A NOSA BIBLIOTECA

¡Vamos por 12!

2026-02-06T23:10:00.001+01:00

¡Xa vamos por 12 libros!

¡Qué ilusión cada vez que movemos o contador ou pegamos un pauciño na nosa cinta do reto colectivo!

Moitas grazas polo acollimento e pola ilusión e participación.

¡O reto individual xa está en marcha!

2026-02-03T16:02:00.001+01:00

¿Ti xa tes o teu pasaporte do reto individual? Senón é así pásate pola biblio a polo teu.

¿En qué consiste? Para participar no premio só precisas ler unha novela, un cómic ou álbum ilustrado, unha obra de teatro, un libro de poesía e un libro informativo. Cada vez que termines un deses libros, ao devolvelo, pide que te selen o teu pasaporte. Cando teñas os 5 selos serás un dos beneficiarios do premio.

¡Así de fácil!

¡¡¡Comezou o reto colectivo!!!

2026-02-02T15:44:00.002+01:00

Xa comezou o reto colectivo da Biblioteca do CPI de Mondariz e nesta entrada do bloque cho explico!

Poderá participar toda a comunidade educativa: alumnado, profes, persoal administrativo…

Que tedes que facer?

Ler un libro e cando o terminedes vindes pola biblio e pedides unha folla de reseña e un pauciño.

Cando completedes a reseña a entregades e o pauciño o decorades coma se fora o lombo do libro que líchedes.

E así, poderemos pendurar o pauciño na nosa cinta do reto colectivo e….

…¡mover o contador!

Averiguaremos cantos libros lemos entre todos e todas e haberá premios ao chegar a 100, 200…que poderán disfrutar quen haxa participado no reto.

¡Animádevos!

¡Planta un pompón pola paz!

2026-01-13T12:44:00.000+01:00

A temática que escollemos este ano no centro para o día da Paz foi a inspirada por Wangari, nobel da paz e muller que conseguiu grandes cambios e logros no desenvolvemento sostible, a democracia e a paz.

Por iso decidimos para a nosa celebración da Paz plantar varias árbores e dende a biblioteca preparamos un obradoiro moi especial. Crear pompóns brancos que pegamos nunhas variñas de madeira para plantar de xeito simbólico polos xardíns do colexio.

Varias alumnas e alumnos xa comezaron con esta gran labor. Ti aínda podes crear o teu pompón!!

Recomendacións para a Paz

2026-01-12T11:39:00.001+01:00

Para este mes da Paz fixemos unha selección de libros que tratan o tema da guerra e as súas consecuencias ademais de libros que poñen en valor os actos de paz e a importancia deles.

Mais que nunca temos que remar xutnos cara un mundo mais pacífico e xuntos e a lectura é un ponto de partida para nutrirnos de bos valores.

Obradoiro de Nadal na Biblioteca

2025-12-19T11:18:00.005+01:00

Chegou decembro e con el os obradoiros de Nadal na Biblioteca do CPI Mondariz!

O alumnado puido facer decoracións con Hama Beads e postais de Nadal, o pasaron xenial.

Primaria asiste ao conto da Nena do Farol

2025-11-28T13:20:00.005+01:00

O 28 de novembro toda primaria puido asistir ao conto da Nena do farol cos farolillos que crearon nas aulas e puideron encendelos ao son da canción tradicional desta festividade. Foi unha xornada cálida e máxica. Moitas grazas por toda a colaboración para que fose posible.

Novidades do mes!

2025-11-26T13:34:00.004+01:00

Con motivo do 25 N a biblioteca dispón de varios libros e contos relacionados coa violencia de xénero e o feminismo e que xa podedes coller como préstamo! Son os seguintes:

Para facilitar e motivar puxemos un moble coas recomendacións do mes onde poderedes encontrar éstes e outros libros relacionados. Cada mes cambiará!

Torneo de Xadrez de Primaria

2025-11-26T13:23:00.002+01:00

Este luns 24 finalizou o torneo de xadrez de primaria despois de varios días nos que alumnos e alumnas de primaria participaron con moita ilusión e deportividade. Noraboa ao alumnos gañador!

O gañador! Noraboa!

Torneo de Xadrez Secundaria

2025-11-24T17:46:00.002+01:00

Este xoves día 20 finalizou o primeiro torneo de Xadrez deste curso 2025/2026 onde participaron 8 alumnos de secundaria e gañou un alumno de 3º da ESO. Noraboa!!

Construcción de farolillos na Biblioteca

2025-11-14T11:54:00.002+01:00

Nos recreos de secundaria na Biblioteca e nas aulas de 1º e 3º da ESO todo o alumnado construiu o seu propio farolillo.

Algúns farolillos rematados.

Clase de 3º ESO B

Clase de 1º ESO B

Clase de 3º ESO A.

