Trotzdem ass d’Welt nach emmer net gerett. Dofir ged et all Joers d’Oekofoire, ob där een dann ganz vill Saache kaafe kann, fir d’Welt ze retten…

Download audio file (angschtaschrecken105.mp3)
download mp3 Angscht a Schrecken ob der Oekofoire

Download audio file (angschtaschrecken104.mp3)
download mp3 Angscht a Schrecken ob enger Hausaweiungsparty irgendwou am reenege Süden vum Land

Mä waat mescht een bei Gebaier? Ech hunn ee Gebai kannt, daat huet nach een Joer nodeem et färdeg gebaut waar, no Faarw gestonk. Net nemmen bannen, mä och baussen. Et huet een gemengt, daat Gebai géif Faarwgeroch schweesen. An et si jo net nemmen néi Gebaier, déi richen. Et geht schon duer, daat een den Geroch vum Virbesetzer einfach schon erem fort ass, daat Haiser ufänken no Faarw an Mazout ze richen.
Et ged wahrscheinlech just eng enzeg Method, fir een Haus esou richen ze lossen, daat et seng Bewunner net stéiert: eng Hausaweiungsparty, op englesch och „House warming party“ genannt. An ob genee esou eppes waat ech agelueden. An déi Party sollt am reenege Süden vum Land iwwert Bühn goen.

Meteorologesch gebild an/oder tréi Nolauschter wëssen, daat den Süden vum Land de schwaarze Fleck op der Klimakaart ass. Well soen: Et ass do méi kaal an et reent méi oft wéi am Recht vum Land. Daat ass elo keen Minettebashing, mä einfach a simpel wëssenschaftlech Fakten, baséirend op empireschen Donnéen. Ech kann och naischt dovir.

Well ech numol net am reenege Süden wunnen, ass et fir mech emmer eng hallew Weltrees fir an méi oder manner grous Uertschaften an eben dem Süden ze kommen. An ech maachen, Ökohellegenschain verpflichtet, esou Reesen emmer mam Zuch. Wat och meeschtens ganz gudd klappt, och wann ech leider soen muss, daat meng Kentniss vun Zuchstrecken am Süden vum Land net esou gudd ass. Normalerweis ginn d’Uertschaften jo iwer Lautspriecher ugekennegt an während dem Daach gesait een jo och d’Schelder an d’Garen. Mä wann et dann daischter ass, keng Lautspriecher an d’Displayen einfach schwaarz bleiwen, da kommen Angscht a Schrecken op.

Ech wollt net graad aus Domheet irgendwou am postindustriellen Frankraich erausklammen, fir do vun enger Grupp letzebuergescher Drogenverreckter vergewaltegt ze ginn.
Ech hunn also telefonéiert, just fir vun engem Mann am Zuch gesoot ze kreien, daat déi Informatioun, déi ech um Telefon kruut, falsch waar. Daat ass de Problem, wann een Leit besiche geht, déi graad geplennert sinn. Déi kennen sech och nach net esou gudd aus.

Een Bleck no ennen bei d’Dir huet verroden, daat do en Vollert widdert d’Dir vum Zuch gepisst huet. Angscht a Schrecken. Herno luch de Mann um Teppech, deen sech lues a lues mat sengem Seesch vollgesuckelt huet. Mir hunn eng aaner Dir geholl, hunn eisen eidelen Sixpack Béier an d’Dreckskescht gehait an hunn d’ Instruktiounen op mengem Handy befollegt.

Verschidde Leit wärten sech lo wahrscheinlech virstellen, ech hätt esou een iPhone oder soss een komeschen Touchscreentralala aus der Täsch gezunn, hätt Google Maps opgemaach, d’Adress aginn , eng hallew Minut gewaard, an dann no all Schrett déi nächst Etapp ugeklickt, bis mir virun der Dir gestaanen hätten. Dem waar net esou. Ech haat meng Instruktiounen an besse manner wéi 160 Zeechen a konnt direkt lassgoen. Ech well net technikfeindlech eriwerkommen. Mä ech sinn eben e Frend vun einfachen, eleganten Léisungen.

Vir déi Leit, déi et net matkritt hunn: Ween an der Krise nach Souen haat an souwiesou irgendwann eng Kéier een Haus kaafe wollt, deen haat gudd dorunner, daat während der Krise ze maachen. Déi Banken, déi nach Souen haaten, waaren nämlech ganz gail drop, se och direkt erem lass ze ginn, well Zensen an secher Ulaagen an iwerhaapt, mir waare scho laang net méi am Casino. Des Lescht hunn ech een Artikel gelies, dee gemengt huet, Economie wier iwerhaapt keng Wessenschaft. Ech hunn daat interessant fonnt. Villaischt waar daat jo wierklech alles nemmen Humburg, genee wéi esou vill aaner Saachen, déi Leit als „Wessenschaft“ betruechten.

Eng Hausaweiungsparty also. Nach waaren net esou vill Leit do, mä daat sollt sech an denen nächsten Stonnen änneren. No engem relativ luesen Start ass et dunn irgendwann eppes ziessen ginn, waat den Alkoholkonsum an domadder och d’Stemmung gehuewen huet. Woubai ech net genee wees, ob d’Stemmung net och vilaischt den Alkoholkonsum gehuewen huet. Et ass schwéier.

Amsterdam. Déi enzeg Haaptstadt an Europa, déi net zouglaich Regierungssetz ass. Kaum eng Staadt ged esou mat Drogen, Sex an Exzesser verbonnen. Ged et eng aaner europäesch Staadt, déi sech esou fir en gonzojournalisteschen Trip offréiert, wéi Amsterdam?
A waat fir e besseren Daach, fir op Amsterdam ze fueren, wéi 40 Joer no Woodstock?

Download audio file (angschtaschrecken103.mp3)
mp3 download Angscht a Schrecken zu Amsterdam

Also an den Auto an no knapp 4 Stonnen an villen Warnungen vum Navigatiounsgerät, mir wieren ze séier ennwee sinn mir zu Amsterdam ukomm gewierscht. Wann een bis an esou enger grousser Staat ass, ass et schwéier, de Wee ze fannen, well et iwerall Einbahnstrossen an schlechte Satelitenempfang ged. Héi sinn schon Angscht a Schrecken opkomm. Mä net all ze laang, well irgendwann hu mir en Parkhaus an durno och eisen Hotel fonnt. Daat heescht, mir hunn eng Dier fonnt, déi hannert engem luschen Geldwieselschalter an engem schmuelen Hausagang luch. Op engem Ziedel mat schlechtem Englesch stoung irgendeppes vun enger Receptioun an engem aaneren Haus. Do si mir dunn hi gaangen an kruuten och de Schlessel fir eise Raum, den mir offensichtlech mat aanere Leit gedeelt hunn, wéi mir un Rucksäck an Kleeder op verschiddenen Better gesinn hunn.

Ech fannen et emmer erem komesch, waat fir Betrieber sech „Hotel“ nennen kennen an wéi verschidden dach d’Verdeelung vun de Stären sinn kann. Nach vill méi komesch fannen ech et, wann een no engem „Hostel“ sicht an dann bei engem Hotel rauskennt, daat awer eischter ausgesait wéi en schlechten Hostel.

Mä dat waar grondsetzlech mol egal. Mir waaren an engem vun Asiaten gefuerten Hotel an nach vill méi wichteg: mir waaren zu Amsterdam!
Also virdeischt mol raus, d’Stadt entdecken. Ob enger grousser Plaatz waaren allerlee Strossenkenschtler ze gesinn. Daat waaren virun allem Leit, déi sech als bekannt Figuren verkleed haaten an roueg do stoungen oder Fotoen mat de Leit gemaach hunn. Et waaren zum Beispill den Darth Vader an den Batman ze gesinn. Wiesou sech déi Leit virun allem als Figuren verkleed hunn, déi een schwaarze Kostum hunn an sech dann an d’prall Sonn stellen, hunn ech net ganz verstaanen.

Irgendeen Mellen mat laangen Hoer an enger Stemm, déi no vill Whiskey, Gauloise ouni Filter an Brennspritius geklongen huet, huet d’Leit bei sech geruff an mat secher schrecklecher Stemm irgendwelch konfus Geschichten erziehlt. Hien huet zwar vun sech behaapt, hien wier Féierschlecker, huet awer am Fong just geschwaat an d’Leit no bei sech geruff. Mir sinn relativ wait wech vun em stoen bliwen.
Irgendwann huet en gemengt, mir missten och no bei hien kommen oder mir sollten eis verpissen.
Angscht a Schrecken sinn méi grouss ginn. Wiesou stoungen esou vill Leit rondrem een offensichtlech Drogenverreckten, deen just haart jaizt an keen enzegen vun sengen ugekennegten Tricker mescht?

