Aakar Post

Bulbul : Episode - 126

noreply@blogger.com (Aakar Anil) — Wed, 25 Jan 2012 17:36:08 PST

Listen to Bulbul Episode-126

आजको अंकमा मध्य पश्चिमका गजलकारहरु को आवाजमा रेकर्ड गरिएको गजल प्रस्तुत गरिएकोछ !

शुभ समय, शुभ पल, शुभ क्षण,शुभ सन्ध्या, शुभ रात्री !!! रात्री बसाइ को यो अर्को नयाँ अंक मा केही रात्री गन्थनको साथमा सुमधुर गजलहरु लिएर, सदा झैँ आज पनि प्रस्तोता अच्युत घिमिरे उपस्थित हुनुभएको छ ।

बुलबुल एउटा इरानी चरा हो । रात्रीको समयमा गाउँदै हिंड्‍ने यो चरा गजलको प्रतीक मानिन्छ । इरानदेखि नेपाल सम्मको यात्रा गरेकी बुलबुल, नेपालका लागि नौलो हैन । यो सर्वव्यापी छ । गजलका रागहरु जहाँ जहाँ अलापिन्छन्, त्यहीं त्यहीं यसको उपस्थिति रहन्छ ।

प्रेम, विरह, उत्साह, उमंग अनि थुप्रै मनका संवेगहरु बुलबुलले समेट्‍छ । बुलबुल सुन्न थालेपछि हामी सबै एउटा समूहमा समेटिन्छौं र बुलबुल भित्र आफैंले आफ्‍नो नाम दिन्छौं - बुलबुललियन । हामी यहाँ एकाकार भएर लाग्छौं, गजलको भावनात्मक सहवासमा । " एउटा प्रेमको बिरुवा हामी रोप्छौं.....युग युग सम्म लगाएर यो प्रीतलाई अमर गर्छौँ।"

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-126

म नेपाली चलचित्र किन हेर्छु? [Opinion on Nepali Movie]

noreply@blogger.com (Aakar Anil) — Sat, 21 Jan 2012 09:42:55 PST

चलचित्र किन हेरिन्छ? भन्ने कुराको निश्चित जवाफ म सँग छैन ! कहिले के बहानामा हेरिन्छ, कहिले के बहानामा हेरिन्छ ! कहिले फ्लप भएको चलचित्र पनि राम्रो लाग्छ, कहिले अत्याधिक सफल भएको चलचित्र पनि मन पर्दैन ! कुनै चलचित्रको प्रोमो हेरेर, चलचित्र हेर्न जाउँ जाउँ लाग्छ भने कहिले आफूलाई मनपर्ने कलाकारले अभिनय गरेकोछ भनेर हेर्न गइन्छ !

भर्खरै पनि हलसम्म पुगेर नेपाली चलचित्र ‘लुट’ दोहोर्याएर हेरियो ! नेपाली चलचित्र कि त टिभीमा आउँदा कहिलेकाँही हेर्ने गर्छु, कि त आफूलाई पहिले नै मन खायो भने मात्र हलसम्म गएर हेर्छु ! टिभीमा पनि पुराना नेपाली चलचित्र आयो भने मात्र हेर्ने गर्छु, बिच तिरका चलचित्र खासै हेर्दिन र हेर्न मन पनि लाग्दैन ! नेपाली मात्र होइन, नब्बे दशकको हिन्दी चलचित्र पनि खासै हेर्न मन लाग्दैन ! कि त पुराना हिन्दी चलचित्र हेर्छु, कि त नयाँ हेर्छु ! अहिले पनि पुराना हिन्दी चलचित्र खोजेर हेर्छु, अझ राज कपुर, गुरु दत्तको चलचित्र त खोजी खोजी नै हेर्छु, त्यसबाहेक अमोल पालेकरका कमेडी चलचित्र पनि निकै मन पर्छ !

नेपाली चलचित्रको हकमा भने, अहिले बन्ने नेपाली चलचित्र भन्दा पहिलेका चलचित्र नै मनपर्छ ! माईतीघर अहिले पनि उत्तिकै राम्रो लाग्छ ! यसो भन्दैमा अहिलेका नेपाली चलचित्र हेर्दै नहेरिएको भने होइन, तर पनि हिन्दी र अंग्रेजी चलचित्रको दाँजोमा हलसम्म पुगेर नेपाली चलचित्र विरलै हेर्ने गरिएकोछ, यद्दपी नेपालमा बर्षैपिच्छौ दर्जनौँको सङ्ख्यामा चलचित्रहरु बन्ने गरेकाछन् ।

विगत २ वर्षको अन्तरालमा केही नेपाली चलचित्रहरु पनि हेरियो, कुनै चलचित्र “हिट” सावित भए भने, कुनै चलचित्र राम्रो चलेनन् ! कुनै चलचित्र राम्रो लागे, कुनै चलचित्र बेक्कार हेरिएजस्तो लागे! कुनै चलचित्र हेर्छु भन्दा भन्दै पनि हेरिएन, कहिले समय मिलेन, कहिले रिभ्यु राम्रो लागेन !

सायद डेढ/दुई वर्ष पहिले मनोज पण्डित निर्देशित ‘दासढुंगा’ हेरेको थिँए ! दासढुंगा व्यापारिक रुपमा सफल भयो भएन, कतिलाई मन पर्यो, कतिलाई मन परेन आफ्नो ठाउँमा छ ! तर पनि मैले हेरेका र मलाई राम्रो लागेको चलचित्र मध्ये ‘दासढुंगा’ पनि हो । कमरेड मदन भण्डारीको निधन हुँदा म सानो ५/६ वर्षको फुच्चे थिँए, त्यसबेलाको नेपाल टिभीको समाचारको दृश्यमा पार्टिको झण्डा ओढाएको झल्याक झुलुक, कता कता याद आउँछ ! अनि कहिलेकाँही कसैको घरमा जाँदा क्यासेटमा दोहोरी गित घन्किएको हुन्थ्यो, मुङगलिनबाट हिँडेको गाडि, अम्बर लामाले त्रिशुलीमा हाल्दियो, यस्तै यस्तै के के शब्द थियो ! आफूले अलि बुझ्ने हुँदा, दासढुंगा काण्ड पुरानो भइसकेको थियो र बुझ्ने प्रयास पनि गरिएन !

अपिल विष्टको निर्माणमा मनोज पण्डितले ‘दासढुंगा’ बनाउनु भयो ! मलाई चलचित्रको अभिनेता, निर्देशक सँग कुनै सरोकार थिएन, यद्यपी अनुप बराल, सौगात मल्ल भएका कारण केही फरक होला, अभिनयका हिसावले भन्ने लागेको थियो ! मलाई ईतिहासबारे जान्नु थियो, एक हिसाबले दासढुंगा मेरो लागि नयाँ थियो, अघि पछिका कथा थाहा थिएन, मात्र थाहा थियो, मदन भण्डारीको निधन जिप दुर्घटनामा भयो, अम्बर लामाको केही वर्ष पहिले हत्या गरियो! दासढुंगा हेर्नुको लोभ भनेको, इतिहासका केही कुरा जान्नु थियो ! दासढुंगाबारे केही कुरा थाहा पाइयो, अत: मेरो लागि यो चलचित्र राम्रो सावित भयो ! त्यसमाथि चलचित्रमा अभिनय, निर्देशनको हिसाबले पनि राम्रो थियो ! मेरो जस्तै कौतुहलता हुनेले दासढुंगा हेर्नुपर्छ भनेर हेरे होलान्, बाँकीले के हेर्नु यस्तो फिल्म भनेहोलान् ! दर्शकले यही हेर्छन् भन्न कठिन छ तर पनि मेरा लागि यो राम्रो र हेर्नै पर्ने चलचित्र हो !

त्यसपछि सायद मैले ‘ब्याच नम्बर १६’ हेरेँ ! ब्याच नम्बर १६ को प्रोमो, त्यसमाथि त्यस चलचित्रको ‘वेवसाइट’ बाट प्रभावित भएर, चलचित्र राम्रो नै होला भन्ने अनुमान गरेर हेर्न गएँ ! उक्त चलचित्रमा मलाई, कथा कस्तो छ, सन्देश के दिन्छ भन्ने कुरा हेर्नु थिएन ! मलाई ब्याच नम्बर १६ हेर्नु थियो, कारण त्यसको प्रोमो फरक थियो, फिल्म पढेर आएका पिताम्वर पाण्डेले निर्देशन गरेका थिए ! पुरातन शैलीभन्दा अलि पृथक तरिकाबाट चलचित्र निर्माण गरिएको जस्तो लागेको थियो, त्यो समयमा यो चलचित्रको धेरै कुराकानी हुने गरेको थियो ! अत: यो चलचित्र म नेपाली चलचित्रले ‘टेक्निकल्ली’ कति प्रगति गरेछ, कसरी निर्माण गर्दा रहेछन्, संवादहरु कति सरल छन्, अभिनय कत्तिको छ भन्ने हिसावले हेर्न गएको थिँए !

चलचित्र चलिसकेपछि, प्राय:ले यो चलचित्रले झूक्यायो, झुर भनेर कमेन्ट गरे, तर पनि आफ्नो लागि भने यो चलचित्र राम्रो नै लाग्यो ! ‘टेक्निकल्ली’ मैले सोचेँ भन्दा राम्रो पाएँ ! नायक ‘अर्पण थापा’को भविष्य राम्रो छ झैँ लाग्यो ! अहिले पनि प्रायले यो चलचित्रलाई राम्रोको कोटिमा राख्दैनन् तर मेरा लागि भने यो पुरातन शैलीको चलचित्र भन्दा फरक थियो ! कथा जति फितलो भएपनि, जति वटा निर्देशकिय कमजोरी भएपनि, कति हुनै नसक्ने कुरा भएपनि मलाई आम नेपाली चलचित्र भन्दा राम्रो लाग्यो, मैले खूलेर यो चलचित्रको प्रशंसा गरेँ !

‘अर्पण थापा’को अभिनयबाट प्रभावित भएर, साथै प्रोमो र रिभ्यु पनि राम्रो लागेर ‘मुर्रे केर’को चलचित्र ‘सिक सिटी’ हेरियो ! त्यतिबेला चर्चै चलेको थियो, ड्यानी बोयलले ‘स्लमडग मिलिनयर’ मार्फत मुम्बईको अर्को पाटो देखाए, त्यसरी नै मुर्रे केरले ‘सिक सिटि’ मार्फत काठमाडौँको अर्को पाटो उदाङ्गो पार्छन् ! ठमेलको वरिपरि घुम्ने चलचित्रको कथा राम्रो थियो, हामीले सोचे जस्तै अर्पण थापाको अभिनय पनि उत्कृष्ट थियो, टेक्निक्ली पनि राम्रो लाग्यो ! तर पनि मलाई चलचित्र ‘स्लो’ लाग्यो, हलमा डेढ घन्टा बस्न पनि सकस भए झैँ भयो ! सायद मैले चलचित्र सोचेको भन्दा फरक पाँए ! सबैले राम्रो भनेको चलचित्रले मलाई खासै प्रभावित गर्न सकेन, भलै मलाई ठमेलको एउटा पाटोको बारेमा जान्ने मौका मिल्यो !

भक्तराज आचार्यको गितहरु धेरै सुन्ने गर्छु तर पनि मलाई भक्तराजको जिवनबारे थाहा थिएन ! उनको जिवन कस्तो थियो, के कस्ता कामहरु गरे, कसरी गित गाउन नसक्ने भए भन्ने बारेमा म पुर्णत अनभिज्ञ थिँए ! मैले कहिले भक्तराज बारे खोतल्ने गरिँन, हुन त नारायण गोपालको बारेमा नि थाहा छैन तर पनि कहिलेकाँही नारायण गोपाल बारेका चर्चाहरु पत्रिकामा पढ्न पाइन्छ ! भक्तराज जिउँदै छन्, अत: मैले उनको बारेमा पत्रिकामा पढ्न पाउँदिन ! चलचित्र जसले बनाएको होस्, ज-जसले अभिनय गरेका हुन्, आफूलाई खासै मतलब थिएन ! दासढुंगा जसरी नै मलाई आचार्य हेर्नु थियो, त्यसमाथि चलचित्र पक्कै राम्रो हुनुपर्छ भन्ने मेरो मान्यता थियो !

