ABS News TV

वाढदिवसानिमित्त अभासेचे सचिन पाटील यांनी जपली सामाजिक बांधिलकी

2025-10-15T11:05:00.001+05:30

कोल्हापूर : अखिल भारतीय सेना पक्षाचे कोल्हापूर जिल्हाध्यक्ष सचिन पाटील यांनी आपल्या वाढदिवसाचे औचित्य साधत समाजकार्याचा सुंदर आदर्श घालून दिला आहे. वाढदिवस साजरा करताना त्यांनी, त्यांच्या परिवाराने व मित्रमंडळींनी कोल्हापूर येथील अवनी चॅरिटेबल ट्रस्ट ला देणगी दिली. तसेच ट्रस्टमधील मुलींना शालेय साहित्य वाटप करून आनंदाचा क्षण वाटून घेतला.

या सामाजिक उपक्रमात अमरसिंहराजे जगदाळे सरकार, सौ.शिवानी सचिन पाटील, अपूर्वा मोरे, अभिजीत पवार आणि कुनाल वायंगडे उपस्थित होते. कार्यक्रमावेळी ट्रस्टच्या व्यवस्थापिकांनी सचिन पाटील यांचे मनःपूर्वक स्वागत करून त्यांच्या या उपक्रमाचे कौतुक केले.

सचिन पाटील म्हणाले की, “समाजातील दुर्बल घटकांना मदत करून त्यांच्या चेहऱ्यावर आनंद आणणे हेच आमच्या जीवनाचे खरे समाधान आहे.”

अवनी चॅरिटेबल ट्रस्टमार्फत अनाथ आणि गरजू मुलींसाठी शिक्षण, आरोग्य आणि पुनर्वसन क्षेत्रात सातत्याने कार्य केले जाते. सचिन पाटील आणि त्यांच्या मित्रपरिवाराच्या या सामाजिक योगदानामुळे ट्रस्टला आवश्यक साहाय्य मिळाले असून मुलींना नवचैतन्य मिळाले आहे.

#सामाजिककार्य #अखिलभारतीयसेना #सचिनपाटील #कोल्हापूर #AvaniCharitableTrust #AmarsinhrajeJagdaleSarkar

वीजचोरी... शिरजोरी... घरचेभेदी आणि बीड पॅटर्नची भीती

2025-01-16T22:05:00.001+05:30

वीजचोरी...शिरजोरी आणि घरचेभेदी

कोल्हापूर : पश्चिम महाराष्ट्रात ऊस तोडणीचा हंगाम सुरू आहे. प्रत्येक कारखान्यांनी आणि त्यांच्या वाहतूकदारानी बीड मधील टोळ्यांना उचल देऊन त्यांना ऊस तोडणीसाठी करारबद्ध केले आहे. ऊस तोडणीसाठी आलेले मजूर हे गायरान जागेत किंवा माळावर झोपड्या बांधून राहत आहेत. हे मजूर संध्याकाळ झाली की आकडा टाकून वीज घेत आहेत. हे बरेच लोक बघतात. पण वीज चोरीचा बीड पॅटर्न म्हणून बोलून अंगावर ओढून का घ्या अशी मानसिकता तयार झाली असल्यामुळे चुप्पी साधून आहेत.

गावातील कुण्या दीन पददलित गरीबाच लाईट बिल भरण्यासाठी उशीर झाला की लगेच त्याचा वीज पुरवठा खंडित करण्यात पटाईत असलेले वायरमन आणि वीज मंडळाचे अधिकारी अशा वीज चोरीकडे अर्थपूर्ण (?) नजरेने कानाडोळा करीत आहेत, असेच आज लोकांना वाटत आहे.

कराडचे प्रकरण आणि वंजारी समाजा बद्दल मीडियाने रंगवलेली भीती त्यामुळेही काही अधिकारी-वायरमन अशा मजुरांना प्रश्न विचारण्याचे धाडस करत नाहीत. याचाच गैर फायदा ही मजूर मंडळी उचलत असून, त्यांच्याकडे असलेल्या महागड्या फोनच्या चाजर्गिंसाठी आणि स्वतच्या सोयीसाठी सरळ सरळ आकडा टाकून वीज चोरी करीत आहेत. "१०- १२ led बल्बने अशी किती वीज वापरणार आहेत ते", असे त्या-त्या गावातील लाभार्थी राजकीय नेते, स्थानिक स्वराज्य संस्थांचे पदाधिकारी- अधिकारी प्रति प्रश्न करून आवाज काढणाऱ्याचा आवाज दाबत आहेत. कारण कारखान्याची माणसे, त्यात बीडची माणस, कराडच्या समाजाची माणस म्हणून बोटं चेपे धोरण अवलंबने सर्रास चालू आहे.

पण ह्या वीज चोरीचा भुर्दंड सामान्य लोकांनी गरिबांनी का सोसावा. वायरमन किंवा वीज मंडळाचे अधिकारी ह्यावर काही कडक कृती करणार आहेत की नाही हा सर्व सामान्य ग्रामस्थांना पडलेला प्रश्न आहे.

वीज चोरीचा हा बीड पॅटर्न पश्चिम महाराष्ट्रात सर्वत्र लागू राहणार नाही कशावरून अशी ही चर्चा दबक्या आवाजात सुरू आहे.

तात्काळ अशा वीज चोरीवर प्रशासनाने न घाबरता आणि कुणाचीही भीड न बाळगता कडक कृती करावी.

अभिनेते किरणजी माने सलाम तुमच्या धैर्याला !

2024-03-07T19:28:00.001+05:30

अभिनेते किरणजी माने सलाम तुमच्या धैर्याला !

दत्तकुमार खंडागळे

संपादक वज्रधारी,

मो. 9561551006

आज अभिनेते किरणजी माने त्यांच्या फेसबुक वॉलवरती डी शिवकुमार यांच्या निमित्ताने जे व्यत्त झालेत ते खरच कौतुकास्पद आहे. खरेतर गेले अनेक दिवस पाहतोय अभिनेते किरण माने बेधडकपणे व्यक्त होतायत. सरकारवर टिकेचे आसूड ओढतायत. सरकारचा ढोंगी चेहरा दाखवतायत. सरकारचा बुरखा फाडतायत. आपल्या लेखणी आणि वाणीतून सरकारी मस्तवालपणाला ते खुले आव्हान देतायत. खरच किरणजी तुम्ही साता-याच्या मातीची शान राखलीत. शिवरायांच्या गादीचे वारस कुणीही असो पण तुम्ही शिवरायांच्या विचारांचे सच्चे वारस शोभलात. साता-याच्या मातीचे स्वत्व आणि सत्व जपलेत. त्या मातीतली रग, धग तुमच्या नसानसात दिसून येते. तुमच्यासारखी हिम्मत आणि धमक इतर कलाकारांनी दाखवायला हवी. पण ते ही इडीला घाबरून सत्तेच्या वळचणीला जाणा-या नेत्यांसारखे बांडगुळे आहेत. नेहमी स्पष्ट बोलण्यासाठी प्रसिध्द असणारे नाना पाटेकर यांच्यासारखे स्टार आज चिडीचुप आहेत. हे सगळे काँग्रेसच्या काळात धडाधड बोलत होते. व्यक्त होत होते. आता त्यांची जीभ आता निर्जीव झाली आहे. कॉंग्रेस-राष्ट्रवादीची सत्ता होती तेव्हा, होय रे अजीत, काय रे अजीत वगैरे वगैरे बोलले जात होते. आता होय रे देवेंद्र, काय रे देवेंद्र असं नाही कुणी बोलत. किरणजी तुम्ही ज्या हिंमतीने बोलता, व्यक्त होता, तुमचे विचार बेडरपणे मांडता त्याचा अभिमान वाटतो. तुमचं व्यक्त होणं, सत्याला सोमारं जाणं कौतुकास्पद आहे. तुम्ही जीवंत काळजाचे आहात. महाराष्ट्रातले अनेक कलाकार सत्तेच्या वळचणीला जाऊन शेपूट घालून बसलेत. अनेक राजकारणी जसे सत्तेच्या वळचणीला जाऊन बसलेत तसे हे कलाकारही चिडीचुप आहेत. समाजाच्या कुठल्याच प्रश्नावर ते सरकारला बोट करत नाहीत. सरकारला जाब विचारत नाहीत. सरकार नावाच्या व्यवस्थेला दोष द्यायला तयार नाहीत.

मराठी आणि हिंदी सिनेसृष्टीतील अनेक मात्तबर कलाकार चिडीचुप आहेत. साहित्यिक मंडळींनी तर कधीच शेपट्या घातल्या आहेत. या पुस्तकी डरपोकांनी शेपट्या इतक्या आत घातल्या आहेत की त्या शेपटीचा साधा गोंडाही बाहेर दिसत नाही. साहित्यिकांची ही अवस्था असताना सिनेजगतातले कलाकारही भ्याड असल्याचे दिसून येते आहे. हे कान, डोळे नसल्यासारखे जगत आहेत. कॉंग्रेसच्या सत्ता काळात टिवटिवणारी ही मंडळी वाचा गेल्यासारखी गप्प आहे. सगळे आपल्याच विश्वात मश्गुल आहेत. त्यांची चंदेरी दुनिया सोडून त्यांना सध्या बाहेरच्या जगातलं काही दिसत नाही. देशातला शेतकरी अडचणीत आहे. तो त्याच्या हक्कासाठी आंदोलन करतो आहे. तो सरकारकडे आपले हक्क मागतो आहे. इथले सरकार सीमेपलिकडच्या शत्रूशी जसं वागायला हव तसं आपल्याच शेतक-याशी वागत आहे. जो पोशिंदा आहे, जो बळीराजा आहे त्याच्याच वाटेत खिळे ठोकले जात आहेत. त्याच्याच वाटेत क्रॉंक्रीटच्या भिंती उभ्या केल्या जात आहेत. त्याला प्लास्टिकच्या गोळ्या घातल्या जात आहेत. त्याला हवेतून अश्रधूरांच्या नळकांड्यांचा मारा करत बेजार केले जात आहे. शेतक-यांच्या वाटेत ठोकलेला एखादा खिळा कुठल्यातरी कलाकाराच्या काळजात का रूतला नाही ? का एखाद्या कलाकाराच्या छातीत कळ आली नाही ? का एखादा कलाकार सरकारला जाब विचारायला पुढे आला नाही ? कलाकार हे इतरांच्यापेक्षा जास्त संवेदनशील असतात असं म्हंटल जातं. असे असताना ही कलाकार मंडळी गप्प का ? मराठी चित्रपट सृष्टीतलंही कुणीच जीवंत असल्याच दिसत नाही. तिथही चेलेचपाट्यांची गर्दी व्हावी का ? हे चित्र विदारक आहे. अस्वस्थ करणारं आहे. ज्या समाजातली माणसं पराकोटीची लाचार, भित्री आणि स्वार्थी होतात तो समाज रसातळाला जातो. आमच्या साहित्य, कला व क्रिडा विश्वाची आजची अवस्था पाहिली तर आम्ही त्याच दिशेने निघालोय याची खात्री पटते.

देशात लोकशाहीला घोडा लागला आहे. सत्ताधा-यांनी बेमालूपणे लोकांना मुर्ख ठरवण्याचा सपाटा लावला आहे. जनता महागाईने त्रस्त आहे. लोकांचे अनेक प्रश्न आहेत. सरकार जुमल्यावर जुमले करत आहे. अशा स्थितीत कुठलाच कलाकार व्यक्त होताना दिसत नाही. ना तो व्यक्त होतोय ना त्याची कलाकृती बोलताना दिसतेय. त्याला त्याच्या तोंडाने बोलायची हिंम्मत नसेल तर त्याने त्याच्या कलाकृतीतून तरी व्यक्त व्हावे पण असे घडत नाही. बहूतेक कलाकार जातीयवादी. आपआपले हितसंबंध जोपासत आहेत, सत्तेची तळी उचलत आहेत. नसेल तर आम्ही त्या गावचे नाहीच या अविर्भावात जगत आहेत. एखादे संकट आल्यावर शहामृग मातीत तोंड खुपसून बसतो म्हणे. त्याप्रमाणेच मराठी आणि हिंदी सिनेसृष्टीतील अनेक कलाकार आपल्या बिळात व्यस्त आहेत. देशाच्या स्थितीवर चकार शब्द काढत नाहीत. अशावेळी अभिनेते किरण माने परिणामांची पर्वा न करता ज्या ताकदीने, तडफेने भिडत आहेत हे नक्कीच अभिमानास्पद आहे. भले त्यांना सरकार दरबारी किंमत नाही मिळणार, त्यांना सरकारी पुरस्काराच्या फुसकुळ्या नाहीत मिळणार, कदाचित तुम्हाला त्रास वाट्याला येईल, तसेतर यापुर्वीही त्यांना बदनाम करण्याचा प्रयत्न झालाच होता. तसा अजूनही होवू शकतो. पण यातल्या कुठल्याच गोष्टीची तमा न करता ते व्यक्त होतायत. अस व्यक्त व्हायला धमक लागते. ख-या अर्थाने किरण मानेंची छाती फौलादी आहे असे म्हणायला हरकत नाही. त्यात ख-या-खु-या मर्दाचे जिगर आहे. केवळ छप्पन इंचाची छाती म्हणून छाती पिटणारे भंगड गेल्या आठ वर्षात एक पत्रकार परिषद घेवू शकत नाहीत. छाती किती इंचाची आहे त्या पेक्षा त्या छातीतले जीगर कसे आहे ? हे महत्वाचे असते. बाकी भल्या मोठ्या छाताडाचे पिंजरे रेड्यालाही असतात. माने सर तुम्ही साता-याच्या मातीचा अभिमान आहात. केवळ साता-याच्या मातीचाच नव्हे तर या मराठी मातीचा अभिमान आहात. हिच ओळख या मराठी मातीची आहे. हिच परंपरा छत्रपती शिवरायांची आणि त्यांच्या शूरवीर मावळ्यांची आहे. "रणफंदीची जात आमूची कोण आम्हा भयभीत करी !" हा विश्वास मावळ्यांच्या रक्तात भरलेला असतो. त्यांच्यासमोर औरंगजेब आला, अफझलखान आला काय आणि इंग्रज आला काय तो कुणालाच डरत नाही. दिल्लीत बसलेले 'कॉपीपेस्ट हिटलर' या सच्चा मावळ्यांना भिती घालू शकत नाही. निडर आणि बेडर वृत्ती हिच खरी ओळख या मावळ्यांची आहे. माने सर तुम्ही जगदगुरू तुकोबारायांच्या गाथेचे अभ्यासक आहात. 'सत्य असत्याशी मन केले ग्वाही । मानियेले नाही बहूमता ।' हा संत तुकोबारायांचा विचार प्रत्यक्ष जगता आहात. बाकी गाथेची घोकंपटट्टी करणारे, गाथा पाठ असणारे पायलीला पाचशे आहेत. पण त्यातलं सार जर आचरणात नसेल तर त्याला काय अर्थ ? माने सर तुम्ही तुकोबारायांचे सच्चे पाईक आहात. तुम्ही कलाकार म्हणून अस्सल आहातच पण सच्चे मावळे आहात. सच्चे भारतीय आहात. सलाम तुम्हाला व तुमच्या धैर्याला...!

अबकी बार चारशे पार...

2024-03-07T13:29:00.001+05:30

अबकी बार चारशे पार...

असा आक्रमक प्रचार भाजपच्या दिल्लीपासून ते अगदी गल्लीपर्यंतच्या नेते आणि कार्यकर्त्यांकडून सुरु आहे. हा जो सगळा जोर दिसतो आहे तो केवळ पंतप्रधान नरेंद्र मोदी यांच्या नावावर! पक्षाच्या नावावर मतं मागुन ' चारशे पार ' ची शक्यता धूसर आहे. नरेंद्र मोदी यांचे नाव, आक्रमक, पण शिस्तबद्ध प्रचार, कार्यकर्त्यांची मेहनत या जोरावर भाजपला यश मिळूही शकते.

पण एक शंका मनात कायम येते ती म्हणजे आक्रमक प्रचाराला जनता खरंच सकारात्मक प्रतिसाद देईल की याचा उलट परिणामही होऊ शकतो; असं वाटण्याचं कारण म्हणजे 2004 मध्येही प्रमोद महाजन यांच्या संकल्पनेतून ' शायनिंग इंडिया ' चा आक्रमक प्रचार भाजपने केला होता, मात्र त्याचा उलटा परिणाम होऊन अटलजींची सत्ता पुन्हा येऊ शकली नाही. शायनिंग इंडियाच्या झगमगाटात विरोधी पक्ष विशेषकरून काँग्रेस झाकोळून गेली होती आणि भाजपचे (एन डी ए )सरकार येणारच असे वातावरण तयार झाले होते.

