˙·٠•♥ ANAS GRAFIX ♥•٠· ˙

Thread இற்கு எதிராக Twitter சட்ட நடவடிக்கை

2023-07-07T14:06:00.002+05:30

ஃபேஸ்புக் நிறுவனர் மார்க் ஜுக்கர்பெர்க் புதிதாக அறிமுகப்படுத்திய ட்விட்டர் போன்ற Thread செயலிக்குஎதிராக சட்ட நடவடிக்கை எடுப்பதாக ட்விட்டர் உரிமையாளர் எலோன் மஸ்க் தெரிவித்துள்ளார்.

இந்த செயலியில் தனது சொந்த ட்விட்டர் செயலியில் உள்ளதைப் போன்ற பல அம்சங்கள் இருப்பதாக அவர்குற்றம் சாட்டியுள்ளார்.

மேலும், ட்விட்டரில் இருந்து வெளியேறிய ஊழியர்களை பயன்படுத்தி ஜுக்கர்பெர்க் இந்த அப்ளிகேஷனைதயாரித்துள்ளதாக எலோன் மஸ்க் மேலும் தெரிவித்துள்ளார்.

நேற்று (06) அறிமுகம் செய்யப்பட்ட Threads செயலியில் இணைந்துள்ள பயனர்களின் எண்ணிக்கை தற்போது30 மில்லியனைத் தாண்டியுள்ளது விசேட அம்சமாகும்.

மெய்நிகர் உலகில் (MetaVerse) பெண் அவதாருக்கு பாலியல் வல்லுறவு!

2022-02-23T13:04:00.001+05:30

நாற்பத்து மூன்று வயதுடைய 'நீனா' தனது 3D glassesஐயும், ஹெட் செட்டையும் அணிந்துகொண்டு, meta வுக்குள் 'லொகின்' ஆகிறார். அந்த 'க்ராபிக்ஸ்' உலகில், அவளது 'அவதார்' தனியாகப் பயணிக்கிறது.திடீரென எதிரே வந்த ஆண் avatar களின் குழுவொன்று, நீனாவைக் காரணமேதுமின்றி, கதறக் கதற வல்லுறவுக்கு உற்படுத்துகிறது! தனது பலம் அனைத்தையும் பாவித்து அதிலிருந்து மீள முயற்சிக்கும் நீனா, தோற்றுப் போகிறாள்.

"I was gang raped in metaworld" சம்வத்துக்குப் பின் அவள் பதிவிட்ட கருத்தில், விளக்கியிருக்கிறாள்.

இது ஒரு உண்மைச் சம்பவம்.

அங்கேயுமா??? மெய்நிகர் உலகில் கூட, ஒரு 'பெண் அவதார்', பாதுகாப்பின்றிச் செல்ல முடியாதா? என்று கேட்பவர்களும்

கூடவே,

"என்னாது! , மெய்நிகர் உலகமா?" என்று கேட்பவர்களும் பதிவைப் படிக்கலாம்.

Meta எனப்படுவது facebook இன் புதிய பெயர் என்று பிரபல்யமடைந்திருந்தாலும், 'Metaverse' என்பது 'இணையத்தின் எதிர்காலமாகவே' , அதன் உரிமையாளர்களால் மார்க்கட் செய்யப்படுகிறது.

இலங்கையிலிருக்கும் ஓரிளைஞன், 'லொஸ் ஏன்ஜல்ஸிலுள்ள' coffee ஷொப் ஒன்றில், மாலை நான்கு மணிக்கு , ஒரு டேபிலை புக் செய்து, மெல்பனைச் சேர்ந்த ஒரு பெண்ணோடு அந்திப் பொழுதைக் கழிப்பதற்கும், இருவருக்கும் பிடித்திருந்தால், திருமணம் கூடச் செய்து கொள்வதற்கும் Meta இடம் தருகிறது.

ஒரு வீடியோ chat அல்லது chat room தரும் அனுபத்தையும் தாண்டிய, உண்மைக்கு நிகரான அனுபவமொன்றாக இது இருக்கப் போகிறதாம். இரண்டு அவதார்களும் சேர்ந்து, தாஜ்மஹலின் முன் photo பிடித்து விட்டு, வீடு திரும்பவும் முடியும். செல்லுமிடமெல்லாம் ஒரே ஆடையோடு செல்ல வேண்டியதில்லை. வீதியோரக் கடையொன்றினுள் புகுந்து shopping முடித்து விட்டு, ஆற அமரச் செல்லலாம்.

" you look awesome" என்று புகழ்ந்து, அடுத்தவரை கன்னம் சிவக்க வைக்கலாம்.

தனது வீட்டின் அறையிலிருந்து கொண்டு, இந்த அத்தனையையும் நிஜம் போலவே அனுபவிக்கலாம் என்கிறார்கள், meta வின் மார்க்கட்டிங் டீம்.

ஹெட்செட், க்லாஸஸ் இற்கு மேலதிகமாக, பாவணையாளரின் மூளையின் கணத்தாக்கங்களை வாசித்துணரும் உணரிகள் , குறித்த நபருக்குரிய அவதாரின் உணர்ச்சிகள் முகபாவணைகளையும் கட்டுப்படுத்தும் வண்ணம் வடிவமைக்கப்படும். இதற்காக மும்முரமாக உழைக்கிறது AI team.

ஆனால் என்ன, இவற்றில் பலவற்றை access செய்வதற்கு காசு தேவைப்படும். தன்பாட்டில் chat பண்ணிக் கொண்டிருந்த இளைஞர் யுவதிகளின் வங்கிக் கணக்குகளிலிருந்து, இந்த ஷொப்பிங் சமாச்சாரம், தாஜ்மஹால் டூர்,வகையிலான எல்லாவற்றிற்கும் காசு debit ஆகிக் கொண்டே இருக்கும்.

Bit coin வடிவில், அல்லது, ஏதாவதொரு நாணய மாற்று முறையில், 'மெட்டா உலகெங்கும்' விற்பனையாகும் அத்தனை வசதிகளும் வாய்ப்புக்களும், அவ்வப்போதோ, அடிக்கடியோ, வாங்கப்பட்டுக் கொண்டே இருக்கும்.

இதற்கு மேலதிகமாக, இத்தனை காலமும் நம் privacy ஐ மட்டுமே திருடிக் காசு பார்த்துக் கொண்டிருந்த இந்த உயிரற்ற செயலி, இனிமேல் நம் உணர்வுகள், ஆசைகள் மற்றும் தேவைகளையும் விற்கத் துவங்கும்.

இதனை வாங்கும் விளம்பர உலகம், தன் விளம்பரங்களை மிக effectice ஆக பிரபல்யப்படுத்தும்.

இதுபோக, ஏற்கனவே நிஜ உலகில் திருமணமானவர்கள், மெட்டாவில் மீண்டும் இன்னுமொரு அவதாரை மணமுடிப்பார்கள். அந்த அவதாருக்கு இவர்களிடம் எந்தளவு உரிமையிருக்கும் என்பதை பொறுத்திருந்துதான் பார்க்க வேண்டும்.

"இதெல்லாபம் நம்புற மாதிரியா இருக்கு???" என்று ஓரக்கண்ணால் பார்ப்பவர்கள், முகநூல் அறிமுகமான போது வந்த கேள்வி பதில்களையும் கொஞ்சம் recap பண்ணிப் பார்க்கவும்.

முகநூல் அறிமுகமான போது, அதனை ஏற்றுக் கொள்ளக் கஷ்டப்பட்ட எத்தனையோ பேர், திட்டித் தீர்த்த எத்தனையோ பேர், புரியாமல் தவித்த எத்தனையோ பேர், காலவோட்டத்தில், கட்டாய அக்கவுண்ட் ஒன்றை ஆரம்பித்து படு அக்டிவ்வாக வேறு இருக்கவில்லையா என்ன? இதே போன்று மெட்டாவினுள்ளும் வர்ச்சுவல் சனத்தொகை அதிகமாகிக் கொண்டே செல்லலாம் என எதிர்வு கூறப்படுகிறது.

தமது பிள்ளைகள் மெட்டாவினுள் எப்படியெல்லாம் சுற்றித்திரிகிறார்கள் என்பதை அறியாத, 'அப்பாவி'(unupdated!) பெற்றோர், என்னென்ன அதிர்ச்சிகளை சந்திக்கப் போகிறார்களோ தெரியவில்லை.

உலமாக்கள் பலர், இதனை ஹராம் என்று பத்வா கொடுத்திருக்கிறார்கள்.

மேற்கத்தேய உலகமும், இவற்றை விட்டு விலகி ஓடிக் கொண்டிருக்கிறது. Meta வின் பங்குகளின் வரலாறு காணாத வீழ்ச்சி ,இதற்கு நல்லதொரு சான்று.

கிட்டிய எதிர்காலத்தில் மெட்டாவின் ஆட்சி ஆரம்பமாகுமா? இல்லை இண்டநெட் யுகமே அடியோடு சரிந்து விடுமா, பொறுத்திருந்து பார்ப்போம்.

-ரும்மான்- B.Sc( hons) comp scie

பங்குகளின் வீழ்ச்சிக்கான காரணங்கள் குறித்து இன்னுமொரு பதிவில் பார்க்கலாம்.

படம்- நீனாவும் அவதாரும்

வெளியானது 2021 இன் Xiaomi ராஜா Mi 11 Lite

2021-06-22T23:05:00.001+05:30

சியோமி நிறுவனம் இன்று (ஜூன் 22) இந்தியாவில் லைட் அண்ட் வெயிட்டாக ஒரு ஸ்மார்ட்போனை அறிமுகம் செய்துள்ளது. எனவே புதிய போன் வாங்கலாமா என்கிற பிளான் உள்ளவர்கள் கட்டாயம் இதை ஒரு தடவை வாசிக்கவும்.

இகாமர்ஸ் வலைத்தளமான பிளிப்கார்ட் உள்ளிட்ட தளங்களில் ஜூன் 25 முதல் முன்பதிவு செய்யலாம். ஜூன்-28 இல் முதல் விற்பனை இடம்பெறும். அப்புரம் சந்தையில் ஒரு கலக்கு கலக்கும் வாய்ப்பு இருக்கு.

வெறும் 6.21 மிமீ தடிமன் மற்றும் 157 கிராம் எடையுள்ள மி 11 லைட் தான் 2021-இன் மிகவும் மெலிதான மற்றும் இலகுவான ஸ்மார்ட்போன் என்று சியோமி நிறுவனம் கூறியுள்ளது.

பட்ஜெட் விபரம் இதோ,

6GB + 128GB for just 18,999/-*

8GB + 128GB for just 20,999/-*

(incl. offers)

Save the date to pre-book the slimmest and the lightest smartphone of 2021 starting from 25th June, 12 noon ⏰

#LiteAndLoaded #Mi11Lite

சியோமி மி 11 லைட் 5ஜி ஸ்மார்ட்போனின் அம்சங்கள்:

- டூயல் சிம்
- MIUI 12
- 90 ஹெர்ட்ஸ் ரெஃப்ரெஷ் ரேட்

- 6.55 இன்ச் புல் எச்டி + அமோலேட் டிஸ்ப்ளே

- கார்னிங் கொரில்லா கிளாஸ் 6 பாதுகாப்பு
- HDR10 + மற்றும் டால்பி விஷன்
- குவால்காம் ஸ்னாப்டிராகன் 780 ஜி SoC

- அட்ரினோ 642 ஜி.பீ.யு

- 8 ஜிபி ரேம் மற்றும் 256 ஜிபி வரை யுஎஃப்எஸ் 2.2 ஸ்டோரேஜ்
- மைக்ரோ எஸ்.டி கார்டு வழியாக 512 ஜிபி வரை விரிவாக்கக்கூடியதுு

- 64 மெகாபிக்சல் முதன்மை சென்சார், 8 மெகாபிக்சல் அல்ட்ரா-வைட்-ஆங்கிள் சென்சார் மற்றும் 5 மெகாபிக்சல் மேக்ரோ சென்சார் என்க்ரியா ட்ரிபிள் ரியர் கேமரா அமைப்பு

- 20 மெகாபிக்சல் செல்பீ கேமரா
- 4,250mAh பேட்டரி
- 33W பாஸ்ட் சார்ஜிங்

- வைஃபை 6, ப்ளூடூத் 5.2, NFC மற்றும் யூ.எஸ்.பி டைப்-சி போர்ட்

- பக்கவாட்டில் பொருத்தப்பட்ட கைரேகை சென்சார்
- 160.53x75.72x6.81 மிமீ மற்றும் 159 கிராம் எடை.

Zoom Class எப்படி Record & Share செய்வது?

2021-06-18T14:30:00.001+05:30

❓ZOOM Class களை Mobile மற்றும் PC களில் Record செய்து மீள படிப்பது or இன்னொருவருக்கு Share செய்வது எப்படி?

COVID கால சூழ்நிலையில் இன்றைய மாணவர்களின் கல்வி நவீன தொழில்நுட்பத்தின்பால் செல்லவேண்டி நிர்ப்பந்திக்கப்பட்டுள்ளது.

பெரும்பாலான வகுப்புகள் Whatsapp, ZOOM , MS TEAMS ஊடாகவே நடாத்தப்படுகின்றன.

