Agriculture Desk

ರಾಷ್ಟೀಯ ರೈತ ದಿನಾಚರಣೆ

2025-01-15T18:23:00.000-08:00

ರಾಷ್ಟೀಯ ರೈತ ದಿನಾಚರಣೆ

ಡಿಸೆಂಬರ್-23

ಬರಹ: ಕೂಡಂಡ ರವಿ, ಹೊದ್ದೂರು.

ಅಂದಿನ ಕಾಲದ ಪ್ರಧಾನ ರೈತರ ನಾಯಕರಾಗಿದ್ದ ಮಾಜಿ ಪ್ರಧಾನಿ ಚೌಧರಿ ಚರಣ್ ಸಿಂಗ್ ಅವರ ಗೌರವಾರ್ಥ ಆಚರಿಸಲಾಗುತ್ತಿದೆ. ಅವರ ಹುಟ್ಟಿದ ದಿನವಾದ ಡಿಸೆಂಬರ್ 23 ಅನ್ನು ಭಾರತದಲ್ಲಿ ರಾಷ್ಟಿçÃಯ ರೈತ ದಿನಾಚರಣೆ ಅಥವಾ ಕಿಸಾನ್ ದಿವಾಸ್ ಎಂದು ಸ್ಮರಿಸಲಾಗುತ್ತದೆ. ಸ್ವಾತಂತ್ರ‍್ಯ ಪೂರ್ವ ಭಾರತದಲ್ಲಿ ಸಕ್ರಿಯ ರಾಜಕಾರಣಿಯಾಗಿದ್ದ ಅರವರು 1938 ರಲ್ಲಿ ಅಂದಿನ ಯುನೈಟೆಡ್ ಪ್ರಾಂತ್ಯದ ವಿಧಾನಸಭೆಯಲ್ಲಿ ಕೃಷಿ ಉತ್ಪಾದನಾ ಮಾರುಕಟ್ಟೆ ಮಸೂದೆಯನ್ನು ಪರಿಚಯಿಸಿದ ಕೀರ್ತಿಗೆ ಭಾಜರಾಗಿದ್ದಾರೆ. ಕೃಷಿ ಉತ್ಪನ್ನಗಳ ಮಾರಾಟಕ್ಕೆ ಯಾಂತ್ರಿಕ ವ್ಯವಸ್ಥೆಯನ್ನು ಹೊಂದಿರುವ ಭಾರತೀಯರ ಮೊದಲ ಶಾಸಕಾಂಗ ಕ್ರಮವಾದ್ದರಿಂದ ಆ ಮಸೂದೆ ಮಹತ್ವದ್ದಾಗಿತ್ತು. ವ್ಯಾಪಾರಿಗಳ ಒತ್ತಡ ತಂತ್ರಗಳಿAದ ರೈತರನ್ನು ರಕ್ಷಿಸುವುದು ಇದರ ಉದ್ದೇಶವಾಗಿತ್ತು. ಈ ಮಸೂದೆಯನ್ನು ಸ್ವಾತಂತ್ರ‍್ಯದ ಮೊದಲು ಕೆಲವು ಪ್ರಾಂತೀಯ ಸರ್ಕಾರಗಳು ಅಂಗೀಕರಿಸಿದವು. ಇವುಗಳಲ್ಲಿ ಪಂಜಾಬ್ ಮೊಟ್ಟ ಮೊದಲನೆಯದು. ಅವರ ಗೌರವಾರ್ಥವಾಗಿ, ಡಿಸೆಂಬರ್ 23 ರಂದು ಬರುವ ಅವರ ಜನ್ಮದಿನವನ್ನು ರೈತರ ದಿನ ಅಥವಾ ಕಿಸಾನ್ ದಿವಾಸ್ ಆಚರಿಸಲು ದಿನವಾಗಿ ಆಯ್ಕೆ ಮಾಡಲಾಯಿತು. ಸಿಂಗ್ 1902ರಲ್ಲಿ ಮೀರತ್‌ನಲ್ಲಿ ಜನಿಸಿದರು. ಅವರು ರೈತ ಕುಟುಂಬದಿAದ ಬಂದವರು ಮತ್ತು ಮಾಜಿ ಪ್ರಧಾನಿ ಲಾಲ್ ಬಹದ್ದೂರ್ ಶಷ್ಟಿç ನೀಡಿದ 'ಜೈ ಜವಾನ್, ಜೈ ಕಿಸಾನ್' ಎಂಬ ಘೋಷಣೆಯನ್ನು ನಂಬಿದ್ದರು. ಭಾರತದ ರೈತರನ್ನು ಗೌರವಿಸಲು ಮತ್ತು ರಾಷ್ಟçದ ಐದನೇ ಪ್ರಧಾನಿ ಚೌಧರಿ ಚರಣ್ ಸಿಂಗ್ ಅವರ ಜನ್ಮ ದಿನಾಚರಣೆಯನ್ನು ಆಚರಿಸಲು ರಾಷ್ಟಿçÃಯ ರೈತ ದಿನಾಚರಣೆ ಅಥವಾ ಕಿಸಾನ್ ದಿವಾಸ್ ಅನ್ನು ಡಿಸೆಂಬರ್ 23ರಂದು ದೇಶಾದ್ಯಂತ ಆಚರಿಸಲಾಗುತ್ತದೆ. 2001ರಲ್ಲಿ, ಚೌಧರಿ ಚರಣ್ ಸಿಂಗ್ ಅವರ ಜನ್ಮ ದಿನಾಚರಣೆಯನ್ನು ಕಿಸಾನ್ ದಿವಾಸ್ ಎಂದು ಆಚರಿಸುವ ಮೂಲಕ ಕೃಷಿ ಕ್ಷೇತ್ರ ಮತ್ತು ರೈತರ ಕಲ್ಯಾಣಕ್ಕೆ ನೀಡಿದ ಕೊಡುಗೆಯನ್ನು ಗುರುತಿಸಲು ಸರ್ಕಾರ ನಿರ್ಧರಿಸಿತು. 1979 ಮತ್ತು 1980 ರ ನಡುವೆ ಸಂಕ್ಷಿಪ್ತವಾಗಿ ಪ್ರಧಾನಮಂತ್ರಿಯಾಗಿ ಸೇವೆ ಸಲ್ಲಿಸಿದ ಚೌಧರಿ ಚರಣ್ ಸಿಂಗ್ ಅವರನ್ನು ದೇಶದ ಅತ್ಯಂತ ಪ್ರಸಿದ್ಧ ರೈತ ಮುಖಂಡರಲ್ಲಿ ಒಬ್ಬರು ಎಂದು ವ್ಯಾಪಕವಾಗಿ ಪರಿಗಣಿಸಲಾಗಿದೆ. ರೈತರ ಕಲ್ಯಾಣ ಮತ್ತು ಕೃಷಿ ಕ್ಷೇತ್ರದ ಉತ್ತೇಜನಕ್ಕಾಗಿ ಅವರು ತಮ್ಮ ಪ್ರವರ್ತಕ ಕಾರ್ಯಗಳಿಗೆ ಹೆಸರುವಾಸಿಯಾಗಿದ್ದರು. ಭಾರತೀಯ ರೈತ ಎದುರಿಸುತ್ತಿರುವ ಹೋರಾಟಗಳಿಗೆ ಚರಣ್ ಸಿಂಗ್ ಹೊಸದೇನೂ ಆಗಿರಲ್ಲಿಲ್ಲ. ಅವರು ಡಿಸೆಂಬರ್ 23, 1902 ರಂದು ಉತ್ತರ ಪ್ರದೇಶದ ಮಧ್ಯಮ ವರ್ಗದ ರೈತ ಕುಟುಂಬದಲ್ಲಿ ಜನಿಸಿದರು. ಮಹಾತ್ಮ ಗಾಂಧಿಯವರ ಬೋಧನೆಗಳಿಂದ ಹೆಚ್ಚು ಪ್ರಭಾವಿತರಾದ ಅವರು ಸ್ವಾತಂತ್ರ‍್ಯ ಹೋರಾಟದಲ್ಲಿ ಸಕ್ರಿಯವಾಗಿ ಪಾಲ್ಗೊಂಡರು. ಚರಣ್ ಸಿಂಗ್ ಭಾರತದ ಅತಿದೊಡ್ಡ ಕೃಷಿ ರಾಜ್ಯ ಉತ್ತರ ಪ್ರದೇಶದ ಮುಖ್ಯಮಂತ್ರಿಯಾಗಿ ಎರಡು ಬಾರಿ ಸೇವೆ ಸಲ್ಲಿಸಿದರು, ಅಲ್ಲಿ ಅವರು ಭೂ ಸುಧಾರಣೆಗಳನ್ನು ರೂಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಅವರು 1939ರ ಭೂ ಬಳಕೆ ಮಸೂದೆ ಮತ್ತು 1939 ರಲ್ಲಿ ಸಾಲ ವಿಮೋಚನೆ ಮಸೂದೆ ಸೇರಿದಂತೆ ಹಲವಾರು ಪ್ರಮುಖ ರೈತ-ಫಾರ್ವರ್ಡ್ ಮಸೂದೆಗಳ ಜಾರಿಯ ಹಿಂದೆ ಇದ್ದರು. 1952 ರಲ್ಲಿ ಕೃಷಿ ಸಚಿವರಾಗಿ ಸೇವೆ ಸಲ್ಲಿಸುತ್ತಿರುವಾಗ, ಜಮೀನ್ದಾರಿ ವ್ಯವಸ್ಥೆಯನ್ನು ರದ್ದುಗೊಳಿಸುವ ಪ್ರಯತ್ನದಲ್ಲಿ ಯುಪಿಯನ್ನು ಮುನ್ನಡೆಸಿದರು. ವಾಸ್ತವವಾಗಿ, ಅವರು ಯುಪಿ ಜಮೀನ್ದಾರಿ ಮತ್ತು ಭೂ ಸುಧಾರಣಾ ಮಸೂದೆಯನ್ನು ಸ್ವತಃ ರಚಿಸಿದರು. ಡಿಸೆಂಬರ್ 23, 1978 ರಂದು, ಅವರು ಕಿಸಾನ್ ಟ್ರಸ್ಟ್ ಅನ್ನು ಸ್ಥಾಪಿಸಿದರು - ರಾಜಕೀಯೇತರ, ಲಾಭೋದ್ದೇಶವಿಲ್ಲದ ಸಂಸ್ಥೆ - ಅನ್ಯಾಯದ ವಿರುದ್ಧ ಭಾರತದ ಗ್ರಾಮೀಣ ಜನತೆಗೆ ಶಿಕ್ಷಣ ನೀಡುವ ಮತ್ತು ಅವರಲ್ಲಿ ಒಗ್ಗಟ್ಟನ್ನು ಬೆಳೆಸುವ ಉದ್ದೇಶದಿಂದ ಚೌಧರಿ ಚರಣ್ ಸಿಂಗ್ ಅವರು ಅಲ್ಪಾವಧಿಗೆ ಪ್ರಧಾನಿಯಾಗಿ ಭಾರತೀಯ ರೈತರ ಕಲ್ಯಾಣಕ್ಕಾಗಿ ಶ್ರಮಿಸಿದರು. ಇದು ಮಾತ್ರವಲ್ಲದೆ ಅವರು ರೈತರಿಗಾಗಿ ಹಲವಾರು ಯೋಜನೆಗಳನ್ನು ಪರಿಚಯಿಸಿದರು. ಈ ದಿನವನ್ನು ಹೇಗೆ ಆಚರಿಸಲಾಗುತ್ತದೆ?

• ರೈತರ ಅನುಕೂಲಕ್ಕಾಗಿ ಸರ್ಕಾರ ಹೊಸ ನೀತಿಗಳನ್ನು ಪ್ರಕಟಿಸುತ್ತದೆ.

• ಕಿಸಾನ್ ಸೆಮಿನಾರ್‌ಗಳನ್ನು ವಿಭಾಗೀಯ, ಜಿಲ್ಲಾ ಮತ್ತು ಬ್ಲಾಕ್ ಮಟ್ಟದಲ್ಲಿ ಆಯೋಜಿಸಲಾಗಿದೆ.

• ಕೃಷಿ ಅಧಿಕಾರಿಗಳು ಮತ್ತು ಕೃಷಿ ವಿಜ್ಞಾನಿಗಳು ಇಂತಹ ಕಾರ್ಯಗಳಲ್ಲಿ ರೈತರಿಗೆ ಹೊಸ ದತ್ತಾಂಶವನ್ನು ತಿಳಿಸುತ್ತಾರೆ.

• ರೈತರ ವಿಚಾರ ಸಂಕಿರಣಗಳನ್ನು ವಿವಿಧ ಕೃಷಿ ವಿಜ್ಞಾನ ಸ್ಥಳಗಳು ಮತ್ತು ಕೃಷಿ ಜ್ಞಾನ ಸ್ಥಳಗಳಲ್ಲಿ ನಡೆಸಲಾಗುತ್ತದೆ.

• ಜಿಲ್ಲಾ ಗ್ರಾಮೀಣಾಭಿವೃದ್ಧಿ ಸಂಸ್ಥೆ ಕೃಷಿ ಮತ್ತು ಗ್ರಾಮೀಣಾಭಿವೃದ್ಧಿಯ ಹಲವಾರು ಅಂಶಗಳ ಕುರಿತು ವಿಚಾರ ಸಂಕಿರಣಗಳು, ಉತ್ಸವಗಳು ಮತ್ತು ಪ್ರದರ್ಶನಗಳನ್ನು ನಡೆಸುತ್ತದೆ. ಕೃಷಿ ವಿಮಾ ಯೋಜನೆಗಳ ಬಗ್ಗೆ ರೈತರಿಗೆ ಶಿಕ್ಷಣ: ರೈತರ ಆರ್ಥಿಕ ಸ್ಥಿತಿಯನ್ನು ಉನ್ನತೀಕರಿಸಲು ಭಾರತ ಸರ್ಕಾರ ವಿವಿಧ ಯೋಜನೆಗಳನ್ನು ರೂಪಿಸುತ್ತಿದೆ. ಸಾಮಾನ್ಯವಾಗಿ, ರೈತರ ಪಾತ್ರ ಮತ್ತು ಆರ್ಥಿಕತೆಗೆ ಅವರು ನೀಡುವ ಕೊಡುಗೆಗಳ ಬಗ್ಗೆ ಜನರಿಗೆ ಅರಿವು ಮೂಡಿಸಲು ದೇಶಾದ್ಯಂತ ಜಾಗೃತಿ ಅಭಿಯಾನಗಳನ್ನು ಆಯೋಜಿಸಲಾಗಿದೆ. ವಿದೇಶಗಳಲ್ಲಿ ರೈತರ ದಿನಾಚರಣೆ ಘಾನಾದಲ್ಲಿ : ಘಾನಾದಲ್ಲಿ ರಾಷ್ಟಿçÃಯ ರೈತ ದಿನಾಚರಣೆ ರೈತರು ಮತ್ತು ಮೀನುಗಾರರ ವಾರ್ಷಿಕ ಆಚರಣೆಯು ನಡೆಯುತ್ತದೆ. ಇದನ್ನು ಡಿಸೆಂಬರ್ ಮಾಹೆಯ ಮೊದಲ ಶುಕ್ರವಾರ ಆಚರಿಸಲಾಗುತ್ತದೆ. ರೈತರ ದಿನದಂದು, ಆಹಾರ ಮತ್ತು ಕೃಷಿ ಸಚಿವಾಲಯ (ಘಾನಾ) ಅರ್ಹ ರೈತರು ಮತ್ತು ಮೀನುಗಾರರಿಗೆ ಅವರ ಅಭ್ಯಾಸಗಳು ಮತ್ತು ಉತ್ಪಾದನೆಯ ಆಧಾರದ ಮೇಲೆ ವಿಶೇಷ ಪ್ರಶಸ್ತಿಗಳನ್ನು ನೀಡಿ ಗೌರವಿಸುತ್ತದೆ. ಪಾಕಿಸ್ತಾನದಲ್ಲಿ : ಪಾಕಿಸ್ತಾನದಲ್ಲಿ ರಾಷ್ಟಿçÃಯ ರೈತ ದಿನಾಚರಣೆಯನ್ನು ಕಿಸಾನ್ ದಿನ ಎಂದೂ ಕರೆಯುತ್ತಾರೆ, ದೇಶದ ಇತಿಹಾಸದಲ್ಲಿ ಮೊದಲ ಬಾರಿಗೆ 2019 ರ ಡಿಸೆಂಬರ್ 18 ರಂದು ಇಸ್ಲಾಮಾಬಾದ್‌ನಲ್ಲಿ ಆಚರಿಸಲಾಯಿತು. ಇದನ್ನು ಆಗಿನ ಪ್ರಧಾನಿ ಇಮ್ರಾನ್ ಖಾನ್ ಸಹಾ ಒಪ್ಪಿಕೊಂಡರು. ಪಾಕಿಸ್ತಾನದ ಪ್ರಮುಖ ರಸಗೊಬ್ಬರ ಉತ್ಪಾದನಾ ಕಂಪನಿ ಫಾತಿಮಾ ಗ್ರೂಪ್ ಈ ಯೋಜನೆಯನ್ನು ಡಿಸೆಂಬರ್ 18, 2019 ರಂದು ಇಸ್ಲಾಮಾಬಾದ್‌ನಲ್ಲಿ ನಡೆದ ವಿಶೇಷ ಕಾರ್ಯಕ್ರಮದಲ್ಲಿ ಪಾಕಿಸ್ತಾನದ ಮೊದಲ ರೈತರ ದಿನಾಚರಣೆಯನ್ನು ಆಚರಿಸುವಾಗ ರೈತ ಕಲ್ಯಾಣ ಮತ್ತು ಸಮೃದ್ಧಿಯನ್ನು ಉತ್ತೇಜಿಸುವ ಪರವಾಗಿ ಪ್ರಸ್ತಾಪಿಸಿತ್ತು. ಅಮೇರಿಕಾ ಸಂಯುಕ್ತ ಸಂಸ್ಥಾನ : ಅಮೆರಿಕಾದಲ್ಲಿ, ಇದನ್ನು ಪ್ರತಿವರ್ಷ ಅಕ್ಟೋಬರ್ 12 ರಂದು ಆಚರಿಸಲಾಗುತ್ತದೆ. ಅಂದು ಎಲ್ಲಾ ರೈತರಿಗೆ ಗೌರವ ಸಲ್ಲಿಸಲು ಇದನ್ನು ಆಚರಿಸಲಾಗುತ್ತದೆ.

ಕೊಡಗಿನ ಅಪರೂಪದ ರುದ್ರಾಕ್ಷಿ

2025-01-01T02:25:00.000-08:00

ಚೆಟ್ಟಳ್ಳಿಯ ಅಯ್ಯಂಡ್ರ ಗಿರೀಶ್ ಕುಮಾರ್ ಬೆಳೆಸಿದ ಕೊಡಗಿನ ಅಪರೂಪದ ರುದ್ರಾಕ್ಷಿ

ಚೆಟ್ಟಳ್ಳಿ: ಶಿವನ ಕೊರಳಲ್ಲಿರುವ ರುದ್ರಾಕ್ಷಿಮಣಿಗಳು ಯಾರಿಗೆ ತಾನೆ ತಿಳಿಯದು. ದೈವಸ್ವರೂಪವೆಂದು ಆರಾಧಿಸುವ ಭಕ್ತರು ರುದ್ರಾಕ್ಷಿಯನ್ನು ಭಕ್ತಿ ಪೂರಕವಾಗಿ ಧರಿಸಿ ಪೂಜಿಸುವ ಸಂಪ್ರದಯವಿದೆ. ಇಂತಹ ವಿಶೇಷತರವಾದ ಅಪರೂಪದ ರುದ್ರಾಕ್ಷಿ ಮರವನ್ನು ಮಡಿಕೇರಿ ಸಮೀಪದ ಚೆಟ್ಟಳ್ಳಿಯ ಅಯ್ಯಂಡ್ರ ಗಿರೀಶ್ ಕುಮಾರ್ ತನ್ನ ಮನೆಯ ಅಂಗಳದಲ್ಲಿ ನೆಟ್ಟು ಬೆಳೆಸಿ ಕಾಯಿಯನ್ನು ಸಂಗ್ರಹಿಸುತ್ತಿದ್ದಾರೆ. ಹಿಮಾಚ್ಚಾದಿತ ಪರ್ವತ ಶ್ರೇಣಿಗಳಲ್ಲಿ, ನೇಪಾಳದಲ್ಲಿ ಕಂಡುಬರುವ ರುದ್ರಾಕ್ಷಿಯನ್ನು ಕೊಡಗಿನ ವಾತಾವರಣದಲ್ಲಿ ಬೆಳೆಯಲಾಗು ತಿದೆಂದರೆ ಆಶ್ಚರ್ಯವಾಗ ಬಹುದು..!!! ಭಾರತದ ಸಂಬಾರ ಮಂಡಳಿಯಲ್ಲಿ ಸೇವೆ ಸಲ್ಲಿಸಿದಂತ ನಿವ್ರತ್ತ ಅಧಿಕಾರಿ ಗಿರೀಶ್ ಕುಮಾರ್‌ರವರು ಸುಮಾರು ೧೪ವರ್ಷಗಳ ಹಿಂದೆ ಅರುಣಾಚಲ ಪ್ರದೇಶದಲ್ಲಿ ಸೇವೆಯಲ್ಲಿದಾಗ ಅಲ್ಲಿ ಬೆಳೆಯಲಾಗುತಿದ್ದ ರುದ್ರಾಕ್ಷಿಯ ಗಿಡವನ್ನು ತನ್ನ ಉತ್ತರ ಕೊಡಗಿನ ಚೆಟ್ಟಳ್ಳಿಯ ಮನೆ ಮುಂದಿನ ಕಾಫಿತೋಟದ ಬದಿಯಲ್ಲಿ ನೆಟ್ಟು ಪೋಷಿಸ ತೊಡಗಿದ್ದರು. ನೋಡುನೋಡುತಿದ್ದಂತೆ ಬೆಳೆದು ಸುಮಾರು ೬ವರ್ಷಗಳಲ್ಲಿ ಹೂವಾಗಿ ಕಾಯಾಗತೊಡಗಿತ್ತು. ವರ್ಷದ ಜೂನ್, ಜುಲೈನಲ್ಲಿ ಮೊದಲಫಸಲು ನವೆಂಬರ್ ಡಿಸಂರ‍್ನಲ್ಲಿ ಎರಡನೇ ಫಸಲಾತತೊಡಗಿತ್ತು. ೧೫ವರ್ಷಗಳಲ್ಲಿ ಸುಮಾರು ೩೫ರಿಂದ ೪೦ ಅಡಿ ಎತ್ತರದ ಹೆಮ್ಮರವಾಗಿ ಕಪ್ಪುಮಿಶ್ರಿತ ದುಂಡಗಿನ ಸಣ್ಣಸಣ್ಣ ಕಾಯಿಗಳು ಬೆಳೆದು ಬೀಳತೊಡಗಿದವು. ಅವನೆಲ್ಲ ಹೆಕ್ಕಿತಂದು ನೀರಿನಲ್ಲಿಟ್ಟು ಸಿಪ್ಪೆತೆಗೆದು ತೊಳೆದು ರುದ್ರಾಕ್ಷಿ ಕಾಯಿಗಳನ್ನು ಸಂಗ್ರಹಿಸುತಿದ್ದಾರೆ. ಪಂಚಮುಖಿಯ ಕಾಯಿಗಳೇ ಹೆಚ್ಚಾಗಿದ್ದು ೮ರಿಂದ೧೨ರಡು ಮುಖದ ಕಾಯಿ(ಮಣಿ)ಗಳು ಅಪರೂಪವಾಗಿ ದೊರೆತಿವೆ.ವಿಶೇಷ ಪಟ್ಟ ಗೌರಿಶಂಕರ ವೆಂಬ ಜೋಡಿ ರುದ್ರಾಕ್ಷಿ ಕಾಯಿ ಒಂದು ದೊರೆತಿದ್ದು ದೇವರ ನೆಲೆಯಲ್ಲಿಟ್ಟು ಪೂಜಿಸಲಾಗುತಿದೆ. ಏಕಮುಖ, ದ್ವಿಮುಖ, ತ್ರಿಮುಖ, ಚುರ್ತುರ್ ಮುಖಿ, ಪಂಚಮುಖಿ, ಷಷ್ಠತಮುಖಿ, ಸಪ್ತಮುಖಿ, ಅಷ್ಟಮುಖಿ, ನವಮುಖಿ, ದಶಮುಖಿ, ಏಕದಶಮುಖಿ, ದ್ವಾಸಶಾಮುಖಿ, ತ್ರಯೋದಶಿಮುಖಿ, ಚರ್ತುಮುಖಿ ವಿಶೇಷಪಟ್ಟ ಹೆಸರಿನಕಾಯಿಯ ಗುಣಲಕ್ಷಣದ ಮೇರೆ ೧೫ರೂಪಾಯಿಯಿಂದ ಸಾವಿರಗಟ್ಟಲೆ ಬೆಲೆಬಾಳುವ ರುದ್ರಾಕ್ಷಿಗಳು ದಕ್ಷಿಣ ಭಾರತದಲ್ಲಿ ಅಪರೂಪ ಜೊತೆಗೆ ಫಸಲು ಬಿಡುವುದಂತೂ ಇನ್ನೂ ಅಪರೂಪ. ಸಂಗ್ರಹಿಸಿದ ಶಿವನಿಗೆ ಪ್ರಿಯವಾದ ಈ ರುದ್ರಾಕ್ಷಿ ಕಾಯಿಗಳನ್ನು ಕೊಡಗಿನ ನಾನಾ ಶಿವಾದೇವಾಯಲಕ್ಕೆ, ಶ್ರೀ ಧರ್ಮಸ್ಥಳ ಮಂಜುನಾಥ ದೇವಾಲಯಕ್ಕೆ ಶಿವಾರಾಧನ ಮಠಗಳಿಗೆ ಕಾಯಿ ನೀಡಿದ್ದು ಹಾಗು ಕೊಡಗಿನ ಕೆದಕಲ್ಲö್ನ ಭದ್ರಕಾಳಿ ದೇವಾಲಯಕ್ಕೆ ಇಗ್ಗುತಪ್ಪ ದೇವಾಲಯಕ್ಕೆ, ಮದೆನಾಡಿನ ಮದೆಮಹದೇಶ್ವರ ದೆವಾಲಯಕ್ಕೆ ಗಿಡಗಳನ್ನು ನೀಡಲಾಗಿದೆಂದು ಅಯ್ಯಂಡ್ರ ಗಿರೀಶ್ ಹೇಳುತ್ತಾರೆ. ರುದ್ರಾಕ್ಷಿ ಕಾಯಿಗಳನ್ನು ತಂದು ಮಣಿಗಳಾಗಿ ಪೋಣಿಸಿ ಮಾಲೆಯಾಗಿಸಿ ದೇವರ ನೆಲೆಯಲ್ಲಿಟ್ಟು ನಿತ್ಯದ ಜಪಕ್ಕೆ ಬಳಸಲಾಗುತಿದ್ದು ಕುಟುಂಬಕ್ಕೆ ಉತ್ತಮ ಫಲ ಜೊತೆಗೆ ಧರಿಸಿದರೆ ಒಳ್ಳೆಯದಾಗುವುದೆಂಬ ನಂಬಿಕೆಯೊAದಿಗೆ ಕುಟುಂಬದವರಲ್ಲರು ಲಾಕೆಟ್ ಮಾಡಿ ಧರಿಸಿದ್ದ ಬಗ್ಗೆ ಪತ್ನಿ ಹೇಳುತ್ತಾರೆ. ಕ್ರಷಿಯ ಬಗ್ಗೆ ಆಸಕ್ತಿಹೊಂದಿರುವ ಗಿರೀಶ್‌ರವರು ತೋಟದಲ್ಲಿ ಮೂರು ರುದ್ರಾಕ್ಷಿ ಗಿಡಗಳನ್ನು ನೆಟ್ಟು ಪೋಶಿಸುತಿರುವ ಜೊತೆಗೆ ಜಾಯಿಕಾಯಿ, ಅಂಜುರ(ಫಿಗ್) ನಾನಾ ವಿಧದ ಸುಗಂಧ ದ್ರವ್ಯದ ಮರಗಳು,ಕಾಚಂಪುಳಿಯAತಹ ಹಲವು ಬಗೆಯ ಮರಗಳನ್ನು ನೆಟ್ಟಿದ್ದಾರೆ. ರುದ್ರಾಕ್ಷಿ ಕಾಯಿಯಲ್ಲಿ ವಿಶೇಷ ಪಟ್ಟ ಔಷಧಿಯ ಗುಣ ಇರುವುದರಿಂದ ಬೋಂಬೆಯ ಮಹೇಶ್‌ಗೋಡ್ ಬೇಲ್ ಎಂಬವರು ಗಿರೀಶ್ ರವರನ್ನು ಸಂಪರ್ಕಿಸಿ ಕಾಯಿಗಳನ್ನು ಕಳುಸಿಕೊಡಬೇಕೆಂದು ಬೇಡಿಕೆ ಇಟ್ಟಮೇರೆಗೆ ಕಳುಸಿದ್ದಾರೆ. ಮನೆಯಲ್ಲಿ ಸಂಗ್ರಹಿಸಿಟ್ಟ ಕಾಯಿಗಳನ್ನು ಬಂಧನೆಟ್ಟರಿಷ್ಟರಿಗೆಲ್ಲ ನೀಡುತಿರುವ ಬಗ್ಗೆ ಹೇಳುತ್ತಾರೆ. ಹೆಚ್ಚಿನ ಮಹಿತಿಗಾಗಿ ೯೪೪೮೦೪೫೪೯೭ ಸಂಪರ್ಕಿಸ ಬಹುದು. -ಪುತ್ತರಿರ ಕರುಣ್ ಕಾಳಯ್ಯ, ಪಪ್ಪುತಿಮ್ಮಯ್ಯ

ಆರೋಗ್ಯದ ದೃಷ್ಟಿಯಲ್ಲಿ ಸಾವಯವ ಕೃಷಿ ಪದ್ಧತಿ-ಡಾ || ಗ್ರೀಷ್ಮಾ ಗೌಡ ಆರ್ನೋಜಿ

2024-09-25T15:55:00.000-07:00

ಡಾ || ಗ್ರೀಷ್ಮಾ ಗೌಡ ಆರ್ನೋಜಿ ವೈದ್ಯರು,ಸಂಪೂರ್ಣ ಪಾಲಿಕ್ಲಿನಿಕ್ ಕಡಬ 'ನಮ್ಮ ಆರೋಗ್ಯ ನಮ್ಮ ಕೈಯಲ್ಲಿದೆ', ಎಂಬ ಮಾತಿದೆ.ಅದರಂತೆ, ನಾವು ಹೇಗೆ ನಮ್ಮ ದೇಹವನ್ನು ನೋಡಿಕೊಳ್ಳುತ್ತೇವೆಯೋ,ಹಾಗೆ ನಮಗೆ ಬರುವ ರೋಗಗಳನ್ನು ತಡೆಯ ಬಹುದು.ಸರಿಯಾದ ಆಹಾರ ಪದ್ಧತಿ, ವ್ಯಾಯಾಮ,ವಿಶ್ರಾಂತಿ,ನಿದ್ದೆ,ಒಳ್ಳೆಯ ಆಚಾರ-ವಿಚಾರಗಳನ್ನು ಪಾಲಿಸುವುದು ಇವೆಲ್ಲ ಸದೃಢ ಆರೋಗ್ಯಕ್ಕೆ ಸುಲಭ ಮಾರ್ಗ.ಉತ್ತಮ ಆಹಾರ ಪದ್ಧತಿ ಅಂದಾಗ ಬರಿ ಅಡುಗೆ ಮನೆಗೆ ಸಂಬಂಧ ಪಟ್ಟಿದ್ದಲ್ಲ.ಆಹಾರ ಪದಾರ್ಥಗಳು ಎಲ್ಲಿಂದ ಬಂತು ಹಾಗೂ ಅವುಗಳನ್ನು ಹೇಗೆ ಬೆಳೆಸಲಾಯಿತು ಎಂಬುದರ ಬಗ್ಗೆ ಯೋಚಿಸಬೇಕು. ರೈತರು ಉತ್ತಮ ಇಳುವರಿಗೆ ರಾಸಾಯನಿಕ ರಸ ಗೊಬ್ಬರಗಳು, ಕಳೆನಾಶಕ ,ವಿಷಪೂರಿತ ಕೀಟನಾಶಕಗಳನ್ನು ಬಳಸುತ್ತಾರೆ.ಇದರಿಂದಾಗಿ, ಮಾರಣಾಂತಿಕ ರೋಗಗಳು ಬರುತ್ತವೆ. ಸಸ್ಯದ ಬೆಳವಣಿಗೆಯನ್ನು ಹೆಚ್ಚಿಸಲು ನೈಟ್ರೋಜನ್, ಪಾಸ್ಫರಸ್, ಫೋಟೋಸ್ ಗಳನ್ನು ಹೊಂದಿದ ರಾಸಾಯನಿಕ ರಸಗೊಬ್ಬರಗಳನ್ನು ಬಳಸುತ್ತಾರೆ.ಇದು ಕುಡಿಯುವ ನೀರನ್ನು ಕಲುಷಿತಗೊಳಿಸುತ್ತದೆ. ಜೊತೆಗೆ,ನೀರಲ್ಲಿದ್ದ ಜಲಚರಗಳನ್ನು ನಾಶ ಮಾಡಿ ವಿಷಪೂರಿತ ಸಸ್ಯಗಳು ಬೆಳೆಯುವಂತೆ ಮಾಡುತ್ತದೆ.ಇದು ಮನುಷ್ಯ ಹಾಗೂ ಪ್ರಾಣಿಗಳ ಆರೋಗ್ಯದ ಮೇಲೆ ಪ್ರಭಾವ ಬೀರುತ್ತದೆ. ಕೀಟನಾಶಕಗಳು ಕೃಷಿಗೆ ಬರುವ ಹುಳ-ಉಪ್ಪಟೆಗಳನ್ನು ನಾಶಮಾಡುತ್ತದೆ.ಅದೇ ಕೀಟನಾಶಕ ಗಳನ್ನು ಬಳಸಿದ ಹಣ್ಣು,ತರಕಾರಿಗಳನ್ನು ನಾವು ತಿಂದರೆ ಕ್ಯಾನ್ಸರ್, ನರಮಂಡಲಕ್ಕೆ ಸಂಬಂಧಿಸಿದ ಕಾಯಿಲೆಗಳು,ಬಂಜೆತನ, ಬೆಳವಣಿಗೆ ಕುಂಟಿತಗೊಳ್ಳುವ ಸಮಸ್ಯೆಗಳು ಉಂಟಾಗುತ್ತದೆ. ಈಗ ನಾನಾ ರೀತಿಯ ಕಳೆ ನಾಶಕಗಳು ಮಾರುಕಟ್ಟೆಯಲ್ಲಿ ದೊರೆಯುತ್ತದೆ. ಇದನ್ನು ಸಿಂಪಡಿಸಿದರೆ ಎರಡು ದಿನದಲ್ಲಿ ಹುಲ್ಲು ಸುಟ್ಟು ಹೋಗುತ್ತದೆ.ಇದರಲ್ಲಿ ಬಳಸುವ ಗ್ಯೆಫಾಸೆಟ್ ಎಂಬ ರಾಸಾಯನಿಕ ವಸ್ತು ಕ್ಯಾನ್ಸರ್ ಕಾರಕವಾಗಿದೆ.ಜೊತೆಗೆ,ದೇಹದ ಹಾರ್ಮೋನ್ ಸಮಸ್ಯೆ,ಬಂಜೆತನ,ಬುದ್ಧಿಮಾಂದ್ಯತೆ, ಬೆಳವಣಿಗೆಯ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಇದನ್ನೆಲ್ಲ ನೋಡಿದಾಗ ನಮಗೆ ಅನಿಸುವುದು ಒಂದೆ, ನಾವು ದಿನನಿತ್ಯ ಸೇವಿಸುವುದು ವಿಷಪೂರಿತ ಆಹಾರವೇ?. ಹೇಗೆ ನಾವು ಇದರಿಂದ ಹೊರಬಂದು ಸ್ವಚ್ಛ ಆಹಾರ ಪದಾರ್ಥಗಳನ್ನು ಸೇವಿಸುವ ಎಂದು. ಅದಕ್ಕೆ ಇರುವುದು ಒಂದೇ ದಾರಿ ಸಾವಯವ ಕೃಷಿ. ಸಾವಯವ ಕೃಷಿ ಎಂದರೆ ಸುಸ್ಥಿರತೆ, ಜೀವವೈವಿಧ್ಯ ಮತ್ತು ಪರಿಸರ ಸಮತೋಲನಕ್ಕೆ ಒತ್ತು ನೀಡುವ ಕೃಷಿ ವಿಧಾನ. ಪ್ರಾಣಿಗಳ ಗೊಬ್ಬರ,ದನದ ಹಟ್ಟಿಗೊಬ್ಬರ,ಜೀವಾಮೃತ ಅಥವಾ ನೈಸರ್ಗಿಕ ತ್ಯಾಜ್ಯಗಳನ್ನು ಉಪಯೋಗಿಸಿ ಮಾಡುವ ಕೃಷಿ ಪದ್ಧತಿ.ಇದರಲ್ಲಿ,ಜೈವಿಕ ಕೀಟ ನಿಯಂತ್ರಣ,ಸರದಿ ಬೆಳೆ,ಮಣ್ಣಿನ ಫಲವತ್ತತೆಯನ್ನು ಕಾಪಾಡಲು ಹೆಚ್ಚು ಕಾಳಜಿ ವಹಿಸುತ್ತದೆ. *ನಮ್ಮ ಆರೋಗ್ಯದ ಮೇಲೆ ಸಾವಯವ ಕೃಷಿಯ ಆಹಾರದ ಪ್ರಯೋಜನಗಳೇನು* * ಪ್ರತಿಯೊಬ್ಬರ ಮನೆಯ ಸುತ್ತಲು ಒಂದು ಸಣ್ಣ ಕೈತೋಟ ಮಾಡಿದರೆ, ತಮ್ಮ ದಿನನಿತ್ಯಕ್ಕೆ ಬೇಕಾದ ತರಕಾರಿ, ಸೊಪ್ಪು, ಹಣ್ಣು-ಹಂಪಲುಗಳನ್ನು ತಾವೇ ಬೆಳೆಸಬಹುದು. ಈ ರೀತಿ ಬೆಳೆದ ಆಹಾರ ಉತ್ಪನ್ನಗಳಲ್ಲಿ ದೇಹಕ್ಕೆ ಬೇಕಾದ ಜೀವ ಸತ್ವಗಳು, ಖನಿಜಾಂಶಗಳು ಸರಿಯಾದ ಪ್ರಮಾಣದಲ್ಲಿ ದೊರೆಯುತ್ತದೆ.ಇದು, ದೇಹದಲ್ಲಿ ರೋಗನಿರೋಧಕ ಶಕ್ತಿಗಳನ್ನು ಹೆಚ್ಚಿಸುತ್ತದೆ ಹಾಗೂ ದೈಹಿಕ ಮತ್ತು ಮಾನಸಿಕ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. * ಸಾವಯವ ಕೃಷಿಯಲ್ಲಿ ಯಾವುದೇ ಹಾರ್ಮೋನ್ ಗಳು ಅಥವಾ ರಾಸಾಯನಿಕ ಗಳನ್ನು ಬಳಸದ ಕಾರಣ ಆರೋಗ್ಯದ ಮೇಲೆ ಯಾವುದೇ ಅಡ್ಡ ಪರಿಣಾಮಗಳಾಗುವುದಿಲ್ಲ * ಸಾವಯವ ಕೃಷಿಯಿಂದ ಬೆಳೆದ ಆಹಾರ ಉತ್ಪನ್ನ ಗಟ್ ಬ್ಯಾಕ್ಟೀರಿಯಾವನ್ನು ಹೆಚ್ಚಿಸುವುದರಿಂದ ಜೀರ್ಣಾಂಗವ್ಯೂಹದ ಆರೋಗ್ಯ ವನ್ನು ಕಾಪಾಡುತ್ತದೆ. * ಸಾವಯವ ಕೃಷಿಯಿಂದ ನಮಗೆ ಬೇಕಾದ ಋತುಕಾಲಿಕ ಆಹಾರಗಳು ದೊರೆಯುತ್ತವೆ. ಇದು ನಮಗೆ ಆ ಋತುವಿನ ಆರೋಗ್ಯವನ್ನು ಕಾಪಾಡುತ್ತದೆ.ಜೊತೆಗೆ,ಸ್ಥಾನಿಕ ಆಹಾರ ಉತ್ಪನ್ನ ಸಿಗುತ್ತದೆ.ಇದು,ನಮ್ಮ ದೇಹದಲ್ಲಿ ಕೊರತೆ ಇರುವ ಜೀವಾಂಶವನ್ನು ಒದಗಿಸುತ್ತದೆ. * ನೈಸರ್ಗಿಕ ಕೃಷಿಯಲ್ಲಿ ದನ-ಕರುಗಳನ್ನು ಗುಡ್ಡೆಗೆ ಮೇಯಲು ಬಿಡುವುದರಿಂದ ಆ ದನದ ಹಾಲು, ಸಂಸ್ಕರಿಸಿದ ಹಾಲಿನಲ್ಲಿ ಕೊರತೆ ಇರುವ ವಿಟಮಿನ್ ಡಿ ಅಂಶವನ್ನು ಒದಗಿಸುತ್ತದೆ. ಸಾವಯವ ಕೃಷಿ ಉತ್ಪನ್ನಗಳು ಆರೋಗ್ಯ ದೃಷ್ಟಿಯಿಂದ ಎಷ್ಟು ಉಪಯುಕ್ತವೋ, ಈ ರೀತಿಯ ಕೃಷಿ ಪದ್ಧತಿ ಪರಿಸರದ ಸಮತೋಲನಕ್ಕೆ ಅಷ್ಟೇ ಉಪಕಾರಿಯಾಗಿದೆ. ಹಾಗಾಗಿ,ಆದಷ್ಟು ನೈಸರ್ಗಿಕ ಕೃಷಿ ಪದ್ಧತಿಯನ್ನು ಪಾಲಿಸೋಣ ಹಾಗೂ ಮುಂದಿನ ಪೀಳಿಗೆಗೆ ಆರೋಗ್ಯಯುಕ್ತ ಕೃಷಿ ಭೂಮಿಯನ್ನು ಒದಗಿಸೋಣ.

