Aduaidh

Fáilte romhat, a mhic.

2007-08-22T21:05:00.000-04:00

Is é seo an dara mac againn;
rugadh sé aréir.

"Pádraic Donnchadh" atá air.
(Do thug mo bhean chéile an t-ainm do)

Tá fáilte romhat, a mhic.
Tá áthas orainn a bhuail leatsa!

Tags: Gaeilge, Gaoluinn

"Coinín" is ainm don chat.

2007-08-13T15:00:00.000-04:00

Do fuaireamair cat nua an fhómhar so caite;
"Eoghainín" a thugtar air.

Is créatúr breá é, agus réitíonn sé go maith
leis na hainmhithe eile sa tigh.
Ach ní féidir le mo mhacsa Artúr (3 bhliain d'aois)
an t-ainm sin a rá ar chúis éigin ait.
Tugann sé "Coinín" air ina áit.

"Ach féach ar na pictiúir seo sa leabhar so" arsa mé, ag taispeáint coiníní deasa éagsúla dó. "Cad iad san?"

"Coiníní! " ar seisean, ag féachaint orm mar atáim craiceáilte.

"Agus an bhfuil cluasa fada acu?"

"Tá."

"Féach ar Eoghainín thall ansan. An bhfuil cluasa fada aige?"

"Níl."

"Ceart go leor" arsa mé. "An cat é, nó coinín?"

"Cat."

"Mar so, cad is ainm don chat?"

"Coinín" ar seisean, a shúile ag lonrú go hábhailleach.

Tags: Gaeilge, Gaoluinn

Acra Dé

2007-06-08T23:16:00.000-04:00

Do chuas i n-éineacht lem mhac-sa thar n-ais chun áit choillteach inniubh. I n-aice leis an aerfort atá sí, agus tugann daoine "Acra Dé" uirthí (cé go bhfuil mórán acra inti!).

Do thug Solomon Parsons an fearann so do Dhia i 1840; ba Mhillerite é, agus níorbh gá leis tar éis an dara teacht Íosa -- do mheas Parsons do bheadh an eachtra san i 1844. Dá bhrí sin, do snoigh sé gníomhas i gcarraig agus d'fhan sé i n-éineacht lena lucht leanúnaí leis an dTiarna. Do tháinig an Díomá Mhór in ionad.

Tar éis tamaill, do chuaigh na Millerites do chúrsaí eile, ach d'fhág Parsons an talamh lena Dhia.

Nach deas é?

Ach níor íoc an Tiarna a chánacha riamh . . . mar sin, is le Worcester "Acra Dé" anois.

Is dócha go bhfuil sé sin go maith -- is ceantar shrianta é anois, mar tá linnte earraigh ar fud na háite ansan.

Tá Carraig an Ghníomhais ann fós, suite i measc an choill ar thaobh an chnoic (Cnoc an Nathrach Shligreach). Do bhí teampall ag na Millerites sa choill fadó, ach ní bhfaighidh an cuairteoir ach poll óna shiléar ann anois.

Tá cosáin deasa anso 's ansan ag ardú an chnoic; is breá linn a bheith istigh sa choill san fhómhar nuair a bhíonn dathanna éagsúla ar na duilleoga. Agus ní fhaighimíd aon nathair shligreach ar bith ar an gcnoc mar do fuaireadar bás go léir um 1800, buíochas le Dia.

Tags: Gaeilge, Gaoluinn

ag déanamh staighrí sa choill

2006-08-21T06:17:00.000-04:00

Tá clós deas mór agam, le claí timpeall air, ar barr Cnoic an Nathrach Shligreach (ní bhíonn siad ina gcónaí anso fós!). Tá féar ag fás ar an dtalamh mar plásóg (nó mar páirc nuair a bhíonn an bainte uaithi!), agus crainn anso 's ansúd.

Tá coill agam leis, siar den chlós, agus ní bhíonn claí ar bith timpeall air. Suite atá sí ar fána géar dul fána chun sruth earrachúil ó Acra Dé (scéal eile!).

Ní bainimíd úsáid as an choill, mar bíonn sí foircthe le fiailí 's crainn beaga. An samhradh so, bím ag gearradh roinnt de na crainn beaga agus na fiailí, agus bím ag déanamh iarracht ar an t-eidhneán nimhe a bhású.