चलचित्रको सुरुमा बज्ने ‘जहाँ छन् बुद्धका आँखा…’ ले नै एउटा बेग्लै किसिमको झट्का लाइदेको’थियो ! चलचित्र हेरेँ, मलाई राम्रो लाग्यो ! सत्यराजको अभिनय राम्रो छ, उनी गायक मात्र होइन अभिनेता पनि रहेछन् भन्ने मलाई लाग्यो ! चलचित्र राम्रो भएर पनि खासै चलेन भन्ने गरिन्छ, सायद होला पनि ! उनीहरुले राम्रो बजार व्यवस्थापन गर्न सकेनन् ! चलचित्र राम्रो भएपनि, भक्तराजको जिवन सतही रुपमा मात्र देखाइएकोले खासै चित्त बुझेन, मैले भक्तराज बारे केही जानकारी त पाएँ तर पनि केही अपुरो नै लाग्यो ! चलचित्रको एकदृश्यमा बारम्बार ‘फोकस’ गरेर भारतको झण्डा देखाइएको पनि चित्त बुझेन ! तर पनि मेरो लागि आचार्य राम्रो चलचित्र थियो !

स्वर्गिय गोपाल प्रसाद रिमालको कृती ‘मसान’मा निर शाहले चलचित्र निर्माण गरेका थिए ! साँचो कुरा, मैले मसान पढेको थिईन तर पनि कथा भने थाहा थियो ! कृतीमा बनेको चलचित्र राम्रो होला भन्ने आशा राखेर चलचित्र हेर्न गएँ, भलै प्रोमो खासै चित्ताकर्षक थिएन ! ‘मसान’ आफैँमा एउटा राम्रो कृती तर निर शाहले कृतीलाई न्याय गर्ने सकेनन् ! उनले चलचित्र बनाउनु पर्ने ठाउँमा स्टेजकै नाटक झैँ चलचित्र प्रस्तुत गरे ! चलचित्रले जुन सन्देश दिन खोजेको थियो, या भनौँ ‘मसान’को जुन मुलमर्म थियो, त्यो त कहीँ पनि देख्न पाइएन, कतै “फिल” नै गर्न पाइएन ! ऐतिहासिक कृती भएकोले चलचित्र हेर्न गइएको थियो, हेरियो ठिकै लाग्यो तर चित्त बुझेन ! यति हुँदा हुँदै पनि केकी अधिकारी, निता ढुंगाना आदिको अभिनयबाट भने प्रभावित भएँ !

यश कुमारले बनाएको चलचित्र भनेर ‘बाटो मुनिको फूल’ हेर्ने मन थियो तर ‘रेखा’ अभिनित भनेको भएर खासै हेर्न जान मन लागेन ! मैले युट्युब तिरै झल्याक झुलुक दृश्य हेरेँ, कथा भन्ने शैली राम्रो नै लाग्यो ! पत्रिकामा खासै राम्रो रिभ्यु थिएन तर पनि युट्युबमा झल्याक झुलुक दृश्य हेर्दा हलमै गएर हेरेको भए हुने रहेछ जस्तो पनि लाग्यो ! अहिले सम्म पनि मैले ‘बाटो मुनिको फूल’ हेरेको छैन तर अब मौका मिल्यो नै भनेपनि हलसम्म गएर हेरिँदैन होला, कारण पत्रिकामा खासै राम्रो रिभ्यु थिएन !

म केकीको अभिनयबाट प्रभावित छु ! गित र विज्ञापनमा केकीले गरेको अभिनय राम्रो लाग्छ ! यसको साथै फेसबुकमा नियमित रुपमा उनको अपडेट पढ्न पाइन्छ । प्रसन्न पौडेलले ‘स्वर’ नामक चलचित्र बनाएका थिए ! स्वर टोली देश दौडाहामा गएको थियो, अनि केकीले स्वरमा अभिनय गरेकीथिइन् ! अत: मेरो लिस्टमा स्वर पनि थियो तर चलचित्र रिलिज भएपछि पत्रिकामा आएको रिभ्यु देखेर हलसम्म जाने आँट गरिन ! मैले ‘स्वर’ हेरिँन !

अहिले पछिल्लो पटक ‘लुट’ हेरेँ ! लुटले यति प्रभावित गर्यो कि दोहोर्याएर नै चलचित्रहल सम्म पुगेँ ! माथि पनि भनिसकेँ कुनै चलचित्रको कथा मन पर्यो, कुनै चलचित्रको प्रविधि मनपर्यो ! तर लुटमा सबैकुरा मन पर्यो, यो चैँ भएन है भन्ने ठाउँ नै भेट्न मुश्किल भयो ! मैले फरक फरक विधाका चलचित्र हेरेँ, विधागत रुपले हेर्दा चलचित्र राम्रो नै लागेपनि समग्र चलचित्रको रुपमा भने ‘लुट’ निकै मनपर्यो !

अब ‘हाइवे’, ‘गुडवाई काठमाडौँ’ आदि चलचित्रहरु आउँदैछन् ! हाइवेलाई दिपक रौनियारले निर्देशन गरेकाछन् भने, गुडवाई काठमाडौँ नविन सुब्बाले ! हाइवेको प्रोमो हेरेका कारण चलचित्र हेर्ने हुटहुटि जागेकोछ, यस बाहेक दिपक रौनियार निर्देशित ‘पुजा’ र ‘चौकैठ’ हेरेको भएर, पनि ‘हाइवे’, जसरी पनि चलचित्र राम्रो बनेको हुनुपर्छ भन्ने मलाई लाग्छ ! चलचित्र सबै आ-आफ्नै किसिमका हुन्छन् ! ‘लुट’ले जस्तै ‘हाइवे’ले सबैलाई तान्ला नतान्ला भन्न सकिन्न तर पनि ‘हाइवे’ आफ्नो ठाउँमा सफल हुन्छ भन्ने मलाई लाग्छ ! त्यस्तै नविन सुब्बाको चलचित्र ‘नुमाफुङ’ र टेलिसिरियल ‘दलन’ हेरिएको भएर, उनले बनाएको ‘गुडबाई काठमाडौँ’ राम्रो नै हुनुपर्छ भन्ने मेरो मान्यता छ ! जस्तो कि, निश्चल बस्नेतले कुनै चलचित्र बनाए भने, मैले निश्चलको चलचित्र हेर्ने सम्भावना बढि हुन्छ !

‘मिस यु’, ‘काठमाडौँ’, ‘आइ एम सरी’ लगायतका चलचित्र अब रिलिज हुने क्रममा छन् ! ‘मिस यु’ लगायतका केही चलचित्रका राम्रा प्रोमो र गितहरु युट्युबमा राखिएकाछन् । यी चलचित्रहरु राम्रो भएपनि मैले हलसम्म गएर यी चलचित्र हेर्ने सम्भावना एकदम न्युन छ ! कारण, मलाई लभस्टोरी हेर्न मन लाग्दैन ! ‘मिस यु’ लभस्टोरी जस्तो लाग्छ, पुरातन ढर्राबाट माथि उठेर चलचित्र निर्माण गरिएको दावी निर्माण टोलीले गरेकोछ, तर पनि मलाई यो चलचित्र हेर्न जाने जाँगर छैन, एउटै कारण मलाई लभस्टोरी मन पर्दैन ! आकाश अधिकारीको यो भन्दा पहिलेको चलचित्र ‘पन्छि’ हेरेको थिँए, अत मलाई “काठमाडौँ” हेर्न जान मन लागेको छैन ! सायद पछि राम्रो रिभ्यु आएछ भने हेर्न गइएला हैन भने, अहिलेलाई मेरो लिस्टमा यी चलचित्रहरु छैन !

मलाई लाग्छ चलचित्रको किसिम र चलचित्रको प्रोमोबाट नै नेपाली दर्शकहरुले चलचित्र हेर्न जाने/नजाने निर्णय गर्छन् ! अनि मलाई चाँही नेपालका चल्तिका भनिएका नायक/नायिकाको चलचित्र हेर्न जान मन लाग्दैन ! टिभीमा देखिन प्रोमोबाट पनि, मुलधारको प्रतिनिधित्व गरेर चलचित्र बनाइरहेकोछु भन्नेहरुको चलचित्र हेर्न हलसम्म जाँदिन ! जस्तो कि अहिले “बजार” नामक चलचित्र चलिरहेकोछ ! चलचित्रले राम्रो व्यापार गर्यो भनिएकोछ तर पनि मलाई उक्त चलचित्र हेर्न जानु छैन ! चलचित्रको पोस्टर, प्रोमोबाट नै म थाकिसकेकोछु, “बजार”बाट ! यति लामो ब्लग त लेखेँ तर पनि म किन नेपाली चलचित्र हेर्छु भन्ने कुरामा, म आफैँ प्रष्ट हुन सकिरहेको छैन !

Trailer of Nepali Movie Highway

सोपा, मेरो ट्विट र ट्रेन्डिङ टपिक

noreply@blogger.com (Aakar Anil) — Thu, 19 Jan 2012 17:06:18 PST

जनवरी १८ लाई इन्टरनेटमा कालो दिनको रुपमा मनाइएकोछ ! “पाइरेसी रोक्न” अर्थात “स्टप अनलाइन पाइरेसी” (Stop Online Piracy Act –SOPA) “सोपा” नामक विधेक अमेरिकी संसदले “पास” गर्न लागेका कारण, इन्टरनेटका हजारौँ साइटहरुले, “सोपा” को विरोध गर्दै उक्त दिनलाई कालो दिनको रुपमा मनाएका थिए ! विरोध स्वरुप विकिपेडिया, रेडिट, बोइबोइङ लगायतका साइटहरुले आफ्नो पेजलाई कालो बनाएका थिए भने अन्य हजारौँ साइटहरुले “स्टप सोपा” सहितका व्यानर आफ्नो साइटमा राखेका थिए !

इन्टरनेटका कारण गितसंगित, चलचित्र लगायतका कुराहरुको पाइरेसी बढिरहेको कुरामा दुइमत नहोला ! यसर्थ अमेरिकी सरकारले ल्याउन लागेको कुरा, “पाइरेसी” का विरुद्ध भनेकाले राम्रो झैँ देखिएपनि, यथार्थमा यो नियम लागु भएको खण्डमा प्राय सबै साइटहरु बन्द हुनेछन् ! साइटहरु बन्द भएको खण्डमा इन्टरनेट कस्तो हुन्छ भन्ने कुरा त, हिजो गरिएको “इन्टरनेट ब्ल्याकआउट” ले पनि प्रस्ट पारेकोछ ! खोजेका सबै कुराहरु पाइने, विकीपेडियाका पेजहरुमा हिजो केही भेटिँदैन थियो ! बोइङबोईङ नेट, वायर्ड म्यागजिनहरुमा लेखिएका कुराहरु पढ्न पाइएको थिएन ! सोपा लागु भएको खण्डमा, विकिपेडिया, फेसबुक, ट्विटर र युट्युब जस्ता साइटहरु पनि चल्न पाउनेछैनन् ! अत: यही सोपा/पिपा नामक विधेकहरुको विरोधमा विकीपेडिया लगायत सयौँ साइटहरुले हिजो विरोधस्वरुप इन्टरनेट ब्ल्याकआउट गरेका थिए ।

सोनी, सिबिएस र हलिउडका मनोरञ्जन उद्योग आदि केही कम्पनीहरु सोपाको पक्षमा रहेपनि गुगल, फेसबुक, ट्विटर, विकीपेडिया, रेडिट लगायतका ठूला टेक्नोलोजी कम्पनीहरु ‘सोपा’को विपक्षमा रहेकाछन् !

