AfriForum het in reaksie op die minister van finansies, Pravin Gordhan, se begrotingsrede gesê dat die regering ʼn ideale kans verspeel het deur tolheffings op Gautengse hoofweë te behou, ten spyte daarvan dat daar meer koste-doeltreffende verhalingsmetodes bestaan om hierdie paaie te finansier.

Kallie Kriel, uitvoerende hoof van AfriForum, het gesê alhoewel die maatreëls om die tolfooie af te bring, ietwat verligting vir vuisvoos belastingbetalers kan bring, bly dit onsinnig om ʼn duur verhalingsmetode soos tolheffings te behou, wat onnodige oorhoofse kostes tot gevolg het. “Die spesifieke toewyding van brandstofheffings om die verbetering van die land se padinfrastruktuur te finansier, sou voorkom het dat padgebruikers verder moet instaan vir die onnodige administratiewe uitgawes wat met die afdwinging van toltariewe gepaardgaan.”

“Die besluit om taxi’s van tolgelde vry te stel terwyl motoriste moet opdok, reduseer gewone motoriste tot die melkkoeie van die nuwe tolstelsel,” het Kriel bygevoeg.

Deel/Stuur

AfriForum se ope brief aan die staatspresident, wat in die vorm van ʼn video op dié organisasie se webblad gepubliseer is, het binne 24 uur meer as 10 000 kyke op YouTube ontvang. Die video, getiteld “Ons was daar”, doen ʼn beroep op die publiek en, in besonder, die president om die geskiedenis nie vir politieke gewin te verdraai nie.

Die kunstenaars Steve Hofmeyr, Gerhard Steyn, Adam Tas, Jakkie Louw, Beeskraal en Gerrie Pretorius verskyn onder meer op die video.

Die onlangse politieke wanvoorstelling wat Zuma by die ANC se eeufees gemaak het toe hy Kuba geloof het vir sy bydrae tot die sogenaamde oorwinning wat by die “slag van Cuito Cuanavale” behaal is, dien as aanknopingspunt vir AfriForum se veldtog teen die eensydige oorvertelling van die geskiedenis. In die video verduidelik voormalige lede van die SAW waarom hierdie stellings onwaar is en word ʼn beroep op alle Suid-Afrikaners gedoen om versigtig met die geskiedenis om te gaan en dit nie as instrument ter bereiking van politieke doelwitte te misbruik nie.

Die video maak ook voorbrand vir die heel eerste sosialemedia-staptog wat in Suid-Afrika aangebied gaan word. Tydens die staptog gaan ʼn afvaardiging, bestaande uit die mense wat in die video verskyn, na die ambassades van Kuba, Rusland, Angola, Namibië en die VSA stap om ʼn memorandum ten gunste van die gebalanseerde oorvertelling van die geskiedenis te oorhandig. Vandaar sal daar na die Uniegebou gestap word om die griefskrif ook daar te oorhandig. Engelse eksemplare van Kraal Uitgewers se boek, Ons was daar, wat pas op die rakke verskyn het, sal ook by die geleentheid aan die ambassades en die staatspresident se kantoor oorhandig word. Dié boek is deur die voormalige SAW-hoof, genl Jannie Geldenhuys, saamgestel en deur verskeie voormalige SAW-lede geskryf. In die boek word die ware geskiedenis rondom die Grensoorlog en die slag van Cuito Cuanavale uiteengesit deur dié wat daar was.

Die publiek kan hul steun aan die videobrief en hul deelname aan die sosialemedia-staptog op die webwerf, www.afriforum.co.za/onswasdaar, aantoon. Die veldtog word reeds deur die hele Solidariteit Beweging, wat Solidariteit, AfriForum, AfriForum Jeug, Solidariteit Helpende Hand en Maroela Media insluit, ondersteun.

Volgens Ernst Roets, adjunk uitvoerende hoof van AfriForum, word die organisasie oorval met navrae van lede van die publiek wat aan die staptog wil deelneem. “Ons wil mense aanmoedig om te help om hierdie staptog uniek te maak deur dit op die sosiale media te versprei, eerder as om fisies daaraan deel te neem,” het hy gesê. Na beraming sal ongeveer 300 000 lede van die publiek op hierdie manier daaraan deelneem.