Mä Amsterdam ass net nemmen voller Meller, déi ob enger grousser Plaatz rondremjaizen, nee, Amsterdam ass och voll mat Hippien an Kifferen. An Leit, déi et gären géifen ginn oder et op manst interessant fannen. Dofir ass Amsterdam och voll mat Butteker, déi Hippie- an Kifferkitsch aus Plastik made in China un Touristen verkeeft, déi dann doheem erziehlen, sie wieren an engem Coffeeshop gewierscht an hätten echt Hanflimonad kaaft, mä do wier awer naischt dran.

Drogenkonsum un allen Stroßenecken. Iwerall an Amsterdam richt een daat, waat bei eis emmer nemmen an Policemeldungen an schlechtem Daitsch als „süßlicher Geruch“ beschriwen ged. Dofir richt een awer guer keen Zigarettendamp. Et ass e bessi esou, wéi wann een epes kriebserregendes, dreckeges, stenkeges mat eppes ersaat hätt, waat op manst mol guer net esou schlecht richt.

Drogenkonsum also. Mir huet daat komescherweis keng Angscht gemaach. Oder soen mir esou: D’Gewessheet, daat zu Amsterdam immens vill Leit rondrem laafen, déi irgendwelch Drogen geholl hunn an wahrscheinlech och oft net genuch Erfahrung mat denen Drogen hunn, fir mat denen Saachen, déi se graad erliewen, emzegoen, huet mir keng Angscht gemaach. Zu Letzebuerg hunn ech vill méi Angscht virun Drogenverreckten, déi op knaschtegem, blaiverseuchten Heroin hänken an mir Zännfleesch aus dem Mond kraatzen wellen, fir et un thailänesch Organhändler ze verkaafen, wéi ech zu Amsterdam Angscht virun irgendwelchen Drogenverreckten haat.

Zu Amsterdam kritt een legal net nemmen Gras an Shit, mä och divers Champgionen, Meskalin-Kaktussen, lusch Saachen wéi Kratom an wahrscheinlech nach genuch aaner psychoaktiv Drogen, déi déi komescht Saachen mam menschlechen Gehier maache kennen. Trotzdem muss een keng Angscht hunn. Konsumenten vun psychoaktiven Drogen verzeihen sech meeschtens an hier Kummer an blocken stonnenlaang op een Labyrinth-Bildschirmschoner oder Mandelbrotequationen.

Mir hunn eis entscheed, eng Glace z’iessen an eng Bootsfahrt duerch d’Kanäl vun Amsterdam ze maachen. Um Scheff hu mir dunn mol direkt geléiert, daat Kanäl zu Amsterdam Grachten heeschen an et der ongeféiher 23 Milliarden dovunner ginn. An ongeféiher genee esou vill Brecken. Amsterdam ass also net nemmen e bessi wéi San Fransicso, mä och e bessen wéi Vendeg. Just, daat während enger Bootsfahrt keen komesch sengt, mä just op 4 verschiddenen Sproochen emmer erem daat selwescht erklärt ged. Wat virun allem dann nerveg ass, wann een op manst 3 vun denen Sproochen versteht an no an no ufänkt, och nach déi hollänesch Erklärungen ze verstoen.

Mä mir hunn awer vill gesinn. Den scheinste Gracht. Den eelste Gracht. Den Gracht mat denen scheinsten Haiser. Een vun denen scheinsten Grachten. Déi schéinsten Breck. An natirlech daat schmuelsten Haus. Daat waar allerdengs net um Band, mä den Kapitän vum Scheff huet extra de Mikro geholl an eis alleguerten op daat schmuelsten Haus zu Amsterdam opmierksam gemaach.
Fréiher hunn an dem Haus drai Familien mat am ganzen 35 Kanner an dem Haus gewunnt. Haut wunnt just nach een Hamster dran.

An esou sinn mir wéider duerch Amsterdam gaangen, hunn Glacen giess, sinn Tretboot gefuer an hunn eis wichteg an schéin Gebaier ungekuckt. An well ech een Fan vum öffentlechen Transport sinn, huet meng Begleedung mir esou guer d’Freed gemaach, fir zwou Statiounen mam Amsterdamer Metro ze fueren. Eigentlech ass den Amsterdamer Metro guer keen richtegen Metro. Et sinn eischter Ubooter, déi duerch den Bulli fueren, ob dem Amsterdam gebaut ginn ass.

Zu gudder Lescht, kuerz iert mir gefuer sinn, waare mir dann awer och an een Coffeeshop. Deen komescherweis ausgesinnen huet wéi eng Meschung aus Waikiki-Hawaii-Bar an engem ofgestirzten Raumscheff. Schlecht Stemmungen. Hannert der Theik stoung de Chef, een Vietnames mat enger Glatz, deen düster dragekuckt huet an wahrscheinlech och een Weltraumnazi waar.
Irgendwann waar et Zait. Mir hu missen raus. Mir hunn missen heem. Mir hu missen bei d’Parkhaus. Ech hunn een Wee gesinn, deen direkt zu der Stross, an der Parkhaus waar, gefouert huet. Ech hu quasi em den Eck d’Parkhaus scho gellen liichten gesinn.

Komesch gemoetresch Formen. Vill véiereckeg Leit ennerwee.
Irgendwann sinn mir laanscht en Geschäft gelaaf, an deem et just een Buch ze kaafen gouf: irgendeen Scientology-Wierk. Un der Dir vun dem Geschäft stoung eng Fra, déi ob englesch Saachen geruff a gesongen huet an probéier huet, onschelleg Leit an de Buttek eranzeien, fir se Scientologygehierzewäschen.
An sie waaren genee ob esou Leit wéi mech aus. Ech hunn wahrscheinlech e bessen ausgesinn, wéi wann ech ob Drogen waar, well ech desorienéiert waar an probéiert hunn, daat blöd Parkhaus ze fannen. Ob Drogenverreckten an ausgebrannten Junkien huet se gewaard, fir se mat hirem komeschen Gesang eranzelackelen an se dann fir hire komesche Kult ze gewannen.
Ech sinn am leschten Moment ob d’Sait gesprongen.

Angscht a Schrecken haate mech. Grachten. Drogenverreckter an Drogenkonsum un all Strosseneck. Routliichtvéirel. Scientology. Féierschlecker, déi nie Féier geschleckt hunn. Orientéierungslos verluer zweschen Milliounen Grachten.

Daat enzegt, waat elo nach gehollef huet, waar d’Flucht…

Aaner Leit maachen et sech méi einfach an fueren den Weekend ganz einfach op Parais. Die franseisch Haaptstaadt ass ganz secher emmer eng Rees wert an ass ausserdem sait dem TGV just nach 2 Stonnen wech …

Download audio file (angschtaschrecken102.mp3)
mp3 download

An do hunn d’Problemer eigentlech och schon ungefaangen. Ob engem sonnegen Samsden-Nometten sollte mir d’Ticketen kaafen goen. Ech setzen mech also, wéi esou oft an den Zuch. Et waar en belsche Modell, mat Abteiler fir sechs Persounen. Ech hunn engt fonnt, an dem ech alleng souz an waar och glecklech doriwer, well ech wollt liesen oder Musek lauschtren an a Rou geloss ginn.
Falsch geduercht. Een eeleren Mann huet sech bei mech an den Abteil gesaat an huet direkt ugefaangen mat mir ze schwätzen. D’Natur géif de Mensch eng Kéier zerstéiren, well „sie“ weilte jo alles freckt maachen. Den Obama, den wier net besser wéi de Bush, den Drecksaack. Hien hätt et mam Härz, an et wier jo och esou eng Hetzt. D’Natur géif de Mensch eng Kéier zerstéiren.
Angscht a Schrecken souzen mat mir am Abteil an hunn sech ennert de Setzer virun dem Mann verstoppt.

D’Ticketen kaafen waar dunn vill manner schrecklech. Eng Reduktionskaart fir déi Jonk wollt de Mann eis ouni Passfoto awer net ginn, also si mir e puer Deeg méi speit nach eng Kéier gaangen. Ech hunn een aanere Vendeur dunn gefroot, ob ech him d’Passfoto sollt ginn. De gudde Mann huet dunn gemengt: Oh, wann der se dobai hudd!