भाजपला तर प्रचंड आत्मविश्वास होता. मात्र जनतेच्या मनात वेगळेच होते. मतदारांनी त्यांना जमिनीवर आणले.कोणी कसा, किती आणि कशाचा प्रचार करावा हा ज्याचा त्याचा भाग आहे मात्र फाजील आत्मविश्वास आणि जनतेला गृहीत धरण्याची भूमिका यामुळे नुकसान होण्याची शक्यता अधिक असते. मतदार हा राजा असतो हे अनेकदा, अनेकांच्या बाबतीत सिद्ध झालेले आहे.

विरोधकांनीही केवळ मोदी विरोध करून काही होणार नाही. त्यांना समर्थ पर्याय द्यावा लागेल, स्वतःची धोरणं स्पष्टपणे, प्रभाविपणे लोकांसमोर मांडली पाहिजेत. लोकशाहीसाठी सत्ताधारी आणि विरोधक दोन्ही मजबूत हवेत. एखाद्याची निरंकुश सत्ता उपयोगी नाही. देशात विरोधी पक्षांचे अस्तित्व राहणार नाही अशी परिस्थिती असू नये. त्यामुळे सर्वच राजकीय पक्षानी, नेत्यांनी जबाबदारीने, प्रामाणिक भूमिका घेऊन जनतेसमोर जावे. काय निर्णय घ्यायचा, कोणाला सत्ता द्यायची, कोणाला विरोधात बसवायचे याचा निर्णय घेण्याइतका भारतीय मतदार नक्कीच सक्षम आहे.

मकरंद भागवत, चिपळूण

डॉ सुभाष देसाई यांचे कडून सर्वोच्च न्यायालयाला श्वानदंश कायद्यात बदल करण्याबद्दल अर्ज

2024-03-07T12:19:00.001+05:30

सर्वोच्च न्यायालयाला श्वानदंश कायद्यात बदल करण्याबद्दल अर्ज

सर्वोच्च न्यायालयाचे सर न्यायाधीश माननीय धनंजय चंद्रचूड याना श्वान दंशाने पिडीत लोकांच्या वतीने प्राणी दया कायदा नागरीकांच्या जीवावर उठला आहे, तो रद्द करा किंवा बदल करा असे साकडे अर्जाद्वारे केले आहे.

सोबत कोल्हापूरच्या दै.पुढारी,दै. सकाळ,दै.लोकमत या वृत्तपत्रांची कात्रणे जोडली आहेतं.

येथील ज्येष्ठ पत्रकार डॉक्टर सुभाष देसाई आणि 24 लोकांना पिसाळलेले कुत्रे चावले होते त्यानंतर गडहिंग्लजलाही त्याची पुनरावृत्ती झाली.

कोल्हापूर शहरांमध्येही भटक्या कुत्र्याने अनेकांचा चावा घेतला त्यामध्ये 21 वर्षाची ग्राफिक डिझाईनर तरुण मुलीचा दुर्दैवाने या आठवड्यात अंत झाला. त्यावर जनतेच्या तीव्र व अभ्यासपूर्ण प्रतिक्रिया सर्व वृत्तपत्रांनी प्रसिद्ध केल्या.

या संदर्भात आता सर्वोच्च न्यायालयाचे महाराष्ट्रातील सुपुत्र धनंजय चंद्रचूड हे काहीतरी करतील या आशेने त्यांना लक्ष देण्याची विनंती करण्यात आली आहे. या पत्रामध्ये असे म्हटले आहे की;

१)भटक्या कुत्र्यांचा व पिसाळलेल्या कुत्र्यांच्या चाव्यामुळे आबाल वृद्धांच्या मृत्यूचे प्रमाण भयानक वाढले आहे.

२)सरकारी दवाखान्यात अनास्था रुग्णांच्या जीवावर बेतते

३)ग्रामपंचायती पासून महापालिकेपर्यंत कुत्र्याच्या निर्बीजीकरण करण्याच्या यंत्रणा निष्क्रिय आहेत.

४) सरपंच, आमदार ,खासदार ,पालकमंत्री या प्रश्नाकडे गांभीर्याने पाहत नाहीत

५) सारे प्राण्याबद्दल भूतदयेच्या कायद्याचे कारण पुढे करतात.

खासदार मनेका गांधी यांनी जो कायदा करायला लावला तो आता नागरिकांच्या जीवावर उठला आहे त्यामुळे तो रद्द तरी करावा किंवा त्यात बदल तरी करावा.

कोल्हापूर जिल्ह्यातील जाणकार वकील आणि एनजीओजनी, सामाजिक संस्थांनी याबाबत या प्रश्नावर गांभीर्याने विचार करावा अशी विनंती डॉक्टर सुभाष देसाई यांनी केली आहे.

धर्मांधतेमुळे भारत संरक्षणाच्या बाबतीत दुर्बल...

2024-03-06T12:21:00.002+05:30

धर्मांधतेमुळे भारत संरक्षणाच्या बाबतीत दुर्बल बनला आहे, माजी लष्करातील अधिकाऱ्यांची व्यथा...

एअर चीफ मार्शल अर्जुन सुब्रमण्यम यांचं स्पष्ट मत असं आहे की रिमोट सेन्सिंग आणि मानव रहित अवकाश संशोधन आणि अवकाश उड्डाण्याची क्षमता यामध्ये भारत आश्चर्यकारकरीत्या जपान आणि इजराइल सारख्या छोट्या राष्ट्रांच्या मानाने फारच मागे पडला आहे. 1950 मध्येच अमेरिका आणि सोवियत रशियाने कोल्ड वारच्या दरम्यान लष्करी उद्देशासाठी अवकाशात उपग्रह सोडले आणि त्यामुळे त्यांना भवितव्यातल्या स्टार वाॅरची कल्पना येऊ लागली अवकाशाचे लष्करी करण आणि अवकाशामध्ये युद्धजन्य शस्त्र ठेवणे यामध्ये फरक आहे .आक्रमकरीत्या शत्रूवर जमीन, अवकाश आणि समुद्र यावर हल्ला करता येण्याची क्षमता मिळवणे हे फार महत्त्वाचे आहे .आता नव्या #स्टार #वॉर मध्ये शत्रूचे उपग्रह उध्वस्त करण्याची क्षमता असणारे #उपग्रह किंवा शस्त्रे ही अवकाशात ठेवावी लागणार आहेत बहुतेक राष्ट्रांनी या अवकाश युद्धाची शक्यता गृहीत धरून आपली तयारी केली आहे पण हे सरकार त्याबाबत खूपच दुर्बल आहे. त्यांना फक्त पंडित जवाहरलाल नेहरू, इंदिरा गांधी यांनी कोणतीच वैज्ञानिक प्रगती केली नाही असे खोटे नहाटे आरोप करण्यातच धन्यता वाटते.

एअर हाॅईस मार्शल #अर्जुन असे सांगतात की पृथ्वीपासून शंभर किलोमीटर उंचीवर कर्मन लाईन किंवा एअर स्पेस असे म्हटले जाते त्याच्या पलीकडे लष्कराची ताकद पोहोचण्यासाठी वेगळ्या पद्धतीची लष्करी सज्जता लागते आणि त्यासाठी प्रगत तंत्रज्ञान असावे लागते ते भारताकडे नाही आहे.

येत्या पाच वर्षांमध्ये लष्करी उपयोगासाठी खास बनवलेले उपग्रह त्याच्यामध्ये सेंसर, रडार, क्षेपणास्त्रे असतील. अशा रीतीने भारत सुसज्ज झाला तर चीनच्या आकाशातील आक्रमणाशी तोंड देण्यास आपण सक्षम बनू.

#एअरव्हाईस मार्शल अर्जुन सुब्रमण्यम यांनी दिलेला इशारा भारताच्या संरक्षणाच्या रीतीने फार महत्त्वाचा आहे. केवळ 16000 कोटीचे राम मंदिर बांधून , मंदिरासाठी मोठे मोठे रस्ते तयार करणे,कॉरिडॉर बांधणे यामध्ये जर भारताची आर्थिक आणि मानसिक शक्ती खर्च व्हायला लागली तर भारतावर बलाढ्य शक्तींचे आक्रमण थोपवता येणे कठीण होईल. धर्मांधते कडे देशाची वाटचाल होते आहे .ती थांबवायची असेल तर येत्या 2024 च्या निवडणुकीमध्ये भाजपला पराभूत करण्याचा निर्णय जनतेने घ्यायलाच हवा .मोदी ,शाह, फडणवीस यांना दूर करा तर व्यवहारी भारत जगाच्या पाठीवर निदान स्वतःचे संरक्षण करू शकेल.

डॉ. सुभाष के देसाई

गारगोटी, कोल्हापूर

कोल्हापुरच्या 'न्युटन' चा नवा सिध्दांत, ५ रूपयेची वस्तू पाचशेला !

2024-03-03T19:59:00.003+05:30

कोल्हापुरच्या 'न्युटन' चा नवा सिध्दांत, ५ रूपयेची वस्तू पाचशेला !

भ्रष्टाचारी बोके हसन मुश्रीफांच्या छत्रछायेखाली आहेत का ?

कोल्हापुरच्या छत्रपती प्रमिला राजे रूग्णालयात सर्जीकल साहित्य खरेदीत कोट्यावधीचा घोटाळा झाला आहे. एका सर्जिकल साहित्य पुरवणा-या बोगस कंपनीने अधिका-यांना हाताशी धरून सुमारे दहा कोटीचे साहित्य खरेदी केले आहे. 'न्युटन' एंटरप्रायजेस या कोणताही परवाना नसलेल्या कंपनीने सुमारे साडे नऊ कोटीचे सर्जिकल साहित्य खरेदी केले आहे. जगाला 'न्युटन' नावाचा शास्त्रज्ञ आणि त्याचा जगप्रसिध्द सिध्दांतही माहिती आहे. पण या कोल्हापुरच्या नव्या घोटाळेबाज 'न्युटन' ने भ्रष्टाचाराच्या बाबतीत नवा सिध्दांत मांडत मोठा घोटाळा केला आहे. त्याने सर्जिकल साहित्याच्या किंमती बाजारापेक्षा वाजवी दराने खरेदी केल्या आहेत. पाच रूपयेची वस्तू पाचशेला खरेदी करत घोटाळा केला आहे. अशा पध्दतीने कोल्हापुरच्या सी पी आर मधला हा घोटाळा गेले महिनाभर चर्चेत आहे. विशेष म्हणजे इतका मोठा घोटाळा उघड होवून घोटाळा करणारांचे काहीच वाकडे झाले नाही. सदरची घोटाळेबाज 'न्युटन' कंपनी आणि तिच्या मालकावर कोणतीही कारवाई झालेली नाही. सदर घोटाळेबाज कंपनीचा मालक हसन मुश्रीफांच्या छत्रछायेत असल्याची चर्चा आहे. त्यांच्यामुळेच त्याचा बालही बाका होताना दिसत नाही.

कोल्हापुरला छत्रपती शाहू राजांचा वारसा आहे. तिथं या भ्रष्टाचारी बोक्यांची सध्या चलती होताना दिसते आहे. लोकांच्या सेवेसाठी उघडण्यात आलेले सरकारी दवाखाने या भडव्यांच्या दलालीचे अड्डे झालेत की काय ? असा प्रश्न या निमित्ताने पडल्याशिवाय रहात नाही. सरकारी दवाखान्यात सामान्य माणूस उपचारासाठी, सुविधेसाठी तडफडताना दिसतो. तिथली व्यवस्था, यंत्रणा नीट काम करत नाही. केवळ कोल्हापुरचेच नव्हे तर राज्यभर सरकारी रूग्णालयांची हिच अवस्था आहे. सामान्य माणूस सरकारी रूग्णालयात जाताना घाबरतो आहे. तिथं जाऊन आपल्याला उपचार व्यवस्थित मिळतील ? याची त्याला खात्री राहिली नाही. त्यामुळे अनेक खासगी डॉक्टरच्या पेशातले कसाब त्यांना लुटताना दिसत आहेत. सरकारी पगार घेवून स्वत:चे खासगी दवाखाने थाटत पैसे छापणारे डॉक्टर ढिगाने आहेत. ते सरकारी दवाखान्यात कमी आणि स्वत:च्या खासगी रूग्णालयात जास्त असतात. अशा डॉक्टरांच्यावर प्रशासन काहीच कारवाई करत नाही. मंत्र्यांची, भ्रष्ट अधिका-यांची व या सर्व दलालांची साखळी असून ते पध्दतशीरपणे सरकारला लुटत आहेत. कोल्हापुरच्या छत्रपती प्रमिला राजे रूग्णालयात हेच घडले आहे. कोणताही परवाना नसलेल्या एका बोगस कंपनीने सर्जिकल साहित्याचे टेंडर भरले आणि भ्रष्टाचाराचे शेण खायला सोकावलेल्या अधिका-यांनी ते कसलीही खातरजमा न करता मंजूर केले. दोन वेगवेगळ्या कंपनीच्या नावे खरेदी असताना आठ कोटीचे बिल एकाच कंपनीच्या नावे अधिकारी काढूनही मोकळे झाले. सी पी आर च्या घोटाळ्यातले शेण नेमके कुणी कुणी खाल्ले आहे ? 'न्युटन' च्या नव्या अवताराने ते कुणा-कुणाला चारले आहे ? याचा उलगडा होण्याची गरज आहे. या सगळ्या घोटाळेबाजांच्यावर कठोर कारवाई होण्याची गरज आहे.

कोल्हापुरचे माहिती अधिकार महासंघाचे जिल्हाध्यक्ष जयराज कोळी यांनी हा घोटाळा उघडकीस आणला आहे. त्यांनी माहिती अधिकारात सगळी माहिती मागवत या घोटाळ्याचा पर्दाफाश केला आहे. ते गेल्या दिड दोन महिन्यापासून या घोटाळेबाजांच्यावर कारवाई होण्यासाठी धडपडत आहेत. पण अद्याप कारवाई झालेली नाही. घोटाळा उघडकीस आल्यावर आणि माध्यमात बातम्या आल्यावर चौकशीचे ढोंग रचले जात आहे. समित्या नेमूण वेळ काढला जात आहे. बोगस कंपनीवर अद्यापही साधा गुन्हा नोंद करण्यात आलेला नाही. न्युटन नावाची कंपनी बोगस असल्याचे सप्रमाण सिध्द होवूनही त्याची काहीच वाकडी केली गेली नाहीत.

सी पी आर मध्ये घोटाळा करणारी बोगस कंपनी हसन मुश्रीफांच्या व मुख्यमंत्री एकनाथ शिंदेच्या जावयाची आहे की काय ? असाही प्रश्न या निमित्ताने पडतो. घोटाळेबाज बोगस कंपनीवर आणि तिच्या मालकावर इतकी मेहरबानी का व कशासाठी ? प्रशासन घोटाळेबाजांना का पाठीशी घालत आहे ? विशेष म्हणजे राज्याचे वैद्यकीय मंत्री हसन मुश्रीफच आहेत. ते ही कोल्हापुरचेच आहेत. त्यांच्याच बुडाखाली ही बचबच आहे. तरीही हसन मुश्रीफ या कंपनीबाबत, तिच्या मालकाबाबत व भ्रष्ट अधिका-याबाबत इतके शरीफ का वागत आहेत ? ते कठोर कारवाईचे आदेश का देत नाहीत ? या घोटाळ्यात जे जे सहभागी आहेत त्यांच्या मुसक्या आवळण्याचा प्रयत्न का करत नाहीत ? त्यांची या घोटाळेबाजांच्यावर मेहरबानी का ? 'न्युटन एंटरप्राईज' ही कंपनी आणि तिच्या मालकाचे मुश्रीफांशी लागेबांधे आहेत की काय ? त्यांचाच वरदहस्त या घोटाळ्याला आहे की काय ? असे अनेक प्रश्न या निमित्ताने पडल्याशिवाय रहात नाहीत.

विशेष म्हणजे कॉंग्रेसचे नेते माजी मंत्री बंटी पाटील व त्यांचा पुतण्या ऋतुराज पाटील यावर काहीच बोलत नाहीत. "तेरी भी चुप और मेरी भी चुप" अशी त्यांची स्थिती आहे. बंटी पाटलांचे मौन का ? हा प्रश्नही सतावणारा आहे. खरेतर हसन मुश्रीफांनाच इडीच्या नोटीसा आल्याने त्यांनी कमळीला मिठी मारली आहे. कमळीच्या बाहूपाशात जावून आपली कातडी वाचविण्याचा त्यांनी प्रयत्न चालवला आहे. अशा अवस्थेत ते सी पी आर मधल्या घोटाळेबाजांच्यावर कारवाई करतील याची शक्यता वाटत नाही. सदर कंपनीचा मालक त्यांच्याच छत्रछायेखाली असल्याची कोल्हापुरात जोरदार चर्चा आहे. असे असेल तर त्याचं काहीच वाकड होणार नाही. सत्तेतले सरकार भ्रष्टाचा-यांना आपल्या सोबत घेत मोदी डिटर्जंट पावडरने स्वच्छ करताना दिसते आहे. 'ना खाऊंगा ना खाने दुंगा । अशा घोषणा करणारे उघडे-नागडे झाले आहेत. त्यांचा भ्रष्टाचार विरोधाचा दांभिक चेहरा अवघा देश पाहतो आहे. अशा भामट्यांच्याकडून कशाची अपेक्षा करायची ? एक दारूची बाटली, मटनाची काळी पिशवी आणि पाचशेला आपलं मत विकणा-या जमातीच्या वाट्याला घोटाळेबाज 'न्युटन' आणि लबाड सरकारच येणार.

