Al cantó de ponent de l´Escola de Santisteve, n´y-ha una clluga, La Clluga de Güerri, tan antiga que ningú no sap quan se´n va fer la paret de pedra seca que la tanca. Per tancar els seus 2000 metres quadrats de superfìcie, La Clluga teniba una paret perimetral de mès o mench 1,50 metres d´alçada, bella alçada mès al cantó del camí de Santisteve a La Poblla de Roda.

Durant les darreres dècades, La Clluga de Güerri va estar sinse treball, exposada al pas del temps, el cllima i tamé del pás dels ramats llocals i bell animal salvache. En tot aixó, La Clluga encá mantin bella part de la paret perimetral en peu, pero molts troços se van espatllar o hei-son sota terra.

Dins dels treballs per arregllar l´Escola, volem chino-chano anar arregllant tamè la paret de La Clluga de Güerri. Isto el farem, com diem, anant fent poc a poc, com se´n fan les coses a Santisteve. Encà que la major part del treball hu farem natros mateixos (la Cèlia i yo), vam obrir la posibillidat de que altres persones tamé vingan a arregllar la paret a través de la pllataforma col·laborativa “Workaway”.

El nostre perfill de Workaway è iste –> https://www.workaway.info/en/host/168146231526, i asti se hei-pot consultar les dates per poder col·laborar, els detalls d´allojament, serveis,…

Si tenetz bella qüestió sobre aixó, tamé mos podetz ninviar bell e-mail a davidmairal@me.com

Mos faría molt contents compartir l´experiència de arregllar la paret de La Clluga, pero tamé l´edifici de l´Escola (encà que trigará en estar-hei habitablle) i Santisteve en cheneral en chent de tot el mon.

Ningú no sap l´antiquitat de l´edifici.

Totes les persones que viuen avui se´n recordan de que l´Escola ja eva astí quan van neìxer. La informació oral diu que l´ùs de l´edifici com escola podese estar desde la dècada de 1920, hasta el mich de la dècada 1970 (1975?), quan va deixar de fer-se servir l´Escola i començar la seua decadència a consequència de l´avandono.

Un rechistre agón podese haver documentació oficial d´antis é l´oficina del Rechistre de la Propietata de Benabarri, pero tot va ser cremau durant la década 1930 (1936?). Desde lavegada, l´informació oficial sobre l´edificio al Rechistre de Benabarri o al Cadastre no en donan guaire informació que millore la del conoxeiment locall. L´edifici é datau al Cadastre a l´an 1919, quan sabem en sertenitat que é més vèll, com vederem més adebán. Ista vía de rechira é, pos, molt tancada.

Altres puestos agón podese trovar-se bella documentació podesen estar: organismes d´educació u atros rechistros civils o del cllero que podesen tinre informació de Santisteve i, en sort, de l´edifici de l´Escola. Istas vías de rechira en-son encá obertes i mereixerán expllorar-se bell día.

En el coneixement oral aturau a la década 1920 i els documents oficials donant-ne no guaire informació més, hu que tenem é el pròpi edifici. Avui l´Escola s´está arregllant, i están sallent pistes que podesen donar-ne més informació.

La primera de totas é que refirmau a la paret nord de l´Escola ny-ha unatro edifici, Casa Andreu. Casa Andreu se´n troba avui gairebé tota espatllada. Per sort, la porta principal encá hei-é, i el seu sobreportall tamé, en una data encá gravada a la pedra: l´an 1875.

Ista data a la porta de Casa Andreu, chunt el fet de que se hei-trova refirmada a la paret de l´Escola, vol dir una cosa: que l´Escola é, com poc d´antis de 1875. Ista informació é refirmada per el criteri técnic de l´arquitecte que dirigeix les obres de re-construcció de l´edifici.

I antis de hei-estar escola, qué ny-haeva?

L´Escola de Santisteve va estar oberta bellas dècadas del sieglle XX, desde la década 1920(?) hasta 1975, quan el llugar va començar a quedar-se guaire vuedo.

Astí a l´Escola va anar la canalla de al mench dos generacions del país: els que van veure els zaguers dies de l´Escola a la dècada de 1970 i la generació dels seus pares. I, parant conta que potser els canvis generacionals podesen estar cada 20 ans, potser que a l´Escola anès bella generació d´antis més encá.

Van ser els pares de la zaguera generació els que van fer un apany a l´Escola de Santisteve, potser al iniçi dels ans 1950, per arregllar la casa de la mestra, que a sovent viviva en bella casa del llugar hasta lavegada. A la casa de la mestra se´n dentraba per unatra porta a la paret de llevant.

La cllase eva a la pllanta primera de l´edifici i se hei-dentraba per una escala feta per fora a la paret llevant. Adijhòs de la cllase eva el ball, al que se´n dentreba per unatra porta a la mateixa paret llevant de l´edifici. A més a més, al cantó nord de l´edifici ny-haeva unatra part separada de tot que se hei-feba servir de magatzèn, en unatra porta apart, tamé al cantó llevant de l´edifici. A la década de 1950, l Édifici teniba 4 portas a la paret llevant, i aixinas va continar hasta ara:

Com vam dir abans, se creu que l´ùs com escola va començar per la dècada 1920, i sabem que l´edifici ja existiva al mench cinc décadas enrere (1870). Pèro quin ùs en va tinre antis de estar escola i l´an quan se´n va fer ningù no hu sap. De l´edat de l´edifici podem pensar que, per el seu estil, materials, pareixiu en altres casas del llugar, podese estar feto a la primera mitat del sieglle XIX, potser tirant a les dècades 1820-30. Ista llìnia de rechira está oberta.

Per el que está sallent ara mentre hu estam arregllant, é que´n teniva unatro ùs i distribució que, ara per ara, nomès podem imaxinar a la pllanta baixa:

La nostra hipótesi només pot ara per ara pllantejar la distribució de la pllanta baixa a la foto d´adalt, sinse anar-hei més enllá (el seu ùs i còm hei-eva a les altres pllantes).

Repllegant tot hu que vam posar a iste articlle, les principals llinias de rechira en son:

Documentació oficial que se podese trovar a administracions d´educació, civils o del cllero, rellacionades en Santisteve;

Rellats orals i conexiement de gent del llugar;

Altres indicis que sallgan mentres arregllam l´Escola.

Si bella persona sap bella cosa més, ragonem!

Anem fent!

El nou rol d´iste bllog será documentar el arregllo de l´edificio de l´antiga Escola de Santisteve. Ista é la tasca que mos va tocar a la meua companyera Zélia i a yo. Un treball d´ans, que esperam donese a l´edifici bells ans més d´existència. Els articllos els farem en la llengua del país, en las seuas peculiaritatz (i dificultatz!) dins de cada llugar. Farem mòltas faltas d´ortografía, hu sabem, pero si totz digo que las llenguas de la Ribagorça se´n trovan com bellas casas del país, potser la nostra aportació encá podese fer algo bon en isto. Farem servir mòlto com referència el llibre “Quan els animal ragonavan. Etnotèxtos del pais de l´Isàvena“, de Gabriel Sanz Casasnovas.

Ara per ara, l´edifici é només que quatre parets, una vegada vam espatllar el llenat i llimpiau totes les runes que teniva adins.

Mos trovan en un edifici de tres pllantas, de perimetro exterior d´uns 100 metres quadrats (exterior) i bells mens, uns 85 interiors. Com dic, é un edifici singullar: amés d´escola, l´edifici s´hy-feva servir com sallón de ball, casa del / la maestra i magasen. Cadasquna d´istas cambras teniva un espai i pòrta(s) pròpia(s), hu que fa que la paret est de l´edifici tingese quatre portas, i una pllanta general de tres nuclleos:

La llista de qüestions a resoldre é animal: amés de hu que dit, ny´han bells desnivells a la pllanta baixa i primèra, el sòl de pèdra, bellas falls a les parets causades per el temps,…

Tot isto hu esperam resoldre al proyecto, ara en redacció, baix els criteris de bioconstrucció, aproveitament dels materials i usos actuals dels edificis.

Com dic, iste é un proyecto d´ans, potser per una vida,… o més!

Començam.

A verdat ye que en ista ziudat viven bella milenta de personas que
charran, antimás de o castellano, una luenga que no se’n charra en
garra atra parti de o mundo que no siga Aragón. Una luenga minoritaria
a la que a suya protezión y promozión ye legalmén obligada España y
todas as suyas administrazions publicas dende 2001 en siñar a Carta
Europea de as Luengas Minoritarias u Rechionals. Tamién en ye porque
asina lo fa establir a Constituzión (art. 3.3: “A riqueza de as distintas
modalidaz lingüisticas d’España ye un patrimonio cultural que estará
ocheto d’espezial respeto y protezión.”), o Estatuto d’Autonomía
d’Aragón (art. 7eno), a Lei 3/2013, de 9 de mayo, d’uso, protezión y
promozión de as luengas y modalidaz lingüisticas propias d’Aragón u a
Lei 3/1999, de 10 de marzo, de o Patrimonio Cultural Aragonés.

O falso ye negar que esistan ixas presonas en Uesca/Huesca como
comunidat lingüistica que adibe carauter propio a la nuestra ziudat.
Presonas que nomás asperan de os suyos vezins que no les discriminen
por sentir u leyer a suya atra luenga, que convivan de traza natural con
o suyo emplego y que l’acubillen, la reviscolen, la fagan vistera
publicamén y metan canziellos ta poder esprisar-se disfrutando de o
respeto y toleranzia propias d’una soziedat plural y democratica. Con
ixo, aduyarán a que perviva como parti de o patrimonio cultural
universal que en ye. Un patrimonio que perteneixe a qui la charra, igual
como a qui no lo fa.

A vergüeña ye avergoñar-se de a suya atra luenga patrimonial y, no aconortando-se con ixe refuse, mantener ixa laquia fendo creixer una bombolla d’una ignoranzia autoimposada y imposada a os de demás y clamando enta la esclusión de tot ixo que no s’acomoda a bel determinau modelo sozial y cultural asimilador y uniformador.

Ista colla de ziudadans y ziudadanas abaixo siñans desiche, por tot lo debandito, que se i tornen os cartels que fan clamadura de a nuestra polida diversidat lingüistica. Encara más: quermos que se i fagan buena ripa de aizions que metan vistera a nuestra luenga y que aduyen a entender-nos como somos, a sustener o nuestro patrimonio lingüistico ta la Umanidat entera y a millorar a convivenzia en o sino d’una soziedat debantera, con respeto y diversa.

Con tot ixo no nomás se complirán as leis en Uesca/Huesca, que estaremos una ziudat millor y millors presonas.

Reproduzión integra d´o post de Jorge Ruiz De Eguilaz R. en Facebook, 24.08.2019, mensache que comparto e agora se publica astí como refirme. Allá va.

“Dizen que importa muito l’inte en o que se i plega a los puestos. Pos Goiat (un onso, que quede platero dende ya, con un comportamiento tan anormal que caldría quitar-lo de l’entorno natural) ye plegato en l’inte preziso ta estar a desincusa, a enchaquia de toz os mals que acosan a lo mundo rural, espezialmén a lo mundo agroganader rural. U ixo ye a lo menos o que se diz dende (cuasi) todas as instituzions rilazionatas con o sector primario d’ista comunidat (*Aragón, aclarazión de l’almenistrador d’o blog). Porque, platero ye, o mundo rural yera un paradiso antis d’a plegata de Goiat, ixo lo sapemos toz/das.

Aparti de chistes malos, que isto ye muito serioso, me pienso que caldría de mirar-se a los culpables aintro d’o mismo rabaño.  Y dende fa muitos años. Y sí, demandar risponsabilidaz a TODAS as almenistrazions, pero por actuazions muitísimo más perchudizials que a reintroduzión de l’onso (porque han pasato prou d’años ta veyer-se as consecuenzias a largo plazo, que os os plantigrados encara no ha pasato), 

Talmén, solo que talmén (ye a mía opinión, y por ixo subchetiva muito luen d’estar verdat de raso), os mayors culpables d’a inevitable (si no se fa cosa) desaparizión d’a ganadería estensiva y que calga buscar-la dentro d’o mesmo sector primario, aintro d’as mesmas asoziazions que en surten cartel en man ta dexisir a retirada de l’onso. Asoziazions an se’n chuntan chicoz ganaders/as y labradors /as d’a montaña y tierra plana, con ganaders/as y labradors/as INDUSTRIALS (porque no’n tiene un atro alchetivo más esacto) estando istos zaguers risponsables directos (chunto con l’amenistrazión que lis baila l’agua…. ) d’o problema prenzipal d’a ganadería estensiva: o pre.