Dunn, op engem Samsdenmoie, deen vill ze fréih ugefaangen huet, huet sech eise baal schon gonzojournalistesche Grupp op der Gare an der Staadt getraff an ass, lues awer zielsecher, an den TGV geklommen.

Mat 350 km an der Stonn duerch franseisch Landschaften ze briederen, ass am Fong guer net esou spektakulär, ewéi et klengt. D’Acceleratioun kritt een baal net mat an Vitesse mierkt een esouwiesou net. Lo wärte vill Leit, déi gären an séieren Autoen rondremfueren, komesch kucken: Vitesse spiert een net. Just d’Acceleratioun kritt een mat. Och en Fluch mat engem Passagéierfliger, deen ronn 900 Stonnekilometer mescht, ass jo naischt immens opreegendes. Trotzdem ass et ziemlech impressionant, an knapp 2 Stonnen zu Parais ze sinn an dozweschend och nach 2 mol stoen bliwen ze sinn.

Vill ze vill midd si mir dunn direkt an de Metro geklommen an hunn eis Paraiser Sehenswürdegkeeten ungekuckt. De Louvre, dem seng Pyramiden nie een Tetraheder sinn, och wann et Leit gouf, déi daat behaapt hunn. Dofir ass den Arc de la Défense jo anscheinend en Tesserakt, also en véierdimensionale Würfel. Parais, d’Stadt vun de komesche geometresche Figuren?

Iert mir eis an postmoderne Geometriecoursen verlueren hunn, si mir leiwer daat Symbol fir Parais schlechthinn kucke gaangen: den Eifelturm. Gebaut fir just e puer Méint während der Weltaustellung an nach emmer net ofgerappt, ass een en Magnéit fir Touristen an Leit, déi Touristen belleg Blech-Mini-Eifeltierm fir 13 Euro verkaafen wellen. Daat meeschtens mat de Wierder „Bling Bling, treize Euro“

Verzweifelt hu mir dann eng Metrostatioun gesicht, déi komescherweis main Ticket eng zweeten Kéier ungeholl huet. Ech hunn geduercht: Yeah, lo hues du en mageschen Ticket, den eiweg geht an du kanns elo emmer an eiweg fir naischt mam Paraiser Metro fueren.
Déi nächste Kéier, bei där mir eis duerch eng vun denen komeschen Statiounen gedreckt hunn, wollt déi deen Ticket awer net méi. Esou waar daat just eng komescht Geschicht, déi duerch irgendeen Zoufall funktionéiert huet.

Iwerhaat, de Metro. Ech hun öffentlechen Transport, den gudd funktionéiert, jo immens gären. Den enzegen Problem mam „gudd funktionéiren“ ass, dat de Recht vun der Menscheet daat och emmer séier spatz huet an dann emmer alles immens voll ass, wat dann net méi esou gemitterlech ass. Irgendwann während mir eng länger Streck gefuer sinn, ass eng Fraa erangeklommen, déi een komescht Heft an der Hand huet. Sie huet sech als Clairvoyannte an Autorin vu Kannerbicher virgestallt an huet dunn ungefaangen, een komescht Lidd op enger mir onverständlescher Sprooch ze sangen. Bei der nächster Statioun waar se färdeg a mir konnten berouegt rausklammen. Ob der Stross stoung dunn en Mann haart ze jaizen, wahrscheinlech hire Mann.

Nom Check-In an engem klengen Hotel mat pompöser Tapéit um Montmartre, midden rondrem-setzen an op den check-in waarden an dem Akaaf vun zwou Fläschen Wain an engem Fläschenöffner hu mir eis an een Park gesaat an hunn eis um Wain an un der Sprooch vergaangen. Komescherweis huet de Wain eis dozou bruecht, all meiglech Sätz ausserhalb vum Kontext an enger sexualiséierter Form ze gesinn. „Et kennt bluddeg“ ass genausou onschelleg wéi „relax Spiller bei mir doheem“, wann een se net graad duerch d’Ouren vun engem Wain-User zu Parais héiert.

Download audio file (angschtaschrecken101.mp3)
mp3 download

Ech sinn also relativ oft am Internet ennerwee, an well d’Internet jo esou en scheint interaktivt Medium ass, liesen ech net nemmen oder kucke mir schéin Biller un, mä ech schreiwen och an main eegent Blog. Dat schon relativ laang. Déi eischt puer Joer hunn ech daat ziemlech alleng gemaach. Eben virun allem fir mech an déi puer aarm Kollegen, déi ech dozou gezwongen hunn, et ze liesen, geschriwen. Mat der Zait sinn e puer Leit als Lieser dobai komm, déi ech net kannt hunn an irgendwann war et dann esou wait: Ech kruut Messagen vun aaneren lëtzebuerger Blogger.

Ech haat en ziemlech schlechten Daach an hunn do mol direkt, fein wéi ech sinn, all letzebuerger Blog, daat ech fonnt hunn, erofgemaach. Mat Erfoleg. Durno hunn se mech all kannt. Komeschweis huet et awer net laang gedauert, bis verschidde Leit mech gudd fonnt hunn. Leit, mat denen ech deemols gestridden hunn, sinn haut gudd Frenn. Dat klengt komesch, mä ech mengen déi meescht Begeignungen vun Leit, déi sech herno gudd verstinn, fänken mat Differenzen un. Dann sinn déi Saache scho mol geklärt an et kann een sech op méi wichteg Fakten konzentréiren wéi zum Beispill zesummen en drenken ze goen.

Mä net nemmen daat ass komesch. Et ginn an der letzebuerger Blogosphär vill Saachen, déi mir heinsdo dach e bessen Angscht maachen. Lo géif dann normalerweis den Deel kommen, an dem ech Beispiller nennen. Vlaischt hunn ech awer grad eppes besseres ze dinn. Zum Beispill ze twittern, daat ech graad un enger néier Episod Angscht a Schrecken schreiwen an se quasi als Premiere op engem Treffen vun Blogger a Bloglieser virliesen wärt. Oder, wann dir daat am Radio héiert, virgelies hunn. Oder, wann dir op dem komeschen Treffen vun Blogger a Bloglieser sidd, grad virliesen. Vlaischt sollt ech mir eng Kopie vun dem Grammairesbuch fir Zaitreesender kaafen, déi den groussartege Douglas Adams eng Kéier beschriwen huet. Dat géif mir och heinsdo hellefen, wann ech Saachen beschreiwen, déi ech maachen, währendem ech schreiwen, soen, währenddem ech Angscht a Schrecken anschwätzen oder héieren, wann ech et um Radio ofspillen.
Vlaischt géif et awer och just alles nach méi komplizéiert an nach méi schrecklech maachen.

Ech wollt eigentlech iwer komesch Saachen an der Blogosphär schreiwen. Respektiv Schwätzen. Vlaischt braischte mir einfach en Verb, daat ausseet, daat een eppes opschreiwt, waat een durno ausschwätzen wärt. Schreiwätzen oder sou.
Eng Saach, déi mech emmer erem bessen erstaunt an awer och färten deet, sinn Leit, déi sech an e puer Méint komplet wandelen. Déi haaten dann eng Zait laang e Blog op dem baal nemmen Blödsinn gepost gouf an deen een och nemmen doweinst gelies huet, well een wollt wessen, ob keen Blödsinn iwert een selwer am Internet steht. Well esou Saache soll et jo ginn.
An dann, ob een Schlag, schreiwen déi Leit just nach interessant, witzeg an wessenwärt Saachen an d’Internet. Wat jo awer komesch ass. Aus Leit, vun denen een eigentlech geduercht haat, duerch hier Publikatiounen hätt een een hallewegs gudd Bild vun hinnen, offenbaren ganz néi Saiten an ginn engem – ob manst e bessen – méi symphatesch.

Dann freet een sech, wéivill Leit nach gudd Saiten hunn. Vlaischt ass de Popst jo och en geniale Museker, den wonnerbar an intelligent Musek schreiwt, mä dovunner schwätzt nie een, well de Mann emmer nemmen daat falscht seet amplaatz einfach mol eng Kéier Musek ze maachen?

Dann tauchen och emmer erem komesch Leit op, déi an Kommentaren Radau schloen an déi komplett onbekannt sinn. Déi kommen all puer Deeg erem an schloe wéider Radau an den Kommentaren an dann verschwannen se erem a tauchen nie méi op. Wat mir perseinlech emmer e bessi Angscht mescht.

