Aakar Post

Highway’s Song ‘Paplu’ Released Online [Music Video]

noreply@blogger.com (Aakar Anil) — Thu, 31 May 2012 23:01:50 PDT

The most awaited Nepali Movie ‘Highway’ which is set to release on 20th July 2012 (साउन ५, २०६९) has released its song 'Laija Re Laija Re’ (Paplu) online.

Song ‘Paplu’ is shot on actress Reecha Sharma, who has played a role of bar dancer in the movie. Director Deepak Rauniyar said, “Clearly, It’s not an item song, though song was shot in the dance bar”. “There’s no song in the movie other than Paplu”, adds Rauniyar. “Story needs this song and it’s not an item song rather a dance number”, said Reecha Sharma in a television interview.

Watch Nepali Movie Highway’s Song ‘Paplu’

Vocal: SUBANI Moktan
Lyrics: BHUPENDRA Khadka
Music: MANOJ KC
Editor: LOKESH Bajracharya
Camera: JYOTI Keshar Simha
Director: DEEPAK Rauniyar

The first crowd funded Nepali movie ‘Highway’, which has been creating a buzz ever since it went into production was screened at one of the most prestigious film festival ‘Berlin Film Festival 2012’ on February. Directed by Deepak Rauniyar and produced by Dr. Sameer Mani Dixit, Dr. Lonim P Dixit. Joslyn Barnes and Danny Glover, the movie is believed to be another milestone in Nepali film industry.

सर्चमा देखिएका केही रमाइला दृश्यहरु [Nepal Funny Pictures in Search]

noreply@blogger.com (Aakar Anil) — Wed, 30 May 2012 19:20:38 PDT

हामीलाई अहिलेसम्म सबैभन्दा बढि पिरोलेको कुरा भनेको 'बन्द' नै होला । बन्द, हडताल या भनौँ आन्दोलनको प्रकोप हामीले धेरै झेलेका छौँ । अब संविधान बन्छ है, बन्छ है भनेका बेला, धमिलो पानीमा माछा मार्ने धेरै निस्किए । कोही अखण्ड र कोही बिखण्डको माग लिएर सडकमा ओर्लिए । जातीयताको नाममा ओर्लनेहरुले त केही सिमित नेताहरुको निर्देशनमा कसैलाई बजाउन बाँकी राखेनन् बन्दको निहुँमा ।

बन्द हाम्रो दिर्घरोग त बनिसकेकै छ, तर अब यो कुरा अफलाइन र सडकमा मात्र सिमित छैन । हिजोआज त बन्दको कुरा गर्यो भने नि रमाइला नतिजाहरु देखिन्छन् गुगलमा । एक पार्टिका अध्यक्षलाई ई-वे मै बिक्री गर्न राखिएको सन्दर्भमका आज गर्न लागेको बन्दको कुरा अलि असरदार नहुनसक्छ । जब जब बन्दको हल्ला चल्न थाल्छ तब सबैलाई कौतुहलता जाग्न थाल्छ, आज बन्द हो वा होइन भनेर । साँच्चै भन्ने हो भने, फेसबुक र ट्विटरमा त उक्त बिहान आज बन्द हो कि हैन भन्दैमा बित्छ । यही कुरा गुगलमा खोजेर हेर्नु भा'को छ? यदि आज बन्द हो भन्ने खोजेर हेर्नुभयो भने तपाईलाई गुगलले थर्काउने छ ।

गुगलमा "आज नेपाल बन्द हो?" भनेर सर्च गर्नुभयो भने, उत्तर आउँछ "नेपाल तेरो पाइन्टको जिपर हो र?" जेठ १४ भन्दा अघि दिनहुँ बन्द हुँदा, अनि सुदुरपश्चिम लगायत देशका अधिकांश भागहरुमा महिनौँ दिन बन्द हुँदा बन्द देखि रिस नउठ्ने को पो थियो होला र? कुरो जे सुकै होस्, बन्द हो भनेर गुगललाई सोधियो भने सिधा जवाफ दिँदैन है यसले ।

जेठ १४ मै संविधान जारी हुन्छ भन्दै, देशभरी विभिन्न जातजाती र संगठनको नाममा देशलाई बन्द गरियो । केहीलाई लुटियो, केहीलाई कुटियो, दिनुसम्म दुख दिइयो । तर पनि जेठ १४ मा संविधान जारी हुन सकेन । जेठ १४ अघि अब देशमा के होला भन्ने लाग्थ्यो भने, अब अहिले १४ आएर गइपनि सकेको छ । संविधान नबन्ने बाहेक अरु केही काम भएन । देशमा शान्ति छाएको छ भन्दा फरक पर्दैन । अब के हुन्छ भनेर नेतालाई सोध्नु भयो भने, संविधानसभाको फेरि चुनाव हुन्छ भन्लान कसैले । कसैले भन्लान् असंवैधानिक सरकारले असंवैधानिक चुनाव गराउन खोज्दैछ । कसैले भन्लान् अब आन्दोलनको आँधिबेहरी ल्याइन्छ, बन्द गरिन्छ । बन्दको कुरा गर्नेलाई चैँ भन्दिहालौँ, "नेपाल तेरो पाइन्टको जिपर हो र?", कहिले बन्द गर्ने केहिले खोल्नलाई ।

साँच्चै अब के होला भन्ने चिन्ता व्याप्त छ । आत्तिनुपर्दैन गुगलले सहज रुपमा यो समस्याको समाधान पनि गरिदिएको छ ।

हामी र हाम्रा नेताहरुले अर्कोलाई आक्षेप लाउनु परे भन्ने गरेका छौँ "हाम्रो सबैकुरा बाहिरि देशबाट निर्देशित छ" । अझ भनौँ गुगलले नि यही कुरालाई पुष्टि गर्छ । गुगलमा "अब के हुन्छ" भनेर सर्च गर्दा, "जयन्तलाई सोध्नुस" भन्ने जवाफ आउँछ । जयन्त को भनेर भनिरहनुपर्ने जरुरत त छैन होला । हामीले अफलाइन हैन, अनलाइन मै पनि कसैलाई अब के हुन्छ भनेर नसोध्दा उचित होला, किनकी जवाफ त यही नै हो ।

एक पार्टिका अध्यक्षलाई ई-वे नामक साइटमा कसैले बेच्न राखिदिएको रहेछ, जुँगा सहित पाइन्छ भनेर । त्यो कुरा चाँहि ब्लगमा नराखौँ जस्तो लाग्यो । कुरो रमाइलो छ, हेर्न मन लागेको खण्डमा 'ई-वे'मा गएर, आफैँले अन्दाज गरेर सर्च गर्नुस्, तपाई एकपटक मज्जाले हाँस्नुहुनेछ ।

पुनश्च: गुगल सर्च रिजल्टमा यसप्रकारको नतिजा देखिनुमा गुगलको कुनै किसिमको हात हुँदैन । वेवसाइट र ब्लगहरुमा लेखिएको लेखको 'शीर्षक' तथा 'शब्दहरु' मिल्न गएको खन्डमा मात्र सर्च रिजल्टमा यसप्रकारका नतिजा देख्न सकिन्छ । तपाईलाई पनि यस्तै अन्य केही रमाइला सर्चहरु थाहाछन् भने तलको कमेन्ट बक्समा प्रतिक्रिया जनाइदिनुहोला ।

Bulbul : Episode - 144

noreply@blogger.com (Aakar Anil) — Wed, 30 May 2012 09:19:21 PDT

Listen to Bulbul Episode-144

शुभ समय, शुभ पल, शुभ क्षण,शुभ सन्ध्या, शुभ रात्री !!! रात्री बसाइ को यो अर्को नयाँ अंक मा केही रात्री गन्थनको साथमा सुमधुर गजलहरु लिएर, सदा झैँ आज पनि प्रस्तोता अच्युत घिमिरे उपस्थित हुनुभएको छ ।

बुलबुल एउटा इरानी चरा हो । रात्रीको समयमा गाउँदै हिंड्‍ने यो चरा गजलको प्रतीक मानिन्छ । इरानदेखि नेपाल सम्मको यात्रा गरेकी बुलबुल, नेपालका लागि नौलो हैन । यो सर्वव्यापी छ । गजलका रागहरु जहाँ जहाँ अलापिन्छन्, त्यहीं त्यहीं यसको उपस्थिति रहन्छ ।

प्रेम, विरह, उत्साह, उमंग अनि थुप्रै मनका संवेगहरु बुलबुलले समेट्‍छ । बुलबुल सुन्न थालेपछि हामी सबै एउटा समूहमा समेटिन्छौं र बुलबुल भित्र आफैंले आफ्‍नो नाम दिन्छौं - बुलबुललियन । हामी यहाँ एकाकार भएर लाग्छौं, गजलको भावनात्मक सहवासमा । " एउटा प्रेमको बिरुवा हामी रोप्छौं.....युग युग सम्म लगाएर यो प्रीतलाई अमर गर्छौँ।"

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-144

संघियताबारे केहि नागरिकहरुको अपिल [Citizens Appeal about Federalism Nepal]

noreply@blogger.com (Aakar Anil) — Sun, 27 May 2012 00:03:01 PDT

एउटा इमेल-छलफल समूहमा प्रेषित यो अपिल प्रेषकको अनुमति सहित यहाँ जस्ताको त्यस्तै प्रकाशित गरिएको छ। हस्ताक्षकर्ताहरु मध्ये केहि व्यक्ति निकै चर्चित अनुहारहरु छन्।

Captain Vijaya Lama

भट्टराई गठबन्धन-सरकारका पक्षधरहरुले प्रचार गर्नेजस्तो उनीहरुको विचारसँग सहमत नहुने सबै संघियताका विरोधी होइनन् र सबै त्यस्ता मानिसहरु उनीहरुले नै भन्ने गरेजस्तो शोषकहरु पनि होइनन् भन्ने कुराको यो एक प्रमाण हो। हुन त यस्ता धेरै प्रमाणहरु पहिल्यै उपलब्ध छन्, तर झुठको व्यापारलाई ती कुराहरुबाट खासै फरक पर्दैन।

सबैलाई यी विचारहरु पुन:प्रकाशन गर्न अनुरोध छ । ट्विटर, फेसबुक वा ब्लगहरु मार्फत सक्दो सेयर गरौँ। धन्यवाद ।

जरुरी नागरिक अपिल,१४ जेठ २०६९

“संबिधानसभाले संघियताको परिभाषा अहिले नगरोस"

संबिधानसभामा संघियताको परिभाषा गर्ने कार्य ४/४ वर्षसम्म अगाडी नबढेको संदर्भमा अंतिम घडीमा आएर अस्वस्थ बन्दै गएको हामी नागरिकले पाएका छौं । यसले नेपालका समुदायहरु बिचको सौहार्दता तथा सुसम्बन्धमा असर पर्ने, अंतरजातीय सदभाव खल्बलिने तथा नेपालको आर्थिक अग्रगमन र समाजिक बिकासमा धक्का लाग्ने हुंदा हामीले यो बक्तब्यको साथ सुझाब पेश गरेका छौं ।

हामी नेपालका समुदायहरु बिचको सौहर्दता तथा सुसम्बन्धमा असर नपर्ने, अंतरजातीय सदभाव नखल्बलिने गरेर कार्यान्वयन गरिने संघियता तथा राज्य पुनःसंरचनाका पक्षधर हौं । हाम्रो मुलुकको सामुदायिक बिबिधता, बसोबासको इतिहास तथा भौगोलिक उत्कृष्टताको आधारमा बन्ने संघियताको परिभाषाले एकार्तफ हरेक समुदायको पहिचानलाई सुरक्षित गर्नेछ भने अर्कोतर्फ मुलुकको हरेक भागमा आर्थिक समृद्धिको ढोका खोली दिन्छ । यसको लागि हिमाल-पहाड़-तराई/मधेशको भाग्यरेखा कोर्ने क्षमता भएको जलश्रोत लगायतका प्राकृतिक श्रोतको नेपालको हितमा अत्यधिक दोहनमा अवरोध नआउने गरेर प्रान्तहरुको निर्माण गर्ने पक्षमा हामी छौं ।

