A xanela da cidade

FIN DE FESTA

noreply@blogger.com (Meu) — Sat, 19 Apr 2008 01:39:00 +0000

Chega o momento de dar por rematado este proxecto.

Os dous autores deste humilde espazo dixital estamos moi contentos coa experiencia levada a cabo. Este blog é unha iniciativa persoal elaborada coas esenciais aportacións de Xan. Para min, os textos publicados serviron como adestramento e como desafogo, pois hai moitas cousas que desexaba escribir de modo que calquera puidese lelas. Xan, pola súa banda, tivo así unha boa escusa para manifestar a súa opinión en referencia a temas nos que pensa a cotío, aproveitando os seus coñecementos.

Gracias a todos aqueles que nalgunha ocasión, despois de atoparnos, sentiron interese dabondo para deterse a ler un post desta xanela virtual adicada ó noso barrio de nacemento.

Aprendemos moito da experiencia, e consideramos que a meirande parte do traballo realizado continuará a ser de interese, pois non nos cinguimos á actualidade efímera e inmediata, senón que tratamos problemas que aparecen con regularidade nos medios, retratamos o día a día a través de artigos sobre a vida dos nosos veciños e, por suposto, fixemos análises sobre problemas que convén explicar.

Sen embargo, imos rematar cun sorriso. ¡Que mellor que irnos de festa! Aínda faltan uns meses para que as festas do Carme ambienten este curruncho da cidade, está ben que saibamos algo máis ó respecto.

Así comezaba unha reportaxe publicada o pasado verán en La Voz de Galicia:

“El origen del lanzamiento del globo de los Castros se remonta al 1990. Mario Novoa, el responsable de la revista de las fiestas y cronista del barrio, explica, no obstante, que existen precedentes: «En los años cincuenta se sabe que se echaron algunos globos de pequeño tamaño, pero la fiesta tal y como la conocemos hoy es de 1990»”.

David Esgueva

RECUNCHOS - Praia de Oza

noreply@blogger.com (Meu) — Sat, 12 Apr 2008 22:40:00 +0000

¿Quen dixo que as praias eran só para o verán? O xove areal de Oza, de aproximadamente 90 metros de longo e seis de ancho, conta hoxe en día con porterías para xogar ó fútbol. Os veciños que se acheguen á praia poderán aproveitarse das saudables propiedades reparadoras da mansa auga mariña da zona, e disporán de fontes e papeleiras durante o camiño á praia, así como de varios metros de carríl bici.
.
David Esgueva

COUSAS DA CORUÑA - Hábitos que definen as rúas

noreply@blogger.com (Meu) — Mon, 07 Apr 2008 00:19:00 +0000

Recoñezo que son proclive a falar do máis cotiá, aínda que a soas me fixe en asuntos de maior resonancia. Por iso comento con outros veciños o panorama que un se atopa cando percorre as entrañas do barrio.

Ademais, un ten a costume de pasear, de non coller un medio de transporte para calquera destino, e de aproveitar unha conversa agardada para mover o cu en compañía, en vez de pensar en tomar algo que non apetece.

Pero cando marcho polas familiares rúas coruñesas, decátome con celerirade de que os comercios que están en auxe son as perruquerías, as croissanterías, e, de toda a vida, os bares. ¿Son os baixos dos edificios un reflexo das nosas costumes?

Un profesor zamorano comentoume un día, ó escoitar que son coruñés, que un amigo seu deixara o xornalismo e ía inaugurar un local “en Coruña, en la zona de los bares”. ¿É xusto falar da zona dos bares nunha cidade coma a herculina?

Un compañeiro canario explicoume un día que naquelas illas non tiñan esa tendencia a recluírse en pequenos locais nos que deixar pasar o tempo. ¿Tanto nos inflúe o clima?

Tampouco concibo que moita xente, por exemplo, vaia ó cine sen ter un especial interese en ver unha determinada película. ¿É positivo realizar unha actividade cultural por rutina, por ten adonde ir, sen que a propia actividade nos seduza?

Será cuestión de hábitos. Pero… ollo con eles. Fai uns meses publicouse a noticia enlazada abaixo.

