عبدالعلیم خان بلاگز

عبدالعلیم خان کا عمران خان کے انٹر ویو پرتبصرہ، کسی بھی چینل پر مناظرے کا چیلنج دے دیا

noreply@blogger.com (Ahsan Riaz) — Fri, 06 May 2022 12:13:00 +0000

عبدالعلیم خان کا عمران خان کے انٹر ویو پرتبصرہ، کسی بھی چینل پر مناظرے کا چیلنج دے دیا

عبدالعلیم خان نے عمران خان کے انٹر ویو میں لگائے گئے الزامات کا جواب دیتے ہوئے انہیں کسی بھی ٹی وی چینل پر مناظرے کا کھلا چیلنج دے دیا ہے۔انہوں نے کہا کہ مجھ پر 300ایکڑ اراضی ریگولرائز کرانے کا الزام لگانے سے پہلے عمران خان کو علم ہونا چاہیے کہ میرے پاس 3000سے زائد ایکڑ اراضی موجود ہے اور جس سوسائٹی کے حوالے سے وہ الزام لگا رہے ہیں وہ 2010سے پہلے بھی میرے پاس ہی تھی جب عمران خان اپنے ساتھیوں کے ہمراہ میرے گھر پیسے مانگنے آئے تھے۔عبدالعلیم خان نے کہا کہ عمران خان یاد رکھیں کہ پارٹی میں شمولیت کے لئے وہ میرے گھر آئے تھے میں اُن کے پاس نہیں گیا۔ انہوں نے کہا کہ وہ لوگوں سے زمین خرید کر رہائشی سوسائٹی بناتے ہیں جبکہ عمران خان کے بنائے گئے ادارے "روڈا" کے ذریعے زمینیں ایکوائر کی جاتی ہیں۔انہوں نے عمران خان سے کہا کہ وہ عزت سے نام لیں گے تو وہ بھی اُن کا عزت سے نام لیں گے اورجب جب اُن کے بارے میں بات کی جائے گی وہ اُس کا بھرپور جواب دیں گے۔عبدالعلیم خان نے کہا کہ عمران خان قوم کو سارے حقائق بتائیں کہ انہوں نے کونسے فنانسرز کے ذریعے "روڈا "کا ادارہ بنوایا اور خود ہر طرح کی زمینیں ایکوائر کر کے اُن پر شاپنگ پلازے، گالف کورس اور کمرشل عمارتیں بنانے کی اجازت دی جن میں وائس چیئرمین ایل ڈی اے اور فرح گوگی کے نام بھی شامل ہیں۔ عبدالعلیم خان نے عمران خان کو یاد دلایا کہ 2011کے مینار پاکستان کے جلسے سے لے کر پارٹی پر جب بھی مشکل وقت آیا تو انہوں نے کس طرح اُن کاساتھ دیا،کیا 2010سے2018تک صرف300ایکڑ اراضی ریگولرائز کروانے کے لئے میں ان کے ساتھ تھا،یہ سن کر انہیں افسوس ہوا کہ عمران خان نے یہ الزام عائد کیا جس کا کوئی سر پیر نہیں۔انہوں نے کہا کہ آج حضرت علی کا 1500سال پہلے کا قول سچ ثابت ہو رہا ہے کس "کسی پر احسان کریں تو اُس کے شر سے بچیں "کیونکہ آج عمران خان یہی کچھ کر رہے ہیں۔

عبدالعلیم خان نے کہا کہ عمران خان نے پنجاب میں اسی لیے انہیں وزیر اعلیٰ نہیں لگایا تھا کہ اُن کی چوائس بزدار تھی جس کے ذریعے وہ فرح کو آگے لا کر کرپشن کا بازار گرم کرنا چاہتے تھے تاکہ ہر پوسٹنگ ٹرانسفر میں بھاری رقم مل سکے اور اگر علیم خان پنجاب کا وزیر اعلیٰ ہوتا تو کسی فرح خان کو ایسا کرنے کی اجازت نہ ملتی۔انہوں نے کہا کہ انہوں نے ہمیشہ سیاست اور پارٹی پر لگایا ہے کمایا کچھ نہیں،عمران خان یاد رکھیں کہ میں 2002میں جس گاڑی پر میں پہلی مرتبہ اسمبلی گیا تھا آج بھی اُس کا بہترین ماڈل میرے پاس ہے اور اللہ تعالیٰ نے مجھے بہترین رہائش بھی دے رکھی ہے۔انہوں نے عمران خان کو یاد دلایا کہ پارٹی مہم کے دوران ایک بڑے ڈویلپر نے عمران خان کا ہیلی کاپٹر یہ کہہ کر اپنی سوسائٹی میں اتارنے سے انکار کر دیا تھا کہ میں کوئی علیم خان نہیں ہوں کہ اپنا نقصان کرتا پھروں۔ عبدالعلیم خان نے کہا کہ بہتر ہو گا کہ عمران خان الزامات لگانے سے باز رہیں،سیاست کریں، قوم کو گمراہ کرنے کی کوشش کرتے رہیں، جو لباد ہ اوڑھا ہوا ہے اسے جاری رکھیں یا پھر کھلے بندوں آ کر بیٹھ کر کسی بھی چینل پر میرا اور جہانگیر ترین کا سامنا کریں سب باتیں سامنے کر لیتے ہیں کہ کس نے کیا کیا کچھ کیا۔ انہوں نے کہا کہ عمران خان خاموش تھے تو میں نے بھی کچھ نہیں کہا اب انہوں نے بات کی ہے تو اُس کا جواب بھی لے لیں۔عبدالعلیم خان نے کہا کہ آج امریکہ کی سازش کا ڈھنڈورا پیٹنے والوں کوپہلے بھی بتایا تھا کہ غیر ملکی سفیروں سے میری پہلی ملاقات خود عمران خان کے گھر پر ہوئی تھی جہاں انہوں نے امریکہ،انگلینڈ اور یورپی یونین کے سفیروں سے ملاقاتیں کیں۔انہوں نے سوال کیا کہ عمران خان جواب دیں کہ یہ کونسامعیار ہے کہ اگر وہی سفیر عمران خان کو ملے تو ٹھیک اور مجھے ملیں تو ہم غدار؟انہوں نے کہا کہ اگر میرے اندر جذبہ نہ ہوتا تو میں 10سال آپ کے ساتھ اپوزیشن میں رہ کر کھڑا نہ ہوتا بلکہ حکومت کے ساتھ ہوتا۔ انہوں نے کہا کہ عمران خان کو علم ہے کہ اُن کے جتنے بھی ساتھی تھے وہ حکومت میں اُن کے ساتھ تھے۔انہوں نے کہا کہ عمران خان اپنا بھرم قائم رکھیں جتنا آپ بولیں گے اتنی باتیں کھلتی جائیں گی۔

پراپیگنڈہ مہم اور جھوٹی خبریں پرویز الہی کو شکست سے نہیں بچا سکتیں:ترجمان عبدالعلیم خان

noreply@blogger.com (Ahsan Riaz) — Wed, 13 Apr 2022 11:42:00 +0000

پراپیگنڈہ مہم اور جھوٹی خبریں پرویز الہی کو شکست سے نہیں بچا سکتیں:ترجمان عبدالعلیم خان

حمزہ شہباز کو وزیر اعلیٰ بنائینگے،پرویز الہی کو ایسی حرکتوں سے کچھ حاصل نہیں ہوگا:ترجمان

حمزہ چھوٹے بھائیوں کی طرح،ہمارا محبت اور عزت کا رشتہ ہے:عبدالعلیم خان کا ٹوئٹ

عبدالعلیم خان کے ترجمان نے سوشل میڈیا کے حوالے سے وضاحت کرتے ہوئے کہا ہے کہ من گھڑت راپیگنڈہ مہم اور جھوٹی خبریں پرویز الہی کو شکست سے نہیں بچا سکتیں،عبدالعلیم خان کا حمزہ شہباز کے ساتھ عزت اور احترام کا رشتہ ہے اور اس حوالے سے سوشل میڈیا پر بھونڈی حرکتوں سے پرویز الہی کو کچھ حاصل نہیں ہوگا۔ترجمان نے مزید کہا کہ درحقیقت پرویز الہی کو صوبے میں اپنی شکست نظر آ گئی ہے، بہتر ہوگا کہ وہ وفاق کے بعد پنجاب میں بھی اپنی ہار تسلیم کر لیں۔ ترجمان نے کہا کہ عبدالعلیم خان اور اُن کے ساتھی حمزہ شہباز کو وزیر اعلیٰ بنائیں گے، پرویز الہی ایسے ہتھکنڈوں کی بجائے ووٹنگ کی طرف آئیں۔انہوں نے کہا کہ عبدالعلیم خان غیر مشروط طور پر اپوزیشن کا ساتھ دے رہے ہیں، وہ اپنے ساتھیوں کے ساتھ متحد ہیں اور ایسی جعلی ٹوئٹس اور بوگس خبروں سے پرویز الہی کو کچھ حاصل نہیں ہوگا۔

