந்து இருக்கிறது...

வாரிஸ் வாரிஸ் என்ற சத்தத்தை கேட்ட உடனேயே... உடல் உதற, ஈர குலை நடுங்க திரும்பிப் பார்த்தால் வாரிஸ்...

தூரத்தில் தன் அப்பா நிற்பதை கண்டு சிறிது நிம்மதி அடைந்தால் வாரிஸ். இருந்தாலும் தன் அப்பா இவ்வளவு பாசமாக தன்னை அழைப்பது கிடையாதே என்று சந்தேகத்துடன் அப்பாவை நெருங்கினால் வாரிஸ்.

வாரிஸ் !! உன்னை நான் இதுவரை பிரிந்ததே கிடையாதே, இனிமேல் நீ இல்லாமல் நான் எப்படி இருப்பேன் வாரிஸ் என்று அப்பா கொஞ்சம் சோகத்துடன் இந்த வாக்கியத்தை சொன்னார்.

எனக்கும் ஒன்றும் புரியவில்லை, இருந்தாலும் ஏன் அப்பா அப்படி சொல்கிறீர்கள் என்று கேட்டேன்...

அதற்கு அப்பா, வாரிஸ்... நாங்கள் உனக்கு கல்யாணம் பண்ணி வைக்க போகிறோம். கல்யாணம் பண்ணி கொண்டால், நீ உன் புருஷன் வீட்டுக்கு தானே போக வேண்டும். அப்போது அப்பா உன்னை பிரிந்து தான் இருக்க வேண்டும். அதனால்தான் நான் அப்படி சொன்னேன் என்றார்.

அதற்கு நான் கொஞ்சம் கோபத்துடன், எனக்கு இப்போது கல்யாணம் வேண்டாம் என்று சொன்னேன். (எங்கள் நாடோடி வாழ்க்கையில் பெரியோர்களுக்கு மரியாதை கொடுத்தே ஆக வேண்டும், அவர் ஒரு வயது என்ன விட மூத்தவராக இருந்தாலும் அவரை எதிர்த்துப் பேசவோ, மரியாதை குறைவான வார்த்தைகளையோ உபயோகிக்கக் கூடாது)

எனக்கு அப்பாவை நேர் கொண்டு பேசவே எனக்கு ரொம்ப பயம். அதிலும் அவர் எப்பவும் மிரட்டல் தொனியில் தான் என்னிடம் பேசுவார். இதை நான் சொன்னவுடன் அவர் உரத்த குரலில், நீயும் உன் அக்காவை போல ஓட போகிறாயா? அதெல்லாம் முடியாது, நாளைக்கு உன்னை கல்யாணம் பண்ணிக்கொள்பவர் இங்கு வருவார். அவர் நமக்கு ஐந்து ஒட்டகங்கள் தருவதாக சொல்லி இருக்கிறார்.

அதனால் முரண்டு பண்ணாம, இந்த கல்யாணத்துக்கு ஒத்துக்கோ, உனக்கு கீழே தம்பி தங்கைகள் வாழ்க்கை இருக்கு, அதை கொஞ்சம் யோசித்து பார் என்று சொல்லிவிட்டு நகர்ந்தார் அப்பா.

(எங்கள் ஊரில் ஒரு குடும்பத்தின் பொருளாதாரத்தை அளக்க உதவும் அளவு கோல், அந்த குடும்பத்தில் எவ்வளவு ஒட்டகம் இருக்கிறது என்பதைப் பொறுத்தே இருக்கிறது)

மறுநாள் நான் ஆட்டுக்கு பால் கறந்து கொண்டிருக்கும் போது என் தங்கை ஓடிவந்து சீக்கிரம் வா உன்னை அப்பா கூப்பிடுகிறார் என்று அழைத்தாள்.

வீட்டு வாசலில் என் அப்பாவும் அவருடைய மாமா அல்லது அவருடைய தாத்தாவாக இருக்கலாம் என்று எண்ணிய ஒரு பெரியவரும் நின்று கொண்டிருந்தார்கள்.

அப்பா சந்தோஷத்துடன் என்னை வரவேற்றார், வா வாரிஸ், இவர் தான் நீ கல்யாணம் பண்ணி கொள்ள போகும் கணவன் என்றதும், எனக்கு தூக்கி வாரி போட்டது. காரணம் என் அப்பா காண்பித்த அந்த ஆளுக்கு கிட்டத்தட்ட 60 வயது இருக்கும், எனக்கு 13 வயது. என் அப்பாவே அவரை விட இளமையாக இருந்தார்.

ஒரு தடவை என் அக்காவை ஒருவன் கற்பழிக்க முயற்சி செய்தான் என்ற ஒரு காரணத்திற்காக அவனை துவம்சம் செய்து 5 கத்தி குத்து வாங்கினாலும் அவனைக் கொலை செய்தார் என் அப்பா.

இந்த கிழட்டு மூதேவி நம்பிப் போனால், யாராவது வந்து கேட்டால் போதும், இவனே என் கையை பிடித்து கொடுத்து விடுவான்.

என் அப்பாவிடம் எவ்வளவோ கெஞ்சி பார்த்தேன், அவர் தன் எண்ணத்தை மாற்றிக் கொள்வதாக இல்லை, மாறாக என்னை மனம் மாற்றம் செய்வதில் தான் குறியாக இருந்தார்.

நான் எப்படி அப்பா அந்த கிழவனை கல்யாணம் பண்ணி கொள்ள முடியும் என்று கேட்டதற்கு, அப்பா சொன்ன பதில் என்ன தெரியுமா? அவன் கிழவனாக இருப்பதால் அவன் உன்னை விட்டு போக மாட்டான், வேறு பெண்ணை தேட மாட்டான், அவன் சொத்து முழுவதும் உன் கைக்கு வந்துவிடும்.... அதனால் நீ நிம்மதியாக இருக்க முடியும் என்றார்.

எனக்கு வேறு ஒரு பயமும் தொற்றிக் கொண்டது. இவன் இரண்டு மூன்று பிள்ளைகளை கொடுத்த பின்பு இறந்து போனால், எங்கள் நாடோடி வழக்கப்படி விதவைகள் மறுமணம் செய்யக்கூடாது. அதனால் நான் காலம் பொழுதும் அந்த குழந்தைகளை வளர்ப்பதற்கு என் வாழ்வை தியாகம் செய்தாக வேண்டும்.

எந்த விதத்திலும் எனக்கு அந்த கிழவன் பொருத்தமாக இல்லை, அதனால் வீட்டை விட்டு ஓடுவது தான் ஒரே வழி என்று முடிவெடுத்தேன்.

ஆனால் எங்கு செல்வது என்று தான் எனக்கு ஒரு குழப்பம். என் அத்தை அதாவது என் அம்மாவின் தங்கை மோகாடிஷ்யூ என்ற ஊரில் இருந்தார். அங்கு சென்று நாம் மற்ற வழிகளை பார்ப்போம் என்று முடிவெடுத்தேன்.

இருந்தாலும் அம்மாவிடம் கடைசியாக ஒருமுறை மன்றாடி பார்க்கலாம் என்று யோசித்தேன்.

உடனே ஓடிப்போய் அம்மாவை கட்டிப்பிடித்து அழுதேன். எனக்கு இந்த கல்யாணம் வேண்டாம். நான் கடைசி வரைக்கும் ஆடு மாடுகளை மேய்த்துக் கொண்டு, ஒட்டகங்களை பராமரித்துக் கொண்டு உங்களுடனே வாழ்கிறேன். அதையும் மீறி அவருக்கு கல்யாணம் பண்ணி வைத்தால், நான் வீட்டை விட்டு ஓடி விடுவேன், அக்கா ஓடினது போல.

அந்த வார்த்தை சொன்ன மறுவினாடி என் அம்மா பளார் என்று அறைந்தார். அப்படி எல்லாம் பேசக்கூடாது போ என்று அதட்டி என்னை படுக்க வைத்தார்.

நான் ரொம்ப நேரம் அழுது கொண்டிருந்தேன். எப்போது தூங்கினேன் என்று எனக்கு ஞாபகம் இல்லை விடியற்காலை இருக்கும் திடீரென்று அம்மா என்னை எழுப்பினார்.

வாரிஸ்... வாரிஸ்

நமக்கு தான் நம் பெயரைக் கேட்டாலே அதிர்ந்து போய் விடுவோமே, அதனால் தூக்கிவாரிப் போட்டதுபோல் எழுந்தேன்.

அம்மா என்னை இருக்க கட்டி பிடித்து காதில் மெதுவாக, அப்பா எழுவதற்குள் நீ ஓடி விடு என்றார்.

அம்மா அந்த வார்த்தையை சொன்ன அந்த கண நேரத்தில் எனக்கு அழுகை முட்டிக்கொண்டு வந்தது. இருந்தாலும் நான் இந்த நொடியில் ஒரு முடிவு எடுத்தாக வேண்டும்.

எனக்கு தாயை பிரிய மணமில்லை, இருந்தாலும் அங்கேயே இருக்க எனக்கு விருப்பமில்லை.

மெதுவாக வெளியே வந்தேன்.... அங்கே எனது அப்பாவின் குறட்டை சத்தம் சீராக கேட்டது.

அந்த இருட்டில் என் தாயின் முகம் சரியாக தெரியவில்லை இருந்தாலும் அவளை கட்டிப்பிடித்து கன்னத்தில் முத்தமிட்டேன். அப்பொழுது உணர்ந்தேன் நான் முத்தமிட்டது அவன் கண்ணீரில் மீது தான்.

என்னை மறந்து விடாதே வாரிஸ் என்று அம்மா அழுதாள். நான் ஒரு போதும் உன்னை மறக்க மாட்டேன் அம்மா... கூடிய விரைவில் நான் திரும்பி வந்து உன்னை கூட்டி கொள்கிறேன் என்று மீண்டும் ஒருமுறை கட்டிப்பிடித்து அவளிடம் இருந்து விடை பெற்றேன்.

சோமாலியா நாட்டின் தலைநகரான மோகாடிஷ்யூ செல்ல வேண்டும் என்று மட்டும்தான் என் மனதில் இருந்தது, ஆனால் அது எந்த திசையில் இருக்கிறது என்பது எனக்குத் தெரியாது. இருந்தாலும் நான் மனம் போன போக்கில் ஓடத் தொடங்கினேன். ஒரே இருட்டு, பாதை தெரியவில்லை இருந்தாலும் என் பயணத்தைத் தொடர்ந்து விட்டேன்.

ஓடினேன், ஓடினேன், நடந்தேன், ஓடினேன், நடந்தேன், சிறிது நேரம் உட்கார்ந்தேன், பின்பு என் பயணத்தை தொடர்ந்தேன். எவ்வளவு மணிநேரம் ஓடினேன் என்று எனக்கே தெரியவில்லை. சூரியன் மெல்ல மெல்ல எட்டிப்பார்த்து சுளீரென்று என் முகத்தில் ஒளியை வீசியது. மிகவும் களைப்பாக இருந்தது, இருந்தாலும் என் பயணத்தைத் தொடர்ந்து கொண்டே இருந்தேன், தாகம் ஒரு பக்கம் என்னை சோர்வடைய செய்தது, இருந்தும் பயணத்தை தொடர்ந்து கொண்டே இருந்தேன்.

முதலில் மன பிரமை என்று தான் நினைத்தேன் ஆனால் மெலிதாக, மிகவும் சன்னமாக வாரிஸ் வாரிஸ் என்று என் பெயரை கூப்பிடுவது எனக்கு மெலிதாக கேட்டது. திரும்பி பார்த்தால் தூரத்தில் என் அப்பா என்னை பின் தொடர்வதை கவனித்தேன்.

எனது அட்ரினல் சுரப்பி வேகமாக சுரக்க எடுத்தேன் ஓட்டம். ஓடினேன் ஓடினேன் வேகமாக ஓடினேன். ஓடும்போதே எண்ணிக்கொண்டிருந்தேன், எப்படி என் பாதையை அவர் கண்டுபிடித்தார். எங்கள் நாடோடி வாழ்க்கையில் இதெல்லாம் ரொம்ப சகஜம், ஒருவரின் கால் தடத்தை வைத்து அவரை எவ்வளவு உயரமானவர் என்று நாங்கள் அறிவோம், அதே விதியை தான் என் தந்தை கையாண்டார். அதனால், நான் மண் பாதையை தவிர்த்து மலை மற்றும் கல்லில் மேல் ஓடத் தொடங்கினேன்.

பாவம் என் அப்பா என் வேகத்துக்கு ஈடு கொடுக்க முடியாமல் பின் தங்கிவிட்டார். நான் திரும்பிப் பார்க்கையில் ஒரு மலையின் அடிவாரத்தில் ஒரு புள்ளியாகத் தெரிந்து மறைந்தார், இருந்தாலும் நான் என் வேகத்தை விடவில்லை ஓடிக்கொண்டே இருந்தேன். அப்போது நண்பகல் மேலாகிவிட்டது எனக்கு நன்றாக தெரியும் என் அப்பா திரும்பிவிடுவார், ஏனென்றால் இருட்டுவதற்குள் அவர் வீடு செல்ல வேண்டும் இல்லை என்றால் வீட்டிற்கு வழி கண்டுபிடிப்பது மிகவும் சிரமம்.

மெழுகை நெருப்பில் வாட்டி அதன் ஒரு துளியை நம் தோளில் ஊற்றினால் ஒரு சூடு தெரியுமே, அதே வெப்பம் தான் அந்தப் பாலைவன மணலில் இருந்தது. இருந்தாலும் நான் என் முயற்சியை கைவிடவில்லை ஓடிக்கொண்டே இருந்தேன். எத்தனை நாள் ஓடினேன் என்று எனக்கே தெரியாது, ஆனால் பல இரவு பகல் சென்று கொண்டே இருந்தது.

எங்கள் வாழ்க்கையில் சாப்பாடு ஒரு பிரச்சினையே இல்லை, ஏனென்றால் பல நாட்கள் நாங்கள் பட்டினியாக இருந்திருக்கிறோம். கோடைகாலங்களில் பல மிருகங்கள் இறந்து போயிருக்கின்றன, எங்களுக்கு முக்கியமான உணவே ஒட்டகத்தின் பால் தான். ஒட்டகமே இல்லாதபோது எங்களுக்கு உணவு எப்படி இருக்கும்?

ஆனால் என்னுடைய இப்போதைய பிரச்சனை சாப்பாடு அல்ல, தண்ணி அல்ல, அந்த பாலைவன மணலின் சூடு என் பாதங்கள் கொப்பளித்து வெடித்து செய்யுது, ரத்தம் கசியத் தொடங்கியது, அந்த வலி என் பயணத்தைத் தொடர முட்டுக்கட்டையாக இருந்தது.

வெயில் தாக்கம் அதிகமாக இருந்தால், ஏதாவது ஒரு மரநிழலில் படுத்து உறங்கி, திரும்பவும் என் பயணத்தை தொடர்வேன். விடியற்காலை சூரியன் எழுவதற்கு முன் என் பயணத்தைத் தொடர்வேன். இப்படி தான் என் பயணம் போய்க்கொண்டிருந்தது.

அப்படியான ஒரு பொழுதில் மிகவும் சோர்வாகி, மிகவும் தள்ளாடி, காலில் கொப்புளங்கள் வெடித்த வலி அதிகமாகவே ஒரு மரநிழலில் உறங்கினேன்.

எப்பொழுது உறங்கினேன் என்று நினைவில் இல்லை, ஆனால் திடீரென்று என் கனவில் என் அப்பாவின் குறட்டை சத்தம் கேட்டது. ஆனால் அந்த சத்தம் மிகவும் சத்தமாக கேட்கவே, நான் பயந்து அப்பா வந்து என்னை வந்து பிடித்து விட்டாரோ என்று கண் விழித்தேன்.

கண்களை மெதுவாக திறந்து பார்த்தால் எதிரே ஒரு உருவம், ஆனால் அது என் அப்பாவைப் போல் தெரியவில்லை, ஒரு விலங்கைப் போல் தெரிந்தது. இன்னும் கண்களை கசக்கிக் கொண்டு பார்த்தேன்.

அது ஒரு ஆண் சிங்கம்.

நாக்கை சுழற்றி கொண்டு என்னை நோக்கி அது மெதுவாக வந்தது...

நான் ஆயிரம் முறை சிங்கத்தை காட்டில் பார்த்து இருப்பேன். ஆனால் இவ்வளவு பக்கத்தில் பார்த்தது கிடையாது. அந்த தேன் நிற கண்களை கொண்ட சிங்கம் என் அருகில் வந்தது. அதனுடைய மூக்கின் அருகில் உள்ள முடி என் முகத்தில் ஊசி போல் குத்தியது.

அதனுடைய மிருக வாசனை என்னையுமறியாமல் சிறுநீர் கழிக்க வைத்தது. செத்த பிணம் போல் உறைந்து அந்த மரத்தின் மீது சாய்ந்து படுத்து விட்டேன். இன்னும் சில நொடிகள் தான், நான் இந்த பூமியை விட்டு போகப் போகிறேன். என் அம்மாவுக்கு பண்ணி கொடுத்த சத்தியத்தை காப்பாற்ற தவறிவிட்டேன். என்னுடன் கூடப் பிறந்தவர்களை இனி என் வாழ்நாளில் பார்க்கப் போவதும் இல்லை. அல்லாஹ்வே தயவு செய்து என் உயிரை எடுத்துக்கொள் எனக்கு இந்த மரணபயம் வேதனையாக இருக்கிறது.

அந்த மிருகத்துடன் என்னால போராட முடியாது என்பது எனக்கு சர்வநிச்சயமாக தெரியும். எழுந்து ஓடவும் என் உடம்பில் தெம்பு இல்லை, எதிர்த்து தாக்கவும் எனக்கு பலம் இல்லை. பேசாமல் அதற்கு இரையாக ஆவது மேலென்று... இருக்கையை தூக்கி வா என அடித்துக் கொல் என்று சிங்கத்தை வேண்டினேன்.

இப்பொழுது என்னை ஓங்கி ஒரு அறை கொடுக்க போகிறது, அப்போது என் மண்டை உடைந்து சாகப்போகிறேன். இதுதான் என் வாழ்வின் கடைசி நொடி என்று நினைக்கும் பொழுது, அந்த சிங்கம் என் முகத்தருகே வந்து முகர்ந்து பார்த்து சென்றுவிட்டது.

என்னால் அந்த காட்சியை இன்னும் என்னால் நம்ப முடியவில்லை. பல நூறு மைல்கள் நடந்து சென்று இருப்பேன். அப்போதும் என்னால் அந்த காட்சியை விட்டு விலக முடியவில்லை. ஏன் என்னிடம் இருந்து விலகி சென்றது. என்னை பார்த்து பயப்பட என்னிடம் ஒன்றும் இல்லை, பின்பு ஏன் ஏன் ஏன் என்று கேள்வி ஆயிரம் முறை என் மனதில் உதித்தது.

மரக் குச்சியை போன்ற கால்கள், காய்ந்து போன என் தலைமுடி, கொஞ்சம் கூட சதை இல்லாமல் வற்றிப்போன என் முகம், பூஞ்சை அடைந்த என் கண்கள் இதையெல்லாம் பார்த்து இது வல்லூறு சாப்பிட்டு மிச்சம் வைத்த எலும்புக்கூடு என்று சிங்கம் நினைத்திருக்கலாம் என்று ஒரு முடிவுக்கு வந்தேன்.

