کشش الرجال

خفیہ خود پسند، ڈھکے چھپے ، نرگسیت کا شکار افراد کی نشانیاں - تیسری قسط - Covert Narcissist

noreply@blogger.com (زوہیب اکرم) — Fri, 24 Jul 2020 10:22:00 +0000

برملا خود پسند اور خفیہ خود پسند افراد کی فطرت کا بنیادی فرق

یہ بنیادی طور پر تو ایک ہی خمیر سے اٹھے ہوتے ہیں ، اس خمیر کو "توجہ کے بھوکے " کہا جا سکتا ہے ۔ اس کے علاوہ بھی ، ان میں ، بہت سے خصائل مشترک ہیں ، لیکن دلچسپ بات یہ ہے کہ ، برملا خود پسند ، اور خفیہ پسند ، اپنی اس ، توجہ کی بھوک ، اٹینشن سیکنگ، احساس برتری ، خبط عظمت ، والی فطرت کا اظہار ، بہرحال ، بلکل الٹ طریقے سے کرتے ہیں

یعنی ، برملا خود پسند ، یا کھلا پسند ، ڈھٹائی سے اس بات کا طالب ہوتا ہے کہ ، اسے توجہ کا مرکز بنایا جائے ، اسے اہمیت دی جائے ،

جب کہ ، خفیہ خود پسند اس کے مکمل الٹ ، ری ایکٹ کرتا ہے ، اس کے بالکل متضاد انداز میں ، توجہ کا طالب ہوتا ہے

وہ متضاد انداز

Playing Victim

یعنی مظلومیت کا رونا دھونا ، ہر وقت ، یہ ظاہر کرنا کہ ، وہ جس توجہ اور تعریف کا مستحق ہے ، اسے وہ نہیں ملی ، کوئی اس کو نہیں چاہتا ، کوئی اس کی کوششوں کو ، نہیں سراہتا ( جب کی ان کی کوششیں ، اکثر ، محض ، زودرنجی کی ہوتی ہیں ) ۔

گویا برملا خود پسند ، کہتا ہے مجھے عزت دو

خفیہ خود پسند ، یہ کہہ کر ، عزت لیتا ہے کہ ، مجھے کوئی عزت نہیں دیتا۔

برسبیل تذکرہ یہاں ،ایک بات کہتے چلیں کہ ، نارملی ، جو انٹرو ورٹ ہوتے ہیں ، یعنی اپنے آپ میں مگن ، وہ افراد، اچھے سامع ہوتے ہیں ، اور واقعتا سنتے ہیں ، توجہ دیتے ہیں ، حاضر رہتے ہیں ، گفتگو میں ، حصہ لیں یا نہیں ، لیکن ، سب نوٹ کرتے ہیں ، اس کے بجائے ،اگر ہم ، خفیہ مظلوم / خود پسند کو دیکھیں تو ، یہ ایسا نہیں کرتا ، یہ محض اپنی سوچوں میں مگن ، رہتا ہے ، جان بوجھ کر ، شعوری طورپر ، خود میں گم رہتا ہے کہ اسے کسی کی بات نہ سننی پڑے ، کیوں کہ ، یہ ، دوسروں میں نہ دلچسپی رہتا ہے ، نہ ان کی سننا چاہتا ہے ، کیوں کہ ، یہ اپنے احساس برتری / خبط عظمت میں ، دوسروں کو ،

غیردلچسپ یعنی بورنگ سمجھتا ہے ، یا پھر ، اس کے ذہن میں ہر وقت ، دوسروں کا تاثر، ایسا رہتا ہے کہ جیسے دوسرے اس کو اگنور کر رہے ہوں ( کیوں کہ ، اس نے مظلوم بن کر کھیلنا ہوتا ہے )۔

یہی وجہ ہے کہ یہ جان بوجھ کر دوسرے کی باتوں ،گفتگو پہ توجہ نہیں دیتا۔ اور یہ شو کرتا ہے کہ ، وہ بور ہیں ۔

جب کہ ، جو ، برملا خود پسند یا کھلے عام نرگسیت کا اظہار کرنے والا ہوتا ہے وہ ، حاکمیت جتا کر ، زور زبردستی اپنا ، رستہ بناتا ہے ، اس کے برعکس ، خفیہ ، نرگسیت/خود پسندی کا شکار ، فرد ، ہمیشہ

Passive Aggressive

ٹیکنیک آزماتا ہے ،

Passive Aggressive

یعنی مفعول مشتعل پر ، ایک تفصیلی تحریر ، انہیں صحفات میں چھپ چکی ہے ۔۔ مختصرا یہ کہ ،
Passive Aggressive

کا مطلب ہوتا ہے کہ ، برملا غصے کا اظہار ، اس لیے نہ کرنا کہ ،امیج خراب نہ ہو ، اور کام سارے وہی کرنا ، جس سے منفیت پھیلے، یعنی عدم تعاون ، جیلیسی ، کام میں روڑۓ اٹکانا ، بس ، کرنا اس طرح کہ ، عام افراد کو محسوس نہ ہو ، کیوں کہ اگر کھلے عام ایسا کیا تو ،
Passive Aggression

کا شکار شخص کا امیج خراب ہوجائے گا ،

Covert Narcissist

بھی اسی ٹیکنیک سے کام لیتا ہے ، کیوں کہ ، اس نے مظلوم بھی پلے کرنا ہوتا ہے ، اگر کھلے عام منفیت یا اشتعال کرے گا ، تو مظلومیت چاک ہوجائے گی ، اسلیے وہ

Passive Aggressiion

سے کام لیتا ہے ۔

ایسے موقعوں پر ان کا رویہ کچھ یوں ہوجاتا ہے

یہ بظاہر ، تعاون کا یقین دلاتے ہیں ( امیج خراب نہ ہو اس لیے )

لیکن ، کام کے وقت ، یہ بھول جاتے ہیں ۔

دیر کردیتے ہیں
ایسا اظہار کرتے ہیں کہ ، ایسا کوئی کام انہیں کہا ہی نہیں گیا تھا۔

یاد رکھئیے ، خبط عظمت ، خودپسندی / نرگسیت کاشکار ، ہر شخص

Manipulative یعنی مکار (مکر کرنے والی) ذہنیت رکھتا ہے ۔بس فرق یہ ہوتا ہے کہ ، جو برملا اظہار نہیں کرتے ، وہ ، خفیہ خود پسند کہلاتے ہیں ، وہ ، اپنی پوٹلی میں ، خود ترسی باندھے رکھتے ہیں ، بجائے کھلے عام ، اپنے سرپر ، برائی لینے اور اپنا امیج خراب کرنے کے ، یہ اندر ہی اندر ، موجود جیلیسی کو اپنا ایندھن(جو مکر کرنے کے لیے درکار ہوتا ہے ) ۔

بناتے رہتے ہیں ۔

خفیہ خود پسند، ڈھکے چھپے ، نرگسیت کا شکار افراد کی نشانیاں -دوسری قسط - Covert Narcissist

noreply@blogger.com (زوہیب اکرم) — Fri, 24 Jul 2020 09:38:00 +0000

یہ نہیں سمجھ پاتےیا سمجھنا نہیں چاہتے کہ ان کا مخاطب ، تمہاری طرح، ٹیلی پیتھی(ذہن پڑھنے کی صلاحیت) سے واقف نہیں، اس سے اگر کچھ درکار ہے ، تو ، منہ سے بول کر ، اظہار کر کے ، کہنا پڑے گا ، خود سے کوئی کچھ نہیں سمجھتا ، ان کے تعلقات کی بربادی کی ایک بڑی وجہ ، منہ سے اظہار نہ کرنا ہوتا ہے ۔

(یہ چیز ، عموما خواتین میں زیادہ پائی جاتی ہے ، پر محض اس خصلت کی وجہ سے ، اسے ، نارسسزم کا شکار نہیں کہا جاسکتا ، کیوں کہ ، خواتین موڈ سوئنگز کے چکر میں یہ کررہی ہوتی ہیں ، اور ، مرد ، انا کو لے کر۔

اس لیے محض ، اس ایک ، عادت سے آپ کسی پر ، خفیہ نارسززم کا ٹھپہ نہیں لگا سکتے ۔ بہرحال ، ایک طرف تو ، اظہار کے معاملے میں ، ان کی یہ روش ہوتی ہے ،

دوسری طرف، ان کے اپنے دماغ کا یہ حال ہوتا ہے کہ ،یہ

بار بار کہنے /مطالبے /چاہت کے اظہار ، کے باوجود ,سامنے والے کو درخور اعتناء نہیں سمجھ رہے ہوتے ,

،اس کی خواہش پوری نہیں کر رہے ہوتے.

لیکن، چاہتے یہ ہیں کہ، سامنے والا ان کی خواہش کو بغیر کہے ہی پورا کردیں ،

لیکن جب مخاطب کوئی مطالبہ‌کرےتو یہ‌چاہتے ہیں ،کہ بار بارکہا جائے ، کیونکہ اس سے ان کو تسلی ملتی ہے کہ کوئی ان سے کسی چیز کاطالب، اس سے ، ان کے خبط عظمت کو مزید ، تسکین ملتی ہے ۔

ان نشانیوں کے حامل افراد ،

خفیہ‌ہی سہی پر،

NPD

یعنی ،
Narcissistic Personality Disorder

کا‌شکار ہوتے ہیں، یہ لوگ بھی اپنی ذات پر مرکوز ہوتے ہیں۔اپنی ہی شخصیت کے گرد ، گھومتے رہتے ہیں ، اپنی فطرت کو محور بنائے رکھتے ہیں ، یہ افراد بھی

کھلے عام ، خود پسندی کا مظاہرہ کرنے والے ، نرگسیت کا شکار ،افراد کی طرح اپنے لئے خصوصی سلوک کے متقاضی ہوتے ہیں۔

اور اکثر محسوس کرتے ہیں کہ دنیا نے ان کو وہ سب کچھ نہیں دیا جس کے یہ مستحق تھے یہ،، یہ ان کی انفرادیت کو پہچان کر اس کی تعریف نہیں کی۔

ان میں سےبعض ، خود کو مظلوم گردانتے ہیں،اور‌کچھ شہید (انگلی کٹا کر)، یعنی ، بہت کم ، کام /عملی محنت کا بہت زیادہ نتیجہ ، تعریف ، اور معاوضہ /کریڈٹ ، چاہتے ہیں ، چونکہ ، یہ ایک ذہنی عارضہ ہے کہ ، تو یہ ہم میں سے کسی کو بھی ، لاحق ہو سکتا ہے ، اور ایسے افرا د ،ہر قسم کے شعبہ ہائے زندگی سے متعلق ، ہو سکتے ہیں ،

یہ ، خداترس ، انسان دوست ، فلاحی کام کرنے والے ، بھی ہوسکتے ہیں ۔

یہ مذہبی لبادہ پہنے ، کوئی روحانی شخصیت بھی ہو سکتے ہیں

یہ کسی بھی ایسے شعبے سے متعلق ، بھی ہوسکتے ہیں ، جو بظاہر ، انسانیت /فلاح بہبود کا کام کرتا ہو۔

حتی کہ ،یہ ، واقعتا ، مدد /کئیر کرنے والے ، لگیں گے ، کیوں کہ ، ان کی ایک ضرورت ہوتی ہے ، لوگ انہیں پہچانیں ، ان کی پذیرائی ہو ۔لوگوں کے دل و دماغ پر ان کی حکومت ہو ( کسی طور ہی سہی ) ، ایک فخریہ قسم کی انا پسندی ان میں پائی جاتی ہے ، جس کو چھپانے کے لیے ، یہ ، انتہائی ، عاجز اور انکسار ، فرد کا روپ بھی دھار سکتے ہیں ۔

حتی کہ ، مدد کے نام پر ، یہ پراجیکٹ ، یا معاملات کا ، کنٹرول بھی اپنے ہاتھ میں لینے سے گریز نہیں کرتے، خواہ ان سے مدد کے لیے ، کہا بھی نہ گیا ہو ، کیوں کہ ، انہیں ، اپنی راجدھانی چلانی ہوتی ہے ، اس وجہ سے مد د کے نام پر ، یہ ، ٹیک اوور کرلیتے ہیں -

یہ اپنے تئیں ، بہت ، برتر ، اخلاقیات سے بھرپور ، حق کے علم بردار ، ہوتے ہیں ،یا پھر ، ان کا موقف کچھ اس طرح کا ہوتا ہے کہ

کہ دیکھو میں نے سماج میں ، تعلقات میں ، معاملات میں ،کیا کیا ، کانٹری بیوٹ کیا ہے ، انفرادی ہو یا اجتماعی ، میری ہی کوششوں کے مرہون منت ہے ، پر ، اور بدلے میں مجھے کیا ملا ہے ؟ اذیت اور ذلت ، منفیت ۔۔ اس کے باوجود بھی میں اپنی کوششیں ، سماج سدھار کام نہیں چھوڑوں گا ( وہی انگلی کٹا کر ، شہادت کا پرچار)۔

خفیہ خود پسند، ڈھکے چھپے ، نرگسیت کا شکار افراد کی نشانیاں - پہلی قسط - Covert Narcissist

noreply@blogger.com (زوہیب اکرم) — Fri, 24 Jul 2020 08:47:00 +0000

عین ممکن ہے، کہ آپ کسی خفیہ خود پسند کے ساتھ زندگی گزار رہے ہو،چونکہ ان کی نرگسیت کھلی ہوئی نہیں ہوتی ،تو ،آپ کے بیوقوف بننے کا‌چانس زیادہ ہے،کیونکہ یہ خفیہ خود پسند، اندر خانے بالکل،‌کھلے خود پسند‌جیسے ہوتے ہیں،

بس طریقہ‌واردات مختلف‌ہوتا ہے۔

نرگسیت اور خود پسندی کی عمومی نشانیوں پر مشتمل ،گزشتہ مضمون میں

میں بتایا گیا تھا کہ ، ، کہ نرگسیت /خود پسندفردکی بہت سی، تہیں ہوتی ہیں،اس لیے یہ اپنی خود پسندی کو جھجھک اور شرمیلے پن سے ڈھانپ سکتے ہیں۔

مثلا، ایسا شخص جو کھلے بندوں نرگسیت کا شکار ہو،وہ بارہا یہ‌ظاہر کرے گا کہ‌وہ‌ناگزیر‌ہے۔

بے شرمی اورڈھٹائی کے ساتھ، گفتگو کا رخ بار بار ،خود کی طرف موڑے گا۔

اس کے برعکس،

خفیہ نرگسیت زدہ ، اندر سے ایک مشتعل اور کینہ پرور، بدمعاش ہوسکتا ہے ، یا پھر،ایک چھپا‌ہوا، پلے بوائے ہو/ ایک‌متکبر ڈکٹیٹر بھی،اور تو اور

'میں سب جانتا ہوں'

والی ذہنیت کا شکار بھی۔

۔اور ضروری نہیں ہے کہ وہ اپنی ان سب خصلتوں کا اظہار ، سرعام‌کرے۔

کچھ شوبز شخصیات یا عوامی نمائندے ، کھلے خود پسندہوسکتے ہیں

انہیں، توجہ کی حرص ہوتی ہے، انہیں خبط عظمت لاحق ہوتا ہے۔

ایک تحقیق کے مطابق، شوبز جیسے شعبے میں، نارسسزم (خود پسندی کا‌ذہنی‌عارضہ) نہ‌صرف، قابل قبول ہے بلکہ اسے ضروری سمجھا جاتا ہے۔

کھلے عام ، نرگسیت اور خود پسندی کا اظہار کرنے والے ، افراد پر، گذشتہ مضمون میں ، سیر حاصل گفتگو ہو چکی –

آج تذکرہ کریں گے، خفیہ قسم / چھپے ہویے، نرگسیت زدہ افراد اور اس ذہنی‌عارضے سے متعلق علامتوں کا۔

خود پسندی کے ذہنی عارضے کی،مختلف‌اقسام‌ہیں جن میں سے ایک

Covert narcissist

بھی ہے

جسے

Closet Narcissist

بھی کہا جاتا ہے۔

یہ کوئی بھی ایسا شخص ہو سکتا ہے، جو ادراک اور خود شناسائی سے مکمل خالی ہوتا ہے ،اسے بخوبی معلوم‌ہوتا ہے کہ وہ‌پست اور حقیر ہے،

یہ کسی بھی طرح کے اظہار یا غصے کے کھلے اظہار سےڈرتے ہیں

،اسی لئے نہیں کہ، بڑے بردبار ہوتے ہا ،بلکہ اس لئے کہ یہ،اپنا تاثر/امپریشن ، دوسروں کی نظروں میں ،

صاف رکھنا‌چاہتے ہیں۔

یہ کھلے خود پسندوں کے برعکس، ‌‌بظاہر،سنجیدگی‌/خاموشی کے‌ خول میں بند رہتے ہیں ، جس کی وجہ سے،زیادہ تر مظلومیت ،مردار جذبات، عنقا گرمجوشی، ان‌کی شخصیت پہ‌چسپاں ہوتی ہے۔ اسی وجہ سے منفیت اور ڈپریشن سے گھرے رہتے ہیں۔

انہیں یہ، محسوس ہوتا ہے کہ ،سب کچھ برباد ہو رہا ہے، سب کچھ تباہ ہو رہا ہے، ان کے گرد، تعلق ، رشتے ، معاملات، بکھر رہے ہیں ۔

یہ بہت منفی اور المیاتی کیفیت کا شکار رہے ہیں۔

اور ،چونکہ یہ خفیہ،نرگسیت/خود‌پسند‌ہوتے ہیں، اس لیے ان کو جانچنا بہت مشکل ہوتا ہے

ہو سکتا ہے آپ کو یہ ،شرمیلے/باوقار/بامروت لگیں،

اسی لیےان‌کو سرسری گفتگو/تعلق میں مارک (نشاندہی )‌کرناہر کسی کے بس کی بات نہیں۔

یہ اتنے کم ہمت ،انا پرست، منفی اور بزدل ہوتے ہیں کہ اپنی ،جائز خوشی کا اظہار بھی براہ راست نہیں کرتے، حتی کہ، اس شخص سے بھی نہیں، جس سے یہ حقیقتا خوش ہوں یا اس کی تعریف کرنا چاہتے ہوں۔

یہ‌ہر‌عمومی چیز/بات کو اپنی ذات پر لے جاتے ہیں۔

انہیں ،خود پر اعتماد ہوتا ہے, نہ دوسروں پر۔

اور نہ ہی ان پر اعتماد کیا جا سکتا ہے.

یہ، اندرونی طور‌ پر، اس کیفیت کا شکار رہتے ہیں کہ، ان کے ساتھ ناروا سلوک کیا جارہا ہے۔

ان کی تعریف نہیں کی جا رہی۔

انھیں کوئی سمجھ نہیں رہا۔

جبکہ یہ خواب دیکھتے رہتے ہیں، کہ ایک دن عظمت نصیب ہوگی ،اسی نشے یا نفسیاتی عارضے میں، دیکھے گئے، خود‌فریب/بے عمل خواب کے چکنا چور ہونے کے بعد یہ حیران ہو کر سوچتے ہیں کہ۔

ان کی تعریف کیوں نہیں ہو رہی،

لوگ ان کو سمجھ کیوں نہیں رہے

ان کی ایک‌نشانی‌یہ‌بھی ہے کہ

سامنے والے سے یہ امید رکھتے ہیں، کہ وہ ان کے کہنے سے پہلے یا، بغیر کچھ کہے ہی، ان کی بات جان‌اور سمجھ لے۔

گویا کہ مخاطب سے ٹیلی پیتھی(ذہن پڑھنے کی صلاحیت) کی مہارت کی امید لگائے بیٹھے ہوتے ہیں -

اور پھر اگر ،ان کو، ان کی، متوقع چیز نہ ملے، نہ ہی، کسی طور ، ہم آہنگی بن سکے تو ، ،یہ برا مانتے ہیں کہ

وہ تو کچھ سمجھتا/سمجھتی ہی نہیں،

اب اسے ہر‌چیز‌کہنی کیوں پڑتی ہے، وغیرہ وغیرہ ،

خود پسندی کے نفسیاتی عارضے کا شکار، نفسیاتی مریض کی نشانیاں - NPD - Narcissistic Personality Disorder

noreply@blogger.com (زوہیب اکرم) — Thu, 16 Jul 2020 12:23:00 +0000

غرور اور سرکشی ۔

خود پسندی کا شکار ، افراد ، بہت اعلی اور عظیم ہونے کا ڈرامہ ضرور کرتے ہیں ، لیکن ، اپنے اندر کہیں یہ جانتے ہیں کہ ، یہ حقیر ہیں ، انہیں ، اپنے کم مایہ ہونے کے بارے میں پتہ ہوتا ہے ۔یہ دوسرے لوگوں کی رنگ و نسل ، ذات پات ، اور فرقوں پر ، مستقل ،تمسخر برسا کر ، انہیں ، حقارت کی نظر سے دیکھتے ہیں ۔

نوٹ کیجئے کہ یہ ، ویٹر ، دربان وغیرہ سے کس طرح کا سلوک کرتے ہیں ۔

جب کہ ، اپنے سے اوپر والے/ متاثر کن اور بلند عہدوں والے افراد کے نیچے لگے رہتے ہیں ۔

یہ ، انفرادی طور پر بھی ، لوگوں کو طعن تشنیع کا نشانہ بناتے ہیں ، اور صرف ، ان کی خدمات کو ہی ، ڈی گریڈ نہیں کرتے ۔ بلکہ ان کی تنقید ، ہمیشہ ، تلخی ، رسوائی ، اور ذلت کا رنگ لیے ہوئے ہوتی ہے ۔

کبھی کبھار یہ لوگ ، ایسی حرکتیں ، اضطراری طور پر ، کھلے غصے کے اظہار کے طور پر کرتے ہیں ، اور اکثر، خفیہ اشتعال انگیزی ( تاکہ ان کا امیج بھی خراب نہ ہو ۔

روایتی طور پر ، انہیں یقین ہوتا کہ ، یہ ، ناقابل شکست ہیں ، اور ، گفتگو میں/اختلافات میں ، یہ ہمیشہ ہی ٹھیک ہوتے ہیں ۔

دوران گفتگو ان کا اندازہ ، ہمیشہ سے ، تفتیشی ہوتا ہے ،یا پھر ، یہ لفظ پکڑ کر ، آپ کے گرد لپیٹ کر ، آپ کو ہی غلط ثابت کرنے کی کوشش میں جتے رہتے ہیں ۔

یہ لوگ نقصان کی / غلطی کی ذمے داری کبھی نہیں لیتے ، ہاں کامیابی کا کریڈٹ ، انہیں بہت مرغوب ہوتا ہے ۔

یہ ، تقریبا نہ ، ہونے کے برابر ، معذرت خواہ ہوتے ہیں ۔

جب کچھ غلط ہوجائے یا ، غلط فہمیاں جنم لے لیں ، تب یہ ، اکثر اوقات دوسروں کو ہی الزام دیتے پائے جاتے ہیں ۔

