AnaYurdum

DaşKəsən Temple - داش کسن معبدی

noreply@blogger.com (Anonymous) — Mon, 19 Jun 2017 15:19:00 +0430

داش کـَـسَن معبدی آزربایجانین ان گؤرمه لی تاریخی یئرلریندن دیر. زنجان سولطانیه بؤلگه سی نین وییَر کندی نین یاخینلیغیندا (سولطانیه نین 12 کیلومترلیگی) دیر، آنجاق اورا باش وورانلارین سایی سی چوخ آز دیر اوزوجولوکله.
اورانین قوروقچوسو(نگهبانی) دئییردی بورا باش وورانلارین چوخو خاریجی اؤلکه لر، اؤزللیکله ژاپون و کوره و چین دن اولارلار.
اونون سؤزونه گؤره ژاپونلولار دئییرمیشلر بورا بیزیم اؤلکه ده اولسایدی دورومو چوخ فرقلی اولاردی و بئله مهجور قالمازدی. اونون نظرینه گؤره بورا ایسلاملا ایلیشکیلی اولمادیغینا گؤره یئتیشمه ییبلر! منجه تکجه ایسلاما گؤره دئییل، آزربایجانین تورکلوگو و بو معبدی دوزلدنلرین موغوللوغونا گؤره اولابیلر؛ بیستون و تخت جمشید کی ایسلامی دئییللر، آنجاق شیددتله رکلام اولونورلار.

گؤرونتو چکیلن تاریخ: 9/اوکتوبر/2016

یازماق چتین گلیر

noreply@blogger.com (Anonymous) — Sat, 22 Oct 2016 10:49:00 +0330

نئچه ایلدن سونرا دئیه سن بلاگر فیلتردن چیخیب! مانیتورا چالاق گؤز دَیمه سین بیلمیرم قوجالماغا گؤره دیر، یوخسا نه یه گؤره قدیم کیمی آدام یازابیلمیر ،اولاسی (احتمالن) یازماق دا ایدمان کیمی دیر! آدام چالیشیب مشق ائتمه ینده تنبللشن کیمی ، یازمایاندا دا یازماق چوخ چتین گلیر ----- یازاندان سونرا پابلیش ائلدیم "ویو"نو ووردوم گؤردوم اوخویانلارا فیلتر دیر!!! بو مملکتین ایشلریندن باش چیخارتماق اولمور، میلیونلارا تلگرام آچیقدیر، آنجاق بئش دنه بولاق یازانا بلاگر باغلی دیر

بو ایکی صفحه بیر یانا، قالان 300 صفحه ده بیر یانا!

noreply@blogger.com (Anonymous) — Sun, 25 Aug 2013 09:47:00 +0430

اینترنت ده پایلاشیلان خبرلر واسطه سی ایله، بیر ایکی آی بوندان اؤنجه جواد طباطبایی آدلی بیر انسان، و مهرنامه آدلی بیر درگی، تانیدیم. هامی نیزین دا خبریز وار جریان نه دیر! طباطبایی نین ساچما سؤزلرینه وئریلن جوابلار، و گؤستریلن عکس العمللر، منی کئچمیش زامانلارا قایتاریردی! اوچ-دؤرد ایل بوندان اؤنجه، سون دؤنه اولاراق، اؤز وبلاقیمدا، بو قونو دا بیر سؤزلر یازیب، و جواد طباطبایی کیمین آداملارین کیملیکچیلیگه گؤره گؤستردیگی "دوغال" عکس العمللرینی، اونلاری آسیمیله اولموش قدیم بیر نسیل ده یئتیشمه یه (البته کال یئتیشمک!) باغلادیم!

هر حالدا ، دونن گؤردوم، حیدر بیات جنابلاری خبر وئریب، بونا گؤره مهرنامه یه بیر جوابیه (نقدی بر گفتگوی مهرنامه با سید جواد طباطبائی) یازیب، و اونلار دا یاییبلار. آنجاق بوندان گیلئلی ایدی کی یازیسینی یانلیش ائدیت ائدیبلر؛ و من ده ماراقلی اولدوم ، او جوابیه نی اوخویام.

سون دؤنه بیر درگی آلدیغیم زامان، فیکر ائلیرم 500-600 تومن وئرمیشدیم! دلیل ده بللی دیر؛ کی اینترنت وار دیر و بونا گؤره مجله - یا گونده لیک اوخومورام! بوگون یولدا، بیر درگی ساتان کیوسک قاباغیندا دایاندیم؛ گؤردوم هن! "فوتبالیستها"دان سونرا، تورکجه درگی ساتمایان تورک درگی ساتان، نئچه دنه "مهرنامه"ده دؤشویوب قاباغینا! مهرنامه 300 صفحه لیک ، قالین بیر درگی دیر! یانامیاسیز! چئویردیم گؤردوم حیدر بیاتین الشدیریسی درگی نین اوللرینده. تصمیم توتدوم آلام، و قیمتینه باخدیم! 10000 تومن ایدی!

اؤزومله دئدیم کی تله سمه ییم! بیات جنابلاری، اؤزو مقاله سینی پایلاشار من ده اوخویارام!! نیه بونا 10000 وئریم آخی؟! هئچ من بو نئچه ایلده بئش قیران اؤز دیلیمه یاردیم ائتمه میشم آخی!!؟ نئچه آددیم اوزاقلاشاندان سونرا بئله دوشوندوم: "حئیدر بیاتـین تورک دیلی و آزربایجان کولتوروندن ائتدیگی مودافیعه، مهرنامه نین بو سایی سی، اولدوقجا دَیَرلی ائتمیشدیر". گئری دؤنوب و او درگی نی آلدیم.

بوزلوق اولدو یخگان! یخگان دا اولوب بوزخانا داغی!!

noreply@blogger.com (Anonymous) — Tue, 25 Jun 2013 09:11:00 +0430

بو گون بیلدیم بلاگئر ده پوست قویماق اولور آما، بلاقی آچماق اولمور؛ بیر دانا یازی آتاق گؤرک نولور!! ایندی بو یازی نی گؤردوم:

خلخال: غار یخگان(!)، اعجاز معکوس طبیعت

مهر: در جنوب شرقی شهرستان خلخال در دامنه غربی کوه “بوزخانا داغی” غاری واقع شده که به دلیل اعجاز طبیعی آن سالانه گردشگران بسیاری را به بازدید می طلبد.
غار یخگان در ارتفاع دو هزار و ۴۰۰ کیلومتر از سطح دریا و در فاصله ۷۷ کیلومتری از مرکز شهرستان خلخال در مساحتی به وسعت ۱۱۰۰ هکتار قرار گرفته و وجه تسمیه این غار به علت وجود خاصیت یخچالی در بخشی از غار می باشد.
دهانه ورودی کوچک نیم متری آن از طریق یک راهرو تنگ و باریک و طولانی به طول ۱۰ متر و به قطر ۵۰ سانتی متر به تالار وسیعی منتهی می شود. طول و عرض تالار به ترتیب ۳۶٫۵ و ۱۵ متر و حداکثر ارتفاع آن حدود ۱۲ متر می باشد.
غار یخگان، ورودی دیگری نیز دارد که از ورودی اصلی تنگ تر است و به همین دلیل ورود و خروج از آن کمتر صورت می‌گیرد.

اوّل ده، تیتری گؤروب قیزدیم! دئدیم سونوندا بو "یخگان" سؤزجویونو یئرینه سالدیلار. 10 ایل بوندان اؤنجه خالخالا گئدنده گؤردوم خالقین آراسیندا "بوزلوق" آدی ایله تانینمیش کؤهولونه "یخگان" آدی وئریبلر؛ ایندی ایسه تیتر اولونور سایتلاردا! آنجاق یازی نین آردیندا، یازیلیب یخگان "بوزخانا داغی"نین باتی مئشه لرینده یئرله شیب! منیم کی خبریم یوخدور اوردا ائله بیر داغ آدی وار؛ سانکی آزربایجاندا بیر سوره، تورکجه آدلاری "فارسجا"یا چئویرمک دؤنمی باشا چاتیب ، و تزه لیکده، یارادیلمیش فارسجا آدلار تورکلشدیریرلر و "بوزخانا داغی" دا بئله سینه یارانمیشدیر. هر حالدا اسکی دؤنملرده یاشایانلار، آد قویماقدا یاخشی یئتنکلری واریمیش، "بوزلوق" گینه "بوزخانا" دان داها اویغون دور.

چاليشديق! آنجاق بير ايش گؤره‌بيلديك مي؟

noreply@blogger.com (Anonymous) — Thu, 16 Feb 2012 14:32:00 +0330

زور بيللاهلا ايمئيلي آچيرام. بير حؤرمتلي آدسيز يولداشين قورروماقدا اولان بولاغيمدا، بير يوروم(كامئنت) يازماغيندان بيلگي‌له‌نيرم:

"آزربايجان تربيت موعلليم بيلي‌يوردو(يونيوئرسيته‌سي) نون آديني ده‌ييشيرلر. بير ايش گؤرمك ايسته‌ميرسينيز؟"

اليمدن تكجه بير ايش گلير! گينه زور بيللاهلا blogger.com ـا گيريب اونو بو سؤزلر ايله گونجه‌له‌ييرم:

دوغو آزربايجان ويلايتينده، ياشاديغيم بؤلگه‌لر‌ي‌ني بير باشقا اوستان ائديب، آديني اردبيل قويدولار؛ نه ايش گؤرمك ايسته‌ديك كي ايندي بير دنه يونيوئرسيته‌نين آديني ده‌ييشمه‌يه گؤره، بير ايش گؤروم!؟ هله قالسين كي، آناديلينده اؤيرتيمين بير ديلك اولدوغو كيمي، گؤلوموزو گينه سو ايله دولو گؤرمك‌ده بير رؤيا اولدو، و بونلارا گؤره‌ده، بير ايش اليميزدن گلمه‌دي.