கால்கள் என்னிடம் கெஞ்சின, பசி என்னை சாப்பிட ஆரம்பித்தது, சோர்வு என்னை சொக்கி இழுத்தது, இதற்கு மேல் நடக்க முடியாது என்று மூளை எனக்கு கட்டளையிட்டது, நான் கடைசியாக மனசாட்சியிடம் மன்றாடினேன். அதோ தெரிகிறது பார் ஒரு மலை அந்த மலைப் பக்கத்தில் பறவைகள் தெரிகின்றன, அதுவரைக்கும் செல்வோம் அங்கு தண்ணீர் எதுவும் இல்லை என்றால் அங்கேயே விழுந்து சாவோம் என்று மனசாட்சியுடன் ஒரு ஒப்பந்தம் செய்து கொண்டேன்.

மூளை என்னிடம் பொய் சொல்லி விட்டது, கொஞ்சம் கூட சக்தி இல்லை என்று என்னிடம் சொல்லிய மூளை திடீரென்று எனக்கு ஒரு சக்தியைக் கொடுத்தது. அதனால் அந்த மலைக் குன்றை நோக்கி வேகமாக நடக்க ஆரம்பித்தேன்.

பெரிய செல்வந்தர் வீட்டில் பிறந்த என் அம்மா என் தந்தையை காதலித்த ஒரே காரணத்திற்காக அவருடன் ஓடி வந்துவிட்டார். அவரின் தந்தையார் ஒரு நாடோடிக்கு என் பெண்ணைக் கொடுக்க மாட்டேன் என்று பிடிவாதமாக இருந்தார். நகர்ப்புறத்தில் இருந்த ஒரு பெரிய செல்வந்தரின் மகள் தான் என் அம்மா. அதை விடுத்து அன்றாடச் சோற்றுக்கே கஷ்டப்படும் என் அப்பாவை கைபிடித்தார் என் அம்மா. 14 வயதில் ஓடி வந்த என் அம்மா, 12 குழந்தைகளை பெற்றெடுத்தார். இதில் நான்கு குழந்தைகள் பிறந்த உடனேயே இறந்து விட்டது. இளவயதில் பெண்களுக்கு நடக்கும் சடங்கில் எனது அக்கா அந்த ரணம் ஆறாமல் காய்ச்சல் வந்து இறந்து போனார். இன்னும் ஒரு அக்கா தொலைந்து போனார்.

ஒரு தடவை வேடிக்கையாக என் அம்மா என் அப்பாவிடம் இவ்வாறு கூறினார். நான் ஏற்கனவே 12 குழந்தைகளை பெற்றெடுத்து ஆகிவிட்டது, அதனால் என்னால் இனிமேல் குழந்தையை பெற முடியாது, வேண்டுமென்றால் நீங்கள் வேற யாரையாவது கல்யாணம் பண்ணிக் கொள்ளுங்கள் என்றார்.

சில நாட்களில் என் தந்தையார் ஒரு 14 வயது பெண்ணை திருமணம் செய்து கொண்டு என் அம்மா முன்பு வந்து நின்றார். நிலைகுலைந்து போன என் அம்மா அதை வெளியே காட்டிக் கொள்ளாமல் உள்ளுக்குள் அழுத அழுகை எனக்கு நன்றாக தெரியும்.

இவ்வளவு நடந்தும் என் அம்மா நம்பிக்கையை மட்டும் இழக்கவில்லை... கடைசிவரை குழந்தைக்காகவே அவர் நிறைய தியாகங்கள் செய்தார்.

அந்த அசைக்க முடியாத நம்பிக்கை தான் என் அம்மாவிடம் எனக்கு மிகவும் பிடித்தது. அதனால்தான் நான் எப்போதும் நம்பிக்கையுடன் இருப்பேன். ஆனால் அந்த நம்பிக்கை இப்பொழுது பொய்த்து விடும் போலிருக்கிறது. மலையை நெருங்கிவிட்டேன், ஆனால் தண்ணீர் தென்படவில்லை.

சிங்கத்திடம் தப்பிய நான் இங்கு தண்ணீர் இல்லாமல் சாகப்போகிறேன் என்று நினைத்து வேதனை அடைந்தேன்.

அப்போதுதான் அல்லாஹ்வின் கருணை என் மீது பாய்ந்தது. இடது பக்கம் திரும்பி பார்க்கையில் பத்து பதினைந்து ஒட்டகங்கள் அங்கு மேய்ந்து கொண்டிருந்தன.

ஒட்டக மேய்ப்பவன் தூரத்தில் வந்து கொண்டிருந்தான் நான் சிறிதும் யோசிக்காமல் நேரே ஒட்டகத்தின் மடியில் போய் வாயை வைத்து சுவைக்க ஆரம்பித்தேன். இதைப் பார்த்த அந்த மேய்ப்பவன்... சீ நாயே... ஓடிப்போ என்று கத்திக்கொண்டே என்னை நோக்கி ஓடி வந்தான். கையில் சவுக்கு இருந்தது அந்த சவுக்கு ஓராயிரம் முட்களுக்கு நிகரானது. நான் எதைப் பற்றியும் கவலைப் படாமல் வேகமாக பாலை குடிக்க ஆரம்பித்தேன், ஏனென்றால் ஒட்டகத்தின் பாலில் அவ்வளவு புரதம் இருக்கிறது.

அந்த மேய்ப்பவன் அருகில் வந்துவிட்டான், அவன் சவுக்கை எடுத்து விலாச, அதன் நுனி என் முதுகில் உரசி சென்றது. பின்பு நான் சுதாரித்து ஒட்டகத்தின் அடியில் குனிந்து அவனிடமிருந்து தப்பித்து ஓடினேன்.

ஒட்டகப் பால் குடித்ததால் தெம்பு அடைந்த இந்த உடம்பு, மான் போல் ஓட ஆரம்பித்தது. என் ஓட்டத்திற்கு ஈடு கொடுக்க முடியாமல் அந்த ஆள் தோற்றுப் போய்விட்டான்.

சில மைல்கள் கடந்து இருப்பேன், சில வீடுகள் தென்பட்டன. அதையும் கடந்து போனபின், கருப்பாக ஒரு பாம்பு போல் பெரிசாக ஒன்று போனது. பின்னாளில் அது தார் ரோடு என்று அறிந்து கொண்டேன்.

நான் ஆசையாக அந்த பாம்பின் நடுவில் நடந்து போனேன். இதைப் பார்த்து பொறாமைப்பட்ட ஒரு பெண்மணி என்னை திட்டினாள், ஏயே நாயே நடுவில் போகாதே ஓரமாகப் போ என்று.

ஏன் ஒரு நாடோடிப் பெண் நடுவில் போகக்கூடாதா? ஓரமாகத் தான் போக வேண்டுமா என்று கேட்க நினைக்கையில்....கீர்ச் என்று அசுர வேகத்தில் வந்த ஒரு மிருகம் என் பின்னே தடுமாறி நின்றது.

அதற்குப் பெயர் லாரி என்று பிறகு தெரிந்தது. அதற்காகத்தான் அந்த பெண்மணி என்னை திட்டினார் என்பதும் விளங்கியது.

அந்த விலங்கின் கண்ணிலிருந்து ஒரு மனிதன் வந்தான். என்னை கண்டபடி திட்டி விட்டு, ஓரமாக என்னை தள்ளிவிட்டு சென்றான்.

எனக்கு அப்போது லிஃப்ட் கேட்பது எப்படி என்பது தெரியாது. ஆனால் நான் கையை காட்டியவுடன் ஒரு லாரி என்னருகில் வந்து நின்றது. அதில் இருந்த ஒருவன் கேவலமான ஒரு சிரிப்பை உதிர்த்தான். அந்த சிரிப்பின் நடுவில் அவன் பல்லின் புகையிலை கரை எனக்கு எரிச்சலை ஊட்டியது.

எங்கே போகவேண்டும் என்று கேட்டான்?

நான் தலைநகரம் போகவேண்டும் என்றேன், சரி ஏறிக்கொள் என்று சைகை காட்டினான். நான் லாரியின் பின்புறத்தில் ஏறினேன்.

சிறிய சிறிய பாறைக் கற்களை கொட்டி வைத்திருந்தார்கள். ஒரு ஓரத்தில் படுத்து கண் உறங்க தொடங்கினேன்.

திடீரென்று என் தொடையில் ஒரு கை ஊர்வதை கவனித்தேன். திடுக்கிட்டு எழுந்து பார்க்கையில் அந்த கரை பிடித்த பல்லன், எனது கால்களை விரிக்க சொன்னான். அவனது முரட்டுக் கைகள் என்னை துவள செய்தது, அவனிடம் போராடுவது வீண் வேலை என்று எண்ணினேன், அதனால் அவனை வேறு விதமாக எதிர்கொள்ள தயார் ஆகினேன்.

அவனிடம் ஆசையாக பேசி, கொஞ்சம் பொறுத்திரு நான் சிறுநீர் கழித்து விட்டு வருகிறேன் என்று அவனிடம் கூறினேன். லாரியோ அசுர வேகத்தில் சென்று கொண்டிருந்தது. நான் லாரியின் மேலே சென்று சிறுநீர் கழிப்பது போல் பாசாங்கு செய்தேன். அப்படியே இருட்டில் கையை துழைவி என் கையில் அடங்குமாறு ஒரு கல்லை பற்றிக்கொண்டேன். அவனுக்கு தெரியாதவாறு அந்த கல்லை பின்புறம் மறைத்து வைத்தேன். அவன் ஆசையுடன் என்னை நெருங்கும்போது அவனது பொட்டில் ஓங்கி அடித்தேன்.

அந்த அலறல் சத்தத்தை கேட்ட டிரைவர் வண்டியை நிறுத்தினார். நான் பூனைபோல குதித்து அருகில் இந்த இருட்டுப் புதரில் ஓடி மறைந்து கொண்டேன்.

அவன் கண்டிப்பாக இறந்து போயிருப்பான். காரணம் நான் கல்லால் அடித்ததால், அவன் போட்ட அந்த அலறல் சத்தத்தில் டிரைவர் வண்டியை நிறுத்தி பின் பக்கம் ஓடி வரும் தருவாயில், நான் பூனை போல் வண்டியிலிருந்து குதித்து அருகில் இருக்கும் இருட்டு புதரில் ஓடி மறைந்து ஒளிந்து கொண்டேன். அவன் என்னைப் பற்றியும் என் அம்மாவைப் பற்றியும் தரக்குறைவாக திட்டுவது என் காதில் கேட்டது.

சிறிது நேரத்தில் அந்த டிரைவர் வண்டியை கிளப்பி கொண்டு போய் விட்டார், அடி பட்டவனை மருத்துவ மனைக்கு கொண்டு செல்ல விரைந்து இருக்கலாம். நான் கொஞ்ச நேரம் அங்கேயே இருந்து விட்டு அந்த வண்டி நீண்ட தூரம் சென்ற பிறகு வெளியே வந்தேன்.

வேறு வண்டி வருகிறதா என்று காத்து கொண்டு இருந்தேன். தொலைவில் வெள்ளை நிற பென்ஸ் ஒன்று வந்தது. இவன் எங்கே நிறுத்த போகிறான் என்று அவ நம்பிக்கையில் கை காட்டினேன். என்ன ஆச்சரியம். அந்த வண்டி நின்றது. எங்கே போக வேண்டும் என்று கனிவாக கேட்டான்.

நான் தலைநகரம் போக வேண்டும் என்றேன், ஆனால் அவனோ நான் "கால்கயோ" வரை தான் செல்கிறேன் என்றான். இருந்தாலும் அந்த ஊரில் என் மாமா அகமது இருப்பதாக ஒரு நியாபகம். அவரின் ஆடு மாடுகளை நான் தான் வளர்த்து கொண்டு இருக்கும் காரணத்தினால் அவர் எனக்கு உதவுவார் என்ற நம்பிக்கை.

அவருக்கு இரண்டு பிள்ளைகள், பள்ளி விடுமுறை காலத்தில் அவர்களை கூட்டி கொண்டு எங்கள் ஊருக்கு வருவார். ஒரு முறை அவரிடம் எனக்கு நல்ல செருப்பு வேண்டும் என்றேன். பல வருஷ வேண்டுதலுக்கு பிறகு ஒரு ரூபாய் கூட பெறாத செருப்பை வாங்கி கொடுத்தார்.

உங்கள் ஆடு மாடுகளை கஷ்டப்பட்டு வளர்க்கும் எனக்கு நீங்கள் காட்டும் நன்றிக் கடன் இதுதானா என்று அந்த செருப்பை அவரிடமே திருப்பி கொடுத்தேன்.

இப்பொழுது நேரில் அவரைப் பார்க்க சந்தர்ப்பம் இருக்கிறது அதனால் அவரிடம் எப்படியாவது ஒரு செருப்பை வாங்கிக்கொள்ள வேண்டும், செருப்பு இல்லாமல் என் கால்கள் தேய்ந்து விட்டது.

ஊரில் அவர் பெரும் வியாபாரி என்பதால் அவரின் வீட்டை கண்டுபிடிப்பதில் எனக்கு எந்த சிரமமும் இல்லை.

என்னைப் பார்த்ததும் அவர் கேட்ட முதல் கேள்வி ஏன் இப்படி பொறுப்பில்லாமல் வீட்டை விட்டு ஓடி வந்தாய், என் ஆடு மாடுகளை யார் பார்த்துக் கொள்வார்கள் என்ற அக்கறைதான் அவருக்கு மேலோங்கியிருந்தது.

அவர் வேறு ஒரு சொந்தக்காரரிடம் என்னைப் பற்றிய தகவல்களை என் அப்பாவிடம் தெரிவிக்குமாறு சொல்லிக்கொண்டிருந்தார். இங்கேயே இருந்தால் என் அப்பா இங்கே வந்து என்னை கூட்டிக் கொண்டு சென்றுவிடுவார். அதனால் அங்கு இருந்து தப்பிக்க முயற்சி செய்தேன், ஆனால் எங்கு செல்வது என்று குழப்பம் பின்பு என் அக்காவிடம் சென்று விடலாம் என்று யோசித்தேன். ஆனால் அவர் இருப்பிடம் எங்கே என்று எனக்கு தெரியாது, அதனால் மாலை வரை காத்திருந்தேன்.

மாலை என் மாமாவின் மகன்கள் பள்ளியில் இருந்து வந்தார்கள். அவர்களிடம் என் நிலைமையை எடுத்துக்கூறி தயவு செய்து என்னை காப்பாற்றுமாறு அவர்களிடம் கெஞ்சினேன். அவர்களுக்கு என் அக்காவின் இருப்பிடம் தெரியும். நன்கு படித்த சிறுவர்களாக அவர்கள் இருப்பதால் என் நிலைமையை புரிந்து கொண்டு என் அக்காவின் வீட்டிற்கு செல்வதற்கான வழியையும் அவர்கள் சொன்னார்கள். அவர்களிடம் நன்றியை தெரிவித்து விட்டு நான் எங்கு போகிறேன் என்று யாரிடமும் சொல்லாதீர்கள் என்று அவர்களிடம் வாக்குறுதியை பெற்றுக் கொண்டு என் பயணத்தை தொடர்ந்தேன்.

மீண்டும் நீண்ட தூர பயணத்திற்கு பின்பு என் அக்காவின் வீட்டை கண்டுபிடித்தேன். என்னை பார்த்ததும் கட்டிப்பிடித்து முத்தம் கொடுப்பார் என்று நினைத்தேன். ஆனால் அவள் கேட்ட முதல் கேள்வி ஏன் பொறுப்பில்லாமல் வீட்டை விட்டு ஓடி வந்தாய், நீ இல்லாமல் அம்மா எவ்வளவு கஷ்டப் படுவார்கள் என்று கேட்டாள். நானும் அதே கேள்வியை கேட்கலாம் என்று தான் யோசித்தேன். இவள் வீட்டை விட்டு ஓடி வரும்போது அந்த அக்கறை இல்லையா என்று? ஆனால் இன்றைய சூழ்நிலையில் அவளின் உதவி எனக்கு மிகவும் தேவை, அதனால் வாயைப் பொத்திக் கொண்டு இருந்தேன்.

அவள் கர்ப்பமாக இருந்தாள், அதனால் அவளுக்கு பணிவிடை செய்வது, வீட்டு வேலைகளை கவனிப்பது என்று அவளிடம் ஒரு வேலைக்காரியை போல் இருந்தேன்.

சில மாதங்களில் அவள் என்னை அடிமை போல் நடத்துவதில் எனக்கு உடன்பாடில்லை, அதனால் அவளிடம் சொல்லாமலேயே அந்த வீட்டை விட்டு வெளியேறி என் சித்தி வீட்டிற்கு சென்றேன்.

சித்தி வீட்டிலும் மரியாதை இல்லை. அதனால் என் அத்தை வீட்டிற்கு சென்றேன். படிக்காத ஒரு காரணத்தினால் எனக்கு எங்கு சென்றாலும் வேலைக்காரி வேலை மட்டும்தான் கிடைத்தது.

அப்போதுதான் அந்த அதிசயம் நிகழ்ந்தது, என் அத்தையின் சொந்தக்காரர் ஒருவர் சோமாலியா நாட்டின் அரசு தூதுவராக வேலை புரிந்தார். அவர் லண்டனுக்கு வேலை நிமித்தமாக நான்கு வருடம் செல்ல இருந்தார். அவருக்கு வீட்டு வேலை செய்வ ஆள் தேவைப்பட்டதால், என் அத்தையிடம் யாராவது வீட்டு வேலை செய்ய ஆள் கிடைப்பார்களா என்று கேட்டார். என் அத்தையும் யாராவது இருந்தால் சொல்வதாக அவருக்கு உறுதி அளித்தார்.

அவர் சென்றதும் என் அத்தையிடம் கெஞ்சி என்னை தயவு செய்து அவருடன் லண்டனுக்கு அனுப்புமாறு கெஞ்சினேன். அவரும் அதற்கு சம்மதித்தார். விரைவில் அந்த அரசு தூதுவர் எனக்கு ஒரு பாஸ்போர்ட் எடுத்தார். என் வாழ்க்கையில் எனக்காக எடுக்கப்பட்ட முதல் ஆவணம் அந்த பாஸ்போர்ட். என் முகத்தை அந்த பாஸ்போர்ட்டில் பார்க்கவே எனக்கு ஆனந்தமாக இருந்தது.

லண்டன் எனக்கு சொர்க்கபுரியாக தெரிந்தது. இவ்வளவு சுத்தமான இடம், இவ்வளவு குளுமையான சூழல், இவ்வளவு வெள்ளையான மனிதர்களை நான் பார்த்ததே இல்லை.

இடம் மாறினாலும் என் வாழ்க்கை மாறவே இல்லை. அதே அடிமை வாழ்க்கை. வீட்டு வேலை, குழந்தைகளை பள்ளிக்கு கொண்டுசெல்வது வருவது இப்படியாக போய் கொண்டு இருந்தது.

அப்படி குழந்தைகளோடு பள்ளிக்கு சென்று வரும்போது அங்கு வாசலில் ஒரு ஆண் தினமும் எனக்காக காத்து இருப்பான். என்னை பார்த்து சிரிப்பான், பேசுவதற்கு முயற்சிப்பான். சிலநேரம் என் அருகில் வந்து ஏதோ சொல்லுவான். எனக்கு ஆங்கிலம் தெரியாத காரணத்தினால், அவன் என்ன சொன்னான் என்று புரியவில்லை. ஒரு நாள் அவன்தன்னுடைய விசிட்டிங் கார்டை என் கையில் திணித்து விட்டு சென்றுவிட்டான்.

இப்படியாக அந்த அடிமை வாழ்க்கை சென்று கொண்டிருந்தது, நான்காவது வருடம் முடியும் தருவாயில். எனது சொந்தக்காரரான அந்த சோமாலியா நாட்டின் அரசு தூதுவர் வீட்டில் எல்லோரும் உட்கார்ந்து இருக்கையில், அந்த அதிர்ச்சிகரமான தகவலை சொன்னார். அதாவது அவரின் பதவிக் காலம் முடிந்து விட்டதால், நாம் நம் நாட்டிற்கு செல்ல வேண்டும் என்றார்.