ان کی خطرناکی ، کئی شکلوں میں ہوتی ہے ، یہ کئی چہرے پہن کر ، بہت سے روپ دھارے ہوتے ہیں ،

کبھی نوٹ کیجئے گا یہ ، اپنے ، ماضٰ کے تعقات کے بارے میں کیسے بات کرتے ہیں

کیا یہ خود کو ، مظلوم گردانتے ہیں ؟

اوراس دوران ، ان کی حالت کیا ہوتی ہے ، کیا یہ غصے سے کھول رہے ہوتے ہیں ؟

نرگسیت کا شکار / خود پسند افراد سے بچیں ۔

یہ چونکہ ، ذہنی عارضہ ہے ، نفسیاتی بیماری ہے ، تو یہ کسی کو بھی لگ سکتی ہے ۔۔

اور تو اگر ، آپ کا کوئی فیملی ممبر ، اس کا شکار ہے ، تو ، زیادہ امکان ہے کہ ، آپ فیملی سے باہر بھی ، دوستوں ، کولیگ ، ریلیشن شپ وغیرہ کے دوران بھی ، ان کا شکار ہوسکتے ہیں ، کیوں فیملی میمبر کے ، خود پسند ہونے کی صورت میں ، آپ کو ، یہ چیز ، نارمل ہی لگے گی ، شناسائی کا ذایقہ ملے گا ، وہی خصائل باہر دیکھیں گے تو، معلوم نہیں ہوسکے گا کہ ، آپ ایک ، خود پسندیا

Narcissistic Personality Disorder

کا شکار ، مریض کے گھیرے میں آنے والے ہیں ۔

اور یاد رکھئیے ، ایک بار آپ ان کے شکنجے میں آگئے ، تو ان کو چھوڑنا آسان نہیں ، حتی کہ ، اگر آپ کا پارٹنر ، نارسسٹ ہے ، تو، ان کو چھوڑنا ، مہنگا پڑ سکتا ہے ، نہ صرف ، خرچے کے لحاظ سے ، بلکہ ، جذباتی طور پر بھی ۔۔دوسری طرف، اگریہ ، آپ کو ، کسی اور سے ری پلیس کردیں ، تب بھی ، آپ ، خود کو ترک شدہ ، ناقابل قبول ، محسوس کر کے ذہنی طور پر ، تباہ ہوجائیں گے ۔

تو بہتر یہی ہے کہ ، یاد رکھیں

NPD یعنی ، Narcissistic Personality Disorder

کا شکار افراد میں ، درج ذیل میں سے ، پانچ نشانیاں ایک ساتھ ، پایا جانا ضروری ہیں ۔

خود کو ، اندھا دھند اور بے جا اہم گرداننا

مستقلا، خود کو ، خوب صورت ، ذہین ، کامیاب ، سوچنا اور اس کا یقین رکھنا۔

خبط عظمت اور ہائی کلاس/ایلیٹ / عالی مرتبہ لوگوں سے خود کو منسوب کرنا ، انہی میں بیٹھک کی کوشش۔

بے جا ، غیر ضروری تعریف /توجہ کے بھوکے ۔

بلاوجہ ، ہر معاملے میں ، حق/استحقاق جتانا۔

دوسروں کو استعمال کرکے ، اپنے مقاصد پورے کرنے کی خواہش۔

مغرور/کسی کوخاطر میں نہ لانے والا رویہ

دوسروں کے جذبات/احساسات/کیفیات/ضروریات کو سمجھنے سے معذور ، اور نہ ہی ، درخور اعتنا ( قابل توجہ) سمجھنا

اگر آپ ، اپنے اطرا ف میں ، کسی بھی شخص ( کوئی بھی رشتہ/تعلق ) ہو ، میں مذکورہ بالا ، نشانیوں میں سے ،کوئی سی پانچ نشانیاں ایک ساتھ دیکھیں تو سمجھ جائیں آپ کا پالا، ایک خود پسند ذہنی مریض سے پڑ چکا ہے۔۔

Narcissistic Personality Disorder - خود پسندی کی نفسیاتی بیماری اور اس کی نشانیاں۔

noreply@blogger.com (زوہیب اکرم) — Thu, 16 Jul 2020 12:15:00 +0000

یاد رکھئیے ،

جذبات کا استحصال /مکر ، یعنی ،
Emotional Manipulation

خفیہ اشتعال

Covert Aggression

، کی ہی ایک شکل ہے ۔

جس کا مقصد ، اپنا امیج ، دنیا کے سامنے ٹھیک رکھ کر ، سامنے والو ں کو ایموشنل بلیک میل کر کے ، اس سے اپنے کام لیتے رہنا ہے ، اور ، یہ خود پسندی کا شکار افراد ، اس کے ماسٹر ہوتے ہیں ۔

ایسے افراد کے بار ے میں
Teddy Bear with a claw

کی اصطلاح استعمال کی جاتی ہے ، یعنی ،اردو میں آپ یوں سمجھ لیں کہ ، شکل پر معصومیت اور،اپنے امیج کی پروا کرتے ہیں لیکن ، موقع ملتے ہی اپنے آپ کو بیک اینڈ پر رکھتے ہوئے ، پنجے مارتے ہیں کہ ، کام بھی ہوجائے ، اور ، ان کا امیج بھی خراب نہ ہو ۔

اکثر ، نرگسیت زدہ افراد کی ایک نشانی یہ بھی ہوتی ہے کہ ، ان کے لیے ، رشتے اور تعلق، محض مشاغل سے زیادہ نہیں ہوتے

۔ ان کے تعلقات میں گرم جوشی عنقا ہوتی ہے ، کیوں کہ ، انہیں ، دوسرے کی کیفیت ، ضرورت اور چاہت کی کوئی پروا نہیں ہوتی ۔

یہی وجہ ہے کہ ،

ان سے متعلق افراد ، ہمیشہ ، خود کو استعمال شدہ محسوس کرتے ہیں ، رشتے کو یک طرفہ محسوس کرنے لگ جاتے ہیں ۔

مزید خطرناک استحصال میں ، جھوٹ ، دھوکا ، شامل ہے

گیس لائٹنگ - Gas lighting

ایک اصطلاح ہے

جس کا مطلب یہ ہے کہ ، اپنے شکار میں ، شعوری طور پر ، اس کا نفسیاتی کنٹرول ہاتھ میں لینے کے لیے ، ، ایسی معلومات جو ، سچ جھوٹ کے آمیزے پر مشتمل ہوں ، اس طرح اس میں بھری جائیں کہ ، وہ اپنی ، یادداشت ، اپنی سمجھ بوجھ ، فہم و ادراک کے بارے میں شک و شہبات کا شکار ہوجائے ، حتی کہ ، وہ واقعات ، ماضی حال ، مستقبل کے تناظر میں چیزوں کو ، دیکھنے کا ، زوایہ ہی بدل لے

،دنیا بھر کی حکومتیں/ایجنسیاں ، فوجی ہوں یا سول/سیاسی ، اپنے مفاد کے لیے ، اپنی اقوام کو ٹرک کی بتی کے پیچھے لگانے کے لیے اس ٹیکنیک کا استعمال کرتی ہیں ، جیسے آپ پروپیگنڈا وار کے نام سے جانتے ہیں ،، یہی کام اگر ، چھوٹے پیمانے پر ہو تو ،
Gas lighting کہا جا سکتا ہے ،

ساس نے بہو کے خلاف ، شوہر کو بھر دیا

شوہرکے سامنے بیوی نے ٹسوے بہا کر ، ساس کو بدنام کردیا

نند کے بھائی کے سامنے ، ٹسوے ،

بیوی کا، اپنی نندوں کے گلے شکوے

اس عمل میں ، شوہر گیس لائٹنگ کا شکار ہو کر ، اگر گلابی ہوجائے ، تو فساد برپا ہوجاتا ہے ۔

مرد افراد ، کاروبار میں دھوکہ دہی کے لیے سچ جھوٹ اور خدا کی قسمیں کھا کھاکر مال بیچنا

حتی کہ ، حلیہ شرعی اور کام شیطانی ۔۔ یہ بھی ، استحصال میں ہی آتا ے ۔

جذباتی /استحصال میں ، گیس لائٹنگ بھی ، نرگسیت زدہ افراد کا ایک مہلک اور خطرناک ہتھیار ہے ۔

حاسد/ کینہ پرور۔

یہ چاہتے ہیں ، صرف ان کی واہ وا ہو ، ان کا کوئی حریف نہ ہو، یہ دوسروں کی کامیابیوں پر خوش ہونے کے بجائے ، ان سے حسد کرنے لگتے ہیں ، جہاں موقع ملتا ہے ، یہ ، اپنے حریف جو کہ ان سے کہیں زیادہ کامیاب ہو ، اسے تاخت و تاراج کردیتے ہیں ، اور ان کی کامیابی، کھا جاتے ہیں ، یہ کہہ کر کہ ، وہ اسی کے مستحق تھے ۔۔اور وہ ، اتنی خوشیوں ، کامیابیوں کےقابل نہیں تھے ۔حتی کہ یہ ، اپنے شریک حیات اور اولاد تک کو ، حریف سمجھ کر ، یہ سب کر گزرتے ہیں ۔یہ محسوس کرتے ہیں کہ ، دوسرے ان پر رشک کرتے ہیں ، ان سے حسد کرتے ہیں ۔ ان کے رویے کی شکایت کی جائے تو یہ ، اس کوشش میں جت جاتے ہیں ، کہ، ان شکایات کو جیلسی کا رنگ دے دیں ، کہ فلاں شخص ، ان سے جلتا ہے ، اس لیے ایسی باتیں کررہا ہے ۔

یہ خبط عظمت کا شکار ہوتے ہیں ، اس لیے ، ان سے جائز تنقید ، یا تنقید برائے اصلاح بھی برداشت نہیں ہوتی ۔

NPD - Narcissistic Personality Disorder -- نرگسیت پسند شخص کی نشانیاں۔

noreply@blogger.com (زوہیب اکرم) — Thu, 16 Jul 2020 11:23:00 +0000

حق/استحقاق جتانا۔

نرگسیت یا خود پسندی کا شکارافراد ، خود کو کائنات کا مرکز سمجھتے ہیں، اس لیے ، ہر چیز /شخص/کیفیت/معاملےپر ، اپنا حق /استحقاق جتاتے ہیں ،

مثلا ان کی سوچیں اپنے بارے میں کچھ یوں ہوتی ہیں

ہم خاص ہیں ، ہم خاص رتبہ رکھتے ہیں ، ہمارے ساتھ ،تھوڑا ہٹ کر ، سلوک ہونا چاہئے ، ہمیں ، سپیشل ٹریٹ کیا جانا چاہئے

۔ہم پر، عام افراد کی طرح ، اصولوں کا اطلاق نہیں ہوتا،یہ منہ سے نہ کہیں ، پر کیفیت /امید یہی رکھتے ہیں کہ ، کہیں آنے جانے کے لیے ، ہیلی کاپٹر، چارٹر طیارہ ، یا کوئی نجی بحری جہاز ان کا منتظر ہو، یہ اپنے تئیں ، بادشاہ ملکہ ہوتے ہیں اور امید بھی یہ کرتے ہیں کہ ، انہیں پریوں ۔شہزادیوں کی طرح ٹریٹ کیا جائے ۔۔ ماورائی پیمانوں پر برتا جائے ۔

اور ہاں ، اگر انہیں کسی معاملے کا ذمے دار ٹھہرایا جائے تو ، پوری دنیا کی غلطی ہو سکتی ہے ، لیکن ، ان کی نہیں ۔

یا پھر ، قانون ہی غلط ہو سکتا ہے ، لیکن یہ نہیں ، ہر صورت حال میں ، ہر دفعہ ، یہ ٹھیک ہوتے ہیں

یہ مظلوم ہوتے ہیں ، قانون غلط ہوتا ہے یاپھر ، ہمیشہ فالٹ دوسروں کا ہوتا ہے ۔

بس ان کی ضروریات فوری طور پر پوری ہونی چاہیں

ان کی پسند کی چیزیں ،ہمہ وقت آپ کی گاڑی یا گھر میں میسر ہوں

یہ ہمیشہ اپنی مرضی اور پسند کے افراد سے ، اپنی ہی چوائس کے ٹائم پر ملنا پسند کرتے ہیں

ایسے شخص کے ساتھ تعلق ، انتہائی تکلیف دہ اوریک طرفہ ٹریفک جیسا ہوتا ہے ۔

نرگسیت کے شکار افراد ، تعلق محض ، اپنی ضروریات پوری کرنے کے لیے بناتے ہیں

، دوسرے فریق کا مقصد ، محض ان کے حکم کی تعمیل ہوتا ہے ۔

جذباتی استحصال کے ماہر – Emotional Blackmailer and Exploiters

یہ والی نشانی اس وقت تک سامنے نہیں آتی جب تک ، آُپ ، کسی ، نرگسیت زدہ شخص کو ، بہتر اورقریب سے نہ جان لیں ۔پر اگر آپ کو یہ محسوس ہونا شروع ہوجائے کہ آپ "استعمال" ہو رہے ہیں ، تو سمجھ جائیے ،

Narcissistic Personality Disorder

کا شکار فرد ، آپ کے جذباتی استحصال کا عمل شروع کر کے ، آپ کو ایکسپلائٹ کرنا شروع کرچکا ہے

گھریلو عورت کے آنسو اور پروفیشنل عورت کی مسکراہٹ پر مت جانا ، برباد ہوجاو گے ،

اس جملے میں ، محض عورت کے آنسو مسکراہٹ پر ہی فوکس نہیں ، بلکہ ، مرد حضرات کی طرف سے ، کی جانے وای ، ایکسپلائٹیشن بھی شامل ہے ، مرد ، عورتوں کی ہمدردیاں حاصل کرنے کے لیے ، پرانی عورت کی برائیاں سناتا ہے ، حتی کہ کچھ احمق ، تو مرد کو بھی برا بھلا کہنا شروع کردیتے ہیں کہ ، یہ بھیڑیوں کا معاشرہ ہے ، عورت کو حقوق نہیں ملتے ، لیکن ، میں ایک فرشتہ ہوں ، وغیره وغیرہ ۔

اکثر، نارسسٹ(خود پسندی کا شکار ) ،خود کومظلوم قرار دینے کے لیے بیویوں کو ، برا بھلا کہتے ہیں حتی کہ ، مرد ہوتے ہوئے ، شادی جیسے انسٹی ٹیوشن سے ہمہ وقت براءت کا اظہار کرتے ہیں ،

اور تو اور ،

نوکری/پروفیشنل فیلڈ میں، ناکامی کا سبب ، ہمیشہ ، باس یا ٹیم پر ڈالتے ہیں ،
ترقی رکنے کا سبب ، اپنی نااہلی کے بجائے ، دوسرے کی اقربا پروری بتاتے ہیں ،
پھر ، گھر کی ذمے داریوں سے بچنے کے لیے ، دفتر کی مظلومیت گھر میں بھی جاری رکھتے ہیں ۔

ایسی بہت سی صورتحال اور کردار ہمارے ار گرد پائے جاتے ہیں ۔جن کا کام ، زودرنجی کر کے ، آپ کو ، اپنے مقصد کے لیے استعمال کرنا ہوتا ہے ۔۔ ایسا نہیں ہے کہ ، ان کے اطراف کے لو گ ، فرشتے ہوتے ہیں ، لیکن ، ایسا بھی نہیں کہ ، یہ ، ابلیست کے گچھے میں اکیلے فرشتے اگ آئے ہیں ۔ ۔

دوسروں کے کیے گئے کام کا کریڈٹ متواتر لیتے چلے جاتے ہیں ۔

خود پسندی کا ذہنی عارضہ اور اس کی نشانیاں ۔ Narcissistic Personality Disorder Signs And Symptoms

noreply@blogger.com (زوہیب اکرم) — Thu, 16 Jul 2020 06:17:00 +0000

خود پسند افراد ، بے حس ہوتے ہیں ۔

کچھ لوگ ، نرگسیت کا شکار نہیں ہوتے ، پھر بھی ان میں ، نرمی /مروت/ اور احساس کی قلت ہوتی ہے ، یہ بات سمجھنے کی ضرور ت ہے کہ ، کسی کو ، نرگسیت کا شکار قرار دینے کے لیے ، ، بے حسی، بہت اہم اور ، حتمی قسم کی خصلت ہے ، اس لیے ایسے شخص کو جانچ لینا چاہئے کہ ، کیا ، اس میں بے حسی کے ساتھ ساتھ ، بے جا ، حق/مان جتانے ، ایمونشل بلیک میلنگ یعنی جذباتی استحصال والی خصلت بھی ہے ؟

کیوں کہ ، یہ تین خصائل ایک ساتھ ہوں ، یعنی ، بے حسی ، بات بات پر خود کو مستحق قرار دینا ، جذباتی استحصال اگر ایک ہی شخص میں موجود ہوں ، تو پھر ،یہ چانس زیادہ ہوتا ہے کہ ، وہ شخص ،
Narcissistic Personality Disorder – NPD

یعنی ، نرگسیت کے ذہنی عارضے کا شکار ہے ۔۔

ویسے تو ، نرگسیت زدگی /خود پسندی کے عارضے کی کم و بیش آٹھ یا نو نشانیاں ہوتی ہیں ، اور ماہرین ، کہتے ہیں کے ، کسی کے اس ذہنی عارضے کی تشخیص کے لیے ، کہ آیا اس کے ساتھ یہ پرابلم ہےیا نہیں ، اس شخص میں ، ، پانچ نشانیاں پائی جانی ضروری ہیں ، تب ہی اسے ، ذہنی عارضہ کہا جاسکتا ہے

(ان، تمام نشانیوں کی تفصیل کا تذکرہ ، مضمون کے دوران ہوتا رہے گا)

نوٹ کیجئے ، اگریہ کوئی ، المیاتی کہانی سنا رہے ہیں ، تو ان کے تاثرات کیا ہیں ، یا پھر آپ کا کوئی غم سنتے ہوئے ، ان کا ری ایکشن کیا ہوتا ہے ۔

اپنی کہانی سناتے ہوئے یہ ، دوسرے سے ، رونے دھونے کی امید کرتے ہیں ، لیکن کوئی دوسرا انہیں اپنا جینوئن پرابلم بتائے تو ٹھٹھا اڑاتے ہیں یا پھر ، ان سنی کرکے ، اپنی بات کرنا شروع کردیتے ہیں ۔

مثلا ، اگر آپ ان سے کہیں گے کہ ، میں تم سے ملنے نہیں آسکتا کیوں کہ ، میری کمر واقعتا زخمی ہے ، یا میں کسی بہت ، شدید درد کا شکار ہوں ، تو ان کا جواب کچھ اس طرح کا ہوسکتا ہو

"میرا نہیں خیال ، کمر کا چھوٹا موٹا درد ، تمھیں ، روک سکتا ہے ۔ "

بے حسی کا اظہار ، اس طرح بھی ہوتا ہے کہ ، یہ ہمہ وقت تندی اور تیزی / بدتمیزی کے گرداب میں رہتے ہیں ۔

یہ آپ کی بات توجہ سے نہیں سنتے ۔

یہ آپ سے آگے چلتے ہیں ۔

کھانے کی میز پر ، یہ آپ کی پسند ناپسند کو ، مکمل نظر انداز کر کے ، آپ کو، اپنی پسند کا کھانا کھلانے پر مصر ہوتے ہیں ۔

دوران گفتگو ، فون پر لگے رہیں گے ، حتی کہ ، اہم گفتگو (کہ آپ ان سے ، دو بدو مخاطب ہیں )کے دوران ، بھی یہ کال لے لیتے ہیں ۔او ر یہ چیز ان کی فطرت ثانیہ بن چکی ہوتی ہے ۔

یہ بات درست ہے کہ ، یہ بہت چھوٹی چھوٹی چیزیں ہیں ، اور ، محض اکا دکا کے ہونے ،یا کبھی کبھار ہونے سے ، آپ کسی کو ، نرگسیت کا شکار نہیں کہہ سکتے ، اس لیے ، فطرت ثانیہ کا لفظ استعمال کیا گیا کہ بہت زیادہ ہو رہا ہو ، متواتر ہو رہا ہو ، اور شعوری طور پر کیا جا رہا ہو ۔

ہاں ان عادات سے آپ سامنے والے کے بارے میں یہ ضرور جان سکتے ہیں کہ ، وہ آپ کی کتنی پروا کرتا ہے ۔

اور ، بڑے اور اہم معاملات میں بھی وہ ، آپ کے بجائے ، اپنی ہی ذات کی پروا کرتا ہے ۔

یہ ، اپنی شخصی، کمزوریاں سننے کے قابل نہیں ہوتے، نہ ہی اپنی نہ کسی اور کی ۔

یہ جذباتی طور پر، عدم دستیاب ہوتے ہیں ۔

یہ آپ کو خود سے دور رکھتے ہیں ، کیوں کہ یہ ڈرتے ہیں کہ اگر انہوں نے ، آپ کو ، خود سے قریب کیا ، تو آپ ان کی شخصیت کے وہ پہلو بھی جان جائیں گے جو یہ چھپاکر رکھتے ہیں ، اور پھر ، آپ انہیں پسند نہیں کریں گے ۔

اور خود پسندی کا شکار ، یہ رسک نہیں لے سکتا کہ لوگ ان کو ناپسند یا نظر انداز کریں ، اسلیے ، ان کے ہاں ، اپنی شخصیت بارے ۔۔ شفافیت کا عمل دخل نہیں ہوتا۔

نرگسیت / خود پسندی کے ذہنی عارضے میں مبتلا شخص کی نشانیاں ۔ Narcissistic Personality Disorder Signs and Symptoms

noreply@blogger.com (زوہیب اکرم) — Thu, 16 Jul 2020 04:44:00 +0000

تعریف و توصیف کے بھوکے۔

ان کا ایمان ہوتا ہے کہ ، دوسرے ، صرف ان کے سامع ہونے کے لیے پیدا ہوئے ہیں ، اور یہ محض اپنی ذات، کی تشہیر کرنے کا گویا ، الہامی حق رکھتے ہیں ۔

یہ کبھی بھی، آپ کی ذات میں دلچسپی نہیں لیں گے ،اور اگر آپ ،خود سے اپنے بارے میں کچھ بتانے کی کوشش کریں گےتو یہ پھرتی سے ، گفتگو کا رخ پھر اپنی طرف موڑ دیں گے ۔

ان کے ساتھ رہنے کے کچھ عرصے بعد ، آپ کو محسوس ہونا شرو ع ہوجائے گا کہ ، آپ سخت بور ہوگئے ہیں ، چڑ چکے ہیں ، یا پھر ، آپ کی ذہنی توانائیاں ، خشک ہوگئی ہیں ۔۔