An letzebuerger Blogosphär ass ziemlech ennerschidlech,vun aaneren Blogosphären aus aanere Länner. Esou ged et zum Beispill baal keng Blogger déi iwer 30 sinn an normalerweis den greißten Deel vun de Blogs stellen. Déi mescht letzebuerger Blogger sinn Jugendlecher an Studenten. Do freet een sech dach, wiesou? Hunn Leit, déi zu Letzebuerg „matzen am Liewen“ stinn, naischt méi ze ziehlen?
Ausserdem kommen immens vill Blogger aus dem Osten. Wat jo esou gesinn och ziemlech komesch ass. An engem bessen Angscht mescht. Osten, daat klengt nie ganz gudd, eischter no knallhaartem Kommunismus oder Leit, déi vun hirem eegene Wain embruecht ginn, well deen komesch Gasen produzéiert huet.

Angscht a Schrecken ginn och grouss, wann Politiker ufänken, ze bloggen an sech dobai emständlech an immens komesch uleen. Zum Gleck waaren dat meeschtens nemmen Ausnahmen an vun denen richteg „decken“ huet nach keen unegfaangen, sech online auszeliewen. Dat géif wahrscheinlech ziemlech schrecklech ginn, nach méi schrecklech wéi wann Leit sech selwer als Maskotschen an der Navigatioun vun hirem Site hunn.

An esou begeinen engem Angscht a Schrecken all Daach, all Kéiers wann een den Computer u mescht. Mä vlaischt ged dat jo alles manner, wann een d’Leit „am richtege Liewen“ kennenléiert?

Elo ged et Angscht a Schrecken Buttons a Stickeren, et gouf eng – wann och net immens gudd besichten – Angscht a Schrecken Liesung an et ged AngschtaSchrecken.lu, wou een all d’Episoden lauschteren an roflueden kann. An iwregens och kommentéiren kann, mä daat maachen irgendswéi déi mannsten Leit. Mä wann ech dann awer froen, wéi se et fannen, fannen déi meescht et emmer gudd. Wat ech och komesch fannen.

Download audio file (angschtaschrecken100.mp3)
Angscht a Schrecken mat Angscht a Schrecken mp3 download

Humor ass jo iwerhaapt eppes „komesches“. Ween kann schon genee definéiren, wouriwer een wärt laachen? An dann ass och d’Fro, ob Angscht a Schrecken onbedengt eppes ass, iwert daat een sech freckt laache misst. Emmerhin ginn oft eescht Themen wéi Drogenmessbrauch an Paranoia am öffentlechen Transport ungeschwaat. Ween wees, wéivill paranoid Drogeverreckter hautesdaags an Zich setzen? Dat erennert mech un den Typ, den ech op menger Rees an den reenege Süden getraff hunn an den mir do ongefroot vun senge riesegen Knospen geziehlt huet. Wat wuehl aus dem ginn ass? Vlaischt hunn se seng Plantage mettlerweil gestiermt an en zillt elo just nach Tomaten?

Emmer wann ech Leit dobai beobachten, wéi se Angscht a Schrecken lauschtren, mierken ech, dat déi meescht Leit net do laachen, wou ech laache géif. Mä op komplett aaneren Plaatzen, déi ech wesentlech manner witzeg fannen. An déi Pointen, déi ech speziell konstruéiren an dran setzen, fir daat een soll driwer laachen, ginn oft einfach ignoréiert oder d’Leit schmunzelen just. Mä do kann een wuehl net ganz vill dogéint maachen. Ech kann mech hechstens als onverstaanend Genie fillen.

Mä dat Gefill hunn ech oft genuch. Also net esou dat vum Genie, mä méi daat vum onverstaanen sinn. Déi Leit, déi oft iwerhaapt naischt verstinn an komescherweis „ironieresitent“ sinn, daat sinn déi, déi am haarsten jaizen. Zum Beispill wann ech eppes géint hier Lieblingshippiedisko soen. Dobai ginn ech am Fong och immens gären dohinner an wollt meng Erliewnisser just a spezieller Form eriwerbrengen. Ech hunn och d’Gefill, daat Leit, déi sech beschwéiren, dat nemmen maachen, well se sech eben gären beschwéiren. An vlaischt huet daat och e bessi mat Tabubresch ze dinn. Oft soen ech Saachen, déi eigentlech jiddereen wees, mä déi awer keen ausschwätzt. Zum Beispill, daat all Nationalfeierdaach d’selwescht ass an een roueg d’Geschicht vun virun zwee Joer ziehle kann, ouni daat irgendeen et mierkt.

Dann ginn et natirlech och Leit, déi sech an hirem nationale Stolz ungegraff fille, wann ech iwer Oberschlesien schreiwen, do géifen et net vill Autoen mat 4-Takt-Motor. Dat war zwar vilaischt bessen eng blöd Ausso, mä heinsdo muss een och en bessen méi blöden Witz duerchgoen lossen.

Mä daat ass quasi de Prais, wann een eng Serie mescht, déi irgendwéi hallewwegs funktionéiert an en klenge, awer duerchaus liewege Fankrees huet.

Dann hunn ech natirlech baal all Woch main ganz perséinlechen Horror. Nämlech wann et dann dorems ged, déi ganz Geschicht héi ze schreiwen. Ech fänken nämlech emmer vill ze vill speit domadder un. Meeschtens Sonndes owes um zeng Auer oder deelweis esouguer nach Méindes moies oder esouguer ereischt am Nometten. Esou wéi haut. Haut hunn ech um eng Auer ungefaangen, ze schreiwen. Mettlerweil ass et halwer 3 an ech muss ech mech elo wierklech flaissen, fir nach irgendwéi färdeg ze ginn an net völleg ausser Otem um Radio unzekommen, well ech hu misse laafen. Well wann een ausser Otem ass, leisst et sech net gudd schwätzen.

Ausserdem ass dann emmer d’Fro: iwer waat schreiwen ech? Deelweis ginn et Wochen, do kann ech mech virun Themen, déi sech lounen géifen, guer net retten. Et ginn awer och Wochen, do kann ech mech virun Leit, déi mir Themen virschloen, guer net retten. An dann ginn et Wochen, do ass einfach naischt geschidd. Summerlach. Oder Wanterlach. Oder Hierschtlach. Deelweis heinsdo och Freijoerslach. Heinsdo ass den Grand-Duché vun der Angscht eben net esou fuerchtbar, wéi ech en braischt, mä vill ze vill brav an biergerlech. D’Politik leeft hannert zouenen Dieren an op manst een vu mengen aalen Kollegen Angscht an Schrecken ass an der Vakanz an erféiert onschelleg Touristen op der belger Plage.

Angscht a Schrecken virum waisse Blaat. Oder eischter virum waissen Bildschirm. Wann ech och nach emmer alles misst mat der Hand schreiwen, géif ech verreckt ginn. Dat kann een jo awer och kengem zoumudden.

An daat enzegt, wat dann nach helleft, ass schreiwen. An seier schwätzen. An probéiren meiglescht keen Fehler ze vertuddelen. Voller Angscht a Schrecken ass dat natirlech schwéier. Mä als Gonzojournalist probéiert een natirlech emmer dat bescht fir seng Nolauschtrer ze brengen.
An deem Senn: op 100 wéider Episoden!

An trotzdem. Irgendwéi haat ech d’Wierkung vu sengem Doud ennerschaat. Den Internet war vun engem Moment op den aaneren voll mat Meldungen an „Rest in Peace“-Messagen vun trauernden „Fans“…

Download audio file (angschtaschrecken99.mp3)
mp3 download Angscht a Schrecken mam Michael Jackson

Joerelaang huet een kaum eppes vum „King of Pop“ héiren, an elo ass en erem als „Wiedereinsteiger“ an den Single-Charts. „Wiedereinsteiger“, daat klengt och e bessi wéi „Wiederkehrer“ an daat ass ganz kloer en Wuert fir Zombie.

Heemlech waarden ech jo bessi op den Daag, wann d’Zombien kommen. Eng Welt voller Angscht, Schrecken an liewegen Doudegen. Mä eigentlech ass alleng den Konzept vun Laichen, déi erem rondremwandern an Gehierer friesse wellen, esou absurd, daat een am Fong just driwer laachen kann. Oder huet irgendeen vun ierch schon en Zombiefilm gesinn, deen net op manst e bessi fir ze laachen waar? Wann ech mir en Weltennergang kéint raussichen, dann secherlech eng Zombie-Invasioun. Secherlech méi witzeg wéi en riesege Meteorit aus purem Eisen oder gobal Erwärmung. Ausserdem hätte mir schon den richtegen Soundtrack dofir. Bei all aanerem Weltennergang kéint een just dem Wagner sain „Ritt der Walkyren“ spillen, mä bei enger Zombie-Invasioun géif aus allen öffentlechen Beschallungsanlagen – bingo – Thriller vum Michael Jackson laafen.