ಕುಕ್ಕೆ ಸುಬ್ರಮಣ್ಯ ದಲ್ಲಿ "ಮಿಯಾವಕಿ" ವನ ಆರಂಭ-ರೋಟರಿ ಕ್ಲಬ್ ಸುಬ್ರಮಣ್ಯ ದಿಂದ

2024-09-12T21:35:00.000-07:00

ಬರಹ :ಷಣ್ಮುಖ ಕಟ್ಟ,ಅಗ್ರಿಕಲ್ಚರ್ ಡೆಸ್ಕ್

ನಿನ್ನೆ (12 .9 .24) ಕುಕ್ಕೆ ಸುಬ್ರಮಣ್ಯ ದಲ್ಲಿ "ಮಿಯಾವಕಿ" ವನ ಆರಂಭಕ್ಕೆ ಹೋಗಿದ್ದೆ .ರೋಟರಿ ಕ್ಲಬ್ ಸುಬ್ರಮಣ್ಯ ಮತ್ತು ಇತರ ಸಂಘ ಸಂಸ್ಥೆಗಳ ಮುಂದಾಳುವತ್ವ ದಲ್ಲಿ ನಡೆದಿತ್ತು .ಸಂಪನ್ಮೂಲ ವಕ್ತಿ ಯಾಗಿ ಶ್ರೀ ಕೆ ಮಹೇಶ್ shenoy ರವರು ದೂರದ ಕಟಪಾಡಿ ಉಡುಪಿನಿಂದ ಬಂದಿದ್ದರು .ಸುಬ್ರಮಣ್ಯ ಕೆ. ಸ್. ಸ್. ಡಿಗ್ರಿ ಕಾಲೇಜು ವಿದ್ಯಾರ್ಥಿ ಗಳು ಸ್ವಯಂಸೇವಕರಾಗಿ ಪಾಲ್ಗೊಂಡರು .ಮಹೇಶ್ shenoy ರವರು ಮಿಯಾವಕಿ ಅರಣ್ಯ ತಜ್ಞ ರಾಗಿದ್ದು ಕರ್ನಾಟಕ ದಾದ್ಯಂತ ಹಲವಾರು ಮಿಯಾವಕಿ ಕಾಡುಗಳನ್ನು ನಿರ್ಮಿಸಿದ್ದಾರೆ .ಮಹೇಶ್ shenoy ರವರ ಪರಿಸರ ದ ಬಗ್ಗೆ ಭಾಷಣ ಕೇಳಿ ಮೈ ರೋಮಾಂಚನ ಆಯಿತು .ಮಹೇಶ್ shenoy ರವರು online ನಲ್ಲಿ "ಮಾರ್ನಿಂಗ್ ಮಿರಾಕಲ್ " ಎಂಬ ಕಾನ್ಸೆಪ್ಟ್ ನಲ್ಲಿ ಕ್ಲಾಸ್ ಕೊಡುತಾರೆ . ಬೆಳಿಗ್ಗೆ ಬೇಗ ಬ್ರಾಹ್ಮೀ ಮುಹೂರ್ತ ದಲ್ಲಿ ಎದ್ದೇಳಿದರೆ ಜೀವನದಲ್ಲಿ ಏನಾದರೂ ಸಾಧಿಸಬಹುದು ಎಂದು ಇವರ ಕಾನ್ಸೆಪ್ಟ್ .ಇವರ ತರಗತಿ ಇಂದ ಪ್ರೇರಿಪಿತರಾಗಿ ಹಲವಾರು ಜೀವನದಲ್ಲಿ ಸಾಧನೆ ಮಾಡಿದ್ದಾರೆ .ಇಂತಹ ವ್ಯಕ್ತಿಯ ಪರಿಚಯ ವಾದದ್ದು ನನ್ನ ಸೌಭಾಗ್ಯ .ಸುಬ್ರಮಣ್ಯ ರೋಟರಿ ಕ್ಲಬ್ ನ ಇಂತಹ ಪರಿಸರ ಕಾಳಜಿಯ ಕೆಲಸ ಅಭಿನಂದನೆಗೆ ಅರ್ಹ .ಯಾವುದೇ ಪ್ರಚಾರ ಬಯಸದೆ ಸುಬ್ರಮಣ್ಯ ರೋಟರಿ ಕ್ಲಬ್ ಇಂತಹ ಹಲವಾರು ಸಮಾಜ ಕಾರ್ಯ ಕೆಲಸಗಳನ್ನು ಮಾಡಿದೆ ಮತ್ತು ಮಾಡುತ್ತಿದೆ ."ಮಿಯಾವಕಿ " ಬಗ್ಗೆ ಮಾಹಿತಿ ಮತ್ತು ನಾನ ುಕೂಡಾ ಗಿಡನೆಡುವ ಕಾರ್ಯ ದಲ್ಲಿ ಪಾಲ್ಗೊಂಡದ್ದು ನೆನಪಿನಲ್ಲಿ ಅಚ್ಚಳಿಯದಂತೆ ಇರುವbಸಂತೋಷದ ವಿಷಯ -------------------------------------------------------------------------------------------

ವಿಷಯ .ಜಪಾನ್‌ ಮೂಲದ ʻಮಿಯಾವಾಕಿ ಫಾರೆಸ್ಟ್‌ʼ(From Facebook)

ನಾಗೇಶ್ ಹೆಗ್ಡೆ

ಇಪ್ಪತ್ತು ವರ್ಷಗಳಲ್ಲಿ ಬೆಳೆಯುವಷ್ಟು ಅರಣ್ಯವನ್ನು ಐದೇ ವರ್ಷಗಳಲ್ಲಿ, ಅಷ್ಟೇ ದಟ್ಟವಾಗಿ ನಿರ್ಮಿಸುವ ಸಾಧನೆಗೆ ʻಮಿಯಾವಾಕಿ ವಿಧಾನʼ ಎನ್ನುತ್ತಾರೆ. ಚಿಕ್ಕ ಪುಟ್ಟ (10x40ಅಡಿ) ವಿಸ್ತೀರ್ಣದಲ್ಲೂ ಇಂಥ ಅರಣ್ಯಗಳನ್ನು ಬೆಳೆಸಬಹುದು.

ಇಂದು, ಮಾರ್ಚ್‌ 21 ವಿಶ್ವ ಅರಣ್ಯ ದಿನ. ಹಿಂದೆಂದೂ ಕಾಣದಷ್ಟು ತೀವ್ರ ಮಟ್ಟದಲ್ಲಿ ಭೂಮಿ 2023ರಲ್ಲಿ ಬಿಸಿಯಾಗಿದೆ ಎಂದು ವಿಶ್ವ ಪವನವಿಜ್ಞಾನ ಸಂಸ್ಥೆ ಹೇಳಿದೆ. ತಾಪಮಾನದ ಈ ಏರಿಕೆ ಈ ವರ್ಷ ಇನ್ನೂ ಹೆಚ್ಚುತ್ತದೆ ಎಂತಲೂ ವಿಜ್ಞಾನಿಗಳು ಹೇಳುತ್ತಿದ್ದಾರೆ.

ಅದನ್ನು ತಡೆಯಲು ನಮಗೆ ಸದ್ಯದಲ್ಲಂತೂ ಸಾಧ್ಯವಿಲ್ಲ. ಆದರೆ ಸ್ವಲ್ಪ ಪ್ರಯತ್ನಪಟ್ಟರೆ ತ್ವರಿತವಾಗಿ ದಟ್ಟ ಅರಣ್ಯವನ್ನು ನಿರ್ಮಿಸಿಕೊಂಡರೆ ಅಷ್ಟರ ಮಟ್ಟಿಗೆ ನಮ್ಮ ಸಮೀಪ ತಂಪನ್ನು ಸೃಷ್ಟಿಸಬಹುದು. ಆಘಾತವನ್ನು ತಗ್ಗಿಸಿಕೊಳ್ಳಬಹುದು. ತಮ್ಮದಲ್ಲದ ತಪ್ಪಿನಿಂದ ಸಂಕಟ ಅನುಭವಿಸಬೇಕಾದ ಪ್ರಾಣಿಪಕ್ಷಿಗಳ ಸಂತತಿಯೂ ಆಶ್ರಯ ಪಡೆಯಬಹುದು. ಪ್ರಕೃತಿ ನಮಗೆ ಅಷ್ಟು ಕಾಲಾವಕಾಶವನ್ನು ನೀಡಿದೆ.

ಮಿಯಾವಾಕಿ ಅರಣ್ಯ ನಿರ್ಮಾಣದ ಕ್ರಮಗಳು ಹೀಗಿವೆ:

ಮೊದಲು ನಿಮ್ಮ ಊರಿನ ಆಸುಪಾಸಿನ ಸಹಜ ನಿಸರ್ಗದಲ್ಲಿ ಯಾವ ಯಾವ ಗಿಡಮರ ಬೆಳೆಯುತ್ತವೆ ಎಂಬುದನ್ನು ಪಟ್ಟಿ ಮಾಡಿಕೊಳ್ಳಿ.

ಅವುಗಳಲ್ಲಿ ಎತ್ತರಕ್ಕೆ ಬೆಳೆಯುವ ಮರಗಳು ಯಾವವು, ಮಧ್ಯಮ ಎತ್ತರಕ್ಕೆ ಬೆಳೆಯುವುದು ಯಾವವು ಮತ್ತು ಆಳೆತ್ತರಕ್ಕೆ ಮಾತ್ರ ಬೆಳೆಯುವ ಸಸ್ಯಗಳು ಯಾವವು ಎಂಬುದನ್ನು ಗಮನಿಸಿ. ಅವೆಲ್ಲವುಗಳ ಬೀಜಗಳನ್ನು (ಇಲ್ಲವೆ ಅಂಕುರಗಳನ್ನು ಅಥವಾ ಗಡ್ಡೆ/ಟೊಂಗೆಗಳನ್ನು) ಶೇಖರಿಸಿ ಇಟ್ಟುಕೊಳ್ಳಿ.

ಮುಂದಿನ ಹಂತದಲ್ಲಿ (ಇದು ತುಸು ಕಷ್ಟ) ನೀವು ಅರಣ್ಯ ಬೆಳೆಸಲು ಆಯ್ಕೆ ಮಾಡಿಕೊಂಡ ತಾಣದಲ್ಲಿ ಮೂರು/ನಾಲ್ಕು ಅಡಿ ಆಳವಾದ ಗುಂಡಿಯನ್ನು ತೋಡಿರಿ. ಅಥವಾ ಜೆಸಿಬಿ ಮೂಲಕ ಉದ್ದನ್ನ ಕಂದಕವನ್ನು ತೋಡಿ. ಅದರಲ್ಲಿ ಕಳಿತ ಗೊಬ್ಬರ, ತರಗೆಲೆ, ಒಣಹುಲ್ಲು ಅಥವಾ ಕೊಕೊಪಿತ್‌ನಂಥ ನಾರುಗಳನ್ನೂ ತುಸು ಮಣ್ಣನ್ನೂ ಸೇರಿಸಿ ತುಂಬಿರಿ.

ಅದರಲ್ಲಿ ಅತ್ಯಂತ ಸಾಂದ್ರವಾಗಿ, ಅಂದರೆ ಒಂದೊಂದು ಮೀಟರಿಗೆ ಎರಡು ಮೂರು ಸಸಿಗಳು ಚಿಗುರಿ ಏಳುವಂತೆ ವ್ಯವಸ್ಥೆ ಮಾಡಿ. ಅಂದರೆ ಬೀಜ/ಗಡ್ಡೆ/ ಮೊಳಕೆಗಳನ್ನು ಊರಿ, ಮುಚ್ಚಿ, ಆರಂಭದಲ್ಲಿ ನೀರುಣ್ಣಿಸಿ.

ಮಳೆಗಾಲದ ಪ್ರಾರಂಭದಲ್ಲಿ ಇದನ್ನು ಮಾಡುವುದು ಒಳ್ಳೆಯದು. ಅಥವಾ ಸಸ್ಯಗಳು ಚಿಗುರಿ ಏರುವವರೆಗೂ ನೀರುಣ್ಣಿಸಬೇಕು. ಒಂದೇ ವರ್ಗದ (ಎತ್ತರ, ಮಧ್ಯಮ ಮತ್ತು ಗಿಡ್ಡ) ಸಸ್ಯಗಳು ಒಂದರ ಪಕ್ಕ ಒಂದು ಬಾರದಂತೆ, ಮಧ್ಯೆ ಮಧ್ಯೆ ವಿಭಿನ್ನ ಎತ್ತರದವು ಏಳುವಂತೆ ಬೀಜ ನಾಟಿ ಮಾಡಿ.

ಗೊಬ್ಬರ ಮತ್ತು ಮೆದುಮಣ್ಣಿನ ಅಂಶಗಳು ಇರುವುದರಿಂದ ಅವೆಲ್ಲ ಸಸ್ಯಗಳೂ ಆಳಕ್ಕೆ ಬೇರುಗಳನ್ನು ಇಳಿಸುತ್ತ ತ್ವರಿತವಾಗಿ ಮೇಲೇರುತ್ತವೆ. ಸೂರ್ಯನ ಬೆಳಕಿಗಾಗಿ ಪೈಪೋಟಿ ಇರುವುದರಿಂದ ಹಲಸು, ಮಾವು, ನಂದಿ, ಹೊನ್ನೆಯಂಥ ಸಸ್ಯಗಳೂ ನೇರವಾಗಿ ತ್ವರಿತವಾಗಿ ಮೇಲೇಳುತ್ತವೆ. ತಕ್ಷಣ ಮೇಲಕ್ಕೆ ಏಳದಂತೆ ಕಂಡರೂ ಚಿಂತೆಯಿಲ್ಲ. ಅವು ಆಳಕ್ಕೆ ಬೇರುಗಳನ್ನು ಇಳಿಸುತ್ತಿರುತ್ತವೆ.

ಮೂರೇ ತಿಂಗಳಲ್ಲಿ ಒಂದು ಮೀಟರ್‌ಗಿಂತ ಆಳಕ್ಕೆ ಬೇರು ಇಳಿದಿರುತ್ತವೆ. ಮಣ್ಣು ಸಡಿಲ ಇರುವುದರಿಂದ ಅವಕ್ಕೆ ಉಸಿರಾಟವೂ ಸಲೀಸಾಗಿರುತ್ತದೆ. ಎಲ್ಲವೂ ಶೀಘ್ರ ಮೇಲೇಳುತ್ತವೆ. ಮೊದಲ ಮಳೆಗೇ ಅಣಬೆಗಳು ಏಳುವುದನ್ನು ಕಾಣುತ್ತೀರಿ. ಅದರ ಅರ್ಥ ಅಣಬೆಯ ಬೇರುಗಳ ಜಾಲ ನೆಲದಾಳದಲ್ಲಿ ಹಬ್ಬಿದೆ ಅಂತ. ಇನ್ನು ಚಿಂತೆ ಇಲ್ಲ. ಮಳೆ ಸಾಕಷ್ಟು ಇಲ್ಲದಲ್ಲಿ ನೀರು ಕೊಡುತ್ತಿರಿ. ತರಗೆಲೆಗಳ ದಟ್ಟ ಮುಚ್ಚಿಗೆ ಇರಲಿ. ಮೊದಲ ಎರಡು ಮೂರು ವರ್ಷ ಅಷ್ಟೆ. ಆಮೇಲೆ ಏನನ್ನೂ ಕೊಡಬೇಕಾಗಿಲ್ಲ.

ಮೊದಲ ಎರಡು ಮೂರು ವರ್ಷ ನೆಲಮಟ್ಟದಲ್ಲಿ ಸಾಕಷ್ಟು ಕಳೆ ಬೆಳೆಯಬಹುದು. ಆಗೆಲ್ಲ ಅವುಗಳನ್ನು ಕಿತ್ತು ಅಲ್ಲಲ್ಲೇ ಹರವುತ್ತಿರಿ. ಗಿಡಗಳು ಎತ್ತರಕ್ಕೆ ಬೆಳೆದು ದಟ್ಟ ನೆರಳು ಆವರಿಸುವುದರಿಂದ ಕಳೆಯ ಪ್ರಮಾಣ ಕ್ರಮೇಣ ಕಡಿಮೆಯಾಗುತ್ತದೆ. ಪ್ರಾಣಿಪಕ್ಷಿಗಳು, ಕೀಟಪತಂಗಗಳು, ಇರುವೆ ಗೆದ್ದಲುಗಳು, ಎರೆಹುಳುಗಳು ಅಲ್ಲಿಗೆ ಆಶ್ರಯಕ್ಕೆ ಬಂದು ಮುಂದೆ ಅವೇ ಅರಣ್ಯ ನಿರ್ವಹಣೆ ಮಾಡುತ್ತವೆ.

ಸಹಜ ನಿಸರ್ಗದಲ್ಲಿ ನೂರು ವರ್ಷಗಳಲ್ಲಿ ಬೆಳೆಯುವ ಅರಣ್ಯವನ್ನು ನಮ್ಮ ಯತ್ನದಿಂದ ಹತ್ತೇ ವರ್ಷಗಳಲ್ಲಿ ನಿರ್ಮಿಸಬಹುದು. ಏನನ್ನೂ ಬೆಳೆಸಲಾಗದಂಥ ದಟ್ಟ ದುಸ್ಥಿತಿಯ ತಾಣದಲ್ಲೂ ಇಂಥ ಅರಣ್ಯವನ್ನು ಬೆಳೆಸಬಹುದು.

ಮಣ್ಣಿನಲ್ಲಿ ಸತ್ವ ಏನೇನೂ ಇಲ್ಲದಿದ್ದರೂ ಕ್ರಮೇಣ ನೀವು ಇಟ್ಟ ಮುಚ್ಚಿಗೆಯಲ್ಲೇ ಸೂಕ್ಷ್ಮಾಣುಗಳು ಸಸ್ಯಗಳಿಗೆ ಪೋಷಣೆ ನೀಡುತ್ತವೆ.

ಅರಣ್ಯ ಬೆಳೆದಂತೆಲ್ಲ ಎಲೆಗಳಿಂದ ಹೊಮ್ಮುವ ತೇವಾಂಶ ಆಕಾಶಕ್ಕೆ ಹೋಗುವುದಿಲ್ಲ. ಅಲ್ಲಲ್ಲೇ ತಂಪಿನ ವಾತಾವರಣದಲ್ಲಿ ಇಬ್ಬನಿ ರೂಪದಲ್ಲಿ ಬೀಳುತ್ತಿರುತ್ತದೆ.

ಜಪಾನಿನ ಅಕಿರಾ ಮಿಯಾವಾಕಿ ಎಂಬ ಸಸ್ಯವಿಜ್ಞಾನಿ 1970ರಲ್ಲಿ ರೂಢಿಗೆ ತಂದ ಈ ವಿಧಾನ ಪೂರ್ವ ಏಷ್ಯದಲ್ಲಿ ತುಂಬ ಆಕರ್ಷಣೀಯವಾಗಿ ಬೆಳೆದವು. ಬೆಂಗಳೂರಿನ ಬಳಿ ಇರುವ ಟೊಯೊಟಾ ಕಿರ್ಲೊಸ್ಕರ್‌ ಕಂಪನಿಯ ಆವರಣದಲ್ಲಿ ಆತನ ಸಲಹೆಯ ಪ್ರಕಾರ ಮಾದರಿ ಅರಣ್ಯವನ್ನು ಬೆಳೆಸಲಾಯಿತು. ಆ ದಿನಗಳಲ್ಲಿ ಮಿಯಾವಾಕಿಯ ಸಹಾಯಕ್ಕೆಂದು ನಿಯುಕ್ತಿಗೊಂಡವರು ಕಾರುಗಳ ಉತ್ಪಾದನೆಯಲ್ಲಿ ತೊಡಗಿದ್ದ ಶುಭೇಂದು ಶರ್ಮಾ. ಅವರ ಕಣ್ಣೆದುರೇ ಎರಡೂವರೆ ಎಕರೆಯಲ್ಲಿ 30 ಸಾವಿರ ಗಿಡಗಳು ತಲೆ ಎತ್ತಿದವು (ನಾನಿದನ್ನು ಕಣ್ಣಾರೆ ನೋಡಿದ್ದೇನೆ).

ಶರ್ಮಾ ತನ್ನ ಎಂಜಿನಿಯರಿಂಗ್‌ ವೃತ್ತಿಯನ್ನು ತೊರೆದು ಈ ಬಗೆಯ ಅರಣ್ಯಗಳನ್ನು ಬೆಳೆಸಲೆಂದೇ ಪೂರ್ಣಾವಧಿ ಮೀಸಲಿಟ್ಟಿದ್ದಾರೆ. ಇಂದು ಭಾರತದ ಹತ್ತಾರು ನಗರಗಳಲ್ಲಿ ಮತ್ತು ಪಶ್ಚಿಮದ ಹತ್ತಾರು ರಾಷ್ಟ್ರಗಳಲ್ಲಿ ಶುಭೇಂದು ಶರ್ಮಾ ನಿರ್ಮಿಸಿದ ಮಿಯಾವಾಕಿ ಅರಣ್ಯಗಳು ತಲೆ ಎತ್ತಿವೆ.

ಅವರ ಅನೇಕ ಉಪನ್ಯಾಸಗಳು ಯೂಟ್ಯೂಬ್‌ನಲ್ಲಿ ನೋಡಸಿಗುತ್ತವೆ. ತುರ್ತಾಗಿ ಅರಣ್ಯ ಬೆಳೆಸುವ ಪ್ರಾಥಮಿಕ ಮಾಹಿತಿ ನೀಡುವ ಅವರ ಟೆಡ್‌ ಉಪನ್ಯಾಸದ ಲಿಂಕ್‌ ಇಲ್ಲಿದೆ:

https://www.youtube.com/watch?v=mjUsobGWhs8

ನೋಡಿ. ವಿಡಿಯೊದ ಕನ್ನಡದ ಡಬ್ಬಿಂಗ್‌ ಸಾಧ್ಯವಿದೆಯೊ ನೋಡಿ. ಇತರರೊಂದಿಗೆ ಹಂಚಿಕೊಳ್ಳಿ. ವಿಶೇಷವಾಗಿ ಶಾಲಾ ಶಿಕ್ಷಕರು ಮಕ್ಕಳ ಜೊತೆ ಕೈಜೋಡಿಸಿ ಇಂಥ ಅರಣ್ಯಗಳನ್ನು ನಿರ್ಮಿಸಬಹುದು. ನಾವು ಬಿಸಿಪ್ರಳಯದ ತುರ್ತು ಸ್ಥಿತಿಯ ಕಡೆ ಹೊರಳುತ್ತಿದ್ದೇವೆ. ಮಳೆಗಾಲ ಬರುವವರೆಗೆ ಕಾಯುತ್ತ ಕೂರಬೇಡಿ. ಈಗಲೇ ಬೀಜ ಸಂಗ್ರಹಣೆಗೆ, ಸೂಕ್ತ ಸಸ್ಯಗಳ ಪತ್ತೆಗೆ ತೊಡಗಿಕೊಳ್ಳಿ.

ಅಪಾಯಕಾರಿ ಕೀಟನಾಶಕಗಳ ಬಳಕೆ... ?!

2024-08-08T19:16:00.000-07:00

ಬರಹ: ಕೂಡಂಡ ರವಿ, ಹೊದ್ದೂರು.

ಮೊ. 8310130887.

ಕೃಷಿಕರು ಅಧಿಕ ಬೆಳೆ ಬೆಳೆಯುವ ಹುಮ್ಮಸ್ಸಿನಲ್ಲಿ ಮಿತಿ ಮೀರಿದ ಕೀಟ ನಾಶಕಗಳನ್ನು ಬಳಸುತ್ತಿರುವರು. ಇವು ಜೀವಸಂಕುಲಕ್ಕೆ, ಮಾನವನಿಗೂ ಹಾನಿಕಾರಕವಾಗಿವೆ. ಮಾನವ ಜೀವವನ್ನು ಬಲಿ ಪಡೆಯುವದರ ಜೊತೆಗೆ, ಬಹುತೇಕ ಮಂದಿಯ ಸರಣಿ ಅನಾರೋಗ್ಯಕ್ಕೆ ಪರೋಕ್ಷವಾಗಿ ಕಾರಣವಾಗುತ್ತಿವೆ.

ಮಾರಾಟಗಾರರಿಗೆ ಆಮಿಷ !

ವಿದೇಶಗಳಲ್ಲಿ ಬಹಿಷ್ಕರಿಸಲಾದ ಕೀಟನಾಶಕಗಳನ್ನು ನಮ್ಮ ದೇಶದಲ್ಲಿ ಮನಸೋ ಇಚ್ಛೆ ಬಳಸಲಾಗುತ್ತಿದೆ. ವಿದೇಶಿ ಬಹುರಾಷ್ಟೀಯ ಕಂಪೆನಿಗಳು ಹತ್ತಾರು ಹೆಸರಿನಲ್ಲಿ ವಿಷವನ್ನು ಮಣ್ಣಿಗೆ ಸೇರಿಸಲು ಭಾರತೀಯ ರೈತರನ್ನು ಪ್ರೇರೇಪಿಸುತ್ತಿವೆ. ಇಲ್ಲಿನ ಮಾರಾಟಗಾರರು ಆಮಿಷಗಳಿಗೆ ಬಲಿ ಬಿದ್ದು ಇವುಗಳ ಅಪಾಯದ ಅರಿವಿದ್ದರೂ, ಮಾರಾಟ ಮಾಡುತ್ತಿರುವರು ! ಬೆಳೆಗಳಿಗೆ ಮಿತಿ ಮೀರಿ ಕೀಟನಾಶಕ, ರಾಸಾಯನಿಕ ಗೊಬ್ಬರ ಬಳಸಿದ್ದಲ್ಲಿ ಮಾನವನಿಗೆ “ಕ್ಯಾನ್ಸರ್” ಖಚಿತ. ಆದರೆ, ಈ ವಿಚಾರವನ್ನು ಬಹುತೇಕ ಮಾಧ್ಯಮಗಳು ಜನತೆಗಳು ತಿಳಿಸುತ್ತಿಲ್ಲ. ಮನೆಗಳಿಗೆ ಸಿಮೆಂಟ್ ಶೀಟ್ ಬಳಸಿದ್ದಲ್ಲಿ ಕ್ಯಾನ್ಸರ್ ಬರುವುದಂತೆ ! ಆದರೂ, ಇವುಗಳ ಮಾರಾಟ ನಿರಾಂತಕವಾಗಿ ನಡೆಯುತ್ತಿದೆ.

ಮಿತಿಮೀರಿದ ವಿಷ !

ಮಿತಿ ಮೀರಿದ ಕೀಟನಾಶಕಗಳ ಬಳಕೆಯಿಂದ ಪಂಜಾಬ್‌ನಲ್ಲಿ ಸಾವಿರಾರು ರೈತರು ಕ್ಯಾನ್ಸರ್‌ಗೆ ಬಲಿಯಾಗುತ್ತಿರುವುದು ಜಾಗತಿಕ ಮಟ್ಟದಲ್ಲಿ ಸುದ್ದಿಯಾಗಿದೆ. ಅದೇ ರೀತಿ ಎರಡು ದಶಕಗಳ ಹಿಂದೆ ದಕ್ಷಿಣಕನ್ನಡ ಜಿಲ್ಲೆಯ ಪಟ್ರಮೆಯಲ್ಲಿ ಗೇರು ತೋಟಗಳಿಗೆ ಹೆಲಿಕಾಪ್ಟರ್ ಮೂಲಕ ಎಂಡೋಸಲ್ಪಾನ್ ವಿಷ ಸಿಂಪಡಣೆಯ ಪರಿಣಾಮ ಸಾವಿರಾರು ಮಂದಿ ಭೀಕರ ರೋಗಗಳಿಗೆ ಬಲಿಯಾಗುತ್ತಿದ್ದಾರೆ. ಕೊಡಗಿನಲ್ಲಿಯೂ ಶುಂಠಿ ಸೇರಿದಂತೆ ವಿವಿಧ ಬೆಳೆಗಳಿಗೆ ಮಿತಿ ಮೀರಿ ವಿಷವನ್ನು ಸಿಂಪಡಿಸಲಾಗುತ್ತದೆ ! ಸೊಪ್ಪು ತರಕಾರಿಗಳಿಗೂ ಅತಿಯಾಗಿ ಕ್ರಿಮಿನಾಶಕ, ರಾಸಯನಿಕ ಗೊಬ್ಬರ ಬಳಕೆಯಾಗುತ್ತಿದೆ. ಒಂದು ಏಕರೆಯಲ್ಲಿ ಟೊಮೊಟೋ ಬೆಳೆ ಬೆಳೆಯಲು ಒಂದು ಫಸಲಿಗೆ ಸುಮಾರು 30 ಸಾವಿರ ರೂಪಾಯಿಗಳ ಕ್ರಿಮಿನಾಶಕಗಳನ್ನು ಬಳಸಲಾಗುತ್ತದೆ. ದಾಳಿಂಬೆ ಬೆಳೆಯಲ್ಲಿ ಸಹಾ ಧಾರಾಳ ಕ್ರಿಮಿನಾಶಕಗಳ ಬಳಕೆಯಾಗುತ್ತಿದೆ. ಜನತೆಯ ಪ್ರಾಣಕ್ಕೆ ಸಂಚಕಾರ ತರುವಂತಹ ವಿಷದ ಮಾರಾಟ, ಬಳಕೆಗೆ ಸರಕಾರಗಳು ಏಕೆ ಕಡಿವಾಣ ಹಾಕುತ್ತಿಲ್ಲ. ಅದರ ಉತ್ಪಾದನೆಗೆ ಏಕೆ ಮುಂದಾಗುತ್ತಿಲ್ಲ. ಬಹುಶ್ಯ ಕಂಪೆನಿಗಳು ಆಮಿಷಗಳಿಗೆ ಸರಕಾರ, ಜನತೆ ಬಲಿ ಪಶುವಾಗುತ್ತಿರುವರೋ ?

ಸರಕಾರದ ವರದಿ

ಮಹಾರಾಷ್ಟçದ ಒಣಭೂಮಿ ಪ್ರದೇಶವಾದ ವಿದರ್ಭದಲ್ಲಿ ರೈತರ ಸಾವು- ಆತ್ಮಹತ್ಯೆಗಳಿಗೆ ಕೊನೆಯೇ ಇಲ್ಲ ಎಂಬAತಾಗಿದೆ. ಅಲ್ಲಿ 2001 ರಿಂದ ಸಾವಿರಾರು ರೈತರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. 2017ರ ನಂತರ ರಾಸಾಯನಿಕ ಕೀಟನಾಶಕಗಳ ವಿಷದಿಂದಾಗಿ ಸುಮಾರು 35ಕ್ಕೂ ಅಧಿಕ ರೈತರು-ಕೃಷಿ ಕಾರ್ಮಿಕರು ಸಾವನ್ನಪ್ಪಿದ್ದಾರೆ. ರಾಸಾಯನಿಕ ಸಿಂಪಡಣೆ ಸಮಯದಲ್ಲಿ ಸೂಕ್ತ ಮುನ್ನೆಚ್ಚರಿಕೆ ತೆಗೆದುಕೊಂಡಿರಲಿಲ್ಲ. ಪರಿಣಾಮ ಇವರ ಶ್ವಾಸಕೋಶಗಳಿಗೆ ವಿಷ ನುಗ್ಗಿ ಬಹುತೇಕ ಸಾವು ಸಂಭವಿಸಿವೆ. ಸಾವಿಗೆ ಮೊನೋಕ್ರೊಟೋಫಾಸ್, ಆಕ್ಸಿಡೆಮೆಟೊನ್–ಮಿಥೈಲ್, ಅಸೆಫೇಟ್, ಪ್ರೊಫೆನೊಫೋಸ್, ಫ್ರಿಪ್ರೊನಿಲ್, ಇಮಿಡಾಕ್ಲೊಫ್ರಿಡ್ ಮತ್ತು ಸೈಪಮ್ರೆಥಿನ್ ಮುಂತಾದ ಕೀಟನಾಶಕಗಳೆ ಕಾರಣವೆಂದು ಸರಕಾರ ಸಿದ್ಧಪಡಿಸಿದ ಸತ್ಯಶೋಧನಾ ವರದಿಗಳು ಉಲ್ಲೇಖಿಸಿವೆ. ಇದರ ಪರಿಣಾಮ ಕೆಲವು ಔಷಧಿಗಳ ಬಳಕೆಯನ್ನು ಅಲ್ಲಿನ ಸರಕಾರ ತಾತ್ಕಲಿಕವಾಗಿ ನಿಷೇಧಿಸಿತ್ತು. ಕೇಂದ್ರ ಸರಕಾರವು “ವಿದರ್ಭ” ಪ್ಯಾಕೇಜ್ ಅನ್ನು ಫೋಷಿಸಿತ್ತು. ಆದರೆ, ಅಪಾಯಕಾರಿ ಪೀಡೆನಾಶಕಗಳನ್ನು ಖಾಯಂ ಆಗಿ ನಿಷೇಧಿಸುವ ಚಿಂತನೆಯನ್ನು ಸರಕಾರಗಳು ಇನ್ನೂ ಮಾಡದೇ ಇರುವುದು ವಿಪರ್ಯಾಸ.

ಮಾರಕ ವಿಷಗಳ ನಿಷೇಧ ?

