Agnes' Signature (精點時光)

Agnes' Signature on Xuite

2016-12-22T03:37:00.002-08:00

I noticed some pics are not showing. If you want to see more, please visit: http://blog.xuite.net/agnessignature/hkblog/143374957

2016聖誕節薑餅人曲奇餅

2016-12-22T03:29:00.000-08:00

Surprisingly, 我今年有兩個帖.

2016聖誕節曲奇餅 - 薑餅人（巧克力味道）。很長時間沒有做過cookies。味道仍然不錯，但需要更多糖霜練習。

超大衫鈕....

Frozen 生日蛋糕

2016-07-02T20:06:00.000-07:00

相隔兩年，再次有機會做蛋糕. 真係太耐無做了，技巧好生疏. 我都係在網上參考各人做法，做左依個蛋糕. 多謝個仔的同學媽媽甘信我...比我自由發揮.

Doll Cookies / 娃娃曲奇

2014-01-15T21:01:00.000-08:00

2014第一個post.

終於重新振作再寫blog. 再將之前HK Yahoo Blog的內容搬埋過黎.好不容易啊!

舊年有位朋友結婚, 做了一些曲奇作禮餅. 在要湊仔的情況下, 當然很難將餅做得又美又快啦.

弄得我都不好意思交貨.

用Icing畫出娃娃形狀
填上icing, 表面上畫上花紋圖案。
再畫出裝飾, 填上再icing, 再畫上花紋圖案。
待表面乾硬以後, 再畫臉孔和裝飾。

搬遷啟事http://agnessignature.blogspot.hk/

2013-10-20T20:06:00.000-07:00

被迫遷的期限將至, 我也不得不另謀他處. 係, 我荒廢這個blog好幾個月了. 原因就是我總是病, 隔一兩個便生病, 總是處於疲態. 看好幾次醫生都不好, 食抗生素也不管用. 大底是因為我產後, 沒有好好休息所致 (真的無一日可以安睡).

無辦法, 當初, 只得我倆口湊仔, 沒有其他人幫忙. 久而久之, 我倆身子變得虛弱. 所以, 奉勸新手爸媽, 有人幫, 就比其他人做; 無人幫就快快請返個工人. 不要捱壞身子.

講返正題, 要搬. 決定搬返去我N年前開的blogspot. 未開yahoo blog前, 我係用blogspot的, 也被我荒廢N年了.

今後, 請大家稍移玉步去到http://agnessignature.blogspot.hk/

細張生 - 慶祝1歲生日 & 去 My BabyFace Studio影相

2013-07-02T20:34:00.000-07:00

細張生話咁快1歲啦….真係好快…仲覺得好似生咗無耐.

點同細張生慶祝呢?

其實, 細張生同大張生既生日只差幾日, 所以順便同埋大張生慶祝. 哈哈.

沒有親手做蛋糕, 真係無時間.
因為無人幫我看住細張生. 我去到邊,
他就跟到邊.

於是, 去咗東海堂買了個北海道牛奶芝士蛋糕 (cream好好味, 食太多就有點膩). 漏夜等細張生睡了, 再做一些cookies & macarons作裝飾. 做咗細張生平時鍾意既幾樣野, 如:
車車, 樹葉,
書, 蘋果 & Elmo.

食完蛋糕之後, 去咗 My BabyFace Studio 影相. Promotion Package S2 $830 - 4個造型 (平日送多一個) = 一共5個造型 (其中一個係親子照), 2個小時. Online Album - 30張相. + $480要回全部相片 (燒係光碟度).
Facebook Fan 有 5% off.

選My BabyFace Studio的原因係離家不太遠, 但係工業大廈. 食Lunch時間街上人山人海.價格還可以接受 (Studio 123 幾百蚊, 好多造型, 但對我而言太遠 & 太多，沒必要.).

地方算是寬敞和整潔. 攝影師識逗小朋友開心. 有耐性. 但道具略為舊.

