Aj Ki Duniya । Urdu ।

اسلام میں سیاہ خضاب بالوں پر لگانا کیسا ہے؟سیاہ خضاب اور کالے کلر کی شرعی حیثیت

noreply@blogger.com (Aj ki Duniya Urdu) — Sun, 12 Feb 2023 03:33:00 +0000

زینت کے موضوع سے متعلق سر اور داڑھی کو خضاب لگانے کا مسئلہ بہت ہی اہم ہے۔ اہل کتاب یعنی یہود و نصاری خضاب لگا کر بالوں کا رنگ بدل دینے کے قائل نہیں تھے۔ وہ سمجھتے تھے کہ زیب و زینت، دینداری اور عبادت الہی کے امور کے منافی ہے چنانچہ راہبوں اور دین میں غلو کرنے والے زاہدوں کا یہی شعار رہا، لیکن رسول اللہ صلی اللہ علیہ وسلم نے ان لوگوں کی تقلید کرنے اور ان کے طریقے اپنانے سے منع فرمایا تاکہ مسلمان ظاہر و باطن میں اپنی مستقل امتیازی حیثیت کو برقرار رکھ سکیں ۔ سیدنا ابو ہریرہ سے روایت ہے کہ نبی صلی اللہ علیہ وسلم نے فرمایا: ((إِنَّ الْيَهُودَ وَالنَّصاری لا يَصْبَغُونَ فَخَالِفُوهُمْ)) . یہود و نصاری خضاب نہیں لگاتے لیکن تم ان کے خلاف طرز عمل اختیار کرو۔"

یہ حکم یعنی خضاب لگانا مستحب ہے جیسا کہ صحابہ کرام کے عمل سے واضح ہے۔ چنانچہ بعض صحابہ مثلا سیدنا ابو بکر سیدنا عمر رضی اللہ عنہم وغیرہ خضاب لگایا کرتے تھے ۔ لیکن بعض صحابہ مثلاً سیدنا علی سیدنا ابی بن کعب اور سیدنا انس رضوان اللہ علیہم نہیں لگایا کرتے تھے۔

لیکن سوال یہ ہے کہ خضاب کس قسم کا ہو ؟ سیاہ یا کسی بھی رنگ کا خضاب استعمال کیا جا سکتا ہے؟ یا سیاہ خضاب سے مکمل پرہیز کرنا چاہیے ؟ اس سوال کا جواب یہ ہے کہ جو شخص بہت بوڑھا ہو گیا ہو اور اس کے سر اور داڑھی کے بال بالکل سفید ہو گئے ہوں، اس کو سیاہ خضاب نہیں لگانا چاہیے۔ چنانچہ سیدنا ابو بکر صدیق اپنے والد ابو قحافہ کو فتح مکہ کے دن اٹھا کر لائے تھے اور انہیں رسول اللہ صلی اللہ علیہ و سلم کے سامنے بٹھا دیا تھا۔ آپ نے یہ دیکھ کر کہ ان کے سر کے بال بالکل سفید ہو گئے ہیں، فرمایا: (( غَيْرُوا هَذَا وَجَنْبُوهُ السَّوَادَ )) .

ان بالوں کا رنگ بدل دو لیکن سیاہ خضاب سے پرہیز کرنا ۔"

سیاہ خضاب کا حکم

لیکن جس کا حال ابو قحافہ جیسا نہ ہو اور نہ وہ ان کی عمر کا آدمی ہو تو اس کے سیاہ خضاب لگانے میں کوئی گناہ نہیں ہے۔ امام زہری فرماتے ہیں : جب تک ہمارا چہرہ تروتازہ تھا ہم سیاہ خضاب استعمال کرتے تھے لیکن جب سےچہرے اور دانتوں میں تغیر آگیا ہے لہذا ہم نے اس کا استعمال ترک کر دیا ہے۔

سلف کا ایک گروہ جن میں سعد بن ابی وقاص، عقبہ بن عامر سیدنا حسن، سیدنا حسین اور جریر رضی اللہ عنہم وغیرہ شامل ہیں، سیاہ خضاب کے جواز کا قائل ہے۔ لیکن علماء کے دوسرے گروہ کے نزدیک سیاہ خضاب لگانا جائز نہیں ہے الا یہ کہ جہاد کے موقع پر دشمن کو مرعوب کرنے کی غرض سے لگایا جائے تاکہ دشمن جب اسلام کے لشکر کو دیکھے گا کہ وہ تمام تر نوجوانوں پر مشتمل ہے تو اس کی دھاک دلوں میں بیٹھ جائے گی۔ (فتح الباری ۱۰۔ ۳۵۶۳۵۵)

اور ابو ذر کی حدیث میں ہے: ((إِنَّ أَحْسَنَ مَا غَيَّرَتُم بِهِ الشَّيْبَ الْحِنَاء وَالْكَتَمُ)) .

بہترین چیز جس سے تم سفید بالوں کا رنگ بدل سکتے ہو وہ حناء اور کتم ہے۔"

كتم" (وسمہ ) یمن کی نباتات میں سے ہے جس کا رنگ سیاہی مائل بہ سُرخ ہوتا ہے اور حناء کا رنگ سرخ ہوتا ہے

سیدنا انس رضی اللہ عنہ کی حدیث میں ہے کہ سیدنا ابو بکر رضی اللہ عنہ نے بھی حناء اور کتم کا خضاب لگایا اور سیدنا عمر نے خالص حناء کا.

حوالات و مصادر

فتح البارى باب وصل الشعر. بخاری کتاب اللباس: باب الموصولة، ح: ٥٩٤٣ - مسلم كتاب اللباس: باب تحريم فعل

الواصلة ح: ٢١٢٥ -

ابوداود کتاب الترجل: باب فى صلة الشعر ح ٤١٧١ - اسناده ضعیف)

ابوداود حواله سابق وهو صحيح.

بخاری کتاب اللباس باب الخضاب / ۵۸۹۹ - مسلم کتاب اللباس: باب في مخالفة

اليهود في الصبغ ح: ۲۱۰۳.

مسلم كتاب الفضائل: باب شیبه ح: ٢٣٤١ .

طبقات ابن سعد (٢٥/٣).

مستدرك حاكم (۳۰۲۳) - طبقات ابن سعد (٤٤٩/٣)

في طبقات ابن سعد (٢٤٠٢٣/٧) خلافه . والله أعلم.

مسلم كتاب اللباس باب استحباب خضاب الشبب بصفة : ۲۱۰۲.

سحری کے احکام: سحری کی فضیلت, سحری کا آخری وقت, صبح صادق کے احکام اور متعدد غلط فہمیوں کا ازالہ

noreply@blogger.com (Aj ki Duniya Urdu) — Wed, 06 Apr 2022 10:13:00 +0000

سحری کے احکام مع سحری سے متعلق متعدد غلط فہمیوں کا ازالہ

سحری کی فضیلت:

سحری کرنا سنت اور باعث ِبرکت ہے، حضور اقدس ﷺنے سحری کرنے کی ترغیب دی ہے، اس لیے سحری کا اہتمام ہونا چاہیے، اس سے روزہ رکھنے میں قوت بھی رہتی ہے، اگر دل نہ بھی چاہے تب بھی کچھ نہ کچھ کھا پی لینا چاہیے، بھلے پانی ہی پی لے تب بھی کافی ہے، لیکن اگر کسی نے نہار منہ ہی روزہ رکھ لیا تب بھی درست ہے۔

(صحیح البخاری حدیث: 1923، مسند احمد حدیث: 11086، مراقی الفلاح، بہشتی زیور)

📿 *سحری بند کرنے کا آخری وقت کون سا ہے؟*

سحری بند کرنے کا آخری وقت کون سا ہے؟ اس حوالے سے بہت سے لوگ لاعلمی کا شکار ہیں اور اسی لاعلمی کا نتیجہ ہے کہ وہ زندگی بھر غلطی میں مبتلا رہتے ہیں اور ان کو احساس بھی نہیں ہوتا کہ اس غلطی کی وجہ سے ان کے روزے درست ہی نہیں ہوتے۔ ظاہر ہے کہ یہ کس قدر افسوس کی بات ہے کہ ایک شخص روزے رکھتا رہے لیکن اس کی اپنی ہی غلطیوں کے نتیجے میں اس کے یہ روزے شریعت کی نگاہ میں درست نہ ہوں۔ اس لیے ہر مسلمان کو چاہیے کہ وہ اس اہم مسئلے سے بھی آگاہی حاصل کرے تاکہ وہ غلطی سے محفوظ ہوسکے۔ آیئے قرآن و سنت کی روشنی میں اس اہم مسئلے کو تفصیل سے بیان کرتے ہیں تاکہ غلط فہمیوں اور شبہات کا ازالہ ہوسکے۔

📿 *سحری کا وقت رات ہی کو ہے:*

قرآن وسنت کی روشنی میں یہ بات سامنے آتی ہے کہ سحری کا وقت رات ہی کو ہے کہ جب تک رات ہے تو سحری کی جاسکتی ہے، لیکن جیسے ہی رات ختم ہوجائے تو سحری کا وقت بھی ختم ہوجاتا ہے، اور یہ بات بھی بالکل واضح ہے کہ صبح صادق ہوتے ہی رات ختم ہوجاتی ہے اور دن شروع ہوجاتا ہے، اس لیے صبح صادق کا وقت داخل ہونے کے ساتھ ہی سحری کا وقت ختم ہوجاتا ہے۔ اس بات کو قرآن وسنت اور دیگر شرعی دلائل کی روشنی میں سمجھنے کی کوشش کرتے ہیں۔

📿 *سحری کا آخری وقت قرآن کریم کی روشنی میں:*

اللہ تعالیٰ قرآن کریم سورۃ البقرۃ آیت: 187 میں سحری اور افطاری سے متعلق فرماتے ہیں کہ:

وَكُلُوْا وَاشْرَبُوْا حَتّٰى يَتَبَيَّنَ لَكُمُ الْخَيْطُ الْأَبْيَضُ مِنَ الْخَيْطِ الْأَسْوَدِ مِنَ الْفَجْرِ ثُمَّ أَتِمُّوا الصِّيَامَ إِلَى اللَّيْلِ.

▪ *ترجمہ:* ’’اور اس وقت تک کھاؤ پیو جب تک صبح کی سفید دھاری سیاہ دھاری سے ممتاز ہو کر تم پر واضح (نہ) ہوجائے، اس کے بعد رات آنے تک روزے پورے کرو۔‘‘ (آسان ترجمہ قرآن)

اس آیت میں اللہ تعالیٰ نے رات کو سیاہ دھاگے، جبکہ صبح صادق کو سفید دھاگے سے تشبیہ دی ہےاور کھانے پینے کی آخری حد بھی بیان فرمادی ہے کہ اس وقت تک کھاتے پیتے رہو جب تک صبح صادق طلوع نہ ہوجائے، جس کا واضح مطلب یہ ہے کہ کھانا پینا رات ہی کو درست ہے، اور جب صبح صادق طلوع ہوجائے تو اس کے بعد کھانا پینا جائز نہیں۔ اس آیت سے سحری کا آخری وقت بخوبی معلوم ہوجاتا ہے کہ سحری رات ہی کو بند کرنی ضروری ہے، اور اس سے یہ اہم مسئلہ بھی معلوم ہوا کہ سحری بند کرنے کا تعلق صبح صادق کے ساتھ ہے نہ کہ اذان کے ساتھ، جس کا مطلب یہ ہے کہ اذان بھلے نہ ہوئی ہو لیکن صبح صادق ہوچکی ہو تو اس کے بعد کھانا پینا جائز نہیں۔

▫️ اس آیت کی تفسیر میں مفتی اعظم پاکستان مفتی محمد شفیع صاحب رحمہ اللہ فرماتے ہیں کہ:

❄️ *سحری کھانے کا آخری وقت:*

حَتّٰى يَتَبَيَّنَ لَكُمُ الْخَيْطُ الْاَبْيَضُ: اس آیت میں رات کی تاریکی کو سیاہ خط، اور صبح کی روشنی کو سفید خط کی مثال سے بتلا کر روزہ شروع ہونے اور کھانا پینا حرام ہوجانے کا صحیح وقت متعین فرمادیا، اور اس میں اِفراط وتفریط کے اِحتمالات کو ختم کرنے کے لیے ’’حَتّٰى يَتَبَيَّنَ‘‘ کا لفظ بڑھا دیا، جس میں یہ بتلایا گیا ہے کہ نہ تو وہمی مزاج لوگوں کی طرح صبح صادق سے کچھ پہلے ہی کھانے پینے وغیرہ کو حرام سمجھو اور نہ ایسی بےفکری اختیار کرو کہ صبح کی روشنی کا یقین ہوجانے کے باوجود کھاتے پیتے رہو، بلکہ کھانے پینے اور روزہ کے درمیان حدِّ فاصل صبح صادق کا تیقُّن ہے، اس تیقُّن سے پہلےکھانے پینےکو حرام سمجھنا درست نہیں، اور تیقُّن کے بعد کھانے پینے میں مشغول رہنا بھی حرام اور روزے کے لیے مُفسِد ہے اگرچہ ایک ہی منٹ کے لیے ہو۔ سحری کھانے میں وُسعت اور گنجائش صرف اسی وقت تک ہے جب تک صبح صادق کا یقین نہ ہو۔ بعض صحابہ کرام کے ایسے واقعات کو بعض کہنے والوں نے اس طرح بیان کیا کہ سحری کھاتے ہوئے صبح ہوگئی اور وہ بےپروائی سے کھاتے رہے، یہ اسی پر مبنی تھا کہ صبح کا یقین نہیں ہوا تھا اس لیےکہنے والوں کی جلد بازی سے متاثر نہیں ہوئے۔ (معارف القرآن)

📿 *آیت کی تفسیر حدیثِ نبوی سے:*

1⃣ خود نبی کریم ﷺ نے بھی اس آیت کی تفسیر کرتے ہوئے یوں فرمایا کہ: ’’سیاہ دھاگے سے مراد رات کی تاریکی ہے جبکہ سفید دھاگے سے مراد دن کی روشنی ہے۔‘‘ (صحیح بخاری وصحیح مسلم)

☀ صحيح البخاري:

4510: حَدَّثَنَا قُتَيْبَةُ بْنُ سَعِيدٍ حَدَّثَنَا جَرِيرٌ عَنْ مُطَرِّفٍ عَنِ الشَّعْبِيِّ عَنْ عَدِيِّ بْنِ حَاتِمٍ رَضِيَ اللهُ عَنْهُ قَالَ: قُلْتُ: يَا رَسُولَ اللهِ، مَا الْخَيْطُ الْأَبْيَضُ مِنْ الْخَيْطِ الْأَسْوَدِ؟ أَهُمَا الْخَيْطَانِ؟ قَالَ:«إِنَّكَ لَعَرِيضُ الْقَفَا إِنْ أَبْصَرْتَ الْخَيْطَيْنِ»، ثُمَّ قَالَ:«لَا، بَلْ هُوَ سَوَادُ اللَّيْلِ وَبَيَاضُ النَّهَارِ».

2️⃣ اسی طرح صحیح مسلم کی حدیث سے بھی واضح ہوتا ہے کہ سیاہ دھاگے سے مراد رات، اور سفید دھاگے سے مراد دن ہے۔ ملاحظہ فرمائیں:

2587: عَنْ سَهْلِ بْنِ سَعْدٍ رضي الله عنه قَالَ: لَمَّا نَزَلَتْ هَذِهِ الآيَةُ: «وَكُلُوا وَاشْرَبُوا حَتَّى يَتَبَيَّنَ لَكُمُ الْخَيْطُ الأَبْيَضُ مِنَ الْخَيْطِ الأَسْوَدِ» قَالَ: فَكَانَ الرَّجُلُ إِذَا أَرَادَ الصَّوْمَ رَبَطَ أَحَدُهُمْ فِي رِجْلَيْهِ الْخَيْطَ الأَسْوَدَ وَالْخَيْطَ الأَبْيَضَ فَلَا يَزَالُ يَأْكُلُ وَيَشْرَبُ حَتَّى يَتَبَيَّنَ لَهُ رِئْيُهُمَا، فَأَنْزَلَ اللهُ بَعْدَ ذَلِكَ «مِنَ الْفَجْرِ» فَعَلِمُوا أَنَّمَا يَعْنِي بِذَلِكَ اللَّيْلَ وَالنَّهَارَ.

ماقبل میں مذکور آیت اور احادیث سے یہ بات بخوبی معلوم ہوگئی کہ سحری بند کرنے کا صحیح وقت رات کو ہے نہ کہ دن کو۔

📿 *مذکورہ آیت کی روشنی میں جمہورِ امت کا متفقہ اصول:*

سورۃ البقرہ کی مذکورہ آیت کو امت کے جمہور اہلِ علم نے ایک متفقہ اصول قرار دیا ہے، اور یہی جمہور اہلِ علم کا مذہب ہے کہ سحری بند کرنے کا تعلق رات سے ہے نہ کہ دن سے، اور صبح صادق ہوجانے کے بعد سحری کھانا ناجائز ہے، جیسا کہ حضرت علامہ ابن القیم الجوزیہ رحمہ اللہ ’’سنن ابی داود‘‘ کے حاشیہ میں فرماتے ہیں کہ:

وذهب الجمهور إلى امتناع السحور بطلوع الفجر وهو قول الأئمة الأربعة وعامة فقهاء الأمصار.

یعنی کہ جمہور کا مذہب یہ ہے کہ صبح صادق ہوجانے کے بعد سحری کھانا ناجائز ہے، یہی چاروں ائمہ کرام اور دیگر فقہائے عظام کا مذہب ہے۔

📿 *سحری کے آخری وقت کے لیے قرآن کریم سے ایک اور دلیل:*

سورۃ البقرہ کی اسی مذکورہ آیت میں اللہ تعالیٰ فرماتے ہیں کہ:

أُحِلَّ لَكُمْ لَيْلَةَ الصِّيَامِ الرَّفَثُ إِلَى نِسَائِكُمْ. (سورۃ البقرۃ آیت: 187)

▪ *ترجمہ:* ’’تمھارے لیے روزے کی رات کو اپنی بیویوں کے ساتھ ہمبستری جائز قرار دی گئی ہے۔‘‘

اس آیت میں جب اللہ تعالیٰ نے روزے کی رات کو بیوی کے ساتھ ہمبستری کی اجازت دی ہے تو گویا کہ کھانے پینے کی اجازت بھی رات ہی کو ہے، جیسا کہ دن کو ہمبستری کی اجازت نہیں دی اسی طرح کھانے پینے کی اجازت بھی نہیں ہے، اور یہ تو سب ہی جانتے ہیں کہ رات صبح صادق تک ہی ہوتی ہے، صبح صادق کے بعد تو دن شروع ہوجاتا ہے۔

📿 *روزے کی تعریف کی روشنی میں سحری کے آخری وقت کی دلیل:*

روزہ درحقیقت صبح صادق سے لے کر غروبِ آفتاب تک کھانے پینے اور روزہ توڑنے والے امور سے بچنے کا نام ہے۔ (رد المحتار) اس لیے صبح صادق ہوتے ہی روزہ شروع ہوجاتا ہے، یہی وجہ ہے کہ اگر کوئی شخص صبح صادق طلوع ہوجانے کے بعد کچھ کھاتا پیتا ہے تو وہ درحقیقت دن ہی کو کھاتا پیتا ہےحالاں کہ دن روزے کے لیے ہے نہ کہ کھانے پینے کے لیے، تو گویا کہ روزے کی حقیقت اور تعریف اس میں نہیں پائی گئی تو یہ روزہ ہوا ہی نہیں۔

📿 *فتاویٰ عثمانی کا حوالہ:*

شیخ الاسلام حضرت اقدس مفتی محمد تقی عثمانی صاحب دامت برکاتہم فرماتے ہیں:

’’صبح صادق کے بعد اگر ایک منٹ بھی مزید کھا لیا تو روزہ فاسد ہے۔‘‘ (فتاویٰ عثمانی 2/188)

📿 *اذان کے دوران سحری بند کرنے سے متعلق ایک حدیث اور اس کی صحیح تاویل:*

ماقبل کی تفصیل اور دلائل سے یہ بات بخوبی واضح ہوگئی کہ سحری کا وقت رات ہی کو ہے، جیسے ہی رات ختم ہوجائے اور صبح صادق کا وقت داخل ہوجائے تو اس کے بعد سحری کرنا ناجائز ہے، اس سے روزہ نہیں ہوتا، اور چوں کہ فجر کی اذان صبح صادق کے بعد ہوتی ہے اس لیے اذان کے دوران کھانے پینے سے روزہ نہیں ہوتا۔

اس معاملے میں بعض لوگ سنن ابی داود کی ایک حدیث شریف پیش کرتے ہیں کہ: جب تم میں سے کوئی اذان کی آواز سنے اور برتن اس کے ہاتھ میں ہو تو وہ اس کو نہ رکھے بلکہ اپنی ضرورت پوری کرلے۔‘‘ اور اس حدیث سے یہ ثابت کرنا چاہتے ہیں کہ فجر کی اذان کے دوران بھی سحری بند کی جاسکتی ہے۔ یاد رہے کہ یہ واضح غلط فہمی ہے۔ ذیل میں اس حوالے سے چند باتیں ذکر کی جاتی ہیں:

1⃣ اس حدیث کا ایسا مطلب بیان کرنا کہ جو قرآن وسنت کے واضح اصول اور دیگر دلائل کے خلاف ہویا ان کے مابین باہمی ٹکراؤ کی صورت پیدا کرے، ظاہر ہے کہ یہ ہرگز درست نہیں، اور نہ ہی یہ شریعت کا تقاضا ہوسکتا ہے، اس لیے اس سے اجتناب کرنا چاہیے۔

2️⃣ خصوصًا جب کہ اس حدیث میں کوئی بھی ایسا لفظ نہیں ہے کہ جس سے واضح طور پر یہ معلوم ہورہا ہو کہ اس

حدیث کا تعلق سحری بند کرنے کے ساتھ ہے۔ ظاہر ہے کہ ایسی صورت میں اس سے سحری ہی مراد لینا کسی طرح درست نہیں، اور یہی وجہ ہے کہ جمہور اہلِ علم نے اس حدیث سے یہ معنی مراد لیا ہی نہیں کہ صبح صادق کے بعد اذان کے دوران یا اس کے بعد بھی سحری بند کی جاسکتی ہے، بلکہ اہلِ علم نے اس حدیث کے متعدد معانی بیان فرمائے ہیں، تاکہ اس حدیث شریف کا قرآن کے واضح اصول اور دیگر احادیث سے باہمی ٹکراؤ بھی پیدا نہ ہو اور حدیث کاصحیح مطلب بھی واضح ہوسکے، یہی وجہ ہے کہ بعض اہلِ علم فرماتے ہیں کہ اس کا تعلق عام اذان کے ساتھ ہے اور اس سے مراد یہ ہے کہ: ’’جب تم میں سے کوئی اذان کی آواز سنے اور برتن اس کے ہاتھ میں ہو تو وہ اس کو نہ رکھے بلکہ اپنی ضرورت پوری کرلے‘‘، یعنی اذان ہوجانے کا یہ مطلب نہیں کہ وہ اذان کی وجہ سےعام کھانا پینا چھوڑ دے اور اذان کا جواب دے بلکہ وہ اس دوران بھی کھا پی سکتا ہے، گویا کہ یہ حدیث عام اذان سے متعلق ہے۔ (ماہِ رمضان کے فضائل و احکام از مفتی محمد رضوان صاحب دام ظلہم)

3⃣ اگر یہ بات تسلیم کرلی جائے کہ اس حدیث کا تعلق سحری کے ساتھ ہے تو ایسی صورت میں امام بیہقی رحمہ اللہ جمہور اہلِ علم کی ترجمانی کرتے ہوئے فرماتے ہیں کہ جمہور اہلِ علم کے نزدیک اس حدیث کا تعلق اُس اذان کے ساتھ ہے جو کہ صبح صادق سے پہلے دی گئی ہو۔ (زجاجۃ المصابیح) کیوں کہ حضور اقدس ﷺ کے مبارک دور میں دو اذانیں دینے کا رواج رہا: ایک صبح صادق سے پہلے جو کہ حضرت بلال رضی اللہ عنہ دیتے تھے، اور دوسری صبح صادق کے بعد جو کہ حضرت عبداللہ بن ام مکتوم رضی اللہ عنہ دیتے تھے، جس کا ذکر متعدد احادیث میں آیاہے، اور جب صبح صادق سے پہلے بھی ایک اذان دی جانے کا رواج تھا تو ایسی صورت حال میں بھی حضور اقدس ﷺ نے سحری کا صحیح وقت واضح فرمایا تاکہ لوگ کہیں غلطی میں مبتلا نہ ہوں، چنانچہ صحیح مسلم کی حدیث ہے کہ:

إِنَّ بِلَالًا يُؤَذِّنُ بِلَيْلٍ فَكُلُوا وَاشْرَبُوا حَتَّى تَسْمَعُوا تَأْذِينَ ابْنِ أُمِّ مَكْتُومٍ.

(صحیح مسلم حديث: 1092)

یعنی کہ بلال رات کو اذان دیتے ہیں، اس لیے اس وقت تک کھا پی سکتے ہو جب تک ابن ام مکتوم کی اذان نہ ہوجائے، (کیوں کہ وہ فجر کے بعد اذان دیتے تھے۔)

اسی طرح صحیح مسلم کی ایک اور حدیث میں بھی یہی مضمون آیا ہے کہ:

لَا يَغُرَّنَّكُمْ نِدَاءُ بِلَالٍ وَلَا هَذَا الْبَيَاضُ حَتَّى يَبْدُوَ الْفَجْرُ.