O mercato funziona por a lay d’ufierta y demanda, que ye tamién cambiata por ziertos parametros, muitos d’ers dependiens de l’almenistrazión, pero tamién d’a imachen que tiene o consumidor d’o producto (o que fa que siga disposato/a a pagar más por productos a priori parellanos), etz…Bueno, pos a más cantidat de carne en o mercato, menor pré de venda d’a mesma. A más ganadería industrial, menor pre de venda d’o producto.  Antiparti, se l’adubimos que os que más fazilmén pueden influyir en o mercato en son prezisamén os que más recursos en tienen (a ganadería industrial), bien por publizidat, bien por influyenzia en l’almenistrazión, tenemos que os chicoz ganaders son coda de lión, con o que s’esfurrian as moscas.

Dende a mía anvista, l’agroganadería industrial ye un entrepuz ta la ganadería estensiva (o semi-estensiva, o meni-esplotazions rurals…como bien me puntualizaba un amigo de yo l’atro día, pero me pienso que toz/das sapemos a esferenzia, dillá de nomenclaturas) porque la sangra de contino, y antimás la emplega ta lavar a suya imachen. Cuan  se fabla de benefizios economicos, de seguida aparixen en los meyos grans industrias carnicas. Cuan se quiere fablar d’atros benefizios, os ambientals, a fixazión d’a poblazión…perén aparixen as chicotas esplotazions. Ye l’estigma sangrán d’o mundo rural, fa de decorazión, pero (cuasi) siempre ye pastoreato por os más poderosos (en recursos, en votos, en…)

Si se limitase muito a ganadería industrial, si l’almenistrazión de verdat refirmase a ganadería estensiva, os ganaders de montaña recullirban prez chustos por os suyos animals y tenerban prou de capazidaz ta convivir con l’onso, o lupo o qui estase. Porque ta las uellas que en son istos chicoz ganaders, o verdader lupo, o verdader onso i ye en o suyo mesmo sector primario, aintro d’o  rabaño.  De verdat os aliatos d’a chicota ganadería en son as industrias ganaderas? Esfienden o mesmo? Sería como pensar que as grans cadenas d’otels en son as aliatas d’os chicoz alox rurals u otels familiars. U que as grans constructoras lo son d’as interpresas de construzión locals. No pas, ers tienen o poder y os recursos ta fer lais y mercatos a la suya mida y o/a chicot/a lis bufa la pocha, fueras de lavar a suya imachen . U como ixos labradors/as propietarios/as d’o plano que en demandan más agua ta regar en meyo d’o disierto, como os ganaders /as industrials que abrevan con era os zentenars de mils de bestiar que estricallan o pre d’o d’a montaña, encara que afoguen más vals de montaña, y prou que sí, sin tornar un solo euro en ditas vals. Que os/as que escuitan “país perdido” u “habanera triste” sigan contra l’onso y no pas contra ers/as…triste corporativismo.

Y como pensar que as lais cambiarán ta aduyar al chicot/a ye ser un iluso, yo me pienso que os/as aliaus/as d’o chicot/a ganader/a y labrador cal que sigan en a suya mesma redolada: chicoz/as empresaires y autonomos/as d’os munizipios y redoladas, consumidors zercanos…prebar de fer autusufiziéno territorio ye en o buen sentíu d’o termino. Esferenziar-se d’a agroganadería industrial, fomentar a economía zercular en o propio territorio…tanto a d’o sector primario como d’a resta.

Porque, un atra vez dende a mía anvista, a crexén conzienzia meyoambiental (a la fin, muito tardi y muito aspaziez, pero somos parando cuenta de que cal actuar a escala local, anque os que deziden a escala global no faigan cosa) ye un potenzial aliato d’a ganadería estensiva / semi-estensiva/local/ micro-ganadería (u como calga clamar-la). Se puede michar carne y estar en contra d’a ganadería industrial, no ya por o maltratamient animal, sino por o perchudizial que ye ta lo meyo ambién.

A carne d’istas chicotas esplotazions (continando, ye platero que con bels criterios de calidat ) caldría meter-se en valura ta todas istas personas que piensan asinas, porque eticamén, ye rilazionato con as suyas creyenzias: aduya a mantener o paisache de montaña, fixa poblazión en puestos rurals, a suya crianza ye muito más natural y con millor bienestar ta l’animal, se cría con o menimo de emisions a lo meyo ambién, etz,   Y prou que sí, isto cal que surta d’aintro d’o propio territorio, no pas de más lexos, porque ye un ataque directo con a ganadería industrial.

Ye un camino luengo y duro, prou que sí, pero baxo o mío punto de vista a nuevos tiempos le calen nuevas estratechias y a chicota ganadería cal que faiga autocritica y eslexir o suyo propio camino, lexos d’o bateaguas (que reyalmén ye a retepelo) d’a industria ganadería, u si no bi será abocata a lo mesmo puesto que a mayoría d’os videoclubs, as librerías y editorials de papel, as cabinas telefonicas, os zibercafés y muitos atros.

Ixo si, aliatos/as tiene: os/as suyos/as vezins/as. Y talmén ( de feito soi  seguro) con o tiempo, mesmo l’onso.

Jorge Ruiz de Eguilaz Solanilla»

10 de chulio, 2019. Per María Martín-Calvo

Dimpués de muito deliberar he quiesto empezipiar a mía aventura en iste blog planteyando un marco de reflesión sobre an i semos y an n’imos como espezie, cuals son as nuestras prioridaz, y cuals son as ferramientas y entrepuzes que favorexen u s’interponen en o nuestro camino enta una sustenibilidat global con tres patas: l’ambiental, a economica y a sozial. L’enfoque ye amplo por a complexidat d’o tema, pero aspero que esfrutez d’a lectura.

He sentíu que bi ha una maldizión china que diz: “Sisquiá tiengas que vivir tiempos intresans”, que d’arrancada no parixe una maldizión, y que en reyalidat posiblamén no siga china. Con tot y con ixo, me parixe intresán a suya interpretazión: os periodos en os que se conzentra o cambeo a ormino carrían inzertidumbre, crisis y victimas.  En son intes que os que aparixe l’oportunismo y s’azentuan as diferenzias economico-sozials. Y en son intes en o que o sistema se sobate en capas fundas, y an a coordinazión sozial y l’aplicazión d’estratechias adecuatas se’n tornan espezialmén importans (Lopes, Sachs and Dowbor, 2010).

Actualmén, ye fázil trovar razons que s’enforten en a ideya de que vivimos un d’istos intes. Sólo dende l’ambista ambiental mos enfrontinamos a una ripa de retos cruzials: cambeo climatico, plasticos, perda d’a biodiversidat, espezials invasoras, sobreesplotazión, azetazión d’os ozeanos, contaminazión… Y cadagún d’istos retos interaziona con a resta y en tienen complexidaz inerens. Pero evidentemén, os problemas ambientals no’n son os unicos, y se’n agravan con atros como a superpoblazión, a migration, a salut, as desigualdaz, a economía u os conflictos (Pezzey y Toman, 2002). En l’inte de coordinar esfuerzos caldría buscar a forma d’optimizar-los ta consiguir, en a mida d’o posible, que os benefizios de cada dezisión sigan masimos y os impactos menimos. U a lo menos, en un mundo ideyal, an o nuestro conoximiento plegará an no i plega, u an a nuestra traza d’analizar todas as variables d’o que en tenemos no estiese tan limitata. Manimenos, encara con os datos que en tenemos plateros, no parixe que reazionemos proporzionalmén, o cualo risulta prou frustrán ta la comunidat zientifica.

Fa poco leyí un articlo que buscaba una esplicazión evolutiva a lo porqué, antiparti de tener a seguranza de que esiste o cambeo climatico y de que as suyas implicazions son graus, a nuestra reazión como espezie no se i reflexa. Parixe que fren a la complexidat d’o mundo, difízil de prozesar, buscamos rispuestas fázils y reazionamos millor a menazas directas. Ista forma d’actuar mos ye muito útil ta ser capazes sin fer analís fundos que mos bloquiarban, pero puede no ser prou cuan o problema ye más complexo. Isto s’adube a las nuestras limitazions en l’inte d’entender escalas espazials y temporals amplas u d’evaluar os efectos indirectos de cualsiquier azión. Y prou que sí, a ignoranzia prepotén y a desinformazión, alimentatas en as retes, no aduyan.  A la fin a inerzia a escalas amplas prevaleze , porque perén bi’n ha de problemas a escalas más zercanas, a los que en podemos (u creyemos poder) atrebuyir causas y consecuenzias. Y debán d’a inevitable crisis buscamos culpables que mos ne parixen más plateros: a inmigrazión, os/as pobres, os/as ricos/as, os politicos/as, as multinazionals, os/as americans / anas, a relichión… creyando un ambién de tensión destructiva que perén troba enzurizadors/as. Y aquí o nuestro mundo ideyal se da cara ta un paretón y os/as zientificos/as ploran de ra

Pero bi’n ha de razons ta no reblar. Se gosa dizir que, tamién en China, a palabra cristis tiene o significato dople de perigro y oportunidat, tema que no se cansan de ricordar en os retes, y que tamién parixe ser mentira (o cualo aprofeito ta remerar o importán que ye publicar informato/a). O caso ye que levamos un tiempo ya en iste mundo, y hemos consiguito cosas chocans. Y agora tenemos ferramientas muito más potens; solo que tenemos que echar man d’a informazión zientifica, d’a comunicazión globalizata y d’as alianzas internazionals y fer-las servir en o nuestro benefizio. Son muitos os movimientos que se’n fan a escala internazional levatos por a esperanza de cambeo (como l’obicuo movimiento chobenil Fridays for future), y en han ganado peso politico muitas causas que antis más se’n consideraban secundarias. Pero cal que aprendamos a remar de vez como espezie, y definir qué olas merexen que o nuestro viache s’altere, porque cuan menos agresivos sigan as tuyas tucas y vals d’a nuestra evoluzión más posible será a sustenibilidat

Energía yCambio climático, cooperación internacional, crisis, desarrollo sostenible, globalización, medio ambiente, objetivos comunes, retos globales, sostenibilidad, sostenibilidad global, tiempos interesantes,transición socioeconómica
Enerchía y Meyo Ambién, Sustenibilidat y RS, Cambeo climatico, cooperazión internazional, crisis, desembolique sustenible, globalizazión, meyo ambién, ochetivos comuns, retos globals, sustenibilidat global, tiempos intresans, transizión sozioeconomica

1 de chunio, 2019. Per César Mairal

Presentazión de César Mairal, profesor d’anglés en o CEIP Odón de Buen (Zuera). Chinero 2019.

Contenito d’a presentazión:

• Caracteristicas y benefizios de l’Aprendizache Basato en Proyectos (ABP)
• Fases de desembolique d’un proyecto
• Fases a siguir ta entender un proyecto
• Ferramientas y estratechias para l’adquisizión d’abilidaz y a suya integrazión en o proyecto
• Diseñar un borrador de proyecto fendo servir a «Plantilla ta o diseño de proyectos»

Documén en PDF ta escarga

O siello RSA ye a visualizazión d’a zertificazión d’os profesionals e interpresas que en cumplen con as condizions d’o esquema¹. Tiene iste aspecto:

A primer vez que me informé en detalle sobre o plan RSA estió grazias a la interpresa JCV Shipping que, en un paso más aintro d’a suya fortal trayectoria interpresarial, obtenió o siello RSA fa bels meses. Si querez conoxer e continar un caso d’esito sobre management basato en alchuntar nuevos paradigmas de chestión d’o cambeo, transformazión dichital, risponsabilidat sozial e sustenibilidat, JCV ye un esemplo aragonés alazetal.

En zaguerías de 2017, s’anuzió a creazión d’o siello RSA+ que atorgará reconoximiento a organizazions con rendimiento avanzato en dembas como: voluntariato, igualdat, conziliazión u espardidura d’a cultura d’Aragón².

Manimenos, por denzima d’una almirable contrimuestrazión, espardidura o una azertata imachen de marca (o ” siello”) que tamién son importans, a autentica valura d’o esquema RSA ye en o suyo conzepto como estándar de chestión d’as organizazions, parellana en muitas dembas a modelos de zertificazión globalmén reconoxitos en materia de sustenibilidat e risponsabilidat sozial corporativa:

• Un “Declarazión de Compromís” que todas as organizazions e profesionals partizipans cal que acepten como condizión previa y que queda publicata chunto a la base de datos a la que se fa referenzia más abaxo;
• Un cuestionario que cal cumplimentar por parti de todas as interpresas e profesionals partizipans en o plan, como valurazión d’o rendimiento en risponsabilidat sozial;
• As grans interpresas, interpresas publicas e grans entidaz no pas lucrativas caldrá antimás que desemboliquen una Memoria de Risponsabilidat Sozial;
• Os cuestionarios/valurazión en son visuratos por consultors e analizatos por un comité (“Mesa RSA”) ta determinar a obtenzión d’os siellos RSA correspondiens;
• Una base de datos queda publicata con azeso libre ta consulta de todas as memorias e cuestionarios feitos por interpresas e profesionals;

Se trata d’una proposa de zertificazión e verificazión parellana a la que pueden tener estandars como o Global Reporting Initiative (GRI) con, ixo sí, bellas condizions tecnicas -a lo menos en o caso d’o cuestionario ta profesionals- no pas tan completo como as memorias de sustenibilidat GRI. Y meso al alcanze de cualsiquier interpresa u profesionals, por meyo d’un azertato programa de formazión y suporte.