✅ இதில் குறிப்பாக ZOOM வகுப்புகள் Coverage பிரச்சினை, கட்டண பிரச்சினை 😂 காரணமாக மாணவர்கள் சரியான நேரத்தில் வகுப்பில் கலந்துகொள்ள முடியாமல் போகும்போது இவ்வாறான Recording செய்து சகமாணவர்களுக்கு உதவலாம்.

✅ அத்தோடு சில கடினமான பாடங்களை மீள கற்பதற்கும் உதவும்.

✅ பலருக்கு இது தெரிந்தவிடயமாக இருந்தாலும்; சரியான செயலி கிடைக்காதவர்களுக்கு வழிகாட்டும் முகமாக:

🛑 Android Smart Phone இல் Record செய்தல்:

இதற்கு Google Play Store இல் பல App கள் இருந்தபோதும் கீழுள்ள App யே பல Million கணக்கானவர்களால் Download செய்யப்பட்டு 4.7 Rating ஐயும் கொண்டுள்ளது. அதனை பின்வரும் link ஊடாக Android செயலிகளில் தரவிறக்கம் செய்யலாம்.

Screen Recorder & Video Recorder - XRecorder (ziyad aia) 21Mb

https://play.google.com/store/apps/details?id=videoeditor.videorecorder.screenrecorder

❌ ❌ ❌ #Correction: Zoom செயலியானது Mobile Phone (Android & iOS) களில் Recording ஐ Disable பண்ணி இருப்பதால் Video Record பண்ண முடிந்தாலும் Audio Record பண்ண முடியாது.

இதனை செயற்படுத்த வேண்டுமாயின்

🛑 01. முதலில் XRecorder இன் Record ஐ On செய்தபின் ZOOM Start செய்ய வேண்டும்.

🛑 02. Blutooth மூலம் External Speaker ஒன்றை இணைத்து வெளியில் இருந்து சத்தம் வருவதுபோல் செய்தால் மட்டுமே Audio சாத்தியமாகும். (வடபோச்சே)

எனவே இலகுவான வழி Computer ஊடாக Record செய்வது.

✅ இதனை (XRecorder) Install செய்தபின் Settings க்கு சென்று Save Location ஆக External (SD Card) ஐ கொடுத்துவிட்டால் Phone Memory பாதிக்கப்படுவதை தவிர்க்கலாம்.

✅ அதேபோல் Resolution ஐ 360p என்று கொடுத்தால் Memory (Space) தேவைப்படும் அளவையும் குறைக்கலாம்.

இந்த செயலியில் Screen Shot, Video Editing, Brush என வேறுபல வசதிகளும் உண்டு. (விரிவஞ்சி தவிர்க்கப்பட்டுள்ளது.)

✅ Record செய்தபின் நேரடியாக Whatsapp, Viber, Telegram செயலிகள் மூலம் அடுத்தவர்களுக்கும் பகிர்ந்து உதவலாம்.

இருந்தபோதும் ZOOM Audio Record பண்ண முடியாது. 😭

🛑 PC / Laptop இல் Record செய்தல்:

இதற்காக பலநூறு Software கள் காணப்பட்டபோதும் அவை Trial ஆகவோ, watermark உடனோ, Registration செய்யவேண்டியோ இருக்கும். கீழுள்ள Links இன் Free Version களுக்கு அந்த பிரச்சினைகள் இல்லை.

💐 Option 01:

Apowersoft Free Screen Recorder

https://download.cnet.com/Apowersoft-Free-Screen-Recorder/3000-13633_4-75959899.html

✅ மிக இலகுவாக கையாளக்கூடிய திரையை (User Interphase) கொண்டுள்ளது.

✅ Record செய்யவேண்டிய திரையின் அளவு , Webcam On/Off , Mic On/Off என்பவற்றை தேவைக்கு ஏற்ப மாற்றி Record ஐ அழுத்தவும்.

✅ Record செய்வதை நிறுத்த Bottom Bar இன் வலதுபக்க முனையில் Icon ஐ Right Click செய்து நிறுத்தலாம்.

✅ விரைவாக Recording Save பண்ண இந்த மென்பொருளை பாவிக்கலாம். (புதிய version இல் email மூலம் Registration செய்யவேண்டிய வரலாம்). Record பண்ணிய File களை மின்னல் வேகத்தில் Save செய்யலாம். (My Favorite)

💐 Option 02;

ActivePresenter: Download Link:

https://atomisystems.com/download/

✅ இதனை Computer இல் Install செய்தபின் திரையில் இரண்டாவதாக உள்ள Record Video வை Click செய்யவேண்டும்.

✅ Record செய்யவேண்டிய திரையின் அளவு , Webcam On/Off, Mic On/Off, என்பவற்றை தேவைக்கு ஏற்ப மாற்றி Record ஐ அழுத்தவும்.

✅ Record செய்வதை நிறுத்த Cntrl + End அல்லது Bottom Bar இன் வலதுபக்க முனையில் Active Presenter ஐ Right Click செய்து நிறுத்தலாம்.

✅ நிறுத்தியவுடன் Active Presenter Open ஆகும். அதன் மேல் Bar இல் Export -> Video என்பதை Click செய்து எங்கு Save செய்யவேண்டும் என்பதை குறிப்பிட்டு Save பண்ணிக்கொள்ளலாம்.

❌ இதன் பிரதிகூலமாக பெரிய Video க்கள் Save ஆக நேரமெடுக்கும்.

💐 Option 3:

✅ Windows 10 பாவனையாளர்களுக்கு அதில் By Default ஆக காணப்படும் Recorder மூலம் screen Record பண்ணலாம்.

✅ இதற்காக Record பண்ணவேண்டிய செயலியை முதலில் Open செய்ய வேண்டும். உதாரணமாக Zoom.

✅ பின்னர் Key Board இல் உள்ள Windows + G ஐ அழுத்தும்போது Recording திரை தோன்றும்.

இதன் மூலமும் முழு திரையை Record செய்யலாம்.

இதுபோன்று வேறு வழிமுறைகள் இருந்தால் Comment இல் பதிவிடுங்கள்.

🛑🛑 Disclaimer

Smart Phone கள் மற்றும் தொழில்நுட்பம் என்பவை கத்தி போன்றவை.

நல்லவழியிலும் பாவிக்கலாம் துஷ்பிரயோகமும் செய்யப்படலாம்.

பெற்றாரின் கண்காணிப்பின்கீழ் பிரயோசனமான வேலைகளுக்கு மாத்திரம் பாவிப்போமாக.

(இவ்வளவெல்லாம் எதுக்கு Zoom லேயே Host/ Co-Host க்கு Recording செய்யும் வசதி இருக்கு. ஆசிரியரே Record செய்து தேவையான மாணவர்களுக்கு உதவலாம் என்று சொல்லிக்கொண்டு கிளம்பினார் அந்த அதிபர் 😂.)

By: Ziyad Aia

Clubhouse App என்றால் என்ன?

2021-06-11T16:00:00.001+05:30

Clubhouse என்பது "ஒலி முறை" அரட்டைச் செயலி. மார்ச் 2020 இல் இது பயன்பாட்டுக்கு வந்தது. ஆனால், தற்போது தான் இந்த செயலி பிரபலமடைந்து வருகிறது. (இலங்கை, இந்தியாவுக்கு இது புதிது)

இதனை "கூடிப் பேசும் அரட்டை அறை" என்றும் சொல்லலாம். Android மற்றும் iOS இல் இந்த செயலி உள்ளது. ஒரே வகை விருப்புடையவர்கள் ஒன்றிணைய இதில் வாய்ப்பு அதிகமாக உள்ளது. பிரபலமான பலர் இதில் இணைந்துள்ளனர். பலர் இணைந்து தத்தமது துறை சார்ந்த விடயங்களை உரையாடி வருகின்றனர். பல தலைப்புக்களில் பல அறைகள் உருவாக்கப்பட்டு கலந்துரையாடல்கள் நடைபெற்று வருகின்றன.

சில அறைகளுக்குள் நுழைய முடியாது. அவை இரகசிய அறைகள். பல அறைகள் திறந்தே உள்ளன. அவற்றில் உங்களுக்கு விருப்பமான விடயங்கள் உரையாடப்படுகின்ற அறைகளைத் தெரிவு செய்து உள்நுழையலாம். அங்கு நிகழும் உரையாடலில் நீங்களும் இணைந்து கொள்ளலாம். அல்லது பேசுவதை கேட்டுக்கொண்டு இருக்க முடியும். ஒருவர் உரையாடலை நடத்தினாலும், யார் பேச வேண்டும் என்பதையும், யாரைக் கேட்க அனுமதிக்கலாம் என்பதையும் தீர்மானிக்கலாம். உங்கள் அறையை இரகசிய இலக்கங்களை வழங்கி மூடியும் வைக்கலாம்.

நீங்களும் அறைகளை உருவாக்கி ஆட்களை அழைக்கலாம். அதன்படி நீங்கள் பேசும் விடயத்தில் விருப்புடையவர்கள் தொடர்ந்தும் இணைந்திருப்பார்கள். விருப்பமற்றோர் அவர்களுக்கு விருப்பமான அறைகளுக்கு போய் விடுவார்கள்.

கலந்துரையாடலுக்கான சிறந்த ஒரு இடமாக இது உள்ளது. இருப்பினும், எல்லா சமூக வலை தளங்களைப் போலவும் இங்கும் சில பாதுகாப்பற்ற நிலமைகள் உள்ளன. நேர விரயம் ஏற்பட வாய்ப்பு உள்ளது. சில தவறான தொடர்புகள் ஏற்பட வாய்ப்பு உள்ளது. அநாவசிய விடயங்கள் 'அவசியமான பேசு பொருளாகிச் செல்ல' வாய்ப்பு உள்ளது. இரகசிய மற்றும் அந்தரங்க உரையாடல்கள் இடம்பெறவும், அவை கசியவும் வாய்ப்புகள் அதிகம். இங்கே, ஒலிப்பதிவு செய்து பிறகு கேட்கும் வசதி கிடையாது. ஆனால், வேறு வழிகளில் அதனை செய்ய முடியும் என்பதை கவனத்தில் கொள்ளவும்.

யார் பயன்படுத்தினாலும், இதில் அனுகூலங்கள் மற்றும் பிரதிகூலங்கள் இருப்பதை உணர்ந்து, சுய பாதுகாப்பு, சுய கட்டுப்பாடு என்பவற்றைப் பேணி நல்ல விடயங்களைப் பேசவும், நல்லதைக் கேட்கவும் பயன்படுத்துவதே இங்கு மிக முக்கியமானது.

இந்த வசதி இலவசமானது. செயலியை பதிவிறக்கம் செய்து உங்கள் தொலைபேசி இலக்கத்தை வழங்க வேண்டும். அல்லது, மின்னஞ்சல் முகவரியோ Twitter கணக்கோ கொடுத்தும் இதில் கணக்கை ஆரம்பிக்கலாம்.

பின் ஒரு OTP இலக்கம் கிடைக்கும். அதனை செலுத்தி உறுதி செய்ய வேண்டும். உங்கள் முதல் பெயர் இறுதிப் பெயர் என்பவற்றை வழங்க வேண்டும். பின் பயனர் பெயர் (User Name) ஒன்றை வழங்க வேண்டும். உதாரணமாக Twitter இல் உள்ளது போல் @isbahanlk என்று பெயர் வரும். பிறகு உங்களது Profile படம் ஒன்றை கொடுக்க முடியும்.

உங்களது User Name மற்றும் Profile Picture உடன் கணக்கு ஆரம்பமாகும். நீங்கள் இணைந்ததில் இருந்து கணக்கு செயல்பட 15 அல்லது 20 நிமிடங்கள் செல்லும். அதாவது, உங்களால் இதில் கணக்குத் தொடங்க முடியும். ஆனால், ஏற்கனவே Clubhouse இல் உள்ள ஒருவர் உங்களை உள்ளே அழைக்க வேண்டும். அப்போது தான் உங்களால் உள்ளே செல்ல முடியும். அதில் இயங்க முடியும்.

பிறகு உங்களது Instagram மற்றும் Twitter கணக்குகளை இணைக்க முடியும். அவை உஙகளது Instagram Profile Page போல் ஒரு பக்கத்தை உருவாக்கித் தரும்.

இதில் பல பகுப்புகள் காணப்படுகின்றன. விளையாட்டு, நகைச்சுவை, சினிமா என இப்படிப் பல காணப்படுகின்றன. அவற்றில் உங்களுக்கு விருப்பமானவற்றை நீங்கள் முதலிலேயே கொடுத்துவிடலாம். அதற்கேற்றாற்போல் உங்களுக்கு அறைகளை காண்பிக்கும். அல்லது உங்களை யாரும் பரிந்துரை (Suggest) செய்தால் அந்த குழுவுடன் இணைந்து உரையாடலை ஆரம்பிக்கலாம்.

