اوكي .. بأكتب السطور الجاية بدون مراجعة أو تنقيح ..

ما كان لي نفس أكتب شي من شهور  .. لكن أصر علي أحد النفرات المسمى ” صاحب الاسم الطويل “..

So .. أنا أكتب للمرة الثانية علشان أقول أني مازلت حياً .. وحساد في عين العدو ..

آديوس 8) ..

،!

بعد ما أدري كم سنة من التأخير .. وفي خطوة متأخرة جداً .. تم ترقية بلدية الأحساء إلى أمانة وفصلها عن أمانة المنطقة الشرقيةالميزانية بتتضاعف يا عيال..

طبعاً الفضل الكبير يعود بعد الله للمهندس الجبير الي ما شاء الله عليه من جانا والوضع يتحسن بشكل ممتاز .. سوى قفزات على مستوى المحافظة ككل .. وأحد الرجال الي مشهود لهم بالأمانة ماشاء الله عليه ..

وعؤبال ما نصير منطقة ونسحب عليكم يا أهل الدمام والخبر..

رابط الخبر ..

،!

لا تستانسون تراي ما مت..

طيب .. أدري أن المفروض فيني أني أدون أول ما تبدأ الإجازة .. بس طبعي الأول والأخير المسمى “كسل” غلبني كالعادة..
وااااو .. ثلاث شهور وخمسة وعشرين يوم من تاريخ آخر تدوينةلا مالي حق صراحة..
هذا وأنا كنت ناوي أجهز حق مدونة متخصصة بأطلقها بالصيف لكن يبدو أنها بتتأجل سنتين ولا ثلاث على حسب المزاج..

وأخباركم وعلومكم ؟؟
الحمد لله عدينا السنة الثانية بالجامعة .. يااااه كيف الوقت يطير.. طبعن خلوا النتايج مستورة وبلاش فضايح..
طبعاً يبيلي كم تدوينة سويدية علشان ترجع اللياقة فلا تآخذونا..
اليوم تسجيل مواد الصيفي .. الله ياخذ هالإحياء الغثيثةأجل إحياء لطلاب حاسب؟؟ وين قاعدين فيه؟؟
وإن شاء الله بروح للخال وبخليه يوظفني عنده عمود بالمحل لأني ما أحب شغل المحلات..
لحظة !! لا يا عمي كذا بتروح الصيفية على دراسة وشغلوين راح اللعب أجل؟؟
أجل شكلي بكنسل شغل المحل وبخليها على الصيفي بس وربي يعين ..

يالله حبيت بس أذكركم أني موجود علشان ما أحد ياخذ راحته<<< والله الي دروا عنك انت ووجهك..

Jana~

،! ]]> https://4majeed.wordpress.com/2009/07/05/hello-me/feed/ 28 عبد المجيد 04 02 02 02 04 02 02 04 02 02 02 04 02 02 04 02 https://4majeed.wordpress.com/2009/03/10/100-at-last-the-book-fair/ https://4majeed.wordpress.com/2009/03/10/100-at-last-the-book-fair/#comments Mon, 09 Mar 2009 23:26:08 +0000 http://4majeed.wordpress.com/?p=457

التدوينة رقم مئة ،، كنت أتساءل بعد آخر تدوينة عن إذا كنت وصلت أو تعديت المئة ،، وبالمصادفة اكتفشت ( مقصودة) أنني وصلت للـ99 تدوينة خلال سنة وقليل ،،

ما حبيت أفرد لها موضوع خاص لأن ماعندي كلام أقوله ولا ودي أسألكم وش تطلعاتكم للمدونة أو وش تبون فيها لأنها تحت تصرف مخي أنا( خوش معاملة للزوار) ،،

كل 100 تدوينة وأنا أفضل ،، وأنتم كذلك 8) ،،

–|–|–|–|–|–|–|–|–|–|–|–|–|–|–|–|–|–|–|–|–|–|–|–|–|–|–|–|–|–

طيب خلونا من الفصيح لأنه يعور أصابعي وعيوني،، نجي لسالفة معرض الكتاب ،،

رحت الخميس الماضي المعرض بقطار الساعة 2 ،، مشينا شوي ولا تجيني رسالة من النكبة “زين” انه تم فصل الخدمة عن جوالي لعدم سداد الفاتورة،، طيب صبرتوا علي يا جماعة الخير ،، حتى أسبوع ما مر على الفاتورة( على ما أذكر) ،، والمشكلة اتصلت عليهم يقولون ماعندهم رسايل كول مي ولا عندهم إرجاع الخدمة مؤقتاً،، يا اني حبيت ربعنا الاتصالات بقوة ذاك الوقت،، وصلت الرياض الساعة 5 وتسلفت جوال شرطة المحطة علشان أدق على صقيقي النكبة الي المفروض يمرني المحطة،، لكن لا حياة لمن تدق عليه ،، الرجال نايم وفي ستين نومة،، أخذت تاكسي وقلت له يوصلني معرض الكتاب ،، وأخينا في الله من حبايبنا البدو وداني معرض الصقور للطائرات الحربية ومدري ايش،، لكن تداركنا الموقف واتصل على خويه ووصف له مكان المعرض ووصلنا بسلام ،،