دریں اثناء عبدالعلیم خان کے اکاؤنٹ سے جاری ٹوئٹ میں بھی یہ کہا گیا کہ اب پرویز الہی کو اپنی ہار واضح طور پر نظر آ رہی ہے، اُن کو پتا چل چکا ہے کہ شکست اب اُن کا مقدر ہے اسی لیے وہ جعلی خبروں کا سہارا لے رہے ہیں۔عبدالعلیم خان نے اپنے ٹوئٹ میں مزید کہا کہ حمزہ شہباز میرے چھوٹے بھائیوں کی طرح ہیں اور اُن سے میرا بہت ہی اچھا محبت اور عزت کا رشتہ ہے، اُن سے ایسی کوئی بات ہوئی اور نہ ہی انشاء اللہ ہوگی۔

آئین کی دھجیاں اڑائی جا رہی ہیں،یہ جمہوریت کیلئے نیک شگون نہیں:عبدالعلیم خان

noreply@blogger.com (Ahsan Riaz) — Wed, 06 Apr 2022 15:04:00 +0000

آئین کی دھجیاں اڑائی جا رہی ہیں،یہ جمہوریت کیلئے نیک شگون نہیں:عبدالعلیم خان

عمران خان سے بھی کہوں گا کہ وہ تسلیم کریں کہ اُن کے پاس اکثریت نہیں رہی

اکثریت کھونے والے اپوزیشن میں بیٹھیں،جو کچھ ہو رہا ہے بد قسمتی ہے:میڈیا سے گفتگو

عبدالعلیم خان نے لاہور میں میڈیا سے غیر رسمی گفتگو کرتے ہوئے کہا ہے کہ وفاق کے بعد پنجاب میں بھی پی ٹی آئی راہ فرار اختیار کر رہی ہے،آئین کی دھجیاں اڑائی جا رہی ہیں یہ جمہوریت کیلئے نیک شگون نہیں۔عبدالعلیم خان نے مزید کہا کہ بہتر ہوگا کہ جمہوریت اور آئین کا مذاق نہ اڑائیں،ایوانوں کے اندر انتخاب ہونے دیں جو اکثریت رکھتا ہے اُس کا وزیر اعلیٰ منتخب ہو جائے گا۔عبدالعلیم خان نے کہا کہ اکثریت کھونے والوں کو اپوزیشن میں بیٹھنا چاہیے اس میں حرج کی کوئی بات نہیں،میں عمران خان سے بھی کہوں گا کہ وہ بھی تسلیم کر لیں کہ اُن کے پاس اکثریت نہیں۔ انہوں نے کہا کہ جو کچھ ہو رہا ہے بد قسمتی ہے،ایسا نہیں ہونا چاہیے۔اپنے ساتھیوں سے مقامی ہوٹل میں اظہار یکجہتی کرتے ہوئے عبدالعلیم خان نے کہا کہ اب وفاق کے بعد پنجاب میں بھی پی ٹی آئی کی شکست یقینی ہو چکی ہے،یہ کب تک حیلوں بہانوں کے پیچھے چھپیں گے۔انہوں نے کہا کہ سیاست میں ذمہ دارانہ رویے کا مظاہرہ ہونا چاہیے اور ملک و قوم کے محفوظ مستقبل کو اولیت حاصل ہونی چاہیے۔ عبدالعلیم خان نے کہا کہ عمران خان کا بیانیہ اپنی ساکھ کھو چکا ہے اب انہیں اصل صورتحال کا ادراک ہو جانا چاہیے اورآئین اور قانون کے مطابق ملکی معاملات کو آگے چلنے دینا چاہیے۔

عبدالعلیم خان کی لاہور میں موجودہ سیاسی صورتحال پر پریس کانفرنس

noreply@blogger.com (Abdul Aleem Khan) — Mon, 04 Apr 2022 15:28:00 +0000

لاہور۔4اپریل:۔۔۔

عبدالعلیم خان نے لاہور میں منعقدہ ہنگامی پریس کانفرنس سے خطاب کرتے ہوئے کہا ہے کہ انہوں نے 2010میں تحریک انصاف میں شمولیت اختیار کی اور30اکتوبر 2011کے مینار پاکستان کے جلسے سے لے کر2018کی انتخابی مہم تک تحریک انصاف کے ہر جلسے، احتجاج، جلسوس،دھرنے اور دیگر سرگرمیوں کے لئے ہمیشہ انتظامی اور مالی لحاظ سے خود کو وقف رکھا۔انہوں نے چیلنج کیا کہ آج تک پاکستان تحریک انصاف میں اُن کے مقابلے میں اگر کسی کی آدھی بھی خدمات ہوں تو اسے سامنے لایا جائے۔انہوں نے کہا کہ آج صرف اُس پرویز الہی کو ووٹ نہ دینے پر اُن کے خلاف الزامات عائد کیے جا رہے ہیں جن کو خود عمران خان نے چور اور ڈاکو قرار دیا۔ عبدالعلیم خان نے کہا کہ 25جولائی2018کو ایم پی اے منتخب ہونے کے فوراً بعد 15دنوں میں انہیں 4مرتبہ نیب کے نوٹس موصول ہو گئے اور جب عثمان بزدار وزیر اعلیٰ نامزد ہوئے تو میں نیب کے دفتر ہی بیٹھا ہوا تھا جس کے بعد6ماہ تک خاموشی رہی اور عثمان بزدار کی تبدیلی کی خبریں شروع ہوتے ہی مجھے نیب آفس بلا کر گرفتار کر لیا گیا اور صرف اور صرف عمران خان کے کہنے پر مجھے100دن جیل میں رکھا گیا۔عبدالعلیم خان نے واضح کیا کہ پارٹی کے ساتھ سب سے زیادہ وفاداری کرنے والے جہانگیر ترین اور عبدالعلیم خان کے ساتھ کیاسلوک کیا گیا؟کیا پنجاب میں ہونے والی کرپشن، لوٹ مار اور مس مینجمنٹ کے ہم ذمہ دار تھے؟انہوں نے انکشاف کیا کہ اُن کے پاس عمران خان سے ہونے والی بات چیت موبائل میں محفوظ ہے جس وقت آنے پر سامنے لایا جا سکتا ہے۔عبدالعلیم خان نے کہا کہ عمران خان نے صرف اور صرف قومی اسمبلی کے 4سے 5ووٹوں کے لئے ق لیگ کو گلے لگایا لیکن وہ اور اُن کے ساتھی چوہدری پرویز الہی کو کسی قیمت پر ووٹ نہیں دینگے۔انہوں نے کہا کہ ووٹ دینے کے اگلے دن پنجاب اسمبلی کی سیٹ سے مستعفی ہو جائیں گے۔انہوں نے کہا کہ مجھ پر الزام لگانے والے سامنے آئیں اور ثابت کریں کہ علیم خان نے کبھی کہیں ایک پیسے کی کرپشن کی ہو، عمران خان کو چیلنج ہے کہ وہ میڈیا کی موجودگی میں میرا سامنا کرے اور اگر میں جھوٹا ہوا تو میں سب کے سامنے اپنے آپ کو گولی مار لوں گا ورنہ عمران خان اپنی سزا خود تجویز کر لیں۔ عبدالعلیم خان سے سوال کیا کہ کیوں عمران خان کو پنجاب اسمبلی کے تحریک انصاف کے183اراکین میں سے وزیر اعلیٰ کے لئے کوئی ایک امیدوار نہیں ملا؟عبدالعلیم خان نے ایک سوال کے جواب میں کہا کہ پنجاب میں کرپشن کرنے والی خاتون فرخ خان پوسٹنگ اور ٹرانسفر کے پیسے لیتی رہیں، کمشنر، ڈپٹی کمشنر، سیکرٹری، ایس پی اور ڈی پی او تک کے ریٹ طے تھے اور ایک سال بعد اُن کا تبادلہ کر دیا جاتا تھا یا اُن سے مزید رقم طلب کی جاتی تھی۔ انہوں نے کہا کہ اگر پنجاب سے 4بیورو کریٹ پکڑے گئے تو سب سامنے آ جائے گا۔عبدالعلیم خان نے کہا کہ عمران خان نے تبدیلی اور نئے پاکستان کا لبادہ اوڑھا ہوا ہے، اُ ن کا ان چیزوں سے دور کا بھی تعلق نہیں اور وہ پاکستان کے عوام کو گمراہ کر رہے ہیں۔انہوں نے کہا کہ توشہ خانہ، غیر ملکی رہنماؤں سے ملنے والے تحائف اور دیگر معاملات زبان زد عام ہیں جن کے بارے میں عمران خان کوئی وضاحت نہیں کر سکتے۔ عبدالعلیم خان نے کہا کہ کوئی مجھے مت بتائے کہ کون محب وطن ہے، میرا جینا مرنا پاکستان کے لئے ہے اور میں ہمیشہ اس ملک کی خدمت کرتا رہوں گا۔اپنے سیاسی مستقبل کے حوالے سے عبدالعلیم خان نے سوال کا جواب دیتے ہوئے کہا کہ جیسے اللہ تعالیٰ کو بہتر منظور ہوا ہو جائے گا،ہم سب نے اپنے بچوں اور نئی نسل کے بہتر مستقبل کے لئے عمران خان کا ساتھ دیا تھا اور ہم دیانتداری سے سمجھتے تھے کہ وہ یہ کام کریں گے لیکن2018کے بعد اُن کے ترجمانوں سمیت جو چہرے سامنے آئے اُن کا پی ٹی آئی سے دور کا بھی تعلق نہیں تھا۔ موجودہ سیاسی حالات پر بات کرتے ہوئے عبدالعلیم خان نے کہا کہ وہ چوہدری شجاعت حسین کو سلام پیش کرتے ہیں جنہوں نے حق پر رہتے ہوئے اپوزیشن کا ساتھ دیا جبکہ مونس الہی اراکین اسمبلی کی کروڑوں روپے کی بولیاں لگا رہے ہیں۔انہوں نے اس امر پر افسوس کا اظہار کیا کہ پی ٹی آئی سوشل میڈیا کے ذریعے پراپیگنڈے میں مصروف ہے انہیں عوام سے جھوٹ نہیں بولنا چاہیے اگر وہ اس جھوٹ سے باز نہ آئے تو میں سچ بولنے پر مجبور ہوں گا اور اصل صورتحال عوام کے سامنے لاؤں گا کہ پی ٹی آئی کی فنڈنگ سے لے کر ضمنی اور عام انتخابات میں انہوں اور اُن کے ساتھیوں نے کتنا پیسہ فراہم کیا۔عبدالعلیم خان نے کہا کہ ڈاکٹر یاسمین راشد کے الیکشن میں جہانگیر ترین،میاں خالد محمود اور میں نے ڈونیشن دیے جبکہ پارٹی کی تمام سرگرمیوں کے لئے بھی فنڈز،گاڑیاں، دفاترو عملہ اور دیگر تمام وسائل فراہم کرتے رہے۔انہوں نے کہا کہ آج عمران خان ایک مرتبہ پھر عوام سے جھوٹ بول رہا ہے اور غیر ملکی سفیروں سے ملاقات کے حوالے سے جو الزامات لگائے جا رہے ہیں اُن کا کوئی سر پیر نہیں۔عبدالعلیم خان نے کہا کہ میری امریکی سفیر سے ملاقات خود عمران خان کے گھر میں بیٹھ کر ہوئی تھی اور آج بھی مجھے امریکہ کے علاوہ یورپی ممالک، عرب امارات، سعودی عرب اور دیگر ملکوں کے سفیر بھی ملتے ہیں اور ا ن ملاقاتوں پر اگر سازش یا غداری کا الزام لگ سکتا ہے تو عمران خان جواب دیں کہ کیا وہ خود امریکہ اور دیگر ملکوں کے سفیروں کو اپوزیشن میں ہوتے ہوئے نہیں ملتے رہے؟عبدالعلیم خان نے کہا کہ یہ نہیں ہو سکتا آپ اپنی مرضی کا میچ تو کھیلیں تو جب ہارنے لگیں تو وکٹیں اکھاڑ کر بھاگ جائیں۔انہوں نے کہا کہ سب لوگ ملک کے وفادار ہیں صرف عمران خان پاکستان کے مامے نہیں ہو سکتے۔عبدالعلیم خان نے کہا کہ انہوں نے پہلے کبھی سیٹ یا عہدے کی پرواہ نہیں کی او ر وہ آئندہ بھی بے لوث ملکی خدمت جاری رکھیں گے۔