இது வேகமாக வளர்ந்து வருகின்ற ஒரு செயலி. எதிர்காலத்தில், இதற்கு Facebook, Twitter போன்றே ஒரு சந்தை உருவாகுவதற்கான வாய்ப்பும் உள்ளது. தற்போது, பல நிகழ்வுகள் ஏற்பாடு செய்யப்பட்டு உத்தியோக பூர்வமாக அழைப்பிதழ்கள் அனுப்பி நடாத்தப்படுவதையும் அவதானிக்கலாம். உங்களது கலந்துரையாடல்களையும் இந்த Clubhouse இல் நடாத்த அதிக வசதிகள் உள்ளன. ஒரே நேரத்தில் 5000 பேர் ஒரு அறையில் நடக்கும் அமர்வில் ஒன்றிணைய இதில் வசதி உள்ளது. நேர கட்டுப்பாடு கூட கிடையாது.

எதுவும் நல்லதுக்கு பயன்படுத்தினால் நல்லது. மீறினால் சமூக சீர்குலைவுகள் ஏற்படுவதை தவிர்க்க முடியாது. இதைப் புரிந்து நவீன தொழில் நுட்ப வசதிகளை நல்ல முறையில் பயன்படுத்துவோம். சுய ஒழுக்கங்களை மெய்நிகர் வெளிகளிலும் பேணுவோம்!

நன்றி - இஸ்பஹான்

இலவசமாக உங்கள் Google Drive இற்கு Unlimited File Upload செய்ய இதோ வழி!

2021-05-24T11:44:00.002+05:30

Google Drive இற்கு Unlimited File upload பண்ணுவதற்கான ஒருமுறையை செய்துகொள்ள ஆவலா? அப்படியாயின் பின்வரும் படிமுறைகளை பின்பற்றுங்கள்.

1. முதலில் "www.pon.workers.dev" என்ற இணையத்திற்கு சென்று உங்கள் Gmail address இனைக் கொடுத்து account ஒன்றை திறந்துகொள்ளுங்கள்.

2. பின்னர், https://drive.google.com/drive/shared-drives என்ற Link இற்கு சென்று பாருங்கள். Shard file ஒன்று அங்கு புதிதாகக் காட்டும்.

Note : உங்கள் தனிப்பட்ட மற்றும் மிக முக்கிய தரவுகளை பதிவேற்றுவதிலிருந்து தவிர்ந்துகொள்ளுங்கள்!

Do not upload your personal and sensitive data to this file!

PUBG | பப்ஜி விளையாட்டு ஆபத்தா? விளையாடும் முறை என்ன?

2020-06-12T15:06:00.000+05:30

அறிமுகம்

பப்ஜி (PUBG) (Player Unknown's Battle Grounds) என்பது பல நபர்கள் இணைந்து, இணையதளத்தில் விளையாடும் ஓர் இணையதள விளையாட்டு ஆகும். இது தென்கொரியாவினைத் தலைமையிடமாகக் கொண்டு செயல்படும் நிகழ்பட விளையாட்டு நிறுவனமான புளூஹோலின் கிளை நிறுவனமான பப்ஜி நிறுவனத்தால் உருவாக்கி மேம்படுத்தப்பட்டது ஆகும். இந்த விளையாட்டு 2000 ஆம் ஆண்டில் வெளியான பேட்டில் ராயல் எனும் சப்பானியத் திரைப்படத்தினை அடிப்படையாக வைத்து உருவாக்கப்பட்டுள்ளது. கிரீன் என்பவரின் வழிகாட்டுதலின் படி சில மாற்றங்களை (தனி நபர் விளையாட்டு) இந்த விளையாட்டில் செய்துள்ளனர். இந்த விளையாட்டில் நூறு வீரர்கள் வான்குடை மூலம் தனித் தீவில் இருப்பது போலவும், அங்குள்ள ஆயுதங்கள் மற்றும் கருவிகளைக் கொண்டு தங்களைப் பாதுகாத்துக்கொண்டு மற்றவர்களைக் கொலை செய்வதைப்போன்றும் வடிவமைக்கப்பட்டிருக்கும். நேரம் அதிகரிக்க, அதிகரிக்க பாதுகாப்பான இடங்களின் அளவானது குறைந்துகொண்டே செல்லும். இறுதியாக இருக்கும் நபர் அல்லது அணி வெற்றி பெற்றதாக அறிவிக்கப்படும்.

விளையாடும் முறை

PUBG விளையாட்டானது பல நபர்கள் ஒரே சமயத்தில் விளையாடும் பேட்டில் கிரவுண்ட் எனப்படும் சுடுதல் விளையாட்டு வகையைச் சார்ந்தது ஆகும். இதில் அதிகபட்சமாக நூறு நபர்கள் ஒரே சமயத்தில் விளையாட இயலும். இதில் விளையாடத் துவங்கும் முன் ஒரு வீரர் தான் தனியா விளையாட வேண்டுமா அல்லது இருவரா அல்லது குழுவாக விளையாட வேண்டுமா என்பதைத் தீர்மானிக்க இயலும். இந்தக் குழுவில் அதிக பட்சமாக நான்கு நபர்கள் விளையாடலாம். இறுதியாக இருக்கும் நபர் அல்லது அணி வெற்றி பெற்றதாக அறிவிக்கப்படும்.

பப்ஜி விளையாட்டு ஆபத்தா?

இணையவாசிகள் மத்தியில், பப்ஜி (Player Unknown's Battle Grounds - PUBG) விளையாட்டு செல்வாக்கு மிக்கதாக இருப்பதோடு சர்ச்சைக்குரியதாகவும் இருக்கிறது. கேம் சூழலில் எதிராளிகளைச் சுட்டுத்தள்ளி ஒற்றை ஆளாக எஞ்சி நிற்கும் இந்த சாகச விளையாட்டு அதன் பயனாளிகளைப் பெரிதாகக் கவர்ந்திருக்கும் நிலையில், இந்த விளையாட்டின் தாக்கம் குறித்துப் பெற்றோர்கள் மத்தியில் பெரும் கவலை இருக்கிறது.

பப்ஜி மீதான ஆர்வம் மோகமாக மாறி பல விபரீதங்களுக்கு காரணமாக இருப்பது தொடர்பான செய்திகள் தொடர்ந்து வெளியாகிவரும் சூழலில், பல கல்வி நிறுவனங்களிலும் ஒரு சில நகரங்களிலும் இந்த விளையாட்டிற்குக் கட்டுப்பாடும் விதிக்கப்பட்டுள்ளது. ஆனாலும், சர்ச்சைகளை மீறி, பப்ஜி விளையாட்டு இளைஞர்கள் மத்தியில் செல்வாக்கு மிக்கதாகத் தொடர்கிறது.

பப்ஜி விளையாட்டை அறியாதவர்களுக்கு, இந்த விளையாட்டில் அப்படி என்னதான் இருக்கிறது எனக் கேட்கத் தோன்றலாம். பப்ஜி விளையாட்டு ஏன் பலருக்கும் பிடித்தமானதாக இருக்கிறது என்பது தனி ஆய்வுக்குரியது என்றாலும், உலகம் முழுவதும் பிரபலமாகியிருக்கும் இந்த விளையாட்டு குறித்துப் பரவலாகப் பலரும் அறிந்திராத சுவாரஸ்யமான தகவல்களை இங்கே பார்க்கலாம்.

பப்ஜியின் பிரம்மா!

இதுவரை வெளியான வீடியோகேம்களில் முன்னணியில் இடம் பிடிக்கும் அளவுக்கு பப்ஜி நன்கறியப்பட்டதாக இருக்கிறது. எல்லாம் சரி, பிரெண்டன் கிரீனை (Brendan Greene) உங்களுக்குத் தெரியுமா? இவர்தான் பிளேயர் அன்நோன்ஸ் பேட்டில்கிரவுண்ட் என்பதன் சுருக்கமான பப்ஜி விளையாட்டை உருவாக்கிய பிரம்மா!

அயர்லாந்துகாரரான கிரீன், அடிப்படையில் கிராஃபிக் டிசைனர். வீடியோ கேமில் பெரும் ஆர்வம் கொண்டவர். பணி நிமித்தமாக பிரேசிலில் இருந்த காலத்தில் அவரே பல வீடியோ கேம்களை விளையாடியிருக்கிறார். அவர் விளையாடிய பெரும்பாலான விளையாட்டுகள் ஒரே மாதிரி இருப்பதாகவும், அவற்றை விளையாடும் விதம் அப்படியே மனப்பாடம் செய்துவிடும் அளவுக்கு இருப்பதாகவும் நினைத்து அவர் அலுத்துப்போனதாக விக்கிபீடியா தகவல் மூலம் அறிய முடிகிறது.

இந்நிலையில் ஜப்பானிய சண்டைப் படமான, பேட்டில் ராயல் படத்தின் தாக்கத்தால் உருவாக்கப்பட்ட டேஇசட் எனும் வீடியோ கேமால் ஊக்கம் பெற்று அதே பாணியில் அர்மா2 எனும் வீடியோ கேமை உருவாக்கினார். இதன் தொடர்ச்சியாக, ஹங்கர் கேம்ஸ் எனும் நாவலின் தாக்கத்தால் அவர் உருவாக்கிய கேம்தான் பப்ஜி விளையாட்டாக, 2017இல் அறிமுகமானது. முதலில் கம்ப்யூட்டர்களில் அறிமுகமாகி நல்ல வரவேற்பைப் பெற்ற பிறகு, கடந்த ஆண்டு மொபைல் போன்களிலும் அறிமுகமாகி வெற்றிக்கொடி நாட்டியிருக்கிறது.

அடுத்து என்ன?

பப்ஜி விளையாட்டு அதன் பயனாளிகளுக்கு அலுக்காவிட்டாலும் அதன் பிரம்மாவுக்கு அலுத்துவிட்டது. ஆம், கிரீன் பப்ஜி விளையாட்டில் இருந்து விலகிக்கொள்வதாக அண்மையில் அறிவித்துள்ளார். பப்ஜி கேமுக்கான இயக்குநர் பதவியிலிருந்து விலகிக்கொண்டு, பப்ஜி கார்ப்பரேஷனில் புதிய பிரிவு ஒன்றுக்கு அவர் சென்றுள்ளார். சிறப்பு விளையாட்டுகளில் இந்தப் பிரிவு கவனம் செலுத்தும் என எதிர்பார்க்கப்படுகிறது. இந்தப் பிரிவுக்காகப் புதிய குழுவை அமைப்பதில் கவனம் செலுத்துவதற்காக ஆம்ஸ்டர்டம் நகருக்கு குடி பெயர்ந்துள்ளார். தனக்கு பேட்டில் ராயல் விளையாட்டுகள் போரடித்துவிட்டதாகவும் கூறியிருக்கிறார். எனவே பப்ஜி 2 வெளியாக வாய்ப்பில்லை. ஆனால் கிரீன் அடுத்து என்ன உருவாக்கப்போகிறார் என்பது சுவாரஸ்யமான கேள்வி.

ஏன் அந்தப் பெயர்?

மற்ற வீடியோ கேம்களோடு ஒப்பிட்டால், பப்ஜி விளையாட்டின் பெயர் கொஞ்சம் விநோதமாக இருக்கும். அதென்ன, பிளேயர் அன்நோன்ஸ் பேட்டில் கிரவுண்ட் (Player Unknown's Battle Grounds), அர்த்தமில்லததாக இருக்கிறதே என நினைக்கலாம். இந்தப் பெயர், கிரீன் வீடியோ கேம் விளையாட்டில் ஈடுபட்டிருந்தபோது தனக்காக வைத்துக்கொண்ட பெயர். வீடியோ கேமை உருவாக்கியபோது அந்த பெயரையே கேமுக்கும் வைத்துவிட்டார். பெயரும் பெரிய அளவில் ஹிட்டாகிவிட்டது.

பப்ஜி வரைபடம்

பப்ஜி விளையாட்டில் அதன் வழிகாட்டி வரைபடம்தான் அடிப்படை. இராஞ்சல் (Erangel) என்பதே பப்ஜியின் முதன்மை வரைபடம். கிரீனின் செல்ல மகளின் இரனையும் தேவதையைக் குறிக்கும் ஏஞ்சல் எனும் வார்த்தையையும் கலந்து இதற்கு பெயர் சூட்டப்பட்டதாம்.

விளம்பரம் இல்லை

பப்ஜி விளையாட்டு ஆரம்பம் முதல் விளம்பரம் இல்லாமல் வளர்ந்திருக்கிறது. அறிமுகமானபோது விளம்பரம் செய்யப்படவில்லை. பெரும்பாலும் பயனாளிகளின் வாய்மொழி விளம்பரத்தால் பிரபலமானது. பயனாளிகளில் பலர் பித்துப் பிடித்தது போல தொடர்ந்து விளையாடும் பழக்கம் கொண்டிருந்ததால் மேலும் பிரபலமானது. ஆனால், டிவிகளில் முதல் முறையாக மொபைல் வீடியோ கேம்களுக்கான விளம்பரமாக பப்ஜி விளம்பரம் வெளியானது.

சாதனை கேம்

பப்ஜி விளையாடு பலரும் ஒன்றாக சேர்ந்து விளையாடக்கூடிய கேம். ஒரே நேரத்தில் எத்தனை பேர் வேண்டுமானாலும் ஆன்லைனில் விளையாடலாம். ஒரே நேரத்தில் அதிகம் பேர் சேர்ந்து விளையாடிய கேம் எனும் சாதனையையும் படைத்திருக்கிறது. 2017 டிசம்பர் மாதம் 3,106,358 பேர் பப்ஜியை ஒரே நேரத்தில் விளையாடியுள்ளனர்.