Woumadder mir jo erem beim Thema wieren. De Michael Jackson ass doud. Endgülteg. Hien wärt – wahrscheinlech – net zereckkommen an et wärten keng wéider Skandaler ginn. Ab elo just nach Erennerungssendungen wéi beim Kurt Cobain. Dat wier dach och mol eng Sendung fir um ARA. Eng, déi just Musek vun Leit spillt, déi schons doud sinn. Déi kéint een dann och „The Zombie Show“ nennen. Mir faale jo emmer esou gudd Konzepter fir Sendungen an. Zum Beispill d’Nerd-Sendung, déi just Chiptunes, Mathrock an Nerdcore spillt. Oder eng satiresch Wochenreckblecksendung op europäesch Geschicht. Déi géif ech dann „State of the Onion“ nennen. Leider fehlt mir awer Zait, d’Motivatioun an d’Matarbeschter, fir esou eng Sendung op d’Been ze setzen. An elo, wou den Michael Jackson doud ass, ass vun deem och keng Hellef méi ze erwaarden.

Wat ech bessen komesch fonnt hunn: Déi selwescht Medien, déi den Mann vu Ufank un futti gemaach hunn, déi him sämtlech Privatsphär geklaut hunn an dauerend probéiert hunn, all meiglech Skandaler an lusch Geschichten géint den Mann, deen eigentlech nach emmer ee Kand waar, opzedreiwen, déi Medien haaten lo a be mol immens vill Matleed mam Mann an hunn getrauert. Bon, wahrscheinlech sinn bei e puer Klatschblieder elo Leit arbeschtslos ginn. Ech kann mir gudd virstellen daat et bei esou Klatschblieder emmer eng Abteilung fir „gefaale Stäre“ ged. Do setzen dann déi Leit déi keen Gewessen méi hunn, déi hier Seil an déi vun hiren Kanner un de Daiwel verkaaft hunn an durno en Artikel iwert dem Daiwel seng schrecklech Arichtung geschriwen hunn.

An denen Abteilungen setzen déi Leit, déi naischt méi ze verléiren hunn. Virun allem keen Gewessen. Wahrscheinlech, well se ouni Gewessen ob d’Welt komm sinn. Et ginn bestemmt och wéi bei den Buddhisten e puer Klatschblaad-Mönchen, déi stänneg op der Sich sinn no Kanner, déi ouni Gewessen op d’Welt kommen an déi dann an en Klatschblaad-Trainingslager stierchen. „En dreckegen Artikel iwert den Michael Jackson schreiwen“ stoung wahrscheinlech als Haaptfach um Stonneplang.

Angscht a Schrecke komme bei mir op, wann ech gesinn, wéi verzweifelt verschidde Medien reagéiren. Da ged einfach den ganzen Daach Michael Jackson gespillt. Komm mir spillen einfach den ganzen Daach Lidder vun dem doudege Mann, well wann mir eppes aneschteres spillen, dann laafen d’Leit vlaischt bei d’Konkurenz.
Ech sinn jo bei d’Konkurenz gelaaf, WELL se den ganzen Daach soss naischt méi ze ziehle wosste wéi daat den Michael Jackson doud war an daat hien en ganz super geniale Museker waar. Doriwer, dat en ziemlech krank am Kapp waar an vlaischt och heinsdo e bessi ze frou mat klenge Kanner, ass naischt méi gesoot ginn. Virun allem huet keen d’Roll vu de Medien am Liewen vum Härr Jackson erwähnt.

Wann een vu klengem un ennert groussem Drock steht an dann och nach zum Weltstar ged an nie eng Kandheet ged, huet een eigentlech scho genuch Problemer. Wann een dann awer och nach weinst allerlee Exzentrik un den Daach leet an déi permanent vun alle Medien kommentéiert ged, dann entweckelt een sech wahrscheinlech zu engem Zombie, deen net méi witzeg rondremdanzt, mä eng Aart öffentlech Gruselfigur ass. Den A-Typus vum gefaalene „Star“. Ennen ukomm, mä emmer nach ze berühmt, fir ignoréiert ze ginn.

Ech hunn jo déi geheim Theorie, dat d’Geschicht vum Michael Jackson och eng Geschicht vu latentem Rassismus ass. En schwaarzen, den sech an een waissen verwandelt huet. En huet quasi déi lescht Barriere duerchbrach an ech kann mir gudd virstellen, dat dat fir vill Leit onbewosst en immens groussen Tabu waar, den den Härr Jackson do duerchbrach huet. Beat it.

Angscht a Schrecken kommen ob, wann ech mir ukucken, wéi et monter weidergeht. Wéi Medien, déi eis eigentlech sollen iwer Politik an Weltgeschicht opklären, den totale Ausverkaaf vun der Privatsphär vum „King of Pop“ bis an de leschten Detail wéiderféiren. D’ass alles, dat et beim Begriefniss keng Kamera am Sarg gouf. Ech hätt mir eigentlech virgestallt se géifem dem Jacko seng Laich emmer ennen am Eck weisen, Bild in Bild. Dann hätt een och gudd gesinn, ab waat fir engem Moment den King of Pop ungefaangen hätt, sech a sengem gellenen Sarg emzedreinen.

Wéi wann dat elo déi grous Froen vun der Menscheet wieren, sinn déi dommsten Detailer emmer an emmer erem widderholl ginn: Ass en ouni Gehier begrouwe ginn? Wou ass den Helikopter mam Sarg higeflunn? Wat ged aus sengen Kanner? Ween ass den Toni?

Ech hunn viru kuerzem rausfonnt, dat ech keng Kéier mam Toni Theater gespillt ginn. Dat huet mech dach ziemlech schockéiert. Vlaischt esouguer méi wéi den Doud vum Michael Jackson.

Da koum a leschter Minut nach d’Meldung, daat d’Mettel Demerol och u Bord vun Apollo 11 waar, d’Astronauten et awer net fir hire „Moonwalk“ gebraucht hunn. Aua.

Angscht a Schrecken hate mech. Dat enzegt, waat elo nach gehollef huet, waar d’Flucht. Am Beschten irgendwou hin, wou et keen Fernseh, keen Radio, keng Zeitung a keen Internet gouf…

Download audio file (angschtaschrecken98.mp3)
mp3 download Angscht a Schrecken schon erem eng Kéier op enger Praisiwerechung an enger Bank

Ech waar alt erem eng Kéiher vill ze vill speit drun an hunn mech missen flaissen. Mat nassen Hoer op den Zuch gerannt, den Ökohellegenschain konnt ech och nach ennerwee poléiren an kucken, op main Hiem richteg geknäppt wier, esouwiesou. Ausser Otem an mat dem schrecklechen Bewosstsinn, daat ech wahrscheinlech völleg durchgeschweest op der Praisiwerechung géif ukommen. Daat ass jo eng Angscht vu ville Leit. Also, daat se völleg nassgeschweest irgendwou ukommen an dann dofir ausgelaacht oder schief gekuckt ginn. Wobai dat jo am Fong naischt esou schlemmes ass. Wann een vun uewen bis ennen voller Bulli irgendwou ukennt, dann hunn d’Matmenschen Recht, een auszelaachen oder schief uzekucken.
Mä net, wann een nass geschweest ass. Ween nass geschweest ass, waar endweder mat ze schicker Kleedung laang an der Sonn, huet geschafft oder sech extrem ugestrengt, fir zu Zait irgendwou ze sinn. Daat sinn Saachen, déi dach eischter e bessi Respekt verdengen wéi daat en Leit dofir sollt auslaachen.

Iwregens: Et ass net de Schwees selwer, deen richt, mä d’Bakterien, déi en zersetzen. Fir genee ze sinn, ginn laangketteg Fettséiren zu méi kuerzen wéi zum Beispill Botterséier zersaat. Ausserdem ass am Schwees Vitamin C. Do wonnert een sech, daat nach keen Mensch an der Liewensmettelindustrie op d’Idee komm ass, een Gesondheetsgedrenks an enger Sauna hierzestellen.