Agus bím ag déanamh staighrí, an fána géar a bhisiú. Úsáidim clocha mhóra leibhéalta, curtha ar an bhfána -- gach aon staighre i ngar le cheile sna áiteanna níos giorra, ach amach ó chéile sna áiteanna níos leibhéal.

I ndiaidh na clocha, lánaím iad le cré, agus cuirim síolta féar orthu. Tá súil agam go coinníonn na fréamhacha na staighrí le chéile.

Do dheineas cúig staighre fós. Is éigean dom mórán eile a dhéanamh. Le cúnamh Dé, críochnód roimh deireadh na mbliana.

Tags: Gaeilge, Gaoluinn, crainn

Adhmáil

2006-08-19T10:09:00.000-04:00

Seo é mo cheannsa gach samhradh:

Ní maith liom na míonna teo. Táim im' chónaí i Sasana Nua, agus bíonn an teocht ró-ard anso gach samhradh.

Bíonn mórán daoine anso i ngrá leis an ghrian, leis na teochta arda, agus leis na laethanta fada. Ní maith liom aimsir te ar bith. Cuireann mo cheannsa allais ar feadh an lae, agus san oíche chomh maith.

B'fheidir go mbím ag smaoineamh ró-ghéar. Nó b'fhéidir go mbíonn corp ait agam.

Is fearr liom aimsir fuar 's fliuch, agus is breá liom laethanta níos giorra, mar is fearr liom a bheith im' chodladh go luath gach oíche.

Bím ar thaobh an mhionlaigh.

Tags: Gaeilge, Gaoluinn, crainn

Do fuaireamair ceann eile!

2006-08-16T22:10:00.000-04:00

Do bhíos in éineacht le mo bhean chéile i mBrooklyn (baile beag i gConnecticut) inniubh. Do thugamair cuairt ar Phlandlann Quackin' Grass. Is maith linn í; tá mórán fásra 's crainn ar fháil ansan. Agus bíonn na praghasanna ana-mhaith.

Ba mhian liomsa Cunninghamia lanceolata a cheannach, ach b'fhearr le mo bhean chéile Metasequoia glyptostroboides nua a fháil.

Do cheannaíomair ár dára Chrónghiúis na Camhaoire inniubh. Cuirfead amáireach í.

Raghad thar n-ais im aonair an chéad uair eile, agus b'fhéidir go gheobhad an Cunninghamia.

Tags: Gaeilge, Gaoluinn, crainn

Crónghiúis na Camhaoire

2006-08-15T11:36:00.000-04:00

Crann suimiúil is ea Metasequoia glyptostroboides. Fadó, do bhíothas an meas ann go raibh an crann so imithe in éag. Ach fuarthas coill sa tSín sna daichidí, agus anois, tá siad ag fás ar fud an domhain.

Do chuireas Crónghiúis na Camhaoire in aice le mo thighse sé bhliain ó shin, nuair a bhí sí dhá mhéadar ar airde. Anois, tá sí níos airde ná mo dhíonsa! Is breá liom í.

Tá Crónghiúis na Camhaoire le feiscint sa chrannlann is fearr chomh maith.

Tags: Gaeilge, Gaoluinn, crainn

Níl cumha orm níos sia

2006-08-14T00:03:00.000-04:00

Do fuaireas blag eile i nGaoluinn!

Do thosaigh Gearóid a bhlag féin ar an séú lá d'Eanáir, ach ní bhfuaireas é go dtí anois. Bead ag léigheamh é!

Tags: Gaeilge, Gaoluinn

As cleachtadh

2006-08-10T17:15:00.000-04:00

Do bhíos ag caint le Séamas Ó Neachtain inniubh i nGaeilge. Tugaim fé deara go bhfuil meirg ag tógáil mo chuid Ghaoluinne (agus mo chuid Ghaeilge) sna míonna teo.

Níl mórán Gaeilgeoirí ina gcónaí in aice liomsa, agus níl mo ranganna ar siúl sa samhradh; mar sin, táim as cleachtadh.

Tá cúpla scoláirí agam ina mballraíocht Grúpa Yahoo PII ag tosú "blaganna cleachtadh" a nGaeilge a fheabhsú.

http://abair-as-gaeilge-e.blogspot.com
http://ceol-agus-craic.blogspot.com
http://www.ganliagoir.blogspot.com
http://eanbealtaine.blogspot.com
http://austinirish.blogspot.com
http://mo-bhlog.blogspot.com

. . . agus táim mórálach as a gcuid oibre.