Ta un blog como iste, con versión en luenga aragonesa dende fa más de tres años, ista ye una oportunidat de millora estratechica e posizionamento en Aragón que, en o mío rol profesional de consultor e auditor, que curiosamén me cal en a mía propia tierra

En a tarcheta de felizitazión que he eslexito iste año, he quiesto ripresentar -prebando de fer anvista nadalenca-, beluns d’os temas d’os que en trata o blog: enerchías esviellables, naturaleza, estilo de vida prebán; desembolique sustenible en cheneral. Asinasmesmo, una d’as caracteristicas d’o blog que iste año 2017 s’ha reforzato (y asinas continará estando o benién año), que ye a publicazión en tres luengas: castellano, anglés y aragonés.

Por ixo, goyosas fiestas y sustenible año 2018…

Goyosas fiestas!

Happy holidays!

Felices fiestas!

As prenzipals conclusions d’ista campaña mostran que a poblazión activa en Europa se troba en prozeso d’abiellamiento y a edat ofizial de chubilazión ye puyando. Ta las interpresas e organizazions, o cambeo demografico que afecta a la poblazión activa presenta numerosos retos, como o feito de que o 27% d’os treballadors/as considere que no podrá continar en o suyo puesto de treballo actual cuan aiga feito os 60 años. Antimás de sensibilizar sobre os retos a los que s’enfrontina una poblazión activa europea en prozeso d’abiellamiento, a campaña tamién ha consiguito fazilitar l’azeso a soluzions practicas, churidicas e politicas que premiten abordar-los.

Os datos dizen que as campañas de l’Achenzia van consiguindo cada vez más vitalidat: ista zaguera campaña alchuntó un numero record de sozios/as ofizials e colaboradors meyaticos, e sirvió ta zelebrar o 20 cabo d’año de l’almirato personache animato de l’Achenzia, Napo.

Dende ixe inte, a maquinaria de l’Achenzia e treballando en a suya benién campaña 2018-19 que será adedicata a las sustanzias perigrosas con l’ochetivo d’agrandir a sensibilizazión e promover una cultura de prevenzión en os puestos de treballo de toda a UE e antimás zentrará l’atenzión en collas espezificas de treballadors/as. Os ochetivos prenzipals d’a campaña en son:

• Agrandir a sensibilizazión sobre a importanzia de prevenir os perigros que en presentan as sustanzias perigrosas, o que aduyará a esfer malentenditos comuns;
• Fomentar a evaluazión de perigros por meyo d’a provisión d’informazión sobre ferramientas practicas y a creazión de oportunidaz ta compartir buenas practicas;
• Agrandir a sensibilizazión sobre os perigros rilazionatos con a esposizions a achens carzinochenos en o treballo, por meyo d’o refirme de l’intercambeo de buenas practicas; a EU-OSHA ye siñán d’o pacto de compromís con a Fuella de ruta d’a UE sobre carzinochenos;
• Enfilar-se a los/as treballador/as con nezesidaz espezials e más esposatos/as a lo perigro (mullers, treballadors/as migrans, chovens/as, treballadors/as con mayor perigro por o sector a lo que en pertenexen u a lo treballo que en fan, treballadors/as temporals e treballadors/as d’a economía informal), fazilitando informazión adaptata a cada caso, asinas como exemplos de buenas practicas;
• Agrandir o conoximiento sobre o marco lechislativo que ya s’aplica ta protexer a los/as treballadors/as y estacar a evoluzión d’as politicas.

A cuenta ta zaga ta l’estreno d’a campaña #EUhealthyworkplaces adedicata a las sustanzias perigrosas ya ye en marcha e, con suerte, iste blog tornará a estar implicato como colaborador meyatico en a campaña.

A versión aragonesa d’o blog naxió – y asinas contina estando ue – como rispuesta a una compleganza de valors personals e intreses profesionals. En primer puesto, ye un refirme personal a lo patrimonio aragonés, en o que a luenga aragonesa tiene un puesto estacato. Iste blog pretende contribuyir a lo patrimonio aragonés, alportando literatura sobre desembolique sustenible en luenga aragonesa.

En segundo puesto, e talmén más importán, porque l’emplego d’una luenga local, en temas tan tecnicos y d’ambito global como os que se’n tratan en una comunidat, por o propio alcanze economico, meyoambiental e sozial d’o conzepto actual de sustenibilidat.

Antiparti d’a suya ambista sozial, a luenga aragonesa ye un motor economico con un gran potenzial. Pensemos en l’actividat economica alredol d’o bucle que forman una demanda crexién de personas intresatas en o suyo aprendizache, y una ufierta radita de profesors/as, zentros de formazión, autors/as, editors/as, publicazions, ezetera. L’impacto economico e sozial de l’aragonés ye, en o contesto actual de desembolique Zaragoza – resta d’Aragón, un elemento de codesión d’o territorio. Firme desembolique sustenible. Qui quiera fablar con risponsabilidat de sustenibilidat en Aragón, cal que tienga en cuenta o refirme dezidito por a suya cultura, por a suya luenga.

Por ixo, iste blog sobre desembolique sustenible tiene una versión en aragonés. Y como nuevo impulso mutuo entre blog y a luenga aragonesa (una win-win situation), dende fa bellas semanas Aragon Valley ye colaborador con a iniziativa “Agora por l´aragonés” d’o Gubierno d Aragón. Ontinar ya ye identificato en o mapa de colaboradors d’a iniziativa

Y o más importán, continaremos publicando articlos en versión aragonesa, que en quedarán incorporatos a la literatura en o Rete sobre desembolique sustenible.

O diya Chueves 21.Set.2017, a cuenta en Twitter d’o Instituto Aragonés de Seguranza e Salut Laboral (ISSLA) sorprendió con iste tweet (clic en a imachen t’azeder a lo tweet orichinal e lo video que contiene):

Fuen: (“ISSLA on Twitter,” n.d.)

Analizato dende l’anvista d’o emplego cheneralista de retes sozials, o tweet puede parixer un más aintro d’os continos videos-fotografías-testos d’entima que en abundan cada vegata más en os nuestros timelines.

Sin dembargo, calato en l’ambito online aplicato a lo campo d’a seguranza e salut, ye toda una lumineta comunicativa, zercano a las practicas en a comunicazión que en continan bellas organizazions líders en SST e cultura preventiva en o mundo.

O que tiene d’espezial o tweet no ye poco: trazudo emplego d’un meyo de comunizazión d’alcanze masivo, ta denuziar publicamén una practica muito concreta e inazeptable en a industria (un treballo en altaria sin prou de midas de seguranza) y espardir un prozedimiento de raso azeutato por parti de l’Istituto (ature de treballos).

Ista mena de publicazions-denuzia tan concretas -que pueden estar muito adecuatas e de feito en son practica normal de muitos ambitos profesionals e personals- son difízils de veyer en España prozediendo d’organizazions rilazionatas con a seguranza e salut, e muito menos tratando-se d’un organismo publico. Por ixo, aintro d’ixe contesto, o tweet d’o ISSLA tiene un componén d’esvielle importán.

Sin dembargo, a ran global aintro d’o campo d’a SST, dende fa muito tiempo ye muito normal trobar publicazions-denunzia parellanos prozedens de organismos importans que en operan en entornos d’estandars de seguranza e salut estacatos. Un d’os casos más significativos ye o de H.S.E. -organismo britanico regulador d’a seguranza e salut laboral-, que tiene de raso integrata aintro d’a suya estratechia de comunicazión a publicazión d’incumplimientos d’a normativa por as interpresas y as correspondiens actuazions de l’almenistrazión (Mairal, 2012). Una contrimuestra masima de transparenzia, enfiladura e saper fer profesional, de raso en continidat e retroalimentador d’a competitiva anvista de cultura preventiva en o que treballa (Mairal, 2015). O tweet d’o ISSLA achunta todas istas cualidaz, y poderba perpectamén cumplir os requisitos d’ista dexisén anvista.

L’emplego intelichén d’as ferramientas de comunicazión e informazión pueden enamplar cheometricamén os propositos que se’n acazan con os tradizionals prozedimientos almenistrativos (sanzions, piñoras, demandas….), en conzepto de sensibilizazión sozial, influyenzia en os prozesos e dezisions estratechicas aintro d’as interpresas u implicazión d’os treballadors/as.

Norabuena a lo ISSLA por a suya azertata publicazión en Twitter, que asperamos siga indizio de (u se faiga servir ta planteyar) una estratechia de comunicazión d’esito.

Fa bellas semanas, Ikea lanzó o suyo nuevo sistema domestico de panels solars e almazenamiento por baterías. Al parixer, o sistema d’Ikea no parixe aportar cosa revoluzionaria a lo sector d’as esbiellables en terminos de tecnolochía u formulas de finanziazión. O factor esferenzial d’a notizia ye en a simpla incorporazión de sistemas domesticos, autonomos d’enerchía a l’esitoso conzeuto de producto, diseño senzillo y pre azesible que caracterizan a Ikea. Un feito que puede marcar significativamén o modelo enerchetico d’as casas nuestras.

Sistemas solars bi’n ha muitos dende fa tiempo, cada vegada más efiziens tecnolochicamén e rentables economicamén (Dans, 2015). Con mayor u menos complexidat, se’n pueden veyer instalatos en muitos puestos: edifizios nuevos con os zaguers avanzes, cabanas basicas en l’atra punta d’o planeta, mesmo personas movendo-se por o mundo en bizicleta. A ufierta de kits de chenerazión e almazenamiento d’electrizidat ye anguniosa, e azeder a un sistema adecuato puede estar senzillo.

Sin dembargo, fren a iste eszenario favorable, encara esisten entrepuzes d’entrata que en son privando l’azeptazión d’istos sistemas a ran domestico. Antiparti de l’entorno lexistativo/regulatorio establexito en muitos países, que chenerosamén se puede calificar como increyible (iste ye tema ta tratar aparti) o zierto ye que, dica agora, os sistemas disposables tamién en tienen bella dificultat en l’inte d’o suyo calculo, instalazión u mantenimiento. Ta eslexir, instalar e mantener un sistema d’ista mena s’amenista conoximiento e abilidaz que no todas as personas en tienen, y cal contar con os espezialistas, con tot o que isto suposa (augmento d’o pre…). Antimás, dica l’aparizión d’as baterías de Tesla, os sistemas d’almazenamiento risultaban masiato fozíns e perigrosos como ta integrar-se bien en muitas casas.

Fueras de l’entorno lechislativo, o kit solar d’Ikea puede risolver parti d’istos buedos:

• estar asequible a la mayoría de casas;
• estar senzillo d’eslexir e integrar en as casas;
• un sistema escoscato, de fázil mantenimiento, y emplego seguro.

Por l’inte, o sistema d’Ikea ye disposable solo en UK, pero a visión de panels solars, baterías en as casas nuestras e lo conzepto en cheneral d’a enerchía, estarán esferens cuan los ne veigamos en o benién Catalogo d’Ikea. A sensazión de que se podrá tener una instalazión d’enerchía solar en casa nuestra, con a fazilidat parellana a montar una librería Billy. Un punto d’inflexión que puede azelerar a endrezera enta un modelo enercheticamén más sustenible, manimenos as entrepuzes que bellas personas meten.

En dos meses que levo con o mío nuevo rol como auditor, una d’as oservazions más plateras y rapedas que soi trovando ye a importanzia estratechica que os planteyamiens de sustenibilidat y RSC en han alquirito ta ras organizazions que han eslechito ista mena d’esquemas. No me refiero solo que a l’impauto que a implantazión d’istos sistemas tiene ta ra propia estructura interna d’a organizazión, sino que tamién a ra balura y puesto esferenzial en o suyo respeutibo seutor. En l’autual entorno sozial, normativo y de mercato, as interpresas y organizazions con modelos de sustenibilidat y RSC maduratos se´n trovan en una posizión d’esclatera ventacha competitiva.

A efeutos de conoxedura d’as organizazions, as auditorías funzionan como chicoz estudeos transversals (cross-sectional case studies). Ye dizir, estudeos de caso de curta durada trestallatos en varias fuens de datos (interpresas) que fazilitan una anvista rapeda d’esferens puntos de prozesos superiors (Jankovicz, Farrell, & Wallace, 2016). E ista anvista ye o que se consigue prezisamén al auditar baxo os estandars de sustenibilidat y risponsabilidat sozial, en o mío caso caso GRI-G4 e Initiative Clause Sociale (ICS), inspirata en o standard SA8000.

