تحديّات..يجب رفعها

عشرين مارس في تونس

2010-03-11T02:30:00.000-08:00

عسلامة

قريت حاجة اليوم خلاّتني باهت في عجب ربّي و هاو الكلام الّي قريتو و الكلام الّي "يعجبني" محطوط بالأحمر

Tunisie : La RNTA, un garant contre la Contrebande de tabac

Lors d’une rencontre entre M. Chedli Baazaoui, Secrétaire général de la Fédération Générale des Plans et des Finances (FGPF), et M. Mohamed Ridha Chalghoum, ministre des Finances, M. Baazaoui a assuré que la Régie Nationale des Tabacs et Allumettes (RNTA) ne sera pas privatisée…selon le quotidien indépendant « Assabeh ».

Dans ce contexte, M. Chalghoum, le ministre de finance, a évité tous types de rumeurs en ce qui concerne la privatisation de la Régie nationale des tabacs et allumettes. Il a indiqué que le ministère de finance cherche à développer et à innover l’activité de la RNTA afin de continuer son fonctionnement dans les meilleures conditions.

D’autre coté, M. Baazaoui a mis l’accent sur la nécessité de protéger l'économie nationale et la production locale afin de lutter contre la Contrebande de tabac et ce à travers le contrôle continue et l’amélioration de la qualité produite.

Il a annoncé aussi qu’une importante quantité de cigarettes produites dans cette dernière période sera retirée du marché puis qu’elle ne réponde pas aux normes de qualité.

source : Investir en Tunisie :

شيء يعمل الكيف..أنّنا في تونس عندنا شركة تونسيّة وطنيّة و "ملك العموم" 100 بال 100 و خدمتها تلخّص في جملة خفيفة نظيفة : إنتاج السّموم و ترويجها و المشاركة في قتل 20 مواطن تونسي كلّ يوم..و ألّي ما عندوش شاهد.. كذّاب

إذا الوكالة الوطنيّة للتبغ و الوقيد ألّي كنت عملتلها تحدّي قبل في المدوّنة هذه.. مستقبلها مضمون و ماعندها مناش تخاف بما أنّها مؤسّسة وطنّية و منتوجها منتوج وطني و نشاطها نشاط إقتصادي لا يمكن الإستغناء عنّو لا بل و و يجب دعمه.. مؤسّسة وطنيّو و الإنتاج وطني.. تونسي .. ولد تونس..تونس الّي في 2009 عملت حملة ضدّ الدخين.. هي نفس البلاد ألّي تعتبر إنتاج الدّخان جحاجة يلزم "حمايتها" من السّوق الموازية و رعايتها و تشجيعها على تحسين الجودة

أيه تونس

تونس الّي الدّخان متاعها ينتج في مصنع تونسي 100 بال 100 لكي يكون سبب في موت 20 مواطن تونسي يوميّا

أيه تونس أيه

تونس الّي الإسم متاع الدّخان اليّ يتباع فيها يستغلّ يوم تاريخي و رمز من البلاد .. 20 مارس

20 مارس في تونس هو ذكرى الإستقلال .. رمز الحريّة الّي جاتنا بفضل قوّة عزيمة شعبنا و إرادتو للحياة الّي غلبة المستعمر

20 مارس في تونس هوّ زادة المنتج الوطني الّي يسلب المواطنين "إرادتهم" و يشلّ عزيمتهم و يهدّد حياتهم بل و ينهي حياة 20 تونسي في اليوم

المنتج وطني 100 بال 100 و الشركة وطنيّة 100 بال 100...

و الدّعم... موصول

و أنا اليوم نتحدّى المسؤولين على الشكرة هذيكة و متاع "سلطة الإشراف" كما يقولو في الأحد الرّياضسي و في بالمكشوف..نتحداهم الزوز في أعزّ حاجة عندهم..

روحهم الوطنيّة

براس الوطنيّة .. برحمة رجال البلاد و شبّانها.. الّي ماتو من أجل إستقلالها.. و ألي ماتو بسبب استهلاك سمومها (ال20 مارس سمّ قاتل).. بربيّ .. بالله.. شوفوا حلّ لهل المفارقة الكبيرة.. يعني حاجة من إثنين :

يا تبدّلوا إسم المنتج القاتل... يا تبدّلوا تاريخ الإستقلال

و إنتوما دليلكم ملك

يا فرنسا.. السّلعة الفاسدة متاعك بيعها لغيرنا

2010-02-19T01:07:00.000-08:00

عسلامة..نشر موقع "أفريكان ماناجار" أنترفيو أجاب فيه السفير الفرنسي على 3 أسئلة .. كيف تقرأ الأسئلة بسطحيّة .. تقول حاجة هايلة و ما تجيبش خبرة ألي الأسئلة و الإجابات خاصّة.. مربوطة ببعضها و أنّ من الأحسن تبدى تقرى الأنترفيو بالمقليوب.. أي من السؤال الثالث .. و بعدوا الثاني و بعدو الأوّل.. و توّة .. هاني باش ننشرو في التسلسل الي قلت عليه .. يعني "مالأخّر" و بالمقلوب

Certains pensent que l'année 2010 sera une année de reprise, y a-t-il une stratégie adéquate afin de consolider le lien tuniso-français?