سینئر وزیر پنجاب عبدالعلیم خان کا دیرینہ سیاسی ساتھی ولیم بھٹی کے انتقال پر اظہار افسوس

noreply@blogger.com (Ahsan Riaz) — Fri, 05 Nov 2021 15:10:00 +0000

سینئر وزیر پنجاب عبدالعلیم خان کا دیرینہ سیاسی ساتھی ولیم بھٹی کے انتقال پر اظہار افسوس

ولیم بھٹی میرے ساتھ 20سال سے سیاسی رفاقت میں تھے:عبدالعلیم خان کا اظہار تعزیت

سینئر وزیر پنجاب عبدالعلیم خان نے اپنے دیرینہ سیاسی ساتھی اور پاکستان تحریک انصاف کے متحرک کارکن ولیم بھٹی کے انتقال پر گہرے دکھ اور افسوس کا اظہار کرتے ہوئے کہا ہے کہ ولیم بھٹی بہترین شخصیت کے مالک تھے اور اُن کی میرے ساتھ 20سال سے سیاسی رفاقت تھی، اُن کا اس دنیا سے رخصت ہونا بڑا نقصان ہے جو لمبے عرصے تک پورا نہیں ہو سکے گا۔ انہوں نے کہا کہ ولیم بھٹی ہر مشکل وقت میں میرے شانہ بشانہ تھے اور وہ تحریک انصاف اور نئے پاکستان کی جدوجہد میں ہمیشہ پیش پیش رہے جبکہ انہوں نے مسیحی برادری کے لئے بھی خصوصی خدمات سر انجام دیں جنہیں کبھی فراموش نہیں کیا جا سکتا۔سینئر وزیر عبدالعلیم خان نے مزید کہا کہ ولیم بھٹی پارٹی کا قیمتی اثاثہ تھے جنہوں نے ہر مشکل وقت میں میرا ساتھ دیا اور میں اُن کی وفات پر ذاتی طور پر غمزدہ ہوا ہوں۔ عبدالعلیم خان نے ولیم بھٹی کے اہل خانہ سے اُن کی وفات پر دلی طورپر اظہار افسوس کیا اور انہیں شاندار الفاظ میں خراج تحسین پیش کیا۔

سینئر وزیر پنجاب عبدالعلیم خان کا ممتاز کالم نگار ڈاکٹر اجمل نیازی کے انتقال پر اظہار تعزیت

noreply@blogger.com (Ahsan Riaz) — Mon, 18 Oct 2021 11:51:00 +0000

سینئر وزیر پنجاب عبدالعلیم خان کا ممتاز کالم نگار ڈاکٹر اجمل نیازی کے انتقال پر اظہار تعزیت

سینئر وزیر پنجاب عبدالعلیم خان نے ممتاز دانشور، کالم نگار اور تجزیہ کار ڈاکٹر اجمل نیازی کے انتقال پر گہرے دکھ اور افسوس کا اظہار کرتے ہوئے کہا ہے کہ ڈاکٹر اجمل نیازی انتہائی خوش اخلاق اور اعلیٰ شخصیت کے مالک تھے اور ان کی تحریریں نوجوان نسل کے لئے مشعل راہ ہیں جن سے ملک وقوم سے محبت اور مثبت طرز زندگی کا درس ملتا ہے۔ اپنے تعزیتی پیغام میں سینئر وزیر پنجاب نے مزید کہا کہ ڈاکٹر اجمل نیازی کی صحافتی میدان میں خدمات نا قابل فراموش ہیں جنہیں تادیر یاد رکھا جائے گا۔عبدالعلیم خان نے دعا کی کہ اللہ تعالیٰ مرحوم ڈاکٹر اجمل نیازی کو اپنے جوار رحمت میں جگہ دے اور غمزدہ خاندان کو صبر جمیل عطا فرمائے۔

سینئر وزیر پنجاب عبدالعلیم خان کا ممبر قومی اسمبلی پرویز ملک کے انتقال پر اظہار افسوس

noreply@blogger.com (Ahsan Riaz) — Mon, 11 Oct 2021 11:41:00 +0000

سینئر وزیر پنجاب عبدالعلیم خان کا ممبر قومی اسمبلی پرویز ملک کے انتقال پر اظہار افسوس

سینئر وزیر پنجاب عبدالعلیم خان نے پاکستان مسلم لیگ ن کے ممبر قومی اسمبلی پرویز ملک کے انتقال پر گہرے دکھ اور افسوس کا اظہار کیا ہے۔ اپنے تعزیتی پیغام میں عبدالعلیم خان نے کہا کہ پرویز ملک انتہائی سنجیدہ اور منجھے ہوئے سیاستدان تھے جن کی کمی مدتوں محسوس کی جاتی رہے گی۔ سینئر وزیر عبدالعلیم خان نے دعا کی کہ اللہ تعالیٰ مرحوم کو اپنے جوار رحمت میں جگہ دے اور غمزدہ خاندان کو یہ صدمہ ہمت سے برداشت کرنے کی توفیق دے۔