எனக்கு லண்டனை விட்டு செல்ல இஷ்டமில்லை. மறுபடியும் சோமாலியா நாட்டுக்கு சென்றால், இதே அடிமை வாழ்க்கை தான் மிஞ்சும், அதனால் என்ன நேர்ந்தாலும் பரவாயில்லை, இந்த நாட்டை விட்டுச் செல்லக்கூடாது என்று முடிவெடுத்தேன்.

சரியாக ஊருக்கு புறப்படுவதற்கு ஒரு நாள் முன்பு என் சொந்தக்காரரிடம் என் பாஸ்போர்ட் தொலைந்து விட்டதாக கூறினேன். என்னை கண்டபடி திட்டினார். நானும் அவரிடம் கோபமாக என்னை பற்றி கவலைப்படாதீர்கள், நான் செத்தாலும் பரவாயில்லை என் பிரச்சினையை நான் பார்த்துக்கொள்கிறேன். நீங்கள் உங்கள் நாட்டிற்கு செல்லுங்கள் என்று சொல்லிவிட்டு விறு விறு என்று அந்த வீட்டை விட்டு வெளியேறினேன். எங்கு போகப் போகிறோம் என்ற அடிப்படை எண்ணம் கூட இல்லாமல் கால் போன போக்கில் சென்றேன்.

இரவு நெருங்கிவிட்டது நான் இருந்த இடம் பரபரப்பான ஒரு வணிக வளாகம். அங்கு மெக்டொனால்டு உணவகத்தில் எங்க ஊரு பெண்ணை பார்த்தேன். அவளிடம் என் நிலையை விளக்கினேன், அவள் என் மீது இரக்கப்பட்டு அவள் எனக்கு அங்கு வேலை வாங்கி தருவதாக கூறினால். எனக்கு ஆங்கிலம் சுத்தமாக தெரியாது. அப்படி இருக்கையில் நான் என்ன வேலை செய்ய முடியும் என்று அவளிடம் கேட்டேன், அதற்கு அவள் அதனால் என்ன, தட்டை கழுவுவது, டேபிளை சுத்தம் செய்வது போன்ற வேலையை பார்த்துக்கொள் என்று எனக்கு ஊக்கம் கொடுத்தார்.

என் வாழ்க்கையில் ஏற்பட்ட மிகப்பெரிய சந்தோஷம் என் தோழியின் மூலமாக கிடைத்தது. அதாவது அவருக்கு தெரிந்த மருத்துவரை அணுகி எனக்கு சிறுவயதில் நடந்த கொடுமைகளை விளக்கி, எனக்கு அவர் ஒரு அறுவை சிகிச்சை செய்தார். அறுவை சிகிச்சை முடிந்த சில நாட்களில் என்னால் ஒரு மிகப் பெரிய காரியம் செய்ய முடிந்தது. அது என்னவென்றால் என்னால் நிம்மதியாக சிறுநீர் கழிக்க முடிந்தது. நான் வாழ்க்கையில் பரவசமடைந்த நாள் எதுவென்றால் அது நாள் தான். ஒரு நிமிடத்திற்குள் செய்யவேண்டிய காரியத்தை இவ்வளவு வருடமாக நான் அதை அரைமணிநேரம் செய்து கொண்டிருப்பேன், சொட்டு சொட்டாக சிறுநீர் வெளியேறுவதை வலியுடனும், வேதனையுடனும், பொறுமையுடன் பார்த்துக் கொண்டிருப்பேன்.

இவ்வளவு நாள் அந்த சிறுநீர் கழிப்பது என்பது எனக்கு அவ்வளவு பெரிய காரியம்.

சிறிது நாட்களில் நாங்கள் நெருங்கிய தோழிகள் ஆனோம். அப்பொழுது ஒருமுறை பள்ளியில் எனக்கு நேர்ந்த ஒரு விஷயத்தைக் கூறினேன். அந்த ஆண் கொடுத்த விசிட்டிங் கார்டை அவளிடம் காண்பித்தேன். அந்த விசிட்டிங் கார்டை பார்த்த என் தோழி ஆச்சரியத்துடன் இவர் யார் தெரியுமா, இவர் ஒரு புகழ் பெற்ற புகைப்பட நிபுணர் என்றார்.

ஒரு புகைப்பட நிபுணர் என்னிடம் பேச என்ன இருக்கிறது என்று என் தோழியிடம் கேட்டேன்? அதற்கு அவள், இதை நீ அவரிடம் தான் கேட்க வேண்டும் என்றாள். எனக்கு தான் ஆங்கிலம் தெரியாதே... அதனால் நீயே அவரிடம் பேசி, என்ன விஷயம் என்று கேட்டு என்னிடம் சொல் என்று அவளிடம் கூறினேன்.

மறுநாள் என் தோழி அவரிடம் பேசிவிட்டு ... என் முகம் அவ்வளவு அழகாக இருக்கிறது என்றும், ஒரு ஆப்பிரிக்க பெண்மணியைத் தான் அவர் தேடிக் கொண்டிருக்கிறாராம். உலகப் பிரசித்தி பெற்ற ஒரு காலண்டர் தேவைக்காக, ஒரு ஆப்பிரிக்க பெண் தேவைப்படுவதாக அவர் கூறினார்.

அதிலிருந்து சூடுபிடித்தது என் வாழ்க்கை ஆமை வேகத்தில் சென்ற என் வாழ்க்கை அதற்கு அப்புறம் நிற்கக்கூட நேரமில்லாமல் ராக்கெட் வேகத்தில் சென்றது.

அந்தப் புகைப்பட நிபுணர் எடுத்த புகைப்படத்தால் சிறிது பிரபலம் அடைந்தேன். அதற்குப் பிறகு உலகப் பிரசித்தி பெற்ற புகைப்படக்காரர் "Terence Daniel Donovan" மூலம் உலகத்தின் கவனத்தை பெற்றேன். அதன்பிறகு உலகத்தின் பிரபல மாடலான நவோமி கேம்பல் (Naomi Campbell), சின்டி (Cindy Crawford) போன்றவர்களுடன் வேலை செய்தேன். பின்னாளில் நானே ஒரு பிரபலமான மாடல் அழகியாக கருதப்பட்டு, பின்னாளில் பிபிசி என்னை வைத்து ஒரு ஆவணப்படம் எடுக்கும் அளவுக்கு உயர்ந்தேன்.

என் மாடல் துறைக்கு வசதியாக இருக்கும் என்ற காரணத்தினால், என் இருப்பிடத்தை லண்டனில் இருந்து அமெரிக்காவுக்கு சென்றேன்.

என்னை வைத்து பிபிசி ஆவணப்படம் எடுக்க முயற்சி செய்து என்னை அணுகியது. நான் அப்போது மாடல் துறையில் மிகவும் பிசியாக இருந்ததால் அதை நான் முதலில் ஒத்துக்கொள்ளவில்லை.

அவர்கள் விடாப்பிடியாக என்னை வற்புறுத்திக் கொண்டே இருந்தார்கள். அதற்கு முக்கிய காரணம் அவர்கள் எடுக்கப்போகும் ஆவணப்படம் சோமாலியா நாட்டின் வறுமையை பற்றியும், அங்கு வாழும் மக்களை பற்றியும். அதற்கு நான் சரியான பெண்மணியாக இருப்பதால் அவர்களை என்னை விடுவதாக தெரியவில்லை.

பின்பு அவர்களுக்கு ஒரு சில நிபந்தனைகளுடன் ஒத்துக் கொண்டேன். நான் வீட்டை விட்டு ஓடி வந்து 15 வருடங்கள் ஆகிவிட்டன. இந்த பதினைந்து வருடங்களில் வாழ்க்கையில் நிறைய மாறிவிட்டது. சோமாலியா நாட்டில் ஏற்பட்ட போர் நெருக்கடியால் மக்கள் தங்கள் இருப்பிடத்தை விட்டு எங்கெங்கோ சென்று விட்டனர். அதனால் நான் பிபிசிக்கு வைத்த ஒரே நிபந்தனை, என் அம்மாவை கண்டுபிடித்து தந்தால், நான் அந்த ஆவணப் படத்தில் நடிப்பதாக கூறினேன்.

மிகப்பெரிய சிரமத்திற்குப் பின் அந்த பிபிசி குழு என் தாயாரை கண்டுபிடித்தது. என் தாயாரை பார்க்க எத்தியோபியா நாட்டிற்கு சென்றேன். போர் காரணத்தினால் சோமாலியா மக்கள் எத்தியோப்பியாவில் தஞ்சமடைந்தனர்.

எவ்வளவோ கெஞ்சி பார்த்தும் என் தாயார் என்னுடன் அமெரிக்கா வர சம்மதிக்கவில்லை. அதற்கு அவர் சொன்ன காரணம், உன் தகப்பனார் பொறுப்பில்லாமல் இரண்டாவது கல்யாணம் செய்துகொண்டு அதன் மூலமாக ஆறு குழந்தைகளை பெற்றெடுத்துள்ளார் மற்றும் இந்த மக்களை பிரிய எனக்கு மனமில்லை இவர்களுடன் வாழவே நான் ஆசைப்படுகிறேன் என்றார்.

தன் இன மக்களுடன் தான் அவர் வாழ ஆசைப்படுகிறார் என்பதை புரிந்து கொண்டேன்.

பின்பு நான் அமெரிக்கா சென்றவுடன் ஒருவரை காதலித்து திருமணம் செய்து கொண்டேன் பின்பு அவர் மூலம் இரு குழந்தையும் பெற்றுக் கொண்டேன்.

இந்த நிலையில்தான் நான் ஒரு பிரபல பத்திரிக்கைக்கு கொடுத்த பேட்டியின் மூலமாக, என் வாழ்க்கையை மக்களுக்கான வாழ்க்கையாக மாற்ற உதவி செய்தது.

சடங்கு என்ற பெயரில் சோமாலியா நாடு மற்றும் அதை சுற்றி உள்ள நாடுகளில் பெண் குழந்தைகளுக்கு ஏற்பட்ட அந்த கொடூர பழக்கத்தை வெளியுலகுக்கு வெளிச்சம் போட்டு காண்பித்தது அந்த பேட்டி.

கத்திகளாலும், பிலடுகளாலும், கத்திரிக்கோல் மற்றும் கூர்மையான கற்களாலும் பெண்களின் பிறப்பு உறுப்பை அறுத்து, அதுதான் கன்னித்தன்மை என்ற நடந்த கொடூரத்தை நான் வெளி உலகத்திற்கு கொண்டு வந்தேன்.

இந்தப் பேட்டியைப் பார்த்த ஐநா சபை உறுப்பினர்கள் மனித உரிமையைக் காக்க என்னை சிறப்பு தூதராக 1997இல் நியமித்தனர்.

வியன்னாவில் "த பிளவர் பவுண்டேஷன்" என்ற தன்னார்வ நிறுவனத்தை நான் தொடங்கி உலகமெங்கும் இந்த FGM (Female Genital Mutilation) எதிரான எங்களின் நோக்கத்தை தொடர்ந்து செய்து கொண்டிருக்கிறோம். இன்று பெருமளவில் அது குறைந்தாலும் முழுவதுமாக நீங்கி விட்டது என்றால் இல்லை என்பதுதான் என் பதில்.

5th Dimension ஐந்தாவது பரிமாணம்

noreply@blogger.com (Unknown) — Wed, 25 Mar 2020 16:42:00 +0530

இது ஒரு வசீகரமான கற்பனை. நான்காவது பரிமாணம் என்பது இன்டர்ஸ்டெல்லர் காட்டப்பட்ட விதத்தில் ஐந்தாவது பரிமாணத்தில் வேறு ஒரு மக்கள் வாழ்கிறார்கள் என்று காட்டப்படுகிறது. அது கண்டிப்பாக நாம் கிடையாது. நம்மால் இந்த முப்பரிமாண உலகைத் தாண்டி மேலே உள்ள ஒரு பரிமாணத்தை புரிந்துகொள்ளவே முடியாது.

உங்களுக்கு இதை விளக்குவது என்றால் 1 2 3 என்று அவ்வையர் மாதிரி வரிசையாக பரிமாணத்தை விளக்கவேண்டும். ஒன்றாம் பரிமாணம் என்பது ஒரு கோடு ஆங்கிலத்தில் "லைன்"!

இரண்டாவது பரிமாணம் என்பது ஒரு சதுரம் அல்லது முக்கோணம் அல்லது வட்டம் போன்று ஒரு 2d ஆப்ஜெக்ட்!

ஒன்றாவது பரிமாணத்தில் உள்ள ஒரு பொருள் இரண்டாவது பரிமாணத்தை பார்க்க முடியாது புரிந்து கொள்ளவும் முடியாது, அதேபோல் இரண்டாவது பரிமாணத்தில் உள்ள ஒரு வட்டத்தைக் கோ சதுரத்துக்கு உயிர் வந்தால்கூட மூன்றாவது பரிமாணம் ஆன உயரம் என்பதை என்னால் புரிந்துகொள்ள முடியாது.

எவ்வளவு எளிமையாக சொல்ல முடியுமோ அவ்வளவு எளிமையாக சொல்கிறேன்!

அதாவது ஒரு ஒரு 2d சித்திரம் உயிர் பெற்று விட்டது என்று வைத்துக் கொள்வோம்,; ஒரு வட்டம் ஒரு சதுரத்தை பார்க்கும் பொழுது ஒரு கோடு தான் தெரியும்! 2 ஸ்கிரீன் மாட்டிக்கொண்ட ஒரு பூச்சியை கற்பனை செய்து கொள்ளுங்கள், அந்தப் பூச்சி மேலே பறக்க முடியாது கீழேயும் செல்ல முடியாது,, இதுதான் இரண்டாவது பரிமாண உலகம்!

இப்பொழுது இந்தப் பூச்சி ஒரு மீன் தொட்டி கீழே மாட்டிக்கொண்டு உள்ளது! இந்த பூச்சி தரையோடு தரையாக சுற்றிக்கொண்டிருக்கும்! அது இன்னொரு பூச்சியை பார்க்கும்போது ஒரு கோடு தான் அதற்கு கண்ணுக்குத் தெரியும்!

தனக்கு மேலே ஒரு முப்பரிமாண உலகம் உள்ளது மீன்கள் மேலே கீழே செல்கின்றன மேலே கீழே என்பதன் அர்த்தமே அந்த பூச்சிக்கு புரியாது மேலே கீழே நம்மால் நகர முடியும் என்பது அதை உணர முடியாது! அதன் கண்களுக்கு மீன்களின் அடிப்பாகம் தெரியும், ஒரு வட்டமான ஒரு தட்டு இப்படி அப்படி போய்க்கொண்டு இருக்கும்! உள்ளது மீன் அது ஒரு தொட்டி என்பதை மீன் எவ்வளவு விளக்கிச் சொன்னாலும் அந்த பூச்சிக்கு புரியாது!

இப்பொழுது இந்த மீன் தொட்டி ஒரு ஆரம்ப நிலை! தனக்கு மேலே உள்ள பரிமாணத்தை புரிந்துகொள்ளமுடியாத ஒரு முப்பரிமாண நிலையிலுள்ளது! உதாரணத்துக்கு ஒரு மீன் தொட்டியில் உள்ள மீனுக்கு மனித வாழ்க்கை அமெரிக்கா லண்டன் பசுபிக் சமுத்திரம் போன்ற இடங்களில் எல்லாம் மீன்கள் உள்ளன மனிதர்கள் தம்மை ஒரு தொட்டியில் அடைத்து வைத்திருக்கிறார்கள் என்று புரிந்துகொள்ள முடியாது! இன்னும் சொல்லப்போனால் அந்த மீன் தொட்டியில் உள்ள அறையில் ஒரு ஆணா பெண்ணா அவர் நோக்கம் என்ன தன்னை ஏன் அவர் வளர்க்கிறார் என்று அந்த மீனுக்கு புரியவே புரியாது! அந்த மீனுக்கு தெரிஞ்சதெல்லாம் ஏதோ உருவங்கள் நம் தொட்டிக்கு வெளியே உள்ளன! அவ்வளவுதான்!

ஆனால் அந்த மீனுக்கு பூச்சியை வரைந்து காட்ட முடியும்! மனிதனை பற்றி விளக்கவே முடியாது! எழுத்தாளர் சுஜாதா எழுதுவார் ஒரு விளக்குக்கு அருகே உள்ள பல்லி ஒன்றுக்கு அருகிலுள்ள விளக்கு எப்படி எரிகிறது என்ற விஞ்ஞானம் புரியவே புரியாது! மின்சாரம் என்றால் என்ன அந்த விளக்கு எப்படி எரிகிறது என்று நீங்கள் பாடம் எடுக்க முடியாது. நிறைய மனிதர்களுக்கே விஞ்ஞான பாடம் புரிவதில்லை! அப்படி இருக்கையில் ஒரு பல்லி கண்டிப்பாக விஞ்ஞானம் பாடங்கள் புரிந்துகொள்ளவே முடியாது!

இது நாம் மனிதர்கள் முப்பரிமாண உலகத்தை 2d பரிமாணத்தில் வரைந்து ஒரு கீழ்நிலை பரிமாணத்தில் உள்ள உயிரினத்துக்கு புரிய வைக்க முடியும்! ஆனால் மூன்றாவது பரிமாணத்தில் வசிக்கும் நாம் நான்காவது பரிமாணத்தில் மாட்டிக் கொண்டுள்ளோம்! அந்தப் பூச்சி மூன்றாவது பரிமாணத்தில் மாட்டிக் கொண்டுள்ளது!

நாம் எந்த பரிமாணத்தில் வசிக்கிறோம் அதற்கு மேலுள்ள பரிமாணத்தை புரிந்து கொள்ளவும் முடியாது முப்பரிமாணத்தில் நகர்வது போல் நான்காவது பரிமாணத்தில் நகரவும் முடியாது! அதுதான் காலம்!

மாட்டிக்கொண்ட பூச்சியால் மேலே கீழே போக முடியாது அதுபோல் காலமென்னும் 4 டி பரிமாணத்தில் வசிக்கும் நாம் காலத்தில் முன்னே பின்னே பயணம் செய்ய முடியாது! அதாவது காலப்பயணம் செய்யமுடியாது!

நான்காவது பரிமாணத்தில் வசிக்கும் நாம் மூன்றாவது பரிமாணத்தில் மேலே கீழே போக முடியும் மூன்றாவது பரிமாணத்தை இரண்டாவது பரிமாணத்தில் வரைந்து காட்ட முடியும்!

அதேபோல் ஐந்தாவது பரிமாணத்தில் வசிக்கும் ஒரு நபர் நான்காவது பரிமாணமான காலத்தில் முன்னே பின்னே செல்ல முடியும்! நான்காவது பரிமாணத்தை மூன்றாவது பரிமாணத்தில் வரைந்து காட்ட முடியும்!

அதற்குப் பெயர்தான் " டெச ராக்ட்" ! நான்காவது கால பரிமாணத்தை முப்பரிமாணத்தில் வரைந்து காட்டும் ஒரு சித்திரம்தான் அது! இன்டர்ஸ்டெல்லர் படத்தில் ஒரு நம்மை விட மேம்பட்ட 5டி கிரகத்தில் வசிக்கும் சிலர் இப்படி படம் வரைந்து அந்த திரைப்படத்தில் கூப்பர் என்ற கேரக்டருக்கு போட்டுக் காட்டுவார்கள். அதன்மூலம் அவர் காலப் பயணம் செய்வார்!