5個造型 - 我覺得已經夠晒. 原本選擇咗花朵和Elmo造型, 但見到件costume就打退堂鼓. 一來件衫好厚; 二來難著(又要帶依樣個樣). 如果細張生係6個月以下,
就可以任人舞來舞去. 但現在佢又會爬又會企, 幫佢著d咁既衫只會辛苦自己. 每影完一個造型, 就换一次衫. 分分鐘鐘攪哭佢更煩. 所以係costume方面, 盡量簡單為主. 好彩, 臨出門前, 我帶多咗件衫. 可以著番自己衫. 同個鼓又match.

影bb相, 父母係好辛苦 – 其間要不停要引小朋友注意. 咩法寶都出齊.

好在, 細張生好合作, 全程沒有扭過計. 十個叻!!!!

焗香辣白酒海鮮意大利粉食譜

2013-06-27T20:42:00.000-07:00

我係鍾意食麵呀意粉多過食飯. 上次個Lasagna想再重試, 但一直無時間. 今次又想整新野....

這個意粉超好味!!! (其實, 我好少讚自己...真的. 以後要讚多的...哈哈!!!)

基本上, 我只食咗一小碗, 大張生全部同我食清晒. 食完之後, 問我仲有無....點解煮咁少....

焗香辣白酒海鮮意大利粉 (4人份量)

材料:

急凍青口一磅

白酒半杯

虎蝦(中) 半磅

波特佩羅魔菇 (波特菇) 兩個（切片）

蕃茄兩個（切粒）

意大利粉約390克

蕃茄紫蘇意粉醬
三至四湯匙

調味:

小紅辣椒
一條（切粒）

蒜
適量（切粒）

蕃茜適量
(切粒）

鹽適量

油適量

做法

1.
將意大利粉放入滾水煮至熟透後, 然後過冷水,倒入篩子中隔去水份, 備用.

2.
蝦挑腸、清洗乾淨, 保留蝦頭, 備用。

3.
蝦頭和急凍青口(連袋裡的汁)放入鍋中, 加入白酒,
蓋上鍋蓋煮滾, 熄火.

4.
用油炒香蒜和辣椒, 加入蕃茄和波特菇, 炒至軟身. 倒入煮過蝦頭和青口的湯汁(用篩子隔走雜質). 用細火煮滾.

5.
加入意粉醬煮至稍為濃稠, 再放入蝦煮熟, 熄火. 加入蕃茜和鹽調味.

6.
將意粉撈入醬汁中拌勻, 分成四份.

7.
把牛油紙放在碗上, 倒入已拌好的一份意粉份量, 包好. 重覆三次.

8.
預熱焗爐200度約10分鐘, 放入已包好的意粉, 焗8-10分鐘,
即成。

細張生 – My Busy Town 多功能繞珠木箱玩具 & 學步車

2013-06-18T19:34:00.000-07:00

近半年, 淘寶了幾次. 主要都係買玩具比細張生. 同一件玩具在淘寶買便宜過在香港買幾倍. 而且在淘寶, 什麼都能找到, 款式又多. 我係因為有朋友可以幫忙把玩具送到香港給我, 我先會買. 若加上運費 $$$, 我應該會忍下手, 唔買.

昨晚收到兩件玩具, 我自己都好鍾意的.

一件係My Busy Town 多功能繞珠木箱玩具, 另一件係好得意的學步車.

依個繞珠木箱頂上係串珠遊戲, 細張生已經懂得用手指把珠仔推來推去.其他的遊戲, 佢都識郁下, 轉下, 開下的. 佢一見到個玩具已經手舞足蹈, 十分興奮.

角位磨過,不容易撞親.外表顏色鮮艷.木的質料平滑. 底部有個轉盤, 可旋轉. 轉到邊,玩到邊.

四面有不同的遊戲:

1. “鄉間小道” – 將車車在不同形狀的賽道上上下移動 (細張生最鍾意車車, 係街上會不停一直望住, 望到車車開走為止)

2. “小兔開門” – 打開門看到不同職業人物

3. “翻翻學學” – 認識26個英文字母和單詞

4. “小動物找身體” – 轉下三角形的木块配對6種不同的動物

有些賣家賣的款比較多和複雜, 但我就選咗依款. 覺得玩的野岩細張生年齡 - 可以訓練佢的手指肌肉同時又係第時讀PN班前要接觸到的野.