یاد رکھئیے کہ ، خود پسندی کے ذہنی عارضے ، یعنی

Narcissistic Personality Disorder

کا شکار، اکثر افراد ، خوبصورت، پرکشش، باصلاحیت، او ر ،حتی کہ ، کبھی کبھار ، کامیاب شخصیت کے مالک ہوتے ہیں ، اس لیے ، یہ عین ممکن ہے کہ، آپ ان کی اچھی شکل و صورت ، ان کے لبھانے کے انداز، اور کہانیاں سن سن کر ، ان کے طلسم میں گرفتار ہوجائیں ۔

بہت سے ، افراد ، اپنی شخصیت کی دلفریبیوں ، اور والہانہ پن کے اظہار سے ، آپ کو یہ باور کروا سکتے ہیں کہ ، وہ آپ میں بہت زیادہ دلچسپی رکھتے ہیں ، لیکن ، یہ دلچسپی ، گزرتے وقت کے ساتھ ، ماند ہوجاتی ہے ، کیوںکہ ، یہ بنیادی طور پر ، ان کا ایک پھنداہوتا ہے ۔۔آپ کو ، اپنی طرف مائل کرنے کا۔

خبط عظمت اور ، انفرادیت زدگی

NPD یعنی

Narcissistic Personality Disorder /نرگسیت ، خودپسندی کا شکار ۔

نہ صرف یہ کہ ، توجہ کا مرکز بنے رہنا چاہتے ہیں،بلکہ ، وہ اپنی کامیابیوں کو بھی بڑھا چڑھا کر ، پیش کرتے ہیں ،ابتدائی ملاقاتوں میں ، آپ ، ان کے اس چڑھاوے کی حد نہیں سمجھ سکتے ، لیکن ، ایسا بالکل ممکن ہے کہ ، اگر ان کے دامن میں ، کامیابیاں بالکل بھی نہیں ہیں تو یہ ،

مجھے وہ مقام نہیں ملا،

میں جس داد کا مستحق تھا ، مجھے وہ نہیں مل سکی

، میں فلاں فلاں ، کامیابی ، کا مستحق ہوں ،

مجھے کامیابی ملنا ناگزیر ہے ،

میں تعریف و توصیف کا حقدار ہوں

دیکھنا ایک دن ، سب میری خوبصورتی کے گن گائیں گے ۔

جیسے جملے ادا کرتے پائے جاتے ہیں ، اس کی وجہ ، تعریف ، دوسروں کی نظر میں اپنی ذات کی سند ، فیم یعنی مشہوری ، کی مستقل بھوک/حرص ہوتی ہے ۔

چونکہ ، اس قماش کے افراد ، خود کو ، عالی مرتبه اور واقعتا ، بلند مرتبہ / ہائی سٹیٹس ، افراد کے ساتھ ، منسوب کرتے ہیں ، تو عین ممکن ہے کہ ، یہ افراد اپنی گفتگو میں ، ایسے ، سلیبرٹیز ،یا ، عوامی شخصیات کو جاننے کا دعوی بھی کریں ۔

یہ ہمہ وقت، مہنگی گاڑی ، ڈیزائنر کپڑوں ، برانڈ وغیرہ کے چکر میں پڑے رہتے ہیں-

یہ اپنی سکول لائف کے بارے میں بھی ، مبالغہ آرائی کی حد تک تذکرہ کرتے رہتے ہیں کہ ، یہ کتنے اچھےاسکول سے پڑھے ہیں ، اور وہاں ان کے ساتھ کون کون پڑھتا تھا -

یہ ، مہنگے ریستوران میں جانا چاہیں گے

بظاہر ، یہ سب ان کی شخصیات کے ، خیرہ کن پہلو ہیں ، جن سے آپ کی آنکھیں چندھیا بھی سکتی ہیں ، پر یہ سب ، واقعتا، ان کے اندر کے کھوکھلے پن کو چھپانے کے لیے ، ایک دلفریب ، اور خوش کن ، ڈھکوسلا ہوتا ہے ۔

NPD - Narcissistic Personality Disorder - نرگسیت / خود پسندی – ایک ذہنی عارضہ ۔

noreply@blogger.com (زوہیب اکرم) — Wed, 15 Jul 2020 15:54:00 +0000

انسانی نفسیات پر کی گئی ، ایک تحقیق کے مطابق، نرگسیت پسندی/خودپسندی

Narcissistic Personality Disorder ، یا

NPD

کا شکار افراد، گمراہ کن حد تک ،دلفریب اور ، کرشماتی شخصیت کے مالک ہوتے ہیں ،

حتی کہ ایک تحقیق کے مطابق ، ان کی ، شخصیت کی ، سب سے اوپر والی ، تہہ یعنی ، "کرشماتی تہہ" ،کے پار جانا ، آسان کام نہیں –

کم از کم بھی ، چھ سے سات ملاقاتوں میں ، آپ ان کی ، شخصیت کی پہلی ، تہہ ، کراس کرنے میں کامیاب ہو پاتے ہیں ۔

باخبر رہیے ، آپ کبھی بھی ، کسی ، خود پسند سے ، محبت کے چکر میں نہیں پڑئیے گا ۔۔

کیونکہ اگر ایسا کر بیٹھے ، توتو کچھ وقت کے بعد آپ کو اپنا آپ غیر اہم، اور نظر انداز شدہ ، لگنے لگے گا۔۔

یہ بھی محسوس ہوگا کہ آپ کی پرواہ نہیں کی جا رہی ، یہاں تک کہ ، جیسے جیسے ، آپ کی ، عزت نفس ، اور اعتماد ، مٹی ہوتا جائے گا ، ویسے ویسے ، آپ کی ذات کی راکھ سے ، ان کے مطالبے ، ان کی تنقید ، اور جذباتی طور پر ، عدم دستیابی کی کونپلیں پھوٹتی چلی جائیں گی ۔۔

ایک مرحلہ ایسا آتا کہ ، خود پسندی / نرگسیت ، ذہنی عارضہ بن کر رہ جاتی ہے ۔۔ اور یہ عارضہ ، خواتین کی نسبت ، مرد حضرات میں ، زیادہ پایا جاتا ہے ۔۔

ان ذہنی بیماری ، جس کا نام

NPDیعنی

Narcissistic Personality Disorder

ہے ، اس کا شکار ، افراد میں ، درج ذیل خصائل ، بدرجہ اتم پائے جاتے ہیں ۔

ہمدردی /نرمی سے یکسر عاری

تعریف/توجہ کے بھوکے

عظمت کے ہیضے کا شکار

چھوٹی چھوٹی کامیابیوں /صلاحیتوں کو ، بڑھا چڑھا کر بیان کرتے رہنا۔

لامتناہی طاقت/خوبصورتی/ کنٹرول/محبت /آئیڈیل کے خواب دیکھنا۔

خود کو بہت زیادہ خاص/منفرد سمجھنا ، اور جا بجا اظہار کرنا۔

یہ یقین بنا لینا کہ ، انہیں یا تو، صرف یہ خود سمجھ سکتے ہیں ، یا پھر ، انہی کی طرح کے ، انفرادیت /بلند مرتبہ افراد۔

دوسروں کے ساتھ نرم خوئی /مروت میں صفر، حتی کہ، اور ان کی ضروریات کو درخورِ اعتنا نہیں سمجھتے

غیر ضروری اور غیر منطقی حد تک ، اپنے لیے ، امتیازی سلوک /فیورز /اپنی خواہشات کے احترام کو اپنا حق سمجھنا

کسی بھی طور پر دوسروں کا جذباتی استحصال یا انہیں ، امونشل بلیک میل /ایکسپلائٹ کر کے ، بس ، اپنی ہی ، خواہشات اور ضروریات کی تکمیل کرتے چلے جانا۔

دوسروں سے ، بغض/عدات/ جلن /حسد رکھنا ، یا پھر یہ سوچنا ، کہ دوسرے ان سے یہ سب رکھتے ہیں ۔

اپنی ناک /غرور/اناہمیشہ اونچی رکھتے ہیں اور اس کے اظہار سے بھی نہیں کتراتے ۔

اس نفسیاتی بیماری یا ذہنی عارضے کا علاج بہت ضروری ہے ، لیکن اس سے پہلے ،

، ہم ان ، خصائل کے بارے، اگلی قسط میں ، تفصیل سے جانیں گے ۔

محض دوسروں کو خوش رکھنے کے فوائد - تیسری اور آخری قسط

noreply@blogger.com (زوہیب اکرم) — Sun, 07 Jun 2020 22:04:00 +0000

"لوگ کیا کہیں گے "والی سوچ کا ، ایک بہت بڑا فائدہ۔

ضروری نہیں ہر جگہ ایسا ہو ، پر ، اکثر، آپ نے نوٹ کیا ہوگا کہ ،

اور ایک بہت بڑا فائدہ ، ایسے مفعول افراد کو یہ ہوتا ہےکہ ، انہیں ، اپنے دو پیروں پر ، زور لگا کر ، جم کر کھڑا ہونے کے بجائے ، دوسرے کی ذات ، بصورت بیساکھی نصیب ہوجاتی ہے ۔، پھر یہ ، چسکا بن جاتا ہے ،وہ ، ہر اس معاملے میں ، جو ان کو اپنے ہاتھ سے نکلتا محسوس ہو ، دوسرے کی مدد کے طالب ہوتے ہیں ۔ہمہ وقت سہارا چاہنے والے ، معذور ہوجایا کرتےہیں ،۔

اور سب سے بہترین فائدہ ، ایسے اشخاص کو یہ ہوتا ہے ،

کنٹرول ، اکثر انہی کے ہاتھ میں رہتا ہے ، خصوصا، فریجائل (نرم و نازک ) سے کلچرز میں ،

جب ، مشتعل( aggressive)

فیصلہ کن قوت کے مالک ، اور ایسے ، پیروکار، مفعول/مطیع/ سب کے سامنے اچھا بن کر رہنے والے ، یعنی

Submissive ,

، افراد صورتحا ل / افراد/تعلقات کو ، کنٹرول کے لیے ٹاکرے پر اتر آتے ہیں تو، فریجائل معاشرے (مٹھاس سے بھرپور ، نرم و نازک مجمع) ان کے

جیت ،

Submissive

یعنی انے وا پیرو کار ، ٹائپ کی ہی ہوتی ہے

جانتے ہیں کیوں ؟

جذباتی ، بلیک میلنگ کی وجہ سے –

چکنی چپڑی باتوں ، چاپلوسی ، اطاعت گزاری (ظاہری ہی سہی )

زود رنجی، یعنی روتے رہنا اور دھوتے رہنا۔

اذیت بھرے تجربات کی وجہ سے طاری ہوجانے والی مظلومیت،

آپ نے اکثر سنا ہوگا

"میں سب کچھ ، برداشت کرسکتا ہوں ، لیکن ، عورت کی آنکھ میں آنسو نہیں دیکھ سکتا۔

صنفی تفریق سے قطع نظر ، یہ ایک فطری انتہا ہے ، جذبات میں لا کر ، کام نکلوانے کی ( اور کافی حد تک ٹھیک بھی ہے کہ ، اگر کوئی واقعی ظالم ہو نہ مان رہا ہوتو اس کو نرم اور کیسے کیا جائے)

ایسے لوگ ، فائدے میں کیسے رہتے ہیں ؟

اچھا، اس سب میں ، ایسے فرد کا کیا اور کیسے فائدہ ہے ، جو یہ سب کرتا ہے

بہت فائدہ ہے

وہ ، ذمے داری اٹھانے ، اور تنازعے میں الجھنے سے بچا رہتا ہے ، اور پھر بھی کنٹرول اس کے ہاتھ میں رہتا ہے ۔

اور چونکہ کہ "مظلومیت" سوا ہوتی ہے ، اس کی ، دوسرے کی نظروں میں ، تو اسے ، پھر حفاظت بھی خوب ملتی ہے، اور مزے کی بات ، انہی سے ملتی ہے ، جنہیں وہ کنٹرول کر رہا /رہی ہوتی ہے ، اپنے آنسووں ، یا جذباتیت سے ۔

اور پھر وہ ، انہیں ، رویوں کو ، زندگی کا طریقہ بنا لیتے ہیں ، حتی کہ ، یہ سب انجوائے کرتے ہوئے

"بے غرضی" ، ایثار پسندی کا لقب بھی حاصل کرلیتے ہیں ۔

، اس لیے ، اس میں کوئی حیرانی کی بات نہیں ، اگر ، لوگ ، زود رنجی ،

Submissiveness

روتے دھوتے رہنا ، الم کی تصویر بنے رہنا

گوارا کیے رکھتے ہیں ، اور یہی سارے گر آزماتے رہتے ہیں ، ظاہر ہے ، اس کے فائدے اتنے ہیں کہ ، اس کو ہاتھ سے کون جانے دےگا ، بس یہی وجوہات ہیں جن کی بنا پر ،لوگ ، زود رنجی، گلے شکوے ، جذباتی بلیک میلنگ ، اور لوگ کیا کہیں گے والی ذہنیت کے ساتھ جینا گوارا کرتے ہیں۔

محض دوسروں کو خوش رکھنے کے فوائد - دوسری قسط

noreply@blogger.com (زوہیب اکرم) — Sun, 07 Jun 2020 22:02:00 +0000

ا ب ، دور بدل رہا ہے ، پر ، کچھ معاشروں میں ، اب بھی ، یہی سوچ ، موجود ہے ، زنگ آہستہ آہستہ ہی اترے گا ۔

ہاں پیٹ کی بھوک کے لیے ، تین بار ، کھانا ، مانگو ، تو یہ نہیں کہا جاتا، بہت بھوک چڑھی گئی ہے ؟ زیادہ فاقہ ہورہا ہے کیا ؟

معاشرے ، لگتاہے کہ ، فطرت نے ہمیں ، صرف، معدے کی بھوک دے کر ہی ، دنیا میں بھیجا ہے ، باقی ، ضروریات، شرم اور ، رواجوں کی نذر ہوجائیں تو بھی خیر ہے ۔لیکن سب کے سامنے اچھا ضرور بننا ہے ۔ لوگ باگ ، برادری کیا کہے گی ، وغیرہ وغیرہ ۔

مصلحت او راخلاقیات کے نام پر ، دبنا سکھایا جاتا ہے ۔

زیادہ بولنے کو ، برا کہا جاتا ہے ، لیکن یہ نہیں بتایا جاتا ، کہ اپنے مدعے کے لیے بولنا ، زیادہ بولنانہیں ، حتی کے ، زیادہ ، بے ربط ، بے موضوع بولنا برا ہے ۔

اور مزے کی بات یہ ہے کہ ، ہمیں "خاموشی" اور ایک چپ سو سکھ ، کا لیکچر دینے والے مبلغین ، یہی تبلیغیں ، گھنٹوں ، تقاریر کر کے ، کرتے ہیں

بندہ ان سے پوچھے ، کم بولنے کی ترغیب ، اتنا زیادہ بول کر کیوں دے رہے ہو ۔

بہرحال ،

یہ چیزیں جب جم کر جوان ہوجاتی ہیں ، تو ، پھر ، ان کو توڑنا شدید مشکل ہوجاتا ہے ۔

اکثر افراد، کی ذہنی رو، انہیں چیزوں میں بھٹک کر "مفعول و مطیع" کے طور پر ، ٹرین ہو چکی ہوتی ہے ۔

اور پھر شروع ہوتا ہے

"دوسروں کے سامنے اپنی ذات کی سند لینے کا" اندوہناک راستہ ۔

اپنی ذات کو مستند قرار دلوانا۔

بس مجھے لوگ کچھ نہ کہیں ، میری تعریف کریں ، انہیں خوش رکھوں ، سب مجھے اچھا سمجھیں ، میرے ہر کام کا مقصد، اپنی ذات کی

اپروو ل ، اور تصدیق / ویلی ڈیشن ، وہ بھی دوسروں سے ، لینا ہو ،

ایسے افراد کو ، "بے غرض" ایثار پسند ، با مروت ، اور اعلی ظرف کے کھوکھلے ٹائٹلز ، دے د ے کر ، اور پکا سیمنٹ ، کردیا جاتا ہے ۔

فیصلے /ذمے داری کے بوجھ سے آزادی ۔

تعاون کرنے والا ، سب کے کام آنے والا ، بقول شخصے ، خدمت خلق کا مارا ہوا۔اس لیے ، اپنی شخصیت میں جھانکیں تو ، ان میں ، کوئی قوت فیصلہ یا ، کسی کے مخالف جانے کی سکت نہیں بچتی ، کیوں کہ ، تنازعے سے بچناہے تو ، پھر ، ایسا آدمی ، اپنے کاندھوں پر ، بہت ہی کم بہت ہی کم ، فیصلوں کے بوجھ ، طاری کرتا ہے ۔

کم از کم ، ان افراد سے بہت کم ،جنہیں ہم

اگریسو ، مشتعل مزاج ، یا پھر ، اپنی بات کو جماکر ، تمیز سے منوانے والایا انگلش میں

Assertive
کہتےہیں ، ان کے کاندھوں پر ، شدید بوجھ ہوتا ہے، فیصلوں کا ، سب کو لے کر چلنے کا ، سخت چوائسز کا ، توازن رکھنے کا ، ، اور

مفعول ،یعنی

Submissive

کے کاندھے ، فیصلوں کے بوجھ سے عاری ہوتے ہیں ، کیوں کہ اس کی زندگی کی راہیں دوسرے بنا رہے ہوتے ہیں۔ اور یہ اچھا بننے کے چکر میں ، اسی پر چلا جا رہا ہوتا ہے ۔ظاہر ہے جب ، فیصلہ ساز نہیں ، تو لیڈر بھی نہیں ، اور جب لیڈ ر بھی نہیں ، تو اگر کچھ ، غلط ہوجائے تو ، الزام بھی اس کے سر نہیں آتا ،

پیروکار، ٹائپ افراد پر کوئی الزام نہیں رکھتا، الزام ، جنرل پر آتا ہے ، سپاہیوں پر نہیں ، ٹیم کے بجائے ، گرفت ، ٹیم لیڈر پر ہی ہوا کرتی ہے ۔

اس کی ایک چھوٹی سی مثال یہ ہے کہ ،

اگر ، چند افراد نے ، طے کیا کہ ہم فلم دیکھیں گے ، اور وہ فلم ، بہت بے کار تھی ، تو پیروکار ٹائپ شخص ، جو سب کی خوشی میں خوش ہے ، اس پر کوئی الزام نہیں ڈال سکتا کہ ، تمھاری چوائس بے کار ہے ، کیوں کہ ، اس نے ، فیصلے کے وقت ، بجائے کلئیر بات کرنے کے ، یہ کہا تھا

"آپ لو گ ، کچھ بھی دیکھو ، چلے گا ، میں آپ کے ساتھ ہوں "

اور یہ بھی کہ ، ان میں سے کچھ ، مفعول قسم کے افراد، (سب نہیں ) کچھ ، افرا د، ، اتنے بے یار و مددگار ٹائپ ہوتے ہیں کہ ، دوسرے افراد ان کی ، حفاظت اور کئیر کے لیے آن موجود ہوتے ہیں ۔

محض دوسروں کو خوش رکھنے کے فوائد - پہلی قسط

noreply@blogger.com (زوہیب اکرم) — Sun, 07 Jun 2020 21:40:00 +0000

موضوعات کی فہرست

مطیع ، فرماں بردار ، سب کو خوش رکھنے والا رویہ ، دلفریب کیوں ہے ؟

اس سوچ ، اور رویے کی ، ممکنہ وجوہات۔

مثالیں-

اپنی ذات کو مستند قرار دلوانا۔

فیصلے /ذمے داری کے بوجھ سے آزادی ۔

"لوگ کیا کہیں گے "والی سوچ کا ، ایک بہت بڑا فائدہ۔

ایسے لوگ ، فائدے میں کیوں رہتے ہیں ۔

مطیع ، فرماں بردار ، سب کو خوش رکھنے والا رویہ ، دلفریب کیوں ہے ؟

یہ رویہ، بہت سے افراد کے ، پرکشش اور دلفریب ہے ، کیوں کہ اس رویے کو مستقلا اپنا کر ، "تنازعے" سے بچا جا سکتا ہے ، یہ بظاہر ہی ایسا لگتاہے ، کیوں کہ ، در حقیقت ہے ، یہ تنازعے /منفیت سے بچنا نہیں ، اس سے صرف نظر کرنا ہے ، اس کو ٹالنا ہے ، ختم کرنا نہیں ۔۔ چھپانا ہے ، کیوں کہ ، کچھ افراد کے لیے ، تنازعہ ، شدید ، خوف کا سبب ہوتاہے ، مفعول ، ٹائپ کے ، افراد جنہیں

"لوگ کیا کہیں گے " کی بہت پروا ہوتی ہے ، ان کے ہاں ، تنازعہ بہت خوفناک اور ہولنا ک چیز ہوتی ہے،

ایسے افراد ، جو ، مطیع کے درجے سے نیچے گر کر ، مفعول ہوجاتے ہیں ، جنہیں سانس بھی یہ سوچ کر لینی پڑتی ہے کہ ، آواز سن کر لوگ کیا کہیں گے ، وہ بڑے ہی آرام دہ اور محفوظ حالت میں رہتے ہوئے ، اپنے اس رویے اور تھاٹ پیٹرن ، کو ، قائم رکھ سکتے ہیں ۔

اس سوچ ، اور رویے کی ، ممکنہ وجوہات۔

اکثر اوقات ، یہ والے تھاٹ پیٹرنز ، گھر بار ، رشتے تعلقات، سوسائٹی ، رسم و رواج کی وجہ سے بھی وجود میں آتے ہیں

گھر میں والدین ، کی بے جا سختی

واضح رہے ،والدین کی سختی (خصوصا ، جائزسختی ، لڑکوں کے لیے ) ضروری ہے ، پر بے جا ، ہربات پر ، تنقید ، اور اخلاقیات/مذہب کے حوالے سے ، صرف اپنی منوانا، کہ لوگ کیا کہیں گے ، ناک کٹوادی وغیرہ وغیرہ ، اس رویے کو بے جا لکھا ہے ۔

تعلیمی نظام ، اسکول کالج ، میں ڈسپلن کے نام پر غلامی سکھانا ،

یا پھر سوسائٹی کے دوسرے ، مراکز ، جہاں سے انسان ، محض دبنا ہی سیکھتا ہے ، خواہ ، کارپوریٹ کلچر ہی کیوں نہ ہو

مثالیں-

اس کی ایک چھوٹی سی مثا ل ،

سامنے والے شخص کو ، رزیل کرنے کا من ہوتا ہے ، لیکن ، آفس ای میل میں ، اسے کائنڈ ریگارڈز ، لکھنا پڑتا ہے ، کہ ، کارپوریٹ نارمز ہیں ۔