Un certain redémarrage de l'économie est effectivement espéré en France et en Europe en 2010. Il ne pourra avoir que des effets positifs pour l'économie tunisienne. Dans ce contexte, la France consolidera ses liens avec la Tunisie, d'une part en contribuant au financement des grands projets d'infrastructure du pays, d'autre part en mobilisant un nouvel instrument en faveur des PME-PMI tunisiennes. Cette ligne de crédit, dotée de 40 millions d'euros, sera la plus compétitive du marché, avec un taux d'intérêt maximum de 4,6 % pour un prêt à 10 ans en dinars. C'est donc une occasion à saisir pour ces entreprises qui contribuent fortement à la création d'emplois

Plusieurs accords très importants ont été signés lors de la visite du Premier ministre François Fillon à Tunis les 23 et 24 avril 2009. Des accords qui vont permettre d'enclencher la coopération dans le domaine du nucléaire civil et concrétiser ainsi, l'offre qu'a faite la France de partager ses compétences qui sont parmi les meilleures du monde dans ce domaine avec la Tunisie pour lui permettre d'accéder à l'énergie nucléaire qui est pour longtemps une énergie qui préserve l'environnement et en même qui est une solution, une réponse au problème de la raréfaction des sources d'énergie fossile. Après quelques mois, parlez nous de l'impact des ces accords sur la Tunisie ?

Des accords importants ont été signés dans le domaine des transports. Ils ont abouti à des résultats concrets : la France a apporté son appui au démarrage de l'Institut méditerranéen des métiers maritimes en finançant l'étude de faisabilité du centre réalisée par un cabinet spécialisé français, puis en mobilisant 2 millions d'euros pour la mise en place des formations et des équipements de l'Institut. La France accompagne aussi l'installation de la société AEROLIA, filiale d'EADS, et de ses sous-traitants, qui vont composer le parc industriel aéronautique de M'Ghira. Enfin l'accord de coopération dans les transports terrestres permet d'envisager différentes formules pour accompagner les projets de la Tunisie dans le domaine ferroviaire tels que le RFR du grand Tunis: financements français, mais aussi partenariat industriel et actions dans les domaines de la formation et de la maintenance.

S'agissant du nucléaire, l'accord cadre signé en avril 2009, en présence des deux Premiers ministres, a été complété par la mise en place d'une coopération entre la STEG et le CEA. Ce dernier participe ainsi aux études qui vont permettre à la Tunisie de prendre, à l'horizon 2011-2012, une décision en ce qui concerne le lancement d'un projet de centrale nucléaire pour la production d'électricité.

Les atouts dont dispose la Tunisie en termes économiques et politiques continuent de lui conférer aux yeux de la France un rôle important pour la stabilité du Maghreb et pour la poursuite de la construction euro-méditerranéenne. Pouvez-vous nous en parler ?

La Tunisie est un partenaire majeur pour la France et pour l’Union européenne. Elle l’est non seulement sur le plan des relations bilatérales mais aussi dans le cadre de l’Union pour la Méditerranée. La Tunisie dispose de talents et d’expériences qui sont précieuses pour l’Europe. C’est pour cela que la France souhaite que la Tunisie dispose d’un statut avancé dans ses relations avec l’Union européenne. Cette aspiration est légitime parce que la Tunisie fut le premier pays méditerranéen à signer un accord d’association. Maintenant, il reste à définir le contenu exact de ce statut.
L'article initial se trouve sur le site de la source: Africanmanager.com

باهي.. كيف نقراو الحكاية هكّة نفهمو ألّي .. فرانسا تلوّج في حلّ لروحها .. و ألّي من الحلول الّي لقاتها أنّها تعزّز العلاقات مع بلادنا الّي تزخر بالكفائات و بالإمكانات.. و هاوكا في المقابل.. تعمل علينا مزيّة و تعاونّا في إستعمال الطاقة النووية لتوليد الكهرباء

برّا يرحم والديك يا فرانسا.. يبارك في ترابك في هالخير الّي جاينا من وراك.. فعلا عندوا الحقّ الرّاجل الّي قال.. ما زالوا محتلّينّا و مازلنا تحتهم و خاضعين ليهم.. مادامهم أقوى منّا في كلّ شيء و بأخصّ في تسويق البضاعة الفاسدة

يكون في علم فرانسا و سفيرها ألي . إذا كان ناوين تنعشوا إقتصادكم و تنعشولنا إقتصادنا ... يا مرحبا ... أما أنّكم تستغلّوا الفرصة باش تجيبولنا السّموم و المخاطر... لا يا معلّم لا ..تونس الي شعبها صرخت في عروقه الدّماء و ثار على جور إستعماركم راهي اليوم فيها ناس واعية و فاهمة و موش مستعدّة باش "تاكلها في عظامها" كما يقول المثل التونسي متاعنا ..