除此之外, 細張生差不多一歲. 見佢扶住野行, 就買咗架學步車比佢 (其實, 我係覺得d公仔cute就買咗). 昨晚教細張生用, 但佢唔識住. 架學步行個時, d公仔會上下咁郁, 發出 “咚咚” 聲好盞鬼. 唯一要注意就係 – 如果用力壓落個把手度, 架車會翹起. 有點失咗重心. 可能會跌倒. 所以用依架學步車, 必須有人看住.

細張生 - 余仁生猴枣末止咳化痰

2013-06-05T21:55:00.000-07:00

雖然, 細張生好得八八九九, 但始終仲有痰, 所以, 仲有咳.

昨天, 買了余仁生猴枣末試下. 係人都話有效. 沒有選猴棗化痰散, 因為有其他中藥成分.

細細一枝, 要$195!!! 仲要連食兩日. ($195 x 2 = $390)

粉狀, 灰色...見到都覺得苦. 好彩, 唔洗我餵.....但被迫要食個位, 即細張生, 就....慘

我已經格咗價, 若果係余仁生度買, 仲貴. 要$200.

服用後一日, 真係痰(明顯)少咗. 咳少咗. $$算啦, 最重要仲有效!!!

服用後第二日, 基本上無咳了...一, 兩聲而已

服用後第三日, 完全沒有再咳, 無痰.

搜集資料時, 看見有人話係熱咳先好比BB食....寒咳就唔好比....

http://www.eysbabyclub.com/bbclub/products2.php

可可麻薯奶黄麵包

2013-06-05T19:43:00.000-07:00

最近, 開始要整下麵包, 原來細張生係超鍾意食包. 但這個包...佢無得食.

可可麻薯奶黄麵包

材料：

麵團材料
高筋麵粉 170g
低筋麵粉 50g
麻薯粉 25g
糖 25g
鹽 3g
可可粉 10g
酵母 2.5g
牛奶 160g
牛油 25g

奶黃餡：
即溶吉士粉 150g
牛奶 300g
奶黃餡做法：
1. 將牛奶煮滾，倒入吉士粉中不停攪拌，直至不見粉粒即成。
2. 待冷備用。

做法
1. 除了牛油外，將所有麵團材料混合攪拌。
2. 攪拌至麵團光滑之後，加入牛油把麵團搓至可拉開的面膜狀。
3. 發酵45分鐘。
4. 將麵團排氣後，分割成100-110g一個，弄成圓形，鬆弛20分鐘。
5. 用麵棍把圓形麵團擀扁，包入奶黃餡，埋口那面朝下。
6. 將剩餘的麵團擀成0.2厘米厚，用餅模切出自己喜歡的圖案。
7. 將圖案放在包好餡料的麵團上。
8. 再發酵50分鐘。
9. 麵團發酵好後，在表面灑上低筋麵粉。
10. 用180度預熱焗爐約10分鐘，把麵團放入焗爐，焗18分鐘。

貼士：
1. 用麻薯粉令麵包的質感軟棉棉, QQ的。沒有麻薯粉, 其實可以用糯米粉, 功能差不多。
2. 用即溶吉士粉做奶黃餡節省很多時間。

細張生 - 生病了

2013-06-03T19:02:00.000-07:00

為什麼咁耐沒有post?

因為細張生生病了個多星期, 這幾日先好番的.

明明生生猛猛, 點解生病? 原因?

只怪我這個媽媽疏忽了. 不會湊. 唉…總之就差的出事(人命)係啦.

對比生病前後, 生病後, 細張生明顯是瘦咗.

其實, 細張生平時好少哭鬧, 個張流淚照係佢生病前一日拍的…

佢個陣應該開始不舒服, 只是我不敏感, didn't ring the bell!!!!!!!!