O simple feito de que una organizazión s’achuste a una auditoría d’ista mena ye, de normal, un esclatero indizio d’una chestión y una estructura desixén con era mesma y competitiva aintro d’o suyo seutor. En Europa y más que más en España, pocas son as interpresas que ue pueden planteyar-se sisquiera sosmeter-se con guaranzia d’esito a una auditoría de sustenibilidat u risponsabilidat sozial. En o caso español, una estructura interpresarial dominata de raso (a ro 99%) por treballadors/as autonomos/as, micro interpresas y chicotas interpresas, no ye o tarabidato ideyal ta establexer ista mena de modelos de chestión prenzipians y enantatos, más aplicables y oportunos ta grans interpresas, d’ambito más que más global y autibidaz d’impauto economico, sozial y meyoambiental importán (“Cifras PYME,” 2017) (“Business economy – size class analysis,” 2015)

Prenendo como referenzia datos importans como o numero d’informes de sustenibilidat rechistatos por o Global Reporting Initiative (33.828 informes, a Jun.2016) (“GRI’s Annual Report 2015-2016,” 2016) u ro numero d’interpresas zertificatas baxo l’estandar SA8000 (3.799 interpresas, a 29.chun.2017) (“SA8000 Certified Organisations,” 2017), s’oserva que a proporzión d’organizazions baxo ista mena d’esquemas ye radito.

A sustenibilidat y a risponsabilidat sozial son modelos de chestión amplamén apreziatos e reconoxitos por a soziedat en cheneral y os consumidors en particular, por as propias interpresas y organizazions en cheneral, refirmatos y promobitos por a normativa y dezisions en a mayoría de países fortals.

En iste contesto cuantitativo, parixe lochico pensar que as organizazions incorporatas a iste zerclo d’eszelenzia radita deberba esfrutar d’una situazión d’esferenziazión y ventacha competitiva en o suyo seutor, más que más pendiendo d´a suya grandaria e impauto son más raditos (micro, chicotas, interpresas meyanas).

As auditorias, como chicoz pero completos estudeos de caso esploratorio d’as organizazions, confirman ista situazión a un ran cualitativo: casos de chicotas y meyanas interpresas que, en rispuesta u prevision a ro suyo entorno economico, sozial y meyoambiental, se proyeutan enta planteyamiens de sustenibilidat y RSC difízils de veyer en interpresas muito más grans y con estructuras muito más complicatas. Interpresas con una valura esferenzial d’a que ya se’n son benefiziando con respeuto a ros suyos competidors.

2017 ye, por tanto, o 60 cabo d’año d’o BBC. Iste importán feito se ye zelebrando iste año con una serie d’autibidaz diversas como eventos, esposizions, ufiertas espezials de suscrizión, edizión de publicazions en varios formatos (peliculas istoricas, un archivo con material istorico, un calandario de mesa, una sezión adedicata en a web d’o BSC).

Pero estacando entre istas iniziativas bi ha una obra eszezional que pasará a ra istoria no solo que d’o British Safety Council, sino que antimás como una alfaya en l’aria d’a Seguranza y Salut a ran mundial: iste ye o libro rememorativo d’os 60 años d’o BSC…

O libro ye alazetalmén un argüelloso omenache a ro fundador d’o BSC, James Tyer y a ra istoria, esitos y trayeutoria d’a organizazión (Esbester, 2017)

Alchuntando gran cantidat de material grafico, o libro traza o desembolique d’o British Safety Council en fotografías que amuestran a influyenzia que prebó de tener (o BSC) en os cambeos economicos, politicos y en a vida sozial d’o país en istos 60 años (“Celebrating 60 years of the British Safety Council | British Safety Council,” n.d.)

Se trata d’una edizión de tapa dura en gran calidat que presenta imachens ripresentazivas de posters istoricos, informes, borradors de documentos, notas escritas a man, cartas, anuzios publicatos en os meyos, documentos y archivos, campañas, fotografías, ricortes de papels y revistas, ezetera. Una estraordinaria triga de l’archivo dichital nombrato anteriormén ye disposable en l’adresa https://www.britsafe.org/the-archive/

Si yes intresat@ en o libro, puedes contautar con Iris Cepero (Head of Communications and Editor of Safety Management magazine del British Safety Council), correo-e: publications@britsafe.org.

Astí, bels esemplos presos d’o libro, amostrando l’avanzato, mesmo estricallador planteyamiento d’a organizazión en a demba d’a Seguranza y Salut (por custions teunicas, dixo os piez de foto en a luenga orichinal d’iste articlo, anglés):

Simplamén, grazias a ro British Safety Council por ista obra mayestra, que merexe un puesto destacato en a literatura y librerías de SST.

O titulo d’iste articlo ye literalmén preso d’o libro zagueramén publicato por Thomson Reuters Aranzadi con a enfiladura de Guillermo García González y Carmen Soler Pagán(García González & Soler Pagán, 2016), y que estió ofizialmén presentato en Madrid o Día Mundial d’a Seguranza y Salut o zaguer 28 d’abril.

Aintro d’os modelos de produzión industrializatos, fa decadas que s’oservan indizios d’o que ue se conoxe como “interpresa saludable”(Mairal, 2014): aquera en a que os treballadors/as y o presonal superior colaboran en a aplicazión d’un prozeso de millora contina ta protexer y espardir a salut, a seguranza y o bienestar de toz/todas os/as treballadors/as y a sustenibilidat d’o puesto de treballo(Organización Mundial de la Salud, 2010).

Sin dembargo, en cheneral iste plateyamiento de chestión orientato enta ra salut total, o bienestar y a sustenibilidat no estió predominán en as epocas suzesivas d’o sieglo XX, ni en Europa, -fueras de bella eszeuzión(Mairal, 2015a)– ni en España muito particularmén, an numerosas e importans vozes i cuestionan a contribuzión d’o modelo, implantato en a Lai de Prevenzión en a deseyata cultura preventiva(Castejón, 2017).

Ha estato a partir d’os zaguers años -decada de 2010- cuan se’n han empezipiato a evidenziar as primeras muestras solidas de chestión orientata a ra salut y bienestar individual y coleutiva d’os treballadors/as(Mairal, 2015b). O modelo d’interpresa saludable ye una d’as más estacatas.

En una edizión funzional, pincha y que ulora a calidat por toz os puestos, iste libro constituye una recopilazión de balura de casos fundadors d’implantazión esistosa de modelos d’organizazión saludables. Alazetal en a bibliografía sobre interpresa saludable en España.

Muitas organizazions desembolican azions ta enfilar a biellez d’os treballadors/as d’as interpresas:  campañas ta enfrontinar TME, programas de salú t’amillorar o bienestar u en o tocante a ros periglos sicolozials. Pero pocas consideran istas azions con una ambista estratéchica/olística importán, coneutando o compromís d’os altos echecutibos con o compromís y a partizipazión d’os/as treballadors/as. Atlas Copco ye una d’ixas interpresas y por ixo o suyo presonal se beye chubilato en a interpresa.

Fa semanas, tenié a oportunidá de besitar a fabrica Atlas Copco en Zaragoza. Astí, conoxié a Jorge Ortiz,  o Coordinador de Seguranza, Meyo Ambién e Calidá.

Cal dizir que o puesto ye estraordinario desde o prenzipio, en o tocante a l’orden, escoscadura y a organizazión d’o treballo. Bien, isto yera correuto, pero o que yera buscando yeran buenas prauticas reyals rilazionatas con o tema d’a campaña d’a EU-OSHA: a chestión d’a edá. Y sí, las ne trobé en Atlas Copco en forma de sobrebuenas midas e programas. Pero trobé muito más que ixo… 

Cuan Jorge empezipió a suya presentazión, o primer lema que aparexió al canto d’o logotipo d’a interpresa estió “produzión sustenible-risponsable”, y o primer mensache estió direuto: A nuestra edá meya ye de 39 años. Istos dos detalles escubren muito más que as mesmas zifras: a interpresa poderba haber eslexito muitos d’os mensaches deseyatos rilazionatos con a eszelenzia con os que ser identificatos, como a calidá, a marca d’alcanze global u bien un rendimiento dominán. Pero no pas, prefieren estar reconoxitos por os suyos balors sustenibles e risponsables. Más que a suya estraordinaria fegura -39 años ye a edá meya d’o presonal- ye n´o feito de que l’abiellamiento se considera un tema zentral en as politicas de a compañía. Conoxes bella interpresa que se presenta asinas? “Ola, somos Atlas Copco y tenemos 39 años”.

Dezaga d’ista bien planeyata primera impresión mostrando compromís e conzienzia a ran de l´alta almenistrazión, Atlas Copco profés que tiene implementatas barias midas, campañas y programas que pertenexen a ra dimensión teunica típica d’a salú ocupazional, con una influyenzia direuta en o bienestar d’o/a treballador/a.

Entre istas buenas prauticas, puedes trobar:

• Condizions d’os achustes d’os furnidors y ordens de merca que en establixcan a entrega de cualsiquier material de manipulazión manual en paquetes d’un peso masimo de 15 kg y a obligazión de nimbiar os paquetes seguntes a suya manipulazión en os locals d’Atlas Copco;

• autibidaz, cursos e sesions informatibas de costumbres saludables, bi encluyendo a finanziazión de barias soziedaz esportibas afizionatas.

• un plan de refirme de o negozio seguntes o que en caso d’ature de l’autibidá e menaza t’o negozio por un feito importán que no s’asperaba, a interpresa puede tornar a ra suya autibidá en menos de dos meses y estar de raso operatiba en un año, cualsiquiera que siga a menaza u ebento que faiga l’ature;

• o clamato “Programa d’Estilo de Bida Sustenible”. Iste programa probiene d’o compromís con os/as treballadors/as d’Atlas Copco y ye escrito en a politica de Seguranza, Salú y Meyo Ambién. “Atlas Copco se compromete a prebenir a contaminazión e proporzionar un ambién de treballo seguro y saludable ta toz/todas os/as treballados/as”

Thanks to this program an absenteeism reduction of more than 40% and some other benefits have been achieved. For further information regarding this programme you can follow this link:

Grazias a iste programa s’ha consiguito una reduzión d’ausenzias laborals de más d’o  40% y bels atros benefizios. Ta más informazión sobre iste programa puede siguir iste enlaze: 

http://insht.es/InshtWeb/Contenidos/Documentacion/ACT%20FORMA%20Y%20ACT/…

Some of these measures become evident when you walk through the Atlas Copco plant, especially the elegant trolleys filled with fresh fruit at free-disposal of the workers in every rest area (see photo). But what was really impressive during the tour, was to have informal conversations with different workers of the company and listen them to say randomly: “I want to retire in this company”. The workers’ engagement and participation is the keystone that closes the loop and the ultimate evidence of successful age management at Atlas Copco.

Bellas d´istas midas se beyen esclateras cuan se recorre a planta d’Atlas Copco, más que más os pinchos carrez plens de fruita fresca de gufaña ta os/as treballadors/as en cada aria d’escanso (beyer foto). Pero o que estió reyalmén impresionán n´a chira, estió charrar de traza informal con esferens treballadors/as d’a interpresa e sentir-los dizir casualmén: “Quiero chubilar-me en ista interpresa”. O compromís y a partizipazión d’os/as treballadors/as ye a pieza alazetal que tranca o bucle y a preba definitiba d’a buena chestión d’a edá d’Atlas Copco.

Norabuena!

O formato d´as presentazions, o material entregato y o concurso proposato á l’alunnalla partizipán, ye o mesmo que en edizions zagueras y ye esplicato en esta dentrata(1), en a que i aparixen también as 13 escuelas que, en primeras, iban á estar as bi encluyitas en o programa. Digo “en primeras”, porque á FLC-Aragón ha decidito enamplar l’alcanze ta atros 7 zentros más.

Asinas que, si yes en bella traza embrecat@ en un zentro educatibo en o que podese intresar a iniziatiba y quiers más informazión, mete-te en contauto con yo por meyo de o correu-e davidmairal@me.com o de o telefono 654 49 94 94 (No lo dixes estar, porque ye muito probable que as 7 iscrizions disposables se’n reserben en porquers días!).