हाम्रो यो पनि बिचार छ कि संघियताको परिभाषा मानविय सम्बेदंशीलताका साथ तथा समाजशास्त्रीय सोच सहित गरिनु पर्छ, ताकी हरेक सिमांतकृत समुदायको पहिचान तथा समृद्धिको लागी यसले आधार बनाओस । संघियताले केहीलाई राम्रो गर्दा कुनै अरु समुदाय या जात/जातीको स्वाभिमान तथा अर्थिक-सामाजिक अवस्थामा धक्का नलागोस भनेर सबै सर्तक हुनुर्पदछ । विशेष गरी नेपालमा बिद्यमान ११८ समुदाय मध्ये १० वटा समुदायलाई उच्चतम स्थान दिएर प्रान्तहरु खडा गर्दा बांकि १०० भन्दा बढी समुदायहरुले बहिस्कृत, सीमान्तकृत तथा पाखापारिएको महशूस गर्न सक्छन् र सदभाव बिथोलिने सम्भावना उच्च हुन्छ ।

संघियताबारे संबिधानसभाभित्र पर्याप्त बहस नभएको प्रस्ट छ । यस्तो महत्वपूर्ण बिषयमा आम जनतामाझ पनि खुला र ब्यापक छलफल हुन पाएको छैन । संबिधानसभाको आयुको अंतिम घडीमा पनि धेरै सिमांतकृत र अल्पसंख्यक समुदायहरुको आवाज उठ्नसकेको छैन । यस अर्थमा संबिधानसभा भित्र र बाहिर संघियताको बहस अर्पूण रह्यो, र यसलाई पूर्णता नदिईकन संघियताको परिभाषा पारित गर्नु हुँदैन ।

हामी निम्नलिखित नागरिकहरुको सुझाब छ कि प्रान्तहरुको सीमांकन तथा नामांकन जस्ता जटिल र समबेदंशील विषयमा आज १४ जेठ २०६९ को अंतिम दिन संबिधानसभाले निर्णय लिनु उचित हुँदैन । संघितायाको परिभाषा गर्ने कामको लागी उचित र अधिकारसंपन्न ब्यवस्थाको लागी र्निणय लिनु बुद्धिमानी हुनेछ ।

संबिधानमा लेखीने संघियताको खाकाले सींगो देशलाई समृद्ध र सम्पन्न बनाओस ।

दस्तखतकर्ताहरुः

बिजयमान शेरचन
राजेश विश्वकर्मा
निम बहादुर बुढाथोकी मगर
क्याप्टेन बिजय लामा
डा. गणेश गुरुंग
रत्न संसार श्रेष्ठ

(Re-blogged from Ushaft Image: NepaliTimes)

हिमाल खबर डटकम अनलाइन न्युज पोर्टल फेरि सञ्चालनमा [Himal Khabar Launches Daily Online News Portal]

noreply@blogger.com (Aakar Anil) — Wed, 23 May 2012 19:10:19 PDT

दुई दुई पटक सञ्चालन भएर रोकिएको हिमालखबर मिडियाको अनलाइन न्युज पोर्टल "हिमाल खबर डटकम" जेठ १० गते देखि फेरि सञ्चालनमा आएको छ ।

केही दिन पहिले फेसबुक मार्फत, हिमालखबर दैनिक रुपमा निरन्तर प्रकाशित हुने घोषणा गरिएकोथियो । यही कुरालाई अनुमान गर्दै, धेरैले हिमालखबर पत्रिका पाक्षिकबाट दैनिक भएको भनेर चर्चा गरेका थिए । नागरिक, रिपब्लिकाका सम्पादकको राजिनामा भएकै दिन, हिमालखबरको दैनिक खबर पस्किने सूचना फेसबुकमा आएको, कारणले पनि अधिकांशले यसलाई आ-आफ्नै रुपमा बुझेका थिए । तर बजारमा चलेको जस्तो हिमालखबर, दैनिक पत्रिकाको रुपमा नभइ, अनलाइनमा चाँहि दैनिक रुपमा आएको छ ।

पश्चिमी देशमा पत्रिकाहरु इन्टरनेट (अनलाइन पोर्टल) व्दारा विस्थापित हुँदै गएको सन्दर्भमा, यसलाई नेपालमा पनि सकरात्मक रुपमै हेर्नुपर्छ भन्ने लाग्छ । हिमालखबरले इन्टरनेट संस्करणलाई आफ्नो प्राथमिकतामा राख्नु र हिमाल खबरपत्रिकाको समाचार कक्षबाटै सञ्चालन हुनुले हिमाल खबर अन्य समाचार पोर्टल भन्दा पृथकहुने अनुमान गरेकोछु । नागरिक, ईकान्तिपुर, कारोबार आदि समाचार पोर्टल सञ्चालनमा आएपनि, समाचार बाहेक, लेख र विचारहरु सबै पत्रिकामा प्रकाशित भएका कुराहरु मात्र ती पोर्टलहरुमा प्रकाशित हुने गरेकाछन् । पत्रिकामा प्रकाशित समाचार र लेखहरु मात्र पस्किने समाचार पोर्टलहरु बिच हिमालखबरको पोर्टलले नेपालमा एउटा नयाँ सम्भावनाको ढोका खोलेकोछ । नेपालमा नेपाली टाइम्स, टेलिग्राफ नेपाल, अनलाइन खबर आदि लगायतका अन्य पोर्टलहरु नभएका होइनन् तर पनि इन्टरनेमा गतिलो नेपाली समाचार पोर्टलको खाँचो थियो र यो आवश्यकतालाई हिमालखबरले पुरा गर्छ भन्ने आशा छ । साँच्चै भन्ने हो भने, बिबिसी, सिएएनको शैलीमा हिमालखबरले अनलाइन न्युज पोर्टलमा आफ्नो उपस्थिति जनाउने हो भने, हिमालखबर डटकमले नेपालमा एउटा नयाँ ट्रेन्ड सेट गर्ने विश्वास छ ।

नेपालमा इन्टरनेटको प्रभाव विस्तार भएको उल्लेख गर्दै हिमालखबरको जेठ १० को सम्पादकीयमा लेखिएकोछ, "राज्यव्यवस्था, शासकीय प्रणाली र न्यायिक संरचना आदि विषयमा नेपाली राजनीतिका लागि सहयोगी हुने अपेक्षासहित हिमाल मिडियाले देशभित्र मात्रै झण्डै ४४ लाख प्रयोगकर्ता रहेको इन्टरनेट सञ्जालमा पुनः प्रवेश गरेको हो । करीब १६ लाखको हाराहारीमा पुगेको फेसबुक प्रयोगकर्ता नेपालीहरूबाटै समाजसेवाको क्षेत्रमा अनेकन् कोसेढुंगा खडा भइरहेको सन्दर्भमा हिमाल खबर डट कममार्फत् खबर, विचार र विश्लेषणको निरन्तर प्रवाहले नेपाली राजनीतिमा सहयोग पुग्ने निश्चित छ ।"

हिमाल खबरपत्रिका को समाचार कक्षबाटै सञ्चालित हुने यो पोर्टललाई डम्बरकृष्ण श्रेष्ठको संयोजन गरेकाछन् । हिमालखबरडटकमले नेपाली समाचार पोर्टलहरुको बिचमा आफ्नो विशिष्ट छाप छोड्न सकोस्, शुभकामना ।

Bulbul : Episode - 143

noreply@blogger.com (Aakar Anil) — Wed, 30 May 2012 07:11:43 PDT

Listen to Bulbul Episode-143

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-143

भारतमा साइट ब्लक गरिँदा, नेपालमा पनि साइट ब्लक [File Sharing Sites Blocked in Nepal]

noreply@blogger.com (Aakar Anil) — Fri, 18 May 2012 18:27:56 PDT

भारतको सर्वोच्च अदालतको आदेश अनुसार भारतका इन्टरनेट प्रदायक संस्थाहरु (ISP) ले फाइल सेयरिङ साइटहरु, टोरेन्ट, भिडियो साइटहरु तथा अन्य उपयोगी साइटहरुलाई ब्लक गरेकाछन् । आइसोहन्ट (Isohunt), पाइरेट वे (thepiratebay), किकएसटोरेन्ट (kickasstorrent) लगायतका टोरेन्ट साइटहरु तथा भिमियो (Vimeo) र डेलिमोसन (DailyMotion) जस्ता भिडियो सेयरिङ साइटका साथै पेस्टविन (Pastebin), एक्समार्क्स (Xmarks) जस्ता साइटहरुले 'पाइरेसी'लाई बढावा दिएको भन्दै उक्त साइटहरुलाई 'ब्लक' गर्न भारतको सर्वोच्च अदालतले 'आइएसपी'हरुलाई आदेश दिएको थियो । आदेश लगत्तै रिलायन्स, एयरटेल लगायत भारतिय इन्टरनेट प्रदायक संस्थाहरुले उक्त साइटहरु भारतमा ब्लक गरेकाछन्, तर त्यसैको असर स्वरुप नेपालका पनि केही आइएसपीहरुका प्रयोगकर्ताहरुले उक्त सेन्सरसिप सहन गर्नु परेको छ ।

भारतीय इन्टरनेट प्रदायक संस्थाहरुले साइट ब्लक गर्दा, नेपालमा पनि ती साइटहरु ब्लक हुन पुगेकाछन् । पेस्टविन, पाइरेट वे जस्ता साइटहरु नेपालका अधिकांश आइएसपीहरुबाट नखुल्ने भएकोछ, त्यसको सट्टा "अदालतको आदेश अनुसार साइट ब्लक गरिएकोछ" (Access to this site has been blocked as per Court Orders) भन्ने व्यहोराको म्यासेज पढ्नुपरेकोछ ।भारतमा लागु गरिएको सेन्सरसिप, हामीले पनि सहनुपरेको छ । भारतको अदालतको आदेश हामीले पालन गर्नुपर्दा र विनाकारण सेन्सरसिप सहनुपर्दा, एउटा स्वतन्त्र देशको नागरिकको लागि यो भन्दा ठूलो दुर्भाग्य अरु के हुन्छ होला? (नेपाल र नेपालीको पहिचान खोज्नुपर्नेबेलामा, जात र जातीको पहिचान खोजेर बसेका छौँ, त्यो अर्कै बहसको विषय होला।)

ट्विटरमा साथीहरु सँग छलफल गर्दा, वेवसर्फर, एनसेल, वल्डलिंक लगायतका ग्राहकहरुले भारतको अघोषित वेव सेन्सरसिप नेपालमा पनि सहनुपरेको छ । भारतले ब्लक गरेका साइटहरु नेपालमा ती आइएसपीहरुबाट खोल्दा "अदालतको आदेश अनुसार साइट ब्लक गरिएकोछ" (Access to this site has been blocked as per Court Orders) भन्ने व्यहोराको म्यासेज देखिन्छ । केही साथीहरुले एनटीसीको एडिएसलमा पनि केही साइटहरु ब्लक भएको गुनासो गर्नुभएकोछ । हाम्रो जानकारी अनुसार ब्रोडलिंक र सुविसुका ग्राहकहरुले सेन्सरसिपको सामना गर्नुपरेको छैन ।

भारतमा साइट ब्लक गरिँदा नेपालमा कसरी ब्लक भयो?