दत्तकुमार खंडागळे "संपादक वज्रधारी" मो.9561551006

काँग्रेस इतकी कृतघ्न कशी वागते....

2023-12-17T09:57:00.002+05:30

SAM बहादुर या चित्रपटात माणेकशॉ यांचा संपूर्ण जीवनपट त्यांना फील्ड मार्शल पद मिळाले तो पर्यंत दाखविला आहे.

त्यांचे पुढचे आयुष्य हे "अप्रिय सत्य सांगू नये" (न ब्रूयात सत्यम अप्रियम) या संस्कृत उक्तीप्रमाणे सांगितले नाही.

त्या साठी हा प्रपंच.

राजकीय मत नाही पण कधीकधी काँग्रेस इतकी कृतघ्न कशी वागते याचे हे उदाहरण आहे.

फील्ड मार्शल हे पद तहहयात असते. फील्ड मार्शल कधीही निवृत्त होत नाही. शेवटपर्यंत तो त्याची वर्दी वापरू शकतो. इतर सर्व अधिकाऱ्यांची Command Cane त्यांच्या युनिट ची निशाणी वागवतात. पण फील्ड मार्शल Command Cane वर भारताची राजमुद्रा

(चार सिंह) आहेत. संपूर्ण भारत तुमच्या कमांड मध्ये आहेत हे दाखवण्याचे ते प्रतिक आहे.

फील्ड मार्शल पद मिळाल्यापासून माणेकशॉ ३० वर्ष हयात होते.

या ३० वर्षात सरकार ने त्यांच्यावर परदेशी चलन व्यवहार अंतर्गत खटला भरला. (त्यांच्या जावयाच्या कंपनी मध्ये ते Advisor होते म्हणून) सुदैवाने हे युद्ध माणेकशॉ कोर्टात जिंकले आणि निर्दोष बाहेर आले.

त्यांचा या ३० वर्षाचा पगार काँग्रेस सरकारने थांबवला. ते शेवटच्या आजारात राष्ट्रपती अब्दुल कलाम त्यांना भेटायला गेले तेंव्हा हॉस्पिटलच्या डॉक्टरांनी ही गोष्ट कलाम यांना सांगितली. तेव्हा ते हादरले. निवृत्त नाही म्हणून पेन्शन नाही आणि नोकरीत असून पगार नाही अशा अवस्थेत त्यांनी तक्रार न करता ३० वर्ष काढली.

कलामां नी चौकशी केल्यावर नोकरशहा उत्तरले की फील्ड मार्शल नवीन पद असल्याने

पे स्केल ठरले नाही. राष्ट्रपती नी नेहमीच्या कामात हस्तक्षेप करू नये हा पायंडा मोडून कलामांनी विजेच्या वेगाने काम करून त्यांचा ३० वर्षाचा पगार तसेच Arrears आणि त्यावरील व्याज धरून श्री. माणेकशॉ यांचेकडे पाठवून दिला. रक्कम होती रू.१.३ कोटी !!!

राष्ट्रपतींच्या सचिवाने तो चेक श्री.माणेकशॉ यांना दिल्यावर त्याच वेळी श्री.माणेकशॉ यांनी ते सर्व पैसे आर्मी विधवा फंड यांना दान केले.

ते गेले त्यावेळी श्रीमती प्रतिभा पाटील राष्ट्रपती होत्या, मनमोहन सिंग प्रधानमंत्री होते आणि

ए के अँटनी रक्षा मंत्री. या तिघांपैकी एकही महानुभाव त्यांच्या अंत्यात्रेला उपस्थित नव्हता.

सैन्याच्या प्रथा आपण इंग्लंड कडून घेतल्या आहेत असे म्हणतो. इंग्लंड चे राजघराणे कुठल्याही Funeral Service ला उपस्थित राहत नाही हा दंडक आहे. अपवाद फक्त राजघराण्यातील मृत्यू किंवा फील्ड मार्शल चा मृत्यू.

इंग्लंड कडून आपण घेऊ नये ते घेतले पण कृतज्ञता घेतली नाही.

क्रांतिसिंह नाना पाटील, नरसिंह राव, फील्ड मार्शल माणेकशॉ यांच्याबद्दल काँग्रेस असा का वागला की 'मरणांतानी वैराणी' हे साधे तत्व पण विसरला हे कळत नाही.

ऑनलाइन फसवणुकीबाबत जलद प्रतिसादासाठी 'डायनॅमिक प्लॅटफॉर्म' तयार करणार- उपमुख्यमंत्री देवेंद्र फडणवीस

2023-12-08T17:35:00.001+05:30

ऑनलाइन फसवणुकीबाबत जलद प्रतिसादासाठी 'डायनॅमिक प्लॅटफॉर्म' तयार करणार- उपमुख्यमंत्री देवेंद्र फडणवीस

नागपूर, दि. ८ : राज्यामध्ये ॲप, संकेतस्थळे, विविध समाज माध्यम ॲपच्या माध्यमातून ऑनलाइन आर्थिक फसवणुकीचे प्रकार घडत आहेत. यामध्ये बरेचसे ॲप विदेशातून संचालित करण्यात येत आहे. अशा ऑनलाइन फसवणुकीच्या प्रकारांवर आळा घालण्यासाठी सर्वंकष असा 'डायनॅमिक (गतिमान) प्लॅटफॉर्म' तयार करण्यात येत आहे. या माध्यमातून जलद प्रतिसाद मिळण्याची व्यवस्था होणार आहे. ही सर्व व्यवस्था एका ॲपमध्ये असेल, अशी माहिती उपमुख्यमंत्री तथा गृहमंत्री देवेंद्र फडणवीस यांनी प्रश्नोत्तराच्या तासात दिली.

याबाबत अधिकची माहिती देताना उपमुख्यमंत्री श्री. फडणवीस म्हणाले, ए. एस. ट्रेडर्स व त्यांच्या अन्य कंपन्यांनी केलेल्या फसवणुकीबाबत दाखल गुन्ह्यांमध्ये वेगवेगळ्या राज्यांशी समन्वय करून तपास सुरू आहे. गुंतवणुकीचा पैसा विदेशात गेला असल्यास आर्थिक गैरव्यवहार प्रतिबंधक कायद्यान्वये अंमलबजावणी संचालनालयाची मदत घेण्यात येईल. या गुन्ह्यामध्ये पहिले दोषारोपपत्र दाखल करण्यात आले आहे. त्याचबरोबर तपास पुढे जाईल त्यानुसार पुढील दोषारोप पत्रामध्ये आरोपींचा सहभाग वाढेल. याप्रकरणी संशयित आरोपींना विदेशात पळून जाण्यास कुठलीही मदत करण्यात आलेली नाही.

उपमुख्यमंत्री श्री. फडणवीस पुढे म्हणाले, याप्रकरणी आजस्थितीत तपासात एकूण ३५ आरोपी निष्पन्न झाले आहे. त्यापैकी १३ आरोपींना अटक करण्यात आली आहे. विदेशातून संचालित करण्यात येणाऱ्या ॲपच्या माध्यमातून आर्थिक फसवणूक करण्यात येत आहे. याबाबत केंद्र शासनही त्यांच्या आयटी कायद्यामध्ये बदल करत आहे. तसेच राज्य शासनाने 'डायनॅमिक प्लॅटफॉर्म' तयार करण्यासाठी निविदा काढल्या आहेत. त्याला अनेक जागतिक कंपन्यांचा प्रतिसादसुद्धा मिळाला आहे. आर्थिक फसवणुकीच्या गुणांवर आळा घालण्यासाठी आर्थिक गुन्हे शाखेत 'फायनान्शिअल इंटेलिजन्स' ची व्यवस्था करण्यात येईल. पहिल्या टप्प्यात काही पोलीस परिक्षेत्र व आयुक्तालय अंतर्गतही व्यवस्था उभारण्यात येईल. त्यानंतर प्रतिसाद बघून व्यवस्थेचा विस्तार करण्यात येईल. आर्थिक फसवणुकीच्या गुन्ह्यांमध्ये मुख्य आरोपीसह अन्य सहभागी लोकांना सहआरोपी करण्यात येते. त्यामुळे कुणालाही सोडण्यात येत नाही.

ते पुढे म्हणाले की, लोकप्रतिनिधींसोबत अनेक नागरिक छायाचित्रे काढत असतात. त्याला लोकप्रतिनिधी विरोधही करू शकत नाहीत. राज्यात लोकप्रतिनिधींसोबत छायाचित्रे काढून फसवणूक करण्याचे प्रकारही वाढत आहेत. अशा प्रकारे लोकप्रतिनिधींसोबतचे छायाचित्र दाखवून पैसे मागितल्यास नागरिकांनी सहकार्य करू नये, असे आवाहन यावेळी उपमुख्यमंत्री श्री. फडणवीस यांनी केले.

या चर्चेत विधानसभा सदस्य आशिष शेलार, जयंत पाटील, नाना पटोले, गणपत गायकवाड, विकास ठाकरे यांनी सहभाग घेतला.

मंत्री छगन भुजबळांची सरकार मधून हकालपट्टी करा...

2023-12-02T15:54:00.000+05:30

मंत्री छगन भुजबळांची सरकार मधून हकालपट्टी करा...

कागल तालुक्यात मराठा आरक्षण आंदोलन तीव्र करणार....

सकल मराठा कागल...

मराठा आरक्षणाचा श्वास मनोज जरांगे पाटील यांचेवर चिखलफेक करणारे तसेच स्वातंत्र्या नंतर दीर्घ पल्ल्याच्या मराठा आरक्षण मागणीस आपल्या बेताल वक्तव्याने अपशकुन करणाऱ्या मंत्री छगन भुजबळ यांना सरकार मधून हकालपट्टी करावी. तसेच मराठा व ओबीसी समाजामध्ये जातीय तणाव - तेढ , अराजकता करून दंगली घडवले बद्दल कलंकित मंत्री छगन भुजबळ यांच्या निषेधाच्या घोषणा देऊन यांच्यावर राजद्रोहाचा फौजदारी गुन्हा दाखल करण्यात यावा. अशी मागणी कागल तालुका सकल मराठा समाज मार्फत मुरगुड येथील अंबाबाई मंदिर मध्ये आयोजित केलेल्या बैठकीत करण्यात आली. यावेळी मराठा समाज एकजुट व वज्रमुठीतून पुढे आलेल्या मराठा आरक्षण मागणीस काही विघ्न संतोषी लोक आपल्या राजकीय फायद्यासाठी अपप्रचार व बुद्धीभेद करत आहेत. हे मराठा बांधवांनी वेळीच ओळखून सकल मराठा आरक्षण अंतिम लढाईसाठी सज्ज राहावे असे अहवान मराठा समाज कागल तालुका समन्वयक प्रमुख अँड. दयानंद पाटील- नंद्याळकर यांनी केले. बैठकीचे अध्यक्षस्थानी ज्येष्ठ राणोजी गोधडे होते.

यावेळी राज्य समन्वयक अमरसिंह जगदाळे सरकार,सकल मराठा मुरगूड समन्वयक शहर प्रमुख संतोष भोसले, विशाल मंडलिक यांनी मनोगत व्यक्त केले. मराठा समाज कागल तालुका समन्वयक प्रमुख मयूर सावर्डेकर, उद्योगपती अरुण व्हाराबळे , सुहास खराडे , गब्बर भारमल, नामदेव भराडे इत्यादी प्रमुख उपस्थित होते. ओबीसी व मागासवर्गीय समाजातील कार्यकर्ते मुरगूड शहर समन्वयक सर्जेराव भाट, ओंकार पोतदार , जगदीश गुरव, युवराज विष्णू कांबळे ( मळगे ) यांनी आरक्षण मागणीस पाठिंबा देऊन मराठी बांधवांच्या आरक्षणच्या लढाईत खांद्यास खांदा देऊन लढण्याचे आश्वासन दिले.

या प्रसंगी मराठा समाजाच्या सर्वांगीण उन्नतीसाठी वर्षानवर्षी रखडलेले आरक्षणाच्या बाबत २४ डिसेंबर पर्यंत शासन स्तरावर निर्णय घ्यावा. यासाठी सकल मराठा कडून येत्या काळात तालुक्यातील गाव-गावात व्यापक जनजागृती करून ठिय्या आंदोलन , उपोषण, निदर्शन या मार्गाने उत्तरोत्तर मराठा आरक्षण आंदोलन तीव्र करण्याचा निर्धार करून आरक्षण प्रश्नाची राज्यकर्ते, लोकप्रतिनिधी यांनी गंभीर दखल घेण्याचा इशारा देण्यात आला. दत्ता साळोखे, हर्षवर्धन पाटील, आकाश पाटील( सुरूपली) कृष्णात सोनाळे ,अमर चौगले,संकेत भोसले, पांडुरंग मगदूम, प्रविन नेसरीकर,सोमनाथ येरणाळकर, रणजित मोरबाळे,मारुती वाडकर, उत्तम व्हाराबळे, मधुकर गोधडे, प्रवीण वास्कर, प्रकाश पारीशवाडकर यांच्यासह कागल तालुक्यातील अनेक गावातील कार्यकर्ते हजर होते.

वंशावळी-वंशवेल (Family Tree) म्हणजे काय व ९ पिढयाची वंशावळी कशी जुळवावी

2023-11-02T11:50:00.000+05:30

वंशावळी-वंशवेल (Family Tree) म्हणजे काय व

९ पिढयाची वंशावळी कशी जुळवावी

(वंशावळी#स्वतःवडील-आजोबा-पंजोबा-खापरपंजोबा-पन्तू-नातू-अन्तू-खातू-नातू)

महसुल लेखः शुक्रवार दिनांक: ८ मे २०२०

आपण सर्वसाधारणपणे आपल्या पुर्वजांच्या वंशाची, कुळातील पूर्वजांच्या वंशावळी ही काही अपवादात्मक कारणांसाठीच जुळविण्याचा किंवा शोध घेण्याचा प्रयत्न करतो. शाळा महाविद्यालयीन प्रवेशासाठी जातीचा दाखला काढण्यासाठी लागणा-या काही महत्वाच्या कागदपत्रांची जुळवाजुळव करण्यामध्ये वंशावळी हा एक भाग आहे. परंतु हा वंशावळी जुळविण्याचा व शोधण्याचा मार्ग हा तात्पुरत्या कागदोपत्री तरतूदीसाठी सिमीत आहे. कारण जातीचा दाखला काढण्यासाठी केवळ अर्जदाराचे वडील व वडीलांचे वडील म्हणजे आजोबा इथपर्यंतच हा वंशावळीचा विषय मर्यादित होतो.

परंतु काही शहरात आजचा मुंबईस्थित तरूण वर्ग व उत्साही चाकरमाणी आपली वडीलोपार्जित मालकीची जागा, कुळाची जागा, वंशाची वंशावळी या पारंपरिक व महत्वाच्या गोष्टीचा शोध लावण्याचा व ते शोधून काढण्याचा प्रयत्न करत आहेत व बहुतेक लोकांना यात यशही आले आहे व येत आहे.

आपण आपल्या पुर्वजांच्या वंशाची साधारणतः ९ पिढ्याच्या वंशाची वंशावळी शोधू शकतो जुळवू शकतो. या सर्व प्रकारात महसुल विभागाचा दस्तैवजांपैकी काही महत्वाचे दस्तैवज खालीलप्रमाणे-

१)जंगलखर्डा नोंदवही पत्रक सन १८८६- सदर नोंदवहीत आपल्या वंशातील ज्या व्यक्तीचा जन्म साधारणतः १८२० साली झाला होता त्यांचे व त्यांच्या वडिलांचे नाव म्हणजे ज्यांचा जन्म सन १७०० ते १७२० च्या आसपास झाला आहे त्या वंशातील मुळपुरुषाचे नाव नोंद असते. म्हणजे आपण ७ व ८ व ९ क्रमांकाची पुरुषाची वंशावळी या दस्तैवजावर नोंद असते.

२)बोटखत नोंदवही १८९५ - या दस्तैवजावरून आपण साधारण ७ व ८ क्रमांकाच्या वंशावळीतील पुरुषाची वंशावळी जुळवू शकतो.

३)प्रतीबुक हिस्सावार पत्रक नोंदवही- दस्तैवजावरून आपण साधारण ६ व ५ व ४ क्रमांकाच्या वंशावळीतील पुरुषाची वंशावळी जुळवू शकतो.