Kirmandakı Tirəxtur-Mis yaışına görə

noreply@blogger.com (Anonymous) — Thu, 16 Feb 2012 14:15:00 +0330

در مورد باخت تیراختور به مس؛ تاکتیک: تذکر مدام به آقای داور

by Aydin Kasaei

متاسفانه، هیچکدام از قسمتهای خوش بینانه پیش بینی مربوط به باز‌ی‌های مس-تیراختور و سپاهان-سایپا اتفاق نیفتاد تا فاصله با سپاهان از سه به شش افزایش پیدا کند و از آن بدتر در اردوی محبوب القلوبهای فدراسیون با یک بازی کمتر معوقه سر از پا نمی شناسند که باز هم سر جایشان باقی ماندند! در آن پیش‌بینی تاکید شد که روند برد و باختها مد نظر است، و البته بهتر بود به برخی عوامل مؤثر دیگر هم اشاره می شد که بعد ازحصول واقعی نتیجه مشخص شدند. به نکاتی که در مورد باخت تیراختور به مس در کرمان،‌ و درسهایی که از آن می توان گرفت در زیر اشاره شده است:

- انگیزه مس، و غرور تیراختور

بازیکنان تیراختور سرمست و مغرور از برد پرگل خانگی در برابر نفت آبادان، هفتاد دقیقه طول کشید متوجه شوند تیم مقابلشان می خواهد از منطقه سقوط بگریزد. بلاژویچ می خواست در آخرین مربیگری اش در مس و احتمالا زندگی‌اش حتما با برد از زمین خارج شود. در چند مورد که بازیکنان تیراختور در محوطه پنالتی حریف و اطراف آن موقعیت خوبی داشتند، بازیکنان مس با دوندگی فوق العاده توپ ربایی می کردند، که یک موردش مربوط به قاپیدن توپ توسط حسن زاده از جلوی حدادی‌فری بود که گویا هنوز متوجه اهمیت قهرمانی و راهیابی به بازی‌های آسیایی برای هواداران تیراختور نیست.

- تاکتیک تیراختور: تذکر مدام به آقای داور

قلعه نويي

هرچقدر مس می دانست از تک موقعیت بازی‌ و ازاهمال حسینی و فخرالدینی به نحو احسن استفاده کند، گویا مهمترين تاکتیک در استراتژي تیراختور جهت نتيجه‌گيري مقابل مس، تذکر لحظه به لحظه توسط امیرپاشا به داور اصفهاني بازي، يعني صالحي*، بود. به قول خودمان خاطا اولدو در بازی استقلال، ابعاد فاجعه آميز ناداوری‌ها عليه تيراختور، بر همگان عیان شده؛ انگار حواس قلعه نویی هم در اين ميان، بیش از عملکرد بازیکنان که پاسهایشان در دو سوم ابتدایی بازی، به هدف نمی رسید، به نحوه سوت زدن داور بود. فریاد “آقای داور” قلعه نویی، كه از تلویزیون به خوبی به گوش می رسید، روی اعصاب بود! ای کاش به جای آن همه تذکر به داور، به اکبرپور و صادقی یک تشر می آمد که چرا این همه به داور اعتراض می کنید تا اخطارهاي بي مورد بگيريد؟

* - ضمنا چرا بايد داور بازي، با توجه به رقابتي كه ميان تيراختور و سپاهان است، اصفهاني باشد؟ داورها كه به خودي خود، الطاف ويژه خود را شامل حال تيراختور مي كنند؛ واي به حال آنكه از شهر رقيب اصلي تيراختور هم انتخاب شوند! به جاي اينكه قلعه نويي در حين بازي به داور اعتراض كند، چرا مسؤولان ورزش آزربايجان به چنين مسأله مهمي اعتراض نمي كنند؟!

- قیزیلیمیز پاسلانماسین!

با درخشش مهاجم جدید تیراختور، داشت خیالمان راحت می شد که دیگر مشکل گلزنی تیراختور حل شده و حتی به او لقب “زنجان قيزيلي” دادیم! ولی گویا ملتفت نبودیم که این طلا کمی فرق می کند و بعضی وقتها عيارش نوسان كرده و نمی درخشد؛‌ وگرنه سپاهانی های اصفهانی در نگهداشتن طلا و جواهر خیلی بهتر از ما عمل کنند و او را به سادگی از دست نمی دادند! امیداوریم فرزاد حاتمی قدر موقعیت خودش را بداند و با درخشش موقت اشباع نشود. یقینا هیچ هوادار تیراختوری دلش نمی خواهد حاتمی افت کند.

- مدافع گلزن‌، ولی پر دردسر

محسن حسینی همانقدر که در گلزنی و بازگرداندن تیراختور به بازي عالی ظاهر شده، همانقدر هم در دفاع ضعیف ظاهر می شود. و یکی از دو مقصر در تنها موقعیتی که مس داشت و گل شد، حسینی بود. او پاسهای اشتباه زیادی هم می داد و یکی دو مورد شوت مخصوص تیمهای محلات را زد. او هم در دقایق پایانی خوب ظاهر شد و حیف که شوتش به تیر دراوزه خورد. صد افسوس که گلش هم مردود شد.

– و بازهم ماجرای کیانی، و تازه شدن داغ دل هواداران پیش از بازی حساس با سپاهان

كياني اولسايدي، بئله اولاردي ائله اولاردي

در این یکی دو ساعت بعد از باخت، به چند سایت هواداری سر زدم و همانطور که می شد حدس زد، از نظر اکثر هواداران “نبود هافبک خلاق و مستحکمی همچون کیانی” در زمین دلیل اصلی باخت بوده است. کیانی اولسایدی بئله اولاردی ائله اولاردی. البته این هم یک حرف کلیشه ای است که فوتبال یک بازی تیمی است و تیم نباید وابسته به یک بازیکن باشد. اما مشکل آن است که یک مربی چرا از مهره‌های موجود نمی خواهد به صورت بهینه استفاده بکند. نمی توان منکر آن شد که در بازی امروز، کیانی دیر به زمین آمد، و اگر از ابتدای بازی یا نیمه دوم در زمین بود، شاید نتیجه دیگری رقم می خورد(تعداد شوتها و ضربات آنقدر افزایش می یافت، که شانس خوردن همه توپها به تیر دراوزه کمتر می شد) و در این زمینه ایراد کاملا بر قلعه نویی وارد است که چرا نمی خواهد از کیانی بازی بگیرد. او در بازی جنجالی تیراختور-استقلال هم می توانست به جای “آشوبی بیشتر مصدوم”، “کیانی کمتر مصدوم” را به میدان بیاورد تا تیم 9 نفره نشود. ولی ما هم نباید فراموش کنیم که در بردهای نیم فصل دوم که با هر ده دقیقه یک گل تیراختور، جیک جیک مستانمان بود، خلائی احساس نمی‌شد و در این انتقاد نباید آنقدر افراطی عمل شود که ماجرا به بی خیالی قلعه نویی و مسائلی دیگری کشانده شود که رسانه های زرد جهت پایین آوردن روحیه تیراختور و هوادارانش به آن دامن می زنند (همچون رفتن قلعه نویی و بازیکنان محبوبش به استقلال در فصل آینده!)؛ آنهم در حالی که بازی بعدی در برابر سپاهان است و تیراختور از هم اینک باید مورد حمایت قرار گیرد و اشتباهات فصل قبل هم در مهمان نوازی بیش از حد تکرار نشود. سپاهان بازیهای سخت دیگری هم دارد و فاصله شش امتیازی را می شود جبران کرد. در فدراسیون بی در و پیکر امروز، خیلی‌ها در آرزوی این هستند، تیراختور را خود هواداران قبول زحمت کرده و به سوی دره هل دهند! تا قهرمانی و آسیایی شدن فقط هشت بازی مانده که هفت تای آن را میزبان یا شبه میزبان هستیم.

یاشاسین تیراختور، یاشاسین آزربایجان

Bu da bizim ozilden

noreply@blogger.com (Anonymous) — Tue, 3 Jan 2012 12:04:00 +0330

1. مملكتين اينتئرنئتينده گونده بير جوره پيشيك بزه‌نير. منيم يازيلاريمي اوخويان وارديرسا، مني باغيشلاسينلار. يئني آدرئس ده ( tiraxturum.blog.com ) بولاق آچماق زوروندا قالديم. تيراختورا گؤره يازانلار دا تيراختور كيمي ايش گؤرمه‌لي‌ديرلر! قاباق‌كي آدريس‌دن داشينماغين بير نه‌ده‌ني ده، اوخوجولارين نظر و يوروم وئرمه‌يي آسانلاشديرماق ايدي.

2. قاييداق تيراختور قونوسونا. كياني‌نين تيراختور دان قيراغا قويولماق اوستونده، چوخلو يولداشلارلا سؤزوموز چيخدي! آز قالدي آرالار قاتيشسين؛ و هر حالدا گئنه شانسيميز گتيردي بير ته‌هر باغيشلاندي و بوتون قالماقال‌دا ياتدي. آنجاق آنتاليا اسپور تاخيمينا بئش دنه قول وورماق خبري‌ني بورنوموزدان گتيرن كياني‌نين آياغي‌نين ازيلمك خبري اولدو. ايلك ده ائله بيلديك آنتاليا قارشي‌سيندا بئله اولوب؛ آنجاق خبر گلدي يئرلي اويونچوموز، مسعود ابراهيم‌زاده، دال‌دان تكل ايله(پيس دوبالاق)، ووروب مئهدي كياني‌ني شولكوت ائله‌ييب و سونوج‌دا كياني بئش هفته اوينايابيلمه‌يه‌جك. بيري‌سي ابراهيم‌زاده‌يه دئسين بالامسان؛ مسعود اؤزيل اولماغي‌ني ايسته‌مه‌ديك ، ان آزي قوي اؤز اويونچولاريميز ايله ايشين اولماسين. اوزوجودور واللا! اومودوموز وار كياني‌نين آياغي‌ جيددي سورونو اولماسين و بو تئزليكده توختاسين.