Deel/Stuur

AfriForum het vandag sy veldtog teen die eensydige oorvertelling van die geskiedenis afgeskop deur ʼn ope brief, in die vorm van ʼn video, aan die staatspresident op dié organisasie se webblad te publiseer en die publiek aan te moedig om solidariteit daarmee te betoon. Verskeie bekende meningsvormers het reeds hul steun aan die veldtog toegesê en verskyn in die video.

Persone wat in die video verskyn, sluit die kunstenaars Steve Hofmeyr, Gerhard Steyn, Jakkie Louw, Adam Tas en Gerrie Pretorius in. Woordvoerders van verskeie burgerlike organisasies, lede van die publiek en voormalige lede van die Suid-Afrikaanse Weermag (SAW) verskyn ook daarin.

Die video, getiteld Ons was daar, fokus op die politieke wanvoorstelling wat Zuma gedurende die ANC se eeufees gemaak het toe hy Kuba geloof het vir sy bydrae tot die sogenaamde “oorwinning” wat by die “slag van Cuito Cuanavale” behaal is. In die video verduidelik voormalige lede van die SAW waarom hierdie stellings onwaar is en word ʼn beroep op alle Suid-Afrikaners gedoen om versigtig met die geskiedenis om te gaan en dit nie as wapen ter bereiking van politieke doelwitte te misbruik nie.

Die video maak ook voorbrand vir die heel eerste sosialemedia-staptog wat in Suid-Afrika aangebied gaan word, waartydens ʼn afvaardiging, wat uit die persone wat in die video verskyn, na die ambassades van Kuba, Rusland, Angola, Namibië en die VSA sal stap om ʼn memorandum ten gunste van die gebalanseerde oorvertelling van die geskiedenis te oorhandig. Vandaar sal daar na die Uniegebou vertrek word om die griefskrif ook daar te oorhandig. Engelse eksemplare van Kraal Uitgewers se boek, Ons was daar, wat pas op die rakke verskyn het, sal ook by die geleentheid aan die ambassades en die staatspresident se kantoor oorhandig word. Dié boek is deur die voormalige SAW-hoof, genl Jannie Geldenhuys, saamgestel en deur verskeie voormalige SAW-lede geskryf. In die boek word die ware geskiedenis rondom die Grensoorlog en die slag van Cuito Cuanavale uiteengesit deur dié wat daar was.

Die publiek kan hul steun aan die ope video-brief betoon en hul deelname aan die sosialemedia-staptog op www.afriforum.co.za/onswasdaar registreer. Die veldtog word reeds deur die hele Solidariteit Beweging, wat Solidariteit, AfriForum, AfriForum Jeug, Solidariteit Helpende Hand en Maroela Media insluit, ondersteun.

Ernst Roets, adjunk uitvoerende hoof van AfriForum, het verduidelik dat ʼn klein groep verteenwoordigers die staptog fisies sal aanpak, terwyl die breë publiek daaraan kan deelneem deur die vordering daarvan op Facebook te volg en op Twitter te hertwiet. Na beraming sal ongeveer 300 000 lede van die publiek deur middel van die sosiale media aan die staptog deelneem.

Roets het bygevoeg dat die veldtog op die gebalanseerde oorvertelling van alle opsigte van die geskiedenis gerig is, maar dat daar in die video en tydens die staptog spesifiek gefokus sal word op die onlangse politieke leuen oor die geskiedenis van die grensoorlog, aangesien verskeie lede van die publiek in die afgelope maand hul beswaar hieroor by AfriForum se kantoor aangeteken het.

Deel/Stuur

On International Mother Tongue Day, AfriForum once again called on all Afrikaans-speakers to support AfriForum’s campaign for the retention of Afrikaans single-medium schools. The Red Afrikaanse Skole [Save Afrikaans Schools] campaign was launched in January 2012 to oppose the government’s renewed efforts to dispense with Afrikaans as medium of education in schools. The campaign comprises a five-point plan that can be supported with minimal effort.