नेपाली समयअनुसार हिजो बिहान १०:४५ देखि इन्टरनेटमा “ब्ल्याक आउट” सुरुभएको थियो ! “इन्टरनेट ब्ल्याक आउट” हुँदा विकिपेडिया, गुगल कस्तो चाँही देखिँदोरै’छ भनेर जान्ने कौतुहलता थियो ! अत: आफ्नो घडिमा १०:४५ हुने बित्तिकै विकिपेडिया र गुगल हेरेँ ! विकिपेडियाको पेज कालो बनाइको रहेछ भने, गुगलले चैँ सर्चबक्स तल 'प्रयोग कर्तालाई सोपाको विपक्षमा साइन गर्न अनुरोध गरिएको रहेछ! आफ्नो ट्विटर चलाउने बानी भएका कारण तत्काल दुईवटा ट्विट गरेँ, पहिलो विकिपेडियाको बारेमा, दोस्रो गुगलको बारेमा !

ट्विट गरेर आफ्नै धुनमा काम गर्न लागेँ ! एकछिन पछि हेर्दा, मेरो ट्विटरक्लाइन्ट “सिल्भर बर्डमा” धेरै मेन्सनहरु देखाइरहेको थियो ! धेरै मेन्सन आएको देखेर चकित पर्दै मेन्सन हेरेँ, छक्क परेँ, गुगल बारेको मेरो ट्विट त धमाधम रिट्विट भइरहेको रहेछ । हेर्दा हेर्दै आधा घन्टा भित्र नै सय पटक भन्दा धेरै रिट्विट भयो, आफूलाई अचम्म पनि लाग्यो, खुशी पनि लाग्यो ! तत्काल केही साथिहरुलाई ट्विटरमा म्यासेज पनि पठाएँ ! आफू काममा व्यस्त भएँ, सिल्भरवर्डमा नोटिफिकेसनहरु आएको आएकै थियो !

Google suggest users to Tell Congress: "Please don't censor the web"! bit.ly/dbsyrl"End Piracy, Not Liberty"#SOPA #PIPA
— Aakar Anil (@aakarpost) January 18, 2012

अफिसबाट घर फर्कने बेला, आफ्नो ट्विट फेरि हेरेँ ! रिट्विट भइरहेको थियो, अचम्म मान्दै मनमनै खुशी हुँदै घर फर्केँ ! बाटोमा मोबाइलबाट पनि हेरेँ, यतिन्जेल “टप ट्विटस्”ले मेरो त्यो ट्विट ‘फेवरेट’ पनि गरिसकेको रहेछ ! ‘टप ट्विट्स’ ले फेवरेट गरेका कारण, ट्विट धेरै पटक रिट्विट भएको कुरामा त शंका रहेन ! अत: आफूलाई निकै नै खुशी लाग्यो, कहिलेकाँही हाम्रा कुरापनि ट्विटरमा परालको आगो झैँ सल्किँदा रहेछन् जस्तो लाग्यो !

सायद मेन्सन अस्ति आएको थियो तर दिउँसो मात्र एउटा मेन्सन हेर्दा थाहा पाएँ, मेरो उक्त ट्विट त ‘टप ट्विट’ नै भएको रहेछ ! अस्ति ‘इन्ड पाइरेसी’ (End Piracy) नामक शब्द विश्वभरी नै १६ घन्टाको लागि ट्विटरमा ट्रेन्डिङ भएको थियो, अनि आज थाहा भयो, उक्त ट्रेन्डिङ टपिकको लागि मेरो ट्विटले महत्वपुर्ण योगदान दिएको रहेछ ! आफ्नो ट्विटको कारण विश्वभरि ‘इन्ड पाइरेसी’ ट्रेन्डिङ टपिक रहेको थाहा पाउँदा खुशी नलाग्ने कुरै भएन, तपाई ट्विटर चलाउनुहुन्छ भने, ट्रेन्डिङ टपिक के हो भन्न बुझ्न धेरै गाह्रो छैन ! जुन कुरा ट्विटरमा धेरै पटक गरिन्छ, त्यही शब्द नै ट्विटरको ट्रेन्डिङ टपिक बन्छन् ! (‘ट्विटर’को आधिकारिक तथ्याकं नभइ ट्विटरकै ट्विटलाई लिएर अर्को साइटले दिएको तथ्यांकको आधारमा)

ट्विटर चलाउने क्रममा धेरै पटक विश्वमा ठूला ठूला घटनाहरु घटेकाछन् ! तर आफ्नै ट्विटले यति धेरै रिट्विट पाएको, ट्रेन्डिङ टपिक नै बनाएको भने, मेरो लागि पहिलो घटना थियो ! इन्टरनेटमा भएको ठूलो विरोध कार्यक्रमलाई आफ्नो ट्विटले त्यति धेरै रिट्विट पाउनुलाई, मैले सकरात्मक तरिकाले हेरेकोछु ! आज सोच्दा लाग्दैछ, हिजो सही समयमा, सही ट्विट गरेछु ! ट्विटर सही तरिकाले चलाएको खण्डमा, यस्ता कुराहरु पनि हुने रहेछन् भन्ने कुरा हिजोको घटनाले थाहा भयो ! आजलाई यत्ति, बाँकी ट्विटर अनुभवहरु अर्को ब्लगमा लेख्नेछु !

Bulbul : Episode - 125

noreply@blogger.com (Aakar Anil) — Wed, 18 Jan 2012 17:04:43 PST

Listen to Bulbul Episode-125

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-125

“सोपा”को विरोधमा विकीपेडिया बुधबार २४ घन्टाको लागि बन्द गरिने #SOPA

noreply@blogger.com (Aakar Anil) — Tue, 17 Jan 2012 19:05:05 PST

आफ्नो माग पुरा गराउन नेपाल बन्द, उपत्यका बन्द गर्ने गरिएको कुरा त हामीले देख्दै र भोग्दै आएकाछौँ ! अब “सोपा” [Stop Online Piracy Act (SOPA)] नामक विधेक अमेरिकी संसदले पास गर्न लागेका कारण, इन्टरनेटमा पनि आन्दोलन सुरु भएकोछ ! आन्दोलन स्वरुप “इन्टरनेट सेन्सरसिप” (SOPA/PIPA) को विरोध गर्दै ‘विकीपेडिया’ बुधबार (१८, जनवरी २०१२) १ दिनका लागि बन्द गरिने भएकोछ ! (हेर्नुस् English Wikipedia anti-SOPA blackout) नेपाली समय अनुसार आज दिउँसो १०:४५ बजे (05:00 UTC) देखि भोलि बिहिबार दिउँसो १०:४५ बजेसम्म २४ घन्टाको लागि साइट बन्द हुनेछ !

विकीमिडिया फाउन्डेसनका सहसंस्थापक जिम्मी वेल्सले ट्विटर मार्फत, “सोपा” को विरोधमा ‘विकिपेडिया’ को अंग्रेजी संस्करण २४ घन्टाका लागि संसारभर बन्द गरिने बताएकाहुन् । ट्विटमा ठट्यौलो पारामा विद्यार्थीहरुलाई गृहकार्य समयमै गरिहाल्नु भन्दै, “Student warning! Do your homework early. Wikipedia protesting bad law on Wednesday!” ट्विट गरेका थिए !

विरोधका लागि २४ घन्टाभर साइट डाउन गर्ने निर्णय प्रति ईन्टरनेटमा मिश्रित प्रतिक्रिया व्यक्त गरिएकोछ । विकीपेडियाको निर्णय मूर्खतापुर्ण रहेको, ट्विटरले जनाएकोछ! उता, गुगलका सर्च इन्जिनियरहरुले भने ‘सोपा’ को विरोधमा कसरी साइट डाउन गर्ने भन्ने आशय सहितका अपडेट गुगलप्लसमा राखिरहेकाछन् ! विकीमिडियाका सहसंस्थापक जिम्मी वेल्सले, साइट बन्द गर्ने निर्णयमा अरुहरुको पनि समर्थन रहेको जनाएकाछन् !

विकिपेडियाको यो कदममा, रेडइट, वर्डप्रेस, मोजिल्ला फाउन्डेसन आदिले पनि समर्थन गर्दै १ दिनका लागि “ब्ल्याक आउट” गर्ने भएकाछन् ! अत: आजको दिन केही कुरा खोज्नको लागि विकिपेडिया धाउँदै हुनुहुन्छ भने, तपाईले जानकारी होइन, बरु दु:ख चैँ पाउनुहुनेछ!

के इन्टरनेटमा भएका साइट बन्द गरेर, निकास निस्केला त? “सोपा” को विरोध गर्ने कि, साइट बन्द गर्नेहरुको बिरोध गर्ने, अलमलमा परियो ! हुन त, सोपा पनि पास भएमा भविष्यमा साइटहरु बन्द नै गरिनेछन्, अत: अहिले विरोध स्वरुप विकिपेडियाले चालेको कदमलाई नै समर्थन गर्नुपर्ने देख्छु !

Loot – Nepali Movie [Review] #Nepal #NepaliMovie

noreply@blogger.com (Aakar Anil) — Sun, 15 Jan 2012 17:58:32 PST

‘म सँग बैंक लुत्ने मास्तर प्लान छ’ – जब पनि आफ्नो लुटेरा समूह बनाउनको लागि हाकु काले ले नयाँ केटाहरु भेट्छ, उ यही संवाद दोहोर्याउँछ ! नेवारी लवजमा हाकुले यस्तै अन्य संवादहरु दोहोर्याउँदा हलमा हासोँ फैलिन्छ !

निश्चल बस्नेत निर्देशित नेपाली चलचित्र ‘लुट’ (Loot – A Nepali Movie) अहिले देशभरिका विभिन्न सहरहरुमा प्रदर्शन भइरहेको छ! “लुट”को कथा नौलो होइन ! कथा साधारणछ, हाकु काले नामक व्यक्तिले चाँडै धनि बन्ने सपना बुन्छ, र बैंक लुट्नको लागि अन्य सहयोगीहरु खोज्छ र एउटा लुटेरा समूह बनाउँछ ! आफ्नो योजनाअनुसार उसले ती चार पात्रहरुलाई बैंक लुट्न तयार पार्छ र बैंक लुट्न कसरी सफल हुन्छ भन्ने कुरा नै चलचित्र लुटको मुख्य कथासार हो । यही “बैंक लुट्ने” कथामा हलिउड र बलिउडमा दर्जनौँ चलचित्रहरु बनिसकेकाछन् तर पनि “लुट” ले आफ्नो छुट्टै छाप छोड्न सफल भएकोछ ! कथालाई मौलिक बनाइदिएकोछ !

कथा सामान्य भएपनि, चलचित्रको प्रस्तुतीका कारण चलचित्रले दर्शकहरुलाई सुरु देखि अन्त्य सम्म बाँधेर राख्न सफल भएकोछ ! चलचित्रमा हाकु (सौगात मल्ल), पेशाले भट्टि साहु हुन्छ, जो चाँडै पैसा कमाउनको लागि बैंक लुट्ने योजना बनाउँछ ! नेवारी लवजमा नेपाली बोल्ने, हाकु चलचित्रमा मज्जाले जमेकाछन् ! नरे बनेका कर्मा, पेशाले बाउन्सर हुन्छ र छिटो पैसा कमाउनकै लागि हाकुको बैंक लुट्ने योजनामा सामेल हुन्छ ! खत्री बनेका प्रतिक, ठमेलमा ड्रग र हतियार सप्लाइ गर्ने व्यक्ति हुन्छ ! बैंक योजनामा हाकुले, खत्रीलाई पनि सामेल गर्छ ! चलचित्रमा कहिँकहिँ खत्रीको अभिनयमा खोट लगाउने ठाउँ भेटिन्छ । गोपाल र पाण्डेको रोलमा क्रमश दयाहाङ राई र सुशिल छन् ! गोपाल वा “गोफ्ले” को रुपमा दयाहाङ जमेका छन्, उनका प्रत्येक संवाद रमाइला लाग्छन् ! उनको अभिनयमा कुनै खोट लगाउने ठाउँ छैन, सुशिल पनि आफ्नो रोलमा ठिकैछन् तर पनि उनले सुधार गर्नुपर्ने अझै ठाउँ भने छ ! पाण्डेको “गलफ्रेन्ड” को रुपमा “आयसा” अर्थात ऋचा शर्मा रहेकी छिन् ! ऋचाको अभिनय आफ्नो ठाउँमा ठिकै छ ! डान्सबारको एउटा गित “उध्रेको चोली”मा एकछिन सुस्मिता कार्की देखा पर्छिन् !