नेपालका प्राय: इन्टरनेट सेवा प्रदायकहरु जस्तो वल्डलिंक, वेवसर्फर, एनसेल आदिले अन्तराष्ट्रिय व्यान्डविथको लागि एयरटेल, रिलायन्स, टाटा लगायतका गेटवे प्रयोग गरेकाछन् । अत जब कसैले नेपालबाट यी माथि भनिएका आइएसपीमार्फत सर्भरमा रिक्वेष्ट पठाउँछन्, त्यो रिक्वेष्ट एयरटेल, रिलायन्स सम्म पुगेपछि ब्लक हुन्छ, अर्थात तोकिएको ठाउँमा रिक्वेष्ट जाँदैन र हामीले साइट ब्लक गरिएको व्यहोराको सूचना पढ्छौँ । जस्तो कि, मैले एनसेल मार्फत पेष्टविन खोल्न खोज्छु भने, मेरो रिक्वेष्ट एनसेल हुँदै, एयरटेलसम्म पुग्छ तर त्यहाँबाट अघि बढ्न सक्दैन । कहिलेकाँही झूक्किएर साइटमा पुगियो भने बुझे हुन्छ, कुनै अर्कै गेटवेबाट हामी भित्र छिरेका छौँ। एनसेल मात्र होइन, भारतिय गेटवे प्रयोग गर्ने अधिकांश नेपाली आइएसपीहरुमा माथि उल्लेख गरिएका साइटहरु ब्लक भएका छन् ।

फेरि पनि भन्छु सबैभन्दा विडम्वना चाँही भारतको कानुन अनुसार हामी पनि चल्नुपर्ने भयो । भारतको सर्वोच्च अदालतको आदेश मान्दै हाम्रोमा पनि अघोषित रुपमा साइट ब्लक भयो । नेपालमा साइट ब्लक भएको २ दिन भइसकेको छ, तर नेपाली आइएसपीहरुले यस विषयमा कुनै कदम चालेको वा नचालेको थाहा हुन सकेको छैन । यो विषयमा नेपाली आइएसपीहरु पनि जिम्मेवारछन् जस्तो लाग्छ । भारतिय आइएसपीहरु सँग, नेपाली कम्पनीहरुको कस्तो सम्झौता छ त थाहा छैन तर उताको आदेशले यता साइट ब्लक हुनु अत्यन्तै लज्जाजनक र आपत्तिजनक छ । यो विषयमा बोल्ने को ? प्रोक्सीबाट साइटहरु खोल्न सकिन्छ, तर यहाँ त प्रोक्सीको कुरा भन्दा पनि हामीहरुको स्वाभिमान र हाम्रो अधिकारको कुरो आयो । नेपाली आइएसपीहरुले यो विषयमा भारतिय कम्पनीहरु सँग छलफल गरेर, चाँडो भन्दा चाँडो निकास निकाल्न जरुरी छ । हैन, इन्टरनेटमा पनि भारतले जे गर्छ, त्यही सहनुपर्ने हो भने, यो हाम्रोलागि साह्रै पिडादायक क्षण हो । यी वल्डलिंक, वेवसर्फर, एनसेल लगायतका आइएसपीहरुले पनि सुविसु आदिका झैँ तेस्रो मुलुकका इन्टरनेट प्रदायक कम्पनीहरुसँगबाट ब्यान्डविथ लिनुपर्ने जरुरी देखिएकोछ । पैसा लिने तर सर्भिस दिन चाँही लापरवाही गर्न पाइँदैन, कम्पनीहरुले आफ्ना ग्राहकका बारेमा सोच्नु जरुरी छ ।

नेप्सेमा सेयर कारोबार हुनसकेन; नेप्सेको साइटमा ह्याकरहरुको आक्रमण [Anonymous Attacks Nepal Stock Exchange Site]

noreply@blogger.com (Aakar Anil) — Thu, 17 May 2012 07:16:48 PDT

केही दिन यता नेपाल स्टक एक्सचेन्ज (नेप्से)को साइटमार्फत सेयर कारोबार हुन सकेको छैन । कान्तिपुरका अनुसार नेप्सले आफ्नो सर्भरमा खराबी आउँदा कारोबार हुन नसकेको जनाएकोछ । समाचार अनुसार, बुधबारको दिन नेपाल स्टक एक्सचेन्ज (नेप्से) को सर्भरमा देखिएको समस्या र सर्किट ब्रेकरका कारण सेयरलगानीकर्ताले २० मिनेट मात्र कारोबार गर्न पाएका थिए ।

नेप्सेले सर्भरमा खराबी आएको बताइरहँदा आफूलाई ‘ह्याक्टिभिष्ट’ (Hacktivist) भनेर चिनाउने अज्ञात ह्याकर (Anonymous Hackers) हरुको समूहले भने, नेप्सेको साइटलाई आफूहरुले आक्रमण गरेको दावी गरेकाछन् । पेस्टविनमा जारी गरिएको विज्ञप्तिमा आफूहरुले ५ दिन देखि निरन्तर नेप्सेको साइटमा ‘DDoS’ (कम्प्युटरबाट एकैपटक सर्भरमा हजारौँ रिक्वेष्ट पठाएर गरिने आक्रमण) गरिरहेको बताएकाछन् । पैसाको लागि पैसाको कारोबार गर्नु जुवा खेल्नु हो र यसले सम्पन्नलाई मात्र पक्षपोषण गर्ने भन्दै, धनि अझै धनि भइरहने र गरिब झनै गरिब भइरहने कारण नेप्सेको साइटमा आक्रमण गरेको जनाएकाछन् ।

नेप्सेको सर्भरमा खराबी नआइ, आफूहरुले नै नेप्सेको साइटमाथि आक्रमण गरेको दावी अज्ञात समूहले गरेको छ । पेस्टविनमा राखिएको म्यासेज यसप्रकार छ ।

Namaste Nepal,

We are Anonymous. We have attacked www.Nepalstock.com numerous times in last 5 days. We are collaborating with Nepalese hackers and hacktivists who claim they want to "DDoS the site because trading money for money is gambling, and is not productive to others except for the winners of the gamble; hence getting rid of such worthless culture of the business elites is very necessary, especially in the under developed country in Nepal. While they enjoy their money, power and 1st world life standards there are people who are dying because they don't have anything to eat in the same country."

We'd like to confirm that its us and not their "server problems" that they are claiming to be the reason behind the interruptions of their tradings and website.

We are Anonymous,

We are legion,

We do not forgive,

We do not forget,

You should've expected us!

पूनश्च: DDoS मार्फत साइट डाउन गराउनु अवैधानिक कार्य हो ।

News Tips: @Anon_Central

Bulbul : Episode - 142

noreply@blogger.com (Aakar Anil) — Wed, 16 May 2012 09:15:00 PDT

Listen to Bulbul Episode-142

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-142

ट्विटरमा विश्वव्यापीरुपमा नेपाल ट्रेन्ड [Nepal Trends Worldwide on Twitter]

noreply@blogger.com (Aakar Anil) — Mon, 14 May 2012 22:10:32 PDT

पोखराबाट उडेको विमान जोमसोममा दुर्घटना (Agni Air Plane crashed in Jomsom) भएको खबर माइक्रोब्लगिङ साइट ट्विटर (Microblogging site Twitter) मा परालको आगो झैँ फैलियो । अस्ति भर्खर सिन्धुलीमा विमान दूर्घटना भयो भन्ने झुटो खबर फैलिएका कारण खबर झ्वाट्ट सुन्नेले पहिले त पत्याएनन्, तर एकैछिनमा ट्विटर प्रयोगकर्ताहरु र राष्ट्रिय तथा अन्तराष्ट्रिय सञ्चार माध्यमले प्लेन दूर्घटना भएको खबर पुष्टि गर्दै ट्विट गर्न थाले ।

माइक्रो ब्लगिङ साइट ट्विटर समाचार ब्रेक गर्ने तथा समाचार र सूचना छिटो भन्दा छिटो संसारभर फैलाउने टुलको रुपमा परिचित हुँदै आएकोछ । अनि यही शिलशिलाको नियमितता स्वरुप,जोमसोममा भएको विमान दुर्घटनाको खबर पनि क्षणभर मै ट्विटरको माध्यमबाट विश्वभर फैलिएको थियो, यति मात्र होइन नेपाल ट्विटर ट्रेन्डमा पनि केही क्षणका लागि देखिएको थियो । अर्थात भनौँ, नेपाल ट्विटरमा विश्वव्यापी ट्रेन्ड (Nepal Trends Worldwide on Twitter) भएको थियो, यसको अर्थ हुन्छ नेपाली समयअनुसार दिउँसो ११-१२ बजेतिर नेपाल सम्बन्धि हजारौं ट्विटहरु एकैसाथ संसारभरबाट ट्विटरमा ओइरिएको थियो ।

निश्चय पनि विमान दुर्घटना हामीलाई दुखित तुल्याउने खबर थियो, तर यही कुरा संसारभरबाट चासोका साथ हेरिएको थियो । बिबिसी (BBC), सिएनएन (CNN), नेपाली टाइम्स (Nepali Times), एनडिटिभी इन्डिया (NDTV), लगायत साइटले समाचार भन्दा पहिले ट्विटरबाट ब्रेकिङ न्युज दिएका थिए, भने नेपालका सबैजसो वेबपोर्टलहरुले पहिले समाचार प्रकाशित गरेर, त्यस समाचारलाई मात्र ट्विट गरेका थिए । यस घटनाबाट नेपाल र बाहिरका सञ्चारमाध्यमले ट्विटर कसरी चलाइरहेकाछन् भन्ने जान्ने मौका मिल्यो ।

ट्विटरमा कुनै पनि टपिक ट्रेन्ड हुनुलाई ट्विटर जगतमा महत्वपूर्ण घटनाको रुपमा हेर्ने चलन छ । नेपाल सम्बन्धि कुराहरु बेला बेलामा ट्विटर ट्रेन्डको रुपमा देखिने गरेको भएपनि, नेपाल नै विश्वभर ट्रेन्ड भएको भने पहिलो घटना थियो । यस अघि करिब डेढ वर्ष अगाडि एनसेलले थ्रिजी सेवा सगरमाथा वेसक्याम्पमा सुरु गर्दा, सगरमाथा ट्विटरमा विश्वभरि नै ट्रेन्ड भएको थियो । ( Mount Everest is Trending Topic On Twitter यो पनि हेर्नुहोस्)

ट्विटर ट्रेन्ड के हो, कसरी हुन्छ?
ट्विटरमा ट्रेन्ड हुन यति नै ट्विट हुनुपर्छ भनेर कहिँ उल्लेख गरेको पाइँदैन तर पनि केही कुरा ट्रेन्डमा देखिनको लागि त्यस विषयमा एकैपटक, धेरै ठाउँबाट धेरैले एउटै विषय ट्विट गरेको हुनुपर्छ । एउटै विषयमा हजारौँले दिनभरि ट्विट गर्दा त्यो ट्रेन्डिङ टपिकमा देखिन्छ भन्ने हुँदैन । ट्विटरमा ट्रेन्ड हुन, कुनै पनि विषयमा निश्चित समय/अवधिमा उल्लेख्य रुपले ट्विटहरु देखिनुपर्ने हुन्छ ।

जस्तो कि, हिजोको विमान दुर्घटनाको खबर एक्कासी ट्विटरमा फैलिएको थियो, फलस्वरुप ‘नेपाल’ मेन्सन भएका ट्विटहरुको सङ्ख्या एक्कासी ह्वात्तै बढेकोथियो । सयबाट एक्कैपटक हजारको सङ्ख्यामा एकै विषयमा (नेपाल सम्बन्धि) ट्विट गरिएपछि, ट्विटरको ट्रेन्ड लिस्टमा ‘नेपाल’ देखिएको थियो ।

ट्विटरका अनुसार, ट्रेन्डिङ टपिक हुनको लागि कुनै कुरा पपुलर (Popular Tweet) अर्थात धेरै समयसम्म एउटै कुरा निरन्तर रुपमा ट्विट गरिरहेको भन्दा पनि कुनै निश्चित समयमा देखिएको ट्विटको संङ्ख्याले (Tweets Volume) ट्रेन्डिङ टपिक निर्धारण गर्ने गर्छ । जस्तो कि, केही हप्ता पहिले नेपाल ट्रेन्ड गराउने भन्दै २ दिन सम्म लगातार ‘नेपाल’ लेखेर ट्विट गरिएकोथियो, उक्त ट्विटले ‘नेपाल’ पपुलर टपिक त ठहरियो तर ट्रेन्डिङ हुनको लागि आवश्यक मात्रामा ट्विटरमा ‘नेपाल’ मेन्सन गरिएको ट्विट भने देखिएन ।

प्राय ब्रेकिङ न्युजहरु ट्विटरमा छिटो ट्रेन्ड (Local or Global) हुने गरेकाछन् । ट्विटरले समाचार, सूचना ‘रियल टाइम’मा प्रवाह गर्ने भएकोले ट्विटरले ब्रेकिङ न्युजको लागि आफ्नै किसिमले अलगोरिदम डिजाइन गरेकोछ । ट्विटरमा पपुलर (धेरै कुरा गरिएको) मात्र नभइ अहिले के विषयमा कुरा भइरहेको छ भन्ने आधारमा पनि ट्रेन्डिङ टपिक हुनेगर्छ । सायद ट्विटरले नै भनेको यो तलको अनुच्छेदले, ट्रेन्ड कसरी हुन्छ भन्ने कुरा बुझ्न मद्दत गर्ला!

