12007 CURTA

"12007." NOS MEDIOS

noreply@blogger.com (Contacontos) — Wed, 27 Aug 2008 10:46:00 +0000

Neste post e, con algo de retraso, imos ensinarvos un breve muestrario da repercusión que a presentación de "12007." tivo en medios de comunicación como La Voz de Galicia, o Diario de Pontevedra ou o Faro de Vigo. Para velos con detalle só tedes que pulsar en cada unha das opcións: 12007 Diario, 12007 Voz e 12007 Faro

"12007." NO CINEMA NA LÚA

noreply@blogger.com (Contacontos) — Wed, 30 Jul 2008 11:16:00 +0000

Mañá xoves 31 de xullo proxéctase, ás 22:30 horas na Praza de Mugartegui, dentro do programa Cine na Lúa organizado polo concello de Pontevedra para as festas de verán 2008, a curtametraxe "12007" da produtora galega Contacontos P.C., xunto á película "Ocean´s Thirteen". A curta, recentemente presentada aos medios da capital do Lérez, está dirixida polo pontevedrés Diego Torres e aborda, dentro do xénero da ciencia-ficción, como será o mundo dentro de 10.000 anos.

A curta, rodada en diversas localizacións da provincia de Pontevedra e subvencionada pola Xunta de Galicia, contou cun 70% de capital privado e está protagonizada polos actores galegos Xosé María Tanas e Xosé Manuel Esperante. Para a realización deste proxecto, grabado en 35 milímetros (formato cine), Contacontos Produccións contou cun equipo de máis de 30 persoas entre Equipo de Son, Equipo de Arte, Maquillaxe e Perruquería, Equipo de Producción e Deseñadores gráficos.

Contacontos P.C. realizou, durante o pasado ano, outros traballos audiovisuais como a curta “Xan, a despedida”, protagonizada polo galego Marcos Correa ou a producción “Feira Franca, Maxia na Rúa” distribuída con motivo da celebración en Pontevedra da edición 2007 da súa Feira Franca.

PRESENTACIÓN DE 12007

noreply@blogger.com (Contacontos) — Mon, 21 Jul 2008 11:07:00 +0000

O vindeiro mércores 23 de xullo, ás 11:00 horas, terá lugar, na Sala de Conferencias da 4ª planta do Centro Cultural Caixanova (Rúa Augusto González Besada 2 e 4), a presentación aos medios de comunicación da curtametraxe "12007" da produtora galega Contacontos Produccions Cinematográficas. O acto contará coa presencia do director da curtametraxe, Diego Torres, e o produtor executivo da mesma, David Alvariño.

REMATOU A RODAXE

noreply@blogger.com (Contacontos) — Mon, 15 Oct 2007 09:59:00 +0000

Despois de varios días de traballo por fin podemos anunciar que rematou a rodaxe da nova curta de Contacontos Producciones "12007". Dende o pasado xoves e ata onte domingo (no que se gravaron aínda algúns recursos) o equipo de Contacontos que traballa nesta curta estivo rodando en distintas zonas da cidade de Pontevedra (como a Praza da Ferrería ou a rúa 12 de novembro) así como no set de interiores montado para tal fin nun local da capital do Lérez. Ademais do traballo de rodaxe, foi tempo tamén de falar cos medios de comunicación e contarlles cousas sobre "12007". Durante estes días iremos colgando neste blog os artigos que saíron nos xornais sobre a curta pero, como adianto, imos poñer a entrevista que, o pasado mércores, fíxolles a Cadena Cope ao director de 12007, Diego Torres, e ao produtor executivo da mesma, David Alvariño.

SEGUNDA FASE DA RODAXE DE 12007

noreply@blogger.com (Contacontos) — Thu, 11 Oct 2007 15:27:00 +0000

A produtora galega Contacontos Producciones inicia hoxe en Pontevedra a segunda etapa da rodaxe da curtametraxe de ciencia-ficción “12007”. Esta curta, inspirada nun relato do galego Rafael Dieste e dirixida pola pontevedrés Diego Torres, narra o encontro entre dúas persoaxes diametralmente opostas pero que teñen un obxectivo común: coñecer como evolucionará a humanidade e a sociedade en 10.000 anos.