Escuelas partizipans y calendata programata ta ra presentazión:

• CEIP Fraga III – Fraga (Uesca), 8.nob.2016;

• CEIP Ramón Sainz de Varanda – Zaragoza, 9.nob.2016;

• Colechio Rural Agrupado (C.R.A.) del Ebro – Belilla, 10.nob. 2016;

• Colechio Rural Agrupado (C.R.A.) del Ebro – A Zaida, 10.nob.2016;

• Colechio Rural Agrupado (C.R.A.) del Ebro – Chelsa, 11.nob. 2016;

• CPEE Gloria Fuertes – Andorra (Teruel), 14.nob. 2016;

• CEIP Ramón y Cajal – Alpartir (Zaragoza), 15.nob. .2016;

• CEIP Miraflores – Zaragoza, 16.nob.2016;

• Colegio Rural Agrupado (C.R.A.) Alta Ribagorza – Benás (Uesca), 17.nob.2016;

• Colegio Rural Agrupado (C.R.A.) Alta Ribagorza – Castilló de Sos (Uesca), 17.nob.2016;

• CEIP Recarte y Ornat – Zaragoza, 22.nob.2016;

• CEIP Emilio Calvete Moreno – Zaragoza, 23.nob.2016;

• CEIP Catalina de Aragón – Zaragoza, 24 y 25.nob.2016.

• CEIP D. Pedro Orós – Movera, Zaragoza, 28.nob.2016;

• C.R.A. Bajo Gállego – Ontinar de Salz, 25.nov.2016;

• CEIP D. Pedro Orós – Movera, Zaragoza, 28.nov.2016;

• CEIP Odón de Buen – Zuera, Zaragoza, 29.dic.2016;

• C.R.A. Bajo Gállego – Leciñena, 01.dic.2016;

• C.R.A. Bajo Gállego – Perdiguera, 01.dic.2016;

• CEIP Galo Ponte – San Mateo de Gállego, Zaragoza, 02.dic.2016;

• CEIP Recarte y Ornat (2º turno) – Zaragoza, 13.dic.2016;

• C.R.A. Alto Gallego – Sallent de Gállego, 21.dic.2016;

• C.R.A. Alto Gállego – Pandicosa, 22.dic.2016.

Ista edizión de 2016 sigue un formato parellano á ro de a campaña de l’añada zaguera: presentazions —en clase— á l’alunnalla en zentros aragoneses d’educazión primaria (más que más, anque con a flesibilidá demandata por cada zentro), con a enchaquia de conzienziar á l’alunnalla sobre seguranza y salú, establexendo semellanzas entre os perigros que se’n pueden trobar en a demba de a costruzión y os perigros de casa á ros que ers en pueden estar esposatos(1).

Ta isto, cada presentazión –de bels 45 menutos de durazión– consistirá en una esplicazión de nozions y conzeutos alazetals de seguranza en o treballo, con una esclatera conesión y asoziazión con situazions de o día á día que se’n debaten con l’alunnalla (fainas de casa, bricolache, treballo en a escuela, seguranza bial como usuarios de as bías publicas, situazions que beigan en os meyos de comunicazión,…), de traza que os partizipans -bi incluyitos o presonal y profesors de o zentro- se troben familiarizatos con istas dembas y motibatos á ficar chicotas rutinas de seguranza en o suyo desembolique.

Como en a zaguera edizión, se trata d’una autibidá de gufaña ta ros zentros d’amostranza. Á la fin de cada presentazión, os escolanos partizipans recullen un chicot ricuerdo en forma de material d’emplego escolar y se lis proposa un concurso consistén en un treballo rilazionato con o tema (seguranza&salú), que ye balorato por un churato independién, premiando á ros tres millors treballos indibiduals recullitos en todas as escuelas.

Ista begata, as presentazions i plegarán á un lumero estimato de 600 alunn@s, (en a edizión de 2015, estioron 444) d’istos 13 zentros d’amostraza d’Aragon (3 zentros más que l’añada zaguera 2015):

• CEIP Fraga III – Fraga (Uesca), 8.nob.2016;

• CEIP Ramón Sainz de Varanda – Zaragoza, 9.nob.2016;

• Colegio Rural Agrupado (C.R.A.) del Ebro – Belilla, 10.nob.2016;

• Colegio Rural Agrupado (C.R.A.) del Ebro – A Zaida, 10.nob.2016;

• Colegio Rural Agrupado (C.R.A.) del Ebro – Chelsa, 11.nob.2016;

• CPEE Gloria Fuertes – Andorra (Teruel), 14.nob.2016;

• CEIP Ramón y Cajal – Alpartir (Zaragoza), 15.nob.2016;

• CEIP Miraflores – Zaragoza, 16.nob.2016;

• Colegio Rural Agrupado (C.R.A.) Alta Ribagorza – Benás (Uesca), 17.nob.2016;

• Colegio Rural Agrupado (C.R.A.) Alta Ribagorza – Castilló de Sos (Uesca), 17.nob.2016;

• CEIP Recarte y Ornat – Zaragoza, 22.nob.2016;

• CEIP Emilio Calvete Moreno – Zaragoza, 23.nob.2016;

• CEIP Catalina de Aragón – Zaragoza, 24 y 25.nob.2016.

Anque as iscrizions ta ista edizión ya se i troban cubiertas, si yes de bella traza embrecat@ en un zentro educatibo en o que podese intresar a iniziatiba y quiers más informazión, puedes meter-te en contauto con yo á trabiés de o correu-e davidmairal@me.com, por telefono 654 49 94 94, u enfilar-te á ra FLC-Aragón.

Referenzias:

Os antezedens  á iste analís -aintro de a resta de o proyeuto- en son:

Sobre os menzionatos alazets, iste analís de caso pretende confirmar iste binclo y comprebar que o desembolique sostenible puede fer alportazions baliosas á os prozesos de conoxedura establexitos en las organizazions.

Analís de caso 1: replega, almazenamiento, estruturazión y emplego de datos masibos (big data) de conzentrazión de CO2 en un puesto trancato

• en conzentrazions de 350 á 1000 ppm en un puesto trancato, a calidá de l’aire se considera azeutable;

• en conzentrazions de 1000 á 2000 ppm, a calidá de l’aire se considera baxa:

• conzentrazions de 2000 ppm á 5000 ppm, empezipian a causar problemas (dolor de tozuelo, insonnio, ansias). Ye aire embiziauto;

• conzentrazions á partir de 5000 ppm, cambean a presenzia d’atros gases presens en l’aire, fendo-se un atmosfera tosica u defizién en osigen de consecuenzias fatals seguntes puya a conzentrazión.

Por ista dople demba meyoambiental (global) y de salú laboral (y presonal) y por o importán impauto de a suya conzentrazión, o diosido de carbono risulta un adecuato elemén ta un analís de caso.

A estazión meteoroloxica NetAtmo ye un sistema eleutronico de consumo, alazetau en o conzeuto de big data, que costa de barios sensors capables de medir (NetAtmo, 2016):

• temperatura ambién en un rango de -40 á 65°C, con una marguin d’error de +/- 0.3°C;

• umedá de 0 á 100% con una marguin d’error de +/-3%;

• presión atmosferica en un rango de 260 dica 1160 mbar, con una marguin d’error de +-1 mbar;

• co2 presén en l’ambién en un rango dende 0 dica 5000 ppm (partis por millón) con una marguin d’error de +/- 50 ppm u +/-5%;

• rudio ambiental en un rango de 35 dB dica 110 dB;

• endiz de calidá de l’aire en l’atmosfera parando cuenta de os contaminans más determinans: partículas (PM10 y PM2.5), diosido de nitroxeno (NO2), ozono (O3), monosido de carbono (CO) y diosido d’isufre (SO2). Istos datos no en son medidos por a propia estazión, si no que en son os que reculle de o proyeuto europeyo CITEAIR (Informazión Común sobre l’aire en Europa).

MicroStrategy ye una plataforma alazetata en business intelligence y analís preditibo, ta la busca, captura, almacenamiento, compartizión y emplego de grans cantidaz de datos, big data (MicroStrategy Inc., 2016).

O prozeso consistió en:

A fegura 1 amuestra ripresentazions en formato “heat map” (Wikipedia, 2016) de as metricas agrupatas baxo l’atributo “ora”, deseparatas por trimestres:

• conzentrazión de CO2 redondeata a multiplos de 50 ppm, ripresentata por a grandaria de cada fratal;

• temperatura meya en ºC, ripresentata por a color (berde-royo) y a intensidá de cada fratal.

Un primer analís de a fegura premite beyer que a conzentrazión de CO2  y a ora de o día tienen zierta rilazión , a lo menos en o 1er. trimestre de 2016, y o 2º y 4eno. de 2015. Ista rilazión endica que as mayors conzentrazions de CO2 se’n produzen en as zagueras oras de cada día, sin dembargo, con ista ripresentazión tipo “heat map” ye á asaber complicato prezisar a rilazión.

Ta prezisar dita rilazión, ye más apropiato l’emplego d’atra mena de ripresentazión, como a que s’amostra en a figura 2, una tabla combinata en a que s’amostran, deseparatas por trimestres:

• a conzentrazión de CO2 redondeata a multiplos de 50 ppm se ripresenta con barras berticals;

• a temperatura meya en ºC se ripresenta con una ringlera tamién en l’exe bertical, y con codigo de colors berde-royo;

• a distribuzión oraria, en l’exe orizontal.

A ripresentazión de os datos en ista tabla combinata premite beyer millor a rilazión entre a conzentrazión de CO2  y a ora de o día. Pero, antimás, premite beyer que a conzentrazión de CO2 tiene tamién una rilazión con a temperatura: a más temperatura, más conzentrazión.

Anque ista zaguera zercustanzia puede estar en zierta mida por as propias carauteristicas de o diosido de carbono, o importán ye que a ripresentazión premite prezisar dita rilazión, que podrá (u no pas) deber-se á atros fautors ambientals antimás de á lo propio comportamién de o gas.

Iste analís de caso ye muito exemplificator de o balor adubito que as teunoloxías de a conoxedura pueden adubir á la informazión d’aspeutos rilazionatos con a sostenibilidá de una interpresa.

En o caso concreto analizato, antiparti de que o lumero d’atributos y metricas ye limitato, s’han consiguito oserbazions difizilmén azesibles de no pas haber contato con os dos sistemas emplegatos: a estazión NetAtmo (big data) y a plataforma MicroStrategy (analís). Por exemplo, solo que parando cuenta de a rilazón obserbata entre a conzentrazión de CO2 con a ora de o día en determinatas estazions de l’añada y a temperatura, se puede interbenir con muita más eficazia sobre dembas como a bentilazión de o puesto, a planificazión d’orarios d’estanzia u á climatizazión.

Atro aspeuto á parar cuenta ye o bolumen de datos con os que s’ha treballato. Como se nombra á lo prenzipio d’iste caso, o set de datos ye de más de 857.000 rechistros, o cualo suposa una muestra sinnificatiba que proporziona  una fuen suporte á una de as aplicazions más importans aintro de as teunoloxías de a conoxedura: os analís preditibos. Por exemplo, en o caso concreto analizato, risulta muito probable que, si no s’ha interbenito sobre fautors como a temperatura, climatizazión u emplego de o puesto en o que s’han feito as medizions, as conzentrazions de CO2 en añadas sucesibas continen o patrón marcato en os trimestres analizatos.

Sin dembargo, esta ye solo que una muestra esferenzial, a ran cuasi d’emplego domestico, de o potenzial d’ista mena de teunoloxías. En iste suposato caso pero perfeutamén posible, en o que una interpresa tiene á disposizión muitos atros atributos y metricas como puedan estar ratios de produtibidá, inzidens, consumo enerxetico de as instalazions de climatizazión, ezetera, se pueden prexinar muitos más analís, rilazions, predizions, etz., que den suporte á la toma de dezisions estrateuchicas ta la organizazión.

Ta rematar, combiene nombrar tamién o sobrebueno funzionamién en a realizazión de o caso por a plataforma MicroStrategy, en continparazión con ferramientas teunoloxicas más tradizionals como en son as fuellas de calculo (Excel y Numbers). Isto s’ha puesto oserbar espezialmén en a fase prozeso de cautura y estruturazión de os datos: o rendimiento de l’ordenador baxaban sinnificatibamén tanimientres s’emplegaban as fuellas de calculo, antiparti de que os datos con os que se’n treballaban yeran datos brutos; sin dembargo, o rendimién de l’ordenador cuan os datos s’importaron á la plataforma MicroStrategy tasamén se beyeba afeutato, á pesar de a mayor complexidá de as operazions feitas (graficos, calculos, bisualizazions,…)

Bibliografía:

MICROSTRATEGY INC. (2016). Introducing MicroStrategy 10. http://www.microstrategy.com/us/capabilities. Online. Consultato 11.may.2016;
NETATMO S.A. (2016). Estazión meteoroloxica NetAtmo. https://www.netatmo.com/es-ES/producto/estacion-meteorologica/specifications. Online. Consultato 11.may.2016;
Scripps Institute of Oceanography (2016). The Keeling Curve. https://scripps.ucsd.edu/programs/keelingcurve/. Online. Consultato 11.may.2016; 
WIKIPEDIA (2016). Heat Map. https://en.wikipedia.org/wiki/Heat_map. Online. Consultato 11.may.2016.