ಯೂರೋಪಿಯನ್ ಯೂನಿಯನ್ ಸೇರಿದಂತೆ ವಿವಿಧ ರಾಷ್ಟçಗಳಲ್ಲಿ ನಿಷೇಧಿತವಾದ ಕ್ರಿಮಿನಾಶಕಗಳು ನಮ್ಮಲ್ಲಿ ವ್ಯಾಪಕವಾಗಿ ಬಳಕೆಯಾಗುತ್ತಿದೆ. ಕೇಂದ್ರ ಕೃಷಿ ಮತ್ತು ಕೃಷಿಕ ಕಲ್ಯಾಣ ಮಂತ್ರಾಲಯದ ಅಂಗಸAಸ್ಥೆಯ ಮಾಹಿತಿಯನ್ವಯ 2015-16ರಲ್ಲಿ ಬಳಕೆಯಾದ ಒಟ್ಟು 7, 717 ಟನ್ ಕೀಟನಾಶಕಗಳಲ್ಲಿ ಶೇ. 30ರಷ್ಟು (2, 254 ಟನ್) ಮಾರಕವಾದ ಕ್ಲಾಸ್-1 ವಿಷಕಾರಿ ಕೀಟನಾಶಕಗಳಾಗಿವೆ !

2003ರಲ್ಲಿ ಭಾರತೀಯ ಕೃಷಿ ಸಂಶೋಧನಾ ಸಂಸ್ಥೆಯ ನಿವೃತ್ತ ಪ್ರೊಪೆಸರ್ ಅನುಪಮಾ ವರ್ಮ ಅಧ್ಯಕ್ಷರಾಗಿದ್ದ ಪರಿಣಿತರ ಸಮಿತಿಯನ್ನು ಕೇಂದ್ರ ಸರಕಾರ ನೇಮಿಸಿತ್ತು. ಆದರ ವರದಿಯನುಸಾರ 2018ರ-21ರ ಅವಧಿಯಲ್ಲಿ ಏಳು ಭಾರೀ ವಿಷ ಹೊಂದಿರುವ ಕೀಟನಾಶಕಗಳನ್ನು ನಿಷೇಧಿಸಲು ಕೇಂದ್ರ ಸರಕಾರ ಚಿಂತನೆ ನಡೆಸಿದೆ. ಆದರೆ, ಇದರಲ್ಲಿ ಮಹಾರಾಷ್ಟçದಲ್ಲಿ ರೈತರನ್ನು ಬಲಿ ಪಡೆದ ಎರಡು ಘೋರ ಕ್ರಿಮಿನಾಶಕಗಳು ಸೇರಿಲ್ಲ ? ಪ್ರತೀ ವರ್ಷ ಭಾರತದಲ್ಲಿ ಸುಮಾರು 10 ಸಾವಿರ ಪೀಡೆನಾಶಕಗಳ ವಿಷಬಾಧೆಯ ಪ್ರಕರಣಗಳು ವರದಿಯಾಗುತ್ತಿವೆ.

ಮಾಹಿತಿಯೇ ಇಲ್ಲದ ಕೃಷಿಕ ಸಮುದಾಯ !

ಹಲವಾರು ರೈತಾಪಿ ವರ್ಗದವರಿಗೆ ಯಾವ ಬೆಳೆೆಗಳಿಗೆ ಯಾವ ಯಾವ ಕಾಯಿಲೆ ಬರುತ್ತದೆ. ಅವುಗಳ ನಿಯಂತ್ರಣಕ್ಕೆ ಯಾವ ಔಷಧ ಸಿಂಪಡಣೆ ಮಾಡಬೇಕು ಎಂಬ ಕನಿಷ್ಠ ಜ್ಞಾನವೇ ಇಲ್ಲ. ಹಲವರು ಔಷಧಿ ಅಂಗಡಿಯ ಸಿಬ್ಬಂದಿ ಅಥವಾ ಮಾಲೀಕರನ್ನು ಈ ಬಗ್ಗೆ ವಿಚಾರಿಸುವರು. ಅವರು ಹೇಳಿದ ಔಷಧಿಗಳನ್ನು ದುಬಾರಿ ಬೆಲೆ ತೆತ್ತು ಕೊಳ್ಳುವುದು ಸಾಮಾನ್ಯ ಸಂಗತಿ. ಇಂತಹ ಸಮಸ್ಯೆಗಳು ಎದುರಾದಾಗ ಸಮೀಪದ ತೋಟಗಾರಿಕೆ ಅಥವಾ ಕೃಷಿ ಇಲಾಖಾಧಿಕಾರಿಗಳನ್ನು ಸಂಪರ್ಕಿಸುವುದು ಉತ್ತಮ. ಇಲ್ಲವೆ, ಸಮೀಪದ ಕೃಷಿ ವಿಜ್ಞಾನ ಕೇಂದ್ರದ ವಿಜ್ಞಾನಿಗಳನ್ನು ಸಂಪರ್ಕಿಸುವುದು ಅತ್ಯುತ್ತಮ. ಬಹುತೇಕ ಔಷಧಿ ಮಾರಾಟ ಮಳಿಗೆಯವರಿಗೆ ಔಷಧಿಯ ಬಗ್ಗೆ ಕನಿಷ್ಠ ಜ್ಞಾನವೂ ಇರುವುದಿಲ್ಲ ಎಂಬ ಸಾಮಾನ್ಯ ವಿಚಾರವು ನಮ್ಮ ಕೃಷಿಕ ಸಮುದಾಯಕ್ಕೆ ಇಲ್ಲದಿರುವುದು ನಾಚಿಕೆಗೇಡಿನ ಸಂಗತಿ. ಕೃಷಿಕ ಸಮುದಾಯದವರ ಅಲ್ಪಜ್ಞಾನವನ್ನೇ ದಾಳವನ್ನಾಗಿ ಬಳಸಿಕೊಂಡು ಸ್ವದೇಶಿ ಮತ್ತು ವಿದೇಶಿ ಕಂಪನಿಗಳು ಕೃಷಿಕ ಸಮುದಾಯವನ್ನು ಸುಲಿಗೆ ಮಾಡುತ್ತಿವೆ. ಮಣ್ಣಿಗೆ ಮನಬಂದAತೆ ವಿಷ ಸುರಿಯಲು ಪರೋಕ್ಷವಾಗಿ ಪ್ರೋತ್ಸಾಹಿಸುತ್ತಿವೆ. ಇದರಿಂದ ಬಳಕೆದಾರರು ಅನಾರೋಗ್ಯ ಪೀಡಿತರಾಗುತ್ತಿದ್ದಾರೆ.

ಮುಂಜಾಗರೂಕತೆಯ ಕೊರತೆ ?

ನಮ್ಮ ದೇಶದ ಬಹುಪಾಲು ರೈತರು, ಕೃಷಿ ಕಾರ್ಮಿಕರು ಕ್ರಿಮಿನಾಶಕಗಳ ಬಳಕೆಯ ಸಂದರ್ಭ ಸಾಕಷ್ಟು ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಳ್ಳುತ್ತಿಲ್ಲ. ಅಸುರಕ್ಷತೆಯ ಬಳಕೆಯೇ ಬಹುಪಾಲು ಸಾವಿಗೆ ಮೂಲ ಕಾರಣವೆಂದು ಕೇಂದ್ರ ಮಂತ್ರಾಲಯ ಮತ್ತು ರಾಜ್ಯಕೃಷಿ ಇಲಾಖೆಗಳೇ ಕಾರಣವೆಂದು ದೆಹಲಿಯ ಸೆಂಟರ್ ಫಾರ್ ಸೈನ್ಸ್ ಆಂಡ್ ಎನ್ವಾರ‍್ಮೆಂಟ್ ಉಪ ಮಹಾ ನಿರ್ದೇಶಕ ಚಂದ್ರಭೂಷಣ್ ಆಭಿಪ್ರಾಯಿಸುತ್ತಾರೆ. ಬಹುಪಾಲು ರೈತರಿಗೆ, ಕಾರ್ಮಿಕ ವರ್ಗದವರಿಗೆ ಅವರ ಕುಟುಂಬದವರಿಗೆ ಪೀಡೆನಾಶಕಗಳ ಬಳಕೆಯ ಅಪಾಯಗಳ ಅರಿವಿಲ್ಲ. ಈ ಬಗ್ಗೆ ಸರಕಾರಿ ಇಲಾಖೆಗಳು, ಖಾಸಗಿ ಸ್ವಯಂಸೇವಾ ಸಂಸ್ಥೆಗಳು ಮಾಹಿತಿ ನೀಡುತ್ತಿಲ್ಲ. ಬಹುತೇಕ ಮಾಧ್ಯಮಗಳು ಇವುಗಳ ಬಗ್ಗೆ ಮೌನವಹಿಸಿವೆ. ವಿವೇಚನಾ ರಹಿತವಾಗಿ ಘೋರ ವಿಷವನ್ನು ಬಳಸುವುದರಿಂದ ಇದರ ಬಳಕೆದಾರರು ಸುಲಭವಾಗಿ ಇವಕ್ಕೆ ಬಲಿಯಾಗುತ್ತಿದ್ದಾರೆ.

ನಮ್ಮಲ್ಲಿ ಸಾವಿರಾರು ಕೃಷಿಯ ಮುಖಮುದ್ರೆಯುಳ್ಳ ವೆಬ್‌ಗಳು, ಕೃಷಿ ಸಂಬAಧಿತ ಪತ್ರಿಕೆಗಳು, ಸ್ವಯಂಸೇವಾ ಸಂಸ್ಥೆಗಳಿವೆ. ರೈತ ಪರ ಸಂಘಟನೆಗಳಿವೆ. ಅದರೂ, ಯಾರೂ ಈ ಬಗ್ಗೆ ಅಪಾಯಕಾರಿ ಔಷಧಿಗಳ ಬಗ್ಗೆ ಚಕಾರವೆತ್ತದಿರುವುದು ನಮ್ಮ ದುರಂತ.

ಇವುಗಳ ಅಪಾಯಗಳ ಬಗ್ಗೆ ಅರಿತು ರೈತ ಸೇವಾ ಸ್ವಯಂ ಸೇವಾ ಸಂಸ್ಥೆಗಳ ಮೂಲಕ ಮಾಹಿತಿ ನೀಡಿದ್ದಲ್ಲಿ ಸಾವಿನ ಸಂಖ್ಯೆ ಕೊಂಚ ಇಳಿದೀತು. ಸರಕಾರ ಘೋರ ವಿಷಗಳನ್ನು ನಿಷೇಧಿಸುವ ಮುನ್ನಾ ರೈತರೇ ಇವುಗಳನ್ನು ನಿಷೇಧಿಸಬೇಕಿದೆ. ಇಲ್ಲವಾದಲ್ಲಿ ಭಾರತೀಯ ರೈತರಿಗೆ ಹೆಚ್ಚು ದಿನ ಆರೋಗ್ಯವಂತರಾಗಿ ಬಾಳಲಾರರು .

ಇದಕ್ಕೆಲ್ಲ ಪರಿಹಾರ ದೇಸಿ ಗೋವಾಆದರಿತ ನೈಸರ್ಗಿಕ ಕೃಷಿ

--------

ಸಾವಯವ ರಹಿತ ಮಣ್ಣು ಸತ್ವಹೀನ !

2024-07-29T06:16:00.000-07:00

ಬರಹ: ಕೂಡಂಡ ರವಿ, ಹೊದ್ದೂರು.

ಮೊ; ೮೩೧೦೧೩೦೮೮೭.

ನಮ್ಮಲ್ಲಿ ಹಲವಾರು ವಿಧದ ಮಣ್ಣುಗಳಿವೆ. ಇವುಗಳನ್ನು ಅದರ ಬಣ್ಣ, ಫಲವತ್ತತೆಗೆ ಅನುಗುಣವಾಗಿ ವರ್ಗಿಕರಿಸಲಾಗಿದೆ. ಬೇಸಾಯದಲ್ಲಿ ಮಣ್ಣಿನ ಫಲವತ್ತತೆಗೆ ಅಧಿಕ ಮಹತ್ವವಿದೆ. ಆದರೆ, ರೈತರು ಮಣ್ಣಿನ ವಿಚಾರ ಅರಿಯದೇ ಮನಬಂದಂತೆ ರಾಸಾಯನಿಕ ಗೊಬ್ಬರ, ಪೀಡೆನಾಶಕ, ಕಳೆ ನಾಶಕ ಬಳಸಿ ಅದರ ಫಲವತ್ತತೆಯನ್ನು ನಾಶ ಮಾಡುತ್ತಿರುವರು. ನೈಸರ್ಗಿಕ ವಿಪತ್ತುಗಳು ಸಹಾ ಮಣ್ಣಿನ ಸಾರವನ್ನು ಕಡಿಮೆ-ಹೆಚ್ಚು ಮಾಡುವಲ್ಲಿ ಮಹತ್ತರ ಪಾತ್ರ ವಹಿಸುತ್ತವೆ.

ಮಣ್ಣು ಸತ್ವಯುತವಾಗಿರಲು ಅದರಲ್ಲಿರುವ “ಸಾವಯವ ಅಂಶ”ಗಳೇ ಮೂಲ ಕಾರಣ. ಈ ಅಂಶವು ಎಂತಹಾ ಸಮಸ್ಯೆಯಾತ್ಮಕ ಮಣ್ಣನ್ನು ಫಲಭರಿತವನ್ನಾಗಿಸುತ್ತದೆ. ಸಾವಯವ ವಸ್ತುಗಳು ನಮ್ಮ ಹೊಲ, ಗದ್ದೆ, ತೋಟಗಳನ್ನು ಸುಂದರವಾಗಿಸಲು ಸಹಕರಿಸುತ್ತದೆ. ಅಂತಹ ಮಾಂತ್ರಿಕ ಶಕ್ತಿ ಅದಕ್ಕಿದೆ. ಮಣ್ಣಿಗೆ ಪೂರಕವಾಗಿ ಬೆರೆಯುವಂತಹ-ಮಣ್ಣಿನಲ್ಲಿ ಕರಗುವಂತಹ ಸಸ್ಯ-ಪ್ರಾಣಿಜನ್ಯ ವಸ್ತುಗಳಿಂದ ಇವು ಲಭ್ಯ.

ನೈಸರ್ಗಿಕ ಸ್ಪಂಜ್ !

ಮರಳು ಕಣಗಳನ್ನು ಹೆಚ್ಚಾಗಿ ಹೊಂದಿರುವ ಮರಳು ಮಣ್ಣು ಕೃಷಿಗೆ ಸವಾಲು. ಮರಳು ಕಣಗಳು ಸಾಕಷ್ಟು ದೊಡ್ಡದಾಗಿರುತ್ತವೆ. ಇವುಗಳ ಮದ್ಯೆ ಸಾಕಷ್ಟು ಅಂತರವಿರುವಿರುವುದರಿಂದ ಅದರಲ್ಲಿ ನೀರು ವೇಗವಾಗಿ, ಸಲೀಸಾಗಿ ಹರಿದು ಹೋಗುತ್ತದೆ. ನೀರಿನ ಅಂಶ ಅದರಲ್ಲಿ ಕಡಿಮೆ ಕಡಿಮೆ ಇರುವ ಕಾರಣ ಅಂತಹ ಮಣ್ಣು ಬಲು ಬೇಗನೇ ಗಟ್ಟಿಯಾಗುತ್ತದೆ. ಇವುಗಳು ನೀರನ್ನು ಹಿಡಿದಿಟ್ಟು ಕೊಳ್ಳಲಾರವು. ಪರಿಣಾಮ ಇಂತಹ ಮಣ್ಣಿಗೆ ಪದೇ ಪದೇ ನೀರನ್ನು ನೀಡಬೇಕಾಗುತ್ತದೆ. ಮರಳು ಮಣ್ಣಿಗೆ ಸಾವಯುವ ಅಂಶವನ್ನು ಹಾಕಿದಾಗ ಅವು ನೀರನ್ನು ಹಿಡಿದಿಟ್ಟು ಕೊಂಡು ಗಿಡಗಳಿಗೆ ಪೂರೈಸುತ್ತದೆ. ಅದು ನೈಸರ್ಗಿಕ ಸ್ಪಂಜಿನಂತೆ ಕೆಲಸ ಮಾಡುತ್ತದೆ. ಇವು ಬೇಸಿಗೆ ಮತ್ತು ಬರಗಾಲದಲ್ಲಿ ಗಿಡಗಳಿಗೆ ನೀರನ್ನು ಒದಗಿಸಲು ಸಹಕಾರಿ. ಇದರಿಂದ ಗಿಡಗಳಿಗೆ ಬಗೆಬಗೆಯ ಪೋಷಕಾಂಶಗಳು ವರ್ಷದ ಎಲ್ಲಾ ಅವಧಿಯಲ್ಲಿ ಲಭ್ಯವಾಗುವಂತೆ ಮಾಡುತ್ತವೆ. ಮಣ್ಣಿನಲ್ಲಿ ಕರಗುವ ಸಾವಯವ ವಸ್ತುಗಳು ಪರಸ್ಪರ ಬೆರೆಯುತ್ತಾ ಮಣ್ಣು ಸವಕಳಿಯಾಗುವುದನ್ನು ನಿಯಂತ್ರಿಸುತ್ತವೆ. ಇಲ್ಲ ತಪ್ಪಿಸುತ್ತವೆ.

ನೆರಳು ಅನಗತ್ಯ

ಜೇಡಿ ಮಣ್ಣಿನಲ್ಲಿ ಕಣಗಳು ಸಾಕಷ್ಟು ಒತ್ತಗಿರುತ್ತವೆ. ಇವುಗಳು ಒಂದಕ್ಕೊಂದು ಬೆರೆತಿರುತ್ತವೆ. ಆದರೆ, ಇವುಗಳ ನಡುವೆ ಗಾಳಿಯಾಡುವುದು ಕಷ್ಟ. ಇಂತಹ ಮಣ್ಣಿಗೆ ಸಾವಯುವ ವಸ್ತುಗಳನ್ನು ಬೆರೆಸಿದಾಗ ಆ ಮಣ್ಣಿನಲ್ಲಿ ಸಲೀಸಾಗಿ ಗಾಳಿಯಾಡುತ್ತವೆ. ಬೇರುಗಳಿಗೆ ಧಾರಾಳವಾಗಿ ಗಾಳಿ ಲಭ್ಯವಾಗಿ ಸಸ್ಯಗಳು ಚೆನ್ನಾಗಿ ಬೆಳೆಯಲು ಅನುವಾಗುತ್ತದೆ. ಸಾವಯವ ವಸ್ತು ಮಣ್ಣಿನಲ್ಲಿ ಬೆರೆಯುವುದರಿಂದ ಮಣ್ಣಿನ ಕಣ-ಕಣಗಳ ಮಧ್ಯೆ ಜಾಗ ದೊರೆಯುತ್ತದೆ. ಇದರ ಮೂಲಕ ಗಿಡಗಳ ಬೇರುಗಳು ಸುಲಭವಾಗಿ ಬೆಳೆದು ಆಳಕ್ಕೆ ಇಳಿಯುತ್ತವೆ. ಪರಿಣಾಮ ಮಣ್ಣು ಬೇಗನೆ ಗಟ್ಟಿಯಾಗುವುದು ತಪ್ಪುತ್ತದೆ. ಈ ವಿಚಾರವನ್ನು ಅರಿತ ನಮ್ಮ ಹಿರಿಯರು ಭೂಮಿಗೆ ಸಾವಯುವ ಗೊಬ್ಬರವನ್ನು(ಕೊಟ್ಟಿಗೆ ಗೊಬ್ಬರ) ಧಾರಾಳವಾಗಿ ಬಳಸುತ್ತಿದ್ದರು. ಅದರ ಪರಿಣಾಮ ಆ ಕಾಲದಲ್ಲಿ ಧಾರಾಳ ಫಸಲು ದೊರೆಯುತ್ತಿತ್ತು. ರಾಸಾಯನಿಕ ಗೊಬ್ಬರ ಬಳಕೆಯಿಂದಾಗಿ ಮಣ್ಣು ನೀರನ್ನು ಹಿಡಿದಿಡುವ ಶಕ್ತಿಯನ್ನು ಕಳೆದುಕೊಳ್ಳುತ್ತದೆ. ಪರಿಣಾಮ ಬೇಸಿಗೆಯಲ್ಲಿ ಗಿಡಗಳು ಬಾಡಿ ಸಾಯುತ್ತದೆ. ಸಾವಯುವ ಗೊಬ್ಬರವನ್ನು ಅಧಿಕ ಪ್ರಮಾಣದಲ್ಲಿ ಬಳಸುವುದರಿಂದ ಗಿಡಗಳಿಗೆ ನೆರಳು ಕೊಡುವ ಅಗತ್ಯವಿಲ್ಲ !

ಮರಗಳು ಅತ್ಯಗತ್ಯ

ಮಣ್ಣಿನಲ್ಲಿ ಸಾವಯವ ಅಂಶಗಳು ಬೆರೆತಾಗ, ಮಣ್ಣಿನ ಕಣ-ಕಣಗಳನ್ನು ಬೇರ್ಪಡಿಸುತ್ತವೆ. ಮಣ್ಣಿಗೆ ಉಪಯುಕ್ತ ಜೀವಾಣುಗಳಾದ ಎರೆಹುಳಗಳ ಚಟುವಟಿಕೆ ಹೆಚ್ಚಾಗುತ್ತದೆ. ಇದಕ್ಕಾಗಿ ತೋಟಗಳಲ್ಲಿ ಅಧಿಕ ಮರಗಳಿರುವುದು ಅಗತ್ಯ. ಈ ಮರಗಳಿಂದ ಉದುರುವ ಎಲೆಗಳಿಂದ ಸಾವಯುವ ಗೊಬ್ಬರವು ಗಿಡಗಳಿಗೆ ದೊರೆಯತ್ತದೆ. ಎರೆಹುಳಗಳ ಚಟುವಟಿಕೆ ಹೆಚ್ಚಾದಷ್ಟು ಮಣ್ಣು ಸಡಿಲವಾಗುತ್ತದೆ. ಎರೆಹುಳಗಳು ಮಣ್ಣಿನಲ್ಲಿ ರಂಧ್ರಗಳನ್ನು ಮಾಡುವುದರಿಂದ ಆ ಮೂಲಕ ನೀರು ಭೂಮಿಯೊಳಕ್ಕೆ ಸುಲಭವಾಗಿ ಸೇರುತ್ತದೆ. ಇದು ಭೂಮಿಗೆ ಬಿದ್ದ ಎಲೆಗಳ ಕೊಳೆಯುವಿಕೆಗೆ ಸಹಕಾರಿ. ಇವುಗಳು ಮಣ್ಣಿನಲ್ಲಿ ಸೂಕ್ಮಾಣು ಜೀವಿಗಳ ಸೃಷ್ಟಿಗೆ ನೆರವಾಗುತ್ತದೆ. ಇವುಗಳು ಸಸ್ಯಗಳಿಗೆ ಬೇಕಾಗುವ ಎಲ್ಲಾ ಬಗೆಯ ಪೋಷಕಾಂಶಗಳನ್ನು ನೀಡುತ್ತವೆ.

ಸಾವಯವ ಗೊಬ್ಬರದಿಂದ ಲಾಭ

ಆದರೆ, ರಾಸಾಯನಿಕ ಗೊಬ್ಬರಗಳು ಕೇವಲ ನಿಗದಿತ ಪೋಷಕಾಂಶಗಳನ್ನು ಮಾತ್ರ ನೀಡುತ್ತವೆ. ಇಂತಹ ಜೀವಿಗಳು ಮಣ್ಣಿನ ಆರೋಗ್ಯವನ್ನು ಕಾಪಾಡುತ್ತವೆ. ಇವು ಹಲವಾರು ಸಸ್ಯ ರೋಗಗಳನ್ನು ನಿಯಂತ್ರಿಸುತ್ತವೆ ಎಂದು ಸಂಶೋಧನೆಗಳು ತಿಳಿಸಿವೆ. ಪರಿಣಾಮ ನಮ್ಮ ತೋಟದ ಸಸ್ಯಗಳು ಆರೋಗ್ಯಯುತವಾಗಿ ಬೆಳೆಯುತ್ತವೆ. ಇದರಿಂದ ಸರಾಸರಿ ಫಸಲು ನಿರೀಕ್ಷಿಸಿಸುವ ಎಲ್ಲಾ ಬೆಳೆಗಾರರು ಎಲ್ಲಾ ಬೆಳೆಗಳಿಗೂ, ಎಲ್ಲಾ ಕಾಲಕ್ಕೂ ಸಾವಯವ ಗೊಬ್ಬರಗಳನ್ನೇ ಬಳಸಬೇಕು. ಎಲ್ಲರೂ ಸಾವಯವ ಗೊಬ್ಬರ ಬಳಸುವುದನ್ನು ಪ್ರೋತ್ಸಾಹಿಸಬೇಕು. ಸಾವಯವ ಕೃಷಿಗೆ ಆದ್ಯತೆ ನೀಡಬೇಕು. ಹಾಗಾದಲ್ಲಿ ಮಾತ್ರ ಕೃಷಿ ಲಾಭದಾಯಕವಾದೀತು.

ನನ್ನ ಬಾಲ್ಯ ಮತ್ತು ಕೃಷಿ ಜೀವನ

2024-07-14T20:45:00.000-07:00

ಷಣ್ಮುಖ ಕಟ್ಟ

ಅಗ್ರಿಕಲ್ಚರ್ ಡೆಸ್ಕ್

ನನ್ನ ಬಾಲ್ಯ ಜೀವನ ತುಂಬಾ ಕಠಿಣವಾಗಿತ್ತು.ನಾನು ಬಡ ಕುಟುಂಬದಿಂದ ಬಂದವನು .ನನ್ನದು ಕಡಬದ ಬಲ್ಪಗ್ರಾಮದ ಕಟ್ಟ ಎಂಬಲ್ಲಿ ಬರುತ್ತದೆ. ನನಗೆ ಆಹಾರ ಬೆಳೆಯಲ್ಲಿ ಆಸಕ್ತಿ ಹುಟ್ಟಲು ತಂದೆ ಮಾಡುತಿದ್ದ ತರಕಾರಿ ಕೃಷಿಯೇ ಕಾರಣ. ತಂದೆ ಮುಖ್ಯವಾಗಿ ಚಳಿಗಾಲ ಮತ್ತು ಮಳೆಗಾಲದಲ್ಲಿ ತರಕಾರಿ ಕೃಷಿ ಮಾಡುತ್ತಿದ್ದರು . ತಂದೆ ಮುಖ್ಯವಾಗಿ 1970 ರಿಂದ ತರಕಾರಿ ಕೃಷಿ ಮಾಡುತ್ತಿದ್ದರು .ಮುಖ್ಯ ವಾಗಿ ಬದನೆ ಒಂದೇ 4000 ಕೆಜಿ ಆಗುತಿತ್ತು . ಆವಾಗ ಬದನೆ ಕೆಜಿ ಗೆ ಇದ್ದದ್ದು 5 ರುಪಾಯೀ .ಆಕಾಲದಲ್ಲಿ ನಮ್ಮ ಊರಲ್ಲಿ ಮುಖ್ಯ ವಾಗಿ ತರಕಾರಿ ಕೃಷಿ ಮಾಡುತಿದ್ದದು ತಂದೆಯೆ.ತಂದೆ ಮುಖ್ಯವಾಗಿ ಮಳೆಗಾಲದಲ್ಲಿ ಅಲಸಂಡೆ, ಹಾಗಲಕಾಯಿ , ಹೀರೆಕಾಯಿ ,ಮುಳ್ಳುಸೌತೆ ಮಾಡುತ್ತಿದ್ದರು .ನಾನು ಕೂಡ ಶಾಲೆಗೆ ಹೋಗುತ್ತಾ ತಂದೆಗೆ ತರಕಾರಿ ಕೃಷಿಯಲ್ಲಿ ಸಹಕರಿಸುತಿದ್ದೆನು .ತಂದೆ ಮುಖ್ಯ ವಾಗಿ ಕೆಮಿಕಲ್ ಮತ್ತು ಸಾವಯವ ಕೃಷಿ ಮಾಡುತಿದ್ದರು .ತಂದೆ ಬೆಳಿಗ್ಗೆ ತರಕಾರಿ ಕೊಯಿವ ಸಮಯದಲ್ಲಿ ಸಹಕರಿಸುತಿದ್ದೆನು .ಬೆಳಿಗ್ಗೆ ಚಳಿಗೆ ತರಕಾರಿ ಕೊಯ್ಯವುದು ಎಂದರೆ ಮಜವೇ ಬೇರೆ .ತಂದೆ ಮುಖ್ಯವಾಗಿ ಚಳಿಗಾಲದ ಕೃಷಿಯಲ್ಲಿ ಬದನೆ ,ಸಾಂಬಾರು ಸೌತೆ ಮಾಡುತಿದ್ದರು .ನಮ್ಮ ಬದನೆ ಎಂದರೆ ಎಲ್ಲಕಡೆ ಫೇಮಸ್ .ತರಕಾರಿಗೆ ಸೊಪ್ಪು ,ಹಟ್ಟಿಗೊಬ್ಬರ ,ನೀರು ಹಾಯಿಸಲು ನಾವು ಮಕ್ಕಳು ಸಹಕರಿಸುತಿದ್ದೆವು .ಚಳಿಗಾಲದ ಕೃಷಿಯಲ್ಲಿ ತಂದೆಒಟ್ಟಿಗೆ ಪಾಲ್ಗೊಳುದೆಂದರೆ ಎಲ್ಲಿಲ್ಲದ ಖುಷಿ .ಮರುದಿವಸ ತರಕಾರಿ ಕೊಯ್ಯವುದೆಂದರೆ ಹಿಂದಿನ ದಿನದಿಂದಲೇ ಖುಷಿ .ಬೆಳಿಗ್ಗೆ ಬೇಗ ಎದ್ದು ಚಳಿಗೆ ತರಕಾರಿ ಕೊಯ್ಯಲು ರೆಡಿ ಆಗುತಿದ್ದೆನು .ತಂದೆ ತರಕಾರಿ ಕೊಯ್ಯತಾ ಸಾಲಲ್ಲಿ ಇಡುತ್ತಾ ಹೋಗುತಿದ್ದರು ,ನಾನು ಹಿಂದಿನಿಂದ ತರಕಾರಿ ಕೈಯಲ್ಲಿ ಹೆಕ್ಕಿ ಬುಟ್ಟಿಗೆ ಹಾಕುತ್ತಾ ಬರುತಿದ್ದೆನು.ತರಕಾರಿ ತುಂಬಾ ಸಿಕ್ಕಿದರೆ ನನಗೆ ಖುಷಿಯೇ ಖುಷಿ . ಮತ್ತೆ ತಂದೆಯ ತರಕಾರಿ ಕೃಷಿಯೊಟ್ಟಿಗೆ ನನ್ನದು ಒಂದು ತರಕಾರಿ ಸಾಲು .ಅದನ್ನು ನಾನೆ ನೋಡಿಕೊಳ್ಳುತಿದ್ದದು . ಅದರಲ್ಲಿ ಬಂದ ಹಣ ನನಗೆಯೇ .ತಂದೆ ಒಟ್ಟಿಗೆ ಪೇಟೆಗೆ ತರಕಾರಿ ತಲೆಯಲ್ಲಿ 4 ಕಿಲೋಮೀಟರು ದೂರದ ಬಲ್ಪ ಕ್ಕೆ ಹೊತ್ತುಕೊಂಡು ಹೋಗುತಿದ್ದೆನು .ಶಾಲೆಗೆ ಹೋಗುವಾಗ ತಂದೆ ಪೇಟೆಗೆ ತರಕಾರಿ ,ಹಾಲು ನನ್ನೊಟ್ಟಿಗೆ ಕಳುಹಿಸುತ್ತಿದ್ದರು .ಶಾಲೆಯಲ್ಲಿ ಸಹಪಾಠಿಗಳು ನನ್ನನ್ನು ತಮಾಷೆಗೆ ಬದನೆ ಎಂದು ಕರೆಯುತಿದ್ದರು .ತಂದೆ ಒಟ್ಟಿಗೆ ವಾಹನದಲ್ಲಿ ತರಕಾರಿ ತೆಗೆದು ಕೊಂಡು ಹೋಗುವಾಗ ನಾನು ಹೋಗುತಿದ್ದೆನು . ತರಕಾರಿ ಮಾರಾಟ ಮಾಡಿದ ಲೆಕ್ಕವನ್ನು ಪುಸ್ತಕದಲ್ಲಿ ಬರೆದು ಇಡುತಿದ್ದದ್ದು ನಾನೆ .puc ಗೆ ಹೋಗುವ ಸಂದರ್ಭ ದಲ್ಲಿ ತರಕಾರಿಯಲ್ಲಿ ಪ್ರಯೋಗ ಮಾಡುತಿದ್ದೆನು . ವಿಜ್ಞಾನ ಪುಸ್ತಕದಲ್ಲಿ ಬರುತಿದ್ದ ಹೈಬ್ರಿಡ್ ಹೇಗೆ ಮಾಡುವುದು ಎಂಬುದನ್ನು ಎರಡು ವಿಧದ ಕೆಂಪು ಮತ್ತು ಬಿಳಿ ಬೆಂಡೆಕಾಯಿ ಯಲ್ಲಿ ಪ್ರಯೋಗಮಾಡುತಿದ್ದೆನು .ನನಗೆ puc ಆದ ನಂತರ bsc ಅಗ್ರಿಕಲ್ಚರ್ ಮಾಡಲು ಆಸಕ್ತಿ ಇತ್ತು ಅದು ಸಾಧ್ಯವಾಗಲಿಲ್ಲ. ಒಟ್ಟಾರೆ ನಾವು ಸಣ್ಣದಿರುವಾಗ ಮನೆಯ ಖರ್ಚು ವೆಚ್ಚ ಗಳು ತರಕಾರಿ ಕೃಷಿ ಇಂದಲೇ ನಡೆಯುತಿತ್ತು .ಬೇಸಿಗೆ ರಜೆ ಯಲ್ಲಿ ಗೇರು ಬೀಜ ತೊಟ್ಟಕ್ಕೆ ಗೇರು ಬೀಜ ಹೆಕ್ಕಲು ದಿನಕ್ಕೆ 40 ರೂಪಾಯೇ ಸಂಬಳಕ್ಕೆ ಸೇರಿದ್ದು ಸಹಿ ನೆನಪ್ಪು .ಅದರಲ್ಲಿ ಸಿಕ್ಕಿದ 2000 ರುಪಾಯೀ ಯನ್ನು ಅಡಿಕೆ ತೋಟಕ್ಕೆ ಪೈಪ್ ಹಾಕಲು ತಂದೆಗೆ ಕೊಟ್ಟದ್ದು ಇನ್ನೂ ನೆನಪಿದೆ .ನಾವು ಸಣ್ಣದಿರುವಾಗ ಎಲ್ಲರೂ ಹಳ್ಳಿಯಲ್ಲಿ ಮಲೆನಾಡು ಗಿಡ್ಡ , ದನಕರು ,ಎಮ್ಮೆ ಗಳನ್ನು ಸಾಕುತ್ತಿದ್ದರು .ಅವುಗಳನ್ನು ಮೇಯಲು ಗುಡ್ಡೆಗೆ ಬಿಡುತ್ತಿದ್ದರು .ರಜಾದಿನಗಳಲ್ಲಿ ದನಕರುಗಳನ್ನು ಮೇಯಿಸಲು ಗುಡ್ಡೆ ಗೆ ಹೋಗುತಿದ್ದೆವು . ಅದರಲ್ಲಿ ಸಿಗುವ ಮಜವೇ ಬೇರೆ .ರಜಾದಿನ ಗಲ್ಲಿ ಗುಡ್ಡೆಯಲ್ಲಿ ಸಿಗುವ ಒಣಗಿದ ಸೆಗಣಿಯನ್ನು ಹೆಕ್ಕಿ ತಂದು ತರಕಾರಿ ಗಿಡ , ಅಡಿಕೆ ಗಿಡಗಳಿಗೆ ಹಾಕುತಿದ್ದೆನು .ಈಗ ಹೈಬ್ರಿಡ್ ದನಗಳು ಬಂದು ಗುಡ್ಡೆಗೆ ದನಕರುಗಳನ್ನು ಬಿಡುವವರೇ ಇಲ್ಲ. ಬೇಸರದ ಸಂಗತಿಯೆಂದರೆ ಭಾರತೀಯ ತಳಿ ದನಗಳು ನಾಶವಾಗುತ್ತಿವೆ .ರಜಾದಿನಗಳಲ್ಲಿ ಗುಡ್ಡೆಗೆ ಊರವರೊಟ್ಟಿಗೆ ದನದ ಹಟ್ಟಿಗೆ ಸೊಪ್ಪು ತರಲು ಹೋಗುತಿದ್ದೆವು ಅದರಲ್ಲಿ ಸಿಗುವ ಮಜವೇ ಬೇರೆ .ಇಂದಿನ ಸಣ್ಣ ಮಕ್ಕಳು ಮತ್ತು ಮುಂದಿನ ಪೀಳಿಗೆಯವರು ತುಳುನಾಡಿನ ಸಂಸ್ಕೃತಿಯನ್ನು ನೋಡುವ ಭಾಗ್ಯ ಅವರಿಗಿಲ್ಲ ಎಂಬುದೇ ಬೇಸರದ ಸಂಗತಿ . ಕೊನೆಯದಾಗಿ ಭಾರತೀಯ ಸಂಸ್ಕೃತಿಯನ್ನು ನಮ್ಮ ಮಕ್ಕಳಿಗೆ ಕಲಿಸೋಣ , ವಿಷರಹಿತ ಕೃಷಿ ಮಾಡೋಣ , ಪ್ರಕೃತಿಯನ್ನು ರಕ್ಷಿಸೋಣ , ಭವ್ಯ ಭಾರತವನ್ನು ಕಟ್ಟೋಣ .

ಕಾಳುಮೆಣಸಿನ ಸಸ್ಯ ಅರೋಗ್ಯ ನಿರ್ವಹಣೆಗೆ ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹದ ಬಳಕೆಗೆ - ಕೃಷಿ ವಿಜ್ಞಾನ ಕೇಂದ್ರ ಸಲಹೆ

2024-07-14T03:18:00.000-07:00

ಬರಹ: ಕೂಡಂಡ ರವಿ, ಹೊದ್ದೂರು.