3. آزربايجان فوتباليندا بوگونلر ماشاللا حوسئنقولولار آرتير. اؤنجه‌كي يازي‌دا بلديه‌نين يئرلي‌ اويونچولاري و سوروملولارين يئشيچين تيم‌دن چيخارتماسيندان دانيشديق. بو هفته‌ده رسول خطيبي‌ بيزي شاشيرتدي. بيرينجي ليگين تيملري‌نين سهند ايستاديوموندا اويناماقلاري باعيث اولموشدو، اورانين چيمني خطره دوشسون. تيراختور سوروملولاري‌نين بونا گؤره اوياري وئريب، اعتراض ائتمكلري باعيث اولدو ، بالاخره ماشين و گؤستريش فولادين اويونلاري‌ني باغشيمالا سالسينلار. هامي دئييردي بو باعيث اولاجاق بو تاخيملارين دا تاماشاچيلاري چوخالسين. آنجاق ماشين اوتوزدو و رسول خطيبي بو اوتوزماني سالدي چيمنين بوينونا! البته او حاقلي اولابيلر؛ آنجاق آتالار سؤزو ده وار دير گلينين پيس اويناماغينا گؤره. او دا نئچه گون كوسوب تيمدن گئتميشدي دئيه‌سن! يقين كي رسول خطيبي‌نين بو ايشي اؤزو و يانداشلاريني بير داها چوخالتماق ايسته‌يه‌ن ماشين ايچين، اصلن ياخشي دئييل و او اؤزونو تيراختور يانداشلاري‌نين قارشي‌سيندا قويور. بير باشقا سؤز ده بودور، سهندين چيمني خاراب اولسا، بوتون تاخيملارين ضررينه اولاجاق. اقلا تيراختور ياخشي چيمنين اوستونده اويناسين!

4. پيس خبرلر آراسيندا، ياخشي و سئوينديرجي خبر ده واردير و او فردين عابديني‌نين ياخشي‌لاشما سوره‌جي‌نين يئيينلشمه‌سي‌دير. اونون ساغ-سول رباطي‌نين پارالانماسي و تيراختوردا اويناماماغي، تيراختورون سونوجلارينا پيس ائتكي بوراخدي. اومودوموز واردير بو تئزليكه فردين تاخيما قوشولوب و تيراختورون ايلك قهرمانايغيندا اؤز غئيرتلي اويونلاري يارديمچي اولسون.

5. ايندي گئدك بير باشقا قونويا! بيلديگينيز كيمي بو گونلر، تيراختورون علئيهنه دانيشانلارين ايكي‌سي، مايلي‌كهن و دايي قارشي-قارشي‌يا دوروب، و بير-بيري‌نين جانينا دوشوبلر و آغيزلارينا گلني بير-بيرلرينه دئييرلر. البته دايي ايكي آي بوندان اؤننجه چاليشدي تيراختور يانداشلاري ايله باريشسين، آنجاق هله يئترلي آدديملار آتماييب و بيز ده اونون آرخاسيندا دورماق ايسته‌ميريك. ولي مايلي‌كهن اؤز سؤزلرينده دئييب كي من دايي‌دان 20 ايل تئز شهر گؤرموشم!! ياني، دايي كتدي دير، و بير جوره اردبيللي‌لري كتدي بيليب. دوزدور مايلي‌كهن اؤزونو ده مدنيت گؤرمه‌ميش بيليب و البته تيراختور - داماش اويونوندا رشتين چؤللرينده اونون مدنيت و كولتور قايناغي اونايلاندي سانكي؛ آنجاق مايلي‌كهن اؤز سؤزلرينه گؤره قولاغي بورولمالي‌دير و بونو بيلمه‌لي‌دير آزربايجان‌دا كند - شهر - اوبا يوخوموز و يوكسك كولتورلري واردير، و لازيم دئييل تئهرانا گئديب و اولماميش كولتورل داورانيشلاري اؤيرنسينلر.

---

بو مدت‌ده، تيراختور و آزربايجان ايدماني‌نا گؤره ياييلميش يازيلار:

ديليميزده سئير و سلوك ائدن سولوكلر

noreply@blogger.com (Anonymous) — Tue, 13 Dec 2011 14:33:00 +0330

بو دا خالخال/كويو ده يئرله‌شه‌ن، نئچه قونشو كندي‌نين يول قيراغينداكي گؤسته‌رگه‌لري:

عرب اليفباسيندا يازيلميش آدلارلا دئمك اولمور، بو تابلونو يازيب/يازديرانلار بو آدلارا گؤره نئجه دوشونورموشلر. منجه اونلار "گيلاندوز(GilanDüz)" آديني "گيلان تيكن (دوزنده گيلان)" بيليبلر! عيللتين ايندي بيله‌جك‌سينيز!
قالين قايا (Qalın Qaya)- آديني ايسه، چاليشيبلار بير جوره "قئي"يه اوخشاتسينلار.
و لاپ گولونجو ايسه، يازيق "سولوكلو گؤل"(Sülüklü Göl) آدي حاققيندا اولوبدور! بو كندي ياخشي تانييان يولداشيم(گؤرونتونو ده او چكميش‌دير)، دئيير گؤلو دولدوران بولاغين سويونو باشقا يئره آپارماق ايچين، او كندين گؤلو چوخدان‌دير قورويوب و اورادا ايندي گؤل يوخدور. اولابيلر او كندين خالقي‌دا او گؤل قوروياندان سونرا اكينچي‌ليك يئرينه، "سيئر و سلوك" ايله مشغول اولوبلار و ايش‌سيز اولاندا ايسه، قوقول سايتيندا (Google) آراشديرماقلا باشلاريني قال ائديرلر؛ و ائله بونا گؤره دير كي، "يول و اولاشديرما قوروموندا(راه و ترابري سازماني)" آد يازانلار، سولوكلو گولون آديني، "سولوك لوگل" ائتميشلر!!

Günün Görüntüləri: Büyü`nü sındıranlar

noreply@blogger.com (Anonymous) — Sat, 3 Dec 2011 15:13:00 +0330

آزربايجان ايدماني و تيراختورا گؤره بوتون يازيلار بوندان سونرا بو صحيفه‌ده ده، ياييلاجاق‌دير:

https://sites.google.com/site/anayurdumla/tiraxtur_idman/yazilar-1

----------------------------------------------------------------------

گونون گؤرونتولري: طيليسمي سينديرانلار

تيراختورون دونن كي تئهران‌دا پئرسپوليس تاخيمي قارشي‌سينداكي، 40 ايلليك طيليسمي سينديرماغي‌ني ايسته‌ميرم بويوك بير بهانه‌ ائديب و ، بيزلري "بيش از حد خوش‌بين" و "غير آينده‌نگر" و "قورخاق" بيلنلري سوچلايام؛ آنجاق سانكي بو بير گئرچك ايميش كي، نئچه باشاري‌سيز اويوندان سونرا، گه‌له‌جه‌‌يي ياخشي گؤرنلر، و مصلحتلري دوغرو دوشونن‌لر "عئيبي يوخ" كيمي سؤزلردن ال چكمه‌يه‌نلر ايميشلر، و يالنيز بير اويونچويا گؤره آزربايجان كيمليگي‌ سيمگه‌سي اولان تيراختورو، اونودوب و اساسي ده‌ييشكليكلر وئرنه مورببي‌يه ‌سالديرمايانلاريميشلار. بو دا سئوينديريجي بير حال دير كي، اميرپاشا دان تكجه داورانيشلارينا گؤره بير آز اله‌شديرميشيك، و تئكنيكي سورونلارا گؤره يوخ(1، 2). و لاپ سئوينديريجي بو دور كي بو باشاري باعيث اولاجاق تيراختور يانداشلاري آراسينداكي دايانيشما(انسجام) و بيرليك آرتسين و يئرسيز قونولارا گؤره تارتيشماسينلار.

هر حال‌دا بو بؤيوك اوغورو موتلو اولسون دئييرم، آنجاق اومودوم وار، يانداشلار تبريزده، حتي گوجسوز تاخيملارين قارشي‌سيندا ياخشي سونوج قازانماماقلارين عيللتلرينه ياخشي فيكيرلشيب، و بو هفته، بؤيوك يارديملاري ايله بو سورونا(مسأله‌يه) سون نوقطه قويالار.

دونن كي اويونونا هامي تيلويزيون‌دا گؤروب؛ و ائشيتديكلريمه گؤره تيراختور تاماشاچيلاري‌ني گينه ياخشي گؤسته‌رمه‌ييبلر. گينه ساغ اولسون سياووش اكبرپور! قول وورماسايدي، بيزيم اورادا اولماغي‌ميزين تكجه سسي بيلينه‌جك ايميش! چكديگيم گؤرونتولرين ويدئولار و قالان گؤرونتولر ايسه بو آدرئس ده‌ديرلر: http://Perspolis0-1Tiraxtur.4shared.com

سئچيلميش شكيللري ده،‌ آشاغي‌دا گؤره‌بيلرسينيز:

ی .س:

بلدیه‌‌ده تبریز ده ایستیقلالا اودوزوب، دونن کی کئفیمیزی پوزدو! من قالمیشام معطل، ائوده، نه‌یه بونلار بئله اویناییرلاردا؟؟! تاماشاچیلار دا اینصافن یاخشی آلقیشلادیلار. آنجاق یازیقلار اولسون. بو اویونو تیلویزیوندان ریپورت ائدن، آدامین لاپ زهله‌سی‌نی آپاریر! دئییر شهرداری‌ آبیرلی اودوزدو! آ کیشی نه آبیرلی‌سی؟ كئچن هفته، ایستیقلال داور یاردیمی ایله شاهینی اوتدو! ایکینجی‌ لیگده اوینایان کرجین مئهر تاخیمینی‌ دا، اوزاتما زامانیندا اوتدو؛ آنجاق نه جور اولور تبریزه هر گه‌لن، کریز ده یاشاماغینا باخمایاراق، ييرتيجي آسلان اولور آخی!؟ گؤره‌جکسیز تئهران‌دا ائله بو بلدیه، ایستیقلالی بیلدیره تای، دیزه چؤکدوره‌جک؛ شرط باغلاییرام!