வெற்றி வாசகம்

பப்ஜி விளையாடும் பலரும் காணத் துடிக்கும் வாசகம், வின்னர் வின்னர் சிக்கன் டின்னர் என்பதாகும். இந்த வாசகம் திரையில் தோன்றினால், கேமில் வென்றுவிட்டதாக அர்த்தம். இது அத்தனை எளிதில் சாத்தியம் இல்லை என்பது வேறு விஷயம். இந்த வாசகம், 1930களில் அமெரிக்காவில் பெரும் பொருளாதாரத் தேக்க நிலை இருந்த சூழலில் சூதாடிகள் மத்தியில் பிரபலமாக இருந்த வாசகம். காசு வைத்து சூதாடி ஜெயித்தால் அன்று இரவு சிக்கன் விருந்து சாப்பிடலாம் என அர்த்தம்.

பப்ஜி எந்திரன்கள்

பப்ஜி விளையாட்டில் பிளேயர்கள் தவிரப் பலவித எந்திரன்கள் உண்டு. இவை எல்லாம் செயற்கை நுண்ணறிவால் உருவாக்கப்பட்ட பாட்கள். இவை சுடும் திறன் இல்லாதவையாகத் திட்டமிட்டு உருவாக்கப்பட்டவை. புதியவர்கள் உள்ளே வரும் போது அவர்கள் உடனடியாகத் தோற்றுபோய் வெளியேறிவிடக் கூடாது எனும் நோக்கத்துடன் இந்த பாட்கள் உருவாக்கப்பட்டுள்ளன. ஒரு விதத்தில் பப்ஜி வெற்றிக்கு இதுவும் காரணம்.

பப்ஜியில் தடை

பப்ஜி விளையாட்டு ஏற்படுத்தியுள்ள தாக்கம் காரணமாக பலரும் இதை தடை செய்ய வேண்டும் என பேசுவதை கேட்டிருக்கலாம். ஆனால் பப்ஜி கேம் ஆடுபவர்கள் தடை செய்யப்படலாம் என்பது உங்களுக்குத்தெரியுமா? ஆம், பப்ஜி விளையாடும் விதத்தில் முறையற்று நடந்துகொள்வது கண்டறியப்பட்டால் 100 ஆண்டு வரை கேம் ஆடத் தடை விதிக்கப்படலாம். எனவே பப்ஜியில் ஜெயிப்பதற்காக ஹைடெக் குறுக்கு வழிகளைக் கையாண்டால் வெளியேற்றப்படுவது நிச்சயம்.

Credits: Wikipedia, Minnambalam, NDTV, Google

சந்திரனுக்கு 2 km தொலைவில் ISRO உடனான தொடர்புகளை 'Vikram lander' இழக்கிறது

2019-09-07T06:19:00.000+05:30

இன்று (7 செப்டம்பர்) அதிகாலை சந்திரனில் இறங்கி ஆராய்ச்சிகள் செயவதற்காக அனுப்பிய இந்தியாவின் 'Chandrayaan-2' இனது 'Vikram lander' சந்திரனுக்கு 2 km தொலைவில் இருக்கும் போது அதாவது சந்திரனில் இறங்க இன்னும் 3 நிமிடங்கள் மாத்திரமே இருக்கும் நிலையில் ISRO Telemetry, Tracking and Command Network (ISTRAC), Peenya, Bengaluru உடனான தொடர்புகளை இழந்துள்ளது என Indian Space Research Organization( ISRO ) என சற்று முன் அறிவித்துள்ளது.

இந்த வரலாற்று முக்கியத்துவம் வாய்ந்த நிகழ்ச்சியை நேரடியாக பார்க்க அங்கு சென்றிருந்த இந்தியப் பிரதமர் மோடி அவர்கள் இந்திய விண்வெளி ஆராய்ச்சி அமைப்பின் (ISRO) தலைவர், விண்வெளி விஞ்ஞானி Kailasavadivoo Sivan அவர்களை 'தைரியமாக இருங்கள்' என்று கூறி தைரியபடுத்தினார்.

--ஹரீஸ் ஸாலிஹ்

பேஸ்புக் தகவல் திருட்டிலிருந்து நீங்கள் பாதுகாப்பா?

2018-10-01T12:21:00.002+05:30

- ஸஹ்ரான் கரீம் -

ஃபேஸ்புக் நிறுவனத்தின் ஒரு பாரிய தகவல் திருட்டு நடந்திருப்பதை நீங்கள் ஊடகங்கள் வாயிலாக அறிந்திருப்பீர்கள். கிட்டத்தட்ட 50 மில்லியன் ஃபேஸ்புக் கணக்குகள் இந்த சதியின் மூலம் பாதிக்கப்பட்டுள்ளதாக ஃபேஸ்புக் அதிபர் மார்க் சக்கர்பர்க் தெரிவித்திருக்கின்றார். ஃபேஸ்புக்கின் மொத்த கணக்குகளின் எண்ணிக்கையுடன் ஒப்பிடும் போது இது ஒரு பாரிய தொகை அல்ல என்பதும் குறிப்பிடத்தக்கது.

ஃபேஸ்புக் நிறுவனத்தில் உள்ள பாதுகாப்பு ஓட்டைகளை இனங்கண்டு அதன் மூலம் உள்ளே நுழைந்து ஒவ்வொரு கணக்கிலும் உள்ள Access Token களைத் திருடியுள்ளார்கள். Access Token என்பது ஒரு Digital Key போன்றது. இதனை உபயோகித்து உங்களது ஃபேஸ்புக் கணக்குகளில் உள்ளே நுளைந்து சில சதிகளைச் செய்ய முடியும்.

நீங்கள் செய்ய வேண்டியது என்ன?

Change Your Password

பாதிக்கப்பட்ட ஃபேஸ்புக் கணக்குகள் ஒவ்வொன்றிலும் உள்ள அனைத்து Access Tokenகளை மாற்றப்பட்டு விட்டதாக அறிவிக்கின்றது ஃபேஸ்புக் நிறுவனம். ஆகையால் Password ஐ மாற்றத் தேவையில்லை எனவும் தெரிவிக்கின்றார்கள். ஆனாலும் நமது பாதுகாப்பிற்காக Password ஐ மாற்றி விடுவது நல்லது.

Device Audit

எந்தெந்த கருவிகள் மூலம் உங்களது ஃபேஸ்புக் கணக்கு திறக்கப்பட்டுள்ளது என்பதை ஒரு முறை அலசிப் பார்த்துக் கொள்ளுங்கள். ஃபேஸ்புக்கில் Security and Login என்ற பக்கத்தில் Where You’re Logged In என்ற லின்க்கை கிலிக் செய்தால், யார் யார் எந்தெந்த இடங்களில் இருந்து எந்தெந்த device இன் மூலம் உங்களது கணக்குகளை இயக்கியிருக்கின்றார்கள் என அறிந்து கொள்ளலாம். சந்தேகத்திற்கிடமான இடமோ அல்லது Device இருந்தால் அதனை remove செய்து விடுங்கள்.

Two Factor Authentication

நீங்கள் இதுவரை Two-Factor Authentication என்கின்ற மேலதிக பாதுகாப்பு முறையினை activate செய்யவில்லையாயின் அதனை active செய்து விடுங்கள். இதன் மூலம் யாராவது இனந்தெரியாத நபர் ஒருவர் ஒரு புதிய device இல் இருந்து உங்களது ஃபேஸ்புக் கணக்கில் நுளைய முற்பட்டால் உடனே ஒரு 6 இலக்க code ஒன்றை கேட்கும். அந்த 6 இலக்க code உங்களது கையடக்கத் தொலைபேசிக்கு sms செய்யப்படும். அது நீங்களாக இருந்தால் எந்த பிரச்சினையும் இல்லாமல் அந்த code ஐச் செலுத்தி உள்ளே நுழையலாம்.

MoMo Challenge என்றால் என்ன?

2018-08-19T15:04:00.001+05:30

- Isbahan Sharfdeen -

அர்ஜென்டினாவைச் சேர்ந்த 12 வயது சிறுமி ஒருவர் தற்கொலை செய்து கொண்ட சம்பவம் அண்மையில் பதிவாகியது. ஆர்ஜன்டீனாவின் எஸ்கொபார் என்ற பகுதியில் கடந்த வாரம் நடந்த ஒரு சம்பவம் இது. ON செய்யப்பட்ட Phone Camera இன் முன் வீட்டுக்கு பின் உள்ள மரத்தில் குறித்த சிறுமி தொங்கிய நிலையில் இறந்திருந்தாள்.

குறித்த சிறுமியின் தற்கொலைக்கான காரணம் குறித்து தேடிய போது Whatsapp கு வந்த ஒரு Game Link கே காரணம் என அறியப்பட்டது. அந்த Game link தான் MoMo Challenge எனும் Game link. இதனைத் தொடர்ந்து இந்த விளையாட்டு குறித்த செய்திகள் வைரலாக ஆரம்பித்தன.

MoMo முதலில் Facebook களிலேயே இளைஞர்கள், யுவதிகளை குறிவைத்து இயங்கியது. பின்னர், Facebook இல் இருந்து Whatsapp இலக்கங்கள் பெறப்பட்டு தற்போது கையடக்க தொலைபேசிகளுக்கு அனுப்பப்படுகின்றன.

13 வயது தொடக்கம் 18 வயதானவர்களே இதன் மூலம் குறிவைக்கப்படுகின்றனர். Online Violence Game வகையைச் சேர்ந்த இப்படியான பல Online Game கள் இணையத்தில் காணப்படுகின்றன. அவற்றைத் தேடிப் போய் விளையாடிய காலம் போய் சிறுவர், இளைஞர்களை அடையாளங் கண்டு தேடி வருகின்ற நிலைக்கு தற்போது நிலமை மாறியுள்ளது.

Blue whale என்ற விளையாட்டுக்குப் பிறகு அதிகம் வைரலாகியுள்ள இந்த விளையாட்டு ஒரு மனநலம் பாதிக்கப்பட்ட பெண்ணின் முகத்துடன் அறிமுகப் படுத்தப்பட்டுள்ளது. அந்த பெண்ணின் பெயர் தான் மோமோ. இந்த Momo கட்டம் கட்டமாக சில செலனஜ்களை வழங்குகிறது. குறிப்பாக ஆளுக்காள் வித்தியாசமான வகையில் Chat முறையில் இந்த Game நகரும்.

தன்னை கஷ்டப்படுத்திக் கொள்ளல் தொடங்கி, தற்கொலையை தூண்டுவது வரை நகர்த்திச் செல்லும்.

குறித்த குறுஞ் செய்தியைத் தொடர்ந்தால் முதலில் குறித்த பெண்ணின் உருவம் மற்றும் மனதை சிதைவு படுத்தும் காட்சிகள் பகிரப்படும் அதன் பின்னர், அந்தரங்கம் தொடர்பான கேள்விகள் கேட்டு Task ஆரம்பிக்கும். எந்தளவுக்கு என்றால் முழுநகர்வும் Front Camera வை தானியங்க செய்து கண்காணித்து Privacy இல்லாத நிலை தோற்றுவிக்கப்படும்.

இப்படியாக குறித்த நபரது அந்தரங்க தகவல்கள் பரிமுதல் செய்யப்படும். அதனைத் தொடர்ந்து வழங்கப்படும் சவால்களை தாண்டிச் செல்ல வேண்டும். முடியாது எனப் பின்வாங்கினால் அந்தரங்க தகவல்கள் உள்பட எல்லா தகவல்களையும் வைத்து Blackmail செய்யப்படும். எப்படியோ சம்பந்தப்பட்டவர் மனச்சிதைவுக்கு உட்படுத்தப்பட்டு தற்கொலையை செய்ய தூண்டிவிடும்.

எங்குமே போகாமல் வீட்டில் தான் எனது குழந்தை இருக்கிறது. அறையில் கையடக்க தொலைபேசியில் Game தான் விளையாடிக் கொண்டிருக்கிறது என நினைத்து அசிரத்தையாக இருந்து விடாதீர்கள். எப்போதும் அவதானமாக இருங்கள். என்ன தான் நடக்கிறது என்று ஒரு கை பார்த்திடுவோமே என்று அதற்குள் வீணாக சிக்கியவர்களே அதிகம்.

Blue whale வந்த போது, அதில் சிக்கி, படிப்படியாக வந்து, திமிங்கல உருவை தமது கையில் கூரிய ஆயுதத்தால் கீறிக் கொண்ட பிறகு தான் பலர் சிக்கியிருக்கிறார்கள் என்று அறியமுடிந்தது.

ரஷ்யாவைச் சேர்ந்த இளைஞர்களால் இளம்வயதினர் குறிவைக்கப்பட்டு 50 நாள் கொண்ட task ஆக வடிவமைக்கப்பட்டிருந்தது இந்த Blue whale. ஆனால், momo முதலிலேயே மனதை சிதைவு செய்துவிட்டுதான் Task ஐ ஆரம்பிக்கிறது. உயிர் போன பிறகு தான் பலருக்கும் தெரியவரும்.