ஐந்தாவது பரிமாணத்தை விளக்குவதற்கு நான் ஒரு இன்டர்ஸ்டெல்லர் கதை சொல்ல வேண்டி இருக்கிறது! நான்காவது பரிமாணத்தில் உள்ள நாமொரு பூச்சி என்றால் ஐந்தாவது பரிமாணத்தில் உள்ளவர் ஒரு முழு மனிதன்!

ஒரே நேரத்தில் ஒரு பூச்சி பூச்சியாகும் மனிதனாகவும் இருக்க முடியுமா! அதுபோல்தான் மனிதன் ஐந்தாவது பரிமாணத்தில் வசிக்க முடியாது என்பது மட்டுமல்ல அதைப்பற்றி மனிதனால் புரிந்து கொள்ளவே முடியாது!

அதற்கான முயற்சிகள் மனிதன் ஆரம்பித்திருக்கிறான் என்று வேண்டுமானால் சொல்லலாம்! கனவு காண ஆரம்பித்திருக்கிறோம்! ஆனால் எல்லாவற்றுக்கும் அடிப்படை கனவுதான்! அதனால் எதிர்காலத்தில் எது வேண்டுமானாலும் சாத்தியமாகலாம்!

உலகம் 5D என்கிற பிப்த் டைமென்ஷன் நோக்கி போய் கொண்டிருப்பது உண்மையே . இதை பற்றி பல ஆராய்ச்சிகள் , கண்டுபிடிப்புகள் நடக்கின்றன.

இயற்பியல் மற்றும் ஆன்மிகம் இரண்டிலும் இதற்கு சான்றுகள் உண்டு. நம்முடைய உடல், மனம், ஆழ்மனது, புத்தி இவை ஐந்து நிலைகளில் பிரதிபலிக்கின்றன .

முதலாவது நிலை அன்னமயகோசம் என்பது . சுருக்கமாக சொன்னால் உடல் வெளித்தோற்றம் மற்றும் பொதுவாக பஞ்ச பூதங்களால் ஆன உடல் பற்றியது இந்த நிலை .

அடுத்த நிலை பிராணமயகோசம் . பிராணன் என்கிற சுவாசமே இந்த நிலையின் அதிகாரம். கதிர்வீச்சுகளால் ஆனது. உயிர் இருப்பதற்கும், இறந்து விடுவதற்கும் இந்த பிராணனே காரணம். சிலருடைய விருப்பு வெறுப்பு தன்மையை அவர்கள் சொல்வதை தாண்டி நம்மால் உணர முடியும். அவர்களுடைய பிராணனின் கதிர்வீச்சால். புத்தர் மற்றும் மகான்கள் சில இடங்களில் தியானம் செய்து கொண்டிருந்தால் அக்கம் பக்கத்தில் உள்ள சிங்கம் புலி கூட பிற உயிர் இனங்களை அடித்து சாப்பிடாது. காடே அமைதியில் பூத்து குலுங்கும் என்பர் . அந்த மஹான்களின் பிராண கதிர் அவ்வளவு ஷக்தி வாய்ந்தது.

அடுத்து மனோன்மய கோசம் . முழுக்க முழுக்க மனது சம்மந்தப்பட்டது . மனதை ஆக்கம் மற்றும் அழிவு இரண்டிற்கும் நன்றாக பயன்படுத்தலாம் .

இதை கீதையில் கண்ணன் “உன் நண்பனும் நீ, உன் பகையும் நீ” என்று குறிப்பிடுகிறார். மனது ,ஆழ்மனது , தூக்க நிலை ,விழிப்போடு இருக்கும் நிலை இவற்றை நாம் உணர்வு ரீதியாக தெரிந்து கொள்கிறோம்.

விக்ஞான மய கோசம் அடுத்த நிலை. இது காலம், நேரம் உடல் காரிய காரணத்திற்கு அப்பாற்பட்டது . புத்தி மற்றும் உள்ளுணர்வு , கடவுளின் சக்திக்கு உட்பட்ட நிலை . பல மாமேதைகள் அறிஞர்கள் இந்நிலையில் சென்றுதான் கண்டுபிடிப்புகளை தருகின்றனர். பதில்கள் கிடைக்கும். உடல் மனதை தாண்டியது . புத்திக்கும் அப்பாற்பட்டது.

அடுத்த இறுதியான, உறுதியான, ஆனந்த மயமான நிலை ஆனந்த மய கோசம். உண்மையை உணர்வது எல்லாவற்றிலும் தன்னை , தன்னை எல்லாவற்றிலும் கண்டு நாம் யார் என்று அறிந்து பிறவாமை, இறவாமை அடையும் உன்னத நிலை . இது முழுக்க யோகிகள் ஞானிகள் மற்றும் இறைவனின் சொந்த இருப்பிடம் !

நம்மால் நான்காம் பரிணாமத்தை புரிந்து கொள்ளவே முடியாது ஏன் கற்பனை கூட செய்யமுடியாது.. காரணம் அதற்கான உதாரணப் பொருட்கள் நமது முப்பரிமாண உலகில் இல்லை.. நாம் நாற்பரிமாணத்தின்நிழலை மட்டுமே காண முடியும்..

உதாரணமாக.. நமது முப்பரிமாணத்தில் நீளம் அகலம் உயரம் என்று மூன்று பரிமாணங்கள்.. அதாவது நீங்கள் ஒரு பேருந்தின் கடைசி இருக்கையில் இருப்பதானால்.. உங்களுக்கு முன்பு இருக்கும் பேருந்தின் நீளம் அகலம் உயரம் உங்களால் உணர முடியும். அதை மீறி அங்குள்ள வெளியினை உணர முடியுமா?.. உணர முடிந்தால் நீங்கள் பத்தாம் பரிணாமத்தை உணரமுடியும்..

நீளம் - ஒரு பரிமாணம்

நீளம் ~அகலம் - இரு பரிமாணம்

நீளம் ~ அகலம் ~ உயரம் - மூன்று பரிமாணம்

நீளம் அகலம் உயரம் கணம் - நான்கு பரிமாணம்

நீளம் அகலம் காலம் உயரம் மாறுதல் - 5 பரிமாணம்

நீளம் அகலம் காலம் உயரம் மாறுதல் பயணம் வெளி புரள்வு கணம் ஈர்ப்பு - 10 வது பரிணாமம்.

இந்த நிதியாண்டின் இறுதிக்குள் செய்ய வேண்டிய ஆடிட்டர் கட்டளை ஆறு Chartered Accountant Auditor rules to be followed in this financial year

noreply@blogger.com (Unknown) — Sat, 21 Mar 2020 15:47:00 +0530

மார்ச் 31க்குள், நிறுவனங்கள் கவனம் செலுத்த வேண்டிய ஆறு அம்சங்கள்!

நாம பாஸ் ஆயிட்டோமா? பர்ஸ்ட் கிளாஸா? எந்த பாடத்தில் எத்தனை மார்க்? – இப்படி ஒரு மாணவன், ஆண்டு தேர்வுக்குப்பின் தனது பிராகரஸ் ரிப்போர்ட் பார்க்கும் பரபரப்பு மன நிலைதான் ஒரு தொழிலதிபர்/ வணிகர்களுக்கும்!நிதியாண்டின் இறுதியில் தயாரிக்கப்படும், தங்கள் நிறுவனத்தின் லாப – நஷ்ட கணக்கு விவரங்களை கையில் வாங்கி பார்க்கும்போது, தொழிலதிபர் / வணிகர்களுக்கும் ரிசல்ட் பார்க்கும் ஒரு மாணவரின் மனநிலைதான் இருக்கும்.

ஒரு மனிதன் அமைதியாக, நிம்மதியாக, சந்தோஷமாக வாழ, ‘ஆறு மனமே ஆறு; ஆண்டவன் கட்டளை ஆறு...’ என்று சொல்வார் கவிஞர் கண்ணதாசன். அதுபோல, தொழிலதிபர் / வணிகர்கள் நிம்மதியாக தொழில் நடத்த ஆடிட்டர் தரும் ஆறு கட்டளைகள் இது.வருடம்தோறும், ஏப்.,1 முதல் மார்ச், 31 வரை உள்ள நாட்கள்தான் ஒரு நிதியாண்டு. இது தொழில் / வணிகம் செய்யும் அனைத்து தொழிலதிபர்கள் / வணிகர்களுக்கும் முக்கியமான தினங்கள். ஒரு மாணவர் பரிட்சைக்கு தயாராவதுபோல, ஒவ்வொரு தொழிலதிபரும் வருடத்தின் நிதியாண்டு இறுதி நாளான மார்ச் 31 ஆம் தேதிக்கு பரபரப்பாக தயாராவார்கள்.ஏனென்றால், வரித்தாக்கல் / இந்த நிதியாண்டுக்கான வரவு – செலவு – சேமிப்பு – முதலீடு – இன்சூரன்ஸ் போன்றவற்றில் கவனம் செலுத்துவதற்கு, மார்ச், 31 இறுதி நாள். அதனால், ஒரு தொழிலதிபர் / வணிகர் இந்த நிதியாண்டின் இறுதிக்குள் செய்ய வேண்டிய முக்கியமான / முதன்மையான ஆறு கட்டளைகள் பார்ப்போம்.

கட்டளை ஒன்று: வங்கிகள் நிறுவனங்களுக்கு தரும் நடைமுறை மூலதன கடனே, ஒரு நிறுவனம் தடையற இயங்குவதற்கு மிக அவசியம். அந்த மூலதன கடன் தடையின்றி கிடைக்க நாம் வங்கிகளுக்கு தரும் தகவல்களில் தான் இருக்கிறது.வங்கிகளுக்கு, ஒரு நிறுவனம் அளிக்கும் ஸ்டாக் ஸ்டேட்மென்ட் விவரமும், நிதி நிலை அறிக்கையில் காண்பிக்கப்படும் ஸ்டாக் விவரங்களும் ஒன்றாக இருப்பது மிக மிக அவசியம். ஒரு நிறுவனம் அளிக்கும் ஸ்டாக் ஸ்டேட்மென்ட் அடிப்படையில்தான், வங்கிகள் நடைமுறை மூலதனக் கடனை, அதாவது, ‘ஓபன் கேஷ் கிரடிட் (ஓசிசி)’ ஒரு நிறுவனத்துக்கு வழங்குகிறது. சில நிறுவனங்கள், மார்ச் இறுதியில், வங்கிகளுக்கு அளிக்கும் ஸ்டாக் ஸ்டேட்மென்ட்டும், நிதி நிலை அறிக்கையில் தரும் ஸ்டாக்கும் வேறுபாடு உள்ளது. இதுபோன்ற வேறுபாடுகளை இப்போது வங்கிகள் அனுமதிப்பதில்லை. இப்படி வேறுபாடு இருக்கும் பட்சத்தில், நிறுவனங்களுக்கு நடைமுறை மூலதன கடனில் சிக்கல் வரலாம்.

கட்டளை இரண்டு: ஒரு நிறுவனம், ஒவ்வொரு நிதியாண்டிலும் சட்டப்படி செலுத்த வேண்டிய நிலுவை தொகைகளில் கவனம் செலுத்த வேண்டும். நிதியாண்டு இறுதிக்குள் அவற்றை உரிய ஊழியர்கள் கட்டி முடித்திருக்கிறார்களா என்பதை தொழிலதிபர்கள் சரி பார்க்க வேண்டும். அதன்படி, ஒரு நிறுவனம் அந்த நிதியாண்டுக்குள் செலுத்த வேண்டிய இ.எஸ்.ஐ. (எம்ப்ளாயீஸ் ஸ்டேட் இன்சூரன்ஸ்), பி.எப். (பிராவிடன்ட் பண்ட்), ஜி.எஸ்.டி. (குட்ஸ் அன் சர்வீஸ் டாக்ஸ்), டி.டி.எஸ். (டாக்ஸ் டிடக்டட் அட் சோர்ஸ்), புரபஷனல் டாக்ஸ் போன்றவற்றை உரிய தேதிக்குள் செலுத்தி இருந்தால் மட்டுமே, அது அந்த நிதியாண்டில், நிறுவனத்தின் அனுமதிக்கப்பட்ட செலவாக வருமான வரித்துறை அனுமதிக்கும். எனவே, நிதியாண்டு இறுதிக்குள் மேற்கண்டவை உரிய முறையில் செலுத்தப்பட்டிருப்பதை உறுதி செய்ய வேண்டும்.

கட்டளை மூன்று: ‘ரேஸியோ அனலசிஸ்’ (விகித பகுப்பாய்வு) என்பது ஒரு நிறுவனத்தின் பணப்புழக்கம், செயல்பாட்டு திறன், லாபத்தன்மை,கடனை திருப்பி தரும் திறன் போன்ற நுணுக்கங்களை பெறுவதற்கான, ஒரு அளவு முறையாகும். இந்த ரேஸியோ அனலசிஸ்தான், ஒரு நிறுவனம், வங்கிகளில் கடன் பெறுவதற்கு முக்கியமான காரணியாக அமைகிறது. இவற்றை ஆண்டு இறுதிக்குள் கணக்கிட்டு அனுகூலமாக மாற்றும் பட்சத்தில் உங்களுடைய கடன் மற்றும் நிதி வாய்ப்புகளை அதிகரித்துக் கொள்ள முடியும்

கட்டளை நான்கு: பொதுவாக, தொழில் நிறுவனங்களின் டாக்டர் போலத் தான் ஆடிட்டர் என்பவரும். ஒரு நோயாளியை புரிந்து கொண்டு டாக்டர் மருந்து அளிப்பதுபோல, ஒரு ஆடிட்டர், தான் சேவை புரியும் தொழில் நிறுவனத்தை புரிந்து கொண்டு அவ்வப்போது அறிவுரைகள் வழங்குவார்.அவர் சேவை தரும் நிறுவனத்தின், தொழில் நிறுவனங்களின் பலதரப்பட்ட வரி நிலவரங்கள், நிதி நிலைமை, லாபம் ஈட்டும் தன்மை போன்ற நுணுக்கங்களை அதன் ஆடிட்டர் மட்டுமே நன்கு அறிவார்... இதனால், உங்களுக்கே தெரியாத / அறியாத சட்ட மீறல்களை முன்கூட்டியே தடுக்க முடியும். அதனால் ஏற்பட இருக்கும் அபராதத்தில் இருந்தும் தப்பிக்க முடியும். எனவே உங்கள் ஆடிட்டரை அணுகி ஆண்டு இறுதிக்கான ஆலோசனையை பெற்று கவனமாக பின்பற்ற வேண்டும் என்பதே நான்காவது கட்டளை.

கட்டளை ஐந்து: ஒரு நிறுவனத்திற்கு வரவேண்டிய கடன் தொகைகள், வராக் கடன்கள், அட்வான்ஸ் ஆகியவற்றை ஆண்டு இறுதிக்குள் வசூல் செய்ய சிறப்பு முயற்சிகள் எடுத்துக்கொள்ள வேண்டும். உதாரணமாக, நிறுவனம் தனது ஊழியர்களில் பலருக்கு, பல வகைகளில் நிதியாண்டு முழுவதும் பல சந்தர்ப்பங்களில் அட்வான்ஸ் தொகை வழங்கி இருக்கும். பயண முன்பணம் (டிராவலிங் அட்வான்ஸ்) கூட வழங்கப்பட்டிருக்கும். அட்வான்ஸ் வழங்கப்பட்ட தொகைக்கான கணக்கு விவரங்களை உரிய காலத்தில் அல்லது நிதியாண்டின் இறுதி நாளான மார்ச் 31 ஆம் தேதிக்குள், நிறுவனத்தின் உரிய கணக்காளர்கள் கேட்டுப்பெற வேண்டும்.

கட்டளை ஆறு: தற்போதைய முறையில் குறிப்பிட்ட வரம்புக்கு மேல் கடன் பெறும் நிறுவனங்கள் தங்களது நிறுவனங்கள் குறித்த கிரெடிட் ரேட்டிங் பெறுதல் அவசியமாகிறது. கிரெடிட் ரேட்டிங் பொறுத்துதான் கடனுக்கான வட்டி விகிதம் வங்கிகளில் நிர்ணயிக்கப்படுகிறது. ஆகவே கிரெடிட் ரேட்டிங் சாதகமாக இருக்கும் வகையில் வைத்துக் கொள்ளல் அவசியம். உதாரணமாக வங்கியில் உங்கள் நிறுவனத்துக்கு நடைமுறை மூலதன கடன் 3 கோடி அனுமதிக்கப்பட்டு இருக்கிறது என்று வைத்துக்கொள்வோம்.அதில் 2.5 கோடியைத்தான் பயன்படுத்தி இருக்கிறீர்கள். மீதமுள்ள ரூ. 50 லட்சத்தை எடுத்து, சில நாட்களுக்கு உங்கள் கரண்ட் அக்கவுண்டில் வைத்துக்கொள்ளுங்கள் என்று நிதியாண்டு இறுதியில் சில வங்கி மேலாளர்கள் கூறுவார்கள். காரணம், அது அவர்களின் அந்த நிதியாண்டுக்கான டார்க்கெட் ஆக இருக்கலாம். அவர் அறிவுரை கேட்டு நீங்கள் அந்த பணத்தை, கரண்ட் அக்கவுண்டுக்கு மாற்றினால், கிரடிட் ரேட்டிங்கில், உங்கள் நிறுவன டிராயிங் பவர் பாதிக்கப்படலாம். இதுபோல், மற்றவர்களுக்காக செய்யப்படும் விண்டோ டிரசங்கினால், உங்கள் நிறுவனம் பாதிக்கப்படாமல் பார்த்து கொள்வது அவசியம்.

நிதியாண்டின் இறுதிக்குள், இதுபோன்று ஆறு கட்டளைகள் உட்பட பல்வேறு முக்கிய அம்சங்களை நிறுவனங்கள் பின்பற்றினால், நிதி நிலை அறிக்கை மேம்படும் . திருமணத்துக்கு ஒரு மணப்பெண் அலங்கரிக்கப் படுவது போல, சட்டத்துக்கு உட்பட்டு, நிறுவனத்தின் நிதி நிலை அறிக்கையை இதுபோல் முக்கிய அம்சங்களில் கவனம் செலுத்தி அலங்கரித்துக் கொண்டால் அது கவர்ச்சிகரமாக இருக்கும்.கவர்ச்சியான, கவனிக்கத்தக்க ‘பேலன்ஸ் ஷீட்’தான், நிறுவனத்துக்கு நிதி வழங்கும், முதலீட்டாளர்களையும், வங்கிகளையும் ஈர்க்க வல்லமை கொண்டது. எனவே நிறுவனங்கள் இந்த நிதியாண்டின் இறுதி நாட்களில் மிக கவனமாக இருங்கள். குறிப்பாக, சிறு தொழில் அமைப்புகள் இதுபோன்ற அம்சங்களை கவனிக்காமல் விட்டு விடுகின்றன. அவையும் இவற்றில் கவனம் செலுத்தினால், வங்கிகள் உங்கள் வளர்ச்சியில் கைகோர்த்துக்கொள்ளும் என்பது நிச்சயம்.

இணையத்தின் மறுபக்கம் டார்க் நெட்

noreply@blogger.com (Unknown) — Fri, 13 Mar 2020 15:01:00 +0530

ஹேக்கர்களின் ராஜ்ஜியம். மிகக் கொடூரமான சட்டத்திற்கு புறம்பான நிகழ்ச்சிகள் நடக்கும், இணையத்தின் மறுக்கம் இந்த டார்க் நெட்.