चलचित्र अभिनय, छायांकन, कथानक, निर्देशन सबै हिसाबले राम्रो छ ! साँच्चै भन्ने हो भने, मैले ती कुराहरुमा खोट लगाउने ठाउँ देखेको छैन ! रमाइला संवादहरुमा “समाजमा अपाच्य शब्द” राखिएको भनेर केहीले गुनासो गरेकाछन् तर मलाई लाग्छ संवादले हाम्रो आफ्नो वास्तविक धरातल देखाइदिएकोछ, यसअर्थमा संवाद कुनै पनि हिसावले वनावटि लाग्दैन ! चलचित्रमा अन्यकेही गितहरु विचविचमा व्याकग्राउन्डमा राखिएको भएपनि, “उध्रेको चोली” बाहेक अरुकुनै गित अहिले आफूलाई याद छैन !

नेपाली चलचित्रहरु विच प्रदर्शनको लागि अस्वस्थ प्रतिस्पर्धा चलिरहेको कारण, यो चलचित्रले यति नै व्यापार गर्ला, यति नै चल्ला त भन्न सकिन्न तर पनि समग्रमा भन्दा चलचित्र धेरै राम्रो बनेको छ ! चलचित्र भवनमा हिजो हामी चलचित्र हेर्न पुग्दा, हल खचाखच भरिएको थियो!

चलचित्र हेरिसकेपछि लाग्यो, यस्तो चलचित्र पनि नेपालीले बनाउन सक्दारै'छन् ! नेपाली चलचित्रमा नयाँपन केही छैन, नेपाली चलचित्र राम्रा हुँदैनन् भन्दै नेपाली चलचित्र हेर्नुभएको छैन भने पनि, “लुट” चाँहि एकपल्ट हेर्नै पर्छ भनेर सुझाउँछु !

Trailer of Nepali Film Loot

Loot–Nepali Movie Trailer

सोसल मिडियामा लुट

मैले हिजोपनि ट्विट गरेको थिँए, सायद यो नै पहिलो नेपाली चलचित्रहोला, जसको सोसलमिडियामा यतिधेरै कुराकानी भएकोछ ! ट्विटर, फेसबुक र ब्लगमा यही चलचित्र लुटको चर्चा भइरहेकोछ! हामीले फेसबुक र ट्विटरमा भएका कुराकानीहरु यहाँ समेट्ने प्रयास गरेका छौँ !

Movie: Loot (Nepali Movie)

Director: Nischal Basnet

Producer: Madhab Wagle, Narendra Maharjan

Starring: Saugat Malla, Karma, Dayahang Rai, Prateek Raj Neupane, Sushil Raj Pandey, Reecha Sharma, Srijana Subba, Sushma Karki

Rating: 4.5/5 (AakarPost’s Rating)

(हामीले फेसबुकको लिमिडेट पोष्ट पनि यहाँ नसोधिकनै प्रकाशन गरेकाछौँ, कसैलाई आपत्ति छ भने, खबर गर्नुहोला!)

Cross Post on Aakar Tech: Loot Gets Social Media Love #Loot #NepaliMovie #Nepal #SocialMedia

Bulbul : Episode - 124

noreply@blogger.com (Aakar Anil) — Wed, 11 Jan 2012 08:38:08 PST

Listen to Bulbul Episode-124

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-124

Wonderful Nepal [VIDEO]

noreply@blogger.com (Aakar Anil) — Thu, 05 Jan 2012 16:56:45 PST

Today, I came across an amazing & magical video called ‘A Brand New Nepal’ on YouTube. Video is awesome which describes Nepal as a land of hope, a dreamland to live in. Video incorporates many adventurous & historic moments that we are proud of.

Video was uploaded 2 days ago on YouTube and I hope this video will go viral on Facebook & Twitter across Nepali community. This video surely will give you a goosebumps. We’ve embedded that video below; watch it and if you like it, don’t forget to share it with your friends.

Wonderful Nepal, Natural Nepal, Adventurous Nepal

Wonderful Natural Nepal

Here’s another video about Mountain biking through the world’s deepest valley in the shadow of the world’s highest mountains in the Nepalese Himalayas.

Mountain bike tour in the Mustang region of Nepal

Below is the trailer of Spanish movie “Katmandu, a mirror in the sky” which was filmed in Nepal. The movie is about Laia and her trip to Katmandu, all the things she have done there and how she try to help the people around her.

Kathmandu – Spanish Movie Trailer

Trailer of Spanish Movie - Kathmandu

Bulbul : Episode - 123

noreply@blogger.com (Aakar Anil) — Wed, 04 Jan 2012 10:08:21 PST

Listen to Bulbul Episode-123

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-123

Bulbul : Episode - 122

noreply@blogger.com (Aakar Anil) — Wed, 04 Jan 2012 10:08:55 PST

Listen to Bulbul Episode-122

शुभ समय, शुभ पल, शुभ क्षण,शुभ सन्ध्या, शुभ रात्री !!! रात्री बसाइ को यो अर्को नयाँ अंक मा केही रात्री गन्थनको साथमा सुमधुर गजलहरु लिएर, सदा झैँ आज पनि प्रस्तोता अच्युत घिमिरे उपस्थित हुनुभएको छ ।

बुलबुल एउटा इरानी चरा हो । रात्रीको समयमा गाउँदै हिंड्‍ने यो चरा गजलको प्रतीक मानिन्छ । इरानदेखि नेपाल सम्मको यात्रा गरेकी बुलबुल, नेपालका लागि नौलो हैन । यो सर्वव्यापी छ । गजलका रागहरु जहाँ जहाँ अलापिन्छन्, त्यहीं त्यहीं यसको उपस्थिति रहन्छ ।

प्रेम, विरह, उत्साह, उमंग अनि थुप्रै मनका संवेगहरु बुलबुलले समेट्‍छ । बुलबुल सुन्न थालेपछि हामी सबै एउटा समूहमा समेटिन्छौं र बुलबुल भित्र आफैंले आफ्‍नो नाम दिन्छौं - बुलबुललियन । हामी यहाँ एकाकार भएर लाग्छौं, गजलको भावनात्मक सहवासमा । " एउटा प्रेमको बिरुवा हामी रोप्छौं.....युग युग सम्म लगाएर यो प्रीतलाई अमर गर्छौँ।"

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-122

रि-क्याप्चाको रोचक पक्ष [Use reCAPTCHA - Help Digitize Books]

noreply@blogger.com (Aakar Anil) — Tue, 27 Dec 2011 07:23:05 PST

क्याप्चा

“क्याप्चा”को बारेमा प्राय सबैले सुनेको हुनुपर्छ, धेरैपटक क्याप्चा “टाइप” पनि गर्नु भएकोहोला ! प्राय प्रयोगकर्तालाई क्याप्चा “टाइप” गर्न गाह्रो र झन्झटिलो लाग्छ । प्रयोगकर्तालाई झन्झटिलो लागेपनि सम्भावित ‘स्पाम’ प्रतिक्रिया, अपडेट आदिबाट बच्नको लागि साइट/ब्लगमा “क्याप्चा” प्रयोग गर्ने गरिन्छ । विकीपेडियाका अनुसार क्याप्चाले प्रयोगकर्ता मानव हो कि कम्प्युटर हो भनेर बताउँछ (A CAPTCHA is a program that can tell whether its user is a human or a computer) । क्याप्चामा लेखिएको अक्षर कम्प्युटर/रोबटले बुझ्न सक्दैन, क्याप्चामा लेखिएको अक्षर मानिसले मात्र पढ्नसक्छ !

रिक्याप्चा

“रिक्याप्चा” पनि क्याप्चा नै हो । क्याप्चाले जस्तै “रिक्याप्चा”ले पनि स्पामरहरुबाट साइटलाई जोगाउन सहयोग गर्छ । यसका अतिरिक्त “रिक्याप्चा”को माध्यमबाट इन्टरनेटमा साधारण तर ठूलो काम भइरहेको छ । सायद धेरैलाई थाहा नहुनसक्छ, रिक्याप्चाको माध्यमबाट हामीहरु विश्वका पुराना पत्रिका तथा कितावहरुलाई “डिजिटाइज” (डिजिटल बनाउनु) गरिरहेकाछौँ ।

रिक्याप्चाले साइटलाई “स्पाम”बाट जोगाउनुको साथै बर्षौँ पुराना किताब र पत्रिकाहरुलाई इन्टरनेटमा “डिजिटाइज” गर्न सहयोग गरिरहेकोछ । सन् २००९ मा गुगलले किनेको “रिक्याप्चा” सर्भिसले हाललाई विश्वको चर्चित अखबर न्युयोर्क टाइम्सका पुराना अंकहरु र गुगल बुक्सका किताबहरुलाई “डिजिटाइज” गरिरहेकोछ । रिक्याप्चाको रोचक पक्ष यो छ कि, विश्वभरी रहेका हामी प्रयोगकर्ताहरुले नजानिकनै वा भनौँ अन्जानमै न्युयोर्क टाइम्सको वर्षौँ पुराना अंकहरुलाई र गुगलबुक्सका कितावहरुलाई डिजिटाइज गरिरहेका छौँ ।

क्याप्चामा प्राय: एउटा शब्द राखिएको हुन्छ, कुनै साइटले आफ्नै क्याप्चा बनाउँछन् त कसैले अरुको क्याप्चा सर्भिस प्रयोग गर्छन् र यो पूर्णत साइटलाई “स्पामर”हरुबाट जोगाउनको लागि राखिन्छ ! तर रिक्याप्चामा भने दुईवटा शब्द हुन्छ, जसमा एउटा शब्द पुराना पुस्तकहरु र पत्रिकाहरुलाई ‘स्क्यान” गरेर लिइएको हुन्छ, जसको प्रमुख उद्देश्य हुन्छ साइटलाई स्पामरहरुबाट जोगाउनु अनि वर्षौँ पुराना किताबहरुलाई डिजिटाइज गरेर अनलाइनमा राख्नु । र एउटा शब्द चाँही क्याप्चाले आफ्नै “डाटावेस”बाट राख्नेगर्छ ।

स्क्यान गरेका किताब र पत्रिकाहरुलाई “अप्टिकल क्यारेटक्टर रिकग्निसन” (Optical Character Recognition – OCR) प्रविधिमार्फत शब्दमा परिणत गरिन्छन् ! तर सबै शब्दहरु OCR प्रविधीबाट पढ्न सकिँदैनन् अनि कम्प्युटरले पढ्न नसक्ने शब्दहरु या भनौँ त्यो शब्द जसलाई OCR प्रविधीमार्फत पढ्न सकिँदैन, ती शब्दहरुलाई तस्विरको रुपमा क्याप्चामा राखिन्छ । ओसीआर (OCR) प्रविधीमार्फत पढ्न नसकिएका शब्दहरु कम्प्युटरले स्वत थाहा पाउने भएका कारण, ती पढ्न गाह्रो भएका शब्दहरु स्वत “रिक्याप्चा”मा राखिन्छन् । सायद याद गर्नुभएको होला, फेसबुक, ट्विटर, वर्डप्रेस वा अन्य साइट जहाँ “रिक्याप्चा”को प्रयोग भएकोछ त्यहाँ देखिने शब्दहरु प्रस्ट हुँदैनन्, कहिलेकाँही रिक्याप्चा भर्नको लागि तपाईले सोचेरै टाइप गर्नुपर्ने अवस्था पनि आउँछ।