எனவே, இப்படியான Link, SMS Facebook Messenger வழியாகவோ, Whatsapp வழியாகவோ அல்லது வேறு ஏதும் Social Media Networks வழியாகவோ வந்தால் அவற்றை திறக்காது Delete செய்து விடுங்கள். எந்தக் காரணம் கொண்டும் திறக்காதீர்கள்.

இரண்டாவது, தயவுசெய்து Whatsapp இல் Number Block செய்யும் Option காணப்படுகின்றது. அதனைப் பயன்படுத்தி குறித்த இலக்கத்தை Block செய்யுங்கள். அத்தோடு உங்கள் Contact List இல் Black List இல் அதனை சேர்த்து முடக்கி விடுங்கள். இது Whatsapp மூலம் பரவுகிறது என்பதை Whatsapp உம் அறிவித்துள்ளது.

குறிப்பாக, ஜப்பான், மெக்சிகோ, கொலம்பியா நாடுகளின் Code Number களுடைய இலக்கங்களில் இருந்து 'இந்த Number ஐ Save பன்னிகங்க, Friends ஆக இருப்போம்' என்று வந்தால் அவதானமாக இருங்கள். இது வரை மேற்சொன்ன நாடுகளின் Code Number

உள்ள இலக்கங்களில் இருந்தே Whatsapp கு SMS அனுப்பப்பட்டுள்ளன.

உங்கள் குழந்தைகள் கைகளில் கையடக்க தொலைபேசிகளை வழங்காதீர்கள். வீட்டில் இருக்கும் இணைய வசதியுள்ள கணணிகளில் Parent Guard App களை இயக்கி வையுங்கள்.

Search Engine களில் Browser Restrictions பயன்படுத்துங்கள். Age Restrictions கான, Content. Restrictions கான Option உண்டு.

அதேபோல், கணணிகளை எல்லோருக்கும் தெரியும் இடத்தில் வையுங்கள். அறைகளில் வைக்காதீர்கள். அடிக்கடி குழந்தைகளோடு கதையுங்கள். குழந்தைகளை தொடர்ந்தும் கண்காணித்து வாருங்கள்.

குறித்த Momo Challenge மேற்கு நாடுகளில் அதிகம் பாதிப்பை, பீதியை ஏற்படுத்தி இருந்தாலும் உலக அளவில் இது குறித்த எச்சரிக்கை தேவையாக உள்ளது. காரணம், Online வழியாக வர எந்த எல்லைத் தடுப்பும் கிடையாது.

திறன்பேசி வைத்திருக்கும், Whatsapp மற்றும் Facebook போன்ற Social Media App களில் கணக்குகளை வைத்துள்ள எல்லோருக்கும் பயனளிக்கும் என்ற நம்பிக்கையிலேயே இந்தப் பதிவை வழங்குகின்றேன்.

Kiki Challenge என்றால் என்ன?

2018-08-11T17:30:00.001+05:30

- Isbahan Sharfdeen -

சமூக ஊடகங்களில் காலத்துக்கு காலம் பல்வேறு சமூக சவால்கள் முன்வைக்கப்பட்டு வருவதை நாம் அறிவோம்.

'முடிந்தால் இதை செய்து காட்டுங்கள்', 'நான் செய்ததைப் போல நீங்கள் செய்து காட்ட வேண்டும். நான் உங்களைத் தெரிவு செய்து விட்டேன்' போன்ற தோரணைகளில் இப்படியான சவால்கள் முன்வைக்கப்படுகின்றன.

'ஐஸ் பக்கட் செலனஜ்' வந்த போது அது குறித்த ஒரு பதிவை நான் இட்டிருந்தது உங்களுக்கு ஞாபகம் இருக்கும். அந்த வரிசையில் வந்திருக்கும் ஒரு செயல் தான் இந்த 'கிகி செலன்ஜ்'.

Interaction னுக்காக, Fun க்காக என இப்படியான சவால்கள் சமூக ஊடகங்களில் அறிமுகப் படுத்தப்படுகின்றன. குறிப்பிட்ட ஒரு விசயத்தின்பால் கவனயீர்ப்பைப் பெறவும், அதற்காக ஆதரவு திரட்டவும், நல்ல விடயத்திற்காக நிதி சேகரிக்கவும் என பல்வேறு நோக்கங்களுக்காகவும் இப்படியான சமூக சவால்களை அறிமுகப்படுத்துவதுவதும் உண்டு.

"கிகி சவால்" என்ற பெயரில் சமூக ஊடகங்களில் பரவி வரும் இந்த செயல் போக்குவரத்து சட்டவிதிகளுக்கு மிகவும் புரம்பான ஒரு நடவடிக்கை ஆகும்.

சட்டத்தை மதிக்கின்ற யாரும் இதில் ஈடுபட மாட்டார்கள். மீறினால் தண்டிப்பதற்கான முழு அதிகாரமும் காவல் துறைக்கு உண்டு என சில நாடுகள் அறிவித்துள்ளன. இந்தியாவில் சில இளைஞர்களுக்கு வித்தியாசமான முறையில் தண்டனை வழங்கிய செய்தி தற்போது வைரலாக பரவி வருவதையும் காணலாம்.

'பொறுப்பற்ற ஓட்டுனர்கள்' என்ற வகையில் இப்படியானவர்களை தண்டிக்க வேண்டும் என சமூக ஆர்வலர்கள் குறிப்பிடுகின்றனர்.

கனடா ரெப் பாடகரான (Canadian rapper Drake) ட்ராக் என்பர் வெளியிட்ட “In My Feelings” என்ற தனது பாடலைத் தொடர்ந்து இந்த Ki Ki Challenge சமூக ஊடகங்களில் பரவ ஆரம்பித்தது. அப்போது, பயணித்துக்கொண்டிருக்கும் காரில் இருந்து இறங்கி குறித்த பாடலின் முதல் பகுதி கோரஸ் முடிவடையும் வரை பாதையில் ஆட வேண்டும் என கோரப்பட்டிருந்தது.

அதன்படி, "மை ஃபீலிங்ஸ்" என்ற பாடலைப் பாடி நகரும் காரில் இருந்து வெளியேறி, கார் நகர்ந்து கொண்டிருக்கும் வேளையில் கோரஸின் முதல் பகுதி முடியும் வரை பாதையில் அப் பாடலைப் பாடியபடி நடனமாட வேண்டும் என்பதே இந்த 'கி கி சவால்'.

இது, #MyFeelingschallenge என்ற பெயரிலும் #kikiChallenge என்ற பெயரிலும் இணையத்தில் Trend ஆகி வருகின்றது.

இது மிகவும் ஆபத்தான ஒரு சவால் முறையாகும். தற்போது பலர் இந்த சவாலை செய்யப் போய் பல்வேறு ஆபத்துக்களை முகங் கொடுத்துள்ளார்கள். அப்படி தவறிய பலபேருடைய காணொளிகளும் தற்போது சமூக ஊடக மேடைகளில் வைரலாகி வருகின்றன.

குறித்த பாடலின் கோரஸ் முதல் பகுதி சுமார் 30 விநாடிகள் வரை நீடிக்கிறது, அதாவது இந்த சவாலை 30 வினாடிகள் செய்ய வேண்டும். அதாவது, அந்த குறித்த நேரத்தில் வாகனம் "Neutral" இல் ஒரு ஓட்டுனர் இல்லாமல் விட்டுவிடப்படுகிறது என்பதாகும்.

இது ஒரு விபத்துக்கான போதுமான நேரமாக உள்ளது. 30 செக்கன்கள் எப்படிப் போனாலும் ஒரு நொடிக்குள் விபத்துக்கள் நிகழவும் வாய்ப்பு உள்ளது என்பதை மறந்து விடாதீர்கள்!

நல்ல நோக்கத்திற்காக வேண்டி என்று இருந்தாலும் அதனை அடைவதற்கான வழிமுறை பிழையாக இருப்பின் அப்படியான ஒரு நோக்கமே தேவையில்லை. உங்களுக்கு ஒரு ஆபத்து, தீமை வருமென்றிருந்தால் அதனை செய்யாதீர்கள்! நேரம் எப்படி இருக்கும் என்று யாராலும் சொல்ல முடியாது.

கார், வேன், பஸ், ட்ரைன் மற்றும் அம்புயுலன்ஸில் கூட சில இளைஞர்கள் ஏதோ ஒரு உத்வேகத்தில் Social Media Trend ஓடு நாங்களும் இருக்கின்றோம் என்று காட்ட இந்த சவாலில் ஈடுபட்டு வருகிறார்கள். இலங்கையில் பரவ முன் தெளிவு படுத்தவது எங்களது பொறுப்பாகும்.

இப்படியான சவால்களைச் செய்துதான் Hero ஆகனும் என்ற எந்த அவசியமும் கிடையாது. சமூக ஊடகங்களில் Trend ஆக வலம் வரும் இந்த Ki Ki Challenge விசயத்தில் இளைஞர்கள் புத்தியோடு நடந்து கொள்ள வேண்டும் என்ற நோக்கத்திலேயே இந்தப் பதிவை இடுகிறேன்.

10.08.2018

www.isbahan.com

#Awareness #CyberSpace #CyberSecurity #Netiquette #IsbahanSharfdeen

தொழிநுட்ப அறிவை பட்டை தீட்டும் E-Learning Portal ITExpertTraining

2018-07-11T14:52:00.000+05:30

ITExpertTraining (www.itexperttraining.com) என்ற மின் கற்றல் இணையதளமானது 40 மனித ஆண்டு கால கற்பித்தல் அனுபவமிக்க தகவல் தொழில்நுட்ப வல்லுநர்களால் உருவாக்கப்பட்டுள்ளது.

நாளுக்கு நாள் தொடர்ந்து கொண்டிருக்கும் தகவல் தொழில்நுட்பத் துறை வளர்ச்சியானது, தகவல் தொழில் நுட்ப வல்லுநர்கள் தங்கள் வேலையில் நிலைத்திருக்கவும், அதில் முன்னேறி செல்லவும் அல்லது புதிய வேலை வாய்ப்பை தேடவும் தங்களின் துறை சார்ந்த அறிவு மற்றும் ஆற்றலை தொடர்ந்து மேம்படுத்தி கொள்ள வேண்டிய கட்டாயத்தை ஏற்படுத்தியுள்ளது.

தகவல் தொழில்நுட்ப சந்தையில் அதிக தேவையுடையதாக இருக்கும் தொழில்களுக்கு தேவையான உயர்நிலைப் பயிற்சிகள் இந்த இணையதளத்தின் இலத்திரனியல் கற்கை வசதி முறை மூலம் தகவல் தொழில்நுட்ப நிபுணர்களால் அளிக்கப்படுகிறது.

ITExpertTraining-இன் பயிற்சியாளர்கள் அனைவரும் நன்கு அனுபவமிகுந்த தற்போது தகவல் தொழில்நுட்ப துறையில் பணியில் இருக்கும் தொழில்நுட்ப நிபுணர்கள். பயிற்சி வகுப்புகளில், நிபுணர்கள் கற்பித்தலோடு மட்டுமல்லாமல் தங்களின் துறைசார் திறன், அறிவு, மற்றும் அனுபவங்களையும் பகிர்ந்து கொள்கின்றனர். இதன் மூலம் பயிற்சி பெறுபவர்கள் தங்களின் தொழிற்பாதையில் தொடர்ந்து வெற்றிகரமாக முன்னேறி செல்ல முடியும் என்ற தன்னம்பிக்கை பெறுகின்றனர்.

தகவல் தொழிநுட்பத்துறையில் உயர் நிலை கற்கை நெறிகளுக்குத் தேவையான பெரும்பாலான அடிப்படை பாடங்களும் இங்கு இலவசமாக தரப்படுகின்றன. இலவச தானியங்கு பதிவு மூலம் தன்னைப் பதிவு செய்து கொள்வதன் மூலம் உட்பிரவேசித்து இந்த Portal ன் வசதிகளை உபயோகப்படுத்தலாம்.

இதன் மூலம் எமது சமூகம் பயன் அடையும் என எதிர்பார்க்கிறோம். ஏனையோருக்கும் பகிருங்கள்.

www.itexperttraining.com சார்பாக, ஹரீஸ் ஸாலிஹ்.

அதிவேக இண்டர்நெட் சேவை பலூன் இலங்கை வான்வெளியில் பிரவேசம்

2016-02-16T13:39:00.001+05:30

தமிழில் - மீயல்லை ஹரீஸ்

நன்றி:- http://www.google.com/loon/

"Project Loon" என அழைக்கப்படும் அதிவேக இண்டர்நெட் சேவை வழங்கும் கூகிள் பலூன் அதன் முதல் சோதனையை ஏற்கனவே திட்டமிடப்பட்டபடி நேற்று திங்கள் இலங்கையில் ஆரம்பித்துள்ளது .

இப் பரிசோதனையில் பயன்படுத்தப்பட இருக்கும் மூன்று பலூன்களில் ஒன்று இலங்கையின் தெற்குப் பகுதியினூடாக இலங்கை வான்வெளியில் பிரவேசித்தது. இது அமெரிக்காவின் தென் பகுதியில் இருந்து அனுப்பப்பட்டுள்ளது.

நாடெங்கிலும் மலிவான விலையில் இன்டர்நெட் சேவையின் விஸ்தரிப்பு இதனூடாக எதிர்பார்க்கபடுகிறது.