(صحیح مسلم حدیث: 1094)

یعنی کہ تمہیں بلال کی اذان اور صبح کاذب کہیں غلطی میں نہ ڈال دیں یہاں تک کہ فجر طلوع نہ ہوجائے۔

(فائدہ: صبح صادق سے کچھ لمحات پہلے ایک روشنی سی نمودار ہوتی ہے جو عمودی شکل میں ہوتی ہے، جس سے یہ گمان ہونے لگتا ہے کہ صبح صادق ہوچکی ہے لیکن چند ہی لمحوں بعد وہ غائب ہوجاتی ہے، اس کو صبح کاذب کہا جاتا ہے۔)

📿 *حاصلِ کلام:*

اس تمام تفصیل سے معلوم ہوا کہ سنن ابی داود کی اس حدیث شریف کا صحیح مطلب یہ بھی ہوسکتا ہے کہ اس سے وہ اذان مراد ہے جو کہ صبح صادق سے پہلے دی جاتی تھی کہ جب یہ اذان ہوجائے اور تمہارے ہاتھ میں برتن ہو تو تم اس کو نہ رکھو بلکہ اپنی حاجت پوری کرلیا کرو، کیوں کہ ابھی تک صبح ہوئی ہی نہیں ہے۔ یہ مطلب مراد لینے کے بعد حدیث کا صحیح مطلب بھی واضح ہوجاتا ہے اور قرآن وحدیث میں باہمی ٹکراؤ کی صورت بھی پیدا نہیں ہوتی۔ (اس کی مزید مدلل تفصیل کے لیے دیکھیے: جامعہ دار العلوم کراچی کا فتویٰ نمبر: 1724/3)

📿 *سحری میں تاخیر افضل ہونے کی وضاحت:*

اسی کے ساتھ ساتھ یہ بات بھی سمجھنے کی ہے کہ احادیث مبارکہ سے یہ بات ثابت ہے کہ سحری میں تاخیر کرنا بڑی فضیلت کی بات ہے۔ (صحیح ابن حبان حدیث: 1770) اس سے بعض حضرات کو یہ شبہ ہوا ہے کہ صبح صادق کے بعد اور اذان کے ساتھ بھی سحری بند کرسکتے ہیں اور دلیل میں یہ حدیث شریف بھی پیش کرتے ہیں، تو اس حوالے سے عرض یہ ہے کہ یہ بات درست ہے کہ احادیث کی رُو سے سحری میں تاخیر کرنا افضل ہے لیکن اس کا یہ تو مطلب نہیں کہ سحری میں اتنی تاخیر کی جائے کہ صبح صادق ہی طلوع ہوجائے، اس کی متعدد وجوہات ہیں:

1⃣ تاخیر سے سحری کرنے کا یہ مطلب قرآن و سنت سے کہیں ثابت نہیں کہ صبح صادق کے بعد بھی کھایا پیا جائے، بلکہ قرآن وسنت سے اس کے برعکس یہی معلوم ہوتا ہے کہ سحری کا وقت رات ہی کو ہے، اس لیےسحری رات ہی کو بند کرنی ضروری ہے۔

2️⃣ جب تاخیر سے سحری کرنا افضل ہے تو ظاہر ہے کہ تاخیر کی کوئی حدّ بھی تو ہوگی، کیوں کہ اگرتاخیر کی کوئی حد مقرر نہ ہو تو پھر ایک آدمی صبح سورج نکلنے کے بعد کھا پی کر یہ کہہ سکتا ہے کہ سحری میں تاخیر افضل ہے، تو ظاہر ہے کہ اس کی اس بات کو کون تسلیم کرسکتا ہے؟؟ اس لیے اس تاخیر کی بھی ایک حد ہے، اور وہ حد یہی ہے کہ صبح صادق طلوع ہونے سے پہلے تک آپ کھا پی سکتے ہیں، اس کے بعد نہیں، اور یہ حدّ قرآن و سنت کے واضح دلائل سے ثابت ہے، جیسا کہ تفصیل بیان ہوچکی۔

3⃣ احادیث سے جو یہ بات ثابت ہے کہ تاخیر سے سحری کرنا افضل ہے اس کا معنی یہ ہے کہ بعض لوگ صبح صادق سے ڈھائی تین گھنٹے پہلے یا آدھی رات ہی کو سحری سے فارغ ہوجاتے ہیں تو یہ بھی جائز ہے لیکن بہتر اور زیادہ فضیلت کی بات یہ ہے کہ صبح صادق طلوع ہونے کے قریب قریب سحری کرے اور جب رات ختم ہونے لگے تو صبح صادق سے پہلے پہلے سحری بند کرلے۔

📿 *صبح صادق سے متعلق بنیادی احکام:*

چوں کہ صبح صادق کے ساتھ سحری کا ایک اہم ربط ہے اس لیے ذیل میں صبح صادق سے متعلق چند بنیادی باتیں ذکر کی جاتی ہیں:

❄️ *صبح صادق کی حقیقت:*

عمومًا صبح کاذب کے تھوڑی دیر بعد آسمان کے اُفق پر شمالًا وجنوبًا ایک روشنی نمودار ہوتی ہے، یہ روشنی مستطیر یعنی چوڑائی میں پھیلی ہوئی ہوتی ہے جو کہ وقت گزرنے کے ساتھ ساتھ مزید پھیلتی اور بڑھتی جاتی ہے، اس کو صبح صادق کہتے ہیں، یہ حقیقی صبح ہوتی ہے۔

📿 *صبح صادق سے متعلق احکام:*

صبح صادق چوں کہ حقیقی صبح ہوتی ہے اس لیے اس پر شریعت کے متعدد احکام لاگو ہوتے ہیں، جیسے:

▪صبح صادق طلوع ہوتے ہی رات ختم ہوجاتی ہے۔

▪صبح صادق طلوع ہوتے ہی نمازِ عشا اور نمازِ وتر کا وقت ختم ہوجاتا ہے، جس کی وجہ سے یہ دونوں نمازیں قضا ہوجاتی ہیں۔

▪صبح صادق طلوع ہوتے ہی تہجد کا وقت ختم ہوجاتا ہے۔

▪صبح صادق طلوع ہوتے ہی سحری کا وقت ختم ہوجاتا ہے۔

▪صبح صادق طلوع ہوتے ہی روزہ شروع ہوجاتا ہے۔

▪صبح صادق طلوع ہوتے ہی شرعی دن شروع ہوجاتا ہے، جس کے آدھے دن کو نصف النہار شرعی کہتے ہیں۔ واضح رہے کہ زوال کو نصف النہار عرفی کہا جاتا ہے جو کہ سورج طلوع ہونے سے لے کر سورج غروب ہونے تک کا آدھا دن ہوتا ہے۔

▪صبح صادق طلوع ہوتے ہی نمازِ فجر کا وقت داخل ہوجاتا ہے۔

▪صبح صادق طلوع ہوتے ہی عید الفطر میں صدقۃ الفطر واجب ہوجاتا ہے۔

▪صبح صادق ہوتے ہی عید الاضحیٰ کے دن قربانی کا جانور ذبح کرنا درست ہوتا ہے، البتہ یہ اُن دیہاتوں کے لیے ہے جن میں عید کی نماز واجب نہیں ہوتی، جبکہ شہروں میں اور بڑے دیہاتوں میں جہاں عید کی نماز واجب ہوتی ہے وہاں عید کی نماز کے بعد ہی ذبح کرنا جائز ہوتا ہے، جس کی تفصیل قربانی کے مسائل میں دیکھی جاسکتی ہے۔

ان جیسے متعدد احکام ایسے ہیں جو صبح صادق سے منسلک ہیں۔

(رد المحتار، ہندیہ، صبح صادق وکاذب اور وقت عشا کی تحقیق از مفتی محمد رضوان صاحب دام ظلہم)

📿 *صبح صادق ہوتے وقت سورج کتنے ڈگری زیرِ اُفق ہوتا ہے؟*

جمہور اہلِ علم کے نزديک سورج جب 18 درجے زیرِ اُفق ہو تو صبح صادق طلوع ہوجاتا ہے، یہی قول راجح اور اسی پر فتویٰ ہے، اور عمومًا مروّجہ اوقاتِ نماز کے نقشے بھی اسی کے مطابق بنائے گئے ہیں۔ واضح رہے کہ خصوصًا سحری بند کرنے کے معاملے میں تو اسی پر عمل کرنے میں احتیاط ہے۔

(رد المحتار، نوادر الفقہ، فتاویٰ عثمانی، فہم الفلکیات، صبح صادق وکاذب اور وقت عشا کی تحقیق از حضرت مفتی رضوان صاحب)

🌼 *احادیث مبارکہ:*

☀ مصنَّف ابن ابی شیبہ میں ہے:

9163- عَنْ سَمُرَةََ بْنِ جُنْدُبٍ قَالَ: قَالَ رَسُولُ اللهِ ﷺ: «لَا يَمْنَعَنَّكُمْ أَذَانُ بِلَالٍ مِنَ السُّحُورِ، وَلَا الصُّبْحُ الْمُسْتَطِيلُ، وَلَكِنِ الصُّبْحُ الْمُسْتَطِيرُ فِي الأُفُقِ».

9164- عَنْ ثَوْبَانَ قَالَ: قَالَ رَسُولُ اللهِ ﷺ: «الْفَجْرُ فَجْرَانِ: فَأَمَّا الَّذِي كَأَنَّهُ ذَنَبُ السِّرْحَانِ فَإِنَّهُ لَا يُحِلُّ شَيْئًا وَلَا يُحَرِّمُهُ، وَلَكِنِ الْمُسْتَطِيرُ».

9165- عَنْ غُنَيْمِ بْنِ قَيْسٍ عَنْ أَبِي مُوسَى قَالَ: لَيْسَ الْفَجْرُ الَّذِي هَكَذَا، يَعْنِي الْمُسْتَطِيلَ، وَلَكِنِ الْفَجْرُ الَّذِي هَكَذَا، يَعْنِي الْمُعْتَرِضَ.

☀ صحیح مسلم میں ہے:

2596- عَنْ عَبْدِ اللهِ بْنِ سَوَادَةَ الْقُشَيْرِىِّ: حَدَّثَنِى وَالِدِى أَنَّهُ سَمِعَ سَمُرَةَ بْنَ جُنْدُبٍ يَقُولُ: سَمِعْتُ مُحَمَّدًا ﷺ يَقُولُ: «لَا يَغُرَّنَّ أَحَدَكُمْ نِدَاءُ بِلَالٍ مِنَ السَّحُورِ وَلَا هَذَا الْبَيَاضُ حَتَّى يَسْتَطِيرَ».

2597- عَنْ سَمُرَةَ بْنِ جُنْدَبٍ رضى الله عنه قَالَ: قَالَ رَسُولُ اللهِ ﷺ: «لَا يَغُرَّنَّكُمْ أَذَانُ بِلَالٍ وَلَا هَذَا الْبَيَاضُ -لِعَمُودِ الصُّبْحِ- حَتَّى يَسْتَطِيرَ هَكَذَا».

2598- عَنْ سَمُرَةَ بْنِ جُنْدَبٍ رضى الله عنه قَالَ: قَالَ رَسُولُ اللهِ ﷺ: «لَا يَغُرَّنَّكُمْ مِنْ سَحُورِكُمْ أَذَانُ بِلَالٍ وَلَا بَيَاضُ الأُفُقِ الْمُسْتَطِيلُ هَكَذَا حَتَّى يَسْتَطِيرَ هَكَذَا». وَحَكَاهُ حَمَّادٌ بِيَدَيْهِ قَالَ يَعْنِى مُعْتَرِضًا.

☀ سنن النسائی میں ہے:

2170- أَخْبَرَنَا مَحْمُودُ بْنُ غَيْلَانَ قَالَ: حَدَّثَنَا أَبُو دَاوُدَ قَالَ: حَدَّثَنَا شُعْبَةُ: أَنْبَأَنَا سَوَادَةُ بْنُ حَنْظَلَةَ قَالَ: سَمِعْتُ سَمُرَةَ يَقُولُ: قَالَ رَسُولُ اللهِ ﷺ: «لَا يَغُرَّنَّكُمْ أَذَانُ بِلَالٍ وَلَا هَذَا الْبَيَاضُ حَتَّى يَنْفَجِرَ الْفَجْرُ هَكَذَا وَهَكَذَا» يَعْنِي مُعْتَرِضًا. قَالَ أَبُو دَاوُدَ: وَبَسَطَ بِيَدَيْهِ يَمِينًا وَشِمَالًا مَادًّا يَدَيْهِ.

🌼 *مذکورہ تفصیل کی روشنی میں سحری کے احکام*

📿 *سحری کا وقت رات ہی کو ہے:*

جب صبح صادق طلوع ہونے کا وقت قریب آتا ہے اور رات ختم ہونے لگتی ہے تو رات ختم ہونے سے پہلے پہلے سحری بند کرلینی ضروری ہے، کیوں کہ سحری کا وقت رات کو ہے نہ کہ صبح کو، اس لیے جو لوگ صبح صادق کا وقت داخل ہوجانے کے بعد بھی کھاتے پیتے ہیں ان کا روزہ ہرگز درست نہیں۔ (اعلاءالسنن)

📿 *فجر کی اذان کے دوران سحری بند کرنے کا حکم:*

بہت سے لوگ فجر کی اذان کے دوران بھی کھاتے پیتے ہیں اور یہ سمجھتے ہیں کہ جب تک اذان ختم نہ ہوجائے اس وقت تک سحری کا وقت باقی رہتا ہے، یاد رہے کہ یہ کھلی غلطی ہے، کیوں کہ اذان صبح صادق طلوع ہوجانے کے بعد ہوتی ہے جبکہ سحری رات ہی کو بند کرنی ضروری ہے، اس لیے جو لوگ اذان کے ساتھ کھاتے پیتے ہیں وہ درحقیقت رات کے بجائے صبح کو سحری بند کررہے ہوتے ہیں حالاں کہ ماقبل کی مدلل تفصیل سے معلوم ہوچکا کہ سحری کا وقت رات ہی کوہے نہ کہ دن کو، اس لیے ایسے حضرات کا روزہ ہرگز درست نہیں۔

📿 *سحری بند کرنے میں فجر کی اذان کا کوئی اعتبار نہیں:*

ماقبل کی تفصیل سے یہ بات بھی معلوم ہوجاتی ہے کہ سحری بند کرنے میں اصل اعتبار اذان کا نہیں بلکہ صبح صادق کا ہے کہ جب صبح صادق طلوع ہوجائے اس کے بعد کھانے پینے سے روزہ ہوتا ہی نہیں، اگرچہ اذان نہیں ہوئی ہو، کیوں کہ اذان تو صبح صادق کے بعدہی ہوا کرتی ہے۔ اسی طرح بعض مساجد میں صبح صادق سے پہلے ہی فجر کی اذان دے دیتے ہیں، ایسی صورت میں بھی اصل اعتبار صبح صادق ہی کا ہوگا کہ اگرچہ اذان ہوچکی ہو لیکن چوں کہ صبح صادق طلوع نہیں ہوا ہوتا اس لیے صبح صادق طلوع ہونے سے پہلے تک سحری کھانا جائز ہے۔ (امداد الفتاویٰ ودیگر کتب)

⭕ *تنبیہ:*

بہتر یہ ہے کہ صبح صادق طلوع ہونے سے چند منٹ پہلے روزہ بند کرلیا جائے تاکہ احتیاط رہے۔

📿 *جنابت کی حالت میں روزہ رکھنے کا حکم:*

جنابت کی حالت میں بھی روزہ رکھنا درست ہے، اگر کسی شخص کو سحری کے وقت غسل کرنے کی حاجت ہو تو بہتر تو یہ ہے کہ غسل کرکے سحری کرلے، لیکن اگر غسل کرنے کا موقع نہ ہو تو منہ ہاتھ دھو کر سحری کرلے، اور غسل بعد میں کرلے اگرچہ یہ غسل صبح صادق طلوع ہوجانے کے بعد ہی کیوں نہ ہو۔

(رد المحتار، مراقی الفلاح )

🌼 *سحری اور افطاری سے متعلق نہایت ہی قیمتی اور اہم مشورے*

📿 *سحری اور افطاری کے لیے مستند نقشہ اپنے پاس رکھیے:*

بہترین صورت یہ ہے کہ سحر وافطار کے اوقات سے متعلق اپنے شہر اور علاقے کا کوئی مستند نقشہ اپنے پاس رکھا جائے، پھر اسی نقشے کا اعتبار کرتے ہوئے سحر وافطار کا اہتمام کیا جائے کہ نقشے میں جو صبح صادق کا وقت لکھا ہوتا ہے اس سے پہلے روزہ بند کرلیا جائے، اور جو مغرب کا وقت لکھا ہوتا ہے اس سے پہلے ہرگز افطاری نہ کی جائے، ان باتوں پر عمل کرکے غلطی سے حفاظت ہوسکتی ہے۔ سحر وافطار کے اوقات معلوم کرنے کے لیے اپنے شہر کے کسی معتبر نقشے سے استفادہ کرنے کی کوشش کی جائے جس میں سحر وافطار کے اوقات درج ہوں۔

📿 *گھڑیاں ملک کے معیاری وقت کے مطابق کیجیے!*

اوقاتِ نماز اور سحر وافطار کے نقشے ملک کے معیاری وقت کے مطابق ہی بنائے جاتے ہیں، اس لیے ہر شخص کو اپنی گھڑی اور اپنے گھروں، دفاتر اور تعلیمی اداروں کی گھڑیاں ملک کے معیاری وقت کے مطابق ہی رکھنی چاہییں، اسی طرح مساجد کی گھڑیاں بھی اپنے ملک کے معیاری وقت کے مطابق کرلینی چاہییں کیوں کہ نمازوں کے اوقات اور سحر وافطار میں اس کی بڑی ضرورت پڑتی ہے، جبکہ اس سے غفلت کے نتیجے میں متعدد مسائل اور خرابیاں پیدا ہوتی ہیں۔ مساجد کی انتظامیہ کو اس بات کا خاص خیال رکھنا چاہیے۔ اس بات کی اہمیت کے لیے دو مثالیں سمجھیے:

1⃣ اگر کسی مسجد کی گھڑی ملک کے معیاری وقت سے دو منٹ آگے ہے اور اس مسجد میں نقشے کے مطابق لوگوں کو افطار کی اطلاع دی جائے تو گویا کہ یہ اطلاع وقت داخل ہونے سے دو منٹ پہلے دی جائے گی، جس کا غلط ہونا واضح ہے اور اس کی بنا پر جو لوگ فورًا افطار کریں گے ان کا افطار وقت داخل ہونے سے پہلے ہوگا۔

2️⃣ بندہ مغرب کی نماز ادا کرنے کے لیے ایک مسجد گیا تو دیکھا کہ مسجد کی گھڑی ملک کے معیاری وقت سے دو منٹ آگے ہے، تو جیسے ہی مسجد کی گھڑی کے مطابق مغرب کا وقت داخل ہوا تو مؤذن صاحب فورًا اذان دینے کے لیے اُٹھنے لگے تو بندہ نے ان کو سمجھایا کہ ابھی تو وقت ہی داخل نہیں ہوا، کیوں کہ مسجد کی گھڑی دو منٹ آگے ہے، ایسی صورت میں اگر آپ اذان شروع کریں گے تو یہ وقت سے پہلے شروع ہوگی، اور مسئلہ یہ ہے کہ اگر اذان کے بعض کلمات بھی وقت سے پہلے ادا کرلیے تو وقت کے اندر اس اذان کا اعادہ کیا جائے گا۔ (الدر المختار)

اندازہ لگائیے کہ گھڑیاں اپنے ملک کے معیاری وقت کے مطابق رکھنے کی کس قدر اہمیت اور ضرورت ہے!! اس لیے عام نمازوں میں بھی اور خصوصًا ماہِ رمضان کے لیے بھی اپنی گھڑیوں کو ملک کے معیاری وقت کے مطابق کرلینی چاہیے۔

📿 *مساجد سے سحری بند کرنے کے لیے اعلان کا اہتمام:*

مناسب یہ معلوم ہوتا ہے کہ صبح صادق شروع ہونے سے تقریبًا پانچ منٹ پہلے مساجد سے سائرن وغیرہ کے ذریعے سحری بند کرنے کی اطلاع دینے کی صورت اختیار کی جائے اور عوام کو مطلع کیا جائے کہ سحری بند ہونے سے پانچ منٹ پہلے سائرن وغیرہ کے ذریعے اطلاع دی جائے گی، اس طرح جب سائرن وغیرہ کا اہتمام ہوگا تو لوگ سمجھ جائیں گے کہ سحری پانچ منٹ کے اندر اندر بند کرلینی ہے، اس سے عوام کے روزے محفوظ ہوسکیں گے۔

📿 *رمضان المبارک میں نمازِ فجر کی جلد ادائیگی کا حکم:*

عام حالات میں تو فجر کی نماز میں افضل اور مستحب یہی ہے کہ اسے اندھیرے کی بجائے ذرا روشنی ہوجانے کے بعد ادا کی جائے، جس کے لیے بعض اہلِ علم حضرات نے طلوعِ آفتاب سے آدھا گھنٹہ پہلے کا وقت مقرر کیا ہے، اس میں ایک بڑی حکمت یہ ہے کہ ذرا تاخیر سے ادا ہونے کی صورت میں اس میں لوگ کثرت سےجماعت میں شریک ہوسکیں گے کیوں کہ اگر وقت داخل ہوتے ہی اندھیرے میں نماز ادا کی جائے تو قوی اندیشہ ہے کہ بہت سے لوگوں کی جماعت رہ جائے، حالاں کہ تکثیرِ جماعت بھی مطلوب ہے۔ لیکن جہاں اندھیرے میں نماز ادا کرنے کی صورت میں جماعت میں زیادہ سے زیادہ افراد کی شرکت ہوجاتی ہو اور روشنی میں نماز ادا کرنے کی وجہ سے لوگوں کی جماعت فوت ہونے کا اندیشہ ہو جیسا کہ رمضان المبارک میں مشاہدہ ہوتا رہتا ہے تو ایسی صورت میں لوگوں کی رعایت کرتے ہوئے اندھیرے ہی میں فجر ادا کرنا افضل ہے۔

(فیض الباری، فتاویٰ محمودیہ، آپ کے مسائل اور ان کا حل)

☀ صحیح بخاری میں ہے:

577- عَنْ سُلَيْمَانَ عَنْ أَبِي حَازِمٍ أَنَّهُ سَمِعَ سَهْلَ بْنَ سَعْدٍ يَقُولُ كُنْتُ أَتَسَحَّرُ فِي أَهْلِي ثُمَّ يَكُونُ سُرْعَةٌ بِي أَنْ أُدْرِكَ صَلَاةَ الْفَجْرِ مَعَ رَسُولِ اللهِ ﷺ.

☀ فیض الباری شرح صحیح بخاری للامام الکشمیری میں ہے:

577- قوله: (كنت أَتَسحَّرُ في أهلي، ثُمَّ يكونُ سُرْعَةٌ بي أَنْ أُدْرِكَ صلاةَ الفجرِ مَعَ رَسولِ الله ﷺ) ولعل هذا التَّغْلِيس كان في رمضان خاصة، وهكذا ينبغي عندنا إذا اجتمعَ النَّاس، وعليه العمل في دار العلوم بديوبند من عهد الأكابر. (باب وَقْتِ الفَجْر)

۔۔۔ مفتی مبین الرحمٰن صاحب مدظلہ

روزے کی نیت کے مسائل: نیت کی حقیقت, نیت کا حکم, نصف النہار شرعی اور نصف النہار عرفی کا حکم

noreply@blogger.com (Aj ki Duniya Urdu) — Tue, 05 Apr 2022 10:00:00 +0000

روزے کے لیے نیت کا حکم:

روزے کے لیے نیت فرض ہے،بغیر نیت کے روزہ نہیں ہوتا۔ (رد المحتار،مراقی الفلاح)

*نیت کی حقیقت:*

نیت دل کے ارادے اور عزم کا نام ہے کہ دل میں یہ نیت ہو کہ میں اللہ تعالیٰ کی رضا کے لیے روزہ رکھتا ہوں۔ اس سے معلوم ہوا کہ نیت کا تعلق دل ہی کے ساتھ ہے اور حقیقی نیت دل ہی کی ہوا کرتی ہے، اس لیے دل میں نیت کرلی تو یہ بھی کافی ہے۔ زبان سے نیت کے الفاظ ادا کرنا بھی درست ہے لیکن ضروری نہیں۔اگر کوئی شخص دل ہی میں نیت کرلیتا ہے اور زبان سے نیت کے الفاظ ادا نہیں کرتا تویہ بالکل جائز ہے۔ (رد المحتار)

عربی زبان میں نیت کرنے کا حکم:

نیت کے الفاظ ہر شخص اپنی اپنی زبان میں بھی ادا کرسکتا ہے، اسی طرح نیت عربی میں کرنا بھی درست ہے لیکن ضروری نہیں۔

عوام میں مشہور عربی نیت کا حکم:

آج کل عوام میں نیت کے یہ الفاظ مشہور ہیں: ’’بِصَوْمِ غَدٍ نَّوَیْتُ مِنْ شَھْرِ رَمَضَانَ‘‘، حتی کہ بعض لوگ تو اس کو سحری کی دعا سمجھتے ہیں بلکہ متعدد ذرائعِ اِبلاغ کے ذریعےاس کی اشاعت کا بھرپور اہتمام بھی کرتے ہیں، یاد رہے کہ یہ سحری کی دعا تو ہرگز نہیں، البتہ ان الفاظ کے ساتھ نیت کرنا درست تو ہے لیکن یہ الفاظ قرآن وسنت سے ثابت نہیں، اس لیے ان الفاظ کو سنت یا ضروری نہ سمجھا جائے۔ اسی طرح اس کی اشاعت کا اس قدر اہتمام بھی ایک بے بنیاد بات ہے کیوں کہ اس سے بڑی غلط فہمیاں پیدا ہوتی ہیں اور لوگ صحیح مسئلے سے ناواقف رہتے ہیں۔

سحری کرنا بھی نیت کے قائم مقام ہے:

سحری کرنا بھی نیت کے قائم مقام ہے البتہ اگر سحری کرتے وقت یہ نیت تھی کہ روزہ نہیں رکھنا ہے تو ایسی صورت میں سحری نیت کے قائم مقام نہیں ہوگی بلکہ روزہ رکھنے کے لیے الگ سے نیت ضروری ہے۔

روزے کی نیت کب تک کی جاسکتی ہے؟

ماہِ رمضان المبارک کے روزے کی نیت کب تک کی جاسکتی ہے؟ اس مسئلہ کی تفصیل سے قبل تمہید کے طور پر کچھ وضاحت ذکر کرنا ضروری ہے۔

نِصْفُ النَّہار کی حقیقت:

’’نصف النہار‘‘ کے معنی ہیں: آدھا دن۔ ’’نصف النہار‘‘ کی دو اقسام ہیں:

1 نصف النہار عرفی:

سورج طلوع ہونے سے لے کر سورج غروب ہونے تک پورے دن کا جتنا بھی وقت ہے اس کے آدھے وقت کو ’’نصف النہار عرفی‘‘ کہتے ہیں، یعنی عرف میں آدھا دن یہیں تک ہوتا ہے۔ اس کو زوال بھی کہا جاتا ہے۔ہمارے ہاں نقشوں میں جو زوال کا وقت لکھا ہوتا ہے تو اس سے یہی نصف النہار عرفی ہی مراد ہوتا ہے، جس کے بعد ظہر کی نماز کا وقت شروع ہوجاتا ہے۔

2️⃣ نصف النہار شرعی:

صبح صادق سے لے کر سورج غروب ہونے تک پورے دن کا جتنا بھی وقت ہے اس کے آدھے وقت کو ’’نصف النہار شرعی‘‘ کہتے ہیں، یعنی شریعت کی نگاہ میں آدھا دن یہیں تک ہوتا ہے۔ اس سے یہ بات واضح ہوتی ہے کہ نصف النہار شرعی کا وقت نصف النہار عرفی سے کچھ پہلے ہوتا ہے۔

▪ *فائدہ:* ماہِ رمضان کے روزوں کی نیت میں نصف النہار شرعی کا اعتبار ہے نہ کہ نصف النہار عرفی کا۔

مسئلہ کی تفصیل:

ماقبل کی وضاحت کے بعد مسئلہ سمجھیے کہ:

1 رمضان کے روزے کی نیت رات سے بھی درست ہےاور سحری کے وقت یعنی صبح صادق سے پہلے بھی درست ہے، البتہ جس شخص نے سحری کے وقت بھی نیت نہیں کی یہاں تک کہ صبح صادق کا وقت داخل ہوگیا تو وہ ’’نصف النہارشرعی‘‘ سے پہلے پہلے روزے کی نیت کرسکتا ہے اس شرط کے ساتھ کہ صبح صادق طلوع ہونے کے بعد کچھ کھایا پیا نہ ہو۔ اسی طرح وہ حضرات جو سحری سے رہ جاتے ہوں اور صبح صادق کے بعد ہی بیدار ہوجاتے ہوں تو ان کے لیے بھی اتنی سہولت ہے کہ وہ نصف النہار شرعی سے پہلے پہلے نیت کرکے روزہ رکھ لیا کریں اس شرط کے ساتھ کہ صبح صادق کے بعد کچھ کھایا پیا نہ ہو اور روزہ توڑنے والا کوئی کام بھی پیش نہ آیا ہو۔

2️⃣ جس شخص نے ’’نصف النہارشرعی‘‘ تک بھی نیت نہیں کی تو اس کے بعد اس کی نیت کا کوئی اعتبار نہیں، اب اس کے ذمے اس روزے کی قضارکھنا ضروری ہے، اور ایسا شخص اس دن دیگر روزہ داروں کی طرح افطار تک کچھ کھائے پیے گا بھی نہیں۔ (رد المحتار علی الدر المختار، فتاویٰ رحیمیہ، مراقی الفلاح مع نور الایضاح، بہشتی زیور)

🌹 *فائدہ:*

سحری اور افطار کے اوقات پر مشتمل کیلینڈر بنانے والے حضرات اگر کیلینڈر میں نصف النہار شرعی کا خانہ بھی بڑھا دیں تو بہت سے لوگوں کے لیے مفید ثابت ہوگا۔

نفلی، قضا اور کفارے کے روزوں کی نیت کب تک کی جاسکتی ہے؟

یہی حکم نفلی روزوں کا بھی ہے کہ اگر صبح صادق کے بعد کچھ کھایا پیا نہ ہو تو نصف النہار شرعی سے پہلے تک ان کی نیت درست ہے، البتہ قضا اور کفارے کے روزوں کی نیت صبح صادق سے پہلے پہلے کرنی ضروری ہے، اگر کسی نے صبح صادق سے پہلے نیت نہیں کی تو صبح صادق کے بعد ان روزوں کی نیت معتبر نہیں۔

(بہشتی زیور، رد المحتار)

Aaa

مفتی مبین الرحمٰن صاحب مدظلہ

حرمین شریفین میں تراویح پر پابندی: شہزادہ محمد بن سلمان کا ایک اور اسلام مخالف فیصلہ

noreply@blogger.com (Aj ki Duniya Urdu) — Mon, 04 Apr 2022 20:08:00 +0000

رکعات تراویح گھٹا کر دس کر دی گئیں!!!