ಐ.ಸಿ.ಎ.ಆರ್-ಕೃಷಿ ವಿಜ್ಞಾನ ಕೇಂದ್ರ, ಗೋಣಿಕೊಪ್ಪಲು ಇವರು ಕಾಳು ಮೆಣಸಿನ ಸಸ್ಯ ಅರೋಗ್ಯ ನಿರ್ವಹಣೆಗೆ ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹ ಎಂಬ ಸೂಕ್ಷ್ಮಾಣು ಜೀವಿಗಳÀ ಗೊಬ್ಬರವನ್ನು ಬಳಸಲು ಶಿ¥sóÁರಸ್ಸು ಮಾಡಿರುತ್ತಾರೆ. ಆದ್ದರಿಂದ ಜಿಲ್ಲೆಯ ರೈತರು ಈ ಸೂಕ್ಷ್ಮಾಣು ಜೀವಿಗಳ ಸಮೂಹವನ್ನು ಕಾಳುಮೆಣಸಿನಲ್ಲಿ ಬಳಸಿ ಇಳುವರಿಯನ್ನು ಹೆಚ್ಚಿಸಿಕೊಳ್ಳಬೇಕೆಂದು ಕೃಷಿ ವಿಜ್ಞಾನ ಕೇಂದ್ರ ರೈತರಲ್ಲಿ ಮನವಿಯನ್ನು ಮಾಡಿದೆ.

ಈ ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹವನ್ನು ಕಾಳುಮೆಣಸಿಗೆ ಬಳಸುವುದರಿಂದ ಶೀಘ್ರ ಸೋರಗು ರೋಗವನ್ನು ಹತೋಟಿ ಮಾಡಲು, ಬಳ್ಳೀ ಹಳದಿಯಾಗುವುದನ್ನು ತಪ್ಪಿಸಲು ಮತ್ತು ಕೊತ್ತು ಬೀಳುವ ಸಮಸ್ಯೆಯನ್ನು ಕಡಿಮೆಮಾಡಲು ಸಹಾಯವಾಗುತ್ತದೆ.

ಈ ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹವು ಸಾರಜನಕವನ್ನು ಸ್ಥಿರೀಕರಿಸುವ, ರಂಜಕ ಮತ್ತು ಸತುವನ್ನು ಕರಗಿಸುವ ಗುಣ ವಿಶೇಷತೆಯ ಪ್ರಾಮುಖ್ಯತೆಯನ್ನು ಪಡೆದಿರುತ್ತವೆÉ. ಪ್ರಸ್ತುತ ಸೂಕ್ಷ್ಮಾಣು ಜೀವಿಗಳ ಬಳಕೆ ಬಗ್ಗೆ ಸರಿಯಾದ ಮಾಹಿತಿಯಿಲ್ಲದಿರುವುದರಿಂದ, ಜೈವಿಕ ಸಂಪನ್ಮೂಲಗಳ ಮತ್ತು ತಂತ್ರಜ್ಞಾನದ ಕೊರೆತೆಯಿಂದಾಗಿ ಸೂಕ್ಷ್ಮಾಣು ಜೀವಿಗಳ ಬಳಕೆ ಕಡಿಮೆಯಾಗಿರುತ್ತದೆ. ಈ ಕೊರತೆಯನ್ನು ನೀಗಿಸಲು ಮತ್ತು ಒಂದೇ ರೀತಿಯ ಸೂಕ್ಷ್ಮಾಣು ಜೀವಿಗಳ ಬಳಕೆಯಿಂದ ಉಂಟಾಗುವ ಅಧಿಕ ಖರ್ಚು ಮತ್ತು ಕಡಿಮೆ ಕಾರ್ಯ ಕ್ಷಮತೆಯ ನ್ಯೂನತೆಯನ್ನು ಹೋಗಲಾಡಿಸಲು ಭಾರತೀಯ ತೋಟಗಾರಿಕಾ ಸಂಶೋಧನ ಸಂಸ್ಥೆ, ಬೆಂಗಳೂರುರವರು ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹವನ್ನು ಉತ್ಕೃಷ್ಟ ತಂತ್ರಜ್ಞಾನದೊಂದಿಗೆ ಅಭಿವೃದ್ದಿಪಡಿಸಿರುತ್ತಾರೆ.

ಈ ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹವು ಕೃಷಿ ವಿಜ್ಞಾನ ಕೇಂದ್ರ, ಗೋಣಿಕೊಪ್ಪಲುವಿನಲ್ಲಿ ಲಭ್ಯವಿದ್ದು ಜಿಲ್ಲೆಯ ರೈತರು ಇದರ ಪ್ರಯೋಜನವನ್ನು ಪಡೆಯಬೇಕಾಗಿ ವಿನಂತಿ.

ಸೂಕ್ಷ್ಮಾಣು ಜೀವಿಗಳ ಸಮೂಹದ ಉಪಯೋಗಗಳು

• ಸಾರಜನಕವನ್ನು ಸ್ಥಿರೀಕರಿಸುವ, ರಂಜಕ ಮತ್ತು ಸತುವನ್ನು ಕರಗಿಸುವ ಹಾಗೂ ಸಸ್ಯ ಬೆಳವಣಿಗೆಯನ್ನು ಪ್ರಚೋದಿಸುವ (ಅಜಟೋಬ್ಯಾಕ್ಟರ್ ಟ್ರೋಪಿಕಾಲಸ್, ಬೆಸಿಲ್ಲಸ್ ಆರ್ಯಭಟ ಮತ್ತು ಸುಡೋಮೋನಾಸ್ ಥಾಯ್ವಾನೆನ್ಸಿಸ್) ಕಾರ್ಯಕ್ಷಮತೆಯನ್ನು ಹೊಂದಿರುತ್ತದೆ.

• ಈ ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹವನ್ನು ಕಾಳುಮೆಣಸಿಗೆ ಬಳಸುವುದರಿಂದ ಬಳ್ಳಿಗಳು ಹೊಸದಾಗಿ ಚಿಗುರು ಬರಲು, ಶೀಘ್ರ ಸೋರಗು ರೋಗವನ್ನು ಹತೋಟಿ ಮಾಡಲು, ಕೊತ್ತು ಬೀಳುವ ಸಮಸ್ಯೆಯನ್ನು ಕಡಿಮೆ ಮಾಡಲು ಮತ್ತು ಉತ್ತಮವಾಗಿ ಬೇರು ಬರಲು ಸಹಾಯವಾಗುತ್ತದೆ.

• ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹದ ಬಳಕೆಯಿಂದ ಸಸ್ಯದ ಬೆಳವಣಿಗೆ,ರೋಗ ನಿಯಂತ್ರಣ ಮತ್ತು ಇಳುವರಿ ಅಧಿಕಗೊಳ್ಳುತ್ತದೆ.

• ಸೂಕ್ಷ್ಮಾಣು ಜೀವಿಗಳ ಸಮೂಹವನ್ನು ಬೀಜೋಪಚಾರ, ಕೊಟ್ಟಿಗೆ ಗೊಬ್ಬರ ಮತ್ತು ಬೇವಿನ ಹಿಂಡಿಯ ಜೊತೆ ಮಿಶ್ರಣಮಾಡಿ ರೈತರು ಸುಲಭವಾಗಿ ಬಳಸಬಹುದು.

• ಸಾರಜನಕವನ್ನು ಸ್ಥಿರೀಕರಿಸುವ, ರಂಜಕ ಮತ್ತು ಸತುವನ್ನು ಕರಗಿಸುವ ಹಾಗೂ ಸಸ್ಯ ಬೆಳವಣಿಗೆಯನ್ನು ಪ್ರಚೋದಿಸುವ ಸೂಕ್ಷ್ಮಾಣು ಜೀವಿಗಳನ್ನು ಬೇರೆ ಬೇರೆಯಾಗಿ ಹಾಕುವ ಅವಶ್ಯಕತೆಯಿಲ್ಲದೆ ರೈತರು ವಿವಿಧ ಬೆಳೆಗಳಿಗೆ ಬಳಸಬಹುದು.

• ಶಿಫಾರಸ್ಸು ಮಾಡಿದ ಸಾರಜನಕ ಮತ್ತು ರಂಜಕಯುಕ್ತ ಗೊಬ್ಬರಗಳಲ್ಲಿ ಶೇ. 25 ರಷ್ಟು ಪ್ರಮಾಣವನ್ನು ಕಡಿಮೆ ಮಾಡುತ್ತದೆ.

ಬಳಸುವ ವಿಧಾನ

• ಕೊಟ್ಟಿಗೆ ಗೊಬ್ಬರ ಅಥವಾ ಕಹಿಬೇವಿನ ಹಿಂಡಿಗೆ ಸೇರಿಸುವ ವಿಧಾನ: 5 ಕೆ.ಜಿ ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹವನ್ನು 500 ಕೆ.ಜಿ ಕೊಟ್ಟಿಗೆ ಗೊಬ್ಬರ ಅಥವಾ 2 ಕೆ.ಜಿ ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹವನ್ನು 100 ಕೆ.ಜಿ ಕಹಿಬೇವಿನ ಹಿಂಡಿಯ ಜೊತೆ ಚೆನ್ನಾಗಿ ಮಿಶ್ರಣ ಮಾಡಿ ಕಾಳುಮೆಣಸು ಬೆಳೆಗಳಿಗೆ ಉಪಯೋಗಿಸಬೇಕು.

• ಬೆಳೆಗಳಿಗೆ ನೇರವಾಗಿ ಉಪಯೋಗಿಸುವ ವಿಧಾನ: 4 ಕೆ.ಜಿ ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹ, ಒಂದು ಕೆ.ಜಿ ಬೆಲ್ಲ, 10 ಲೀಟರ್ ಗಂಜಳ ಮತ್ತು 10 ಕೆ.ಜಿ ಸಗಣಿಯನ್ನು 200 ಲೀಟರ್ ನೀರಿನಲ್ಲಿ ಮಿಶ್ರಣ ಮಾಡಿ 12 ಗಂಟೆಗಳ ಕಾಲ ಇಟ್ಟು ಕಾಳುಮೆಣಸಿನ ಗಿಡದ ಬುಡ ಭಾಗಕ್ಕೆ ನೇರವಾಗಿ (4 ರಿಂದ 5 ಲೀಟರ್‍ನಷ್ಟು) ಸೆಪ್ಟಂಬರ್-ಅಕ್ಟೋಬರ್ ತಿಂಗಳಿನಲ್ಲಿ ಸುರಿಯಬೇಕು.

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ

ಪ್ರಧಾನ ವಿಜ್ಞಾನಿ ಮತ್ತು ಮುಖ್ಯಸ್ಥರು

ಐ.ಸಿ.ಎ.ಆರ್-ಕೃಷಿ ವಿಜ್ಞಾನ ಕೇಂದ್ರ

ಗೋಣಿಕೊಪ್ಪಲು, ಕೊಡಗು ಜಿಲ್ಲೆ, ದೂರವಾಣಿ: 08274-295274

ಬಹು ಉಪಯೋಗಿ ಕರಿಬೇವು

2024-06-27T08:24:00.000-07:00

ಬರಹ: ಕೂಡಂಡ ರವಿ, ಹೊದ್ದೂರು.

ಬಹುತೇಕ ಮಹಿಳೆಯರಿಗೆ ಕೇಶವೇ ಸೌಂದರ್ಯವರ್ಧನ ಸಾಧನ. ಚಲನಚಿತ್ರಗಳಲ್ಲಿ, ಧಾರಾವಾಹಿಗಳಲ್ಲಿಯೂ ಮಹಿಳೆಯರ ನೀಳಕೇಶಕ್ಕೆ ಆದ್ಯತೆ ನೀಡಲಾಗಿದೆ. ಈ ಹಿನ್ನೆಲೆಯಲ್ಲಿ ಸಾಕಷ್ಟು ಪ್ರಮಾಣದ ಮಹಿಳೆಯರು ಕೇಶವರ್ಧನೆಗೆ ಹರಸಾಹಸ ಪಡುತ್ತಿದ್ದಾರೆ. ಧನಿಕ ಮಹಿಳೆಯರು ದುಬಾರಿ ಬೆಲೆಯ ಎಣ್ಣೆಗಳನ್ನು ಬಳಸುತ್ತಿದ್ದಾರೆ. ಇದರಲ್ಲಿ ಸಾಕಷ್ಟು ಪ್ರಮಾಣದ ಮಂದಿಗೆ ನಿರೀಕ್ಷಿತ ಯಶಸ್ಸು ಸಿಕ್ಕಿಲ್ಲ. ಅಂತಹವರು ಅತ್ಯಂತ ಕಡಿಮೆ ಬೆಲೆಯಲ್ಲಿ ದೊರೆಯುವ ಕರಿಬೇವಿನ ಎಣ್ಣೆಯನ್ನು ಬಳಸಿ ನೋಡಬಹುದು.

ವೈದ್ಯರ ಶಿಫಾರಸ್ಸು

ಕರಿಬೇವಿನ ಎಲೆಗಳು ಕೂದಲಿನ ಆರೈಕೆಯಲ್ಲಿ ಜನಪ್ರಿಯತೆ ಪಡೆದಿದೆ. ಇದರಲ್ಲಿರುವ ಅಮೈನೋ ಆಮ್ಲಗಳು ಈ ಪ್ರಕ್ರಿಯೆಗೆ ಕಾರಣ. ಕರಿಬೇವಿನ ಪೇಸ್ಟನ್ನು ಮೊಸರಿಗೆ ಮಿಶ್ರಮಾಡಿ ತಲೆಗೂದಲ ಮೇಲೆ ನೇರವಾಗಿ ಹಚ್ಚಬಹುದು. ಅರ್ಧ ಘಂಟೆಯ ಬಳಿಕ ಇದನ್ನು ತೊಳೆಯುವುದರಿಂದ ಕೂದಲು ಪುರ್ನಜೀವ ಗೊಳ್ಳುತ್ತದೆ. ಕೂದಲು ಉದುರುವಿಕೆ ಕಡಿಮೆಯಾಗುತ್ತದೆ. ತೆಂಗಿನೆಣ್ಣೆಗೆ ಇದರ ಸೊಪ್ಪನ್ನು ಹಾಕಿ ೧೦-೧೫ ನಿಮಿಷ ಚೆನ್ನಾಗಿ ಕುದಿಸಿ. ಆರಲು ಬಿಡಿ. ಈ ಎಣ್ಣೆಯನ್ನು ತಲೆ ಮಸಾಜ್ ಮಾಡಲು, ಕೂದಲಿನ ವರ್ಧನೆಗಾಗಿ ನಿರಂತರವಾಗಿ ಬಳಸಬಹುದು. ಇದರ ಬಳಕೆಯಿಂದ ಕೂದಲು ಗಾಡ ಕಪ್ಪು ಬಣ್ಣಕ್ಕೆ ತಿರುಗುವುದು. ಕೂದಲಿನ ಬೇರುಗಳ ಬಲವರ್ಧನೆಯಾಗುವುದು. ಕರಿಬೇವಿನ ಎಲೆಗಳಲ್ಲಿ ಕಬ್ಬಿಣ ಮತ್ತು ಕ್ಯಾಲ್ಸಿಯಂ ಅಂಶಗಳು ಸಮೃದ್ಧವಾಗಿವೆ. ಇವು ಮಾನವನ ದೇಹಕ್ಕೆ ಪ್ರತಿರಕ್ಷೆ ನೀಡುತ್ತವೆ ಎಂದು ವೆಂಕಟರಮಣ ಆರ್ಯವೇದ ಆಸ್ಪತ್ರೆಯ ವೈದ್ಯ ಡಾ.ರಾಧಾಕೃಷ್ಣ ಅಭಿಪ್ರಾಯ.

ಮಾನವನ ಕೂದಲಿಗೆ ನೈಸರ್ಗಿಕ ಬಣ್ಣವನ್ನು ಯಥಾ ರೀತಿಯಲ್ಲಿ ಕಾಪಾಡಲು ಕರಿಬೇವಿನ ಎಲೆಗಳನ್ನು ಬಳಸಬಹುದು. ಇದನ್ನು ನಿರಂತರ-ನಿಯಮಿತವಾಗಿ ಬಳಸಿದಲ್ಲಿ ಕೂದಲ ಬೇರುಗಳ ಬಲವರ್ಧನೆಗೆ ನೆರವಾಗಲಿದೆ. ಇದನ್ನು ನಿರಂತರವಾಗಿ ಬಳಸಿದ್ದಲ್ಲಿ ಕೂದಲಿನ ಉದುರುವಿಕೆಯ ಪ್ರಮಾಣದಲ್ಲಿ ಗಣನೀಯ ಇಳಿಕೆ ಕಾಣಬರುವುದು.

ಮಧುಮೇಹದ ವಿರೋಧಿ

ಇದು ಮಧುಮೇಹಿ ವಿರೋಧಿ. ಜೀರ್ಣಕ್ರಿಯೆಗೆ ಸಹಕಾರಿ. ಉದರದಲ್ಲಿನ ಹುಳ ನಿಯಂತ್ರಣ, ದೇಹದಲ್ಲಿನ ಮಿತಿ ಮಿರಿದ ಕೊಬ್ಬು ಶೇಖರಣೆ(ಬೊಜ್ಜು) ತಡೆಗೆ ಸಹಕಾರಿ ಎಂದು ಇತ್ತೀಚಿಗಿನ ಸಂಶೋಧನೆಗಳು ಖಾತ್ರಿಪಡಿಸಿವೆ. ಈ ಸೊಪ್ಪನ್ನು ಬೆಳಿಗ್ಗೆ ಅಗಿದು ತಿಂದಲ್ಲಿ ರಕ್ತದಲ್ಲಿನ ಸಕ್ಕರೆಯ ನಿಯಂತ್ರಣಕ್ಕೆ ನೆರವು ನೀಡುತ್ತದೆ.

ಮಿತಿಮೀರಿದ ಪಿತ್ತವಿದ್ದಲ್ಲಿ ಮುಂಜಾನೆ ವೇಳೆಯಲ್ಲಿನ ವಾಕರಿಕೆ, ವಾಂತಿಯ ನಿಯಂತ್ರಣಕ್ಕಾಗಿ ಪುದೀನ, ಕೊತ್ತಂಬರಿ ಮತ್ತು ಕರಿಬೇವಿನ ಎಲೆಗಳನ್ನು ಬಳಸಲಾಗುವುದು. ಈ ಎಲೆಗಳನ್ನು ಅರೆದು ಹಸಿ ಶುಂಠಿ ಮೆಂತೆ, ರುಚಿಗೆ ತಕ್ಕ ಉಪ್ಪನ್ನು ಬಳಸಿ ಎರಡು ದಿನಗಳ ಕಾಲ ಆಹಾರದೊಡನೆ ಸೇವಿಸಬೇಕು. ಕರಿಬೇವಿನ ಎಲೆಗಳಲ್ಲಿ ಧಾರಾಳ ಕ್ಯಾಲ್ಸಿಯಂ ಅಂಶವಿರುವುದರಿAದ ಹಿರಿಯರ ಮೂಳೆ ಸವೆತದಂತಹ ಕಾಯಿಲೆಗಳನ್ನು ನಿಯಂತ್ರಣದಲ್ಲಿರಿಸಬಹುದು. ಬೆಂದ ಗಾಯಗಳು, ಮೈಮೇಲೆ ಆದ ಏಟುಗಳಿಗೆ ಕರಿಬೇವಿನ ಎಲೆ, ಅರಶಿನ ಬೆರೆಸಿ, ಪೇಸ್ಟ್ ಮಾಡಿ ಹಚ್ಚಿದಲ್ಲಿ ಶೀಘ್ರ ಗುಣಮುಖರಾಗಬಹುದು. ಕಳೆಗುಂದಿದ ಮುಖದಲ್ಲಿ ತಾಜಾತನ ಮೂಡಿಸಲು, ಮುಖದಲ್ಲಿ ಮೂಡುವ ಮೊಡವೆಗಳ ನಿಯಂತ್ರಣಕ್ಕೆ ಕರಿಬೇವಿನ ಎಲೆ, ಹಸಿ ಅರಸಿನದ ಪೇಸ್ಟ್ನ್ನು ವಾರದ ಕಾಲ ಬಳಸಿ ನಿಯಂತ್ರಿಸಬಹುದು.

ಬೆಳಸಿ ಬಳಸಿ

ದಾಲ್ಚಿನ್ನಿ ಸಿಪ್ಪೆ, ನಿಂಬೆ ರಸ, ಬೆಳ್ಳುಳ್ಳಿ ಮತ್ತು ಕರಿಬೇವಿನ ಎಲೆಯನ್ನು ಸಮ ಪ್ರಮಾಣದಲ್ಲಿ ತೆಗೆದುಕೊಳ್ಳಿ. ಅದನ್ನು ಅರೆದು ಹಚ್ಚಿದಲ್ಲಿ ಕೀಟಗಳ ಕಡಿತದ ನೋವು ಉಪಶಮನವಾಗುವುದು. ಹಸಿವಿನ ಕೊರತೆ, ರುಚಿ ನಷ್ಟದಂತಹ ಸಮಸ್ಯೆಗಳಿಗೆ ಕರಿಬೇವಿನ ಎಲೆಯ ಪುಡಿ, ಜೀರಿಗೆ, ಕಪ್ಪು ಉಪ್ಪನ್ನು ಸೇರಿಸಿ, ಚಿಕಿತ್ಸಕ ಪಾನೀಯ ತಯಾರಿಸಿ ಕುಡಿಯಬೇಕು. ನಿರಂತರವಾಗಿ ಕರಿಬೇವಿನ ಪುಡಿಯನ್ನು ಅಡುಗೆಯಲ್ಲಿ ಬಳಸಿದಲ್ಲಿ ಆರೋಗ್ಯವರ್ಧನೆ ಖಾತರಿ. ಆದರೆ, ರಾಸಾಯನಿಕ, ಕೀಟನಾಶಕ ಮುಕ್ತ ಸೊಪ್ಪನ್ನು ಬಳಸಿ. ಅನುಕೂಲವಾದಲ್ಲಿ ಪ್ರತೀ ಮನೆಯಲ್ಲಿಯೂ ಕರಿಬೇವನ್ನು ನೆಟ್ಟು ಬೆಳಸಿ-ಬಳಸಿ ನೋಡಿ. ಅಧಿಕ ಮಾಹಿತಿಗಾಗಿ ಸಮೀಪದ ಆರ್ಯುವೇದಿಕ್ ವೈದ್ಯರನ್ನು ಸಂಪರ್ಕಿಸಬಹುದು.

ಗೊತ್ತಾ ನಿಮಗೆ – ಗೊಬ್ಬರದ ಗಿಡ...?

2024-06-22T08:29:00.000-07:00

ಬರಹ: ಕೂಡಂಡ ರವಿ, ಹೊದ್ದೂರು,

ಮೊ: ೮೩೧೦೧೩೦೮೮೭.

ಕೃಷಿಕ ಬಂಧುಗಳಿಗೆ ಅತ್ಯಂತ ಪ್ರಿಯವಾದ, ಬಹುಪಯೋಗಿ ಮರವಿದು.

“ಹಸಿರು ಗೊಬ್ಬರದ ಕಾರ್ಖಾನೆ” ಎಂದೇ ಈ ಗಿಡವು ಹೆಸರುವಾಸಿ. ಪುರಾತನ

ಕಾಲದಿಂದಲೇ ನಮ್ಮ ಪೂರ್ವಜರು ಹಸಿರು ಗೊಬ್ಬರವನ್ನು ಬಳಸಿ

ಯಥೇಚ್ಛ ಬೆಳೆ ಬೆಳೆಸುತ್ತಿದ್ದರು. ಇದು ಮಣ್ಣಿನ ಫಲವತ್ತತೆ

ಹೆಚ್ಚಿಸಲು ಸಹಕಾರಿ ಎಂಬುವುದನ್ನು ಅವರು ಅಂದಿನ ಕಾಲದಿಂದಲೇ ಅರಿತಿದ್ದರು.

ಇಂದಿನ ಕಾಲದಲ್ಲಿ ಹಸಿರು ಗೊಬ್ಬರವನ್ನು ಈ ಮರವನ್ನು ಬೆಳೆಸುವುದರಿಂದ

ಅತ್ಯAತ ಸುಲಭವಾಗಿ ಬಳಸಲು ಸಾಧ್ಯ. ಈ ಮರದ ಸೊಪ್ಪು

ವೈವಿಧ್ಯಮಯ ಬೆಳೆಗಳಿಗೆ ಬೇಕಾಗುವ ವಿವಿಧ ಪೋಷಕಾಂಶಗಳನ್ನು

, ಲಘು ಪೋಷಕಾಂಶಗಳನ್ನು ಒದಗಿಸುತ್ತದೆ. ಈ ಗಿಡದಿಂದ ಕಡಿಮೆ

ಖರ್ಚಿನಿಂದ ವಿವಿಧ ಬಗೆಯ ಬೆಳೆಗಳಿಗೆ ಎಲ್ಲಾ ರೀತಿಯ

ಪೋಷಕಾಂಶಗಳನ್ನು ಒದಗಿಸಬಹುದು.

ಗ್ಲಿರಿಸೀಡಿಯಾ ಎಂದು ಕರೆಯಲಾಗುವ ಈ ಗಿಡವು ಹಳ್ಳಿಗರ ಬಾಯಲ್ಲಿ

ಗೊಬ್ಬರದ ಗಿಡವೆಂಬ ಖ್ಯಾತಿಯನ್ನು ಪಡೆದಿದೆ. ದಕ್ಷಿಣಕನ್ನಡದಲ್ಲಿ ಇದನ್ನು

ಹೀಟ್ ಗಿಡ ಎಂದು ಕರೆಯುವುದುಂಟು. ಇದರ ಎಳೆಯ ಕಾಂಡಗಳು,

ಸೊಪ್ಪು ಅತ್ಯಂತ ಅಲ್ಪಾವಾಧಿಯಲ್ಲಿ ಕೊಳೆತು ಗೊಬ್ಬರವಾಗುತ್ತದೆ.

ಇದರ ಸೊಪ್ಪನ್ನು ಸೊಪ್ಪಿನ ಕಷಾಯ ತಯಾರಿಸಿ, ಸಸ್ಯಾ¯ಯ(ನರ್ಸರಿ),

ಹೂವಿನ ಮತ್ತು ತರಕಾರಿ ಗಿಡಗಳಿಗೆ ಬಳಸಲು ಸಹಾ ಉಪಯೋಗಿಸಬಹುದು.

ಇದು ಅತ್ಯಂತ ವೇಗವಾಗಿ ಬೆಳೆಯುತ್ತದೆ. ಈ ಮರವು ವಾತಾವರಣದಲ್ಲಿನ

ಸಾರಜನಕವನ್ನು ಹೀರುತ್ತದೆ.

ಇತರ ಸಾವಯವ ಗೊಬ್ಬರದ ಜೊತೆಗೆ ಇದರ ಸೊಪ್ಪನ್ನು ಬೆರೆಸಿ,

ಬಳಸಬಹುದು. ಅಥವಾ ನೇರವಾಗಿ ತೋಟ, ಗದ್ದೆ, ಹೊಲಗಳಿಗೆ ಇದರ

ಸೊಪ್ಪನ್ನು ನೇರವಾಗಿ ಹಾಕಬಹುದು. ಇದರ ಸೊಪ್ಪನ್ನು ನೆಲದಲ್ಲಿ ಹರಡಿದ

ಬಳಿಕ ಒಂದಿಷ್ಟು ತೇವಾಂಶ ಸಿಕ್ಕಿದ್ದಲ್ಲಿ ಅತ್ಯಂತ ವೇಗವಾಗಿ ಇದು

ಕೊಳೆಯುತ್ತದೆ.

ಉಪಯೋಗಗಳು

ಗ್ಲಿರಿಸಿಡಿಯಾ ಎಂಬುದು ಪ್ರೋಟೀನ್-ಸಮೃದ್ಧ ಮೇವು ಮತ್ತು ಹೆಚ್ಚಿನ

ಪೌಷ್ಟಿಕಾಂಶದ ಮೌಲ್ಯದಿಂದಾಗಿ ಪ್ರಮುಖ ಉಷ್ಣವಲಯದ ಮೇವಿನ

ಮರಗಳಲ್ಲಿ ಒಂದು. ಕತ್ತರಿಸಿದ ದಂಟು ಮತ್ತು ಎಲೆಗಳಿಂದ ರಾಸುಗಳಿಗೆ

ಮೇವು ತಯಾರಿಸಲು ಸಹ ಸಾಧ್ಯವಿದೆ, ಇದನ್ನು ಹುಲ್ಲು ಅಥವಾ ಮೆಕ್ಕೆ

ಜೋಳದೊಂದಿಗೆ ಬೆರೆಸಬಹುದು.

ಗ್ಲಿರಿಸಿಡಿಯಾದ ಸಣ್ಣ ಭಾಗಗಳನ್ನು ಇತರ ಮೇವುಗಳೊಂದಿಗೆ ಮಿಶ್ರಣ

ಮಾಡಿ ಮತ್ತು ಉಪ್ಪು ಮತ್ತು ಬೆಲ್ಲವನ್ನು ಸೇರಿಸಿ ಕೊಡಲು

ಪ್ರಯತ್ನಿಸಬಹುದು. ಇದನ್ನು ಜಾನುವಾರು, ಕುರಿ ಮತ್ತು ಮೇಕೆಗಳಿಗೆ

ಕತ್ತರಿಸಿ ಮೇವುಗಳ ಜೊತೆ ಮಿಶ್ರಣ ಮಾಡಿ ಬಳಸಬಹುದು..

ಹವಾಗುಣವನ್ನು ಅವಲಂಬಿಸಿ ಪ್ರತಿ ೨ ರಿಂದ ೪ ತಿಂಗಳುಗಳಲ್ಲಿ ಎಲೆಗಳನ್ನು

ಕತ್ತರಿಸಿ ಬಳಸಬಹುದು.

ರಾಸಾಯನಿಕ ಗೊಬ್ಬರಕ್ಕೆ ಬದಲಿ

ಈ ಮರಗಳನ್ನು ಭಾಗದಲ್ಲಿ ಅಂತರ್ ಬೆಳೆಗೆ ಬಳಸಲಾಗುತ್ತದೆ ಏಕೆಂದರೆ

ಅವು ಮಣ್ಣಿನಲ್ಲಿ ಸಾರಜನಕವನ್ನು ಸರಿಪಡಿಸಿ ಕಡಿಮೆ ಮಣ್ಣಿನ

ಫಲವತ್ತತೆಯನ್ನು ಸಹಿಸಿಕೊಳ್ಳುತ್ತವೆ, ಆದ್ದರಿಂದ ಅವು

ಬೆಳೆಗಳೊಂದಿಗೆ ಅಂತರ್ಗತವಾಗಿರುತ್ತದೆ ರಾಸಾಯನಿಕ

ರಸಗೊಬ್ಬರಗಳ ಅಗತ್ಯವಿಲ್ಲದೆ ಬೆಳೆ ಇಳುವರಿಯನ್ನು ಗಣನೀಯವಾಗಿ

ಹೆಚ್ಚಿಸಬಹುದು.ಮಣ್ಣಿನ ಮೇಲ್ಮೈನ ಸವೆತವನ್ನು ತಡೆಗಟ್ಟಲು ಇದನ್ನು

ಬೆಳೆಸಲಾಗುತ್ತದೆ. ಕೃಷಿಯನ್ನು ರಕ್ಷಿಸಲು ಸಾಂಪ್ರದಾಯಿಕ “ ಜೀವಂತ

ಬೇಲಿ (ಲೈವ್ ಫೆನ್ಸಿಂಗ್)“ಗಾಗಿ ಬಳಸಲಾಗುವ ಅತ್ಯುತ್ತಮ ಸಸ್ಯಗಳಲ್ಲಿ ಇದೂ

ಒಂದು.

ಈ ಗಿಡವನ್ನು ಬೀಜ ಮತ್ತು ಕಾಂಡಗಳಿAದ ಬೆಳೆಸಬಹುದು. ಬೇಲಿಗೆ ತಂತಿ

ಕAಬವಾಗಿ, ಬೇಲಿಯಂಚು, ತೋಟಗಳಲ್ಲಿ ನೆರಳಿನ ಮರವಾಗಿ ಬೆಳೆಸಬಹುದು.

ಇದರ ಸೊಪ್ಪುಗಳನ್ನು ಗದ್ದೆಗಳಿಗೆ, ಸಸಿಮಡಿಗಳಿಗೆ ಬಳಸಿದ್ದಲ್ಲಿ

ಬೆಳೆಗಳು ಸೊಂಪಾಗಿ ಬೆಳೆಯುತ್ತವೆ. ಇದರ ಬಳಕೆಯಿಂದ ಮಣ್ಣಿನಲ್ಲಿ

ಸಾವಯವ ಇಂಗಾಲವು ಹೆಚ್ಚಾಗುತ್ತದೆ. ಪರಿಣಾಮ ಮಣ್ಣು ಅಧಿಕ

ಪ್ರಮಾಣದಲ್ಲಿ ನೀರನ್ನು ಹಿಡಿದಿಟ್ಟುಕೊಳ್ಳುವ ಸಾರ್ಮಥ್ಯ ಪಡೆಯುತ್ತದೆ.

ಇದರ ಮಹತ್ವ ಅರಿತ ಕೃಷಿಕ ಸಮುದಾಯದವರು ಅಧಿಕ ಪ್ರಮಾಣದಲ್ಲಿ

ಇದನ್ನು ಬೆಳೆಯುತ್ತಿರುವರು. ಈ ಗಿಡದ ಬಗ್ಗೆ ಅಧಿಕ ಮಾಹಿತಿಗಾಗಿ

ಸಮೀಪದ ತೋಟಗಾರಿಕಾ ಅಥವಾ ಕೃಷಿ ಇಲಾಖಾ ಕಛೇರಿ, ಗೋಣಿಕೊಪ್ಪದ ಕೃಷಿ

ವಿಜ್ಞಾನ ಕೇಂದ್ರವನ್ನು ಸಂಪರ್ಕಿಸಬಹುದು.

ತೋಟ ಮಾಡುವುದು ಬಹಳ ಸುಲಭ ಕಣ್ರೀ.

2024-06-09T01:49:00.000-07:00

ಈಗಿನ ಕಾಲದ ಯುವಕ, ಯುವತಿ ಹಾಗೂ ಮಕ್ಕಳಲ್ಲಿ, ಅತೀ ಸಣ್ಣ ಪ್ರಾಯದಲ್ಲಿ - ಹಿರಿಯರಿಗೆ ಬರುವ ರೋಗಗಳಿಗೆ ಕಾರಣ ಏನು ?..

2021-09-25T09:41:00.000-07:00

ಬರಹ : ಮಣಿಪಾಲ ಶಿವರಾಂ ಭಟ್ Forwarded from facebook

ಈಗಿನ ಕಾಲದ ಯುವಕ, ಯುವತಿ ಹಾಗೂ ಮಕ್ಕಳಲ್ಲಿ, ಅತೀ ಸಣ್ಣ ಪ್ರಾಯದಲ್ಲಿ - ಹಿರಿಯರಿಗೆ ಬರುವ ಹಲವಾರು ರೋಗ ರುಜಿನಗಳನ್ನು ಕಾಣಬಹುದು..
ಉದಾಹರಣೆ - ಸಣ್ಣ ಮಕ್ಕಳಿಗೆ ಕ್ಯಾನ್ಸರ್, ಹೃದ್ರೋಗಾ, ಸಕ್ಕರೆ ಖಾಯಿಲೆ ಇತ್ಯಾದಿ.. 10 ವರ್ಷದ ಒಳಗಿನ ಹುಡುಗಿಯರ ಮೈ ನೆರೆಯುವುದು.... ಇತ್ಯಾದಿ ಇತ್ಯಾದಿ... ಬೇಕಾದಷ್ಟು ಇದೆ..
ಕಾರಣ?
ಈಗಿನ ಆಹಾರ ಕ್ರಮಗಳು, ಪರಿಸರ, ನೀರು, ವಾತಾವರಣ ಮಾಲಿನ್ಯ ಇತ್ಯಾದಿ ಅಲ್ಲವೇ?
ಇನ್ನೊಂದು ಮುಖ್ಯ ಕಾರಣ, ನಾವು ಜೀವಿಸಲು ಬೇಕಾದ ಮುಖ್ಯ ಆಹಾರವನ್ನು, ನಮ್ಮ ರೈತರು/ಕೃಷಿಕರು ಮಾಡುವಂತಹ ಕೃಷಿ ಕ್ರಮಗಳಿಂದ, ಹಾಗೂ ಇದನ್ನು ಪ್ರತಿಪಾದಿಸುವ ನಮ್ಮ ಕೃಷಿ ವಿಜ್ಞಾನಿಗಳು ಎಂದರೆ ಖಂಡಿತ ತಪ್ಪು ಆಗಲಾರದು.
ಗರಿಷ್ಠ ಇಳುವರಿ ಪಡೆಯಲು ನಮ್ಮ ರೈತರು/ಕೃಷಿಕರು ಬಳಸುವ ಅತಿಯಾದ ರಾಸಾಯನಿಕ ಒಳಸುರಿಗಳಿಂದ ನಮ್ಮ ದೇಶದ ಕೃಷಿ ಭೂಮಿಗಳು ನಾಶದ ಅಂಚಿಗೆ ತಲುಪುವ ಘಟ್ಟವನ್ನು ನೋಡುತ್ತಿದ್ದೇವೆ.
ಈ ಪೋಸ್ಟ್ ಹಾಕಲು ಮುಖ್ಯ ಕಾರಣ ಎಂದರೆ - ನಮ್ಮ ಕರಾವಳಿ ಭಾಗದಲ್ಲಿ ಅಡಿಕೆ ಕೃಷಿಗೆ ಒಂದು ಮಹತ್ವ ಸ್ಥಾನ. ಸಾವಿರಾರು ಗದ್ದೆ, ಗುಡ್ಡ ಭೂಮಿ ನಾಶವಾಗಿ, ಈಗ ಎಲ್ಲಿ ನೋಡಿದರೂ ಅಡಿಕೆ ಹಾಗೂ ರಬ್ಬರ್ ತೋಟಗಳನ್ನು ಕಾಣುತ್ತಿದ್ದೇವೆ. ಇಲ್ಲಿ ಹೆಚ್ಚಿನ ಕೃಷಿಕರು ರಾಸಾಯನಿಕ ಕೃಷಿಕರಾಗಿ ಮಾರ್ಪಟ್ಟು, ಅನಗತ್ಯ ರಾಸಾಯನಿಕ ಒಳಸುರಿ ಹಾಕಿ ಮಣ್ಣು, ಭೂಮಿ, ನೀರು, ಪರಿಸರ ಇತ್ಯಾದಿ ಬೇಕಾದಷ್ಟು ನಾಶ ಮಾಡಿ ಆಯ್ತು.
(ಹೇಗೆ ನಮ್ಮ ಸಮಾಜಶಾಸ್ತ್ರದಲ್ಲಿ ನಮ್ಮ ದೇಶದ ಬಗ್ಗೆ ಕೀಳಾಗಿ ಅವಹೇಳನ ಮಾಡುತ್ತಿದ್ದಾರೋ ಹಾಗೆ ಕೃಷಿಯಲ್ಲಿ ಕೂಡಾ, ನಮ್ಮ ಪುರಾತನ ಕೃಷಿಕ್ರಮಗಳನ್ನು ನಾಶ ಮಾಡಿ, ವಿದೇಶೀ ತಂತ್ರಜ್ಞಾನವನ್ನು ರೈತರಿಗೆ ಮೋಸ ಮಾಡಿ ಹಾಳಾಗಿ ಹೋಗುತ್ತಿದೆ)..
ಈ ಮೇಲಿನ ವಿಷಯ ಒಂದು ಪೀಠಿಕೆ.
ಈಗ ಮುಖ್ಯ ವಿಷಯಕ್ಕೆ ಬರುತ್ತಿದ್ದೇನೆ..
ಇತ್ತೀಚೆಗೆ ಅಂದರೆ ಸುಮಾರು ಕೆಲವು ವರ್ಷಗಳಿಂದ, ಅಡಿಕೆ ಕೃಷಿಯಲ್ಲಿ ವಿವಿಧ ರೋಗಗಳು, ಇದಕ್ಕೆ ಕೃಷಿ ವಿಜ್ಞಾನಿಗಳು ಏನೂ ಮಾಡುತ್ತಿಲ್ಲ, ಸರಕಾರದಿಂದ ಈ ರೋಗಗಳಿಗೆ ಪರಿಹಾರ ಕಂಡು ಹಿಡಿಯಲು ಕೋಟಿಗಟ್ಟಲೆ ಹಣ ಮೀಸಲು ಇಟ್ಟರೂ, ಯಾವುದೇ ಪ್ರಯೋಜನ ಕಾಣುತ್ತಿಲ್ಲ ಎಂದು..
ಈ ಅಡಿಕೆ ಕೃಷಿಯಲ್ಲಿ ಕಾಡುತ್ತಿರುವ ರೋಗಗಳು - ಕೊಳೆ ರೋಗ, ಹಳದಿ ರೋಗ, ಬೇರು ಹುಳುವಿನ ರೋಗ ಇತ್ಯಾದಿ ಇತ್ಯಾದಿ, ಯಾವುದಕ್ಕೂ ಇಷ್ಟರ ತನಕ ಒಂದು ಸರಿಯಾದ ಕಾರಣ ಹಾಗೂ ಪರಿಹಾರ ಸದ್ಯಕ್ಕೆ ಕೃಷಿ ವಿಜ್ಞಾನಿಗಳಿಂದ ಬರುತ್ತಿಲ್ಲ..