How Twitter Trends?
“Twitter Trends are automatically generated by an algorithm that attempts to identify topics that are being talked about more right now than they were previously. The Trends list is designed to help people discover the 'most breaking' breaking news from across the world, in real-time. The Trends list captures the hottest emerging topics, not just what’s most popular. Put another way, Twitter favors novelty over popularity.
We track the volume of terms mentioned on Twitter on an ongoing basis. Topics break into the Trends list when the volume of Tweets about that topic at a given moment dramatically increases.
Sometimes a topic doesn’t break into the Trends list because its popularity isn’t as widespread as people believe. And, sometimes, popular terms don’t make the Trends list because the velocity of conversation isn’t increasing quickly enough, relative to the baseline level of conversation happening on an average day.” ~ Twitter

Topsy का अनुसार हिजो दिनभरमा करिब २२ हजारको हाराहारीमा ‘नेपाल’ मेन्सन गरिएको ट्विटहरु देखिएको थियो । ‘नेपाल’ उल्लेख गरिएका हजारौं ट्विटहरु करिब ७४ देशबाट एकैसाथ ट्विट गरिएकोथियो । ट्विटरमा थोरै समयमा नै हजारौं ट्विटहरु देखिँदा, केही समयको लागि ट्विटर वल्डवाइड ट्रेन्ड हुन पुगेको थियो ।
नेपाल ट्विटरमा वल्डवाइड ट्रेन्डमा देखिनुभन्दा पहिले, बेङ्लोर लगायतका केही स्थानमा लोकल ट्रेन्डको रुपमा देखिएको थियो ।

Bulbul : Episode - 141

noreply@blogger.com (Aakar Anil) — Wed, 09 May 2012 09:19:02 PDT

Listen to Bulbul Episode-141

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-141

आबुई डटकम - अनलाइन नेपाली शब्दकोष [Abui – Nepali Online Dictionary]

noreply@blogger.com (Aakar Anil) — Sat, 05 May 2012 18:13:42 PDT

हामीलाई डरलागेको वा गर्न नसक्ने जस्तो कुरा आफ्नो सामुन्ने आउँदा हामी नेपालीको मुखबाट फुत्कने शब्द हो, आबुई ! आबुई वा आब्बुइ वा अबुइ जे भने’पनि मैले भन्न खोज्या कुरा त बुझ्नु भो होला । म चैँ आबुई (Abui) भन्छु है । त्यही हामीभित्र रहको डर जनाउने शब्द ‘आबुई’लाई समेट्दै र हामी भित्रको शब्दको डर हटाउन ‘आबुई डटकम’ आइपुगेकोछ ।

कुनै नेपाली शब्दको अर्थ आएन वा उखान टुक्काको अर्थ बुझ्न सकिएन भने अब त्यसको समाधान प्राय आबुई डटकममा भेट्न सकिन्छ । गतसाल पुषदेखि सञ्चालनमा आएको ‘आबुई डटकम’ नै ‘अनलाइन नेपाली शब्दकोष’ (Online Nepali Dictionary) हो।

आबुई डटकममा नेपाली शब्दका अर्थका साथै नेपाली उखानहरुका अर्थ भेट्न सकिन्छ । नेपाली ब्लगका ब्लगर नेपालीले निर्माण गरेको आबुई डटकममा दैनिक रुपमा एउटा शब्दलाई “आजको शब्द” भनेर त्यसको अर्थ दिने गरिएकोछ ।

आबुई डटकम कसरी चलाउने?

आबुई डटकमको गृहपृष्ठमा टेक्स्टबक्स रहेकोछ । टेक्स्टबक्स माथि ‘शब्द कोरे कोरे जस्तो गरौँ’ भन्ने वाक्य राखिएकोछ, त्यहाँ भनिएजस्तै टेक्स्टबक्स भित्र गएर शब्द कोरे जस्तो गर्नुस अर्थात कुनै शब्द लेखेजस्तो गर्नुस्, तपाईले रोमनमा लेखेका अक्षरहरु आफैँ नेपाली शब्दमा परिवर्तन हुनेछन् वा भनौँ ‘अटो सजेस्ट’ गरिनेछन् । तपाईले खोजेको शब्द, साइटमा समावेश रहेछ भने, सजेसन (सल्लाह)मा देखाउँछ, त्यस शब्दलाई इन्टर गर्नुहोस्, तपाईले त्यसको अर्थ थाहा पाउन सक्नुहुन्छ ।

हामी माझ नेपाली शब्दहरुको अभाव त छैन तर हामीमाझ अनलाइन नेपाली शब्दकोषहरुको भने अभाव छ । केही हदसम्म आबुइ डटकमले नेपाली अनलाइन शब्दकोषको अभाव हटाउन मद्दत गर्छ जस्तो मलाई लाग्छ । नेपाली ब्लगका अनुसार आबुइ डटकममा अहिले लगभग १ लाख २ हजार बढि नेपाली शब्दहरु रहेकाछन् । साइटमा यो वर्षको अन्त्य सम्ममा १ लाख ४० हजार शब्दहरु संग्रहित गर्ने लक्ष्य राखिएकोछ । वर्षको अन्त्य सम्ममा साइटमा सर्च फिचर पनि राख्ने योजना रहेकोछ ।
आबुई डटकमसँग नजिक रहनचाहनुहुन्छ भने ट्विटर, र फेसबुक मार्फत साइटसँग जोडिन सक्नुहुन्छ ।

आबुइ डटकम (नेपाली अनलाइन शब्दकोष)
ट्विटर: @shabdakosh
फेसबुक: Nepali Dictionary

अखण्ड सुदुरपश्चिम र काठमाडौँ

noreply@blogger.com (Aakar Anil) — Fri, 04 May 2012 19:35:34 PDT

अखण्ड सुदुरपश्चिमको माग गर्दै सुदुरपश्चिममा आन्दोलन चर्केको हप्ता दिन हुनलागिसकेकोछ । अखण्ड सुदुरपश्चिमको माग हुँदै गर्दा, थरुहटको माग गर्दै अर्को समूह थारु संयुक्त संघर्ष समिति पनि आन्दोलनमा उत्रिएकोछ । सुदुरपश्चिम बन्दको चपेटामा परेको, हप्ता दिन भइसक्यो तर खै, अहिलेसम्म कुनै पक्षबाट समाधानको पहल वा वार्ताको पहल गरिएको थाहा छैन । उता जनकपुर लगायतका क्षेत्रमा पनि आमहड्ताल आह्वान गरिएकोछ । साना साना जातीय समूहरुले आफ्ना पकड क्षेत्र मानेका ठाउँहरुमा पनि बन्द र विरोध गरिरहेकाछन्, आजैपनि बाहुन क्षेत्री लगायतका व्यक्रिहरुले पोखरामा जातिय संघियताको विरोधमा ठूलो सङ्ख्यामा सडकमा ओर्लिएर जनप्रदर्शन गरेछन् । सुदुरपश्चिममा आमहड्ताल चलिरहँदा, झडप र मुठभेडको खतरा बढिरहँदा, दिनहुँ विशाल जनप्रदर्शन भइरहँदा, काठमाडौँमा सरकार परिवर्तन गर्ने कुराले नेताहरुलाई तताएकोछ ।

देश संघियतामा जाने भएकोछ, तर राजनैतिक दलहरुको अदुरदर्शिता र सस्तो लोकप्रियताको लागि बाँडेको जातिय संघियताको नाराले जनताहरु विच आपसमा मुठभेडको जोखिम बढ्दै गएकोछ । कैलालीका प्रमुख जिल्ला अधिकारीले त त्यहाँ कुनै पनि बेला जे पनि हुनसक्ने र गाउँमा मुठभेड हुन थालेमा स्थानीय प्रशासनले रोक्न नसक्ने चेतावनी दिइसकेकाछन् । अखण्ड सुदुरपश्चिमको पक्ष र विपक्षमा काठमाडौँमा रहेका सभासदहरु पनि विभाजन भएकाछन्, केही सभासद अखण्ड सुदुरपश्चिमको पक्षमा छन् र केही सभासद विपक्षमा छन् तर समस्या समाधानको लागि कुनै अग्रसरता भने देखाएकाछैनन् । आज त अखण्ड सुदुरपश्चिमका पक्षमा आन्दोलन गर्नेहरुले विपक्षमा रहेका सभासदहरुका पुतला दहन गरेछन् । यसैगरि दुवै पक्षले आफ्नो पक्षमा आन्दोलन चर्काउँदै लाने हो भने, झडप धेरै टाढा छैन, शान्तिपुर्ण आन्दोलन हिंसात्मक बन्ने तरखरमा छ भन्दा फरक नपर्ला ।

काठमाडौँले बाहिरको कुरा सुन्दैन, बुझ्दैन भन्ने कुरा त यही सुदुरपश्चिममा चर्किएको आन्दोलन प्रति सरकार र सम्बन्धित पक्षहरुको उदासिनताले पनि प्रस्ट पारेकोछ । यदि सुदुरपश्चिममा निस्किएको जमात काठमाडौँमा निस्केको भए, अनि हप्तादिन आमहड्ताल गरेको भए, हरेक पार्टि, संघ र संगठनले अहिलेसम्म धेरै चासो दिइसक्थे, सायद समस्या समाधानको पहल पनि गर्थे होलान् तर विडम्वना काठमाडौँ बन्द छैन । उसो त रेडियो, टेलिभिजन र पत्रपत्रिकामा पनि सुदुरपश्चिमको बन्द र हड्तालले प्रमुख स्थान पाउन सकेको छैन, राष्ट्रिय मुलधारका मिडियामा पनि सँधैको झैँ त्यही सरकारको वरिपरि घुमेकोछ । बन्द छ त तराईका भुभागहरु, अनि काठमाडौँमा सरकार र राजनैतिक दलहरु आफ्नो सरकारको नयाँ समिकरण मिलाउन व्यस्त छन् । संविधान तोकिएकै समयमा जारी हुने नहुने भन्न सकिने स्थिति छैन, सरकार कसले बनाउने, कसरी बनाउने, मन्त्रिपरिषद विघटन गर्ने कि पुनर्गठन गर्ने, आदि इत्यादि कुराहरुमै राजनैतिक दलहरु व्यस्तछन् । यदि सुदुरपश्चिममा हिंसा भड्कियो, भने दोषी को? हप्ता दिन बन्द भइसक्दा पनि कसैले समस्या समाधानको पहल नगर्नुले, सम्बन्धित पक्षहरु गैरजिम्मेवार छन् भन्ने देखाउँछ ।