La Voz de Galicia: Alcohol y tabaco sitúan a Galicia a la cabeza de cánceres digestivos

David Esgueva

VECIÑOS - Axuda á xente con "pequerrechos"

noreply@blogger.com (Meu) — Thu, 03 Apr 2008 21:00:00 +0000

"Como non todo vai ser falar do dichoso Tema Penamos (Ventorrillo xa me comentou que lle aburre máis que ver Luar na Galega), publicamos unha axuda que ten a Xunta para apoiar ás familias dende fai moitos anos, pero que a maioría dos galegos descoñecemos."
.
Blog Barrio del Ventorrillo: Axuda de 360 € da Xunta para familias con nenos pequenos
.

LATEXOS DO BARRIO - Movilización en As Xubias

noreply@blogger.com (Meu) — Thu, 03 Apr 2008 11:45:00 +0000

La Voz de Galicia publicou onte unha noticia que comezaba deste xeito:

"Los vecinos de As Xubias cortaron la circulación a la altura del Hospital de Oza como medida de protesta ante lo que entienden una actuación injusta de la Policía Local de A Coruña. Los residentes de Xubias de Abaixo denuncian que, desde el pasado viernes, los agentes multan sus vehículos por estar estacionados en zonas donde siempre ha estado permitido aparcar. Una treintena de vecinos se movilizaron indignados con la situación y decidieron cortar la calle."

La Voz de Galicia: Vecinos de As Xubias cortan el tráfico por no poder aparcar en su calle

A xanela da cidade: A existencia de As Xubias
.

VECIÑOS - Axenda coruñesa

noreply@blogger.com (Meu) — Sat, 29 Mar 2008 13:21:00 +0000

A xente inqueda e con intereses culturais agradecerá a publicación, no blog do barrio de Eirís, dunha lista de eventos e espectáculos da capital herculina. Pódese solicitar a inclusión dun acto enviando un correo á dirección barriodeeiris@gmail.com.
.
BdE: Nueva función del blog

OLLADAS - Ás dúas, as tres

noreply@blogger.com (Meu) — Sat, 29 Mar 2008 13:01:00 +0000

Esta madrugada adiántase de novo o reloxo… e xorden os mesmos debates de cada semestre.
.
La Voz de Galicia: En Galicia apenas se ahorrará energía con el cambio de hora
.
A xanela da cidade: Nova hora, vellos vicios

VECIÑOS - Na busca da convivencia

noreply@blogger.com (Meu) — Thu, 27 Mar 2008 18:26:00 +0000

O traballado blog do Ventorrillo, A Silva, Cances, A Moura e Bens amosa a diario o seu enfoque no referente á controversia motivada pola situación dos habitantes do poboado chabolista de Penamoa. Xorden opinións de todas as clases (nunca mellor dito), e todas teñen cabida mentres o medo non chame á hipocresía e o temperamento non inflúa no debido respecto. Todos contactamos nalgún momento con persoas de etnia xitana (en Os Castros temos o caso de Casablanca, a igrexa evanxélica de Moas e, antingamente, a rúa Oleoducto entre O Castrillón e Eirís); polo tanto, podemos sacar conlcusións das propias experiencias, do mesmo xeito que debemos escoitar a opinión dos calés antes de responder a cuestións fundamentais:

¿Que hai de certo nos nosos prexuízos?

¿Que nos molesta da devandita etnia?

¿Deben os xitanos vivir en zonas concretas, adaptadas ás súas tradicións?

¿Están os xitanos dispostos a integrarse e adoptar costumes que os demais consideran básicas?
.
David Esgueva

LATEXOS DO BARRIO - Análise ó túnel (2ª parte)

noreply@blogger.com (Meu) — Thu, 20 Mar 2008 18:16:00 +0000

Para rematar a análise referente ó túnel de Os Castros, comentaremos todo o relacionado coa ordenación do tráfico e do espazo.
.
Como se aprecia na imaxe, na parte superior da infraestructura son dous os carrís existentes para a circulación en cada sentido, reducíndose a un nos extremos de entrada e saída do túnel.
.
Precisamente aquí é onde chama a atención a carencia de espazo, pois a presenza deste único carril causa importentes retencións, ademais de impedir os estacionamentos de carga e descarga.
.
Como anécdota, comentar que nunha ocasión cortouse todo o carril de saída da cidade para levar a cabo unha mudanza dun veciño, pois o vehículo contratado para tal fin, non dispoñía de espazo. O tráfico tivo que ser desviado ás rúas Ángela B. de Soto e Monte das Moas.
.
As beirarrúas tampouco destacan pola súa amplitude. Serve como proba a polémica xurdida recentemente co intento de colocar árbores na beirarrúa da avenida do Exército, preto do Mirador.
.
En definitiva, estes problemas que estamos a describir poñen de manifesto que, unha vez máis, unha infraestructura con relativamente poucos anos de vida está xa saturada.
.
Xan de Outeiro