سینئر وزیر پنجاب عبدالعلیم خان کا معروف ایٹمی سائنسدان ڈاکٹر عبدالقدیر خان کی وفات پر اظہار افسوس

noreply@blogger.com (Ahsan Riaz) — Mon, 11 Oct 2021 11:40:00 +0000

سینئر وزیر پنجاب عبدالعلیم خان کا معروف ایٹمی سائنسدان ڈاکٹر عبدالقدیر خان کی وفات پر اظہار افسوس

سینئر وزیر پنجاب عبدالعلیم خان نے معروف ایٹمی سائنسدان ڈاکٹر عبدالقدیر خان کی وفات پر گہرے دکھ اور افسوس کا اظہار کیا ہے۔اپنے تعزیتی پیغام میں انہوں نے دعا کی ہے کہ اللہ تعالیٰ مرحوم کو جوار رحمت میں جگہ عطا فرمائے اور اُن کے اہل خانہ اور کروڑوں مداحین کو یہ صدمہ ہمت اور حوصلے سے برداشت کرنے کی توفیق دے۔سینئر وزیر عبدالعلیم خان نے مزید کہا کہ ڈاکٹر عبدالقدیر خان کی ملک و قوم کے لئے خدمات کو ہمیشہ یاد رکھا جائے گا اور ملک کو ایٹمی طاقت بنانے کے لئے اُن کی محنت اور جاں فشانی سنہرے حروف میں لکھی جائے گی۔

سینئر وزیر پنجاب عبدالعلیم خان کا عمر شریف کے انتقال پر دکھ اور افسوس کا اظہار

noreply@blogger.com (Ahsan Riaz) — Sat, 02 Oct 2021 10:36:00 +0000

سینئر وزیر پنجاب عبدالعلیم خان کا عمر شریف کے انتقال پر دکھ اور افسوس کا اظہار

سینئر وزیر پنجاب عبدالعلیم خان نے معروف کامیڈین عمر شریف کے انتقال پر گہرے دکھ اور افسوس کا اظہار کرتے ہوئے کہاہے کہ عمر شریف با صلاحیت اور جذبہ حب الوطنی سے بھرپور اعلیٰ شخصیت کے مالک تھے جنہوں نے فن کی دنیا میں جو خدمات سر انجام دیں انہیں تادیر یاد رکھا جائے گا۔ عبدالعلیم خان نے اپنے تعزیتی پیغام میں دعا کی کہ اللہ تعالیٰ مرحوم عمر شریف کو اپنے جوار رحمت میں جگہ عطا فرمائے اور اُن کے اہل خانہ سمیت چاہنے والوں کو صبر جمیل دے۔

سینئر وزیر پنجاب عبدالعلیم خان کا میر شکیل الرحمان کی والدہ کے انتقال پر اظہار افسوس

noreply@blogger.com (Ahsan Riaz) — Fri, 01 Oct 2021 11:40:00 +0000

سینئر وزیر پنجاب عبدالعلیم خان کا میر شکیل الرحمان کی والدہ کے انتقال پر اظہار افسوس

سینئرو زیر پنجاب عبدالعلیم خان نے مرحوم میر خلیل الرحمان کی اہلیہ اور جنگ گروپ کے ایڈیٹر ان چیف میر شکیل الرحمان کی والدہ محترمہ کے انتقال پر گہرے دکھ اور افسوس کا اظہار کیاہے۔اپنے تعزیتی پیغام میں عبدالعلیم خان نے دعا کی کہ اللہ تعالیٰ مرحومہ کو اپنے جوار رحمت میں جگہ دے اور غمزدہ خاندان کو صبر جمیل عطا فرمائے۔

صدر مملکت ڈاکٹر عارف علوی کی سینئر وزیر پنجاب عبدالعلیم خان کی رہائشگاہ پر آمد

noreply@blogger.com (Ahsan Riaz) — Fri, 24 Sep 2021 11:54:00 +0000

صدر مملکت ڈاکٹر عارف علوی کی سینئر وزیر پنجاب عبدالعلیم خان کی رہائشگاہ پر آمد

جسٹس (ر) محمد صابر کے انتقال پر افسوس کا اظہار، مرحوم کے لئے دعائے مغفرت

صدر مملکت ڈاکٹر عارف علوی لاہور میں سینئر وزیر پنجاب عبدالعلیم خان کی رہائشگاہ پر گئے اور وہاں اُن سے اُن کے سسر جسٹس(ر) محمد صابر کے انتقال پر گہرے دکھ اور افسوس کا اظہار کیا۔ انہوں نے دعا کی کہ اللہ تعالیٰ مرحوم کو جوار رحمت میں جگہ عطا فرمائے اور غمزدہ خاندان کو یہ صدمہ ہمت اور حوصلے سے برداشت کرنے کی توفیق دے۔

وزیر اعلیٰ سردار عثمان بزدار کی سینئر وزیر عبدالعلیم خان سے ملاقات، سُسر کے انتقال پر اظہار تعزیت

noreply@blogger.com (Ahsan Riaz) — Wed, 08 Sep 2021 11:54:00 +0000

وزیر اعلیٰ سردار عثمان بزدار کی سینئر وزیر عبدالعلیم خان سے ملاقات، سُسر کے انتقال پر اظہار تعزیت

وزیر اعلیٰ پنجاب سردار عثمان بزدار لاہور کینٹ میں سینئر وزیر پنجاب عبدالعلیم خان سے ملاقات کیلئے گئے جہاں انہوں نے اُن کے سُسر جسٹس (ر) محمد صابر کے انتقال پر تعزیت کا اظہار کیا۔انہوں نے مرحوم کے درجا ت کی بلندی کے لئے دعا کرتے ہوئے کہا کہ اللہ تعالیٰ انہیں جوار رحمت جگہ عطا فرمائے اور غمزدہ خاندان کو یہ صدمہ ہمت اور حوصلے سے برداشت کرنے کی توفیق دے۔

سینئر وزیر عبدالعلیم خان کے سُسر جسٹس (ر) راجہ محمد صابر کاانتقال،لاہور میں تدفین

noreply@blogger.com (Ahsan Riaz) — Wed, 08 Sep 2021 11:49:00 +0000

سینئر وزیر عبدالعلیم خان کے سُسر جسٹس (ر) راجہ محمد صابر کاانتقال،لاہور میں تدفین

سابق چیف جسٹس،چیف جسٹس لاہور ہائیکورٹ،ججز،وفاقی و صوبائی وزراء کی شرکت

سینئر وزیر پنجا ب عبدالعلیم خان کے سُسر جسٹس (ر) راجہ محمد صابر لاہور میں انتقال کر گئے،اُن کی نمازجنازہ ہفتہ کی رات نثا ر کالونی لاہور کینٹ میں ادا کر دی گئی جس میں سابق چیف جسٹس آف پاکستان جسٹس ثاقب نثار،چیف جسٹس لاہور ہائیکورٹ جسٹس محمدامیر بھٹی،ججز صاحبان،وفاقی وزیر فواد چوہدری، سینیٹر اعجاز چوہدری، صوبائی وزراء میاں محمود الرشیداور میاں خالد محمود سمیت اہم سیاسی و سماجی شخصیات نے شرکت کی۔ اراکین پنجاب اسمبلی اور تحریک انصاف کے رہنما بھی اُن کے جنازے میں شریک ہوئے اور سینئر وزیر پنجاب عبدالعلیم خان سے اُن کے سُسر کے انتقال پر گہرے دکھ اور افسوس کا اظہار کیا۔

سینئر وزیر عبدالعلیم خان کا کشمیر ی حریت رہنما سید علی گیلانی کے انتقال پر اظہار افسوس

noreply@blogger.com (Ahsan Riaz) — Thu, 02 Sep 2021 11:23:00 +0000

سینئر وزیر عبدالعلیم خان کا کشمیر ی حریت رہنما سید علی گیلانی کے انتقال پر اظہار افسوس

سید علی گیلانی کشمیر کی تحریک آزادی اور پاکستان دوستی کا استعارہ تھے:عبدالعلیم خان