Bueno, á lo tema. A lo proyeuto li manca encara prou ta estar rematato, pero tiene ya establexitas as suyas linias mayestras, a suya chustificazión, a metodoloxía y as prenzipals fuens de documentazión.

O Treballo se tetula “Influyenzia y aplicazión de a teunoloxía de o conoximiento en a funzión sustenible d’una organizazión”. Talmén no siga o tetulo definitibo pero sí que, a priori, da una pista de o planteyamién: teunoloxía d’informazión  y comunicazión, chestión de o conoximiento y funzión sustenible de as organizazions.

A chestión d´o conoximiento y muito espezialmén, a suya ambista teunoloxica ha estato amplamén estudeato, desembolicata y establexita con esito en as organizazions en as zagueras quinze añadas (Provost&Fawcett, 2013)

Dica agora, ista aplicazión de o conoximiento, alazetato en a teunoloxía, ha estato dirixito más que más á las dezisions finanzieras, de marketing y de as interpresas de furnidura y lochisticas. Una de as razons d’isto, ha estato a esistenzia de grans cantidaz d’informazión sobre istas fainas que as organizazions han estato almazenando en formato dichital dende que a teunoloxía asinas lo ha feito serbir. En ista situazión, alchuntar a informazión esistén en formato dixital á os nuebos retos teunoloxicos que ban aparexendo ye o más simplo.

No pas olcurre o mesmo con atras fainas aintro de as organizazions -entre as que se’n troban o desembolique sustenible– que, por esferens enchaquias, han íu establexendo os suyos meyos y fendo os suyos rechistros en formatos escasamén dixitalizatos, recurrindo prenzipalmén á lo suporte fesico, á lo papel.

Ista situazión tiene barias enchaquias. Una ye a propia inerzia en l’emplego de o papel como suporte y a dificultá de surtir de a zona de comodidá esistén en as organizazions (Dans, 2012 y 2015); pero tamién se’n alchuntan atros fautors como os requisitos almenistratibos, legals y mesmo estandars de chestión de reconoxito prestichio de os que penden determinatas funzions en as interpresas, y que han dificultato o cambeo a formatos dixitals de a informazión creyata y recopilata, quedando descolgatos de o exemplo teunolochico y de as suyas bentaxas.

En ista situazión d’espenche y desbenchaxa teunoloxica se’n troban prezisamén una firme cantidá de dembas pertenexiens a lo desembolique sustenible de as organizazions, espezialmén a chestión de os suyos aspeutos meyoambientals (GRI, 2013)

Parando cuenta d’iste contesto, o Treballo pretende estudear a influyenzia y aplicazión de a chestión de a conoxedura, incluyendo a suya demba más teunoloxía (aplicazions, prauticas, teunicas, ferramientas, recursos) también en o desembolique sustenible de as organizazions, de traza que s’enample a cantidá y calidá de os criterios de sustenibilidá alchuntatos á os prozesos de presa de  dezisions de as organizazions.

Con o Treballo se pretende:

• estudear os zaguers enantes en a chestión de o conoxedura, más que más de a suya demba teunoloxica, que cal parar cuenta á ran direutibo y de responsabilidá en a presa de dezisions estrateuchicas d’una organizazión;

• estudear o desembolique sustenible de as organizazions y os suyos criterios de medizión dende o l’ambista de os estandars más amplamén reconoxitos, más que más as guías G4 de o Global Reporting Initiative;

• imbestigar l’aplicazión sobre a chestión de a sustenibilidá, ferramientas, teunicas, prauticas, aplicazions y planteyamiens de alazet prenzipalmén teunoloxico pertenexiens á la demba de a chestión de conoxedura, ya contrastatas en atras funzions de as organizazions;

• amostrar barios esemplos prauticos aplicatos á belún de os 91 indicadors d’impauto (GRI, 2013) u a bels aspeutos de chestions de o desembolique sustenible en cheneral d’una organizazión.

Consiguindo os ochetibos parzials nombratos, en zaguer termino se pretende contrimostrar cómo una chestión de a sustenibilidá alazetata en as posibilidaz que fazilita a teunoloxía de a conoxedura, puede enamplar a cantidá y calidá de os criterios de sustenibilidá incorporatos á los prozesos de presa de dezisions y alportar una balura adubita á la organizazión.

Como digo, o Treballo tiene un componén d’imbestigazión, con o que se pretende trazar o binclo entre a chestión de a conoxedura y o desembolique sustenible de as organizazions. Más concretamén, un prozeso d’imbestigazión ta trobar (Enserink et al., 2010) o impauto y aplicazions autualmén esistens de o primer (conoxedura) sobre o segundo (sustenibilidá), más que más sobre os 91 indicadors d’impauto (GRI, 2013) establexitos en as guías ta informes de sustenibilidá de o Global Reporting Initiative.

Aspero trobar iste benculo, o cualo alportarba grans benefizios colaterals á asabelas dembas de meyo ambién y, más que más, a la seguranza y salú incluyitos en o desembolique sustenible de as organizazions. Os indizios parexen positibos cuan o el propio GRI opina que cal “ir-ie más dillá de los simplos informes y zentrar-se en la informazión chenerata en o prozeso de reporte de a sustenibilidá”

Continaré informando de os enantes y, si surte un treballo azeutable, talmén publique bella cosa de o mesmo.

Bibliografía:
DANS, Enrique (2012). Indicadores del fin de la era del papel. El blog de Enrique Dans. https://www.enriquedans.com/2012/12/indicadores-del-fin-de-la-era-del-papel.html. Online. Consultato 28.d’abr.2016;
DANS, Enrique (2015). Sobre comunicación corporativa. El blog de Enrique Dans.  https://www.enriquedans.com/2015/09/sobre-comunicacion-corporativa.html. Online. Consultato 28.d’abr.2016;
ENSERINK, Bert, HERMANS, Leon, KWAKKEL, Jan, THISSEN, Wil, KOPPENJAN, Joop, BOTS, Pieter (2010). Policy Analysis of Multi-Actor Systems. The Hague, NED: Uitgeverij LEMMA;
PROVOST F. & FAWCETT, T. (2013). Data Science for Business, What You Need to Know About Data Mining and Data-Analytic Thinking. 1ªed.. Sebastopol, CA: O´Reilly;
GLOBAL REPORTING INITIATIVE (2013) GRI G4 part 2: implementation manual. https://www.globalreporting.org/resourcelibrary/GRIG4-Part2-Implementation-Manual.pdf. Online. Consultato 28.d’abr.2016.

Dixo como rechistro en iste repalmar que ye o blog, a presentazión que fazié o pasato 19.nob en a Diada de a Societat Catalana de Salut Laboral.

Dura poco más de 14 menutos y en era ufrí una ambista de o proyeuto “Cultura Prebentiva dende a Escuela”, desembolicato en a pasata añada 2015 en colaborazión con l’Agenxia Europeya ta a Seguranza y Salú en o Treballo (EU-OSHA).

Ta yo, poder fer ista presentazión tiene una importán balura profesional pero, o mesmo d’importán u más, un goyo presonal muito espezial. Que, lebando poco más de dos añadas bibindo en Mataró (Barzelona), aiga puesto partizipar en un de os ebentos más importans de o mío seutor profesional en Cataluña ye, dende todas as ambistas bella cosa difízil de agradexer en a suya chusta mida.

Sin cosa más, astí a presentazión:

• iste articlo alporta una bisión simplificata y aplicazión alazetal de o conzeuto de Tasa Interna de Retorno. Ye dizir, si yes profesional u afizionau á las imbersions, no asperes un articlo detallato, preziso u que aduba un gran balor sobre a TIR;

• si yes afizionato á lo Monopoly, iste articlo contiene “spoilers”, i.e, informazión alazetal sobre bels aspeutos importans y difízils de beyer á “simpla bista” de o chuego. Conoxer ista informazión puede aduyar, pero no ye ni muito menos finitiba aintro de o conchunto de fautors que intrebienen en o chuego.

Alazetalmén, a Tasa Interna de Retorno (TIR) ye a tasa d’intrés á trabiés de a cuala se recupera a imbersión;  […]  puede emplegar-se como indicador de a rentabilidá d’un proyeuto: a mayor TIR, mayor rentabilidá  [1]. E ixo ye o que he feito con todas y cadaguna de as propiedaz disposables en o Monopoly (Bersión Catalunya, añada 2015): calcular a rentabilidá de cadaguna de as collas de propiedaz (collas de a mesma color) de o tablero.

Os datos de dentrata ta fer o calculo de a TIR son fiels á los prez y condizions de o propio chuego, estando istos datos de dentrata:

• os costes totals acumulatos de a merca de as collas completas de propiedaz, y os respeutibos costes de ficar 1, 2, 3, 4 casas y un otel en cadaguna de as propiedaz. Istos costes acumulatos en fan a imbersión d’escomenzipie que cal ta o calculo de a tasa interna de retorno;

• os ingresos promeyo que en reporta cada colla de propiedaz en funzión de as casas/otels istalatos. Istos ingresos en fan os fluxos de caxa, que se produzen de bez que un chugador ribal “caye”en cada propiedá y que en a tabla son impresentatos baxo a ringlera “nº ingresos”.

A la fin, he otenito bellas tablas con os rendimiens de cada colla de propiedaz, parellanas á ista:

• a imbersión empezipia á estar prou rentable á partir de a segunda casa istalata, ya que dimpués de o 8eno. ingreso, a tasa de retorno se torna en positiba, reportando cantidáz de diners sinnificatibas con cada ingreso;

• con menos casas construyitas —una u denguna, solo que con o solar en propiedá— s’amenistaban más de 14 ingresos (ye asaber que complicato que os ribals caigan 14 begatas en a propiedá en una mesma partida) ta consiguir una rentabilidá positiba; ingresos que, antimás, en son de muita baxa cantidá;

• a partir de a pena. casa —3, 4 y otel— ye cuan a imbersión ye reyalmén rentable ya que, á partir ya de o terzeno ingreso, o retorno de a imbersión empezipia á estar muito sinnificatibo tanto en porzentache como en a cantidá de cadagún de os ingresos.

Iste esquema de rentabilidá de a propiedá bioleta de o Monopoly emplegata como exemplo ye parellano á lo que en tienen a resta de as propiedaz de o chuego.

Como digo, a rentabilidá de cada imbersión asinas calculata ye un dato promeyato, simplificato y aislato. T’achustar más ista informazión, caldría parar cuenta d’atros aspeutos de o chuego que no en he tenito en cuenta, y que en forman parti de o perigro de cada imbersión.

Afortunadamén ta o chuego, encara que tenendo bels calculos de rentabilidá y perigro muito más alchustatos, istos continarán estando bels datos d’importanzia relatiba aintro de cada partida, ya que caldría parar cuenta de muitísimos atros aspeutos, empezipiando por o lumero de ribals, os diners disposables en a tuya caxa y a de os ribals en un inte determinato, o puesto de poder aintro de cada organizazión, a fase en a que se i troba a partida….y por profés, a suerte de os datos.

Referenzias:
[1] WIKIPEDIA. 15.mar.2016. Tasa interna de retorno. https://es.wikipedia.org/wiki/Tasa_interna_de_retorno. Consultato 02.d'abr.2016

Sin dembargo, d’entre toz os indicadors de normal otorgatos á Dinamarca —en iste caso á la suya capetal, Copenague— bi ha un que por o suyo impauto cuantitatibo y cualitatibo me parixe que estricalla de raso: a bezicleta, o suyo emplego y conzeuto.

A ideya que se tiene en primeras ye que astí a bezicleta s’emplega muito, que ye un meyo muito establexito y que a chen ye abezada á emplegar-la. Y ye berdá. Pero cuan tiens a oportunidá de comprebar-lo á pie de campo, como un usuario más de a bezicleta ta marchar á lo treballo de cutio o desplazar-te por a ziudá por cualsiquer motibo, ye más fázil comprender l’autentico impauto que a bezicleta puede tener ta una ziudá, con Copenague como caso d’analís.

A infografía auto contino —estrayita d‘iste articlo d’un escritor y fotero que se diz Alex Berger, y que m’ha feito goy más que más por o emplego de fuens y referenzias seriosas— resume l’alcanze en lumeros de a bezicleta en a capetal danesa [2]. As feguras son auto-esplicatibas de dica qué punto s’emplega a bezicleta. No ye solo que s’emplegue muito: ye que bi ha prou más bezicletas que abitans, zinco begatas más bezicletas que autos, o 63% de os ripresentans de o parlamén emplegan a bezicleta toz os días ta marchar á lo treballo, más de 400 kilometros de bías urbanas ta bezicletas, l’alto ran de seguranza perzibito por os usuarios…

(…contina dimpués d´a infografía…)

Referenzias:
[1] WIKIPEDIA. 27.nob.2015. International rankings of Denmark. https://en.wikipedia.org/wiki/International_rankings_of_Denmark. Consultato 26.mar.2016.
[2] ALEX BERGER. Danish Bike Culture Is Even More Amazing Than You Thought. VIRTUALWAYFARER. 11.set.2014. http://virtualwayfarer.com/danish-bike-culture-is-even-more-amazing-than-you-thought/. Consultato 26.mar.2016.