Clase de 1º ESO A

Contacontos da “Nena do farol” para Infantil

2025-11-11T11:33:00.011+01:00

No propio día de San Martiño e seguindo coa proposta de fextexar a festa do farol relacionada con ese día, todos e todas as peques de infantil viñeron á Biblioteca para poder disfrutar do contacontos da Nena do farol realizada con teatrillo de mesa onde cada personaxe ten a súa figura que se move ao son do conto e tamén de cancións.

Primeiro torneo de axedrez do curso 2025/2026

2025-11-05T13:50:00.004+01:00

Inscríbete na porta da Biblioteca!

Actividade na Biblioteca! Fai o teu propio farol!

2025-11-05T13:48:00.003+01:00

Cómo facer os farois da festa do Farol ou San Martiño

2025-11-05T13:42:00.007+01:00

Diferentes xeitos de facer os farois:

https://ceradecolores.com/blog/2017/11/06/diy-farolillo-fiesta-san-martin/

https://demicasaalmundo.com/diy-farolillos-de-papel-para-san-martin/

Outra opción que me gusta moito pola súa sinxeleza e pola súa facilidade de atopar os materiais sería empregando botellas de plástico de auga ou refrescos, cortándoos a unha certa altura e pegándolle papeis diferentes con cola branca.

Facémoslle dous buracos na parte de arriba, un enfronte do outro e colocámoslle unha la ou unha corda e xa estaría lista.

Podemos coller ramiñas cos nenos e nenas para poder levar o faloriño.

Poríamos unha candea dentro, que pode ser de verdade ou led para evitar posibles accidentes.

Tamén se podería facer con botes de cristal.

Algunhas versións das cancións:

https://www.youtube.com/watch?v=gCF9aBwCTK8

Aínda que a letra que eu canto é, en castelán:

“Yo voy con mi farolillo,

y mi farolillo conmigo,

arriba brillan las estrellas,

abajo yo y mis amigos.

Y si hace frío,

me pongo el abrigo

y sigo paseando el farol.

Y si hace frío,

me pongo el abrigo,

y sigo paseando el farol.”

https://www.youtube.com/watch?v=-Lw-_D40XAg&list=PLe7d6LPJjOxbXMxWyi6PrpUXfgIEJ15VX

“Farol, farol,

estrella, luna y sol,

se apagó la luz,

menos la de mi farol.”

Con todo isto, espero que espertase a vosa curiosidade e tamén o ánimo para facelo.

Calquera cousa que necesitedes ou dúbida que teñades podedes escribirme ao meu correo: ariane.goes@edu.xunta.gal

Mil grazas!

Todas estas imaxes pertencen a Cera de Colores (Ariane Góes).

Festa do Farol ou de San Martiño

2025-11-05T13:37:00.002+01:00

Festa do Farol ou de San Martiño

A orixe

Esta festa ten a súa procedencia en países como Alemaña ou Suíza, onde a vivencia do paso do tempo, os cambios de estación e as festividades coma esta están moi presentes.

Celébrase o día 11 de novembro e o seu simbolismo é fermosísimo.

En novembro o outono xa está asentado, os días van sendo cada vez máis curtos, polo que hai un proceso de interiorización e de busca da luz interior importante, que nos acompañará ata que os días volvan medrar.

Esta festa apela a esa busca da luz interior cando a exterior é escasa ou está ausente. O neno, a través do faroliño, represéntaa simbolizando esa luz que nos guía a través da escuridade.

Nas escolas Waldorf, a comezos de novembro comezan a preparar o ambiente para esta celebración. Elaboran os seus propios faroliños e, a través de contos e cancións, vanse preparando para o día.

Existe un conto moi bonito que mesmo se pode representar cun teatro de mesa, que ten a particularidade de empregar figuras que representan cada personaxe e, sobre todo, de captar totalmente a atención dos oíntes. (Tamén me ofrezo para contalo aos pequenos de infantil e do primeiro ciclo de primaria cun conto de mesa).

Déixovos a continuación O CONTO:

«Había unha vez unha nena que levaba o seu farol brillante e cantaba toda contenta:

—Eu vou co meu farol, e o meu faroliño vai comigo; arriba brillan as estrelas e abaixo brillamos nós.

Entón chegou o vento asubiando e a luceciña apagando.

—¡Oh! —exclamou a nena—. Quen acenderá o meu farol?

Pero, por moito que buscou, ninguén apareceu.

Que é iso que tanto gruñe? É o amigo oso!

—Querido amigo oso, o vento apagoume o farol. Non sabes de alguén que mo poida acender?

—Non che podo contestar, tes outros a quen preguntar. Teño que ir descansar —dixo o oso.

Que é o que esvara pola herba? É un raposo listo e astuto!

—Poderías axudarme a acender o meu faroliño? —preguntou a nena.