کسی کا نام لیے بغیر ، اس کی غلط ، بات آشکار کرنے کی پرمیشن نہیں ہوتی ۔

اکثر اوقات"میں نام نہیں لینا چاہتا" کے پرد ے میں ، عمومی بات کر کے ، کسی خاص شخص یا کلچر کو ٹارگٹ کرنا بھی اسی زمرے میں آتا ہے کہ ، سوچ بہت دب چکی ہے،ہاں یہ ہر جگہ ضروری بھی نہیں ، اور یہی ججمنٹ کہ کہاں ضروری ہے کہاں نہیں، اور ، کتنا آشکار کرنا ضروری ہے ، یہ حکمت کہلاتی ہے۔اور جب بچپن سے ایسے ماحول میں جی رہے ہوں ، تو ، ایسی ذہنی رکاوٹوں کو توڑنا ، شدید ذہنی دباو کا باعث بنتا ہے

ایک اور مثال ،

کوئی عورت ، اپنے شوہر کو ، دوسری شادی کی اجازت دے کر دیکھے ، اس عورت اور شوہر کا معاملہ اپنی جگہ ، سب سے پہلے اس پر سوسائٹی چڑھے گی ، مرد کا تو چھوڑ ہی دیں کہ اس کے ساتھ کیا ہوتا ہے ، یعنی جب وہ دوسری شادی کی بات کرے ۔

دوسری شادی کے موضوع کو بھی چھوڑیں ،

پہلی شادی ، کی بات کرنے والا" بہت جوانی چڑھ گئی ہے "، بہت گرمی چڑھ رہی ہے ، جیسے جملے سنتا ہے ، کماتے کماتے تیس پینتیس کا ہوجاتا ہے ، پر

بینک اکاونٹ گیلا کرتے کرتے ، جذبات کے سوتے، "مجھے شرم آتی ہے " ایسی باتیں کرتے ہو ئے ، کے چکر میں ، خشک ہوجاتے ہیں

لوگ کیا کہیں گے ؟ - The Price Of Being Nice - تیسری اور آخری قسط -

noreply@blogger.com (زوہیب اکرم) — Sat, 06 Jun 2020 17:00:00 +0000

سب کو خوش رکھنے والے افراد کے بارے میں ماہرین نفسیات کا موقف۔

ایسا شخص جویہ کام تواتر سے کرتا رہتاہے یعنی انے وا مٹھاس اور تہذیب ، تصنع سے بھرپور ، جی حضوری ، تو ، دوسرے افراد ، شرمندہ ہونے لگتے ہیں ، یعنی ، جنہیں وہ خوش رکھ رہا ہوتا ہے ، وہ ، ترحم کے آمیزے میں لت پت ہوجاتے ہیں ، پھرا ن افراد کی یہ کیفیت ، اری ٹیشن ، پریشانی ، غصہ ، بنتی ہے ، اور آخر کار ، انہیں مروت زدہ مفعول سے ، نفرت ہوجاتی ہے ، اور وہ اسے ، ڈسگسٹ کی ڈسٹ بن میں ڈال کر آگے بڑھ جاتے ہیں ۔

اس کے علاوہ،مروت زدے کے زاویے سے دیکھیں تو

اس کے دل سے بھی ، دوسروں کے لیے مٹھاس ، وقت کے ساتھ ساتھ ختم ہورہی ہوتی ہے ، اس کی وجہ ، دوسروں کا رویہ نہیں بلکہ ، اس کی وجہ اس کے اپنے اندر چھپی ہوتی ہے ۔

در اصل ، یہ ، میٹھے ہو ہو کر ، اپنا غصہ ، منفیت ، دباتے رہتے ہیں ، اس چکر میں ان کے اندر سے مثبت جذبات اور لگاوٹ بھی زائل ہوتی یاد دبتی چلی جاتی ہے ، کیوں کہ ، آپ ایک جائز کیفیت کو ، ایک حد تک دباتے چلیں جائیں ۔

انسانی کیفیات /احساسات، کا باہمی ربط۔

اس کو یوں سمجھیں کہ

انسانی کیفیات / احساسات، آپس میں اس طرح لنکڈ ہیں ، جس طرح ، موبائل فون ، اینڈراوڈ سسٹم کی ، سسٹم کی اندر کی فائلز آپس میں نتھی ہوتی ہیں ۔

، یعنی وہ فائلز جو موبائل بنانے والی کمپنی انسٹال کر کے دیتئ ہے ، جنہیں آپ ، ان انسٹال نہیں کرسکتے ، یا اگر کریں گے تو مسئلہ ہوگااسی طرح ، انسان نما مشین بناتے ہوئے ، اس کے اندر ، کیفیات اور جذبات ، کو انٹر لنکڈ کر کے رکھا گیا ہے ،۔اس لیے ایسے افراد ، جو دوسروں کے سامنے اچھا بننے یا وکٹ کے دونوں طرف کھیلنے کے شوقین ہوتے ہیں ، ایک حد سے زیادہ وہ ، اپنی تلخی یا غصہ دباتے چلے جائیں تو ، ایک وقت یہ بھی آجاتا ہے کہ ، ان کے اندر، کے مثبت جذبات بھی اجڑ جاتے ہیں ، ایسا ممکن ہی نہیں کہ ، آپ صرف ، غصہ/تلخی دباتے رہیں اور ، آپ کے مثبت جذبات نہ دبیں ۔

کیوں کہ یہ سب انٹرلنکڈ ہیں یہی وجہ ہوتی ہے "سب کو خوش رکھنے والا ، اخیر قسم کا رسوا ہو کر رہتا ہے سوسائٹی میں۔

سماجی /اجتماعی شعور اور اقوام کا حال ۔

اور اگر یہی عادت ، اقوام کو پڑ جائے توپوری پوری سوسائٹیاں ، "اچھی باتوں کی تلقین ، تعلق جوڑے رکھنے پر ، مصر "پوسٹس" کرتی نظر آتی ہیں "لیکن اندر سے اجاڑ ہوتی ہیں ۔حقیقی زندگی میں ، تعلق، برباد ہوتے ہیں

اورشخصیتیں ، صحرا، کچھ نہیں بچتا پھر ان کے اپنے اندر۔کوئی کتنا ہی ، میٹھا یا اچھا بن جائے ، جلد یا بدیر ایک وقت ایسا ضرور آتا ہے کہ ، لوگوں(ہر کسی کو) کو خوش رکھنے کے لیے ، ، انے وا قربانی دیتے چلے جانا ،ایثار کرنا ، صرف دیتے چلے جانا، آپ کے اندر ، حتمی قسم کی مایوسی /ناراضگی کو جنم دیتا ہے ۔ایسے لوگ ، اکثر اوقات ، ادھر کی ادھر کرتے ، زود رنجی کرتے نظر آئیں گے ، بڑے بڑے شعرا ، لکھاری ایسے گزرے ہیں ، جن کی زندگی نکل گئیں مرو ت میں ( جو ویسے ہی ، لکھاری کا کام نہیں ) ، اور ان کی شاعری ان کی تحاریر پڑھ لیں ، رونے دھونے ، بیوگی سے بھری پڑی ہے ۔

اکثر المیہ نگار ، اکثر، غصیلیے اکثر ، مفعول مشتعل نقاد، ایسی ہی حرکات کی پراڈکٹ ہوتے ہیں ، یعنی ان کا مزاج۔

ٹائم پر بول نہیں سکتے کہ ، کسی کو خوش رکھنا پڑرہا ہے ،ا ور بعد میں ہائے ہائے کرتے پھرتے ہیں ۔اور جن کے لیے وہ اچھے بن یعنی مصنوعی طور پر بن رہے ہوتے ہیں ، سب سے پہلا ٹھڈا انہی سے پڑتا ہے نظر دواڑئیں اپنے اطرافکوئی بھی شخص ، جس سے سب خوش ہوں اس سے پوچھیں کیا تم اندر سے مکمل ہو، کوئی روگ نہیں ؟

اختتامیہ ۔

لوگ کیا کہیں گے

نامی ، المیے پر مبنی ، اس ، انتہائی، وسیع اور ، ہمہ جہت ، طویل موضوع کو یہاں روکتے ہوئے ، آخر میں ،

مشہور ، آئرش ، ڈرامہ نگار ، سیاسی ایکٹی وسٹ ، تجزیہ نگار ، اور

Polemicist

یعنی ماہر مناظرہ (مناظر )

جارج برناڈ شا ، کے الفاظ میں ، اس گفتگو کو یوں سمیٹا جا سکتا ہے کہ ۔

"تعلق کے لیے یکطرفہ اور متواتر اور بے جا دبتے چلے جانا ، قربان ہوتے چلے جانا ، ایثار کرتے چلے جانا ، ان سب کا انجام ، بالاآخر ، انہیں تعلقات سے نفرت کی صورت سامنے آتا ہے ، جن کی محبت میں آپ یہ سب کررہے ہوتے ہو، یعنی آخر کار۔ ، آپ کو ، ان سے نفرت ہوجاتی ہے ۔۔"

لوگ کیا کہیں گے ؟ - The Price Of Being Nice - دوسری قسط

noreply@blogger.com (زوہیب اکرم) — Sat, 06 Jun 2020 05:30:00 +0000

مفعولی (محض دوسروں کو خو ش رکھنے کی عادت )کی قیمت ، مروت کا مول

– The Price of Being Nice.

یاد رکھیں ، نائس ہونے کی پرائس بہت زیادہ ہے ، بہت زیادہ ، اور ویسے بھی ، اکثر اوقات ،یہ "نائس" دکھنے والے ، محض ، دکھتے ہی ہیں ، ہوتے نہیں ، یہ بنیادی طور پر ،

اندر کا گند ، تعفن ، سختی ، ڈھٹائی چھپانے کے لیے ، "نائس "مروت والے بنے ہوتے ہیں

( سب نہیں ، پر اکثر ، جو ایسے معاشروں میں پنپتے ہیں، کیوں کہ ، گھٹن سے قدرے آزاد معاشرو ں میں ، نائس سی ٹیز

Niceties

، یعنی ، مروتوں ، اخلاقیات ، جعلی ، خوش اخلاقیاں ، مفعول تہذیب ،"مہذب"اور زبان دانی کا ماسک لگائے ، زہریلی فطرتوں سے زیادہ ، دیانت داری جنم لیتی ہے ، اور اسے فرق نہیں پڑتا ، کہ ، امپریشن کیا جا رہا ہے ۔

ظاہری شخصیت کا فریب ۔

آپ نے ایسے سوال پڑھے ہوں گے

"آپ پہلی ملاقات میں ، کیا نوٹ کرتے ہیں "

اکثر جوابات ، لباس کے گرد گھومتے ہیں ، گویا ہم لباس سے روح اور بندہ سمجھ لیتے ہیں – اس پر ایک تضحیک تو بنتی ہی ہے کہ ، دنیا میں بہرحال ہم ننگے آتے ہیں ، لیکن ، جج ہم نے لباس اور نک سک سے کرنا ہے ، پر ، درگاہوں پر متھا ننگ دھڑنگوں کے سامنے مارتے ہیں کیوں ؟ وہاں مذہب والی افیون کام کررہی ہوتی ہے

نہ کہ ، فرسٹ امپریشن از دی لاسٹ امپریشن والی سائنس۔

بہرحال ، اکثر یہ بھی سنا ہوگا

"یارحلیے سے تو ایسانہیں لگتا تھا ، لیکن فراڈ کرگیا، نقصان دے گیا"

اب کہاں گیا جی ، امپریشن ؟

اس کا مطلب ہرگز یہ نہیں کہ ، ظاہر شخصیت کا اثر نہیں ہوتا، اس کا مطلب یہ ہے کہ ، ضروری نہیں ، جو ہو ، وہ ہر بار ٹھیک ہی ہو ، اور اس کی تاثیر دیرپا بھی ہو ۔ اس کا مطلب یہ بھی ہے کہ اگر آپ پہلی ملاقات میں کسی کے جوتے دیکھتے ہیں تو ، ظاہر ہے ، آپ اس کے گلے میں ، سلامی کے نوٹوں کے ہار کی جگہ جوتے تو نہیں ڈالیں گے رائٹ ؟ تو محض ، کچھ عوامل سے ، انسان کو ڈی کوڈ کرلینا ، وہ بھی ایسے مقولوں کوسن کر پڑھ کر، آپ کو محض

دوسروں کو خوش رکھنے کی طرف ہی مائل کیے رکھتا ہے ۔

چھوٹا سا موبائل سمجھنےکے لیے ، ہمیں ، یوزر مینوئل چاہئے

کسی بھی مشین ،بھلے سے کتنی ہی سادہ ہو ، اس کو چلانے کے لیے ہم دس چیزوں سے کنسلٹ کرتے ہیں ، مدد لیتے ہیں ،

لیکن ، انسان / شخصیت /سوچوں کی اس پیچیدہ ترین مشین کو ، ہم ، بغیر جانے سوچے سمجھے ، صرف

"فرسٹ امپریشن" کی بنیاد پر بھانپ لیں گے

کیسا دلچسپ مخمصہ ہے یہ ۔

مروت زدگی کے مضمرات

بہرحا ل ، اتنا مفعول ،اور با مروت ہونے کی جوقیمت ادا کرنی پڑتی ہےیعنی ، ایسے ، شخص ،جس میں دوسروں کو ، شخص رکھنے کی خواہش کوٹ کوٹ کر ، بھر ی ہو ، اس کی زندگی ہاون دستے میں گزرتی ہے ، زندگی اسے کیسے کوٹتی ہے ، اس کو کیا کیا نقصان ہوتے ہیں ،

اس کی تفصیل درج ذیل ہے۔

ایسا شخص ، زندگی کو نہیں ، بلکہ زندگی اسے گزار تی ہے

اپنی ذاتی خواہشات کا مقبرہ مسمار کر کے ، محض ، دوسروں کی مرضی، کمر پر اٹھائے گھومتا ہے،

اس کی زندگی کا ، رستہ ، دوسرے تخلیق کرتے ہیں۔

پوری پوری عمر ، دوسروں کی مسکراہٹ کے لیے، ان کی مرضی کے آگے ، ، ان کے آگے زمین بوس، اور سجدہ ریز ہو کر زندگی گزار دیتا ہے ، وہ زندگی ، جو ، اسے ، منفرد، سیر حاصل ، اور قسمت کا دھنی ہونے کے لیے ملی تھی۔

اور ستم ظریفی کیا ( خیر ، ستم تو نہیں ، اس کے اپنے ہی کرتوت ہیں )

کہ ، ایک شدید قیمت اور چکانی ہوتی ہے ، اس کام کی

وہ یہ کہ

ایسے افرا دکے تعلقات، تسلی بخش نہیں ہوتے۔

ایسے افراد کی قربتیں ان کی خواہشات کے عین مطابق نہیں ہوتیں ۔

کیا ہی کمال ہے نا ، دوسروں کو خوش کرنے کے لیے زندگی گزاری ، اور ، تعلقات میں کیا ملا ؟ بے چینی ، ادھورا پن ، قربتیں بھی خشک ،جب کہ ،

مفعول/مطیع/محض مروت ہی مروت ، نقصان دہ کیوں ہوتی ہے ۔ ؟

اس کی وجہ کیا ہوتی ہے ؟

وجہ سادہ ہے ،

مرو ت زدہ شخص ، اپنا حق ، الٹی چھری سے ذبح کردیتا ہے ۔

دوسرے کی سوچوں میں ڈھل کر ، اس کی نظر سے ، زندگی منعکس کرنے کی کوشش میں لگا رہتا ہے ،اپنی زندگی ، اپنی ذات،

اور چونکہ ، رشتہ تعلق ، دو افراد کا کام ہے ، اس لیے ایسا شخص ، رشتے کو ، ڈیڈ کردیتا ہے ،

کیوں کہ ، اس کے اندر "اپنا اصل" کچھ خاص مقدار میں ، بچا ہی نہیں ہوتا ، جس کو قائم رکھ کر ،وہ رشتے /تعلق کو جاری رکھے۔

اس کے شناسا بہت ہوں گے ، پر قابل برداشت، گاڑھے ، گہرے ، اور دیرینہ دوست/تعلقات، بہت کم ۔

محض ، مروت پر مصر رہنے والے کا حتمی انجام ۔

ایک بات اور،"جن ، رشتوں ، تعلقات وغیرہ کو ، خوش رکھنے ، جن کے سامنے اچھا تاثر بنانے ، اور جنہیں ، مسکراتا دیکھنے کی خاطر یہ عادی ، بامروت ، مفعول آدمی، غیر ضروری اور خوام خواہ کا خوش اخلاق ، خود کو رگڑ کر رکھ دیتا ہے ، پوری زندگی ان کی جی حضوری میں لگا رہتا ہے ، یقین کیجئے ، ایک وقت آتا ہے ، کہ ، انہی افراد کے دل و دماغ سے ، اس کا پیار ، اس کی مٹھاس ، سب سے پہلے ختم ہوتی ہے ، آہستہ آہستہ تعلق کی گرم جوشی سرد پڑنے لگتی ہے ۔

لوگ کیا کہیں گے ؟ - The Price of Being Nice - پہلی قسط

noreply@blogger.com (زوہیب اکرم) — Fri, 05 Jun 2020 19:38:00 +0000

فہرست موضوعات

سماجی اقدار کا عمومی جائزہ اور، اس کا تعلقات پر اثر۔

مذہب کی ادھوری /من پسند تفاہیم اوراس کے سماجی اثرات

ادھوری سماجیات ، کچی پکی ، آدھی ادھوری ، مذہبی تشریحات کا انجام۔

فرسٹ امپریشن از دی لاسٹ ، امپریشن کا مخمصہ ۔

مفعولی کی قیمت ، مروت کا مول – The Price of Being Nice.

ظاہری شخصیت کا فریب ۔

مروت زدگی کے مضمرات

مفعول/مطیع/محض مروت ہی مروت ، نقصان دہ کیوں ہوتی ہے ۔ ؟

محض ، مروت پر مصر رہنے والے کا حتمی انجام ۔

سب کو خوش رکھنے والے افراد کے بارے میں ماہرین نفسیات کا موقف۔

اختتامیہ ۔

انسانی کیفیات /احساسات، کا باہمی ربط۔

سماجی /اجتماعی شعور اور اقوام کا حال ۔

اختتامیہ ۔

سماجی اقدار کا عمومی جائزہ اور، اس کا تعلقات پر اثر۔

اس سماج میں ، اس کلچر یا اکثر کلچروں میں ، ایسی اقدار ، سکھائی بلکہ ٹھونسی جاتی ہیں کہ ، انسان – غیر ضروری ، مفعول /معمول ہونے کی حد تک ، مطیع ہوتا چلا جاتا ہے ۔اچھے بچے ، چھ چھ گھنٹے ، خاموشی سے کلاس روم میں بیٹھتے ہیں یہ اچھے بچے جب بڑے ہوجاتے ہیں تو ، ہر کسی کو خوش رکھنے ، اور جوڑ جوڑ کر رکھنے کے چکر میں ، خود ٹوٹ جاتے

مذہب کی ادھوری /من پسند تفاہیم اوراس کے سماجی اثرات

ہاں ان کلچرز کا تذکرہ بھی ضرور ی ہے ، ، جہاں ، مذہب کی ان تفاہیم/تشریحا ت کو، افیون کی طرح چٹایا جاتا ہے ، جو اپنے مفاد کو سوٹ کرتی ہے ، نہ کہ ، مذاہب ، کے ،اصل جوہر کو سمجھنے کی غرض سے ،مثلا، یہ بتایا جاتا ہے کہ ، ایک تھپڑ کھا کر دوسرا گال آگے کردو، کیوں کہ ، مہذب کی افیون ، ہمیشہ ، یک طرفہ گھٹی کی طرح پلائی جاتی ہے، اور ظاہر ہے ، ، حضرت انسان ، نیت کا اتنا خالص ہوتا ،تو آسمانی صحیفوں میں تحریفات نہ کرتا، اور جس تصنیف میں تحریف نہیں کرسکا، اس کی انٹر پریٹیشن بدل دی ، یا کم از کم ، اس کا ایک رخ ہی ، سوسائٹی کی کی جڑوں میں ڈال دیا ، مثلا ، مذہب سکھاتے ہیں کہ

"لوگوں کا خیال کرو"

اس عنوان کے تحت ، بہت سا ، مواد ہمیں ، پڑھایا جاتا ہے ، اس میں کوئی شک بھی نہیں کہ انسان کو رحم کا معاملہ ، کرنا بھی یہی چاہیے ، پر ، مذہب کے ایسے عنوانات ،ا ور احکامات ،

مثلا

"پہلے اپنی زندگی/ذہن و جسم کی بہتری اور مثبت روش"

یہ گول کردیا گیا،

اور سکھایا یہ گیا ، کہ ، حقوق العباد ، پورے کرو ، (یہاں تک تو ٹھیک تھا)

پر انتہائ غیر محسوس انداز میں ، وہی بچے جو چھ چھ گھنٹے سکول میں خاموش بیٹھے رہتے تھے ، انہوں نے بڑے ہو کر ،

حقو ق العباد ، پورے کرو کو

یوں پڑھا کہ

دوسروں کو خوش رکھو ، خواہ ، اپنا کباڑا کر بیٹھو

ادھوری سماجیات ، کچی پکی ، آدھی ادھوری ، مذہبی تشریحات کا انجام۔

مروت نے، مطیع کرتے کرتے ، مفعول کر کے رکھ دیا ، پھر ظاہر ہے ، ہر چیز کی ایک قیمت ہوتی ہے ، مفعولی کی قیمت بھی ہوتی ہے ، مروت کا مول بھی ہوتا ہے ،

جو ان سب کو چکانی پڑتی ہے ، جنہیں ،

، دوسروں کو خوش رکھنا اور صرف دوسروں کو ہی خوش رکھتے چلے جانا ، ، عباد ت لگتا ہے ۔

اور محض دوسروں کی نظروں میں اچھا بننا ، زندگی کا مقصد، وہ بھی الہامی مقصد معلوم ہوتا ہے۔

پہلا تاثر ، آخری ہوتا ہے کیا واقعی ؟

"فرسٹ امپریشن از دی لاسٹ ون " سن کر ، بڑے ہونےوالے معاشرے ، کے اجتماعی لاشعور میں ، یہ گیان ، کس قدر پکا ہو کر بیٹھا ہوگا ، کہ ان کا لاشعوراور شعور ، کم ازکم ، اس ایک معاملے میں تو ، اتفاق ہی کرتا ہوگا کہ ،

فرسٹ امپریشن از دی لاسٹ امپریشن

اس سے بھی دو گز اوپر ، وہ ہوتے ہیں ، جو ایسی شکست خوردہ ذہنیت کو ، اپنی اذیت پسندی ، فیڈ کرنے کے لیے استعمال کرتے ہوئے "الگ ہی درجات" پر فائز ہوجاتے ہیں ، اور خود کو ، اپنی کم مائگی کو ، اپنی مفعولی کو ، تمغہ بنا کر ، "تعلق نبھانے کا کوئی آفاقی/الہامی فریضہ" بنا کر پیش کرتے ہیں ، پر کیا ایسے لوگ ، اپنے اندر سے خالص اور مکمل ہوتے ہیں ؟

نہیں ، کیوں کہ

First Impression is the last impression

تک تو پڑھ لیا

لیکن ، یہ ادھورا تھا ،

پورا یہ تھا

First Impression might be the last one, but not the one which lasts for always.