ಹಾಗಾದರೆ, ಅಡಿಕೆ ಕೃಷಿಕರಾಗಿ, ಈ ಕೃಷಿಕರು ಏನು ಮಾಡುತ್ತಿದ್ದಾರೆ ಎಂಬುದನ್ನು ಅವಲೋಕಿಸೋಣ
1. ಅತಿಯಾದ, ಅನಗತ್ಯ ರಾಸಾಯನಿಕ ಒಳಸುರಿ, ಇದರಿಂದಾಗಿ ಪರಿಸರ, ಮಣ್ಣು, ಭೂಮಿ, ನೀರು, ozone layer ನಲ್ಲಿ ದುಷ್ಪರಿಣಾಮ, ಹೆಚ್ಚುತ್ತಿರುವ ಸೂರ್ಯನ ಶಾಖ.
2. ಕೃಷಿ ಭೂಮಿಯ ಮಣ್ಣು ನಾಶವಾಗಿ, ಮಣ್ಣಿನಲ್ಲಿ ಯಾವುದೇ ರೋಗ ವಿರೋಧ ಮಾಡುವ ಶಕ್ತಿ ಇಲ್ಲ.
3. ಹಾಕುವ ರಾಸಾಯನಿಕ ಒಳಸುರಿ - ಇದರಲ್ಲಿ 60 - 70% ಅನುಪಯುಕ್ತ ಆಗಿ, ಮಾಲಿನ್ಯ ಮಾಡುವುದು.
4. ಎರೆಹುಳು, ಸೂಕ್ಷ್ಮಜೀವಾಣುಗಳ ನಾಶ.
5. ಮಣ್ಣು ಗಟ್ಟಿಯಾಗಿ, ನೀರು ಇಂಗದೆ, ಉತ್ತಮ ಮಣ್ಣಿನ ಸವಕಳಿ ಆಗಿ, ಕೃಷಿ ಭೂಮಿ ಅವಸಾನದತ್ತ (6" ಉತ್ತಮ ಮೇಲ್ಪದುರು ಮಣ್ಣು ಆಗಲು ಸುಮಾರು 1000 ವರ್ಷ ಬೇಕು)
6. ಕೀಟನಾಶಕ, ಕಳೆನಾಶಕ ಇತ್ಯಾದಿ ಪ್ರಯೋಗಿಸಿ, ಎಲ್ಲಾ ಸೂಕ್ಷ್ಮಜೀವಿಗಳ ಸರ್ವನಾಶ.
7. ಮಾರುಕಟ್ಟೆಯಲ್ಲಿ ಸಿಗುವ, ಸಾವಯವ ಒಳಸುರಿ ಎಂದು ಮಾಡುವ ಜಾಲದವರಿಂದ, ಮೋಸ ಹೋಗಿ ಹಾಕುವ ರಾಸಾಯನಿಕ ಗೊಬ್ಬರ
8. ನಮ್ಮ ಕೃಷಿ ಭೂಮಿ ಬಿಟ್ಟು, ಹೊರಗಡೆಯಿಂದ ರೋಗವಿರುವ ಒಳಸುರಿ, ಗೊಬ್ಬರ ಹಾಕಿ ಮೋಸ ಹೋಗುವುದು....
ಹೀಗೆ ನೂರಾರು...

ಪರಿಹಾರ -
ದೇಸೀ ಗೋವಾಧಾರಿತ ವಿಷಮುಕ್ತ ನೈಸರ್ಗಿಕ ಕೃಷಿ

ರೈತರ ಮಕ್ಕಳಿಗೆ ವಿದ್ಯಾರ್ಥಿ ವೇತನ

2021-09-24T23:39:00.003-07:00

ಕೂಡಂಡ ರವಿ, ಹೊದ್ದೂರು.

ಎಲ್ಲರಿಗೂ ಶಿಷ್ಯವೇತನ ಬರುತ್ತಿದೆ, ನಮಗಿಲ್ಲ. ಬಹುತೇಕ ಪೋಷಕರ ಮತ್ತು ವಿದ್ಯಾರ್ಥಿ೵ಗಳ ಕೊರಗು ದೂರವಾಗುತ್ತಿದೆ. ರಾಜ್ಯ ಸರ್ಕಾರ ಹೊಸದಾಗಿ ಜಾರಿಗೊಳಿಸಿರುವ ರೈತ ಮಕ್ಕಳ ಶಿಷ್ಯವೇತನ ಸೌಲಭ್ಯ ಜಾರಿಯಾಗಲಿದೆ. ರೈತ ಮಕ್ಕಳ ಹೆಚ್ಚಿನ ಹಾಗೂ ಉನ್ನತ ಶಿಕ್ಷಣವನ್ನು ಪ್ರೋತ್ಸಾಹಿಸಲು “ಶಿಷ್ಯವೇತನ ಯೋಜನೆ ಜಾರಿಗೆ ತರಲಾಗಿದೆ. 10 ನೇ ತರಗತಿ ನಂತರ ರಾಜ್ಯದ ಯಾವುದೇ ಭಾಗದಲ್ಲಿರುವ, ಅಧಿಕೃತವಾಗಿ ನೊಂದಣಿಯಾಗಿರುವ ಶಿಕ್ಷಣ ಸಂಸ್ಥೆಗಳು, ವಿಶ್ವವಿದ್ಯಾಲಯಗಳಲ್ಲಿ ಸ್ನಾತಕೋತ್ತರ ಕೋರ್ಸ್ಗಳವರೆಗೆ ಪ್ರವೇಶ ಪಡೆದಿರುವ ಕರ್ನಾಟಕ ರಾಜ್ಯದ ರೈತರ ಅರ್ಹ ಮಕ್ಕಳ ಬ್ಯಾಂಕ್ ಖಾತೆಗಳಿಗೆ ನೇರ ನಗದು ವರ್ಗಾವಣೆ ಮಾಡಲಾಗುತ್ತದೆ. ಯಾವುದೇ ಮಕ್ಕಳ ಪೋಷಕರು ಕೃಷಿ ಮಾಡುವ ಜಮೀನನ್ನು ಅವರು ಹೊಂದಿರಬೇಕು ಎಂಬ ನಿಯಮವನ್ನು ರೂಪಿಸಲಾಗಿದೆ. ಆದರೆ, ಮೆರಿಟ್, ಅರ್ಹತಾ ಪರೀಕ್ಷೆ, ಶೈಕ್ಷಣಿಕ ಪರೀಕ್ಷೆಗಳಲ್ಲಿ ರ್ಯಾಂಕ್ ಇತ್ಯಾದಿಗಳ ಆಧಾರದ ಮೇಲೆ ಪಡೆಯುವ ಶಿಷ್ಯವೇತನ, ಪ್ರಶಸ್ತಿ, ಪ್ರತಿಫಲ ಇವುಗಳನ್ನು ರೈತರ ಮಕ್ಕಳು ಪಡೆದಿದ್ದರೂ ಈ ಶಿಷ್ಯವೇತನವನ್ನು ಪಡೆಯಲು ಅರ್ಹರು. ರೈತರ ಮಕ್ಕಳ ತಂದೆ- ತಾಯಿ ಇಬ್ಬರೂ ಕೃಷಿ ಜಮೀನಿನ ಒಡೆಯರಾಗಿದ್ದರೆ, ಈ ಯೋಜನೆಯಲ್ಲಿ ಒಂದು ಶಿಷ್ಯ ವೇತನಕ್ಕೆ ಮಾತ್ರ ವಿದ್ಯಾರ್ಥಿಗಳು ಅರ್ಹರು. ಸೆಮಿಸ್ಟರ್ನಲ್ಲಿ, ಶೈಕ್ಷಣಿಕ ವರ್ಷದಲ್ಲಿ ಅನುತ್ತೀರ್ಣ ಹೊಂದಿದಲ್ಲಿ ಶಿಷ್ಯವೇತನ ಲಭ್ಯವಾಗುವುದಿಲ್ಲ. ವೇತನಗಳಂತೆ ಇದರಲ್ಲಿಯೂ ಸಹಾ ಮಹಿಳೆಯರಿಗೆ ಅಧಿಕ ಒತ್ತು ನೀಡಲಾಗಿರುವುದೇ ವಿಶೇಷ. ವಿದ್ಯಾಥಿ೵ ವೇತನ ಎಷ್ಟು? ಪದವಿಯ ಮುಂಚೆ ಪಿ.ಯು.ಸಿ, ಐ.ಟಿ.ಐ, ಡಿಪ್ಲೋಮಾ ಕೋರ್ಸ ವಿದ್ಯಾರ್ಥಿಗಳಿಗೆ ರೂ.2,500/-, ವಿದ್ಯಾರ್ಥಿನಿಯರಿಗೆ ರೂ.3,000/-, ಬಿ.ಎ, ಬಿ.ಎಸ್ಸಿ, ಬಿ.ಕಾಂ ಇತ್ಯಾದಿ ಎಂ.ಬಿ.ಬಿ.ಎಸ್, ಬಿ.ಇ/, ಬಿ.ಟೆಕ್ ಮತ್ತು ವೃತ್ತಿಪರ ಕೋರ್ಸಗಳನ್ನು ಹೊರತುಪಡಿಸಿ ವಿದ್ಯಾರ್ಥಿಗಳಿಗೆ ರೂ.5,000 ಹಾಗೂ ವಿದ್ಯಾರ್ಥಿನಿಯರಿಗೆ ರೂ.5,500. ಎಲ್.ಎಲ್.ಬಿ, ಪ್ಯಾರಾ ಮೆಡಿಕಲ್, ಬಿ.ಫಾರ್ಮ, ನರ್ಸಿಂಗ್ ಇತ್ಯಾದಿ ವೃತ್ತಿಪರ ಕೋರ್ಸ್ಗಳ ವಿದ್ಯಾರ್ಥಿಗಳಿಗೆ ರೂ.7,500, ವಿದ್ಯಾರ್ಥಿನಿಯರಿಗೆ ರೂ.8,000, ಎಂ.ಬಿ.ಎಸ್, ಬಿ.ಇ, ಬಿ.ಟೆಕ್ ಮತ್ತು ಸ್ನಾತಕೋತ್ತರ ಕೋರ್ಸ್ಗಳಿಗನ್ನು ಅಧ್ಯಯನ ಮಾಡುವ ವಿದ್ಯಾರ್ಥಿಗಳಿಗೆ ರೂ.10,000 ಹಾಗೂ ವಿದ್ಯಾರ್ಥಿನಿಯರಿಗೆ ರೂ. 11,000 ವಾರ್ಷಿಕ ಹಣ ನೀಡಲಾಗುತ್ತದೆ. ನೀವೇನು ಮಾಡಬೇಕು ? ಪ್ರೂಟ್ಸ್ ತಂತ್ರಾಂಶದಲ್ಲಿ ನೊಂದಣಿಯಾಗದೆ (ಎಫ್ಐಡಿ) ಇರುವಂತಹ ರೈತರು ಪಹಣಿ, ಆಧಾರ ಝರಾಕ್ಸ್, ಬ್ಯಾಂಕ್ ಪಾಸ್ ಬುಕ್ ಝರಾಕ್ಸ್ ಕೂಡಲೇ ರೈತ ಸಂಪರ್ಕ ಕೇಂದ್ರಗಳಿಗೆ ನೀಡಿ. ಎಫ್ಐಡಿ ಮಾಡಿಸಿಕೊಂಡು ಈ ಸೌಲಭ್ಯ ಪಡೆಯಬಹುದಾಗಿದೆ. ಹೆಚ್ಚಿನ ಮಾಹಿತಿಗೆ ತಾಲ್ಲೂಕು ಮಟ್ಟದ ಸಹಾಯಕ ಕೃಷಿ ನಿರ್ದೇಶಕರ ಕಛೇರಿ ಹಾಗೂ ಹೋಬಳಿಯ ರೈತ ಸಂಪರ್ಕ ಕೇಂದ್ರಗಳನ್ನು ಸಂಪರ್ಕಿಸಬಹುದ

ದಿಗುಜೆ ಸೇವನೆಯಿಂದಾಗುವ ಲಾಭಗಳು

2021-09-19T20:54:00.002-07:00

ದಿಗುಜೆ ಸೇವನೆಯಿಂದಾಗುವ ಲಾಭಗಳು ಬರಹ: ಕೂಡಂಡ ರವಿ, ಹೊದ್ದೂರು, ಕೊಡಗು

ದಿಗುಜೆ ಅಥವಾ ಬ್ರೆಡ್‌ಫ್ರೂಟ್ (ಅಲ್ಟಿಲಿಸ್) ಮೊರೇಸೀ ಕುಲದ ಸದಸ್ಯ. ಇದು ಸುಮಾರು ೫೦ ಜಾತಿಗಳನ್ನು ಹೊಂದಿದೆ. ಬ್ರೆಡ್‌ಫ್ರೂಟ್‌ನ ರಾಸಾಯನಿಕ ಅಂಶಗಳ ಮೇಲಿನ ಸಂಶೋಧನೆಯು ಹಲವಾರು ಟ್ರೈಟರ್‌ಪೆನ್‌ಗಳು ಮತ್ತು ಫ್ಲೇವನಾಯ್ಡ್ಗಳಂತಹ ಹಲವಾರು ವರ್ಗಗಳ ಸಂಯುಕ್ತಗಳನ್ನು ಪ್ರತ್ಯೇಕಿಸಿದೆ. ಆರ್ಟೋಕಾರ್ಪಸ್ ಜೆರನೈಲೇಟೆಡ್ ಫ್ಲೇವೊನ್‌ಗಳಂತಹ ಪ್ರಿನಿಲೇಟೆಡ್ ಫೀನಾಲಿಕ್ ಸಂಯುಕ್ತಗಳ ಸಮೃದ್ಧ ಮೂಲವಾಗಿದೆ. ಈ ಮರವನ್ನು ಕತ್ತರಿಸಿದರೆ ಅಥವಾ ಹಾನಿಗೊಳಗಾದರೆ ಬೇರುಗಳು ನೆಲದ ಮೇಲ್ಮೈಯ ಮೇಲೆ ಅಥವಾ ಸ್ವಲ್ಪ ಕೆಳಗೆ ಬೆಳೆಯುತ್ತವೆ. ವಿಶೇಷವಾಗಿ ಚಿಗುರುಗಳನ್ನು ಉತ್ಪಾದಿಸುತ್ತವೆ. ಇದನ್ನು ಮುಖ್ಯವಾಗಿ ಅದರ ಪೌಷ್ಟಿಕಾಂಶದ ಪ್ರಯೋಜನಗಳಿಗಾಗಿ ಮತ್ತು ಕಾರ್ಬೋಹೈಡ್ರೇಟ್‌ಗಳ ಪ್ರಮುಖ ಮೂಲವಾಗಿ ಸೇವಿಸಲಾಗುತ್ತದೆ. ಹಣ್ಣುಗಳು ಮತ್ತು ಬೀಜಗಳು ಕಾರ್ಬೋಹೈಡ್ರೇಟ್‌ಗಳು, ಪ್ರೋಟೀನ್, ಡಯೆಟರಿ ಫೈಬರ್, ಕೊಬ್ಬಿನಾಮ್ಲಗಳು, ಪ್ರೊ-ವಿಟಮಿನ್ ಎ, ಪೊಟ್ಯಾಸಿಯಮ್ ಮತ್ತು ಕ್ಯಾಲ್ಸಿಯಂನ ಗಮನಾರ್ಹ ಪ್ರಮಾಣದ ಆಸ್ಕೋರ್ಬಿಕ್ ಆಸಿಡ್, ನಿಯಾಸಿನ್ ಮತ್ತು ಕಬ್ಬಿಣದ ಉತ್ತಮ ಮೂಲಗಳಾಗಿವೆ. ಬೀಜಗಳಿಂದ ಪ್ರಸಾರ ಮಾಡುವುದು ಜನಪ್ರಿಯವಲ್ಲ. ಸಸ್ಯ ಅಂಗಾAಶ ಕೃಷಿತಂತ್ರಗಳು ಸಾಮೂಹಿಕ ಕ್ಲೋನಲ್ ಪ್ರಸರಣ, ಜರ್ಮ್ಪ್ಲಾಸಂ ಸಂರಕ್ಷಣೆ ಮತ್ತು ವಿನಿಮಯ ಮತ್ತು ಬೆಳೆ ಜಾತಿಗಳ ಸುಧಾರಣೆಗೆ ಅವಕಾಶ ಮಾಡಿಕೊಟ್ಟಿವೆ. ಬ್ರೆಡ್‌ಫ್ರೂಟ್‌ನ ಪೌಷ್ಠಿಕಾಂಶ ಮತ್ತು ಔಷಧೀಯ ಪ್ರಯೋಜನಗಳ ಬಗ್ಗೆ ಅರಿವು ಮೂಡಿಸುವುದು ಬಳಕೆಯ ಮಟ್ಟವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಸಾಮಾಜಿಕ ಕಳಂಕವನ್ನು ತೆಗೆದುಹಾಕುವುದು ಮತ್ತು ಅದರ ಪೌಷ್ಠಿಕಾಂಶದ ಗುಣಗಳ ಬಗ್ಗೆ ಅರಿವು ಹೆಚ್ಚಿಸುವುದು ಬ್ರೆಡ್‌ಫ್ರೂಟ್ ಅನ್ನು ಅದರ ಗುಪ್ತ ಗುರುತಿನಿಂದ ಜೀವನೋಪಾಯವನ್ನು ಹೆಚ್ಚಿಸುವ ಬೆಳೆಯಾಗಿ ಪರಿವರ್ತಿಸುವ ಅನ್ವೇಷಣೆಯಲ್ಲಿ ಪ್ರಮುಖ ಸವಾಲುಗಳಾಗಿವೆ. ಬ್ರೆಡ್‌ಫ್ರೂಟ್ ಗಮನಾರ್ಹವಾದ ಪೋಷಕಾಂಶಗಳು ಮತ್ತು ರುಚಿಕರವಾದ ಆಹಾರಗಳ ಪ್ರಮುಖ ಮೂಲವಾಗಿದೆ. ಆರೋಗ್ಯಕಾರಿ ಪ್ರಯೋಜನಗಳು ದಿಗುಜೆ ಪೋಷಕಾಂಶಗಳಿAದ ಕೂಡಿದ್ದು, ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು, ಸೋಂಕುಗಳ ವಿರುದ್ಧ ಹೋರಾಡಲು ಮತ್ತು ಯುವ ಚರ್ಮ ಮತ್ತು ಆರೋಗ್ಯಕರ ಕೂದಲನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ. ಇದು ಉತ್ತಮ ಪ್ರಮಾಣದ ಫೈಬರ್ ಅನ್ನು ಹೊಂದಿರುವುದರಿAದ ಗ್ಲೂಕೋಸ್ ಹೀರಿಕೊಳ್ಳುವಿಕೆಯ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ. ಇದು ಮಧುಮೇಹ ಸ್ನೇಹಿ ಆಹಾರವಾಗಿದೆ. ಇದು ಹೃದಯ ಸ್ನೇಹಿ ಪೋಷಕಾಂಶ ಪೊಟ್ಯಾಶಿಯಂನಿAದ ತುಂಬಿದ್ದು ರಕ್ತದೊತ್ತಡ ಮತ್ತು ಹೃದಯ ಬಡಿತವನ್ನು ನಿಯಂತ್ರಿಸುತ್ತದೆ. ಹೃದಯ ರಕ್ತನಾಳದ ಆರೋಗ್ಯ ಪೊಟ್ಯಾಸಿಯಮ್‌ನ ಅತ್ಯುತ್ತಮ ಮೂಲವಾಗಿದೆ. ಈ ಹೃದಯ ಸ್ನೇಹಿ ಪೋಷಕಾಂಶವು ದೇಹದಲ್ಲಿನ ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಮತ್ತು ಸೋಡಿಯಂ ಪರಿಣಾಮಗಳನ್ನು ಕಡಿಮೆ ಮಾಡುವ ಮೂಲಕ ಹೃದಯ ಬಡಿತವನ್ನು ನಿಯಂತ್ರಿಸುತ್ತದೆ. ಇದು ಹೃದಯವನ್ನು ಒಳಗೊಂಡAತೆ ಅಸ್ಥಿಪಂಜರದ ವ್ಯವಸ್ಥೆಯಲ್ಲಿ ಸ್ನಾಯುವಿನ ಸಂಕೋಚನವನ್ನು ಉಂಟುಮಾಡುವ ವಿದ್ಯುತ್ ಶುಲ್ಕಗಳನ್ನು ನಡೆಸುತ್ತದೆ. ಡಯಟರಿ ಫೈಬರ್ ಕರುಳಿನಲ್ಲಿ ಅದರ ಹೀರಿಕೊಳ್ಳುವಿಕೆಯನ್ನು ತಡೆಯುವ ಮೂಲಕ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದು ಕೆಟ್ಟ ಕೊಲೆಸ್ಟ್ರಾಲ್‌ನ್ನು ಕಡಿಮೆ ಮಾಡುತ್ತದೆ, ಆದರೆ ದೇಹದಲ್ಲಿ ಉತ್ತಮ ಕೊಲೆಸ್ಟ್ರಾಲ್ ಅನ್ನು ಹೆಚ್ಚಿಸುತ್ತದೆ. ಇದು ಟ್ರೈಗ್ಲಿಸರೈಡ್ ಮಟ್ಟವನ್ನು ಕಡಿಮೆ ಮಾಡಿ ಹೃದಯಾಘಾತವನ್ನು ತಡೆಗಟ್ಟುತ್ತದೆ. ಚರ್ಮದ ಆರೋಗ್ಯಕ್ಕೆ ಉತ್ತಮ. ಬ್ರೆಡ್‌ಫ್ರೂಟ್ ರಸವನ್ನು ನಿಯಮಿತವಾಗಿ ಸೇವಿಸುವುದರಿಂದ ಚರ್ಮವು ಹೊಳೆಯುವ ಮತ್ತು ತಾರುಣ್ಯದ ನೋಟವನ್ನು ನೀಡುತ್ತದೆ. ಬ್ರೆಡ್‌ಫ್ರೂಟ್‌ನಲ್ಲಿರುವ ವಿಟಮಿನ್ ಸಿ ಅಂಶವು ಚರ್ಮಕ್ಕೆ ಸ್ಥಿತಿಸ್ಥಾಪಕತ್ವವನ್ನು ಒದಗಿಸುವ ಕಾಲಜನ್ ಉತ್ಪಾದನೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ. ಬ್ರೆಡ್‌ಫ್ರೂಟ್ ಉರಿಯೂತದ ಕಿಣ್ವಗಳ ಚಟುವಟಿಕೆಯನ್ನು ತಡೆಯುತ್ತದೆ. ನೈಟ್ರಿಕ್ ಆಕ್ಸೈಡ್‌ಗಳ ಅಧಿಕ ಉತ್ಪಾದನೆಯನ್ನು ತಡೆಯುತ್ತದೆ, ಆದ್ದರಿಂದ ಚರ್ಮದ ಉರಿಯೂತವನ್ನು ತಡೆಯುತ್ತದೆ. ಮಧುಮೇಹ ನಿಯಂತ್ರಕ ಬ್ರೆಡ್‌ಫ್ರೂಟ್‌ನಲ್ಲಿ ಬಹಳಷ್ಟು ಫೈಬರ್ ಇದ್ದು ಇದು ಮಾನವ ದೇಹದಲ್ಲಿ ಮಧುಮೇಹದ ಪರಿಣಾಮವನ್ನು ನಿಗ್ರಹಿಸಲು ಸಹಾಯ ಮಾಡುತ್ತದೆ. ಮಧುಮೇಹ ರೋಗಿಯು ಸೇವಿಸಬೇಕಾದ ಆರೋಗ್ಯಕರ ಖಾದ್ಯ. ಫೈಬರ್ ಜೀರ್ಣಿಸಿಕೊಳ್ಳಲು ಸಾಕಷ್ಟು ಶಕ್ತಿಯನ್ನು ತೆಗೆದುಕೊಳ್ಳುತ್ತದೆ. ಹೀಗಾಗಿ ಶಕ್ತಿಯ ಸಂಗ್ರಹದ ಮಟ್ಟವನ್ನು ನಿಯಂತ್ರಿಸುತ್ತದೆ, ರಕ್ತದಲ್ಲಿನ ಸಕ್ಕರೆ ಅಂಶವನ್ನು ಕಡಿಮೆ ಮಾಡುತ್ತದೆ. ಅಲ್ಲದೆ, ಫೈಬರ್ ಅನ್ನು ಜೀರ್ಣಿಸಿಕೊಳ್ಳುವ ಮೂಲಕ, ದೇಹವು ಜೀರ್ಣಕ್ರಿಯೆಗೆ ಮುಂಚಿನAತೆ ಸಂಗ್ರಹಿಸಲು ಹೆಚ್ಚು ಕ್ಯಾಲೊರಿಗಳನ್ನು (ಸಕ್ಕರೆ) ಪಡೆಯುವುದಿಲ್ಲ ಜತೆಗೆ ಮಧುಮೇಹವನ್ನು ನಿಯಂತ್ರಿಸುತ್ತದೆ. ನಿದ್ದೆಗೆ ಸಹಕಾರಿ. ವ್ಯಕ್ತಿಯ ನಿದ್ರೆಗೆ ಸಹಾಯ ಮಾಡುತ್ತದೆ ಎಂದು ತಿಳಿದುಬಂದಿದೆ. ಇದರಲ್ಲಿ ಹೆಚ್ಚಿನ ಪ್ರಮಾಣದ ಮೆಗ್ನೀಸಿಯಮ್ ಇರುತ್ತದೆ, ಅದು ನಿದ್ರೆಯ ಗುಣಮಟ್ಟ, ಅವಧಿ ಮತ್ತು ಶಾಂತಿಯನ್ನು ಸುಧಾರಿಸಲು ನೇರವಾಗಿ ಸಂಬAಧಿಸಿದೆ. ಬ್ರೆಡ್‌ಫ್ರೂಟ್ ಚಯಾಪಚಯವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ನಿದ್ರೆಯ ಅಸ್ವಸ್ಥತೆಗಳನ್ನು ಮತ್ತು ನಿದ್ರಾಹೀನತೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಜೀರ್ಣಕ್ರಿಯೆಗೆ ನೆರವು ಬ್ರೆಡ್‌ಫ್ರೂಟ್‌ನಲ್ಲಿರುವ ಫೈಬರ್ ಕರುಳಿನಿಂದ ವಿಷವನ್ನು ಹೊರಹಾಕುತ್ತದೆ, ಕರುಳು ಮತ್ತು ಕರುಳಿನ ಸರಿಯಾದ ಕಾರ್ಯನಿರ್ವಹಣೆಗೆ ಸಹಾಯ ಮಾಡುತ್ತದೆ. ಇದು ಎದೆಯುರಿ, ಆಮ್ಲೀಯತೆ, ಹುಣ್ಣು ಮತ್ತು ಜಠರದುರಿತದಂತಹ ಜೀರ್ಣಕ್ರಿಯೆಗೆ ಸಂಬAಧಿಸಿದ ಕಾಯಿಲೆಗಳನ್ನು ತಪ್ಪಿಸುತ್ತದೆ, ಕರುಳಿನಿಂದ ವಿಷಕಾರಿ ಸಂಯುಕ್ತಗಳನ್ನು ತೆಗೆದುಹಾಕುತ್ತದೆ. ಅದರ ಹೊರತಾಗಿ ಬ್ರೆಡ್‌ಫ್ರೂಟ್ ಕರುಳಿನ ಲೋಳೆಯ ಪೊರೆಯನ್ನು ಕೊಲೊನ್‌ನಿಂದ ಕ್ಯಾನ್ಸರ್ ಉಂಟುಮಾಡುವ ರಾಸಾಯನಿಕಗಳನ್ನು ತಡೆಗಟ್ಟುವ ಮೂಲಕ ರಕ್ಷಿಸುತ್ತದೆ. ಮೂಳೆಯ ಸದೃಡತೆಗೆ ಮೂಳೆಯನ್ನು ಬಲಪಡಿಸಲು ಮತ್ತು ರೋಗಗಳಿಂದ ದೂರವಿರಿಸಲು, ಕ್ಯಾಲ್ಸಿಯಂ ಜೊತೆಗೆ ಒಂದು ಪ್ರಮುಖ ಪೋಷಕಾಂಶವೆAದರೆ ಒಮೆಗಾ ಕೊಬ್ಬಿನಾಮ್ಲಗಳು. ಬ್ರೆಡ್‌ಫ್ರೂಟ್ ಅಗತ್ಯವನ್ನು ಸಂಪೂರ್ಣವಾಗಿ ಒದಗಿಸುತ್ತದೆ ಮತ್ತು ನಿಮ್ಮ ಉತ್ತಮ ಮೂಳೆ ಆರೋಗ್ಯವನ್ನು ಕಾಪಾಡಿಕೊಳ್ಳುವುದನ್ನು ಖಾತ್ರಿಪಡಿಸುತ್ತದೆ. ದಂತ ಆರೋಗ್ಯ ನೀವು ಹಲ್ಲುನೋವಿನಿಂದ ಬಳಲುತ್ತಿದ್ದರೆ, ನೀವು ಹುರಿದ ಬ್ರೆಡ್‌ಫ್ರೂಟ್ ಹೂವನ್ನು ಸೇವಿಸಬೇಕು. ಬ್ರೆಡ್‌ಫ್ರೂಟ್‌ನ ಎಲೆಗಳನ್ನು ನಾಲಿಗೆಗೆ ಹಚ್ಚುವುದರಿಂದ ಥ್ರಷ್ ಅನ್ನು ಗುಣಪಡಿಸಲು ಸಹ ಸಹಾಯ ಮಾಡಬಹುದು. ನೈಸರ್ಗಿಕ ಶಕ್ತಿವರ್ಧಕ ಬ್ರೆಡ್‌ಫ್ರೂಟ್‌ನ ಫೈಬರ್ ಸೇವನೆಯು ಯಾವುದೇ ಕ್ಯಾಲೋರಿ ಸೇವನೆಯಿಲ್ಲದೆ ಪೂರ್ಣವಾಗಿರಲು ನಿಮಗೆ ಸಹಾಯ ಮಾಡುತ್ತದೆ. ಇದು ಶಕ್ತಿಯ ಮಟ್ಟವನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಸಹಾಯ ಮಾಡುತ್ತದೆ. ಇದು ಕೊಲೆಸ್ಟ್ರಾಲ್ ಮಟ್ಟವನ್ನು ನಿಯಂತ್ರಣದಲ್ಲಿರಿಸುತ್ತದೆ. ಹೃದಯ ಸಂಬAಧಿ ಕಾಯಿಲೆಗಳನ್ನು ತಪ್ಪಿಸುತ್ತದೆ. ಸೋಂಕುಗಳ ವಿರುದ್ಧ ಪ್ರತಿರೋಧ ಬ್ರೆಡ್‌ಫ್ರೂಟ್‌ನಲ್ಲಿ ಉತ್ತಮ ಪ್ರಮಾಣದ ಆ್ಯಂಟಿಆಕ್ಸಿಡೆAಟ್‌ಗಳಿವೆ, ಇದು ದೇಹವು ಸಾಂಕ್ರಾಮಿಕ ಏಜೆಂಟ್‌ಗಳ ವಿರುದ್ಧ ಪ್ರತಿರೋಧವನ್ನು ಬೆಳೆಸಲು ಸಹಾಯ ಮಾಡುತ್ತದೆ. ಇದು ವಯಸ್ಸಾದ ಮತ್ತು ವಯಸ್ಸಿಗೆ ಸಂಬAಧಿಸಿದ ಇತರ ಕಾಯಿಲೆಗಳಿಗೆ ಕಾರಣವಾಗುವ ಹಾನಿಕಾರಕ ಸ್ವತಂತ್ರ ರಾಡಿಕಲ್‌ಗಳನ್ನು ದೇಹದಿಂದ ದೂರೀಕರಿಸುತ್ತದೆ. ತಲೆ ಮತ್ತು ಕೂದಲು ಚಿಕಿತ್ಸೆ ದಿಗುಜೆಯು ಒಮೆಗಾ ೩ ಮತ್ತು ಒಮೆಗಾ ೬ರ ಉತ್ತಮ ಮೂಲವಾಗಿದೆ. ತಲೆಹೊಟ್ಟು, ತುರಿಕೆ ಮತ್ತು ಕೂದಲು ಒಡೆಯುವಿಕೆಗೆ ಚಿಕಿತ್ಸೆ ನೀಡುತ್ತದೆ. ಬ್ರೆಡ್‌ಫ್ರೂಟ್ ವಾಸ್ತವವಾಗಿ ಒಮೆಗಾ ೩ ಮತ್ತು ಒಮೆಗಾ ೬ ಕೊಬ್ಬಿನಾಮ್ಲಗಳ ಉತ್ತಮ ಮೂಲವಾಗಿದೆ, ಇದು ಕೂದಲನ್ನು ಒಡೆಯುವುದನ್ನು ಕಡಿಮೆ ಮಾಡುತ್ತದೆ. ಬ್ರೆಡ್‌ಫ್ರೂಟ್‌ನಲ್ಲಿರುವ ಕೊಬ್ಬಿನಾಮ್ಲಗಳು ನೆತ್ತಿಯ ಮೇದೋಗ್ರಂಥಿಗಳ ಸ್ರಾವ ಉತ್ಪಾದನೆಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ, ತಲೆಹೊಟ್ಟು ಮತ್ತು ತುರಿಕೆಯನ್ನು ಕಡಿಮೆ ಮಾಡುತ್ತದೆ. ಇದು ನೆತ್ತಿಯ ಉರಿಯೂತ ಮತ್ತು ಜೀವಕೋಶದ ಸಾವನ್ನು ತಡೆಯುತ್ತದೆ, ಕೂದಲು ಉದುರುವುದನ್ನು ತಡೆಯುತ್ತದೆ. ಕೊನೆ ಹನಿ ಆದುದರಿಂದ ಜನತೆ ದಿಗುಜೆಯನ್ನು ಬೆಳಸಿ, ಬಳಸಬೇಕಿದೆ. ತನ್ಮೂಲಕ ದೇಹದ ಆರೋಗ್ಯವನ್ನು ಕಾಪಾಡುವುದರ ಜತಗೆ ಪರಿಸರ ಸಮತೋಲನಕ್ಕೂ ತಮ್ಮ ಅತ್ಯಮೂಲ್ಯ ಕೊಡುಗೆಯನ್ನು ನೀಡಬಹುದಾಗಿದೆ.