Ach má tá meirg ar mo chuid Ghaoluinne, ba choir domsa a chleachtadh chomh maith.

Tá blag agam anso, ach ní bhíonn mórán agam a rá de ghnáth.

Ansan inniubh, do fuaireas cuireadh ó seirbhís nua; ar mhaith liomsa blag nua a dhéanamh?

Is é mo shealsa é a chleachtadh anois.

Focail!

Tags:
Gaeilge
Gaoluinn

Pangur Bán

2006-03-14T16:31:00.000-05:00
Mise agus Pangur bán
gach duine againn ag a cheird ar leith:
bíonn a mheanma-san le seilg
mo mheanma féin le mo shaincheird.

Is maith liom, fearr ná gach clú,
ag mo leabhrán, ag tuiscint go dícheallach;
níl formad ag Pangur bán liom;
carann sé féin a mhac-dhán.

Nuair a bhímid, scéal gan scís,
inár dteach, an dís againn,
tá againn, cleas gan chríoch,
rud a dtugaimid ár mbeartaíocht dó.

De ghnáth, ar uairantaibh, tar éis greasaibh galacha
téann luch i bhfostú ina líonsan;
agus mé, titeann i mo líon féin
dlí deacair de chiall bhunúsach.

Greamaíonn sé i bhfraigh fáil
a rosc geal comhlán;
greamaím féin i bhféighe an fheasa
mo rosc réil, cé go bhfuil sé ana-lag.

Tá áthas air a dhul go tapa
nuair a ghleanann luch ina chrúb ghéar;
nuair a thugaim ceist dhoraidh dhil
tá áthas ormsa féin.

Cé go mbeimis go deimhin ar uaireantaibh
ní bhodhraímid a chéile:
is maith le ceachtar a dhán;
subhaigh gach aon fúthu.

Is é féin máistir dó
na hoibre a dheineann sé gach aon lá;
a thabhairt doraidh do shoiléireacht
is í m'obair féin.

(9ú haois; gan ainm)

Tags:Gaeilge, Gaoluinn

Crainn arís

2006-03-09T12:36:00.000-05:00
Tá cheithre stampa nua le fáil ón Post; de shonra, beidh crainn Gaelach orthu:
Dair ghaelach (Quercus petraea)
Iúr (Taxus baccata)
Fuinseog (Fraxinus excelsior)
Caithne (Arbutus unedo)

Dearthóir: Susan Sex
Clóchuradóirí: Q Design

Tags:Gaeilge, Gaoluinn, Crainn.

Cá bhfuil an chreidiúint?

2006-02-23T11:05:00.000-05:00

Tá suíomh nua ann, agus tá sé go hálainn.
DingleName.com is URL air.

Tá sé maidir na hainmneacha ar an mbaile san, Dingle nó An Daingean -- ach tá an chuid is mó den suíomh san i mBéarla (le cúpla focal i nGaeilge) agus an baile san istigh sa Ghaeltacht! Níl ach leathanach amháin i nGaeilge air. Bhí díomá orm.

An é an t-ainm "Dingle" an rogha leis na Gaeilgeoirí ansan ar chor ar bith? Ní raibh a fhios agam nuair a bhíos ag féachaint ar an suíomh san leis a lán Béarla. An bhfuil Gaoluinn agaibh? Bainidh feidhm as!

Tags:Gaeilge, Gaoluinn

Na canúintí eile

2006-02-20T11:09:00.000-05:00
Tá cúpla grúpa nua ar Yahoo:

Cois Fhairrge Irish

agus
Ulster Irish Study Group

Is breá liom iad a fheiscint!

An mbeidh laethanta saoire agat?

2006-02-17T14:33:00.000-05:00

Ó Gaelsaoire.ie:
Gaeltacht Mhuscraí agus Cléire

Gaeltacht Chiarraí

Gaeltacht na Rinne

Trí Fichid!

2006-02-15T10:42:00.000-05:00
Ar mhaith leat an Ghaoluinn a fhoghlaim?
Tá seasca scoláirí sa bhallraíocht de Ghrúpa Yahoo "TYIMunster" anois.
Ar fheabhas!

Tags:Gaeilge, Gaoluinn

Leabhair

2006-02-14T16:04:00.000-05:00

Is maith liom leabhair.
Is liom na céadta; níl a fhios agam cé mhéad go cruinn. Is féidir go bhfuil mílte ann.
Is céadta le mo bhean chéile chomh maith.