سیزین‌ ده حالینیزی بوندان آرتیق توتماق ایسته‌میرم. بلدیه قونوسونو هله‌‌لیک اونوتماق ایچین، گلین دونن آزادی ایستادیومونداکی یاریشی‌نین آلقیشلاماق ویدئولارینا باخاق! یانداشلارین اویون باشلامادان اؤنجه اوخودوقلاری "یاشا تیراختور... عئشقيم تیراختور" چوخ گؤزل ایدی:

http://yasha-tiraxtur.4shared.com

باشقا ویدئو کلیپلر:
http://www.4shared.com/folder/Hlb08jmD/Video-Klipler.html

گونون گؤرونتولری: تایسیز باشاریلار

noreply@blogger.com (Anonymous) — Mon, 12 Sep 2011 01:46:00 +0430

گئچن جومه، یای سونونون 18جی گونو، تیراختوروچون تاریخی بیر گون اولدو. ایکی یؤنتمدن دئییرم:
- تیراختورون سایی‌سیز یانداشلاری، یئنه‌ده یارادیجیلیق گؤسترمک ایله هامی‌نی شاشیرتدیلار! قیرمیز بایراقلاری‌نی آزادی ایستادیومونون حیصاریندا دالغالاندیردیلار.
- استقلالی اوتماقلا بیرینجی دؤنه اولاراق، سوپئرلیگین زیروه‌سینه چیخدیلار.

البته، باشاریلار و آددیملار بؤیودوکجه، داها آرتیق اینجیمکلره ده دؤزمه‌لی‌ییک سانکی؛ یاریش‌دا گؤردویوم اویون‌چیخارتمالار و چتین‌لیکلر حاقدا، فارسجا یازیمی تیراختورفانس‌دا اوخویابیلرسینیز:
ما عئيبي يوخ مي گوييم؛ شما چرا شرم نمي كنيد؟

بایراقلارین دالغالانماسی، یاریشین سون آنلاریندا کی وورولان قول، و اونون سئوینجینه، آشاغی داکی ویدئو کلیپ‌ده باخا بیلرسینینز:

http://istiqlal2-3Tiraxtur.4shared.com

باشقا گؤرونتولر ده بورایا قویولاجاقدیر:
گؤرونتو توپلوسو

Hanı açar sözcüklər?

noreply@blogger.com (Anonymous) — Wed, 31 Aug 2011 02:18:00 +0430

URL adresini buraya qoymayıram az link yesin! Bu da qalsın kı olduqca görəni olub.

Filmi çəkən Farsca danışır: "inja orumiyye! ağa bia invər!". Cəmaatda bişərəf-bişərəf deyirlər! Filmi yayanda bir dənə Azərbaycan açar sözü işlətməyib!
Sonra gəlin deyin nəyə Azərbaycanın işi başqaların kamına olur!

Qərar olsa kötəyin biz yeyək, ama bir yaşıl-maşıl damda "Ağa bia invər - bia invər" eliyə, və filmi yayanda da bir dənə Azərbaycan adına işarə etməyə, elə yaxşıdır yataq, yel düzü savura dilsiz başımıza!

Ən azı bu filmləri özümüz paylaşanda hətmən Türk, Azərbaycan, və Urmu Gölü kimi adları hətmən yazaq.
Bundan belə tarixi İnternet və Google-un robotları yazacaqlar.

Yaşasın Urmu Gölünü Yaşadanlar

تيراختورون 1390جي ايلده‌كي اويونچولار انتقالاتي‌نين ده‌يه‌رلنديرمه‌سي

noreply@blogger.com (Anonymous) — Thu, 14 Jul 2011 22:48:00 +0430

ياخشي! آللاه دئيه‌ن اولسا تيراختورون انتقالاتي‌دا سونا چاتدي. البته تيراختورا قوشولموش سون اويونچو، رابسون چاوئز سانتانا، دوزدور به‌ته‌ر فوتبوللوق و منچئستئر سطحينده آدي واردير، آنجاق اينتئرنئت‌ده تانینمامیش بیر اویونچو کیمی ایدی، و تیراختورا گیرمه‌میش آدلانمیشدیر! ايستانبول‌ اوردوسوندان دا خبر گلير اونون قراردادي ائله بيل فسخ اولاجاق!

هر حال‌دا انتقالاتدان سونرا، هر كيمسه بير نظر وئرير؛ و اوست-اوسته هامي راضي‌ديرلار! آنجاق منجه، بوتون گئدنلر، گلنلر، و قالانلارا گؤره تك-تك امتياز وئرمه‌لي‌ييك. گئدنلرين امتيازي چوخ اولسا ياني تيراختورون دورومو ياخشي اولماياجاق. البته بونو دا نظر ده آلمالي‌ييق تيراختور همشه كيمي معمولي اويونچودان كرار جاسيم چيخاردير! بير سورغولاما فورمو دوزه‌تديم بورادا. يانداشلاردان اوتوز-قيرخ نفردن چوخ بورادا باخيشلاريني گؤسته‌رسه‌لر سونوج‌دا دئيه‌بيلريك گئنل نظر و ده‌يه‌رلنديرمه نئجه‌دير:

تيراختورون 1390جي ايلده‌كي اويونچولار انتقالاتي‌نين ده‌يه‌رلنديرمه‌سي
ارزيابي نقل و انتقالات تيراختور در سال 1390
http://kwiksurveys.com?u=Tiraxtur1390-TractorTransfers2011

کرار گئتدی تئهرانا؛ بیز هارا گئدک؟

noreply@blogger.com (Anonymous) — Mon, 11 Jul 2011 01:22:00 +0430

یالان یوخسا دوغروسونو تانری بیلر، بیر ده کرار جاسیم.
خبرلر ده کرارین دیلیندن یازمیشدیلار، تبریز ده عرب دیللی و یا عیراقلی‌لارین اوخولون اولماماسی، و کرارین اوغلونون مدرسه‌یه گئتمک یاشینا یئتیشمه‌سینه گؤره، تیراختورون پارلاق اولدوزو تبریزدن گئتمک زوروندا. او پولا گؤره تیراختوردان آیریلیب و بونو بهانه ائتسه‌ده، سؤزون دوزو، یاخشی بهانه‌سی واردیر. ایسته‌ییر اؤز اوشاغی‌نی نورمال دوروم‌دا بؤیوتسون. خاطا ائله‌مه‌ییب کی تیراختوردا حد دن آرتیق آلقیشلانیب، و حد دن آرتیق یاخشی اویناییب!

آنادیلینده مکتبه گئتمک کیمی بیر دوغال حاق‌دان(حق طبیعی‌دن) سؤز گلنده، لاپ دوغال دیر کی "آنادیلینده مدرسه ایسته‌یه‌ن" تیراختور یانداشلاری کرار جاسیمین گئتمه‌یینه گؤره اعتراض ائده‌بیلمه‌ییب و سوسسونلار. و ماراقلی‌دیر یوزلر میلیون پول آلان کرار ائلیه‌بیلردی تیراختور سوروملولاریندان ایسته‌سین اوشاقلارینا بیر عرب دیللی اؤیرتمه‌ن ایشه توتسونلار. آنجاق ائله بیر آدام، اؤز اورگینده دئیه‌بیلر: "بونلار اؤز آنادیللرینده اوخوللاری‌ یوخدور، منیم اوشاغیمین آنادیلینده مکتب آچماقلاری پئشکئش!".

کرار جاسیمین تیراختور گئتمه‌سی تیراختور یانداشلارینا، تکجه "ایدمان و فوتبول" باخیمیندان، نئچه ساعات‌دان آرتیق اوزوجو اولابیلمز. چونکو تیراختور دا کرار دان بؤیوک اولدوزلار دا چیخیب و چیخاجاق. آنجاق "فوتبول‌دان اوستون" باخیمیندان یارانان اوزوجولوک بو تئزلیکده اونودولمایاجاق. نئچه یول جزالانان، یاساقلانان و منشورلانان کرار جاسیم ده بو اؤلکه‌ده اؤزونه بیر اوخول تاپابیلیر، آنجاق اونو آدلیم ائدن میلیونلار تورکون، اؤز آنادیللرینده بیر مدرسه تاپماق ایچین، بوتون یوللار باغلی‌دیر سانکی!

کرار گئتدی تئهرانا؛ بیز هارا گئدک؟

ساغ اولسون کمالوند؛ سؤزوموزو دئدی گئتدی

noreply@blogger.com (Anonymous) — Mon, 4 Jul 2011 01:21:00 +0430

"فراز کمالوند"ین آدی، آزربایجانین تکجه ایدمان تاریخی‌ یوخ، بلکی کولتور و توپلوم ساحه‌سینده ده، بیر اونودولماز آد قالاجاقدیر. اونون یاخشیلیغی، پیسلیگی، باشاری‌لی، و یا باشاری‌سیزلیغی سؤز قونوسو دئییل. سؤزون دوزو، آزربایجان تورکلری‌نین آراسیندا ایندی‌یه کیمی هئچ کیمسه اولماییب، یوخسا اجازه تاپماییب، بیر گئنیش یاییلان تریبون‌دا، قیرمیز سینیرلاری ائشیگینده اولان بیر گرچک‌دن سؤز آچسین. دوز دور بو فورصت، ایللر بویو زامان توتان بیر توپلومسال و اولوسال اویانیشین سونوجو اولدو، آنجاق ائله بیر سؤزو گئنه‌ده بیر تورک دئیه‌بیلمزدی سانکی. او ایشی ده فراز کمالوند گؤردو.