生病頭幾日, 什麼都不食, 水都不飲. 吞口水都痛, 不停哭, 陰公!

所以, 不要老說BB肥之類. 他能食, 就給他. 不然, 一有事, 立即瘦比你開啟!

好彩, 細張生病後還有食慾…..要食番夠本!

細張生花名 - 小胖

2013-05-22T21:24:00.000-07:00

一日去兩次playroom玩, 認識了一些朋友仔, 九唔九摸下人地手仔, 開始social啦...

有些說國語的婆婆見到細張生, 說"小胖來了". 無啦啦多了一個 "朵"...

玫瑰花曲奇做法 / How to make rose cookies

2013-05-12T19:26:00.000-07:00

玫瑰花曲奇同之前做的立體花花曲奇做法差不多, 只是不須做餅底。

1. 用牛油紙畫了玫瑰花的形狀。剪裁之後，放在麵團上，用小刀切出來。焗後放涼。

2. 用Icing畫出rose形狀, 莖和葉。

3. 填上icing。

母親節立體鮮花曲奇 / Happy Mother's Day 3D Flower Cookies

2013-05-11T01:39:00.000-07:00

有日係網上見到有立體花花曲奇, 可愛極了. 自己又DIY.

首先, 用牛油紙畫了Daisy, Tulip & Rose的形狀。剪裁之後，放在麵團上，用小刀切出來。

用自己喜愛的形狀/餅模作餅底。

1. 焗後放涼。

2. 用Icing畫出餅底形狀。

3. 填上icing。

4. 畫出花朵的花瓣, 花芯, 莖和葉。

再填上icing。

5. 用棉花棒沾上一點紅色食用粉, 在花朵的臉頰位置輕輕地打圈塗上, 作為胭脂。

畫上眼睛和咀; 待乾後, 用糖霜把花朵和餅底黏上。

細張生 - 釣魚

2013-05-08T20:47:00.000-07:00

有人唔肯訓晏覺…幾眼訓都唔訓 (3-4pm something)

知道細張生肯定等不及食飯 (5pm), 於是提早半個鐘餵…食早的, 讓他可以早的訓, 真是用心良苦了!

結果, 不停釣魚….又要食又要訓….我好忙架!!

細張生 - 食麵

2013-05-08T20:08:00.000-07:00

話說有日餵細張生食麵, 一不留神就給搶走了飯碗!!!

手和瞼都係麵, 見到都無心情再餵啦…唯有就讓他玩一會…

曳曳樣走咗出黎….一曳曳, 兩隻眼下面條線就走出黎...

學人拿起匙羹食野….

好曳曳呀…..有片為證!! 仲係度偷笑!!! 我就有排清潔........

橡皮鴨曲奇做法 / How to make rubber duck cookies

2013-04-30T02:23:00.000-07:00

其實，Florentijn Hofman（霍夫曼）的橡皮鴨rubber duck 有乜咁特別呢？好似同商店買到的沖涼鴨個樣差不多姐？！但係勝在巨型的，可以帶比公眾歡樂和回憶。

在一股＂鴨風＂下，我又想整返的橡皮鴨cookies.

沒有鴨子曲奇模。唯有DIY.

步驟：

1. 在牛油紙上，勾畫出Rubber duck的形狀。
2. 剪裁之後，放在麵團上，用小刀切出來。

3. 焗後放涼。
4. 用Icing畫出橡皮鴨的形狀。

5. 然後，填上icing。

6. 畫上咀巴、翅膀和眼睛。

金色糖霜 / Gold Icing

2013-04-21T19:35:00.000-07:00

如何將雪白的icing變成金色?

我用Wilton Gold Pearl Dust金色食用閃粉 + 酒溝稀 ; 要一滴一滴咁加. 如果加酒太多, 金色會變得好稀, 油在icing上會上色; 加酒太少, 金色會一舊舊, 油唔到.

必須等icing完全乾硬之後, 才用掃直接油金色在icing上, 慢慢油, 以免出界.