सरकार कसरी बनाउने,पुनर्गठन गर्ने कि विघटन गर्ने भन्दा पनि राज्यहरु कसरी विभाजन गर्ने, संघियता कस्तो हुने भन्ने विषयमा सम्बन्धित पक्षहरु निचोडमा पुग्न जरुरी छ । साता दिनसम्म बन्द र हड्ताल हुँदा कस्तो हुन्छ भन्ने कुरा काठमाडौँले भोगेकोछ तर पनि यो भन्दा नमज्जा लागिरहेकोछ कि, सुदुर पश्चिमको समस्याको समाधानको लागि काठमाडौँले कुनै चासो देखाएकोछैन । सुदुरपश्चिममा केही नराम्रो भइहालेमा विभिन्न जातजाती विच सल्किएको जातिय संघियताको आगोले उग्ररुप लिन र जातिय सद्भाव विथोलिन कुनै समय लाग्नेछैन । अत: दलहरु, नागरिक समाज, सरकार, र अन्य सम्बन्धित पक्षले जातिय सद्भाव खल्बलिन नदिन, सुदुरपश्चिमको समस्या चाँडो भन्दा चाँडो समाधान गर्न जरुरी छ ।

बन्द नगरी कुनै समस्याको समाधान हुँदैन भन्ने कुरा हाम्रो देशमा प्रमाणित भइसकेको कुरा नै हो । तर हप्तौँ दिन बन्द हुँदा पनि सम्बन्धित पक्षले मागको सुनवाइ गरेन भने, स्थिति नियन्त्रण बाहिर जाने अवस्था आउनसक्छ । बन्दले सबैलाई हानी गरिरहेकोछ, अत बन्दको विरोधमा अर्को समूह निस्केर विरोध गर्नथाल्यो भने पनि स्थिति नियन्त्रण बाहिर जानसक्छ । अत: सुदुरपश्चिम लगायत देशभरि उठिरहेका आवाजहरुलाई तत्काल सम्बोधन गरिनुपर्छ ।

Bulbul : Episode - 140

noreply@blogger.com (Aakar Anil) — Wed, 02 May 2012 09:15:00 PDT

Listen to Bulbul Episode-140

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-140

पानी बाँच्नका लागि [सन्दर्भ : Nepal Water Expo 2012] #WaterExpo

noreply@blogger.com (Aakar Anil) — Sun, 29 Apr 2012 19:50:56 PDT

समस्या नै समस्याको बिचमा पनि हामी गज्जबसँगले बाँचिरहेकाछौँ । लोडसेडिङ, पेट्रोलियम पदार्थको मुल्यवृद्दि अनि पानीको अभावको बिचपनि हामी आफ्नो जिविका चलाइरहेकाछौँ । हामीलाई बाँच्नको लागि अत्यावश्यक पानीको महत्व कति छ भन्ने कुरा मैले यहाँ लेखिरहनु पर्दैन होला, किनकी हामी सबैलाई थाहा छ, पानीविना हाम्रो जिवन चल्न सक्दैन । हामीलाई यो पनि थाहा छ, काठमाडौँमा पानीको हाहाकार कति छ!

पानी भर्नको लागि लाइनमा घन्टौँ बस्नुपर्ने अनि पानी नदेखिने बाग्मतीको बारेमा, हामीलाई काठमाडौँमा पानी पाइन्थ्यो, बाग्मतीमा पौडि खेल्थ्यौँ, बाग्मतीको माछा खान्थ्यौँ जस्ता कुराहरु भनिँदा परापूर्वकालको कथाहरु जस्तो लाग्ने गर्छ । तर काठमाडौँमा पानी देखेका, बाग्मतीमा पौडि खेल्नेहरु भन्छन्, २० वर्ष अघिसम्म पनि बाग्मती धेरै राम्रो थियो, काठमाडौँमा यति ढुंगेधाराहरु थिए कि, पानीको कुनै समस्या नै हुँदैनथियो । अहिले त खै, न बाग्मतीमा पानी देखिन्छ न ढुंगेधारा नै देखिन्छ । कहिँकतै ढुंगेधारा देखिइहाले पनि पानी भने देखिँदैन ।

काकाकुलको जिवन बाँचिएपनि, कहिले पूराहुने छाँट नदेखिएको मेलम्चीको पानी सम्झिँदै, कुनै बेला त मेलम्ची पनि आउला नि भन्दै फोहोर र प्रदुषित पानी पिउन बाध्य हुनुपरेको छ । सायद १५-२० वर्ष अघिसम्म, नेपालमा पानी किनेर खानुपर्छ भन्दा कसैलाई पत्यार लाग्दैनथियोहोला ! तर अहिले पानी किनेर खानुपर्ने बाध्यता छ तर त्यसरी किनेर खाइएका पानी पनि सुरक्षित छैनन् । पानीका जारमा लेउ भेटिन्छन्, अनि पानीका ट्यांकहरुले जहाँ पायो त्यहीँको पानी वितरण गर्छन् ! काठमाडौँमा पानी वितरण गर्ने जिम्मा लिएकाहरुले आफ्नो पानीको मुहान सफा राख्न सकेका छैनन् । पानीको समाधान निस्किनुको सट्टा झन् झन् समस्या थपिँदैछ ।

एक हिसाबले हेर्नेहो भने, पानीका कारण शान्ती सुव्यवस्थामा पनि खलल परिरहेको छ । लामो लाइन लागेका धाराहरुमा पानी थाप्ने निहुँमा झगडा हुनु सामान्य नै बन्दै गइसकेकोछ । पानी सबैलाई चाहिएकोछ, सबैलाई पुग्दो चाहिएकोछ, चाँडो चाहिएकोछ ।

पानीको अभाव र समस्या नै विच पनि नेपालमा पहिलोपटक ‘नेपाल वाटर एक्सपो २०१२’ [Nepal Water Expo 2012’] नामक कार्यक्रम यही मे ४ देखि ६ सम्म, युनाइटेड वल्ड ट्रेड सेन्टर, त्रिपुरेश्वरमा आयोजना हुँदैछ । शान्ती र सुरक्षाका लागि पानी अर्थात ‘Water Sustainability for Peace and Security’ भन्ने नारा सहित आयोजना हुन लागेको पहिलो पानी प्रदर्शनीमा करिब ५०-६० स्टलहरु हुनेछन् ।

एक्स्पोमा पानीको संरक्षण कसरी गर्ने, भइरहेको पानीलाई कसरी उपयोग गर्ने, पानीबाट कसरी बढिभन्दा बढि फाइदालिने आदि विषयमा स्टलहरु राखिनेभएकाछन् साथै यसै विषयमा सम्बन्धित क्षेत्रका विज्ञहरुले आफ्ना कुराहरु पनि बाँड्नेछन् ।

पानीको सदुपयोग भन्दा याद आयो, हिजो यही वाटर एक्स्पोको छलफल कार्यक्रममा पुग्दा पोखराबाट आउनुभएका विश्वनाथ पराजुलीसँग भेट भएकोथियो ! कार्यक्रममा उहाँले, आफूले तरकारी किनेर खाने नगरेको बताउनुभयो । पराजुलीले भन्नुभयो, “म तरकारी किनेर खान्न, आफूलाई आवश्यक पर्ने तरकारी म आफैँ फलाउने गर्छु । सबैले आफ्नालागि तरकारी आफैँ फलाउनु पर्छ । पानी छैन भनेर, तरकारी नरोप्नेहरु अल्छि हुन् ।” उहाँको तर्क थियो, “पानी छैन भन्नुभन्दा पनि भएको पानीलाई सदुपयोग गर्न जान्नुपर्छ, जति नै पानी छैन भने पनि बिहान मुख धुने त हामी सबै गर्छौँ, खाना खादाँ पनि पानीले नै हात धुन्छौँ, यदि हामी साँच्चै पानीबाट केही गर्ने हिम्मत राख्छौँ भने, त्यही मुख धोएको पानी, हात धोएको पानीलाई पनि प्लाष्टिकमा जम्मा गरेर राख्न सकिन्छ, आफ्नो करेसावारी छैन भने, गमलामै तरकारी रोप्न सकिन्छ, त्यही हात धोएको पानी हाल्न सकिन्छ” । कुरा सुन्दा त हो नै जस्तो लाग्यो, तर पनि अहिलेसम्म यस किसिमको प्रयास आफूले गरिएको छैन । तर पराजुलीले आफूले यही अभियान सुरु गरेको बताउनु भएको थियो ।

हाम्रो प्रमुख समस्या बनेर रहेको ‘पानी’को बारेमा हामीले सोच्नुपर्ने बेला आएकोछ । कसरी, कहाँ, कहिले पानीको प्रयोग गर्ने, कसरी पानी र यसका श्रोतहरुको संरक्षण, संवर्धन गर्ने भन्ने विषयमा नेपाल वाटर एक्स्पोमा छलफल हुने भएको छ ।

पानी मेरो पनि समस्या हो भन्ने लाग्छ भने, तपाईहरु पनि उक्त एक्सपोमा सामेल हुनसक्नुहुन्छ ।

Events: Nepal Water Expo 2012
Date: 4-6th May (बैशाख २२, २३ र २४ गते)
Time: 11am-6pm
Venue: Direction Exhibition & Convention Center, 4th Floor, UWTC Building, Tripureshwor, Kathmandu
For more info: Visit Nepal Water Expo Facebook Page
Entrance: FREE

Highway – Nepali Movie Official Theatrical Trailer Released

noreply@blogger.com (Aakar Anil) — Sat, 28 Apr 2012 11:08:38 PDT

The most awaited Nepali Movie ‘Highway’ which is set to release on 15th June 2012 (असार १, २०६९) has released its official theatrical trailer today on YouTube.

Highway movie trailer was first released on last September in Kathmandu.

Highway – Official Theatrical Trailer

Synopsis:

Set among the breathtaking landscapes of Eastern Nepal, HIGHWAY, the first full-length feature of director Deepak Rauniyar, follows the journey of nine characters whose individual stories become accidentally interconnected during an ill-fated bus journey to the capital Kathmandu. The passengers — each of whom urgently needs to be somewhere else -- find themselves stranded on the only main road due to an improvised and unlawful blockade known as a "bandh". While the passengers work out a resolution to escaping the combustible strike, the film shifts into their psychological and spiritual "bandhs", exploring a situation that many Nepalis are contending with since the end of the bloody 12-year civil conflict.

I’m eagerly waiting for this movie. What about you?

Bulbul : Episode - 139

noreply@blogger.com (Aakar Anil) — Wed, 25 Apr 2012 09:20:55 PDT

Listen to Bulbul Episode-139

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-139

नेपालको कृषि क्षेत्रमा नयाँ क्रान्ति - बिजुली र फ्युलविना पानी तानेर सिँचाइ गर्ने प्रविधि विकास गरिदैं

noreply@blogger.com (Aakar Anil) — Tue, 24 Apr 2012 10:10:55 PDT

विश्व खाद्य कार्यक्रम (World Food Program – WFP) को अनुसार भोकमरी (hunger) विश्वको सबैभन्दा ठूलो समाधान गर्न सकिने समस्या हो ! करिब १० करोड मानिसहरु अहिले खाद्यान्नको अभावमा भरपेट खान पाइराखेका छैनन् । क्लाइमेट चेन्ज (Climate Change) र बढ्दै गरेको जनसंख्याको कारणले गर्दा सन् २०५० सम्ममा यो संख्या दोब्बर भएर २० करोड पुग्ने अनुमान गरिएकोछ । यो समस्याको तत्काल समाधानको लागि विभिन्न किसिमका खाद्यान्न सहयोग कार्यक्रमहरु सञ्चालन भएपनि यसको दिर्घकालिन समाधान भने खाद्यान्न उत्पादन वृद्धि गर्नु नै हो । राम्रो सिँचाइ सुविधा उपलब्ध गराउन सके, आकाशे पानीमा भर परेर गरेको खेती भन्दा दुई देखि पाँच गुना सम्म बढि खाद्यान्न उत्पादन गर्न सकिन्छ ! तर धेरै जस्तो विकसित देशमा पानीको समस्या भएकोले सिँचाइ सुविधा उपलब्ध गराउन त्यति सजिलो भने छैन ।