حرم رسوا ہوا پیرے حرم کی کم نگاہی سے!!!

قارئین کرام!!!

سعودی عرب کی موجودہ حکومت جو سیکولرازم اور جدیدیت کی علمبردار اور مغربی اقوام کے تلچھٹ کو چاٹنے والی, جس کے نزدیک منور و مجلی اسلام دہشتگردی کے زمرے میں آتا ہے ایسی حکومت نے نہایت چالاکی سے حرمین شریفین میں نماز تراویح پر پابندی لگا دی ہے وہ بھی اس طرح کہ بہت سے مسلمانوں کو پتا ہی نہیں چلا, حتی کہ قاری سدیس اور دیگر ائمہ کو بھی اس کی ہوا تک نہیں لگی,

ہم نے ابھی تک یہی سنا تھا کہ تراویح کی رکعات بیس ہیں اور اس پر اہل سنت کا اجماع ہے اور چاروں ائمہ کے یہاں یہ متفق علیہ فیصلہ ہے سوائے غیر مقلد کے جنہیں اہل سنت والجماعت میں تصور نہیں کیا جاتا ہے. لیکن اب امت کو تراویح کی رکعتوں کے حوالے سے نئی صورتحال کا سامنا ہے, یہ کسی عام جگہ سے نہیں بلکہ خود حرمین شریفین سے, اس سے امت سخت کشمکش کا شکار ہے.

حرمین شریفین میں تراویح کے نام پر صرف دس رکعات ہی پڑھی جا رہی ہیں اس کے دیکھا دیکھی متحدہ عرب امارات میں بھی رکعات کو کم کر دیا گیا ہے اور آٹھ رکعتیں تراویح کے نام پر پڑھی جا رہی ہیں ایسا ان مسجدوں میں بھی ہو رہا ہے جہاں پہلے بیس رکعات تراویح ہوا کرتی تھی.

حرمین شریفین کی تاریخ بتاتی ہے کہ سیدنا عمر فاروق رضی اللہ عنہ کے دور خلافت سے لے کر کرونا سے پہلے تک وہاں بیس بیس رکعات تراویح ہوا کرتی تھی, مارچ 2020 میں کرونا کی وبا مسلط کی گئی تو سعودی حکومت نے مکہ کی مسجد حرام اور مدینہ کی مسجد نبوی میں دس دس رکعات تراویح پڑھنے کا حکم نامہ جاری کیا اس کے بعد سے ہر سال تراویح کی دس دس رکعتیں پڑھی جا رہی ہیں, حالانکہ اس رمضان کرونا کی تمام پابندیاں ہٹائی جا چکی ہیں, اور حرمین شریفین میں داخلے کی عام اجازت ہے, امید یہی تھی کہ تراویح اپنی سابقہ رکعات کے ساتھ ادا کی جائے گی, لیکن پہلی تراویح سے یہ بات واضح ہو گئی کہ وہ پابندی ابھی بھی عائد ہے, اور سعودی حکام نے تراویح کی دس رکعات بذات خود منسوخ کر دی ہیں, اور آگے بھی مجھے اندیشہ ہے کہ یہی دس رکعتیں ہی بطور تراویح پڑھی جائیں گی, اللہ نہ کرے ایسا ہو

کرونا کے ابتدائی بحران کے درمیان سعودی حکومت نے تراویح کے متعلق جو گائیڈ لائن جاری کیا تھا, اخبار کی زبانی پہلے اسے پڑھیں, "

22 اپریل 2020 : عرب میڈیا کے مطابق شاہ سلمان بن عبدالعزیز کی جانب سے حرمین شریفین میں نماز تراویح کے حوالے سے شاہی فرمان جاری کردیا گیا ہے۔

حرمین پریذیڈنسی کےسربراہِ اعلٰی شیخ ڈاکٹر عبدالرحمان السدیس کا ایک بیان میں کہنا ہے کہ حرم شریف اور مسجد نبویﷺ میں تراویح 10 رکعت اور 5 تسلیمات پرمشتمل ہوگی، یعنی 2،2 رکعت کی 5 جماعتیں کروائی جائیں گی۔

شیخ عبدالرحمان السدیس کے مطابق 10 رکعت تراویح دو امام پڑھائیں گے جن میں سے پہلا امام 6 رکعت اور دوسرا امام 4 رکعت پڑھائے گا، تہجد کی نماز بھی ہوگی جب کہ ختم قرآن 29 ویں شب کو ہوگا۔

جاری بیان میں کہا گیا ہے کہ مسجد الحرام اور مسجد نبوی ﷺ میں عام عبادت گزاروں کے داخلے پر پابندی برقرار رہے گی، نماز تراویح کی رکعت میں کمی کا مقصد دورانیے کو کم سے کم کرنا ہے" ( اردو جیو ٹی وی)

اس نیوز میں جو رکعتوں کو کم کرنے کی وجہ بتائی گئی ہے وہ دجل پر مبنی ہے,

تراویح کے نام پر حرمین شریفین میں جو دس رکعات پڑھی جا رہی ہیں انہیں تراویح نہیں کہہ سکتے بلکہ وہ نفل نماز ہے جس کی جماعت منعقد کرنے کے بارے میں فقہاء کے درمیان اختلاف ہے, امام ابوحنیفہ رحمۃ اللہ کے یہاں نفل کی جماعت مکروہ ہے اس لیے ان کے ماننے والوں پر ضروری ہے کہ وہ اس نفلی عبادت میں شریک نہ ہوں بلکہ کوئی اور راستہ تلاش کریں کیونکہ اس سے تراویح ادا نہیں ہوگی.

حیرت کی بات ہے کہ حرمین شریفین جیسے مقامات مقدسہ میں تراویح کے نام پر دس رکعتیں ہی پڑھی پڑھائی جا رہی ہیں, اور ہر طرف سے خاموشی ہے یہ ایک بہت بڑا المیہ ہے کہ تین سال سے حرمین میں تراویح نہیں ہو رہی ہے اس پر ماتم کے سوا اور کیا کیا جا سکتا ہے, تعجب تو ان علماء پر ہے جو رابطہ عالم اسلامی کے رکن ہیں اور یہ سب ہوتا ہوا دیکھ کر بھی چپی سادھے ہوئے ہیں, ہونا تو یہ چاہیے تھا کہ وہ اپنا ایک وفد لے کر شہزادہ محمد بن سلمان کےپاس جاتے تراویح کو دوبارہ شروع کراتے, کیونکہ ایک وقت وہ بھی تھا جب سعودی حکومت نے آج سے سو سال پہلے روضہ اطہر کو ڈھانے کی مکمل تیاری کر لی تھی لیکن ہندوستانی علماء نے اپنے دلائل قاہرہ کی بنیاد پر حکومت کے منصوبے پر پانی پھیر دیا,

کرونا کے بہانے محمد بن سلمان نے اسلامی تعلیمات میں بہت کچھ تبدیلی کر دی ہیں, اس کا مقصد ہی سیکولر اسلام ہے جس کا مطالبہ مغربی اقوام مدتوں سے کر رہی تھیں, ہمارے نبی کا پیش کردہ اسلام اس کے بقول معتبر نہیں, بلکہ وہ دہشت گردی پر مبنی ہے, العیاذ باللہ

محمد بن سلمان کے متعلق رسول خدا کی ایک حدیث یاد آتی ہے, اللہ کے رسول نے ارشاد فرمایا

يَكُونُ فِي آخِرِ الزَّمَانِ دَجَّالُونَ كَذَّابُونَ، يَأْتُونَكُمْ مِنَ الْأَحَادِيثِ بِمَا لَمْ تَسْمَعُوا أَنْتُمْ، وَلَا آبَاؤُكُمْ، فَإِيَّاكُمْ وَإِيَّاهُمْ، لَا يُضِلُّونَكُمْ، وَلَا يَفْتِنُونَكُمْ

رسول اللہ صلی اللہ علیہ وسلم نے فرمایا: ”اخیر زمانے میں دجال (یعنی جھوٹ کو سچ بنانے والے) اور کذاب (یعنی جھوٹ بولنے والے) پیدا ہوں گے۔ وہ ایسی باتیں تم کو سنائیں گے جو تم نے اور تمہارے باپ دادا نے نہ سنی ہوں گی تو بچے رہنا ان سے۔ ایسا نہ ہو کہ وہ تم کو گمراہ کر دیں اور آفت میں ڈال دیں۔“

دعائے افطار کی علمی اور شرعی تحقیق: اَللّٰهُمَّ لَكَ صُمْتُ پڑھیں یا ذهب الظمأ پڑھیں. دونوں میں سے کونسی دعا صحیح ہے؟

noreply@blogger.com (Aj ki Duniya Urdu) — Mon, 04 Apr 2022 11:52:00 +0000

افطار کی پہلی دعا:

اَللّٰهُمَّ لَكَ صُُمْتُ وَعَلٰی رِزْقِكَ اَفْطَرْتُ.

▪ *ترجمہ:* اے اللہ! میں نے آپ ہی کے لیے روزہ رکھا اور آپ ہی کے رزق پر افطار کیا۔

(سنن ابی داود، پُرنور دعائیں از شیخ الاسلام مفتی محمد تقی عثمانی صاحب دام ظلہم)

بعض حضرات اس دعا پر مشتمل روایت کو ضعیف قرار دے کر افطار کے وقت اس دعا کو پڑھنے سے منع کرتے ہیں، حالاں کہ یہ غلط فہمی ہے، ذیل میں اس کی تفصیل ذکر کی جاتی ہے۔

تحقیقِ دعا:

مذکورہ دعا سنن ابی داود میں موجود ہے:

2360- حَدَّثَنَا مُسَدَّدٌ: حَدَّثَنَا هُشَيْمٌ عَنْ حُصَيْنٍ عَنْ مُعَاذِ بْنِ زُهْرَةَ أَنَّهُ بَلَغَهُ أَنَّ النَّبِىَّ ﷺ كَانَ إِذَا أَفْطَرَ قَالَ: «اللَّهُمَّ لَكَ صُمْتُ وَعَلَى رِزْقِكَ أَفْطَرْتُ». (باب الْقَوْلِ عِنْدَ الإِفْطَارِ)

اسی طرح یہ دعا ’’السنن الصغریٰ للبیہقی، السنن الکبریٰ للبیہقی، شعب الایمان للبیہقی، مصنَّف ابن ابی شیبہ، معجم الصحابہ لابن القاسم البغوی اور الزہد لابن المبارک‘‘ وغیرہ میں بھی موجود ہے۔

واضح رہے کہ یہ روایت معتبر ہے اور اس کے تمام راوی ثقہ اور معتبر ہیں۔ جہاں تک اس روایت کے مرسل ہونے کا تعلق ہے تو مرسل ہونا کوئی عیب نہیں، بلکہ جمہور کے نزدیک مرسل روایت حجت ہے۔ اس لیے محض مرسل ہونے کی بنیاد پر اس روایت کو ضعیف قرار نہیں دیا جاسکتا۔ اس سے معلوم ہوا کہ افطار کے وقت یہ دعا پڑھنا بالکل درست بلکہ یہ مسنون دعاؤں میں سے ہے۔

☀ مرقاة المفاتيح شرح مشكاة المصابيح:

1994- (وَعَنْ مُعَاذِ بْنِ زُهْرَةَ) تَابِعِيٌّ يَرْوِي عَنْهُ حُصَيْنُ بْنُ عَبْدِ الرَّحْمَنِ السُّلَمِيُّ الْكُوفِيُّ، ذَكَرَهُ

الطِّيبِيُّ (قَالَ: إِنَّ النَّبِيَّ ﷺ كَانَ إِذَا أَفْطَرَ قَالَ) أَيْ دَعَا، وَقَالَ ابْنُ الْمَلَكِ: أَيْ قَرَأَ بَعْدَ الْإِفْطَارِ، وَمِنْهُ: (اللَّهُمَّ لَكَ صُمْتُ وَعَلَى رِزْقِكَ أَفْطَرْتُ) قَالَ الطِّيبِيُّ: قَدَّمَ الْجَارَّ وَالْمَجْرُورَ فِي الْقَرِينَتَيْنِ عَلَى الْعَامِلِ دَلَالَةً عَلَى الِاخْتِصَاصِ إِظْهَارًا لِلِاخْتِصَاصِ فِي الِافْتِتَاحِ وَإِبْدَاءً لِشُكْرِ الصَّنِيعِ الْمُخْتَصِّ بِهِ فِي الِاخْتِتَامِ. (رَوَاهُ أَبُو دَاوُدَ مُرْسَلًا) قَالَ فِي «التَّقْرِيبِ»: مُعَاذُ بْنُ زُهْرَةَ، وَيُقَالُ أَبُو زُهْرَةَ مَقْبُولٌ مِنَ الثَّالِثَةِ، فَأَرْسَلَ حَدِيثًا فَوَهِمَ مَنْ ذَكَرَهُ فِي الصَّحَابَةِ، قَالَ مِيرَكُ: عِبَارَةُ أَبِي دَوُادَ هَكَذَا عَنْ مُعَاذِ بْنِ زُهْرَةَ: بَلَغَهُ أَنَّ النَّبِيَّ ﷺ قَرَأَهُ، لَا يُقَالُ لِمِثْلِهِ أَنَّهُ كَانَ إِذَا أَفْطَرَ إِلَى آخِرِهِ، وَمُعَاذُ بْنُ زُهْرَةَ بْنِ حِبَّانَ فِي الثِّقَاتِ، وَانْفَرَدَ بِإِخْرَاجِ حَدِيثِهِ هَذَا أَبُو دَاوُدَ، وَلَيْسَ لَهُ سِوَى هَذَا الْحَدِيثِ اهـ قَالَ ابْنُ حَجَرٍ: وَهُوَ مَعَ إِرْسَالِهِ حُجَّةٌ فِي مِثْلِ ذَلِكَ، عَلَى أَنَّ الدَّارَقُطْنِيَّ وَالطَّبَرَانِيَّ رَوَيَاهُ بِسَنَدٍ مُتَّصِلٍ لَكِنَّهُ ضَعِيفٌ، وَهُوَ حُجَّةٌ أَيْضًا. (كِتَابُ الصَّوْمِ)

افطار کی دوسری دعا

افطار کے سلسلے میں مستند احادیث سے جو دعا ثابت ہے وہ ہے:

ذَهَبَ الظَّمَأُ، وَابْتَلَّتِ الْعُرُوقُ، وَثَبَتَ الْأَجْرُ إِنْ شَاءَ اللَّهُ (ابوداؤد، کتاب الصوم: 2357)

دعا کا ترجمہ : پیاس بجھ گئی، رگیں تر ہو گئیں اور اجر بھی ان شاء اللہ ثابت ہو گیا.

بعض اہل علم نے اس دعا کے سلسلے میں یہ اشکال ذکر کیا ہے کہ اگر ہم اس کا ترجمہ ماضی کی شکل میں کرتے ہیں (جیسا کہ اوپر کیا گیا ہے) تو یہ صحیح نہیں ہوگا کیونکہ ایسی صورت میں یہ جملہ خبریہ ہو جائے گا ، جب کہ یہ دعا ہے اور دعا انشاء سے تعلق رکھتی ہے، اس لیے اس دعا کا ترجمہ یوں کیا جانا چاہیے : پیاس بجھ جائے، رگیں تر ہو جائیں اور اجر ثابت ہو جائے ان شاء اللہ. اسی لیے بعض علماء اس بات کے قائل ہیں کہ اس دعا کو افطار کے وقت پڑھا جائے نہ کہ افطار کے بعد.

تحقیق دعا:

ہماری تحقیق کے مطابق اس دعا کا ترجمہ جملہ خبریہ کے طور پر کرنے میں کوئی حرج نہیں.. اس دعا کی مثال بعینہ اس دعا کی طرح ہے جو کسی کے یہاں کھانا کھانے کے بعد نبی کریم صلی اللہ علیہ وسلم سے وارد ہے اور جس کے الفاظ یوں ہیں :

أَفْطَرَ عِنْدَكُمُ الصَّائِمُونَ، وَأَكَلَ طَعَامَكُمُ الْأَبْرَارُ، وَصَلَّتْ عَلَيْكُمُ الْمَلَائِكَةُ (ابوداؤد، کتاب الاطعمۃ:3854)

ترجمہ : آپ لوگوں کے یہاں روزہ داروں نے افطار کیا، آپ کا کھانا نیک لوگوں نے کھایا اور فرشتوں نے آپ لوگوں کے لیے دعائے رحمت کی.

اب ظاہر ہے یہ دعا کھانا کھا چکنے کے بعد ہی ہڑھی جاتی ہے اس لیے اس کے ترجمہ میں وہ منطق بالکل لاگو نہیں ہو سکتی جو افطار والی دعا میں لگائی جاتی ہے. اسی لیے "ذهب الظمأ.." والی دعا کے سلسلے میں شارحین حدیث نے بھی یہ وضاحت کی ہے کہ یہ دعا افطار کے بعد پڑھی جائے گی، چنانچہ صاحب عون المعبود علامہ شمس الحق عظیم آبادی رحمہ اللہ اس حدیث کی شرح میں لکھتے ہیں :

(إذا أفطر) أي بعد الإفطار

یعنی یہ دعا آپ صلی اللہ علیہ وسلم افطار کے بعد پڑھتے تھے.

فائدہ:

اس حوالے سے بعض اہلِ علم فرماتے ہیں کہ مذکورہ دو دعاؤں میں سے پہلی دعا افطار سے پہلے جبکہ دوسری دعا افطار کے بعد پڑھی جائے۔

لہذا صحیح بات یہی معلوم ہوتی ہے کہ افطار اللھم لک صمت والی دعا سے کیا جائے اور افطار کے بعد ذھب الظمأ والی دعا پڑھی جائے. کیونکہ دونوں دعائیں صحیح ہیں اور حدیث سے ثابت ہیں.

واللہ اعلم بالصواب

( عبدالغفار سلفی ،بنارس)

۔۔۔ مفتی مبین الرحمٰن صاحب مدظلہ

روزے کی فرضیّت: روزہ کن لوگوں پر فرض ہے؟

noreply@blogger.com (Aj ki Duniya Urdu) — Mon, 04 Apr 2022 08:23:00 +0000

روزہ کن لوگوں پر فرض ہے؟

روزہ ہر عاقل، بالغ مسلمان مرد اور عورت پر فرض ہے۔ (رد المحتار، مراقی الفلاح)

*بلوغت سے متعلق کے اہم مسائل:*

*مسئلہ 1:* لڑکا اور لڑکی جب تک بالغ نہ ہوئے ہوں تو اُن کے ذمے روزہ فرض نہیں، یہی وجہ ہے کہ اگر نابالغ لڑکا یا لڑکی روزہ رکھ کر توڑ دے تو اس کے ذمّے اس روزے کی قضا بھی نہیں، البتہ جب لڑکا یا لڑکی بالغ ہوجائیں تو بالغ ہوتے ہی ان کے ذمّے روزے فرض ہوجاتے ہیں۔ (بدائع الصنائع، رد المحتار)

*مسئلہ 2️⃣:* جو نابالغ بچہ یا بچی رمضان کے مہینے میں صبح صادق سے پہلے بالغ ہوجائے تو اس کے ذمّے اس دن کا روزہ رکھنا بھی فرض ہے۔ (بدائع الصنائع، رد المحتار)

*مسئلہ 3⃣:* نابالغ بچے یا بچی کا روزہ رکھنا بھی بالکل جائز بلکہ اس کے لیے اجر وثواب کا باعث ہے، اور یہ روزہ نفلی شمار ہوگا۔ اس لیے اگر انھیں روزہ رکھنے کی طاقت ہو تو ان کو روزے رکھنے کی بھرپور ترغیب دینی چاہیے بلکہ بلوغت کے قریب ہونے کے باوجود بھی اگر روزے نہ رکھے تو انھیں مؤثر طریقے سے مناسب تنبیہ بھی کرنی چاہیے تاکہ عادت پڑجائے اور بلوغت کے بعد انھیں روزہ رکھنے میں آسانی رہے۔

(بدائع الصنائع، رد المحتار مع الدر المختار)

*بلوغت کی عمر:*

1⃣ اسلامی سال کے اعتبار سے لڑکے کے بالغ ہونے کی کم سے کم عمر 12 سال، جبکہ لڑکی کے بالغ ہونے کی عمر 9 سال ہے، اس سے پہلے لڑکا اور لڑکی بالغ نہیں ہوسکتے۔

2️⃣ جب لڑکے کی عمر اسلامی سال کے اعتبار سے 12 سال اور لڑکی کی عمر 9 سال ہوجائے تو اس کے بعد جب بھی بلوغت کی علامات ظاہر ہوجائیں تو یہ دونوں بالغ ہوجاتے ہیں، البتہ اگر بلوغت کی کوئی بھی علامت ظاہر نہ ہو تو پھر اسلامی سال کے اعتبار سے 15 سال کی عمر میں دونوں بالغ شمار کیے جائیں گے۔

3⃣ لڑکے کے لیے بلوغت کی علامات یہ ہیں: خواب میں اِحتلام ہوجانا، بیداری میں اِنزال ہوجانا یعنی منی نکلنا وغیرہ، جبکہ لڑکی کے لیے بلوغت کی علامات یہ ہیں: ماہواری یعنی حیض کا آنا، خواب میں احتلام ہوجانا، بیداری میں اِنزال ہوجانا، صحبت کے نتیجے میں حمل ٹھہر جانا وغیرہ۔

(صحیح مسلم حدیث: 4814 مع تکملۃ فتح الملہم، عالمگیریہ، ملتقی الابحر، کنز الدقائق مع البحر الرائق)

☀ فتاویٰ ہندیہ:

بُلُوغُ الْغُلَامِ بِالِاحْتِلَامِ أو الْإِحْبَالِ أو الْإِنْزَالِ، وَالْجَارِيَةُ بِالِاحْتِلَامِ أو الْحَيْضِ أو الْحَبَلِ، كَذَا في «الْمُخْتَارِ». وَالسِّنُّ الذي يُحْكَمُ بِبُلُوغِ الْغُلَامِ وَالْجَارِيَةِ إذَا انْتَهَيَا إلَيْهِ خَمْسَ عَشْرَةَ سَنَةً عِنْدَ أبي يُوسُفَ وَمُحَمَّدٍ رَحِمَهُمَا اللهُ تَعَالَى، وهو رِوَايَةٌ عن أبي حَنِيفَةَ رَحِمَهُ اللهُ تَعَالَى، وَعَلَيْهِ الْفَتْوَى، وَعِنْدَ أبي حَنِيفَةَ رَحِمَهُ اللهُ تَعَالَى: ثَمَانِي عَشْرَةَ سَنَةً لِلْغُلَامِ، وَسَبْعَ عَشْرَةَ سَنَةً لِلْجَارِيَةِ، كَذَا في «الْكَافِي». وَأَدْنَى مُدَّةِ الْبُلُوغِ بِالِاحْتِلَامِ وَنَحْوِهِ في حَقِّ الْغُلَامِ اثْنَتَا عَشْرَةَ سَنَةً، وفي الْجَارِيَةِ تِسْعُ سِنِينَ، وَلَا يُحْكَمُ بِالْبُلُوغِ إنِ ادَّعَى وهو ما دُونَ اثْنَتَيْ عَشْرَةَ سَنَةً في الْغُلَامِ وَتِسْعِ سِنِينَ في الْجَارِيَةِ، كَذَا في «الْمَعْدِنِ».