O raposo respondeu:

—De aquí tes que marchar, á túa casa tes que chegar. Debo esvarar e observar, axiña un rato quero cazar.

A nena sentou nunha pedra e, chorando, dixo:

—Ninguén me quere axudar? As estrelas escoitárona e, dende o ceo, dixéronlle:

—Ao Sol debes preguntar. El pode contestarche.

Ao amencer, chegou á casiña dunha fiandeira. A nena abriu a porta e preguntou:

—Sabes o camiño ao Sol?

—Teño que traballar —dixo a fiandeira—. Fíos finos teño que fiar. Non che podo explicar nin tampouco acompañar.

E moi triste, a nena camiñou e camiñou baixo o Sol.

Ao mediodía chegou á casa dun zapateiro.

—Bos días, querido zapateiro. Coñeces o camiño que leva ao Sol?

E o zapateiro respondeu:

—Moitos zapatos hai que arranxar. Non hai tempo para repousar. Non che podo explicar nin tampouco acompañar.

E moi triste, a nena camiñou e camiñou baixo o Sol.

Ao serán, chegou a un monte moi alto. Viviría o Sol alá arriba? Pero tampouco o atopou. E, cansa de tanto andar, pechou os ollos e quedou durmida.

O Sol levaba tempo vendo a nena e, mentres ela durmía, inclinouse e acendeulle o farol.

Entón, a nena espertou e exclamou:

—Oh! O meu farol volve brillar!

E, erguéndose, púxose alegremente en camiño. Camiñando e alumando, chegou á casa do zapateiro. O zapateiro estaba triste no seu obradoiro.

—Apagouse o lume, teño as mans ríxidas de frío e non podo arranxar zapatos —díxolle.

—Eu hei acenderche de novo a luz —dixo a faroleira.

O zapateiro quentou as mans e seguiu martelando e cosendo. Camiñando e alumando, chegou á casa da fiandeira.

—Apagouse a miña luz —dixo a velliña—. Xa non podo seguir fiando.

—Eu hei acenderche de novo a luz —dixo a nena ledamente.

O cuarto iluminouse e a fiandeira seguiu fiando finos fíos. Camiñando e alumando, chegou a nena de volta ao bosque. Todos os animais espertaron polo resplandor. O raposiño fociñou e mirou a luz con moita curiosidade. O oso gruñiu e acurrucouse na súa cova de inverno.

A nena volveu alegremente para a casa cantando:

—Eu vou co meu farol, e o meu faroliño vai comigo; arriba brillan as estrelas e abaixo brillamos nós…».

Visita de Alfonso Pexegueiro

2025-11-05T13:18:00.003+01:00

O xoves 23 de outubro recibimos a visita de Alfonso Pexegueiro ao que o alumnado de secundaria puido escoitar e facerlles preguntas.

Estamos moi ledos por ter contado coa sua presencia e polos marabillosos libros que regalou á Biblioteca, dous deles adicados .

BENVIDA O CURSO 2025-2026

2025-09-09T12:38:00.002+02:00

UNHA CANTERA DE ESCRITORAS E ESCRITORES

2025-06-20T12:01:00.003+02:00

B. LEE O SEU CÓMIC

2025-06-20T11:50:00.003+02:00

B. é un alumno de 4º de Primaria e ademais tamén escribe e debuxa cómics. Despois da sesión de lectura do alumnado de 2º de Primaria, B. quixo participar como autor de cómic, e adicamoslle unha sesión para él. Expricou ó público que os protagonistas son os seus mellores amigos e que inspirouse en outros cómics.

DÍA DAS LETRAS GALEGAS: RECOMENDACIÓNS LECTORAS

2025-06-03T11:22:00.001+02:00

I TORNEO DE XADREZ DE PRIMARIA

2025-06-03T11:18:00.003+02:00

A petición do alumnado de Primaria, esta semana xogarán nos recreos o alumnado de Primaria que estea apuntado como participante no torneo.

III TORNEO DE XADREZ DA ESO

2025-06-03T11:16:00.001+02:00

O torneo desenvólvese durante os recreos da ESO. Organizado polo alumnado voluntario da biblioteca, son eles os que poñen as bases e encárganse da organización das diferentes fases.

DÍA DAS LETRAS GALEGAS: AS PANDERETEIRAS

2025-06-02T13:51:00.004+02:00

Este ano o Premio das Letras galegas foi para a labor inmaterial de conservación da tradición oral reflexa nas pandereiteiras e cantareiras.

Aproveitando que unha das profesoras do centro, Rosana, pertence o grupo de pandereiteiras,celebramos o Día das Letras Galegas coa actuación do grupo.

LECTURAS 2º PRIMARIA

2025-06-02T11:05:00.005+02:00

O alumnado de 2º de Primaria fixeronse escritores e nos leron as súas historias na biblio. Damos os parabens a profe Natalia que impulsou esta actividade.

ade.