விமானங்கள் பறப்பதை விட இரண்டு மடங்கு உயரமான வெற்றுக்கண்ணுக்கு புலப்படாத ஆகாயத்திலேயே இந்த பலூன்கள் நிலை கொண்டிருக்கும். மறுசுழற்சி செய்ய முடியுமான இந்த பலூன்கள் 180 நாட்கள் வாழ்தகவுடையன.

20 மில்லியன் சனத்தொகையை உடைய இலங்கையில் 3.3 மில்லியன் நடமாடும் இன்டர்நெட் தொடர்புகளும், 630,000 நிலையான சந்தா தொடர்புகளும் உள்ளன!

1989 ஆம் ஆண்டு கையடக்க தொலை பேசியை தெற்காசியாவிலேயே முதலில் அறிமுகப்படுத்திய நாடு இலங்கையாகும் .அதே போல் 2004 ஆம் ஆண்டு 3G தொழிநுட்பத்தையும் 2014 ஆம் ஆண்டு 4G தொழிநுட்பத்தையும் இப் பிராந்தியத்தில் முதலாவதாக இலங்கை அறிமுகப்படுத்தியது.

ஜப்பானுக்கு கை மாறியது இஸ்ரேலின் VIBER சேவை.

2014-07-18T20:36:00.002+05:30

ஜப்பான் நாட்டின் Rakuten எனும் நிறுவனம் இஸ்ரேல் நாட்டவர் ஒருவருக்கு சொந்தமாக இருந்த Viber Chat சேவையை 900 மில்லியன் அமெரிக்க டொலர்களுக்கு வாங்கியுள்ளது. இது இந்திய ரூபாய் மதிப்பில் 5400 கோடி ரூபாக்களாகும்.

பலஸ்தீன காஸா மீது இஸ்ரேல் தனது காட்டுமிராண்டித்தனமான தாக்குதலை தொடரும் இவ்வேளை, இச்செய்தி மனிதாபிமானமிக்க மனிதர்களுக்கு ஒரு ஆறுதலை அளிக்கும் என்றுதான் இப்பதிவை இங்கு வெளியிடுகிறேன். ஏனெனில் Viber சாட் சேவையை நாம் இனி பாவிப்பதால் அதன் லாபம் இஸ்ரேலை சென்றடையப்போவதில்லை.

Source :: http://www.bbc.com/news/business-26186031

இன்டர்நெட் இல்லாமலே எந்த நம்பருக்கும் இலவசமாக அழைப்பு வசதி!

2014-06-29T22:28:00.000+05:30

சில நேரங்களில் முக்கியமான நபர்களுக்கு நாம் போன் செய்ய வேண்டியிருக்கும். ஆனால் நமது போனில் பேலன்ஸ் இருக்காது. ஆள்பேர் இல்லாத இடத்தில் மாட்டிக்கொண்டிருப்போம். இன்டர்நெட் வசதியும் இருக்காது.. போன் செய்ய முடியாமல் போய், நமக்கு அதனால் இழப்பு ஏற்படும் இல்லை எனில் யாரிடமாவது திட்டு வாங்குவோம். இனி அந்த நிலை ஏற்படாது. பெங்களுரை சேர்ந்த 3 மாணவர்கள் சேர்ந்து FREEKALL என்ற சேவை அறிமுகம் செய்துள்ளனர்.

இதன் மூலம் நமது போனிலிருந்தே இலவசமாக கால்செய்து கொள்ளலாம். இதற்கு இன்டர்நெட் தேவையில்லை. சாதாரண black & white Nokia போன்போதும். ஐபோன் (iphone) முதல் சாதாரண சைனாபோன் வரை அனைத்திலும் இது வேலைசெய்யும்.

ஆச்சரியமாக உள்ளதா ஆம் இது உண்மைதான்!. இந்த சேவையை பயன்படுத்தி எப்படி இலவசமாக போன் செய்வது என்பதை பார்ப்போம்.

முதலில் நாம் நமது போனில் இருந்து ”1800 108 4444” என்ற Toll Free நம்பருக்கு போன் செய்யவேண்டும். (இந்தியஎண்ணிலிருந்து). இதற்கு நமது போனில் பேலன்ஸ் இருக்க வேண்டிய அவசியம் இல்லை. அப்படியே பேலன்ஸ் இருந்தாலும் பணம் எடுக்கப்பட மாட்டாது.

நாம் இந்த நம்பருக்கு கால் செய்ததும் கால் தானாககட் ஆகிவிடும். கட்ஆன அடுத்த நொடியில் ”8067915000” என்ற எண்ணில் இருந்து நமது போனிற்கு (mobile) கால்வரும். அதை நாம் attend செய்து நாம் யாருக்கு போன் செய்ய வேண்டுமோ அவர்களது நம்பரை ( phone number) dial செய்து அவர்களுடன் இலவசமாக பேசிக்கொல்லாம்.

வித்தியாசமான சேவைாக இருக்கின்றதல்லவா ? ஆம் இந்த சேவையை கடந்த மார்ச் மாதம்தான் பெங்களுர் மாணவர்கள் ஆரம்பித்துள்ளார்கள்..

இப்பொழுதே பயன்படுத்தி பயன் அடையுங்கள். உங்கள் நண்பர்களுக்கும் இந்த தகவலை share செய்யுங்கள்.

பின்வரும் FREEKALL சேவை இணைய தளத்திற்கு சென்று உங்கள் மொபைல் நம்பரை பதிவு செய்து கொண்டு நீங்கள் இந்தியாவில் உள்ள யாருக்கு வேண்டுமானாலும் இலவசமாக போன்செய்யலாம். DND நம்பர்களுக்கும் இதுவேலைசெய்யும்.

ஆங்கிலத்தில் சுருக்கமாக:

One can make the use of this service by following way:

1. Call at 1800 108 4444 after which the call will drop.

2. You will receive a call on your number from 08067915000.

3. Pick up the call and dial the number on which you want to talk and you will be connected to that number.

fcall போன்ற இணையதளங்கள் இந்திய எண்களுக்கு இவலசமாக போன் செய்யும் வதியை தந்தாலும் அவைகளை பயன்படுத்த நமக்கு இன்டர்நெட் தேவைப்படும். மேலும் அவை DND நம்பர்களுக்கு வேலை செய்யாது. ஆனால் freeKall இதிலிருந்து முற்றிலும் மாறுப்பட்டது மிகஎளிதானது என்பது குறிப்பிடதக்கது. இதை உருவாக்கிய பெங்களுர் மாணவர்களை பாராட்டியே ஆகவேண்டும்.

கூகிள் அறிமுகப்படுத்தும் தன்னியக்க கார்! (வீடியோ இணைப்பு)

2014-06-05T21:41:00.001+05:30

உங்களுக்குத் தெரியுமா? முழுமையாக தன்னியக்கத்தில் இயங்கக்கூடிய அழகிய கார் ஒன்றினை தயாரித்து பரீட்சித்து வருகிறது கூகிள் நிறுவனம்.

பல இயந்திரத் தயாரிப்பு நிறுவனங்கள் மற்றும் தொழிநுட்ப நிறுவனங்களை கொள்வனவு செய்து வரும் கூகிள், குறித்த கார் வகையினை முழுமையாக தமது தொழிற்சாலையிலேயே உருவாக்கியுள்ளதாக தகவல் வெளியிட்டுள்ளமை குறிப்பிடத்தக்கது.

கீழுள்ள காணொளியை நீங்களும் பாருங்கள்.. அதிசயித்துப் போவீர்கள்!

புதுமைகளின் முயற்சியில் களமிறங்கியிருக்கும் கூகிள் நிறுவனத்திற்கு எம் வாழ்த்துக்கள்!

ஸ்கைப்பில் வந்தாச்சு டிரான்ஸ்லேட் ஆப்ஷன்...!

2014-05-29T21:07:00.003+05:30

"எந்த மொழியில் பேசினாலும் இனி உங்கள் மொழியில் கேட்கலாம்" : ஸ்கைப் நிறுவனம் தெரிவிப்பு!

ஸ்கைப் பற்றி நிச்சயம் நீங்கள் அறிந்திருப்பீர்கள் எனலாம். உலகம் எங்கும் இருக்கும் யாரிடம் வேண்டுமானாலும் இலவசமாக வீடியோ கால் செய்ய இது உதவும். சாஃப்ட்வேர் துறையில் முன்னனி நிறுவனமான மைக்ரோசாஃப்ட் தனது ஸ்கைப் சாஃப்ட்வேரில் எதிர் முனையில் பேசுபவர் எந்த மொழியில் பேசினாலும் உடனடியாக அது அடுத்த முனையில் பேசுபவரது மொழிக்கு மாற்றம் செய்து அவர் தேர்வு செய்த மொழியில் கேட்கும் அமைப்பை ஏற்படுத்துயுள்ளதாக அந்த நிறுவனம் அறிவித்துள்ளது.

இதற்கான சோதனை முயற்சிகள் பிப்ரவரியில் இருந்தே நடைபெற்று வந்து தற்போது டெமோ வெர்ஷன் வெளியிட்டுள்ளதாக மைக்ரோசாஃப்ட் தகவல்கள் தெரிவிக்கின்றன. இதனை மைக்ரோசாஃப்ட் சிஇஓ ஆங்கிலத்தில் பேசி எதிர்முனையில் ஜெர்மன் மொழியில் கேட்டு டெமோ வெர்ஷனை துவக்கி வைத்தனர். இனி பேச மொழி ஒரு தடையில்லை என்ற சூழலை மைக்ரோசாஃப்ட் உருவாக்கியுள்ளது.

அதாவது ஸ்கைப்பில் நீங்கள் ஒருவருடன் தமிழில் உரையாடினால் அவருக்கு ஆங்கிலம் மட்டுமே தெரியும் என்றால் Language Mode ல் English என்று அவர் மாற்றினால் போதும். அவருக்கு நீங்கள் பேசும் மொழி ஆங்கிலத்தில்

கிடைக்கும் இந்த ஆண்டுக்குள் இதற்கான அப்டேட் அனைத்து ஸ்கைப் அக்கவுன்ட் யூஸர்ஸூக்கும் கிடைக்கும் என மைக்ரோசாப்ட் அறிவித்துள்ளது.

கணணியில் இலவசமாக WhatsApp மற்றும் Viber போன்றவற்றை பயன்படுத்துவது எப்படி?

2014-05-05T19:13:00.001+05:30

இனி உங்கள் whatsapp மற்றும் viber போன்ற ஆண்டிராய்டு அப்ளிகேஷன்களை பயன்படுத்த விலை கொடுத்து ஸ்மார்ட் போன் வாங்கவேண்டிய தேவையில்லை. உங்கள் வீட்டில் இருக்கும் கணினியைக் கொண்டே ஆண்டிராய்டு அப்ளிகேஷன் அனைத்தையும் பயன்படுத்தமுடியும்.

இந்த சேவையை அமெரிக்காவை சேர்ந்த ப்ளுஸ்டாக்ஸ் (bluestacks) எனும் நிறுவனம் துவங்கியுள்ளது. இதற்கு எந்த கட்டணமும் பெறப்படுவதில்லை என்பதுதான் இதன் தனிச் சிறப்பு. இனி இந்த இலவச வசதியினை உங்கள் கணினியில் எவ்வாறு நிறுவலாம் என்பதை விரிவாகக் பார்க்கலாம்.

1. முதலில் BlueStacks என்ற மென்பொருளை உங்கள் கணினியில் டவுன்லோட் செய்து கொள்ளுங்கள்.

2. இதை உங்கள் Windows 7 கணினியில் இன்ஸ்டால் செய்யுங்கள். இது பல நிமிடங்கள் எடுத்துக் கொள்ளும்.

3. இன்ஸ்டால் ஆனவுடன் BlueStacks ஓபன் ஆகி விடும். அப்படி இல்லை என்றால் Desktop Shortcut மூலம் ஓபன் செய்யலாம்.

4. இனி இது Google Play & உங்கள் Android Phone போலவே செயல்பட ஆரம்பிக்கும். உங்களுக்கு எந்த App வேண்டுமோ அதன் பெயரை வலது மேல் மூலையில் உள்ள “Search Icon” மீது கிளிக் செய்து தேடலாம்.

5. இன்ஸ்டால் ஆன App- களை My Apps பகுதியில் காணலாம். இணைய இணைப்பை பயன்படுத்தி App-ஐ டவுன்லோட் செய்து உங்கள் கணினியில் நீங்கள் பயன்படுத்த முடியும்.

6. உங்கள் கணணியில் Viber ஐ பயன்படுத்த வலது கீழ் மூலையில் உள்ள Search Icon இல் Viber என்று தேடுங்கள். பின்னர் Viber App-னை Android Phone – இல் Install செய்வது போன்று Install செய்து கொள்ளுங்கள்.

7. வரும் பகுதியில் BlueStacks – கில் நீங்கள் உங்கள் ஈமெயில் முகவரி, மொபைல் நம்பர் கொடுத்து Register செய்து கொள்ள வேண்டும். இப்போது உங்களுக்கு Pin Number ஒன்று வந்திருக்கும்.