LEMBRANZAS - Un colexio na historia persoal

noreply@blogger.com (Meu) — Sun, 09 Mar 2008 16:22:00 +0000

Os colexios electorais abriron esta mañá as súas portas para que o pobo dera conta das súas preferencias políticas. Por pura coherencia, nun blog hiperlocal coma este non imos adicar un texto íntegramene a analizar a política a nivel estatal, malia o moito que desexariamos comentar. Ademais, na medida do posible pretendemos ser unha alternativa á información diaria recollida na prensa. Por iso, e tendo en conta que hoxe os protagonistas somos "os de a pé", os anónimos, os cidadáns en xeral, aproveitaremos a ocasión para homenaxearnos a nós mesmos. Na imaxe apréciase a entrada principal á primeira escola na que estudamos os dous autores deste espazo. Que confusos recordos...

David Esgueva

LATEXOS DO BARRIO - Análise ó túnel (1ª parte)

noreply@blogger.com (Meu) — Tue, 04 Mar 2008 09:39:00 +0000

O comezo do novo milenio trouxo consigo a consolidación dun importante proxecto viario de grande calado para o noso barrio: o novo acceso á cidade pola avenida da Pasaxe coa construcción do falso túnel de Os Castros.

.
As obras desta infraestrutura provocaron grandes cambios no día a día dos veciños, que aturaron máis de dous anos de obras, e os conductores, que modificaron os seus percorridos habituais. .

Á marxe das consecuencias que toda obra trae consigo, os veciños alertaban doutro feito: o ter que perforar con material explosivo un complexo subsolo de rocha dura podía provocar problemas nas edicificacións lindeiras, como serían fisuras, grietas e demáis danos estructurais.
.

Alertábase, ademais, de que esa arteria, xa rematada, podería converterse nunha vía rápida coa que se daría luz verde para que algúns condutores circulasen a grandes velocidades.
.

Por estes temores, unha das asociacións de veciños do barrio iniciou unha campaña de recollida de firmas coa que esixían a Fomento que considerase un cambio de trazado para ese tramo da vía. O trazado alternativo proposto pola asociación pretendía que se desviase este vial de circulación rápida pola estrada de acceso ó Porto.
.

Coa entrada en funcionamento da vía, confirmouse que os danos estruturais foron escasos, naturalmente con algunha excepción. Sen embargo, as alertas cidadás non ían tan desdencamiñadas, pois, efectivamente, moitos conductores facían e fan caso omiso das advertencias e limitacións de velocidade (60 km/h no tramo de túnel).
.

Se consultamos as hemerotecas destes últimos anos observaremos o grande número de accidentes que se veñen producindo.
.

Ante a perspectiva dos case dez anos da entrada en funcionameto desta importante vía de acceso á cidade, faremos a seguinte análise: o tramo inferior (o do falso túnel) xa non rexistra tantos sinistros como en anos anteriores, debido, entre outras cousas, a certas modificacións realizadas e ás constantes chamadas á prudencia dos conductores.
.

Mentres, no tramo superior debemos destacar o pouco espazo existente para circular e nulo para estacionar; falamos dos tramos nos que a boca de entrada e saída do túnel se enlaza coa superficie, tanto na avenida da Pasaxe como na avenida do Exército.
.

Esta carencia de espazo será tratada noutra inminente entrega desta sección.

Xan de Outeiro

VECIÑOS - Apoio á música local

noreply@blogger.com (Meu) — Fri, 29 Feb 2008 09:46:00 +0000

A iniciativa do Blog dos Mallos para fomentar a música local e colaborar na difusión dos grupos da cidade merece un fortísimo aplauso.
.
Ás veces guiámonos unicamente polo nome, o carisma ou a repercusión dun artista á hora de interesarnos polo seu traballo, como se non tivesemos personalidade ou gusto propio.
.
Hai moita xente deixando a pel nunha ilusión, porque senten auténtica paixón por unha actividade e cren en si mesmos. E nos temos a oportunidade de descubrilos por pura afección.
.
David Esgueva

OLLADAS - Calificativos para o barrio

noreply@blogger.com (Meu) — Mon, 25 Feb 2008 01:25:00 +0000

Non podemos (nin debemos) fuxir do circo representado polos protagonistas dos principais partidos políticos, que asolagan os diferentes medios de comunicación coa súa retórica en datas coma estas, pero si podemos esquecelo por uns intres.