ವಿದ್ಯಾರ್ಥಿಗಳಿಗೆ ಬಾಕಾಹು ರುಚಿ ತೋರಿಸಿದ ಅರಣ್ಯ ಮಹಾವಿದ್ಯಾಲಯ*

2021-08-14T04:11:00.004-07:00

ವಿದ್ಯಾರ್ಥಿಗಳಿಗೆ ಬಾಕಾಹು ರುಚಿ ತೋರಿಸಿದ ಅರಣ್ಯ ಮಹಾವಿದ್ಯಾಲಯ*

_ಕೊಡಗಿಗೂ ಹಬ್ಬಿದ ಬಾಕಾಹು ಘಮ_

*ವಿದ್ಯಾಲಯದ ಮೂಲಕ ’ಬಾಕಾಹು’ ವಿದ್ಯಾಪ್ರಸಾರ*

ಕೊಡಗಿನ ಪೊನ್ನಂಪೇಟೆಯ ಅರಣ್ಯ ಮಹಾವಿದ್ಯಾಲಯ ಈಚೆಗೆ ವಿದ್ಯಾರ್ಥಿಗಳ ಮೂಲಕವೇ ಬಾಳೆಕಾಯಿ ಹುಡಿ ತಯಾರಿ ಕಾರ್ಯಕ್ರಮ ನಡೆಸಿತು. ಅರಣ್ಯಶಾಸ್ತ್ರ ಬಿಎಸ್ಸಿ ಕೊನೆ ವರ್ಷದ 20 ಮತ್ತು ’ರಾಷ್ಟ್ರೀಯ ಷಿ ವಿಕಾಸ ಯೋಜನೆ’ಯ ರಾಜ್ಯಾದ್ಯಂತದ 20 - ಹೀಗೆ 40 ವಿದ್ಯಾರ್ಥಿ - ವಿದ್ಯಾರ್ಥಿನಿಯರು ಭಾಗವಹಿಸಿದ್ದರು. ಅರಣ್ಯ ಉತ್ಪನ್ನ ಮತ್ತು ಉಪಯೋಗ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಡಾ. ಸತೀಶ್ ಬಿ.ಎನ್ ಈ ತರಬೇತಿಯ ರೂವಾರಿ. ಡೀನ್ ಡಾ. ಕುಶಾಲಪ್ಪ ಅವರ ಸಕ್ರಿಯ ಬೆಂಬಲ.

ಬಳಸಿದ್ದು ಏಲಕ್ಕಿ ಬಾಳೆ. ಸತೀಶ್ ಅವರ ಪತ್ನಿ ವಚನಾ ಹೆಚ್.ಸಿ. ಅವರಿದ ಪಾಕಪ್ರಯೋಗ. ಅರ್ಧ ಪಾಲು ಬಾಕಾಹು ( ಬಾಳೆಕಾಯಿ ಹುಡಿ / ಹಿಟ್ಟು) ಸೇರಿಸಿ ಕೊಡಗಿನ ಜನಪ್ರಿಯ ಅಕ್ಕಿ ರೊಟ್ಟಿ ಮತ್ತು ನೂ(ಲ್)ಪುಟ್ಟು ತಯಾರಿ. "ಎರಡು ತಿಂಡಿಗಳಲ್ಲೂ ಕೊರತೆ ಹೇಳಲು ಏನೂ ಇಲ್ಲ. ಬಾಕಾಹು ಅಷ್ಟು ಚೆನ್ನಾಗಿ ಬ್ಲೆಂಡ್ ಆಗಿದೆ. ಬರೇ ಅಕ್ಕಿ ತಿನ್ನೋದಕ್ಕೆ ಬದಲು ಇಷ್ಟು ಪೋಷಕಾಂಶಭರಿತ ಬಾಳೆಕಾಯಿ ಸೇರಿಸುವುದು ಉತ್ತಮ ಅಲ್ಲವೇ?" ಎಂದು ಪ್ರಶ್ನಿಸುತ್ತಾರೆ ದಾವಣಗೆರೆ ಮೂಲದ ಕೊನೆ ವರ್ಷದ ವಿದ್ಯಾರ್ಥಿನಿ ಸೌಂದರ್ಯ ಆರ್.ವಿ.

ಅದೇ ವರ್ಷದ ವಿದ್ಯಾರ್ಥಿ ಶಿವಮೊಗ್ಗದ ಸುಮನ್ ಎಂ.ಡಿ.ಗೆ ಕೂಡಾ ಈ ಉಪಾಹಾರಗಳು ಮೆಚ್ಚುಗೆ ಆಗಿವೆ. ಪದವಿ ಮುಗಿಸಿ ಸೆಪ್ಟೆಂಬರಿನಲ್ಲೆ ಊರು ಸೇರುತ್ತಾರೆ. ಅಮ್ಮನನ್ನು ಎದುರಿಟ್ಟು ಬನ್ಸ್, ರೊಟ್ಟಿ ಮಾಡುವ ಪ್ಲಾನ್ ಹಾಕಿದ್ದಾರೆ. "ಬಾಳೆಹಣ್ಣು ಮಧುಮೇಹಿಗಳಿಗೆ ಆಗದು. ಬಾಕಾಹು ಬಳಸಲು ಅಡ್ಡಿಯಿಲ್ಲ ತಾನೇ. ರೈತರು ಗಾಳಿ ಮಳೆಗೆ ಬೀಳುವ ಗೊನೆಗಳ ಹುಡಿ ಮಾಡಿಟ್ಟು ಬಳಸಬಹುದು", ಸುಮನ್ ಹಾರೈಸುತ್ತಾರೆ.

ಮುಂದಿನ ಬದುಕಿಗೆ ಮಹತ್ವದ್ದಾಗಬಲ್ಲ ’ಬಾಕಾಹು ವಿದ್ಯೆ’ಯನ್ನು ತಮ್ಮ ಶಿಕ್ಷಣ ಸಂಸ್ಥೆಯ ಮೂಲಕ ಹಂಚಿದ ಅರಣ್ಯ ಮಹಾವಿದ್ಯಾಲಯಕ್ಕೆ ಭಲೇ ಎನ್ನಲೇಬೇಕು. ಈ ಮೂಲಕ ಈ ಕಾಲೇಜು ಉಳಿದ ಶಿಕ್ಷಣ ಸಂಸ್ಥೆಗಳಿಗೆ ಮಾದರಿಯಾಗಿದೆ.

_ಡಾ.ಸತೀಶ್ ಬಿ.ಎನ್_ - *98801 25962* _( 4 - 5 PM)_

(ಆಧಾರ)

ನೀರಿಗೆ ಬಜೆಟ್ ...!

2021-07-28T16:35:00.000-07:00

ಬರಹ: ಕೂಡಂಡ ರವಿ, ಹೊದ್ದೂರು, ಕೊಡಗು.

ಸಾಕಷ್ಟು ಮಂದಿ ನೀರಿನ ಸದ್ಭಳಕೆ-ಕಲುಶಿತತೆಯ ಬಗ್ಗೆ ವೇದಿಕೆ ಸಿಕ್ಕೊಡನೆ ಉದ್ದುದ್ದ ಭಾಷಣ ಬಿಗಿಯುವರು. ಸಾಕಷ್ಟು ಮಂದಿ ಪುಕ್ಕಟೆ ಉಪದೇಶ ನೀಡುವುದರಲ್ಲಿ ನಿಸ್ಸೀಮರು. ನೀರಿನ ವಿಚಾರ ಬಂದಾಗಲೂ ಇದು ಕಟು ವಾಸ್ತವ. ಇಂತಹ ಭಾಷಣಕಾರರು ತಾವು ನೀರಿನ ಉಳಿವಿನ ಬಗ್ಗೆ, ಕಲುಶಿತತೆ ನಿವಾರಣೆಯ ಬಗ್ಗೆ ತಾವೇನೂ ಮಾಡಿದ್ದೇವೆ ಎಂದು ಜನತೆಗೆ ತೋರಿಸಬೇಕು. ಬಳಿಕ ಅದನ್ನು ಎಲ್ಲರೂ ಅನುಸರಿಸುವಂತೆ, ಅನುಕರಿಸುವಂತೆ ಕರೆ ನೀಡಬೇಕು. ಆದರೆ, ಬಹುಪಾಲು ಆಗುತ್ತಿರುವುದೇ ಬೇರೆ. “ಹೇಳುವುದು ಒಂದು ಮಾಡುವುದು ಇನ್ನೊಂದು ನಂಬುವುದು ಹೇಗೋ ಕಾಣೆ”...ಎಂಬAತೆ !

ಭವಿಷ್ಯ ಕಠಿಣ

ಎಲ್ಲದಕ್ಕೂ ಸರಕಾರಗಳನ್ನೇ ನಂಬಿ ಕುಳಿತುಕೊಳ್ಳುವ ಬದಲು ಕೈಲಾದ ಮಟ್ಟಿಗೆ ಎಲ್ಲರೂ, ನೀರಿನ ವಿಚಾರದಲ್ಲಿ ಕಂಕಣ ಬದ್ಧರಾದಲ್ಲಿ ಸಮಸ್ಯೆ ಭವಿಷ್ಯದಲ್ಲಿ ಕಠಿಣವೆನಿಸಲಿಕ್ಕಿಲ್ಲ. ನಮಗೆ ನೀರು ಅತಿಯಾದಾಗ, ನೀರಿಗೆ ಬರ ಬಂದಾಗ ಮಾತ್ರ ನೀರು ನೆನಪಿಗೆ ಬರುವುದು ಸ್ವಾಭಾವಿಕ. ಆದರೆ, ನೀರು ಸಕಲ ಜೀವಚರಾಚರಗಳಿಗೆ ಮೂಲ. ಅದಕ್ಕಾಗಿ ಅದನ್ನು “ಜೀವಜಲ” ಎನ್ನುವರು. ಜಲವಿಲ್ಲದೆ ಜೀವವಿಲ್ಲ ! ಅದನ್ನು ಪುರಾಣ ಕಾಲದ ಋಷಿ ಮುನಿಗಳು ಚೆನ್ನಾಗಿ ತಿಳಿದಿದ್ದರು.

ಇದೇ ಹಿನ್ನೆಲೆಯಲ್ಲಿ ನಾವು “ಗಂಗೇಚ ಯಮುನೇಚಾ...ಶ್ಲೋಕ ಪಠಿಸುತ್ತೇವೆ. ಅವುಗಳನ್ನು ಭಕ್ತಿಭಾವದಿಂದ ಪೂಜಿಸುತ್ತೇವೆ. ಆರಾಧಿಸುತ್ತೇವೆ. ಆರ್ಘವನ್ನು ಅರ್ಪಿಸುತ್ತೇವೆ. ಪಿಂಡ ಪ್ರಧಾನ ಮಾಡುತ್ತೇವೆ. ಎಲ್ಲದಕ್ಕೂ ನೀರೇ ಮೂಲ. ಅಲ್ಲವೇ ? ಆದರೂ, ನಾವು ನೀರಿನ ಬಗ್ಗೆ ಇಲ್ಲ ಸಲ್ಲದ ತಾತ್ಸಾರ ಮನೋಭಾವನೆ ತೆಳೆದಿರುವೆವು ! ಕೃಷಿಯಂತೂ ನೀರಿಲ್ಲದ ಇಲ್ಲವೇ ಇಲ್ಲ. ಬರೇ ನೀರನ್ನೇ ಬಳಸಿ ಮಾಡುವ ಕೃಷಿಯೂ ಇದೆ ! (ಮಣ್ಣು ರಹಿತ !) ಆದರೂ, ನೀರನ್ನು ವ್ಯರ್ಥ ಪೋಲು ಮಾಡುತ್ತೇವೆ. ಇದರ ಅರಿವು ಬಹುತೇಕರಿಗೆ ಇಲ್ಲ. ಇದ್ದರೂ ಅದು ಕೇವಲ ಭಾಷಣಗಳಿಗಷ್ಟೇ ಸೀಮಿತ !?

ನೀರಿನ ಬರ ಎಷ್ಟು ಭೀಕರ !

ನಮ್ಮ ದೇಶದಲ್ಲಿ ೪೦ ಲಕ್ಷ ಮಂದಿ ನೀರಿನ ಕೊರತೆ, ನೈರ್ಮಲ್ಯರಹಿತ ನೀರಿನ ಬಳಕೆಯಿಂದ ಸಾಯುತ್ತಿದ್ದಾರೆ. ನಮ್ಮ ದೇಶದ ೧೦೦ ಮಿಲಿಯನ್ ಮಕ್ಕಳಿಗೆ ಮನೆಯಲ್ಲಿ ಕುಡಿಯಲು ಶುದ್ಧ ನೀರಿಲ್ಲ !? ವಿಶ್ವದ ಸರಿಸುಮಾರು ೨.೨ ಶತಕೋಟಿ ಜನತೆಗೆ ಕುಡಿಯುವ ನೀರಿನ ಕೊರತೆ ಇದೆ. ೩ ಬಿಲಿಯನ್ ಜನತೆಗೆ ಕೈ ತೊಳೆಯಲು ನೀರಿಲ್ಲ.

ನಮ್ಮ ರಾಜ್ಯದ ಸಮಸ್ಯೆಯೇನು ?

ಮೈಸೂರು ಜಿಲ್ಲೆಯ ೧೩ ಹಳ್ಳಿಗಳಲ್ಲಿ ಇನ್ನೂ ಕುಡಿಯುವ ನೀರಿನ ಸೌಲಭ್ಯವಿಲ್ಲ. ಕೊಡಗಿನ ಬಹುಪಾಲು ಹಳ್ಳಿ ಪಟ್ಟಣಗಳು ಕಾವೇರಿ ನದಿಯ ದಂಡೆಯಲ್ಲಿವೆ. ಅದರೂ, ಅವುಗಳಲ್ಲಿ ಹೆಚ್ಚಿನ ಪಟ್ಟಣಗಳು ಕುಡಿಯುವ ನೀರಿನ ಸಮಸ್ಯೆ ಎದುರಿಸುತ್ತಿವೆ ! ಕರ್ನಾಟಕದ ಬಹುತೇಕ ಎಲ್ಲಾ ಜಿಲ್ಲೆಗಳು ಕೃಷಿಗೆ ನೀರಿನ ಸಮಸ್ಯೆಯನ್ನು ಎದುರಿಸುತ್ತಿರುವರು. ಉದಾಹರಣೆಗಾಗಿ ಹಾರಂಗಿ ಜಲಾಶಯದ ಕೆಳಭಾಗದ ಜನತೆಯ ಕೃಷಿಗೆ ನೀರೇ ಇಲ್ಲ. ಹೇಮಾವತಿ ಜಲಾಶಯದ ಕೆಳ ಭಾಗ ಅಂದರೆ, ತುಮಕೂರು ಜಿಲ್ಲೆಯ ಬಹುಪಾಲು ಕೆರೆಗಳನ್ನು ತುಂಬಿಸಲು ಹೇಮಾವತಿ ಜಲಾಶಯದಿಂದ ನೀರನ್ನು ಹರಿಸುತ್ತಿಲ್ಲ, ನಮ್ಮ ಸರಕಾರಗಳು ! ಉತ್ತರ ಕರ್ನಾಟಕ ಭಾಗದಲ್ಲಿ ಕುಡಿಯುವ ನೀರಿನ ಸಮಸ್ಯೆ ಬಗೆಹರಿಸಲು ಯಾವ ಸರಕಾರಗಳು ಪ್ರಯತ್ನಿಸುತ್ತಿಲ್ಲ. ಜನತೆಯ ಪ್ರತಿಭಟನೆ ಮುಗಿಲು ಮುಟ್ಟಿದರೂ, ಜನಪ್ರತಿನಿಧಿಗಳ ಕಿವುಡರಾಗಿದ್ದಾರೆ !

ಇದರಿಂದ ಆ ಭಾಗದ ರೈತರಿಗೆ ಕೃಷಿಗೆ ಹೋಗಲಿ, ಕುಡಿಯಲು ನೀರಿಲ್ಲ. ಬೆಂಗಳೂರಿಗರಿಗೂ ಕುಡಿಯುವ ನೀರಿಲ್ಲ ! ಉತ್ತರ ಕರ್ನಾಟಕದ ಹಳ್ಳಿ-ಪಟ್ಟಣಗಳಲ್ಲಿ ನಾಲ್ಕಾರು ದಿನಗಳಿಗೊಮ್ಮೆ ನಲ್ಲಿಗಳಲ್ಲಿ ನೀರು ಬರುತ್ತದೆ ! ಅದನ್ನು ತುಂಬಿ ಇಡುವ ಸ್ಥಳ ಮತ್ತು ಪಾತ್ರೆ-ಪಗಡೆ ಇಡಲು ಪ್ರತೀ ವರ್ಷವೂ ಸಹಸ್ರಾರು ರೂಪಾಯಿ ಖರ್ಚು ಮಾಡುತ್ತಾರೆ. ಗದಗದ ಮಂದಿ !? ಮಹರಾಷ್ಟçದ ಬುದ್ರಕ್ ಎಂಬ ಊರಿನಲ್ಲಿ ಅತೀ ಕಡಿಮೆ ಮಳೆ ಬರುತ್ತದೆ.( ಈ ಊರು ಗೋಲಗುಂಬಜ್‌ನಿAದ ೧೫ ಕಿಲೋ ಮೀಟರ್ ದೂರದಲ್ಲಿದೆ) ಅಲ್ಲಿ ಇಡೀ ವರ್ಷಕ್ಕೆ ಮಲೆನಾಡಿನಲ್ಲಿ ಒಂದು ದಿನ ಬರುವ ಮಳೆಗಿಂತ ಕಡಿಮೆ ಮಳೆ ಬರುತ್ತದೆ. ಸುಮಾರು ೮- ೯ ಇಂಚು. ಆದರೆ, ಮಲೆನಾಡಿನಲ್ಲಿ ದಿನಕ್ಕೆ ೧೦-೧೫ ಇಂಚು ಮಳೆ ಬರುತ್ತದೆ. (ಒಂದು ಇಂಚು ಅಂದರೆ, ನಾಲ್ಕು ಸೆಂಟಿಮೀಟರ್, ಅಥವಾ -೨೫.೪ ಮಿಲಿಮೀಟರ್). ಇಂತಹ ಊರಿನಲ್ಲಿಯೂ ನೀರು ಬಳಸಿ ಕೃಷಿ ಮಾಡುತ್ತಾರೆ. ನಮ್ಮ ಊರಿನಲ್ಲಿ (ಮಲೆನಾಡಿನಲ್ಲಿ) ಕೃಷಿಗೆ ನೀರು ಸಿಗುತ್ತಿಲ್ಲ ಎಂದು ಜನತೆ ಭತ್ತದ ಗದ್ದೆಗಳನ್ನು ಹಾಳುಬಿಟ್ಟಿದ್ದಾರೆ !).

ನೀರಿನ ಕೊರತೆಯ ಜೊತೆಗೆ, ಬೆಂಗಳೂರು ನೀರಿನ ತೊಂದರೆಗಳು ಮತ್ತೊಂದು ಆಯಾಮವನ್ನು ಹೊಂದಿವೆ. ರಾಸಾಯನಿಕ ಮಾಲಿನ್ಯ. ಅಧ್ಯಯನದ ಆವಿಷ್ಕಾರಗಳು ಭೀಕರವಾದವು. ೭೩೫ ಮಾದರಿಗಳಲ್ಲಿ ೩೭೦ಕ್ಕೂ ಅಧಿಕ ಅಂತರ್ಜಲ ಕುಡಿಯಲು ಸೂಕ್ತವಲ್ಲ. ಅಂದರೆ ನಗರದ ೫೦% ಕ್ಕಿಂತ ಹೆಚ್ಚು ಕುಡಿಯುವ ನೀರು ಕುಡಿಯಲು ಸಾಧ್ಯವಿಲ್ಲ. ಅವುಗಳು ವಿಷಕಾರಿ ವಸ್ತುಗಳಿಂದ ಕೂಡಿದೆ. ಇಂತಹವುಗಳನ್ನು ಕುಡಿದ್ದಲ್ಲಿ ಖಾಯಿಲೆ ಖಚಿತ.

ವಿಶ್ವ ಮಹಾ ಯುದ್ಧ

ಬೆಂಗಳೂರಿನ ಭಾಗದ ಜನತೆಗೆ ಕುಡಿಯುವ ನೀರಿನ ಪರಿಹಾರಕ್ಕಾಗಿ ನೇತ್ರಾವತಿ ನದಿಯ ಕೆಲ ಭಾಗದ ನೀರನ್ನು ಅತ್ತ ತಿರುಗಿಸಿ ಬಳಸುವ ಯೋಜನೆ ಇದೆ. ಸಮುದ್ರ ಸೇರುವ ನೀರನ್ನು ಕುಡಿಯಲು ಬಳಸುವುದರಲ್ಲಿ ತಪ್ಪೇನು ? ಎಂಬುದು ಕೆಲವರ ವಾದ. ಇದರಿಂದ ನೇತ್ರಾವತಿ ಬತ್ತಿಹೋಗುತ್ತದೆ ಎನ್ನುವರು ಕೆಲವರು. ಕರ್ನಾಟಕ-ತಮಿಳುನಾಡು ವಿಚಾರ ಹೆಚ್ಚಾಗಿ ರಾಷ್ಟೀಯ ಮಟ್ಟದಲ್ಲಿ ಚರ್ಚೆಯಾಗುವುದೇ ಕಾವೇರಿ ನೀರಿನಿಂದ. ನೀರಿನ ವಿಚಾರಗಳೇ ಹಲವಾರು ಸಮಸ್ಯೆಗಳ ಮೂಲ. ಇದು ತೃತೀಯ ವಿಶ್ವ ಮಹಾಯುದ್ಧಕ್ಕೆ ಕಾರಣವಾಗಬುದು ಎಂದು ಎಚ್ಚರಿಸಿದ್ದಾರೆ ಹಿರಿಯರು. ಅದರೂ, ನಾವು ಎಚ್ಚರಗೊಂಡAತಿಲ್ಲ !

ಜೀವಜಲ-ಇನ್ನೆಷ್ಟು ದಿನ ?

ನೀರಿನ ಸಮಸ್ಯೆ ಇದೇ ರೀತಿ ಮುಂದುವರಿದ್ದಲ್ಲಿ ಕುಡಿಯುವ ನೀರಿಗಾಗಿ ಹಳ್ಳಿ-ಪಟ್ಟಣಗಳಲ್ಲಿ ನಡೆಯುತ್ತಿರುವ ಗಲಭೆಗಳು ವಿಶ್ವಮಟ್ಟ ತಲುಪಲು ಹೆಚ್ಚು ದಿನ ಬೇಕಿಲ್ಲ. ಶುದ್ಧ ಕುಡಿಯುವ ನೀರು ಮುಂಬರುವ ದಿನಗಳಲ್ಲಿ ಮರೀಚಿಕೆಯಾಗಲಿದೆ. ಹಲವಾರು ಊರುಗಳಲ್ಲಿ ಸೇನೆಯ ಸೇವೆ ಸಲ್ಲಿಸಿ ಬಂದ ಮಿತ್ರನೊಬ್ಬನ ಪ್ರಕಾರ ಕೊಡಗಿನ ಪ್ರತೀ ಊರಿನಲ್ಲಿ ಮಾತ್ರ ಕುಡಿಯಲು ಶುದ್ಧ ನೀರು ಸಿಗುತ್ತದೆ. ಇತರ ಕಡೆ ನೀರು ಕುಡಿಯಲು ಭಯವಾಗುತ್ತದೆ. ಬಾಟಲಿಯಲ್ಲಿ ಮಾರುವ ನೀರು ಕೂಡ ವಿಷಮಯವಾಗಿರುತ್ತದೆ. ಯಾವ ನೀರು ಕುಡಿಯಲಿ ಎಂದು ಜನತೆ ಗೊಂದಲದಲ್ಲಿದ್ದಾರೆ. ಇಂದು ಈ ಸಮಸ್ಯೆ ಬಹುತೇಕ ಕಡೆ ಇದೆ. ಆದರೆ, ನಮ್ಮ ಜನತೆ ಎಚ್ಚರವಾಗುತ್ತಿಲ್ಲ. ಸಮಸ್ಯೆ ಅವರ ಬುಡಕ್ಕೆ ಬಂದಾಗ ಮಾತ್ರ ಎಚ್ಚರವಾಗುವವರು ಕೆಲವರು ! ಗುಡ್ಡಕ್ಕೆ ಬೆಂಕಿ ಬಿದ್ದಾಗ ಬಾವಿ ತೋಡಿದಂತೆ !

ಮಕ್ಕಳಿಗೂ ನೀರಿನ ಅರಿವು

ನೀರಿನ ಬಗ್ಗೆ ಅರಿವಿಲ್ಲದೇ ಹಲವಾರು ನದಿಗಳು ಬೇಸಿಗೆ ಬತ್ತಿ ಹೋಗುತ್ತಿವೆ. ಅದನ್ನು ನಂಬಿಕೊAಡಿರುವ ಜಲಚರಗಳು ನಿರ್ವಂಶವಾಗುತ್ತಿವೆ. ಈ ಬಗ್ಗೆ ನಾವು ತಿಳಿದುಕೊಂಡು ಅದನ್ನು ಅನುಸರಿಸಬೇಕು. ಅದನ್ನು ನಮ್ಮ ಮಕ್ಕಳಿಗೂ ತಿಳಿ ಹೇಳಬೇಕು. ಪ್ರತೀ ನೀರಿನ ಹನಿಯ ಮೌಲ್ಯವನ್ನು ಅವರಿಗೆ ತಿಳಿಸಬೇಕು. ಅದನ್ನು ಪಾಲಿಸುವಂತೆ ಅವರಿಗೆ ಮನವರಿಕೆ ಮಾಡಬೇಕಿದೆ. ಶಾಲಾ ಕಾಲೇಜುಗಳ ಪಠ್ಯದಲ್ಲಿ ಈ ಭಾಗವನ್ನು ಸೇರಿಸುವ ಅಗತ್ಯತೆ ಇದೆ. ಸಂಘ-ಸAಸ್ಥೆಗಳ ಸಹಕಾರದೊಂದಿಗೆ ಪ್ರತೀ ಶಾಲಾ-ಕಾಲೇಜುಗಳಲ್ಲಿ ಮಳೆನೀರು ಕೊಯ್ಲುವಿನ ಪ್ರಾಯೋಗಿಕ ಪಾಠ ಜಾರಿ ಮಾಡಬೇಕಿದೆ. ನಮ್ಮ ಮನೆ-ಮನಗಳಲ್ಲಿ ಪ್ರತೀ ದಿನವೂ “ಜಲೋತ್ಸವ” ನಡೆಯಬೇಕು.ಸರಕಾರದ ವತಿಯಿಂದ ನಿರ್ಮಾಣವಾಗುವ ಎಲ್ಲಾ ಕಟ್ಟಡ-ಮನೆಗಳಲ್ಲಿ ಕಡ್ಡಾಯವಾಗಿ ಮಳೆಕೊಯ್ಲು ಅಳವಡಿಸಬೇಕಿದೆ.

ನಾನು ಈ ಕುರಿತು ಪಠ್ಯಕ್ಕೆ ಯೋಗ್ಯವಾಗಬಹುದಾದ ಲೇಖನವನ್ನು ಬರೆದಿರುವೆ. ಬೆಂಗಳೂರಿನ ಮಿತ್ರರೊಬ್ಬರು ಅದನ್ನು ಪತ್ರಿಕೆಯಲ್ಲಿ ಪ್ರಕಟಿಸಿದ್ದರು ! (ಈ ಲೇಖನ ನನ್ನ ಬ್ಲಾಗ್‌ನಲ್ಲಿದೆ. ನನ್ನ ಬ್ಲಾಗ್‌ನಲ್ಲಿನ ನೀರಿನ ಕುರಿತಾದ ಲೇಖನವನ್ನು ೫೦ ಸಾವಿರಕ್ಕೂ ಅಧಿಕ ಮಂದಿ ಓದಿರುವರು. ಬರೇ ಓದಿದರೆ ಸಾಲದು. ಅದನ್ನು ಅನುಸರಿಸುವ ಪ್ರಯತ್ನ ಪಡಬೇಕು.)

ನೀರಿನ ಮುಂಗಡ ಪತ್ರದ ಅಗತ್ಯ

ನಾವು ಸಾಮಾನ್ಯ ಕೇಂದ್ರ ಮುಂಗಡಪತ್ರ, ರೈಲ್ವೆ ಮುಂಗಡ ಪತ್ರ, ರಾಜ್ಯ ಮುಂಗಡ ಪತ್ರ, ಕೃಷಿ ಮುಂಗಡ ಪತ್ರಗಳನ್ನು ಕೇಳಿರುವೆವು. ಆದರೆ, ಇಂದಿನ ಸಮಸ್ಯೆಗಳ ಸಮತೋಲನಕ್ಕಾಗಿ ನೀರಿನ ಮುಂಗಡ ಪತ್ರವನ್ನು ಕೇಂದ್ರ ಮತ್ತು ರಾಜ್ಯ ಸರಕಾರಗಳು ಮಂಡಿಸುವ ಅವಶ್ಯಕತೆ ಇದೆ. ಇದರಿಂದ ಪ್ರತಿ ಗ್ರಾಮ ಮಟ್ಟದಿಂದಲೇ ನೀರಿನ ಬಗ್ಗೆ ಅರಿವು ನೀರಿನ ಉಳಿವು ಮುಂತಾದವುಗಳು ಸಾಧ್ಯ. ಇವುಗಳು ಮೊಟ್ಟ ಮೊದಲಿಗೆ ನಮ್ಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಜಾರಿಯಾಗಬೇಕಿದೆ. ಮನೆಯಲ್ಲಿಯೂ ನೀರಿನ ಮುಂಗಡ ಕಾಯ್ದಿರಿಸುವಿಕೆ ಮಾಡುವುದು ಉತ್ತಮ. ಹಲವಾರು ಕಡೆ ಮಳೆಗಾಲದಲ್ಲಿ ದೊರೆಯುವ ವಿಫುಲ ನೀರನ್ನು ಸಂಗ್ರಹಿಸಿ, ಬೇಸಿಗೆ ದಿನಗಳಲ್ಲಿ ಬಳಸುವ ಪರಿಪಾಠವಿದೆ. ಈ ಯೋಜನೆಯು ಪ್ರತೀ ಗ್ರಾಮದ ಪ್ರತೀ ಮನೆಗೂ ತಲುಪಬೇಕಿದೆ. ಈ ನಿಟ್ಟಿನಲ್ಲಿ ವಿವಿಧ ನೀರಿನ ಕ್ಲಬ್‌ಗಳ ಸಹಕಾರ ಅತ್ಯಗತ್ಯ.

ನೀರಿಲ್ಲದ ನಾಳೆ !

ನೀರಿಲ್ಲದ ನಾಳೆಯನ್ನು ನೀವು ಕಲ್ಪಿಸಿಕೊಳ್ಳಲೂ ಅಸಾಧ್ಯ. ನೀರು ಇದ್ದೆ ನಮ್ಮ ನೀರಿಗೆ ನಾವೇ ಪ್ರತೀ ಲೀಟರ್‌ಗೆ ೨೦ ರೂಪಾಯಿ ನೀಡಿ ಕುಡಿಯುತ್ತೇವೆ. ಹಲವಾರು ಬಹುರಾಷ್ಟೀಯ ಕಂಪೆನಿಗಳು ನಮ್ಮ ನೀರನ್ನು ನಮಗೆ ಮಾರಿ ಬಿಲಿಯನ್ ಹಣ ಸಂಪಾದಿಸುತ್ತಿವೆ. ನಾವೆಷ್ಟು ದಡ್ಡರು ! ಶೀಷೆಯಲ್ಲಿ ತುಂಬಿಸಿದ ವಿಷಭರಿತ ನೀರನ್ನು ತೀರ್ಥದಂತೆ ಕುಡಿಯುತ್ತೇವೆ. ಮುಂಬರುವ ವರ್ಷಗಳಲ್ಲಿ ಕುಡಿಯುವ ನೀರಿಗೆ ಪ್ರತೀ ಲೀಟರ್‌ಗೆ ೧೦೦ ರೂಪಾಯಿ ಆದರೂ ನೀವು ಅಚ್ಚರಿ ಪಡಬೇಕಿಲ್ಲ. ಹಲವಾರು ಕಡೆ ಶುದ್ಧ ನೀರು ದಂಧೆಯೇ ನಡೆಯುತ್ತಿದೆ. ಪ್ರತೀ ಲೀಟರ್ ನೀರು ಪೆಟ್ರೋಲಿಯಂಗಿAತಲೂ ದುಬಾರಿಯಾಗಲಿದೆ. ಇಂತಹ ದುರ್ದಿನಗಳು ತೀರಾ ಸಮೀಪದಲ್ಲಿವೆ.

ಹನಿ ನೀರು ದುಬಾರಿ !

ಆದುದರಿಂದ ಇಂದೇ ಪ್ರತೀ ಹನಿ ನೀರನ್ನು ಅರಿತು ಬಳಸೋಣ. ಅದನ್ನು ಸದ್ವಿನಿಯೋಗ ಮಾಡೋಣ. ಈ ವಿಚಾರವನ್ನು ನಾವೇಲ್ಲರೂ ಅನುಸರಿಸೋಣ. ಈ ಸಂದೇಶವನ್ನು ಇತರರಿಗೂ ಹಂಚೋಣ. ನೆಮ್ಮದಿ ನಾಳೆ ನಮ್ಮದಾಗಲಿ ಎಂದು ಆಶಿಸೋಣ.

ಸಾವಯವ-ಸಾಯುತ್ತಿರುವ ರೈತ: ಬಳಕೆದಾರ... !?

2021-07-21T17:48:00.001-07:00

ಬರಹ: ಕೂಡಂಡ ರವಿ, ಹೊದ್ದೂರು, ಕೊಡಗು.

ಈಗ ಎಲ್ಲೆಲ್ಲೂ ಸಾವಯುವ ಕೃಷಿಯ ಮಾತು. ಇಂತಹ ಕೃಷಿಯ ಉತ್ಪನ್ನಗಳಿಗೆ ಬೇಡಿಕೆ ಅಧಿಕ. ಹಲವರು ಸಾವಯುವ ಹೆಸರನ್ನು ದುರ್ಬಳಕೆ ಮಾಡಿ ರೈತಾಪಿ ವರ್ಗವನ್ನು, ಬಳಕೆದಾರರನ್ನು ವಂಚಿಸುತ್ತಿರುವುದು ಹೆಚ್ಚಾಗುತ್ತಿದೆ.

ಉದಾಹರಣೆಗಾಗಿ ಸಾವಯವ ಕೃಷಿಗೆ ದೃಡೀಕರಣ ಪತ್ರ ನೀಡುವಾಗ ರೈತರ ಜಮೀನ ಮಣ್ಣು ಇಂತಹ ಗುಣಗಳನ್ನು ಹೊಂದಿರಬೇಕು. ಅಂತಹ ಜಮಿನಿನಲ್ಲಿ ಸಾವಯವ ಇಂಗಾಲದ ಪ್ರಮಾಣ ಇಂತಿಷ್ಟೇ ಇರಬೇಕು. ಬೆಳೆದ ಬೆಳೆಯಲ್ಲಿ ರಾಸಾಯನಿಕದ ಅಂಶಗಳು ಇರಬಾರದು. ರಾಸಾಯನಿಕ ಗೊಬ್ಬರದ ಸೂಚ್ಯಂಕದ ಮಟ್ಟವು ಇಂತಿಷ್ಟೇ ಇರಬೇಕೆಂಬ ಮಾನದಂಡವೇ ಇಲ್ಲ ! ಆದರೂ, ಹಲವಾರು ಕಡೆ ಸಾವಯವ ಸರ್ಟಿಫಿಕೇಟ್ಗಳು ಬಿಕರಿಯಾಗುತ್ತಿವೆ ! ಇಲ್ಲಿ ವಿಪರ್ಯಾಸದ ಅಂಶವೆAದರೆ, ಸಾವಯವ ದೃಡೀಕರಣ ಪತ್ರ ಪಡೆದ ಆ ಬೆಳೆಗಾರ ಬಳಿಕ ರಾಸಾಯನಿಕ ವಸ್ತುಗಳ ಮೊರೆ ಹೋಗಬಾರದು ಎಂದೇನೂ ಇಲ್ಲವಲ್ಲ. ಅಂತಹ ದೃಡೀಕರಣ ಪತ್ರ ಹೊಂದಿರುವಾತ, ಒಂದು ಏಕರೆಗೆ ಪ್ರಮಾಣ ಪತ್ರ ಮಾಡಿಸಿ, ಬಳಿಕ ರಾಸಾಯನಿಕಕ್ಕೆ ಮೊರೆ ಹೋಗುವ ಸಂಭವ ಹೆಚ್ಚು. ಅಥವಾ ಅರ್ಧ ಏಕರೆಗೆ ಸಾವಯವ ದೃಡೀಕರಣ ಪತ್ರ ಪಡೆದು, ಉಳಿದ ಜಮೀನಿನಲ್ಲಿ ರಾಸಾಯನಿಕ ಬಳಸಿ, ಬೆಳೆ ಬೆಳೆದು ಮಿಶ್ರಣ ಮಾಡಿ ಮಾರಾಟ ಮಾಡಿ ಖರೀದಿದಾರನಿಗೆ ಮೋಸ ಮಾಡಬಹುದು. ಇಲ್ಲವಾದಲ್ಲಿ ರಾಸಾಯನಿಕ ಬಳಸಿ ಬೆಳೆದ ಬೆಳೆಗಳನ್ನು ಬೇರೆಯವರಿಂದ ಖರೀದಿಸಿ ಸಾವಯವ ಎಂಬ ಹೆಸರಿನಲ್ಲಿ ಮಾರಾಟ ಮಾಡಲೂ ಬಹುದು.

ಇದೇ ರೀತಿ ಗೊಬ್ಬರ ಮತ್ತು ಕೀಟ-ಕಳೆನಾಶಕದ ಪಾಡು. ಹಾಗಾದಲ್ಲಿ ಬಳಕೆದಾರರ ಪಾಡೇನು ? ಇದು ಸಾವಯವ ಎನ್ನಲು ನಾಮದ ಬಲವೊಂದೇ ಸಾಕೆ ? ಬೇರೇನೂ ಬೇಡವೇ ?

ಕುಲಾಂತರಿ ಬೀಜಗಳ ಬಳಕೆ !

ಸಾವಯವ ಬೆಳೆಗೆ ಕುಲಾಂತರಿ ಬೀಜಗಳ ಬಳಕೆ ಮಾಡಬಾರದು ಎಂಬ ನಿಯಮವಿದೆ. ಅದರೆ, ಎಷ್ಟು ಮಂದಿ ಈ ನಿಯಮ ಪಾಲಿಸುತ್ತಾರೆ ! ಇದನ್ನು ಖತರಿ ಪಡಿಸಿಕೊಳ್ಳುವ ಮಾರ್ಗವಾದರೂ ಯಾವುದು ? ಇಲ್ಲಿ ಮಣ್ಣು ಮತ್ತು ಬೆಳೆಯ ಪರೀಕ್ಷಗೆ ಸೂಕ್ತ ಮಾನದಂಡಗಳಿಲ್ಲ ! ಹಾಗಾದಲ್ಲಿ ಸಾವಯವ ದೃಡೀಕರಣ ಪತ್ರ ಕೇವಲ ನಾಟಕವೇ ?