سینئر وزیر پنجاب عبدالعلیم خان نے کشمیری حریت رہنما سید علی گیلانی کے انتقال پر گہرے دکھ اور افسوس کا اظہار کیا ہے۔اپنے تعزیتی پیغام میں عبدالعلیم خان کا کہنا تھا کہ سید علی گیلانی آزاد جمو ں و کشمیر میں اُس تحریک آزادی اور پاکستان دوستی کا استعارہ تھے جس کی کو ئی دوسری مثال نہیں ملتی۔عبدالعلیم خان نے کہا کہ سید علی گیلانی کی ساری زندگی بھارتی ظلم و استبداد کے خلاف جدوجہد کرتے ہوئے گزری،قید و بند کی صعوبتیں بھی سید علی گیلانی کے جذبہ آزاد ی کو دبا نہیں سکیں اور انہوں نے نظر بندی کے دوران ہی اپنی جان جان آفریں کے سپرد کر دی۔سینئر وزیر پنجاب عبدالعلیم خان نے مزید کہا کہ سید علی گیلانی کی جدوجہد آزادی بلا شبہ آنے والی نسلوں کے لئے بھی مشعل راہ ہے اور آج ہر پاکستانی اُن کے انتقال پر دلی طور پر غمزدہ اور اُن کی مغفرت کے لئے دعا گو ہے۔سینئر وزیر عبدالعلیم خان نے دعا کی کہ اللہ تعالیٰ مرحوم سید علی گیلانی کو جنت الفردوس میں جگہ عطا فرمائے اور اُن کے لواحقین اور پیروکاروں کو یہ صدمہ جانکاہ ہمت اور حوصلے سے برداشت کرنے کی توفیق دے۔

سینئر وزیر عبدالعلیم خان کی سروسز ہسپتال آمد، ڈائلسز یونٹس کی تزئین و آرائش کا جائزہ لیا

noreply@blogger.com (Ahsan Riaz) — Mon, 30 Aug 2021 11:11:00 +0000

سینئر وزیر عبدالعلیم خان کی سروسز ہسپتال آمد، ڈائلسز یونٹس کی تزئین و آرائش کا جائزہ لیا

سروسز ہسپتال میں 36مشینوں پر مشتمل 3منزلہ ڈائلسز بلاک تکمیل کے مراحل میں داخل

جدید مشینیں جرمنی سے درآمد،تمام اخراجات عبدالعلیم خان فاؤنڈیشن برداشت کریگی

سینئر وزیر پنجاب عبدالعلیم خان نے سروسز ہسپتال کے دورے کے دوران ڈائلسز یونٹس کی تزئین و آرائش کا جائزہ لیا اور اب تک کے کیے گئے کام پر اطمینان کا اظہار کرتے ہوئے ڈائلسز کے مریضوں کے لئے عبدالعلیم خان فاؤنڈیشن کی طرف سے معیاری اور مفت طبی سہولیات کی فراہمی جلد از جلد شروع کرنے کی ہدایات جاری کیں۔ انہوں نے فاؤنڈیشن کے زیر اہتمام سروسز ہسپتال میں جدید طبی سہولتوں سے مزئین 3بلاکس پر مشتمل ڈائلسز وارڈز کا معائنہ کیا جہاں انہیں بتایا گیا کہ یہاں فاؤنڈیشن کے زیر اہتمام ڈائلسز کی 36جدید مشینیں نصب ہوں گی اور یہ مشینیں جرمنی سے درآمد کی جا چکی ہیں جس کے تمام اخراجات عبدالعلیم خان فاؤنڈیشن اٹھا رہی ہے۔سینئر وزیر کو بتایا گیا کہ فاؤنڈیشن ان ڈائلسز یونٹس کو سروسز کے نیفرالوجی ڈیپارٹمنٹ کے اشتراک سے چلائے گی جبکہ ڈائلسز کے تینوں بلاک ائیر کنڈیشنڈ ہوں گے جہاں ڈائلسزکے مریضو اوراُن کے ساتھ آنے والے اٹینڈنٹس کو بھی مناسب سہولتیں فراہم کی جائیں گی۔ عبدالعلیم خان فاؤنڈیشن کے ڈائریکٹر بریگیڈئیر (ر) خالد بشیر نے بریفنگ میں بتایا کہ فاؤنڈیشن نئے بلاک کی تکمیل پر ڈائلسز مشینوں کی تعداد میں مزید اضافہ کرے گی جبکہ سروسز ہسپتال کے علاوہ عبدالعلیم خان فاؤنڈیشن میو ہسپتال میں بھی اسی طرز کے ڈائلسز یونٹس پر کام جاری رکھے ہوئے ہے جسے جلد از جلد پایہ تکمیل تک پہنچایا جائے گا۔

سینئر وزیر پنجاب عبدالعلیم خان نے گفتگو کرتے ہوئے بتایا کہ یہ فاؤنڈیشن صحت، تعلیم اور عوامی فلاح و بہبود کے مختلف منصوبوں پر گزشتہ 15برسوں سے کام کر رہی ہے جس کا مقصد کسی قسم کی سیاسی و دیگر وابستگی سے بالا تر ہو کر صرف اور صرف انسانی خدمت کرنا ہے۔ انہوں نے مزید بتایا کہ عبدالعلیم خان فاؤنڈیشن کسی بھی سرکاری و نجی ادارے کی مدد کے بغیرصرف اور صرف اپنے وسائل سے فلاحی کام کرتی ہے، اس فاؤنڈیشن نے کوٹ لکھپت جیل لاہور سمیت صوبے کی مختلف جیلوں میں قیدیوں کی سہولت کے لئے بڑے پیمانے پر فلاحی کام کیا ہے جسے وقت کے ساتھ ساتھ جاری رکھا جا رہا ہے۔ اسی طرح مختلف علاقوں میں فری ڈسپنسریوں کا قیام، واٹر فلٹریشن پلانٹس، یتیم بچیوں کیلئے اقامتی و تعلیمی ادارے اور غریب و نادار لوگوں کی مالی امداد بھی عبدالعلیم خان فاؤنڈیشن کے منصوبوں میں شامل ہے جس پر با قاعدگی کے ساتھ خطیر رقم خرچ کی جا رہی ہے۔ انہوں نے سروسز اور میو ہسپتال میں ڈائلسز وارڈز کی جلد تکمیل کا اعادہ کیا تاکہ ضرورت مند لوگوں کو مفت طبی سہولیات حاصل ہو سکیں۔

گندم وافر مقدار میں موجود، ابھی حکومت گندم ریلیز نہیں کر رہی:سینئر و وزیر خوراک

noreply@blogger.com (Ahsan Riaz) — Sun, 29 Aug 2021 12:35:00 +0000

گندم وافر مقدار میں موجود، ابھی حکومت گندم ریلیز نہیں کر رہی:سینئر و وزیر خوراک

اپنے ذاتی مفاد کیلئے حکومت پر گندم کی ریلیز کیلئے دباؤ نہیں ڈالا جا سکتا

مارکیٹ میں ذخائر وافر ہیں،ناجائز منافع خوری کی اجازت نہیں دینگے:عبدالعلیم خان

سینئر و وزیر خوراک پنجاب عبدالعلیم خان نے واضح کیا ہے کہ مارکیٹ میں گندم وافر مقدار میں موجود ہے،صوبے بھر میں کہیں بھی کسی قسم کی قلت کا کوئی خدشہ نہیں اور شہریوں کو گندم و آٹے کی بلا روک ٹوک فراہمی جاری رہے گی۔انہوں نے مزید کہاکہ پنجاب حکومت اور محکمہ خوراک مارکیٹ کی صورتحال پر مسلسل نگاہ رکھے ہوئے ہے اور حکومت مناسب وقت پر گندم ریلیز کرنے کا فیصلہ کرے گی۔

پنجاب میں گندم کی موجودہ صورتحال اور اس حوالے سے سامنے آنے والی خبروں پر جاری کردہ خصوصی بیان میں سینئر و وزیر خوراک پنجاب عبدالعلیم خان نے کہا کہ کوئی بھی اپنے ذاتی مفاد کے لئے پنجاب حکومت پرگندم کی ریلیز کے لئے دباؤ نہیں ڈال سکتاجبکہ اوپن مارکیٹ میں پہلے ہی گندم زیادہ مقدار میں موجود ہے لہذا سرکاری گندم کی ریلیز کے ذریعے ناجائز منافع خوری کی اجازت نہیں دیں گے۔ عبدالعلیم خان نے مزید کہا کہ پنجاب حکومت نے گزشتہ سال گندم پر85ارب روپے کی خطیر رقم کی سبسڈی دی۔انہوں نے کہا کہ اس سال بھی گندم کی بمپر فصل ہوئی ہے جس کی کسانوں کو بھی بہترین قیمت ادا کی گئی۔ عبدالعلیم خان نے کہا کہ محکمہ خوراک رواں سال سیزن کے اختتام تک گندم و آٹے کی بلا روک ٹوک وافرفراہمی یقینی بنانا چاہتا ہے اسی لیے صورتحال کے مطابق جیسے ہی مناسب ہوا سرکاری گندم کی ریلیز شروع کر دی جائے گی۔ انہوں نے اس امر کا بھی اظہار کیا کہ آئندہ سال بھی گندم کی بمپر فصل متوقع ہے اور انشاء اللہ کہیں کوئی کمی نہیں ہوگی۔