و البته نه قدر یاخشی اولدو کمالوند تیراختوردان گئتدی. منجه اونون آزربایجاندا چالیشماسی‌نین یاساقلاندیغی دوغرو اولسا، فوتبول‌دان اوستون بویوروقلارین یانلیشلیغی اولابیلر. یاخشی اولدو کی تیراختورون قهرمان اولماماغی و یا آسیایا گئده‌بیلمه‌مه‌سی، کمالوند و آزربایجانلی‌لارین آرالارینی بولاندیرمادی. کمالونددن سونرا کی تیراختور یؤنه‌تمه‌نی، قلعه‌نویی بیر اؤنملی سؤز ایله دئییب کی تیراختورا تکجه ایدمان باخیشی اولسایدی، تیراختور آسیایا گئده‌بیلردی. بو او دئمک‌دیر کی کمالوند الیندن گله‌نی گورموش ایمیش؛ آنجاق فوتبول‌دا هر نه مئیدان‌دا باش وئرمیر.

کمالوندین ایکی ایل بوندان اؤنجه‌، ایران تیلویزیونون دوخسان وئرلیشینده کی تاریخی دانیشیغینی، آشاغی‌داکی کلیپ‌ده گؤره‌بیلرسینیز. من کی او زامان گؤزلریمه اینانماییردام. دؤرد-بئش یوزلوک سایی‌لی اؤیرنجیسل درگیلریمیزده‌کی سؤزو بیر تورک اولمایان مورببی تیلویزیونون ان چوخ تاماشاچی‌لی وئرلیشینده دئییر. خالق‌دان آد و سان آلان اؤز قهرمانلاریمیز کی، بئله‌زامانلار هر نه‌یی اونودورلار:

كمالوند دوخسان وئرليشنده ايران دا ياشايان توركلرين چوخلوغونو وورغولايير
کلیپین باغلانتی‌سی:
http://Kemalvend-Doxsan-Tiraxtur.4shared.com

دوغوم گونو ماهنی‌سی

noreply@blogger.com (Anonymous) — Mon, 27 Jun 2011 23:08:00 +0430

دئیه‌سن تانیشلار و یولداشلار آراسیندا اؤنمیم بیر آز چوخالیب! چونکو بو گون اوتوز اوچونجو دوغوم گونومون ایل دؤنومونده، داها آرتیق "دوغوم گونو تبریکی" آلدیم(البته فئیس بوک‌دا!). هامی‌دان تشککور ائتمه‌لی‌‌یه‌م.

نئچه آی بوندان اؤنجه من ده یولداشلارین دوغما گونلرینی قوتلو اولسون دئمک ایچین، اینئترنئت‌ده ماهنی‌ آختاردیم، اول‌ده یاخشی بیر شئی تاپمادیم. قوزئی آزربایجانلی‌لار کی "آد گونو" دئییرلر و گونئی‌لی‌لرین چوخو بونو بیلمیرلر. چوخ سایی‌دا ماهنیلاردا اینگیلیسلی‌لرین "هپی بیرس‌دئی تو یو(Happy birthday to you)" سونا اوخشار بیر اوخوماقلار وار ایدی! آخی بیز هارا، هپی مپی هارا!؟ قوقول‌(google)دا آختاریشلارین آراسیندا گؤردوم "یعقوب ظروفچی"دان "تولدت مبارک" آدلی mp3 واردیر!
دئدیم "یاغوب زوروفچو" حتمن تورکجه اوخویوب، آنجاق بیزیم دیلداشلاردا گؤتوروبلر فاسجا باشلیق قویماقلا، او گؤزل‌لیک‌ده ماهنی‌نی هئچه چیخاردیب، و آختاران اینتئرنئت موتورلاری‌نین گؤزلریندن ایتیریبلر.

بو گئجه، ان آزی اؤز دوغوم گونومه گؤره، اونا بیر داها اصلی تورکجه باشلیغی‌ قویوب، و بیر داها یوکله‌دیم اینتئرنئته. ظروفچو و اونونلا اوخویان کور قوروپو، ماهنی‌نین سونوندا بئله بیر ایستکلری واردیر:

بو ماهنی‌نی دوستلار ایله، بیرلیک‌ده دینله‌دک!

گول‌لر ایله تبریک ائدک، موبارک اولسون دئیه‌ک

سیز ده دینله‌دین؛ و اؤز یولداشلار و تانیشلارینیزین دوغوم گونلرینده تقدیم ائدین:

"Doğum Günün Mübarək" Mahnısı, Yağub Zurufçu / دوغوم گونون موبارک ماهنی‌سی، یعقوب ظروفچی‌دان
4.5MB Mp3 file, Download Link:
http://Doghum-Gunu.4shared.com

تیراختور گؤرونتولری‌نین سئچگینی: بالاجا یانداش

noreply@blogger.com (Anonymous) — Wed, 22 Jun 2011 03:06:00 +0430

ياواش ياواش تيراختورون سوروملولاري يؤنه‌تيجي(مربي) و ياخشي اويونچولاري گتيرمك‌ده اؤزلريندن عجيبه غريبه چيخار گؤستريب بيزيم خياليميزي راحات ائديرلر. تاخيمين كئيفيتي ياخشي اولسا يانداش‌دا ايستاديوما گليب آلقيشلاماق ايچين داها ماراقلي اولار و اؤز گؤره‌وين ايسه اونوتماز. البته سوروملولار بير باشقا چيخاري‌دا اؤزلريندن گؤسترمه‌لي‌دير. اؤز فيكيرلرين بئله وئريبلر اويونچو سئچمه‌يه‌كي تيراختورون تبريزده ايلك اوچ اويوندا تاماشاچي‌نين محروم اولماغي‌ني اونودوبلار. بير اعتراض مكتوبونو يازماغا نه وار كي!؟

اويونلار بير آي‌دير قورتاريب و ساغليقلا(!)، گلن فصل ده اوچ اويوندان محروم اولموشوق. بونا گؤره ده سهند ايستاديوموندان، بو گؤرونتويه تاي باخمالي گؤرونتولر هله - هله ياييلماياجاق. تانري بئله يانداشلاري تيراختور و آزربايجان ايچين ساخلاسين:

ي.س:
بو خانيم قيزين گؤرونتوسو، مني يولداشلارين دئديگي بيري‌ خاطيره‌سی‌نين يادينا سالدي. او دئييردي كي:

بيلدير تصادوفي اولاراق ايستيقلال كلوبونون تورك باشقاني، حاجي فتوللازاده‌ني بیر یئر ده گؤردوم. اونا دئديم:
"بو قدر استقلالا-زادا يئتيشيرسيز، بير آز دا تيراختور فيكرينده اولون‌ دا".
آما حاجي‌دا جاواب وئردي:
"ايستيقلال-پيروزي‌نین فرقلری وار. بونلار مردمي تاخيملارديلار آخي."!

اولابیلر حاجی فتوللانین باخیشیندا ایسه، بو بالاجا تاماشاچی‌یا تای اون‌مینلر اوشاق، یوخسا دلی قانلی، گنج و قوجا تیراختور یانداشی، خالق ايچين‌دن چيخماييبلار؛ و آزادی ایستادیوموندا تیراختورچولارا قوناق اولان زورناچی‌لار، "مردم" آراسیندان قاینامیشلار!

تیراختورا گؤره نئچه یازی

noreply@blogger.com (Anonymous) — Thu, 16 Jun 2011 20:53:00 +0430

بو بیر آیین ایچینده، تیراختور و آزربایجان ایدمانی ایله ایلیشکی‌لی نئچه تورکجه و فارسجا یازی‌نی یوللادیم تیراختورفانس دوشرگه‌سینده یایدیلار. اللری آغریماسین؛ آنجاق اؤز آنایوردوم‌دا دا آرشیو ائتمه‌لی‌یه‌م کی فورصت اولماییر :

1- جرم تيراختور: قائل نشدن حق آب و گل براي پيروزي و ستقلال!
2- افسون كرار، توسط دراكولاها
3- كرار چه برود و چه بماند، ما برنده‌ايم
4- کرار گئتسه ده، قالسا دا، قازانان بیزیک
5- بيزي كيم آلا بيلر؟
6- ناصر حجازي‌ و تورك ديلي

من دئییردیم لیگ سونا چاتسا، بیز ده بیر آز دینجه‌لیب و استراحت ائده‌ریک. آما بو گونلر او قدر تیراختور، و دئمک آزربایجان ایدمانی حاشیه‌سینده اولایلار باش وئریر کی آدام گرک یاتمایا و گئجه گوندوز تایپ ائده! قونو چوخ دور، یالان چوخدور، گرچک چوخدور، یوروم چوخدور، یازی چوخدور؛ آنجاق بونلارین هامی‌سیندان بیر دوزگون سونوج چیخارتماق چتین‌دیر. بو دا دوغال(طبیعی) دیر!