(الْفَصْلُ الثَّانِي في مَعْرِفَةِ حَدِّ الْبُلُوغِ)

☀ الدر المختار:

(بُلُوغُ الْغُلَامِ بِالِاحْتِلَامِ وَالْإِحْبَالِ وَالْإِنْزَالِ) وَالْأَصْلُ هُوَ الْإِنْزَالُ، (وَالْجَارِيَةِ بِالِاحْتِلَامِ وَالْحَيْضِ وَالْحَبَلِ) وَلَمْ يَذْكُرِ الْإِنْزَالَ صَرِيحًا؛ لِأَنَّهُ قَلَّمَا يُعْلَمُ مِنْهَا، (فَإِنْ لَمْ يُوجَدْ فِيهِمَا) شَيْءٌ (فَحَتَّى يَتِمَّ لِكُلٍّ مِنْهُمَا خَمْسَ عَشْرَةَ سَنَةً، بِهِ يُفْتَى)؛ لِقِصَرِ أَعْمَارِ أَهْلِ زَمَانِنَا. (وَأَدْنَى مُدَّتِهِ لَهُ اثْنَتَا عَشْرَةَ سَنَةً وَلَهَا تِسْعُ سِنِينَ) هُوَ الْمُخْتَارُ كَمَا فِي «أَحْكَامِ الصِّغَارِ»، (فَإِنْ رَاهَقَا) بِأَنْ بَلَغَا هَذَا السِّنَّ (فَقَالَا: بَلَغْنَا؛ صُدِّقَا إنْ لَمْ يُكَذِّبْهُمَا الظَّاهِرُ) كَذَا قَيَّدَهُ فِي «الْعِمَادِيَّةِ» وَغَيْرِهَا، فَبَعْدَ ثِنْتَيْ عَشْرَةَ سَنَةً يُشْتَرَطُ شَرْطٌ آخَرُ لِصِحَّةِ إقْرَارِهِ بِالْبُلُوغِ وَهُوَ أَنْ يَكُونَ بِحَالٍ يَحْتَلِمُ مِثْلُهُ، وَإِلَّا لَا يُقْبَلُ قَوْلُهُ، «شَرْحُ وَهْبَانِيَّةٍ»، (وَهُمَا) حِينَئِذٍ (كَبَالِغٍ حُكْمًا) فَلَا يُقْبَلُ جُحُودُهُ الْبُلُوغَ بَعْدَ إقْرَارِهِ مَعَ احْتِمَالِ حَالِهِ فَلَا تُنْقَضُ قِسْمَتُهُ وَلَا بَيْعُهُ، وَفِي «الشُّرُنْبُلَالِيَّةِ»: يُقْبَلُ قَوْلُ الْمُرَاهِقَيْنِ: «قَدْ بَلَغْنَا» مَعَ تَفْسِيرِ كُلٍّ بِمَاذَا بَلَغَ بِلَا يَمِينٍ. وَفِي «الْخِزَانَةِ»: أَقَرَّ بِالْبُلُوغِ فَقَبْلَ اثْنَتَيْ عَشْرَةَ سَنَةً لَا تَصِحُّ الْبَيِّنَةُ، وَبَعْدَهُ تَصِحُّ اهـ.

✍🏻۔۔۔ مفتی مبین الرحمٰن صاحب مدظلہ

روزے کے بنیادی مسائل و احکام: روزے کی تعریف, حقیقت, اقسام, فرضیت, حکمت اور عمومی غلطیوں کا ازالہ

noreply@blogger.com (Aj ki Duniya Urdu) — Sun, 03 Apr 2022 18:05:00 +0000

تفصیلی فہرست :

• روزے کی حقیقت ۔

• روزے کی اقسام ۔

• ماہ رمضان کے روزے اسلام کا ایک اہم رکن ۔

• روزے کی فرضیت اور حکمت قرآن کی روشنی میں ۔

• روزے سے متعلق علم حاصل کرنافرض ہے ۔

• روزے سے متعلق مسائل سیکھنے کے فوائد ۔

• روزوں سے متعلق عمومی غلطیوں کا اجمالی تذکرہ ۔

• روزے اللہ تعالی کی بارگاہ میں کیسے قبول ہوں ؟

روزے کی حقیقت

شریعت کی نظر میں صبح صادق سے لے کر سورج غروب ہونے تک عبادت کی نیت سے کھانے پینے اور جنسی خواہش پوری کرنے سے بچنے کو روزہ کہتے ہیں۔ (رد المحتار، الاختیار)

روزے کی اقسام:

حکم اور درجے کے اعتبار سے روزے کی متعدد اقسام ہیں:

▪ *فرض روزے:* جیسے ماہِ رمضان کے روزے۔

▪ *واجب روزے:* جیسے نذر اور منت کے روزے۔

▪ *مسنون اور مستحب روزے:* جیسے ایامِ بیض کے تین روزے، پیر اور جمعرات کے روزے، عاشورا کا روزہ وغیرہ۔

▪ *نفلی روزے:* جیسے عام دنوں کے نفلی روزے۔

▪ *ممنوع اور مکروہ روزے:* جیسے عیدین کے دن روزہ رکھنا۔

ان کی تفصیل متعلقہ فقہی کتب میں دیکھی جاسکتی ہے، ذیل میں صرف ماہِ رمضان کے روزوں کے مسائل ذکر کیے جاتے ہیں۔

❄️ ماہِ رمضان کے روزے اسلام کا ایک اہم رکن:

دین اسلام میں ماہِ رمضان کے روزے فرض قرار دیے گئے ہیں بلکہ انھیں اسلام کے ارکان اور فرائض میں سے ایک اہم رکن اور فرض کی حیثیت دی گئی ہے، جس سے ان کی اہمیت کا بخوبی اندازہ لگایا جاسکتا ہے۔ قرآن وحدیث میں ماہِ رمضان کے روزوں کی بڑی اہمیت، فضیلت اور تاکید بیان کی گئی ہے۔ یہ روزے ماہِ رمضان المبارک کی عبادات میں سے ایک نمایاں اور اہم ترین مقام رکھتے ہیں۔ اس لیے ان روزوں کا اہتمام اللہ تعالیٰ کی رضا حاصل کرنے کا بہت بڑا ذریعہ ہے۔ ہر مسلمان کو چاہیے کہ وہ ماہِ رمضان کے روزوں کا بھرپور اہتمام کرے۔

📿 روزے کی فرضیت اور حکمت قرآن کریم کی روشنی میں:

ماہِ رمضان المبارک کے روزوں سے متعلق اللہ تعالیٰ قرآن کریم سورۃ البقرہ کی آیت نمبر 183 میں فرماتے ہیں کہ:

يٰٓـاَيُّهَا الَّذِيْنَ اٰمَنُوْا كُتِبَ عَلَيْکُمُ الصِّيَامُ کَمَا كُتِبَ عَلَى الَّذِيْنَ مِنْ قَبْلِکُمْ لَعَلَّكُمْ تَتَّقُوْنَ.

▪ *ترجمہ:* ’’اے ایمان والو! تم پر روزے فرض کردیے گئے ہیں جس طرح تم سے پہلے لوگوں پر فرض کیے گئے تھے، تاکہ تمہارے اندر تقویٰ پیدا ہو۔‘‘ (آسان ترجمہ قرآن)

اس آیت سے درج ذیل بنیادی باتیں واضح ہوتی ہیں:

▪ماہِ رمضان کے روزے امتِ مسلمہ پر فرض کیے گئے ہیں۔

▪ماہِ رمضان کے روزے پچھلی امتوں پر بھی فرض تھے۔

▪روزے فرض کرنے کا مقصد تقویٰ پیدا کرنا ہے۔

▫️ *مذکورہ آیت کی تفسیر میں مفتی اعظم پاکستان مفتی محمد شفیع صاحب رحمہ اللہ فرماتے ہیں کہ:*

صوم کے لفظی معنی اِمساک یعنی رکنے اور بچنے کے ہیں اور اصطلاحِ شرع میں کھانے پینے اور عورت سے مباشرت کرنے سے رکنے اور باز رہنے کا نام صوم ہے بشرطیکہ وہ طلوعِ صبح صادق سے لے کر غروبِ آفتاب تک مسلسل رُکا رہے اور نیت روزہ کی بھی ہو، اس لیے اگر غروبِ آفتاب سے ایک منٹ پہلے بھی کچھ کھا پی لیا تو روزہ نہیں ہوا، اسی طرح اگر ان تمام چیزوں سے پرہیز تو پورے دن پوری احتیاط سے کیا مگر نیت روزہ کی نہیں کی تو بھی روزہ نہیں ہوا۔

صوم یعنی روزہ اُن عبادات میں سے ہے جن کو اسلام کے عمود اور شعائر قرار دیا گیا ہے، اس کے فضائل بیشمار ہیں جن کے تفصیلی بیان کا یہ موقع نہیں۔

❄️ *پچھلی امتوں میں روزے کا حکم:*

روزے کی فرضیت کا حکم مسلمانوں کو ایک خاص مثال سے دیا گیا ہے، حکم کے ساتھ یہ بھی ذکر فرمایا کہ یہ روزے کی فرضیت کچھ تمہارے ساتھ خاص نہیں، پچھلی امتوں پر بھی روزے فرض کیے گئے تھے، اس سے روزے کی خاص اہمیت بھی معلوم ہوئی اور مسلمانوں کی دلجوئی کا بھی انتظام کیا گیا کہ روزہ اگرچہ مشقت کی چیز ہے مگر یہ مشقت تم سے پہلے بھی سب لوگ اٹھاتے آئے ہیں، طبعی بات ہے کہ مشقت میں بہت سے لوگ مبتلا ہوں تو وہ ہلکی معلوم ہونے لگتی ہے۔ (روح المعانی)

قرآن کریم کے الفاظ ’’الَّذِيْنَ مِنْ قَبْلِکُمْ‘‘ عام ہیں، حضرت آدم علیہ السلام سے لے کر حضرت خاتم الانبیاء ﷺ تک کی تمام شریعتوں اور امتوں کو شامل ہیں، اس سے معلوم ہوا کہ جس طرح نماز کی عبادت سے کوئی شریعت اور کوئی امت خالی نہیں رہی اسی طرح روزہ بھی ہر شریعت میں فرض رہا ہے۔جن حضرات نے فرمایا ہے کہ ’’مِنْ قَبْلِکُمْ‘‘ سے اس جگہ نصاریٰ مراد ہیں وہ بطورِ ایک مثال کے ہے، اس سے دوسری امتوں کی نفی نہیں ہوتی۔ (روح)

آیت میں صرف اتنا بتلایا گیا ہے کہ روزے جس طرح مسلمانوں پر فرض کیے گئے پچھلی امتوں میں بھی فرض کیے گئے، اس سے یہ لازم نہیں آتا کہ پچھلی امتوں کے روزے تمام حالات وصفات میں مسلمانوں ہی کے روزوں کے برابر ہوں، مثلًا روزوں کی تعداد، روزوں کے اوقات کی تحدید اور یہ کہ کن ایام میں رکھے جائیں؛ ان امور میں اختلاف ہوسکتا ہے، چنانچہ واقعہ بھی ایسا ہی ہوا کہ تعداد میں بھی کمی بیشی ہوتی رہی اور روزے کے ایام اور اوقات میں فرق ہوتا رہا ہے۔ (روح)

’’لَعَلَّكُمْ تَتَّقُوْنَ‘‘ میں اشارہ ہے کہ تقویٰ کی قوت حاصل کرنے میں روزہ کو بڑا دخل ہے کیوں کہ روزہ سے اپنی خواہشات کو قابو میں رکھنے کا ایک ملکہ پیدا ہوتا ہے، وہی تقویٰ کی بنیاد ہے۔ (معارف القرآن)

📿 روزے سے متعلق علم حاصل کرنا فرض ہے:

چوں کہ ماہِ رمضان کے روزے اسلام کے فرائض میں سے ہیں اس لیے اس سے متعلق علم حاصل کرنا بھی فرض ہے کیوں کہ اس کے بغیر ٹھیک طرح روزوں کی ادائیگی نہیں ہوسکتی، بلکہ کئی دفعہ تو روزہ بھی ٹوٹ جاتا ہے لیکن اس کا احساس ہی نہیں ہوتا، یہ بات تو ظاہر ہے ہی کہ عمل کی درستی کے لیے علم ضروری ہے۔ اور یہ بات بھی کس قدر افسوس اور دکھ والی ہے کہ ایک مسلمان زندگی بھر روزے رکھتا رہے لیکن شریعت کا علم نہ ہونے کی وجہ سے وہ ایسی غلطیوں کا شکار رہے کہ شریعت کی نگاہوں میں اس کے روزے درست ہی نہ ہوں، جس کے نتیجے میں ظاہر ہے کہ اس کے روزے اللہ تعالیٰ کے ہاں قبول نہیں ہوسکتے!

اس لیے ہر مسلمان کی ذمہ داری ہے کہ وہ روزے سے متعلق بنیادی اور ضروری علم حاصل کرلے تاکہ اللہ تعالیٰ کا یہ حکم حسنِ خوبی کے ساتھ بجا لایا جاسکے۔

📿 روزے سے متعلق مسائل سیکھنے کے فوائد:

▪روزے سے متعلق علم حاصل کرنے کے متعدد فوائد سامنے آتے ہیں:

▪علم حاصل کرنے کا فریضہ ادا ہوجاتا ہے۔

▪علم حاصل کرنے پر اجر وثواب نصیب ہوتا ہے۔

▪روزے سے متعلق بہت سی غلطیاں اور غلط فہمیاں دور ہوجاتی ہیں۔

▪روزہ رکھنے کا یہ فریضہ حسنِ خوبی کے ساتھ ادا کیا جاسکتا ہے۔

▪روزے کو توڑنے اور مکروہ کردینے والی چیزوں سے بچنا آسان ہوجاتا ہے۔

▪یہ بات معلوم ہوجاتی ہے کہ رمضان کے روزوں میں شریعت نے جو رخصتیں اور سہولتیں رکھی ہیں ان کی حدود کیا ہیں۔

▪روزوں کے درست ہونے پر اطمینان نصیب ہوجاتا ہے۔

▪اللہ تعالیٰ کی بارگاہ میں روزے کی قبولیت کی امید بڑھ جاتی ہے۔

▪دوسروں کی صحیح راہنمائی بھی کی جاسکتی ہے اور اس کا اجر وثواب بھی حاصل کیا جاسکتا ہے۔

▪سب سے بڑھ کر یہ کہ اللہ تعالیٰ کی رضا نصیب ہوجاتی ہے۔

📿 روزوں سے متعلق عمومی غلطیوں کا اجمالی تذکرہ:

روزے سے متعلق بہت سی غلط فہمیاں اور غلطیاں رائج ہیں، ذیل میں ان کا اجمالی تذکرہ کیا جاتا ہے:

1⃣ بہت سے لوگ روزوں سے متعلق بنیادی مسائل نہیں سیکھتے، بلکہ بہت سے لوگ تو دوسروں سے سنی سنائی باتوں پر عمل کرلیتے ہیں، جس کے نتیجے میں غلطیاں سرزد ہوجانا ایک واضح سی بات ہے۔

2️⃣ بہت سے لوگوں کو یہ بھی علم نہیں ہوتا کہ لڑکا یا لڑکی پر کس وقت سے روزہ فرض ہوجاتا ہے؟

3⃣ بہت سے لوگ سحری سے متعلق غلط فہمیوں کا شکار ہیں کہ بعض تو اس کو اہمیت ہی نہیں دیتے جبکہ بعض اس کو ضروری سمجھتے ہیں۔

4️⃣ بہت سے لوگ فجر کی اذان کے ساتھ سحری بند کرتے ہیں حالاں کہ یہ سنگین غلطی ہے۔

5️⃣ بہت سے لوگ روزے کی نیت کے بنیادی مسائل سے بھی ناواقف ہوتے ہیں اور انھیں یہ بھی علم نہیں ہوتا کہ رمضان کے روزے کی نیت کب تک کی جاسکتی ہے؟

6️⃣ بہت سے لوگ ایسے کاموں کا ارتکاب کرتے ہیں جن سے روزہ ٹوٹ جاتا ہے یا کم از کم مکروہ ہوجاتا ہے لیکن انھیں علم ہی نہیں ہوتا۔

7️⃣ بہت سے لوگ جان بوجھ کر روزہ توڑ دیتے ہیں پھر جب کفارے کا بتایا جاتا ہے تو افسوس کرتے ہیں اور یہ کہتے ہیں کہ ہمیں تو کفارے کی خبر ہی نہ تھی، ظاہر ہے کہ یہ عذر کیسے قبول ہوسکتا ہے!

8️⃣ بہت سے لوگ روزہ نہ رکھنے کی صورت میں بہر صورت فدیہ دینے کا اہتمام کرتے ہیں، حالاں کہ یہ واضح غلط فہمی ہے۔

9️⃣ بہت سے لوگ متعین وقت کی رعایت کیے بغیر محض اندازے سے افطار کرلیتے ہیں، یا وقت داخل ہونے سے پہلے ہی افطار کرلیتے ہیں جو کہ بڑی غلطیاں ہیں۔

🔟 بہت سے لوگ روزے کے مفسدات اور مکروہات سے بھی لاعلم ہوتے ہیں، جس کے نتیجے میں روزہ ٹوٹنے اور نہ ٹوٹنے سے متعلق کشمکش کا شکار رہتے ہیں۔

1️⃣1️⃣ بہت سے لوگ معمولی عذر کا بہانہ بناکر بھی روزے ترک کردیتے ہیں اور انھیں اس بات کا علم ہی نہیں ہوتا کہ شریعت نے روزے نہ رکھنے کے جو اعذار اور مجبوریاں بیان کی ہیں ان کی حدود اور شرائط کیا ہیں؟ اور کون سے مرض اورعذر کی وجہ سے روزہ ترک کرنے کی گنجائش ہے؟ کون سا عذر معتبر ہے اور کون سا معتبر نہیں؟

2️⃣1️⃣ بہت سے لوگ روزے میں غسل کرنے سے متعلق غلط فہمی کا شکار رہتے ہیں۔

3️⃣1️⃣ بعض لوگ کسی عذر کے پیشِ نظر روزہ توڑ دیتے ہیں پھر اس کے بعد کسی مفتی صاحب سے پوچھتے ہیں، حالاں کہ پہلے پوچھنا چاہیے پھر اس کے بعد روزہ توڑنے کی کوشش کرنی چاہیے۔

اس طرح کی بہت سے غلطیاں رائج ہیں جس کی وجہ صرف یہی ہے کہ ہم روزے کے مسائل سیکھنے کی کوشش نہیں کرتے، اگر ہم روزے کے مسائل سیکھنے کی کوشش کرتے تو یہ غلطیاں اور غلط فہمیاں خود بخود ختم ہوجاتیں۔

📿 روزے اللہ تعالیٰ کی بارگاہ میں کیسے قبول ہوں؟

اللہ تعالیٰ کی بارگاہ میں روزوں کی قبولیت کے لیے درج ذیل باتوں کا اہتمام کیا جائے:

▪روزے سے متعلق مسائل سیکھ لیے جائیں۔

▪روزے اللہ تعالیٰ کی رضا کی خاطر دلی رضامندی سے رکھے جائیں۔

▪روزے میں ہر قسم کے گناہوں اور مکروہات سے اجتناب کیا جائے۔

▪روزے کو توڑنے یا مکروہ کردینے والی چیزوں سے خصوصی اجتناب کیا جائے۔

▪روزے کے لمحات کو قیمتی بناتے ہوئے وسعت کے مطابق عبادات میں صرف کیے جائیں۔

ان باتوں کے اہتمام سے اللہ تعالیٰ کی بارگاہ میں روزوں کی قبولیت کی امید بڑھ جاتی ہے۔ اللہ تعالیٰ ہم سب کو عمل کی توفیق عطا فرمائے۔

✍🏻۔۔۔ مفتی مبین الرحمٰن صاحب مدظلہ

موسم گرما میں جانوروں کے ساتھ ہمدردی:اسلام کی رحمت عامہ جانوروں کو بھی شامل ہے

noreply@blogger.com (Aj ki Duniya Urdu) — Sun, 03 Apr 2022 11:01:00 +0000

قارئین کرام!

موسم گرما کی دھمک فضاؤں میں سنائی دینے لگی ہے ہر طرف چلچلاتی دھوپ کا ڈیرہ ہے اور بلبلاتی روحوں کا نظارہ ہے ایسے میں رمضان کے بابرکت مہینے نے بھی اپنی دستک دے دی ہے جس سے اہل ایمان کے قلوب روحانی ذکر سے سیراب اور انکی زبانیں قرآنی تلاوت سے معطر ہیں, یقیناً یہی وہ وقت ہے جس میں ہم ایک دوسرے کے ساتھ حسن سلوک اور رحمت و دل بستگی کے ذریعے نیکیوں کا پہاڑ کھڑا کر سکتے ہیں لیکن اسلامی رحمت صرف انسانوں تک محدود نہیں ہے بلکہ جانور بھی اس باب میں شانہ بشانہ شامل ہیں, جس طرح انسان اس موسم میں شکستہ دل ہوجاتا ہے اسی طرح جانور بھی گرمی سے بے چین ہو جاتے ہیں, جس طرح رمضان میں ہم اپنا خاص خیال رکھتے ہیں تو وہیں پیاسے , بھوکے اور پریشان حال جانوروں کا بھی خاص خیال رکھیں کیونکہ کے یہ بے زبان ہیں یہ بول نہیں سکتے اور ان کے جابجا حقوق شرعت اسلامی میں موجود ہیں جس سے ہماری ذمہ داری دوگنی ہو جاتی.

اسلام ہر ذی روح پر رحم کرنے کی ہدایت کرتا ہے یہاں تک کہ بے زبان جانوروں کے ساتھ بھی سنگدلانہ برتاؤ ناپسندیدہ عمل ہے

اسلام نے تین سو سال پہلے جانوروں کے ساتھ نرمی برتنے کی تعلیم دی تھی اس کے نزدیک جانوروں کے ساتھ اچھا برتاؤ کرنا ایمان کی ایک شاخ ہے اور اس کو اذیت پہنچانا اس سنگدلی برتنا یہ عمل آدمی کو دوزخ کا مستحق بناتا ہے.

رسول اللہ صلی اللہ علیہ وسلم نے صحابہ رضی اللہ عنھم کو ایک واقعہ سنایا کہ ایک شخص نے کتے کو دیکھا جو پیاس کی شدت سے بے دم ہو رہا تھا وہ شخص یہ دیکھ کر خود کویں میں اتر گیا اور اپنے موزے میں پانی بھر کر لایا اور اس کتے کو پلا دیا یہاں تک کہ وہ سیراب ہو گیا آپ صلی اللہ علیہ وسلم نے فرمایا اللہ نے اس کی خدمت گزاری کی قدر کی اور اس کی مغفرت فرمائی صحابہ رضی اللہ عنہ نے عرض کیا اے اللہ کے رسول صلی اللہ علیہ وسلم کیا ہمارے لئے جانوروں کے ساتھ حسن سلوک کرنے میں بھی اجر ہے فرمایا

في كل كبد رطبة اجرُ

ہر جگر یعنی جاندار کے ساتھ حسن سلوک کرنا باعث اجر ہے اس روشن نیک پہلو کے ساتھ جو مغفرت الہی کے حصول کا ذریعہ ہے نبی کریم صلی اللہ علیہ وسلم نے دوسرے پہلو کی بھی نشاندہی فرمائی ہے جو اللہ کے غضب اس کے عذاب کا موجب ہے فرمایا

دخلت امراه النار في هرۃ حبستها فلا هي اطعمتها ولا هي تركتها تاكل من خشاش الارض, ایک عورت کو اس وجہ سے آگ میں داخل کر دیا گیا ہے اس نے ایک بلی کو بند کر رکھا تھا نہ اسے کچھ کھلاتی تھی اور نہ کھلا چھوڑتی تھی کہ زمین کے کیڑے مکوڑے کھا لے.

حیوان کے حیوانیت کا احترام بھی آپ صلی اللہ علیہ وسلم اس درجہ فرماتے تھے کہ گدھے کے چہرے پر داغ دینا بھی گوارا نہیں فرمایا ایک مرتبہ آپ صلی اللہ علیہ وسلم نے گدھے کو دیکھا جس کے چہرے پر داغ دیا گیا تھا تو بڑی ناگواری کا اظہار کیا اور فرمایا

والله لا اسمه الا في اقصى شيء من الوجه

ایک اور حدیث میں ہے کہ ایک گدھا آپ صلی اللہ علیہ وسلم کے سامنے سے گزرا جس کے چہرے پر داغ دیا گیا تھا تو آپ اسے دیکھ کر فرمایا کیا تمہیں نہیں معلوم کہ میں نے اس شخص پر لعنت کی ہے جو جانور کے چہرے پر داغ دے یا اس کے چہرے پر مارے.

سیدنا ابن عمر رضی اللہ عنہ نے کچھ لوگوں کو دیکھا کہ انہوں نے تیر اندازی سیکھنے کے لیے مرغی کو ہدف بنایا ہوا ہے تو آپ نے یہ دیکھ کر فرمایا ان النبي صلى الله عليه وسلم لعن من اتخذ شيئا فيه الروح غرضا نبی صلی اللہ علیہ وسلم نے اس شخص پر لعنت فرمائی ہے جو کسی ذی روح کو نشانہ بازی کے لیے ہدف بنا لے اور سیدنا عبداللہ بن عباس رضی اللہ عنہ فرماتے ہیں نهى النبي صلى الله عليه وسلم عن التحريش بين البهائم نبی صلی اللہ علیہ وسلم نے جانوروں کو مقابلہ بازی میں لڑانے سے منع فرمایا ہے.