रिक्याप्चामा किताब तथा पत्रिकाबाट राखिएको शब्दहरु, प्रयोगकर्ताले ठिकसँग भरेका छन् कि छैनन् भन्ने काम चाँही रिक्याप्चामा भएको अर्को शब्दबाट छड्के चेकजाँच गर्ने गरिन्छ । मैले माथि नै भनिसकेँ रिक्याप्चामा दुईवटा शब्द हुन्छ, एउटा शब्द आफ्नै “डाटावेस”बाट राखिएको हुन्छ भने अर्को शब्द OCR प्रविधीमार्फत पढ्न नसकिएका शब्दहरु राखिएको हुन्छ । स्क्यान गरेर शब्दहरु राखिने कारण कहिलेकाँही रिक्याप्चामा चाइनिज/जापानिज शब्दहरु देखिन्छन् र हामी “रिक्याप्चा फेल” भनेर खुब हल्लाखल्ला गर्ने गर्छौँ ।

प्रयोगकर्ताहरुले रिक्याप्चामा भएका दुईवटै शब्द भर्नुपर्ने हुन्छ । कहिलेकाँही एउटा शब्दमात्रै ठिक लेखेपनि काम बन्ने गरेको देख्नुभएको होला, यसको मुलकारण भनेको रिक्याप्चालाई पहिले नै थाहा भएको शब्द हामीले सहीसँग टाइप गरेका हुन्छौँ, तर OCR बाट निकालिएको शब्दमा रहेको “अक्षर”बारे रिक्याप्चालाई ज्ञान हुँदैन । प्रयोगकर्ताले टाइप गरेको र रिक्याप्चालाई पहिले नै थाहा भएको शब्द मिलेपछि, रिक्याप्चाले अटोमेटिक रुपमा दोश्रो शब्द पनि सही रुपमा टाइप भएको होला भन्ने अनुमान गर्छ । तर धेरै प्रयोकर्ताहरुबाट आएको जवाफलाई मात्र रिक्याप्चाले सही मान्ने गर्छ, यसको अर्थ हुन्छ एउटै शब्दलाई धेरै प्रयोगकर्ताहरुले टाइप गर्ने गर्छन्, यदि सबै प्रयोगकर्ताहरुले रिक्याप्चाले दिएको शब्दमा अर्को शब्द पनि एउटै टाइप गरेका रहेछन् भने रिक्याप्चाले “शब्द” सही रहेछ भनेर निर्क्यौल गर्छ ।

(Here's how: Each new word that cannot be read correctly by OCR is given to a user in conjunction with another word for which the answer is already known. The user is then asked to read both words. If they solve the one for which the answer is known, the system assumes their answer is correct for the new one. The system then gives the new image to a number of other people to determine, with higher confidence, whether the original answer was correct. ~ Via Google Recaptha)

रिक्याप्चाले कसरी किताब र पत्रिकाहरुलाई डिजिटाइज गर्न सहयोग गरिरहेको छ, रिक्याप्चाले कसरी यो शब्द सही हो भनेर थाहा पाउँछ, भनेर मैल माथि लेखेका कुराहरु सायद बुझ्न अप्ठ्यारो लागिरहेको होला । तल हामीले टेडको एउटा भिडियो राखेका छौँ, यसबारे अधिक जानकारी राख्न चाहनुहुन्छ भने भिडियो हेर्नुहोस् !

Luis von Ahn: Massive-scale online collaboration

Further Reading:

reCAPTCHA: Stop Spam, Read Books

reCaptcha – Wikipedia

Anti-Spam Turing Test Is Really Global Human-Powered OCR System

Spam weapon helps preserve books

फेसबुक टाइमलाइन आइसक्यो, तपाईले एक्टिभेट गर्नु भयो त?

noreply@blogger.com (Aakar Anil) — Wed, 21 Dec 2011 17:20:00 PST

तीन महिना पहिले फेसबुकको ‘एफ एट’ (f8) ‘डेभ्लपर कन्फ्रेन्स’मा फेसबुकका सहसंस्थापक तथा कार्यकारी प्रमुख मार्क जकरवर्गले फेसबुक टाइमलाइन सार्वजनिक गरेका थिए ।

सानफ्रान्सिस्कोमा भएको कन्फ्रेन्समा, मार्क जकरवर्गले ‘फेसवुक प्रोफाइल’मा आमूल परिवर्तन गरिएको बताउँदै फेसबुकमा ‘टाइमलाइन’ भन्ने ‘फिचर’ थप गरिएको बताएका थिए । “डेभ्लपर”हरुको लागि मात्र उपलब्ध “टाइमलाइन” गत हप्ता देखि भने फेसबुकले सबै प्रयोगकर्ताको लागि उपलब्ध गराएकोछ ।

फेसबुक ‘टाइमलाइन’मा, तपाईले गरेका कामहरु, बिताएका पलहरु, कहाँ जानुभयो, के गर्नुभयो भन्ने कुरालाई समय क्रममा मिलाएर राखिएकोछ । समग्रमा भन्दा ‘टाइमलाइन’ले अब आफ्नो इतिहास बताउने छ ।

फेसबुकमा इतिहास भइसकेका हाम्रा फोटोहरु, स्टाटस अपडेटहरु र आफ्ना कार्यक्रमहरुलाई अब फेसबुकले ‘अटोमेटिक’ रुपमा ‘टाइमलाइन’ मा देखाउँछ । फेसबुक टाइमलाइनलाई आफ्नो ‘इतिहास’ वा आफ्नो ‘जिवनकथा’को रुपमा बुझ्न सकिन्छ । फेसबुकमा लेखिएका स्टाटसहरु हेर्न हामीसँग, ‘ओल्डर पोष्ट’ स्क्रोल गर्दै आफ्ना पुरानाकुराहरु हेर्नु बाहेक अन्य कुनै उपाय थिएन । अब त्यसको विकल्प को रुपमा ‘फेसबुक टाइमलाइन’ आएको छ, जसमा सम्पूर्ण कुराहरु सिनेमा जसरी छर्लङ्ग हेर्नमिल्छ ।

टाइमलाइन कसरी एक्टिभेट गर्ने?

फेसबुकले सबै प्रयोकर्ताको प्रोफाइल केही महिनाभित्रै टाइमलाइनमा परिवर्तन गर्दैछ । अत: ढिलो चाँडो तपाईले चाहे पनि नचाहे पनि फेसबुक टाइमलाइन चलाउन पाउनुहुनेछ । तपाईकोमा फेसबुक प्रोफाइलमा टाइमलाइन आइसकेको छैन भने टाइमलाइन एक्टिभेट गर्नको लागि https://www.facebook.com/timeline पेजमा जानुहोस् । त्यस पेजबाट एकै क्लिकमा तपाईले टाइमलाइन एक्टिभेट गर्न सक्नुहुन्छ ।

टाइमलाइन एक्टिभेट गरिसकेपछि आफ्नो प्रोफाइलमा “कभर फोटो” राख्न भने नबिर्सिनु होला । “कभर फोटो” प्रोफाइलको माथिल्लो भागमा रहेको हुन्छ । टाइमलाइन एक्टिभेट गर्दा, फेसबुकका धेरैजसो “प्राइभेसी सेटिङ”हरु परिवर्तन हुन्छ । अत: टाइमलाइन एक्टिभेट गरिसकेपछि आफ्नो आवश्यकता अनुसार “प्राइभेसी सेटिङ” मिलाउन नबिर्सिनुहोला ।

फेसबुकमा आकार

फेसबुकमा आकारपोष्ट

यो पनि - ट्वीटर अब नयाँ स्वरुपमा [The New Twitter]

Bulbul : Episode - 121

noreply@blogger.com (Aakar Anil) — Wed, 04 Jan 2012 10:09:39 PST

Listen to Bulbul Episode-121

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-121

D3 Animation Challenge Final on Thursday, Check Out Movie Promo Now [VIDEO]

noreply@blogger.com (Aakar Anil) — Tue, 20 Dec 2011 17:39:13 PST

Maya Animation Academy has organized short 3D movie Animation competition “One Film 3D Animation Challenge” for the first time in Nepal. Maya Animation Academy is going to screen top 8 movies at Kumari QFX this Thursday (22 Dec 2011) at 3pm.

Check out 3D Animated Nepali Movie Promo:

Knowledge

Sweet 16

The Tall Tale

Bad Day

No Light

Asha

Apotheosis

Seru

For More Information, check out एनिमेसन च्यालेन्जका अन्तिम प्रतिस्पर्धाका लागि मनोनयन सार्वजनिक [3D Animation Challenge]

एनिमेसन च्यालेन्जका अन्तिम प्रतिस्पर्धाका लागि मनोनयन सार्वजनिक [3D Animation Challenge]

noreply@blogger.com (Aakar Anil) — Wed, 14 Dec 2011 17:30:01 PST

माया एनिमेशन एकेडेमीको आयोजनामा नेपालमा पहिलो पटक हुन लागेको छोटो एनिमेटेड चलचित्रहरुको प्रतिस्पर्धा वान फिल्म थ्री-डी एनिमेसन च्यालेन्ज २०११ को तयारी अन्तिम चरणमा पुगेको छ।

कमलपोखरी स्थित कुमारी क्युएफएक्स सिनेमामा यहि डिसेम्बर २२ बिहिवारका दिन हुने उक्त समारोहका लागि ८ वटा एनिमेटेड चलचित्र बिच अन्तिम प्रतिस्पर्धा हुदैछ।

अन्तिम प्रतिस्पर्धाका लागि मनोनयनमा परेका ८ चलचित्र यस प्रकार छन्ः–

नलेज

निर्देशक : अंकित के.सी.

निर्माण संस्था : एडिएन

अवधि : ७ मिनेट ५० सेकेन्ड

छोटो एनिमेटेड चलचित्र ‘नलेज’ एक किशोरको पढ्ने चाह र उसको बाध्यताका कारण गर्नुपर्ने मजदुरीको कथा हो। आफू स्वयम गिटी कुट्ने बाल मजदुरका रुपमा काम गर्नु परेपनि अर्को बालकका निम्ती उसले गर्ने सहयोगलाई एनिमेशनको माध्यमबाट उतार्न खोजेको छन् निर्देशक अंकित के.सी. ले ‘नलेज’ मा। “बालबालिकाका निम्ति शिक्षा नै सबभन्दा महत्वपूर्ण कुरा हो” भन्ने सन्देशलाई प्रस्तुत गर्न खोजिएको छ ‘नलेज’ मा ।

सेरु

निर्देशक : दिपक लिम्बु

निर्माण संस्था : स्केप एनिमेशन स्टुडियो

अवधि : ७ मिनेट ७ सेकेन्ड

छोटो एनिमेटेड चलचित्र सेरु एउटा कुकुर र मान्छे विचको साँचो मित्रताको कथा हो। ‘सेरु’ र ‘फ्रिक’ दुई वास्तविक चरित्रको प्रतिनिधित्व गर्दै ति दुईको मित्रता र मायाको क्षणलाई एनिमेशनका माध्यमबाट पर्दामा उतार्ने प्रयास गरिएको छ ‘सेरू” मा ।

एनिमेशनमा चाहिने रोमान्चकतालाई मध्यनजर गर्दै निर्देशक लिम्बुले सेरुलाई शारिरीक रुपमा एक आम कुकुर भन्दा भिन्नको रुपमा प्रस्तुत गरेर दर्शकलाई एउटा भिन्न संसार देखाउने प्रयास गरेका छन् तर आम मानिसको दैनिकीको नजिक रहेर।