ی.س:

بیلدیگینیز کیمی کرار و کمالوند آزربایجان‌دان آزدیریلدیلار! اونلار هر جوره عجیبه-غریبه نه‌دن ایله آزربایجاندان گئتسه‌لر ده، آنجاق اونلار ایله اونودولماز خاطیره‌لریمیز واردیر. اویونچولار گئدیب گلیرلر، آما آزربایجانلیلار یئرلرینده اوتوروبلار و یاراتدیغی کولتورلری آرادان گئتمه‌یه‌جک:

گونون گؤروتو: تيراختور اويونچولاري‌نين آزربايجان رقصي

پیام تصویری فرهنگی برزیلته ها

noreply@blogger.com (Anonymous) — Sat, 21 May 2011 01:10:00 +0430

بالاخره همانطور که انتظار می رفت و در هفته های آغازین و انتهایی لیگ دهم برتر فوتبال نمود آشکاری داشت، ابر و باد و مه و خورشید و ... فدراسیون، کار خود را کردند و نگذاشتند تیراختور یکی از چهار رتبه اول لیگ را به خود اختصاص دهد. اما آخرین پرده اهانت به تیراختور و ترکها در لیگ دهم برتر توسط صاحبان هویت جدید و عجیب و غریب "برزیلته‌"(!) به نمایش درآمد:

بر خلاف طرفداران تراختور که یاشاسین آزربایجان فریاد می زنند و تیراختور را به یکی از سمبلهای هویتی خود تبدیل کرده‌اند، در آبادان تکان دادن پرچم برزیل و افتخار به برزیلی بودن، هم یقینا یکی از مصادیق بارز و موفق هویت زدایی و آسیمیلاسیون عرب زبانهای جنوب کشور است که مایه تأسف است. قبلا هم چنین اهانتهایی هم نسبت به ترکها انجام شده، ولی کاری که طرفداران نفت آبادان انجام داده اند متفاوت است و توهین کلامی نیست! و این نشان از نرمش‌های همیشگی کمیته انضباطی فدراسیون فوتبال ایران در قبال چنین اهانتهایی است که دیگر به صورت بی پروا هم انجام می شود. فیلمبردار تلویزیون هم به وجد می آید و روی تصویر زوم می کند تا پیام برزیلته ها را هر چه رساتر مخابره کند.

این احتمال هم وجود دارد پس از باختهای عجیب و غریب و مشکوک خانگی، اما برد تلخ خارج از خانه؛ اراده‌ای جهت تحقیر طرفداران تیراختور هم وجود داشته است. البته چون ایت هورر کروان گئچر، طرفداران تیراختور وقعی به چنین اتفاقاتی نمی نهند ولی اینکه جناب کمالوند درکنفرانس مطبوعاتی بعد از بازی اعتراضی به این کار آبادانی‌ها نمی کند و حتی از از مهمان نوازی آنها تشکر می کند، جای شگفتی دارد! چنین کاری دست کمی از جریان بی احترامی به پیراهن تیراختور ندارد. وقتی مسأله هویت مطرح باشد داشتن و یا نداشتن قابلیت فنی و ... جایی از اعراب ندارد و نمی توان عیبی یوخ گفت**.
گویا شما هم باید به فکر تیم و باشگاهی دیگر باشید.

---
* - بماند که "به دست آوردن 57 امتیاز، ولی صعود نکردن به آسیا" به اندازه کافی، گویای خطای فاحش استراتژیک کادر فنی هم باشد‍. کمالوند چند ماه قبل می گفت کسب 56 امتیاز ما را آسیایی می کند.

** - صبر تماشاگران فراتر از آسیاست؛ لیاقت بعضی‌ها چقدر است؟ (تیراختور فنس) / (تراختورچی) / (تراختور فنس)

گونون گؤرونتولری: آسیا یولو باغلانسادا، بو بایراقلار یاتمایاجاق

noreply@blogger.com (Anonymous) — Tue, 3 May 2011 01:28:00 +0430

ائو ده اوتوزماق، آنجاق قوناندا اوتماق سوره‌جی بیر ده باش وئردی! بو دؤنه حریف سیپاهان کیمی گوجلو دئییلدی! و بئله اولدو کی هامی آسیا رویاسیندان واز گئچیب دئییردی : "آسیا گلمه‌ییمیز اولمادی! سیاست قویمادی!! بیر سایی‌دا دئییردی فیلانکس‌لر قویمادی"!
واللا دوغروسو بودور بیزیم ده انتظاریمیز چوخ‌دور! سککیز ایل قویمادیلار گلک اوستون لیگه؛ یئتیشمه‌میش آسیایا گئتمک و قهرمانلیق اددعامیز وار! البته بیزیم حاقلی‌ییق، آنجاق تیراختورون باشینا گه‌لن اویونلاری بیربیری‌سی‌نین یانینا دوزه‌‌نده، منطیقی سونوج بودور کی آسیا گئتمک چوخ یاغ آپاراجاق دوستلار!

البته ایکی ایل بوندان اؤنجه‌ده، تیراختورون اوستون لیگه گلمه‌یی ایمکانسیز نظره گلیردی؛ آنجاق گلدی. داش دیغیرلادانلار بو سونوجا یئتیشمیشدیرلر سانکی اؤز صلاحلارینا دیر تیراختور گلسین! ایندی ده سانکی صلاح بو دور تیراختور آسیایا گئتمه‌سین؛ آنجاق چونکو ایمکانی وار مصلحتلر ده‌ییشیلسین(!) تیراختورچولار هئچ زامان گرک سارسیلماییب و اومولادرینی الدن وئرمه‌یه‌لر! آرزی‌گیل بیزدن کوسسه‌لر و بونو بیز بیلسک‌ده، بیز هه‌مه‌شه ال اله وئرمه‌لی‌ییک!

قاییداق قوم صباسی(دئمک حاکیملرین صبا یئلی!) و تیراختورون یاریشی‌نا. اویونون سونوندا کی عدالتسیزلیگه گؤره تاماشاچی‌لارین بیر سایی‌سی دوروب اوتوراجاقلاری سیندیردیلار و تونازلادیلار مئیدانا! نه یاخشی بیر شمسیه(چتر) آپارمیشدیم. ایندی ده 24 ساعات دان چوخ او زاماندان گئچیب؛ البته من گؤرمه‌دیم بیری‌سی ژورنالیستلرین ماشینینا داش آتسین، آنجاق تیلویزیون یاخشی فورصت تاپیب تیراختور یانداشلاری‌نین "توحش"وندن دانیشسین! تیلویزیونون "دوربین خبرساز" وئرلیشینده بیری‌سی تورکجه دئیینیر دئییر: "داش باشیزا! بئله آسیایا ایستیردیز گئده‌سیز."! داش آتیب صندلی‌ سیندیرانلار چوخ یانلیش ایش گؤروبلر؛ آنجاق تیراختورا قارشی اولان وئرلیش‌ده، یانداشلارا داش باش دئیه‌ن ژورنالیستین، بویو بوتونلوکله یئره گیرمه‌لی‌دیر!
باشقا طرف‌دن تیراختورون، مدیرعاملی دوروب یانداشلارا اهانت ائدیب: "شور یانیندا؛ شوعور دا لازیم دیر"‍ دوغرودان بئله سؤزو دئمه‌ک حددن آرتیق اوز ایسته‌ییر! مه‌گر سیپاهانا اوتوزاندا یوز مین نفر گلنده بو شوعورسوزلار دئییلدیلر گلمیشدیلر؟!
ائهئی...! یاخشی‌دیر بوش وئرک...

سالدیغیم گؤرنتولر آراسیندا آشاغی دا کی گؤرونتونو سئودیم. هر 100 اویوندا بیر-ایکی دؤنه اوچان صندلی‌‌لری گؤرمک اولار آنجاق تیراختورو ایسته‌مه‌یه‌نلر، هه‌مه‌شه اه‌سن بایراقلاری و یایلیقلاری گؤرمک ایسته‌مه‌ییر و تکجه اوچان صندلی‌لردن دانیشیرلار:

بوتون گؤرونتولرین قالانین دا، بو لینک‌ده گؤره بیلرسینیز:

ویدئو دا، بو لینک‌ده دیر:

ی.س (یایاندان سونرا):

آلتی آی بوندان اؤنجه تیراختور-صبانین گئدیش یاریشی قوم‌دا اویناندی. اوردا ایسه تیراختور ائو صاحیبی ایدی. او زامان بوندان راحاتسیز اولدوق کی تیراختور نه‌دن صبانی اوتابیلمه‌دی حالبوکی تاماشاچیلاری یوزده دوخسان بئشی تیراختورو آلقیشلادیلار. ایندی ایسه دئییرم یوز رحمت او اویونون سونوجونا! هم ان آزی بیر امتیاز آلدیق، هم‌ده قوملو تورکلره گؤره دانیشدیق، هم‌ده هئچ بیر اوتوراجاق-موتوراجاق سینمادی... تکجه منیم بلگه‌لریم(مدارک) ایتدی!

بورانی اوخویون: گونون گؤروتلری : قوم تیراختورچولاری

یاساق "خ"دان، یاساق "ز"یا

noreply@blogger.com (Anonymous) — Fri, 29 Apr 2011 14:26:00 +0430

سایین سئیید حئیدر بایات بیر یازی‌سیندا "آزادلیق دا دؤرد مین یاساق‌"دان سؤز آچمیشدی. او یاساقلارین بیری‌سی‌نی ده نئچه دؤنه من‌دن، و سیزدن ایسه آلمیشدیلار. تیراختور بایراغیندا "خ" یازیلاندا ایستادیوم ایچینه قویماییردیلار. البته همه‌شه بئله اولماییر، آنجاق همه‌شه راحات فیکر ایله بایراق آپارماق آرزی‌سی اوره‌ییمیزده قالیب.

بایرام‌دا آزربایجان بؤلگه‌لری‌نین بیری‌سینده، بیر کیتاب ساتان توکانی گؤردوم:

گؤردویونوز کیمی تابلو دا قاباقجا، "آزربایجان" یازیلمیش ایمیش! آنجاق "ز" سونرا "ذ" اولوب! یقین کی بیر کیتاب ساتان آدام یانلیش بیلمیرمیش رسمی حالتده آذربایجان یازیلیر. آنجاق ته‌زه‌لیکده تیراختور خ حرفینده بیر دونیا سؤز اولان کیمی آذربایجانین آزربایجان یازیلماسیدا چوخ اؤنملی اولوبدور.