Mar bhuille fé thuairim tá trí céad agam i nGaeilge (nó i nGaoluinn, nó i nGaedhilge). Ceannaím leabhair don fhoghlaimeoirí, foclóirí, gráiméir, leabhair léitheoireachta (do dhaoine fásta agus do pháistí), filíocht, beathaisnéisí, leabhair staire, agus araile. Tá leabhair agam fé (nó i) Sean-Ghaeilge agus foirmeacha as tosach aimsire eile.

Ceannaím leabhair nua go hannamh; is fearr liom leabhair úsáidte a cheannach (mar is féidir a fháil níos mó mar sin).

Nuair atá leabhair Gaeilge uaimse sna S.A.M., is maith liom:

Seanchaí Books
115 West Main Street, Charlottesville, VA
Tá a lán leabhair Ghaeilge acu.
(Abair le Pádraig agus Krista Farrell "Dia dhuit ó Chionaodh")

Schoenhof's Books
76A Mount Auburn Street, Cambridge, MA

Nuair atáim in Éirinn, is fearr liom:

Greene's Book Shop
16 Clare Street, Dublin

Kenny's Book Shop
(Tá an siopa dúnta anois, ach is féidir leat leabhair a cheannach ar líne.)

Charlie Byrne's Book Shop
Middle Street, Galway

Naughton Booksellers
8 Marine Terrace, Dun Laoghaire

An Café Liteartha
Dykegate Lane, Dingle

"An Ceathrú Póilí"
216 Falls Road, Belfast

Anois leis an idirlíon a fháil, seolaim ordaithe ar fud an domhan ar líne:

Litríocht

Oideas Gael

ABEbooks

Agus ar ndóigh, ar eBay. Tá mórán leabhair i nGaeilge le díol ansan.

Cén siopaí is fearr leatsa?

- - - - - - - - - - - - - - - - -

Is maith liom siopaí eile (ach bíonn leabhair Gaeilge annamh leo so):

Federal Street Books
8 Federal St., Greenfield, Massachusetts, S.A.M.

Book Bear
80 West Main Street, West Brookfield, Massachusetts, S.A.M.

Montague Book Mill
440 Greenfield Rd. Montague, Massachusetts, S.A.M.

Old Book Shop
4 John St., Morristown, New Jersey, S.A.M.

Lee's Spot
917 Elm St., Manchester, New Hampshire, S.A.M

- - - - - - - - - - - - - - - - -

An bhfuil leabhar Gaeilge muirneach agat?

So é an leabhar is gile liom:

Is é "The Educational Irish-English Pronouncing Dictionary" le Séamas Ó Dúirinne agus Pádraig Ó Dálaigh. Do cheannaíos é i 1984 i Siopa Leabhar Greene's i mBaile Átha Cliath. Do thugas 50p ar! Úsáidim é gach seachtain fós; tá a lán Ghaoluinne istigh ann (agus cúpla focal i nGaeilge chomh maith).

Tags:Gaeilge, Gaoluinn

ag foghlaim Oghaim?

2006-02-01T21:39:00.000-05:00
Scríobh na draoithe i n-ogham chraobh
A n-intleacht ghrinn, ar shlait gach taobh;
Trasna, díreach, cruinn, 's claon,
Gach graf dá bhfuil inniubh le feidhm.

(Tá an dheas fén gcraoibh agus an chlé taobh thuas.)

Beith 'na haonar do mo láimh dheis;
Agus luis dís gan eisleis.
Fearn triúr, Sail ceathrar is ea,
Agus Nuin go n-a cúigear.
Uath 'na haonar do mo láimh chlí,
Agus Dair dír go ndea-ní.
Teine triúr, ceathrar do Choll;
Ceirt 'na cúigear ní chealam.
Muin fiar-thrasna -- mór an modh;
Dír do Ghort, triúr do Ngiadal.
Straif 'na ceathrar gan doilghe;
Ruis 'na cúigear comhshuite.
Ailm 'na haonar trasna anuas,
Agus Onn dír go ndea-chnuas.
Úr triúr, eadha ceathrar cain,
‘s Iogha cúigear d' fheadhain.
Eabhadh 'na crois um an gcraoibh,
Óir 'na buaile bhuig bhláthchaoin.
Uileann 'na lúib do mo leath dheas,
Mar thuig ughdair is oircheas.
Ceithre fleisc i n-Ifin árd
Do mo leith dheis bhaineas gach bárd.
A hocht Amhancholl ma le
Do leathtaoibh chlé na chraoibhe.
Curthar Peith, ar do Láimh dheis,
Shínte díreach leis an bhfleisc.