Debo recoñecer que supón un pequeno sacrificio persoal eludir a tentación de matizar as verbas dos líderes das tres forzas máis votadas a nivel local, como xa fixemos cando se cumpliron os tres primeiros meses de goberno bipartito (véxase o tema “entrevistas”). Sen embargo, de cando en vez é positivo deterse a ollar o tranquilo día a día do barrio.

Os Castros, de feito, pode calificarse coma un barrio tranquilo, malia os habituais sucesos aillados e os problemas de sempre. Polas noites, o silencio impera calquera día da semana, cando menos ata que comeza o baile de vehículos que entran e saen da capital herculina.

Iso ten as súas vantaxes e os seus inconvenientes, coma todo neste mundo: os veciños non teñen que aturar os berros e as paiasadas de quen transmite pola rúa as súas ganas de festa, pero moitos dirán, con todo o seu dereito, que estamos nun espazo amplamente edificado que carece de locais de ambiente. Nunca palabra, diremos que Os Castros, un recuncho humilde, residencial, carente de glamour e pomposidade, chega a pecar de “soso”.

Interesante debate: ¿gustaríalle ós habitantes do barrio atraer máis á xente? En caso afirmativo, ¿sería por vaidade, por ansia de diversión ou polo beneficio de revalorizar o terreo? En caso negativo, ¿rexeitamos as multitudes e apreciamos as características do lugar mentres dispoñamos de todo tipo de servizos e comodidades?

David Esgueva

Nota dos autores

noreply@blogger.com (Meu) — Sat, 08 Dec 2007 09:22:00 +0000

Este blog, que xa estaba a padecer diversas dificultades, verá interrompida a súa actividade durante un tempo. A mediados de febreiro continuaremos publicando algúns dos contidos habituáis, aínda que de modo esporádico. Unha aperta!!!

RECUNCHOS - Faro de Oza

noreply@blogger.com (Meu) — Mon, 26 Nov 2007 00:59:00 +0000

Dentro da sección "Historias de A Coruña", La Voz de Galicia dedicou un día un artigo a repasar a evolución do faro de Oza: Un faro reconvertido.

QUIOSCO HIPERLOCAL

noreply@blogger.com (Meu) — Sun, 25 Nov 2007 01:44:00 +0000

Luns:
.
El Puerto da por eliminados tras seis días los focos de calor del carbón - La Voz de Galicia
.
Martes:
.
Medio Ambiente asegura que el episodio de la Medusa no supuso ningún riesgo para los ciudadanos - La Opinión de A Coruña
.
Mércores:
.
La Xunta considera necesario mejorar el estado del interior de la Medusa - El Ideal Gallego
.
Venres:
.
Un centenar de personas exigen mejoras en las descargas portuarias - La Voz de Galicia
.
El Ayuntamiento abrirá una parte de la calle Antonio Ríos - La Opinión de A Coruña
.
Sábado:
.
El billete de bus costará un euro - La Voz de Galicia
.

LATEXOS DO BARRIO - Fume na Medusa

noreply@blogger.com (Meu) — Thu, 22 Nov 2007 17:50:00 +0000

A indignación veciñal volve a estar presente nas rúas do noso barrio despois do acontecido a pasada semana coa Medusa: unha chamativa columna de fume saía deste recinto onde se almacena o carbón do peirao coruñés.

.
Percibíase, ademais, un penetrante cheiro semellante a gas. Ante estas circunstancias, numerosos veciños trataban de atopar explicacións chamando ó Concello, á Autoridade Portuaria e a Unión Fenosa pero non atoparon resposta algunha.

.
Houbo que agardar un día para que Unión Fenosa ofrecese publicamente respostas sobre o que estaba a acontecer. Segundo parece, a acumulación de carbón no recinto provocaba que se formasen focos de calor entre as partículas producíndose a combustión. Formábase así unha importante nube de fume que, en cantidades excesivas, podía provocar problemas para as persoas.

.
A día de hoxe realízanse medidas da calidade do aire en canto a monóxido de carbono e dióxido de xofre, que, segundo parece, garanten uns niveis de contaminación inferiores e lonxanos dos límites prexudiciais para a saúde.
.