According to Alana Bailey, deputy CEO of AfriForum, the campaign started in reaction to the Gauteng Department of Education forcing three Afrikaans-medium schools in Fochville to accommodate learners that have to be taught in English this year. After the campaign had been launched, AfriForum heard about several other schools in similar situations. “Parents and staff of various schools are being intimidated to accept learners requiring English-medium education in Afrikaans schools. The departments promise support and financing that does not materialise. In the process mother-language education for Afrikaans learners are undermined and children of all races with Afrikaans as mother-language are denied their internationally recognised right to be educated in their mother-tongue. The state spends money on legal action to make sure that this right is curbed, instead of using the funds to ensure that more South African learners may have access to education in their various mother-languages.”

The public and especially parents of Afrikaans-speaking leaners are encouraged to take a strong stand against this abuse of power by the state. They can support AfriForum’s Red Afrikaanse Skole campaign by:

• Donating R10-00 towards legal action against the department’s abuse of power by SMS’ing the word SKOOL to 38655;
• Participating in the school governing bodies’ elections that will take place at all schools in March 2012;
• Enrolling children with Afrikaans as mother language in Afrikaans nursery, primary and high schools;
• Supporting organisations like FEDSAS (for school governing bodies) and the SAOU (for teachers);
• Signing the petition in favour of Afrikaans-medium education at www.afriforum.co.za.

Deel/Stuur

Die motiewe van die besluit van die minister van hoër onderwys, dr Blade Nzimande, om steeds voort te gaan met ’n ondersoek na die onlangse insident waarin Thabang (Godwin) Makhoang op die Noordwes-Universiteit (NWU) se Potchefstroomkampus verdrink het, word sterk bevraagteken, het AfriForum Jeug vandag gesê.

AfriForum Jeug eis dat ʼn liggaam, wat deur die universiteitsraad aangestel word, die tragiese voorval ondersoek en nie ʼn komitee wat deur die departement van hoër onderwys aangestel is nie.

“AfriForum Jeug gaan voorts met die rektor, prof Herman van Schalkwyk vergader om te verseker dat gesonde aktiwiteite soos ’n vrugtefees nie met die departement van hoër onderwys se vooroordeel beklad word nie,” het Marcus Pawson, voorsitter van AfriForum Jeug se NWU-tak, gesê.

Alhoewel die insident tydens ’n georganiseerde vrugtefees plaasgevind het, het Nzimande volgehou dat ’n ondersoek nodig is om oriënteringsprogramme aan dié universiteit te ondersoek omdat sodanige praktyke dikwels onmenslik is en te veel na inlywing klink.

“Die departement gebruik die tragiese voorval vir politieke gewin om van enige vorm van tradisie of kultuuraktiwiteit ontslae te raak,” sê Pawson.

“Die departement se aanval op die NWU is egter kortsigtig en versteur die samehorigheid wat jare reeds onder studente aan die universiteit bestaan. Die regering lê gedurig klem op die nadele van koshuisaktiwiteite, terwyl studente moeg is daarvan dat kwessies soos dié verpolitiseer word.”

“In plaas daarvan dat die rasseduiwel ter wille van ideologiese standpunte agter elke bos gesoek word, behoort die departement eerder sy energie en hulpbronne aan te wend om moedertaalonderrig aan tersiêre instellings te bevorder en studente beter toe te rus met kennis en vaardighede,” sê Pawson.

Deel/Stuur

AfriForum nooi jou hiermee uit om deel te neem aan die veldtog teen die eensydige oorvertelling van Suid-Afrika se geskiedenis. Vir hierdie doel gaan Suid-Afrika se heel eerste sosialemedia-staptog op 28 Februarie 2012 gehou word.

Alhoewel daar verskeie voorbeelde is waar die geskiedenis verdraai word, is daar besluit om op die onlangse politieke wanvoorstellings oor die grensoorlog as aanknopingspunt te fokus.