پاک فوج سرحدوں کی حفاظت کیلئے مسلسل جانوں کے نذرانے پیش کر رہی ہے:عبدالعلیم خان

noreply@blogger.com (Ahsan Riaz) — Sat, 28 Aug 2021 11:18:00 +0000

پاک فوج سرحدوں کی حفاظت کیلئے مسلسل جانوں کے نذرانے پیش کر رہی ہے:عبدالعلیم خان

وزیر اعظم عمران خان نے افغان مسئلے پر حقیقت پسندانہ پالیسی اختیار کی:سینئر وزیر کا ٹوئٹ

سینئر وزیر پنجاب عبدالعلیم خان نے کہا ہے کہ خطے کی موجودہ صورتحال کے تناظر میں موجودہ حکومت اور پاک فوج کو دوہرے چیلنجز کا سامنا ہے،افواج پاکستان کے جوان ملکی سرحدوں کی حفاظت کے لئے مسلسل اپنی جانوں کے نذرانے پیش کر رہے ہیں اور ساری قوم اُن کے ساتھ عقیدت کا اظہار کرتی ہے۔
اپنے ٹوئٹ میں سینئر وزیر پنجاب عبدالعلیم خان کا کہنا تھا کہ وزیر اعظم عمران خان نے افغان مسئلے پر شروع دن سے ہی حقیقت پسندانہ پالیسی اختیار کی ہے اور وقت کے ساتھ ساتھ اُن کا موقف سو فیصد درست ثابت ہوا ہے۔عبدالعلیم خان نے کہا کہ پاکستان کو افغانستان کے باعث گزشتہ چارعشروں سے خصوصی چیلنجز درپیش ہیں اور افغان مہاجرین سمیت پاکستان کے اندرونی حالات کو بھی خطرات لاحق رہے ہیں۔ انہوں نے کہا کہ پاکستان کو ایک مرتبہ پھر عالمی تناظر میں خصوصی اہمیت حاصل ہو گئی ہے اور موجودہ حکومت وزیر اعظم عمران خان کی قیادت میں انشاء اللہ درست اقدام اٹھائے گی۔ سینئر وزیر عبدالعلیم خان نے اپنے ٹوئٹ میں سرحد پار افغانستان سے پاک فوج کی چوکی پر ہونے والے حملے کی شدید الفاظ میں مذمت کی اور اس افسوسناک واقعہ میں شہید ہونے والے حوالدار گل امیر کو خراج عقیدت پیش کرتے ہوئے اُن کے اہل خانہ سے دلی ہمدردی کا اظہار کیا۔ انہوں نے اس حملے میں زخمی ہونے والے جوانوں کی جلد صحت یابی کی بھی دعا کی ہے۔

یوم آزادی: سینئر وزیر عبدالعلیم خان کی حضوری باغ آمد، مزار اقبال پر حاضری، پرچم کشائی کی

noreply@blogger.com (Ahsan Riaz) — Sat, 14 Aug 2021 11:09:00 +0000

یوم آزادی: سینئر وزیر عبدالعلیم خان کی حضوری باغ آمد، مزار اقبال پر حاضری، پرچم کشائی کی

چاک و چوبند دستے نے سلامی پیش کی، ملکی سلامتی و خوشحالی کیلئے خصوصی دعائیں کی گئیں

سینیٹر اعجاز چوہدری، صوبائی وزراء میاں محمود الرشید اور پیر سید سعید الحسن و دیگر کی شرکت

آج کا دن برصغیر کے مسلمانوں کی لازوال قربانیوں کی یاد دلاتا ہے:عبدالعلیم خان

یوم آزادی کے حوالے سے حضوری باغ میں پر وقار تقریب کا انعقاد کیا گیا جس میں سینئر وزیر پنجاب عبدالعلیم خان نے بطور مہمان خصوصی شرکت کی۔تقریب میں چاک و چوبند دستے نے سلامی پیش کی جس کے بعدسینئر وزیر پنجاب عبدالعلیم خان نے پرچم کشائی کی۔انہوں نے مزار اقبال پر حاضری دی اور فاتحہ خوانی کی۔ سینیٹر اعجاز احمد چوہدری، صوبائی وزراء میاں محمود الرشید، پیر سید سعید الحسن شاہ و دیگر اہم سماجی شخصیات نے بھی تقریب میں شرکت کی۔ مہمان خصوصی سینئر وزیر عبدالعلیم خان نے طلبا و طالبات کے ہمراہ ملی نغمے گائے، پاکستانی پرچم سے مزئین جھنڈیاں لہرائیں اور وہاں موجود بچوں کو شاباش دی۔

اس موقع پر مہمان خصوصی سینئر وزیر پنجاب عبدالعلیم خان کا کہنا تھا کہ آج کا د ن بلا شبہ بر صغیر کے مسلمانوں کی لازوال قربانیوں کی یاد دلاتا ہے جنہیں ہم کسی صورت فراموش نہیں کر سکتے۔انہوں نے کہا کہ قائد اعظم محمد علی جناح کی ولولہ انگیز قیادت کے باعث علیحدہ مملکت وجود میں آئی اور آج یہ امر تسلی بخش ہے کہ وزیر اعظم عمران خان کی قیادت میں وطن عزیز درست ٹریک پر گامزن ہے، ملک دن بدن توانا اور مضبوط ہو رہا ہے اور اب ہم سب کو وطن عزیز کی مزید بہتری کے لئے اپنا مثبت کردار ادا کرنا ہوگا۔عبدالعلیم خان نے کہا کہ آزادی اللہ تعالیٰ کی طرف سے بہت بڑا تحفہ ہے جو قائد اعظم محمد علی جناح کی انتھک محنت، جدوجہد اور شہداء کی بے شمار قربانیوں کی بدولت ہمیں ملا ہے۔انہوں نے کہا کہ انشاء اللہ کشمیری بھائیوں کی قربانیاں بھی رائیگاں نہیں جائیں گی اور وہ بھی جلد یا بدیر آزادی کا سورج ضرور دیکھیں گے۔انہوں نے کہا کہ افواج پاکستان مادروطن کے تحفظ کے لئے ہمہ وقت سینہ سپر اور تیار ہیں اور اس دھرتی پر اپنی جانیں قربان کرنے والے قوم کے ہیرو اور ہمارے ماتھے کا جھومر ہیں۔عبدالعلیم خان نے کہا کہ آج کے دن ہم سب کو ملک وقوم کی سلامتی و خوشحالی کے عزم کی تجدید کرنی چاہیے اور اس کی ترقی و مضبوطی کے لئے دن رات کوشاں رہنے کا عہد کرنا چاہیے۔عبدالعلیم خان نے کہا کہ آج ضرورت اس امر کی ہے کہ نوجوان نسل اپنے اسلاف کی قربانیوں کو پیش نظر رکھتے ہوئے سبز ہلالی پرچم کی سربلندی کیلئے جذبہ حب الوطنی کے تحت اپنی تمام کاوشیں برؤئے کار لائے او ر اپنی قابلیت کا لوہا منوائیں۔یوم آزادی کی تقریب میں طلبا وطالبات نے بڑی تعداد میں شرکت کی، ملی نغمے گائے اور ایک دوسرے کو اس دن کی مبارکباد دی۔

سینئر وزیر پنجاب عبدالعلیم خان کا سینئر اداکارہ دردانہ بٹ کے انتقال پر اظہار افسوس

noreply@blogger.com (Ahsan Riaz) — Thu, 12 Aug 2021 11:32:00 +0000

سینئر وزیر پنجاب عبدالعلیم خان کا سینئر اداکارہ دردانہ بٹ کے انتقال پر اظہار افسوس

دردانہ بٹ نے ٹی وی کے ذریعے اپنی صلاحیتوں کا بھرپور اظہار کیا:عبدالعلیم خان

سینئر وزیر پنجاب عبدالعلیم خان نے سینئر اداکارہ دردانہ بٹ کے انتقال پر گہرے دکھ اور افسوس کا اظہار کرتے ہوئے کہا ہے کہ دردانہ بٹ نے ٹی وہ اور سٹیج کے ذریعے پوری دنیا میں اپنی صلاحیتوں کا بھرپور اظہار کیا، فن کے میدان میں اُن کی خدمات کو سنہری حروف میں تادیر یاد رکھا جائے گا۔عبدالعلیم خان نے دعا کی کہ اللہ تعالیٰ مرحومہ کو اپنے جوار رحمت میں جگہ عطا فرمائے اوراُن کے چاہنے والوں سمیت غمزدہ خاندان کو یہ نا قابل تلافی نقصان ہمت اور حوصلے سے برداشت کرنے کی توفیق دے۔

مشکلات کے باوجود وزیر اعظم عمران خان عوامی امنگوں پر پورا اتر رہے ہیں:عبدالعلیم خان

noreply@blogger.com (Ahsan Riaz) — Mon, 09 Aug 2021 12:03:00 +0000

مشکلات کے باوجود وزیر اعظم عمران خان عوامی امنگوں پر پورا اتر رہے ہیں:عبدالعلیم خان