स्वीट सिक्स्टीन

निर्देशक : उज्ज्वल नन्द बज्राचार्य,

निर्माण संस्था : क्रियटिभ फ्याक्ट्री,

अवधि : ३ मिनेट ५५ सेकेन्ड

१६ घण्टे लोडसेडिङबाट मर्माहत जनतालाई स्विट १६ मार्फत् एउटा गुलियो ‘चास्नी’ पस्कने प्रयास गरेका छन् निर्देशक बज्राचार्यले यस छोटो एनिमेटेड चलचित्रमा । ‘लोडसेडिङको विकल्प के हुन सक्छ ? ‘यो पिरलोले मानिसलाई सपनामा समेत छोडदैन अनि विपनामा बढ्दो लोडसेडिङको अर्को ‘नयाँ तालिका’ यही यथार्थलाई हल्का र फरक ढङ्गले प्रस्तुत गर्ने प्रयास गरिएको छ ‘स्विट सिक्स्टीन’ मा ।

द टल टेल

निर्देशक : गो ! थ्री-डी

निर्माण संस्था : गो थि्रडि

अवधि : ५ मिनेट ३३ सेकेन्ड

छोटो एनिमेशन चलचित्र द टल टेल एउटा मुसा र कछुवाको चतुरताको कथा हो। जातक कथामा आधारित ‘द टल टेल’ मा एनिमेशन मार्फत दर्शकहरुलाई जनावरहरुको संसारमा डोर्‍याउने प्रयास गरिएको छ। एनिमेशन विधामा बिशेष महत्व राख्ने कलर, लाइटिङ्ग र सिन सेटपमा विशेष ध्यान दिएको यस चलचित्रमा “जस्तालाई त्यस्तै …..” भन्ने नेपाली उखान लाई दर्साउन खोजिएको छ ।

व्याड डे

निर्देशक : सुबिज्ञ रत्न तुलाधर

निर्माण संस्था : बिग फुट प्रोडक्सन

अवधि : ३ मिनेट २५ सेकेन्ड

कार्टुनिक क्यारेक्टर र कार्टुनिक प्रस्तुतिकरणका साथ छोटो एनिमेटेड चलचित्र ‘व्याड डे’ ले दर्शकलाई हास्य टुक्का प्रदान गर्ने प्रयास गरेका छ।

एक युवतीको युवक प्रतिको प्रेम, उक्त युवकको अर्की युवती प्रतिको लागव अनि ति युवती सितको ‘डेटिङ्ग’ मा घट्ने घटना ‘व्याड डे’ को मुल कथा हो। ‘व्याड डे‘ मा एक युवतीको प्रेमलाई वेवास्ता गर्दै अर्की युवतीलाई प्रभावित तुल्याउन ती युवकले गरेको प्रयासमा टिभी सपिङ्गको प्रसंगलाई रोचकतापुर्वक जोड्दै प्रस्तुत गरेको छन् निर्देशक तुलाधरले ।

नो लाइट

निर्देशक : शन्देस प्रधान

निर्माण संस्था : क्युरेन एनिमेशन स्टुडियो

अवधि : ७ मिनेट ५८ सेकेन्ड

लोड सेडिङ्गका कारण अस्तव्यस्त दैनिकी, लोडसेडिङ्गका कारण मानिसले आफ्नो कार्य तालिकामा मिलाउन खोजेको तारम्यता अनि यसका बावजुद आईपर्ने समस्यलाई चित्रण गरिएको छ छोटो एनिमेटेड चलचित्र ‘नो लाइट’ मा ।

लोडसेडिङ्ग तालिका अनुरुप मानिसहरुको जीवनयापनको प्रयासलाई निर्देशक प्रधानले ‘नो लाइट’ मा एनिमेशन मार्फत दर्शाउने प्रयास गरेका छन्। लोडसेडिङ्गको तालिका अनुरुपमा चल्न मानिसले जति नै जुक्ति निकालुन तर दैनिकी त कष्टकर नै छ यो कुरा दर्शाउन खोजेको छ नो लाइटमा एक युवकको एक दिनको दैनिकीबाट।

आशा

निर्देशक : प्रभाकर क्षेत्री

निर्माण संस्था : डण्डी बियो प्रोडक्सन

अवधि : ४ मिनेट ५१ सेकेन्ड

स्कुले केटी आशा को साहसको कथा हो प्रभाकर क्षेत्री निर्देशित छोटो एनिमेटेड चलचित्र ‘आशा’। तीन सय बर्ष अघि राजधानीका दरबार क्षेत्रहरुमा राखिएका ढुंगाका गरुड तथा सिंहहरूलाई त्यसबेला जसरी शैतानबाट दरबारलाई जोगाउन भनि थपना गरिएको थियो तीनै गरुड तथा सिंहले विध्वंस गर्दै गरेका एलियनबाट देशलाई जोगाएको काल्पनिक युद्ध कथा मार्फत निर्देशक क्षेत्रीले ‘आशा’ मा दर्शकहरूलाई नेपाली सम्पदा र संस्कृतिको अर्थ पनि बुझाउन खोजेका छन् ।

एपोथिसिस्

निर्देशक : पुजेश जोशी

निर्माण संस्था : फ्रयाक्टल

अवधि : ३ मिनेट १९ सेकेन्ड

एक आदिम शिकारीको आवारा तीरबाट शख्त घाइते योद्धाले मृत्युको मुखमा पुगेर मनन गर्ने आध्यात्मिक देवीकरणलाई साइकेडेलिक प्याटर्न, रंग संयोजन, ध्वनि र एनिमेशनको माध्यमबाट प्रस्तुत गरिएको छ छोटो एनिमेटेड चलचित्र ‘एपोथिसिस्’ मा । प्राचिन युनानी सभ्यताको एउटा पाटो ‘एपोथिसिस्’ निर्माणमा निर्देशक जोशीले एकदमै सादा मोडलिंग र दृश्य डिजाइनको साथ मिलाएर सीमित एनीमेशन दृष्टिकोण लागू गरेका छन् ।

Bulbul : Episode - 120

noreply@blogger.com (Aakar Anil) — Wed, 04 Jan 2012 09:09:23 PST

Listen to Bulbul Episode-120

प्राविधिक समस्याका कारण आजको बुलबुलमा ११२ औँ अंक को पुन:प्रशारण गरिएकोछ!

शुभ समय, शुभ पल, शुभ क्षण,शुभ सन्ध्या, शुभ रात्री !!! रात्री बसाइ को यो अर्को नयाँ अंक मा केही रात्री गन्थनको साथमा सुमधुर गजलहरु लिएर, सदा झैँ आज पनि प्रस्तोता अच्युत घिमिरे उपस्थित हुनुभएको छ ।

बुलबुल एउटा इरानी चरा हो । रात्रीको समयमा गाउँदै हिंड्‍ने यो चरा गजलको प्रतीक मानिन्छ । इरानदेखि नेपाल सम्मको यात्रा गरेकी बुलबुल, नेपालका लागि नौलो हैन । यो सर्वव्यापी छ । गजलका रागहरु जहाँ जहाँ अलापिन्छन्, त्यहीं त्यहीं यसको उपस्थिति रहन्छ ।

प्रेम, विरह, उत्साह, उमंग अनि थुप्रै मनका संवेगहरु बुलबुलले समेट्‍छ । बुलबुल सुन्न थालेपछि हामी सबै एउटा समूहमा समेटिन्छौं र बुलबुल भित्र आफैंले आफ्‍नो नाम दिन्छौं - बुलबुललियन । हामी यहाँ एकाकार भएर लाग्छौं, गजलको भावनात्मक सहवासमा । " एउटा प्रेमको बिरुवा हामी रोप्छौं.....युग युग सम्म लगाएर यो प्रीतलाई अमर गर्छौँ।"

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-120

नयाँ दिल्लीमा नेपाली नाटक “मृत्युमा पढ्नेहरु”

noreply@blogger.com (Aakar Anil) — Wed, 14 Dec 2011 06:29:31 PST

रियान इन्टरनेशनल स्कुल नयाँ दिल्लीको आयोजनामा भारतको नयाँ दिल्लीमा १०० भन्दा बढि स्कुलहरुको संलग्नतामा “विश्व हाम्रो खेल मैदान हो” भन्ने कार्यक्रम सम्पन्न भएको छ ।

नयाँ दिल्लीको मण्डि हाउस नजिकै एल.टि.जि. अडिटोरियममा केही दिन पहिले सम्पन्न भएको उक्त कार्यक्रममा नेपाल, भारत, अष्ट्रेलिया, क्यानडा, डेनमार्क, फिनल्याण्ड, लगायत २८ भन्दा धेरै देशहरुको सहभागिता रहेको थियो।

उक्त कार्यक्रममा नेपालको तर्फबाट “आइटा नेपाल”का अध्यक्ष राजन उप्रेतीव्दारा निर्देशित नाटक “मृत्युमा पढ्नेहरु” मञ्चन गरिएको थियो । उक्त नाटकमा “चेल्सी ड्रामा क्लब”का विद्यार्थीहरुले अभिनय गरेका थिए। भारत नेपाल अनलाइनका अनुसार “प्रदर्शनको क्रममा नेपाली नाटक ‘मृत्युमा पढ्नेहरु’ नाटकको प्रस्तुति देखि अन्त्य सम्म तालीको गडगडाहटले अडिटोरियम गुन्जायमान भएको थियो” ! भारतीयभुमिमा विश्व समुदायको विचमा नेपालको प्रस्तुतिलाई तालीको गडगडाहटले सम्मानित गरिँदा सहभागी कलाकारहरु हर्षविभोर भएकाथिए ।

सन् १९९५ देखि निर्देशकको रुपमा रङ्गमञ्चमा उपस्थिति जनाएका राजन उप्रेतीले झिन्तांग, समवेदना, लेखन, शहिद नं. २०६ र मृत्युमा पढ्नेहरु आदि नाटकहरु निर्देशन गरेकाछन् । निर्देशक उप्रेतीले सन् २००२ मा उत्कृष्ट निर्देशकको अवार्ड, सन् २००५ मा उत्कृष्ट कलाकारको अवार्ड तथा सन् २००६ मा उत्कृष्ट प्लेराईटको अवार्ड पाएका छन् ।

कार्यक्रममा नेपालको तर्फबाट सुप्रिमा भेले, एलिज पराजुली, सबिना खडका, बिजय सापकोटा, अंकित खडका, निर्मल अर्याल, अस्मिता देवकोटा, श्रुती पराजुली, पल्पसा श्रेष्ठ, सुब्रत सिटौला, घनश्याम न्यौपाने लगायतका कलाकारको सहभागिता रहेकोथियो ।

ट्वीटर अब नयाँ स्वरुपमा [The New Twitter]

noreply@blogger.com (Aakar Anil) — Fri, 09 Dec 2011 21:56:57 PST

माइक्रोब्लगिङ साइट ट्वीटर गत बिहीबार देखि नयाँ स्वरुपमा (New Twitter) आएकोछ । नयाँ आएको ट्वीटरको डिजाइनमा व्यापक परिवर्तन गरिएकोछ भने केही नयाँ “फिचर”हरु पनि थपिएकोछ। ट्वीटरको वेव भर्सन मात्र होइन, आइफओन (iPhone) र एन्ड्रोइड (Android) को लागि पनि नयाँ “ट्वीटर एप” (Twitter App) को निर्माण गरिएकोछ भने ट्वीटरले केही महिना पहिले किनेको “ट्वीटडेक” (TweetDeck) को डिजाइनमा पनि हेरफेर गरिएकोछ ।

ट्वीटर होमपेजमा देखिने होम (Home), प्रोफाइल (Profile), म्यासेज (Message) आदिलाई होम (Home), कनेक्ट (@Connect), डिस्कभर (#Discover) आदिले विस्थापित गरिदिएकाछन् भने म्यासेज (Direct Message) ड्रपडाउन मेनुमा गएर लुकेकोछ । ट्वीटरको वाँया तिर देखिने टाइमलाईन ट्वीटरको दाँया तिर सरेको छ ।