ಗ್ರಾಹಕರು ರೈತರ ಜಮೀನಿಗೆ ಭೇಟಿ ನೀಡಿ ಅವರು ಬೆಳೆಯುತ್ತಿರುವ ವಿಧಾನವನ್ನು ಪರಿಶೀಲಿಸಲು ಸಾಧ್ಯವೇ ? ಹಲವು ನಗರ ಪಟ್ಟಣಗಳಲ್ಲಿ ಸಾವಯವ ತರಕಾರಿಗಳನ್ನು ಮಾರುವ ಮಳಿಗೆಗಳಿವೆ. ಇಲ್ಲಿ ಬಳಕೆದಾರನಿಗೆ ಮೋಸವಾಗುವುದಿಲ್ಲವೇ ? ಅದನ್ನು ತಡೆಯುವರಾರು ? ಇಂತಹ ಮೋಸದ ವ್ಯವಹಾರಗಳಿಂದ ನೈಜ ಸಾವಯವ ಕೃಷಿಕ ಬಾಂಧವರಿಗೆ ಮೋಸವಾಗುತ್ತಿದೆ. ಸಾವಯವ ತರಕಾರಿ ಬೇಕು ಎಂಬ ಬಳಕೆದಾರನಿಗೆ ಎಲ್ಲಾ ಕೃಷಿಕರ ಮೇಲೂ ಕೆಟ್ಟ ಅಭಿಪ್ರಾಯ ಮೂಡುತ್ತದೆ. ಇದನ್ನು ಸರಿ ಪಡಿಸುವವರಾರು? ಹೇಗೆ ಸರಿ ಪಡಿಸುವುದು ಎಂಬ ವಿಚಾರಗಳು ಚರ್ಚೆಯಾಗಬೇಕಿದೆ. ಅದು ಕಟ್ಟುನಿಟ್ಟಾಗಿ ಅನುಷ್ಠಾನವಾಗಬೇಕಿದೆ. ಈ ಬಗ್ಗೆ ಕೊಳ್ಳುಗರು ರೈತಾಪಿ ವರ್ಗದವರು ಎಚ್ಚರ ವಹಿಸಬೇಕಾಗಿದೆ.

ಸದ್ಯಕ್ಕೆ ಸಾವಯವ ತರಕಾರಿಯು ಬೆಳೆಗಾರನ ನೈತಿಕತೆಯನ್ನು ಅವಂಬಿಸಿಯೇ ಹೊರತು ಯಾರ ಸರ್ಟಿಫಿಕೇಟಿನ ಹಂಗಿನಲ್ಲಿ ಇಲ್ಲ.

ಗೊಬ್ಬರದಲ್ಲಿ ಗೋಲ್ಮಾಲ್ !

ಹಲವರು ಸಾವಯವ ಗೊಬ್ಬರ ಎಂದು ಯಾವುದೋ ಮಿಶ್ರಣವನ್ನು ಮನೆ- ಮನೆಗಳಿಗೆ ವಿತರಿಸುತ್ತಾರೆ. ಅದು ಯಾವ ಗೊಬ್ಬರ ಎಂದು ಮಾರುವವರಿಗೆ ತಿಳಿದಸಿರುವುದಿಲ್ಲ. ಕೊಳ್ಳುವವರಿಗೂ ಇದರ ಸುಸ್ಪಷ್ಟ ಮಾಹಿತಿಯೂ ಇರುವುದಿಲ್ಲ. ಕೆಲವರು ಮನೆಯಲ್ಲಿ ಹಸು-ಕರು ಸಾಕಲಾಗದೆ ಸಾವಯವ ಎಂಬ ಹೆಸರನ್ನು ನೋಡಿ ಇಂತಹ ಗೊಬ್ಬರ ಖರೀದಿಸುತ್ತಾರೆ. ಇಂತಹ ಮಾರಾಟಗಾರರ ಬಳಿ ಎಂದೋ ನೀಡಿದ ದೃಡೀಕರಣ ಪತ್ರದ ನಕಲು ಪ್ರತಿ ಇರುತ್ತದೆ. ಕೆಲವೊಮ್ಮೆ ಇಂತಹ ಗೊಬ್ಬರದಲ್ಲಿ ಗಾಜಿನ ಪುಡಿ, ಬಯಲು ಸೀಮೆಯ ಕಪ್ಪು ಮಣ್ಣು, ಇದ್ದಲು ಇತ್ಯಾದಿಗಳಿರುತ್ತದೆ. ಹಲವು ಕಡೆ ಸಿಮೆಂಟ್ ಪುಡಿಯನ್ನು ಮಾರಾಟ ಮಾಡುವ ಏಜೆನ್ಸಿಗಳಿದ್ದಾರೆ !

ಕೃಷಿಕ ಮಿತ್ರರು ಈ ಬಗ್ಗೆ ಎಚ್ಚರವಾಗಿದಿದ್ದಲ್ಲಿ ನಿಮಗೆ ಟೋಪಿ ಖಚಿತ !

ಇದಕ್ಕೆ ಎಲ್ಲಾ ಪರಿಹಾರ ಗೋಆದಾರಿತ ವಿಷರಹಿತ ನೈಸರ್ಗಿಕ ಕೃಷಿ !!!

ಕಾಳುಮೆಣಸಿಗೆ ಜೈವಿಕ ಗೊಬ್ಬರ

2021-07-18T17:45:00.001-07:00

ಬರಹ: ಕೂಡಂಡ ರವಿ, ಹೊದ್ದೂರು.

ಅರ್ಕಾ ಸೂಕ್ಷಾ÷್ಮಣು ಜೀವಿಗಳ ಸಮೂಹ ಎಂಬ ಜೈವಿಕ ಗೊಬ್ಬರವನ್ನು ಕಾಳು ಮೆಣಸು ಬೆಳೆಯ ಇಳುವರಿ ಹೆಚ್ಚಿಸಲು ಸಹಕಾರಿ. ಜೊತೆಗೆ ಆದ್ದರಿಂದ ಜಿಲ್ಲೆಯ ರೈತರು ಈ ಸೂಕ್ಷಾ÷್ಮಣು ಜೀವಿಗಳ ಸಮೂಹವನ್ನು ಕಾಳುಮೆಣಸಿನಲ್ಲಿ ಬಳಸಿ. ಇಳುವರಿಯನ್ನು ಹೆಚ್ಚಿಸಬಹುದಾಗಿದೆ. ಶೀಘ್ರ ಸೊರಗು ಮತ್ತು ಹಳದಿ ರೋಗವನ್ನು ಹತೋಟಿ ಮಾಡಲು ಶಿ¥s಼Áರಸ್ಸು ಮಾಡಬಹುದೆಂದು ಕೃಷಿ ವಿಜ್ಞಾನಿಗಳು ಮಾಹಿತಿ ನೀಡಿದ್ದಾರೆ.
ಅರ್ಕಾ ಸೂಕ್ಷಾ÷್ಮಣು ಜೀವಿಗಳ ಸಮೂಹವನ್ನು ಕಾಳುಮೆಣಸಿಗೆ ಬಳಸುವುದರಿಂದ ಬಳ್ಳಿಗಳು ಹೊಸದಾಗಿ ಚಿಗುರು ಬರಲು, ಶೀಘ್ರ ಸೊರಗು ರೋಗವನ್ನು ಹತೋಟಿ ಮಾಡಲು, ಗೊಂಚಲು ಅಕಾಲಿಕವಾಗಿ ಬೀಳುವ ಸಮಸ್ಯೆಯನ್ನು ಕಡಿಮೆ ಮಾಡಲು ಮತ್ತು ಉತ್ತಮವಾಗಿ ಬೇರು ಬರಲು ಸಹಾಯವಾಗುತ್ತದೆ.
ಕಡಿಮೆ ಖರ್ಚು
ಜೈವಿಕ ಗೊಬ್ಬರಗಳು ಸಾರಜನಕವನ್ನು ಸ್ಥಿರೀಕರಿಸುವ, ರಂಜಕ ಮತ್ತು ಸತುವನ್ನು ಕರಗಿಸುವ ಗುಣ ವಿಶೇಷತೆಯಿಂದ ಪ್ರಾಮುಖ್ಯತೆಯನ್ನು ಪಡೆದಿರುತ್ತವೆೆ. ಪ್ರಸ್ತುತ ಜೈವಿಕ ಗೊಬ್ಬರಗಳ ಬಳಕೆ ಬಗ್ಗೆ ಸರಿಯಾದ ಮಾಹಿತಿಯಿಲ್ಲದಿರುವುದರಿಂದ, ಜೈವಿಕ ಸಂಪನ್ಮೂಲಗಳ ಮತ್ತು ತಂತ್ರಜ್ಞಾನದ ಕೊರತೆಯಿಂದಾಗಿ ಜೈವಿಕ ಗೊಬ್ಬರಗಳ ಬಳಕೆ ಕಡಿಮೆಯಾಗಿದೆ. ಈ ಕೊರತೆಯನ್ನು ನೀಗಿಸಲು ಮತ್ತು ಒಂದೇ ರೀತಿಯ ಜೈವಿಕ ಗೊಬ್ಬರಗಳ ಬಳಕೆಯಿಂದ ಉಂಟಾಗುವ ಅಧಿಕ ಖರ್ಚು ಮತ್ತು ಕಡಿಮೆ ಕಾರ್ಯಕ್ಷಮತೆಯ ನ್ಯೂನತೆಯನ್ನು ಹೋಗಲಾಡಿಸಲು ಉದ್ದೇಶಿಸಿದೆ.

ಈ ಹಿನ್ನೆಲೆಯಲ್ಲಿ ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ, ಜೈವಿಕ ಗೊಬ್ಬರವಾದ ಅರ್ಕಾ ಸೂಕ್ಷಾ÷್ಮಣು ಜೀವಿಗಳ ಸಮೂಹವನ್ನು ಉತ್ಕöÈಷ್ಟ ತಂತ್ರಜ್ಞಾನದೊAದಿಗೆ ಅಭಿವೃದ್ಧಿಪಡಿಸಿದೆ. ಅರ್ಕಾ ಸೂಕ್ಷಾ÷್ಮಣು ಜೀವಿಗಳ ಗೊಬ್ಬರವು ಗೋಣಿಕೊಪ್ಪಲುವಿನ ಕೃಷಿ ವಿಜ್ಞಾನ ಕೇಂದ್ರದಲ್ಲಿ ಲಭ್ಯವಿದೆ. ಕೃಷಿ ವಿಜ್ಞಾನ ಕೇಂದ್ರದಲ್ಲಿ ದೊರೆಯುವ ಈ ಗೊಬ್ಬರವನ್ನು ಸಸ್ಯ ಸಂರಕ್ಷಣಾ ತಜ್ಞ ಡಾ.ವೀರೇಂದ್ರ ಕುಮಾರ್ ರೈತರಲ್ಲಿ ಮನವಿಯನ್ನು ಮಾಡಿದ್ದಾರೆ.

ಸೂಕ್ಷಾ÷್ಮಣು ಜೀವಿಗಳ ಉಪಯೋಗಗಳು
ಸಾರಜನಕವನ್ನು ಸ್ಥಿರೀಕರಿಸುವ, ರಂಜಕ ಮತ್ತು ಸತುವನ್ನು ಕರಗಿಸುವ ಹಾಗೂ ಸಸ್ಯ ಬೆಳವಣಿಗೆಯನ್ನು ಪ್ರಚೋದಿಸುವ (ಅಜಟೋಬ್ಯಾಕ್ಟರ್ ಟ್ರೋಪಿಕಾಲಸ್, ಬೆಸಿಲ್ಲಸ್ ಆರ್ಯಭಟ ಮತ್ತು ಸುಡೋಮೋನಾಸ್ ಥಾಯ್ವಾನೆನ್ಸಿಸ್) ಕಾರ್ಯಕ್ಷಮತೆಯನ್ನು ಹೊಂದಿರುತ್ತದೆ.
ಈ ಸೂಕ್ಷಾ÷್ಮಣು ಜೀವಿಗಳ ಸಮೂಹವನ್ನು ಬಳಸುವುದರಿಂದ ಕಾಳುಮೆಣಸಿನ ಗಿಡ ಹಳದಿಯಾಗುವುದನ್ನು ತಡೆಗಟ್ಟುತ್ತದೆ. ಬೇರಿನ ಬೆಳವಣಿಗೆ ಉತ್ತಮವಾಗಿದ್ದು, ಶೀಘ್ರಸೊರಗು ರೋಗವನ್ನು ಹತೋಟಿಯಲ್ಲಿಡುತ್ತದೆ.
ಅರ್ಕಾ ಸೂಕ್ಷಾ÷್ಮಣು ಜೀವಿಗಳ ಸಮೂಹದ ಬಳಕೆಯಿಂದ ಸಸ್ಯದ ಬೆಳವಣಿಗೆ, ರೋಗ ನಿಯಂತ್ರಣ ಮತ್ತು ಇಳುವರಿ ಅಧಿಕಗೊಳ್ಳುತ್ತದೆ.
ಜೈವಿಕ ಗೊಬ್ಬರವನ್ನು ಬೀಜೋಪಚಾರ, ಮಣ್ಣಿಗೆ, ಕೊಟ್ಟಿಗೆ ಗೊಬ್ಬರ ಮತ್ತು ಬೇವಿನ ಹಿಂಡಿಯ ಜೊತೆ ಮಿಶ್ರಣ ಮಾಡಿ. ರೈತರು ಸುಲಭವಾಗಿ ಬಳಸಬಹುದು.
ಸಾರಜನಕವನ್ನು ಸ್ಥಿರೀಕರಿಸುವ, ರಂಜಕ ಮತ್ತು ಸತುವನ್ನು ಕರಗಿಸುವ ಹಾಗೂ ಸಸ್ಯ ಬೆಳವಣಿಗೆಯನ್ನು ಪ್ರಚೋದಿಸುವ ಸೂಕ್ಷಾ÷್ಮಣು ಜೀವಿಗಳನ್ನು ಬೇರೆ ಬೇರೆಯಾಗಿ ಹಾಕುವ ಅವಶ್ಯಕತೆ ಇಲ್ಲ. ಇದನ್ನು ರೈತರು ವಿವಿಧ ಬೆಳೆಗಳಿಗೆ ಬಳಸಬಹುದು.
ಬೀಜವು ಬೇಗ ಮೊಳೆಕೆಯೊಡೆಯುವಂತೆ ಮಾಡಿ, ಸಸ್ಯದ ಬೆಳವಣಿಗೆ ಮತ್ತು ಧೃಡತೆಯನ್ನು ಹೆಚ್ಚಿಸುತ್ತದೆ.
ಶಿಫಾರಸ್ಸು ಮಾಡಿದ ಸಾರಜನಕ ಮತ್ತು ರಂಜಕಯುಕ್ತ ಗೊಬ್ಬರಗಳಲ್ಲಿ ಶೇಕಡ ೨೫ರಷ್ಟು ಪ್ರಮಾಣವನ್ನು ಕಡಿಮೆ ಮಾಡುತ್ತದೆ.

ಬಳಸುವ ವಿಧಾನ
ಮಿಶ್ರಣದೊಂದಿಗೆ: ೫ ಕೆ.ಜಿ ಅರ್ಕಾ ಸೂಕ್ಷಾ÷್ಮಣು ಜೀವಿಗಳ ಸಮೂಹವನ್ನು ೫೦೦ ಕೆ.ಜಿ ಕೊಟ್ಟಿಗೆ ಗೊಬ್ಬರ ಅಥವಾ ೨ ಕೆ.ಜಿ ಅರ್ಕಾ ಸೂಕ್ಷಾ÷್ಮಣು ಜೀವಿಗಳ ಸಮೂಹವನ್ನು ೧೦೦ ಕೆ.ಜಿ ಕಹಿಬೇವಿನ ಹಿಂಡಿಯ ಜೊತೆ ಚೆನ್ನಾಗಿ ಮಿಶ್ರಣ ಮಾಡಿ. ಕಾಳುಮೆಣಸು ಬೆಳೆಗಳಿಗೆ ಉಪಯೋಗಿಸಬೇಕು.
ನೇರವಾಗಿ ಬೆಳೆಗಳಿಗೆ: ೪ ಕೆ.ಜಿ ಅರ್ಕಾ ಸೂಕ್ಷಾ÷್ಮಣು ಜೀವಿಗಳ ಸಮೂಹ ಮತ್ತು ಒಂದು ಕೆ.ಜಿ ಬೆಲ್ಲವನ್ನು ೨೦೦ ಲೀಟರ್ ನೀರಿನಲ್ಲಿ ಮಿಶ್ರಣ ಮಾಡಿ. ಗಿಡದ ಬುಡ ಭಾಗಕ್ಕೆ ನೇರವಾಗಿ (೪ ರಿಂದ ೫ ಲೀಟರ್‌ನಷ್ಟು) ಮೇ-ಜೂನ್, ಆಗಸ್ಟ್ ಮತ್ತು ನೆವೆಂಬರ್ ತಿಂಗಳಿನಲ್ಲಿ ಸುರಿಯಬೇಕು.
ಮಾಹಿತಿಗಾಗಿ ಸಂಪರ್ಕಿಸಿ: ಹಿರಿಯ ವಿಜ್ಞಾನಿ ಮತ್ತು ಮುಖ್ಯಸüರು, ಐ.ಸಿ.ಎ.ಆರ್-ಕೃಷಿ ವಿಜ್ಞಾನ ಕೇಂದ್ರ, ಗೋಣಿಕೊಪ್ಪಲು, ದೂರವಾಣಿ: ೦೮೨೭೪-೨೪೭೨೭೪.

ದೊಡ್ಡ ಗಾಂಧಾರಿ ಮೆಣಸು... ಬರಹ:ಕೂಡಂಡ ರವಿ, ಕೊಡಗು.

2021-07-15T17:17:00.004-07:00

ಬರಹ:ಕೂಡಂಡ ರವಿ, ಕೊಡಗು.

ಗಾಂಧಾರಿ ಮೆಣಸನ್ನು ಹೋಲುವ ಇದು ದೊಡ್ಡ ಗಾತ್ರದ ಮೆಣಸು. ಹಸಿರು ಬಣ್ಣದ ಕಾಯಿಗಳು, ಕೆಂಪು ಬಣ್ಣದ ಹಣ್ಣುಗಳು.
ಇದೇ ಜಾತಿಯ ನೀಲಿ ಮತ್ತು ಬಿಳಿ ಬಣ್ಣದ ದೊಡ್ಡ ಗಾತ್ರದ ಗಾಂಧಾರಿ ಮೆಣಸುಗಳ ತಳಿಗಳು ಸಹಾ ಇವೆ. ‘ದೊಡ್ಡ ಗಾಂಧಾರಿ’ ಅಥವಾ ‘ದೊಡ್ಡ ಸೂಜಿಮೆಣಸು’. ಕಾಯಿ ಒಂದೂವರೆಯಿAದ ಒಂದೂ ಮುಕ್ಕಾಲು ಇಂಚು ಉದ್ದ. ತುದಿ ಚೂಪು. ತೀಕ್ಷ÷್ಣ ಖಾರ ಹೊಂದಿಲ್ಲ. ವಿಶಿಷ್ಟ ಪರಿಮಳ. ಚಟ್ನಿ,s ಸಂಡಿಗೆ, ಪಲ್ಯ, ಮಜ್ಜಿಗೆ ಹುಳಿಗೆ ಬಳಸಿದರೆ ಸ್ವಾದ ಇನ್ನೂ ಅಧಿಕ. ಹಣ್ಣಾದ ಕಾಯಿಗಳನ್ನು ಒಣಗಿಸಿ ಪುಡಿ ಮಾಡಿಟ್ಟುಕೊಂಡು ಬಳಸಬಹುದು. ಇದನ್ನು ಕೃಷಿ ಮಾಡಿ ಬೆಳೆಸುವವರು ಕಡಿಮೆ. ಹಕ್ಕಿಗಳು ತಿಂದು ಬೀಜ ಪ್ರಸಾರ ಮಾಡುವ ಮೂಲಕ ವಂಶಾಭಿವೃದ್ಧಿಯಾಗುತ್ತದೆ. ಜಾಗ ಕಡಿಮೆ ಇದ್ದವರು ಕುಂಡಗಳಲ್ಲಿ ಕೂಡ ಬೆಳೆಯಬಹುದು. ರೋಗ, ಕೀಟಬಾಧೆ ಇಲ್ಲ. ಗಿಡ ನೆಟ್ಟು ಮೂರು ತಿಂಗಳಲ್ಲಿ ಮೆಣಸು ಕೊಯ್ಯಬಹುದು. ಹೆಚ್ಚು ಆರೈಕೆ ಬೇಡದ ಸ್ವಾದಿಷ್ಟ ರುಚಿಯ ದೊಡ್ಡ ಗಾಂಧಾರಿಯನ್ನು ನೀವು ಸುಲಭವಾಗಿ ಬೆಳೆಯಬಹುದು. ಕೊಡಗು ಜಿಲ್ಲೆಯ ಹಲವಾರು ಕಡೆ ಕಾಫಿ ತೋಟಗಳಲ್ಲಿ ಮನೆಯ ಹಿತ್ತಲಲ್ಲಿ ಇದನ್ನು ಧಾರಾಳವಾಗಿ ಕಾಣಬಹುದು. ಇದನ್ನು ವಾಣಿಜ್ಯ ಉದ್ದೇಶಕ್ಕೆ ಬೆಳೆಯುವ ಪ್ರಯತ್ನ ಎಲ್ಲೂ ನಡೆದ ಉದಾಹರಣೆಗಳು ಕಾಣಬರುತ್ತಿಲ್ಲ. ವೈನ್‌ಗೂ ಇದನ್ನು ಬಳಸುತ್ತಿರುವರು. ಕಸಿಗಿಡಕ್ಕೆ ಬೇರು ಗಿಡವಾಗಿ (ಸ್ಟಾಕ್) ಆಗಿ ಬಳಸಬಹುದಾಗಿದೆ. ಚೆನ್ನಾಗಿ ಆರೈಕೆ ಮಾಡಿದ್ದಲ್ಲಿ ಹಲವಾರು ವರ್ಷಗಳ ಕಾಲ ನಿರಂತರವಾಗಿ ಫಸಲು ಪಡೆಯಬಹುದು. ಹೈಬ್ರಿಡ್ ಮೆಣಸುಗಳ ಭರಾಟೆಯಲ್ಲಿ ಈ ತಳಿ ಅಳಿವಿನಂಚಿನಲ್ಲಿದೆ.
ಆಸಕ್ತರು ಇದನ್ನು ಉಳಿಸಿ ಬೆಳೆಸುವ ಪ್ರಯತ್ನ ಮಾಡಿದ್ದಲ್ಲಿ ಇದು ಮುಂದಿನ ಪೀಳಿಗೆಗೂ ವರ್ಗಾವಣೆಯಾದೀತು.

ವಿಶ್ವಪ್ರಸಿದ್ಧ ಗಿರ್ ಹಸು

2021-07-14T17:59:00.001-07:00

ಕೂಡಂಡ ಧರಣಿ. ಹೊದ್ದೂರು-ಮೂರ್ನಾಡು.

ಭಾರತೀಯ ಮೂಲದ ಹಲವಾರು ಜಾತಿಯ ಹಸುಗಳು ವಿಶ್ವದಲ್ಲಿ ಹೆಸರುಗಳಿಸಿವೆ. ಇದರಲ್ಲಿ ಗಿರ್ ಕೂಡಾ ಒಂದು. ಗಿರ್ ಹಸು ಮೂಲತಃ ಗುಜರಾತಿನದ್ದು, ಇದು ದಕ್ಷಿಣ ಏಷ್ಯಾದ ಜೆಬು ಜಾನುವಾರುಗಳಲ್ಲಿ ಒಂದು. ಹಸುವಿನ ದೇಹದ ಬಣ್ಣವು ಕೆಂಪು, ಇಲ್ಲವೇ ಕೆಂಪು ಬಿಳಿ ಮಿಶ್ರಿತವಾದ ಮಚ್ಚೆಗಳಿಂದ ಕೂಡಿ ಹೊಳೆಯುತ್ತಿರುತ್ತದೆ. ಚರ್ಮವು ಅತ್ಯಂತ ಮೃದು.
ಈ ಹಸುವಿಗೆ ಭೋಡಾಲಿ, ಗುಜರಾತಿ, ಸೋರ್ತಿ, ಸರತಿ ಎಂಬ ಹೆಸರುಗಳಿವೆ.
ವೈಶಿಷ್ಟ್ಯಗಳೇನು ?
ಗುಜರಾತಿನ ಅಮ್ರೆಲಿ, ಭಾವನಗರ, ಜುನಾಗ, ರಾಜ್‍ಕೋಟ್ ಜಿಲ್ಲೆಗಳಲ್ಲಿ ಈ ಹಸುಗಳಿವೆ. ಇದು ತನ್ನ ವೈವಿಧ್ಯಮಯ ಗುಣಗಳಿಂದ ಹೆಸರು ವಾಸಿಯಾಗಿದೆ. ವಿಶ್ವಪ್ರಸಿದ್ಧಿಯನ್ನು ಪಡೆದಿದೆ.
ಇದು ಆಹಾರ ಕೊರತೆಯ ನಡುವೆಯೂ ಅಧಿಕ ಹಾಲು ನೀಡುವ ಸಾಮಾಥ್ರ್ಯವನ್ನು ಹೊಂದಿದೆ. ಹವಾಮಾನ ವೈಪರೀತ್ಯಗಳನ್ನು ಗಿರ್ ಸಮರ್ಥವಾಗಿ ಎದುರಿಸಬಲ್ಲದು. ವಿವಿಧ ರೋಗಗಳ ನಿರೋಧಕ ಗುಣಗಳನ್ನು ಹೊಂದಿವೆ. ಇಂತಹ ಗುಣಗಳಿಂದ ಇವುಗಳನ್ನು ಹಲವಾರು ದೇಶಗಳು ಆಮದು ಮಾಡಿಕೊಂಡು ಸಾಕುತ್ತಿವೆ. ಬ್ರೆಜಿಲ್, ಅಮೇರಿಕಾ, ವೆನಿಜುವೆಲಾ, ಮೆಕ್ಸಿಕೋ ದೇಶಗಳಲ್ಲಿವೆ ಗಿರ್ ಹೆಸರು ಪಡೆದಿವೆ. ಅತ್ಯಂತ ದೊಡ್ಡ ಗಾತ್ರದ ಈ ಹಸುವಿನ ತೂಕ ಸರಾಸರಿ 385 ಕಿಲೋಗ್ರಾಂಗಳು. ಹೋರಿಯ ತೂಕ ಸರಾಸರಿ 545 ಕಿಲೋಗ್ರಾಂಗಳು. ಗಿರ್ ಹಸುವಿನ ವಾರ್ಷಿಕ ಹಾಲಿನ ಇಳುವರಿ 1590 ಕಿಲೋಗ್ರಾಂಗಳು ! ಪ್ರತೀ ದಿನ ಸರಾಸರಿ 6 ರಿಂದ 15 ಲೀಟರ್ ಹಾಲು ನೀಡುತ್ತವೆ. ಗಿರ್ ಭಾರತದ ಅತ್ಯಂತ ಪ್ರಾಚೀನ ತಳಿ. ಇದರ ಹಾಲಿಗೆ ಅತ್ಯಂತ ಬೇಡಿಕೆ. ಇದರ ಸಗಣಿ- ಗಂಜಲ ಜೀವಾಮೃತ ತಯಾರಿಕೆಗೆ ಅತ್ಯಂತ ಶ್ರೇಷ್ಠವೆಂದು ಪರಿಗಣಿಸಲ್ಪಟ್ಟಿದೆ. ಗಿರ್ ಹಸುವಿನ ಸರಾಸರಿ ಬೆಲೆ ಸುಮಾರು 80 ಸಾವಿರದಿಂದ 1 ಲಕ್ಷದ ಹತ್ತು ಸಾವಿರ.

ಭಾರತದಲ್ಲಿಯೂ ಇವುಗಳನ್ನು ವ್ಯಾಪಕವಾಗಿ ಸಾಕಲಾಗುತ್ತಿದೆ. ಮಹರಾಷ್ಟ್ರ, ಕರ್ನಾಟಕ, ರಾಜಸ್ಥಾನಗಳಲ್ಲಿ ಅನೇಕ ಮಂದಿ ಆಸಕ್ತರು ಇವುಗಳನ್ನು ಸಾಕುತ್ತಿರುವರು. ನಮ್ಮ ದೇಶದ ವಿವಿಧೆಡೆ ಇವುಗಳನ್ನು ಸಾಕುವ ಪ್ರಯತ್ನಗಳು ನಡೆಯುತ್ತಿವೆ.
ಉಚಿತ ಕೃತಕ ಗರ್ಭಧಾರಣೆ
ನೀವು ಮಿಶ್ರ ತಳಿ ಅಥವಾ ವಿದೇಶಿ ತಳಿಗಳ ಹಸುಗಳನ್ನು ಸಾಕುತ್ತಿರುವಿರಾ ? ಹಾಗಿದ್ದಲ್ಲಿ ಅದೇ ಹಸುವಿನಿಂದ ಗಿರ್ ತಳಿಯ ಕರುಗಳನ್ನು ಪಡೆಯಬಹುದು. ಮಾಹಿತಿಗಾಗಿ ನಿಮ್ಮ ಸಮೀಪದ ಪಶು ವೈದ್ಯ ಆಸ್ಪತ್ರೆಗಳನ್ನು ಸಂಪರ್ಕಿಸಬಹುದು. ಕೊಡಗಿನಲ್ಲಿಯೂ ಕೃತಕ ಗರ್ಭಧಾರಣೆಯ ಮೂಲಕ ಈ ಕರುಗಳು ಜನಿಸಿವೆ ಎಂದು ಪಶು ಸಂಗೋಪನಾ ಇಲಾಖೆಯ ಮೂರ್ನಾಡಿನ ಮಹಿಳಾ ವೈದ್ಯೆ ಡಾ. ಶಿಲ್ಪಾ ಮಾಹಿತಿ ನೀಡಿದ್ದಾರೆ. ಹೊದ್ದೂರಿನ ಪ್ರಗತಿಪರ ಕೃಷಿಕ ಚೌರೀರ ಉದಯ ಅವರು ಗಿರ್ ತಳಿಯ ಹಸುಗಳನ್ನು ಯಶಸ್ವಿಯಾಗಿ ಸಾಕುತ್ತಿರುವರು. ಆಸಕ್ತರು ಅಪ್ಪಟ ಗಿರ್ ತಳಿಯ ಹಸು-ಕರುವಿಗಾಗಿ ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲೂಕಿನ ರಾಮಚಂದ್ರಪುರ ಮಠವನ್ನು ಸಂಪರ್ಕಿಸಬಹುದು.
ವಿದೇಶಿ ತಳಿಗಳ ಹಸುಗಳನ್ನು ಸಾಕಿ ಸೋತ ಗೋಪಾಲಕರು ಈ ತಳಿಯನ್ನು ಸಾಕಿ ಯಶಸ್ಸು ಪಡೆಯಬಹುದು. ಒಮ್ಮೆ ಪ್ರಯತ್ನಿಸಿ ನೋಡಿ.

ರೈತ ಮಾರುಕಟ್ಟೆಗೆ ಬೇಕಿದೆ ಆಮ್ಲಜನಕ... !

2021-07-13T18:03:00.000-07:00

ಬರಹ: ಕೂಡಂಡ ರವಿ, ಹೊದ್ದೂರು, ಕೊಡಗು.

ರೈತರ ಏಳಿಗೆಯನ್ನೇ ಪ್ರಮುಖ ಉದ್ಧೇಶವಾಗಿರಿಸಿಕೊಂಡ (ಅಗ್ರಿಕಲ್ಚರಲ್ ಮರ‍್ಕೇಟಿಂಗ್ )ಎಪಿಸಿಎಂಸಿ ರೈತರ ಹಿತ ಕಾಯುವಲ್ಲಿ ಸಂಪೂರ್ಣ ವಿಫಲವಾಗಿದೆ ಎಂಬುದು ಬಹುತೇಕರು ಕಂಡುಕೊAಡ ಕಟು ಸತ್ಯ. ಇಲ್ಲಿ ಲಾಭವೇ ಪ್ರಮುಖ ಉದ್ಧೇಶವೇ ಆಗಿದೆ. ಇದರಿಂದ ಇಂತಹ ಸಂಸ್ಥೆಯನ್ನು ನಂಬಿ ರೈತಾಪಿ ವರ್ಗದವರು ಬದುಕು ಕಟ್ಟಿಕೊಳ್ಳುವುದು ಕಷ್ಟವೇ ... ಇದಕ್ಕೆ ಸಂಬAಧಿಸಿದ ಕಾನೂನು ತಿದ್ದುಪಡಿಯಿಂದ ಬೆಳೆಗಾರರಿಗೆ ಪ್ರಯೋಜನ ಶೂನ್ಯ.
ದಲ್ಲಾಳಿಗಳಿಗೆ ಅವಕಾಶವೇ ಇಲ್ಲ !
ಇದನ್ನು ಬದಲಾಯಿಸಲು ರೈತರು ಕಂಡುಕೊAಡ ಮಾರ್ಗಕ್ಕೆ ನಿರಂತರ ಆಮ್ಲಜನಕ ತುಂಬುವ ಕಾರ್ಯ ನಡೆಯಬೇಕಿದೆ. ಇದರಲ್ಲಿ ವಿಶೇಷವೆಂದರೆ, ಮೂರನೇ ಮಂದಿಗೆ (ದಲ್ಲಾಳಿಗೆ ಅವಕಾಶವೇ ಇಲ್ಲ) ಪರಿಣಾಮ ಕಡಿಮೆ ಬೆಲೆಯಲ್ಲಿ ರೈತರಿಂದ ನೇರವಾಗಿ ಬಳಕೆದಾರರಿಗೆ ಉತ್ಪನ್ನಗಳು ತಲುಪುತ್ತಿವೆ. ಇದಕ್ಕೆ ಕೆಲ ಉದಾಹರಣೆಗಳೆಂದರೆ, ಹಲಸು ಉತ್ಸವ, ಅಣಬೆ ಉತ್ಸವ, ಗೆಣಸು ಉತ್ಸವ ಇತ್ಯಾದಿ. ಮಡಿಕೇರಿಯ ಎಪಿಸಿಎಂಸಿ ಮಾರುಕಟ್ಟೆಯಲ್ಲಿ ನಡೆದ ಪ್ರಾಯೋಗಿಕ ಸಂತೆ. ಇಲ್ಲಿ ರೈತರು ಬೆಳೆದ ಕೆಸದ ಗೆಡ್ಡೆ, ನಾಟಿ ಕೋಳಿ, ಕಾಡು ಉತ್ಪನ್ನಗಳಾದ ಕಣಿಲೆ, ಅಣಬೆಗಳು ಸೇರಿದಂತೆ ರೈತರೇ ಬೆಳೆದ ತಾಜಾ ತರಕಾರಿಗಳಿದ್ದವು. ಮಹಿಳೆಯರೇ ಮಾರಾಟಗಾರರು. ನಗರದ ಬಹುತೇಕ ಖರೀದಿದಾರರು ಮುಗಿಬಿದ್ದು ತಾಜಾ ತರಕಾರಿಗಳನ್ನು ಖರೀದಿಸುತ್ತಿರುವ ದೃಶ್ಯ ಕಾಣಬಂದಿತ್ತು.
ಹಲವಾರು ಕಡೆಗಳಲ್ಲಿ ರಾಷ್ಟç, ರಾಜ್ಯ, ಜಿಲ್ಲಾ, ತಾಲೂಕು ಮಟ್ಟದಲ್ಲಿ ಕೃಷಿ ಮೇಳಗಳು ಆಯೋಜಿತವಾಗುತ್ತವೆ. ಇಂತಹ ಕಡೆಗಳಲ್ಲಿ ರೈತ ಮಾರುಕಟ್ಟೆ ಆಯೋಜನೆಯಾಗುತ್ತವೆ. ಇಂತಹ ಕಡೆ ರೈತಾಪಿ ವರ್ಗದವರೇ ಮಾರಾಟಗಾರರು. ಬಹುತೇಕ ಖರೀದಿದಾರರು ಅವರೇ. ಕೃಷಿಮೇಳಗಳ ಮಾರುಕಟ್ಟೆಯಲ್ಲಿ ಅಂಗಡಿ ತೆರೆಯಲು ಬೆಳೆಗಾರರು ಸುಂಕ ಕೊಡಬೇಕಿಲ್ಲ. ಅಥವಾ ಇದ್ದರೂ ತೀರಾ ಕಡಿಮೆ. ಹಲವಾರು ಕಡೆಗಳಲ್ಲಿ ರೈತರಿಗಾಗಿ ಬಾಡಿಗೆ ರಹಿತ ಮಳಿಗೆಗಳು ಇರುತ್ತವೆ. ಇಂತಹ ಅವಕಾಶಗಳನ್ನು ರೈತಾಪಿವರ್ಗದವರು, ರೈತಕೂಟಗಳು, ಸಂಘಟನೆಗಳು ಯಶಸ್ವಿಯಾಗಿ ಬಳಸಿಕೊಳ್ಳುವ ಅವಶ್ಯಕತೆ ಇದೆ.
ಕೆಲ ಉದಾಹರಣೆಗಳು
ನನ್ನ ಮಿತ್ರ, ಗೋಣಿಕೊಪ್ಪ ವಿಭಾಗದವರು. ಹಳ್ಳಿಭಾಗದಲ್ಲಿ ಸಿಗುವ ಹಲಸು, ಕರಿಬೇವು, ಬೆಣ್ಣೆಹಣ್ಣು, ಕೆಸ, ಕಣಿಲೆ, ಉಪ್ಪಿನಕಾಯಿ, ಕಾಫಿಪುಡಿ, ಸೊಪ್ಪು-ಸದೆಗಳನ್ನು ವಿವಿಧ ಜಿಲ್ಲೆ, ರಾಜ್ಯ ಮತ್ತು ರಾಷ್ಟç ಮಟ್ಟದ ಕೃಷಿ ಮೇಳಗಳಲ್ಲಿಯೂ ಮಾರಾಟ ಮಾಡುವ ಹವ್ಯಾಸವನ್ನು ಮೈಗೂಡಿಸಿಕೊಂಡಿರುವರು. ಮತ್ತೋರ್ವರು ಪುತ್ತೂರಿನ ಮಿತ್ರರು, ವಿವಿಧ ಹಲಸಿನ ಜಾತಿಯ ಕಸಿ ಗಿಡಗಳನ್ನು, ಬರೇ ಕೃಷಿ ಮೇಳಗಳಲ್ಲಿ ಮಾರಾಟ ಮಾಡುವರು. ಇನ್ನೋರ್ವರು ದಾವಣಗೆರೆಯವರು-ಸೋಲಾರ್ ಕೀಟನಾಶಕ ಯಂತ್ರಕ್ಕೆ ಕೃಷಿ ಮೇಳಗಳ ಮೂಲಕವೇ ಮಾರುಕಟ್ಟೆ ಕಂಡುಕೊAಡರು !
ಮನೆಬಾಗಿಲಿಗೆ ದಾಂಗುಡಿ
ಹಲವಾರು ನಗರಗಳಲ್ಲಿ ಸಾವಯವ ಮಾರುಕಟ್ಟೆಗಳು ಭರ್ಜರಿ ಯಶಸ್ಸು ಕಾಣುತ್ತಿವೆ. ಲಾಕ್‌ಡೌನ್ ಸಂದರ್ಭದಲ್ಲAತೂ ದಲ್ಲಾಳಿಗಳಿಲ್ಲದೆ ರೈತರೇ ತಾವು ಬೆಳೆದ ಉತ್ಪನ್ನಗಳನ್ನು ರೈತರಿಗೆ ನೇರವಾಗಿ ತಲುಪಿಸಲು ಸುವರ್ಣಾವಕಾಶವನ್ನು ಕಲ್ಪಿಸಿತ್ತು. ಹಲವಾರು ಕೃಷಿ ಉತ್ಪನ್ನಗಳು ಹೊಲ-ತೋಟಗಳಿಂದ ಬಳಕೆದಾರರ ಮನೆಬಾಗಿಲಿಗೆ ದಾಂಗುಡಿ ಇಟ್ಟಿತು. ಹತಾಶಗೊಂಡ ರೈತಾಪಿ ವರ್ಗದವರಿಗೆ ಅವಕಾಶದ ಹೆಬ್ಬಾಗಿಲನ್ನು ಮುಕ್ತವಾಗಿ ತೆರೆಯಿತು. ಇದರಿಂದ ಸಿಕ್ಕಬೆಲೆಗೆ ರೈತರು ಕೃಷಿ ಉತ್ಪನ್ನಗಳನ್ನು ಮಾರುವುದು ತಪ್ಪಿತು. ಇಂತಹ ಅವಕಾಶಗಳನ್ನು ಬಳಸಿಕೊಂಡು ರೈತ ಪರ ಸಂಘಟನೆಗಳು ಮುಂದಡಿ ಇಡಬೇಕಿದೆ.