Antiparti de o proyeuto d´o CPH Arena en sí mesmo, un alox relatibamén amplo en Dinamarca tiene ta yo un intrés total: antis de tot, boi á pasar l’ibierno en un de os países millors en custión d’amostranza, estilo de bida saludable, estandars profesionals y condizions de treballo, desembolique sustenible, urbanismo y conzienzia meyoambiental. De feito, Dinamarca y a suya capetal, Copenague, ya han estato protagonistas barias begatas en iste blog, como no poderba estar d’atra traza:

[…] si teniese que eslexir un país como esemplo de la sustenibilidá, íste estarba Dinamarca […]

De todas as espezienzias rilazionatas con istos aspeutos que baiga trobando, tos rezentaré astí y tamién en PrevenBlog —o blog de a consultora PrevenControl—, en o que escribiré os articlos relatibos a l’ambito de a seguranza y salú.

Como adebanto, tos dixo iste bideo de dos menutos que alchunta bellas particularidaz que ta empezipiar m’ha dixau un poquer retillante. Por un costato, o frío ibierno nordico y por atro, o estandar de o metro de Copenague : trens sin de condutor ni tripulazión denguna á bordo y estazions con puertas automaticas en tot l’andén:

 “[…] un operario espezialista de Gamesa que treballaba en a planta de As Somozas sofrió un azidén laboral con risultato de lesions graus en un güello. En concreto, tenió un forato corneal y rancamiento de l’iris, por o que amenistó tratamiento quirurxico, estió ospitalizato 15 días y no se curó dica os 562 días, anque li quedoron racadas.

L’azidén ocurrió cuan o treballador feba fainas de curte d’una tela empapata de rasina emplegando un cutter […]”

Antezedén 2:

Ista notizia se publicó poquers diyas dimpués de rematar as presentazions de a campaña “Seguridad y salud + cerca de la escuela”, de @FLC_Aragon, en a que he estato colaborador.

Como a campaña establexeba, as presentazions en as escuelas —d’amostranza primaria— consistieron en una esplicazión de conoximientos y conzeutos alazetals de seguranza en o treballo, con una esclatera conesión y asoziazión con situazions de o día á día en os mesach@S: treballos escolars, faínas domesticas, treballos de bricolache, seguranza bial,…

Y en que os treballos escolars, te puedes prexinar cual estió belún de os inzidens más normals rezentatos por os l’alunnalla? Sí, os curtes por l’emplego de o cutter (por suerte, degún grau)

A paradoxa de o cutter: material escolar o equipo de o treballo?

Cuan os zagals comentaban iste feito —un curte por cutter— a mía prautica profesional me lebaba automaticamén á demandar-lis por as causas, que en toz os casos bi encluyiban o no pas emplego de l’equipo de protezión dengún. Tanto ta l’alunnalla como mesmo ta os propios mayestros, se trataba d’una situazión normal, un perigro asumito. Me parixió que mesmo se me miraban rarizo al planteyar iste debate y o emplego de bel equipo de protezión d’una escuela d’amostranza primaria.

Y metiendo-me en o suyo puesto, tienen de razón: equipos de protezión en clase? Ta curtar con cutter? Si sisquiera en as librerías o botigas de material escolar benden guantes o debangüellos de protezión como parti de material disposable! Isto ye una escuela, no pas un zentro de treballo. Mos mancan un camatón d’añadas ta empezipiar á treballar…

Días dimpués, a notizia con a que empezipia iste articlo: un treballador que se ubre un güello con un cutter tanimientres feba un treballo que amenistaba o emplego de equipos de protezión. Un cutter parellano á o que fan serbir os mesaches dende amostranza primaria y bels equipos de protezión como os que no pas s’emplegan en a escuela.

Ye esclatero que un escolano de primaria no ye un treballador y, por o tanto, no tendrá un azidén laboral. Pero sí tiene de güellos: os güellos d’un nino.

En iste inte ye cuan paras cuenta de a endrezera que bi ha por debán no sólo que os escolanos-futuros treballadors, si no en os propios zentros d’amostranza, con os furnidors de material (escolar y profesional) y con muitos atros ambitos y entidaz que, difuera de l’ambito profesional, cheneran os mesmos perigros que cualsiquier treballo…

… Cultura d´a seguranza

Dimpués de l’articlo “España, de nuevo condenada por incumplir la Carta Social Europea” en o blog AlRevésyAlDerecho, analizar l’autual regulazión de a prestazión d’asistenzia sanitaria en España, en concreto en o tocante á l’asistenzia sanitaria de presonas estrancheras por razón de o suya situazion irregular.

* * *

Marco legal?

O primer dandalo que planteya l’articlo alchunto ye si a “[…] declarazión de disconformidá con a Carta Sozial Europeya de as ordinazions internas (Reyal Decreto-lai 16/2012 y Lei 16/2003) por as cuals s’escluyen de o Sistema Nazional de Salú á las presonas estrancheras por razón de a suya situazión irregular […]” [1] emitita por o Comité Europeyo de Dreitos Sozials y a propia Carta Sozial Europeya tiene carauter binculán.

D’atra parti, o Comité Europeyo de Dreitos Sozials (CEDS) ye l’organo encargato de chuzgar si os estatos partizipans cumplen legal y efeutibamén con as disposizions de a Carta Sozial Europeya. O Comité prene conclusions u dezisions, pero en dengún inte s’establexe que sigan churidicamén binculans ta las partis afeutatas [2]

D’atra parti, a Carta Sozial Europeya (CSE) ye un alcuerdo intrenazional […] que establexe as libertaz y dreitos umans, replecando como tals los dreitos propios que guaranzia a dinnidá alazetal de o ser umán [3]

A Carta Sozial Europeya ye, por o tanto un documén binculán. Sin dembargo, o suyo cumplimién ye de propio encargato á lo CEDS a cualas conclusions u dezisions no son pas binculans.

En iste contesto, a norma afeutata —en iste caso o Reyal Decreto-lai 16/2012— no s’achusta á dreito. Ye ilegal en esenzia. Solo que a paradoxica situazión de que as dezisions de l’organismo encargato de a suya monitorizazión —o CEDS— no son binculans, fa fautible que as alegazions que se podesen fer a o ilegal RDL 16/2003 por trasgresión de dreitos alazetals de a CSE no puedan estar recullitas.

O mío comentario presonal á ista situazión ye… ISTO YE SURREYALISTA.

Contimparazión con sistemas sanitarios en Europa

O dreito á la salú ye un dreito sozial alazetal recullito en as lais de dreitos umanas europeyas e intrenazionas. As obligazions alazetals deribatas d’iste dreito s’aplican á tot o mundo, independientemén de a suya situazión como inmigrans en situazión regular u irregular  [4]

Sin dembargo, íste que deberba estar un prenzipio d’autuazión de menimos y chunificador, premite un ampla bariedá d’interpretazions y aplicazions d’iste dreito alazetal, que tiene como consecuenzia que l’azeso á os serbizios de salú por os inmigrans en situazión irregular pueda estar muito esferén d’un estato á otri [5]

En ista tabla, se resume l’azeso d’inmigrans en situazión irregular á l’asistenzia sanitaria seguntes a lexislazión de 9 estatos miembros de a EU [6]:

Solbenzia de a regulazión de a prestazión sanitaria en España

Caldría demandar-se si o crebantamién de a Carta Sozial Europeya y de o dreito alazetal á la salú por parti de o marco regulatorio de a prestazión d’asistenzia sanitaria en España (Reyal Decreto-lai 16/2012 y Lai 16/2003) podiese tener bella enchaquia estraordinaria que compensase as posibles consecuenzias que podese tener dito incumplimién ta o Estato Español. Ye dizir, si esiste bel benefizio colateral que chustificase l’aprebazión d’una normatiba en contra de o dreito europeyo y os dreitos umans.

Sin dembargo, tampoco no se troban documens o fuens solbentes que en contrimuestren un benefizio por dita dezisión, más allá de o simplo posizionamién y estratechia politica.

Ye más, informes prozedens d’organismos ofizials de a propia Unión Europeya amostran que dar azeso á asistenzia sanitaria prebentiba y regular ta inmigrans en situazión irregular poderba no pas sólo que contribuyir á lo cumplimién de o dreito á una salú fesica y mental asequible, si no que tamién estar una dezisión intelixén dende l’ambista economica: l’asistenzia sanitaria a inmigrans irregulars pueden suposar un aforro ta os sistemas sanitarios de os países [7]

D’atra parti, en un contesto en o que os aspeutos sozials y meyoambientals en tienen una comberxenzia e influyenzia cada begata más ampla en o rendimién economico de as organizazions, o desempeño risponsable d’una asistenzia sanitaria o más ampla posible, fa más fortal a rentabilidá de a mida.

Dende l’ambista de l’enample de conzeutos como os dreitos y libertaz, a soziedá de o bienestar, a mobilidá global de presonas, ezetera, que califican as soziedaz abanzatas, a regulazión de a prestazión sanitaria en España no sirbe ta fer un mundo millor.

Referenzias:
[1] AL REVÉS Y AL DERECHO. 3.feb.2015. España, de nuevo condenada por incumplir la Carta Social Europea. http://alrevesyalderecho.infolibre.es/?p=3581. Consultato 25.nob.2015;
[2] COUNCIL OF EUROPE. 2014. European Committee of Social Rights (ECSR). About the Committee. http://www.coe.int/t/dghl/monitoring/socialcharter/ECSR/ECSRdefault_en.asp. Consultato 25.nob.2015;
[3] COUNCIL OF EUROPE. 2014. The European Social Charter. http://www.coe.int/t/dghl/monitoring/socialcharter/Presentation/AboutCharter_en.asp. Consultado 25.nob.2015;
[4] EUROPEAN UNION AGENCY FOR FUNDAMENTAL RIGHTS. 2011. Migrants in an irregular situation: access to healthcare in 10 European Union Member States. http://fra.europa.eu/sites/default/files/fra_uploads/1925-FRA-2011-fundamental-rights-for-irregular-migrants-healthcare_EN.pdf. Pax. 6;
[5] EUROPEAN UNION AGENCY FOR FUNDAMENTAL RIGHTS. 2015. Cost of exclusion from healthcare – The case of migrants in an irregular situation. http://fra.europa.eu/sites/default/files/fra_uploads/fra-2015-cost-healthcare-summary_en.pdf. Pax. 1;
[6] EUROPEAN UNION AGENCY FOR FUNDAMENTAL RIGHTS. 2011. Migrants in an irregular situation: access to healthcare in 10 European Union Member States. http://fra.europa.eu/sites/default/files/fra_uploads/1925-FRA-2011-fundamental-rights-for-irregular-migrants-healthcare_EN.pdf. Table 1: Access of migrants in an irregular situation to healthcare by law, 10 EU Member States. Pax. 16;
[7] EUROPEAN UNION AGENCY FOR FUNDAMENTAL RIGHTS. 2015. Cost of exclusion from healthcare – The case of migrants in an irregular situation. http://fra.europa.eu/sites/default/files/fra_uploads/fra-2015-cost-healthcare-summary_en.pdf. Consultato 3.ab.2015.

A partir de a cronica periodistica publicata en Negocios y Emprendimiento o 13 d’agosto de 2013, fer un analís de as carauteristicas que cal que tienga o direutibo d’una interpresa.

Analís de caso: carauteristicas de os direutibos en as interpresas

Fazilitador, chestor de chustizia, risponsabilidaz y autoridaz.

Consecuenzias ta la biabilidá interpresarial

Todas as cualidaz de os direutibos nombratas en l’analís, en son cada día más alazetals ta la sustenibilidá de a interpresa.

Tradizionalmén, as abilidaz de os cherens yeran muito enfocatas —cuasi de traza esclusiba— á lo desembolique economico de a interpresa, á l’aspeuto alazetalmén produtibo y d’efizienzia en costes. A man d’obra y equipos de treballo yeran chestionatos como una parti más de o prozeso produtibo, balorando-se o suyo rendimiento direuto.

Sin dembargo, á partir de fa pocas añadas —que podérbanos situar en a decada de os 80 y escomenzipie de os 90— os aspeutos sozial y meyo ambiental de as organizazions en son alquiriendo un influyenzia prenzipal en o desembolique sustenible de as interpresas. Cada diya más, os consumidors y treballadors baloran as condizions (laborals y sozials) asoziatas á los produtos y serbizios que mercan, asinas que o impauto que cheneran ditos bienes en o planeta.