اہل جاہلیت جانوروں کے کان چیرا کرتے تھے قرآن نے اس کی بھی مذمت کی ہے اور اسے شیطانی وساوس سے تعبیر کیا ہے

اس سے پتہ چلتا ہے کہ اسلام اس بات کا کس قدر خیال کرتا ہے کہ ذبح کرنے کا زیادہ سے زیادہ راحت کا طریقہ اختیار کر کے ذبیحہ کو آرام پہنچایا جائے چنانچہ اس سلسلے میں اسلام نے تیز چھری کو استعمال کرنے اس کو جانور کی نظر سے چھپانے اور دوسرے جانوروں کے سامنے اس کو ذبح نہ کرنے کی ہدایت کی ہے

جانوروں پر اسلام کی اس درجہ عنایت و مہربانی جو تصور سے بالاتر ہے ایک ایسی روشن حقیقت ہے کہ دنیا اس کی مثال پیش کرنے سے قاصر ہے اس لئے ہمیں بھی جانوروں کا ہر درجہ خیال کرنا چاہیے اورخاص طور پر موسم گرما کی چلچلاتی دھوپ میں,

حرمِ کعبہ نیا بت بھی نئے تم بھی نئے: مدنی دیوالی کے تناظر میں

noreply@blogger.com (Aj ki Duniya Urdu) — Sun, 20 Mar 2022 18:59:00 +0000

آر ایس ایس کا نظریہ مسلمانوں کو ہتھیاروں سے تہہ تیغ کرنے سے زیادہ انہیں " ہندوانہ مسلم " بنانے کا ہے، مولانا ارشد مدنی موہن بھاگوت سے ملنے کےبعد فرماتے ہیں کہ بھارت کے مسلمان خود کو ہندو بھی کہہ سکتےہیں اور مولانا اسجد مدنی فرماتے ہیں کہ دیوالی مناؤ کیونکہ دیوالی مرحوم مولانا حسین احمد مدنی بھی مناتے تھے، اس طرح کے بیانات مسلمانوں کے ہندوانہ کرن کی طرف بہت ہی ابتدائی قدم ہیں، جب کبھی قوموں میں استعمار کی مطلوبہ تبدیلی پیدا کرنی ہوتی ہے اور بڑے پیمانے پر اقوام کو استعماری مذاہب میں ضم کرنے کے عمل کا آغاز ہوتا ہے تو سب سے پہلے اس عمل کو متعلقہ قوموں کے قدآور حضرات کے بیانات کے ذریعے نارملائز کیا جاتاہے، سَنگھ یہ سمجھتا ہے کہ کروڑوں مسلمانوں میں ایمان و عقائد کے تئیں زیادہ حساسیت وابستگانِ مدارس میں پائی جاتی ہے، اور جب کبھی بھارتی مسلمانوں کو ہندوانہ مسلمان بنایا جائےگا ان سے شرکیہ اعمال کرائے جائیں گے اور ان کے عقیدۂ توحید کو اندر سے کَم زور کیا جائےگا تو اہلِ مدارس مزاحمت کریں گے لہذا سب سے پہلے انہی کے ایمانی نظریات میں رواداری اور لچک کےنام پر تحریف پیدا کی جائے، آر ایس ایس فی الحال نریندرمودی کے اقتدار میں اس مشن پر عمل پیرا ہے، جب تک نام نہاد جمہوریت کا بھرم قائم رہےگا تب تک وہ انہی راستوں سے مسلمانوں کو نظریاتی ارتداد میں مبتلا کرنے کے لیے کام کرتے رہیں گے

افسوس یہ نہیں کہ عقائد میں انحراف کی یہ سَنگھی آندھی مسلمانوں کے قدآور گھرانوں تک جاپہنچی ہے افسوسناک یہ ہے کہ انہیں اس غیرشرعی اور منحرف راستے پر چلنے سے باز رکھنے والا ان کی جماعت میں کوئی نانوتوی، کوئی شیخ الہند، کوئی تھانوی، کوئی شاہ کشمیری، کوئی عبیداللہ سندھی نظر نہیں آتا، ہندوستان کے وہ مفتیان و فقہاء جو باہمی اختلافات اور ملّی معاملات میں موقف کے تفرد پر صفحات سیاہ کردیتے ہیں اتنے سنگین معاملے پر، اُن کی بھی زبانیں گنگ اور قلم کی روشنائی سوکھ جاتی ہے جب ایمانی انحراف ان کے اپنے ٹھیکیداروں کے یہاں سے آتا ہے،

" من ترا حاجی بگویم تو مرا ملا بگو " والا معاملہ بھی تو برقرار رکھنا ہے ۔

یقینًا ابھی یہ صرف ابتداء ہے، اندھے معتقدین اس کی تاویل کریں گے جیساکہ وہ ابھی بھی کررہےہیں اور ایسے ہی غالی عقیدت مند اپنی اندھی عقیدت کی پیروی کرتے کرتے ایک دن ' ہندوانہ اسلام ' کے گڑھے میں بھی نظر آسکتےہیں، اور یہی تکلیف دہ ہے یقینًا جو اہلِ علم ہیں وہ کبھی بھی ضلالت کے راستےمیں بڑوں کا تعاون نہیں کریں گے لیکن اندھے عقیدت مندوں کے نصیب میں قدرت کے کچھ تلخ فیصلے ہوتےہیں وہ غار اور گڑھے میں فرق نہیں کرپاتے ہیں، اللہ حفاظت فرمائے، خواص کو ایمانی عزیمت کی دولت سے مالامال فرمائے۔

گھر واپسی کوئی شوشہ نہیں بلکہ آر ایس ایس کا مستقل نظریہ ہے، جس پر دورافتادہ دیہاتوں میں وہ خوب کام بھی کررہےہیں اور بڑے پیمانے پر مسلمانوں کو اس جال میں پھانسنے کے لیے ان کے بڑوں کا بھی شکار کر رہےہیں،

یہود و ہنود کو دنیا بھر کے مقامی مسلمانوں سے کوئی خطرہ نہیں ہے انہیں خطرہ مؤمنین سے ہے، سر سے حجاب اتارنے، دیوالی اور ہولی منانے کےبعد آپ نام کے مسلمان تو باقی رہ سکتےہیں البتہ مؤمنین کی صف میں آپکو کوئی جگہ نہیں ملےگی، یعنی کہ خطرہ ایمانی بقاء کا ہے مگر بعض لوگوں کی قسمت میں نجانے کیا لکھا ہوا ہے کہ وہ ہنوز ایمان کے مقابلے میں اندھی عقیدت کو اختیار کر رہےہیں یقینًا یہ خیر کی علامات تو نہیں ہیں، باطل مسلمانوں کو کعبہ سے نکالنے کے لیے کوشاں ہے اور مسلمان باطل سے سمجھوتہ کر ایمان کی بجائے نت نئے بتوں کے حرم تراش رہے ہیں_

بادہ آشام نئے, بادہ نیا, خم بھی نئے

حرم کعبہ نیا بت بھی نئے تم بھی نئے

✍سمیع اللہ خان

مولانا اسجد کے واہیات بیان کی گھنگھور مذمت مولانا سجاد نعمانی ندوی کی زبانی سماعت کریں

دی کشمیر فائلس پر ایک قابل ستائش تبصرہ Story of The Kashmir files

noreply@blogger.com (Aj ki Duniya Urdu) — Fri, 18 Mar 2022 11:07:00 +0000

اس فلم میں ایک خاص صورت و شباہت اور لباس پہنے والے مسلمانوں کو دہشتگرد کے طور پر دکھایا گیا ہے جو زانی، بے رحم اور شدت پسند ہوتے ہیں اور ہر وقت اللہ اللہ کرتے رہتے ہیں جسکی شروعات برہان وانی سے کی گئی ہے

اس فلم میں دکھایا گیا ہے کہ دفع 370 ہندوں کے لیے کتنی خطرناک تھی اور اسکا منسوخ ہونا کتنا ضروری تھا جسکی آڑ میں "نہرو" کو بھی نشانہ بنایا گیا ہے

اس فلم میں علماء کو جہاد (دہشتگردی) کا ماسٹر مائنڈ دکھایا گیا ہے جو نوجوانوں کو ورغلاتے ہیں اور انکا کنیکشن پاکستان سے ہوتاہے جہاں سے انہیں پیسہ ملتا ہے اور مساجد انکا مرکز ہوتی ہیں جہاں وہ نوجوانوں کو بھڑکاتے ہیں، قتل و ہجرت کا اعلان مساجد سے ہی کیا گیا ہے

اور مدارس میں پڑھنے والے بچوں کے ذہنوں میں استاذہ ہندؤں کے خلاف نفرت بھرتے ہیں اور مدرسہ میں پڑھنے والے بچے دنیا میں کچھ نہیں کر سکتے اس لیے انہیں اسکول میں پڑھانا چاہیے۔۔۔۔ یہ اہل مدارس کے لیے لمحہ فکریہ ہے۔۔۔۔ اس فلم میں مدرسہ کے ایک طالب علم کی بہن کہتی ہے کہ یہ مدرسہ میں پڑھ کر کچھ نہیں کرسکتا اسے اسکول میں پڑھاؤ تو وہ بچہ کہتا ہے کہ "ہمارے استاذ کہتے ہیں کہ ہمیں کافر بچوں کے ساتھ نہیں پڑھنا چاہیے"

اس فلم میں ایک ہندو لڑکے کی مسلم لڑکی سے محبت دکھائی گئی ہے جس سے وہ شادی کر لیتا ہے، اور لڑکی کی ماں لڑکی کو اس ہندو لڑکے کے ساتھ بھاگنے کی ترغیب دیتی ہے۔۔۔۔ اس لیے مسلمانوں کو اپنے گھروں میں دینی بیداری پیدا کرنے کی ضرورت ہے،

اس فلم میں ہندوؤں سے کہا جاتا ہے کہ وہ مسلمانوں سے اپنی حفاظت کے لیے اپنے گھروں میں ہتھیار ضرور رکھیں۔۔۔۔ اس سے مسلمانوں کو سبق لینا چاہیے

اس میں یہ بھی دکھایا گیا ہے کہ کشمیر پنڈتوں کا تھا ساری زمینیں انکی تھیں جنہیں مسلمانوں نے چھین لیا، انکا قتل کیا، لڑکیوں کی عصمتیں لوٹیں اور انہیں ہجرت پر مجبور کیا، مسلم پولیس والے مسلمانوں کے طرفدار ہوتے ہیں، ہندو ہنسا کے بالکل خلاف ہوتے ہیں

اس فلم میں "نعرۂ تکبیر" کو دہشت گردوں کے نعرہ کے طور پر استعمال کیا گیا ہے اور فوج پر پتھر بازی کرنے والوں کو دہشتگردوں کے گینگ کے طور پر دکھایا گیا ہے۔۔۔۔۔۔ یہ چیز غور کرنے کی ہے،

اس فلم میں ایک لڑکی پاگل ہے جس کے ذریعہ یہ بتایا گیا ہے کہ اسکا ذہنی توازن مجاہدوں (دہشتگردوں) کی زیادتی کی وجہ سے خراب ہوا ہے

سب سے اہم بات یہ ہے کہ مودی حکومت کو پاورفل دکھایا گیا ہے، فلم کے شروع میں ہی جب فوج اور دہشت گردوں کے بیچ لڑائی ہوتی ہے تو ایک دہشت گرد سرینڈر کرنے کو کہتا ہے تب دوسرا کہتا ہے کہ : یہ وقت سرینڈر کرنے کا نہیں ہے مودی حکومت ہے اگر ہاتھ اوپر کروگے تو سینے پر گولی لگے گی؛، دوسری جگہ ایک کشمیری پنڈت کہتا ہے کہ :مودی دہشت گردی کو ختم کرکے چھوڑے گا؛

پھر بھی میں کہہ سکتاہوں کہ اس فلم میں یہ ضرور دکھایا گیا ہے کہ یہ جو دہشت گرد ہیں انکا اسلام سے کوئی تعلق نہیں ہے اور اسلام ایک پرامن مذہب ہے سو ہنسا اور نفرت کے خلاف ہے اور سارے مسلمان دہشت گرد نہیں ہوتے ہیں، لیکن پھر بھی یہ فلم نفرت اور جھوٹ پر مبنی ہے جو مسلمانوں کے خلاف نفرت پھیلانے کا بڑا سبب ہے

نوٹ۔۔۔ اگر آپ اس فلم کو دیکھنا چاہتے ہیں تو اس لنک پر کلک کرکے یوٹیوب پر دیکھ سکتے ہیں، یہ لنک فراڈ نہیں ہے آپ بے فکر رہیں۔۔۔۔

دی کشمیر فائلس فلم دیکھنے کے لیے یہاں کلک کریں . Click on this link to watch

🖋️ م۔ج۔ن

اسلام میں پردہ خواتین کے لئے کیوں ضروری ہے؟حقائق و دلائل خالد سیف اللہ رحمانی

noreply@blogger.com (Aj ki Duniya Urdu) — Fri, 18 Mar 2022 10:43:00 +0000

مغربی تہذیب جو اخلاق ، شرافت اور حیا سے بالکل آزاد ہو چکی ہے ، وہ بجائے اپنی بے حیائی پر شرمسار ہونے کے مشرقی اور مذہبی اقدار و روایات کو ہی نشانہ بنا رہی ہے ، جیسے پاگل خانہ میں ایک صحت مند آدمی پہنچ جائے ، تو وہ اپنے آپ کو تنہا محسوس کرنے لگے گا اور سارے پاگل سمجھیں گے کہ یہی شخص بیمار ہے ، اسی طرح بے حیائی کے غلبہ کی اس فضا میں جو لوگ شرم و حیا اور مذہبی اور اخلاقی قدروں کی بات کرتے ہیں وہ اجنبیِ شہر نظر آنے لگتے ہیں ؛ لیکن اس سے سچائی بدل نہیں سکتی ، حقیقت یہ ہے کہ عورتوں کے لیے پردہ فطرت کی آواز ہے ، یہ مہذب معاشرہ کی علامت ہے ، یہ مذاہب کی مشترکہ تعلیمات کا حصہ ہے اور خود ہندو روایات خواتین کے لیے پردہ کی قائل رہی ہیں ، یہ عورتوں کی تحقیر یا اُن کی اہانت نہیں ہے اور نہ یہ تعلیم و ترقی میں رکاوٹ ہے ۔

خدا کا نظام یہ ہے کہ جو چیز اہم بھی ہوتی ہے اور نازک بھی ، اسے حفاظتی حصار میں رکھا جاتا ہے ، انسان کے ہاتھ پاؤں پر کوئی حصار نہیں رکھا گیا ، لیکن دماغ کو سخت ہڈیوں والی کھوپڑی کے اندر رکھا گیا ہے کہ زیادہ سے زیادہ اس کا تحفظ ہو سکے ، دل کی جگہ سینہ کی لچک دار ہڈیوں کے بیچ رکھی گئی ؛ تاکہ زیادہ سے زیادہ اس کی حفاظت ہو سکے ، آنکھوں پر پلکوں کا پہرا بیٹھا یا گیا ، یہ ان اعضاء کی تحقیر ہے یا ان کی حفاظت ؛ بلکہ ان کا اعزاز ؟ ---- نباتات ہی کو دیکھئے ، اگر آم پر دبیز چھلکوں کا لباس نہ ہوتا ، تو کیا مکھیوں اور بھڑوں سے بچ کر وہ انسانوں کے ہاتھ آسکتا ؟ اگر چاول اور گیہوں کے دانوں پر ان کی حفاظت کے لیے چھلکے نہ ہوتے ، تو انسان انہیں اپنی خوراک بنا بھی سکتا؟ خود انسانی معاشرہ میں دیکھئے ملک کا ایک عام شہری کھلے عام ہر جگہ آمد و رفت کرتا ہے ، نہ اس کے ساتھ سیکورٹی گارڈ ہے ، نہ اس کی رہائش گاہ پر پہرہ دار ہیں ۔

مردوں اور عورتوں میں عورتیں حفاظت کی زیادہ محتاج ہیں ، خدا نے ان کو مردوں کے لیے وجہ کشش بنایا ہے ، اسی لیے ان کی تراش و خراش میں حسن کاری اور لطافت کو قدم قدم پر ملحوظ رکھا گیا ہے ، اور لطافت ’’ نزاکت ‘‘ کو چاہتی ہیں ؛اسی لیے بھینس اور بیل تو لطافت سے خالی ہیں ، مگر خدا نے ہرن کو نازک اندام اور سبک خرام بنایا ہے ، عورتوں کے اس تخلیقی پہلو کو سامنے رکھتے ہوئے وہ حفاظت کی زیادہ محتاج ہوتی ہیں ، اگر کسی کا لڑکا شہر جائے ، اسے چار بجے شام کو آجانا چاہیے تھا ؛ لیکن وہ رات کے دس بجے لوٹے ، تو اس سے گھبراہٹ نہیں پیدا ہوتی ؛ لیکن اگر یہی واقعہ کسی لڑکی کے ساتھ پیش آئے ، تو دل کا قرار چھِن جاتا ہے ، اور ماں باپ کی کروٹیں بے سکون ہو جاتی ہیں ، اسی کو دیکھئے کہ پوری دنیا میں اور ہندوستان میں بھی مردوں اور عورتوں کے عددی تناسب میں بہت زیادہ فرق نہیں ہے ، خدا نے ان دونوں صنفوں کو ایک توازن کے ساتھ پیدا فرمایا ہے ؛ تاکہ دونوں طبقات کی ضرورتیں پوری ہو سکیں اور پوری دنیا میں سو سال سے زیادہ عرصہ سے جمہوریت سکۂ رائج الوقت بنی ہوئی ہے ، جس کا ایک نعرہ عورتوں کو مردوں کے مساوی حقوق دینا بھی ہے ؛ لیکن اس کے باوجود آج بھی عورتیں حقوق مانگتی ہیں اور مرد انہیں حقوق و اختیارات دیتے ہیں ، یہ فرق کیوں ہے ؟ کیوں امریکہ و روس میں آج تک کوئی خاتون صدر نہیں بن سکی اور یورپ میں مارگریٹ تھیچر کے علاوہ کوئی خاتون وزارت عظمیٰ کے عہدہ پر نہیں پہنچ سکی ؟، یہ ظلم و حق تلفی کا معاملہ نہیں ہے ؛ بلکہ یہ قانونِ فطرت کا فیصلہ ہے ، قدرت نے خود دونوں کی صلاحیتوں میں فرق رکھا ہے اور صلاحیتوں کے لحاظ سے دائرۂ کار متعین کیا ہے ۔

پردہ بھی اسی فرق کا ایک حصہ ہے ، جانور بھی کھاتے پیتے ہیں ، اور شہوانی جذبات رکھتے ہیں ؛ لیکن ان کی فطرت لباس کے تصور سے عاری ہے ، انسان کی فطرت میں یہ بات رکھی گئی ہے کہ وہ اپنے آپ کو عریانیت سے بچائے اور لباس زیب تن کرے ، وہی فطرت اس بات کا بھی مطالبہ کرتی ہے کہ مردوں کے مقابلہ عورتیں زیادہ ڈھکی چھپی ہوں ، فرض کیجئے دو لڑکیاں راستہ سے گذر رہی ہیں ، ایک لڑکی کا لباس چست اور شوخ ہو ، اس کا سر کھلا ہو ، اس کے بازو کھلے ہوں ، اس کا پیٹ نگاہِ ہوس کو دعوت نظارہ دیتا ہو اور اس کا کسا ہوا لباس جسم کے نشیب و فراز کو نمایاں کرتا ہو ، دوسری لڑکی سر تا پا نقاب میں ہو یا کم سے کم ڈھیلا ڈھالا لباس اور سر پر دو پٹہ ہو ، تو اوباش قسم کے لڑکے ان میں سے کس کو چھیڑنے کی کوشش کریں گے ، ہوس ناک نگاہوں کا تیرکس کی طرف متوجہ ہوگا ، برائی کے جذبات ان میں سے کس کے تیئں دلوں میں کروٹ لیں گے ؟ یقینا بے پردہ لڑکی اس کا نشانہ بنے گی ، کچھ سالوں پہلے جب دہلی میں لڑکیوں کو چھیڑنے اور جنسی طور پر ہراساں کرنے کے واقعات کی کثرت ہوگئی تو پولیس کمشنر نے ہدایت جاری کی کہ لڑکیاں چست اور نیم عریاں لباس پہن کر بازاروں اورتعلیم گاہوں میں نہ جائیں ؛ کیوں کہ اس سے جرم کی تحریک پیدا ہوتی ہے ، مگر افسوس کہ حقوقِ نسواں کی تنظیموں نے اس معقول تجویز کے خلاف ایسا شور برپا کیا کہ تجویز واپس لینی پڑی ۔

پردہ کے بارے میں اسلامی تعلیمات تو نہایت واضح ہیں ہی ، قرآن مجید نے عورتوں کو پورے جسم کے علاوہ چہرہ پر بھی گھونگھٹ ڈالنے کا حکم دیا ہے ، ( الأحزاب : ۵۹) خواتین کے لیے رسول اللہ صلی اللہ علیہ وسلم نے مسجد میں پیچھے کی صف رکھی اور یہ بھی فرمایا کہ ان کا مسجد میں نماز پڑھنے سے گھر میں نماز ادا کرنا بہتر ہے ، ( ابو داؤد ، حدیث نمبر : ۵۷۰، ۶۷۸) ان سے بنیادی طور پر ایسی ذمہ داریاں متعلق کی گئیں جو اندرون خانہ کی ہیں ، اور انہیں شمعِ محفل بننے کے بجائے گھر کی ملکہ بنایا گیا ؛ لیکن اسلام کے علاوہ دوسرے مذہب میں بھی پردہ کا تصور رہا ہے ،بائبل میں کئی خواتین کا ذکر ملتا ہے جو کپڑوں میں لپٹی ہوئی تھیں ؛ بلکہ بعض وہ ہیں جو پردے کی وجہ سے پہچانی نہیں گئیں ، آج بھی چرچوں میں حضرت مریم علیہا الصلاۃ و السلام کا جو فرضی مجسمہ بنایا جاتا ہے ، اس میں چہرے کے علاوہ پورا جسم ڈھکا ہوتا ہے ، حالانکہ رومن تہذیب اور اس کے بعد یورپ میں عورتوں کے عریاں مجسمے بنانے اور جسم کے ایک ایک نشیب و فراز اور خط وخال کو نمایاں کرنے کا رواج عام ہے ،گویا جو لوگ عریانیت اور بے پردگی کے مبلّغ ہیں وہ بھی تسلیم کرتے ہیں کہ عورتوں کا تقدس باپردہ رہنے ہی میں ہے ۔

ہندو مذہب میںبھی قدیم عہد سے پردہ کی روایت رہی ہے ، سیتاجی کا مشہور واقعہ ہے کہ جب راون نے انہیں اغوا کیا ، تو شری رام جی کے چھوٹے بھائی لکشمن جی انہیں پہچان بھی نہیں سکے ، اور انہوں نے کہا کہ ایک ہی جگہ رہنے کے باوجود ہم نے کبھی اپنی بھاوج کی صورت نہیں دیکھی اورجب شری رام جی نے سیتا کے لیے ہار بھیجے ، تو سیتاجی مختلف عورتوں کے درمیان بیٹھی ہوئی تھیں ؛ اس لیے لکشمن انہیں پہچاننے سے قاصر رہے ، یہ واقعات جن کا برادرانِ وطن کی کتابوں میں آج بھی ذکر موجود ہے ، واضح کرتے ہیں کہ ہندو مذہب میں عورتوں کی عفت و عصمت ، شرم و حیا اور پردہ و غیرہ کو کتنی اہمیت حاصل تھی ، یہی وجہ ہے کہ ہندو سماج میں اکثر اونچی ذات کی عورتیں پردہ کیا کرتی تھیں ، اب بھی مارواڑیوں ، کائستوں اور پرانی وضع کے حامل برہمن خاندانوں میں عورتوں کے باپردہ رہنے کا رواج ہے ، گو ان کے ہاں برقعہ کا استعمال نہیں ہوتا ؛ لیکن گھونگھٹ لٹکا کر رکھنے کا رواج پایا جاتا ہے ۔

انگریزوں نے مسلمانوں اور ہندوؤں کے درمیان نفرت پیدا کرنے اوراس اختلاف سے فائدہ اٹھا کر اپنی حکومت کو مستحکم کرنے کے لیے یہ طریقہ اختیار کیا کہ تاریخ میں غلط واقعات کو سمویا جائے اور ان کو ان دونوں قوموں کے درمیان فاصلہ بڑھانے کے لیے استعمال کیا جائے ، انہیں میں سے ایک یہ بھی ہے کہ ’’ خواتین کو مغل حملہ آوروں سے بچانے کے لیے پردہ کا رواج شروع ہوا ‘‘ حقیقت یہ ہے کہ مسلمان حکمرانوں نے خاص کر عزت و آبرو کے معاملے میں زیادہ تر اخلاقی پہلو کو ملحوظ رکھا ہے ؛ کیوں کہ کسی بھی صورت میں غیر مسلم خواتین کی عزت و آبرو مسلمان کے لیے حلال نہیں ہو سکتی ، تقسیمِ ملک کے وقت مسلمان عورتوں کی بے حرمتی کے اتنے واقعات پیش آئے کہ اگر آسمان خون کے آنسو بہاتا تب بھی بے جا نہ ہوتا ، مگر مسلم علاقوں میں غیر مسلم عورتوں کے ساتھ شاذ و نادر ہی ایسے واقعات پیش آئے ؛ اس لیے یہ سراسر تہمت ،بہتان ، اپنی تاریخ سے ناآگہی اور دشمنوں کی گڑھی ہوئی کہانیوں پر یقین کرتا ہے ۔

پردہ نہ ترقی میں رکاوٹ پیدا کرتا ہے اور نہ اس سے ترقی کے مواقع ختم ہوتے ہیں ،اسلامی تاریخ میں بہت سی باکمال خواتین پیدا ہوئی ہیں ، جن کے حالات پر کئی کئی جلدیں لکھی گئی ہیں ، اسلام نے مردوں کی طرح عورتوں کو بھی علم حاصل کرنے کی اجازت دی ہے ، وہ معلم ہو سکتی ہیں ، وہ طبیب ہو سکتی ہیں ، وہ شرعی اصولوں کے مطابق تجارت کرسکتی ہیں ، وہ کارِ افتاء انجام دے سکتی ہیں ، وہ حدود و قصاص کے علاوہ دوسرے مقدمات میں جج بن سکتی ہیں ، اگر مردوں اور عورتوں کے لیے جداگانہ ضروریات کا نظم کیا جائے ، الگ الگ اسکول ، کالج اور یونیورسٹیاں ہوں ، الگ الگ ہاسپٹل ہوں ، عورتوں کے لیے مخصوص مارکیٹ ہوں ، و غیرہ ، تو خواتین کے لیے معاشی تگ و دو کے بھی اتنے مواقع پیدا ہو جائیں گے جو انہیں اِس وقت میسر نہیں ہیں اور وہ آزادانہ ماحول میں بہتر طور پر کام کرسکیں گی ، اگر ٹرین میں خواتین کے لیے مخصوص کوچ ہو سکتے ہیں ، بسوں میں ان کے لیے محفوظ سیٹیں ہو سکتی ہیں ، ہسپتالوں میں ان کے وارڈ الگ رکھے جاسکتے ہیں ، تو زندگی کے دوسرے شعبوں میں خواتین کے لیے علیحدہ اور مستقل انتظام ہو تو اس میں کیا دشواری یا برائی ہے ؟

پس ، پردہ خواتین کو مجرمانہ ذہن سے بچانے کا ذریعہ ہے اور اس کا مقصد ان کی حفاظت ہے ، اگر معاشرہ میں پردہ کا رواج ہو جائے اور خواتین کے لیے ایسا نظم کیا جائے کہ وہ زندگی کے مختلف میدانوں میں مردوں سے الگ رہتے ہوئے اپنی سرگرمیاں جاری رکھیں ، تو یہ عورتوں کو بے پردہ کرنے ، مخلوط ماحول میں انہیں تناؤ کا شکار بنانے اور مردوں کی نگاہِ ہوس کو ٹھنڈی کرتے ہوئے اپنے فرائض انجام دینے سے کہیں بہتر ہوگا ۔

مولانا خالد سیف اللہ رحمانی

علامہ اقبال کا پیغام نوجوانوں کے نام - نظموں کا نچوڑ

noreply@blogger.com (Aj ki Duniya Urdu) — Fri, 21 Jan 2022 16:43:00 +0000

محترم قارئین ! اقبال نے اپنی نظموں میں جابجا مسلم نوجوانوں سے خطاب کیا ہے ان کو جھنجھوڑنے اور بیدار کرنے کی کوشش کی ہے کیونکہ تاریخ شاہد ہے کہ دنیا بھر کی تمام بڑی تحریکیں اور انقلابات انہی نوجوانوں کے عزم جواں, بازو ہمت اور جذبہ قربانی کا کرشمہ ہے

علامہ اقبال نے یہ بتانے کی کوشش کی ہے کہ نوجوان طبقہ کی حیثیت جسم میں روح کی مانند ہوتی ہے اور جس قوم کے نوجوان تعیش پسندی, تن پسندی, بےاعتمادی, سست روی, کاہلی اور راحت نفس کا شکار ہو جاتے ہیں اس قوم کا ستارہ اقبال بہت جلد غروب ہو جاتا ہے اور تاریخ کے اوراق میں وہ قوم قصہ پارینہ بن کر رہ جاتی ہے اس قوم پر ظلم و ستم کا راج ہوتا ہے صداقت کے بجائے منافقت ڈیرے جما لیتی ہے جرات و دلیری کا جنازہ اٹھ جاتا ہے اور عالمی دہشت گردوں کی چاکری اس کا مقدر بن جاتی ہے اور پھر یہ پوچھنا پڑتا ہے کہ

بدن سے روح جاتی ہے تو بچھتی ہے صفِ ماتم

مگر کردار مر جائے تو کیوں ماتم نہیں ہوتا

قارئین کرام! اس کے برعکس جس قوم کے نوجوان مسلسل محنت و لگن سے معمور ہوں, جن کے عزائم بلند ہوں اور خون جواں ہو جن کی نظر چیتے کی مانند اور نگاہ شاہین کی طرح ہو, طوفانوں سے ٹکرا جانے کا حوصلہ ہو, سمندروں کو قطرہ اور پہاڑوں کو دریا کر دینے کی صلاحیت ہو جو حوادث و مصائب کا بھرپور تحمل اور قوت سے مقابلہ کرنے کا ہنر رکھتے ہوں,حوصلہ مندی اور خود اعتمادی کا ثبوت پیش کرتے ہوں تو وہ قوم ترقی کی منزل پر گامزن اور فلاح و بہبود سے ہمکنار ہوتی ہے, منزل مراد اس قوم کی قدم بوسی کرنے پر مجبور ہوتی ہے یہی وجہ ہے کہ شاعر مشرق کی شاعری کا محور اور جستجو کا مرکز مسلم نوجوان ہیں کیونکہ وہ جانتے تھے

اگر جواں ہوں میری قوم کے غیور جسور

قلندری میری کچھ کم سکندری سے نہیں

عزیزان گرامی! یہ امت مسلمہ پر کون سا دن طلوع ہوا ہے؟ دن ہے کہ رات ؟ چاروں طرف اندھیرا کیوں ہے ؟ ظلم کا اندھیرا قتل و غارت گری کا اندھیرا افلاس زدہ مایوس چہرے, دھنسی آنکھیں ,عدم تحفظ کا احساس, اجڑتے گھر, جلتے مکاں, بلکتے بچے, سسکتی زندگی ایسی کون سی آفت آ گئی؟ ایسا کون سا کفر کا دل ٹوٹا ہے کہ ہماری عزت ذلت سے اور عروج زوال میں تبدیل ہوگیا؟

سبب کیا ہے؟ سبب صرف ایک ہے

گنوا دی ہم نے جو اسلاف سے میراث پائی تھی

ثریا سے زمیں پر آسماں نے ہم کو دے مارا میرا

کیونکہ مسلم نوجوان اپنے اسلاف کو فراموش کر کے مغربی تہذیب کا دلدادہ ہو گیا اور شاہین کی پرواز کو چھوڑ کر کوے کی چال اختیار کر لی , کاش آج کی نسل غیروں کی اندھا دھند تقلید سے باز آ کر مستقبل کی ذمہ داریوں کو سمجھتی اور شاندار ماضی سے سبق سیکھتی طاؤس و رباب کو چھوڑ کر شمشیر و سنا اٹھا لیتی اپنے اندر شاہین کی خودداری اور غیرت مندی پیدا کرتی تو اس قوم کی شوکت کا ستارہ جگمگا اٹھتا اور عظمت کا سورج دوبارہ طلوع ہوتا اور عقابی روح اور خودی کے زور پر پورے عالم انسانیت پر چھا جاتی.