من او کیتاب ساتاندان سوروشمادیم ز نه‌دن ذ اولوبدور! اولابیلر بیر سایی بیلگی‌سیز آدام او کیتاب ساتانا گولوبلر و دئییرمیشلر کیشی بو نه تابلوسو دور یازدیریبسان؟! بیر سایی "اؤزل" آدامدا اونا احتمالن دئییبلر اونو اصلاح ائله. او دا چیخیب "ز"نی او گونه سالیب! هر حالدا جریان او قدر تابلو اولوب کی یولدان گئچن دئییر گؤره‌سن بو عجیبه "ز"نین جریانی نه ایمیش؟!

ی. س (سایین سلطانی‌یه بیلدیری چاتدیرماق ایچین) :

بلاگئر و بلاگ اسپاتين مملکتین ایچینده فـیلـتئر اولماغی ایچین، آنایوردوم بولاغی‌نین بیر گؤزه‌سی ده بورادان آخیر:

http://www.anayurdum.weebly.com

گونون گؤروتلری: قزوینیم، زنجانیم، گؤزل آزربایجانیم

noreply@blogger.com (Anonymous) — Sat, 23 Apr 2011 02:33:00 +0430

قزوینه ساری یولا دوشنده، قزوین‌ ایچین اویغون بیر شوعار دئمک فیکرینده ایدیک. آنجاق بئینیمیزه بیر شئی یئتیشمه‌دی.
ساغ اولسون قزوین‌ و قزوینین یاخین یوخسا اوزاقلیغیندا یاشایان تیراختور سئونلر. قزوینه کؤچورولموش پئیکان تاخیمی هر اویوندا یانداش‌سیز اولسایدی دا، آنجاق آشاغی لیگه دوشمک خطرینده ایدی و قزوینده اولان پیروزی-استقلال تاخیملارین یانداشلاری‌دا پولسوز گلمیشدیر پئیکان تیراختور آلتیندا قالماسین! بو دا قالسین کی گئنه‌ده بیزدن آز ایدیلر.

اویون باشلانمامیشدان یونگول بیر یاغیش دا یاغماغا باشلانمیش‌ایدی و منده قورخوردوم اینیشیلین کرج اویونو تیکرار اولسون. آنجاق تیراختور بو گون ائله گوج ایله اوینادی سانکی ایسته‌ییردی بیر داها یئل یاتار توفان یاتار یاتماز تیراختور بایراغی‌‌ شوعاری‌نی اونایلاسین. دئدیگیم کیمی تئهران-قزوین یولوندا نه قدر چالیشدیق قزوینه گؤره بیر اویغون شوعار چیخاردا بیلمه‌میشدیک! آنجاق بو ایشی باشقا یانداشلار گؤرموش ایمیشلر! یانداشلار بو گون دئییردیلر:
قزوینیم، زنجانیم، گؤزل آزربایجانیم (*-ویدئو)

بو باشاری‌لی یاریش‌دان قیرخا یاخین گؤروت و نئچه ویدئو دا چکدیم. هله‌لیک گؤروتلره باخین؛ ویدئولاری دا آللاه قویسا سونرا یایاجاغام*:

تیراختورون بیرینجی و برابرلیک قولوندان سونرا کی سئوینج

بو دا ایستادیومون اؤزل قوناغی: ایسماییل حئیدری/اسماعیل حیدری

یاغیش آلتیندا آلقیش و هیجان

بورا قزوین دئییل! کرجین یاخینلیغی‌دیر. سئوینج بورایاجاق سورولوبدور.

تیراختور - پئیکان یاریشیندان گؤرونتو توپلوسو (آلبوم عکس از بازی تیراختور - پیکان)

* - ی. س(یایاندان سونرا) / ویدئولار:

- بیرنجی بؤلوم
- ایکینجی بؤلوم
- قزوینیم، زنجانیم، گؤزل آزربایجانیم

تای‌سیز، کسینتی‌سیز، و گرچک آلقیش

noreply@blogger.com (Anonymous) — Fri, 15 Apr 2011 02:09:00 +0430

آسیایا یئتیشمک ایچین تکجه بئش آددیم قالدی.
چتین آددیملارین بیری‌سی‌ تهران‌دا آتیلدی، و بیر باشقا چتین آددیم ایسه بوگون اصفهانین سیپاهان ییغماسی‌ قارشی‌سیندادیر. آنجاق اومودوموز وار، سهند ایستادیومو بیر داها دولوب، و گوجلو رقیبی سالاجاق تیراختورون خیشی آلتینا.

بئله تایسیز، کسینتی‌سیز، و گرچک آلقیشلار ایله، تیراختور بوتون جیزیق-میزیق و سینیرلاری آشیب، آسیا سهل‌دیر، اؤزونو دونیادا دا تانیتدیراجاق:

Download (WMV file, 2.45MB)

ی.س.(یازی‌دان سونرا) :

اول‌ده بیر گولوم :)))) ؛ سونرا سؤزومو دئییم:

بو قاققیلداماغین نه‌دنی بو دور کی قرار ایدی سیپاهانی سالاق تیراختورون خیشی آلتینا! آنجاق یئتمیش، سکسن و اولابیلر یوز مین تاماشاچی‌ قارشی‌سیندا گولونج بیر دورومدا اوتوزدوق. بئله بیر اولای دونیادا تایسیز اولابیلر. اولابیلر سیز دئیه‌سینیز بو بیر فوتبول حادثه‌سی دیر و اولار. آنجاق ریجا ائدیرم تیراختورون چوخلو اویونلارینا گئدیب یاخیندان ایزله‌ییب آلقیشلایان بیر آدام قبول ائدین کی گؤزله‌مه‌دن یاخشی سونوجلاردان سونرا گؤزله‌نیلمز و ایمکانسیز بیر سونوجون اله گلمه‌سی "ایستی سویوق" ائتمک دیر. منجه بئله اوتوزمالاردا تاماشاچیلارین بیر بؤلومو دئییرلر "پول" هر حالدا، "یانداش" و "آلقیش"دان اؤنملی‌دیر. تاماشاچیلارین آزالتماغی‌نین لاپ یاخشی یولو بو اولابیلر!
اومودوم وار منیم دوشونجه‌م یانلیش اولسون و تاماشاچی‌لار، هه‌مه‌شه‌ کیمی تیراختورون آرخاسیندا دوروب و اونو داها آرتیق گوج ایله آسیایاجاق ایته‌له‌سینلر.

گونون گؤرونتولری: کارلوسون گؤردوکلری

noreply@blogger.com (Anonymous) — Tue, 12 Apr 2011 05:02:00 +0430

تئزلیکله قضاوت ائتمه‌‌یین! بو یازی‌نین بیرینجی عکسی، ایستیقلال یانداشلاری اوتوران بؤلومه مربوط دئییل. تکجه اونلارین آزلیغی‌نی گؤسته‌رمک ایچین، اوزاقدان بیر-ایکی دنه ده گؤرونتو سالیردیم. البته دئییردیلر بو اویونون نئچه اؤزل قوناغی‌ واردیر. دئییردیم کئشکه هامی‌سی‌نی گؤره‌بیلم. آنجاق کامئرام اوزاقدان چکه‌بیلسه‌یدی ایسه، کارلوس کوییروغوندا(کارلوس کئیروش، سرمربی جدید تیم ملی) یئرینی تاپماق اولمازدی. آنجاق مئهر خبر آگئنتی‌نین گؤرونتوسو و اؤزوم سالدیغیم عکسلری توتوشدوراندان سونرا، بو شکیلده پورتوقاللی مورببی‌لرین اوتوردوغو یئر بللی‌دیر.

گؤردویونوز کیمی کارلوس و اونون یاردیمچی‌لارینی، آپاریبلار اؤزل بؤلمه‌ده(جایگاه ویژه‌ده) اوتوردوبلار ایستیقلالا منسوب اولان آدلیملارین آراسیندا! اؤرنک ایچین ایستیقلالین مئیداوودی آدلی اویونچوسونا دا دئییبلر بیر قارا گؤزلوکده تاخ، بلکی کارلوس سنی میللی تاخیم ایچین به‌يه‌ندی!

آنجاق گؤرونتو هر نه‌یی دئییر. منچستریونایتئد، رئال مادرید، پورتوغال، گونئی آفریقا کیمی کلوبلار و میللی تاخیملاردا مورببی‌ اولان کارلوس، هر نه‌یین کئیفیت و کمیتی‌نی یاخیندان-اوزاقدان بیلیر سانکی! گؤزلری نه مئیدانا باخیر، و نه آرالاریندا اوتوردوقلارینا. تیراختور یانداشلاری‌نین تایسیز آلقیشلار و هایکوی‌لری، کارلوس ایچین، کسینلیکله ماراقلی‌دیر. کارلوس تیراختور تاماشاچیلارین تاماشاچی‌سی اولوبدور.

تیلویزیون گؤسته‌رمه‌‌یه‌ن ویدئولار، کارلوسون اوزاقدان گؤردوکلری‌نین، توپلوسونا بورادا باخابیلرسینیز: لینک (گونجه‌للنمکده‌دیر)؛ تاماشاچیلارین آراسیندا، حؤرمتلی، غئیرتلی، و ائل‌سئون بیر کیشی‌نی ده گؤره‌جکسینیز. البته اؤزل قوناقلاردان ساییلماییر! گلیب اوتورموشدو یوخاری طبقه‌ده. گؤرونتولرین نئچه‌سی آشاغی‌دا:

فوتو آلبوم و ویدئولارین لینکی (گونجه‌للنمکده‌دیر)

سون‌دا آرتیرمالی‌یام، بو اویونون سونوجو و تیراختورون تئهرانین گؤی تاخیمی‌نی تئهراندا ایلک دؤنه اولاراق، دیزه چؤکدورمه‌یی، شرفلی میللتیمیز ایچین، تاریخی و اونودولماز بیر گئجه یاراتدی.
بو باشاری قوتلو اولسون.