நாம் பயன்படுத்தும் இணையதளம் இரண்டாக பிரிக்கப்படுகின்றது. 1). சர்ஃபேஸ் வெப் (Surface web), 2). டீப் வெப் (Deep web). நாம் இப்போது பயன்படுத்தும் கூகுள் தேடல்கள், முகநூல், பாடல் தளங்கள், அமேசான், இன்ன பிற தளங்கள் எல்லாம் சர்ஃபேஸ் வெப்பில் வருபவை. இ மெயில், பாஸ்வேர்டுகள், வங்கிப் பண பரிமாற்றங்கள் போன்ற வெளிப்படையாக காட்ட முடியாதவை டீப் வெப்பில் வருபவை. சர்ஃபேஸ் வெப் 5 % மட்டும்தான். மீதி 95% டீப் வெப்.

இந்த டார்க் நெட் என்பது டீப் வெப்பின் ஒரு பாகமாகும். இந்த டார்க் நெட்டில் நம் அடையாளத்தை மறைத்துக் கொள்ளலாம். அதாவது நம்முடைய இடம், அடையாளம், போன்றவற்றை மற்றறவர்களால் ட்ராக் செய்ய இயலாது. இது போதுமே சமூக விரோதிகளுக்கு..

பல சட்டவிரோதமான நிகழ்ச்சிகள் , தொடர்புகள், வர்த்தகங்கள் இதில் நடக்கின்றன. பல ப்ளாக் மார்க்கெட் தளங்கள் இந்த வெப்பில் இயங்குகின்றன. போதைப் பொருட்கள் விற்பனை, ஆயுதங்கள் விற்பனை போன்றவை அமோகமாக நடக்கின்றது. குழந்தைகள் பாலியல் வன்கொடுமைகள், கொலை செய்யப்படும் நேரலை வீடியோக்கள் போன்ற மிகக் குரூரமான விஷயங்கள் இதில் உலா வருகின்றன. இவற்றை பார்ப்பதற்கு பணம் செலுத்த வேண்டும். இதையும் அதிகப் பணம் செலுத்தி ரசிக்கும் சைக்கோ கூட்டமும் இருக்கிறது. கொலை செய்வதற்கு கூட ஆட்களை இதில் புக் செய்கிறார்கள். இந்த இணையங்களைப் பயன்படுத்துபவர்களையும், நடத்துபவர்களையும் கண்டறிய இயலாது.

அது சரி. பணப்பரிமாற்றம் எப்படி நடக்கின்றது? இந்த ப்ளாக் மார்க்கெட் தளங்களில் பணப்பரிவர்த்தனைகள் பிட் காய்ன் போன்ற க்ரிப்டோ கரன்சியின் மூலம் நடக்கின்றது. இதில் பணம் செலுத்துபவரும், பணத்தை வாங்குபவரும் யார் என்று தெரியாது.

பொதுவாக இந்த இணையதளங்களை கூகுள் க்ரோம், மொசில்லா போன்ற ப்ரவுசர்கள் வைத்து நம்மால் கண்டறிய இயலாது. இந்த இணையதளங்கள் என்கிரிப்ட் செய்யப்பட்டிருக்கும். இதற்கென்று தனியே உள்ள ப்ரவுஸர்களை கொண்டுதான்உள்நுழைய முடியும். Tor, retroshare, syndie என பல உள்ளன.

டார்க் நெட்டில் முதன்முதலில் Silkroad என்ற ப்ளாக் மார்க்கெட் 2011ல் வந்தது. அதில் தடை செய்யப்பட்ட போதை பொருட்கள் விற்பனை செய்யப்பட்டு வந்தன. ஆனால் பெருமுயற்சிக்குப் பிறகு 2013ல் இந்த இணையதளம் முடக்கப்பட்டது. முடக்கப்பட்டாலும் Silkroad 2, 3 என்ற பெயர்களில் உலா வந்தது. இந்த மார்க்கெட்டுகள் க்ரிப்டோ கரன்சியின் வளர்ச்சியில் பெரும்பங்கு வகிக்கின்றது.

டார்க் நெட் சில நல்ல விஷயங்களுக்கும் பயன்படுகிறது. எப்படியிருந்தாலும் பெரும்பாலும் சட்ட விரோத செயல்களுக்கு தான் பயன்படுத்தப்படுகின்றது. தனிநபரின் விபரங்கள், கிரெடிட்கார்டு எண்கள், பாஸ்வேர்டுகள் போன்றவை திருடப்பட்டு இதில் விற்கப்படுகின்றன. 2016 ம் ஆண்டு மிகப்பெரிய கால் டாக்சி நிறுவனமான ஊபர் (Uber) ன் வலைதளத்திலிருந்து கிட்டத்தட்ட 5 கோடி பேரின் தொலைபேசி எண்கள், இமெயில் முகவரிகள் போன்றவை திருடப்பட்டுள்ளன. தகவல்களை வெளியிடாமல் இருக்க இந்நிறுவனம் ஹேக்கர்களுக்கு பணம் வழங்கியது. இவற்றையெல்லாம் கட்டுப்படுத்த கடும் முயற்சிகள் மேற்கொள்ளப்பட்டு வருகின்றன.

எச்சரிக்கை: டார்க் நெட் பற்றிய தகவல்களை தெரிந்துகொள்வதோடு மட்டும் விட்டுவிட்டு , தேவையில்லாமல் முயற்சி செய்து பிரச்சினைகளுக்குள் சிக்க வேண்டாம்.

பல டன் எடை கொண்ட மேகங்கள்

noreply@blogger.com (Unknown) — Sat, 7 Mar 2020 12:17:00 +0530

பல 'டன்' எடை கொண்ட மேகங்கள் புவியீர்ப்பு விசையினால் பாதிக்கப்படாமல் வானில் மிதப்பது எப்படி?

கலைச்சொற்கள்

படிகங்கள் - crystals
வளிக்கோளகம்- atmosphere

மேகங்கள் முதன்மையாக சிறிய நீர் துளிகளால் ஆனவை, அது போதுமான குளிர்ச்சியாக இருந்தால், பனி படிகங்களாக மாறும். நீங்கள் பார்க்கும் பெரும்பான்மையான மேகங்களில் நீர்த்துளிகள் அல்லது படிகங்கள் உள்ளன, அவை எந்தவிதமான வீழ்ச்சியின் வேகத்தையும் கொண்டிருக்க முடியாத அளவிற்கு சிறியவை. எனவேதான் துகள்கள் சுற்றியுள்ள காற்றோடு தொடர்ந்து மிதக்கின்றன. தரையில் நெருக்கமான ஒரு ஒப்புமைக்கு, சிறிய தூசி துகள்கள் சூரிய ஒளியில் பார்க்கப்படும் போது, காற்றில் மிதப்பது போல் தோன்றும்.

உண்மையில், ஒரு பொதுவான நீர் துளியின் மையத்திலிருந்து அதன் விளிம்பிற்கான தூரம் - அதன் ஆரம் - ஒரு சில மைக்ரான் (ஒரு மில்லிமீட்டரின் ஆயிரத்தில் ஒரு பங்கு) முதல் சில பல்லாயிரம் மைக்ரான் வரை இருக்கும் (பனி படிகங்கள் பெரும்பாலும் சற்று பெரியவை). எந்தவொரு பொருளும் விழும் வேகம் அதன் நிறை மற்றும் மேற்பரப்புடன் தொடர்புடையது - அதனால்தான் ஒரு இறகு அதே எடையின் கூழாங்கல்லை விட மெதுவாக விழுகிறது. தோராயமாக கோளமாக இருக்கும் துகள்களுக்கு, திணிவு கனசதுரம்(r3) ஆரத்திற்கு விகிதாசாரமாகும்; அத்தகைய துகள் கீழ்நோக்கி எதிர்கொள்ளும் பரப்பளவு ஆரம் சதுரத்திற்கு (r2) விகிதாசாரமாகும். இதனால், ஒரு சிறிய நீர் துளி வளரும்போது, அதன் நிறை அதன் வடிவத்தை விட முக்கியமானது ,இதனால் துளி வேகமாக விழுகிறது. 100 மைக்ரான் ஆரம் கொண்ட ஒரு பெரிய துளி கூட விநாடிக்கு சுமார் 27 சென்டிமீட்டர் (செ.மீ / வி) வீழ்ச்சி வேகம் கொண்டது. பனி படிகங்கள் அதிக ஒழுங்கற்ற வடிவங்களைக் கொண்டிருப்பதால், அவற்றின் வீழ்ச்சி வேகம் ஒப்பீட்டளவில் சிறியதாக இருக்கும்.

வளிக்கோளகத்தில் மேல்நோக்கிய செங்குத்து இயக்கங்கள் அல்லது புதுப்பிப்புகள் மேகங்களின் மிதக்கும் தோற்றத்திற்கு அவற்றின் தொகுதி துகள்களின் சிறிய வீழ்ச்சி வேகங்களை ஈடுசெய்வதன் மூலம் பங்களிக்கின்றன. மேகங்கள் பொதுவாக,

→ உருவாகின்றன

→ உயிர்வாழ்கின்றன

→ மேல்நோக்கி நகரும் காற்றில் வளர்கின்றன.

அதன் மீது அழுத்தம் குறைவதால் உயரும் காற்று விரிவடைகிறது, மேலும் மெல்லிய, அதிக உயரமுள்ள காற்றாக விரிவடைவது குளிர்ச்சியை ஏற்படுத்துகிறது. போதுமான குளிரூட்டலால் இறுதியில் நீராவி அடர்த்தியாகிறது, இது மேகங்களின் உயிர்வாழ்விற்கும் வளர்ச்சிக்கும் பங்களிக்கிறது. ஸ்ட்ராடிஃபார்ம் மேகங்கள் (நிலையான மழையை உருவாக்கும்) பொதுவாக பரவலான ஆனால் பலவீனமான மேல்நோக்கிய இயக்கத்துடன் கூடிய சூழலில் உருவாகின்றன; வெப்பச்சலன மேகங்கள் (மழை மற்றும் இடியுடன் கூடிய மழை) வினாடிக்கு சில மீட்டர்களைத் தாண்டிய புதுப்பிப்புகளுடன் தொடர்புடையவை. இரண்டு நிகழ்வுகளிலும், மேகத் துகள்களின் சிறிய வீழ்ச்சி வேகங்களை மறுக்க வளிக்கோளக ஏற்றம் போதுமானது.

மேகங்களின் ஒப்பீட்டு இலேசான தன்மையை விளக்குவதற்கான மற்றொரு வழி, ஒரு மேகத்தின் மொத்த திணிவை அது வாழும் காற்றின் திணிவுடன் ஒப்பிடுவது. 10,000 அடி உயரத்தில் ஒரு கற்பனையான ஆனால் வழக்கமான சிறிய மேகத்தைக் கவனியுங்கள், இதில் ஒரு கன கிலோமீட்டர் அடங்கும் மற்றும் ஒரு கன மீட்டருக்கு 1.0 கிராம் நீர்ம நீர் உள்ளடக்கம் இருக்கும். மேகத் துகள்களின் மொத்த நிறை சுமார் 1 மில்லியன் கிலோகிராம் ஆகும், இது 500 ஊர்திகளின் எடைக்கு சமமானதாகும். ஆனால் அதே கன கிலோமீட்டரில் காற்றின் மொத்த நிறை சுமார் 1 பில்லியன் கிலோகிராம் - நீர்மத்தை விட 1,000 மடங்கு கனமானது!

எனவே, வழக்கமான மேகங்களில் ஏராளமான நீர் இருந்தாலும், இந்த நீர் சிறிய நீர் துளிகள் அல்லது படிகங்களின் வடிவத்தில் மைல்களுக்கு பரவுகிறது, அவை மிகச் சிறியவை, அவை மீது ஈர்ப்பு விளைவு மிகக் குறைவு. இதனால், தரையில் நம்முடைய பார்வைக்கு மேகங்கள் வானத்தில் மிதப்பது போல் தெரிகிறது.

உசாத்துணை:

Why do clouds float when they have tons of water in them?

படிமம்- Cosmos Magazine

முகிலினங்கள் அலைகிறதே, முகவரிகள் தொலைந்தனவோ? முகவரிகள் தவறியதால், அழுதிடுமோ, அது மழையோ? நீள(ல) வானிலே வெள்ளி ஓடைகள், ஓடுகின்றதே, என்ன ஜாடைகள்! …விண்வெளியில் விதைத்தது யார் நவமணிகள்!

(வெம்மையான வாயுக்களும், குளிர்ந்த வாயுக்களும் அடர்த்தி வேறுபாடு காரணமாக சுழற்சியிலே(Circulation) இருக்கும். காலையில் வெம்மையான காற்று நிலத்திலிருந்து, வானில் மேலேறி சென்று குளிர்கிறது. இரவில், கடலிலிருந்து வெப்பக்காற்று மேலேறி, நிலத்தைக் குளிர்விக்கிறது.இதுவே காற்றோட்டம்(Wind current).இதேபோல் கடலிலும் நடக்கும்.)

புவியின் ஈர்ப்புவிசையால் மேகங்களும் ஈர்க்கப்படுகின்றன. ஆயினும், அவையின் ஈர்ப்பை வெம்மையான வாயுக்களின் ஓட்டம்(Warm current airflow) எதிர்கொண்டு ஈடுசெய்கிறது. முகில்களில் நிறைந்துள்ள நீர்மூலக்கூறுகள் சிறுசிறு துளிகளாக கோளவடிவம் (பரப்பு இழுவிசை பண்பினால்) எடுக்கின்றன. இவற்றின் விட்டம் மிகச் சிறிது (

10^{- 6}

10^{- 6}

10^{- 6}

மீ- மைக்ரான் அளவு). இவ்வளவு குறுகிய வடிவம் மிகக் குறைவான ஈற்றுவேகம் (Terminal velocity) கொண்டிருக்கும்.

ஈற்றுவேகம் என்றால் என்ன?

ஒருப்பொருள் ஈர்ப்புவிசைக்கு உட்பட்டு கீழே விழுகையில், அது குறிப்பிட்ட நேரத்திற்குப் பின், நிலையான(மாறுபடாத) வேகத்தில் சீராக கீழேவிழும்.(முடுக்கப்படாது). அவ்வேகமே ஈற்றுவேகம் எனப்படும்.

(கோள வடிவு நீர்த்துளி மீது செயல்படும் விசைகள்.)

ஒரு நீர்த்துளியின் கீழ்நோக்கிய(புவிஈர்ப்புவிசையால்) இயக்கத்தைக் காண்போம். அது பரப்பு இழுவிசை (Surface Tension) பண்பினால், குறைந்த இறுக்கத்தைத் தோற்றுவிக்கும் கோளவடிவை எடுக்கிறது. அப்பொழுது அதன் மீது, மூன்று விசைகள் தொழிற்படுகின்றன.

F_{d}

F_{d}

F_{d}

F_{d}

F_{d}

F_{d}

F_{d}

இழுவிசை (Drag Force).
மிதவிசை. (Buoyant force, இதனை முன்னோக்கு விசை,Upward Thrust என்றும் அழைப்பர்.).
எடைவிசை. (Weight)

நீர்த்துளி இயல்இயக்க சமனிலையில்(Mechanical Equilibrium) இருக்க வேண்டுமெனில், அதன் மீது தொழிற்படும் விசைகளின் கூட்டு சுழியாக இருக்கவேண்டும். ஈர்ப்புவிசையின் திசையில் செயல்படும் விசை.ஈர்ப்புவிசைக்கு எதிர்திசையில் (கீழ்நோக்கிய இயக்கத்தை எதிர்க்கும்) செயல்படும் விசைகள்

(இடப்பக்க படம்:நேரம் அதிகரிக்கையில், பொருளின் வேகம் நிலையானதொரு வேகத்தை அடைகிறது.

வலப்பக்க படம்: நேரம் செல்கையில், பொருளின் முடுக்கம் குறைந்துகொண்டே வந்து ஒருகட்டத்தில், சுழியாகிறது. அவ்விடமே ஈற்றுவேகம்.)

இதில் வீழ்த்தப்பட்ட பரப்பளவு என்றாலென்ன என்று அறிய வேண்டியது இன்றியமையாததாகும். ஒரு முப்பரிமாண வடிவத்தினை இருப்பரிமாண தளத்தில் வீழ்த்துவது, செங்குத்து வீழ்த்தல் (Orthographic projection) என்று அழைக்கப்படும். ஏன் செங்குத்து வீழ்த்தல்? முப்பரிமாண வடிவத்தில் இருந்து நீட்டிக்கப்படும் கோடுகள் வீழ்த்தப்படும் இருபரிமாண தளத்திற்கு செங்குத்தாக அமைவதால் செங்குத்து வீழ்த்தல் எனப் பெயர்பெற்றது.

இது மிகவும் எளிமையான கருத்துரு தான். நீங்கள் ஒரு பொருள் மீது வெளிச்சம் பாய்ச்சி, சுவரில் அதன் நிழல் விழும்படி செய்வீர்கள் (வீழ்த்துவீர்கள்) இல்லையா? அதுதான் செங்குத்து வீழ்த்தல். முப்பரிமாணத்தை இருபரிமாண மாக்கும் வித்தைதான் இது. இதனைப் பொறியியல் மாணவர்கள் கற்பார்கள்.

(செங்குத்து வீழ்த்தலில், மூன்று பார்வைகள்(வீழ்த்தல்கள்) முதன்மையானது. இம்மூன்றையும் இணைத்தால், முப்பரிமாண வடிவம் கிடைக்கும். அவை, முகப்பார்வை(Front view), மேற்பார்வை(Top view), பக்கவாட்டுப்பார்வை(Side view). அதுவே, இப்படத்தில் காட்டப்பட்டுள்ளது.)

நிறையுடன் ஒப்பிடுகையில், கூடுதலான வீழ்த்தப்பட்ட பரப்பளவைக் கொண்ட பொருட்களுக்கு குறைந்த ஈற்றுவேகம் இருக்கும். எ.கா பாராசூட்கள்.

(கோளவடிவின் செங்குத்து வீழ்த்தல் படம் வட்டமாக இருக்கும். வட்டம்தான் முப்பரிமாணத்தில் கோளம். இடையிலுள்ள படம் கோளத்தின் செங்குத்து வீழ்த்தலைக் காட்டுகிறது.)

அதுவே, நிறையுடன் ஒப்பிடுகையில் குறைவான வீழ்த்தப்பட்ட பரப்பளவைக் கொண்ட பொருட்களுக்கு அதிக ஈற்றுவேகம் இருக்கும். எ.கா துப்பாக்கித் தோட்டாக்கள்.

பொதுவில், ஒரே அளவுள்ள வடிவத்துக்கும்(size), பொருளுக்கும்(material) ஈற்றுவேகம், அப்பொருளின் வடிவ அளவு(Geometric size) அதிகரிக்க அதிகரிக்க கூடும். ஏனெனில், எடைவிசையானது ஒருப்பொருளின் நேரிசை பரிமாணத்தின்(Linear dimension, இங்கு விட்டம்) மூவடுக்குடன் நேர்விகிதத்தில்(directly proportional to cube of linear dimension) இருக்கிறது.

(W \propto r^{3})

(W \propto r^{3})

(W \propto r^{3})

(W \propto r^{3})

(W \propto r^{3})

(W \propto r^{3})

காற்றெதிர்ப்பு(Air resistance) பொருளின் குறுக்குப் பரப்பளவுடன்(cross sectional area) நேர்விகிதத்தில் இருக்கிறது.

(A i r r e s i s t a n c e \propto A_{c}) .

(A i r r e s i s t a n c e \propto A_{c}) .

(A i r r e s i s t a n c e \propto A_{c}) .

இக்குறுக்குப் பரப்பளவு பொருளின், நேரிசை பரிமாணத்தின் ஈரடுக்கு (square) உயரும்போதே உயரும்.