We were there, die Engelse weergawe van Kraal-Uitgewers se boek, Ons was daar, het pas verskyn. In hierdie boek vertel diegene wat daar was toe die Kubane in die omgewing rondom Cuito Cuanavale verdryf is, presies wat gebeur het. Die propaganda-leuen word ontbloot vir wat dit is: ʼn verdraaiing van die geskiedenis vir politieke gewin. Die boek is deur die voormalige hoof van die Suid-Afrikaanse Weermag, genl Jannie Geldenhuys, saamgestel en deur ʼn aantal persone wat uiteenlopende rolle gedurende die grensoorlog gespeel het, geskryf.

Die staptog word deur verskeie meningsvormers en organisasies ondersteun. ʼn Memorandum, waarin die akkurate weergawe van die geskiedenis rondom Cuito Cuanavale uiteengesit word, gaan saam met Engelse eksemplare van Ons was daar by die ambassades van Kuba, Rusland, Angola en die VSA afgelaai word. Van daar af sal na die Uniegebou vertrek word om die memorandum ook daar af te lewer. Daar gaan deurgaans gepleit word vir ʼn gebalanseerde oorvertelling van die geskiedenis en ʼn beroep gaan op politici gedoen word om die geskiedenis nie vir politieke gewin te verdraai nie.

ʼn Groep verteenwoordigers, wat uit kunstenaars, afgevaardigdes van verskeie organisasies en voormalige lede van die SAW bestaan, sal fisies aan die staptog deelneem. Die vordering van die staptog sal deurlopend op sosialemedia-netwerke (Facebook en Twitter) gekommunikeer word. Die publiek word hiermee aangemoedig om daaraan deel te neem deur die nuus op Facebook te deel en op Twitter te hertwiet.

Na beraming sal meer as 500 000 lede van die publiek deur middel van Facebook en Twitter aan die staptog deelneem.

Hoe neem ek deel?

Jy kan aan die staptog deelneem deur AfriForum, Solidariteit, Maroela Media of enige van die kunstenaars wat op hierdie video verskyn op Facebook en / of Twitter te volg. Jou deelname berus daarop jy gaan help om die boodskap te versprei deur die nuus oor die staptog op die sosiale media te versprei.

Vul asseblief die vorm hieronder in om jou deelname aan die staptog te registreer.

cforms contact form by delicious:days

Deel/Stuur

Deel/Stuur

[Foto: www.linecasters.co.za]

AfriForum Jeug het vandag saam met die Khoi-San-gemeenskap voor die departement van grondhervorming en landelike ontwikkeling byeengekom om duidelike eise aan die regering te stel aangaande dié gemeenskap se aansprake op die geskiedenis en sy voorregte.

“Die Khoi-San maak aanspraak op grond wat aan die staat behoort en bewys daarmee dat die ANC se argument van grondhervorming, wat gegrond is op die beginsel dat die grondhervormingsbeleid slegs poog om die oordrag van grond vanaf ’n wit minderheid na die swart meerderheid te bewerkstellig, uitgedien is. Enige gemeenskap kan aanspraak maak op grond in Suid-Afrika, ongeag kleur. Die geskiedenis is in sy geheel die enigste ware maatstaf waarvolgens die kwessie oor grondbesit gemeet kan word,” het Charl Oberholzer, nasionale voorsitter van AfriForum Jeug, gesê.

Die regering is tans die grootste enkele eienaar van grond in die land. Indien dit die regering se argument is dat die geskiedenis se invloed moet geld, moet die regering sy eie grond aan die Khoi-San-gemeenskap oordra.”

“Die Khoi-San-gemeenskap het AfriForum Jeug genader om hande te vat in die stryd om minderheidsregte in Suid-Afrika. Die geskiedenis is te kompleks om dit by wyse van veralgemening bloot te wil vereenvoudig. Swart volke, wat vanuit Wes-Afrika die land binnegetrek het, was die eerste groep wat die Khoi-San se grond gekoloniseer het, maar geskiedenis soos dié asook die geskiedenis rondom Mfcane word geïgnoreer,” sê Oberholzer.