網球主題曲奇做法 / How to make tennis cookies

2013-04-18T23:29:00.000-07:00

應承咗大張生整一些以網球為題的曲奇比佢的波友，但相隔了成1.5 years 之後才做到。係呀，多咗個人仔就連睡覺都沒時間！不過，遲到總好過無到吧！

畫波衫的步驟:

1. 先Outline件衫的形狀
2. 填色，見到有泡泡就用牙簽拮穿。不然，當icing要乾時，氣泡會爆開造成icing表面裂開或有洞
3. 等Icing乾後，再在表面畫上領子等details

畫網球的步驟：

1. 先Outline
2. 再填色
3. 等Icing稍乾約15分鐘，再灑上糖粒
4. 最後，畫上網球的白線

下雨天整icing cookies 是十分麻煩的，因為icing 好難乾。必須開抽濕機和冷氣機。有風乾機更好！

意大利千層麵做法 / How to Make Lasagna

2013-04-08T19:40:00.000-07:00

見食來食去都個幾味, 悶悶地, 就搞下新煮意, 整下意大利千層麵.

材料有:

意大利千層麵

洋蔥

三色椒

白磨茹
蕃茄

豬肉
芝土碎 (parmesan & mozzarella cheese)

意大利蕃茄麵醬 (pasta sauce)

鹽

香草

其實，材料配搭非常自由，可選自己喜歡的食材，　如牛肉，　茄子等等．

步驟:

１．將千層麵加水煮軟身後, 瀝水．

２．炒洋蔥, 三色椒, 磨茹和豬肉, 加鹽和香草．

３．先鋪一層千層麵, 再抹上一層麵醬, 加入豬肉等配料, 灑上芝土碎, 再鋪一層千層麵…如是者, 重複幾次….

４．最後，在表面上塗上一層麵醬,灑上芝土碎, 用錫紙包住.

５．焗30-45mins, 180度. 之後, 拿開張錫紙, 再焗5mins, 讓表面焗至金黃色.

後記:

１．可能我沒有把千層麵瀝乾水, 切開之後, 水份太多. 所以，要重做！！！

２．意大利麵醬有好多種味道, 我選了田園蕃茄味.

細張生 - “You are the apple of my eye”

2013-04-04T19:12:00.000-07:00

“You are the apple of my eye” 依句歌詞其實係來自一首歌叫 “You Are the Sunshine of My Life” by Stevie Wonder, 不過後來

被麥當勞改編成它的廣告主題曲 “開心原來好簡單” 由Eason Chan主唱…

好大的富士蘋果呀。。。自己拿住一口一口地咬。。。好過隱。。。呵呵。。。

“You Are the Sunshine of My Life” – Stevie Wonder

You are the sunshine of my life
That's why I'll always be around
You are the apple of my eye
Forever you'll stay in my heart

I feel like this is the beginning
'though I've loved you for a million years
And if I thought our love was ending
I'd find myself drowning in my own tears
Whoa whoa

You are the sunshine of my life
That's why I'll always stay around
You are the apple of my eye
Forever you'll stay in my heart

You must have known that I was lonely
Because you came to my rescue
And I know that this must be heaven
How could so much love be inside of you

細張生 - 12個月成長相架

2013-04-04T19:11:00.000-07:00

細張生未出世, 我已經買定12個月成長相架了… 由出生到現在9個月大人仔 (係呀… 8到9個月的相仲未晒…嘻嘻), 一天一天看見自己的寶貝健康成長和不斷學習新事物, 我是多麼的感恩和開心! 仲有3個月細張生就1 歲了, 多快呀!!! AMAZING!!!

Cheery Chums Macaron Lollipop / Cheery Chums 馬卡龍棒棒糖

2013-04-01T19:24:00.000-07:00

整下的Cheery Chums (小白兔）馬卡龍Macarons 應下 (復活)節先.

詳細做法和食譜, 請到這裡.

加入了Wilton White Icing Color白色食用色素, 所以的糊係白的…

我的裙邊呀!!! 約3mins就出現了!!!!