جی ، یہاں سے جڑ پڑی ، کسی کی ود باتوں ، چند تحاریر ، ایک آدھ کمنٹس سے اس کی پوری شخصیات کا خاکہ بنا لینے کی ۔

خواہ ، براہ راست ، اس سے مخاطب ہی نہ ہوئے ہوں ۔

خیر ، اور یہ تاثر ہوتاکیا ہے ؟ جب منہ میں زبان ہے ، چہرے پر کان ہیں ِ سر میں ، دماغ بھی اگر ہو لیکن اس میں سوچ نہ ہو ، تو

انسان یہ نہیں سوچ پاتا کہ ، تاثر تو محض ایک گمان ہے ، اور گمان پر ججمنٹ بنا لینا تو ویسے ہی ، معاملات کی خرابی کا پہلا ، سبب ہے ۔

جی پر ، سوچ ہو تب نا ، دماغ میں تو ، افیون بھری ہے ۔

جاری ہے

زہریلے تعلقات کو تلف کیجئے ۔پہلی قسط

noreply@blogger.com (زوہیب اکرم) — Sun, 24 May 2020 01:17:00 +0000

کوئی بھی تعلق، آئیڈیل /مکمل نہیں ہوتا، ایسا سوچنے اور ڈھونڈنے والے ، یا تو کمسن ہوتے ہیں یا پھر ، احمقوں کی جنت کے متلاشی بلکہ اس کے مستقل رہائشی، یا پھر ، انہوں نے ، سستے بازاری/افسانوں /فلموں سے ہی زندگی سیکھی ہوتی ہے ۔

ہاں ، یہ ضرور ہوتا ہے کہ ایک اچھا ، پرسکون ، تعلق، آپ کو ،محفوظ، خوش، اور عزت نفس جیسے تحفے دیتا ہے ۔

تعلقات /افراد/رشتوں کا ، ایک دوسرا رخ ہوتا ہے ، جسے

Toxic People /Relation Ship

زہریلےتعلقات/افراد/رشتے ، کہتے ہیں ۔

یہ اول الذکر کے برعکس، آپ کی توانائی /خوشی /مثبت کیفیات کو ، اسٹرا/نلکی لگا کر ، چوس جاتے ہیں ، آپ کو اپنا آپ ختم شد محسوس ہوتا ہے ، حتی کہ ، آپ ،کے دل ودمغ میں روحانی/نفسیاتی ، قحط برپا ہو جاتا ہے ،اور آپ مخبوط الحواس ہو کر رہ جاتے ہیں ۔

تو یہ جان لیجئے کہ ، اگر ، آپ ایک ، کاروباری شخصیت ہوں ، کوئی بڑی کمپنی چلا رہے ہوں ، ٹیم لیڈر ہوں ، یا پھر ، کسی ایک پارٹنرکے ساتھ کام کررہے ہوں ، آپ ٹاکسک رشتے/افراد یازہریلے تعلقات سے مکمل دوری اختیار کرنی چاہئے۔

ذیل میں ، چند نشانیاں ہیں ، جو اگر آپ اپنے اطراف کے افراد/تعلقات حتی کے خونی رشتوں میں بھی پائیں تو ان سے کنارہ کریں ۔

خواہ کوئی ، کتنا بھی میٹھا ثالث بننے کی کوشش کرے ، تعلقات/افراد/انسانوں کی اہمیت باور کروائے، آپ ، بس یہ چند باتیں نوٹ کیجئے ، جو آپ ، ایسے افراد میں یہ عادت لامحالہ پائی جائیں گی ، جن کے ساتھ ، رشتہ/تعلق خواہ ، پیشہ ورانہ ہو ، یا ذاتی، محض ، زہر کی فصل سے زیادہ کچھ نہیں ۔

لامتناہی مطالبات/گلے شکوے اور زیرو کانٹری بیوشن یعنی صفر تعاون۔

ایسےتعلقات /افراد ، آپ سے صرف اور صرف ، ڈیمانڈزکرتے ہیں ، بدلے میں ، کچھ دینے سےقطعا انکاری ہوتے ہیں ، حتی کہ شدید ، روحانی /جذباتی/نفسیاتی/مالی ، ضرورت کے وقت ، آپ ان کو ہمیشہ ، ناموجودپاتے ہیں ۔

آپ ان کے ساتھ ، ہمیشہ ، خشک محسوس کرتے ہیں ، جیسے توانائی ختم ہوگئ ہو۔

تعلق/رشتہ ، سکون اور خوشی کے لیے ہوتا ہے ، ہمیشہ نہیں سہی ، پر اس کا بنیادی مقصد یہی ہوتاپر ، اس کے ساتھ ہ ، آپ ان کے ساتھ ، خوش، کمفرٹ ایبل ، مفیدیعنی پروڈکٹو محسوس کریں ، آپ ، ان کی موجودگی میں ، ہمہ وقت خود ،کو جذباتی، نفسیاتی ، حتی کے جسمانی اعتبار سے ، بھی مضمحل اور شل محسوس کرتے ہیں ، اگر ایسا ہے تو ، وقت ہے ان سے چھٹکارے کا۔

بے اعتباری

اعتماد/اعتبار ، تعلق کی گاڑی کے لیے ، ایندھن جیسا ہے ، اور یہ زہریلے افراد آپ پر کبھی اعتماد نہیں کرتے ، ہاں ، ظاہر ضرور کرتے ہیں ، کہ انہیں دنیا میں اگر ، کسی پر اعتماد ہے ، تو وہ صرف آپ ہیں ، لیکن عملی طور پر ، یہ دعوی ڈھکوسلا ہوتا ہے ، ان کی ہر سانس جھوٹ ہوتی ہے ، ان کا ہرلفظ ، دروغ گوئی کا شاہکار ہوتا ہے ۔

مستقل مشتعل

ہر وقت غصے میں رہتے ہیں ، اظہار کریں یا نہ کریں ، اندر ہی اندر کڑھتے رہنا ، اور باہر ، سے مثبت رہنا ، ان کی خصوصی مہارت ہوتی ہے

غیرمتوازن سوچ۔

ایسا رشتہ جس میں اکثر سے زیادہ معاملات، ایساتعلق ، جس کے زیادہ تر پہلو ، یک طرف ہوں ، ایسا رشتہ ، ہموار چل ہی نہیں سکتا۔

متواترگمان/ججمنٹ بناتے چلے جانا

ایسے تعلقات، یا افراد، ہمیشہ ، گمان تلےبات کرتے ہیں ، ان کا ایک ہی مدعا ہوتا تم ایسے اس لیے ہوکہ یہ وجہ ہوئی ، یعنی مستقل ، جج کرتے رہتے ہیں ۔اور ساتھ ہی تنقید بھی ، یہ دونوں چیزیں ، رشتے/تعلقات کے لیے مفید ہو ہی نہیں سکتیں ۔

مستقل بے اعتباری

ایسے تعلقات/رشتے /افراد جو ہر وقت ، بے اعتباری کے مراحل میں رہتے ہیں ، کبھی بھی ، نمو نہیں پاتے ، کیوں کہ ہر اچھے رشتے کی بنیاد ، کا جوہری ، کلیہ ، اعتماد ہے ۔

اندھا دھند خود پسند

اگررشتے/تعلق میں جڑے کسی فریق کا ، مقصد صرف اورصرف اپنے مفاد سے وابستہ ہے ، کہ ، اسکےوجود کی اس کے مفاد کی ، آبیاری ہوتی رہے ، تو ، ایسے رشتے میں ، آگے بڑھنا ، توازن برقرار رکھنا ، ناممکن ہوجاتا ہے

منفی توانائی کے زیر اثر رہنا

ایسا رشتہ/تعلق/فرد ،جس میں سے ، کسی طور ، مثبت کیفیت نہ ابھرتی ہو ، ہروقت ، منفی باتیں ، منفییت بھرپور کیفیات ،کااخراج ہوتا رہتا ہو، تو یہ بھی نشانی ہے ، فرد/تعلق کے زہریلے ہونے کی۔

ابلاغ/کمیونی کیشن /گفتگو سے عاری تعلق۔

کمیونی کیشن کی قلت/گفتگو /بات چیت سے ، عاری رشتہ ، تعلقات کا واہمہ تو ہو سکتا ہے ، پر تعلق نہیں ۔

مستقل /بےوجہ، بےعزتی/رسوائی

متواتر بے عزتی /رسوائی ، تعلق کی ایک بنیادی ضرورت کو کھا جاتی ہے ، جس کا نام ہے ، عزت نفس، جو کہ افراد کے علاوہ ، رشتے کی بھی ہوتی ہے ، طرفین کی ذاتی ، خودداری کے ساتھ ساتھ ، رشتہ/تعلق بھی ، ایک عزت کا متقاضی ہوتا ہے ۔

باہمی اجتناب/احتراز

اگر آپ کا زیادہ تر ، وقت ایک دوسرے سے اجتناب کرتے ہوئے گزرتاہے تو، آپ کو ایک بار پھر سے سوچنے کی ضرورت ہے کہ ، یہ سب کس طرف جا رہا ہے ۔

ناکافی سہارا/حمایت

اگر آپ ، ایک دوسرے کا جذباتی/مشکل وقت کا سہارا نہیں بن سکتے ، اور ایسا بار بار ہوتا ہے ، تو رشتے/تعلق کا جواز کیا ہے ؟ مروت ؟یعنی مروت میں متواتر سہارا ممکن نہیں تو، مروت میں رشتہ/تعلق چلانا ، تو محض خود فریبی ہی ہے ۔

کنٹرول کرنے/رشتہ /تعلق سنبھالنے کی یکطرفہ کوشش

معاملات/تعلقات/رشتے کو ، کنٹرول کر کے اس پر حاوی ہونے کی متواتر/مستقل ، اور نہ ختم ہونے والی کوشش، یا سنبھال کر رکھنے کی کوشش ، وہ بھی صرف ایک ہی فریق کی طرف سے ، اگر ایسا ہو رہا ہے ، تو ہو سکتا ہے ، آپ ، غلط سمت میں ، توانائی برباد کررہے ہیں۔

لامتناہی ڈرامہ/نوٹنکی

اچھے رشتے آپ کی زندگی کو بہتر بناتے ہیں ، ڈرامہ نہیں ۔کہ آپ ہر وقت ، اب کیا کروں کیسے کروں ، آگے کیا ہوگا سوچتے رہیں ۔

مستقل خود فریبی

اگر آپ ، ہمہ وقت، متواتر/ہمیشہ ، دوسروں کو خوش کرنے کے لیے ، اپنے موقف کی قربانی دے دیتے ہیں ، کہ ، آپ کا سو کالڈ رشتہ تعلق برقرار رہے ، تو یقین کیجئے ، آپ ایک تباہ کن/نقصان دہ /زہریلے ، رشتے کےوکٹم/شکار ،بن چکے ہیں ۔

متواتر چیلنجز کا سامنا

ٹھیک ہے ، زندگی خوش کن نہیں ، تعلقات میں اونچ نیچ آتی ہے ، رشتے /فریقین ، چینلجز کا سامنا کرتے ہیں ، پر ، اگرہر بار ، چیلنج ایک ہی طرف سے آرہا ہے ، اوردوسرا صر ف اس کو ، حل ہی کیے جارہا ہے تو ، آپ کو سوچنے کی ضرورت ہے کہ یہ، تعلق ہے یا جیل۔

Flight No. A230 - کراچی کے علاقے ، ماڈل کالونی میں ، لاہور سے آنے والا مسافر طیارہ گر کر تباہ -

noreply@blogger.com (زوہیب اکرم) — Fri, 22 May 2020 10:23:00 +0000

بزنس ریکارڈر کی اطلاعات کے مطابق، کراچی کے علاقے ماڈل کالونی میں ،پی آئی اے کا طیارہ جس میں

سو سے زائد افراد تھے گر کر تباہ ہوگیا ہے

اس کی وجہ تکنیکی خرابی بتائی جارہی ہے ، پی آئی اے کا طیارہ جو کہ کراچی سے لاہور آرہا تھا ، اسے

،کراچی کے ائیر پورٹ جناح ٹرمینل پر لینڈ کرنا تھا

Flight No. A230
جس میں ، سو سے زائد مسافر سوار تھے

تاہم ابھی ، زخمی اور اموات ، کی تعداد کا کوئی علم نہیں

پی آئی اے کا طیارہ ،کراچی کے علاقے ماڈل کالونی میں گر کر تباہ ہونے کی وجہ سے

مبینہ طور پر

کم از کم پانچ گھر

اور کچھ گاڑیاں تباہ ہوگئ ہیں

قانون نافذ کرنے والے اداروں/میڈیکل/طبی عملے/ریسکیو ٹیم نے جناح ٹرمینل ، اور متعلقہ علاقے کا گھیراو کرلیا ہے ، سول ایوی ایشن نے کراچی کے ہوائے اڈے پر ، ایمرجنسی نافذ کردی ہے

تم ہی کہو ، یہ انداز گفتگو کیا ہے - ابلاغی غارت گر - تیسری قسط

noreply@blogger.com (زوہیب اکرم) — Thu, 07 May 2020 16:43:00 +0000

اس تحریر میں ہم ، مختصر تعارف پڑھیں گے ، ان بارہ ابلاغی غارت گروں کا ، جن کو دوران ، گفتگو ادا کرنے سے ، کمیونی کیشن کا ماونٹ ایورسٹ اگ آتا ہے ۔

تو آئیے جانتے ہیں ان

بارہ ابلاغی غارت گر – Toxic Twelves – The Talk Terrorist

کے بارے میں۔

ابلاغی غارت گروں کی ، درجہ بندی کے لحاظ سے ، اس فہرست میں پہلا نام ہے

تنقید:

تنقید تعمیری ہو ، تنقید تخریبی ہو ، یعنی صرف تنقید ہی تنقید ہو ، توکمیونی کیشن روڈ بلاک یا ابلاغی غارت گر سر اٹھانے لگتے ہیں ، مثلا اس طرح کے جملے ،

یہ سب تمھاری وجہ سے ہوا

اگر کسی نقصان کا الزام ، دینا ہے تو خود کو دو

تم ہی ذمے دار ہو

القابات

بات بات پر ، القابات کا استعما ل ، ڈی گریڈ یعنی تحقیر کرنا ،حتی کہ مذاقا ہی سہی ، لیکن القابات /برے ناموں سے نوازتے رہنا۔

ایسے جملے

کیا احمق آدمی ہو ،

کیا تم حواسوں میں ہو، یا مجہول ہو

تم صرف اور صرف ایک بے حس شخص ہو۔

تشخیص/نفسیاتی تجزیہ نگاری ۔

بات بات پر ، سامنےو الے کی نفسیات کا انجن کھول کر بیٹھ جانا ، نبض شناس بن بیٹھنا ، تشخیص کرتے پھرنا، کہ ، فلاں فلاں ، یہ حرکت کیوں کررہا ہے ، ناپختہ ماہر نفسیات کی طرح ، ایسے جملے

میں تمھیں کتاب کی طرح پڑھ سکتا ہوں

تم فلاں عمل صرف مجھے دکھ دینے کےلیے کر رہے /رہی ہو۔

تم تھوڑا زیادہ پڑھ لکھ کیا گئے ہو ، خود کو مجھ سے بہتر سمجھنے لگے ہو۔

نپی تلی تعریف۔

ایسی تعریف ، جس سے غرض /مینی پویشن ، یعنی سازباز ، جوڑ توڑ کی بو آتی ہو ، مثلا ایسے جملے

"تم شروع سے ہی ایک اچھے فرد کی طرح پیش آئے ہو ، تم نے میرا ساتھ دیا ہے ، آج بھی مجھے یقین ہے ، کہ فلاں مسئلے کے حل میں ، تم میرا ساتھ دو گے ۔

اس طرح کے جملے ، یاپھر ، بغیر کسی مقصد کے بھی ، بظاہر، بے جا تعریف ، وہ بھی کسی ایسے شخص کی جانب سے ، جس کی طرف سے ، تعریف /تنقید، کچھ بھی نہ آتی ہو ، یعنی کوئی ایساٹریک ریکارڈ نہ رہا ہو ، حوصلہ افزائی کا ۔

نپی تلی تعریف ، بعض اوقات ، بظاہر ، بے ضرر ہی محسوس ہوتی ہے یہاں شاید یہ سمجھنے میں دشواری ہو کہ

کہ تعریفی کلمات بھی ابلاغی غارت گروں کی فہرست میں کیوں شا مل ہیں ، اس کی آنے والے مضامین میں پیش کی جائے گی ، کہ ، ایسا کیوں ہو تا ہے کہ ، متواتر، "تعریفی کلمات" مخاطب کے لیے /گفتگو کے لیے ، روڈ بلاک کا کام کرتے ہیں ۔

حکمیہ /تحکمانہ انداز:

کسی سے بھی کام لینے کے لیے ، اس سے حکمیہ انداز میں پیش آنا ، ابلاغی دہشت گردی میں شامل ہے ۔

مثلا ایسے مکالمے

جاو فلاں کام کرو

کیوں ؟

کیوں کہ میں نے کہا ہے اس لیے ۔

دھمکی آمیز انداز

کسی شخص کی حرکات و سکنات کا کنٹرو ل اپنے ہاتھ میں لینا ، وہ بھی اسے ڈرا کر ، دھمکا کر ، اسے ممکنہ ، منفی نتائج کا بتا کر اس سے کام لینا۔

مثلا ایسے جملوں کا استعمال جن کے آخر میں ، اکثر "ورنہ " ، یااس کے ابتداء میں ،"اگر" لگتا ہے

تمھیں فلاں کام کرنا ہوگا ، ورنہ ،

اگر تم لوگوں نے شور شرابا بندنہیں کیا تو پھر ، پوری کلاس کی چھٹی بند۔

اخلاقیات کی تبلیغ

اس طرح کے جملوں کا استعمال، بھی ابلاغی غارتگروں کی فہرست میں شامل ہے ، جن سے تبلیغ ابلتی ہو۔

اور ان جملوں میں "چاہئے" کا استعمال، زیادہ ہوتا ہے ۔

جیسے کہ ،

تمھیں فلاں سے معذرت کرنی چاہئے

تمھیں یہ کام نہیں کرنا چاہئے

یا پھر

تم جو یہ فلاں کام کرنے جا رہے ہو ، اس کے ، یہ یہ یہ اور یہ نتائج ، ہوسکتے ہیں ، اس لیے باز رہو۔

اسی میں تمھارا فائدہ ہے ۔

متواتر /نامناسب /غیر ضروری سوالات۔

مستقلا ایسے سوالات ، جنہیں "لوڈڈ سوال " کہتے ہیں ، یعنی جن کا جواب انتہائی مختصرا ہو ، جیسے ہاں یا ناں اس سٹائل کو مزاج کا حصہ بنا لینا ، ایسے سوالا ت گفتگو/تعلقات رشتوں کے لیے ، تباہ کن ثابت ہوتے ہیں ،

ہاں بہت سے نہ سہی پر ، کسی کسی کیس میں ایسے سوالات ہی ، کرنے چاہیں ، تعلق ، خصوصا جب ، سامنے والے کا ٹریک ریکارڈ، جھوٹ /مینی پولیشن /مظلومیت کا ہو ، اس سے پھر آپ بس تعلق رکھتے ہو ، بناتے نہیں.