کنٹونمنٹ بورڈ کے انتخابات میں عوام تحریک انصاف پر بھرپور اعتماد کا اظہار کریں گے

سینئر وزیر عبدالعلیم خان سے لاہور کنٹونمنٹ بورڈ کے امیدواران کی ملاقات،انتخابی مہم سے آگاہ کیا

سینئر وزیر پنجاب عبدالعلیم خان سے لاہور کنٹونمنٹ بورڈ کے امیدواران نے ملاقات کی اور اپنی اپنی انتخابی مہم کے حوالے سے آگاہ کیا۔ملاقات کرنے والوں میں راجہ شہزاد، استاد رشید، فاروق ڈوگر،ڈاکٹر فاروق چشتی اورمیجر (ر) عرفان اکبرشامل تھے جبکہ سابق ایم پی اے اور تحریک انصاف کے مرکزی رہنما شعیب صدیقی بھی اس موقع پر موجود تھے جنہوں نے لاہور کنٹونمنٹ بورڈ کے انتخابات کے حوالے سے تفصیلی گفتگو کی۔

اس موقع پر گفتگو کرتے ہوئے سینئر وزیر پنجاب عبدالعلیم خان نے کہا کہ مشکل حالات کے باوجود وزیر اعظم عمران خان عوام کی امنگوں پر پورا اترنے کے لئے دن رات کوشاں ہیں اور ملک کو مستحکم کرنے کے لئے ہر ممکن اقدامات کر رہے ہیں۔انہوں نے کہا کہ با شعور عوام تبدیلی کے حق میں فیصلہ دے چکے ہیں اور عوام کی وزیر اعظم عمران خان سے جو توقعات وابستہ ہیں وہ انشاء اللہ ضروپوری ہوں گی۔ عبدالعلیم خان نے کہا کہ لاہور میں کنٹونمنٹ کے بلدیاتی امیدوار گھر گھر جا کر لوگوں تک وزیر اعظم عمران خان کا پیغام پہنچائیں اور اُن کے ویژن کو عملی جامہ پہنانے کے لئے اپنی تمام توانائیاں صرف کریں۔ سینئر وزیر عبدالعلیم خان نے ملاقات کرنے والے پی ٹی آئی کے امیدواروں کو اپنے ہر ممکن تعاون کا یقین دلایا جس پر شکریہ ادا کرتے ہوئے امیدواروں نے بھرپور کامیابی کے عزم کا اظہار کیا۔اپنی گفتگو میں سابق ایم پی اے و پی ٹی آئی کے مرکزی رہنما شعیب صدیقی نے سینئر وزیر عبدالعلیم خان کو بتایا کہ کنٹونمنٹ کے انتخابات کے حوالے سے اُن کی تیاریاں مکمل ہیں اور انشاء اللہ عوام تبدیلی کے حق میں ہی ووٹ دیں گے اور وزیر اعظم عمران خان نے جو ملک کی تقدیر بدلنے کا خواب دیکھا ہے وہ ضرور شرمندہ تعبیر ہوگا۔

بھارت 74 برسوں سے کشمیر میں ظلم و ستم روا رکھے ہوئے ہے،سینیئر وزیر عبدالعلیم خان

noreply@blogger.com (Ahsan Riaz) — Thu, 05 Aug 2021 11:46:00 +0000

بھارت 74 برسوں سے کشمیر میں ظلم و ستم روا رکھے ہوئے ہے،سینیئر وزیر عبدالعلیم خان

بھارت بے نقاب ہو چکا، وزیر اعظم عمران خان نے دنیا پر مودی کی اصلیت آشکار کر دی

کشمیریوں نے لاکھوں جانوں کے نذرانے پیش کر کے تحریک آزادی کو زندہ رکھا ہے

سینئر وزیرپنجاب عبدالعلیم خان نے بھارت کی طرف سے مقبوضہ کشمیر کی حیثیت تبدیل کرنے کے 2سال مکمل ہونے پر اپنے بیان میں کہا ہے کہ در حقیقت کشمیر میں گزشتہ 74برسوں سے ظلم و ستم روا رکھا جا رہا ہے اور نہتے اور معصوم کشمیریوں نے لاکھوں جانوں کے نذرانے پیش کر کے آزادی کشمیر کی تحریک کو زندہ رکھا ہوا ہے۔ٍ انہوں نے کہا کہ اس میں کوئی شک نہیں کہ وزیر اعظم عمران خان نے عالمی سفارتی محاذ پر پوری شد و مد کے ساتھ آزادی کشمیر کا پیغام عام کیا جس سے بھارت نہ صرف بری طرح بے نقاب ہو چکا ہے بلکہ وزیر اعظم عمران خان نے دنیا پر مودی کی اصلیت بھی آشکار کر دی ہے انہوں نے کہا کہ اب بھارت کو دیر یا بدیر مقبوضہ کشمیر کا اقوام متحدہ کی قرار دادوں کے مطابق فیصلہ کرتے ہوئے اسے اپنے تسلط سے آزاد کرنا ہی ہوگا،سینئر وزیر عبدالعلیم خان نے مزید کہا کہ کشمیریوں بھائیوں پر ڈھائے جا نے والے ظلم و ستم کی جس قدر مذمت کی جائے کم ہے 5اگست کو تاریخ میں یوم سیا ہ کے طور پر یاد رکھا جائے گا،انہوں نے کہا کہ ملک بھر میں آج کے دن جس طرح سے کشمیریوں کے حق میں آواز بلند کی گئی ہے وہ عالمی برادری کو اس اہم اور حساس مسئلے کی طرف متوجہ کرنے کی سنجیدہ کوشش ہے جس کے مثبت نتائج ضرور سامنے آئیں گے عبدالعلیم خان نے کہا کہ ہر پاکستانی شہری کا دل اپنے کشمیریوں بھائیوں کے ساتھ دھڑکتا ہے اور وہ ان کی جلد از جلد آزادی کیلئے دعا گو ہیں۔

وزیر اعظم عمران خان کی کاوشوں سے 122فیصد ٹیکس وصولی ممکن ہوئی:عبدالعلیم خان

noreply@blogger.com (Ahsan Riaz) — Tue, 03 Aug 2021 11:08:00 +0000

وزیر اعظم عمران خان کی کاوشوں سے 122فیصد ٹیکس وصولی ممکن ہوئی:عبدالعلیم خان

حکومت نے مشکلات کے باوجود اہداف پورے کیے،نئے پاکستان کا سفر جاری ہے

بزنس کمیونٹی کا قومی پالیسیوں پر بھرپور اعتماد خوش آئند امر ہے: سینئر وزیر پنجاب کا ٹوئٹ

سینئر وزیرپنجاب عبدالعلیم خان نے کہا ہے کہ وزیر اعظم عمران خان کی کاوشوں کے باعث ملک میں ٹیکس کی 122فیصد ریکارڈ وصولی ممکن ہوئی، اسی طرح ملکی معیشت کو استحکام اور کارباری سرگرمیوں کو دن بدن فروغ مل رہا ہے جس کے مثبت اثرات سامنے آ رہے ہیں۔

اپنے ٹوئٹ میں سینئر وزیر عبدالعلیم خان کا کہنا تھا کہ موجودہ حکومت نے کورونا سمیت تمام تر مشکلات کے باوجود اپنے اہداف بخوبی پورے کیے ہیں،نئے پاکستان کا سفر جاری ہے اور وزیراعظم عمران خان قوم سے کیے ہوئے سارے وعدے پورے کر رہے ہیں۔انہوں نے کہا کہ بزنس کمیونٹی کا قومی پالیسیوں پر بھرپور اعتماد کا اظہار خوش آئند امر ہے اور گیلپ کے حالیہ سروے میں 63فیصد بزنس اونرز نے ملک کو درست سمت میں قرار دیا ہے۔عبدالعلیم خان کا کہنا تھا کہ موجودہ حکومت شروع دن سے درآمدات میں کمی اور برآمدات میں اضافے کیلئے کوشاں ہیں جس کیلئے دو رس نتائج کی حامل پالیسیاں متعارف کروائیں گئیں اور بعض سخت اقدامات بھی اٹھانے پڑے۔ انہوں نے کہا کہ اس میں کوئی شک نہیں کہ وزیر اعظم عمران خان کی شخصیت کے باعث کارباری طبقے کے اعتماد میں اضافہ ہوا ہے اور ملکی معیشت کو استحکام حاصل ہوا ہے۔سینئر وزیر عبدالعلیم خان نے توقع ظاہر کی کہ انشاء اللہ آنے والے برسوں میں پاکستان میں زیادہ بہتر صورتحال سامنے آئے گی اور ملک صحیح معنوں میں ترقی و خوشحالی کی راہ پر گامزن ہوگا۔