४)आकारफोड पत्रक १९५७-

दस्तैवजावरून आपण साधारण ४ व ३ क्रमांकाच्या वंशावळीतील पुरुषाची वंशावळी जुळवू शकतो. सन १९५६-१९५७ रोजी आपल्या जमीनीवर कसतव नोंद असलेले पूर्वज यांची माहीती आकारफोड पत्रकात मिळते.

५)फेरफार पत्रक नोंदवही व मेळाची फाईल-फेरफार दस्तैवज संचिका- गावनमुना ६अ, तसेच गुणपत्रिका या दस्तैवजावरून वंशावळीतील ३ व ४ क्रमांकाच्या पुरुषाची वंशावळी जुळवू शकतो.

६)विदयमान २०२० चा ७/१२ उतारा- यावर आपले व आपल्या वडीलांचे नाव असते म्हणजे क्र.१ व २ क्रमांक ची वंशावळी येथे जुळली जाते.

महसुल जमीन माहीतीकामे इतर महत्वाचे दस्त-

७) टिपनबुक नोंदवही-

(जागेचे सर्व्हे, वर्णन नोंद व मुळ भोगवटाधारक सदर बुकात सापडतात. साधारण १८४० ते १८८० या कालावधीच्या नोंदी)

८)सुडपत्रक-सुडाचा उतारा सन १८६४-सुडाच्या मुळ उता-यास जमाबंदी पत्रक असेही म्हणतात. जागेचे वर्णन याबाबत माहीती.

यापैकी कोणते दस्तैवज कोठे अर्ज करावेत.

१) जंगलखर्डा नोंदवही पत्रक-तहसिल कार्यालय

२) बोटखत नोंदवही पत्रक-तहसिल कार्यालय

३)प्रतीबुक हिस्सावार पत्रक नोंदवही-

तालुका भूमी अभिलेख तथा भुमापन विभाग कार्यालय

४) आकारफोड पत्रक- तालुका भूमी अभिलेख तथा भुमापन विभाग कार्यालय

५) टिपनबुक नोंदवही-भुमापन तथा भुमीअभिलेख विभाग तहसील

६) मेळाची फाईल-तहसिल/तलाठी कार्यालय

७) फेरफार नोंदवही/गुणपत्रिका/गावनमुना ६अ, ७/१२ उतारा-तलाठी कार्यालय

८) मेळ साक्षीदार पुरावा-तहसिलदार/तलाठी कार्यालय/

वंशावळी(Family Tree) जुळणी करून तहसिल क्षेत्रातील दुय्यम निबंधक तथा सक्षम महसुल प्रमाणक अधिकारी मार्फत प्रमाणित करावी. सदर प्रकरणातील टिपनबुक(सन १८४० ते सन १८८०), सुडाचा उतारा १८६४-सुडपत्रक, जंगलखर्डा नोंदवही १८८६ व बोटबुक नोंदवही-१८९५, ही मोडी लिपीमध्ये तहसिल कार्यालय/भुमापन तथा भुमीअभिलेख यांचे कार्यालयात उपलब्ध होते. त्याचे मराठीमध्ये शासकीय मोडीलिपी तज्ञाकडुन प्रमाणीत हस्तांतर करून घ्यावे. उपरोक्त महसुल वंशावळी संबधित माहीती व दस्तैवज हे महाराष्ट्रातील विविध तालुका-जिल्हा महसुल कार्यालयातून प्रत्यक्ष गोळा केलेल्या प्राथमिक माहितीच्या आधारे आहेत.वाचकांनी इतरही महसुल दस्तैवजांचीही माहीती घ्यावी व अभ्यास करावा.

व सदर दस्तैवज हे शासकीय नमूद महसुल विभागात अर्ज करून प्रत्येक दस्तैवज हा रुपये २/- ते जास्तीत जास्त रुपये १०/-व पेक्षा कमी जास्त शासकीय नियमानुसार भरणा करुन(प्रत्येक पृष्ठ) उपलब्ध होतात.

सदर वंशावळी जुळवणी संदर्भात माझा मुळ लेख हा २० एप्रिल २०१८ रोजी प्रसारित झाला होता. आता पुन्हा एकदा लोकांच्या माहीती व आग्रहावरून माझ्या पेजवर प्रसारित करत आहे. मुळ लेखात फेरफार-बदल करताना लेखकाची परवानगी घ्यावी.

All Right Reserve @Copyright

महसुल लेखन व संशोधन :

DR. RANJANA B. KHOCHARE

PHD IN LAW, LLM, LLB, MBA, DBM, DCL

ADVOCATE BOMBAY HIGHCOURT

SUNIL BHADEKAR

LLB, MBA(FINANCE), BCOM

-9920945107-9029644000

शिवाजी विद्यापीठातील भोंगळ कारभार चव्हाट्यावर

2023-10-17T13:24:00.001+05:30

महाराष्ट्रातील सार्वजनिक म्हणजेच जनतेच्या पैशातून चालणाऱ्या विद्यापीठांसाठी महाराष्ट्र सार्वजनिक विद्यापीठ अधिनियम आहे. या अधिनियमा सोबतच महाराष्ट्र शासनाकडून वेळोवेळी निर्गमित केलेले परिनियम, आदेश तसेच विद्यापठाच्या विविध अधिकार मंडळांनी वेळोवेळी बहुमताद्वारे बनविलेली नियमावली यांतून महाराष्ट्रातील सर्व सार्वजनिक विद्यापीठ संचलित व नियंत्रित केली जातात.

अधिकार मंडळांमध्ये अधिसभा, विद्यापरिषद, व्यवस्थापन परिषद, अभ्यास मंडळे, डिन बोर्ड आदींचा समावेश असतो. तीन ते पाच जिल्ह्यांचे कार्यक्षेत्र असणाऱ्या महाराष्ट्रातील सर्वच अकृषी विद्यापीठांच्या व्यवस्थापन, विकास आणि गुणवत्ता यांमध्ये या अधिकार मंडळांची महत्वाची भूमिका असते.

या अधिकार मंडळांनी त्यांच्या स्थानिक प्रश्नांशी, परिस्थितीशी अनुरूप विविध नियमनियमावली बनवलेली असते व यातून विद्यापीठाचे अंतर्गत कामकाज चालते. म्हणून अधिकार मंडळांनी वेळोवेळी बनवल्या गेलेल्या या नियमनियमावलीचे पुस्तक सर्वांसाठी उपलब्ध असणे विद्यापीठाच्या सुलभ व गतिमान प्रशासकीय कामकाजासाठी आवश्यक बाब ठरते! शिवाय, अधिकार मंडळांच्या कामकाजासाठी अत्यावश्यक आहे. त्यामुळे असे त्या-त्या विद्यापीठांच्या विविध अधिकार मंडळांनी वेळोवेळी बनवलेली व अपडेट असलेली नियमनियमावली सर्व अधिकार मंडळातील सदस्य व प्रशासनातील सर्व अधिकारी यांच्यासाठी सदैव उपलब्ध असणे विद्यापीठ कायद्याद्वारे बंधनकारक आहे. हे नियमावलींचे पुस्तक उपलब्ध करून देण्याची कायदादत्त जबाबदारी विद्यापीठाचा मुख्य कार्यकारी अधिकारी म्हणून कुलसचिव यांचेवर ठेवणेत आली असून ती त्याच्या कार्यकर्तव्यात बंधनकारक स्वरूपात येते. असे नियमावलींचे पुस्तक उपलब्ध ठेवावेच लागते त्याला पर्याय नाही. अन्यथा ती कर्तव्यात कसूर मानली जाऊन हा भारतीय दंड संहितेच्या कलम 166 खाली गुन्ह्यास पात्र ठरते.

आता माहिती अधिकारातून उघड झालेली सर्वात धक्कादायक बाब म्हणजे शिवाजी विद्यापीठाने आजअखेर असे नियमावलींचे पुस्तकच बनवलेले नाही! 2022 मध्ये अधिसभेच्या निवडणुकी नंतर विद्यापीठ कायद्याचा अभ्यास करताना हे नियमावलींचे पुस्तक पत्राद्वारे मागवले परंतु तत्कालीन प्रभारी कुलसचिव यांच्या कार्यपद्धती नुसार पत्रास उत्तर मिळाले नाही. त्यानंतर माहिती अधिकार अर्ज दिला असता वरील धक्कादायक माहिती उघड झाली. त्यानंतर या नियमावलींच्या निदेश पुस्तकासाठी दिनांक 10 मार्च 2022 रोजीच्या अधिसभेत स्थगन प्रस्ताव आणला गेला होता. त्यानंतर सदरचे नियमावली पुस्तक उपलब्ध करून देण्याचे आश्वासन मिळाले होते. त्यानंतर तोंडी तसेच लेखी पाठपुरावा संबंधित अधिकारी यांचेकडे करून देखील पुस्तिका मिळत नसल्याने शेवटी नाईलाजाने राज्याचे राज्यपाल तथा विद्यापीठाचे कुलपती तसेच मुख्यमंत्री, उच्च व तंत्रशिक्षण मंत्री यांना मेल द्वारे सदर बाब निदर्शनास आणून दिली. 'विद्वान' कुलसचिव महोदयांना यासंदर्भात भेटण्यास गेलो असता मूळ विषयाला बगल देण्याच्या त्यांच्या अंगभूत सवयीनुसार त्यांनी 'मूलद्रव्यांची अवर्तसारणी' हे पुस्तक कसे लिहिले, पुढे अजून त्यांची कोणती पुस्तके येणार आहेत, ते स्वतः किती हुशार लेखक आहेत यावर एक तासभर व्याख्यान दिले. जे पुस्तक कायद्याद्वारे त्यांच्यावर लिहिणे बंधनकारक आहे ते सोडून त्यांनी लिहिलेली इतर पुस्तके यावरील व्याख्याना नंतर त्यांच्याकडे पुन्हा जाणे निरर्थक वाटले. असा सुमारे वर्षभर अथक पाठपुरावा करून हताश झालेनंतर नाईलाजास्तव ही पत्रकार परिषद घ्यावी लागत आहे.

आता त्यांच्या प्रशासकीय कुशाग्र बुद्धीच्या दिवाळखोरीचा उत्तम नमुना म्हणजे अधिकार मंडळात तयार झालेली नियमनियमावली तयार करण्यासाठी सर्व अधिविभाग प्रमुख व प्रशासकीय अधिकाऱ्यांना दि. 03/04/2023 रोजीचा परिपत्रकाने फर्मान काढून त्यांच्याकडील परिनियम, विनियम सभा विभागात देण्याचे आदेश काढले! (सोबत कॉपी जोडली आहे.) इतके चुकीचे परिपत्रक कुलसचिव दर्जाचा अधिकारी काढू शकतो यावर विश्वास बसणे अशक्य होते. स्वतःकडे असणारे कागदपत्रे इतर अधिकारी व अधिविभाग प्रमुख यांचेकडे मागणे म्हणजे त्यांची पिळवणूक आहे. असे वेगवेगळे फर्मान काढून चांगल्या प्रामाणिक अधिकाऱ्यांना त्रास दिला जात असलेच्या तक्रारी अनेकदा कानावर येतात.

लोकराजा वकील मंडळातर्फे निःशुल्क कायदेशीर मदत

विद्यार्थी, संशोधक विद्यार्थी, चांगले प्रामाणिक प्राध्यापक, विद्यापीठातील कर्मचारी व अधिकारी यांना यापुढे कुलसचिव यांनी नाहक त्रास दिल्यास या सर्व शोषित घटकांनी आमच्याशी संपर्क करावा त्यांना निःशुल्क कायदेशीर मदत दिली जाईल असे लोकराजा वकील मंडळाचे अध्यक्ष ॲड. योगेश सावंत यांनी सांगितले.

काही दिवसांपूर्वी एका अधिकाऱ्याकडून समजले की, नियमावलींचे निदेश पुस्तक विद्यापीठाच्या वेबसाईटवर टाकले गेले आहे. परंतु, वेबसाईटवर पाहिले असता तेथे कोणतेही पुस्तक आढळून न येता केवळ विद्यापीठ कायदा, महाराष्ट्र शासनाने निर्गमित केलेले परिनियम व आदेश यांची लिंक आहे. (सोबत याची कॉपी जोडली आहे.) ही केवळ अधिसभा सदस्यांची नव्हे तर कुलपती, कुलगुरू यांची सुद्धा फसवणूक आहे. यातून त्यांना कायद्यातील काडीचीही समज नाही किंवा ते समजूनउमजून जाणीवपूर्वक असे कृत्य करतात असे दोनच अर्थ निघतात. 1994 ते 2023 पर्यंत झालेल्या एकाही कुलसचिवांच्या ध्यानात ही गोष्ट येऊ नये व आत्ता ध्यानात येऊनही दुर्लक्ष करणे हे विद्यार्थी हिताच्या दृष्टीने अक्षम्य दुर्दैवच म्हणावे लागेल!

प्रशासनाचा कारभार सुलभ, पारदर्शक, गतिमान व विद्यार्थी केंद्रित होणेसाठी हे नियमावलींचे पुस्तक सर्वांसाठी उपलब्ध असणे अतिआवश्यक आहे.

कुलसचिव यांना आम्ही आजपासून एक महिन्याची मुदत नियमावलींचे निदेश पुस्तक बनवण्यासाठी देत आहोत. एक महिन्यानंतर नाईलाजास्तव कायद्याने बंधनकारक असलेल्या कर्तव्यात कसूर केलेबद्दल कायदेशीर कारवाईचा मार्ग अवलंबावा लागेल याची संबंधित अधिकारी यांनी नोंद घ्यावी.

विद्यापीठाचे अनेक प्रश्न आहेत. लाखो विद्यार्थी, हजारो प्राध्यापक, कर्मचारी यांचे जीवन मरणाचे प्रश्न आहेत. दिवसाचे 24 तास अपुरे पडतील इतके प्रश्न आहेत. अनेक आव्हाने विद्यापीठापुढे उभी आहेत. अशात कुलसचिव महोदयांना दररोज युट्युब व्हिडीओ आणि फेसबुकीय लिखाणासाठी मुबलक वेळ मिळतो हे अफाट कार्यक्षमते शिवाय शक्य नाहीच!

त्यांच्या पर्यावरणीय लिखाणाचे आम्ही स्वागतच करतो, त्याचबरोबर प्रशासकीय पर्यावरण सुदृढ व्हावे अशी अपेक्षाही व्यक्त करतो! मा. कुलगुरू यांनी या प्रकारात लक्ष घालावे कारण, त्यांची देखील vicarious liability जबाबदारी वरिष्ठ प्रमुख या नात्याने येते. विद्यापीठ विकासाकडे लक्ष देऊन, कायद्याचा अभ्यास करून कायद्यानुसार विद्यापीठाचा कारभार चालावा ही आमची मागणी आहे.

आज कुलसचिवांच्या मुकसंमतीने कँटीन मध्ये व्यवस्थापनाची मान्यता नसलेले, युजीसीने मनाई केलेले घातक पदार्थ विक्रीस ठेवले जातात. यावर तक्रार देखील झाली आहे. कुलसचिव यांच्या मर्जीतील अनेक अधिकारी विद्यापीठाच्या परवानगी शिवाय अनधिकृतपणे पूर्ण वेळ असणाऱ्या अभ्यासक्रमाच्या पदव्या घेत आहेत. यातून कुंपणच शेत खात असल्याचे दिसते. ही केवळ वानगी दाखल उदाहरणे दिली आहेत परंतु अनेक गोष्टी अशाच कायदा बाह्य, नियम बाह्य चालू असून गोंडस प्रसिद्धी खाली दडपण्याचा प्रयत्न दिसून येतो. त्यांनी एक लक्षात घ्यावे की, हे कोल्हापूर आहे, ही शाहू विचारांची समतेची भूमी आहे. इतर ठिकाणची कुठली संस्कृती येथे रोवण्याचा प्रयत्न स्वतःच्या इगोतून करू नये. अन्यथा चोख कायदेशीर उत्तर मिळेल.

रामदास जगदाळे सरांचा बस्तवडे ग्रामस्थांच्या वतीने सत्कार

2023-08-19T22:21:00.001+05:30

कागल : तालुक्यातील बस्तवडे गावातील संयमी व शांत स्वभावाचे, सर्वांना बरोबर घेऊन जाणारे गावातील सामाजिक, शैक्षणिक, राजकीय कार्यक्रमात सक्रिय भाग्य घेणारे श्री. रामदास शिवराम जगदाळे यांची नुकतीच न्यू इंग्लिश स्कूल मुगळी येथे मुख्याध्यापक पदी निवड झाल्याबद्दल बस्तवडे ग्रामस्थांच्या वतीने गुरुवार दिनांक १७ / ०८/ २०२३ रोजी सायंकाळी साडेसात वाजता त्यांच्या घरी जाऊन सत्कार करण्यात आला.