8. Application – ஐ இன்ஸ்டால் செய்து Pin Number – ஐ கொடுத்து Log In செய்து கொள்ளலாம்.

9. Log – in ஆன உடன் உங்கள் மொபைலில் உள்ள App – களை உங்கள் கணினியில் பயன்படுத்தும் BlueStacks உடன் Sync செய்து கொள்ளும் வசதி இருக்கும்.

இதில் குறிப்பிட்ட ஒரு App அல்லது அனைத்து App – களையும் உங்கள் கணினிக்கு Sync செய்து கொள்ளலாம்.

11. இனி Android App பயன்படுத்த உங்கள் Android Phone – ஐ பயன்படுத்த தேவையில்லை.

அதே போன்று உங்களுக்கு கணணியில் WhatsApp -னையும் பயன்படுத்த முடியும்.

ப்ளுஸ்டாக்ஸ் (bluestacks) மென்பொருளை தரவிறக்கம் செய்ய கீழே click செய்யவும்.

நீண்ட நேரம் கணினி முன் அமர்ந்தால் எலும்பு நோய்: ஆய்வில் தகவல்

2014-04-26T17:05:00.001+05:30

கணினியில் அதிக நேரத்தை செலவிடும் சிறுவர்களின் எலும்புகள் பலவீனமாகக் கூடும் என்றும் இதனால், ஆஸ்டியோபொராசிஸ் மற்றும் எலும்புமுறிவு போன்ற நோய்கள் ஏற்பட அதிக வாய்ப்புகள் உள்ளது என்றும் நோர்வே ஆய்வாளர்கள் எச்சரித்துள்ளனர்.

சிறுவர்கள் ஓடி, ஆடி விளையாடுவதைவிட கம்ப்யூட்டரில் விளையாடுவது இன்று அதிகரித்துள்ளது. இவ்வாறு உட்கார்ந்த நிலையில் அதிக நேரத்தை செலவிடும் சிறுவர்களின் எலும்புகள் பலவீனமாகக் கூடும். உடலில் எலும்பிலிருக்கும் எலும்புத் தாது குறையும்போது, எலும்புகள் வலுவிழந்து முறிய நேரிடும். உட்கார்ந்தே பணியாற்றும் சிறுவர்களுக்கு எலும்புத் தாது அடர்த்தி குறைபாடு ஏற்படும் என்றும் இது பிற்காலத்தில் ஆஸ்டியோபொராசிஸ் மற்றும் எலும்புமுறிவு போன்றவற்றை அதிகரிக்கும் வாய்ப்புள்ளது என்றும் ஆய்வாளர்கள் எச்சரிக்கின்றனர்.

பிறந்ததிலிருந்து எலும்புகள் வளர்ச்சியடைகின்றன. டீனேஜ் பருவத்தின் இறுதியில் உச்சகட்ட வளர்ச்சியைப் பெறுகின்றன. ஆனால், இந்த எலும்புத் தாது அடர்த்தி குறைபாடானது (Osteoporosis), எலும்புகளின் அதிகபட்ச வலிமை மற்றும் வளர்ச்சியைத் தடுத்து நிறுத்திவிடும். ஒருவரது உடல் எடையும் இத்தகைய குறைபாடுகளால் அதிகரிக்க வாய்ப்புள்ளதாக டிரோம்சோவில் உள்ள நார்வே ஆர்க்டிக் பல்கலைக்கழகத்தின் பேராசிரியர் ஆன்னி விந்தர் கூறினார்.

15 முதல் 18 வயதுக்குட்பட்ட 463 பெண்கள் மற்றும் 484 ஆண்களிடம் இந்த சோதனை மேற்கொள்ளப்பட்டது. அவர்கள் கம்ப்யூட்டர் திரை முன் செலவிடும் நேரமும், எலும்புத் தாது அடர்த்தியும் வயதின் அனுசரிப்பு, பாலியல் முதிர்ச்சி, ஓய்வுநேரம், உடல் செயல்பாடு, புகை, மது பயன்படுத்துதல், முதலியவற்றின் அடிப்படையில் ஆராயப்பட்டது. இதில் பெண்களைவிட ஆண்களே அதிக நேரம் கம்ப்யூட்டர் முன் செலவிடுகின்றனர் என்றும், இதனால் அவர்களின் உடல் எடையும் அதிகரிப்பதாகவும் குறிப்பிட்டுள்ளனர்.

சர்வதேச ஆஸ்டியோபொராசிஸ் அமைப்பின் கணக்கீட்டின்படி 50 வயதுக்கு மேற்பட்ட ஆண்களில் சராசரியாக ஐந்தில் ஒருவர் இந்தக் குறைபாட்டினாலேயே எலும்புமுறிவுக்கு ஆளாகின்றார்கள் என்று தெரிவிக்கின்றன.

Google இன் சில முக்கிய சேவைகளுக்காக கட்டணமற்ற இணைய சேவையை வழங்கும் Dialog.

2014-04-24T06:00:00.000+05:30

தொழிநுட்ப உலகின் இன்றைய இணைய ஜாம்பவானாக திகழும் Google மற்றும் இலங்கையின் முதற்தர தொலைபேசி வலையமைப்பான Dialog உம் இணைந்து ஒரு உன்னதமான சேவையினை அதன் வாடிக்கையாளர்களுக்கு வழங்குகிறது.

Google இன் முக்கிய சேவைகளான Gmail, Google Plus, Google Search ஆகியன இணைய பாவனையாளர்களால் அதிகம் விரும்பி பயன்படுத்தப்படும் சேவைகளே

Dialog ஆனது இந்த சேவைகளுக்காகவே தனது கட்டணமற்ற இணைய சேவையினை வழங்குகிறது.

இதனை நீங்களும் பயன்படுத்த விரும்பின் நீங்கள் Dialog பாவனையாலராகவும் Google இல் ஒரு கணக்கையும் கொண்டிருக்க வேண்டும்.

இதற்காக நீங்கள் http://freezone.dialog.lk/ தளத்தில் சென்று Send a link to your phone என்பதனை சுட்டி உங்கள் தொலைபேசி இலக்கத்தை உள்ளிடுவதன் மூலம் இதற்கான சுட்டியை உங்கள் கையடக்க தொலைபேசிக்கு பெற்றுக்கொள்ளலாம் அல்லது உங்கள் கையடக்க தொலைபேசியில் இருக்கும் இணைய உலாவி மூலம் g.co/freezone எனும் தளத்திற்கு பிரவேசிப்பதன் மூலம் இந்த சேவையை பயன்படுத்திக் கொள்ள முடியும்.

எந்த ஒரு சந்தர்ப்பத்திலும் எவ்வளவு நேரமும் இலவசமாக பயன்படுத்திக் கொள்ள முடிகின்ற இந்த சேவையை இணையம் செயற்படுத்தப்பட்ட எந்த ஒரு கையடக்க தொலைபேசி மூலமும் பயன்படுத்தலாம்.

என்றாலும் இதற்காக உங்கள் மொபைல் இல் இணைந்தாற் போல் வரும் இணைய உலாவியையே பயன்படுத்த வேண்டும். மூன்றாம் நபர் இணைய உலாவிகளில் இதனை பயன்படுத்த முடியாது.

மேலும் Google Search மூலம் பெறப்படும் முடிவுகளில் முடிவுகளின் பக்கத்திற்கு இலவசமாக செல்ல முடியும் என்றாலும் அப்பக்கத்திலுள்ள வேறு ஒரு சுட்டியில் செல்வோம் எனின் அதற்கான கட்டணம் அறவிடப்படும்.

உதாரணமாக Google இல்,

"ANAS GRAFIX" என தேடும் போது அதற்கான முடிவுகளில் www.anasgrafix.com கிடைக்குமெனின் அந்த தளத்திற்கு எவ்வித கட்டணமும் இன்றி பிரவேசிக்கலாம். என்றாலும் அந்த தளத்தில் இருக்கும் வேறு இணைப்புக்களில் சென்றால் அதற்கான கட்டணம் அறவிடப்படும்.

எது எப்படியோ அன்றாடம் இணையத்தை மொபைல் மூலம் பயன்படுத்தும் இலங்கை இணையப் பாவனையார்களுக்கு இது ஒரு இனிமையான செய்தியாகவே அமையலாம்.

இலவச அழைப்புக்களின் அரசன். உலகின் 90 இற்கும் மேற்பட்ட நாடுகளின் நிலையான, கையடக்க தொலைபேசிகளுக்கு இலவசமாகப் பேசலாம்.

2014-04-23T07:30:00.000+05:30

Android மற்றும் iOS Smart சாதனங்களுக்கான Libon எனும் மென்பொருளானது ஏனைய Messaging மென்பொருள்களை பார்க்கிலும் சற்று வித்தியாசமான வசதியை அதன் பயனர்களுக்கு வழங்குகின்றது.

நாம் Viber, Skype போன்ற மென்பொருள்களை பயன்படுத்தி ஒருவருக்கு இலவச குரல் அழைப்புக்களை ஏற்படுத்த வேண்டும் எனின் குறிப்பிட்ட இரு நபர்களும் அந்த தளங்களில் கணக்கினை வைத்திருக்க வேண்டும்.

ஆனால் இந்த Libon எனும் மென்பொருளை பயன்படுத்தி 90 இற்கும் மேற்பட்ட நாடுகளிலுள்ள எந்த ஒரு நிலையான மற்றும் கையடக்க தொலைபேசி இலக்கங்களுக்கும் இலவச அழைப்புக்களை ஏற்படுத்த முடியும்.

இருப்பினும் இதனை நாம் வரையறை இன்றி பயன்படுத்த முடியாது. அதாவது நீங்கள் குறிப்பிட்ட மென்பொருளில் இணையும் புதிய வாசகர் எனின் ஒவ்வொரு மாதமும் இலவச 60 நிமிடங்கள் என்ற வகையில் முதல் மூன்று மாதங்களுக்கு இலவசமாக பயன்படுத்த முடியும். அதன் பின்னும் நீங்கள் பயன்படுத்த வேண்டும் எனில் (என்னை மன்னிக்க வேண்டும்) கட்டணம் செலுத்தித் தான் பயன்படுத்த வேண்டும்.

மேலும் உங்கள் நண்பரும் Libon இல் கணக்கொன்றினை வைத்திருந்தால் அது Libon Contact என்ற பக்கத்தில் தரப்பட்டிருக்கும் அந்த இலக்கங்களுக்கு வரையறை இன்றி உங்களால் அழைப்புக்களை ஏற்படுத்த முடிவதோடு எழுத்து வடிவிலும் குரல் பதிவு மூலமும் கருத்துக்களை பரிமாறிக் கொள்ளலாம்.

17Mb அளவினை கொண்டுள்ள இந்த மென்பொருளானது Android 2.3 பதிப்பு இயங்கக்கூடிய சாதனத்திலும் இயங்கக் கூடியது.

இலங்கை, இந்தியா,கனடா, மலேசியா, சிங்கப்பூர் உட்பட 90 இற்கும் மேற்பட்ட நாடுகளுக்கு அழைப்பினை ஏற்படுத்த உதவும் இந்த மென்பொருளை பயன்படுத்தி கடல் கடந்து இருக்கும் உங்கள் உறவுகளுடன் தாராளமாக பேசி மகிழுங்கள்.

இதனை நீங்களும் தரவிறக்கி பயன்படுத்த விரும்பினால் கீழுள்ள இணைப்பில் செல்க.

ANDROID USERS >>

iOS USERS >>

நீங்கள் அறிந்திராத Youtube தளத்தின் அருமையான சில வசதிகள்! (Youtube Tips & Tricks)

2014-04-22T11:50:00.002+05:30

YouTube தளம் பற்றி அறியாதவர்கள் யார்தான் இருக்க முடியும்?

இணையத்தில் வீடியோ கோப்புக்களை சேமித்து அதனை பயனர்களின் பார்வைக்கு வழங்க எத்தனயோ தளங்கள் இருந்தாலும் அதில் YouTube தளத்துக்கு தனிச்சிறப்பு உண்டு.

அந்த வகையில் Google ஆல் நிருவகிக்கப்படும் இந்த தளத்தில் ஏராளமான வசதிகளும் பலசுவாரஷ்யமான அம்சங்களும் கொட்டிக் கிடக்கின்றன ஆனால் அவற்றுள் அதிகமானவற்றை நாம் அறியத்தான் தவறி விடுகின்றோம்.

எனவே YouTube தளம் மூலம் அடைய முடிகின்ற சில வசதிகளை கீழே பார்ப்போம்.

நீங்கள் YouTube தளத்தில் இருக்கும் ஒரு வீடியோ கோப்பினை தரவிறக்க விரும்பினால் பின்வரும் முறையை பின்பற்றுக.