پاک فوج نے خطے میں امن کے قیام کیلئے ہمیشہ تاریخی کردار ادا کیا:عبدالعلیم خان

noreply@blogger.com (Ahsan Riaz) — Thu, 29 Jul 2021 11:41:00 +0000

پاک فوج نے خطے میں امن کے قیام کیلئے ہمیشہ تاریخی کردار ادا کیا:عبدالعلیم خان

ملک و قوم کی حفاظت کیلئے اپنی جانیں دینے والوں کو فراموش نہیں کر سکتے:ٹوئٹ

سینئر وزیر پنجاب عبدالعلیم خان نے کہا ہے کہ پاک فوج نے خطے میں امن کے قیام کے لئے ہمیشہ سے ہی تاریخی کردار ادا کیا ہے اور پاکستانی عوام ملک و قوم کی حفاظت کے لئے اپنی جانیں قربان کرنے والوں کو کبھی بھی فراموش نہیں کر سکتے۔اپنے ٹوئٹ میں سینئر وزیر پنجاب عبدالعلیم خان کا افغانستان کی موجودہ صورتحال اور اُس کے ممکنہ حل کے حوالے سے کہنا تھا کہ اس میں کوئی شک نہیں کہ روس اور امریکہ کے افغانستان پر حملوں کے اثرات بلا واسطہ طور پر پاکستان پر پڑے ہیں اور گزشتہ 4دہائیوں سے افغان مہاجرین کا بوجھ برداشت کرنے سے لے کر اندرونی خلفشارتک ہمیں کئی ایک چیلنجز کا سامنا رہا ہے۔عبدالعلیم خان نے کہا کہ حمد اللہ محب جیسے پاک فوج کے مخالف درحقیقت اپنے ہی لوگوں کے دشمن ہیں اور ایسے عناصر کی حوصلہ افزائی کرنے والے پاکستان کے کبھی بھی خیر خواہ نہیں ہو سکتے۔انہوں نے کہا کہ افواج پاکستان کے خلاف ہرزہ سرائی کرنے والوں کو شرم آنی چاہیے جو اپنے ذاتی و سیاسی مقاصد کیلئے ملکی مفادات داؤ پر لگاتے ہیں۔سینئر وزیر عبدالعلیم خان نے کہا کہ وزیر اعظم عمران خان کا افغان مسئلے پر شروع سے ہی دوٹوک موقف ہے اور موجودہ حکومت افغان مسئلے سے نمٹنے کیلئے بہترین پالیسی اپنا رہی ہے۔انہوں نے کہا کہ پاکستانی ادارے گردوپیش کے حالات پر گہری نگاہ رکھے ہوئے ہیں اور انشاء اللہ ملک و قوم کے مفاد میں بہترین فیصلے برؤئے کار لائے جائیں گے۔

سیالکوٹ میں پی ٹی آئی کی جیت مستقبل کی سیاسی کامیابیوں کا آغاز ہے:عبدالعلیم خان

noreply@blogger.com (Ahsan Riaz) — Thu, 29 Jul 2021 11:41:00 +0000

سیالکوٹ میں پی ٹی آئی کی جیت مستقبل کی سیاسی کامیابیوں کا آغاز ہے:عبدالعلیم خان

پھر واضح ہو گیا کہ وزیر اعظم عمران خان ہی واحد امید ہیں:سینئر وزیر پنجاب کا ٹوئٹ

سینئر وزیر پنجاب عبدالعلیم خان نے کہا ہے کہ سیالکوٹ کے ضمنی انتخاب میں پاکستان تحریک انصاف کی واضح جیت درحقیقت مستقبل کی سیاسی کامیابیوں کا آغاز ہے اور ایک مرتبہ پھر واضح ہو گیا ہے کہ وزیر اعظم عمران خان ہی ملک وقوم کی آخری امید ہیں جو ملک کو درپیش ہر طرح کے مسائل کے حل کے لئے نیک نیتی سے کوشاں ہیں۔

اپنے ٹوئٹ میں سینئر وزیر پنجاب عبدالعلیم خان کا کہنا تھا کہ آزاد کشمیر کی طرح سیالکوٹ کے با شعور عوام نے بھی اپنے ووٹ کے ذریعے ترقی و خوشحالی کو مینڈیٹ دیا ہے،عوام روائتی سیاست سے تنگ آ چکے ہیں اور اب انتخابی حلقوں میں مزید خاندانی تسلط نہیں چلے گا۔انہوں نے کہا کہ وزیر اعظم عمران خان نے تبدیلی کا جو نعرہ دیا تھا وہ دن بدن عملی حقیت اختیار کر رہا ہے اور عوام بخوبی جان چکے ہیں کہ اُن کے ساتھ گزشتہ ادوار میں کونسا کھیل کھیلا گیا۔ سینئر وزیر عبدالعلیم خان نے کہا کہ اپنی جیت پر جشن منانے والوں کو اب شکست بھی کھلے دلوں تسلیم کرنی چاہیے اور احتجاج کی بجائے اپوزیشن کو وہ آئینی اور جمہوری کردار ادا کرنا چاہیے جس کا مینڈیٹ اُن سے تقاضا کرتا ہے۔عبدالعلیم خان نے سیالکوٹ پی پی38سے پاکستان تحریک انصاف کے کامیاب ہونے والے امیدوار پنجاب اسمبلی احسن سلیم بریار کو مبارکباد دیتے ہوئے اُن کیلئے نیک خواہشات کا اظہار کیا اور اس کامیابی کا سہرا وزیر اعظم عمران خان کے سر قرار دیا۔

آزاد کشمیرمیں پی ٹی آئی کی کامیابی عمران خان پر مکمل اعتماد کا اظہار ہے:عبدالعلیم خان

noreply@blogger.com (Ahsan Riaz) — Mon, 26 Jul 2021 11:48:00 +0000

آزاد کشمیرمیں پی ٹی آئی کی کامیابی عمران خان پر مکمل اعتماد کا اظہار ہے:عبدالعلیم خان

کشمیریوں نے ووٹ کا حق سوچ سمجھ کر استعمال کیا، دشمن ملک بھی پریشان ہوگا:ٹوئٹ

ترقی و خوشحالی کو مینڈیٹ دینے پر کشمیری بھائی مبارکباد کے لائق ہیں:سینئر وزیر پنجاب

سینئر وزیر پنجاب عبدالعلیم خان نے کہا ہے کہ آزاد کشمیر میں پاکستان تحریک انصاف کی بھرپور کامیابی بلا شبہ وزیر اعظم عمران خان پر کشمیریوں کے مکمل اعتماد کا اظہار ہے جنہوں نے اپنے ووٹ کے ذریعے ثابت کیا ہے کہ ملکی و بین الاقوامی سطح پر عمران خان ہی کشمیر کے اصل سفیر ہیں۔انہوں نے اپنے مبارکباد کے پیغام میں کہا کہ کشمیریوں نے ووٹ کا حق سوچ سمجھ کر استعمال کیا ہے جس سے دشمن ملک بھارت بھی ضرور پریشان ہوگا۔ سینئر وزیر عبدالعلیم خان نے مزید کہا کہ کشمیریوں کا یہ مینڈیٹ درحقیقت وزیر اعظم عمران خان کی دور رس پالیسیوں کے لئے ہے اور ترقی اور خوشحالی کو ووٹ دینے پر کشمیری بھائی بلا شبہ مبارکباد کے لائق ہیں۔

سینئر وزیر پنجاب عبدالعلیم خان کا مزید کہنا تھا کہ پاکستان اور کشمیر کو مستحکم بنانا وزیر اعظم عمران خان کا حقیقی مشن ہے اور کشمیری بھائیوں نے اپنے ووٹ کے ذریعے تحریک انصاف کی پالیسیوں پر تصدیق مہر ثبت کر دی ہے۔انہوں نے کہا کہ سیاسی مخالفین کا بیانیہ ناکام ہوا اور تحریک انصاف کو گلگت بلتستان کے بعد اب کشمیر میں بھی عوام نے جو پذیرائی دی ہے وہ لائق تحسین ہے۔ انہوں نے کہا کہ انشاء اللہ عمران خان کشمیری شہریوں سے کیے ہوئے تمام وعدے پورے کریں گے اور کشمیر کی آواز کو عالمی سطح پر مزید اجاگر کیا جائے گا۔ سینئر وزیر عبدالعلیم خان کا کہنا تھا کہ پاکستان اور کشمیر کے بارے میں وزیر اعظم عمران خان کی کامیاب حکمت عملی کو ہر فورم پر سراہا جا رہا ہے اور انشاء اللہ آنے والے دنوں میں اس حوالے سے مزید اچھی خبریں سامنے آئیں گی۔