تقولوا "فاش يحكي هذا" .. نحكي عالنووي ألي فرانسا ناويا تعاونّا عليه.. يا خويا راهو خطر .. راهو موش حلّ جملة وحدة.. و زيد جاينا من عند فرانسا.. يعني وحلنا وحلة كبيرة إذا نتصوّروا ألي أحنا رابحين في الحكاية

يكون في علم فرانسا ألي أحنا نعرفوا أنّ النووي هذا لا مستقبل له في بلدانهم و ألي مواطني فرانسا و غيرها من الدول الأوروبيّة يقولوا "لا لا لا لا لا لا" للنووي و فمّا علاش يقولولوا لا

النووي هذا شيء خطير.. مخاطروا يعرفوها الأوروبييّن وهذا ما يخلّي دول أوروبيّة كانت تخمّم في الحكاية و بطّلت عليها و قررّت التخلّي على فكرة النووي هذي نهائيّا .. نذكر منها النمسا.. الدنمارك.. اليونان.. إرلندا .. النورويج.. و بولونيا ألي كانت بصدد بناء مفاعل و ألغات المشروع جملة وحدة بعد ما صارت كارثة تشارنوبيل

أمّا إسبانيا و بلجيكا و السويد.. هذوما مقرّين و واخذين "ديسيزيون" باش ماعاد يبنيو حتّى مفاعل جديد في المستقبل.. كانك على ألمانيا.. راهي قاعدة تسكّر في المفاعلات متاعها الواحد تلو اآخر كما يقولو

يعني يا فرانسا يا متاع الصداقة و الحميميّة و "لستاتو أفانسي".. برّا عدّيها على غيرنا يعيّشك.. الحكاية و ما فيها .. مصلحة فرانسا العليا

يا فرانسا يا متاع المصالح المشتركة و التعاون و نقل التكنولوجيا... تعملوا مزيّة .. كانكم بالحقّ تحبّونا و تقدّرونا.. و تراعيو ظروفنا.. تعملو مزيّة.. تبنيولنا صونطرال للإنتاج الطّاقة الشّمسيّة(أنقر هنا) ... و يرحم والدين "الماريان" من فوق..

قبل ما نمشي .. شويّة روابط

1- ويكيبيديا.. النقاش حول النووي
2- ويكيبيديا.. برامج الدّول الأوروبيّة
3- أكثر من 870 جمعيّة في فرنسا وحدها تطالب بالتخلّي على النووي
4- أوقفوا النووي.. من أجل حلول بديلة

أيّا أنّستو بفرانسا و بمصالحها المتشربكة

صفحة عالفايسبوك و دوبل تحدي

2010-02-02T01:05:00.000-08:00

عسلامة .. نحب نعلم الوخيان و الأخوات الكل .. من مدونين و زوار و أنونيم و معروفين و مومنين و موش مومنين و عرب و موش عرب و بربر و موش بربر و أنازيغ و موش أمازيغ و أصدقاء و موش أصدقاء و أحباب و موش أحباب و مناوئين و موش مناوئين و "وطنيين" و "موش وطنيين" ألي تم اليوم "على بركة الله" افتتاح صفحة "تحديات يجب رفعها" على الفايسبوك باش تكون همزة وصل بين المدونة و قرائها و أصحابها و زادة مناوئيها و كارهيها و النبارة و المشجعين .. تي الحاصل مرحبا بيكم الكل

و بهالمناسبة .. يطيب ليييييي باش نتحدى عمار 404 و نقلو أنه لا مكان له على هالصفحة الجديدة بإعتباره معيق أساسي لكل من يرغب في رفع التحديات.. و هاوكا في علمكم يا جماعة .. راهو عمار 404 لوكان يحجب هالصفحة... يكون إعترف بل و أثبت للجميع أنه عدو التحديات الي يجب رفعها و عدو من يدل عليها و بالتالي عدو رفعها و عدو من يفكر في رفعها

كما أعلم الجميع أن الصفحة تتيح لهم المشاركة بكل حرية .. لحرصي الشديد على إتاحة هامش كبير من الحرية لكل الأحباب و الأصحاب (و المناوئين و المتئامرين زادة) نظرا لإيماني و قناعتي بأن ولاد بلادي عندهم من الوعي و النضج ما يخول لهم التعبير بكل حرية و التعليق في كنف الإحترام و دون الحاجة لرقيب أو حسيب.. و راهو الكلام هدا .. تحدي لينا الكل

يا تونس 7: الأبطال.. نوعين

2010-01-27T01:00:00.000-08:00

مانيش باش نطول عليكم برشة..الصورة تكفي و التحدي موجه لقناتنا الوطنية و لمخرجنا التونسي القدير و المنتج في نفس الوقت السيد سامي الفهري..

نحبوا مسلسل و إلا فيلم وثائقي عن البطل التونسي
الزعيم و القدوة الحقيقية
الشهيد الحقيقي
الزعيم فرحات حشاد
رابط نحو صفحة الزّعيم القائد الشّهيد فرحات حشّاد

التحدّي الأكبر: إرادة الحياة

2010-01-14T03:57:00.000-08:00

علمنا مؤخّرا أنّ تونس جات الأولى عربيّا في تصنيف الأنترناشونال ليفنق العالمي و ذلك للمرّة الثانية على التوالي..وبعد التحرّي والتثبّت من المعلومة لدى المصادر المحليّة (جريدة لابراس).. تبيّن لنا أنّ تلك النّتائج موثوق بها..

فصدّقنا الرؤيا..
و تمعنّا في النظر ..و تيقنّا من الإنجاز..

بالفعل .. تونس أحسن دولة عربّية في جودة الحياة للمرّة الثانية .. حيث ثبت أليّ عملناها و

جبنا دوبلي

وذلك بتحصّلنا للمرّة الثّانية على التوالي على 17 نقطة في مجال الحريّات.. 17 على 100 أخرى تنضاف لرصيدنا في هذا المجال

بهالمناسبة ..يطيب لي باش نطلب منكم حاجة : آقفوا معايا و قولوا بصوت رجل واحد

إذا الشعب يوماً أراد الحيـاة :: :: فلا بدّ أن يستجيب القدر
ولا بدّ للــــيل أن ينجلـــي :: :: ولا بدّ للقيد أن ينكسـر

والله غالب.. شاعر الخضراء ما خلطش عالجودة

Dacia Logan, by Renault et à prix exorbitant

2010-01-06T01:02:00.001-08:00

Si vous êtes bronchés voitures, vous avez certainement déja entendu parlé de Dacia et de sa Logan. il s'agit d'une voiture fabriquée pour être une voiture low cost!