यस्तै खाद्यान्नको समस्या नेपालले पनि भोगिरहेकोछ । नेपाल खाद्यान्न आयात गर्ने देशहरु मध्येमा परे पनि अरु देश जस्तो सुख्खा छैन, नेपालमा प्रशस्त खोलानाला छन्, नेपाल जलश्रोतमा धनि छ । तर नेपालको भौगोलिक वनावटको कारणले गर्दा विशेष गरी पहाडी भूभागमा सिँचाइ सुविधा पुर्याउन गाह्रो छ । अहिले नेपालको करिब २७ प्रतिशत खेतियोग्य जमिन मात्र वर्षभरि सिञ्चित छ। पहाडी र हिमाली क्षेत्रमा यो परिणाम अझ कम भएर ४.५ प्रतिशत मात्र छ। नेपालको कुल आम्दानीको ४० प्रतिशत हिस्सा कृषि क्षेत्रले ओगटेकोछ भने ७६ प्रतिशत परिवार खेती किसानीमा निर्भर छन् । यति हुँदा हुँदै पनि समस्यालाई भिन्न दृष्टिबाट हेर्दा, अवसर त्यहीँ नै लुकेको हुन्छ भने झैँ, नेपालको पहाडी भूभागको लाभ उठाएर सिँचाइ सुविधा राम्रो पार्ने अवसर पनि छ ।

हामीले अहिले विकास गरिरहेको प्रविधिले खोलाको बेगलाई उपयोग गरेर पानी पम्प गरेर सिँचाइ गर्न सकिन्छ । हामीले विकास गरेको यो प्रविधिले करिब ३५ मिटर उचाइ सम्म विना कुनै बिजुली र फ्युल, पानी पम्प (तान्न) सकिन्छ । “वर्षा पम्प” (Barsha Pump) नामाकरण गरिएको यो प्रविधि करिब १५ हजार रुपैयाँमा स्थानियस्तर मै तयार गर्न सकिन्छ । यसको बजार मूल्य भने २० देखि ३० हजार रुपैयाँ सम्म पर्न आउँछ, जुन लगानी किसानहरुले एक वर्षमा नै उठाउन सक्छन् । सिँचाइ सुविधाबाट बढेको खाद्यान्न उत्पादनले किसानहरुको लगानी एक वर्ष भित्र उठ्छ र यस्तो सिस्टम किसानहरुले सेयर गरेर पनि उपयोग गर्नसक्छन् ।

यस्तो प्रविधिमा सञ्चालन खर्च (Operating Cost) नलाग्ने भएकोले, डिजेल पम्पहरु भन्दा सस्तो पर्न आउँछ (डिजेल पम्पको लगानी उठाउन, एक किसानलाई १० वर्ष सम्म लाग्नसक्छ) । त्यसै गरि पहाडी भूभागमा नहर बनाउन र मर्मत सम्भार गरिराख्न निकै खर्च लाग्ने गर्छ । पहाडी क्षेत्रका नहर व्यवस्थापन खर्च, वर्षा पम्पको भन्दा १० गुणा सम्म बढि पर्छ । सन् २०२५ सम्ममा नेपालको जनसङ्ख्या ४ करोड १० लाख पुग्ने अनुमान गरिएकोछ र खाद्यान्न माग अहिलेको भन्दा दोब्बर हुनेछ, यस परिवेशमा खाद्यान्न उत्पादन वृद्धि गर्नको लागि यो प्रविधि लाभदायक मात्र नभइ, नितान्त जरुरी पनि छ ।

स्थानिय जनशक्तिको प्रयोग गरेर देश भित्रै बनाउन सकिने र यसको रेखदेख र मर्मतसम्भार किसानहरुले नै गर्न सक्ने भएकोले यो प्रविधिको थप सामाजिक र आर्थिक महत्व छ । कुनै पनि फ्युलको प्रयोग गर्नु नपर्ने भएकोले, वर्षा पम्प वातावरण मैत्री छ र कार्वन व्यापारको लागि उपयुक्त प्रोजक्ट पनि हुनसक्छ । डिजेल पम्पको सट्टा ‘वर्षा पम्प’को प्रयोग गरेर नेपालको पहाडी भूभागमा सिँचाइ गरेमा वार्षिक रुपमा ४० हजार मेट्रिक टनसम्म कार्वनडाइअक्साइड (CO2) उत्पादन कम गर्न सकिन्छ ।

अक्विष्टा (aQysta) ले के गर्छ?

अहिले नेदरल्याण्डमा रहेर अक्विष्टाले वर्षा पम्पको ‘डिजाइन’ र ‘डेभ्लपमेन्ट’ गरिरहेकोछ । १८ औँ शताब्दी देखि थाहा भएको तर अहिलेसम्म विश्वमा कहिँ पनि व्यवसायिक रुपमा निर्माण नगरिएको ‘स्पाइरल पम्प’मा कही परिवर्तन गरेर ‘वर्षा पम्प’को निर्माण गरिएकोछ । अक्विष्टाले हालसम्म नेदरल्यान्डमा दुईवटा ‘बिजनेस प्लान’ प्रतियोगिता जितिसकेकोछ र अहिले फिलिप्स इनोभेसन अवार्ड (Philips Innovation Award) र बिई प्रोजेक्टको फाइनल राउन्डमा प्रतिस्पर्धा गर्दैछ ।

पुल्चोक क्याम्पसको ‘मास्टर अफ साइन्स इन टेक्नोलोजी एन्ड इनोभेसन म्यानेजमेन्ट’ (Master of Science in Technology and Innovation Management – MSTIM) कार्यक्रमबाट सुरु भएको यो आइडियालाई अक्विष्टाले निरन्तरता दिएकोहो । अक्विष्टाले रोटरी क्लब, ललितपुर सँगको सहकार्यमा आउँदो अगष्टमा भैँसेपाटिमा यो प्रविधि परिक्षणको रुपमा जडान गर्ने भएकोछ ।

‘स्पाइरल पम्प’ प्रविधि बाहेक ‘पिस्टन पम्प’ प्रविधिमा पनि अक्विष्टाले काम गरिरहेकोछ र दोश्रो प्रोडक्टको रुपमा ठूलो क्षमताको सिस्टम बनाउने लक्ष्य राखेकोछ । नेपाल बाहेक लाओस, कम्बोडिया, मेक्सिको जस्ता देशहरुमा पनि यसप्रकारको प्रविधिको खाँचो रहेकोछ ।

Philips Innovation Award को फाइनलमा “वर्षा पम्प”

पहाडी भूभागमा सिँचाइ गर्ने उत्तम प्रविधि मानिएको वर्षा पम्प अहिले Philips Innovation Award को फाइनलमा पुगेको छ । यस प्रतियोगिताबाट जितेको पैसाले रोटरी क्लब सँग मिलेर भैँसिपाटीमा आउँदो अगस्टामा सिस्टम इन्सटल गरिनेछ । तर प्रतियोगिता जित्नको लागि भने प्रतिस्पर्धिहरुको बिचमा भोटको गणना हुने भएकोछ । यदि तपाईलाई यो प्रविधिले नेपालले आफ्नो समस्यालाई आफ्नै अवसर प्रयोग गरेर समाधान गर्न सक्छ भन्ने लाग्छ भने यो लिंकमा गएर यस प्रोजेक्टलाई भोट (लाइक) गर्न सक्नुहुन्छ ।

- प्रताप थापा

(लेखक थापा, वर्षा पम्पको अध्ययन, अनुसन्धानमा संलग्न छन् !)

फिलिप्स इनोभेसन अवार्डको फाइनलमा पुगेको अक्विष्टाको वर्षा पम्पलाई भोट गर्न आग्रह गर्दछु ! http://phia.nl/english/?page_id=259

नर्बिसिने त्यो दिन [सन्दर्भ: लोकतन्त्र दिवस]

noreply@blogger.com (Aakar Anil) — Sun, 22 Apr 2012 20:19:06 PDT

नरेन्द्र रौले

मेरा लागी बैशाख ९ गते एउटा नमिठो अतित बोकेर आइदिन्छ । स्मृतिमा गहिरोसँग बसेको त्यो दिन मनबाट कहिल्यै हराउने छैन । सधैँ सम्झाइरहने चिनो छ म संग । जो कहिल्यै मेटिने छैन । अनि सधैँ याद दिलाइरहने चोट छ म सँग जो कहिल्यै निको हुने छैन ।

यिनै बैशाखि दिनहरुमा पाँच वर्ष अघि सडक बेस्सरी तातेको थियो । स्थायी शान्ति, आशा र परिबर्तनको पक्षमा नेपाली जनताहरु शसक्त रुपले जुर्मुराएका थिए । गाउँ देखी शहर गहिरो निद्राबाट ब्युँझिएको थियो । नयाँ नेपाल बनाउने सपना बोकेर परिबर्तनको पक्षमा मुठ्‍ठिहरु उठेका थिए । सारा नेपालीहरुको आवाज शान्ति र गुमेका आफ्‍ना अधिकारका पक्षमा बुलन्द रुपमा गुञ्जिएको थियो । त्यही आशा, सम्भाबना र परिबर्तनको राजमार्गमा म पनि थपिएको थिएँ।

बैशाखको चर्को गर्मी निकै बढेको छ । सारा जनताहरु सडकमा ओर्इरिएका छन्‍ । एकातिर तत्कालिन बिद्रोहि शक्ति माओबादी र अर्कोतिर राजाको प्रत्यक्ष निरंकुश शासनबाट जनताहरु आजित बनेका छन्‍ । दिनदिनै हत्या, हिंसा, बढ्‍दो छ । उकुसमुकुस हुने यस्तो परिस्थीतिबाट नागरिकहरु मुक्ति खोजिरहेका छन्‍ । त्यसैले मनमा परिबर्तनको बलियो अठोट र चाहनाको हुरी चल्दैछ । भोक, तिर्खा, पानी कुनै चिजको पर्वाह छैन । जनआन्दोलनको भेलमा सडकमा पाइलो राख्ने ठाउ समेत छैन ।

जोशिला नारा लगाउदै, हौसिदै, उफ्रिँदै त्यही हुलमा म अघिअघि सर्दैछु । त्यही जोशमा बैशाख ९ गते त्रिपुरेश्वर पुग्दा स्थिति भिन्नै छ । बानेश्वर र कालीमाटीबाट त्रिपुरेश्वर आइपुगेको विशाल जुलुश रत्नपार्कतिर सोझिन खोज्दैछ । एक्काशि भिड तितरबितर हुन्छ । गोलीको वर्षा सुरु भयो । मेरो बायाँ हातमा तातो भएको महशुष भयो । तर तत्काल हेर्नै सर्किएन । पछाडी गोली र पुलिसका लाठीहरु बर्सिरहे । त्यसलाइ छल्दै आँखा अस्पताल आइपुग्न आधा घण्टा लाग्यो । यस्सो फर्किएर आफ्‍नै हात हेर्छु, रगत बगिरहेको छ । पुरै लुगाहरु रक्ताम्य भर्इसकेका छन्‍ । रेडक्रसको गाडीले अस्पताल पुर्‍याउछँ । दस दिन लामो उपचार पछि म डिस्चार्ज हुन्छु ।