کر سکتے تھے جو اپنے زمانے کی امامت

وہ کہنہ دماغ اپنے زمانے کے ہیں پیرو

یوپی الیکشن : ہماری حصہ داری ابھی نہیں تو کبھی نہیں،مسلم ووٹوں کا حقدار ہم نہیں تو پھر کون ؟

noreply@blogger.com (Aj ki Duniya Urdu) — Sat, 15 Jan 2022 09:59:00 +0000

حضرت مولانا خلیل الرحمن سجاد نعمانی صاحب کے نام اعجاز احمد خان رزاقی القاسمی(صدر تنظیم آبنائے دار العلوم دیوبند ) کا بھی ایک کھلا خط

ہماری حصہ داری ابھی نہیں تو کبھی نہیں،مسلم ووٹوں کا حقدار ہم نہیں تو پھر کون،مسلم قیادت اس وقت نہیں تو پھر کس وقت؟

عزت مآب حضرت مولانا خلیل الرحمن سجاد نعمانی صاحب دامت برکاتہم

ایڈیٹر ماہنامہ الفرقان لکھنؤ

السلام علیکم ورحمتہ اللہ وبرکاتہ

امید کہ مزاج گرامی بخیر ہوگا

سوشل میڈیا پر حضرت والا کا ایک کھلا خط بیرسٹر اسد الدین اویسی صاحب کے نام سے وائرل ہو رہا ہے کاش کہ ایک ایسا ہی خط جناب والا اور فرقہ پرستی ہرانے والے علمائے کرام کی جانب سے جناب اکھلیش یادو صاحب کے نام بھی جاری کیا گیا ہوتا یا حالیہ گزشتہ دنوں حضرت والا اور اکھلیش یادو کی ملاقات کے موقع پر ان کے سامنے بھی مسلم ووٹوں کے انتشار کے خدشات کو بیان کر کے ان پر مجلس سے اتحاد کا دباؤ بنا یا گیا ہوتا تو آج یقینا اویسی صاحب اور انکے کار کن حضرات ان چنندہ سیٹوں پر ہی انتخاب لڑتے اور باقی تمام سیٹوں پر سماجوادی اتحاد کو ووٹ دینے کی اپیل کے ساتھ ساتھ ان کے امیدواروں کو جتانے کے لیے جدوجہد اور محنت ضرور کرتے لیکن افسوس ایسا کچھ بھی آپ لوگوں کی جانب سے نہیں کیاگیا!

عالی جناب آزادی کے بعد سے ہی دیکھا جائے تو ہمیشہ اور ہر چناؤ کے موقع پر ایسے حالات پیدا کیے گئے تاکہ مسلمان کبھی اپنی قیادت کھڑی نہ کر سکے وہ کبھی بھی اپنے پیروں پر کھڑا نہ ہو سکے

اور ہر انتخاب کے مواقع پر اسی مجبوری کے آڑ میں ہمارے بڑے بڑے علماء اس طرح کی اپیلیں جاری فرماتے ہیں ممبر و محراب سے اسطرح کے اعلانات کرائے جاتے ہیں یہ ہمارے لئے کوئی نئی بات نہیں ہے!

لیکن ہر بار کی طرح اگلی بار ہمارے حالات اور بھی خطرناک اور بد سے بد تر ہو جاتا ہے اور ہر الیکشن مسلمانوں کے لیے زندگی اور موت کا انتخاب بن کر رہ جاتا ہے!

مسلمانوں کے انتشار کے تعلق سے آپ کے خدشات بالکل درست ہے لیکن اگر آپ جیسے ملت کے خیر خواہوں کی توجہ،اپیلیں اور جدوجہد مجلس کے متعینہ سوسیٹوں کے لیے کی جائے تو یقینا آپ کی کوششوں سے فرقہ پرستی کو شکست ہوگی اور مسلم ووٹوں کے انتشار کو کافی حد تک روکا جا سکتا ہے؟

مگر آنجناب اور دیگر ملی زعما اور دانشورانِ کو میں تقریبا تیس سالوں سے مسلسل دیکھ رہا ہوں کہ جناب اور آپ کے دیگر رفقاء ہر چناؤ کے موقع پر مسلم ووٹوں (سیکولر ووٹوں)کے بکھراؤ کو روکنے کے لیے مسلسل تحریکیں چلاتے ہیں جسمیں آپ لوگوں کو بھر پور کا میابی بھی ملتی ہے! 2014،2017،اور2019میں آپ لوگوں کو صد فيصدی کا میابی ملی تھی مسلمانوں نے متحد ہوکر سماجوادی اور اسکے اتحاد کو ووٹ کیا تھا اسکے باوجود بھی آپ لوگ فرقہ پرستی کو شکست دینے میں نا کام رہے

ایسا کیوں؟

اس سے پہلے بھی آپ لوگوں کو دیکھا گیا ہے کہ مسلم ووٹ تقسیم نہ ہونے پائے کے حسین عنوان سے مسلمانوں کو کبھی ملائم سنگھ یادو تو کبھی مایا وتی کے نام پر متحد کیا کاش کہ آپ حضرات کی اسطرح کی کو ششیں کبھی مسلم قیادت کے لیے بھی کیا گیا ہوتا!

آج آپ لوگوں کو مسلم اور سیکولر ووٹوں کو متحد کرتے کرتے ایک زمانہ گزر گیا لیکن مسلمانوں کے حالات بد سے بدتر ہوتے چلے گئے اور اس کی کوئی گارنٹی نہیں ہے کہ آئندہ مسلمانوں کے حالات بہتر ہو نگے کہ نہیں

آج کے دور میں فرقہ پر ستی کا کوئی معیار نہیں ہے مسلمانوں کے تعلق سے تمام سیاسی پارٹیوں کا ایک ہی ایجنڈہ ہے جو اپنے ایجنڈہ میں نرم ہے اسکو آپ لوگوں کی جانب سے سیکولر بتا دیا جاتا ہے اور جو اپنے ایجنڈہ میں سخت ہے اسکو فرقہ پرستی سے تعبیر کیا جا یا ہے فرقہ پرستی ہرانے میں ہم کو خدا کے یہاں اجر کا کوئی وعدہ نہیں ہے لیکن مسلم قیادت کو کھڑا کرنے کا حکم ہم کو ہمارا اسلام ضرور دے رہا ہے مگر صد افسوس کہ مسلم قیادت کی بنیاد کو فرقہ پرستی ہرانے کے نام پر بار ہا مسمار کرنے کی کوشش کی جاتی ہے, مسلم قیادت کی مدد کرنے کے بجائے اس کو توڑنے کے لیے کب تک جھوٹی تاویلیں کی جائے گی، کب تک نام نہاد فرضی سیکولر پارٹیوں کی حمایت کا اعلان ہوتا رہے

مسلم ووٹوں کا حقدار اگر ہم نہیں تو پھر کون، مسلم قیادت اگر اب نہیں تو پھر کب کھڑی ہوگی،سرکار میں ہماری حصہ داری آج نہیں تو پھر کب ملنی چاہیے!

آپ ہمارے بڑے ہیں اور یقینا آپ ملت اسلامیہ کے لیے ایک بہت بڑا سرمایہ ہے اگر آپ کی شان میں کوئی گستاخی ہو گئی ہو تو معاف فرمائیں گے

فقط والسلام

اعجاز احمد خان رزاقی القاسمی صدر تنظیم آبنائے دار العلوم دیوبند

این ڈی ٹی وی کے سینئر صحافی و جرنلسٹ کمال خان کا ہارٹ اٹیک سے انتقال, صحافت کے ایک سنہری باب کا خاتمہ

noreply@blogger.com (Aj ki Duniya Urdu) — Fri, 14 Jan 2022 08:24:00 +0000

بی بی سی ہندی

کل رات تک این ڈی ٹی وی کے لئے رپورٹنگ کرنے والے مشہور صحافی کمال خان اب ہمارے درمیان نہیں رہے,

اطلاعات کے مطابق ہارٹ اٹیک سے این ڈی ٹی وی کے سینیئر صحافی کمال خان کا آج صبح انتقال ہوگیا ہے وہ 61 برس کے تھے اُن کی اہلیہ روچی نے اُن کی موت کی تصدیق کی ہے۔ کمال خان کا شمار معروف صحافیوں میں ہوتا تھا۔ لکھنو کی بٹلر پیلیس کالونی میں اُن کا دل کا دورہ پڑنے سے انتقال ہونے کی خبر سوشل میڈیا پر جنگل کی آگ کی طرح پھیل گئی۔

کمال خان صحافت کی دنیا کا ایک جانا پہچانا اور تابناک نام تھا, جس نے اپنی بےباک صحافت سے تین دہائیوں تک ہندوستانی عوام کے دلوں پر راج کیا, ان کی رپورٹنگ میں وہ پہلو جابجا موجود ہوا کرتے جو سیکولرازم کی بنیادوں کو مضبوط کرتے, اترپردیش میں این ڈی ٹی وی بیورو کے ایگزیکٹیو ایڈیٹر تھے اور گزشتہ 30 سال سے صحافت کے پیشہ سے وابستہ تھے۔

صحافت سے جڑی شخصیات نے اُن کی ناگہانی موت کو روشن اور معتبر صحافت کا ناقابل تلافی نقصان بتایا ہے۔معروف صحافیوں نے کمال خان کے اچانک انتقال پر گہرے غم اور دُکھ کا اظہار کرتے ہوئے صحافت کے ایک باب کا خاتمہ قرار دیا تو وہیں، کئی دیگر سینئر صحافیوں نے کمال خان کی موت پر ٹوئٹر پر ٹوئٹ کرتے ہوئے انہیں بھرپور خراج پیش کیا ہے۔

کمال خان کو Journalist Kamal Khan صحافت میں ان کی بہترین کارکردگی پر باوقار ایوارڈ رام ناتھ گوئنکا سے نوازا گیا تھا۔ انہیں بھارتی صدر کی جانب سے گنیش شنکر ودیارتھی ایوارڈ سے بھی نوازا گیا۔ گزشتہ روز انہوں نے اترپردیش انتخابات کی رپورٹنگ کی تھی تاہم آج صبح اچانک دل کا دورہ پڑنے سے ان کی موت ہوگئی۔ کمال خان کے انتقال پر مختلف سیاسی رہنماؤں اور صحافیوں نے اپنے گہرے دکھ کا اظہار کیا ہے۔

کمال خان این ڈی ٹی وی میں سینئر عہدے پر فائز تھے۔ 61 برس کے کمال گزشتہ 3 دہائیوں سے صحافت سے وابستہ تھے۔

ساتھی صحافیوں نے بتایا کہ ان کی خبریں جمعرات کی شام 7 اور 9 بجے کے پرائم ٹائم میں چلتی تھیں۔ صحافی نغمہ نے بتایا کہ کمال خان نے کانگریس کے 150 امیدواروں کی فہرست پر بات کی تھی۔

خان نے کہا تھا کہ پرینکا کے اس فیصلے کا طویل مدتی اثر پڑے گا۔ نغمہ نے بتایا کہ رات جب وہ شو میں کمال سے بات کر رہی تھیں تو ان کی طبیعت بالکل ٹھیک لگ رہی تھی۔

انھیں یقین نہیں آتا کہ اب چند گھنٹوں کے بعد اس کی آواز ہمیشہ کے لیے گم ہو گئی ہے۔ وہ یقین نہیں کر سکتیں کہ کمال اب ان میں نہیں ہے۔

وزیر اعلی یوگی آدتیہ ناتھ کے علاوہ سماج وادی پارٹی کے اکھلیش یادو اور دیگر لیڈروں نے بھی کمال کی موت کی اطلاع پر غم کا اظہار کیا ہے۔

ساتھی صحافی رویش کمار نے ان کے انتقال پر گہرے دکھ کا اظہار کیا ہے

سی ایم یوگی آدتیہ ناتھ نے کمال خان کے انتقال پر تعزیت کا اظہار کیا ہے۔ سی ایم یوگی نے کہا کہ وہ سوگوار خاندان کے تئیں گہری تعزیت کرتے ہیں۔

یہ صحافت کا ناقابل تلافی نقصان ہے۔ کمال غیر جانبدارانہ صحافت کے چوتھے ستون اور مضبوط نگران تھے۔ خدا اس کی روح کو سکون دے ۔

کمال خان کی آخری رپورٹنگ یاد گار لمحات

جانور ذبح کرتے وقت بسم اللہ پڑھنے یا اللہ کا نام لینے کی مصلحت

noreply@blogger.com (Aj ki Duniya Urdu) — Thu, 16 Dec 2021 13:38:00 +0000

اسلام نے ذبح کرتے وقت اللہ کا نام لینا ضروری قرار دیا ہے۔اس میں جولطیف نکتہ پوشیدہ ہے اسے اچھی طرح سمجھ لینا چاہیے ۔ بت پرست اور اہل جاہلیت ذبح کرتے وقت اپنے معبودوں کا نام لیا کرتے تھے اس کے بجائے اللہ کے نام کا طریقہ رائج کر دیا گیا، کیونکہ جب ایک مشرک ذبح کرتے وقت اپنے بت کا نام لیتا ہے تو ایک مؤمن اپنے رب کا نام کیسے نہ لے؟

دوسری بات یہ ہے کہ جانور بھی انسان کی طرح اللہ کی جاندار مخلوق ہیں۔ انسان کو ان کی جان اللہ کی اجازت ہی سے لینا چاہیے اور اللہ کا نام لینا اذن الہی کا اعلان کرنے کے مترادف ہے۔ گویا انسان کہتا ہے میں یہ کام ان کو کمزور پا کر یا ظلم وزیادتی کی بنا پر نہیں کر رہا ہوں، بلکہ اللہ کی اجازت سے اس کا نام لے کر ذبح کرتا ہوں اور اس کا نام لے کر شکار کرتا ہوں اور اس کا نام لے کر کھاتا ہوں ۔

بحری جانور اور بری جانور میں کون کون سے جانور حلال ہیں, ذبح کرنے کا شرعی طریقہ

noreply@blogger.com (Aj ki Duniya Urdu) — Wed, 15 Dec 2021 06:36:00 +0000

بحری جانور سب حلال ہیں

اپنے مسکن ومستقر کے لحاظ سے جانوروں کی دوقسمیں ہیں۔ بحری اور بری۔ بحری جانور جو پانی کے اندر رہتے ہیں اور پانی ہی میں زندہ رہ سکتے ہیں سب حلال ہیں۔ جس حالت میں بھی پاۓ جائیں ۔ خواہ وہ پانی سے زندہ نکالے گئے ہوں یا مردہ سطح آب پر تیرتے ہوئے پائے جائیں یا اس کے بغیر ۔ مچھلی ہو یا سمندری کتا سمندری خنزیر ہو یا کوئی اور جانور، یکساں طور پر جائز ہیں اور اس سلسلے میں اس بات کا بھی اعتبار نہیں کہ ان کو پکڑنے والا مسلمان ہے یا غیر مسلم سمندر اور دریا کے تمام جانوروں کو مباح کر کے اللہ تعالی نے اپنے بندوں پر بڑی وسعت فرمائی ہے، چنانچہ فرمایا: وهوالذي سخر البحر لتأكلوا منه لحما طريا (نحل14:16) اس نے دریا کو مسخر کیا تاکہ تم اس میں سے تازہ گوشت کھاؤ۔

نیز فرمایا: أحل لكم صيد البحر وطعامه متاعالكم وللسيارة المائده98:5

تمھارے لیے سمندر کا شکار اور اس کا کھانا حلال کر دیا گیا۔ یہ تمھارے فائدے کے لیے ہے اور قافلہ والوں کے لیے (زادراہ ) بھی۔

حرام بری جانور

جہاں تک بری جانوروں کا تعلق ہے قرآن نے صراحت کے ساتھ مگر اجمالاً چار چیزوں کو اور تفصیل کے ساتھ دس چیزوں کو حرام ٹھیرایا ہے جن کا بیان اس سے پہلے گزر چکا ہے لیکن قرآن کریم نے رسول اللہ سلام کی یہ شان بھی بیان فرمائی ہے: ويحل لهم الطیبت ویحرم عليهم الخبيت الاعراف (157:7) رسول ان کے لیے پاکیزہ چیزیں حلال ٹھیراتا ہے اور خبیث چیزیں حرام کرتا ہے۔ خبیث وہ چیزیں ہیں جن کو بحیثیت مجموعی لوگ عام ذوق کے لحاظ سے گندہ خیال کرتے ہیں قطع نظر اس سے کہ کچھ افراد ان کو پسند کرتے ہوں ۔ اس قبیل کی ایک چیز بالتو گدھے کا گوشت ہے۔ حدیث میں آتا ہے: نھى عليه السلام عن أكل لحوم الحمر الأهلية يوم خيبر نبی علیہ السلام نے خیبر کے دن پالتو گدھے کا گوشت کھانے سے منع فرمایا۔

اور اسی سے متعلق صحیحین کی یہ حدیث ہے: نھي عن أكل كل ذي ناب من السباع وكل ذي مخلب من الطير ) نبی علیہ السلام نے کچلی والے درندوں اور پنجہ سے کھانے والے پرندوں کو کھانے کی ممانعت فرمائی ہے ۔

سباع ( درندہ) سے مراد زبردستی بھاڑ کھانے والا جانور ہے، جیسے شیر، چیتا، بھیٹریا وغیرہ اور پنجہ والے پرندوں سے مراد وہ پرندے ہیں جو ناخن سے شکار کرتے ہوں جیسے

گدھ، باز شکرہ ،چیل وغیرہ۔ ابن عباس کا مسلک یہ ہے کہ قرآن میں جو چار چیزیں مذکور ہیں ان کے علاوہ کوئی چیز حرام نہیں ہے۔ غالباً ان کے نزدیک درندوں وغیرہ کی ممانعت والی احادیث سے کراہت کا حکم نکلتا ہے نہ کہ حرمت کا ۔ اور یہ بھی ممکن ہے کہ ان تک یہ حدیثیں نہ پہنچی ہوں ۔ بہر حال ابن عباس کی رائے میں سورۃ الانعام کی آیت قل لا أجد کے پیش نظر پالتو گدھے کا گوشت حلال ہے، امام مالک کا رجحان بھی ابن عباس ہی کے مسلک کی طرف ہے۔

مانوس جانوروں کی اباحت کے لیے ذبح کرنے کی شرط

خشکی کے جن جانوروں کا کھانا جائز ہے ان کی دوقسمیں ہیں: ایک قسم تو ان جانوروں کی ہے جو انسان کے قابو میں ہوں ۔مثلاً اونٹ ، گائے ، بکری جیسے چوپاۓ اور وہ پرندے جو پالے جاتے ہیں۔ دوسری قسم ان جانوروں کی ہے جو انسان کے قابو میں نہ ہوں ۔ پہلی قسم کے جانوروں کے جواز کے لیے اسلام نے یہ شرط عائد کیا ہے کہ انھیں شرعی طریقے پر ذبح کر دیا جاۓ ۔ اور دوسری قسم کے جانوروں کے لئے یہ شرط ہے کہ انہیں کسی نوک دار چیز سے ذبح کر دیا جائے کہ خون بہہ جائے,

الیکٹرک شاک یا جھٹکے کا ذبیحہ اور بند ڈبوں کے گوشت کا حکم

noreply@blogger.com (Aj ki Duniya Urdu) — Tue, 14 Dec 2021 07:01:00 +0000

مسئلہ یہ ہے کہ کیا یہ ضروری ہے کہ اہل کتاب کے ذبح کرنے کا طریقہ ہمارے طریقہ کے مطابق ہو، یعنی حلق کو کسی تیز چیز سے کاٹ دیا جاۓ؟ اکثر علماء اسے ضروری سمجھتے ہیں، لیکن مالکیہ کے ایک گروہ کا فتوی ہے کہ یہ ضروری نہیں ۔ قاضی ابن العربی سورہ المائدہ کی آیت کی تفسیر کرتے ہوۓ فرماتے ہیں: یہ اس بات کی قطعی دلیل ہے کہ اہل کتاب کا شکار اور کھانا ان پاک چیزوں میں سے ہے جن کو اللہ نے جائز ٹھیرایا ہے۔ یہ مطلقا حلال ہے اور اس کا ذکر خصوصیت کے ساتھ کیا گیا ہے تا کہ شکوک رفع ہوں اور غلط خیالات کا ازالہ ہو جاۓ ۔

میرے سامنے یہ سوال پیش کیا گیا کہ نصاری مرغی کی گردن مروڑ دیتے ہیں اور پھر اسے پکا لیتے ہیں ۔ ایسی صورت میں کیا ہم ان کے ساتھ کھا سکتے ہیں یا ان کا کھانا کھایا جا سکتا ہے؟ میں نے کہا کھایا جا سکتا ہے کیونکہ یہ نصاری اور ان کے احبار و رہبان کا کھانا ہے۔ اگر چہ کہ ہمارے نزدیک ذبح کرنے کا یہ طریقہ درست نہیں ہے ،لیکن اللہ تعالی نے ان کا کھانا ہمارے لیے مطلقاً جائز کر دیا ہے(1) اور ہر وہ کھانا جس کو وہ اپنے دین میں جائز سمجھتے ہوں وہ ہمارے لیے حلال ہے سوائے ان کھانوں کے جن کے بارے میں اللہ نے انھیں جھوٹا قرار دیا ہے۔

ہمارے علما کا کہنا ہے کہ یہ اہل کتاب اپنی عورتیں ہماری زوجیت میں دے دیتے ہیں جن کے ساتھ مباشرت جائز ہے پھر ہم ان کا ذبیحہ کیوں نہ کھائیں؟ حلت و حرمت کے لحاظ سے دیکھا جائے تو کھانا مباشرت سے کم درجہ کی چیز ہے۔

موصوف دوسری جگہ فرماتے ہیں: یہ لوگ ذبح نہیں کرتے بلکہ گلا گھونٹ کر یا سر کچل کر ہلاک کر دیتے ہیں اور پھر اسے کھاتے ہیں، اس لیے یہ حرام مردار ہے لیکن ( یہ عدم جواز کی صورت اور اوپر جواز کی جو صورت مذکور ہوئی )ان دو باتوں میں کوئی تضاد نہیں ہے، کیونکہ اہل کتاب جس کے بارے میں یہ سمجھتے ہوں کہ یہ درست ذبیجہ ہے اس کا کھانا ہمارے لیے حلال ہے۔ اگر چہ کہ ہمارے نزدیک ان کے ذبح کرنے کا طریقہ درست نہ ہو لیکن جس کے بارے میں وہ خود بھی یہ بجھتے ہوں کہ یہ ذبیحہ درست نہیں ہے ........ وہ ہمارے لیے بھی حلال نہیں ہے۔ ذبح کا مشترک مفہوم یہ ہے کہ جانور کی جان نکالنے کا قصد اس کا کھانا حلال کرنے کی نیت سے کیا گیا ہو۔

یہ مسلک مالکیہ کے ایک گروہ کا ہے۔

ان باتوں کی روشنی میں ہم محفوظ کیے ہوۓ ( بند ڈبوں کے گوشت کا حکم سمجھ سکتے ہیں جسے اہل کتاب کے یہاں سے درآمد کیا جا تا ہے ۔ مثلاً مرغی کا محفوظ کیا ہوا گوشت جو بعض اوقات الیکٹرک شاک کے ذبیحہ کا ہوتا ہے لیکن جب تک وہ اسے حلال ذبیچہ سمجھتے ہیں

آیت کے عموم کے مطابق ہمارے لیے حلال ہے۔ رہا وہ گوشت جو کمیونسٹ ممالک سے درآمد کیا جاتا ہے تو ان کا کھانا ہمارے لیے کسی طرح جائز نہیں ہے کیونکہ یہ لوگ تمام ادیان نیز خدا اور رسالت سب کے منکر ہیں اس لیے ان کا شمار اہل کتاب میں ہر گز نہیں ہے۔(2)

حواشی

(1) یہ بات کہ اہل کتاب کا ذبیحہ ہمارے لیے مطلقاً جائز ہے ایک شاذ قول ہے جو محتاج دلیل ہے ۔ قرآن نے ان کے جس ذبیحہ کو جائز قرار دیا ہے وہ مشروع ذبیچہ ہے نہ کہ غیر مشروع ۔جس سیاق میں اہل کتاب کے ذبیحہ کو جائز قرار دیا گیا ہے، اس سے یہ اچھی طرح واضح ہے کہ جس جانور کو شرعی طریقہ پر ذبح کیا گیا ہو اس کا کھانا جائز ہے، البتہ ذبح کرنے والا اہل کتاب میں سے ہوتو کوئی حرج نہیں۔ مشروع طریقہ پر ذبح کی شرط معہود ہے، اس لیے اس کو نظر انداز کر کے اہل کتاب کے ہر ذبیحہ کو جائز سمجھنا درست نہیں ہے۔ اس بنا پر گردن مروڑی ہوئی مرغی ہمارے لیے حلال نہیں ہے ( حاشیہ )

(2) جب یہ معلوم ہے کہ عام طور سے بند ڈبہ کا گوشت غیر شرعی طریقہ پر ذبح کیے جانور کا ہوتا ہے ۔ مثلاً جھٹکا کیا ہوا یا جس کو ذبح کرتے وقت دانستہ اللہ کا نام نہیں لیا گیا تو ایسا گوشت محض اہل کتاب کی طرف منسوب ہو جانے سے ہمارے لیے کس طرح جائز ہوگا ؟ کسی چیز کا حکم عام طریقہ کو دیکھ کر ہی لگایا جاتا ہے۔ اور جو جانور غیر مشروع طریقہ پر ذبح کیا گیا ہو اس کا کھانا جائز نہیں، خواہ ذبح کرنے والا مسلمان ہو یا عیسائی ۔ ( حاشیہ)

تبلیغی جماعت کے خلاف دہشت گردی کا الزام اور سعودی خطبہ کا پوسٹ مارٹم

noreply@blogger.com (Aj ki Duniya Urdu) — Mon, 13 Dec 2021 13:44:00 +0000

یقینا آپ کے سامنے سے سعودی عرب کا خطبہ جمعہ ضرور گزرا ہوگا جس سے یہ بات کھل کر سامنے آ جاتی ہے کہ سعودی عرب نے نہ صرف تبلیغی جماعت پر پابندی عائد دی ہے بلکہ اسے مورد الزام ٹھہرانے کے لئے جن باتوں کو بنیاد بنایا ہے ان میں سے کچھ تو انتہائی سنگین جھوٹ ہیں, حجاز مقدس میں اس طرح کا جھوٹ بولنا بہتان اور الزام تراشی قابل تعجب افسوسناک اور سلامت طبع کے خلاف ہے, اور یہ سراسر اسلام بیزاری ہے, میں ان غلط بیانیوں پر قدر تفصیل روشنی ڈالنا چاہتا ہوں.