A pesares diso, son moitas as voces que reclaman a apertura dun expediente a Unión Fenosa por poñer en funcionamento a Medusa sen posuír un sitema contraincendios por tratarse dun recinto pechado. Tamén se respira malestar polo feito en que a Autoridade Portuaria tratou o asunto, sen dar explicacións ós veciños; unha das dúas asociacións de veciños da zona manifestarase diante do edificio desta institución para esixir a dimisión do seu presidente, Macario Fernández Alonso.
.

O problema das descargas de carbón continúa cando parecía que era un capítulo xa pechado.

Xan de Outeiro

LATEXOS DO BARRIO - Lixo na rúa

noreply@blogger.com (Meu) — Wed, 21 Nov 2007 04:05:00 +0000

¿Por que ó rematar o día a praza situada fronte á rúa Ortigueira aparece sempre chea de lixo? Hai contedores de sobra na zona e non custa NADA tirar o que nos sobre no lugar indicado.

David Esgueva

QUIOSCO HIPERLOCAL

noreply@blogger.com (Meu) — Sun, 18 Nov 2007 04:46:00 +0000

Luns:
.
Eirís se moviliza contra la suciedad y las ratas del entorno del parque - 20 Minutos
.
Mércores:
.
Las personas mayores tendrán gimnasio al aire libre en San Diego y Palavea - 20 Minutos
.
La ordenanza antibotellón no entrará en vigor hasta la primavera - La Voz de Galicia
.
Xoves:
.
Una nube de humo envuelve la Medusa - El Ideal Gallego
.
Sábado:
.
La escasa ventilación dificulta los trabajos para extinguir las brasas de la Medusa - El Ideal Gallego
.
Domingo:
.
El Puerto reconoce que sigue activo uno de los focos de calor de la Medusa - La Voz de Galicia
.

LATEXOS DO BARRIO - Exame ás rúas (III)

noreply@blogger.com (Meu) — Thu, 15 Nov 2007 01:15:00 +0000

Xa hai bastantes anos que os veciños do Castrillón están esperando que remate o esquecemento que padece o barrio por parte das administracións públicas.
.

Boa proba diso son as rúas que están sen rematar: Antonio Ríos, Casanova de Eirís ou mesmo a Avenida dos Caídos.
.

Esta avenida interrompe o seu percorrido dende o cruce coa rúa Castrillón ata a rúa Antonio Noche, a carón do cemiterio de Oza.
.

O trazado desta vía leva bastantes anos proxectado e curiosamente tamén foi anunciado no programa electoral do PSOE nos anos 1991, 1995, 1999 e 2003; pero para estes últimos comicios de 2007, xa nin se contemplaba tal promesa, o que motivou que algúns veciños da zona tamén protestaran e se manifestaran.
.

Algo semellante acontece coa rúa Antonio Ríos, que vai case que en paralelo coa Avenida dos Caídos, e que tamén carece de continuidade dende que cruza con Casanova de Eirís ata a zona de Oza.
.

En ambos casos a zona que pola que deberían de decorrer as rúas está ocupada por leiras e camiños feitos pola xente para poder atravesar terreos que constitúen un grande tapón urbanístico para a zona.
.

Xan de Outeiro
.

OLLADAS - Balóns fóra

noreply@blogger.com (Meu) — Mon, 12 Nov 2007 21:24:00 +0000

Lembro un día, cando tiña dez anos de idade, en que rachei catro luminosos dunha cafetería dándolles un balonazo. Nese momento asusteime porque non sabía se ficar ou fuxir, así que optei por unha posibilidade a medio camiño: comecei a camiñar paseniñamente cara a miña casa. Pouco despois, un violento camareiro agarroume polo pescozo e pediume que o levase ata onde estaban os meus pais, para pedirlles que pagasen uns luminosos que, por certo, non funcionaban, pero o máis desagradable foi que falaba como se eu cometera un crime.

De todos modos, casos coma este motivan que xurda o debate de como consensuar a enerxía e as ansias de xogo dos rapaces co dereito do resto de viandantes a non correr o perigo de levar un golpe ó camiñar pola beirarrúa, nin sentir que invanden unha pista polideportiva ó sentarse nunha praza pública. Tan importante é unha cousa como a outra, pero xera certos dilemas que gardan paralelismos co problema do botellón, aínda que esta última actividade non é precisamente unha costume sa.

A fotografía corresponde a unha placa situada na praza da Gaiteira, que pola súa amplitude inspira a moitos mozos a facer un pouco de deporte aproveitando que por alí non pasan os coches.

David Esgueva
.