குறிப்பிட்ட வீடியோ கோப்பிற்கான URL இற்கு முன் இருக்கும் https://www. என்பதனை நீக்கி விட்டு ss என்பதனை தட்டச்சு செய்து Enter அலுத்துக

உதாரணத்திற்கு https://www.youtube.com/watch?v=Rxz9Rn98MDs எனும் இந்த இணைப்பின் https://www.என்பதனை நீக்கிவிட்டு ss என்பதனை சேர்த்தல் அது பின்வருமாறு அமையும்.

ssyoutube.com/watch?v=Rxz9Rn98MDs

இனி அது savefrom எனும் தளத்துக்கு உங்களை அழைத்துச் செல்லும் பிறகென்ன உங்களுக்குத் தேவையான வீடியோ கோப்பின் வடிவத்தை தெரிவு செய்து சுட்டுக. பிறகு குறிப்பிட்ட வீடியோ கோப்பு உங்கள் கணனிக்கு தரவிறக்கப்படும். (படத்தினை தெளிவாகக் காண படத்தின் மேல் சுட்டுக)

வீடியோ கோப்பொன்றினை அதன் தெரிவு செய்யப்பட்ட இடத்திலிருந்து பார்க்க

நீண்ட நேரம் இயங்கக் கூடிய ஒரு வீடியோ கோப்பினை நீங்கள் விரும்பும் இடத்திலிருந்து பார்க்க விரும்பினால் அதற்கான இணைப்பின் இறுதிப்பகுதியில் இயங்க ஆரம்பிக்க வேண்டிய நேரத்தினை சேர்க்க வேண்டும்.

உதாரணத்திற்கு 5 நிமிடம் இயங்கக் கூடிய ஒரு வீடியோ கோப்பினை அதன் 2 நிமிடம் 20 வினாடிகளுக்குப் பின் இயங்கக் கூடிய பகுதியை மாத்திரம் நீங்கள் பார்க்க விரும்பினால் குறிப்பிட்ட இணைப்புடன் #t=02m20s என சேர்க்க வேண்டும். (இங்கு m என்பது நிமிடத்தினையும் s என்பது வினாடியையும் குறிக்கும்)

உதவிக்கு பின்வரும் இணைப்பினை பார்க்க

https://www.youtube.com/watch?v=Rxz9Rn98MDs#t=03m22s

ஒரு வீடியோ கோப்பினை உச்ச தெளிவுத் திறனில் (HD) வடிவில் பார்க்க.

நீங்கள் YouTube தளத்தில் பார்க்கும் வீடியோகோப்புக்கு கீழ் தரப்பட்டிருக்கும் Settings Icon ஐ சுட்டி 720p HD, அல்லது 1080P HD என்பதனை சுட்டுக. இனி குறிப்பிட்ட வீடியோ கோப்பினை உச்ச தெளிவுத்திறனில் காணலாம். (இது ஒரு சில வீடியோ கோப்புக்களுகு பொருந்தாது)

YouTube தளத்தில் இயங்கும் ஒரு வீடியோ கோப்பினை தானாக மீள இயங்கச் செய்ய வேண்டுமா?

குறிப்பிட்ட இணைப்புக்கு முன் https://www.youtube.com என்பதனை நீக்கி விட்டு youtuberepeater.com என்பதனை சேர்த்து Enter அலுத்துக. இனி அது youtuberepeater.com எனும் தளத்துக்கு மாற்றப்பட்டு தானாகவே மீண்டும் மீண்டும் இயங்கும் (Auto Replay)

உதாரணத்திற்கு https://www.youtube.com/watch?v=xyzxyzxyz எனும் இணைப்பினைyoutuberepeater.com/watch?v=xyzxyzxyz என மாற்றி அமைக்க வேண்டும்.

மேலும் infinitelooper எனும் தளமும் இந்த சேவையை தருகின்றது. இந்த தளமானது மேற்கூறிய தளத்தினை விட ஒரு படி மேல் சென்று தானாக மீள இயங்க வேண்டிய வீடியோ கோப்பின் கால வரையறையையும் தெரிவு செய்து கொள்ள வசதியை வழங்குகின்றது.

எனவே குறிப்பிட்ட வீடியோ கோப்பினை இந்த தளத்தின் மூலம் நீங்கள் பார்க்க உங்கள் வீடியோ கோப்பிற்கான இணைப்பை பின்வருமாறு மாற்றி அமைக்க வேண்டும்.

infinitelooper.com/watch?v=xyzxyzxyz

உங்கள் நாட்டில் இயங்குவதற்கு தடை செய்யப்பட ஒரு வீடியோ கோப்பினை இயங்கச் செய்ய வேண்டுமா?

குறிப்பிட்ட வீடியோ கோப்பில் உள்ள watch?v= என்பதனை /v/ ஆக மாற்றுக

உதாரணத்திற்கு உங்கள் வீடியோ கோப்பின் இணைப்பு https://www.youtube.com/watch?v=xyzxyzxyz எனின் அதனை https://www.youtube.com/v/xyzxyzxyz என்றவாறு மாற்றுக.

வீடியோ கோப்பொன்றினை பிறகொரு சந்தர்பத்தில் பார்க்க

YouTube தளத்தில் இருக்கும் ஒரு வீடியோ கோப்பினை நீங்கள் பிறகு ஒருசந்தர்பத்தில் பார்க்கலாம் என எண்ணினால் YouTube தளத்தில் வலது பக்கம் தரப்பட்டிருக்கும் Watch Later என்பதனை சுட்டுக. இனி குறிப்பிட்ட வீடியோ கோப்பினை பிறகு ஒருசந்தர்பத்தில் பார்க்கலாம். (இதற்கு Google தளத்தின் கணக்கொன்று அவசியம்.)

குறைந்த இணைய வேகத்திலும் சிறந்த அனுபவத்தினை பெற.

குறைந்த வேகத்தில் அமைந்த இணைய இணைப்பின் போதும் தங்கு தடையின்றி வீடியோ கோப்புக்களை இணையத்தில் பார்க்க Feather beta எனும் வசதியை YouTube தளம் தருகின்றது. குறிப்பிட்ட பக்கத்திற்குச் சென்று Join the "Fether" Beta என்பதனை அழுத்துவதன் மூலம் நீங்களும் இந்த வசதியை செயற்படுத்திக் கொள்ளலாம்.

இதோ அதற்கான பக்கம் ====> இங்கே சுட்டுக

குறிப்பிட்ட ஒரு சொல்லை அடிப்படையாக கொண்ட தேடல் முடிவுகளை பெற.

YouTube தளம் மூலம் நாம் வீடியோ கோப்புக்களை தேடுகையில் குறிப்பிட்ட ஒரு சொல் அடங்கிய அனைத்து வீடியோ கோப்புக்களையும் தேடல் முடிவில் பெறுவதற்கு allintitle:என்பதுடன் குறிப்பிட்ட சொல்லை இட்டு தேட வேண்டும்.

உதாரணத்திற்கு "தமிழ்" என்ற சொல் அமைந்த அனைத்து வீடியோ கோப்புக்களையும் தேடல் முடிவில் பெற வேண்டுமாயின் YouTube தளத்தின் Search Bar இல் allintitle:தமிழ் என தட்டச்சு செய்து தேடல் வேண்டும்.

YouTube தளம் மூலம் வீடியோ கோப்புக்களை Edit செய்வதற்கு.

நீங்கள் YouTube தளத்தில் வீடியோ கோப்புக்களை பதிவேற்றி பகிர்ந்து கொள்பவர் எனின் உங்கள் வீடியோ கோப்புக்களில் மாற்றங்களை ஏற்படுத்த (Edit செய்வதற்கு) YouTube தளம் வசதியை தருகின்றது. குறிப்பிட்ட பக்கத்திற்குச் செல்ல கீழுள்ள இணைப்பில் செல்க.

YouTube Editor ====> இங்கே சுட்டுக

YouTube தளத்தில் திரைப்படங்கள் மற்றும் தொலைக்காட்சி நிகழ்சிகளை கண்டுகழிக்க

இவைகள் தவிர YouTube தளம் மூலம் தமிழ் உட்பட இன்னும் ஏராளமான மொழிகளில் அமைந்த முழுமையான திரைப்படங்கள், தொலைக்காட்சி நிகழ்சிகள்போன்றவற்றினையும் இலவசமாக பார்க்கலாம். இவற்றினை நீங்களும் பார்க்க விரும்பினால் கீழுள்ள இணைப்பில் செல்க.

திரைப்படம் ====> இங்கே சுட்டுக.

தொலைக்காட்சி நிகழ்சிகள் =====> இங்கே சுட்டுக.

ஆன்லைன் மூலம் ரீசார்ஜ் செய்ய அன்ட்ராயிட் அப்ளிகேஷன்!

2014-04-18T14:44:00.002+05:30

பெரும்பாலான நேரங்களில் திடீர் என்று மொபைலில் Balance அல்லது Datacard Pack அல்லது DTH சேனல் Validity போன்றவற்றில் ஏதேனும் ஒன்று திடீர் என்று முடிந்திருக்கும். வெளியே சென்று Recharge செய்ய முடியாத சூழ்நிலை என்றால் நமக்கு கஷ்டம் தான். இதுவே Android அலைபேசி வைத்திருந்தால் இவற்றை எளிதாக உங்கள் அலைபேசியிலேயே Recharge செய்யலாம்.

Paytm தளம் பற்றி நிறைய பேர் அறிந்து இருப்பீர்கள். ஆன்லைன் மூலம் Recharge செய்ய உதவும் இதை பயன்படுத்துபவர்கள் நிறைய பேர். எந்த நெட்வொர்க் என்றாலும் நாம் இதனை பயன்படுத்த முடியும். மொபைல் மட்டுமின்றி DTH, Datacard போன்றவற்றுக்கும் Recharge செய்ய இது பயன்படுத்துகிறது. இதன் Official Android Application பற்றி பார்ப்போம்.

இதை பயன்படுத்தி கீழே உள்ளவற்றுக்கு நீங்கள் Recharge செய்ய முடியும்.

Mobile - Airtel, Vodafone, Reliance GSM, Reliance CDMA, Idea, BSNL, Uninor, Tata Indicom, Aircel, Tata Docomo, Loop Mobile, MTS, MTNL and Videocon.

DTH -Tata Sky, Dish TV, Airtel TV, Sun Direct, Videocom d2h, and Reliance Digital TV.

Datacard - BSNL, MTNL, MTS MBlaze, MTS MBrowse, Reliance Netconnect+, Tata Photo Plus, Tata Photon Whiz

உங்கள் மொபைல் எண், நெட்வொர்க், அமௌன்ட் போன்ற தகவல்களை கொடுத்து விட்டு Proceed கொடுத்து பின்னர் வரும் பக்கத்தில் உங்கள் Paytm கணக்கிற்குள் Sign in அல்லது Sign Up ஆகிக் கொள்ளுங்கள். பின்னர் Proceed To Pay கொடுத்து Net Banking, Debit Card அல்லது Credit Card மூலம் பணம் செலுத்ததி விடலாம்.

இது Paytm தளத்தின் Official Application என்பதால் பயமேதும் கொள்ள வேண்டாம். பாதுகாப்பான ஒன்று இது.

பழமொழிகள், புதிர்கள், பாடல்களைப் பெற ஆண்ட்ராய்ட் APP

2014-04-16T19:45:00.000+05:30

தமிழை அடுத்த தலைமுறைக்கு எடுத்துச் செல்லும் வகையில் பழமொழிகள், புதிர்கள், பாடல்களை ஆண்ட்ராய்ட் போனில் பெறும் ஒரு முயற்சியாக இந்த அப்ளிகேஷன் உருவாக்கப்பட்டுள்ளது.

ஆண்ட்ராய்ட் ஸ்மார்ட் போனில் இயங்கும் இந்த அப்ளிகேஷனை, உங்களுடைய ஸ்மார்ட் போனில் நிறுவி, அதன் மூலம் தமிழில் உள்ள பழமொழிகள், புதிர்கள், பாடல்கள், விடுகதைகள் போன்றவற்றைப் பெற முடியும்.

பயன்படுத்த எளிதான பயனர் இடைமுகம் இதில் இடம்பெற்றுள்ளது. எளிமையாக, மிக தெளிவாக, பயன்படுத்துவதற்கு ஏற்ற வகையில் உள்ளது. மேலும் இந்த அப்ளிகேஷனை மேன்படுத்தக் கூடிய வழிமுறைகளையும், யோசனைகளையும் நீங்கள் வழங்க முடியும்.

இந்த அப்ளிகேஷனைப் பற்றிய உங்களுடைய கருத்தினையும், யோசனைகளையும் கூறுவதற்கான வசதியும் அதில் அளிக்கப்பட்டுள்ளது. சிறுவர்கள் முதல் பெரியவர்கள் அனைவரும் தமிழில் உள்ள பழமொழிகள், விடுகதைகள், பாடல்களை போன்றவற்றை அறிந்துகொள்ள மிகப் பயனுள்ளதாக இருக்கும் என்பதில் சந்தேகமில்லை.

"தமிழில் யோசி" ஆண்ட்ராய்ட் அப்ளிகேஷனை இலவசமாக இன்ஸ்டால் செய்ய..

via தங்கம் பழனி

கூகிள் மெட்ரோ குரோம்! முயற்சித்துப் பாருங்கள்!

2014-04-10T10:50:00.000+05:30

கூகிள் நிறுவனம் மற்றும் அவர்களின் இணைய மென்பொருள் தொடர்பான அறிமுகங்கள் மற்றும் செய்திகள்..! Anas Grafix தளத்துடன் தொடர்ந்தும் இணைந்திருங்கள்!

உங்களுக்கு பிடித்த குரோம் இணைய உலாவி மெட்ரோ வடிவமைப்பில்..

தரவிறக்கி பயன்படுத்திப் பாருங்கள்!