“Indien die ANC ’n grondhervormingsbeleid wil optrek wat op die geskiedenis gebaseer is, moet hulle eerlik met die volledige geskiedenis omgaan en nie net kyk na wat ná 1913 gebeur het nie. Dit is tyd dat die ANC besef dat hulle nie alleen in hierdie land woon nie en dat minderheidsgroepe hier is om te bly,” sê Oberholzer.

Die Khoi-San het hul eise aan Phumzile Simelela, hoofdirekteur van die kantoor van die direkteur generaal, oorhandig. Die volgende eise is onder meer gestel:

· Dat die Khoi-San-gemeenskap volgens die Verenigde Nasies se deklarasie vir die regte van inheemse volke as die eerste en oorspronklike inwoners van Suid-Afrika erken word;

· Dat die Khoi-San-gemeenskap erken word in die proses om grondeienaarskap te bepaal en nie verder gemarginaliseer word nie;

· Dat hul aanspraak op grond, wat hoofsaaklik deur die regering besit word, deurgevoer word;

· Dat Khoi-San mense nie verder van hul grond afgestoot en verwyder word nie.

Die ondersteuning wat AfriForum Jeug aan die Khoi-San-gemeenskap verleen, vorm deel van AfriForum se omvattende veldtog teen die verdraaiing van geskiedenis in Suid-Afrika.

Deel/Stuur

AfriForum Jeug se prokureurs het vandag ’n aanmaningsbrief aan die departement van basiese onderwys gestuur waarin hulle eis dat die departement alle uitstaande matrieksertifikate binne twee weke beskikbaar moet stel. Sommige leerlinge wag al jare om hul matrieksertifikate te ontvang.

“Die aanmaningsbrief wys die departement daarop dat hulle leerlinge regstreeks van hulle grondwetlike reg tot billike administrasie ontneem. Hulle versuim om matrieksertifikate uit te reik, is onwettig,” sê Charl Oberholzer, nasionale voorsitter van AfriForum Jeug.

AfriForum Jeug het die afgelope week leerlinge uitgenooi wat nie hulle matrieksertifikate ontvang het nie, om hulle besonderhede op www.afriforumjeug.co.za te plaas. AfriForum Jeug tree nou op namens Amy Beukes, ’n derdejaarstudent aan die Universiteit van Pretoria, en talle ander leerlinge uit onder meer die Wes-Kaap, Oos-Kaap, Vrystaat, Mpumalanga en Gauteng.

“Die departement van basiese onderwys is gelas om werk daarvan te maak om dié leerlinge se sertifikate binne twee weke uit te reik,” sê Oberholzer.

“Leerlinge ly erge verliese. Sommige studente is alleen oorsee is en kan nie werk of studeer voordat hulle ’n matrieksertifikaat ontvang het nie. Ouers vertel dat hulle nie hond haaraf maak by die departement nie. Hulle probeer herhaaldelik om die sertifikate uit die departement te kry, maar vergeefs. Werknemers van die departement het nou glad aan hulle gesê dat dit eenvoudig nie moontlik is om hulle kinders se sertifikate uit te reik nie.”

Talle ouers het verneem dat die departement van basiese onderwys nie vir Umalusi, die gehalteversekeringsliggaam, betaal het nie. Daarom kom hulle elke keer voor ’n toe deur te staan.

Een van die leerlinge, George McDonald, wag reeds sedert 2009 vir sy matrieksertifikaat omdat die departement glo een van sy vraestelle verloor het. ’n Ander leerling, Amorecé Müller, wag weens ’n spelfout met haar naam en van sedert 2008 vir haar geldige matrieksertifikaat..

“Die departement van basiese onderwys se dienslewering aan die gemeenskap het ‘n punt bereik waar hy heeltemal oneffektief is en verder lamgelê word deur sy eie onvermoë om klagtes te hanteer,” sê Oberholzer.

Deel/Stuur

2012 02 18 – Oues kry net R1 van pensioen – Die Burger

2012 02 18 – Kleingeld – Beeld

2012 02 18 – Varsity rejections – SA is biggest loser – Pretoria News

Deel/Stuur