हा सत्कार कार्यक्रम निवृत्त शिक्षक दिनकर माळी यांच्या अध्यक्षतेखाली आणि माजी सरपंच सातापा कांबळे यांच्या उपस्थितीत पार पडला. कार्यक्रमाचे प्रास्ताविक आणि सूत्रसंचालन मुख्याध्यापक आनंद माळी यांनी केले. याप्रसंगी विविध मान्यवरानी आपली मनोगते व्यक्त केली. सत्कार मूर्ती जगदाळे सरांनी आपला जीवन प्रवास कथन केला. आभार प्रदर्शन अमरसिंह जगदाळे यांनी केले.

बस्तवडे ग्रामपंचायती तर्फे मेडीक्लोरचे वाटप

2023-08-04T17:01:00.001+05:30

कागल (प्रतिनिधी): बस्तवडे ग्रामपंचायतच्या वतीने गावातील चावी धारकांना पावसाच्या पाण्यामुळे व पुरामुळे गढूळ पाणी येत होते. त्यावर उपाय म्हणून गावातील काही नागरिक, व सामाजिक कार्यकर्ते यांनी सर्वांना मेडिक्लोर औषध वाटप करावे. अशा सूचना आल्या होत्या त्याची अंमलबजावणी करण्यासाठी ग्रामपंचायत सन्माननीय सदस्य, व ग्रामसेवक प्रशासन यांनी गावातील चावी धारकांना पंधरावा वित्त आयोगातून मेडिक्लोर देण्याचे ठरले व आज ते मेडीक्लोर वाटप केले.

गावातील चावी धारकांनी ग्रामपंचायत कार्यालयात येऊन मेडीक्लोर घेऊन जावावे अशी नम्र विनंती ग्रामपंचायतीने केली आहे

आज सायंकाळी साडेसात नंतर राहिलेल्या चावी धारकांना पुन्हा मेडीक्लोर वाटप करण्यात येणार आहे.

सदरचे मेडिकलवर औषध एक घागरीमध्ये एक थेंब टाकावे. असे आवाहन बस्तवडे ग्रामपचायतीं कडून करण्यात आले आहे.

यावेळी सरपंच सौ कांबळे, माजी सरपंच सौ शिंदे, ग्रामसेविका चौगुले मॅडम, सामाजिक कार्यकर्ते साताप्पा कांबळे, अशोक जगदाळे, संपादक अमरसिंह राजे, विष्णू वांगळे, ए.पी.पाटील सर, राजकुमार कानडे पाटील, दत्तात्रय पाटील, रामचंद्र पाटील, जयवंत इंगळे, एकनाथ चिखलकर, कृष्णात जगदाळे, गिर्गावे आणि ग्रामस्थ उपस्थित होते.

काँग्रेस मधील नाराजीला फुटले तोंड : संपतबापूनच्या कडून स्वागत...

2023-08-03T14:47:00.001+05:30

काँग्रेस मधील नाराजीला फुटले तोंड : संपतबापू कडून स्वागत

आज शेतकरी कामगार पक्षाच्या वर्धापनदिनाच्या येळवडे येथे झालेल्या मेळाव्यात करवीर चे आमदार पी.एन. पाटील गटाच्या कार्यकर्त्यांनी शेकापक्षामध्ये जाहीर प्रवेश केला. माजी आमदार संपतराव पवार – पाटील यांच्या हस्ते लाल स्कार्फ गळ्यात अडवून घेतलेले राशिवडे खुर्द येथील हे कार्यकर्ते असल्याने भोगावती परीसरात हा चर्चेचा विषय बनला आहे.

भोगावती व करवीर मतदारसंघातून आमदार पी एन. पाटील हे शेतकरी कामगार पक्ष संपवण्याची भाषा करीत आले आहेत. तसे यशस्वी प्रयत्न ही झाले. मात्र आजचा काँग्रेसच्या कार्यकर्त्यांचा शेतकरी कामगार पक्षातील प्रवेश त्यांना अंतर्मुख करायला लावणारा आहे. विशेष म्हणजे आमदार पाटील यांचे खंदे साथीदार व भोगावतीचे संचालक व जिल्हा बँकेचे माजी अध्यक्ष कृष्णराव किरुळकर यांच्याच कार्यकर्त्यांनी हा प्रवेश केल्याने राधानगरी काँग्रेस मधील नाराजीला तोंड फुटले आहे. पांडुरंग किरुळकर, सुरेश पाटील, तानाजी पाटील, रंगराव पाटील, संदीप पाटील, दिपक पाटील, कृष्णा पाटील मधुकर सुतार आदीसह कार्यकर्त्यांनी काँग्रेसचा पट्टा काढून शेतकरी कामगार पक्षाचा स्कार्फ स्विकारला.यावेळी माजी आमदार संपतराव पवार पाटील ,केरबा पाटील, बाबासाहेब देवकर, एकनाथराव पाटील, दत्ता पाटील, आंबाजी पाटील, अमित कांबळे, पांडुरंग पाटील, मोहन पाटील, यांच्या सह राधानगरी तालुक्याच्या महिला व कार्यकर्ते मोठ्या संख्येने उपस्थित होते.

🖋️अभिजीत पाटील आवळीकर

मराठ्यांना ओबीसी मधून आरक्षण देण्यासाठी ओबीसी बांधवांची साथ... योगेश केदार

2023-07-21T21:40:00.000+05:30

#मराठा_वनवास_यात्रा अन् आपल्या भूमिकेवर मराठ्यांपेक्षा ओबीसी समाज जास्त लक्ष ठेऊन आहे.....रात्री नांदेड वरून निघायला उशीर झाला होता. पुण्याच्या दिशेने प्रवास सुरू होता. सलग अनेक दिवसांपासून मी सतत बोलत आहे. संविधान समजाऊन सांगत आहे. दिवसात अनेकवेळा भाषणे करावी लागत आहेत. त्यातून पाणी देखील बदलले होते. त्यामुळे असेल कदाचित माझा घसा खूपच दुखत होता. बार्शी चे डॉ प्रशांत मांजरे सरांना मी एक दिवस आधी त्यावर गोळ्या घेऊ असे म्हटलो होतो. पण वेळेअभावी गोळ्या घेणे राहून गेले. मला एखादा शब्द बोलणेही नको वाटत होते. तरी दोन दिवस अनेक गावांत भाषणे केली. कळंब, अंबाजोगाई, अहमदपूर, लोहा , नांदेड येथे बांधवांना ओबीसी आरक्षण समजाऊन सांगितले.

नांदेड वरून निघालो होतो अन् रात्री 9 च्या सुमारास परत लोहा येथे एका मेडिकल मध्ये औषध घेण्यासाठी थांबलो. डॉक्टर साहेबांनी ज्या गोळ्या विचारल्या त्या त्यांच्याकडे नव्हत्या. पण त्या मेडिकल वाल्या बांधवाने स्त्रेप्सिल च्या गोळ्या फुकट देऊन टाकल्या. माझ्या अंगावरचा वनवासाचा ड्रेस बघून त्यांनी आदर व्यक्त केला. मराठा समाजासाठी तुम्ही एवढे करत आहात, त्यापुढे हे काहीच नाही. अशी भावना व्यक्त केली.

तिथून माघारी निघालो, तर एका बांधवाने अडवले. अन् म्हणाले तुम्ही योगेश केदार दादा ना? मी हो म्हणालो. दादा या ना चहा तरी घ्या. तुम्हाला आम्ही खूप फॉलो करतो. तुमचे लेख नेहमी वाचतो. सगळ्या गवखेड्यात चर्चा सुरू आहे. या ना. मग आम्ही गेलो. लगेच दहा वीस लोकं जमली. तिथे आम्ही वनवास यात्रेच्या उद्देशाविषयी बोलत होतो. ज्या हॉटेल मध्ये बसलो होतो ते हॉटेल चे मालक म्हणाले आमचे धपाटे प्रसिद्ध आहेत. जरा खाता का? जेवणाची वेळ असल्याने मी होकार दिला. माझा स्वार्थ हा जेवणापेक्षा लोकांना आरक्षण समजावून सांगणे जास्त असतो. मी जेवणाची तयारी दर्शवली. अन् विस्ताराने आरक्षण समजावून सांगितले.

सांगायचा मुद्दा असा की, ज्या तरुणाने थांबवले तो राठोड आडनावाचा होता. ज्या हॉटेल मध्ये जेवलो, ते ओबीसी बांधवाचे होते. तिथे काही मराठा बांधव होते, पण बहुतांश ओबीसी बांधव होते. हे मला कळले जेंव्हा आम्ही उठून पुढच्या प्रवासासाठी निघालो. अन् परिचय करून दिला. समोर बसलेली माणसे कोणत्या समाजाची आहेत हे माहिती नसतानाही त्या सर्वांना ओबीसी मधूनच मराठा समाजाला ओबीसी आरक्षण ही भूमिका समजाऊन सांगितली. हे करत असताना एकही ओबीसी बांधवाला वाईट वाटले नाही. उलट सर्वांनी आपल्या भूमिकेला समर्थन दिले. जेवण देखील फुकट दिले.

वरील किस्सा सर्व राजकारण्यांनी जरूर वाचवा. विशेषतः स्वतःला ओबीसी नेते म्हणवणाऱ्या राजकारण्यांनी तर लक्षपूर्वक वाचावा....

द्वारा योगेश केदार यांनी दिलेल्या माहितीनुसार

मराठा वनवास यात्रा

9823620666

तेलंगणातच बीआरएसला मोठे खिंडारअनेक मातब्बर नेत्यांचा काँग्रेस प्रवेश

2023-06-27T14:18:00.001+05:30

तेलंगणातच बीआरएसला मोठे खिंडार

अनेक मातब्बर नेत्यांचा काँग्रेस प्रवेश

महाराष्ट्राच्या राजकारणात शिरकाव करू पाहणाऱ्या भारत राष्ट्र समितीला तेलंगणातच मोठे खिंडार पडले असून, माजी मंत्री जे. कृष्ण राव, माजी खासदार पी. श्रीनिवास रेड्डी, आ. दामोदर रेड्डी यांच्यासह अनेक मातब्बर नेत्यांनी आज काँग्रेस प्रवेश केला.

काँग्रेस अध्यक्ष खा. मल्लिकार्जून खरगे व राहुल गांधी यांच्या उपस्थितीत सोमवारी २६ जून रोजी दुपारी अखिल भारतीय काँग्रेस कमिटीच्या मुख्यालयात झालेल्या पक्ष प्रवेश सोहळ्यात पाच वेळा आमदार म्हणून निवडून आलेले गुरूनाथ रेड्डी, पाच माजी आमदार तसेच तेलंगणाच्या स्थानिक स्वराज्य संस्थांमधील अनेक प्रमुख नेत्यांनी बीआरएसला सोडचिठ्ठी देऊन काँग्रेस पक्षात प्रवेश केला.

याप्रसंगी अखिल भारतीय काँग्रेस कमिटीचे महासचिव खा. के. सी. वेणुगोपाल, तेलंगणाचे काँग्रेस प्रभारी माणिकराव ठाकरे, प्रदेशाध्यक्ष खा. रेवंत रेड्डी, महाराष्ट्राचे सहप्रभारी माजी आमदार डॉ. संपत कुमार यांच्यासह अनेक काँग्रेस नेते उपस्थित होते.

डॉ वर्षा रामचंद्र चौरे धनगररत्न पुरस्काराने सन्मानित

2023-05-29T12:18:00.001+05:30

डॉ वर्षा रामचंद्र चौरे धनगररत्न पुरस्काराने सन्मानित

नवी मुंबईतील सुप्रसिद्ध दंतचिकित्सक आणि सामाजिक कार्यकर्त्या डॉ. वर्षा रामचंद्र चौरे यांना काल ठाणे येथे “धनगररत्न (आरोग्य क्षेत्र) पुरस्कार २०२३” ने सन्मानित करण्यात आले. अमेरिकेच्या जागतिक संविधान आणि संसद परिषदेच्या सदस्य व सोबतच डॉ. वर्षा युनायटेड नेशन्स ग्लोबल टॅलेंट पूलची देखील सदस्य आहेत. सन २०२१ मध्ये, त्यांना आंतरराष्ट्रीय मानवाधिकार आयोग प्राग, झेक प्रजासत्ताक, संस्थेचे सरचिटणीस सर राफाल मार्सिन यांनी आयोगाच्या स्पेशल मॉनिटरिंग मिशन चे सदस्यत्व जाहीर केले आहे. यापूर्वी 8 मार्च 2019 रोजी माय स्टॅम्प से टेनंट या मालिकेअंतर्गत भारत सरकारच्या टपाल विभागाकडून डॉ. वर्षा चौरे जी यांचे पोस्टल स्टॅम्प जारी करण्यात आले आहे.

त्यांच्या प्रेरणादायी व्यक्तिमत्त्वाचे स्तंभलेख अनेक वृत्तपत्रांमध्ये प्रसिद्ध आहेत. डॉ वर्षा पुण्यश्लोक अहिल्याबाई होळकर मेडिकल असोसिएशन मुंबई या संस्थेच्या माध्यमातून आरोग्य सेवेत योगदान देत आहेत आणि त्यांच्या अन्य संस्थांच्या माध्यमातून ते इतर सामाजिक कार्य करतात. महाराष्ट्रातील दुष्काळग्रस्त उस्मानाबाद जिल्ह्यातील इर्ला या छोट्याशा गावातून मुंबईत वैद्यकीय शिक्षण घेऊन आरोग्य आणि सामाजिक क्षेत्रात ठसा उमटवणे हे नि:संशय कौतुकास्पद आहे. आंतरराष्ट्रीय स्तरावर काम करणाऱ्या डॉ. वर्षाजीनी आपले राष्ट्रीय कर्तव्य मानत कोरोना महामारीच्या काळात नवी मुंबई महानगरपालिका आरोग्य विभागाच्या माध्यमातून दिलेले आरोग्य सेवेतील योगदान उल्लेखनीय आहे. लहानपणापासूनच धडपडणाऱ्या डॉ. वर्षा चौरे जी आपल्या यशाचे श्रेय नेहमी त्यांचे आई-वडील सुनीता-रामचंद्र, मार्गदर्शक डॉ. सुधीर तारे आणि गुरुजनांना देतात. प्रखर इच्छाशक्तीचे दुसरे नाव म्हणजे डॉ. वर्षा रामचंद्र चौरे या भारताच्या कन्येबद्दल केवळ त्यांचे गाव, शाळा, गुरुजन यांनाच नाही तर संपूर्ण भारतीयांना गर्व आहे. वयाच्या अवघ्या 30 व्या वर्षी डॉ. वर्षाजींची ही सर्व कामगिरी पाहून त्यांची निवड साप्ताहिक झिरो माईल या साप्ताहिकाद्वारे दरवर्षी देशभरातील केवळ 20 लोकांना दिल्या जाणाऱ्या “झिरो माईल आयकॉन अवॉर्ड 2022” मध्ये झाली होती. धनगर प्रतिष्ठान ठाणे या संस्थेचे अध्यक्ष दीपक कुरकुंडे यांनी सांगितल्यानुसार २८/०५/२०२३ रोजी, धनगर प्रतिष्ठान, ठाणे जिल्हा व धनगर प्रतिष्ठान महिला मंडळ, ठाणे आयोजित धनगररत्न पुरस्कार सोहळा २०२३ हा पुरस्कार सोहळा नरेंद्र बल्लाळ सभागृह, ठाणे महापालिका मुख्यालय ठाणे येथे आयोजित करण्यात आला होता. यावेळी आ. निरंजन डावखरे, आ. संजय केळकर, मा. नरेश मस्के, अँड. नानासाहेब मोटे, मा. बाबासाहेब दगडे, मा. सुनील कुराडे, मा. सुहास होनमाने, अँड अभिमान पाटील तसेच धनगर प्रतिष्ठानचे दीपक कुरकुंडे, तुषार धायगुडे आदी मान्यवर उपस्थित होते.