放涼後, 唧上Cheery Chums的耳朵, 眼睛和腮紅...

買了八款環保紙吸管, 又靚又衛生, 好過用膠的….

內餡是巧克力, 還加了杏脯乾, 紅莓乾和黃金葡萄乾. Yummy yummy!!!

一支一支棒棒糖準備好啦!!! GO! GO! Let’s go!!!

細張生 - 被蚊咬和防蚊篇

2013-04-01T06:41:00.000-07:00

話說有一日早上係廁所打死了兩隻蚊而且有血的。心想 "誰那麼可憐呀？被蚊針左咁多血？＂

其實，我同大張生都非常之惹蚊的。去到戶外總被蚊叮。但我倆都沒被咬。

點知見到細張生後，才知道那個可憐蟲就是他!!! 我家在40樓，都有蚊！！！蚊從那裡來？？？？？那刻，亦是唯一一刻，希望被叮的人是我！

細張生面上被咬了6粒，手上被咬了2粒。原本只是細細粒一點，過了幾天都不散。仲紅，嚴重左！見到都覺得癢死!!!!!!!!

你看看他的臉豬仔, 不咬他, 咬誰???!!! sigh.... 於是立即去買無比滴。搽了一晚，的蚊爛散開了，沒有之前咁紅，但仍腫起。

的蚊爛中間仲起埋水pop咁嘅，有水，摸落去都幾突同埋腫，大大粒。

隔了一日又去買了雙飛人和一支葯膏叫 Histergan Cream, 係藥房老闆介紹的，話適合嬰兒，沒有類固醇，話效果不錯。

抱住姑且一試的心態，又搽雙飛人又搽 Histergan Cream。隔了一晚，又真係散左，無咁好和腫了。水pop沒有咁水，細粒左。

又過了一日，為什麼細張生眼角和耳朵附近又多了幾粒？又係紅紅腫腫的？臉上一共被咬了十幾粒!!!!!!!!! WHAT?????!!!!!!! WHY????!!!

但這次我沒見到有蚊呀？WHY????? 我家Nanny說有可能是濕疹著我們帶細張生去看醫生。我95%肯定是蚊咬的，都不像濕疹；濕疹會左一＂達＂右一＂達＂嗎？而且，我想起最近nanny開始給細張生食牛肉。。。啊！怪不得，的血咁好味啦？？！！！

為左搞清楚，決定帶細張生去看醫生。其實都不太有用，因為醫生都不確定是不是蚊咬的。開了一瓶抗敏感藥水和抗生素藥膏叫Fucidin Cream。半信半疑，最後，都係沒有服用。還是繼續用Histergan Cream.

其實, 到了Day 2-3, 已經沒有咁紅同腫啦....但到現在都十日, 的蚊爛都未消失...仲係紅的...

除此之外，又買了拜高滅蚊油和珮氏防蚊貼，是依家細張生睡覺必備之選。

小雛菊和蝴蝶結的做法 / How to Make Fondant Daisy and Bow

2013-03-24T22:11:00.000-07:00

一到夜晚，又係我出來活動的時候。。。

上回講到點整糖膏bear bear熊，今回就講下點整糖膏小雛菊同埋蝴蝶結。

我很愛整小雛菊，一來易整，二來跟其他裝飾容易配搭。

整小雛菊的步驟：

1. 用模cut 出小離菊

2. 用牙簽在花瓣上左轆右轆

3. 用少許黃色糖膏弄成一粒小圓點，再用小刀輕輕地𠝹出網紋。

點整蝴蝶結？

1. 搓出一條小香腸

2. 用棍壓扁, 切出兩塊長方形

3. 把長方形左右對摺，用手指壓起摺口

4. 用少許糖膏弄出一小長條包住兩個結中間

5. 最後，𠝹出蝴蝶結絲帶部份

用了一些白色食用色素畫了一些圓點在蝴蝶結上。。。

黃色蛋糕 + 白色花花簡單得來，對比鮮明。。。