ಪ್ರತೀ ಬಾರಿಯೂ ದುಬಾರಿ !

2021-07-12T17:21:00.003-07:00

ಬರಹ: ಕೂಡಂಡ ರವಿ. ಕೊಡಗು.

ಬೇಸಿಗೆಯ ಬಿಸಿಲ ಝಳ ಜನತೆಯ ತಾಳ್ಮೆಯನ್ನು ಪರೀಕ್ಷಿಸುವಂತಿದೆ. ದಾಹ, ದಾಹ, ದಾಹ ! ಮನೆಯಿಂದ ಹೊರಗೆ ಹೋದಲ್ಲಿ ಶುದ್ಧ ಕುಡಿಯುವ ನೀರಿಗೂ ಬರ ! ಇದನ್ನೇ ದಾಳವಾಗಿ ಬಳಸುತ್ತಿರುವ ವರ್ತಕ ಸಮುದಾಯ ತಂಪಿನ ನಿಂಬೆ ಶರಬತ್ತಿಗೂ ದುಬಾರಿ ಬೆಲೆ ತೆರುವಂತೆ ಮಾಡಿದೆ. ಒಂದು ಲೋಟ ಶರಬತ್ತಿಗೆ 15 ರೂಪಾಯಿ ಸಣ್ಣ ಪುಟ್ಟ ಗೂಡಂಗಡಿಗಳಲ್ಲಿ ! ನಿಂಬೆ ಹಣ್ಣಿಗೆ 5ರಿಂದ 8ರೂಪಾಯಿಗೂ ಹೆಚ್ಚು !
ಅಂಗಡಿ ಹೋಟೇಲ್‍ಗಳ ಗುಣಮಟ್ಟ ಏರಿದಂತೆ ಶರಬತ್ತಿನ ದರವೂ ಏರುತ್ತಿದೆ. ಅದು ಗ್ರಾಹಕನ ಜೇಬಿಗೆ ಕನ್ನ ಹಾಕುತ್ತದೆ. ಪರಿಣಾಮ ಅತ್ಯಂತ ಆರೋಗ್ಯಪೂರ್ಣ ನೈಸರ್ಗಿಕ ಪಾನೀಯವಾದ ನಿಂಬೆ ಹಣ್ಣಿನ ಶರಬತ್ತನ್ನು ಮೆಚ್ಚಿ ಸೇವಿಸುತ್ತಾರೆ.
ಕಿಲೋಗ್ರಾಂಗೆ 200 !
ಈ ಹಿನ್ನೆಲೆಯಲ್ಲಿ ನಿಂಬೆ ಹಣ್ಣಿನ ದರವು ದಿನೇ ದಿನೇ ಏರುತ್ತಿದೆ. ಪ್ರತೀ ಕಿಲೋಗ್ರಾಂಗೆ 30-40ರೂಪಾಯಿಗಳ ಅಸುಪಾಸಿನಲ್ಲಿದ್ದ ನಿಂಬೆಹಣ್ಣಿನ ಧಾರಣೆ 60ರಿಂದ 100ಕ್ಕೆ ಏರಿದೆ. ಆನ್‍ಲೈನ್‍ನಲ್ಲಿ ಪ್ರತೀ ಕಿಲೋ ನಿಂಬೆಹಣ್ಣಿಗೆ 200ಕ್ಕೂ ಅಧಿಕ ಬೆಲೆ ಇದೆ. ಗಾತ್ರ, ಬಣ್ಣ, ರುಚಿ ಮುಂತಾದ ವೈವಿಧ್ಯತೆಗೆ ತಕ್ಕಂತೆ ಬೆಲೆ ಏರುತ್ತಿದೆ.
ಪರಿಸ್ಥಿತಿಯ ಲಾಭ !
ಇಂತಹ ಪರಿಸ್ಥಿತಿಯ ಲಾಭ ಪಡೆಯಲು ರೈತಾಪಿ ಸಮುದಾಯ ಸಮಗ್ರ ಕೃಷಿ ಅಳವಡಿಸಿಕೊಳ್ಳಬೇಕು. ನಿಮ್ಮ ಬೇಲಿಯ ಅಂಚಿನಲ್ಲಿ, ಬದುಗಳ ಪಕ್ಕದಲ್ಲಿ ಉತ್ತಮ ತಳಿಯ ಸಾಕಷ್ಟು ಹೆಚ್ಚು ಫಲವನ್ನು ಬೇಗನೆ ಬಿಡುವ ನಿಂಬೆ ಗಿಡಗಳನ್ನು ನೆಡಬೇಕು. ಸಾಧ್ಯವಾದಲ್ಲಿ ಹಲವಾರು ತಳಿಗಳನ್ನು ಆರಿಸಿಕೊಳ್ಳಿ.
ಕಸಿ ಗಿಡಗಳನ್ನು ನೆಡಿ
ಮಾಹಿತಿಗಾಗಿ ಸಮೀಪದ ಕೃಷಿ ಕೇಂದ್ರ ಅಥವಾ ನಿಮ್ಮ ಊರಿನ ಪ್ರಗತಿಪರ ಕೃಷಿಕರ ಬಳಿ ಚರ್ಚಿಸಿ ಗಿಡಗಳನ್ನು ಕೊಂಡು ಕೊಳ್ಳಿ. ಕಸಿ ಗಿಡಗಳು ಕೊಂಚ ದುಬಾರಿ. ಅವುಗಳನ್ನು ನಿಮ್ಮ ಪರಿಚಯದ ಸಸ್ಯಗಾರದಿಂದ(ನರ್ಸರಿ) ಖರೀದಿಸಿ. ಇಲ್ಲವಾದಲ್ಲಿ ನೀವು ಮೋಸಹೋಗುವ ಸಂಭವ ಹೆಚ್ಚು ! ಅಥವಾ ನೀವೆ ಕಸಿ ಮಾಡಲು ಕಲಿಯಿರಿ.
ಮಳೆಗಾಲ ಮುಗಿದ ಕೂಡಲೆ ಅದಕ್ಕೆ ಶಿಫಾರಸ್ಸು ಮಾಡಲಾದ ಸಾವಯವ ಮತ್ತು ರಾಸಾಯನಿಕ ಗೊಬ್ಬರಗಳನ್ನು ಬಳಸಬೇಕು. ಅಗತ್ಯಕ್ಕೆ ತಕ್ಕಂತೆ ನೀರು ಕೊಡಬೇಕು. ಹನಿ ನೀರಾವರಿಯಾದಲ್ಲಿ ಉತ್ತಮ. ಬೇಸಿಗೆಗೂ ಮುನ್ನಾ ಉತ್ತಮವಾಗಿ ಫಸಲು ನೀಡಲು ಆರಂಭವಾಗುತ್ತದೆ. ಬೇಸಿಗೆಯಲ್ಲಿ ಮಾರುಕಟ್ಟೆಯಲ್ಲಿ ಹುಡುಕಿದರೂ ನಿಂಬೆಹಣ್ಣು ನಿಮಗೆ ಸಿಗದು. ನಿಮ್ಮ ಬಳಿ ಮಾತ್ರ ನಿಂಬೆ ಹಣ್ಣು ಇದ್ದಲ್ಲಿ ನೀವು ಕೇಳಿದ ಬೆಲೆಗೆ ನಿಂಬೆ ಮಾರಾಟವಾಗುವುದು ಖಚಿತ. ಮಾರುಕಟ್ಟೆಯ ದರಕ್ಕಿಂತ 10-20 ರೂಪಾಯಿ ಹೆಚ್ಚು ಕೇಳಿ. ನಿಮಗೆ ತೃಪ್ತಿ ದೊರೆತಲ್ಲಿ ಮಾರಿ.
ಅಂಗಡಿ ತೆರೆಯಿರಿ
ಇಲ್ಲ, ನಿಮ್ಮ ನೆರೆಹೊರೆಯ ಗೆಳೆಯರ ಬಳಿ ಬೆಲೆಯ ಬಗ್ಗೆ, ಮಾರುಕಟ್ಟೆಯ ಬಗ್ಗೆ ವಿಚಾರಿಸಿ. ಹೆಚ್ಚು ನಿಂಬೆ ಇದ್ದಲ್ಲಿ ಅಕ್ಕಪಕ್ಕದ ಬೆಳೆಗಾರರು ಸೇರಿ ಸ್ವಸಹಾಯ ಸಂಘ ಆರಂಭಿಸಿ. ಪ್ರಮುಖ ರಸ್ತೆ ಬದಿಯಲ್ಲಿ ಸಣ್ಣ ಅಂಗಡಿ ತೆರೆದು ಮಾರಲು ಪ್ರಯತ್ನಿಸಿ. ಹಣಕಾಸಿನ ಸಹಾಯಕ್ಕಾಗಿ ಸಮೀಪದ ಬ್ಯಾಂಕಿನಲ್ಲಿ ಪ್ರಯತ್ನಪಡಿ. ಅಂಗಡಿ ಬೆಲೆಗಿಂತ ಸ್ವಲ್ಪ ಕಡಿಮೆ ಬೆಲೆಗೆ ಮಾರಿ. ದಿನಕ್ಕೆ ಒಬ್ಬರಂತೆ ನಿಮ್ಮ ಗೆಳೆಯರು ಅಂಗಡಿ ನಡೆಸಲಿ. ಬಂದ ಲಾಭವನ್ನು ಹಂಚಿಕೊಳ್ಳಿ. ಇಂತಹ ಅಂಗಡಿಗಳಲ್ಲಿ ನಿಮ್ಮ ಎಲ್ಲಾ ಕೃಷಿ ಉತ್ಪನ್ನಗಳನ್ನು ಕಡಿಮೆ ಬೆಲೆಗೆ ಮಾರಿ ಅಧಿಕ ಲಾಭ ಪಡೆಯಬಹುದು. ಕೆಲಸಕ್ಕಾಗಿ ಹುಡುಕುವವರಿಗೆ ಕೆಲಸವಾದಂತೆ ಆಗಬಹುದು. ಪ್ರಯತ್ನಿಸಿ ನೋಡಿ.

ಸೋಲಾರ್ ಬಬಲ್ ಡ್ರೆಯರ್

2021-07-11T16:21:00.001-07:00

ಬರಹ : ಕೂಡಂಡ ರವಿ, ಹೊದ್ದೂರು. ಕೊಡಗು.

ರೈತರು ಕೊಯ್ಲೋತ್ತರ ಬೆಳೆ ಒಣಗಿಸಲು ವಿನೂತನ ತಂತ್ರಜ್ಞಾನವು ಸಂಶೋಧಿಸಲ್ಪಟ್ಟಿದೆ. ನೂತನ ಯಂತ್ರವನ್ನು ಫಿಲಿಫೈನ್ಸ್ ಇಂಟರ್ ನ್ಯಾಷನಲ್ ರೈಸ್ ರಿರ‍್ಚ್ ಇನ್ಸಿಟ್ಯೂಟ್ , ಮತ್ತು ಸೋಲಾರ್ ಬಬಲ್ ಡ್ರೆಯರ್ ಎಂಬ ಸಂಸ್ಥೆಯು ಜಂಟಿಯಾಗಿ ಈ ಅವಿಷ್ಕಾರವನ್ನು ಮಾಡಿದೆ.
ಈ ನೂತನ ತಂತ್ರಜ್ಞಾನವನ್ನು ಸಮರ್ಪಕವಾಗಿ ಬಳಸುವುದರಿಂದ ಕೊಯ್ಲೋತ್ತರ ಸಂಸ್ಕರಣೆಯು ಅತ್ಯಂತ ಸರಳವಾಗಿರಲಿದೆ. ಹೆಚ್ಚಿನ ತೇವಾಂಶ ಹೆಚ್ಚಳದಿಂದ ಉಂಟಾಗುವ ನಷ್ಟವನ್ನು ಗಣನೀಯವಾಗಿ ತಡೆಯಬಹುದೆಂದು ಹೇಳಲಾಗಿದೆ. ಇದು ಹವಾಮಾನ, ಪ್ರಾಣಿಪಕ್ಷಿಗಳು, ಕೀಟಗಳಿಂದ, ಕಳ್ಳರಿಂದಲೂ, ಧಾನ್ಯಗಳ ಮೇಲೆ ಹರಿಯಬಹುದಾದ ವಾಹನಗಳಿಂದಲೂ ರಕ್ಷಣೆ ಮಾಡಲಿದೆ. ಸಾಂಪ್ರಾದಾಯಿಕ ಸೂರ್ಯನ ಬೆಳಕಿನಲ್ಲಿ ಕೃಷಿ ಉತ್ಪನ್ನಗಳ ಒಣಗಿಸುವಿಕೆಗೆ ಈ ಆಧುನಿಕ ವಿಧಾನಕ್ಕೂ ಹೋಲಿಸಿದ್ದಲ್ಲಿ ಶೇ. ೧೫-೩೦ರಷ್ಟು ಕಡಿಮೆಯಾಗಿರಲಿದೆ ಎಂದು ಅಂದಾಜಿಸಲಾಗಿದೆ.
ಇದಕ್ಕೆ ಬೇಕಾದ ವಿದ್ಯುತ್ ಅನ್ನು ಸೋಲಾರ್ ಅಥವಾ ಪರ್ಯಾಯ ರೀತಿಯಲ್ಲಿ ವಿದ್ಯುತ್ ಅನ್ನು ಬಳಸಬಹುದಾಗಿದೆ. ೨೦೧೬ರಿಂದಲೂ ಈ ತಂತ್ರಜ್ಞಾನವು ಆಗ್ನೇಯ ಏಷ್ಯಾದ ದೇಶಗಳಲ್ಲಿ ಬಳಕೆಯಲ್ಲಿದೆ. ಆದರೆ, ಇದೀಗ ಭಾರತದಲ್ಲಿ ಪರಿಚಯಿಸಲಾಗಿದೆ.

ಈ ಯಂತ್ರವು ಸೂರ್ಯನ ಶಕ್ತಿಯನ್ನು ಎರಡು ವಿಧಗಳಲ್ಲಿ ಬಳಸುತ್ತದೆ. ಬಬಲ್‌ನೊಳಗಿನ ಗಾಳಿಯ ಉಷ್ಣಾಂಶವನ್ನು ಹೆಚ್ಚಿಸುತ್ತದೆ. ಸೌರಫಲಕಗಳ ಮೇಲೆ ಬೀಳುವ ಬೆಳಕನ್ನು ವಿದ್ಯುತ್ ಆಗಿ ಪರಿವರ್ತಿಸುವುದು. ಧಾನ್ಯಗಳಿಂದ ಆವಿಯಾಗುವ ನೀರನ್ನು ತೆಗೆದು ಹಾಕಲಿದೆ. ಈ ವಿಧಾನಗಳಿಂದ ಯಂತ್ರದೊಳಗೆ ಹರವಲಾದ ಧಾನ್ಯಗಳು ಬೇಗನೇ ಒಣಗುತ್ತವೆ. ಮೋಡಗಳಿರುವ ಸಮಯದಲ್ಲಿ ಕಾಫಿ, ಕಾಳುಮೆಣಸು, ಭತ್ತ ಮೊದಲಾದವುಗಳನ್ನು ಈ ಆಧುನಿಕ ಯಂತ್ರದ ಮೂಲಕ ಸುಲಭವಾಗಿ ಅತ್ಯಂತ ವೇಗವಾಗಿ ಒಣಗಿಸಬಹುದಾಗಿದೆ. ಇದರಿಂದಾಗಿ ಯಂತ್ರದೊಳಗೆ ಹರಡಲಾದ ಧಾನ್ಯಗಳು ೨೪ ಘಂಟೆಗಳಲ್ಲಿ ನಿರಂತರವಾಗಿ ಒಣಗುತ್ತಿರುತ್ತದೆ. ಇದನ್ನು ಸುಲಭವಾಗಿ ಕಳ್ಳತನ ಮಾಡಲಾಗದು. ಜೊತೆಗೆ ಯಂತ್ರ ಕಾರ್ಯ ನಿರ್ವಹಣೆಗೆ ಇಂಧನದ ಅಗತ್ಯವಿಲ್ಲ. ಇತರ ಯಂತ್ರಗಳಿಗೆ ಹೋಲಿಸಿದ್ದಲ್ಲಿ ಶಬ್ಧ ರಹಿತ. ಖರ್ಚು ರಹಿತ ಸೇವೆ.ನಿರ್ವಹಣೆಗೆ ಕೂಲಿಯಾಳುಗಳ ಅಗತ್ಯವಿಲ್ಲ.

ವಿಶ್ವದ ಅತ್ಯಂತ ದುಬಾರಿ ಕಾಫಿ ... !

2021-07-08T17:28:00.008-07:00

ಬರಹ: ಕೂಡಂಡ ರವಿ, ಹೊದ್ದೂರು. ಅಗ್ರಿಕಲ್ಚರ್ ಡೆಸ್ಕ್

ಕೋಪಿ ಲುವಾಕ್: ಕೋಪಿ ಲುವಾಕ್ ವಿಶ್ವದ ಅತ್ಯಂತ ದುಬಾರಿ ಕಾಫಿಗಳಲ್ಲಿ ಒಂದು. ಕೋಪಿ ಲುವಾಕ್ ಕಾಫಿಯ ಬೆಲೆ ಪ್ರತಿ ಪೌಂಡ್‌ಗೆ ೧೦೦ ಡಾಲರ್‌ನಿಂದ ೬೦೦ ಡಾಲರ್.
ಬ್ಲ್ಯಾಕ್ ಐವರಿ ಕಾಫಿ: ಆನೆ ಲದ್ದಿ ಕಾಫಿ ಎಂದೂ ಕರೆಯಲ್ಪಡುವ ಈ ಅಪರೂಪದ ವೈವಿಧ್ಯಮಯ ಕಾಫಿ. ವಿಶ್ವದ ಅತ್ಯಂತ ದುಬಾರಿ ಮತ್ತು ಅಪೂರ್ವ ಕಾಫಿಗಳಲ್ಲಿ ಒಂದು.
ಬ್ಲ್ಯಾಕ್ ಐವರಿ ಕಾಫಿಯನ್ನು ತಯಾರಿಸಲು, ಉತ್ತರ ಥೈಲ್ಯಾಂಡ್‌ನಲ್ಲಿ ಬೆಳೆದ ಅರೇಬಿಕಾ ಕಾಫಿಯ ಹಣ್ಣನ್ನು ಆನೆಗಳಿಗೆ ಆಹಾರವನ್ನು ನೀಡಲಾಗುವುದು. ಬೀಜಗಳನ್ನು ನಂತರ ಅವುಗಳ ಸಗಣಿಗಳಿಂದ ಸಂಗ್ರಹಿಸಲಾಗುತ್ತದೆ. ಆನೆಗಳ ಹೊಟ್ಟೆಯ ಆಮ್ಲಗಳು ಕಾಫಿ ಪ್ರೋಟೀನ್‌ಗಳನ್ನು ಒಡೆಯುತ್ತವೆ. ಅವು ಕಾಫಿಗೆ ಮೃದುವಾದ ಪರಿಮಳವನ್ನು ನೀಡುತ್ತವೆ. ಈ ಬ್ರಾಂಡ್ ಅನ್ನು ಉತ್ತರ ಥೈಲ್ಯಾಂಡ್‌ನಲ್ಲಿ ಮಾತ್ರ ತಯಾರಿಸಲಾಗುತ್ತದೆ ಮತ್ತು ದೇಶದ ವಿಶೇಷ ಹೈ-ಎಂಡ್ ರೆಸಾರ್ಟ್ಗಳಲ್ಲಿ ಪ್ರತಿ ಕಪ್‌ಗೆ ೫೦ ಡಾಲರ್‌ಗೆ ಲಭ್ಯ.
ಎಲ್ ಇಂಜರ್ಟೊ: ಎಲ್ ಇಂಜರ್ಟೊ ಕಾಫಿ ತನ್ನ ಸೂಕ್ಷ್ಮ, ನಯವಾದ, ಹಣ್ಣಿನಂತಹ ಮತ್ತು ಸಿಹಿ ರುಚಿಗೆ ಈಗಾಗಲೇ ಹಲವಾರು ಪ್ರಶಸ್ತಿಗಳನ್ನು ಗೆದ್ದಿದೆ. ಮೆಕ್ಸಿಕೋ-ಗ್ವಾಟೆಮಾಲಾದ ಹುಟೆನಾಂಗೊದ ಗುಡ್ಡಗಾಡು ಪ್ರದೇಶದಲ್ಲಿ ಕಾಫಿಯನ್ನು ಬೆಳೆಯಲಾಗುತ್ತದೆ. ಕಾಫಿಯನ್ನು ಪ್ರತಿ ಪೌಂಡ್‌ಗೆ ೫೦ ಡಾಲರ್.
ಎಸ್ಮೆರಾಲ್ಡಾ ವಿಶೇಷ: ಈ ವಿಶೇಷ ಕಾಫಿಯನ್ನು ಪಶ್ಚಿಮ ಪನಾಮಾದ ಬರು ಪರ್ವತದ ಹಕಿಯಾಂಡಾ ಲಾ ಎಸ್ಮೆರಾಲ್ಡಾ ಜಮೀನಿನಲ್ಲಿ ಬೆಳೆಸಲಾಗುತ್ತದೆ. ಕಾಫಿ ಹಣ್ಣಿನಂತಹ ಮತ್ತು ಹೂವಿನ ರುಚಿ ಮತ್ತು ಸಿಹಿ ಸುವಾಸನೆಗೆ ಹೆಸರುವಾಸಿ. ಕಾಫಿ ಅದರ ಉತ್ತಮ ಗುಣಮಟ್ಟದಿಂದಾಗಿ ವಿಶ್ವಾದ್ಯಂತ ಅಂಗೀಕರಿಸಲ್ಪಟ್ಟಿದೆ. ಕಾಫಿ ಬೀಜಗಳನ್ನು ಕೈಯಿಂದ ಆರಿಸಿ, ವಿವಿಧ ತಂತ್ರಗಳೊAದಿಗೆ ಎಚ್ಚರಿಕೆಯಿಂದ ಸಂಸ್ಕರಿಸಲಾಗುತ್ತದೆ. ಕಾಫಿಯನ್ನು ಪ್ರತಿ ಪೌಂಡ್‌ಗೆ ೩೫೦ ಡಾಲರ್.
ಸೇಂಟ್ ಹೆಲೆನಾ ಕಾಫಿ: ಈ ಕಾಫಿಯ ಉತ್ತಮ ಗುಣಮಟ್ಟದ ಹೊರತಾಗಿ, ಇದನ್ನು ದಕ್ಷಿಣ ಅಟ್ಲಾಂಟಿಕ್ ಮಹಾಸಾಗರದ ದೂರದ ಜ್ವಾಲಾಮುಖಿ ದ್ವೀಪವಾದ ಸೇಂಟ್ ಹೆಲೆನಾದಲ್ಲಿ ಬೆಳೆಯಲಾಗುತ್ತದೆ. ಕಾಫಿ ಸೇಂಟ್ ಹೆಲೆನಾಗೆ ವಿಶೇಷವಾದ ಹಸಿರು- ಅರೇಬಿಕಾ ಬೇಳೆಯಿಂದ ತಯಾರಿಸಲಾಗುತ್ತದೆ. ಕಾಫಿಯನ್ನು ಪ್ರತಿ ಪೌಂಡ್‌ಗೆ ೭೫ ಡಾಲರ್.

***** ಕೂಡಂಡ ರವಿ, ಹೊದ್ದೂರು. ಅಗ್ರಿಕಲ್ಚರ್ ಡೆಸ್ಕ್ ******

ನಮ್ಮ ಪರಿಸರದಲ್ಲಿ ಕಪ್ಪೆ ಗಳಿಲ್ಲ ಕಾಗೆಗಳು ಇಲ್ಲ ನರಿಗಳು ಇಲ್ಲ ಕಾಡುಕೋಣಗಳ ಸಂತತಿ ಕಡಿಮೆಯಾಗಿದೆ ಗುಬ್ಬಚ್ಚಿ ಗಳಿಲ್ಲ ಕಾಯರ್ ಮರಗಳಿಲ್ಲ ಹೆಬ್ಬಲಸು ಮರದ ಸಂತತಿ ಕಡಿಮೆಯಾಗಿದೆ

2021-07-05T18:44:00.004-07:00

ನಮ್ಮ ಪರಿಸರದಲ್ಲಿ  ಕಪ್ಪೆ    ಗಳಿಲ್ಲ ಕಾಗೆಗಳು ಇಲ್ಲ  ನರಿಗಳು ಇಲ್ಲ ಕಾಡುಕೋಣಗಳ ಸಂತತಿ ಕಡಿಮೆಯಾಗಿದೆ ಗುಬ್ಬಚ್ಚಿ ಗಳಿಲ್ಲ ಕಾಯರ್ ಮರಗಳಿಲ್ಲ ಹೆಬ್ಬಲಸು ಮರದ ಸಂತತಿ ಕಡಿಮೆಯಾಗಿದೆ ಇವುಗಳು ಇಲ್ಲದ ಪರಿಸರದಲ್ಲಿ ನಮಗೆ ಬದುಕಲು ಸಾಧ್ಯವೇ ನೀವೇ ಚಿಂತನೆ ಮಾಡಿ ಪ್ರಾಣಿ ಪಕ್ಷಿಗಳು ಕಣ್ಮರೆ ಯಾಗುತ್ತಿವೆ 1 ದಿನ ಮಾನವ ಸಂತತಿ ಕೂಡ ಈ ಭೂಮಿಯಿಂದ ಇಲ್ಲದಾಗುತ್ತದೆ ಎನ್ನುವ ಸೂಚನೆ ಇದು .ಪೂರ್ಣಚಂದ್ರ ತೇಜಸ್ವಿಯವರು 1ಕಡೆ ಹೇಳುತ್ತಾರೆ ನಮ್ಮ ಪರಿಸರದಲ್ಲಿ 1 ಪ್ರಾಣಿ ಪಕ್ಷಿ ಬದುಕಲು ಸಾಧ್ಯವಿಲ್ಲವೆಂದು  ನಾಶ ವಾಗುತ್ತಿದೆ ಎಂದು ಹೇಳಿದರೆ     ಮಾನವ ಜೀವಿಯ ನಾಶದ ಸೂಚನೆ ಎಂದು ..ನಾವು ಪ್ರಕೃತಿಯನ್ನು ರಕ್ಷಿಸೋಣ ಸಂರಕ್ಷಿಸೋಣ ಪ್ರಕೃತ್ತಿಯ ಅವಶ್ಯಕತೆ ಮಾನವನಿಗೆ  ವಿನಃ ಪ್ರಕೃತಿಗೆ ಮಾನವನ ಅವಶ್ಯಕತೆ ಇಲ್ಲ .ಪ್ರಾಣಿ ಪಕ್ಷಿಗಳು ಎಂದಾದರು ಪರಿಸರವನ್ನು ಹಾಳು ಮಾಡಿದ್ದೇವೆಯೇ ಇಲ್ಲ .ಪ್ರಾಣಿ ಪಕ್ಷಿಗಳು ಮಾತ್ರ ತಮ್ಮ ಆಹಾರವನ್ನು ತಾವೇ ಹುಡುಕಿಕೊಳ್ಳುತ್ತವೆ .ಆದರೆ ಮಾನವ ಮಾತ್ರ ಈಗಿನ ಆಧುನಿಕ ಜಗದಲ್ಲಿ ತಿನ್ನುವ ಆಹಾರಕ್ಕಾಗಿ ಇನ್ನೊಬ್ಬರನ್ನು ಅವಲಂಬಿಸಿದ್ದಾರೆ .ಅದುವೇ ವಿಷಯ ಯುಕ್ತ ಆಹಾರ ಕ್ಕೆ ನಾಂದಿ ಮತ್ತು ಅನಾರೋಗ್ಯಕ್ಕೆ ನಾಂದಿ .ಹಿಂದಿನ ಕಾಲದಲ್ಲಿ ನಮ್ಮ ಅಜ್ಜಂದಿರು ತಿನ್ನುವ ಆಹಾರ ಅನ್ನ ತರಕಾರಿ ಬೇಳೆಕಾಳುಗಳನ್ನು ಅವರು ಅವರಿಗಾಗಿ ಬೆಳೆಯುತ್ತಿದ್ದರು .ಅವರು ಬೇರೊಬ್ಬರನ್ನು ತಿನ್ನುವ ಆಹಾರಕ್ಕಾಗಿ ಅವಲಂಬಿಸಿಲ್ಲ .ಆದ್ದರಿಂದ ಅವರು ವಿಷಮುಕ್ತ ಆಹಾರ ತಿಂದು ಗಟ್ಟಿ ಮುಟ್ಟಾಗಿ ತೊಂಬತ್ತು ಕ್ಕಿಂತ ಹೆಚ್ಚು ವರ್ಷ ಜೀವಿಸಿದ್ದಾರೆ ಹೆಚ್ಚಿನವರು .ನನ್ನ ಅಜ್ಜ ದಿವಂಗತ ಕಟ್ಟಾ ಮಾಯಿಲಪ್ಪ ಗೌಡರು ಇತ್ತೀಚೆಗೆ ತೊಂಭತ್ತೆಂಟು ವರ್ಷದಲ್ಲಿ ತೀರಿ ಕೊಂಡರು .ಅವರು ಆ ವಯಸ್ಸಿನಲ್ಲಿ ಕೂಡ ತೆಂಗಿನ ಮರಕ್ಕೆ ಹತ್ತಿ ಕಾಳು ಮೆಣಸು ವೀಳ್ಯದೆಲೆ ತೆಗೆಯುತ್ತಿದ್ದರು .ಅವರ  ಹಿಂದಿನ ಆಹಾರ ಉತ್ತಮ ಪದ್ದತಿ  ಆಗಿತ್ತು ಅವರು ತಿಂದದ್ದು ಸ್ವಂತ ತಾವೇ ಬೆಳೆದ ವಿಷಮುಕ್ತ ಆಹಾರ .ಹಾಗೆ ನಾವು ಕೂಡ ನಮಗೆ ಬೇಕಾದಷ್ಟು ಆದರೂ ಇನ್ನೊಬ್ಬರಿಗೆ ಮಾರಲು ಸಾಧ್ಯ ಇಲ್ಲದಿದ್ದರೆ ವಿಷಮುಕ್ತ   ಆಹಾರವನ್ನು ಬೆಳೆದು ತಿನ್ನೋಣ .ಮುಂದಿನ ಪೀಳಿಗೆಗಾಗಿ ಇವತ್ತಿನ ಹೊಸ ಕ್ರಮಕ್ಕೆ ನಾಂದಿ ಹಾಡೋಣ .
 

ಜೈ ಭಾರತ್  
*******ಷಣ್ಮುಖ(Shaan) ಕಟ್ಟ and ಅಗ್ರಿಕಲ್ಚರ್ ಡೆಸ್ಕ್  Team************

Agriculture Desk

ರಾಷ್ಟೀಯ ರೈತ ದಿನಾಚರಣೆ

ಕೊಡಗಿನ ಅಪರೂಪದ ರುದ್ರಾಕ್ಷಿ

*ಆರೋಗ್ಯದ ದೃಷ್ಟಿಯಲ್ಲಿ ಸಾವಯವ ಕೃಷಿ ಪದ್ಧತಿ*-ಡಾ || ಗ್ರೀಷ್ಮಾ ಗೌಡ ಆರ್ನೋಜಿ

ಕುಕ್ಕೆ ಸುಬ್ರಮಣ್ಯ ದಲ್ಲಿ "ಮಿಯಾವಕಿ" ವನ ಆರಂಭ-ರೋಟರಿ ಕ್ಲಬ್ ಸುಬ್ರಮಣ್ಯ ದಿಂದ

ಅಪಾಯಕಾರಿ ಕೀಟನಾಶಕಗಳ ಬಳಕೆ... ?!

ಸಾವಯವ ರಹಿತ ಮಣ್ಣು ಸತ್ವಹೀನ !

ನನ್ನ ಬಾಲ್ಯ ಮತ್ತು ಕೃಷಿ ಜೀವನ

ಕಾಳುಮೆಣಸಿನ ಸಸ್ಯ ಅರೋಗ್ಯ ನಿರ್ವಹಣೆಗೆ ಅರ್ಕಾ ಸೂಕ್ಷ್ಮಾಣು ಜೀವಿಗಳ ಸಮೂಹದ ಬಳಕೆಗೆ - ಕೃಷಿ ವಿಜ್ಞಾನ ಕೇಂದ್ರ ಸಲಹೆ

ಬಹು ಉಪಯೋಗಿ ಕರಿಬೇವು

ಗೊತ್ತಾ ನಿಮಗೆ – ಗೊಬ್ಬರದ ಗಿಡ...?

ತೋಟ ಮಾಡುವುದು ಬಹಳ ಸುಲಭ ಕಣ್ರೀ.

ಈಗಿನ ಕಾಲದ ಯುವಕ, ಯುವತಿ ಹಾಗೂ ಮಕ್ಕಳಲ್ಲಿ, ಅತೀ ಸಣ್ಣ ಪ್ರಾಯದಲ್ಲಿ - ಹಿರಿಯರಿಗೆ ಬರುವ ರೋಗಗಳಿಗೆ ಕಾರಣ ಏನು ?..

ರೈತರ ಮಕ್ಕಳಿಗೆ ವಿದ್ಯಾರ್ಥಿ ವೇತನ

ದಿಗುಜೆ ಸೇವನೆಯಿಂದಾಗುವ ಲಾಭಗಳು

ವಿದ್ಯಾರ್ಥಿಗಳಿಗೆ ಬಾಕಾಹು ರುಚಿ ತೋರಿಸಿದ ಅರಣ್ಯ ಮಹಾವಿದ್ಯಾಲಯ*

ನೀರಿಗೆ ಬಜೆಟ್ ...!

ಸಾವಯವ-ಸಾಯುತ್ತಿರುವ ರೈತ: ಬಳಕೆದಾರ... !?

ಕಾಳುಮೆಣಸಿಗೆ ಜೈವಿಕ ಗೊಬ್ಬರ

ದೊಡ್ಡ ಗಾಂಧಾರಿ ಮೆಣಸು... ಬರಹ:ಕೂಡಂಡ ರವಿ, ಕೊಡಗು.

ವಿಶ್ವಪ್ರಸಿದ್ಧ ಗಿರ್ ಹಸು

ರೈತ ಮಾರುಕಟ್ಟೆಗೆ ಬೇಕಿದೆ ಆಮ್ಲಜನಕ... !

ಪ್ರತೀ ಬಾರಿಯೂ ದುಬಾರಿ !

ಸೋಲಾರ್ ಬಬಲ್ ಡ್ರೆಯರ್

ವಿಶ್ವದ ಅತ್ಯಂತ ದುಬಾರಿ ಕಾಫಿ ... !

ಆರೋಗ್ಯದ ದೃಷ್ಟಿಯಲ್ಲಿ ಸಾವಯವ ಕೃಷಿ ಪದ್ಧತಿ-ಡಾ || ಗ್ರೀಷ್ಮಾ ಗೌಡ ಆರ್ನೋಜಿ