सत्यशोधक भाई माधवराव बागल जन्मदिन गौरव लेख

2023-05-28T13:38:00.001+05:30

सत्यशोधक भाई माधवराव बागल जन्मदिन

जन्म - २८ मे १८९५ (कोल्हापूर)

स्मृती - ६ मार्च १९८६

#सत्यशोधक #भाई #माधवरावबागल यांना प्रथम त्रिवार अभिवादन. भारतीय इतिहासात करवीरनगरी कोल्हापूर या शहराने वेळोवेळी प्रत्येक क्षेत्रातील अनेक शिल्पकार नि शिलेदार जन्माला घातलेले आहेत. आरक्षणाचे जनक राजर्षी छत्रपती शाहू महाराजांच्या संस्थानात २८ मे १८९६ ला जन्माला आलेले व महाराजांच्या निस्सीम प्रेमाने बहरलेले भाई माधवराव बागल हे असेच एक अजबगजब रसायन. चित्रकार, लेखक, स्वातंत्र्य चळवळ सेनानी, राजकारणी, सामाजिक सुधारणावादी, सत्यशोधक, गांधीवादी, फर्डा वक्ता, पत्रकार, शेतकरी चळवळीचा कार्यकर्ता, मजूर चळवळीचा कार्यकर्ता, अस्पृश्यता निवारण कार्यकर्ता, मिश्रविवाह समर्थक, समाजवादी असे नाना पैलू असलेल्या महाराष्ट्राच्या या बहुआयामी महाविभूतीने केवळ गांधीजींच्या सल्ल्याने स्वत:मधील चित्रकार एका झटक्यात स्वत:तून बाजूला सारला. जे.जे. स्कूल्स ऑफ आर्ट्स या अत्यंत प्रतिष्ठीत अशा शिक्षणसंस्थेतून चित्रकलेचे शिक्षण घेतलेल्या माधवरावांना महात्मा गांधींनी १९२६ मध्ये कोल्हापूरला “अशी चित्रे काढा की जनसेवा घडेल” अशी प्रेरणा देताच या स्वातंत्र्यसेनान्याने क्षणार्धात हातातील कूंचला बाजूला सारून अख्खे जीवन लेखणीला समर्पीत केले. महात्मा ज्योतीराव फुल्यांची सत्यशोधक चळवळ अत्यंत जोमाने पुढे नेताना ‘सत्यशोधकांनी समाजवादी व्हावे’ अशाप्रकारची मांडणी करून आंबेडकर-नेहरू यांना अपेक्षीत समाजवादी सुदृढ भारत घडविण्याचा त्यांनी कसोशीने प्रयत्न केला. १९३१ मधील त्यांच्या भाषणातील ‘महात्मा गांधी हे खरे सत्यशोधक आहेत’ हे त्यांचे वाक्य तत्कालीन महाराष्टीय समाजकारणाची कुस बदलविणारे ठरले.

दलितांचे सामाजिक उन्नतीकरण व अस्पृश्यता निर्मुलन ही त्यांच्या सामाजिक कार्याची प्रमुख वैशिष्टे होय. १९३२ मध्ये जगदंबा मंदीर व मारुती मंदीरातील दलितांच्या प्रवेशाचा लढा त्यांनी मोठ्या निकराने लढला. त्यावेळेस त्यांना सामाजिक क्रांतीच्या प्रयत्नाकरिता राजद्रोहाची नोटीस बजावण्यात आली. कोल्हापूर संस्थानामध्ये शेतकऱ्यांना न्याय मिळवून देण्याच्या दृष्टीने १९३९ मध्ये त्यांनी स्थापन केलेली प्रजापरिषद त्यांच्या राजकीय जीवनातील एक मोठी उपलब्धी होय. या चळवळीमुळे त्यांना अनेकदा तुरुंगवास भोगावा लागला. १९३८ मध्ये शेतकऱ्यांच्या प्रश्नांना घेवून काढलेल्या प्रचंड मोठ्या मोर्चामुळे त्यांना सक्तमजुरीची शिक्षा सुनावण्यात आली. सर्वसामान्य जनतेला सरकार विरुद्ध संघर्ष करण्याची माधवरावांच्या विचारांतून प्रेरणा मिळू नये याकरिता त्यांच्या पायात लोखंडी बेड्या घालुन त्यांची कोल्हापूरच्या हमरस्त्यावरुन धींड काढल्या जात असे.

गांधीजींच्या विचारांनी प्रेरीत होवून त्यांनी १९४२ च्या भारत छोडो या लढ्यात करवीरनरेश छत्रपती शाहूंनी ईंग्रजांविरूद्ध लढा पुकारावा याकरिता प्रयत्न केलेत. ३० जानेवारी १९४८ ला झालेल्या त्यांच्या प्रेरणास्त्रोत म्हणजेच महात्मा गांधींच्या नृशंस हत्येमूळे ते प्रचंड उद्वीग्न झालेत. गांधी हत्येचा रोष म्हणून कोल्हापुर शहरात संघसमर्थक व हिंदूमहासभा समर्थकांची घरे व प्रतिष्ठानांची जनता जाळपोळ करित असताना त्यांनी कोल्हापुरच्या रस्त्यांवर फिरून संघ व हिंदुमहासभा अनुयायांना व त्यांच्या संपत्तीला सरंक्षण देण्याचा मोठेपणा दाखविला. त्यांनी चालविलेले हंटर, अखंड भारत, आघाडी, धडाडी हे वृत्तपत्रे तत्कालीन ईंग्रज सरकारने प्रतिबंधीत केलेत. त्यांच्या मर्मभेदी वकृत्त्व शैलीमूळे त्यांच्या भाषणावर सुद्धा सरकारला बंदी आणावी लागली.

भारतीय स्वतंत्रता लढ्यात त्यांचे योगदान अविस्मरणीय आहे. १९४० ते १९४७ या कालावधीत त्यांचा गांधी, नेहरू, पटेल यांचेसोबत अगदी नजीकचा संबंध आला. १९३० मध्ये कॉंग्रेसमध्ये प्रवेश घेतलेल्या माधवरावांनी पुढे कॉंग्रेसच्या शेतकरी-कामकरी ध्येयधोरणा सोबत मतैक्य नसल्याने स्वातंत्र्यप्राप्ती नंतर क्रांतीसिंह नाना पाटील, केशवराव जेधे, शंकरराव मोरे या मातब्बरांसोबत शेतकरी कामगार पक्षाची स्थापना केली. छत्रपती शाहू महाराजांचे सहकारी भाष्करराव जाधवांसोबत माधवरावांनी कोल्हापूरच्या परिसरात कृषी सहकारी सोसायट्यांची स्थापना करुन शेतकऱ्यांना पतपुरवठा करणेकरिता महत्त्वाचे कार्य केले.

संयुक्त महाराष्ट्र चळवळीत सुद्धा भाई माधवराव बागलांनी हिरीरीने सहभाग घेतला. बेळगाव सत्याग्रहामुळे त्यांना सहा महीने तुरुंगवास भोगावा लागला. कूंचला, लेखणी, कूदळ, फावडे असा माधवरावांच्या जीवनाचा प्रवास होता. कला व क्रांती या दोन्ही क्षेत्रात सहज व समर्थपणे संचार करणाऱ्या या विभुतीच्या व्यक्तीमत्त्वावर राजर्षी शाहू महाराज, महात्मा ज्योतीबा फुले, भारतरत्न डॉ.आंबेडकर या विचारवादळांची छाप होती. त्यांनी ९ डिसेंबर १९५० ला कोल्हापूर नगरीत डॉ.आंबेडकरांचा जगातील पहिला पुतळा उभारला. गांधीजींच्या प्रेरणेतुन समाजकार्याकरिता बाजुला सारलेला कूंचला आंबेडकरांप्रती असलेल्या निष्ठेतून त्यांनी परत हातात घेवून हा पुतळा बाबासाहेबांच्या हयातीतच स्वतः साकारला हे विशेष.

५० ते ५५ विवीध साहित्यकृती निर्माण करणार्‍या भाई माधवराव बागलांच्या लेखणीतून ज्योतीराव फुले यांचे सत्यशोधकी विचार कागदावर सहजरित्या उतरुन सर्वसामान्य जनतेच्या काळजापर्यंत भिडत असत. समाजातील अनिष्ठ रूढी-परंपरा, अंधश्रद्धा, बुवाबाजी, अस्पृश्यता, सनातनी दहशतवाद, राष्ट्रीय स्वयंसेवक संघाची विखारी वृत्ती, अशा अनेक विषयांवर त्यांची लेखणी धारदार करवतीसमान चालत असताना त्यांनी कुणाचीही भीड राखली नाही. त्यांनी अनेकदा स्वजातीय मराठा व्यक्तींना सुद्धा त्यांच्या लेखणीतुन आडव्या हाताने घेतले हे त्यांच्या पुर्वग्रहरहित लिखाणाचे सौंदर्य होय.

धार्मिक सनातन्यांविरुद्ध त्यांची चाललेली लेखणी तत्कालीन धर्ममार्तंडांना मोठी अडचणीची ठरलेली असायची. कोल्हापुरातील महाद्वार रोडवर आर.एस.एस. च्या एका स्वयंसेवकाने त्यांचेवर एकदा अशाच एका लिखाणामुळे जिवघेणा हल्ला केलेला होता ही बाब महाराष्ट्र सरकारने प्रकाशीत केलेल्या त्यांचेवरील एका सन्मानग्रंथात नोंदविलेली आहे. त्यांच्या बुद्धीप्रामाण्यवादी विचारांमुळे जनमानसांत मोठी जागरुकता निर्माण होत असल्याच्या न्यूनगंडातुन कोल्हापुरातील सनातन्यांनी त्यांची जीवंतपणी प्रेतयात्रा काढल्याचे दुष्कृत्य या महाराष्ट्राने बघितलेले आहे. १९६९ मध्ये मनुस्मृतीवर त्यांनी ‘गोळवलकरी राज्य आले तर’ या पुस्तकातुन प्रचंड वैचारिक लत्ताप्रहार केलेला आहे. सद्यस्थितीत माजलेली असहिष्णुता व व्यक्तीस्वातंत्र्याची गळचेपी त्यांनी आजपासुन ५० वर्षापुर्वी लिहिलेल्या या पुस्तकात नोंदवुन ठेवण्याचा दुरदृष्टिकोन बाळगला होता.

दिर्घ आयुष्य जगलेल्या या उत्तुंग उंचीच्या समाज सुधारकाने स्वतःचे संपुर्ण आयुष्य लोककल्याणकारी आंदोलनांच्या यज्ञात झोकून देताना एकदा पत्रके छापण्याकरिता पत्नीच्या अंगावरील मंगळसुत्र विकण्यासही मागेपुढे बघितले नाही. मात्र आयुष्याच्या अंतिम कालखंडात या महामानवाला आर्थिक विवंचना सहन करावी लागली हा दैवदुर्विलास म्हणावा की आमचा कृतघ्नपणा. अखेरच्या क्षणापर्यंत सामाजिक उन्नतीच्या ध्येया करिता धगधगत असलेले हे गांधीवादी सत्यशोधकी यज्ञकुंड ६ मार्च १९८६ ला कायमचे विझले. महाराष्ट्र शासनाने त्यांचे स्मृतीस्मरणार्थ माधवरावजी बागल विद्यापीठ, कोल्हापुर स्थापन करुन त्यांच्या विचारांना मानवंदना दिली. १९९८ मध्ये महाराष्ट्र राज्य साहित्य आणि संस्कृती मंडळाने त्यांचेवर 'भाई माधवराव बागल-निवडक लेखसंग्रह' हा ग्रंथ प्रकाशित करुन त्यांचा आयुष्यपट उघडण्याचा कौतुकास्पद प्रयत्न केलेला आहे. महाराष्ट्राच्या अशा या उपेक्षित कर्मयोग्यास सलाम !

सचिन चौधरी, अमरावती

संकलन : मिलिंद पंडित, कल्याण

********************************

आधुनिक भारताचे शिल्पकार राजर्षी शाहू महाराज

2023-05-20T23:44:00.001+05:30

१७ व्या शतकात छत्रपती महाराणी ताराबाई साहेब यांनी कोल्हापूर गादीची स्थापना केली. त्याच्या पुढे-मागच्या काळात माझ्या पूर्वजांनी आपली सातारा गादी सोडून कोल्हापूर गादीला आपली तळपती तलवार कायम वाहिली, असे आमच्या कुटुंबात आम्हाला सांगण्यात आले. आपसूकच त्या नंतरच्या आमच्या पिढ्या ह्या कोल्हापूर गादीशी ईमानइतबार प्रामाणिक राहिल्या. राजपाट गेले आणि स्वातंत्र्याच्या मशाली पेटल्या... क्रांतिवीरांच्या पराक्रमाने आणि बँलिस्टर मोहनदास गांधी यांच्या सत्याग्रहाने भारताला स्वातंत्र्य मिळवून दिले.

देशाच्या या राजकीय सत्ताकारणाच्या या संक्रमण काळात स्वतंत्र भारताला विकासाचे आणि सार्वजनिक सुधारणांचे तोरण बांधण्याचे काम केले ते म्हणजे बरोडा नरेश महाराजा सयाजीराव गायकवाड आणि कोल्हापूर संस्थानाचे राजर्षी छत्रपती शाहू महाराज यांनीच. हे ढळढळीत त्रिवार सत्य आहे. आणि राजर्षी छत्रपती शाहू महाराज म्हणजे सामाजिक सुधारणांचा आणि सर्वोत्तम प्रशासनाचा मूर्तिमंत मोत्यांचा हारच !

जगदाळे सरकार यांची तलवार कोल्हापूर गादीला परंपरेने समर्पित आहेच. त्यामुळे प्रा. डॉ. रूपा शहा मॅडम आणि पत्रकार उदय कुलकर्णी यांनी संयुक्तपणे लिहिलेल्या "असा हा लोकराजा" हे विकत घेतलेले पुस्तक तीनच तासात वाचून पूर्ण केले.

या पुस्तकातून राजर्षी छत्रपती शाहू महाराज यांच्या जीवनातली अनेक पैलूवर संतुलानात्मक प्रकाश टाकला आहे.

राजर्षी छत्रपती शाहू महाराज यांच्या विषयी भटा-ब्राम्हनानी आणि त्यांच्या वळचणीला गेलेल्या काही मराठा सरदारांनी अनेक अफवा... खोटे-नाटे विचार पसरविले आहेत. समुद्रातील मोती वेचावे तसे शाहू महाराज यांच्या जीवनातली अशा विचारांना या लेखक द्वयीनी वास्तव बाजू मांडून शाहू राजांच्या कार्याला उजाळा दिला आहे.

टिळकांचे आणि राजर्षी छत्रपती शाहू महाराज यांचे सख्य जरी नसले तरीही विशाल हृदयाच्या राजर्षी शाहू महाराजानी टिळकांचा द्वेष कधीच केला नाही.

पण टिळकांच्या मनात कमालीचा जात्यांधपणा होता. हे प्रत्येकवेळी त्यांच्या कर्मठ कृतीतून सिद्ध झाले आहे. राजर्षी छत्रपती शाहू महाराज यांचे सोशल रिफॉर्म आणि एड्युकेशन रेव्यालुशन हे टिळकांना कधीही आवडले नाही. उलटपक्षी केसरी मधून शाहू राजांच्यावर ब्राम्हण्यावादी प्रतिगामी विचाराची बुज राखून टिकेच्या अनेक फैरी झाडल्या होत्या. मनुवादी विचारांची पाठराखण करून लोक कल्याणकारी राजाच्या कार्याला जनमत मिळवून देण्याचे सोडून त्यांच्यावर प्रतिगामी लेख लिहून मनुवाद जपण्यात टिळकांनी धन्यता मानली आहे. हे वैदिक आणि पुरणोक्त प्रकरणाच्या वेळी केसरीतून प्रकाशित झालेल्या अनेक लेखातून स्पष्ट होते. पण असो.

किंबहुना प्रतिगामी विचारांच्या कलमकसायांनी राजर्षी छत्रपती शाहू महाराज व बाळ गंगाधर टिळक यांच्या मृत्यू पश्चात लिहिलेल्या अनेक साहित्यातून तर दर्शविले आहे. आणि त्याच साहित्याचा संदर्भ घेऊन अनेकांनी लिखाण केल्यामुळे टिळक विरुद्ध छत्रपती शाहू महाराज रंगवला आहे.

पण "असा हा लोकराजा" या पुस्तकातून पावणे दोन पानात सावधपणे वास्तव टिळक आणि शाहू महाराज हा विषय हाताळला आहे.

डॉ कृष्णाबाई केळवळकर व छत्रपती शाहू महाराज हा विषय चांगला हाताळला आहे. माझ्यासाठी तर हा नवा संदर्भ आहे. भारतात जनमलेल्या प्रत्येक डॉक्टरने विशेषत: महिला डॉक्टरने हा पाठ वाचणे गरजेचेच आहे. पुढील आवृत्तीत यावर थोड अजून सखोल विश्लेषण करता आले तर बहुउपयोगी होईल.

सगळेच ब्रिटिश व मिशनरी वाईट नव्हते हे प्रकरण खरेच गरजेचे होते. हा दृष्टीकोन मांडले आहेत. हे म्हणजे राजर्षी शाहू महाराज यांना इंग्रजांचा एजंट म्हणून हिनवणाऱ्या प्रतिगामी विचाराच्या ग्रामसिंहाना मारलेला दगड आहे. गाढवाला गुळाची चव काय प्रमाणे हे ग्रामसिंह षंढच गिरे तो भी टांग उपर... तरी पण हे प्रकरण लेखक द्वयिच्या ठिकाणी असलेला उदात्त आणि विशाल हेतू स्पष्ट करतो.