नयाँ ट्वीटरको माथिल्लो भागमा होम, कनेक्ट, डिस्कभर, सर्चबार, प्रोफाइल र ट्वीट बटन रहेकोछ । होमपेजको वायाँ साइडमा आफ्नो प्रोफाइल छ, जहाँबाट नयाँ ट्विट लेख्न सकिन्छ । त्यसको तल क-कसलाई फलो गर्ने भनेर ट्वीटरले सल्लाह दिन्छ । त्यसको तल भने, ट्वीटरको ट्रेन्डिङ टपिक रहेको छ ।

त्यस्तै ट्वीटरको दायाँ साइडमा आफ्नो टाइमलाइन देख्न सकिन्छ । डाइरेक्ट म्यासेज भने माथि मेनुबारको ड्रपडाउनमा सरेको छ । माथिको मेनुको ड्रापडाउनबाट आफ्नो प्रोफाइलमा जानसकिन्छ, त्यसको तल डाइरेक्ट म्यासेज (DM) रहेकोछ । ड्रपडाउनबाटै नयाँ आएको म्यासेजको बारेमा थाहापाउन सकिन्छ ! यसको अलावा लिस्ट, हेल्प, किबोर्ड सटकट, सेटिङ् र साइटनआउट पनि ड्रपडाउनमै रहेका छन् ।

प्रोफाइल पेजमा आफ्नो प्रोफाइल सबैभन्दा माथि देखाउँछ जहाँ आफूले गरेको ट्विट, फलोअर, फलोइङ आदिको जानकारी रहेकोछ भने त्यहिँबाटै आफ्नो प्रोफाइल सम्पादन (Edit) गर्न सकिन्छ । प्रोफाइलको वायाँ साइडमा रहेको मेनुबाट आफ्नो ट्वीट, फलोइङ, फलोअर, फेवरेट, लिस्ट र फोटो रहेकोछ, जहाँ क्लिक गरेर आफ्नो ट्विट, फलोअर, फोटो आदि हेर्ने सकिन्छ । पेजको दायाँ साइडमा आफूले गरेको ट्विटका साथै फलोअर, लिस्टआदि देख्न सकिन्छ ।

ट्वीटरमा ट्वीट गरिएको फोटो, भिडियो अब त्यही ट्वीटमै देखिन्छन्, यसभन्दा पहिले फोटो र भिडियो दायाँ साइडमा अलग्गै खुल्ने गर्थ्यो । साथै ट्विटरमा कुन ट्वीटको रिप्लाइमा लेखिएको ट्विट हो भन्ने कुरा पनि सहज रुपमा थाहा पाउन सकिन्छ । साइट र ब्लगमा कुनै ट्विट राख्ने हो भने, सिधै टाइमलाईनबाटै कोड कपी गरेर आफ्नो ब्लगमा उक्त ट्विट राख्न सकिन्छ ।

#NewTwitter has shortcut key as well. DM is in dropdown menu and shows notification for unread message. twitpic.com/7qpul6
— Aakar Anil (@aakarpost) December9, 2011

नयाँ ट्वीटरमा एक्टिभिटी भन्ने ट्याब हटाइएकोछ, त्यसको सट्टामा कनेक्ट भन्ने नयाँ ट्याब थपिएकोछ जसभित्र “इन्टर्याक्सन” र “मेन्सन” भन्ने मेनु ‘फिचर’ राखिएको छ । इन्टर्याक्सनमा आफ्नो ट्विट कसले रिट्विट गर्यो, कसले रिप्लाइ गर्यो, कसले फेवरेट गर्यो, कसले कसलाई फलो गर्यो भन्ने देख्न सकिन्छ ! त्यस्तै मेन्सनभित्र चाँही आफूलाई आएको मेन्सन देख्न सकिन्छ ।

डिस्कभर ट्याब भित्र भने अहिले भइरहेको कुराकानी, ट्रेन्डिङ टपिकमा भइरहेक कुराकानीहरु, ट्वीटर स्टोरीज (Twitter Stories) पढ्न सकिन्छ । ट्विट गरिएका लिंकहरुको स्टोरी यहाँ देख्न सकिन्छ !

अरुको प्रोफाइल भने माथि फोटोमा देखिए जस्तो देखिन्छ । कसैले आफूलाई फलो गरेको छ कि छैन भन्ने कुरा, प्रोफाइलमा लेखिएको हुन्छ । जस्तो कि माथि लेखिएकोछ, @HappyNepal FOLLOWS YOU ! कसैलाई मेन्सन गर्नुपर्दा प्रोफाइल तल रहेको बारबाट मेन्सन गरेर सिधै ट्विट गर्न सकिन्छ । तर डाइरेक्ट म्याजेस पठाउन भने, प्रोफाइलको दायाँ तिर रहेको प्रोफाइल आइकोनमा क्लिक गरेर ड्रपडाउन मेनुबाट पठाउन सकिन्छ !

नयाँ ट्वीटरले सबैतिरबाट राम्रो प्रतिक्रिया पाइरहेको छ। बिहीबार देखि नयाँ ट्वीटर आएको भएपनि, अहिले नै सबै प्रयोगकर्ताले प्रयोग गर्न भने पाउनेछैनन् । ट्वीटरले क्रमैसँगै आफ्ना सबै प्रयोगकर्तालाई यो नयाँ ट्वीटर उपलब्ध गराउने भएकोछ ।

Aaj Yo Kina (आज यो किन?)– Short Nepali Movie [VIDEO]

noreply@blogger.com (Aakar Anil) — Thu, 08 Dec 2011 08:22:51 PST

A group of Media studies students of Kathmandu University; Dhulikhel Kavre has released a short Nepali Movie “Aaj Yo Kina?” (आज यो किन?) Online. Starring Anish Regmi and Riju Shrestha, it‘s a short movie about HIV AIDS, directed by Samuel Chettri. I enjoyed this movie and loved Rubin Manadhar’s cinematography as well. I was amazed by Riju’s bold scene though its appreciable. :)

Actor: Anish Regmi and Riju Shrestha

Direction/Script: Samuel Chettri

Cinematography/Editing: Rubin Manandhar

Art Director/Lights: Ramita Maharjan

Watch Nepali Short Movie: Aaj Yo Kina (आज यो किन?)

Bulbul : Episode - 119

noreply@blogger.com (Aakar Anil) — Wed, 04 Jan 2012 10:10:12 PST

Listen to Bulbul Episode-119

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-119

आइटि मिट २०११ आजदेखि काठमाडौँ विश्वविद्यालय धुलिखेलमा सुरु [KU IT Meet 2011] #itmeet

noreply@blogger.com (Aakar Anil) — Sat, 03 Dec 2011 18:23:44 PST

काठमाडौँ विश्वविद्यालय कम्प्युटर क्लब (केयुसिसी) को आयोजनामा आज देखि २ दिन सम्म, काठमाडौँ विश्वविद्यालयमा ‘केयु आइटि मिट २०११’ सुरु हुँदैछ ।

विज्ञान तथा प्रविधि मन्त्री कल्पना धमलाले उद्घाटन गर्नहुने भनिएको कार्यक्रममा काठमाडौँ विश्वविद्यालयका उपकुलपति प्रोफेसर डा.सुरेशराज शर्मा, रजिष्ट्रार प्रोफेसर डा. भद्रमान तुलाधार का साथै, HLCIT, NITC आदिका प्रतिनिधि, स्कुलका डिनहरु, पत्रकारहरु तथा विद्यार्थीको उपस्थिति रहने बताइएको छ ।

उद्घाटन कार्यक्रम बिहान ९:३० बजे, सिभी रमन अडिटोरियम केयु धुलिखेलमा हुँदैछ ! सूचना तथा कम्प्युटर प्रविधि सँग सम्बन्धित सफ्टवेयर तथा हार्डवेयरको निर्माण तथा विकास गर्न विद्यार्थीहरुलाई तथा कलेजहरुलाई हौसला तथा प्रोत्साहन गर्न कार्यक्रम आयोजना गर्न लागिएको हो ।

स्थान: काठमाडौँ विश्वविद्यालय, धुलिखेल।
मिति: ४-५ डिसेम्बर २०११ ( १८- १९ मंसिर २०६८)
समय: बिहान ९ बजेदेखि बेलुका ४ बजेसम्म (दैनिक)

The transportation service is available at different stations at 7:45 AM:
1. Maharajgunj
2. Pulchowk
3. New Road
4. Koteshwor
The buses have IT MEET banner at the front face of it.

Bulbul : Episode - 118

noreply@blogger.com (Aakar Anil) — Wed, 04 Jan 2012 10:10:41 PST

Listen to Bulbul Episode-118

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-118

Kathmandu University Computer Club to Organize IT Meet 2011 [Dec 4-5]

noreply@blogger.com (Aakar Anil) — Tue, 29 Nov 2011 17:08:15 PST

Kathmandu University Computer Club (KUCC), a departmental club is organizing IT Meet 2011, on December 4 and 5, 2011 at Kathmandu University, Dhulikhel, Kavre.

It is aimed to promote interaction between students from various colleges of Nepal and between youth from various walks of life, says KUCC. The event will be beneficial for the students/youths in multiple of level. Firstly it will kick start the process of dialogue and interaction among youth that we believe lack in the social system of Nepal. A light will be cast on “Youth” a group neglected by mainstream and pushed into the darkness of solitude. Secondly it will pull students out of the boundary of academic books and lead to a platform where they can express themselves through their words, projects and talents.

It will also be a chance for students to enhance their communication skills, events managerial skills etc which will be valuable for students/youth in building their career and eventually building better life.

Organizers have anticipated to gather 15,000 people among which most of them will be students and general public from Colleges in and around Kathmandu Valley, Youth working in social sector, Media, ICT, Entrepreneurs and other walk of life. The event, however, will be open for all kinds of people.

The event will be conducted on 4^th to 5^th of December 2011. The event is divided mainly eleven categories:

1. Project Competition

i. Software Competition

ii. Hardware Competition/Demonstration

2. Business Incubation Workshop

3. Problem Solving Competition (Instant Programming)

4. IT Quiz

5. Googling

6. Designing

i. Web Designing

ii. Graphics

7. Insomnia

8. Gaming Competition

9. 3d – Science Movie Show

10. Talk Program on Free Topic(Expressive Program)

“IT Meet” is a yearly event organized by Kathmandu University Computer Club, a non-profit, independent Club organized by students of Department of Computer Science and Engineering at Kathmandu University. Celebrating its fourteen glorious years of success in the field of Information and Communication Technology, KUCC is grandly presenting KU IT MEET 2011.