La Dacia Logan est une automobile économique conçue par Dacia, filiale du groupe Renault, et destinée à l'origine aux marchés émergents, où la population a un pouvoir d'achat moindre que dans les pays développés.
(wikipedia: Logan)

Bien que roumaines d'origine, les Dacias Logans, se vendent partout en Europe, et aussi chez nous, au Maghreb, en Algérie et au Maroc.. le modèle se décline dans plusieurs version dont un break et un pick up .. il suffit de jetez un oeil sur le site de dacia.ma pour découvrir toute la gamme.

Concentrons nous sur le modèle 1.5 DCI , ce modèle a débarqué chez nous pour être "la nouvelle Taxi" , renault expose ce modèle depuis quelques jours devant son showroom provisoire (Avenue Kheireddine Bacha- route de la marsa) les chaffeurs de taxi s'arrêtent pour en savoir plus et regarder sous le capot .. et demander des précisions sur le prix.

Hé bien pour un Taxi, le prix est de 19900 , soit presque 20000 DT , prix Taxi.

Revenons au site de Dacia Maroc , le Modèle 1.5 DCI s'y vent à 87600 DH TVA incluse , soit 14658 de nos Dinars. et là on se pose des questions :

Pourquoi est ce que l'arrivée des Logans a prix tout ce retard ?? pourquoi le particulier n'y a pas droit pour l'instant ?

Pourquoi il n'y a pas autant de choix que chez nos frères algériens et marocains?

Et puis les prix... les prix mon Dieu les prix Pourquoi cette différence de prix?? Pourquoi est ce qu'on ne peut pas avoir une logan à son juste prix chez nous ?

Quand est ce qu'on aura des Sandéros sous nos cieux ? et à quels prix ?

غزّة رمز العزّة ..و العرب شعب الفرجة

2009-12-29T00:16:00.000-08:00

توّا عام .. كنّا الكلّنا نتابعوا بكلّ إهتمام عمليّات الحرب الصّهيونيّة على قطاع غزّة و كنّا الكلّنا شاهدين على الفضائع و الجرائم و كنّا الكلّنا نحسّوا بالأسى العميق و التضامن اللاّمحدود مع إخواننا في غزّة ..اليوم و بعد مرور سنة عن تلك الحرب ماتزال غزّة رازحة تحت الحصار و لا يزال أبنائها محرومون من أبسط متطلّبات الحياة .. خصّة و أنّ آثار الدّمار لم تمسح بالكامل

قمم و لقاءات و متابعات و خطب و و و و النّافع الله كما يقول مثلنا التّونسي العريق و كأنّ الجميع عاجز عن نصرة غزّة و فلسطين عامّة.. عاجزون متفرّجون و الله غالب علينا ..ما باليد حيلة غير التّنديد و الإستنكار و البكاء أحيانا

في العالم الحيّ.. منظّمات و جمعيّات تتحدّى العالم و تبادر و تساند و تمشي نحو غزّة .. أناس مثلي و مثلك .. تبنّاو القضيّة الفلسطينيّة أكثر منّي و منّك

Le 31 décembre, 50 000 Gazaouis et 1 350 volontaires étrangers défileront pacifiquement pour réclamer la levée d’un blocus « illégal ».
Pour commémorer le triste anniversaire de l’opération israélienne « Plomb durci », 50 000 Gazaouis et 1 350 volontaires internationaux de 42 pays marcheront ensemble, le 31 décembre 2009, vers le point de passage d’Erez. Organisée par la Coalition internationale la fin du blocus illégal de Gaza, cette marche entend célébrer le nouvel an dans la solidarité citoyenne. Et pallier le fantomatique soutien diplomatique des Occidentaux. Les participants prévoient, entre autres, de lâcher des ballons et d’honorer le nom de chacune des 1 315 personnes tuées pendant les vingt-deux jours de l’offensive. Ils apporteront aussi du matériel médical et scolaire, qui manque cruellement au million et demi d’habitants vivant sous le blocus total d’Israël depuis trois ans. Blocus encore récemment qualifié de « crime contre l’humanité » par le rapporteur de l’ONU Richard Falk.
h ttp://www.urgencegaza.com/

شعوب من كلّ حدب و صوب .. يصرخون .. إرفعوا الحصار عن غزّة و أنقذوا شعبها

أحرار العالم يلقّنوننا دروسا في التضامن مع الفلسطينيّن..