گونون گؤرونتولری: دوخسانلارین ایلک آلقیشلاری

noreply@blogger.com (Anonymous) — Fri, 8 Apr 2011 01:22:00 +0430

یاز بایرامیندا آزربایجاندا اولدوغو یئرده تیراختور‌ یاریشی‌نا گئتمه‌یه‌سن، گئرچک بیر نامردلیک اولابیلر. باشقا طرفدن اهوازین فولادی‌نی اوتماغین چوخ اؤنملی اولماسی ایچین دوروب یولا دوشدوک تبریزه ساری.
بو اویون دئیه‌بیلرم تیراختورون آوروپالی‌لار دئمیشکن، لاپ "دراماتیک" اویونلاری‌نین بیری‌سی ایدی. یانداشلار "تیراختور حمله ائله، بیز آسیا ایستیریک" شوعارین دئیه‌نده، قول یئدیک! قوناق تیمین قاباغا دوشمه‌سی ذوب آهنی یادا سالیردی! تیراختور نه قدر حمله ائدیردی، قول وورابیلمه‌ییردیلر.
90جی دقیقه ده ایشیقلار یاناندا، منده قارا گؤزلویومو ده‌ییشدیم. دئدیم بلکی هر نه، منیم پیس باخیش‌لی گؤزلویومه گؤره‌دیر!

اوتماق‌دان باشقا هئچ سونوجا راضی اولمایان تیراختورچولار، سون ثانیه‌لرده کی وورولان قولدان سونرا بئله آتیلیب دوشوردولر کی گل گؤره‌سن. من اؤزوم هئچ بیلمیردیم نئیله‌یه‌م. قاییداندا یولون یاریسیندا آیاغیمین آغری‌سی باشلاناندا ته‌زه یادیما دوشدو کی آیاغیمی سفئه‌له‌ییب چالمیشام صندلی‌یه! گئنه ساغ اولسون کت تویوخلاری! یومورتالاری‌‌نین ساری‌سی آیاغیمین سانجی‌سی‌نی تکجه بیر گئجه‌ده دوزه‌لتدی.

اویون آراسیندا، آزربایجان رقص موسیقی‌سی سسلندیردیلر. تاماشاچیلاردا بایرام گونو بیر قول دالی اولماغی تئز اونودوب دوردولار اویناماغا! آنجاق او سس کسیلیب بیری‌سی باشلادی فارسجا زورخانا اوخماغینا! میللت‌ده اؤز اعتراضی‌نی بیلدیردی. اوخویان دا باشلادی تورکجه حئیدربابا یا قاتیشیق بیر اوخشاما دئمه‌یه! کلیپی‌نه بورادا باخین: ویدئو

---

او گوندن بیر یئددیجه(هفته) گئچیر. تبریز تیلویزیونو "تلاش" آدلی وئرلیش‌ده، شرقی آزربایجانین 89جو ایلده‌کی ایدمانین عملکرد(ائیلم)، کارایی‌(ایشلم) و ثمربخشی‌‌سیندن(ثمر وئرمک) دانیشیرلار(نه یاخشی فارسجا دیلی‌نی بیلمک نئعمتی‌نی آللاه بیزه باغیشلاییب، یوخسا بونلارین یئرینه نه دئیه‌جه‌یدیک؟!). عملکرددن زاتدان دانیشدیق تیراختورون فولاد قاباغینداکی او قدر سالدیرماسی و تکجه بیر قول وورماغی یادیما دوشدو. آشاغی‌دا گؤردویونوز گؤرنتوده یاریش سونوجو و باشقا سایی‌لاری‌نی گؤرورسونوز:

فوتو آلبوم (گؤرونتولر توپلوسو)

تیراختور 19 کورنئر، 10 شوت، 13 سانتر و 6 قول دورومدان تکجه بیر قول اله گتیردی؛ آنجاق اهوازین فولادی ایسه تکجه 2 کورنئر، 2 شوت، و 7 دنه سانتر ائله‌دی و ایکی قول دوروموندان بیر قول اله گتیردی. بو ساییلار آیدینجا دئییرلر کی بو اللی-آلتمیش مین یانداشی‌دا قویسونوز قیراغا تیراختورون سالدیری‌لاری ثمرسیزدیر. ان چوخ آلقیشلانان اویونچو، یانی علیزاده‌ ده گرک چوخ سیرتیلمایا کی من تیراختورو نیجات وئردیم! یوزون کورلایاندان سونرا بونودا سن آللاه بونودا وورمایایدین.

ایکینجی آلقیش علی دایی‌‌ ایچین

علی دایی اؤتن ایل او قدر اویون چیخارتدی کی بو تئزلیکده اونلاری یویابیلمز! آنجاق بیر شاشدیریجی اینانیلماز ایش گؤروب!
علی دایی تاشکندده، بونیودکور آدلی تیم ایله موسابیقه‌‌‌سی‌نین یایین توپلانتی‌سیندا، اؤزبک ژورنالیستلرین جاوابیندا تورکجه جاواب قایتاریرمیش! بو دا خبرین گؤرونتوسو:

اؤز آرامیزدی علی دایی تیراختور یانداشلاریندان ائتکی‌له‌نیبدیر. تیراختورچولاری "یاشاسین آزربایجان" و "تورکلرین افتخاری: تیراختور" کیمی سؤزلری دئمه‌یه گؤره قینایان دایی، ائله‌بیل اؤزو گیزلینده گئدیب "اورتاق تورکجه" یا دا اؤزبک تورکجه‌سی‌نی اؤیره‌نیب و اؤزبکلر ایله دانیشیب گولور قول بویون اولوب! بیز بو قدر ایددیعا ایله اؤزبک تورکجه‌سی‌نی یاخشی باشا دوشمه‌ییریک. علی دایی گؤزله‌سین پـ.ـان تـورک آدلانماسین!

گونون گؤرونتولری: ســکسنلرین سون آلقیشلاری

noreply@blogger.com (Anonymous) — Sat, 19 Mar 2011 04:23:00 +0330

کیمسه‌دن سوروشدوم گله‌جه‌سیز یوخسا یوخ، دئدیلر یوخ! حاقلاری ‌دا وار! من‌ده بایرام تعطیللری باشلاناندا حتمن گرک آنایورددا اولام. آنجاق بو دؤنه تیراختورو بایرام بهانه‌سینه تک قویماق اصلن انصاف دئییلدی. تیراختور اوچون، تئهرانین یانداش‌سیز تیمی یانی صنعت نفتینی اوتماق، آسیایا گئده‌بیلمک ایچین چوخ بیر یاخشی فورصت ایدی.
تیراختورون بئله تیملر ایله اویونلاری‌نی سالیرلار تئهرانین لاپ گون چیخان طرفینه! البته تختی ایستادیومو بیز ایچین پیس اولماییب من دئییردیم اورادا گئنه اوتاجاییق. ساغ اولسونلار یانداشلار؛ ایستادیومون ال‌دن اوزاق اولماغینا باخمایاراق چوخ سایی دا گلمیشدیلر:

بوتون ویدئولار و گؤرونتولر: لینک

من ایچه‌ری گئچنده نئچه دقیقه سربازلار منیم تیراختور بایراغیمین "خ" حرفینه ایلیشدیلر. دئییردیلر دئییبلر تراکتور تراختور یازیلسا بایراقلاری توتون آلین! من‌ده های توضیح وئریرم تیراختورون باشقانی(مدیر عاملی) دئییب ایرادی یوخدور! بیری‌سینه اؤز خیدمت کارتیمی گؤستردیم دئدیم منده سیز کیمی عسگر ایدیم! دئدی عئیب یوخ. آلتی دقیقه اویوندا گئچمیشدی اویونا باخا-باخا اؤزومه بیر یئر آختاریردیم کی پیمئنتا قول ووردو. سئوینج‌دن آتیلیب دوشنده سربازلارین بیری‌سی منی ایته‌لمک ایله کئفیمی پوزدو! بیر یئرده شیشیب اوتوراندان، بئش آلتی دقیقه‌دن سونرا بیر قول دا یئدیک! آنجاق آلقیشلامالارین چوخالماسی‌ ایله بیر پئنالتی اله گلدی. آنجاق نصرتی اونو کورلادی. منجه تکجه نصرتی موقصصیر دئییلدی. من بیلمیرم باشقا اویونچولار اونلارین برازیللی مودافیعی کیمی احتمال وئرمه‌ییرلر قاپیچی توپو توتابیلسین. پئنالتی‌نین نئجه کورلاندیغینا آشاغیدا باخین:

باغلانتی

پئنالتی‌دان سونرا اویونچولارین روحیه‌سی آشاغی گلمه‌مک ایچین دئیه‌بیللم کسینتی‌سیز آلقیشلاماق باشلاندی؛ آنجاق یازیقلار اولسون اوتا بیلمه‌دیک. قاییداندا بیر یئرده ماراقلی بیر صحنه گؤردوم. تئهران دوارلاریندا تکجه پئرسپولیس-استقلال آدلاری گؤرنمه‌ییر! تراختور دا وار. بو هم یاخشی دیر هم پیس! یاخشی‌لیغی بونا گؤره‌دیر کی تیراختور اؤزونو بؤیوک بیر تیم کیمی هر یئرده اورتایا قویور و هر یئرده یانداشی واردیر؛ آنجاق پیس‌لیگی بوردادیر کی آدام قورخور تیراختور یانداشلاری‌دا ایستادیوما گئتمک یئرینه، آدینی چکدیگیمیز تیملرین یانداشلاری‌ کیمی تکجه تبلیغ ائده‌لر:

بوتون ویدئولار و گؤرونتولر: لینک

---

بو یازی مین اوچ یوز سـکـسن دوققوزونجو ایلین سون پوستو ایدی. دوخسانینجی ایلی ده قوتلو اولسون دئییرم. اومودوم وار تیراختورون آسیایا گئتمه‌یی بو ایلین یازیندا گرچکلشسین.

گلن ایل‌ده آللاه عؤمور وئرسه و فیلتئرلری سیندیرماق حووصله‌مدن قالسا، قوللوغونوزدا اولاجاغام.