Kathmandu University Computer Club IT Meet 2011

Date: December 4-5, 2011

Time: 9AM - 4PM

Venue: Kathmandu University, Dhulikhel, Kavre

Official Website: http://ku.edu.np/cse/itmeet/

Official Twitter: https://twitter.com/itmeet

RSVP on Facebook: https://www.facebook.com/events/245597428822817

फेसवुक डेस्कटप म्यासेन्जर परिक्षण गरिँदै [Facebook Testing Desktop Chat Client]

noreply@blogger.com (Aakar Anil) — Thu, 24 Nov 2011 17:07:18 PST

साथीहरु सँग फेसबुक च्याट गर्ने गर्नुभएकोछ भने, तपाईहरुको लागि खुशीको खबर छ, फेसबुकको आफ्नै डेस्कटप च्याट म्यासेन्जर [Facebook Desktop Chat Messenger] चाँडै आउँदैछ । टेकक्रन्चका अनुसार सोसल नेटवर्किङ साइट फेसबुकले केही दिन देखि सिमित व्यक्तिहरुलाई यो सुविधा परिक्षणको रुपमा उपलब्ध गराउँदै आएकोछ ।

हाललाई “विन्डोज सेभेन” मा परिक्षणको रुपमा ल्याइएको फेसबुक मेसेन्जरमा च्याटका अलवा, नोटिफिकेसन र टिकरफिडको पनि सुविधा रहेको छ । फेसबुकमा कसले के गर्यो भन्नेकुरा डेस्टकटपबाटै थाहा पाइनेछ । याहु म्यासेन्जर, विन्डोज लाइभ म्यासेन्जर आदि अन्य डेस्कटप क्लाइन्टहरु मार्फत फेसबुक च्याट गर्दै आएका प्रयोगकर्ताहरुका लागि फेसबुकले ल्याएको आफ्नै डेस्कटप म्यासेन्जरले कत्तिको मोहनी लाउने हो, त्यो चाँहि भविष्यले नै बताउला ।

डेस्कटप म्यासेन्जर डाउनलोड गर्ने कुनै पब्लिक लिंक नदिइ फेसबुकले यो सुविधा केही सिमित प्रयोगकर्ताहरुलाई उपलब्ध गराएको छ, तर फेसबुक हेल्प सेन्टरमा विन्डोज डेस्कटप म्यासेन्जरबारे उल्लेख गरिएकोछ । फेसबुकको होमपेजमा बेलाबेलामा आउने फेसबुकको सूचना पढ्दै गर्नुहोस्, सायद तपाईलाई पनि डेस्कटप म्यासेन्जर परिक्षण गर्ने अवसर मिल्न सक्छ । होमपेजमा तलको फोटोमा देखाइएको जस्तो सूचना देख्नुभयो भने, परिक्षण अवधिमै फेसबुक डेस्कटप च्याट म्यासेन्जरको प्रयोग गर्नसक्नुहुन्छ ।

“विन्डोज सेभेन”का लागि मात्र उपलब्ध रहेको फेसबुक च्याट म्यासेन्जरको परिक्षणले राम्रो नतिजा दिएको खण्डमा चाँडै नै म्यासेन्जर सबै प्रयोगकर्ता र सबै प्लाटफर्मको लागि उपलब्ध गराइनेछ ।

यो पनि -

अब स्काइपबाट सिधै फेसबुकमा कुरा गर्न सकिने [Call Facebook Friends From Skype]

फेसबुक फोन आउँदै [The Facebook Phone–Buffy]

तस्विर: टेकक्रन्च

जातीय संघीयता र प्रस्तावित अवध प्रदेश

noreply@blogger.com (Aakar Anil) — Wed, 23 Nov 2011 17:43:27 PST

विशेषज्ञ चयन गर्नुपर्ने समयमा नेपालका राजनीतिक दलहरुले विशेषज्ञताको अवमूल्यन गर्दै, नेतृत्वविहीन राज्य पुनर्संरचना आयोग गठन गरेर र जातीय आधारमा देशको विभाजन गर्ने छनक दिएकाछन् । राजनीतिक दलहरु जुनसुकै कुरामा पनि विशेषज्ञता भन्दा आफ्ना पार्टिका मान्छे परे कि परेनन् भन्ने सोच्छन् ।

आयोगको अध्यक्षमा प्रस्ताव गरिएको कुनैपनि नाममा सहमति जुटाउन नसक्नु बरु उल्टै अध्यक्षनै चाँहिदैन भन्दै तर्क दिँदै सम्बन्धित विज्ञ भन्दा पनि पार्टिका व्यक्तिहरु चयन गरेर हामी नेपालीहरुको भविष्यमा कुठाराघात गर्दैछन् भन्दा फरक नपर्ला ।

हिजोको अंकमा नागरिकका सम्पादक नारायण वाग्लेले लेख्नुभएको छ, यो राज्य पुनर्संरचना आयोग नभइ दलहरुको आयोग बन्न पुगेको छ !

“अध्यक्षमा प्रस्तावित नामबारे छलफल गर्दा 'जाति'लाई आधार बनाउनु सबभन्दा जातीय आग्रह भएको छ। विशेषज्ञलाई उसको क्षमता, दक्षता र निपुणता होइन, उसको जन्मसँग जोड्ने दृष्टिले संघीयताको अवधारणा नै पूर्वाग्रही हुने देखिएको छ। योग्यता संघीय नेपालमा स्वीकार्य हुन नसक्ने भान पैदा भएको छ। योग्यताको कदर नहुने समाज बनाउन दलहरू तल्लिन भएका छन्। उनीहरूले योग्य व्यक्ति छान्न नसक्ने आफ्नो अयोग्यता साबित त गरेका छन्, साथै योग्य व्यक्तिबाट लिन सक्ने योगदानबाट देशलाई वञ्चित पनि तुल्याएका छन्।”

नेपाल चार जात छत्तिस वर्णको साझा फुलबारी भनिन्छ ! अब साझा हैन सबैलाई आ-आफ्नै छुट्टै राज्य चाहिएकोछ, अझ त्यो पनि जातीयताको आधारमा । जातीयताको आधारमा संघियतामा जानु आफ्नै खुट्टामा बञ्चरो हान्नु हो, तर हाम्रो राजनीतिक दलहरुलाई आफूले कुर्सी पाउने भएपछि कुनै कुराको मतलब रहँदैन, जसरी हुन्छ कुर्सी पाउनुपर्यो । अनि कुर्सी जोगाउन कति सम्म गरिन्छ भन्ने कुरा त प्रधानमन्त्री डा बाबुराम भट्टराईले गठन गरेको मन्त्रीपरिषदबाट पनि स्पष्ट नै हुन्छ ।

जातीय आधारमा प्रस्ताव गरिएको पश्चिम तराईको लुम्विनी-अवध-थारुवान राज्यका बारेमा साथी संगेशले ब्लगमा हामी कसरी आफ्नो खुट्टामा आफैँ बञ्चरो हान्दैछौँ भनेर लेख्नुभएकोछ । नेपालको पश्चिम तराईमा अवध राज्यको माग राखिएकोछ या भनौँ प्रस्ताव गरिएकोछ । सायद धेरैलाई थाहा नहुन सक्छ, अहिलेको भारतको उत्तर प्रदेशलाई चारवटा प्रदेशमा विभाजन गर्ने विधयेक पास भएको छ, यद्दपी भारत सरकारले यसलाई पास गर्न भने बाँकी छ । सायद चाँडै नै उत्तर प्रदेश चारवटा साना प्रदेशमा विभाजन हुनेछ, अनि त्यहाँ पनि ‘अवध’ प्रदेश हुनेछ ।

नेपाल र भारतको सिमानामा दुवैतिर “अवध प्रदेश” स्थापना भएपछि के होला? दुवै देशको सिमानामा आपसमा ‘अवध’ – ‘अवध’ नाम गरेका राज्यहुनेछ, अनि ठूलो माछाले सानो माछालाई खाए झैँ अवधले अवधलाई खाने ठूलो शंकाछ । संगेशको तर्क छ, यदि कालान्तरमा या भनौँ २०-३० वर्षपछि दुवै अवध प्रदेशका जनताले अवध-अवध राज्यका हामी एक हौँ भन्ने माग राखे भने नेपालको भविष्य के होला?

नेपालमा प्रस्ताव गरिएको संघीय जातीय राज्यको बारेमा सोच्नुपर्ने अवस्था आएकोछ । जातीय आधारमा संघीय राज्य निर्माण गरे, कालान्तरमा नेपाल रहला वा नरहला भन्न कठिन छ । नेपाल र भारत दुवैतिर अवध हुनेगरि, राज्य निर्माण गर्न किन लागिपरेकाछन्, यसभित्र कस्को के स्वार्थ लुकेको छ भन्न कठिन छ तर पनि यसो भएको खण्डमा हाम्रो हार नै हुनेछ, अत: बेलैमा सबैलाई घच्घच्याउनुपर्ने भएकोछ । अवध प्रदेशबारे अझ धेरै जान्नको लागि संगेशको ब्लग State Of Awadh and future of Nepal and Utter Pradesh (India) हेर्नुहोला ।

हामी नेपाललाई जातीय आधारमा विभाजन गर्नुहुन्न भनेर पहिले देखि नै आफ्नो मत राख्दै आइरहेकाछौँ । अझ मलाई त नेपालमा संघीयता नै आवश्यक छैन जस्तो लाग्छ । मैले बुझ्न सकिरहेको छैन, किन हामी नेपाली भन्दा हामी मधेसी, हामी तामाङ, हामी थारु, हामी लिम्बु, हामी नेवार, हामी बाहुन, हामी क्षेत्री भनेर आफूलाई चिनाउन लागिपरेका छौँ ।

राज्य पुनर्संरचना आयोगमा विज्ञ भन्दा पनि दलहरुका व्यक्ति र जाति विशेषका व्यक्ति भएका कारण उनीहरुले देशलाई भौगोलिक आधारमा विभाजन गर्छन् भन्ने आश छैन, उनीहरु जतिसक्दो जातीयता थोपर्न चाहन्छन् आगामी चुनावमा आफ्नो कुर्सी सुरक्षित गर्न चाहन्छन् । हाम्रो धारणा भनेको, देश यदी संघियतामै जाने हो भने पनि भौगोलिक आधारमा विभाजन गरियोस्, बढि मा ५-६ वटा प्रदेशमात्र होस् । एउटै देश हुँदा त दिनैपिच्छे एक एक वा जिल्ला र अञ्चल बन्द गरेर जनजिवन प्रभावित बनाइरहेका हुन्छन् । जातियताको आधारमा राज्य गठन गर्दा भविष्यमा एउटा प्रदेशले अर्को प्रदेशलाई नाकाबन्दी नलाउला भन्न सकिँदैन ।

जातीय संघीयताको विरोधमा धेरै कुराहरु उठाइँदै आएकाछन् । केही वर्ष पहिलेको कान्तिपुरको अंकमा स्तम्भकार सौरभले लेख्नुभएकोथियो “आजका मेची र कोसी अञ्चल, सिक्किम र भावी गोर्खाल्यान्डलाई मिलाएर छुट्टै संघ बनाउने दूरकालीन योजनामा सिक्किमको पैसाले एक हदसम्म सफलता पायो । दायित्व सकिएपछिको पुरस्कार राजनीतिक नियुक्ति नै हो ।” राज्य पुनर्संरचना गर्ने नै भए हर्क गुरुङ जस्ता विज्ञले कोरेको खाका लागु गर्नुपर्छ भन्ने मत सौरभले राख्नुभएको थियो ।

उहाँ लेख्नुहुन्छ, “हर्क गुरुङले रेखा कोरेका २५ वटा इलाकामा बाँडिएको राज्य पुनर्संरचना कतै पनि साम्प्रदायिक देखा पर्दैन । यद्यपि राज्य पुनर्संरचनाको पहिलो अवधारणा भने सायद ३६ अञ्चलमा बाँड्ने भरतमणि शर्माको परिकल्पनाबाट नेपालमा सुरु हुन्छ । तर संयोग पक्कै होइन, कोर्नेल विश्वविद्यालय र फुलब्राइटसँग कुनै न कुनै रूपमा सम्बन्धितहरूले कोरेका नक्सामा पुनर्संयोजनको 'सर्जरी' होइन स्पष्ट 'बुचरी' देखिन्छ । येल्तसिन अवतारको नेपाली अवतरण स्पष्ट छ ।” जातीय आधारमा राज्य पुनर्संरचना भयो भने के हुन्छ भन्ने कुराको लागि सौरभको यो लेख साम्यवाद माने सम्प्रदायवाद पढ्न सुझाउछौँ ।

हामीले विगतमा प्रकाशित गरेका संघीयता (विशेषत तराई) सम्बन्धि लेखिएका ब्लगहरु पनि हेर्नसक्नुहुनेछ ।

a) Single Madhes State ?

b) धोति न टोपि

c) Inequality ???

d) A letter to a Nepali Pen Friend