تعلق رکھنے اور بنانے میں وہی فرق ہے ، جو رشتے اور تعلق میں ہے ، یہ ایک الگ موضوع ہے اس لیے ان دو سطروں میں ، سوالات اٹھانے کی ضرورت نہیں ، کیوں کہ موضوع، ابلاغی غارت گرہے ،

تو اس طرح کے سوالات ، جن کا ، بارہا استعمال، اس طرح ہو کہ ، جواب ہاں یا نا ، یا انتہائی مختصر ہو۔

ایسے سوالات ، اظہار ، پر روک لگا دیتے ہیں ، پر، اظہار ،ا گر ٹیپ ریکارڈر کی طرح ، اٹک کر رہ گیاہو ، اور ایک ہی ریپیٹ پر لگا ہوا ہو ، تو ایسےہی سوالات حل بھی بن جاتے ہیں

کیونکہ ، جس طرح ، متواتر سوالات ، نامناسب سوالات ، رشتے میں ٹوک لگا کر ٹوکے سے کاٹ ڈالتے ہیں ، اسی طرح ، مسلسل ایک ہی موضوع پر ، ایک ہی طرح کا اظہار بار بار کیے جانا ، بھی تعلقات کے لیے تباہ کن ثابت ہوتا ہے ۔۔

بہرحال ، یہ سوالات کس طرح کے ہو سکتے ہیں

فلاں واقعہ کب رونما ہوا

کیا تم فلاں بات پر معذرت کرتے /کرتی ہو؟

پند و نصائح/بن مانگے مشورے / مسائل کا حل بانٹنا۔

بن مانگے مسائل کا حل مہیا کر کے سمجھنا کہ ویلفئر سروس ، تعلقات کے لیے فائدے مند ہوتی ہے ،

اسی طرح ، نصیحتیں ، مشورہ دینا ، یہ سب اسی زمرے میں آتے ہیں ۔اس قماش کے جملے درج ذیل ہیں ۔

میں تمھاری جگہ ہوتا تو اس مسئلے سے اس طرح نمٹتا

ار ے یہ تو کوئی ایشو ہی نہیں ، اس کا حل تو بہت آسان ہے ۔

لو یہ تو عام سا مسئلہ تھا ، چٹکی بجاتے ہی حل ہوجانا تھا۔

توجہ ہٹانا

مختلف طریقوں سے ، گفتگو کا رخ موڑنا ، یعنی ، اگر کوئی آپ سے مسائل شئیر کررہا ہے ، دکھ و رنج میں غمگساری چاہ رہا ہے ، تو آپ اس کی توجہ ، مسائل سے ہٹا کر بہلا رہے ہوں ۔۔

حساس ٹائپ کے افراد ، بدقسمتی سے کسی کے غمگسار بن جائیں تو ، ان کے جملے اس طرح کے ہوتے ہیں

اچھا چلو اب اس با ت کو سوچنا چھوڑو

چلو اچھی اچھی چیزوں کے بارے میں بات کرتے ہیں

اوہ تمھیں لگا ہے صرف تمھارے ساتھ ہی برا ہوا ہے ، میں بتاوں ، میرے ساتھ اس سے بھی زیادہ غلط ہوا۔

اور پھر اپنی کہانیاں شروع کردینا۔

جذباتی ماحول/معاملے میں، منطقی /علمی یعنی حقائق پر مبنی ، مباحثہ۔

جی ہاں سامنے والا جینوئلی دکھ میں ہے ، واقعتا کرب میں ہے ، اورکوئی ، ایسی جذباتی صورتحال میں ، منطق/حقائق کا بکسا کھول کر بیٹھ جائے ، مثلا ایسے جملے ،

کہ ، دیکھو جو بھی ہوا ، اس میں غلطی تو تمھاری ہی تھی ، نہ تم یہ کرتے نہ ویسا ہوتا

دیکھو ، اگر ایسا نہ ہوتا تو حقایق کچھ اور ہوتے ۔

اگر آپ ، چاہتے ہیں ، کہ سامنے والا گفتگو میں بہتا رہے ، تو اسے اس طرح کی لاجک ، یا حقائق پر مبنی گفتگوسے گریز کریں اسے ، منطقی غارت گر کے حوالے نہ کریں۔

یقین دہانیاں

بارہ بارودیوں ،
Toxic Twelves

کی اس فہرست کا آخری ،
Talk Terrorist

ہے ، دہانیاں ، جی ، یہ بیماری میں ، دانستہ نادانستہ احمق قسم کے ، حساس افراد میں پائی جاتی ہے ، ویسے تو ، سب نہ سہی ،پر اکثر ، حساس افراد احمق ہی ہوتے ہیں ، اور دوسروں کو بھی سمجھتے ہیں کہ جب چاہیں گے ، ایموشنل کر کے کام نکلوا لیں گے ، خصوصا ایسے افراد کے پاس ، جب کوئی ایسا موقع آجائے کہ انہیں کسی کا غم سننا پڑے تو یہ ، کنورسیشن ، بلاک کربیٹھتے ہیں ، کیسے ؟

ڈھارس بندھا کر

یقین دہانیاں کروا کر

اپنی طرف سے بڑے غمگسار ٹائپ بن کر

یعنی اس شخص کو منفی کیفیات سے بچانے کے یے ، یہ ، اس طرح کے جملے ادا کرتے یہں

یاد رکھو ، رات کا آخری پہر ، بہت سیاہ ہوتے ، سنو ، اجالا، اسی کے بعد ہے ۔روشنی۔

دیکھنا ایک دن سب ٹھیک ہوجائے گا

ایسے افراد کو "سب ہنسی خوشی رہنےلگے" والی کہانیاں بہت پسند ہوتی ہیں ، خود فریبی کا شکار ہوتے ہیں ، دوسروں کو بھی کرتے ہیں ، خیر ، یہاں اختتام کو پہنچا ، بارہ ابلاغی غارت گروں کا مختصر تعارف ، جلد ، ہی ، ان کے بارے میں ، کیوں کیا کب کیسے ، کو تفصیلی سمجھیں گے ۔

تم ہی کہو ، یہ انداز گفتگو کیا ہے ؟ دوسری قسط

noreply@blogger.com (زوہیب اکرم) — Tue, 05 May 2020 12:19:00 +0000

فہرست موضوعات

عام زندگی سے ایک مثال

خوشگوار تعلق کی خواہش اور ابلاغی غارت گروں کا کردار

گفتگو/تعلقات ، میں مسائل کی بڑی وجوہات

ابلاغی غارت گروں کی فہرست

ابلاغی غارت گروں کے مضمرات/نقصانات

درجہ بندی

عام زندگی سے ایک مثال

ایک مثال سے سمجھتے ہیں

ایک خاتون جو اپنی عمر کی تیس بہاریں دیکھ چکی ہیں ، انہوں نے انتہائی ، افسردگی کے ساتھ ، یہ واقعہ بیان کیا ہے کہ کس طرح و ہ ، ، کسی بھی تہوار/تقریب کے موقعے پر ، اپنے ہی والدین سے بد مزگی کر آتی ہیں ۔

وہ کہتی ہیں کہ ، میں اپنے بچوں کو ، میکے لے کر گئی ، میرا میکہ ، اس سال ، بھاری مالی بحران سے گزرا تھا ، جس کی وجہ سے وہ کافی ذہنی دباو کا شکار تھے ، میں نے ، انتہائی ، نرمی سے ، بہت اپنائیت سے ، معاملہ فہمی کا مظاہرہ کرتے ہوئے ، ان سے ، ان کے اس مسئلے پر بات کرنی چاہی ، حل ڈھونڈنا چاہا ، لیکن وہ وہ الٹا مجھے ہی تنقید کا نشانہ بنانے لگے ، کہ میں نے اپنے بچوں یعنی ان کے نواسے نواسیوں کی تربیت ٹھیک سے نہیں کی ، میں ایک اچھی ماں نہیں ہوں وغیرہ وغیرہ ، جوابی وار کے طور پر ، میں نے بھی ، اپنے امی ابو کی تربیت پر ، سوال اٹھا دئیے ، کہ ، انہوں نے بھی میری ٹھیک سے پرورش نہیں کی وغیرہ وغیرہ ، کہ انہوں نے بھی ، میرے اور میرے بھائی کی تربیت میں کچھ خاص کمال نہیں کیا ۔

ہم آدھا پون گھنٹا اس بدمزگی میں لتھڑے رہے ، ہم تینوں نے ایک دوسرے کو بہت کچھ کہا ، ہمیں ایک دوسرے کا کہاسخت برا لگا ، اور ہم تینوں ہی ، اس واقعے سے بہت زخمی ہوئے ، ہمارے جذبات ،بہت ، مضمحل یعنی ، باسی سے ہوگئے

کچھ دیر خاموش رہ کر ، وہ پھر کہنے لگیں ۔

“کئی بار ایسا ہوا ہے ، میں جب بھی میکے جاتی ہوں ، وہ کوئی نہ کوئی بات ایسی کردیتے ہیں ، جو انہیں نہیں کرنی چاہئے ، میں پھر بھی انہیں بہت چاہتی ہوں ، اور کوشش کرتی ہوں ، کہ میرا قیام خواہ مختصر ہی کیوں نہ ہو ، لیکن ،جب واپس آوں تو، خوشگوار یادوں ، اور میٹھی باتوں کے ساتھ ، پر کچھ نہ کچھ ایسا ہو ہی جاتا ہے ، کہ ، سب ایک دوسرے کو تکلیف دہ باتیں سنا کر زخمی کردیتے ہیں ۔"

مذکورہ واقعہ ، رو ز مرہ زندگی سے منسلک ایک بہت عام سہی کہانی ہے ۔ کہانی ، یکساں ہوتی ہے ، کردار اور صورتحال بدل جاتی ہیں ۔کبھی ماں باپ ، بہن بھائی، رشتے دار، تعلق واسطے ، دوست احباب ، آفس کولیگ ، یا پھر یہ سب اور م ، ایک ہی ساتھ ایک ہی دن میں ، مختلف اوقات میں ، ایک ہی کہانی اور صورتحال کا مرکز /کردار بن کر اس مسئلے کا شکار ہوتے رہتے ہیں ۔

خوشگوار تعلق کی خواہش اور ابلاغی غارت گروں کا کردار-

سوال یہ پید ا ہوتا ہےکہ ، جب ہم ، سب ایک صحت مند اور خوش گوار، رابطہ /تعلق/گفتگو جاری رکھنے کے خواہاں ہیں تو ، پھر ، آخر کیا وجہ ہے کہ ، یہ خوبصورت ، ابلاغی جز ، یعنی ، کمیونی کیشن فیکٹر ، جسے ہم ، "حسن مکالمہ" کہہ سکتے ہیں ، ہماری زندگیوں سے ، عنقا ہے یعنی ، موجود نہیں ۔

گفتگو/تعلقات ، میں مسائل کی بڑی وجوہات۔

اس کی ایک بہت بڑی وجہ ، ہم سب کا ، نادانستگی میں ، دوران گفتگو ، ابلاغی غارت گروں کی ایک پوری ، فوج کو ، میدان میں کھلا چھوڑ دینا ہے ، جو کہ ، مواصلاتی پلوں ، یعنی کمیونی کیشن برج کو تاخت و تاراج کر کے رکھ دیتے ہیں ، ایک تخمینہ کے مطابق ، گفتگو /گفتگو بڑھانے کے مواقع ، برباد کردینے میں ، نوے فیصد ، انہیں ابلاغی غارت گروں کا ہاتھ ہوتا ہے ، خصوصا اس وقت جب ، دوران گفتگو ، فریقین میں سے ، کسی ایک کو ، موضوع سے ، کوئی ذاتی مسئلہ ہو ، یا ان کی کوئی ذاتی خواہش ہو ، جسے پورا کیے بغیر ، گفتگو آگے بڑھائی جا رہی ہو۔

ابلاغی غارت گر ، کیا ہوتے ہیں ان کی تعداد کتنی ہے اور یہ کیا کرتے ہیں ،ان کا مختصرتعارف یہاں موجود ہے

آج ان پر ، ذرا تفصیل سے بات کریں گے ،

آئیے جانتے ہیں ، کہ ابلاغی غارت گر ، کون کون سے ہوتے ہیں ۔

ابلاغی غارت گروں کی فہرست

تعمیری/تخریبی، تنقید

القابات سے نوازنا

تشخیص/نفسیاتی تجزیہ نگاری

بلا ضرورت داد رسی /تعریف

حکم چلانا/تحکمانہ انداز

دھکمیاں /تنبیہی انداز

اخلاقیات کا لیکچر

پند و نصائح/بن مانگے مشورے/مسائل کا حل مہیا کرنا

اضافی/غیر ضروری متواتر/نامناسب سوالات

مدعے سے توجہ ہٹانا

منطقی/حقائق پر مبنی گفتگو۔

ڈھارس بندھانا / تسلیاں دینا

ابلاغی غارت گروں کے مضمرات/نقصانات۔

ان ابلاغی دہشت گردوں جنہیں ، "بارہ بارودی " بھی کہا جاتا ہے ، کے بارے میں ، تفصیلی طور پر جاننے سے پہلے ، ہم یہ سمجھ لیتے ہیں کہ ، مذکورہ بالا فہرست میں موجود ، جز، یعنی ابلاغی رکاوٹیں ، دوران گفتگو ، کیا کیا رسک لیے ہوئے ہوتی ہیں۔

اگر آپ غور کریں تو بظاہر ، یوں محسو س ہوگا کہ ، ان میں سے کچھ ، تو بہت ہی معصومانہ ہیں ۔

مثلا ، ڈھارس ،منطقی مکالمہ ، تعریف کرنا ، ، پند و نصائح ، دوران گفتگو/تعلقات ، اچھے سمجھے جاتے ہیں ، تو پھر آخر کیا وجہ ہے ، کہ ان "بظاہر مثبت" رویوں /ریسپانسز کو ، بھی ، ابلاغی غارت گروں ، یعنی
Talk Terrorist/Toxic Twelve

کہا جاتا ہے ؟

یہاں تک کہ ، انہیں ، گفتگو /تعقات کے لیے ، انتہائی ، پرخطر قرار دیا گیا ہے ۔

ایسا اس لیے ہے کہ ، یہ اجزاء ، یہ ابلاغی غارت گر۔ درج ذیل تباہ کاریاں پھیلاتے ہیں ۔

مخاطب کی اپنی معاملہ فہمی کو مسمار

اس سے مزید گفتگو کا راستہ بند

اور

سب سے زیادہ خطرے کی بات یہ ہے کہ ، یہ ابلاغی غار ت گر ، طرفین میں جذباتی فاصلہ پیدا کردیتے ہیں ، کیوں کہ ، گفتگو /کے بیچ کے پلوں کوتباہ کردیتے ہیں اس عمل کو ، ہم کمیونی کیشن گیپ کا نام بھی دیتے ہیں

۔خصوصا اس وقت ، جب دو یا دو سے زائد افراد ، کسی مشکل (جذباتی اختلاف) سے نبرد آزما ہوں ، تو ان ، منفی رکاوٹوں ، ابلاغی غارت گروں کی تابکاری کا اثر کئی گنا بڑھ جاتا ہے ۔

درجہ بندی

سب سے پہلے تو ، ایک مختصر اور سادہ سا اصول یاد رکھئیے کہ

"جذباتی صورتحال میں ، ان تمام ابلاغی رکاوٹوں سے ، حتی الامکان گریز کیجئے "۔

ویسے ، ہوتا بہرحال اس کے برعکس ہی ہے کہ ، ہم ، عین ، تناو/رنجش/مخدوش جذباتی ماحول میں ہی ، ان ابلاغی غارت گروں کو کھلا چھوڑ دیتے ہیں ۔

ان بارہ بارودیوں ،
Toxic Twelves/Talk Terrorists

کو ، تین ، مرکزی زمرہ جات یعنی کیٹگیریز میں رکھا گیا ہے ۔

پہلی کیٹگری /زمرہ ہے ۔

فیصلہ/حتمی رائے۔ اس درجہ بندی ، موجود غارت گر ، وہ ہیں ، جن کے اظہار سے یہ لگتا ہے کہ ، آپ مخاطب پر ، کوئی ، فیصلہ صادر کررہے ہیں ، کوئی حتمی رائے دے رہے ہیں ، فیصلہ/حتمی رائے نامی کٹیگری میں ، چار غارت گر آتے ہیں۔

تنقید

القابات سے نوازنا

تشخیص/نفسیاتی تجزیہ نگاری

نپی تلی تعریف

دوسری کیٹگیری /زمرہ

حل/مشورہ پر مبنی گفتگو ہے۔ اس میں ، شامل ، ابلاغی غارت گروں کی تعداد پانچ ہے ،

تحکمانہ انداز

دھمکانا

اخلاقیات پر لیکچر

غیر ضروری/نامناسب سوالات

بن مانگے مشورے/نصیحتیں

تیسری کیٹگری/زمر ہ ہے،

مدعے سے توجہ ہٹانا، اس میں موجود ، تمام غارت گروں سے "عدم توجہی"/نظر اندازی کی کیفیت وابستہ ہے

اس کیٹیگری /زمرے میں تین ، غارت گر آتے ہیں ،

مدعا دائیں بائیں کرنے کی کوشش/دھیان بٹانا

منطقی دلائل/حقائق پیش کرنا

ڈھارس /حوصلہ افزائی ۔

Illusion of Knowledge - علمیت کا واہمہ - تیسری اور آخری قسط

noreply@blogger.com (زوہیب اکرم) — Sun, 03 May 2020 12:04:00 +0000

فہرست اقساط

پہلی قسط

دوسری قسط

تیسری قسط

چلیں فیملی / برادری/رشتے /تعلقات )جینوئن والے ، فیس بک میسنجر والے نہیں ) وغیرہ ، کے درمیان ، گفتگو ، یا مباحثے اگر ، صحت مندانہ ، سرگرمی کے طور پر ہوں ، تو اچھا ہی ہے ، کہ انسان بولنے والا جانور ہے ، اگر بولنا ، نقصان دہ ہوتا تو نطق عطا نہ ہوتی ، لیکن وہی بات ، صحت مندانہ سرگرمی کی حد تک ٹھیک ہے ۔

لیکن سوشل میڈیا پر لوگوں کو نوٹ کریں ، ڈسکشنز ، مباحثے ، مناظرے ، کیا ثابت کرنے کے لیے کیے جا رہے ہوتے ہیں ؟

یہی نا کہ ،

میں زیادہ جانتا ہوں

یہی حقیقت ہے جو میں کہہ رہا ہوں
چونکہ، میں کہہ رہا ہوں اس لیے حقیقت ہے

وغیر وغیرہ

اس سب سے یہ سب کرنے والوں کو کیا حاصل ہو رہا ہوتا ہے ؟

جی ٹھیک سمجھے ۔

سرور

نفسیاتی تسکین

خود کو ٹھیک قرار دے کر ، دماغ کے ریوارڈ سینٹر سے مزید ، کیفیت کا اجرا اور اس کے نتیجے میں دماغ پر چھانے والا خمار۔

جو انسان کو سوشل میڈیا پر اس وقت حاصل ہوتا ہے جب وہ چلتی بحث میں ، اپنی سو کالڈ لاجک یا علمی بات ڈال کر ، آخری بار کمنٹ کرتا اور اینٹر دباتا ہے ۔

اس وقت جو کیفیت ہوتی ہے ، وہ ذہن میں لائے ، سوچ کر ہی مزا آجائےگا۔

کل ملا کر بات یہ ہے کہ ،

عین ممکن ہے کہ ، کوئی ایسا شخص جسے انگریزی میں
Know it all persoanlity

کہتے ہیں یعنی ، جسے

"میں سب جانتا ہوں " کا وہم ہو ۔

اس شخص کو ، محض ، چسکا ہو ، نشہ ہو ، اس کی اس عادت کا تعلق، اس لت سے ہو ، جو انسان کو ، مذکورہ نفسیاتی تسکین پوری ہونے پر مکمل ہوتی ہے ۔

یعنی ، اس کو "میں ٹھیک ہوں " کا نشہ ہو ، اسی یے ، اسے ، لگتا ہو ، کہ وہ جانتا ہے ۔

خود شناسائی - کہیں آپ بھی تو اس واہمے کا شکار تو نہیں ؟

جوں جوں یہ مضمون پڑھتے جارہے ہیں ، آپ کے ذہن میں ، وہ شناسا چہرے ابھرتے جارے ہیں جن کو حقیقی زندگی میں

Know it all

کے طور پر جانتے ہیں ۔

اب بات آتی ہے اپنی ذات کے تجزیہ کی

کیوںکہ دوسروں کو تو ہم فورا پہچان گئے کہ یہ

Know it al ہے

لیکن یہ خصوصیات یا نشانیاں ، اپنے اندر تلاشنا ، مزید مشکل اور چیلنجنگ ہے ۔

پہلے تو یہ سوچیں اگر یہ نشہ ہے تو اس لت سے چھٹکارے کا کیا طریقہ ہے ۔اس کا جواب

سقراط نے دیا ہے ۔

اس نے کسی "مبینہ" دانا سے بات کرنے کے بعد کہا

میں اس شخص کیا کلام کروں ، جسے لگتا ہے کہ ، وہ جانتا ہے ، جب کہ وہ نہیں جانتا، اور میں نہ جانتا ہوں کہ مجھے علم ہے ، اور نہیں ایسا سوچتا ہوں کہ میں علم رکھتا ہوں ۔

گویا سقراط کے بقول

علمی عاجزی ہی ، اس نشے سے چھٹکارے کا پہلا قدم ہے، بات علمی عاجزی کی ہے ، جعلی عاجزی کی نہیں ۔

اس میں یہ بھی ہے کہ ، انسان حقیقت کی تلاش میں نکلتا ہے ، کہ خود کو عاجز جان کر ، صرف کہہ کر نہیں ، جان کر ، مان کر ، انسان سچ کی تلاش کرے ، اور اس کے پاس، کوئی گارنٹی بھی نہ ہو کہ وہ اسے پا لے گا

علمیت کے واہمے سے بچاو کیسے ممکن ہے ؟

جرمن فلاسفر ، ایڈمنڈ ہسرل کہتے ہیں کہ

اگر آپ علمیت کے واہمے سے بچنا چاہتے ہیں تو ، آپ کو ، اتفاق اور اختلاف دونوں سے بچنا پڑے گا ۔لمحاتی طور پر ہی سہی ، لیکن یعنی آپ کے سامنے اگر کوئی بات پیش کی جائے ، تو وکالت کرنے ، اپنی موجودہ معلومات کے برتے پر ،

کوئی ایک سائڈ منتخب کرنے ، خود کو بریکٹ کرنے سے ، گریز کریں ،کوئی فیصلہ دینے کے بجائے ، ایک قدم پیچھے ہٹیں ،

اور دنیا یعنی فریقین اور متعلقین کو اس کے بارے میں بات کرنے دیں یہ کرنے سے آپ ، خود کو ، موضوع ، مدعے سے علیحدہ کرلیں گے ، وقتی ہی سہی ، لیکن یہ پریکٹس ، آپ کو ، ایک نئے ، آشرم میں داخل کردے گی ، جس کا نام ہوگا

"حیرت کدہ "، اور پھر حرکت میں آئے گا ، ہمارا دماغی نظام ، سوچنے کی مشین ، جسے ہم بہت کم ہی استعمال کرتے ہیں ۔

اور ہم اپلائے کریں گے ، سوچنے کی کچھ ایسی مشقیں جو ہمیں ، علمیت کے واہموں سے نکال لیں گی ۔

وہ مشقیں کیا ہیں ، یہ موضوع پھر کبھی سہی ۔

Illusion of Knowledge - علمیت کا واہمہ - دوسری قسط

noreply@blogger.com (زوہیب اکرم) — Sun, 03 May 2020 11:57:00 +0000

فہرست اقساط

پہلی قسط

تھاٹ پیٹرنز – سوچنے کا انداز ، کیسے تشکیل پاتا ہے ؟

مزید آسانی کے لیے ، اسے یوں سمجھ لیں ، ہمارے ، نیورونز،کنیکشن ، یعنی دماغ کے سیل کا جو نیٹ ورک ہوتا ہے جیسے

Neural Pathways

کہتے ہیں ،

یہ الگ الگ ہوتے ہیں ، جسے آپ یوں کہہ لیں ، کہ کسی ایک ہی چیز کو دیکھنے کا الگ الگ زوایہ ،

یہ "سوچنے کے طریقوں" کی وجہ سے ہم رستوں میں الجھے ہوئے ہوتے ہیں ، چھوٹی چھوٹی چیزوں پر اختلاف کررہے ہوتے ہیں ، یہ جانے بغیر کہ ، موضوع کچھ بھی ہو ، ہر کسی کے ،
Neural Pathways

میرے جیسے نہیں۔ وہ اس چیز کو الگ طریقے سے ہی دیکھے گا

اس یے ، اسے وہ چیز ، اس طرح درست لگتی ہے ، جس طرح وہ کہہ رہا ہے ، اور دوسرے کو ، وہ چیز دوسری طرح درست لگتی ہے ، جس طرح وہ دیکھ رہا ہوتا ہے ،

ایسا کیوں ہوتا ہے

ایسا ، جین ، نسل ، اطراف کا ماحول ، عقائد ، اور برسوں سے جو دیکھا سنا پڑھا ہوتا ہے اس کی بنیاد پر ، ہوتا ہے

اس کی مثال یہ ہے کہ

نیورل پاتھ وے، یعنی دماغ کی جن شاخوں میں سوچیں سفر کرتی ہیں ، وہ ، پتھر پر کندہ ، لکیریں جیسی ہیں ، یا کسی چٹان میں موجود کریکس ، جو کہ ضروری نہیں ہر چٹان کے ایک جیسے ہو اور سوچیں / معلومات ، کے سفر کرنے کا طریقہ ، ان کا تجزیہ کرنے کی لہر ، اس کریک/لکیروں پر سفر کرنے والا پنی ہے ۔