गुन्हेगारी जमाती हा शिक्का पुसला : फासे पारधी समाजातील लोकांना शाहू महाराजानी मुख्य प्रवाहात आणण्यासाठी किती मोठं योगदान दिले आहे ते स्पष्ट होते. ह्या जमातीचे लोक स्वत:ला रजपूत समजतात हे विधान बरोबर आहे आणि धाडसाचे पण आहे. कारण राजपुतांचा पण सध्या वेगवेगळा प्रकार संदर्भात येतो. राणा - पिंढारी राजपूत हा महाराणा प्रतापसिंह यांच्या सोबत यवनांच्या विरोधात त्वेषाने लढलेला वर्ग आहे. हळदी घाटातील लढाईत जित आणि अजित लढाई नंतर स्वाभिमानाने जंगलात राहणारा हा समाज इंग्रजकालात आर्थिक विवंचना आणि पोटाची भूक भागविणयासाठी नाईलाजाने वाटमारी करू लागला. नंतर यांच्यातील राणा भीमदेवी ताकद जागी होऊ नये म्हणून ब्रिटिशांनी किंबहुना त्यांच्याकडे साहेबी गुलामी करणाऱ्या प्रतिगामी ब्राम्हण्यवादी लोकांनी राजपुतांचे खच्चिकरण करण्यासाठी राणा राजपुताना लोकांच्या माथी मुद्दामहून गुन्हेगारीचा शिक्का मारला होता. तो राजर्षी शाहू महाराजानी पुसून टाकला.

कुच कोरवी समाजाला ही राजर्षी छत्रपती शाहू महाराजानी सन्मान बहाल केला आहे. त्याबद्दल प्रतिगामी व काही उच्चवर्णीय लोकांनी राजर्षी शाहू महाराज यांचा अनादर केला आहे.

१०४ पानाचे "असा हा लोकराजा" हे पुस्तक दिलासा सामाजिक विश्वस्त संस्थेने फक्त १००₹ ला उपलब्ध करून दिले आहे. छोटे पण थोडक्यात शाहु महाराजांच्या जीवनकार्याला समजून घेण्यासाठी योग्य आहे.

समीक्षक
पत्रकार अमरसिंह राजे
८२०८९४८८९६

#bookreview #chtrapatishahumaharaj
#amarsinhraje #samikashakraje

राजू शेट्टी यांना आजपासून रत्नागिरी जिल्हाबंदी... बारसू प्रकल्पाबाबत मत प्रदर्शित करण्याबास ही बंदी...!

2023-05-02T11:17:00.001+05:30

राजू शेट्टी यांना आजपासून रत्नागिरी जिल्हाबंदी बरोबर बारसू प्रकल्पाबाबत कोणतेही वक्तव्य अथवा सोशल मिडीयामध्ये पोस्ट , चित्र अथवा व्हीडीओ प्रदर्शित करण्याबाबतही बंदी घालण्यात आलेली आहे.

शिरोळ ( प्रतिनिधी) : बारसू प्रकल्पाबाबत सुरू असलेल्या आंदोलनामध्ये स्वाभिमानी शेतकरी संघटनेचे नेते राजू शेट्टी यांना रत्नागिरी जिल्हाबंदी आदेश करण्यात आला असून रात्री उशिरा रत्नागिरी पोलिसाकडून त्यांना ही नोटीस देण्यात आली आहे. यामुळे आजपासून रत्नागिरी जिल्हाबंदी बरोबर बारसू प्रकल्पाबाबत कोणतेही वक्तव्य अथवा सोशल मिडीयामध्ये पोस्ट , चित्र अथवा व्हीडीओ प्रदर्शित करण्याबाबतही राजू शेट्टी यांच्यावर बंदी घालण्यात आलेली आहे.

बारसू प्रकल्पास शेतक-यांनी तीव्र विरोध केलेला आहे. तरीही शासनाकडून त्याठिकाणी जबरदस्तीने जमीनी संपादित करण्याबाबत व सदर प्रकल्पाच्या जमीन गुणवत्तेबाबतच्या विविध चाचण्या घेण्यात येत आहेत. शेतक-यांच्यावर लाठीहल्ले , अश्रूधूरांचा वापर करून त्यांना सदर ठिकाणावरून हाकलून लावण्यात येत आहे. यामुळे राज्य सरकार व शेतकरी यांच्यामध्ये टोकाचा संघर्ष निर्माण झालेला आहे. स्वाभिमानी शेतकरी संघटनेचे नेते राजू शेट्टी यांनी या संघर्षामध्ये शेतक-यांच्या बाजूने उडी घेतली असून त्यांचे प्रतिनिधी त्याठिकाणी ऊपस्थित राहून सदर प्रकल्पास विरोध केलेला आहे.

दरम्यान रत्नागिरी प्रशासनाने जिल्ह्यामध्ये ३१ मे अखेर राजू शेट्टी यांना जिल्हाबंदीची नोटीस लागू केली असून यामध्ये त्यांनी सोशल मिडीयावरही पोस्ट , चित्र अथवा व्हीडीओ प्रदर्शित करण्याबाबतही राजू शेट्टी यांच्यावर बंदी घातलेली आहे.अशी पोस्ट दिसल्यास गुन्हा दाखल करणार असल्याचे सांगितले आहे. संतप्त झालेल्या राजू शेट्टी यांनी अशा नोटीशींना मी भीक घालत नसून ज्याठिकाणी शेतकरी संकटात सापडेल त्याठिकाणी मी त्यांच्यासोबत ठामपणे ऊभा राहणार असल्याचे सांगितले आहे. लोकशाहीच्या राज्यामध्ये मानवी हक्कावर गदा आणण्याचे काम सरकार करत असून राज्य सरकार जनरल डायर प्रमाणे वागू लागले आहे. काही मुठभर लोकांच्या हितासाठी सर्वसामान्य शेतक-यांना देशोधडीला लावण्याचे काम करत असल्याची टिका राजू शेटटी यांनी केली आहे.

दरम्यान काल रात्री उशिरा अप्पर जिल्हाधिकारी यांचेवतीने व जिल्हा पोलिस प्रमुख यांचेवतीने रत्नागिरी पोलिस दलातील अधिकारी राजू शेट्टी यांच्या निवासस्थानी दाखल होवून त्यांना समक्ष ही नोटीस लागू केली आहे. राजू शेट्टी यांनी कोल्हापूर जिल्ह्यांमध्ये व विविध ठिकाणी हिंसक आंदोलन करून कायदा व सुव्यवस्था बिघडविल्याचो कारण दाखवित सदर नोटीस लागू करण्यात आलेली आहे.

गोवऱ्यांची फुले जेंव्हा बीजक होतात...

2023-04-24T08:33:00.002+05:30

गोवऱ्यांची फुले जेंव्हा बीजक होतात...

माजी विद्यार्थी संमेलनासाठी एकत्र जमलेलो असताना आपसूक माझ्या गुरूंनी मला त्यांचे स्व-लिखित लिहिलेलं "गोवऱ्या आणि फुले" हे आत्मचरित्र मला विद्यार्थी प्रतिनिधी म्हणून भेट दिले. ज्यांनी मला पत्रकार होण्याची प्रेरणा दिली. त्यांनीच मला यासाठी समीक्षण लिहिण्याची सांगितले. जणू मच्छिंद्रनाथांनी गोरक्षास सोन्याच्या विटेवरून ताडले.

चंद्रकांत माळवदे सर मला हे इंग्रजी शिकवायला होते. त्यांना मी नेहमीच हसतमुख बघत आलेलो आहे. त्यात सकाळचे ते पत्रकार. त्यांचे लिखाण मी वाचत आलेलो आहे. त्यांचे लाघवी बोलणे, त्यांचा पेहराव, त्यांचे एकंदरीत चलन-वलन मला आर्थिक सुबत्ता असलेल्या चित्पावन ब्राम्हणासारखेच वाटायचे.

त्यांच्याकडे गेलेला कोणीही मोकळ्या हातांनी परत आलेला आहे, असे कधीच झाले नाही. हे मी जाणून होतो. माझ्या वडिलांचे निधन मी बारावीत असतानाच झाले आणि त्याही प्रसंगात मी बारावी पास झालो. मग पुढे काय हा प्रश्न माझ्याकडे आवसून उभा होता. पुढचे शिक्षण कसे घ्यायचे ? फी भरण्याची परिस्थिती नव्हती. अशावेळी माझ्यासमोर दत्त म्हणून फक्त माळवदे सरच आठवले. मी सरांना भेटलो. माझी परिस्थिती सांगितली. सरांनी लगेच मला घेऊन दुसऱ्या दिवशी कोल्हापूर गाठले. गोपाळ कृष्ण गोखले कॉलेजचे सर्वे-सर्वा देसाई साहेबांना सांगून माझा BAला प्रवेश निश्चित केला. कोणताही एक रुपया न खर्च करता. मला विश्वासच बसत नव्हता. पण माळवदे सरांनी केले. हा माझ्या आयुष्यातील अविस्मरणीय अनुभव आहे.

अशा सरांना त्यांच्या आयुष्यात कित्येक संकटाना तोंड द्यावे लागले आहे. हे मला त्यांचे आत्मचरित्र वाचल्या नंतर समजून आले आहे. प्रचंड मन मारून आयुष्य जगणं हे खरचं जबरदस्त आहे.

चंद्रकांत म्हणजे चंद्र... ज्योतिष शास्त्रानुसार मनावर अधिराज्य गाजवणारा ग्रह. चंचल... कलेचा भोक्ता. शब्दांना प्रेरणा देणारा चंद्र... आयुष्याला मोटिव्हेट करणारा चंद्र... आणि आयुष्यात अनेकांना मोटिव्हेट करणारे चंद्रकांत माळवदे सर... दोन्ही एकाच राशीचे...!

सर आपले आत्मचरीत्र वाचले आणि मला साने गुरुजी आठवले. आयुष्यात घडलेल्या घटना आणि मनावर खोल जखमा करून गेलेले प्रसंग कधीच विसरले जाऊ शकत नाहीत. आपण त्या कितीही विसरण्याचा प्रयत्न केला तरीही त्या विसरता येऊ शकत नाही. परिस्थिती प्रतिकूल असताना जवळ-जवळचे आपण ज्यांना म्हणतो तीच मंडळी आपल्या सोबत कसे वागतात... हे सगळंच शब्दबद्ध करता येऊ शकत नाही. कारण प्रत्येक भावनेला शब्द आपलेसे करू शकत नाहीत. म्हणून भावना नेहमीच वरचढ ठरतात.

"सगळच सगळ सांगता आले असते जर पुस्तकातील शब्दांना...
   तर कामच काही उरले नसते नयनातील आसवांना....

नाही सर...
   ती घटना आणि तो शब्द तुमचा जुळतच नाही...
   भावनांचा पाट तो तुम्हीं संपूर्ण मोकळा केलाच नाही..."

लेखक होता येतं...पण आपबिती लिहिताना मन-मेंदू-हात थरथरतात आणि जर तो जिवंतपणीचा मोक्ष असेल तर मग... विचारूच नका. निर्माल्य झालेल्या फुलांना समाधान एवढं तरी असते की ती देवाच्या चरणावर वाहिलेली असतात. पण प्रेतावरच्या फुलांना ह्याचे ही सोयर-सूतक नसते. ताजी असली तरीही ती निर्माल्यच असतात. तसेच काहीसे आहे.

सामाजिक प्रतिष्ठा, मान-सन्मान, नाती-गोती संभाळून भान ठेवून आत्मचरित्र लिहिली जातात. याला कोणीच अपवाद नाही. तुम्हीं ही त्याच वारीतील वारकरी. पण विशेष एकच वाटते... उदास मनातही दुर्दम्य आशावाद आपण जपलात आणि माळवदे कुटुंबाच्या नव्या पिढीला तुम्हीं त्याची झळ ही पोहचू दिली नाही. किंबहुना तुमचे आत्मचरित्र वाचण्यापूर्वी त्यांना तुमच्या पूर्व आयुष्यातील दाहक- उदासीनता त्यांना ज्ञात ही नसेल.

आपण आयुष्यात खूप सोसले आहे. भूक ही निसर्गातील अतीव आणि अंतिम शासक आहे. जी माणसांना कोणतेही काम करण्यासाठी विवश करू शकते. घडणे की बिघडणे हे याच शक्तीवर अवलंबून असते. मनाचा हिय्या करुन जगणे आणि त्याच्यात यशस्वी होणे. हे एक अग्निदिव्यच आहे. पण आयुष्याच्या घडण्या-बिघडण्याच्या वळणावर स्व:नियंत्रित होऊन, स्वत:च्या बेरंग आयुष्यात सप्तरंग भरण्याचे महत्तम कार्य हे फारच कमी लोकांना करता येते. जमते. ते तुम्हाला करता आल. इथवरच न थांबता आपण अनेकांच्या आयुष्यात आनंदही पेरला आहे. हे विशेष जाणवलं.

तुम्हीं स्वतःचा जीवनमळा तरी फुलवला आहेच पण इतरांचा ही जीवनमळा फुलविणारे सावता माळी आहात. गुरूपदाची जबाबदारी फार मोठी. ती तुम्हीं लिलया पेलली आहे. स्वतंत्र संग्रामात जशी साने गुरुजींनी पार पाडली होती तशीच. शिक्षकी पेशाला न्याय देण्याचं... पुण्याचं काम आपण केले आहे. मी याची देही - याची डोळा त्याचा साक्षीदार आहे. एक काळ होता ज्यावेळी साने गुरुजींच्या चित्रपटाने समाजात सकारात्मक विचार पेरला होता. तशाच पद्धतीने "गोवऱ्या आणि फुलं" दृकश्राव्य माध्यमातून प्रसारित केला तर खऱ्या अर्थाने "गोवऱ्या आणि फुले" सार्थकी लागतील.

आपण याला खूप समर्पक असे नाव दिले आहे. "गोवऱ्या आणि फुले". विज्ञान आपल्याला शिकविते की फुले ही बीज तयार करतात. त्या बिजका पासून नवं सृष्टीला अंकुर फुटतात आणि सृष्टीचे निरंतर अनंत काळ चलन-वलन सुरू राहते. ह्या बीजाला सुरक्षित आणि संरक्षीत ठेवायचे काम ही गोवऱ्यांची राख करत असते. ही आपली कृषी संस्कृती आहे. आपले कृषी संस्कार आहेत... ज्यायोगे बीजावर गोवऱ्यांच्या राखेचे संस्करण होऊन नवं चेतना उदयास येते... त्याच प्रमाणे गोवऱ्यांची फुले अत्यंत प्रतिकूल परिस्थितीतही चांगला माणूस बनून राहण्याची शिकवण देते. त्यामुळे ही गोवऱ्यांची फुले फलास आणनेचे असल्यास...आपल्या आत्मचारित्रास फक्त पुस्तकात बध्द करण्यापेक्षा दृकश्राव्य माध्यमातून चंद्रकांत माळवदे या शिक्षकाची बायोपिक म्हणून आजच्या काळात प्रसारित होणे गरजेचे आहे. कारण ही काळाची गरज आहे.

उत्तम शिक्षक उत्तम राष्ट्र निर्मिती करतो. साने गुरुजींचा चित्रपट येऊन बराच काळ लोटला आहे. मूल्य शिक्षणाचा जागर करणारा पोवाडा भारत वर्षात साने गुरुजींच्या नंतर कोणी केलाच नाही. तो जागर ही गोवऱ्यांची फुले करतील निःसंशय...! हा माझा विश्वास आहे.

अत्यंत कमी खर्चात छान बहुपयोगी... चांगल्या बांधणीचे पुस्तक प्रकाशन करून आपण मराठी साहित्य विश्वात साखर पेरणीच केली आहे.

कटू प्रसंग आठवणीतून जात नसतात...आणि त्या प्रत्येक प्रसंगाला वाचा असतेच असे नाही. त्यामुळे कथाविस्तारांची आवरता घेतली आहे, हे समजून येते. शिक्षकी पेशाला वाहून घेतल्या नंतरचे अनेक प्रसंग...राजकारण... आणि समर्पण याचा विस्तार अजून हवा होता. पत्रकारिता करताना होणारी दगदग... व मोहाचे प्रसंग याचे विवेचन म्हणावे तितके आलेलं नाही. अर्धांगिनीसाठी एखादा पाठ असायला हरकत नव्हती. बाकी तुमचे आत्मचरित्र नव पिढीला प्रेरणा देणारे आहे. विशेषत: व्हॉट्स ऍप युनिव्हर्सिटीतील पिढीला नव दिशा देणारे ठरू शकते.

ह्या आत्मचरित्रावर आधारित चित्रपट निर्मिती झाली पाहिजे. त्याचे संवाद लेखन आपणच चांगल्या प्रकारे करू शकाल अशी आशा आहे.

हे समीक्षण लिहिताना मी आपल्या नात्याला कुठे ही मध्ये आणलेले नाही. मच्छिंद्रनाथानी गोरक्षास जी दिली शिकवण त्याला जगण्याचा मी फक्त प्रयत्न केला आहे.

आशीर्वाद असावा....