سعودی خطبہ جمعہ میں کہا گیا ہے کہ بانی تبلیغی جماعت مولانا الیاس کاندھلوی صاحب صوفی اور قبوری تھے,

صوفی کا مطلب آج کل خلیجی ممالک میں بدعتی ہوتا ہے مطلب یہ کہ مولانا الیاس رحمہ اللہ بدعتی تھے معاذاللہ, اور تبلیغی جماعت کی بنیاد بدعت پھیلانے ہی کے لئے ڈالی گئی تھی, اپنے اس موقف کی تائید میں خطبہ لکھنے والے نے مولانا کو قبوری بھی بتایا ہے,

قارئین! اس میں کوئی شک نہیں کہ مولانا رحمہ اللہ صوفی تھے مگر صوفی کا وہ مطلب نہیں ہے جو آج کل عرب میں رائج ہے, بلکہ صوفی کا مطلب ہے متبع سنت, بانی جماعت صاحب وجد و حال تھے, علم شریعت سے آراستہ تھے, معرفت ربانی سے لبریز تھے, صاف لفظوں میں کہیے تو وہ عالم با عمل تھے, عارف باللہ تھے,

تصوف و سلوک دین میں کوئی نئی چیز نہیں بلکہ وہی چیز ہے جسے پیغمبر علیہ السلام کی زبانی احسان سے تعبیر کیا گیا ہے, حدیث جبریل میں ہے کہ حضرت جبرائیل امین آپ علیہ السلام کے پاس تشریف لائے اور آپ سے پوچھا ما الاحسان آپ نے فرمایا ان تعبد اللہ کأنک تراہ فان لم تکن تراہ فانہ یراک کہ تم اللہ کی ایسی عبادت کرو کہ تم اللہ کو دیکھ رہے ہو اگر یہ تصور نا آسکے تو اللہ تو تمہیں دیکھ ہی رہا ہے, یہ حدیث بخاری شریف میں بھی ہے اور مسلم شریف میں بھی, اور صحیح بھی ہے.

قارئین! یقینا جن لوگوں میں اتباع سنت کا غلبہ ہوتا ہے ان میں تام جھام نہیں ہوتا بلکہ سادگی اور بے نفسی ہوتی ہے وہ موٹا جھوٹا پہنتے ہیں, اور تھوڑے سے مال پر قناعت کرتے ہیں, بس معلوم ہوا کہ صوفی بدعتی نہیں ہوتا, بلکہ حضور کا حقیقی ترجمان ہوتا ہے.

جہاں تک لفظ قبوری کا تعلق ہے تو یہ بانی جماعت پر کھلا ہوا بہتان ہے انہوں نے کبھی کسی قبر کی پوجا نہیں کی اور نہ کبھی کسی درگاہ کے مجاور بنے, خطبہ لکھنے والے نے یہ بات بھی بلا تحقیق لکھ ماری ہے اور یہ بھی نہیں سوچا کہ اللہ نے اگر ثبوت مانگ لیا تو جواب کہاں سے بنے گا, اور حضور کی یہ حدیث بھی بھول گیا کہ من آذی لی ولیا فقد آذنتہ بالحرب,

قارئین! صاحب خطبہ کے بیان سے ایسا محسوس ہوتا ہے کہ اس نے تبلیغی جماعت سے کسی پرانی ہزیمت کا بدلہ لیا ہے اس نے جماعت پر الزامات کی بوچھار لگاتے ہوئے یہ بھی کہا ہے کہ یہ جماعت شرک میں مبتلا ہے معاذ اللہ, بلکہ پوری دنیا اس بات کو تسلیم کرتی ہے کہ تبلیغی جماعت شرک و بدعت سے میلوں دور بھاگتی ہے, وہ خالص توحید کو پھیلانے والی, اللہ اور رسول پر مر مٹنے والی جماعت ہے اس کا کوئی بھی عمل و قول شرک کے دائرہ میں نہیں آتا , دعوی وہی قابل قبول ہوتا ہے جس کی پشت پر ٹھوس دلیلیں موجود ہوں, صاحب خطبہ نے مشرک تو بتا دیا لیکن کوئی ثبوت پیش نہیں کیا ,کیا یہ اسلامی تعلیمات کے خلاف نہیں ہے, میں صاف صاف اعلان کرتا ہوں کہ تبلیغی جماعت مشرک نہیں ہے,

قارئین! صاحب خطبہ نے یہ جھوٹ بھی لکھ مارا ہے کہ تبلیغی جماعت کی ہر مسجد میں ان کے رہنماؤں کی قبریں موجود ہیں, یہ بھی خالص اتہام اور سفید جھوٹ ہے, ایک آدھ مسجد میں ایسا ہو تو ہو لیکن ہر مسجد میں ایسا ہونا بد ترین جھوٹ ہے, لعنۃ اللہ علی الکاذبین, کیا ایسا جھوٹ بولتے ہوئے خطبہ لکھنے والے کو شرم نہیں آئی, اس کی روح پر کپکپی طاری نہیں ہوئی, روز محشر کا منظر یاد نہیں آیا, بات در اصل یہ ہے کہ رپورٹ دینے والے نے خیانت اور بددیانتی سے کام لیا ہے ہندوستان کی جن مسجدوں میں قبریں ہیں وہ دیوبندیوں اور تبلیغی جماعت کی نہیں بلکہ تکفیری جماعتوں اور بریلوی مکتب فکر کی ہیں ,قبروں پر سجدے وہ کرتے ہیں, مزارات پر منتیں وہ مانگتے ہیں , درگاہوں پر چراغا وہ کرتے ہیں غرض جتنی بھی خرافات قبروں سے متعلق یہاں پائی جاتی ہیں وہ بریلوی حضرات انجام دیتے ہیں نا کہ اہل تبلیغ.

مولانا الیاس کاندھلوی رحمہ اللہ حنفی تھے دیوبندی تھے, دارالعلوم دیوبند کے فرزند تھے, مولانا محمود حسن دیوبندی رحمہ اللہ کے شاگرد تھے, علماء اہل اسلام نے ان کی اس تحریک کو صحیح مانا اور اس کی حمایت کی, لہذا تبلیغی جماعت کو بت پرست کہنا اور مولانا الیاس کاندھلوی کو قبوری کہنا حقیقت کے سراسر خلاف ہے, ایسا لگتا ہے کہ رپورٹ دینے والے نے بھانگ پی کر رپورٹ دی ہے یا قصدا جھوٹ بولا ہے, بہرحال کچھ بھی ہو لیکن جھوٹ کی تمام حدیں پار کر دی ہیں, حرم رسوا ہوا پیر حرم کی کم نگاہی سے,

قارئین! تبلیغی جماعت پر ایک بہتان یہ بھی لگایا گیا کہ وہ دہشت گردی کو فروغ دیتی ہے یہ بھی سراسر غلط بات ہے, اس جماعت کی بے خبری کا تو یہ عالم ہے کہ یہ زمین کے نیچے اور آسمان کے اوپر کے علاوہ کی باتیں جانتے بھی نہیں, سیاسی موضوعات سے اسے خدا واسطے کی دشمنی ہے, یہ سال کے ہر موسم میں اور زندگی کے ہر موڑ پر اسی منہج پر قائم رہتی ہے, دنیا میں کون آیا, تخت پر کون بیٹھا اور کون گیا , اس سے ان کو کوئی سروکار نہیں, جس جماعت کا فکری سانچہ ایسا ہو اسے دہشت گردی سے جوڑ دینا سنگین جرم ہے.

قارئین! تبلیغی جماعت کے بعض اعمال پر اہل حق علماء کرام نے قرآن و حدیث کی روشنی میں تنقید کی ہے اور کرتے رہتے ہیں اوراصلاح کی طرف بلاتے رہتے ہیں لیکن اس میں کوئی شک نہیں کہ جماعت والوں کے یہاں اپنے قائم کردہ اصولوں پر بڑا زور ہے, اپنے بڑوں کے خلاف تھوڑا بھی نہیں چل سکتے, لیکن انہیں قبر پجا بتانا انہیں مشرک بتانا انہیں دہشت گردی سے جوڑنا انتہائی تکلیف دہ ہے اور انسانیت کے خلاف ہے.

قارئین! صاحب خطبہ نے اپنے آپ کو اللہ اور رسول کا پروانہ بتایا ہے توحید و رسالت کا متوالا گردانا ہے لیکن اگر انکے ان دعوؤں کا جائزہ لیا جائے تو سراسر خلاف واقعہ بات ملتی ہے کیونکہ سب سے پہلے ان ظالموں نے جزیرۃ العرب کا نام بدلا اور اب آئے دن اسلام کے خلاف فیصلے کرتے ہیں , نصابی کتابوں سے قتال کی آیتیں نکال دیں, رسول اللہ صلی اللہ علیہ و سلم کی حدیثوں کو شریعت کا جز ماننے سے انکار کر دیا, عورتوں کو حجاب سے باہر نکالا, عیاشی و فحاشی کے لئے نت نئے اقدامات کئے, شیطان کے رقص و سرود کے لئے جگہ جگہ کلب اور سنیما گھر بنائے یہاں تک کہ مدینۃ الرسول کو بھی اس میں شامل کر لیا, فلم انڈسٹری قائم کیں اور امام حرم فلمی اشتہار میں نظر آئے, دنیا بھر کے بد ترین لوگوں کو بلا بلا کر ان سے ڈانس کرایا جا رہا ہے, فلمی عورتوں سے اخلاق سوزی کے مظاہرے پر انعامات کی بارشیں ہو رہی ہیں, علماء اسلام اور ان غلط کاموں پر نکیر کرنے والوں کو سلاخوں کے پیچھے ڈالا جارہا ہے, یہ وہی لوگ ہیں جو گنبد خضری کو ڈھانے کی کئی بار ناپاک کوشش کر چکے ہیں, اسلام کو ان لوگوں نے اتنا نقصان پہنچایا ہےکہ سوچا نہیں جاسکتا, مگر ان ظالموں اور یہود و نصاریٰ کے ان عاشقوں نے اپنے انہیں اسلام مخالف فیصلوں کا نام معتدل اسلام رکھا ہے, یہ خالص مغرب نوازی ہے, یہ اسلام سے کھلی بیزاری ہے, یہ اللہ اور رسول سے اعلانیہ اعلان جنگ ہے,

یہ لوگ امریکہ اور اسرائیل کے غلام ہیں, یہ عبد الدرھم اور عبد الدینار ہیں, یہ خواہشات نفس کے پجاری ہیں, یہ ناجائز عورتوں اور شہوتوں پر فریفتہ ہیں, انہیں نہ حرمین شریفین سے محبت ہے اور نہ حجاز مقدس کی پرواہ ہے, یہ لوگ اسلام کے نام پر اسلام کے دامن پر بدنما داغ ہیں, انہیں تبلیغی جماعت میں ناموجود بدعت تو دیکھائی دیے گئی لیکن اپنی خرافات دکھائی نہیں دیتی,

مولانا رحمہ اللہ کا یہ جملہ یہاں بجا ہے کہ ساری دنیا کے مسلمانوں کا قبلہ مکہ ہے اور اہل مکہ کا قبلہ امریکہ اور اسرائیل ہے.

مجبوری حرام کو مباح کر دیتی ہے الضرورات تبیح المحظورات اور اسلامی تعلیمات

noreply@blogger.com (Aj ki Duniya Urdu) — Wed, 24 Nov 2021 06:05:00 +0000

اسلام نے حرام کے معاملے میں سخت احکام دیئے ہیں لیکن اس نے انسانی زندگی کی ضرورتوں کی طرف سے بے اعتنائی نہیں برتی ہے اور انسانی کمزوری کا بھی اس نے پورا لحاظ کیا ہے۔ یہی وجہ ہے کہ اس نے اس بات کو جائز کر دیا ہے کہ ایک مسلمان شدید ضرورت کے پیش آ جانے پر اپنی جان بچانے کے لیے بقدر ضرورت حرام چیز کھالے۔ اللہ تعالی نے مردار خون اور سور کے گوشت کی حرمت کا حکم دینے کے بعد فرمایا ہے: فمن اضطر غيرباغ ولاعاد فلا إثم عليه إن الله غفور رحيم (البقره 173:2) تو جو شخص مجبور ہوجاۓ اور وہ اس کا خواہش مند اور حد سے تجاوز کر نے والا نہ ہوتو اس پر کچھ گناہ نہیں۔ بیشک اللہ بخشنے والا اور رحم فرمانے والا ہے۔

یہ حکم دیگر چار سورتوں میں بھی آیا ہے جس کا مفہوم ایک ہی ہے۔ یہ اور اس طرح کی دوسری آیتوں کے پیش نظر فقہاے اسلام نے یہ اہم اصول اخذ کیا ہے کہ’ضرورتیں محظورات کو جائز کر دیتی ہیں, الضرورات تبیح المحظورات .

لیکن خیال رہے کہ ان آیات نے مضطر کے لیے غیر باغ ولا عاد کی قید لگائی ہے جس کی تفسیر ی کی گئی ہے کہ حالت مجبوری میں حرام سے فائدہ اٹھانے والا حرام شے کی لذت کا طالب نہ ہو اور نہ ہی فائدہ اٹھانے کے معاملے میں حد ضرورت سے تجاوز کرنے والا ہو۔ اس شرط سے فقہاء امت نے ایک اصول اور بھی اخذ کیا ہے اور وہ یہ ہے کہ ضرورت اپنا دائرہ خود متعین کرتی ہے۔

انسان کو اگرچہ کہ مجبوری کے آگے جھکنا پڑتا ہے لیکن اس کا مطلب یہ نہیں کہ وہ اپنے

کو پوری طرح مجبوری کے حوالے کر دے اور اپنے نفس کی زمام اس کے ہاتھ دے بیٹھے۔

اسے لازماً اصل حلال سے وابستہ رہنا چاہیے اور اسی کی تلاش میں رہنا چاہیے ۔ کہیں ایسانہ ہو کہ جو چیز دفع ضرورت کے لیے وقتی طور پر حلال ہوگئ تھی اسے سہل خیال کیا جانے لگے اور اس سے لذت حاصل کی جانے لگے۔

اسلام نے ضرورت کے موقعوں پر محظورات کو مباح کر کے اپنی عام اسپرٹ اور قواعد کلیہ کے مطابق بڑی آسانی پیدا کر دی ہے اور اس سے اللہ تعالی کے اس ارشاد کی تصدیق ہوجاتی ہے کہ:

يريد الله بكم اليسر ولا يريد بكم العسر (البقره185:2)

اللہ تمھارے ساتھ آسانی کرنا چاہتا ہے ۔سختی کرنا نہیں چاہتا۔

مزید پڑھیے

دیوالی کی مٹھائی کا کیا حکم ہے مکمل بحث

حلال و حرام کی تعریف اور اسلام میں حلال و حرام کے اصول و ضوابط

حرام چیزیں باعث مضرت ہیں اور حلال چیزیں باعث راحت - دلچسپ اسلامی حقائق

دیوالی کی مٹھائی کا کیا حکم ہے - مع دلائل

noreply@blogger.com (Aj ki Duniya Urdu) — Thu, 11 Nov 2021 01:31:00 +0000

دیوالی کی مٹھائی کا حکم

سوال(96- 142): دیوالی کے موقع پر جو مٹھائیاں غیر مسلموں کی طرف سے بطور ہدیہ دی جاتی ہیں ان کی دو قسمیں ہیں، ایک وہ مٹھائیاں جو دیوی دیتاؤں پر چڑھانے اور کچھ منتر وغیرہ پڑھنے کے بعد تقسیم کرتے ہیں، دوسری وہ مٹھائیاں جو ڈائرکٹ بازار سے خرید کر دوست و احباب اور اپنے یہاں کام کرنے والوں کو دیتے ہیں تو دونوں قسموں کے حکم میں کچھ فرق ہے؟

جواب: میرے نزدیک دونوں قسموں میں فرق ہے، پہلی قسم کی مٹھائیاں :﴿وَمَآ اُهِلَّ بِهٖ لِغَيْرِ اللّٰهِ﴾(البقرة :173) میں سے ہیں اور انہیں ہرگز لینا اور استعمال کرنا نہیں چاہئے۔

اور دوسری قسم کی مٹھائیاں لینا ایک طرح سے ان کے تہوار میں شرکت ہے، جو ممنوع ہے، مگر شرک کی حد تک نہیں پہونچتا، اس واسطے جہاں تک ہو سکے ان کے لینے سے بھی احتراز کرنا چاہئے، اور مجبورا لینا پڑے تو اسے لے کر کسی غیر مسلم کو دیدینا چاہئے۔

نعمة المنان مجموع فتاوى فضيلة الدكتور فضل الرحمن: جلد اول، صفحہ: 323۔

••• ═༻✿༺═ •••

ووٹ ڈالتے ہوئے انگوٹھے پر لگائی گئی روشنائی کے ہوتے ہوئے وضو اور غسل کا حکم

noreply@blogger.com (Aj ki Duniya Urdu) — Sun, 31 Oct 2021 01:50:00 +0000

طہارت کے جدید مسائل

ووٹ ڈالتے ہوئے لگائی گئی روشنائی کے ہوتے ہوئے وضو اور غسل کا حکم

ووٹ ڈالتے وقت انگوٹھے پر جو روشنائی لگائی جاتی ہے ، اس روشنائی کا جسم یا تہہ نہیں بنتی، بلکہ پکی سیاہی ہوتی ہے جوانگوٹھے سے آسانی سے نہیں اترتی،اس لیے ممکنہ حد تک اس سیاہی کو انگوٹھے سے رگڑ کر دھولیا جائے ، اگر اس کا رنگ نہیں اترتا تو بھی وضو اور غسل ہوجائے گااور نماز درست ہوگی۔*

''فتاوی ہندیہ'' میں ہے:

*'' وإن كانت شيئاً لا يزول أثره إلا بمشقة بأن يحتاج في إزالته إلى شيء آخر سوى الماء كالصابون لا يكلف بإزالته. هكذا في التبيين . وكذا لا يكلف بالماء المغلي بالنار. هكذا في السراج الوهاج. وعلى هذا قالوا: لو صبغ ثوبه أو يده بصبغ أو حناء نجسين فغسل إلى أن صفا الماء يطهر مع قيام اللون. كذا في فتح القدير''. (1/ 42)*

*مزید تفصیل کیلئے ملاحظہ ہوں*

*▪الدرالمختار 1/537 باب الانجاس*

*▪فتاوی قاسمیہ 5/68*

*▪المسائل المھمہ 6/42*

*▪افضل التطبیق العصری علی مسائل القدوری 89*

داعئ اسلام حضرت مولانا محمد کلیم صدیقی صاحب کو لکھنؤ اے ٹی ایس نے کیا گرفتار

noreply@blogger.com (Aj ki Duniya Urdu) — Wed, 22 Sep 2021 04:29:00 +0000

مولانا کلیم صدیقی صاحب بروز منگل لساڈی گیٹ حمایوں نگر کی ماشاء اللہ مسجد کے ایک پروگرام میں شرکت کرکے اپنے گاؤں پھلت مظفر نگر واپس ہو رہے تھے،؛ نماز عشاء کے لیے میرٹھ میں رکے، نماز سے فارغ ہو کر جب پھلت کے لیے روانہ ہوئے تو سیکورٹی ایجنسی نے مولانا سمیت ان کے دیگر رفقاء کو گرفتار کرلیا، میرٹھ پولیس نے بتایا ہے کہ مولانا کو لکھنؤ لے جایا گیا ہے،، الزام ہے کہ مولانا کی سرگرمیاں مشکوک ہیں اس لیے انھیں اور دیگر ساتھیوں کو پوچھ گچھ کے لئے گرفتار کیا گیا ہے،،،، اور کل ہی اویسی کے دہلی میں واقع گھر پر بھی شرپسندوں نے حملہ کیا تھا،

یہ نتیجہ ہے ہماری خاموشی و بے حسی کا، جو لوگ یہ سوچ رہے ہیں کہ خاموش رہ کر اور حکومت و آر ایس ایس کی تعریف کرکے وہ بچ جائیں گے انکی آنکھیں کھولنے کے لئے یہ حادثہ کافی ہے

آپ خاموش رہئیے۔۔۔۔ ایک ایک کرکے تمام بااثر شخصیات کو پابند سلاسل کردیا جائے گا پھر عام مسلمانوں کو سکون سے کاٹا جائے گا، مرتد کیا جائے، مذہبی مقامات کو مسمار کیا جاۓ گا اور یقینا اسکے ذمہ دار آپ ہونگے ۔۔۔۔۔ دیکھتے رہیں اگلا نمبر آپ کا ہے،،، آج آپ جو لیٹر پیڈ جاری کردیتے ہیں، ویڈیوز رلیز کرتے ہیں اب وہ دن آنے والا ہے کہ آپ کے قلم توڑ دئیے جائیں گے آپ کی زبانیں کاٹ دی جائیں گی۔۔ بس انتظار کیجیے، جب تک آپ بیدار ہونگے آپ کا وجود شل ہوچکا ہوگا

اگر علماء و داعیان اور مسلم نوجوان کی گرفتاری پر بروقت ایکشن لیا جاتا تو شاید ایسی صورتحال پیدا نہیں ہوتی،،

اگر آپ یہ سوچتے ہیں کہ گفت و شنید اور تعریف کرکے حکومت و آر ایس ایس کے مسلم دشمنی پر مبنی کٹر نظریہ کو بدلا جاسکتا ہے تو آپ جان بوجھ کر اپنے آپ کو اور پوری قوم کو دھوکا دے رہے ہیں، یہ آپ کی طرح بے مقصد، پھس پھسےاور کمزور نظریہ والی تنظیم نہیں جو چڑھتے سورج کی پوجا کرنے لگے اور تھوڑے سے مفاد کے لیے اپنے نظریات کا سودا کرلے۔۔۔

یہ ایک انتہائی متشدد تنظیم ہے جو نظریاتی اعتبار سے سخت انتہاء پسند اور متعصب ہے جو کسی بھی صورت میں اپنے نظریات سے سمجھوتا نہیں کرسکتی، اور نہ اسکی تعریف کرکے اسے بدلا جاسکتا ہے،

خدا کے لیے ہوش میں آجائیے، اس امت پر رحم کھائیے، یہ پہلے سے ہی مظلوم ہے اور کتنا اس پر ظلم کرائیں گے، یہ وقت مصلی پر بیٹھ کر دعا کرنے کا نہیں ہے بلکہ دشمن کا مقابلہ کرنے کا ہے، اسکی چاپلوسی کرنے کے بجائے آنکھوں میں آنکھیں ڈال کر بات کرنے کا ہے، اب مصلحت کی چادر بوسیدہ ہوچکی ہے اسے اتار پھنکئیے اور آہنی چادر زیب تن کیجیے۔۔۔ کیونکہ مظلوم بن کر مرنا بزدلی ہے اور اسلام کا مذاق ہے

یہ ناداں گر گئے سجدوں میں جب وقت قیام آیا

🖋️ م۔ج۔ن

ماہ صفر المظفر اور نحوست و بد شگونی کی حقیقت- مکمل دلائل

noreply@blogger.com (Aj ki Duniya Urdu) — Tue, 21 Sep 2021 14:31:00 +0000

ماه صفر المظفر سے متعلق عوامی نظریات کا جائزہ

تفصيلى فہرست

ماہ صفر ایک عام اسلامی مہینہ ہے ۔

• ماہ صفر سے متعلق بے بنیاد توہمات ۔

ماه صفر سے متعلق بے بنیاد توہمات کی تردید ۔

• ماه صفر المظفر میں شادی کرنے کا حکم ۔

• ماہ صفر کے آخری بدھ کی شرعی حیثیت ۔

• ماہ صفر کے آخری بدھ کو حضور صلی اللہ علیہ و سلم کے غسل صحت کی حقیقت ۔

• ماہ صفر کے اختتام کی خوشخبری سے متعلق ایک حدیث کا جائزہ ۔

عوام میں رائج بے بنیاد توہمات ، خیالات اور بد شگونیوں کی حقیقت

• اسلام میں ایسے توہمات اور بد شگونیاں کا کوئی تصور نہیں ۔

• اسلام میں نحوست کا تصور

• نحوست کی اصل وجہ گناہ اور نافرمانیاں ہیں ۔

یہ تمام تر توہمات اور بد شگونیاں بلا دلیل ہیں ۔ .