و نحن نائمون و لإخواننا ناسون

تجمّعات و مسيرات تنظّم في كبرى المدن لمساندة غزّة ... و نحن نشدّ الرّحال نحو الباتيسيريات لشراء المرطّبات والإحتفال بالسنّة الميلاديّة الجديدة

Les rassemblements pour Gaza
Tours (37) Rassemblement-veillée de solidarité samedi 26 décembre 2009 Rendez-vous de 15h30 à 17h environ place Jean Jaurès
Lyon (69) Rassemblement le 27 décembre 2009 Rendez-vous place des Terreaux, à 14h30
Marseille (13) Rassemblement dimanche 27 décembre 2009 Rendez-vous à 16 h à Angle Belsunce, Canebière
Lille (59) Rassemblement et manifestation dimanche 27 décembre 2009 Rendez-vous à 11h métro Wazemmes
Saint-Denis (93) Rassemblement dimanche 27 Rendez-vous à partir de 13h devant la Basilique
Trappes (78) Manifestation dimanche 27 décembre 2009 Rendez-vous à 15h30 à Trappes devant la Maison de la Justice et du Droit, sur le parking devant l’ancienne mairie. Nous nous rendrons Place de la Paix
La Courneuve (92) Rassemblement solidaire dimanche 27 décembre 2009 Rendez-vous Allée du Progrès (Ciné Etoile) à 15h30
Paris (75) Rassemblement-manifestation dimanche 27 décembre Rendez-vous à 15 h place Denfert-Rochereau Puis un recueillement est prévu sur le parvis de Notre-Dame de Paris de 17h30 à 19h30
Montpellier (34) Marche le 28 décembre Rendez-vous à 18h Place de la Comédie (devant l’Opéra)
Chambéry (73) Manifestation silencieuse lundi 28 décembre 2009 Rendez-vous de 18h à 19h place des éléphants.
Saint-Malo (35) Rassemblement mardi 29 décembre 2009 Rendez-vous à 12h Porte Saint-Vincent à Saint-Malo pour une marche dans les rues de l’Intra-Muros jusqu’à la cour de la Mairie où nous avons demandé un rendez-vous auprès du Député-Maire.
Nancy (54) Rassemblement le mardi 29 décembre 2009 Rendez-vous à partir de 17 h Place Maginot
Clermont–Ferrand (63) Rassemblement mardi 29 décembre 2009 Rendez-vous à 17h30, place de Jaude (coté centre Jaude).
Romans (26) Rassemblement mercredi 30 décembre 2009 Rendez-vous à 17 h 30, place Charles De Gaulle.
Thionville (57) Rassemblement mercredi 30 décembre 2009 Rendez-vous à 14h 30 Place aux Bois Ce rassemblement se fera autour d’une cage en grillage et de piles de colis de produits de première nécessité interdits, symbolisant le blocus de Gaza et l’occupation de la Palestine.
http://www.protection-palestine.org/

و إنتم وين يا "ملايين"؟

..تحديّ اليوم هو سؤال لنفسي و ليكم و للشّعب العربي

هذا التّضامن العالمي مع غزّة.. أين نحن منه

أضعف الإيمان.. الإمضاء على العريضة الموجودة في هذا الرّابط

بين دوز و توزر: التنسيق حاجة لازمة

2009-12-25T05:39:00.001-08:00

في إطارالحرص على نشر ثقافة بلادنا و إبراز تراث أجدادنا.. يسرّني إعلامكم ألّي الجنوب التّونسي يستعدّ لإنطلاق فعاليّات مهراجانين عريقين ألا و هما

الدّورة 31 للمهرجان الدّولي للواحات بتوزر.. من 26 إلى 29 ديسمبر 2009

و الدّورة 42 للمهرجان الدّولي للصحراء بدوز من 27 إلى 30 ديسمبر 2009

و بهذه المنابسة نشجّعكم الكلّ باش تمشيو تعملو طلّة في الجنوب منها تحواسة و منها ثقافة.. أما هاوكا فيبالكم .. راهو يلزم من توّا تختاروا وين تحبّو تمشيو بالظّبط على خاطر المهرجانين يلتأموا في نفس الأيّام تقريبا و المسافة بين توزر و دوز موش شويّة.. يعني كي تبدى متواجد في توزر يلزمك تقصّ شطّ الجريد و تتوغّل شويّة باش توصل لدوز .. و بالتّالي تلقى روحك مجبور باش إتبّع مهرجان واحد موش الزّوز .. و هذا حسب رأيي خطأ و خلل يلزم معالجتو في الدّورات القادمة تتمّ مراعات مصالح كلّ من المهرجانين و روّادهما.. خاصّة و أنّ الرّحلة إلى الجنوب ليست مجرّد مشية عاديّة من باب جدبد لباب منارة و المواطن الّي يشدّ الرّحال لغادي يتمنىّ لو أنّو يواكب الزّوز مهرجانات و لكن للأسف.. ماينجّمش يقسم روحو بيناتهم

لذا .. لا بدّ من مزيد من التّنسيق بين كلّ المتدخّلين في تنظيم المهرجانين و لا بدّ من العمل على إنجاح كليهما..و موش لإنجاح أحدهما على حساب الآخر.. خاصّة و أنّهما مهرجانين دوليّين

نحبّوا "صونطرال" لتوليد الكهرباء بالطّاقة الشّمسّية؟

2009-12-17T06:59:00.000-08:00

اليوم قريت في جريدة ألّي لربّما يجي نهار في تونس و نولّيو عندنا طاقة كهربائيّة نوويّة و هكّيكة نربحو شويّة فلوس و نضمنوا طاقة سعرها موش متقلّب برشا .. و أنا اليوم عندي سؤالات و تحدّي

علاش الطّاقة النّوويّة وهيّا تكنولوجيا خطيرة و مكلفة و ربّما موش مربحة؟

علاش الطّاقة النّوويّة و أحنا في بلاد متوسّطيّة الشّمس فيها تزرق عام على 12

علاش ما نولّدوش الكهرباء بالطّاقة الشّمسيّة الّي حبانا بيها المولى سبحانو؟

علاش الإسبان عندهم أكبر مولّد للطّاقة الشمسيّة في العالم و أحنى ما خمّمناش في الموضوع جملة وحدة؟