--- संपादक अमरसिंह राजे ८२० ८९४ ८८९६

पुस्तक : गोवऱ्या आणि फुले

लेखक : चंद्रकांत माळवदे

' गुरुकृपा ' २९, सूर्यवंशी कॉलनी, मुरगूड ता. कागल, कोल्हापूर ९४२०९०१४६४

प्रकाशक : रुपी पब्लिकेशन्स प्रा. लि. गडहिंग्लज (९८२२६५१३७७)

मूल्य : २००₹

ISBN : 978-93-94710-10-8

#bookreview #chandrkantmalwavde #amarsinhraje #murgud

गुढीपाडवा.... भेद…..मत भेद...सत्य - असत्य

2023-03-22T19:15:00.001+05:30

गुढीपाडवा.... भेद…..मत भेद...सत्य - असत्य

गुढीपाडव्याचे उल्लेख संतसाहित्यात आहेत, परंतु आजची जी ‘साड़ी-चोळी-बांबू-आणि पालथा तांब्या’ या स्वरूपाच्या गुधीचा उल्लेख कोणत्याही साहित्यात नाही. गुढीपाडवा हा जर हिंदूचा सण असेल तर मग महाराष्ट्राबाहेर गुढ्या का उभारल्या जात नाहीत?. महाराष्ट्राबाहेर हिंदू राहत नाहीत काय? आजच्या स्वरूपातील गुढ्या महाराष्ट्रातच का?, तर आजची गुढी हे सनातनी पुरूषसत्ताकस त्रीदास्य गुलामगिरीचे प्रतिक आहे.

छत्रपती संभाजीराजे शूर, पराक्रमी, स्वाभिमानी, सुंदर आणि बुद्धिमान होते. असे समकालीन ऍबे करे म्हणतात. ते सनातन्यांच्या इशाऱ्यावर चालणारे नव्हते. त्यांनी बुधभूषण, नखशिख, नायिकाभेद आणि सातसतक हे चार ग्रंथ लिहिले. त्यापैकी बुधभूषण हा संस्कृत तर इतर हिंदी ग्रंथ आहेत. “पण भांडारकरी भटांनी मूळ बुधभूषन नष्ट करून ब्राह्मणी चोपडे समोर आणले आहे.” असे शरद पाटील नावाचे जागतिक कीर्तीचे प्राच्यविद्यापंडित म्हणतात. संभाजीराजांच्या विद्वतेचा, चांगुलपणाचा आणि शौर्याचा मंत्री पदोपदी द्वेष करत होते. त्यांनी संभाजीराजांना ठार मारण्याचा तीन वेळा प्रयत्न केला होता. ती प्रतिकात्मक हत्या होती.

शेवटी औरंगजेबाद्वारे सनातन्यांनी संभाजीराज्यांची अत्यंत निर्दयपणे हत्या केली. सर्व धर्मातील धर्मांध आतून एकच असतात. सनातनी आणि औरंगजेब यांनी संगनमताने संभाजी राजांची हत्या केली. औरंगजेब हा सनातनी विचारांचा होता. तो धर्मांध होता. त्याने वडील शहाजहानला कैदेत ठेवले होते. भावंडांना मारले. सुफी संत सर्मदला मारले. शिवरायांची बदनामी करण्यासाठी जसा लेन वापरला, तसे संभाजीराजांची हत्या करण्यासाठी औरंगजेब वापरला. संभाजीराजांनी संस्कृतवरती प्रभुत्व मिळवून धर्मक्षेत्रात सनातन्यांपुढे आव्हान उभे केले होते. त्यामुळे सनातन्यांनी त्यांची जीभ, डोळे, कान, शरीर यांचे तुकडे-तुकडे करून अमानुषपणे हत्या केली.

धार्मिक क्षेत्रात आव्हान उभे करणारांची हत्या करणे, ही सनातन्यांची प्राचीन परंपरा आहे. याची भारतीय इतिहासात अनेक उदाहरणं आहेत. बळीराजा, सर्वज्ञ चक्रधर, संत तुकाराम महाराज, डॉ. नरेंद्र दाभोलकर, कॉम्रेड गोविंद पानसरे, डॉ.कलबुर्गी, गौरी लंकेश इत्यादींची सनातनी व्यवस्थेनी केलेल्या हत्या ही त्याची उदाहरणे आहेत. हेमाद्री पंडिताने सर्वज्ञ चक्रधर यांचे डोळे, जीभ, नाक, कान कापून नंतर त्यांची हत्या केली, यासाठी पंडितांनी देवगिरीच्या यादवांना हाताशी धरले होते. चक्रधरांनी संस्कृतवर प्रभुत्व मिळवून ज्ञानाच्या क्षेत्रात सनातन्यांना आव्हान दिले होते. संत तुकाराम महाराजांनी संस्कृतवर प्रभुत्व मिळवून ज्ञानाच्या क्षेत्रात सनातन्यांना आव्हान दिले होते, त्यामुळे संत तुकाराम महाराजांची सनातन्यांनी निर्दयपणे हत्या केली. प्रत्यक्ष मारेकरी भाडोत्री असू शकतात, पण विचारधारा सनातन्यांची होती.

जागतिक कीर्तीचे इतिहासकार, संस्कृत पंडित अल्बेरूणी त्यांच्या *तहकिकात-ए हिंद* (११वे शतक) या अभिजात ग्रंथात लिहीतात की, “भारतात एखाद्या बहुजन व्यक्तीने संस्कृत भाषेवर प्रभुत्व संपादन केले तर सनातनी लोक त्या व्यक्तीची अत्यंत निर्दयपणे हत्या करतात. संस्कृत भाषा बोलली तर जीभ कापतात, संस्कृत ऐकले तर त्याच्या कानात तापलेले शिसे ओततात, संस्कृतकडे पाहिले तर त्याचे डोळे काढतात, संस्कृत भाषेत लेखन केले तर त्याच्या शरीराचे तुकडे-तुकडे करतात.” अशी घडलेली घटना त्यांनी त्यांच्या जगविख्यात ग्रंथात नोंदवलेली आहे. ती प्रत्यक्ष घडलेली घटना अल्बेरुनिने पाहिलेली होती.

छत्रपती संभाजी महाराजांनी संस्कृत भाषेवर प्रभुत्व मिळविले होते. संस्कृत अध्ययन आणि लेखन देखील केले होते. त्यांनी बुधभूषण नावाचा संस्कृत ग्रंथ देखील लिहिला आहे. संभाजी महाराजांच्या हत्येमागे हे एक कारण आहे. प्राच्यविद्या पंडित शरद पाटील म्हणतात “औरंगजेब हा मुसलमानामधील ब्राह्मण होता. तो क्रुर,निर्दयी होता. सनातन्याना अपेक्षित असणारी हत्या त्याने केली.” संभाजीराजांच्या हत्येनंतर सनातन्यांना प्रचंड आनंद होणे स्वभाविक होते, कारण त्यांची संभाजीराजांना मारण्याची ईच्छापुर्ती झालेली होती.

जसा छत्रपती प्रतापसिंह महाराज, राजर्षी शाहू महाराज आणि महात्मा गांधी यांच्या मृत्युनंतर सनातन्यांना आनंद झाला होता. याचे वर्णन प्रबोधनकार ठाकरे, थोर साहित्यिक डॉ. भालचंद्र नेमाडे इत्यादींनी केलेले आहे. अगदी त्या प्रमाणेच! त्या आनंदाप्रीत्यर्थ म्हणूनच त्यानी पालथा तांब्या, साडी, चोळी आणि त्यामध्ये बांबू अशा प्रतिकात्मक गुढ्या उभारायला सुरुवात केली. हे स्पस्ट होते. कारण आजच्या गुढीच्या स्वरूपाचे उल्लेख संत साहित्यात सापडत नाहीत. गुढीचे उल्लेख सापडतात, पण अशा स्वरूपाचे उल्लेख नाहीत. विशेषतः अशा प्रकारची गुढी महाराष्ट्रातच कशी?

वारकरी संप्रदायाची गुढी भगव्या रंगाची आहे. गौतम बुद्धाचे चीवर भगव्या रंगाचे आहे. बुद्धाचे एक नाव “भगवा” असे आहे. छत्रपती शिवाजी महाराज, छत्रपती संभाजी महाराज यांचा ध्वज भगव्या रंगाचा आहे. भगवा ध्वज ही भारताची अस्मिता आहे. भगवा ध्वज ही भारताची परंपरा आहे. त्यामुळे आपण घरावर भगवी पताका लावुन संभाजी महाराजांना अभिवादन करणे, घरावर भगव्या रंगाचा झेंडा हाच आपला गुढीपाडवा आहे.

पांडुरंग मोळके परिवाराकडून श्री अंबाबाई चरणी सोन्याचे मंगळसूत्र अर्पण

2023-03-22T18:19:00.001+05:30

कागल (प्रतिनिधी): गुढीपाडव्याच्या शुभ मुहूर्तावर बस्तवडे गावातील श्री पांडुरंग नागू मोळके आणि त्यांची सुविद्य पत्नी सौ रुपाली मोळके यांनी बस्तवडे गावाचे ग्रामदैवत अंबाबाई मातेस अर्धा तोळ्याचे सोन्याचे मंगळसूत्र भक्तीने अर्पण केले.

युवा उद्योजक पंकज मोळके यांनी याला हातभार लावला.

यावेळी मंदिरातील गुरव, मोळके परिवार व नातलग आणि ग्रामस्थ उपस्थित होते.

पाखऱ्या.... महाराष्ट्राचा मिल्खासिंग...!

2023-03-15T22:48:00.001+05:30

महाराष्ट्राचा मिल्खा सिंग शेतमजूर म्हणून काम करतो हे महाराष्ट्राचे दुर्दैव

डॉ सुभाष देसाई

30 सुवर्णपदके आणि एक रौप्य पदक मिळवणाऱ्या राष्ट्रीय खेळाडूला आज दोन वेळच्या जेवणाची भ्रांत असावी ही आमच्या देशाची दुर्दैवी परिस्थिती आहे. वयाच्या 67 वर्षी सतत धावणारा हा महाराष्ट्राचा मिल्खासिंग एवढी पदके जिंकूनही गवंड्याच्या हाताखाली काम करतो, शेतमजूर म्हणून घाम गाळतो. तरीपण कोणी आमदार ,माजी मंत्री, पालकमंत्री ,शिक्षण संस्था प्रमुख जिल्हा परिषद सदस्य ,रोटरी क्लब ,लायन्स क्लब ,मामलेदार ,प्रांत अधिकारी किंवा जिल्हाधिकारी या साऱ्यांच्या नजरेतूनही तो उपेक्षितच राहतो ही अत्यंत वेदनादायक गोष्ट आहे. या प्रतिभावंत खेळाडूला साधी शासनाची ज्येष्ठ नागरिक म्हणून सुद्धा ,कलाकार म्हणून सुद्धा अनेक खेलपाटे मारूनही मदत मिळत नाही .आंतरराष्ट्रीय मॅरेथॉन मध्ये भाग घेण्याची इच्छा असून आर्थिक दुर्बलतेमुळे आणि अशिक्षितपणामुळे तो वंचितच राहतो.

बजरंग महादेव चव्हाण वय ६७ हा गारगोटीतील खेडूत. याची जीवन कथा त्याच्याकडून ऐकताना मला असे वाटले की महात्मा फुलेंनी जे सांगितले ते खरे आहे. ते म्हणत अशिक्षितपणा हा जीवनातील साऱ्या अनर्थाचे मूळ आहे. जर बजरंग शिकला असता ,फाडफाड इंग्रजी बोलला असता, सूट पॅन्ट मध्ये वावरला असता तर त्याच्याकडे राजकीय नेत्यांनी निश्चितच लक्ष देऊन त्याचा उपयोग निवडणुकीच्या वेळी करून घेतला असता.

अशिक्षितपणामुळे स्पर्धेमध्ये भाग घेताना सुद्धा त्याला असंख्य गोष्टींच्याशी सामना करावा लागला 50/ 55 किलोचा हा शिडशिडीत ,काळा सावळा माणूस पाहून स्पर्धेच्या ठिकाणी त्याला बाजूलाही करण्यात आले पण त्यांने जिद्द सोडली नाही आणि स्पर्धेमध्ये सुवर्णपदक मिळवल्यावरच त्या ठिकाणी लोकांना कळले की हा खरोखर महाराष्ट्रातला मिल्खासिंग आहे आज पर्यंत त्यांने हरियाणा, बेंगलोर ,मंगलोर, नाशिक, पांजा, उत्तर प्रदेश, दिल्ली ,नाशिक, तामिळनाडू आणि पश्चिम बंगाल या ठिकाणी राष्ट्रीय चॅम्पियनशिप मिळवली आहे अशा दहा स्पर्धांमध्ये आजपर्यंत चमकला आहे.

त्याच्या जीवनात काही गमतीशीर प्रसंग आले. पंजाबला जेव्हा त्याने स्पर्धा जिंकली त्यावेळेला त्याला पंजाबी माणसाने विचारले तु हे कोणते बूट घातलेस ?त्यावेळेला मोडक्या थोडक्यात हिंदी भाषेमध्ये तो म्हणाला "ये हमारा वाडेका बूट है "त्या पंजाबीला समजेना हे कोणत्या कंपनीचे बुट आहे त्यावेळी दुसऱ्या महाराष्ट्रीयन माणसाने समजून सांगितले की" त्याच्या खेड्यामध्ये उसाच्या पाल्याला वाडे म्हणतात ते कापून जनावरांना आणण्यासाठी तो जे बूट वापरतो तेच हे बूट आहेत" हे ऐकल्यावर पंजाब मधल्या त्या दिलदार खेळाडूंने त्याच्यासाठी एक चांगले बूट विकत आणून भेट दिले

पंढरपूरच्या पांडुरंगाचा भक्त असल्यामुळे हा शाकाहारी आहे आणि त्यामुळे अनेक स्पर्धेच्या वेळेला त्याची पोटाचे हाल होतात अर्धवट उपाशीपोटी तो धावतो असे करूनही अलीकडे 42 व्या नॅशनल मास्टर्स ऍथलेट चॅम्पियनशिप खरगपूर येथे आयआयटी मिदनापूर कॉलेजच्या ग्राउंडवर झालेल्या स्पर्धेत 12 फेब्रुवारी 20 23 मध्ये बजरंग चव्हाण 800 मीटर मध्ये पहिला क्रमांक पंधराशे मीटर मध्ये पहिला क्रमांक 400 मीटर मध्ये दुसरा क्रमांक आणि 5000 मीटर मध्ये पहिला क्रमांक मिळवला याबद्दल त्याचे देशभर कौतुक होते पण असे म्हणतात की जिथे पिकते तिथे विकले जात नाही त्यामुळे आजही त्याला परदेशात निमंत्रण असून सुद्धा पैसे अभावी जाता येत नाही. त्याने कळकळीने साऱ्या श्रीमंत राजकीय पुढाऱ्यांचे दरवाजे ठोठावले , दुकानदार,

खोकेवाल्यांच्याकडे हात पसरले पण कोणी फुटकी कवडीही त्याच्या पदरात टाकली नाही त्यामुळे हा बिचारा आजही बांधकाम आणि शेतमजूर म्हणून राबवत असतो पण हे करत असताना आपल्या गावातली चार पोर लष्करामध्ये दाखल व्हावी यासाठी त्यांना मोफत धावण्याचे प्रशिक्षण देत असतो एवढी दानत त्याच्यामध्ये आहे

तो एखाद्या पाखरासारखा पळतो म्हणून त्याला पाखऱ्या या टोपण नावाने तालुका ओळखतो आणि त्याचप्रमाणे वारंवार त्याला स्पर्धेमध्ये भेटणारे देशातील अनेक खेळाडू त्याला पाखरा म्हणूनच बोलवतात हजारो किलोमीटर लांब काही अन्न पाणी नसताना एखादा चिमुकला पक्षी आकाशातून उडत उडत उडत जातो तो निसर्गाचा चमत्कार असतो तसाच आमचा गारगोटीतील सुपुत्र राष्ट्रीय स्तरावर धावतच आहे धावतच आहे याच्यावर छान डॉक्युमेंटरी होऊ शकते एखादी कादंबरी होईल , त्याचं सुंदर आत्मचरित्र होऊ शकेल.

एखाद्या साखर कारखान्याने त्याला गुणी खेळाडू म्हणून दत्तक घ्यावे त्याच्या पालनपोषणाचा भार सोसावा भुजरगड तालुक्याच्या तहसीलदार प्रांताधिकारी आणि कोल्हापूर जिल्ह्याचे गुणाची कदर करणारे जिल्हाधिकारी श्री राहुल रेखावर साहेब यांनी बजरंग चव्हाण ला तो सुखाने चार घास खाऊ शकेल अशा एखाद्या योजनेचा लाभ द्यावा व त्याला आंतरराष्ट्रीय मॅरेथॉन मध्ये जाण्यासाठी सर्वतोपरी मदत करावी अशी विनंती करावीशी वाटते.

डॉ. सुभाष देसाई गारगोटी कोल्हापूर

९४२३०३९९२९