ماہ صفر المظفر سے متعلق عوامی نظریات کا جائزہ:-

ماہ صفر ایک عام اسلامی مہینہ ہے :

ماہ صفر اسلامی سال کا دوسرا مہینہ ہے ، یہ عام مہینوں کی طرح ایک مہینہ ہے ، اس لیے :

• اس مہینے اور اس کے کسی بھی دن سے متعلق کوئی خصوصی فضائل ثابت نہیں ۔

• اس مہینے اور اس کے کسی بھی دن سے متعلق کوئی خصوصی اعمال اور عبادات ثابت نہیں ۔

• اس مہینے اور اس کے کسی بھی دن سے متعلق کوئی خصوصی نظریات اور خیالات ثابت نہیں ۔

ماہ صفر سے متعلق بے بنیاد توہمات :

ماہ صفر کے امور سے متعلق زمانہ جاہلیت میں بھی طرح طرح کے بے بنیاد توهمات رائج تھے اور دور حاضر میں بھی منگھڑت تصورات عام ہیں ، جیسے :

• ماه صفر نحوست والا مہینہ ہے ۔

• ماہ صفر میں آسمان سے آفتیں اور بلائیں نازل ہوتی ہیں ۔

• ماہ صفر میں جنات کی کثرت ہو جاتی ہے ۔

• ماہ صفر میں شادی بیاہ اور خوشی کی تقریبات منعقد نہیں کرنی چاہیے ۔

• ماہ صفر میں سفر کرنا یا گھر کی تعمیر کرنا اچھا نہیں ۔ الغرض اس طرح کی بہت سی بے بنیاد باتیں ، توہمات ، تصورات اور خیالات عام ہیں ۔

ماہ صفر سے متعلق بے بنیاد توہمات کی تردید:-

ماہ صفر سے متعلق یہ تمام تر بد شگونیوں ، بد فالیوں ، توہمات اور نحوست کے خیالات نہایت ہی منگھڑت اور غلط ہیں ، خود حضور اقدس صلی اللہ علیہ و سلم نے ماہ صفر سے متعلق ان تمام باتوں کی تردید فرمائی ہے ، چنانچہ حضور اقدس صلی اللہ علیہ و سلم نے ارشاد فرمایا کہ : ” مرض کا اللہ کے حکم کے بغیر دوسرے کو لگنا ، بد شگونی ، مخصوص پرندے کی بد شگونی اور ماہ صفر کی نحوست ؛ یہ ساری باتیں بے بنیاد ہیں جن کی کوئی حقیقت نہیں ۔ جیسا کہ صحیح بخاری میں ہے ۔ - عن أبي صالح عن أبي هريرة رضي الله عنه ، عن النبي ﷺ قال : « لا عدوی ولا طيرة ولا ھامة ولا صفر ۷۵۷ ه - » .. اس حدیث میں صفر سے متعلق تمام تر بد شگونیوں ، بد فالیوں ، توہمات اور نحوست کے خیالات کی بالکلیہ نفی ہو جاتی ہے ۔ یہ حدیث یقینا مستعد و غلط فہمیوں کی اصلاح کے لیے کافی ہے ۔

ماہ صفر المظفر میں شادی کرنے کا حکم:-

ماقبل کی تفصیل سے یہ بات بھی بخوبی واضح ہو جاتی ہے کہ ماہ صفر میں شادی کرنا بالکل جائز ہے ، اس لیے جولوگ ماه صفر کو نحوست والا مہینہ قرار دے کر اس میں شادی نہیں کرتے وہ صریح غلطی کا شکار ہیں کیوں کہ قرآن و سنت میں اس بات کا کوئی ثبوت نہیں ہے ، بلکہ احادیث میں اس نحوست والے عقیدے کی تردید کی گئی ہے ۔ اور یہ بھی یاد رہے کہ بعض مورخین کے مطابق اس ماہ میں حضرت علی رضی اللہ عنہ کا نکاح حضور کی صاحبزادی حضرت فاطمہ رضی اللہ عنہا سے ہوا ۔ ( البدایہ والنہایہ )

وضاحت : حضرت علی اور حضرت فاطمہ رضی اللہ عنہما کے نکاح سے متعلق اختلاف ہے کہ کس مہینے میں ہوا ، اس حوالے سے محرم ، صفر یا ذوالقعدہ کا ذکر ملتا ہے ۔ ( سیرة مصطقی ایرانی ، حضرت اقدس مولانا ادریس کاندھلوی رحمہ اللہ )

ماہ صفر کے آخری بدھ کی شرعی حیثیت :-

ماہ صفر کے آخری بدھ سے متعلق بھی بے بنیاد باتیں اور اعمال عام ہیں جیسے : حضور اقدس صلی اللہ علیہ و سلم نے صفر کی آخری بدھ کو اپنی بیماری سے شفایابی کے بعد غسل صحت فرمایا تھا ۔ اور حضور اقدس نے صحت ہو جانے کی خوشی میں چوری پکا کر تناول فرمائی تھی اور تقسیم فرمائی تھی ، اس لیے ہمیں بھی یہ پکانی چاہیے ۔ ( چوری ایک میٹھی روٹی ہوتی ہے جس کو بیس کر چورا چورا کردیا جاتا ہے ۔ ) .

بعض لوگ اسی خوشی میں اس دن نفلی روزہ رکھتے ہیں ۔ واضح رہے کہ شریعت میں ماہ صفر کے آخر کی بدھ کی کوئی شرعی حیثیت نہیں ، اس حوالے سے کوئی فضیلت یا عمل ثابت نہیں ، اس لیے یہ تمام باتیں من گھڑت ہیں ۔

ماہ صفر کے آخری بدھ کو حضور کے غسل صحت کی حقیقت :-

عوام میں یہ بات رائج ہے کہ حضور اقدس صلی اللہ علیہ و سلم نے صفر کی آخری بدھ کو اپنی بیماری سے شفایابی کے بعد غسل صحت فرمایا تھا ۔ واضح رہے کہ یہ بات ہر گز درست نہیں اور یہ کسی بھی دلیل سے ثابت نہیں ۔ بلکہ جو بات ثابت ہے وو اس کے بر عکس ہے کہ ماہ صفر کی آخری بدھ کو حضور اقدس صلی اللہ علیہ و سلم کو مرض وفات شروع ہوا تھا اس میں شدت واقع ہوئی تھی ۔ دیکھیے : سیرۃ مصطفی از حضرت اقدس مولانا ادریس کاندہلوی رحمہ اللہ اور سیرت خاتم الانبیاء از مفتی اعظم پاکستان مفتی محمد شفیع صاحب رحمہ اللہ .

ماہ صفر کے اختتام کی خوشخبری سے متعلق ایک حدیث کا جائزہ:-

عوام میں یہ حدیث مشہور ہے کہ حضور اقدس صلی اللہ علیہ و سلم نے ارشاد فرمایا کہ : من بشرني بخروج صفر بشرته بدخول الجنة . ترجمه : " جس شخص نے مجھے ماہ صفر ختم ہونے کی خوشخبری دی تو میں اس کو جنت کی بشارت دوں گا ،،

تبصره : یہ حدیث ہر گز نہیں بلکہ یہ ایک منگھڑت بات ہے ، متعدد محدثین کرام نے اس کو بے بنیاد اور من گھڑت قرادیا ہے ، ملاحظہ فرمائیں : الموضوعات الصغانی ، تذکرة الموضوعات اور تذکرة الموضوعات للمقدسی۔ اس لیے اس کو حدیث سمجھنا یا اس کو آگے پھیلانا ہر گز جائز نہیں بلکہ یہ حضور اقدس سرور دو عالم پر بہتان کے زمرے میں آتا ہے جس پر شدید وعید وارد ہوئی ہے ۔ . کشف الخفاء ومزیل الالباس میں ہے : ۲۶۱۸- من بشرني بخروج صفر بشرته بالجنة . قال القاري في « الموضوعات » تبعا للصغاني : لا أصل له . : موضوعات صغانی میں ہے : ۱۰۰- ومنها قولهم : من بشرني بخروج صفر بشرته بدخول الجنة .

عوام میں رائج بے بنیاد توہمات،خیالات اور بد شگونیوں کی حقیقت:-

عوام میں طرح طرح کے بے بنیاد خیالات،نحوست پر مبنی غلط تصورات ، توہمات اور بد شگونیاں عام ہیں جن کی قرآن و سنت میں کوئی حقیقت نہیں ، جیسے :

مغرب کے بعد گھر میں چھاڑو دینا اچھا نہیں ۔

رات کو ناخن کاٹنا اچھا نہیں ۔

• رات کو بال کاٹنا اچھا نہیں ۔

• بدھ یا جمعہ کو کپڑے دھونا اچھا نہیں ۔

• چپل الٹی پڑی ہو تو اس سے جھگڑے پیدا ہوتے ہیں ۔

• چارپائی پر بیٹھے بیٹھے پاؤں ہلانے سے اختلافات پیدا ہوتے ہیں یا بندہ مقروض ہو جاتا ہے ۔

• گھر کی دیوار پر کوا بیٹھ کر آواز نکالے تو اس کو بھی برا سمجھا جاتا ہے ۔

• بلی راستہ کاٹ لے یعنی آگے سے گزر جائے تو یہ نحوست کی علامت ہے ، اس کی وجہ سے لوگ اپنے کام اور سفر کا ارادہ ترک کر لیتے ہیں ۔

• آنکھ بار بار چھڑکتی رہے تو یہ اچھا نہیں ۔

قینچی یوں ہی چلانے سے اختلافات پیدا ہوتے ہیں ۔

صبح کوئی ناخوش گوار واقعہ پیش آئے تو اس کی وجہ سے پورے دن کو منحوس سمجھنا ۔

جس مہینے میں کوئی عزیز فوت ہو جائے تو اس مہینے میں شادی کرنے کو برا سمجھنا ۔

ماہ محرم ، ذوالقعدہ ، صفر اور شوال میں نکاح یا خوشی کی تقریبات کو منحوس یا معیوب سمجھنا ۔

• جنازہ پاس سے گزر رہا ہو تو اس وقت سر ڈھانپ لینا چاہیے ورنہ تو موت کا سایہ ہوتا ہے ۔

• بچے کو میت کے قریب نہیں لے جانا چاہیے ۔

میت کے کپڑے صدقہ کر دینے چاہیے ورنہ تو اس کا گھر کے افراد پر برا اثر رہتا ہے ۔

• ہر جمعرات کو فوت شدہ رشتے داروں کی روحیں گھر میں آتی ہیں ، وہ کھانا پینا مانگتی ہیں ۔

الو کی آواز کو نحوست والا قرار دینا ۔

• چمگادڑ کی کثرت کو نحوست سمجھنا ۔

میت کے استعمال شدہ کپڑوں کو نحوست کی وجہ قرار دینا ۔

• گھر میں مکڑی کے جالوں کو نحوست سمجھنا ۔

• دھوپ میں بارش ہونے کو اچھا نہ سمجھنا ۔

بچے کو اس کی پیدائش کے چالیس دن تک گھر سے باہر لے جانے کو برا سمجھنا ۔

- اپنے یا کسی اور شخص کے گلے کو ہاتھ لگ جائے تو اس میں پھونک مارنے کو ضروری سمجھا ۔

• چھاڑو پر پیر پڑ جائے تو اس پر ڈر سا تھوکنے کا نظریہ ۔

الغرض اس طرح کی بہت سی باتیں اور نظریات عوام میں رائج ہیں جو کہ واضح طور پر غلط اور بے بنیاد ہیں ، ان تمام باتوں کی اصلاح سے متعلق چند بنیادی باتیں درج ذیل ہیں :

اسلام میں ایسے توہمات اور بد شگونیاں کا کوئی تصور نہیں :

حضور اقدس صلی اللہ علیہ و سلم نے ارشاد فرمایا کہ : ” مرض کا اللہ کے حکم کے بغیر دوسرے کو لگنا ، بد شگونی ، مخصوص پرندے کی بد شگونی اور صفر کی نحوست ؛ یہ ساری باتیں بے بنیاد ہیں جن کی کوئی حقیقت نہیں ۔ جیسا کہ صحیح بخاری میں ہے : ۵۷۰۷- عن أبي صالح عن أبي هريرة رضي الله عنه عن النبي الله قال : « لا عدوی ولا طيرة ولا هامة ولا صفر » . اس حدیث میں تمام تر بد شگونیوں ، بد فالیوں ، توہمات اور صفر سے متعلق نحوست کے خیالات کی بالکلیہ نفی ہو جاتی ہے ۔ یہ حدیث بھی متعدد غلط فہمیوں کی اصلاح کے لیے کافی ہے ۔

اسلام میں نحوست کا تصور:-

اسلام میں کسی دن ، کسی مہینے, کسی سال ، کسی مکان ، کسی شخص ، یا کسی چیز کی نحوست کا کوئی تصور بھی نہیں ، اس لیے نحوست کا یہ نظریہ بھی بے بنیاد ہے ، جیسا کہ ما قبل کی حدیث سے بھی بخوبی ثابت ہو جاتا ہے ، اس سے واضح طور پر عوام میں رائج نحوست سے متعلق تمام نظریات کی تردید ہو جاتی ہے ۔

نحوست کی اصل وجہ گناہ اور نافرمانیاں ہیں :-

البتہ یہ یاد رکھیں کہ نحوست صرف اور صرف گناہ اور بد اعمالی میں ہے ، ساری نحوستیں اللہ کی نافرمانی کے نتیجے میں پیدا ہوتی ہیں ، افسوس کہ آج کا مسلمان دنوں ، مہینوں اور چیزوں کو نحوست زدہ قرار دے کر ان سے تو گریز کر لیتا ہے لیکن اللہ کی نافرمانیاں نہیں چھوڑتا جو کہ نحوست کی اصل وجہ ہے ! ! جھوٹ ، دھوکہ ، غیبت ، بد نظری ، خیانت ، ناچ گانے ، بے حیائی ، مخلوط تقریبات ، ہندوانہ رسومات ، شادی بیاہ کی ناجائز خرافات ، غیروں کی نقالی اور حرام خوری سمیت بہت سی اللہ کی نافرمانیاں عام ہو چکی ہیں ، یہ اصل سبب ہے نحوست کا !! شیطان نے نحوست کے حقیقی اسباب و وجوہات ہماری نگاہوں سے پوشیدہ کر لی ہیں جن میں ہم مبتلا ہیں ، اور الله کو ناراض کر کے عذاب اور بربادی کا سامان مہیا کیے جاتے ہیں !! آج ہم بے بنیاد توہمات اور تصورات کی وجہ سے تو خوف کا شکار ہو جاتے ہیں لیکن گناہوں کی وجہ سے خوفزدہ نہیں ہوتے !! آج اپنی سیاہ کاریوں کی طرف توجہ ہی نہیں دیتے کہ ان کی وجہ سے ہم کتنے سنگین عذاب بھگت رہے ہوتے ہیں ! ! شیطان نے ہماری نافرمانیوں کو کس قدر مزین کر کے پیش کیا ہے !! اس قدر شیطان نے گناہوں کی سنگینی دلوں سے مٹادی ہیں کہ اللہ کی نافرمانی کس قدر ہلکی چیز تصور کی جاتی ہے

یہ یاد رہے کہ دنیا کی ساری نحوستیں اور بربادیاں الله تعالی کی نافرمانی کے نتیجے میں وجود میں آتی ہیں ، جبکہ ساری برکتیں اور کامیابیاں تقوی یعنی گناہوں سے بچنے کے نتیجے میں نصیب میں آتی ہیں ۔

یہ تمام تر توہمات اور بد شگونیاں بلا دلیل ہیں :-

جب ایک نظریہ اور تصور قائم کیا جاتا ہے تو اس کے لیے کسی معقول اور معتبر دلیل کا ہونا ضروری ہے جس کی بنیاد پر اس تصور اور خیال کی عمارت کھڑی کی جا سکے ، لیکن جو باتیں کسی معتبر دلیل سے ثابت نہ ہوں تو ان کی خوبی یہی ہے کہ انھیں ہر گز قبول نہ کیا جائے بلکہ انھیں بالکلیہ مسترد کیا جائے ، یہی حال ان تمام تر بد شگونیوں ، بد فالیوں ، توہمات اور صفر سے متعلق نحوست کے خیالات کا بھی ہے کہ یہ سب بلا دلیل ہیں ، اس لیے یہ اس قابل ہیں کہ انھیں مسترد کر دیا جائے کیوں کہ مسلمانوں کے نظریات اور تصورات یوں ہی بے بنیاد اور منگھت نہیں ہوا کرتے ۔

یوم بزرگ (گرینڈ پیرنٹس ڈے) کیا ہے اسے کیوں منایا جاتا ہے : آغاز, تاریخ ، اصلیت اور اہمیت

noreply@blogger.com (Aj ki Duniya Urdu) — Sun, 12 Sep 2021 12:14:00 +0000

یوم بزرگ (گرینڈ پیرنٹس ڈے) : جسے ہم اور آپ عالمی یوم بزرگ کے نام سے بھی جانتے ہیں , یہ دن بچوں اور گھر کے بزرگوں جیسے دادا دادی و نانا نانی کے مابین تعلقات استوار کرنے کا دن ہے اور یہ دن ہمیں مختلف نسلوں کے درمیان رابطے کو برقرار رکھنے کی یاد دلاتا ہے۔

گھر کے بزرگ جیسے دادا دادی نانا نانی ہماری زندگی میں پیار اور حکمت کا خزانہ ہیں۔ لیکن ہم اکثر ان کا شکریہ ادا کرنا یا ان کے ساتھ زیادہ وقت گزارنا بھول جاتے ہیں جو انہوں نے ہمارے لیے کیا ہے اس کے بدلے میں ۔ تو کیوں نہ ایک ایسا دن ان سے اپنے رشتے استوار کرنے کے لئے مقرر کیا جائے جس میں گھر کے بچے اپنے بزرگوں کو منائیں اور ان کے ساتھ محبت کا اظہار کریں ؟ یہ دن ہر سال یوم مزدور کے بعد پہلے اتوار کو منایا جاتا ہے۔ اس سال یہ 12 ستمبر کو ہے دادا دادی کا دن اپنے بزرگوں کے ساتھ اچھا وقت گزارنے کا مناسب وقت ہے۔

یوم بزرگ (گرینڈ پیرنٹس ڈے) تاریخ

یوم بزرگ ہر سال لیبر ڈے کے بعد پہلے اتوار کو منایا جاتا ہے ، جو ستمبر کا دوسرا اتوار بھی ہے۔ اس سال یہ 12 ستمبر کو منایا جا رہا ہے۔

یہ دن مختلف ملکوں میں مختلف دنوں میں منایا جاتا ہے کہیں اگست کے چوتھے ہفتے میں اور کہیں اکتوبر اور جولائی میں, پاکستان میں یہ دن اکتوبر کے آخری ہفتے یعنی 28 اکتوبر تک منایا جاتا ہے ,

یوم بزرگ (گرینڈ پیرنٹس ڈے) کی تاریخی حقیقت :

یوم بزرگ کی کہانی ایک 9 سالہ لڑکے رسل کیپر سے شروع ہوتی ہے ، جس نے 1969 میں امریکہ کے صدر رچرڈ نکسن کو ایک خط بھیجا تھا۔جس می صدر امریکہ سے یہ مطالبہ کیا ہے ان کے لئے ایک ایسا دن مقرر کر دیا جائے جس میں وہ اپنے جاندان کے بزرگوں کا شکریہ ادا کیا کریں یہ صدر کو 12 جون 1969 کو مل گیا , اس کے بعد اس کے تعیین کے لئے کارروائی شروع کی گئی , 1977 میں سینیٹرز نے سینیٹ کو ایک مشترکہ قرارداد منظور کی اور صدر سے درخواست کی کہ وہ دادا دادی کے قومی دن کو الگ رکھیں۔ کانگریس نے قرارداد منظور کی۔ 1978 میں صدر جمی کارٹر نے اس اعلان پر دستخط کیے۔ پہلا قومی یوم بزرگ یعنی دادا دادی کا دن 10 ستمبر 1978 کو منایا گیا۔

یوم بزرگ یعنی دادا دادی کا دن: اہمیت

بہت سے خاندانوں میں جہاں دونوں ہی والدین باقاعدہ نوکری کرتے ہیں ،وہاں دادا دادی ہی بچے کی نشوونما کو سنبھالتے ہیں ۔ وہ نہ صرف بچے کی جسمانی تندرستی کی دیکھ بھال کرتے ہیں بلکہ بچے کی ذہنی اور روحانی نشوونما بھی کرتے ہیں۔ تاہم ، بہت سے بچے ، جب بڑے ہو رہے ہوتے ہیں ، اپنے دادا دادی کا شکریہ ادا کرنا بھول جاتے ہیں اور ان محنت خاطر میں نہیں لاپاتے, دادا دادی کا دن ان کا شکریہ ادا کرنے اور ان کی وجود کی تعریف کرنے کا دن ہے۔ یہ بین النسل مواصلات کو بڑھانے کا دن بھی ہے۔

کسان آندولن اور ہندوستانی مسلمان : مفتی نصر اللہ ندوی

noreply@blogger.com (Aj ki Duniya Urdu) — Thu, 09 Sep 2021 17:18:00 +0000

عزم وحوصلہ،جراءت وہمت اور عزت وسربلندی کی تمناء،یہ وہ صفات ہیں،جو کسی بھی قوم کو قربانی اور جفا کشی پر آمادہ کرتی ہیں،اور ہمہ وقت اس کو متحرک رکھتی ہیں،کسانوں کا موجودہ آندولن ،اس کی نمایاں مثال ہے،نو مہینہ سے مسلسل کسان محاذ پر ڈٹے ہیں،حکومت کے ظلم وستم کے باوجود ان کے عزم وحوصلہ میں کمی نہیں آئی ہے،ان کے سامنے ایک ہدف اور مقصد ہے،جس کو حاصل کرنے کیلئے وہ جان کی بازی بھی لگانے کو تیار ہیں،ان کی فطرت میں خوداری ہے،وہ حکومت سے بھیک نہیں،اپنا حق چاہتے ہیں،ان کے اندر فراست ہے،وہ حکومت کی ہر چال کو اچھی طرح سمجھتے ہیں اور اس کے ہر وار کو،شعور کی ڈھال سے ناکام کر دیتے ہیں،ان کے اندر جراءت وہمت ہے،شجاعت وبہادری کی صفات سے آراستہ ہیں،وہ گیدڑ کی بھبھکیوں سے نہیں ڈرتے اور نہ ہی،وردی کے رعب کو خاطر میں لاتے ہیں،سنگینوں کے سایہ میں بھی،وہ کلمہ حق بلند کرتے ہیں،سب سے بڑھ کر یہ کہ وہ عزت وسربلندی کے ساتھ جینے کا ہنر جانتے ہیں،اگر کوئی ان کی عزت نفس کو ٹھیس پہونچاتا ہے،تو اس سے نمٹنے کا سلیقہ بھی جانتے ہیں

اس کی تازہ مثال کرنال کا واقعہ ہے،جہاں 28 اگست کو ایک مظاہرہ کے دوران وہاں کے ایس ڈی ایم نے کسانوں کا سر پھوڑنے کا حکم دیا،پولیس نے کئی کسانوں کے سر پھوڑ دیئے،ایک کسان کی موت بھی ہو گئی،جیسے ہی ایس ڈی ایم کا ویڈیو وائرل ہوا،ایک طوفان برپا ہو گیا،ہر طرف سے اس کی مذمت ہونے لگی،کسانوں نے کہا کہ یہ ایس ڈی ایم طالبانی کمانڈر جیسا ہے،اس کے خلاف اگر ایکشن نہیں لیا گیا،تو ایک بار پھر ہم سڑکوں پر اترنے کیلئے مجبور ہوں گے،ہریانہ سرکار نے ان کے مطالبوں کو اہمیت نہیں دی،چنانچہ کسانوں کی غیرت بھڑک اٹھی اور انہوں نے کرنال پر ہلہ بول دیا، پولیس فورس کی تعنیاتی کے باوجود، ہزاروں کی تعداد میں انہوں نے منی سکریٹریٹ کو گھیر لیا،اور دون سے ڈٹے ہیں،انہوں نے حکومت ہریانہ کو دوٹوک انداز میں بتا دیا ہے،کہ جب تک ایس ڈی ایم کو معطل کرکے اس پر مقدمہ درج نہیں ہوگا،وہ پیچھے ہٹنے والے نہیں ہیں،کسانوں کی ضد کی آگے حکومت بے بس نظر آرہی ہے،گفت وشنید کے باوجود بات بنتی ہوئی نظر نہیں آرہی ہے،حکومت کی نیت میں کھوٹ صاف نظر آرہا ہے،وہ کسی بھی حال میں افسر کو بچانا چاہتی ہے،حکومت کے منافقانہ رویے سے کسانوں میں زبردست اشتعال ہے،وہ حکومت کو یہ احساس دلانا چاہتے ہیں کہ کسانوں کا خون مسلمانوں کی طرح ارزاں نہیں ہے،کہ ہندتو کا کوئی جنونی، سر پھرا،جب چاہتا ہے سر راہ مسلمانوں پر حملہ کردیتا ہے،کبھی قتل کی کوشش کرتا ہے،کبھی داڑھی نوچ لیتا ہے،اور کبھی جے شری رام کا نعرہ لگانے کیلئے مجبور کرتا ہے،کان پور،اندور،اجین اور اجمیر کے تازہ واقعات اس کا واضح ثبوت ہیں،لیکن کہیں سے احتجاج کی مؤثر اور طاقتور آواز بلند نہیں ہوئی،جنتر منتر پر کھلے عام دن دہاڑے،مسلمانوں کو کاٹنے کا نعرہ لگایا گیا،لیکن کسی مسلمان کی رگ حمیت نہیں پھڑکی،البتہ کچھ انصاف پسند برادران وطن ٹویٹر پر زبردست مہم چلائی ،تب جاکر خانہ پری کیلئے ایف آئی آر ہوئی،

یہ صورتحال نہایت افسوسناک ہے،ایسا لگتا ہے کہ مجموعی اعتبار سے پوری قوم نفسیاتی طور سے سراسیمہ اور دہشت زدہ ہو گئی ہے،یہ بہت ہی خطرناک علامت ہے،اگر کسی قوم کے اندر ذلت وپستی اور شکست خوردگی کا احساس مجموعی طور سے ہوجائے،تو وہ چیلنجوں کا سامنا کرنے کیلئے لائق نہیں رہتی،بلکہ سر اٹھا کر جینے کا حوصلہ ہی کھو دیتی ہے،تاہم ہمیں مایوس ہونے کی ضرورت نہیں ہے،مایوسی کفر تک پہونچا دیتی ہے،تاریخ میں مسلمان اس سے زیادہ آزمائش اور خوف کے ماحول سے گزر چکے ہیں،ضرورت اس بات کی ہے کہ ،ہم اپنے عمل کا جائزہ لیں،اپنے کردار کو مثالی بنائیں اور اپنے دلوں میں ایمان ویقین کی ایسی شمع روشن کریں،کہ اس کی تپش سے باطل خاکستر ہوجائے،یقینا فتح وکامرانی ہمارا مقدر بنے گی۔۔فقط۔۔

تجزیہ کار : مفتی نصر اللہ ندوی