علاش الألمان يبنيو في صونطرالات متاع توليد الكهرباء بالشّمس و أحنا نحبّوا النووي؟

علاش الصّين تحبّ تبني أكبر مولّد بالطّاقة الشّمسيّة و أحنا لا؟

علاش العالم الكلّ ماشي للشّمسي و أحنا ناسينو

علاش نهدرو شمسنا علاش

نعمة و بلّوشي زادة

و ما توفاش

و ما تعملش نفايات

أنا نحبّ مولّد بالطّاقة الشّمسيّة في تونس و هاني قلتلكم.. هالتّحدّي هوّا الّي يلزم يترفع و موش تحدّي النّووي

النّووي موش متاعنا

الشّمسي .. متاعنا

الرّوابط: أنقر الصّور

أتحدّى الوكالة الوطنية للتبغ والوقيد

2009-12-10T02:15:00.000-08:00

اليوم هو اليوم العالمي لحقوق الإنسان و أنا اليوم عندي حقّ نحبّ نطالب بيه و نتحدّى بالمناسبة النّاس الّي تساهم من قريب أو من بعيد في منعي من التمتّع بحقيّ هذا.. فأنا إنسان و عندي الحقّ في الحياة .. أقدس حقّ و من حقّي باش نطالب بإزالة كلّ ما من شأنه أن يعرّض حياتي للخطر و أنا اليوم أطالب بإعلان الحرب الحقيقيّة على الدّخان و التّدخين .. و نبدأ أوّلا بالتعريف بالسيجارة - أنقر على الصّورة باش تقرى مليح-

السيجارة.. شيء فتّاك يجعل كلّ من يستعمله في خطر و المشكل الأكبر في السيّجارة هي أنّ الإنسان يدمن عليها.. أي أنّه يصبح بمثابة العبد لظاهرة التّدخين.. مجرّد عبد .. و هاكم شفتوالموادّ السّامّة المكوّنة للدّخان و الّي تجعل منّو أكثر الأسلحة البيضاء إنتشارا على وجه الأرض.

بعد هالتّقديم و هالتعريف .. نحبّ نصرخ اليوم و نحن في أواخر 2009 ..السّنة الوطنيّة لمكافحة التّدخين .. نحبّ نصرخ و نقول للوكالة الوطنيّة للتبغ و الوقيد:

يزّيو من ترويج السّموم..
يزّيو من إستغلال رمز من رموز الحريّة و الوطن في منتجاتكم..
لا لبيع ال20 مارس و غيره من السّموم بعد اليوم ..
20 مارس يوم الإستقلال .. رمز الحريّة..
و لا يمكن أبدا أن يصبح يوم 20 مارس ماركة لسمّ يسبّب الإدمان ...
حان الوقت لوقف ذلك يا أيّتها الوكالة الوطنيّة للتّبغ و الوقيد

كما حان الوقت لتفعيل قوانين منع التّدخين في كلّ الأماكن العموميّة و بالأخصّ في المحطّات و في المستشفيات و المدارس و المعاهد .. بالدّاخل أو بالخارج..كما أنادي بضرورة منع بيع الدّخان على قارعة الطّريق و بضرورة التّرفيع من ثمنه و تخصيص عقوبة ماليّة يدفعها كلّ مدخّن على كلّ سيجارة يلقي يتكيّفها في الشّارع و يطيّشها في الطريق العامّ (إعتبار القزمة متاع السيجارة نوع من الإشهار لهذا السمّ) خاصّة إذا يلقي بالسيقارو وهوّ يشعل و ما يطفيّهش..نطالب بضرورة منع بيع الدّخان للأطفال و التّلاميذ

وأطالب بضرورة جعل الدّخان على لائحة الأسلحة البيضاء
... ماو يقتل 20 تونسي كلّ يوم.. و يهدّد صحّة المواطن .. إذا هو سلاح أبيض
لا ينبغي ترويجه و لا المساهمة في إنتاجه

مازال قلبي معبّي .. على الدّخان و الّي ينتجو فيه و الّي يروّجو فيه و الّي يتكّيفوه و الّي مطفيّن عليه الضّو.. أما يزّي هكّة على خاطر التّحدّي هذا رفعه.... مستحيل ... للأسف لأيّها التوّنسي

محطّة باب عليوة للأوساخ و النّقل البرّي

2009-12-03T00:53:00.000-08:00

أيّها المسؤولون في محطّة باب عليوة للنّقل البريّ ما نطوّلش عليكم برشا.. فقط نحبّ نقوللكم ألّي إنتوما مقصّرين برشا مع بلادكم . صحيح قايمين ب"مجهود جبّار" داخل المحطّة و هذا شيء باهي و نشكروكم عليه (و لو إنّو لا شكر على واجب) أما راكم مهملين جانب مهمّ من مسؤوليّاتكم .. مسؤوليتكم تجاه محيط المحطّة و البيئة .. مقصّرين برشا راكم و هاو الدّليل.. تراكم الأوساخ في جوار محطّتكم..

و أنتم صامتون

لا بل أنّكم تشاركون في عمليّة تراكمها و تو نبيّن كفاش مشاركين في الجريمة هذه ..

جريمة ضدّ البيئة و ضدّ المحيط و إسائة لصورة العاصمة أيضا ..