समयले ठूलो कोल्टे फेर्‍यो । मृत्युसँग जितेर आएको पाँच वर्षपछि आज ति दिनहरु आँखा अघि प्रगाढ बनेर आर्इरहेका छन्‍ । संघर्षका अनेक रोमाञ्चकारी क्षणहरु स्मृतिमा आइदिन्छन्‍ । अतिततिर फर्किन्छु, आफू हिंडेको बाटो कति कठोर रहेछ भनेर सम्झिन्छु । एतिहासिक जनआन्दोलनले दिएको घाउ कहिल्यै निको नहुने गरी बल्झिँदैछ । सधैँका लागी नमिठो अतित बनेर पछि सम्म मलार्इ यसले बल्झाइरहनेछ । हामीमाथी बर्सिएका गोली र लाठीहरुले दिएका चोटहरुमाथी आफै मलम लगाउदैछौं । र, आफ्‍नै सुदूरभविष्यका लागी बाटो बनाउदैछौं ।
ऐतिहासिक जनआन्दोलनमा गोली, लाठी, अश्रुग्यास कुनै चिजका सामु जनताहरु झुकेनन्‍ । दिनरात न्याय, शान्ति र परिबर्तनका पक्षमा लडिरहे । आज नेपाली जनताहरुले बगाएको रगत, पसिनाको उचित सम्मान भएन । नेताहरुले जनताकै काँधमा टेकेर सत्ता र शक्ति स्वाद लिए । देश, विदेश सयर गरे । चिल्ला र मीठा आश्वासन बाँडे । सपना र भ्रमको खेती गरे । तर जनआन्दोलनका योद्धाहरुलार्इ अहिले चटक्कै बिर्सिदिए । शहिदहरुको अबमूल्यन भएको छ । बुलन्द रुपमा उठेको नया नेपालको सपनामाथी पूरै कुठाराघात भएको छ । योद्धाहरु यो भीडमा हरार्इसकेका छन्‍ । देशमा अराजकता र दण्डहिनता बढ्‍दो छ । मुलुकमा गणतन्त्र आएपनि लुटतन्त्र र मनपरितन्त्रको राज छ । सिंगो नेपालीहरुको आवाजलार्इ कुल्चिएको अबस्था छ ।

जनआन्दोलनका घाइतेहरुलार्इ पुरै वेवास्ता गरिएको छ । राहत, क्षतिपूर्ति, स्वास्थ्य उपचार लगायत अन्य सुबिधा केवल नारामा मात्र सिमित छन्‍ । नेपाल सरकारको गृह मन्त्रालयले प्रदान गरेको घाइते परिचयपत्रको खासै कुनै उपयोगिता नै छैन । तत्कालिन समयमा नेपाल सरकारको मातहतमा गठन गरिएको 'जनआन्दोलनका घाइतेको उपचार निर्देशन तथा व्यबस्थापन समिति अहिले पूरै निस्कृय बनिसकेको छ । सुरुमा स्वास्थ्य मन्त्रालयले घाइतेहरुको उपचार गर्ने, आर्थिक सहायता प्रदान गर्ने जिम्मेवारी लिएपनि अहिले उनीहरुका लागि काम गर्ने कुनै सरकारी निकाय छैन । शान्ति तथा पुननिमार्ण मन्त्रालय अन्तर्गत राहत तथा पुन स्थापना इकाइ, बबरमहलले घाइतेहरुका लागी काम गर्न चाहे पनि सरकारले यस तफ खासै चासो दिएको छैन । मुलुकले लोकतन्त्र दिबस मनाइरहदा ऐतिहासिक जनआन्दोलनका घाइतेहरुको योगदानलार्इ पनि सम्झिनुपर्छ । मुलुकलार्इ यस स्थिती सम्म ल्याइपुर्‍याउन उनीहरुको ठूलो योगदान रहेकाले उचित सम्मान तथा राहतका कार्यतक्रम ल्याउने तफ सोच्नैपर्छ ।

(लेखक नरेन्द्र रौले, पेशाले पत्रकार हुनुहुन्छ ! उहाँ ६२-६३ को जनआन्दोलनमा घाइते हुनुभएको थियो! उहाँलाई ट्विटरमा (@NRaule) फलो गर्नसक्नुहुन्छ !)
तस्विर: द हिमालयन टाइम्स

पिकोभिको : फोटोहरुबाट भिडियो बनाउने नेपाली सफ्टवेयर ! [Picovico: Create Videos from your Photos]

noreply@blogger.com (Aakar Anil) — Mon, 23 Apr 2012 20:37:09 PDT

फेसबुक, इन्स्टाग्राम, फ्लिकर, पिकासा लगायतका साइटहरुमा दैनिक लाखौँ फोटोहरु अपलोड हुने गर्छन् । यसका अतिरिक्त इन्टरनेटमा अन्य सयौँ फोटो सेयरिङ साइटहरु पनि छन् । भर्खरै पनि फेसबुकले फोटो सेयरिङ मोबाइल एप्स इन्स्टाग्रामलाई महंगो मुल्य तिरेर किनेकोछ । हामीले खिच्ने प्रत्येक फोटोले कुनै न कुनै कथा बोकेको हुन्छ, चाहे त्यो प्रोफेशनल क्यामराले खिचिएको होस् वा साधारण मोबाइलबाट खिचिएको होस् । हामीले ती फोटोका कथाहरु फेसबुक, ट्विटर, फ्लिकर, पिकासा, मुभी मेकर, आईफोटो आदि विभिन्न साइट र विभिन्न टुलहरु मार्फत सेयर गर्ने गरेकाछौँ । यही फोटोहरुको कथा भन्ने भन्ने मेसोमा नेपाली सफ्टवेयर ‘पिकोभिको’ पनि थपिएकोछ ।

मुभी मेकर, पिकासा, आईफोटो आदि चलाइरहेका प्रयोगकर्ताहरुलाई भर्खरै बजारमा आएको नेपाली सफ्टवेयर ‘पिकोभिको’ (Picovico) बारेमा भने खासै जानकारी नहुन सक्छ ! पिकोभिको (Picovico) फोटोहरुलाई भिडियो (Photos to Videos) मा छिटो र छरितो सँग बदल्ने फ्रि “वेब वेस्ड एप्लिकेशन” (Web based Application) हो, जसबाट सजिलोसँग आफूले चाहेको थिम (theme), संगित (Music) र शब्द (Text) राखेर फोटोहरुलाई भिडियोमा बदल्न सकिन्छ । हामीले खिच्ने प्रत्येक फोटोको कथा हुन्छ र खिचिएका ती फोटोहरुलाई अझ परिस्कृत गर्दै भिडियोको रुपमा इन्टरनेटमा सहज र सरल रुपमा प्रस्तुत गर्नु नै ‘पिकोभिको’ को लक्ष्य रहेकोछ ।

फोटो सेयर गर्ने साइटहरु दर्जनौँ भएपनि, फोटोहरु हेर्न मिल्ने सही टुल्सहरुको अभाव देखेर पिकोभिको’को कन्सेप्ट आएको कुरा पिकोभिको’का संस्थापक द्वय मनिष मोदी र सुरज सापकोटा बताउँछन् । हामीसँगको कुराकानीमा उनीहरु अगाडि भन्छन्, “जब कसैले फेसबुकमा फोटो राख्छ भने, ती फोटोहरु हेर्नलाई हामीले ‘नेक्स्ट’ – ‘नेक्स्ट’ क्लिक गर्नुपर्छ, तर त्यसो गर्दा फोटो हेर्ने साथीलाई फोटोहरुले बाँधिरहन सक्दैन । अधिकांशले फेसबुकमा भएका फोटोहरु हेर्न नेक्स्ट - नेक्स्ट गर्दै क्लिक गर्न अल्छि र दिक्क मान्ने गरेकाछन् ! फेसबुक जस्ता साइटमा अपलोड गरिने फोटो एल्बमहरुले फोटो हेर्नेलाई बाँधि-नरहने कारणले गर्दा सजिलो तरिकाले फोटोहरु हेर्न मिल्ने टुल्सको आवश्यकता देखियो ! अनि हामीले पिकोभिको’को कन्सेप्ट ल्यायौँ, जसले फोटोहरुलाई भिडियोमा बदलिदिन्छ र विनारोकतोक सजिलै फोटोहरु हेर्न सकिन्छ । फोटोको अवस्था अनुसारको संगित र शब्दसँगै केही मिनेटमै पिकोभिकोबाट भिडियो बनाउन मिल्छ !”

पिकोभिको सार्वजनिक भएको दुई हप्तामै १० हजार भन्दा धेरै फोटोहरु पिकोभिकोमा अपलोड भइसकेकाछन् ! संस्थापक द्वय मनिष र सुरजको दुईजनाको समूहले करिब १ वर्षको मेहेनत लगाएर ‘पिकोभिको’ को निर्माण गरेकाहुन् । वाइ कम्बिनेटर (Ycombinator) जस्तै, भारतको ‘द मर्फस’ भन्ने स्टार्टअप एसिलेटर’ (startup accelerator - The Morpheus) ले पिकोभिको’लाई आर्थिक सहयोग गरेपछि, मनिष र सुरजको कन्सेप्टले पूर्णता पाएको हो । द मर्फस को सहयोग पाएर, पिकोभिको’को कन्सेप्ट लिएर, ग्लोबल बजारमा आफ्नो उपस्थिति जनाउने लक्ष्य सहित उनीहरु करिब १ वर्ष पहिले काठमाडौँबाट भारतको बेङ्लोर छिरेकाथिए ।

‘सिम्पलिसिटि’ अर्थात जो कसैले पनि सजिलैसँग फोटो, संगित र शब्दहरुको संयोजन गरेर केही मिनेटमै भिडियोहरु बनाउन सक्ने र बनाइएका भिडियोहरुलाई सहज तरिकाले सोसल नेटवर्कमा सेयर गर्ने सकिने कुराले गर्दा आफूहरु अन्य प्रतिस्पर्धी भन्दा राम्रो भएको, पिकोभिको’को ठम्याइ छ । यसका अतिरिक्त पिकोभिको’ले आफ्नो ‘फोटो टु भिडियो इन्जिन’ अन्य प्रतिस्पर्धिको भन्दा शक्तिशाली रहेको दावी गरेकोछ ।

फोटो, शब्द र संगितको संयोजन सहित फोटोहरुलाई क्षणभरमै भिडियो बनाउन सकिने पिकोभिको’मा हाललाई एउटा भिडियोमा ३० वटा फोटोहरु मात्र राख्न सकिन्छ । मार्च २५, २०१२ मा सार्वजनिक गरिएको पिकोभिकोमा दुई हप्ताको अन्तरालमा ५ सय बढि प्रयोकर्ताहरु, ४ सय भन्दा धेरै भिडियोहरु रहेकाछन् भने ३ हजार भन्दा धेरै पटक भिडियोहरु हेरिएकाछन् । र दिनहुँ थपिँदै गएका प्रयोगकर्ता, फोटो र भिडियोहरु र पाएका प्रतिक्रियाहरुबाट हौसिएको पिकोभिको टिम अब स्मार्टफोनको लागि पिकोभिको एप्स बनाउन लागिपरेकोछ । पिकोभिको टिमलाई शुभकामना !

पिकोभिकोबाट फोटोहरुको भिडियो कसरी बनाउने?

पिकोभिको चलाउन निकै सजिलो छ । पिकोभिकोबाट फोटोहरुलाई भिडियो बनाउन पहिले पिकोभिकोमा साइन अप गरेर आफ्नो एकाउन्ट बनाउन सक्नुहुन्छ वा सिधै फेसबुक कनेक्ट मार्फत साइन इन पनि गर्न सक्नुहुन्छ । कम्प्युटरमा भएका फोटोहरुका अतिरिक्त फेसबुक वा फ्लिकरमा भएका फोटोहरुलाई पनि सिधै पिकोभिकोमा ‘इम्पोर्ट’ गरेर भिडियो बनाउन सकिन्छ। भिडियोमा आफ्नो आवश्यकता अनुसार, पिकोभिकोमा उपलब्ध विभिन्न थिमहरुको साथै संगित र फोटो क्याप्सनहरु राख्न मिल्छ । यसरी पिकोभिकोमा अपलोड भएका फोटोहरु केही क्षणमै पिकोभिको’को शक्तिशाली इन्जिनले भिडियोमा परिवर्तन गरिदिन्छ । यसरी तयार भएको भिडियो, पिकोभिकोबाट सिधै फेसबुक, ट्विटर, गुगलप्लस, युट्युब लगायतका सामाजिक सञ्जालहरुमा सजिलै सेयर गर्न सकिन्छ । आफूले बनाएको भिडियो, डाउनलोड पनि गर्न सकिन्छ ।

यदि तपाई यो ब्लग पढ्दै हुनुहुन्छ भने, पिकोभिको प्रयोग गरेर, यसबारेमा प्रतिक्रिया दिन आग्रह गर्दछु ।

Message To My Mother

noreply@blogger.com (Aakar Anil) — Fri, 20 Apr 2012 18:18:16 PDT

Suddenly I have an urge to go back to that place again
To the heavenly darkness i truly never really feared
My own lil' room filled with nothing but candles of love
Back to my "Mother's Womb" which was so mesmerizing n divinely real....