دخلت المعرض الرهيب صراحة ،، نص ساعة إلا وأنا ضايع،، وللأسف المعرض  الي حضرته قبل سنتين كان أفضل في تصنيف وترتيب دور النشر ،، تدور الكتاب في الكمبيوتر تاخذ اسم الدار او المكتبة وعندك بروشور فيه أرقام الدور بالترتيب ،، خلال دقايق يمديك تلقاها وحتى لو كان المعرض كبير زي هالسنة ،، لكن هالسنة للأسف ما لقيت سالفة الأرقام ولا البروشور،، فقلت مالي الا التمشي وانتقاء الكتب على الهوى ،، المشكلة الأماكن الي تمر عليها ما تمر على غيرها ولا أدري ليه،، بعد ساعة أو ساعة ونص من التمشي وتكسير الأرجل شريت خلالها كتابَي ” غرفة خلفية “ و” ظلالهم لا تتبعهم “ لهديل الحضيف رحمها الله من دار وهج الحياة ،، وقابلت الأخ جهاد العمار والأخ رائد السعيد الي قاعد يدور كرسيه الي على ما يبدو انزرف،، قعدت عندهم دقيقة ومشيت ،، بعد هالساعة أو الساعة ونص تسلفت جوال أحد مسؤولي قسم تقنية المعلومات بالمعرض علشان أتصل على خوينا في الله لعل وعسى يصحى من النوم وينقذني،، نسيت أقول اني تسلفت بعد جوال راعي التكسي جزاه الله خير،، وطبعاً ما رد علي وقتها،، يوم اتصلت عليه من المعرض حدثت المعجزة ورد والله الحمد،، نص ساعة تقريباً وإلا هو في المعرض ،، فرفرنا شوي في المعرض وطلعنا بعدها والباقي ما يخصكم،،

الحمد لله كانت رحلة حلوة وتوسعة للصدر قبل ما نخش في العميق في الدراسة،، طلعت من المعرض بكتابَي هديل وبمجموعتَي قصص للواء الركن محمود شيت خطاب ” عدالة السماء “ و ” تدابير القدر “ وهي مجموعة قصص واقعية عايشها اللواء بنفسه أو بعض منها ،، المجموعات قديمة وبعض القصص فيها قريتها في كتب ثانية من قبل ،، لكن لأول مرة أقرأ المجموعة الأصلية ،، وهي قديمة جداً ،، من خمسين سنة تقريباً ،، لكنها بطبعة جديدة ،، لكن أسلوب اللواء رائع والقصص فيها عِبَر جميلة جداً وأحداثها عجيبة ،، حتى أنك لا تكاد تصدق أنها حقيقية ،، وبالإضافة لهذه الكتب اشتريت مجلد للشيخ علي الطنطاوي رحمه الله بعنوان ” من حديث النفس “ ،، ما قريته للآن لكن أي كتاب عليه اسم الشيخ فلازم شراءه ،، للأسف كان معروض مجموعة مجلدات للشيخ بسعر مخفض بس ما بغيت أشتريها لأني خفت انها تضايقني وأنا اتجول في المعرض ،، احتمال أرجع يوم الأربعاء إن شاء الله وأشتريها إن كانت موجودة وإذا حالفني الحظ ولقيت دار النشر وسط هالصحراء المليانة،،

هووف ،، لأول مرة أكتب تدوينة بهذا الطول،، لكن حبيت أفضفض وأكتب عن زيارتي ،، يمكن يستفيد أحد ،، وإذا ما استفاد أحد أهم شي أنا استفدت،،

ايه صح ،، بصراحة مالكم داعي يا أمانة الرياض،، كرهت الرياض كره العمى ذاك اليوم ،، أجل أطلع من الفندق الساعة 2 الليل عطشان أبي هولستن مافيه بقالة مفتوحة؟؟ بالله عليكم هذا فعل فيني وأنا ضيف عليكم والمفروض إكرام الضيف؟؟ ( انقلع بسكأنهم دروا عنك أنت ووجهك) ،، لا بجد القرار هذا حق تقفيل المحلات عقب 12 قرار ماله داعي بصراحة،، والمشكلة الكاريكاتيرات في الجرايد كل يوم أشوفها تتطنز على القرار ولكن يبدو أنه مافي فايدة ،، مرة ثانية بشتري الهولستن قبل 12 وأحطه في ثلاجة الغرفة وأسهر على كيفي،،

C Ya 8) ،،

،!

عطلنا 8) ،،

،!

في هالولد يا ناس،،

ينعن أبو الوناسة يا عالم،، للمعلومية هذا النفر هو نفسه النفر هنا ،، الله يحفظه ويخليه لأهله،،
وللمعلومية أيضاً ،، بكرة الثلاثاء عندي اختبار المنطق والي شكلي فيه بنطق،، الله يستر بس،،

نشوف وشوكو بخير 8) ،،

،! ]]> https://4majeed.wordpress.com/2009/02/09/knight/feed/ 26 عبد المجيد 07 فارس فارس2 18 07 02 02 https://4majeed.wordpress.com/2009/01/29/plan/ https://4majeed.wordpress.com/2009/01/29/plan/#comments Thu, 29 Jan 2009 16:02:52 +0000 http://4majeed.wordpress.com/2009/01/29/%d8%ae%d8%b7%d8%a9-%d8%8c/

لأول مرة في حياتي ،، حددت أهدافاً على مدىً بعيد ،،

ووضعت خطة لنفسي لتحقيقها ،،

5×1

+4

(لا+لا/2) + ب + · · ·   · · ·   · – · –

بطبعها وبعلقها فوق طاولتي ،، ونشوف تاليتها وياكم يا حقين تطوير الذات،،

تنبيه: لأصحاب العقول المقفلة مثل أول رد أدناه،، ترى الخطة مشفرة علشان ما يفهمها إلا أنا وشقرن 8) ،،

الله يبارك في جهودكم جميعاً ،،