هذه الأوساخ..يعني الزّبلة حاشى وجوهكم أيّها المسؤولون.. هي أساساقادمة من داخل المحطّة حيث أنّ عاملات النظافة لهنّ تعليمات بإلقاء الفضلات في ذلك المكان "المخصّص" و الّي هوّا .. أمام باب محطّتكم .. تقوم العاملات بجرّ الحاويات الموجودة داخل المحطّة و يقمن بإفراغ محتوياتها على بعد 10 أمتار من باب المحطّة.. بدون أدنى إحساس بالمسؤوليّة .. نظرا لأنّ المسؤوليّة تقع على من يصدر الأمر و ليس عليهنّ

أنا كمواطن تونسي.. حاويتي لا أخرجها من منزلي لأفرغها أمام باب بيتي أو بجوار شبّاك جاري.. فذلك عيب .. لا بل و سيقع سبّي و شتمي و سيقول المارّة من أمام بيتي .. هذا المواطن إمّا مسكين معاق لا يستطيع التنقّل .. أو أنّه مجرّد عافن موش متربّي

للأسف المواطن في باب عليوة متربّي و يلقي بالفضلات متاعو في سلاّت المهملات و في الحاويات .. و لكن المسؤولون عن المحطّة و عن نظافتها.. يأمرون بإفراغ الزبلة على قارعة الطريق.. مباشرة أمام باب المحطّة.. في إنتظار مرور البلديّة.. و قد طالت المدّة و الحال على ما هي .. سنوات و الأمر على ما هو عليه

أيّها المسؤولون في محطّة باب عليوة.. لا تلوّثوا محيط محطّتكم .. كفّوا عن المشاركة في ذلك

Je défie les israeliens et leurs dirigeants

2009-11-29T05:20:00.001-08:00

Mr l'israelien, Madame l'israelienne, cher cousin, chère cousine.

Je vous défie tous et je vous demande de me donner le lieu exact de naissance de vos grand-parents et des grand parents de vos parents..

Quelles étaient leurs nationalité ? Surement pas israelienne
Quelle était la langue qu'ils utilisaient au quotidien , surement pas l'hébreu..

Je défis tous les israéliens, et en premier lieu, les dirigeants de cet état, je les défie un à un et je leur dit : Montrez nous les clefs des maisons de vos ancêtres (sur 3 générations au moins).. les palestiniens ont tous gardé sur eux les clefs des maisons de leurs grand-parents, et vous ?

*la photo : Mudalala Akel, 86, has lived as a refugee in Gaza since her family was forced to leave their home in Palestine during the Nakba in 1948. Akel still holds the key to her family's home, May 2008. (Wissam Nassar/MaanImages)

يا عناصر المنتخب الوطني.. رجّعوا ملاين تونس

2009-11-18T03:10:00.000-08:00

عسلامة لولاد
شنحوالكم .. لاباس ؟ أش تحسّو رواحكم؟ إرتحتوا شويّة من عناء السّفر و مشقّة المهمّة ؟ أموركم باهية "جاسبار" خاطر نحبّكم فايقين شويّة و تحلّو وذنيكم عيّشكم لولاد .. معمّل على ضمايركم و مانيش معمّل على شيء آخر .. كان على ضميركم و شعوركم بالمسؤوليّة و تضامنكم مع أولاد تونس الّي بكّيتوهم و حمصتوهم و طلّعتولهم الدمّ و السّكر.

صحيح.. صحيح.. يمكن تكونوا إنتوما أنفسكم ضحيّة، ضحيّة برشة هفوات و برشة ناس و برشة "ستراس".. ربّما

سيدي ماناش طالبين برشة.. "جوست" تورّيونا حسن نوايامكم.. ورّيونا ألّي إنتوما حاسيّن بينا عالأقل .. وريّنا و إقنعونا ألّي ما كنّاش غالطين كيف حبّيناكم و شجّعناكم و وقفنا وراكم..

سمعت (و الله أعلم) ألّي إنتوما قبضتوا 30 مليون على ماتش الموزمبيق (هاوكا ما رجعناش برشة للماضي).. ماتش الموزمبيق الّي لا يزّي الّي ما ربحتوهش .. لا يزّي ما عطيتوش فيه مردود مرضي.. يعني .. و بصراحة .. و بربّي تسامحوني على صراحتي و بالله ما تاخذوش في خاطركم منّي..

ال 30 مليون الّي قبضها كلّ واحد فيكم... راهم حرام في حرام.

ترضاو توكّلوا أولادكم و عايلاكم من الحرام؟؟ إذا إنتوما ترضاو .. أنا لا..ما نرضاش أنّ لاعبي الفريق الوطني التونسي ياكلوا أموال ما عرقوش عليها بما فيه الكفاية و الشّعب موش راضي ..وما نرضاش يستثمروها في مشاريع و الله أعلم بالكشي فمّا شكون دعى عليهم دعوة شرّ..راهم 10 ملاين تقهروا يا لولاد و الله أعلم أش يمكن يخرج من فمّ المقهور