(A_{c} \propto r^{2})

இதன் விளைவாக, பொருளின் அளவு அதிகரிக்கையில், எடைவிசைதான் அதிகரிக்கிறது.

விலங்குகளின் வடிவ அளவைப் பொறுத்து, அவை கீழே விழும்போது நேரும் தாக்கங்கள் குறித்து, உயிரியலாளர் ஜே.பி.எஸ் ஆல்தேன்(JBS Haldane) பின்வருமாறு எழுதுகின்றார்.

எலி முதலிய சிறிய விலங்கினங்களுக்கு ஈர்ப்புவிசை எந்த சேதத்தையும் விளைவிப்பதில்லை. எலியை ஆயிரம் அடி உயரத்தில் இருந்து கீழே விழச்செய்தாலும், தரையை அடையும்போது, சிறிது அதிர்ச்சியுடன் நடந்து ஓடிவிடும். அதேவேளை ஒரு மனிதனின் எலும்புகள் உடைகின்றன; குதிரை உடல்சிதறுகிறது. ஈர்ப்புவிசையின் தாக்கம், பொருளின் பரப்பளவிற்கு (Surface Area) நேர்விகிதத்தில் அமைந்துள்ளது.

இரும்புப் பந்தைக் காட்டிலும், சிறகு காற்றில் ஊசலாடிய படிதான் விழுகிறது. தமது நிறையை பொருளின் பரப்பு முழுதிலும் சீராக பகிர்ந்துள்ள வடிவங்கள் குறைவான ஈற்றுவேகத்தைப் பெற்றிருக்கும்.

நீர்த்துளியின் விட்டம் சிறிதாக இருக்கையில் ஈர்ப்புவிசையின் பிடியினை , வெம்மையான காற்றோட்டம் எதிர்கொண்டு வென்றுவிடுகிறது. அதேபோல், நீர்த்துளிகளின் ஈற்றுவேகமும் மிகக்குறைவாக இருப்பதால், அவை வானில் மேகக்கூட்டங்களாக நீண்டகாலம் இருக்கமுடியும். நீர்த்துளிகள் ஒன்றிணைந்து, அவையின் விட்டம் எப்போது ஒரு குறிப்பிட்ட வரம்பை மீறுகிறதோ, ஈற்றுவேகம் அதிகரித்துவிடும். ஈர்ப்புவிசையின் கை ஓங்கிவிடும். அது மழையாக பெய்கிறது. உலகோர் பசியெல்லாம் தீர்க்கிறது.

"மாமழை போற்றுதும்;மாமழை போற்றுதும்"

(கட்டுரை - Tamil Quora

படங்கள்: கூகுள்)

தமிழ் எழுத்துகள் குறித்த வியப்பான செய்தி

noreply@blogger.com (Unknown) — Thu, 2 Jan 2020 15:56:00 +0530

தமிழ் எழுத்து பிறந்த கதை பற்றி இணையத்தில் படித்த சுவையான தகவல்கள் சிலவற்றை நானும் பகிர்ந்து கொள்ள விரும்புகிறேன்.

அ, ஆ, இ, ஈ, உ, ஊ, எ, ஏ, ஐ, ஒ, ஓ, ஒள (உயிர் எழுத்துக்கள்)

நாக்கு வாயின் மேல் அன்னத்தைத் தொடாமலும் காற்றின் உதவியால் மட்டுமே ஏற்படும் ஒலி. உயிருக்கு முதன்மையானது காற்று என்பதால் காற்றை மட்டும் பயன்படுத்தி ஏற்படும் இவ்வொலிகளை எழுப்புவது உயிர் எழுத்துக்கள்.

க், ங், ச், ஞ் ட், ண், த், ந், ப், ம், ய், ர், ல், வ், ழ், ள், ற், ன் (மெய் எழுத்துக்கள்)

நாக்கு வாயின் மேல் அன்னத்தைத் தொடும். இவ்வொலிகளை ஏற்படுத்தும்போது காற்றின் பங்கைவிட உடலின் பங்கு அதிகம் என்பதால் இவற்றுக்கு மெய்யொலிகள் என்று பெயர் சூட்டப்பட்டது.

உயிர் எழுத்துக்கள்: 12

மெய் எழுத்துக்கள்: 18

உயிர்மெய் எழுத்துக்கள்: 216

ஆய்த எழுத்து: 1

தமிழ் எழுத்துக்கள் மொத்தம்: 247

நம்மொழிக்கு தமிழ் என்று எப்படி பொருள் வந்தது என்பதைக் காண்போம்.

க, ச, ட, த, ப, ற - ஆறும் வல்லினம்.

ங, ஞ, ண, ந, ம, ன - ஆறும் மெல்லினம்.

ய, ர, ல, வ, ழ, ள - ஆறும் இடையினம்.

உலக மாந்தன் முதல் முதலில் பயன்படுத்திய உயிர் ஒலிகள் அ(படர்க்கை), இ(தன்னிலை), உ(முன்னிலை) என்பது பாவாணர் கருத்து. தமிழின் மெய் எழுத்துக்களில் வல்லினத்தில் ஒன்றும், மெல்லினத்தில் ஒன்றும், இடையினத்தில் ஒன்றுமாக மூன்று மெயெழுத்துக்களைத் தேர்ந்தெடுத்தனர். அவை த், ம், ழ் என்பவை. இந்த மூன்று மெய்களுடன் உலகின் முதல் உயிரெழுத்துக்களை வரிசைப்படுத்தி முறையே கூட்டி

த்+அ கூடி 'த' வாகவும்

ம்+இ கூடி 'மி' யாகவும்

ழ்+உ கூடி "ழு" வாகவும்

என்று தமிழு என்று ஆக்கி, பிறகு கடையெழுத்திலுல்ல உகரத்தைத் நீக்கி தமிழ் என்று அழைத்தனர்.

தமிழ் எழுதவும், படிக்கவும் தெரிந்த நம்மில் பலருக்கு தமிழ் எழுத்து வடிவங்களில் பயன்படுத்தப்படும் துணையெழுத்துகளைப் பற்றியும் அவைகளின் பெயரும் தெரியாது.

கா - என்னும் நெடிலை எப்படி எழுதுகிறோம்?

'க' என்ற குறில் எழுத்தை எழுதி அதன் அருகில் கால் போட வேண்டும்.

கொ என்ற ஒற்றை எழுத்தினைக் குறிக்க நாம் மூன்று எழுத்துகளை எழுதுகிறோம்.

முதலில் ஓர் ஒற்றைக் கொம்பினை இட்டு அடுத்து 'க' என்னும் உயிர்மெய்யெழுத்தை எழுதி - அதன் பின்னர் ஒரு துணைக்கால் வைக்கிறோம்.

இம்மூன்று தனித்தனி எழுத்துருக்களை எழுதினால்தான் 'கொ' - என்ற ஓர் உயிர்மெய் எழுத்து எழுதப்படுவதாகும்.

ஆனால் இவற்றில் கால், கொம்பு தவிர மற்ற துணையெழுத்தின் பெயர் பெரும்பாலானவர்களுக்கு தெரிவதில்லை.

இங்கு அனைத்து துணையெழுத்துகளின் வகைகளையும் பெயர்களையும் பகிர்ந்து கொள்ள விரும்புகிறேன்.

* துணைக்கால் – கா, சா, தா, வா

* கொம்புக்கால் – ஊ, கௌ, சௌ. யௌ

* மடக்கு ஏறுகீற்றுக் கால் – ணூ, தூ, நூ

* ஒற்றைக்கொம்பு – கெ, நெ, செ,ளெ

* இரட்டைக்கொம்பு – கே, நே, சே,ழே

* இணைக்கொம்பு/சங்கிலிக்கொம்பு – கை, சை, நை, றை

* சாய்வுக்கீற்று – ஏ

* இறங்கு கீற்று – பு, சு, வு, யு

* மடக்கு ஏறு கீற்று – ணு, து, நு, லு. று

* பின்வளைகீற்று – கூ

* மேல்விலங்கு – கி, தி, பி, மி

* கீழ்விலங்கு – மு, ரு, கு, டு

* இறங்குகீற்றுக் கீழ்விலங்குச் சுழி – சூ, பூ

* மேல்விலங்குச் சுழி – கீ, தீ, ரீ, வீ

* கீழ்விலங்குச் சுழி – மூ, ரூ, டூ

* பிறைச்சுழி – ஆ

இத் தமிழ்த் துணையெழுத்து வடிவங்களின் பெயர்கள் அனைத்தையும்…இனி வரும் காலங்களில் புழங்கி மனதில் நிலைபெறச் செய்வோம்.

திருவாசகத்திலே மாணிக்கவாசகர் பாடிய திரு அண்டப்பகுதி

noreply@blogger.com (Unknown) — Tue, 8 Oct 2019 15:41:00 +0530

ஓன்பதாம் நூற்றாண்டிலே வாழ்ந்த மணிவாசகர் தான் பாடிய திருவாசகத்திலே திரு அண்டப் பகுதியில் ஒரு கருத்தைச் சொல்கிறார்...

அண்டப் பகுதியின் உண்டைப் பிறக்கம்

அளப்பெரும் தன்மை வளப்பெரும் காட்சி

ஒன்றனுக்கு ஒன்று நின்று எழில் பகரின்

நூற்று ஒரு கோடியின் மேல்பட விரிந்தன

இன்நுழை கதிரின் துன் அணுப் புரைய

சிறியவாகப் பெரியோன் தெரியின்..

விளக்கம்:

பிரபஞ்சம் உருண்டையாகத்தான் பிறந்துள்ளது. அதிலே நூற்றியொரு கோடிக்கும் அதிகமான கிரகங்களும் விண்மீன்களும் பூமிகளும் சூரியன்களும் சந்திரன்களும் இறைந்து கிடக்கின்றன. அவை ஒன்றுக்கு ஒன்று தம் ஒளியால் எழில் கொடுக்கின்றன. சூரியனின் துல்லியமான அணுக்கதிர்கள் தாக்குவதால் ஒளியற்ற கிரகங்கள் கூட சிறியதாக மின்னுகின்றன.

மாணிக்கவாசகர் எந்தத் தொலைநோக்கு கருவியைக் கொண்டு இதைப் பார்த்தார்.ராடாரின் உபயோகம் அறியப்பட முன்னரே தெரிவிக்கப்பட்ட செய்தியல்லவா இது.அதுவும் பூமி உட்பட எல்லாக் கிரகமுமே உருண்டை என்று மாணிக்கவாசகர் சொல்லி விட்டார். அவை ஒன்றை ஆதாரமாக் கொண்டுள்ளன என்பது ஈர்ப்பு விசையைத்தான் சுட்டுகிறது.

அது மட்டுமா நூறு கோடிக்கு மேலே விண்வெளியில் கோள்கள் சிதறிக் கிடக்கின்றன என்று அவர் சொல்லி எத்தனை நூற்றாண்டுகளுக்குப் பின் அது உண்மைதான் என்கிறது இன்றைய விஞ்ஞானம்.இதைக் கணிக்கக் கணக்குத் தெரிய வேண்டும், ஆனால் அந்தத் தமிழனின் கூற்று எடுபடவில்லை அல்லது அறியப்படவில்லை.

இனித் திருக்குறளிலே ஒரு வானியல் விடயம் பேசப்படுகின்றது. இந்த உலகத்திலே வாழ்வாங்கு வாழ்பவர்கள் வான் உறையும் தெய்வத்துள் வைக்கப்படுவார்கள்.

வையத்துள் வாழ்வாங்கு வாழ்பவன் வானுறையும்

தெய்வத்துள் வைக்கப் படும்..

இது ஒன்றும் பெரிய விடயம் அல்ல. வானுலகம் என்று ஒன்று இருக்கின்றது என்பது பலரின் நம்பிக்கைக்கு உரிய விடயம். அது உலகமாகவோ அல்லது கிரகமாகவோ இருந்துவிட்டுப் போகட்டும். ஆனால் நான் எனது என்ற செருக்கை விட்டவர்கள் வானுக்கும் உயர்ந்த உலகம் போவார்கள் என்கிறாரே திருவள்ளுவர். அது எந்த உலகம்.

வான் உலகத்துக்கும் உயர்ந்த உலகம் என்றால் எப்படிப் பொருள் கொள்வது?

பூமியில் இருந்து அடுத்த கிரகம் தொலைவானது. அதிலிருந்தும் தொலைவான உலகம் என்று தானே பொருள். இஸ்ரோவுக்கும் (ISRO) முன்னரே வள்ளுவருக்கு வானியல் அறிவு இருந்திருக்கிறது. அதற்கான தூர வேறுபாடும் தெரிந்திருக்கிறது.

அது போல வேறு கிரகத்தவர்கள் வந்து சென்றது பற்றிச் சிலப்பதிகாரத்திலும் ஒரு குறிப்பு உண்டு.

"பொலம்பூ வேங்கை நலங்கிளர் கொழுநிழல்

ஒரு முலை இழந்தாள் ஓர் திருமா பத்தினிக்கு

அமரர்க்கு அரசன் தமர் வந்து ஈண்டி அவள்

காதல் கொழுநனைக் காட்டி அவளொடும் எம்

கட்புலம் காண விட்புலம் போயது

இறும்பூது போலும்"

ஒரு மார்பை இழந்தவளாக வேங்கை மர நிழலிலே நின்ற பத்தினி ஒருத்திக்கு தேவ அரசனுக்கு வெண்டிய சிலர் வந்து அவள் காதல் கணவனையும் காட்டி அவளையும் அழைத்துக் கொண்டு எங்கள் கண்காண விண்ணிலே போனார்கள். இது மிகவும் ஆச்சரியமானது.

இது இளங்கோவடிகளுக்கு மலைக்குறவர் சொன்ன செய்தி..

இதை இலக்கியம் என்று நோக்காது அறிவியல் உணர்வோடு பார்த்தால் வேற்றுக்கிரகத்தவர்களால் ஒரு மானுடப் பெண் அழைத்துச் செல்லப்பட்டுள்ளார்.

இது பறக்கும் தட்டு விவகாரத்துடன் சம்மந்தப்பட்டதாகவே தெரிகின்றது.

இவ்வாறாகப் பரந்து பட்ட வானியல் அறிவு நிரம்ப இருந்தும் தமிழர்கள் பிரகாசிக்கவில்லை, பிரகாசிக்க வேண்டும் என்று அக்கறைப்படவுமில்லை.

ஆனாலும் நாசா போன்ற அமைப்புக்கள் ஏதோ ஒரு காரணத்துக்காக தமது விண்வெளி ஓடங்களில் தமிழையும் எழுதி அனுப்புகிறார்கள் என்று எங்கேயோ படித்ததாக ஞாபகம்.

அது உண்மையாக இருந்தால், அதன் மூலம் ஏதாவது ஆதாயம் கிடைத்தாலும் அதன் அறுவடையில் சங்கத் தமிழரின் பங்கும் இருக்கத்தான் செய்யும். அது முழுத் தமிழ் இனத்துக்கும் பெருமை தேடித் தரவும் கூடும். அப்போது நிச்சயம் ஒருநாள் சங்க இலக்கியங்கள் அனைத்தும் விஞ்ஞானிகளால் தேடி படிக்கப்படும் என்பது உண்மை...

தமிழ் மொழியில் ங அழிந்த கதை

noreply@blogger.com (Unknown) — Sun, 28 Jul 2019 18:06:00 +0530

தமிழில் ஙா, ஙி, ஙீ, ஙு, ஙூ, ஙெ, ஙே, ஙை, ஙொ, ஙோ, ஙௌ இந்த எழுத்துக்களில் வார்த்தைகள் உண்டா?

1950 - 1960 காலங்களில் எழுதும் மடல்களில் இப்படிக்கு என்று எழுதாமல் இங்ஙனம் என்றேஎழுதுவார்கள்.

தமிழ்நாட்டில் தேங்காய் என்பதை உச்சரிக்கும் விதத்தையும் மலையாளத்தில் உச்சரிக்கும் வித்த்தையும். உற்று நோக்கினால் எவ்வாறு இந்த எழுத்துள்ள வார்த்தைகளைத் தொலைத்துள்ளோம் எனப் புரியும்

கசடதபற வல்லினம்.

ஙஞணநமன மெல்லினம்

எனப்பிரித்து குறைவான எழுத்துக்களைக் கொண்டு பல வார்த்தைகளை பல வித உச்சரிப்பு இயல்பாகவே வர வழைக்கும் அற்புதம் நம் முன்னோர்கள் நமக்கு அருளிச் சென்றுள்ளார்கள். அதனருமை தெரியாமல் , எழுத்து பெரும்பாலான மக்களுக்குத் தேவைப் படாத காரணத்தாலும் இவைகள் அழிக்கப்பட்டுள்ளன. இன்றைய தமிழ் வல்லுனர்களும் ஒன்று கவலைப்படவில்லை அல்லது அவர்களால் இயல வில்லை.

இப்போது ங வுக்கு வருவோம்.

க வுக்குகந்த மெல்லினம் ங.

ச வுக்கந்தது ஞ

ட வுக்குகந்தது ண

த வுக்குகந்தது ந

ப வுக்குகந்தது ம

ற வுக்குகந்தது ன.

இவ்வாறிருக்க , எங்ஙனம் ங உள்ள வார்த்தைகளுக்கு பஞ்சம் ஏற்பட்டது?

ச வுக்குகந்த ஞ வை சரியாக உச்சரிக்காமல், க வுக்குகந்த ங வை ஒதுக்கித் தள்ளிவிட்டு அந்த இடத்தில் ஞ வை நுழைத்து ஞ வை ங என உச்சரித்தால் வந்த செயல்.

இப்போது ஞ வை க வுக்கந்தாகக் கொண்டு , ங வை மறந்து ,

ச வுக்குரிய ஞ வைத் தேடி அது கிடைக்காததால் புதிதாக ஜ என்ற ஒன்றை தேவையின்றிப் புகுத்தி தமிழை அழித்து வருகிறோம்.

அறிஞ்ஞவர் எனபதை அறிஞர் என எழுதி க என உச்சரிக்கிறோம்.

கலைங்ஙர் என சொல்லவேண்டியதை கலைஞர் என்று உச்சரித்துப் பழகி விட்டோம் . இதை சரியாக வாசித்தால் கலைஜர் என்று தான் வர வேண்டும். ஆனால் எழுத்து மாறி இருப்பினும் சரியாக உச்சரிக்கிறோம் . ( ஆங்கிலம் போல)

மெஞ்ஞானபுரமா? மெஜ்ஜான புரமா? மெங்ஙானபுரமா?

விஞ்ஞானமா? விங்ஙானமா? விஜ்ஜானமா?

செஞ்சோற்றுக்கடன், விஞ்ஞானம், அஞ்ஞானம், ஏன் இந்த வேறுபாடு. உச்சரிப்பு இயற்கையாக வர வேண்டும். இங்கு அனைத்தும் செயற்கை.

பஞ்சம், தஞ்சம், மஞ்சள்,வஞ்சம். நெஞ்சம் .

ஆக இயற்கையாக ச வுக்குகந்த உச்சரிப்பு இது ,

இதை க வுக்கந்தமாகவும் உச்சரிக்கிறோம்,

ஙப் போல் வளை

என்பது

மெய் எழுத்தான “ங்” என்ற எழுத்தின் உயிர்மெய் வடிவங்கள் எங்கும் பயன்பாட்டில் இல்லை. எனினும், “ங்” என்ற ஓரெழுத்து அதன் உயிர்மெய் எழுத்துக்களை காலத்தில் புதைந்துவிடாமல் காத்து வருகிறது. இந்த “ங்” எப்படி தன் வரிசையைக் காக்கிறதோ, அவ்வாறே நாமும் நம் உற்றார் உறவினர் அனைவரையும் கனிவுடன் காக்க வேண்டும்.