Para contar esta viaxe no tempo, o equipo de 12007 decidiu utilizar a cidade e a provincia de Pontevedra como plató e, durante a primeira semana de setembro, grabou diversas escenas e secuencias en localizacións como Cabo Home, Monte Facho ou as pontevedresas prazas da Ferrería ou da Peregrina. Nesta segunda e definitiva etapa da rodaxe que hoxe comeza, e que durará 3 días, o equipo de 12007 traballará fundamentalmente no set construido para tal fin na capital do Lérez.

A curta, subvencionada pola Xunta de Galicia, conta cun 70% de capital privado e estará protagonizada polos actores galegos Xosé María Tanas e Xosé Manuel Esperante. Para a realización deste proxecto, grabado en 35 milímetros (formato cine), Contacontos Producciones contou cun equipo de máis de 30 persoas entre Equipo de Son, Equipo de Arte, Maquillaxe e Perruquería, Equipo de Producción e Deseñadores gráficos.

Contacontos Producciones Cinematográficas realizou, durante o pasado ano, outros traballos audiovisuais como a curta “Xan, a despedida”, protagonizada polo galego Marcos Correa e que estreouse a pasada fin de semana no Festival Mivivo 2007, ou a producción “Feira Franca, Maxia na Rúa” distribuída con motivo da celebración en Pontevedra da edición 2007 da súa Feira Franca.

DIEGO TORRES

Comezou a sua carreira audiovisual ben novo no teatro. Tras completar o ciclo superior de audiovisuais, forma parte da primeira xeración de Escola Galega de Cine. A súa tese de gradación, “Ansío”, pasou a estar nominada aos premios Mestre Mateo no ano 2003.

Á saída da Escola, traballa un tempo no campo da publicidade a cargo de realizadores publicitarios do nivel de Michael Shelley ou Pablo Vallejo, entre outros. Tralo seu paso polo mundo da publicidade inclínase de xeito definitivo polos 35 mm. Traballa da man de Juan García Prieto, director artístico de “Habana Blues”.

Continúa a súa formación na Escola Internacional de Cine e Televisión de San Antonio de los Baños, en Cuba, cun curso de dirección escénica coa Directora do Teatro Mio, unha reputada compañía cubana. Tamén alí fixo un curso baixo a batuta do belga Pattrick Cattrysse, asesor europeu do Sundance Institute.

No último ano realizou a montaxe dunha serie de documentais para o futuro Museo de Bomberos de Alcoi, o documental “Ciclo Combinado” sobre o pobo mineiro de As Pontes e dirixíu o programa piloto “Fenda 7” para Contacontos P.C.

EN CONSTRUCCIÓN

noreply@blogger.com (Contacontos) — Fri, 07 Sep 2007 14:27:00 +0000

12007 é o título da nova curta de Contacontos Producciones. Con guión e dirección de Diego Torres, esta curtametraxe narra a historia dun encontro. Un encontro entre dúas persoaxes diametralmente opostas pero que comparten un sinfin de inquietudes, obxectivos vitais, metas e, coma non, sonos. A curta, subvencionada pola Xunta de Galicia, conta cun 70% de capital privado.

12007 rodouse principalmente durante a primeiras semán de setembro e contou cun amplo equipo técnico e humán sen o cal non podería ter chegado a bo fin. Para os exteriores, rodouse en loalizacións espalladas por toda a provincia de Pontevedra e para os interiores nun "plató" da capital do Lérez no que invertíronse moitos días de traballo para convertirlo no que realmente tiña que ser: un laboratorio. Se cadra xa estamos adiantando máis da conta así que, polo de pronto, non imos contar nada máis.

Polo momento, este blog está en fase de contrucción e aínda non están activadas a maior parte das funcións que terá pero, polo de pronto, xa podedes ir vendo algunhas das fotos da rodaxe de 12007. Co paso dos días e das semáns poderedes ir atopando activadas novas funcionalidades como o visionado do trailer, o dossier da curta, etc, etc pero, como os diciamos antes, o de hoxe é só un pequeno adianto do que poderedes ver en breve.