عاد لولاد تعملو المليح لوكان ترجّعوا ملاين تونس لتونس

رجّعوا الملاين للشّعب .. تضامنا مع ال 10 ملاين الّي تحمصوا

تبرّعوا بيها لل 26 26

صبّوها في ال 21 21

أعطيوها لمديري المعاهد و المدارس الّي قريتوا فيها كي كنتوا صغار

أعملوا بيها عمليّات للمرضى أولاد جهاتكم

إبنيو بيها مبيتات للمتشرّدين من أبناء هذا الوطن

حلّوا بيها جمعيّة (موش متاع كورة) و إخدموا الشّعب وأعملوا الخير

رجّعوا الفلوس... على خاطر ترشّحكم لكأس إفريقيا... واجب موش مزيّة.. أضعف الإيمان و ما تستحقّوش عليه ملّيم

و تحبّ نقوللكم حويجة .. نتحدّاكم.. و بالرجوليّة.. إيجاونا في التلفزة و رجّعوا الفلوس لتونس.. كلّ واحد يجيب ال 30 مليون و يرجعها أمام 10 مليون تونسي.. هذا التحدّي الّي يلزمكم ترفعوه .. و هاو مكتوبة هوني : نكون أوّل الشّاكرين

* الصّورة من هنا

أتحدّى شركة نقل تونس

2009-11-16T01:48:00.000-08:00

التحدّي متاع اليوم يلزم شركة نقل تونس توصل ترفعو قبل نهاية العالم.. ألا وهو توفيرالمتروات قبل ما يتكدّس المواطنين على بعضهم في المحطّات (المحطّات تغصّ بالمنتظرين... و لا حياة للمترو الخفيف ) و الحال موش إستثنائي

وقتاش شركة نقل تونس تفهم الّي هيّا داعم أساسي و محرّك من محرّكات التنمية في البلاد؟

وقتاش يفهمو ألّي في البلاد هذه مواطنين ما يساعدهمش يوصلو امخّر للخدمة ؟

و قتاش يفهمو ألّي المحطّة معمولة للإنتظار موش للصطوكاج متاع المواطنين؟

وقتاش يسهّل عليهم ربّي و يلقاو حلّ للحالة متاع الخدمات

وقتاش ترفعوا التحدّيات .. في الواقع موش في الشّعارات؟

هال مدوّنة.. شنية و شكون وراها

2009-11-15T12:12:00.000-08:00

إسمي أحمد.. مواطن تونسي عادي..نخدم من الإثنين للجمعة 8 سوايع في اليوم.. و نهار السّبت شطر نهار.. نرتاح نهار الأحد.. كان خلاّوني..نفهملها شويّة شويّة في كلّ شيء.. أما مانيش موسوعة و مانيش "بو العريّف"

عندي شوّة فضول و ديما حالل وذنيّا و عينيّا .. أما مانيش نسناس..نتبولد ساعات.. أما مانيش ركيك..نفدلك ساعات.. و نتغشّش ساعات.. أما منيش وقح

كيما برشة توانسة.. فماّ برشة حاجات "تطيّرهالي" و برشة ناس "نفدّ" منهم.. صابر و راضي.. أما في "نطاق المعقول" كما يقولوا..

نحبّ الحياة.. و جودة الحياة من أكبر إهتماماتي :)

نحبّ "الرّحلات".. أما نكره الكار الصّفراء و تطيرلي كي نستنّى المترو أكثر من درجين

نحبّ الفنّ و الطبيعة و كلّ حاجة جميلة و نافعة..

نحبّ البرامج التلفزيّة.. أما نفدّ ماللوغة الخشبية

نحبّ نعبّر و نقول و نحكي من غير مجاملات و لا ترهدين و لا تلحين و لا تزين

أنا "أنتيكوري" الشّخصية.. يعني تلقاني متأهّب لأي طارئ.. و بالأخص وقت الّي كلّ شيء يكون "لاباس".

كي واحد يقلّي حاجة.. إنّاقشو.. حتى كي نكون موافق معاه.. إنّاقشو.. نحبّ نشوف وجهات النّظر و علاش و كفاش و منين و من وقتاش..

مانحكم على حدّ و نحاول باش ما نكره حدّ لشخصه أو لقناعاته.. ربّما نكره الأفكار و الأفعال متاع شخص.. أما هوّ كبشر مانكرهوش.. و تصير نتعارك و نعيّط و نصيح.. أما في "السياق" ..

في المدوّنة هذي، ناوي نتحدى العالم و نشوف النتائج،أكثر الكلام باش يكون بالعربي التونسي متاعنا، و باش نتحدى أي مخلوق.. أيّا كان.. و خاصّة .. "الكبار".. وألّي "فاهمين" كلّ شيء.. و ألّي كي تسألهم سؤال يجاوبوك.. بالإجابة ألّي منتظرها.. و واثق الي هوما باش يقولوها..

نحبّ نطمّن "الكبار".. و "الصغار" زادة.. ما تخافوش و ما تفدّوش مالتحدّيات.. التحدّيات كي ترفعوها تكبروا في عيني و في عين النّاس الكل

أيّا مالا باسم الله

2009-11-14T01:28:00.000-08:00

عسلامة

سمّينا باسم الله و بدينا هالمدوّنة باش نعاون بلادي تونس العزيزة الغالية على رفع التحدّيات.

الفكرة هيّ ألّي أنا من موقعي .. كمواطن تونسي.. نجّم نعاون المسؤولين و نقترح عليهم أفكار و إلاّ حلول و إلاّ حتّى نورّيهم "موقع الخلل" .. و راهو هالمدّونة هذه موش عمل سياسي .. و لا عمل خيري.. و إنّنا هو عمل وطني.

فلسفة هذه المدوّنة هيّ :

الدّال على التحدّيات كرافعها

إنتظرونا