எனக்கு தெரிந்த வரை இந்த சொல் (ஙப் போல் வளை) உள்ளது.

இங்ங வாங்ங என்றுதான் கூப்பிடுகிறோம். எழுதும் போது இங்க வாங்க என்று எழுதுகிறோம். இது இயல்பாகத்தான் தெரிகிறது.

மஞ்சப் பையை மஞ்ஞப் பை என்றால் மலையாள வாடை அடிக்கவில்லை…

இப்போது அறியாமையால் பஞ்சு மிட்டாயை பஞ்ஜி மிட்டாய் என்றும் வஞ்ஜிர மீன் மஞ்ஜள் என்றும் எழுதுவதைப் பார்க்கத்தான் வேதனையாக இருக்கிறது.

ங அழிந்த கதை. மேலும் எழுத பொறுமை இல்லை.

தமிழனும் இந்தி திணிப்பும்

noreply@blogger.com (Unknown) — Mon, 3 Jun 2019 10:28:00 +0530

இந்தி மொழியை திணிச்சா தமிழ் அழிஞ்சிடும்னு சொல்றதே ஒரு மிகப்பெரிய முட்டாள்தனம். வேர் ஆழமாக இருந்தால் எந்த மரத்தையும் அசைக்க முடியாது. இதை உங்க நண்பன் சதீஷ் சொல்லல, ஆசிரியர் சதீஷ் சொல்றேன். அனுபவத்தில சொல்றேன்.

பணி நிமித்தமாக தினமும் வடஇந்திய மக்களிடம் பேசிட்டு இருக்கேன். நம்மை பற்றி அவங்க பார்வை வேறுமாதிரி இருக்கு. (அவங்க கிட்ட இருக்கற பிரச்சனை என்னன்னா திமிரும் அடக்குமுறையும் தான் மத்தபடி திறமைல நமக்கு சலைச்சவங்க இல்ல) பக்கத்து மாநிலங்கள் கூட நம்மை போல தாய்மொழிபற்று இருப்பவர்கள் தான். ஆனால் அங்கு ஹிந்தி இல்லையா? ஆங்கிலம் போல ஹிந்தியும் ஒரு மொழி. அவன் மொழியை கற்று அவனை இங்கு அரசாங்க வேலைக்கு வராமல் தடுக்கவும் நாம் அங்கு வேலைக்கு செல்லவும் இந்தி கற்பது ஒரு நல்ல யோசனை தான்.

தமிழை வளர்ப்பேன் என்று உரக்க கத்திட்டு இருக்கற அரசியவாதிகளின் குடும்ப உறுப்பினர்கள், நண்பர்கள் எல்லாம் ஹிந்தி கத்துட்டு டில்லி போய் அரசியல் பண்ணிட்டு இருக்குங்க. இங்க நம்மள வளர விடாம பண்ணியும் இருகாணுங்க. 50 வருஷத்துக்கு முன்னாடி திராவிட கட்சிகள் ஹிந்திய எதிர்தத்துக்கு அவங்க அரசியல் காரணம். இப்பவும் அதையே சொல்லிட்டு இருந்தா நம்மளை விட பெரிய முட்டாள் யாரும் இல்லை. பிற மொழிகாரன் கிட்ட போய் தமிழ் மொழியை பத்தி பெருமையா சொல்லனும்னா கூட நாம அந்த மொழியையும் கத்துகிட்டு தான சொல்லணும். தமிழன் கிட்டயே தமிழ் வாழ்கனு சொல்றது என்ன பிரயோஜனம். அடுத்தவன் கிட்ட சொல்லனும்னா அவன் மொழி எல்லாமே கத்துகிறதுனால ஒன்னும் தப்பில்லை. பிறமொழி கற்பதால் அறிவும் வளரும் அவங்களை பத்தின கலாச்சாரம் பழக்கவழக்கங்கள் எல்லாம் புரிஞ்சுக்க முடியும்.

நாம அன்னைக்கு ஹிந்தி படிச்சு இருந்தா இன்னைக்கு ஹிந்திகாரான் இங்க வேலைக்கு வருவானா? நமக்கு ஹிந்திக்காரன பிடிகலனு அவன் மொழியை கத்துக்காம இருக்கிறது என்ன மாதிரி சிந்தனை. அப்போ 300 வருஷமா நம்மள நசுகிட்டு போன வெள்ளைக்காரனோட மொழியை படிச்சா மட்டும் நமக்கு பெருமைன்னு நினைக்கிறது என்ன முரண்பாடு? குண்டு சட்டில குதிரை ஓட்டுறதை பெருமையா பேசுறது நம்ம தமிழினம் மட்டும் தான். 50 வருஷத்துக்கு முன்னாடி இருந்த கல்வியறிவு கம்மி ஆனா இப்போ அப்படி இல்லை, இருந்தாலும் நிறைய படிப்பறிவு இருந்தும் கூட தமிழனால வடக்கே போய் ஜொலிக்க முடில பாருங்க. அவன் எதிர்ல போய் அவன் மொழியை கத்துகிட்டு அவன் மொழில அவனுக்கு பதில் சொல்றது தான் நம் திறமை.

மலையாளம் தெரிஞ்சா கேரளா மட்டும் தான், கன்னடா தெரிஞ்சா கர்நாடகா மட்டும் தான், பஞ்சாபி தெரிஞ்சா பஞ்சாப் மட்டும் தான், தமிழ் தெரிஞ்சா உன் பெருமை இங்க மட்டும் தான், ஆனா எல்லா மாநிலமும் ஹிந்தி தெரிஞ்சு வச்சுறுகாணுங்க. அவங்க எந்த மாநிலம் போனாலும் பிழைக்க தெரிஞ்சுக்குவங்க, நாமளும் தான். அவ்ளோ ஏன், நம்ம ஊர்ல பாருங்க எல்லா மொழிகாரனும் பிழைக்கறான் ஏன்னா இங்க இருக்கற அவன் மொழிகாரன் அவனுக்கு ஆதரவு தந்து வளர்த்து விடுறான். ஆனா தமிழன்? தமிழனுக்கு தமிழன் தான் எதிரினு ஒரு வாய்மொழி சொல்லே இருக்கே. நம்ம தலைமுறை தான் அவங்க அரசியலால் நாசமா போச்சு, நம்ம பிள்ளைகளாச்சும் அதிகமான பிற மொழிகளை கற்று கொள்ளட்டும். என்னைய பொறுத்த வரை ஹிந்தி மட்டும் இல்ல, நம் குழந்தைகள் திறமைக்கு ஏற்ற மாதிரி எத்தனை மொழிகளில் வேண்டுமானாலும் பேச எழுத படிக்க வைப்போம். எங்க போனாலும் என்ன கத்துகிட்டாலும் நம் தமிழன் என்கிற அடையாளம் மாறபோவதில்லை. பிறமொழி திறமை இருந்தால் மட்டுமே உலகை பார்க்க முடியும்.

பாரதியார் கூட தான் தமிழ்மொழில மட்டும் பாடினார் எழுதினார், ஆனா அவருக்கு எத்தனை மொழிகள் தெரியும்னு யாருக்காச்சும் தெரியுமா? அவர் என்ன ஹிந்தியவா வளர்த்தார்? இல்ல பிரெஞ்சு மொழியவா? முட்டாள்தனமா கத்துரத விட்டுட்டு கொஞ்சம் முற்போக்குதனமா சிந்திப்போம். பல 100 வருஷத்துக்கு முன்னாடி கூட பல மொழிகளை கத்துகிட்டு உலகம் பூராவும் போய் தமிழை பற்றி பெருமையா சொல்லி தமிழ் வளர்த்தார்கள். இடையில வந்த அரசியல்வியாதிகளால் தான் நமக்கு நோய் வந்துவிட்டது.

மற்ற மாநிலங்களில் ஹிந்தி மட்டும் அல்ல, தமிழ் மற்றும் இன்ன பிற மொழிகளும் இடம் பெரும் என மத்திய அரசு தெரிவித்து இருக்கிறது. அதற்கான ஆய்வறிக்கை மத்திய அரசின் இணையதளத்தில் வெளியிட்டு இருக்கிறது..

நின்ற இடத்திலேயே சிந்திப்பதை விட்டுட்டு சிந்தனையையும் கண்களையும் கொஞ்சம் அகல விரித்து உலகை பாருங்கள். உலகை உங்கள் கண்களால் பாருங்கள் அப்போது தான் உண்மை புரியும். பிரபலமான ஒருவர் சொன்னது போல நம் தாய்மொழி நம் வீட்டின் நுழைவாயில், பிறமொழிகள் யாவும் ஜன்னல் போல. எத்தனை ஜன்னல் இருந்தாலும் நாம் சுவாசிக்க நல்ல காற்று வரும் தப்பில்லை, ஆனால் நுழைவாயில் எப்போதும் ஒன்றுதான். அதுபோலத்தான் பிற மொழிகொள்கையும். எத்தனை மொழி கற்றாலும் நமக்கு சிந்தனை தமிழ்ல தான வரும்? பிறமொழி மோகம் தான் தப்பு, தமிழ் மொழிபற்றை உள்ளே வச்சுக்கிட்டு பிறமொழி கத்துக்கற மணபக்குவதையும் வளர்த்துக்கறது தப்பில்லை, அந்த மணபக்குவதை முதலில் வளர்த்துக்கொள்வோம். உங்க அரசியல் கட்சி தலைவனுக்காக பேசுரத விட்டுட்டு உங்க பிள்ளையின் எதிர்காலத்தை மனசுல நினைச்சுட்டு இனிமே தெளிவா சிந்திக்கனும்.

சிந்தித்து செயல்படுவோம்.

நன்றி

இப்படியும் இணையதளங்கள் இருக்கிறதா என்று வியந்த இணையதளங்கள்

noreply@blogger.com (Unknown) — Wed, 1 May 2019 17:20:00 +0530

இதற்கு ஒரு இணையதளமா?

Instant No Button! Star Wars funnies FTW! இந்த இணையதளத்தில் ஒரே ஒரு பொத்தான் தான் இருக்கும். அழுத்தினால் Nooooooooo என்று கத்தும்.‌ அவ்வளவு தான்! அவ்வளவே தான்!

Patience is a virtue இந்த இணைய இணைப்பை அழுத்தியதும் கீழே உள்ளது போல் ஒன்று வரும்

காத்திருந்தால் காத்துக் கொண்டே இருக்க வேண்டியது தான் வேறு எதுவுமே வராது!

Live Flight Tracker - Real-Time Flight Tracker Map | Flightradar24உலகத்தில் எந்த விமானம் எங்கு பறக்கிறது என்று பார்க்கலாம். ஒரு குறிப்பிட்ட விமானத்தை Zoom செய்து பார்த்தால், அது நகர்வது கூட தெரியும்!

Remove Text இந்த வலைத்தளத்தில் கீழுள்ளது போல இருக்கும்

நீங்கள் அழுத்தும் எழுத்துக்கள் ஒவ்வொன்றாக மறையும் கடைசியில் அந்த சதுரமும் அழுத்தினால் மறையும்.‌ அவ்வளவே!

Feeling Unlucky Today கூகுளின் feeling lucky என்ற பொத்தான் நாம் தேடும் வார்த்தைக்கான முடிவுகளில் வரும் முதல் தளத்திற்கு நம்மை அழைத்துச்செல்லும். இந்த இணையதளம் நீங்கள் தேடிய வார்த்தை இருக்கும் கடைசி இணையதளத்திற்கு அழைத்துச்செல்லும்.

http://www.internetlivestats.com இந்த இணையத்தில் இது வரை எத்தனை பேர் இணையம் பயன்படுத்துகிறார்கள், எத்தனை இணையதளங்கள் உள்ளன, எத்தனை மின்னஞ்சல்கள் அனுப்பப்பட்டன அனைத்தும் பார்க்கலாம்.

Zoomquilt இந்த இணைப்பை அழுத்தவும். அதற்கு மேல் நீங்கள் ஒன்றும் செய்ய வேண்டாம்

collection of hampus lindwall, falling falling .com by rafaël rozendaal, 2011. sound by glgloumouth நீங்களே போய் பாருங்கள்!

The Useless Web இதில் உள்ள please என்ற பொத்தானை அழுத்தவும். நான் மேலே கூறியதை விட வினோதமான இணையதளங்களுக்கு எடுத்துச்செல்லும்.‌ஒவ்வோரு‌முறை அழுத்தும் போதும் வேறு வேறு இணையதளம் வரும்.

நன்றி :)

மனைவிகளே,காதல் துணைவிகளே, தொட்டுத் தாலி கட்டிய எங்களை சுழலவிடும் திரிபுரசுந்தரிகளே

noreply@blogger.com (Unknown) — Tue, 25 Nov 2014 11:44:00 +0530

மனைவிகளே, காதல் துணைவிகளே, தாலி கட்டிய நாள் முதலாய் எங்கள் சந்தோஷத்துக்கு வேலிகட்டிய மாமியார் பெத்த மகள்களே, கடவுளின் துகள்களே! தந்திரத்தால், தலையணை மந்திரத்தால், தொட்டுத் தாலி கட்டிய எங்களை எந்திரமாகச் சுழலவிடும் திரிபுரசுந்தரிகளே!

கல்யாணத்துக்கு முன்னால இனிக்க இனிக்கப் பேசினீங்க... ஆனா, கல்யாணம் ஆனதில் இருந்து தட்டு டம்ளர்களை எடுத்து வீசுறீங்க! சத்தியமா நினைச்சுப் பார்க்கலை இப்படி ஒரு மாறுதலை; அதனாலதான் அரசாங்க பாருக்குத் தேடிப் போறோம் ஆறுதலை. கொஞ்சிப் பேசிய குரல் எங்கே, கிள்ளி விளையாடிய விரல் எங்கே, எங்க காதுல பாடின 'சிநேகிதனே... சிநேகிதனே...’ பாட்டு எங்கே, ரிஷப்சனுக்கு வாங்கின ரேமண்ட்ஸ் கோட் எங்கே... ஆமா, நேத்து சட்டையில வெச்சிருந்த 100 ரூபாய் நோட்டு எங்கே?

உங்களை கரெக்ட் பண்ணி, கல்யாணம் பண்ண உதவின ஃப்ரெண்ட்ஸ்களையே கட் பண்ணச் சொல்லி ஊட்ட ஆரம்பிக்கிறீங்க பொங்கச்சோறு... கடைசில எங்க நெருங்கிய நட்பு வட்டாரத்தைச் சுருங்கிய நட்பு வட்டாரம் ஆக்கிட்டுத்தான் போடுறீங்க மத்தியான சோறு. நட்புனா என்ன தெரியுமா? சின்ன பிரச்னைக்குக்கூட செவுத்துல காலைவெச்சு உதைக்கிற குங்ஃபூ இல்லம்மா... சுமாரா ஆடினாக்கூட 'சூப்பர்’னு மார்க் போடுற குஷ்பூம்மா... குஷ்பூ! காபி குடிச்சுட்டா 'கப்’பைத் தூக்கி எறியலாம்... ஆனா, கல்யாணம் பண்ணிட்டோம்னு நட்பைத் தூக்கி எறிய முடியுமா?

ஜனவரி மாசம் ரெடி பண்ணின சாம்பாரை, பிப்ரவரி வரைக்கும் ஃப்ரிட்ஜ் என்ற மார்ச்சுவரியில் பாதுகாப்பா வைக்கிறீங்க. டி.வி, டேப் ரிக்கார்டரைத் தவிர மத்த எல்லாத்தையும் அதுக்குள்ளே திணிக்கிறீங்க. ஷாப்பிங் போயி லேட்டானாலோ, சீரியல் சென்ட்டிமென்ட்டுக்கு எமோட் ஆகிட்டாலோ, உடனே உப்புமா கிண்டிக் குடுக்கிறீங்க பாருங்க... மக்கழே, வாரம் ஒரு தடவை கிண்டுனாதான் அது உப்புமா... வருஷம் முழுக்க அதையே கிண்டுறது ரொம்பத் தப்பும்மா!

போருக்குப் போனவன்கூடப் பொழைச்சு வந்திருக்கான், ஆனா பொண்ணுங்ககூட புடவை எடுக்கப் போனவன், கூடாரம் கவிழ்ந்து சேதாரமாகிப்போனதாதான் பலப் பல வரலாற்று ஆதாரங்கள் சொல்லுது. பொண்டாட்டிகூட துணியெடுக்க 'அமர்க்களம்’ அஜித் போல போன பல பேரு, 'ஆரம்பம்’ அஜித் போல தலை நரைச்சு வந்த தமாஸு ஊரு முழுக்க நிறையவே இருக்கு.

அரசமரம் போல இருக்கும் புருஷ மரங்களின் தேக்கு உடம்பையே உதறவைக்கிற அளவு, புருஷனை அதட்டுறதுல பிஹெச்.டி., முடிச்ச நீங்க, கிச்சன்ல கரப்பான்பூச்சியையும், பாத்ரூம்ல பல்லியையும் பார்த்துட்டுப் போடுவீங்க பாருங்க ஒரு சத்தம்.... அதைக் கேக்கிற எங்களுக்கு, ஏதோ விட்டலாச்சார்யா வீட்டுக்குள்ளயே பேய் வந்த மாதிரி தலைக்கு ஏறும் பித்தம்! ஒரு தக்குனூண்டு கரப்பான்பூச்சிக்கே பயந்து கணவனைத் துணைக்குக் கூப்பிடுறீங்களே, நாங்களும்தான் பொண்டாட்டிக்குப் பயப்படுறோம். ஆனா, என்னைக்காவது அப்படில்லாம் கத்திக் கூப்பாடு போட்டிருக்கோமா!?

எண்ணெயை விட்டு செஞ்ச பன்னு மேல கொஞ்சம் வெண் ணையைத் தடவுன மாதிரி, லைட்டா தொப்பை வந்தாலே, 'உடம்பைக் குறை, வயித்தை மறை’னு, காவடி சிந்து முதல் கண்ணீர் சிந்து வரை பேச்சா பேசிக் கொல்றீங்க. இல்ல தெரியாமத்தான் கேட்கிறேன்... இது என்னம்மா நியாயம்? டயட்டாவும் புருஷன்தான் இருக்கணும், கொயட்டாவும் புருஷன்தான் இருக்கணுமா?

ஐ டோன்ட் நோ ஒய்... ஆல் ஹஸ்பண்ட்ஸ் சொல்லிங் பொய். இது எதுனாலனு உங்களுக்குப் புரியணுமா? நாங்க சொல்ற எல்லா பதில்களுக்கும், நீங்க திருப்பிக் கேள்விகளா கேட்டா, நாங்க பதிலா சொல்லுவோம்..? பொய்தான் சொல்லுவோம்! வீட்டுக்கு வந்த மனுஷன், பசி ஏப்பம்விட்டாக்கூட பீர் ஏப்பம்னு நினைச்சு மோப்பம் புடிக்கிறது, 'சாப்பாடு போடும்மா’னு கெஞ்சிக் கேட்டாலும், ரிமோட்டைத் தூக்கி தலையில அடிக்கிறது, வாய் திறந்து பேசினாலே நெருப்பா முறைக்கிறது. வேண்டாம் பேபிம்மா கோவம், ஆம்பளைங்க ஆல்வேஸ் பாவம்!

கல்யாணமோ, காதுகுத்தோ, சீமந்தமோ, சினிமாவோ என்னைக்காவது சீக்கிரமா கிளம்பி இருக்கீங்களா? எட்டு முழம் ஸாரியை நீங்க பாடில சுத்தறதுக்குள்ள, அசோக் லேலண்டு லாரிக்கே பாடி கட்டிடலாம். நீங்க மேக்கப் முடிக்கிறதுக்குள்ள, 'இதுவரைக்கும் நீ மந்திரி, இந்த நிமிஷத்துல இருந்து நீ எந்திரி’னு அம்மா மினிஸ்ட்ரியையே மாத்திடுறாங்க.