Ech haat iwregens Deo dobai, waat meng Angscht e bessen méi kleng gi geloss huet. Ausserdem hunn ech mech berouegt, andeems ech een interessante Podcast gelauschtert hunn. Daat ass iwerhaat eng flott Strategie. Wann een sech berourgen well, kann een einfach aanere Leit nolauschtren, wéi se iwer interessant Themen schwetzen. Et huet een eng menschlech Stemm, muss sech net ze vill unstrengen, ged awer intelektuell e bessi stimuléiert. Aus dem selweschten Grond haat ech Physikstonnen emmer immens gären.

Déi Bank, an der ech de Prais iwereecht sollt kréien, steet um Kirchbierg. Am Bankevéirel. Et ginn jo am Fong net méi esou vill Banken, déi „downtown“, also an der Uwerstaat stinn. Wahrscheinlech, well et do ze déier ass an een sech net irgendwelch komesch architektonesch Monstren kann dohinnerbauen. De Kirchbierg ass oder waar laang Zait eng enzeg Spillwiss fir Architekten an hier komeschten Ideen.

Ech waar also ennerwee fir op den Kirchbierg. Mam Bus. Irgendeen muss jo mam gudde Beispill vir goen. D’Auer ass verdächteg no un Sechs Auer komm, awer och nemmen, well den Zuch, op deen ech voller Angscht gelaaf waar, Verspeidung haat. Eng ganzer zeng Minuten. An wéi mir alleguerten wessen, sinn et emmer déi lescht zeng Minuten, déi engem d’Geneck briechen. Ech hu mir geduercht: Pff, et mescht esou gesinn dach iwerhaapt keen Ennerscheed, obs du lo fennef Minuten ze speit kenns oder net, bei esou Veranstaltungen dauert et esouwiesou emmer op manst bis um Vierel op bis et unfänkt.

Wait gefehlt. Ech sinn seelenroueg iwert de Parking vun der Deutschen Bank gaangen, laanscht eng Wiss aus Plastik an daat ziemlech ellent Gebai eran.
Wou alles schon amgaangen ass. Den daitschen Botschaftler waar schon amgaangen, eng Ried ze haalen. An Setzplaatzen waar och scho keng méi do.
Daat ganzt Gebai waar am Fong en enzegen, ronnen Bannenhaf. Op all Mauer houngen irgendwelch méi oder manner schéin Biller bzw. déier Konschtwierker an dozweschent hunn irgendwelch Leit déi nächst Finanzkris virbereed. Op verschiddenen Stäck, déi duerch spiralförmeg Gallerien matneen verbonnen waaren. Dat ganzt ennert enger Mellechglaskuppel. Definitiv net wierklech déi gelongenst architektonesch Spillerei um Kierchbierg.

Daat wier dach mol een Concours. Déi gelongsten architektonesch Spillerei um Kierchbierg, gewiehlt vun den Nolauschtrer vum Radio ARA. Aanersaits: Leiwer net. Herno gewennt nach den Kino oder den bekannten Akaafszentrum um Kierchbierg.

Ech stoung also an der Deutschen Bank um Kierchbierg, hu missen un den Josef Ackermann denken an hunn Botschaftler aus drai verschiddenen Länner nogelauschtert, wéi se déi Daitsch Sproch an hier Bedeitung an Letzebuerg geluewt hunn. Irgendwéi huet een emmer nach en komesche Baigeschmaach, wann irgendeen eppes luewt, waat „daitsch“ ass. Wat jo och alt erem ziemlech komesch ass, well wann irgendeen Soviet-Kitsch witzeg fennt, dann laache mer just an denken net un Gulag an Kirch. Dofir: méi laachen iwert Nazien.
Wann et elo demnächst op Youtube en Film ged, wou een Szenen aus „Der Untergang“ mat engem Text ennertitelt huet, wou den Hitler sech opreegt, well ech gesoot hunn, et soll een iwer Nazien laachen, dann sinn ech richteg stolz.

Irgendwann sinn dann déi knapp 150 Leit, déi ausser mir all en Prais kruuten, opgeruff ginn an mir kruuten all en Buch an d’Hand gedreckt. Och flott. Ech sinn frou iwer Bicher. Wéi ech Leit daat geziehlt hunn, hunn déi mech gekuckt wéi wann ech Lepra hätt. Aanersaits: wat hätt ech mat engem Bong fir Bensin ze kaafen gemaach?

Ech hu mech mat e puer Leit ennerhaalen, déi ech vu freiher kannt hunn. Mir waar opgefall, daat an der Bank och en Bild vum Joseph Beuys hänken géif. Angscht a Schrecken sinn opkomm. Mir waar den Numm zwar bekannt, mä d’Bild huet am Fong wierklech just ausgesinn, wéi wann et Gekritzel wier. Emmerhin waar de Mann net esou wait gaangen wéi sai Kolleg an haat Feschsprenzen op en Blaat gepescht an e puer Stricher dobai gemolt. Op engem aanerem Bild waar d’Floss an en Zockerpäcken ze gesinn. Do waar een an de Restaurant an huet direkt zwee Konschtwierker draus gemaach, déi déi daitsch Bank voller Freed kaaft huet. Well irgendwou mussen déi vill Souen jo hinn.

Scho komesch. Mir sinn an der Krise an trotzdem kreien ech stänneg Praiser a Banken iwereegt. Mä , an daat ass bestemmt eng Auswierkung vun der Krise, et gouf just bellege Wain an Chipsen. Ech hätt mir kulinaresch dach e bessi méi erwaard. Op manst en Pain Surprise.

Irgendwann sinn mir dunn gaangen. Also, meng Bekannten sinn bei hiren 60PS-Auto gaangen, bei dem et anscheinend en Wonner ass, wann en 4 Leit transportéire kann an ech sinn – Ökohellegenschain verpflichtet – op de Bus gaangen. Ech hunn eng ganz Retsch vun Feiß ze gesinn kritt. Foussfetischsten hätte sech vlaischt gefreet, mä ech sinn net esou de Fan vun oppenen Blodderen. Aanersaits gouf et eng Persoun, déi en relativ flotte Tattoo um Fouß haat. Waat jo och eng interessant Plaatz fir en Tattoo ass, well net vill Leit se gesinn, ausser et ass een en Hippie an leeft emmer Buerfeiß duerch d’Geigend. Mä dann sinn se vlaischt emmer esou dreckeg, daat een den Tattoo awer net gesait.

Ech kruut alt erem Konscht- a Bauwierker um Kierchbierg erklärt. Scho komesch, wann Leit, déi vun enger Konscht-Sektioun kommen all meiglech Gebaier an Schrottskulpturen beim Numm a bei der Bedeitung kennen. Angscht a Schrecken sinn opkomm, wéi verschidde Leit an déi falsch Richtung gaangen sinn. Bio-Leit hätten net vill Ahnung vun Geo, huet et geheescht.

Mai Bus ass komm. Flucht.

Download audio file (angschtaschrecken97.mp3)
Angscht a Schrecken an Holland mp3 download

Mir hunn eis geduercht: Dat maache mir net a mir fueren mam Zuch duerch hallew Europa an hunn een total verreckten Trip. E puer Leit waar daat awer ze riskéiert an esou hunn mir an haarden Verhandlungen een Kompromess fonnt: Groede an Holland. Wann een also „een total verreckten an ongeplangten Trip duerch Europa“ an „mir fuern op Lorä fecken an saufen“ zesummenziehlt an duerch zwee deelt, kennt en klengt Nascht un der belg-hollänescher Grenz dobai raus. Wiesou och net, hunn ech mir geduercht, an Holland ginn et emmerhin méi legal Drogen wéi an Lëtzebuerg.

Direkt no dem leschten Orales-Examen sinn mir also gefuer. Ech souz an engem aalen 5er BMW an haat en Sixpack bei de Feiß léien. Mir sinn ongeféiher all 30 Minuten stoe bliwen, well irgendeen huet missen pissen an hunn och ongeféiher esou oft néie Béiervirrat mat no vir geholl. Buy the Ticket, take the ride. Keng Zait fir iwer irgendeppes nozedenken. D’Flucht no vir an zwou Richtungen: déi eng a Richtung Holland, déi aaner no uwen op der Promilleskala.

No dem mir also mat Hellef vun engem sattelitengesetzte Navigatiounsgerät zu Groede ukomm waaren, hunn mir och direkt eist Haus fonnt. Et waar wuehl eischter eng Zort Villa mat 8 Schlofkummern, 2 Buedzemmeren, 3 Toiletten an Satelitefernseh. Ech hunn eng Kummer beluecht an erausfonnt, daat et zwou Matrazen gouf. Eng, déi wahrscheinlech mat Gelatine gefellt war, esou mell war se. An eng zweet, normal haard, déi wahrscheinlech vill besser fir de Reck war, awer net esou deen gelatineise pseudowasserbett-Feeling hat.