تو ہر چٹان ، ہر پتھرپر ، کندہ لکیروں کا ڈیزائن ایک جیسا ہوگا ؟

اور پانی خود جو راستہ/ نئے کریکس بناتا رہا ہے ، صدیوں سے ، وہ ایک جیسے ہوں گے ؟
نہیں بلکہ ، صدیوں سے ، سوچیں ٹپ ٹپ کر کے ، پتھر پر لکیریں کندہ کرچکیں ، چٹانوں میں کریک پڑچکے ، اس لے اب ، رستہ بن چکا ، ٹریفک یعنی پانی ، وہیں سے گزرے گا ،

بس یہ کریکس ، یہ لکیریں یعنی صدیوں سے جن عقائد کے ہم باجگزار ہیں ،یہ ہی لکیریں ، یہی راستے ، جن میں سے گزر کر سوچ ڈھلتی ہے، یہی ، وجہ بنتے ہیں ،

"میں ٹھیک ہوں " ، یا"مجھے سب پتہ ہے " یا "میں علمی مخالفین سے زیادہ جانتا ہوں "جیسی کیفیات /واہموں کے ۔

رابرٹ برٹن ایک نیورو سائنٹسٹ ہیں وہ کہتے ہیں کہ ،

"جب یہ رستے بن جائیں ، عقائد پتھر کی لکیر ، ماحول / سماج/ فیملی بیک گراوئنڈ / علمی قابلیت / مشاہدہ/ جین ، سوچنے کی پاور، صدیوں سے نسل در نسل چلی آرہی ہوتی ہے ، اور دماغ کے پتھر پر کندہ ان لکیروں یعنی تھاٹ پیٹرنز کو ، بدلنا ، یا ختم کرنا ، کوئی آسان بات نہیں "

خود کو ٹھیک سمجھنے/ثابت کرنے کی ، نفسیاتی لذت۔

انسانی دماغ کے بہت سارے نظاموں/کاموں، میں سے ایک نظا م ہوتا ہے ، جس کا نام

میزولمبک ڈوپامائن سسٹم یعنی

Meso-Limbic Dopamine System

کہتے ہیں آسان زبان میں ، اسے

دما غ کا آجر کہتے ہیں ، یعنی ،
Reward Center

اس کا کام بنیادی طور پر ،

لطف/خوشی کا احساس دلانا ہوتا ہے ،کوئی بھی اسی پسرگرمی ، جس میں انسان کو مزا آئے ، لطف اندوز ہو ، یا خوشی ہو ، تو دماغ کا یہ حصہ ، اس بات کا ذمے دار ہوتا ہے کہ ، انسان کو اس بات کا احساس دلائے کہ ، اسے فلاں کام سے خوشی / لطف حاصل ہورہا ہے ،

دلچسپ بات یہ ہے کہ ،

درج ذیل تین کیفیات میں ، ایک ہی جیسی نفسیاتی خوشی/لذت/تسکین ہے

منشیات کا استعمال یعنی محض سرور لینے کے لیے ، نشہ کرنا

کوئی بھی ایسی سرگرمی جس سے انسان کو لطف آتا ہو

"خود کو ٹھیک سمجھنا"/ یہ "لگنا " کہ مجھے سب پتا ہے

اس لیے ، بھی ، آپ نوٹ کریں ، کہ جو اس طرح کے جملے استعمال کرتے ہوں

مجھے یہ لگا

میں نے سوچا

میں یہ سمجھا

ایسے افراد کے پاس ، ہمیشہ نہیں سہی ، پراکثر، ان کے ،"لگنے" کے جواب میں جب ان سے سوالات کیے جائیں تو

یہ چار پرائمری طریقوں سے جواب دیتے ہیں

بدتمیزی

ایموشنل بیک میلنگ/اخلاقیات کا درس

گفتگو کا رخ موڑنے کی کوشش

خاموشی

بہرحال ، یہ مذکورہ بالا سرگرمیاں ، انسان کو ایک جیسی نفسیاتی تسکین دیتی ہیں ، اب دوڑائیں اپنے اطراف پر نظر ،

اپنے گھر میں ، سوشل میڈیا پر ، خصوصا ، ایسے ڈسکشن ، جہاں مذہب/ وطنیت بھی انوالو ہوجائے ، تو انسان "میں ٹھیک ہوں " والا نشہ ، کتنے مزے سے کررہا ہوتا ہے ، فیملی ڈسکشن میں ، ایک دوسرے کو پچھاڑ کر ، مدعے کو ایک طرف کر کے صرف میں ٹھیک ہوں والا بے ثمر عمل ، جو صرف ڈسکشن در ڈسکشن کو فروغ دے رہا ہوتا ہے ، یعنی میں ٹھیک ثابت ہوا والی کیفیت طاری کرتاہے ، یہ بھی چھوڑ دیں کہ گھر والے اپس میں بات کریں ، تو بھی ٹھیک ہے ، صحت مند سرگرمی کہی جاسکتی ہے ۔

Illusion of Knowledge - علمیت کا واہمہ - پہلی قسط

noreply@blogger.com (زوہیب اکرم) — Sun, 03 May 2020 11:51:00 +0000

فہرست موضوعات

تمہید

شعوری علمیت ، لاشعوری علمیت ، شعوری لاعلمیت اور لاشعوری لاعلمیت

علمیت کا واہمہ

علمیت کے واہمے میں ، انٹرنیٹ کا کردار

علم اور معلومات میں فرق – Knowledge and Information

عام زندگی سے ایک مثال

تھاٹ پیٹرنز یعنی سوچنے کا انداز کیسے تشکیل پاتا ہے ۔

خود کو ٹھیک سمجھنے/ثابت کرنے کی ، نفسیاتی لذت

خود شناسائی - کہیں آپ بھی تو اس واہمے کا شکار تو نہیں ؟

علمیت کے واہمے سے بچاو کیسے ممکن ہے ؟

تمہید

علم کا دشمن ، جہل نہیں ، بلکہ ، علم کا واہمہ ہے ،

اکثر اوقات ، ہم ، یہ بتا سکتے ہیں کہ ہم کیا نہیں جانتے ، کیوں کہ ، ہمیں اس کا پورا شعور ہوتا ہے کہ ، ہم نہیں جانتے ، مثلا، اگر کوئی ، ریاضی کا استاد ہے ، تو ممکن ہے وہ یہ جانتا ہو کہ ، اسے آرٹس یا فنون لطیفہ کے بارے میں علم نہیں اسی طرح ، دنیا ایسی چیزوں سے بھری پڑی ہے ، جن کے بارے میں ہم یہ نہیں جانتے کہ ہم ان کے بارے میں جانتے ہیں یا نہیں جانتے ،

Known Knows

Known Unknowns

Unknown

ایک امریکیسیکرٹری دفاع ، ڈونلڈ رمز فیڈ کے الفاظ میں

کچھ چیزیں ایسی ہیں ، جن کو ، معلوم ، معلوم ،یعنی

Known Knowns

کہا جاتا ہے ، یعنی ، کے بارے میں ہم علم رکھتے ہیں شعور رکھتےہیں ، کہ ہم ان چیزوں اور ان کے بارے میں جانتے ہیں ، کچھ چیزیں ایسے ہیں جنہیں ،

Known Unknowns

کہا جاتا ہے ، یعنی ، جن کے بارے میں ہم جانتے ہیں کہ ، ہم ان کے بارے میں نہیں جانتے یعنی ہمیں شعور ہے کہ ہم فلاں چیز کے بارے میں لا علم ہیں اسی طرح ، کچھ چیزیں ایسی ہیں ،

جنہیں ،

نامعلوم نامعلوم ،

Unknown Unknowns

کہا جاتا ہے ، یہ وہ چیزیں ہوتی ہیں ،

جن کے بارے میں ، نہ ہم ادراک رکھتے ہیں ، نہ شعور ، کہ ہم ان سے آگاہ ہیں ۔

علمیت کا واہمہ

اب بات یہ ہے کہ ، کچھ چیزیں ایسی بھی ہیں جن کے بارے میں ہمیں "لگتا" ہے ، کہ ہم علم رکھتے ہیں ، لیکن ایسا ہمیں ان کے وجود کا ادراک تک نہیں ہوتا، یا ان کے بارے میں علم نہیں ہوتا ہمیں بس "لگتا " ہے کہ ہم فلاں چیز / فلاں ہنر/فلاں علم جو جانتے اور سمجھتے ہیں ۔

اس "لگنے" کو

علمیت کا واہمہ کہا جاتا ہے ۔

یعنی
Illusion Of Knowledge

.ایک امریکی ، یونی ورسٹی ، کے تین ماہر ین نفسیات کی ایک تحقیق کے مطابق ، انٹرنیٹ کے بڑھتے ہوئے استعمال، خصوصا، اس کو ، معلومات کا مرکزی ، منبع سمجھتے ہوئے اس کے استعمال میں اضافہ ۔ لوگوں میں ، علمیت کی پھونک بھرتی جارہی ہے ، ان کی علمیت کا ، وہم ، غبارے کی طرح پھول رہا ہے،انہیں یہ "لگنے" لگتا ہےکہ ، انٹرنیٹ کی وجہ سے ، وہ علم و فضل میں بڑھ گئے ہیں ۔

ایسی کیفیت کے طاری ہونے کا مطلب ضروری نہیں کہ آپ حقیقت میں بھی کچھ جانتے ہو۔

، یہ بھی ممکن ہے ، کہ آپ کو یہ "لگتا" ہو کہ آپ کی انفارمیشن ، ایک مخصوص معاملے میں بہت ہے ، اور معاملہ اس کے الٹ ہو ، یعنی آپ کو ، بہت تھوڑا سا علم ہو، ہم ، اپنے تئیں ، معلومات / انفارمیشن ، حاصل کر کے ، انہیں ۔ علم/نالج سمجھنے لگے ہیں ۔

جب کہ ، انفارمیشن ، اور نالج در حقیقت دو الگ چیزیں ہیں ،

جب کہ ، اکثر اوقات ایسا ہوتا ہے کہ ، انٹرنیٹ ، ہمیں صرف ان چیزوں کی تصدیق کر کے دے رہا ہوتا ہے ، جو اکثر ہماری سوچ / عقیدے میں پہلے سے ہی موجود ہوتا ہے ، اس یے ہم انٹرنیٹ پر جلدی سے کنفرم کرنے جاتے ہیں ۔

اچھا ، علمی کیفیت کا طاری ہونا ، بذات خود کوئی بری چیز نہیں ، کیوں کہ ، اس کے بغیر ، انسان ذہن کے سیکھنے کی صلاحیت پر فرق پڑتا ہے ۔ جس طرح ، علم اور معلومات میں فرق ہے

اسی طرح ،

"میں ٹھیک ہوں" والی کیفیت ، ضروری نہیں ہر بار "درست" بھی ثابت ہو۔

جی ، حقیقتا ، مستند ہونے اور وقتی کیفیت یعنی " میں ٹھیک ہوں" میں فرق ہے ۔

عام زندگی سے ایک مثال

کتنی بار ایسا ہوا ہے کہ ، آپ کو یقین ہو کہ آپ فلاں مدعے کو لے کر "ٹھیک " تھے ، یعنی آپ کو لگ رہا تھا کہ آپ ٹھیک بات کررہے ہیں ، اور دوسرے نے اختلاف کرلیا ، تو کیا ہوتا ہے ؟

اب ظاہر ہے ، بہت سے معاملات میں ، بات کا پہلو ایک ہی ہوتا ہے ، لیکن ، اختلافات پھر بھی ہوتے ہیں ، اب یہ بھی درست ہے کہ ، دونوں میں سے ایک ہی ٹھیک ہوتا ہے ۔

لیکن کیفیت دونوں کو یہ آرہی ہوتی ہے "صرف میں ٹھیک ہوں "۔

- جاری ہے

تم ہی کہو یہ انداز گفتگو کیا ہے ؟ The Art of Communication - پہلی قسط

noreply@blogger.com (زوہیب اکرم) — Mon, 27 Apr 2020 17:12:00 +0000

فن ابلاغ ، اور ابلاغی رکاوٹیں – Art of Communication and Communication Barriers

فن ابلاغ کی تعریف تو سادہ ہے کہ اپنی بات ، سامنے والے کو سمجھا دینا ، فن ابلاغ یعنی کمیونی کیشن کے زمرے میں آتا ہے ۔

کمیونی کیشن گیپ یا کمیونی کیشن کا ماونٹ ایورسٹ ۔

ابلاغی رکاوٹ – Communication barriers

ادراک/خود شناسائی کی قلت اور ایک غلط فہمی ۔

ایک باطل/غلط ، نظریہ ، جسے ہم ،اپنا فطری حق سمجھ بیٹھے ہیں ۔

جب غلط نظریہ ٹوٹتا ہے تو کیا ہوتا ہے ؟

کمیونی کیشن - ایک سائنس ، ایک آرٹ ، ایک علم ، ایک ہنر ۔

ابلاغی غارت گر – Talk Terrorists
The Twelve Terminal

Toxic Twelves - بارہ بارودی /بارہ زہریلے

کسی بھی ایسی چیزکو کہتے ہیں ، کہ گفتگو/موضوع گفتگو /معنویت /نشست و برخاست میں ، کسی بھی وجہ سے ، آلودگی کا سبب بنے ، اور اس بنا پر ،بنی نوع انسان کو ودیعت کردہ ایک، انتہائی اہم اور مضبوط ہتھیار /ہنربے محل اور مہمل ہو کر رہ جاتا ہے جس کا نام ہے ، کمیونی کیشن ، یعنی فن ابلاغ، آسان زبان میں اپنی بات پہنچانے ، یا سمجھانے کا فن ، خواہ کسی وسیلے سے ہی کیوں نہ ہو۔

یہ ابلاغی رکاوٹیں یعنی کمیونی کیشن بیرئیر ، ہم سب میں پائے جاتے ہیں ، اس لیے ، کثر اوقات ایسا ہوتا ہے کہ ،

ہم کہنا کچھ چاہتے ہیں

کہتے کچھ ہیں

ہمارا مخاطب سمجھنا کچھ اور چاہتا ہے

سمجھتا کچھ اور ہے

جب کہ موضوع یکسر الٹ ہوتا ہے

پھر اس کا فیڈبیک ، کچھ ہوتا ہے ، سمجھا کچھ جاتا ہے ، اور پھر ایک چین چل پڑتی ہے ، منفی /مہمل مکالمات/واقعات کی۔

ایسا ہمارے عمومی مزاج اور ماحول کا حصہ نہیں ہونا چاہئے، لیکن یہ اس قدر تواتر سے ہوتا ہے کہ ابلاغ کے طریقوں کا انتخاب یعنی جدیددورمیں ، ابلاغ کے اتنے سارے /آسان/سستے ، ذرایع ، موبائل /انٹرنیٹ ہونے کے باوجودہم ،معنویت ، یعنی ، بامعنی گفتگو /الفاظ/موضوع/ حسن کلام / اپنی بات کو منوانے سے پہلے پہنچانے کا فن کھو تے جا رہے ہیں ، یا کم از کم ، کمزور تو کر ہی چکے ہیں ۔

کمیونی کیشن گیپ یا کمیونی کیشن کا ماونٹ ایورسٹ ۔

یہی کمیونی کیشن بیریرز یعنی ابلاغی رکاوٹیں ہیں ، کہ ہماری نشست و برخاست ، یعنی ، محافل ، وہ آن لائن ہوں یا آف لائن ، تقریبات کا رنگ ہو ، یا کسی دفتری سرگرمی کا کوئی منظر ، کمیونی کیشن گیپ اب ، ماونٹ ایورسٹ بن چکا ہے ، پہلے جہاں گڑھا تھا ، کہ بات اس پار سے اس پار تک نہیں جا سکتی تھی ، کسی بھی وجہ سے ، وہاں اب ، بے معنی گفتگو/انٹر ایکشن کی زیادتی ، نے ماونٹ ایورسٹ کھڑا کردیا ہے ۔

ادراک/خود شناسائی کی قلت اور ایک غلط فہمی ۔

حد تو یہ ہے کہ ہم سب، ابلاغ ومواصلات یعنی بات کرنے کو ، آسان سمجھتے ہیں ، بات پہنچانے کو ، کسی کو سمجھانا ، سہل لگتا ہے ، ور یہ آسان سمجھنا ہی اسے دشوار گزار بنا دیتا ہے، اس پر مستزاد یہ کہ ہمیں اس کا ادراک بھی نہیں ہوتا۔

انفرادی معاملہ ہو یا اجتماعی ، گھریلو مسائل ہوں یا ٹیم ورک ، بہر صورت، کمیونی کیشن جڑ نہ سہی ، لیکن ہر قضیے یعنی مسئلے کے پیچھے ایک بڑی وجہ کے طور پر ضرور ملے گا ۔ایسا کیوں ہے ؟

ایک باطل/غلط ، نظریہ ، جسے ہم ، فطرت سمجھ بیٹھے ہیں

؟ اس کی وجہ ، ہمارے ذہنوں پر ، آسیب کی طرح مسلط ایک باطل ، یعنی غلط نظریہ ہے ۔اور وہ نظریہ ، اس سماج ، اس تعلیمی نظام اوربہت سے دوسرے ماحولیاتی فیکٹرز /عناصر، نے مل کر تخلیق کیا ہے ، جسے ہم کسی مقدس سچائی کی طرح دل میں بسائے ، اور کسی تمغے کی طرح سینے پر سجائے بیٹھے ہیں

وہ یک سطری نظریہ کچھ یوں ہے کہ ،

ہم لوگ یہ سمجھ بیٹھے ہیں کہ ، شاید ، بولنا یا الفاظ/یا کسی اور طرح کے میڈیم کے ذریعے بات کو پہنچانا ہی کمیونی کیشن ہے ۔ اگر کسی کومحض، زبان/ٹیکنالوجی کے اوزاروں کا استعمال آتا ہے ، تو اسے کمیونی کیشن کی سائنس بھی آتی ہے ۔

ایسا نہیں ہے ، یہی وہ باطل نظریہ ہے کہ، جس نے انسان کو حیوان ناطق یعنی ، بونے والے جانور سے ، محض جانور ہونے کی طرف گامزن کررکھا ہے ، ضروری نہیں ہمارے پاس گاڑی ہو تو ، ہم اچھے ڈرائیور بھی ہوں ، ضروری نہیں ہمارے پاس کیمرہ ہے تو ہمیں فوٹی گرافی بھی آتی ہے ،لیکن ، کمیونی کیشن کے معاملے میں ،یہ واہمہ بہت شدت سے محسوس ہوتا ہے کہ ، ابلاغ بہت آسان ہے جو بول سکتا ہے اور ابلاغی کشیدہ کاری اور باریکیوں یعنی ، کیا بولنا ، کیسے بولنا ، کتنا بولنا ، کہاں بولنا ، کس کے سامنے بولنا ، جیسی نفسیاتی باریکیوں سسے بھی ضرور بالضرور واقف ہوگا اس باطل نظریے ، یا غلط فہمی کا نتیجہ یہ نکلتا ہے کہ جب بھی ہم میں سے کوئی شخص ابلاغی رکاوٹ یا کمیونیکیشن گیپ کا رکاوٹ شکار ہوتا ہے تو اس کی ہمت درج ذیل وجوہات کی وجہ سے ٹوٹ جاتی ہے

اسے یہ احساس ہونے لگتا ہے کہ ، اسے تو ابلاغ کی الف سے بھی واقفیت نہیں
خود سے وابستہ ایسی توقعات کہ ، مجھے تو بولنا آتا ہے ، تو یقینا میں اپنی بات دوسروں کو سمجھانے کے فن سے بھی واقف ہوں

ٹوٹ جاتی ہیں ۔

باطل نظریہ ، کہ بولنا اور کہنا ایک برابر ہے ، چکنا چور ہونے سے اس انسان کی ، اپنی نظروں میں ، حوصلہ شکنی ہوجاتی ہے ، اوریہ چیز اس کے ، اور اس کے اطراف کے افرا د کے لئے مشکلات کا باعث بنتی ہے

جب نظریہ ٹوٹتا ہے تو کیا ہوتا ہے

پھر شروع ہوتے ہیں مسائل ، پیشہ ورانہ ، یا ذاتی تعلقات میں گھس آنے والے وہ مسئلے ، جن کی نہ تو انہیں جڑ کا پتہ ہوتا ہے ، نہ ہی حل کا۔

جب معلوم ہی نہیں ہوگا کہ ، مسئلہ ، کمیونی کیشن گیپ/بیریر ہے ، تو یہ کیسے پتا چل سکتا ہے کہ ، ان کمیونی کیشن بیریرز ، یعنی ابلاغی رکاوٹوں کو کیسے دور کیا جائے ؟

کمیونی کیشن - ایک سائنس ، ایک آرٹ ، ایک علم ، ایک ہنر ۔

اور دلچسپ بات یہ ہے کہ ، کمیونی کیشن ، یعنی اپنی بات پہنچانے کا فن ، ایک پوری سائنس ہے ، یہ جتنی مشکل ہے ، جتنی نازک ہے ، اس کے اجزائے ترکیبی جس قدر پیچیدہ ہیں، اس کے طریقہ جتنے صبر آزما ہیں ، اتنی ہی زیادہ ،

یہ کمیونی کیشن ، تواتر کے ساتھ ہو رہی ہوتی ہے ، اور سب کو یہ لگ رہا ہوتا ہے کہ ہمیں بات کرنی آتی ہے ،

گویا ایک چیز بہت مشکل ہے ، وہ ہر کسی کو آتی بھی نہ ہو ، اور ہر کوئی ، خود کو اس کا ماہر سمجھ کر لگا ہوا ہو۔

تو پھرکیا ہوتا ہے ؟

پھر ہوتی ہے ، دوران محفل /گفتگو/انٹر ایکشن

"ابلاغی غارت گروں " کی انٹری

ابلاغی غارت گر – Talk Terrorists

ہمیں دانستہ/نادانستہ یہ معلوم بھی نہیں ہوتا کہ ، ہم نے ، بغیر جانے سوچے سمجھے ، گفتگو کو پرکھے بغیر بڑھا کر ، کس قماش کے ابلاغی غارت گروں کو دعوت دے دی ہے ۔یہ ابلاغی غارت گر ، لوگ نہیں ہوتے ، یہ رویوںکے چند رخ ہوتے ہیں ، یہ گفتگو کے ، چند پہلو ہوتے ہیں ، جن کی تعداد ، یعنی پرائمری/مرکزی اجزا کی ، تعدادبارہ ہے ۔

Toxic Twelves - بارہ بارودی / بارہ زہریلے

ابلاغی غارت گروں کے اس گروہ کو ، "بارہ بارودی "یا "بارہ زہریلے " کا نام دیا گیا ہے ،