கிளியோபாட்ராவுக்கு எதுக்கும்மா த்ரெட்டிங்கு, மோனலிசாவுக்கு எதுக்கும்மா ப்ளீச்சிங்கு? தகரத்துக்கு ரப்பிங் பாலிஷ் போடுறது லாஜிக்... தங்கத்துக்கு டால்கம் பவுடர் போடுறதுல என்ன மேஜிக்? நீங்கள்லாம் தங்கம்மா... தங்கம்!
மனைவிங்க ஊருக்குப் போற அன்னைக்குத்தான் பல கணவர்கள் பாருக்குப் போறாங்க. அதைப் புரிஞ்சுக்காம, 'கதவைத் தொறந்து போட்டுத் தூங்காதீங்க... கைலியைத் தொறந்து போட்டுத் தூங்காதீங்க... சிலிண்டரை ஆஃப் பண்ணுங்க, டி.வி சுவிட்சை ஆஃப் பண்ணுங்க’னு மொபைல்லயே குடும்பம் நடத்துறீங்களே... முடியலைம்மா!

எதையாவது புரியிற மாதிரி பேசுறீங்களா? 'அஞ்சு நிமிஷம் சும்மா இருக்குதா... அப்படியே அப்பன்போல’னு நீங்க சொன்னா, லேப்டாப்பை மூடிவெச்சுட்டு நாங்க குழந்தையைப் பார்த்துக்கணும்னு அர்த்தம். 'ஆபீஸுக்கு சீக்கிரம் போகணுமா?’னு நீங்க கேட்டா, 'பாத்திரம் நிறைய சேர்ந்திடுச்சு... கொஞ்சம் வெளக்கித் தர்றீங்களா?’னு அர்த்தம். 'தலை வலிக்குது’னு சொன்னா, ஈவ்னிங் வரப்பவே டிபன் வாங்கிட்டு வரணும்னு அர்த்தம்... இதையெல்லாம் புரிஞ்சுக்கவே கோனார் நோட்ஸ் ஒண்ணு போடணும்!

கல்யாணமான நாளுல இருந்து வீட்டுக்குள்ள முணுமுணுப்பும், தொணதொணப்பும்தான் இருக்கே தவிர, என்னைக்காவது ஒரு கிளுகிளுப்பு இருக்குதா? வருஷத்துல 365 நாள் இருக்கு... அதுல ஒரு நாள் உங்க பொறந்தநாளு. அதை மறந்தா என்னமோ, அம்மாவைச் சந்திச்சுட்டு வந்த அதிருப்தி எம்.எல்.ஏ-வை கேப்டன் முறைக்கிறதுபோல பாக்கிறீங்க. சரி பொறந்த நாளுகூட ஓ.கே... சோஷியல் மேட்டர் பண்ணிக்கலாம். ஒவ்வொரு கணவனும், தன் சந்தோஷத்தின் நினைவு நாளா நினைக்கிற கல்யாண நாளை, நினைவிலேயே வைக்கசொன்னா எப்படிம்மா?

வீட்டுக்கு வந்தவுடனே 'வாயை ஊது’னு சொல்றீங்க. அதுவே விவரமா ஏதாவது பேசுனா 'வாயை மூடு’னு சொல்றீங்க. இதைத்தான் 'எகனைக்கு மொகனை’னு சொல்வாங்க. எங்க மேல ஏன் இவ்வளவு குரோதம்?

மனைவிகளே... மனைவிகளே, நீங்கள் எங்களை வீட்டுக்கு வெளியே தூக்கியெறிந்தாலும், நாங்கள் வீட்டு வாசலில் செருப்பாகக் கிடப்போம். துணைவிகளே, துணைவிகளே, நீங்கள் எங்களைக் கோபத்தில் கும்மியெடுத்தாலும், குழம்புச் சட்டியில் பருப்பாகக் கொதிப்போம்!

'கேம் விளையாடிட்டுத் தர்றேன்... செல்போனைக் குடு’னு கேட்கிறப்பவே, அதுல பாம் செட் பண்ணுவீங்கனு எங்களுக்குத் தெரியாதா?
பொம்பளைங்கன்னா கடுகு டப்பா, மொளகு டப்பால காசை ஒளிச்சுவைக்கிறதும்... ஆம்பளைங்கன்னா கால் லிஸ்ட், கான்டாக்ட் லிஸ்ட்ல ரிஸ்க் நம்பரை அழிச்சுவைக்கிறதும் சகஜம்தானே!

ஃபேஸ்புக்ல எங்களோட நடமாட்டத்தை உளவுபார்க்க ஃப்ரெண்ட்ஸ் ஐடி, ஃபேக் ஐடினு வர்றீங்க. ஆட்டோட தாடியைப் பார்த்தே, அது இளங்கறியா, கடுங்கறியானு கணிச்சுச் சொல்ற நாங்க, எங்ககூட சாட்டிங் போடுறது லேடியா இல்ல கேடியானு கண்டுபிடிக்கவா மாட்டோம்!? ஆல் மனைவீஸ் நல்லா கேட்டுக்கங்க... நைட்டிக்குத் துப்பட்டாவா துண்டு செட்டாகாது, ஃபேஸ்புக்ல உங்க துப்பறியும் படம் ஹிட்டாகாது!

பக்கத்து வீட்டு பாட்டில இருந்து நீங்க போற பியூட்டி பார்லர் ஆன்ட்டி வரை எங்களை 'அண்ணா’னு கூப்பிடச் சொல்லிவெச்சிருக்கீங்களே... அதுதான் வன்கொடுமைகளுக்கு மத்தியில் பெண்கொடுமை!

ஒரு புருஷனோட பிரச்னைகளைப் புரிஞ்சுக்கணும்னா, ஒரு மாசம், வேணாம் ஒரு வாரம் நீங்க புருஷனா இருந்து பாருங்க... ஓ சயின்ஸ், பிசிக்ஸ், கெமிஸ்ட்ரி அதுக்கு அனுமதிக்காதா? அப்போ ஆண்டவனாப் பார்த்து பொண்டாட்டிங்களுக்கு ஒரு பொண்டாட்டி அனுப்பிவெச்சாதான், பொண்டாட்டிங்களுக்கு, பொண்டாட்டிங்க பண்ற டார்ச்சர் புரம்!

Post by Sathish Kumar S.

கண்டங்களுக்கு எப்படிப் பெயர்கள் வந்தன?

noreply@blogger.com (Unknown) — Tue, 9 Sep 2014 15:30:00 +0530

கண்டங்களுக்கு அந்தப் பெயர்கள் எப்படி வந்தன? இவற்றுக்கு யார் பெயர் சூட்டியிருப்பார்கள்? இது பற்றிப் பதிவு செய்யப்பட்ட ஆவணங்கள் இல்லை. ஆனாலும் சில தகவல்கள் பரவலாகப் பேசப்படுகின்றன. அவற்றைப் பார்ப்போமா?

ஆஃப்ரிக்கா

ஆ ஃப்ரிக்காவிற்கு எதனால் அந்தப் பெயர்? ஆஃப்ரி என்ற பழங்குடியினர் அங்கே தொடக்கத்தில் வசித்தனர். “ஆஃப்ரிக்கரின் நிலம்’’ என்ற அர்த்தத்தில் ஆஃப்ரிக்கா என்று இதற்குப் பெயரிடப்பட்டது.

ஆஃப்ரிக்காவுக்கு அந்தப் பெயர் சூட்டப்பட்டதற்கு வேறொரு காரணமும் சொல்கிறார்கள். அஃபர் என்றால் ஃபோனிஷியன் மொழியில் (மத்திய தரைக் கடல் தீவுகளில் பேசப்பட்ட மொழி இது). ‘ தூசி’ என்ற அர்த்தம். ‘ தூசிகளின் நிலம்’ என்று இதற்கு அர்த்தம். ஆஃப்ரிக்காவின் வடக்குப் பகுதியில் வெப்பமான, பாலைவனம் போன்ற சூழல் நிலவுவது ஞாபகம் இருக்கிறதா?

அண்டார்டிகா

அண்டார்டிகா என்பதும் கிரேக்க வார்த்தை தான். இதன் பொருள் ‘வடக்கிற்கு எதிரானது’. பூமியின் தெற்குப் பகுதி நுனியில்தானே அண்டார்டிகா இருக்கிறது. எனவே இது பொருத்தமானதுதான்.

ஆஸ்திரேலியா

ஆஸ்திரேலிஸ் என்றால் லத்தீன் மொழியில் ‘தெற்கில் உள்ள தெரியாத பகுதி’ என்ற அர்த்தம். அக்கால ரோமானியர்களுக்கு ஆஸ்திரேலியாவை அடைவதற்கான கடல் வழி இல்லை. எனவே இந்தப் பகுதியைப் பின்னர்தான் அடைந்தார்கள். ஆஸ்திரேலியா என்று போகிற போக்கில் இதற்குப் பெயர் சூட்டப்பட்டது. அதுவே நிலைத்து விட்டது.

ஆசியா

ஆசியா என்பதும் கிரேக்க வார்த்தைதான். ‘ஏஜியா’ என்ற வார்த்தையில் இருந்து கொஞ்சம் மாறிப்போன வார்த்தை இது. கி.மு. 440-ல் இருந்தே இந்தக் கண்டம் ஆசியா என்று அழைக்கப்படுகிறது. ஏஜியன் கடலின் கிழக்குக் கரையில் இருந்த பகுதிகளை முன்பு ஆசியா என்று குறிப்பிட்டார்கள். பிறகு மொத்த கண்டத்திற்கும் அந்தப் பெயர் வந்துவிட்டது.

ஐரோப்பா

ஐரோப்பாவைக் குறிக்கும் ‘யுரோப்’ என்ற வார்த்தை யுரோபா என்பதிலிருந்து வந்தது. கிரேக்கப் புராணத்தின்படி ஜீயஸ் என்பவர் பிற கடவுளருக்கும், மனிதர்களுக்கும் தந்தையாகக் கருதப்படுகிறார். கிரீஸில் உள்ள மவுண்ட் ஒலிம்பஸ் என்ற மலையிலிருந்து இவர் ஆட்சி செய்கிறார். இவரின் காதலிக ளில் ஒருத்தியின் பெயர் யுரோப்பா. ஜீயஸ் யுரோப்பாவை ஒரு வெள்ளை எருதின் வடிவத் தில் வந்து கவர்ந்து சென்றாராம். கிரேக்க ஓவியங்களில் வெள்ளை எருதின்மீது அமர்ந்திருக்கும் யுரோப்பாவின் உருவம் மிகப் பிரபலம்.

அமெரிக்கா

அமெரிக்கோ வெஸ்புகி என்பவரின் பெயரில்தான் அமெரிக்கா என்று பெயரிடப்பட்டது என்று பாடங்களில் படித்திருக்கிறோம். 1499-ல் இந்தப் பகுதியை அடைந்தவர் வெஸ்புகி. இது ஆசியாவின் ஒரு பகுதி இல்லை என்பதையும், இது புதிய பகுதி என்பதையும் வெஸ்புகி கண்டறிந்து புத்தகமாக வெளியிட்டார். அந்தப் புத்தகம் எல்லா ஐரோப்பிய மொழிகளிலும் வெளியானது.

1507-ல் ஜெர்மனியைச் சேர்ந்த மார்ட்டின் வல்ட்ஸீமுல்வர் என்பவர் உலக வரைபடத்தை உருவாக்கியபோது அமெரிக்காவையும் அதில் இணைத்தார். கொலம்பஸின் பயணங்கள் பற்றி அவருக்குத் தெரியாததால், வெஸ்புகியின் பெயரின் முதல் பகுதியான ‘அமெரிக்கா’ என்பதையே பெயராக வைத்தார்.

டிஜிட்டல் காமெரா எப்படி வேலை செய்கிறது?

noreply@blogger.com (Unknown) — Tue, 8 Apr 2014 17:29:00 +0530

டிஜிட்டல் கமெராக்களும் சாதாரண காமெராக்களும் ஒரே விதமான செயல்பாட்டில் தொடங்குகிறது. பொத்தானை அழுத்தும் போது முன்னே இருக்கும் மூடி (shutter) திறக்கப்படுகிறது.அங்கே உள்ள துவாரத்தின்-aperture -ஊடாக ஒளிக்கதிர்கள்.பிம்பங்கள் வில்லையினூடாக-lens- உள்ளே செல்கிறது.இதுவரைக்கும் இரண்டு நிழற்படக்கருவிகளும் ஒன்று போல் செயல்படுகிறது.

சாதாரணக் காமெராவில் இந்த ஒளிக்கதிர்கள் படச்சுருளில் -film- விழுகிறது.டிஜிட்டல் காமெராக்களில் இந்த சுருள் இல்லாததால், ஒளிக்கதிர்கள் CCD க்குச் சென்று, மின் காந்தக் குறிகளாக-electrical signals- (அனலொக்-டிஜிட்டல்)மாற்றப்படுகிறது. இப்படி மாற்றும் கருவி -light detector-charge-coupled device (CCD) எனச் சொல்லப்படுகிறது.

Enlarge this image

சில காமெராக்களில் இந்த ccd க்குப் பதில் Complimentary Metal Oxide Semiconductor (CMOS) என்பதைப் பயன்படுத்துகிறார்கள்.இரண்டுமே ஒரே வேலையை செய்கிறது.

படம் பிடிக்கும் போது வெளியில் இருந்து வரும் பிம்ப -picture-ஒளிக்கதிர்கள் CCD ஐ அடையும் போது,CCD அவற்றை பல மில்லியன் பிக்சல்களை உருவாக்கும்.ஒவ்வொரு பிக்சல்களின் color and brightness அளவீடு செய்து,அவற்றை இலக்கங்களாக compression முறையில்(உதாரணமாக jpg-J-PEG-Joint Photographic Experts Group ) மாற்றி சேமிப்பதால், குறைந்த இடத்திலும் சேமிக்க முடிகிறது..

இப்படி மாற்றப்பட்ட தொகுதி இலக்கங்கள் கொண்ட படத்தை,கணினி,கைத்தொலைபேசி,சிம்காட் போன்ற வேறு எந்த இடத்தில் சேமிக்க,அல்லது கருவிகளுடனும் USB இணைப்பின் மூலம் சேமிக்கப்பட, எடிட்,பிரிண்ட் செய்ய கொண்டு செல்லலாம்.கூடிய மெகபிக்சல்கள் கொண்ட காமராக்கள் மூலம் எடுக்கும் படங்கள் பெரிதாக்கும் பொழுதும் தரம் குறையாதிருக்கும்.

கணினியில் சாதாரண படம் ஒன்றைப் பெரிதாக்கும் போது,கட்டங்களாக அல்லது புள்ளிகள் போல் வருவதைக் காணலாம்.இதற்குக் காரணம் குறைந்த எண்ணிக்கையுடைய பிக்சல்களாகும்.

டிஜிட்டல் காமெராக்களில் உள்ள சில வில்லைகள் உள்ளும் வெளியேயும் அசைந்து (optical zoom) படங்களை சிறிதாக்கி அல்லது பெரிதாக்கி CCD க்கு கொடுக்கிறது. இப்படிப் பல சிறப்பான அம்சங்களை பணத்திற்கேற்ப தயாரிப்பாளர்கள் உருவாக்குகிறார்கள்.
இவை அடிப்படைச் செயற்பாடுகளாகும்.CCTV,Webcam, மோபைல் காமெராக்களும் இதன் அடிப்படையிலேயே செயற்படுகிறது.

256x256 – என்பது 65,000 pixels மிகக் குறைந்த விலையிலான,தரத்தில் குறைந்த காமெராவாகும்.இதில் எடுக்கப்படும் சிறந்ததாக இருக்காது.
640x480 – இந்த காமெரா மினஞ்சல்,படங்களை எடுத்து இணையப்பக்கங்களுக்கு அனுப்புவது போன்றவற்றுக்குச் சிறந்தது.
1216x912 - 1,109,000 pixels கொண்ட megapixel காமெராவாகும்.இதன் மூலம் எடுக்கப்படும் படங்கள் பிரிண்ட் செய்வதற்கு உகந்ததாகும்.
1600x1200 - 2 மில்லியன் pixels கொண்ட உயர்ரக காமெராவாகச் சொல்லலாம். 4x5 அங்குல பிரிண்ட் செய்யும் போது தரம் குறையாதிருக்கும்.
2240x1680 - 4 megapixel cameras – 16x20 அங்குல அளவில் பிரிண்ட் செய்யும் போதும் தரம் குறையாமல் இருக்கும்.
4064x2704 - 11.1 megapixels இதில் எடுகப்படும் படங்கள் பெரிய அளவில் பிரிண்ட் செய்யும் போதும் தரம் குறையாமல் இருக்கும்.
இதைவிட 12 million pixels, 16 million pixels, 20 million pixels காமெராக்கள் மிகச் சிறந்த தரத்தில் உய்ர்ந்ததாக இருக்கும்.

007Sathish

அலுவலகத்தில் கற்றுக்கொள்ள வேண்டியவை

விதைத்தது நீயாக இரு

உதட்டில் முத்தம் Kiss in the lips

காதலர்களின் முத்தம் அன்பின் வெளிப்பாடா? பாலுணர்வைத் தூண்டவா?

முத்தமிடுவது குறித்த வரலாறு குழப்பமானது

வாழ்க்கையில் யாரையும் சாராமல் வாழ்வது

சுய முன்னேற்றத்திற்கு மிகப்பெரிய தடையாக இருப்பது என்ன?

இலக்குகள் மீது முழு கவனம் - Focus on target

நம்மை வியப்பில் ஆழ்த்தும் கணக்கதிகார செய்யுள்கள்

சங்க இலக்கியத்தில் வானியல்

இந்தியர்களுக்கு இங்கு செல்ல விசா தேவையில்லை

அபாயச் சங்கு ஊதும் செய்தி

புதிய பாடத்தை விரைவாகக் கற்றுக்கொள்வதற்கான சில சிறந்த உத்திகள்

இலக்கியங்களில் சொல்லப்பட்டிருக்கும் நீர் நிலைகள்

வாரிஸ் டிரீ Waris Dirie

5th Dimension ஐந்தாவது பரிமாணம்

இந்த நிதி­யாண்­டின் இறு­திக்­குள் செய்ய வேண்­டிய ஆடிட்டர் கட்டளை ஆறு Chartered Accountant Auditor rules to be followed in this financial year

இணையத்தின் மறுபக்கம் டார்க் நெட்

பல டன் எடை கொண்ட மேகங்கள்

தமிழ் எழுத்துகள் குறித்த வியப்பான செய்தி

திருவாசகத்திலே மாணிக்கவாசகர் பாடிய திரு அண்டப்பகுதி

தமிழ் மொழியில் ங அழிந்த கதை

தமிழனும் இந்தி திணிப்பும்

இப்படியும் இணையதளங்கள் இருக்கிறதா என்று வியந்த இணையதளங்கள்

மனைவிகளே,காதல் துணைவிகளே, தொட்டுத் தாலி கட்டிய எங்களை சுழலவிடும் திரிபுரசுந்தரிகளே

கண்டங்களுக்கு எப்படிப் பெயர்கள் வந்தன?

டிஜிட்டல் காமெரா எப்படி வேலை செய்கிறது?

இந்த நிதியாண்டின் இறுதிக்குள் செய்ய வேண்டிய ஆடிட்டர் கட்டளை ஆறு Chartered Accountant Auditor rules to be followed in this financial year