Egal. Weiderdrenken. Alt nach eng Béier, dofir sinn mir jo héi. Den eischten Owend ass extrem laang gaangen, bis Veier Auer moies oder sou, inklusiv dem Versuch, Nuddelen ze kachen. Et ass schon esou ziemlech geféierlech, ze kachen, wann een voll ass, well et tendéiert een dozou, Saachen wéi Superbiomin (cf. Episod 89) ennert d’Essen ze meschen. Wann een dann och nach keen Salz huet an probéiert d’Nuddelen ze würzen, andeems een Béier an Chipsen an d’Wasser schedd, dann ged et richteg geféierlech. Dofir ass et am Beschten, et léisst een nëmmen ausgebildte Gonzojournalisten a -Fotographen den Job erleedegen. Déi sinn sou Saachen gewinnt an et geht der Welt op manst keen Déirendokter, Pilot, Schaffner oder Drogendealer verlueren, wann se beim Versuch stirwen, well d’Gasfläsch onkontrolléiert explodéirt an hier Gesichter herno ausgesinn, wéi wann een mat enger Méimaschinn driwer gefuer wier.

Den aaneren Moien sinn ech erwäscht an waar fuerchtbar dehydréiert. Irgendwelch Leit haate mech duerch hiert Geblärs erwäscht an irgendeen huet mir eng Béierfläsch an de Grapp gedreckt. Et soll een jo esou wéiderfueren, wéi een opgehaal hätt, da géif et engem och net schlecht ginn. Bei mir huet daat effektiv geklappt. Akaafe fueren, Grillen, Iessen, Pläng maachen fir den Daag. Mir wollten zu puer an eng greißer Staadt fir bessen anzekaafen. Also, Drogen déi, wéi ech just zur Secherheet nach eng Kéier erwähnen wollt, an Holland absolut legal sinn an déi mir och just do konsuméiren wollten. Ausserdem ass bei Angscht a Schrecken jo emmer alles erfonnt. En groussen Deel vum Grupp huet eis schief gekuckt an ass an irgendeen Nascht gefuer, wou et eng ganz Stross voll mat Sexshops ginn ass.

Mir sinn dunn eben a Richtung Coffeeshop gefuer. Awer net graad wait. Well dunn huet den aalen BMW ungefaangen ze stenken an d’Steierung ass net méi esou richteg gaangen.
Mir also un d’Sait gefuer an den ACL ungeruff.
Ech kéint ierch lo ziemlech genee déi 4 Stonnen, déi mir op den Mann vum holläneschen ACL, dem ANWB, den eigentlech en Velosfuerverband ass, gewaard hunn, beschreiwen. Mä ech denken net, daat dat irgendengem wärt notzen. Daat enzegt interessant, wat geschidd ass, waar eng Fraa, déi eis komeschen Orangejus bruecht huet.

De Mann vum ANWB huet du gemengt, den Auto wier futti a misst gefleckt ginn. Dat hätte mir eis nie dreeme geloss an hu vu Verwonnerung mol direkt missen e Béier drenken.Angscht a Schrecken sinn opkomm. Virun allem, wéi mir gemierkt hunn, daat net nemmen en fonkelnéien Kailrimm gerass waar, mä wéi de Mann och nach eng ofgebrache Pulli aus dem Motor gezunn huet. Wat waar nach alles doranner verstoppt? Een klengen Elefant vlaischt?

Nodeems mir erem an eiser Villa ukomm waaren an d’Leit minutelaang genervt haaten, huet sech endlech een erbaarmt an eis géint een Entgeld sain Auto geléint an mir sinn zu zwee an de Coffeeshop gefuer.

Irgendwéi mescht et mir dach schon e bessi Angscht, dat mir haut an enger Welt liewen, wou mir eis driwer opreegen, daat den Handy net innerhalb vun 2 Sekonnen eng Verbindung hierstellt, mir eis awer vu Sateliten guidéiren lossen, wéi wann et naischt wier. Verstidd mech net falsch: GPS ass een wonnerbare System an eng groußarteg Erfindung, mä d’Verhältnissmässegkeet stemmt eben net. Mä et kann een och ganz niichter sinn an sech soen, daat et no e puer Dausend Joer Menscheet och endlech Zait ged, daat een sech net méi stänneg verrennt.

Ob alle Fall hunn mir den Coffeeshop ziemlech direkt fonnt. Virun der Dir stoung en Mann, deen de Prädikat „Kleederschaaf“ op alle Fall verdengt haat. Hien huet eis eis Carte d’Identité gefroot an mir hunn eis Fanger missen op een komescht Fangeropdrockliesgerät leen. Angscht a Schrecken sinn opkomm. Wann een bei eis Zigaretten oder Alkohol keeft, ged jo och net virdeischt per Fangerofdrock gekuckt ob een schon eng Kéier eng Staang zevill mat iwert Grenz geholl huet.

Angscht a Schrecken sinn opkomm. Egal, einfach ignoréiren. Dat ganzt waar an zwee Deeler angedeelt. Uwen de Verkaafsraum, ennen den Raum fir ze konsuméiren an en Orangejus ze drenken. Daat ganzt Gebai huet no Gras geroch. An der Zeitung géif stoen „ein süßlicher Geruch“. Ech wees et jo net, mä fir mech richt Zockerwatt seiß. Oder Schokola. Mä Gras?

Am Verkaafsraum hunn zwee Leit een komescht Spill gespillt, wou se mat flaache Spillsteng iwert den Bried geschoss hunn. Sie hunn ziemlech gelangweilt ausgesinn. Mir mierken: Dem engen sain Paradais kann fir dem aaneren een Refugium vun der Langeweil duerstellen.

An enger dreckeger brongwaisser Schuel huet den Typchen eis drai Gramm ofgewien an an eng kleng praktesch Tiitchen verpaackt. Mir hunn eis gefreet wéi zwee Spacecookies an sinn erem gefuer.

Ofdreiwen an aaner Welten. Ech waar ziemlech wait fort. Naischt gewinnt. Mat breedem Grinsen souz ech an eiser Villa, an där permanent Pornofilmer gelaaf sinn an hunn iwer all Blödsinn, deen irgendeen mir geziehlt huet, gelaacht. Ausserdem hu meng Aan sech onheemlech schnell hin an hier beweegt an ech hunn mech bessi gefillt wéi eng zefridden grinsend Buddhastatue. Keng Zait fir Angscht a Schrecken.

De Grupp huet dunn entschloss, fir op Knokke ze fueren. Knokke, daat ass eng Staat fir raich Bommen an Boppen, déi gären op enger Strandpromenande an enger klimatiséierter Glaskescht setzen an do iwerdéiert Moulen iessen.
Ausserdem ged et een Casino, an dem eng Disko ass. Mir sinn ongeféiher 3 mol iwer all Haaptstross gelaaf, iert irgendeen e Plang haat, wou en wollt higoen an wou net.

Angscht a Schrecken sinn méi a méi grous ginn. Mir waare mat engem holländschen Auto an der Belge, obwuehl mir en Haus an Holland haaten an hunn verzweifelt no enger Plaatz gesicht, wou mir einfach gemitterlech een Béier drenken konnten. De Recht vum Grupp haate mir schon hannert eis geloos, well Disko an engem Casino huet no vill ze vill Angscht a Schrecken gericht.

Mir hunn also eng Bar fonnt. Ganz gemitterlech. Just de Buedem luch voll mat Nessschuelen. Also, mat Cacachuettenschuelen. Angscht a Schrecken sinn erem opkomm. Virwaat luchen an enger Bar an der Belge Nossschuelen um Buedem? Géif daat zu Letzebuerg iwerhaapt goen? Oder géif d’Inspection sanitaire daat Etablissement mat engem Sondereinsatzkommando stiermen?

Ech stelle mir daat ziemlech gruseleg vir, wéi schwaarz vermummenten Gesondheetsinspektren duerch Fenstern an Dieren stiermen an alles mat antibakterieller Flessegkeet ofsprutzen an no all Raum „Room clear“ ruffen.

Egal. Schnell en Béier roof an vive erem an den Auto. Angscht a Schrecken sinn emmer méi grouss ginn. Mir waaren irgendwou an der Pampa vum belge-holländschen Grenzland. Angscht a Schrecken haaten mech. Wiesou den Café mat de Ness? Wiesou iwerhaapt Knokke? Wier et zu Lorä besser gewierscht? A virun allem: Wiesou sinn dauerend Pornoen an eiser Villa gelaaf?