کیوں کہ ، انٹر ہوتے ہی گفتگو کو تہس نہس کرنا شروع کردیتے ہیں ، حتی کہ حل کی طرف جاتے مدعے کو خراب کرکے ، تعلقات کو ، غلط فہمیوں اور اناوں کے مذبح خانے یعنی ، قسائیوں کے سامنے ، پھینک دیتے ہیں ۔ذاتی طور پر ، میں ان ابلاغی غارت گروں کے گروہ یعنی ، جن کا نام"بارہ بارودی" ہے ، انہیں ، ، سلطنت منفیہ یعنی ، انسان کے اندر کی منفی نفسیات ، کے بارہ سپہ سالار سمجھتا ہوں ، جن کے زیر نگیں ، منفی کیفیات کی پوری فوج ہوتی ہے ۔ابلاغی غارت گروں کا یہ گروہ ، ایک طویل /تفصیلی مضمون کا متقاضی ہے ،جو جلد آپ کی خد مت میں پیش کیا جائے گا۔

حقیقی / اصیل مرد کی خوبیاں - بارہویں قسط

noreply@blogger.com (زوہیب اکرم) — Wed, 08 Apr 2020 18:45:00 +0000

کمزوریوں کا اعتراف ، حقیقت پسندی یا ، کجی سے نظریں چرانا

ایک الفایعنی اصیل /خالص مرد کیا کرتا ہے ؟

الفا اپنی کمزوریوں/غلطیوں کا معترف ہوتا ہے ، اور بیٹا/سطحی مرد ، ان کے وجود سے انکاری

الفا/اصیل مردوں کے لیے بہت سے مفروضے ، گردش کرتے رہتے ہیں ، کہ یہ پرفیکٹ ہوتے ہیں ، کمزوریں سے پاک ہوتےہین ،بہت ہی ، برتر ہوتے ہیں ،

ایسا نہیں ہے

حقیقی زندگی میں، الفا یعنی اصیل اور خالص ، مرد اتنے بھی اچھے نہیں ہوتے ، یعنی ہر معاملے میں ، ہر صورتحال میں بہتر ثابت نہیں ہوتے ۔

ہاں ، یہ بھی درست ہے کہ ، چونکہ ، انہیں ، زندگی جینے کی کوالٹی ، خود کو شاہکار میں بدلنے کی چاہ سے آگاہی بہرحال ہوتے ہی ہے

وہ

Excellence

پانے میں جتےرہتے ہیں ، اس لیے ، وہ ، ممکنہ طورپر ، عام افراد سے بہتر ،مہارت ، ہنر ، اوراہلیت اور صلاحتیوں کے حامل ہوتے ہیں

اس کے ساتھ ہی ، انہیں اپنی کجی ، خامی ، اور کمی کا بخوبی ادراک ہوتا ہے ، اس لیے وہ بوجوہ ، مدد لینے سے بھی گریز نہیں کرتے ۔

در حقیقت ، جب انہیں کسی ایسی صورتحال کا سامنا ، جس میں انہیں معمول نہ ہو کہ ، اس سے نبردآزما ہونے کےلیے کیا کرنا چاہئے ،

وہ ، فوری ، اپنی کم علمی اور ناتجربہ کاری سے رجوع کرتے ہیں ، اعتراف کرتے ہیں ، اور دوسروں کی مدد ، یا ان کی رائے سے آگاہی کشیدتے ہیں ۔

Beta Male’s Reaction

جبکہ ، دوسری طرف ، ایک ، بیٹا مرد، یعنی دوسرے درجے کا ، سطحی مرد، کبھی بھی ، اپنی کمزوری کا اعتراف نہیں کرتا ۔

وہ

Know it all

یعنی مجھے سب معلوم ہے ، میں سب کرسکتا ہوں والے ، مائنڈ سیٹ کے ساتھ چل رہا ہوتا ہے

حتی کہ ، وہ آپ کو ، ایسے موضوعات پر بھی اپنی رائے پیش کرے گا ، جس کے بارے میں اسے ، صفر معلومات ہوگی ، لیکن وہ اسے آزادی اظہار راے کی طشتری میں رکھ کر پیش کرے گا ۔حتی کہ ، اس کی کامیابی ، اس کی مہارتوں کے ، من گھڑت قصے سنانے سے بھی نہیں چوکے گا ، اور جب دلیل پیش کی جائے ، اس کے ناقص، ادھورے اورجہالت پر ، مبنی ، موقف کو ، کونےسے لگایا جائے ، اور اسے باور کروایا جائے وہ بھی دلیل سے کہ ، وہ ، اس موضوع پر معلومات نہیں رکھتا ، بلکہ ، وہ محض ، جتا رہا ہے کہ اسے معلوم ہے ۔

تو وہ ، دانتوں اور پنجوں کا بھرپور استعمال کرتے ہوئے یعنی ، ہر ممکنہ طریقے سے ، حتی کہ اشتعال انگیزی کا مظاہرہ کرتے ہوئے ، خود کو ٹھیک ثابت کرنے کی کوشش کرتا نظر آئے گا

نوٹ: اپنے اطراف نظر دوڑائے، اگر ، کوئی میچور شخص یہ کام کرتا نظر آئے ، کیوں کہ، چھوٹی عمر میں تو خیریہ سب فطری ہے کہ ، پتہ ککھ نہ ہوا لیکن رائے زنی کرنا، لیکن اگر بڑی عمر میں رویہ نظر آئے ، لائک میرے اندازے کے مطابق، پچیس تیس سال کی عمر کے بعد ، خصوصا، شادی کے بعد ، تو سمجھ جائیے ، یہ شخص، بیٹا میل/سطحیت کے پیمانوں سے پاوں گیلے کررہا ہے ، یاپھر ،اس کا پور پور ، بیٹا مرد یعنی سطحی ہوچکا ہے ۔

عام زندگی سے ایک مثال ۔

فرض کیجئے ،

الفا یعنی حقیقی/اصیل مرد، ایک کاروبار شروع کرتا ہے ، وہ ، یقینی طور پر ، ان تمام ماہرین ، مینٹور/ اتالیق یعنی کسی عقلمند ساتھیوں وغیرہ سے ، رہنمائی کا طالب ہوگا ، وہ ،اسے اپنی کاروباری بصیرت، پر بہرحال بھروسہ ضرور ہوگا ، لیکن ، اس کے ساتھ ساتھ ،اس کی انکساری ، مذکورہ تمام افراد جوکبھی نہ کبھی متعلقہ شعبوں میں، کسی طور ، اپنا ایک مقام رکھتے ہیں ، سے رابطہ رکھے ،ان سے بات چیت کر کے ، کچھ سیکھے ، کچھ سمجھے ۔

اگر یہ ماہرین ، اس کے کام پر تنقید بھی کریں ، تو وہ ، اس کو بہتر کرے گا ، نہ چیخے گا کہ نہیں تم لوگ غلط ہو۔

بلکہ وہ انہیں سنے گا اور عمل کرے گا ،

بیٹا مرد یعنی ، سطحی / دوسرے درجے کا مرد ۔ کیا کرے گا ؟

اول تو وہ کسی سے مدد کا طالب نہیں ہوگا، اسے "سب "کچھ آتا ہوگا۔

آپ نوٹ کیجئے گا ، اپنے اطراف میں ، اگر کسی کے کچھ پوچھنے کر کچھ شئیر کریں تو وہ کہتا ہے ،

اوہ اتنی سی بات تھی ، یہ تو مجھے پہلے

اس جملے کو تواتر سے ادا کرنے والے مرد، سب نہ سہی ، اکثر، بیٹا یعنی سطحی مرد ہی ہوتے ہیں ۔اور تو اور ، اگر اسے کوئی کچھ بتا بھی دے تو وہ یہ کہتا پایا جائے گا

تم مجھے نہ سکھاو ، تم کیا بتاو گئے ، تم کیا جانو اس نئے آئیڈیا کو ، جب کہ ، وہ یہ فراموش کر رہا ہوگا بتانے والے ، اس سے کہیں پہلے اور کہیں زیادہ تجربہ رکھتے ہیں ۔

وہ مصر ہوگا کہ ، چیزوں کو ویسے ہی کیا جائے ، جیسے اس کی پسند ہو۔ نہ کہ ، ماہرین کی رائے ۔ماہرین بھی وہ جو تجربہ کار ہیں ، اہل ہیں ۔

اس کی وجہ کیا ہے ؟

اس رویے کہ وجہ ، بیٹا یعنی سطحی مرد کی وہ وخصوصیت ہے جس میں ہم نے یہ تذکرہ کیا تھا کہ

اسے بہت شوق ہوتا ہے کہ ، اسے چاہا جائے ، اسے قبول کیا جائے ، لیکن ، اس سے بھی زیادہ اہم اس کے لیے یہ ہوتا ہے کہ ، وہ خود کو ،دوسروں کے سامنے ثابت کرتا رہے ۔اپنی اس کمزوری کی وجہ سے ، وہ ،اپنے تئیں ، مضبوط ، ذہین ، حتی کہ ، اہل ہونے کی کوشش بھی کرتا ہے ، جبکہ در حقیقت اسے پتا ہوتا ہے وہ اہل نہیں ہے ۔

سطحی مرد، اپنی کمزوریوں ، کو قبول نہیں کرسکتے ، اور یہی ان کی شخصیتوں اور ، زندگیوں کی تباہ حالی کا ایک بڑا سبب ہوتا ہے ، جبکہ ، الفا یعنی حقیقی/خالص مرد ، اپنی کجیوں ، شخصی تناقص،کمزوریوں کو بہت قریب سے جانتے اور ان کو مانتے بھی ہیں ۔اس لیے ضرورت پڑے تو دوسروں کی مدد سے ، ان کمزوریوں/ غلطیوں سے ہونے والے نقصانات کی تخفیف کی کوشش میں لگے رہتے ہیں۔

نویں اور آخری اہم خوبی

الفا مرد ، یعنی خالص مرد ، ابلاغ اور آداب ، دونوں میں یکتا طرف اور عزت کا مظاہر ہ کرتا ہے ، جب کہ، سطحی اور دوسرے درجے کا مرد، یعنی بیٹا مرد، غصے ، جگت بازی ، طنازی ، یا پھر اشتعال انگیزی سے راستہ بناتے ہیں

ایک مثال سے سمجھتے ہیں

ذرا تصور کیجئے ،

کسی تقریب میں کسی خوب صورت ، اکیلی خاتون کی طرف بڑھنےوالا مرد ، اگر بیٹا ، یا سطحی ہے تو وہ اس سے بے تکلف ہو کر ، وہی حرکت کرے گا

یعنی پک اپ لائن ، یا کوئی ایسی سطر جس سے وہ اسے متاثر کرنا چاہتا ہو۔جن جملوں کا ایک مخصوص کوٹا اس کے پاس ہوگا ، وہ اس پر آزمائےگا ، پر خواتین ، چونکہ ، فطرتا فولا د ہوتی ہیں ، اور آج کل کے دور میں تو تمام حربے جانتی ہی ہیں ، اس لیے وہ ، سمجھ جائیں گی ، کہ یہ کرکیا رہا ہے ، اور اسے وہیں شٹ اپ کال دے کر ، خاموش کردے گی ، اور درخواست کرے گی ، اسے اکیلا چھوڑ دیا جائے

یہ درگت بنتی دیکھ کر ،ایک بیٹا یعنی سطحی مرد کیا کرے گا

بھئی سین بنائے گا ، چیخے گا ، اسے بچ ، سلٹ کہہ کر غصے کا مظاہرہ کرے گا ، یاپھرتم خود کو میرے قابل سمجھتی ہو کیا ؟ یا تم میرے قابل ہی نہیں ہو کہے گا ، وہ یہ حرکت تب تک کرتا رہے گا ، جب تک اسے چھترپولہ کر کے ، رسوا کر کے ، تقریب سے باہر نہ کردیا جائے کہ ماما ہن اتھے باہر بے کے صمد بونڈ سنگ۔

اسی تقریب میں ، کچھ دیر بعد، ایک اور شخص، جو کہ الفا مرد ہے یعنی ، اصل مرد ہے وہ ، اس خاتون کی طرف، سبقت کرتا ہے یعنی ، ان کی طرف بڑھتا ہے ، جبکہ وہ ، چارمنگ بھی ہے ، شگفتہ مزاج بھی اور نرم خو بھی ، لیکن اگلی اب پچھلے تجربے کو لے کر تپی بیٹھی ہے ، تو وہ اسے کہہ دیتی کہ توں وی نکل اتھوں یعنی مجھے اکیلا چھوڑ دو۔

تو الفا میل ، یا خالص مرد کا رویہ

اسے کمفرٹ دینے والا ہوگا

وہ اسے مسکرا کر دیکھے گا ، اور کہے گا کہ میں سمجھ سکتا ہوں کہ آپ کچھ وقت اکیلے چاہتی ہیں ، تاہم اگر کچھ وقت بعد آپ اس بارے میں بات کرنا چاہیں تو مجھے آ پ کی سنگت سے خوشی ہوگی یہ کہہ کر رخصت ہوجائے گا

ایک ہی تقریب ، ایک ہی خاتون، دو مختلف مرد، دو مختلف واقعات ، خاتون کا ایک جیسا رویہ ، لیکن ، دو مردوں کا الگ الگ ریسپانس

کیوں کہ، الفا یعنی حقیقی خالص مرد، جیسا کہ کہا گیا ، بہت قرینے اور تمیز کے ساتھ ، اپنی بات رکھتا ہے ، یعنی اگر اسے دوسرے کو قائل یا مائل کرنا ہو ،

اسے اگر کچھ دلائل سے کام لینا پڑے تو وہ ہرگز ، اپنے سے اختلاف کرنے والوں کو ، بے وقعت نہیں کرتا ، بھلے سے اس سے اختلاف کررہےہوں ،

بیٹا مردیعنی دوسرے درجے کا/سطحی مرد، انکار نہیں سن سکتا ، اختلاف نہیں سہہ سکتا، کسی کی طرف سے ، نظر انداز کیا جانا ،مسترد ہونا یا یوں کہہ لیں
Rejection

نہیں سہہ سکتا ،

تو پھر وہ ،ہر اس ہتھکنڈے پر اترا آتا ہے جو اسکی وقعت کو ثابت کرنے کے لیے ضروری ہوں ۔

اس کے پلے اور ہوتا ہی کیا ہے ؟ دوسروں کے سامنے اپنی وقعت ثابت کرنا یا خود کو مستند قرار دلوانا ، رائٹ؟

اصیل مرد کی نو خوبیاں - ذہنی دباو کے اثرات اور ان کا حل - گیارہویں قسط

noreply@blogger.com (زوہیب اکرم) — Sat, 04 Apr 2020 15:03:00 +0000

ساتویں خوبی ۔

ایک راز کی بات بتاوں ؟

ہم سب کی نفسیات ، مکمل نہ سہی ، پر ، تھوڑی بہت تو مسمار /زہریلی ہو ہی چکی ہے ، اس کی وجہ ، ہماری زندگی سے جڑے ، المیے ، ماضی کی کریہہ یادیں ، تعلقات کی تلخیاں ، یہ موروثی ہے ، زندگی ہر کسی کی ہے ، شخصیت ہر ایک کی ہے ، مشترکہ ایک چیز ہے ، اور وہ ہے ، کرواہٹیں ، کسی وجہ سے بھی ہوں کسی بھی موڑ پر ہوں ۔

لیکن ، آپ کو ، خود سے ایک سوال بہرحال پوچھنا ہوگا ،

ہم ماضی کے کریہہ اور تعفن زدہ ، زخموں کا کیا کرسکتے ہیں ، جو خشک تو ہوچکے ، لیکن ، ان کی ٹیسیں ، نفسیات میں محفوظ ہیں ، ہمار ی شخصی کمزوریوں کی صورت میں ، ہمارے موڈ کے سوئچ کی صورت میں ۔

یہ حقائق صنفی تفریق سے بالا تر تو ہیں ، لیکن ، موضوع پر رہتے ہوئے ، ہم آتے ہیں

الفا اور بیٹا یعنی ، اصیل ، اور سطحی مرد کی خصوصیات اور فرق پر۔

جی ، یہی آج کا موضوع ہے ،

اصیل مرد، اپنی کمزوریوں / زخموں کو ، اپنی شخصی مضبوطی کے لیے استعمال کرتا ہے ، جیسے زہر سے تریاق ، بیکٹیریا سے ویکسین

جبکہ

بیٹا/دوسرے درجے کا / سطحی مرد، انہیں ، اپنی ناکامیوں کی وجہ بناتا ہے ۔

پھر یہی چیز ، فرق پیدا کرتی ہے ، ان دونوں اقسام کے مردوں میں ۔

کیوں کہ ، ماضی کی کمزوریاں اور زخم سب کے ساتھ ہیں ، بہت سے المیے اور سانحے ، ہم اپنی کمر پر لادے آگے بڑھ رہے ہوتے ہیں ، پر اگر آپ ، الفامرد یعنی اصیل اور خالص مرد ہیں تو

آپ

اب ماضی کا کیا کریں ، ان زخموں کا کیا کریں

ان مشکل سوالوں کا سادہ سا جواب دیں گے

"ان کا سامنا کرو ، ان کا مقابلہ کرو، انہیں قبول کرو"

یہ جان لیں کہ ، ہماری ذات میں بہت سی شخصی بدصورتیاں ، اور شر پنہاں ہیں ، تکالیف ، ہماری رگوں میں بہتی ہیں ، ماضی ہمارے ہارمونز کی طرح ہم ہر حاکم ہے ، ہم بچ نہیں سکتے ، تو ، اب ، یہ کمزوریاں کچھ بھی ہوسکتی ہیں

بے چینی ،

فرسٹریشن

منشیات

بچپن کا کوئی دکھ

یہ سب اور اس جیسی کئ اور چیزیں ہمارے اندر کی جنگ ہے ، یہ قبول کرلیجے کہ ، ہمیں ، یہ جنگیں اکیلے ہی لڑنی ہیں ۔

الفا مرد، ان جنگوں کی آنکھوں میں آنکھیں ڈال کر جیتا ہے ، لڑتا ہے ، زخمی ہوتا ہے پھر اٹھتا ہے ، اور آگے بڑھتا چلا جاتا ہے ، یہاں تک کہ ، وہ ان، جنگوں کو، اپنا ہتھیار بنا لیتا ہے ، ان کو "سبق" بنا لیتا ہے ، یہ چیز انہیں مضبوط کردیتی ہے ۔

Beta Male's Reaction

بیٹا یعنی دوسرےدرجے کا/سطحی مرد کیا کرتا ہے ؟

سطحیت سے بھرپور مرد ، ایسا مرد ، جو ثانوی سا ہو ، جس کی شخصیت دوسروں کے موقف سے بنی ہو ، جو ،فیصلے کی قوت سے عاری ہو ، یعنی بیٹا مرد ہو ، وہ ، اپنی شخصی کمزوریوں ، ماضی کے ٹراماز یعنی تکالیف کو ، خود پر کنٹرول دے دیتا ہے ، تاکہ وہ ، اس کی زندگی کھنڈر دیں ، اور شخصیت ، ریگستان۔

ان کی زندگی ، زہر ہونے کی ایک بڑی وجہ ، ان تکالیف سے نظریں چرانا ، یا انہیں ، اپنی بیتی عمر پہ مسلط ناکامیوں کا ذمے دار ٹہرانا ہوتا ے ۔

مذکورہ ، رویے/مزاج/رجحان کی ایک ، مستند مثال عام زندگی میں ، ہمیں ، بصورت "ڈپریشن" یعنی ذہنی دباو ، روبہ عمل ،رواں نظر آتی ہے ۔

جی ہاں ، ڈپریشن ، یعنی ، کسی بھی قسم کا ذہنی دباو وہ ، قبیح کیفیت ہے ، جس کی عمومی نحوست ، دہائیوں پر محیط ہے ،

ڈپریشن میں ، الفا یعنی اصیل مرداور بیٹا یعنی سطحی مردوں کا کیا رویہ ہوتا ہے

الفا مرد، یہ بات قبول کرلیتا ہے کہ وہ ڈپریس ہے یعنی کسی بھی وجہ سے ، ذہنی دباو کا شکار ہے ، گویا اسے ادراک بھی ہوتا ہے ، اور وہ قبول بھی لیتا ہے کہ ، ہاں یہ مسئلہ ہو رہاہے

لیکن وہ یہ سوچ کر بیٹھ نہیں جاتا کہ ہن کی کراں ، ہائے میں مرگیا

بلکہ

، ادراک ہوتے ہی ، وہ اس کے خاتمے کی کوشش کرتا ہے نہیں نہیں ، ادراک کے نہیں ، ذہنی دباو کے

مثلا

، وہ لوگوں سے مدد لے گا ،

ماہر نفسیات سے رابطہ رکھے گا ،

اپنی زندگی پر محدب عدسہ لگائے گا کہ ، کوئی ایسی مخفی چیز/یاد/واقعہ ، نظر آئے ، جو اس ڈپریشن کا سبب بن رہا ہے ۔

دوسری طرف

ڈپریشن میں ، سطحی مرد یعنی دوسرے درجے کے / بیٹا مرد کا رویہ۔

وہ بھاگتا پھرے گا ، یا تو ، یہ کہے گا کہ ، نہیں میں ٹھیک ہوں ، مجھے ڈپریشن نہیں ، اور اس معاملے کو لے کر کسی بھی اقدام سے انکار کردے گا ۔

دوسر ی صورت میں وہ "ڈپریشن " کو ، اپنی زندگی ، ناکامی ، کی وجہ بنائے گا کہ ، اس کی وجہ سے وہ زندگی سے تنگ ہے ، گزارنا نہیں چاہتا ، وہ اپنی بری عادات ، زوال پذیر کیریرکو بھی ڈپریشن کے کھاتے میں ڈالے گا ، وجہ ؟ جی وہی ، ساری ذمے داری کسی اور کی ، میں پاک صاف۔ میں نے کچھ نہیں کیا ، میری کوئی غلطی نہیں ، اس کیس میں ، انسان نہیں ملا تو کیفیت پر ہی الزام ڈال دیا، کیفیت کیوں ہے ، اس پر بات نہیں کرے گا ، کیفیت کی وجہ سے ہوکیا رہا ہے ، اس پہ گانا بجانا کرے گا۔

الفا اور بیٹامردوں کا موازنہ ، جاری ہے ، مزید دو خوبوں ، پر جلد بات کریں گے یہ تھی ، ساتویں خوبی ۔

اب بات کریں گے ، آٹھویں خوبی پر جو باقاعدہ الگ سے کوئی خوبی نہیں ، بلکہ ، انسا ن کی ، عمومی نفسیات سے متعلق ہے ،

لیکن چونکہ تفصیل کی متقاضی ہے ، اس لے صنفی تفریق اور موازنے کے ساتھ ، آٹھویں خوبی کے طور پر پیش کیا جا رہا ہے

جس کا جوہر /مغز یہ ہے کہ ۔

الفا مرد کمزور ہوسکتا ہے ، ایسا نہیں کہ ، وہ مکمل ہوتا ہے ،بس فرق یہ ہے کہ ، اسے پتا ہوتا ہے کہ وہ نامکمل ہے ۔۔