I felt magically Blessed when i was inside of You Mother
Listening to your heartbeat, surrounded by angels from up above
How proud you were to carry me around for nine Tough months
Made me feel bold,extremely safe n very much loved.....

Even though I'm all grown now,settled in my own world
I miss your embrace,kisses on my forehead all the gestures n the care
How you protected me from every Thunderstorm that came my way
I miss you holding me in your arms n saying everything will be okay dear....

How can I ever thank you enough Mom
For my first word,my first step n everything you've done
You're the reason I’m here today breathing and smiling
You r the power in my prayers n the melody to my song.....

They say God lives in Temple,Mosque or in a church
I don't know if any of those stories are fairly true
I never go looking for God in different places
Coz I’ve seen my God all my life n Mommy"My God is YOU"....

(I luv U maa always n ever..i miss U,Can't wait to see U...Happy Mother's Day)

- By Janu Maya Image via bitmorecomplicated.com

Bulbul : Episode - 138

noreply@blogger.com (Aakar Anil) — Wed, 18 Apr 2012 10:14:52 PDT

Listen to Bulbul Episode-138

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-138

रामचन्द्र पौडेल फेसबुकमा : जनतामाझ पुग्ने उत्तम विकल्प [Ramchandra Paudel on Facebook]

noreply@blogger.com (Aakar Anil) — Mon, 16 Apr 2012 10:38:49 PDT

अमेरिकी राष्ट्रपति वाराक ओवामाले आफ्नो राष्ट्रपतिको चुनाव प्रचारको लागि सोसलमिडियाको भरपुर उपयोग गरेका थिए । सोसलमिडियामा गरिएको व्यापक ‘क्याम्पिङ’का कारण ओवामालाई राष्ट्रपतिय निर्वाचनमा सफलता मिलेको थियो ! ओवामा त एउटा प्रतिनिधी पात्र मात्रै हुन् ! हिजोआज सोसल मिडियालाई पत्रकार, कलाकार आदिले मात्र होइन राजनितिज्ञले पनि अंगाल्दै गइरहेकाछन् । भेनेजोएलाका राष्ट्रपति ह्युगो चाभेज देखि लिएर क्युवाका फिडेल क्यास्ट्रो, अनि भारतका प्रधानमन्त्री मनमोहन सिंह लगायतहरुले ट्विटरमा आफ्नो उपस्थिति जनाइसकेकाछन् ।

आफ्नो पक्षमा जनमत बनाउन भनौँ वा जनतामाझ पुग्नको लागि राजनितिज्ञहरुले हिजोआज सोसलमिडियाको भरपुर उपयोग गर्न थालेकाछन् ! वर्षदिन अघिको खबरलाई साँचो मान्ने हो भने, भेनेजोएलाका राष्ट्रपति ह्युगो चाभेजले आफ्नो ट्विटर व्यवस्थापनको लागि करिब २०० कर्मचारी खटाएका थिए । संसारभरी फैलिएको सोसलमिडियाको ज्वरो, नेपालमा बिस्तारै छिर्दै गएकोछ । केही नेपाली कलाकारहरु र नेपाली ब्रान्डहरुले सोसलमिडिया विशेषत फेसबुकमा आफ्नो उपस्थिति जनाएका भएपनि नेपाली राजनितिज्ञहरु फेसबुक तथा ट्विटरमा भेट्न मुस्किल नै पर्छ भन्दा फरक पर्दैन । यसो भन्दैमा नेपाली राजनितिज्ञहरु फेसबुकमा हुँदै नभएका भने होइनन् तर भएकाहरु पनि रेगुलर फेसबुक अपडेट गर्दैनन् अनि फेसबुकमा ओरिजिनल भन्दा “फेक” एकाउन्टहरुकै हाली मुहाली रहेकोछ । बाबुराम र प्रचण्डको फेसबुकमा दर्जन बढि पेजहरु होलान् तर दुर्भाग्य सबै “फेक” पेजहरु हुन् ।

सोसल मिडियाको बढ्दो लोकप्रियता र प्रयोग सँगै केही नेपाली नेताहरु फेसबुक प्रति आकर्षित भएकाछन् । गगन थापा, प्रकाश दाहाल आदि नियमित फेसबुकमा आफ्ना अपडेटहरु राख्ने गर्छन् । यसैक्रममा अब नेपाली कांग्रेस पार्टिका उपसभापति रामचन्द्र पौडेल पनि थपिएकाछन् । तनहूँ क्षेत्र नं.२ बाट संविधानसभामा विजयी नेपाली कांग्रेसका नेता रामचन्द्र पौडेलले गत महिना मे ३ देखि आफ्नो फेसबुक पेज सञ्चालनमा ल्याएकाहुन् ।

रामचन्द्र पौडेलको फेसबुक पेजमा, पौडेलका धारणाहरु, फोटोहरु तथा उनीसँग सम्बन्धित समाचारहरु पोष्ट गरिएकाछन् । नियमित रुपमा अपडेट भइरहेको फेसबुक पेजमा, सहयोगीको सहयोगमा आफ्नो फेसबुक पेजमा अन्तरक्रिया गर्ने गरेकाछन् । हाललाई विशेषत: संघियता सम्बन्धि पोष्टहरु नै उनको पेजमा देख्न सकिन्छ । यसका अलवा, देश विकासको लागि युवा जनशक्ति परिचालन हुनुपर्छ भन्ने मान्यता सहितका भनाइहरु राखिएकाछन् । उनले फेसबुक मार्फत नै सल्लाह, सुझाव लिने पनि गरेकाछन् । यो ब्लग तयार पार्दा सम्म १ सय ४९ जनाले पौडेलको पेजलाई लाइक गरेकाछन् ।

सोसलमिडियाको उपयोगिता बुझेर, फेसबुकमा आफ्नो पेज सञ्चालनमा ल्याएका पौडेललाई बधाइ छ ! आशा छ, सोसल मिडियाको माध्यमबाट जनताका धारणाहरु बुझ्न उनलाई सजिलो हुनेछ र जनताका आकांक्षा बुझेर आफ्ना पाइलाहरु चाल्नेछन् । नेपाली कांग्रेसका उपसभापति रामचन्द्र पौडेललाई फेसबुकमा हार्दिक स्वागत छ ! पौडेलका साथ साथै हामीलाई पनि सफलता मिलोस्, साँच्चैको नयाँ नेपालको अनुभुति गर्न पाइयोस्, शुभकामना !

फेसबुकमा रामचन्द्र पौडेललाई लाइक गर्नु्स !

नयाँ वर्ष २०६९ को शुभकामना ! [Happy New Year 2069]

noreply@blogger.com (Aakar Anil) — Thu, 12 Apr 2012 18:01:00 PDT

आज देखि नयाँ वर्ष २०६९ लागेकोछ ! हुन त दिन, हप्ता, महिना उनै हुन् ! बिहान, दिउँसो, बेलुका अनि रातीको आफ्नो ‘टाइमटेवल’ पनि उही नै हो ! तर पनि नयाँ वर्ष भन्ने बित्तिकै, आजको शुक्रबार अन्य शुक्रबार भन्दा पृथक र विशेष छ । यो शुक्रबार नयाँ वर्षको दिनमा परेको छ !

मान्छे उही नै हुन्, सोच उनै हुन् तर पनि नयाँ वर्ष लागेपछि हामी केही राम्रो सोच्ने प्रण गर्छौँ, राम्रो गर्ने प्रण गर्छौँ ! आफ्ना आशा र विश्वासलाई अझ दरिलो पारेर, अघि बढ्ने कुरा नै हुने गर्छन्, वर्षको पहिलो दिनमा ! तर वर्षको अन्त्य सम्म आइपुग्दा, आफूले सोचेका – नसोचेका अनगिन्ती कुराहरु हुन्छन् ! अनि वितेको वर्षलाई नियाल्दा, कुनै कुरा राम्रा लाग्छन्, अनि कुनै कुरा आफैँलाई झुर लाग्छन् ।

सायद नयाँ वर्ष, आफूले गरेका कामहरुलाई फर्किएर हेर्ने स्थान पनि होला, अनि सकरात्मक सोच्ने समय होला । २०६८ मेरा लागि निकै महत्वपूर्ण वर्ष रह्यो ! २०६८ मा इन्जिनियरिङ पास गरियो, पहिलोपटक रेल अनि जेट चढियो, पहिलोपटक नै बेङ्लोर गइयो, इन्टर्नसिपको लागि ! हुन त जिन्दगीमा गरिने सबै कुराहरु पहिलोपटक नै हुन्छन्, तर पनि पहिलोपटक कुनै काम गरियो भने त्यसको बेग्लै खुशी लाग्ने रहेछ ! जिवनमा पहिलोपटक “जागिर” खाने देखि लिएर, पोखरामा हावामा कावा खाँदै प्याराग्लाइडिङ नि गरियो । अनि पहिलोपटक ‘व्यस्तता’ भनेको के रहेछ, भन्ने कुरा पनि अनुभव गर्न पाइएको छ ! धेरै कुरा गर्न मन लाग्छ तर यति व्यस्त भइएकोछ कि, यही ब्लगमा लेख्ने काम पनि निकै पातलिँदै गएको छ !

नयाँ वर्षमा यो नै गर्छु भन्ने योजना बनाइएको छैन ! जे हुन्छ राम्रै को लागि हुन्छ, भन्ने कुरामा प्राय: विश्वास गर्छु ! अन्जानमै गरिएका कुराहरुलाई पनि निरन्तर अभ्यास गर्दै जाँदा, सिक्दै र सुधार गर्दै जाँदा, गरेका प्राय: कुराहरुमा सफल भइने रहेछ भन्ने लाग्छ । आफूले जानेका साना साना कुराहरु अरुलाई पनि बाँड्दै जाँदा आफूमा आत्मविश्वास पनि बढ्दोरहेछ ! धुलिखेलको ४ वर्षे बसाइ पछि, फेरि काठमाडौँ फर्किएको छु ! ४ वर्ष अघि विश्वविद्यालय छिर्दा र गतवर्ष विश्वविद्यालयबाट बाहिर निस्कदाँ आफूमा आकास-पातालको फरक पाएको छु ।

नयाँ वर्ष लागि नै सकेको छ, बितेको समय फर्केर आउँदैन तर त्यस समयमा गरिएका गल्तिहरुलाई सुधार्दै, त्यसै गल्तिबाट सिक्ने प्रयास गर्दै अघि बढ्नेछु । आफ्नो ठाउँ र सामर्थ्यले भ्याएसम्म, अनि आफ्नो ब्रम्हले देखेसम्म सबैको भलो हुने कुरा गर्न नै कोशीस गर्नेछु !

“आकार पोष्ट” ब्लग पढ्नुहुने, “आकार अनिल” भनेर चिन्नुहुने, माया र सहानुभुति दर्शाउनु हुने, देश विदेशमा रहनुभएका सम्पूर्ण साथीहरुलाई नयाँ वर्ष २०६९ को हार्दिक मंगलमय शुभकामना ! तपाईहरुको पल शुभ बितोस् ! “Happy New Year 2069” !

Bulbul : Episode - 137

noreply@blogger.com (Aakar Anil) — Wed, 11 Apr 2012 10:03:58 PDT

Listen to Bulbul Episode-137

Bulbul is a Radio Program (a gajal program).

Thanks to BULBUL Team for bringing such a wonderful program.You can directly send your suggestion, comments & even your gajal to:bulbul[at]unn.com.np or to: ghimireachyut[at]gmail.com

Download Bulbul : Episode-137