Daichead!

2006-01-13T13:41:00.000-05:00
Tá daichead foghlaimeoirí insan grúpa Yahoo Teach Yourself Irish - Munster!
Táid ag foghlaim an chanúint is fearr.

Ar fheabhas!

Na Gaoithe

2006-01-03T20:17:00.000-05:00

An ghaoth aduaidh, bíonn sí cruaidh
's cuireann sí gruaim ar dhaoine.

An ghaoth aneas, bíonn sí tais
's cuireann sí rath ar shíolta.

An ghaoth anoir, bíonn sí tirim
's cuireann sí brait ar chaoirigh.

An ghaoth aniar, bíonn sí fial
's cuireann sí iasc i líonta.

- - - - - - - - - - - - - - - - - -
- ó Seanfhocail na Muimhneach (1926) leis an Seabhac.

-

dosna léitheoirí . . .

2005-12-31T10:05:00.000-05:00
don beirt nó triúr ag léamh é so: beannachtaí daoibh.

Athbhliain fé mhaise dhaoibh i 2006, agus tá súil agam go bhfeicfimíd Gaelbhlagadóirí níos mó agus Gaelphodcraoltóirí níos mó chomh maith sa bhliain so chúinn.

Níl mórán agam a rá mórchuid na haimsire, mar tá a fhios agaibh. Fagaim dosna blagadóirí is fearr na rudaí tábhachtacht a rá. Bead ag léamh agus ag éisteacht leo in éineacht libh an bhliain so chúinn, agus ó am go ham, bead ag scríobh mo cúpla focal anso.

Siocháin libh.

Le meas,
Cionaodh

Tuatha Nua

2005-12-30T12:13:00.000-05:00

Dáirire nó fantaiseach? Níl a fhios agam. Is suimiúil é, ar aon nós.

Tá daoine ag iarraidh a bheith ina gcónaí i stíleanna bheatha de réir seanchais.

Tuath na Ciarraidhe

Tuath na Caolas Púgeid

Tuatha na bPréacháin Naomh

An Cónaidhm na Tuatha na nGael

Teaghlach na Ruith Trianaid

Clann Eoghanachta

Tuath Cridhe nan Geadh Fiadhaich

An bhfuilir i do Langer?

2005-12-28T11:12:00.000-05:00

;-)

Comhbhailiúchán ar olc

2005-12-28T09:45:00.000-05:00

D'úsaidainn an comhbhailitheoir Kinja nuair ba mhian liomsa blaganna a léamh. B'iontach é.

Tá fuath agam ar Kinja anois.

D'athchóiríodar an suíomh le deireanas. Ac ní raibh Kinja briste ar chor ar bith.

Mara bhfuil sé briste, ná deisigh é!
Drochrath oraibh, a Kinja.
Tá sibh chomh glic le francach caca loca.

Úsaidim Rojo anois.

i bPort Láirge

2005-12-16T14:12:00.000-05:00
Tá an Nollaig ag teacht, agus tá an baile maisithe:

. . . agus ní bheidh sé an Nollaig gan amhráin:
"We wish you a Deise Christmas"

;-)

Raiftéirí agus an Doras

2005-12-16T13:44:00.000-05:00
Do fuaireas é so an uair do bhíos ar lorg rud eile inniubh. Bainim sult as, agus uaireanta múinim é so i mo ranganna:

Is Mise Raifteirí an file,
Lán dúchais is grádh,
Le súile gan solas,
Le ciúnas gan chrá.

'Dul siar ar m'aistear
Le solas mo chroí
Fann agus tuirseach
Go deireadh mo shlí.

Féach anois mé
's mo chúl le bhfalla,
Ag seinm ceoil
Do phócaí folmha.

le Antoine Ó Raiftéirí

- - - - - - - - - - - - - - - - - - - - -

Deich mbliain ó shan, do gheibhinn an nuachtlitir "An Doras".

Tá súil agam go mbeadh sé ar fháil fós, ach níl sé, ar an ndrochuair. Do fuaireas an comhad fuaime (nasc sa teideal thuas) ar an suíomh san. Do bhí "An Doras" ar fheabhas ar fad.