QUIOSCO HIPERLOCAL

noreply@blogger.com (Meu) — Sun, 11 Nov 2007 05:11:00 +0000

Luns:
.
Casi 40 minutos por vía férrea entra A Coruña y Betanzos - El Ideal Gallego
.
Mércores:
.
La próxima semana seá de puertas abiertas en los museos científicos de la ciudad - La Voz de Galicia
.
El PP denuncia el cierre de comercios por falta de mejoras en O Castrillón - El Ideal Gallego
.
Xoves:
.
La Xunta pide a los gallegos más moderación en el consumo del agua - 20 Minutos
.
Sábado:
.
El Ayuntamiento prohibirá el botellón de once de la noche a siete de la mañana - La Opinión de A Coruña
.
Domingo:
.
La nueva tarjeta Millennium estará disponible desde mañana - La Voz de Galicia
.
Os Castros remite fotos de descargas de carbón al Valedor - El Ideal Gallego
.

VECIÑOS - Novidades en Corublogs.org

noreply@blogger.com (Meu) — Wed, 07 Nov 2007 23:23:00 +0000

Este blog xa conta cun recuncho propio no foro de Corublogs, o portal no que participan moitos dos blogueros da cidade da Coruña e na que se ofrece información sobre as últimas entradas publicadas nos espazos que decidiron unirse a esa web, que conta tamén cun directorio de bitácoras escritas dende a capital herculina. Cada vez somos máis e invitámovos a xurtarvos co resto e participar como creadores, como lectores ou como ambalas dúas cousas. Esta interesante inciativa que comezou a súa andaina o pasado verán medrará sen dúbida coa nosa vontade.

Agora tedes, ademais, un bo grupo de subforos para comentar o que queirades. A dirección do espazo adicado ó noso barrio e ós seus arredores, co protagonismo activo deste mesmo blog, é a seguinte: http://foro.corublogs.org/viewforum.php?f=15&sid=56b4fc4ecdb7a75123bea7bbeaccd2f3.

Un saúdo e animádevos a participar!!

.
David Esgueva
.

LEMBRANZAS - Antigo colexio "Los Castros"

noreply@blogger.com (Meu) — Wed, 07 Nov 2007 03:17:00 +0000

Tra-la parede azul celeste que se ve á esquerda, os mestres do colexio "Los Castros" impartían clases ós máis cativos. Este centro de ensino mantivo a súa labor durante máis de catro décadas. Malia ter abandonada a súa condición de colexio privado, a escola esixiu sempre que os seus alumnos asistisen uniformados.

A rúa fotografada é Claudio Sanmartín, que non se converteu nunha vía peatonal ata finais dos anos 90. Alí estaba o baixo que acollía as aulas pertencentes a párvulos e ós dous primeiros cursos da educación Primaria, antiga E.G.B. A só uns pasos, nun primeiro piso situado no número 228 da avenida General Sanjurjo, atopábanse o resto das aulas, onde os rapaces permanecerían ata o oitavo curso.

Dende 1996, coa posta en marcha da E.S.O, impartíanse clases ata 6º de Primaria. Pouco despois, o colexio "Los Castros" desaparecería para sempre. A ese lugar pertencen os recordos de centos de persoas que viviron no centro algúns dos intres máis relevantes ou emotivos da súa infancia. Se cadra noutra ocasión falaremos diso, cando un se atope menos propenso a sentir nostalxia de calquera cousa.

David Esgueva

LATEXOS DO BARRIO - Máis descargas a ceo aberto

noreply@blogger.com (Meu) — Tue, 06 Nov 2007 23:56:00 +0000

Así comezaba unha noticia publicada onte en El Ideal Gallego:
.

"Los vecinos de Os Castros denunciaron ayer una nueva descarga de carbón a cielo abierto. Según una residente afectada y ex presidenta de la Plataforma Anticarbón, Mariló Prado, durante toda la pasada jornada el Puerto mantuvo las descargas, provocando intensas nubes de carbonilla. (...) Por ese motivo, anunció que ya se ha puesto en contacto con el Valedor do Pobo, Benigno López, para presentarle sus quejas."

Continuaremos facéndonos eco deste problema sen fartarnos de protestar por unha situación que semella eterna. Fomentemos a acción e o debate, e insistamos en esixir a calidade de vida que os veciños merecen.

.
Ligazón: Os Castros remite al Valedor do Pobo el problema de las descargas a cielo abierto.
.
.