Daat enzegt, waat elo nach gehollf huet, waar d’Flucht. An all méiglech Richtungen op alle méiglechen Skalen.

Download audio file (angschtaschrecken96.mp3)
mp3-download

Wou also ufänken? Villäicht beim 16. Mee. De Wahlkampf hat grad ugefaangen, den Exame war nach wäit genuch wech an et war en wonnerschéinen, sonnegen Daach, ob dem een gären e Béier oder eng Glace mat Kollege genoss an d’Welt d’Welt si gelooss hätt. Mä dem sollt net esou sinn. Klassekampf war ugesot.

D’Gewerkschaften haten opgeruff, de Sozialstaat ze retten an d’Krise, hier Auswierkungen a Verursaacher ze verurdeelen. Do hunn ech natierlech net dierfe fehlen. Éischtens, well bei esou Aktioune meeschtens häerzlech wéineg Gonzojournalisten dobäi sinn an zweetens wellee jo ëmmer hoffe kann, dat et zu enger oppener Revolutioun, ungeféiert vu militante Stolaarbechter an Eisebunner, kennt.

Ech hunn mech also bei „jonke Block“ gesellt an hunn probéiert, all deene Leit, déi komm sinn, fir hier Meenung auszedrécken, eng Aussoen ze entlackelen. Iergendwéi ass et schonns e bësse komesch, wann Demonstranten a be mol näischt méi ze soe wëssen.

D’Demonstratioun huet awer virun allem eppes gewisen: D’Stad Lëtzebuerg ass vill ze vill kleng fir esou grouss Demonstratiounen. Déi eng Gewerkschaft war schon bei der gellener Fra ukomm, do waren déi aner nach net emol bei der Gare fortgetreppelt. Mäin Blockvu ronn 100 Jonken an soss Anarchiste stoung virun der Postgewerkschaft an hannert der ALEBA. Ech hunn mech gefrot, wéi een sech muss fillen, wann ee fir seng Aarbechtsplaz op enger Bank demonstréiere geet an hannert engem d’Leit dauernd „A, Anti, Anticapitalista“ ruffen.

Angscht a Schrecke sinn bei mir awer éischter opkommen, wéi ech matkritt hunn, dat verschidde Gewerkschafte Leit schwätze gelooss hunn, déi op enger Wahllescht stoungen. Vu Parteien, géint deren hier Politik demonstréiert gouf. Iergendwéi hunn ech dat net ganz verstanen. Mee ech wosst: Angscht aSchrecke ware ni wäit. Net op dëser Demo, net am Walkampf an och soss néierens.

A Propos Wahlkampf. Esou eppes langweileges ass et jo scho laang net méi ginn. Dat eenzegt spannend war d’Fro, op net iergendwann iergendeen géif en Accident bauen, well esou vun enger photoshop-optiméierter Hackfress op engem Plakat irritéiert wier, dat en net méi riicht foure kéint.

Iwwerhaapt, déi Wahlplakater. Soss gouf et jo op mannst ëmmer eng Partei, déi origineller gemaachh huet, mä dat originellst, wat ech dëst Joer gesinn hunn, war de Karl Marx, den duerchh d’Dir vun der Krise erankennt an seet „Moien, ech sinn erëm do“
Den imagniäre Proletarierspillschoulskannerchouer an mengem Kapp huet dann ëmmer gefrot:
„Wou waars de dann, Monni Marx?“
Wahrscheinlechh am Letzebuergecours. Den Sondage no géif et jo zu engem kräftege brong-ruck kommen an d’Richtung vun der Partei mat deenen dommste Gesiichter op deene greißten Wahlplakater an deenen idioteschsten Ideeën, déi op de Wahlkampf awer op mannst e bëssi opgehellt hunn. Alleng déi Idee, fir eng Zuchstreck 80 Meter ënnert dem Aldringer wëllen ze bauen ass esou eppes vun hirnverbrannt, dat een déi Partei, déi domadder komm wier, a normalen Zäiten ausgelaacht hätt. Mee dës Kéier net. Dës Kéier war jo Krise. An domadder hate mir richteg Problemer, mat deene mir eis hu misse beschäftegen. Leider haten d’Parteien esou zimlech all déi selwecht Léisung op den Problem. Dofir huet sech dann de Großimperator an den Typsche vun der Partei mam trauregen Hond iwwert eng Stonn laang iwwer Semantik ennerhaalen. Se hätten am Fong och kéinten d’Generalversammlung vum Philatelistenclub weisen, dat wier wahrscheinlechh méi opreegend gewiescht.

An trotzdem sinn Angscht a Schrecke bei mir opkomm. Zum mengem „Gleck“ hat ech awer Examen, also net all ze vill Zäit, duerch Strossen ze goen an mech mat schlechte Bicer oder soss komesche Gadgets traktéieren ze loossen. Ech froe mech och, ob esou en Bic schon jee eng Kéier eng Wahl beaflosst huet. Vilaischt, wann de Bläistëft an der Kabinn verschwonne war.

Den Examen. Angscht a Schrecke sinn am Fong schon virprogramméiert, well et huet een am Fong nach ni eppes guddes iwwert Examenszäit héieren. Stress, Moschwieren, Panikattacken, Alpdreem bis an den heigen Alter eran.
An wann een all Daach esou eng Horrorgeschicht erzielt kritt, geet een och richteg entspaant an d’Examenszäit eran an freet sech dorobber.

Et gett een zu enger Aart welleloser Maschinn. Léieren, Iessen, Léieren, Iessen, Schlofen an dann erëm vu fir un. Och déi Examen, déiee schreift, bréngen net mat sech, dat een sech besser fillt, well dat schlëmmst ëmmer nach virun engem ass, een ëmmer méi léieren, léieren,léiere muss an een dann no dem Examen, vir deen ee grad léiert, erëm en huet, fir deen en léieren, léieren, léieren, léiere muss. Wann een dat e puer Woche gemaachh huet, wonnert een sech och iwwert den heige Sauerstoffgehalt an der Loft, wann een sech dann traut, eraus ze goen.

Ech hat dann awer och prakteschen Examen. Schrëftlech, dat ass normalerweis ganz gutt gaangen. Et souz ee fein do a konnt Iessen an Drénken, esouvill ee wollt an huet sech da mat e puer méi oder manner interessante Froen ausernee gesat. Ausserdeem ass een duerchh de permanente Konsum vun Drauwenzocker immens euphoriséiert.

Mä dann de prakteschen Examen. Virdeischt ass een duerch d’hallef Land gefouert ginn, just fir mussen iergendwou am Oste vum Land ënnert dem Virdaach vun enger Barack, déi fréier wahrscheinlechh mol eng Kéier eng Schoul war, ze waarden. Do sinn dann all méiglechh Faktoren duerchdiskutéiert ginn, ouni dat een zu engem Ergebnis komm ass.

Iergendwann ass d’Camionnette mech dunn och siche komm. Ech hunn mech bëssi gefillt wéi wann ech géif vu Canossa op Golgota goen.
D’Camionnette ass genee dräi Stroosse weider gefuer. Angscht a Schrecke sinn opkomm. Wat hu mir bei dem Haus gemaach? Wat sollt elo do ob eis duerkommen? Ech hunn mir schon déi wellste Szenarioen ausgemoolt.

Ech krut dunn mäin Aufgabeblaat, war erliichtert an hunn mech missen an en komesche Raum setzen, wou ee Mann Vulledreck gekiert huet. Den ass dunn verschwonnen an ech hunn mir déi wichtegst Stechwierder opgeschriwwen. E puer Minutten drop ass eng Fra erankomm an huet mech gefrot: „Bass du beim Rom an der Klass?“
Ech hu kee Matschüler, dee Rom heescht. Awer en Proff.

Angscht a Schrecken hate mech. Wat war dat fir eng absurd Situatioun, an enger Partyscheier vun den Eltere vu mengem Proff mäin Exame virzebereeden, während dobausse Wahlkampf war an domm Gesiichter nach méi domm Ideeë verbreet hunn? Wat war dat fir eng Welt, wou dauernd iergendeen „KRISE“ jäizt, awer kee weess, wat en dogéint sollt maachen? An virun allem: War ech beim Rom an der Klass?

Dat eenzegt, wat elo nach gehollef huet, war d’Flucht no vir. An d’Demonstratioun, an d’Walkabinn, an den Examen.