Ya no se trata simplamén de un buen pré o un salario dinno. Güe, no bi ha interpresa que sobrebiba sin de tener en cuenta toz istos aspeutos, y ta ixo, o papel direutibos ye alazetal, adautando as suyas abilidaz ta identificar os asuntos sozials, ambientals y economicos importans, y toz os suyos protagonistas afeutatos por a organizazión y priorizar azions ta fer serbir as suyas nesezidaz.

Ambitos complexos y que cambean con o tiempo. L’adautazión de as interpresas —y, por ixo, de os suyos direutibos— á os planteyamientos que aparixen no ye una fin, ye una endrezera.

O caso Volkswagen, exemplo de a importanzia de as azions direutibas

Ta rematar, ta exemplizar o impauto que pueden tener as aizions d’un direutibo en a trayeutoria y reputazión d’una interpresa, boi á recurrir a un detalle aintro de o surxito en zaguerías “caso Volkswagen“.

Volkswagen publica anualmén, —como ye obligatorio ta las interpresas de a suya grandaria— os suyos informes de sostenibidá. O zaguer publicato ye de l’añada 2014 —antis de que se conoxiera publicamén o bullizio— y en er se manifiesta:

Poquer tiempo más tardi de publicar-se iste informe de sostenibilidá, ocurrió o que somos beyendo.

Ye esclatero que ista declarazions no son a causa de a biolazión d´a Clean Air Act de l’Axenzia de Protezión Medioambiental (US-EPA) ni de o impauto economico que a demba ye tenendo en a interpresa, pero sí en tiene una consecuenzia en o desembolique sozial y meyoambiental d´a interpresa, en a suya reputazión, credibilitá, confianza de os consumidors, imbersors, treballadors y bels atros axens clau. En zaguer termino, a solbenzia de raso de a organizazión.

Unas simplas linias d’un alto direutibo mancan a istoria d’una compañía y condizionan o suyo esdebenidero. También a trayeutoria de o propio direutibo, Martin Winterkorn, que dimitió de traza prou rapeda.

 

Planteyamiento:

Un enzetador deseya meter en marcha un proyeuto de carauter colaboratibo en a Rete que consiste en a creyazión d’una rete sozial que sirba de trobada á interpresas, os suyos treballadors y bels atros profesionals e indibiduos en cheneral ta la chenerazión de contautos que empenten autibidá comerzial, pero esconoxe as obligazions y limites esistens que cal que tiengan en cuenta dende l’ambista de protezión de datos y amenista disposar de a seguranza á ixe respeuto, con a fin d’atrayer a potenzials imbersors alticamatos por os posibles perigros respeutibos con a enchaquia mesmo de o negozio planteyato, consistens en o tratamiento y azeso á datos presonals y profesionals con fin comerzial.

***

1. Identificar á lo “risponsable de os datos”

O “risponsable de o fichero u tratamiento de os datos” ye o propio enzetador ya que, en aplicazión de a responsabilidá y autoridá que tiene sobre as autibidaz de a suya interpresa, ye a presona que tiene de capazidá de dezisión “sobre a fin, contenito y emplego de o tratamiento” de os datos (LOPD, art. 3).

2. Usuarios (presonas fisicas) de a rete sozial, pueden quedar escluyitas de l’aplicazión de a normatiba de protezión de datos?

En dengún caso.

Si se trata d’usuarios d’una rete sozial en a Rete (de a mena de Twitter, Facebook, LinkedIn) os datos en son responsabilidá de a propia rete sozial, que, fueras de situazions espezials, pasan á considerar-se fuens d’azeso publico (LOPD, art. 3).

En iste contesto, una terzena interpresa como a de o caso prautico, puede emplegar istos datos de barias trazas:

• si una interpresa consulta os datos online -sin alchuntar-los á dengún fichero pribato de a propia interpresa- caldrá, en cada comunicazión que establexca con o intresato, sin d’informar de l’orichen de as datos y de a identidá de o risponsable de o tratamiento (a rete sozial), asinas como de os dreitos que li asisten  (LOPD, art. 30);

• si alchunta una copia de os datos d’un usuario obtenitos d’una rete sozial, istos dixarán de considerar-sen fuen d’azeso publico en o plazo d’una añada, contato dende o inte de a suya obtenzión, con o cual as obligazions de a LOPD pasará á la interpresa (LOPD, art. 28).

3. Usuarios (presonas fisicas) de a rete sozial en reprisentazión de su as interpresas, cal que asuman as obligazions d’un “risponsable de datos”?

• en primer puesto, que os usuarios de as retes sozials emplegarsen os perfils esclateramén rilazionatos con l’autibidá profesional de a interpresa en a respeutiba rete sozial, ya que a LOPD no aplica á os ficheros mantenitos por presonas fisicas en l’exerzizio d’autibidaz presonals  (art. 2);

• en segundo puesto, que os datos teniesen a considerazión de ficheros de titularidá pribata, tal y como s’analizato en o zaguer l’alpartato (2). Ye dizir, que os datos estasen risponsabilidá de a interpresa en ripresentazión de a cuala autuan.

5. Importanzia de o  “prenzipio de conserbazión” aplicable á los datos recullitos por la rete sozial, en rilazión con a cancelazión de los mesmos

Dende o punto d’ambista d’una rete sozial, toz os datos que alporta un usuario forman parti d’un fichero de titularidá pribata de a propia rete sozial, a cuala ye plenamén risponsable de o tratamiento de os datos, encluyendo a canzelazión de os mesmos establexita en a LOPD, espezificamén en l’art. 16, 17 y siguiens.

Bibliografía:
[1] BOE. 13 d'abiento de 1999, num. 298, paxina 43088. LEY ORGANICA 15/1999, de 13 d'abiento, de Protezión de Datos de Carauter Presonal. https://www.boe.es/boe/dias/1999/12/14/pdfs/A43088-43099.pdf.Consultato 9 d'oct 2015.

A iniziatiba consiste en fer presentazions —en clase— á l’alumnalla en zentros d’educazión primaria. En ista primer edizión, dica 31.abi.2015, as presentazions estarán preferentemén enfilatas á l’alumnalla de 3eno. y 6eno. curso de primaria de dica 10 zentros en territorio aragonés.

L’oxetibo d’ista iniziatiba ye conzienziar a l’alumnalla sobre seguranza y salut, establexendo semellanzas entre os perigros que se’n pueden trobar en o seutor de a costruzión y os perigros de casa á os que ers pueden estar esposatos.

Ta ixo, cada presentazión —de bels 45 menutos de durazión— consistirá en una esplicazión de conoxedura y conzeutos alazetals de seguranza en o treballo, con una esclatera conesion y asoziazión con situazions de o día a día (fainas de casa, treballos de bricolache, seguranza bial,…), de traza de l’alumnalla se sienta familiarizata con ixos conzeutos y motibata á ficar chicotas rutinas de seguranza en o suyo desembolique.

O cartel ofizial de a campaña ye iste, sobrebueno!

Ista autibidá ye disposable de gufaña ta zentros d’educazión primaria d’Aragón.

Si yes de bella traza emplicato en un zentro d’amostranza en o que podiese intresar a iniziatiba, puedes meter-te en contauto con yo a trabiés de o correo-e davidmairal@me.com, por telefono 654499494, u direutamén informar en o colexio de que pueden fer una iscrizion ofizial á trabiés d’iste formulario abilitato por a Fundazión cuanto antis, ya que de as 10 escuelas disposables en ista primer edizión, ya l’han confirmato…

1. CEIP “Maestro Don Pedro Orós”, Movera (Z) — 30.nob;

2. CP. "Odón de Buen", Zuera (Z) - 01.abi;

3. CEIP "Florián Rey", La Almunia (Z) — 02.abi;

4. CEIP "Antonio Beltrán Martínez", Zaragoza (Z) — 03.abi;

5. CEIP "Santiago Apostol", Grañen (HU) — 4.abi;

6. CP “Gloria Fuertes”, Andorra (TE) — 14.abi;

7. CEIP “Pablo Luna”, Alhama de Aragón — 15.abi;

8. CEIP “Torre Ramona”, Zaragoza (Z) — 16.abi;

9. CP. “San Jorge”, Herrera de los Navarros (Z) — 17.abi;

10. CEIP "Pedro I”, Barbastro (HU) — 18.abi.

O mío treballo ye relazionato con a chestión d’interpresas en as arias de sostenibilidá, meyo ambién, risponsabilidá sozial y seguranza laboral. Como iste post no ye un publireportache sobre as mías abelidaz profesionals, te remito direutamén á la pachina web de a mía interpresa por si quiers saper en detalle a qué m’adedico y, si t’intresa bella cosa de o que foi, a la tuya disposizión y de a tuya interpresa i soi.

“O treballo no ye un puesto ni un tiempo; ye una autibidá”

En a prautica, foi o mío treballo dende o puesto en o que ubro l’ordenador y tiengo disposable una conesión á o Rete. De contino, treballo dende l’estudiet que tiengo adedicato en mía casa en Mataró (Barzelona); también dende a casa de a mía parentalla en Ontinar (Zaragoza), an i marcho barios días á lo mes. Y, de cabo cuan, dende puestos improbisatos an i poder enchegar l’ordenador y coneutar-me á lo Rete, ya siga por meyo de bel rete wi-fi disposable á trabiés de a conesión de o telefono mobil, si cal.

Respeuto á l’orario, tiengo establexitas bellas rutinas de o treballo cutianas, semanals y mensuals. Á partir d’iste alazet, pueden surxir determinatas fainas en un orario tan improbisato como o lugar de treballo á lo que me referiba en o zaguer párrafo.

Por istas enchaquias, o mío treballo  “no ye un puesto ni un tiempo; ye una autibidá”.

Ista traza de treballo no ye espezialmén estrania ni escubridora. Dende fa añadas, profesionals d’esferens dembas treballan dende casa suya o puestos remotos y entregan os suyos treballos rematatos. En l’escomenzipie yeran casos rarizos pero, poquer á poquer, ista traza de treballo se ye tornando cada begata más común: as teunoloxías de a informazión y comunicazión son acotolando as barreras de dentrada tanto, que mesmo autibidaz profesionals ultra reguladas -como a de yo-, tiene posibilidaz de desembolique baxo ista formula.

Una traza de treballo sostenible

L’aforro de desplazamiens á lo treballo y de preparazión de chentas sinifican bentaxas antiparti de as económicas de raso:

• S’ebitan emisions de contaminantes á l’atmosfera, en una cantidá que puede estar sinificatiba en o conchunto d’autibidaz normals d’una persona;
• Se minimiza o emplego d’embases y ferramientas ta la chenta;
• S’aforra o tiempo perdito, que puedes adedicar á lo propio treballo u á amillorar a conziliazión con a tuya bida personal;
• por ixo, s’aprofeita a teunolochía como una ferramienta que fa o treballo muito más comodo y que amillora a calidá de vida.

Si paras cuenta, un buen desembolique d’ista traza de treballo chunta os tres aspeutos que carauterizan o desembolique sostenible: economico, meyoambiental y sozial.

Por ixo, iste ye o mío prenzipal oxetibo: fer a mía autibidá sostenible. Queda muito por debán porque seis meses son sólo que o prenzipio de l’escomenzipie pero, por o inte, soi esfrutando de o camino.

Y asinas contina estando güe, mesmo en a fortal soziedá europeya, an as mullers se i troban en desbentaxa respeuto á os suyos compañers-ombres en todas as dembas de o treballo: en o tocante á o chornal, reconoxedura y categoría profesional, responsabilidaz feitas y autoridá atorgata, orario y posibilidaz de promozión.

Antimás, á la fin, istas desigualdaz por custión de chenero en tienen consecuenzias encara más graus: as mullers suportan más discriminazión, enriste y biolenzia, cada begata más esposatas á periglos psicosozials, sufren más estrés y trastornos musclo-esqueleticos.

Fa bellos meses bi estié en Bruselas en a Conferenzia Intrenazional “Treballo y Salú en a muller”, organizata por o Istituto de Sendicatos Europeyos (European Trade Union Institute, ETUI). Astí i fablaron d’istas y muitas atras dembas rilazionatas con treballo y muller.

Pero de toda a informazión que s’espardió, que estió muita, bi abió tres feguras sobre a desigualdá de chenero que me fazieron espezial ficazio. Unas por o esclatero d’un grafico que i reflexa una reyalidá de raso (cantidá) y en atros casos porque califican bels balors de a soziedá (en terminos de calidá). Son istas:

1. Menos treballo reconoxito, pero más treballo en total

Iste grafico de a dreita amostra o porcentache de treballadors de 15 á 64 añadas que en treballan á tiempo parzial.

Se i troban ordenatos por Estatos Miembros de a Unión Europeya.

En royo, ombres. En azul, mullers. O risultato s’esplica solo.

A unica chustificazión alto u baxo oxetiba á ista esferenzia estarba que á trabiés de l’achuste á tiempo parzial, s’amillora a compatilibidá de o treballo con fainas que, por naturaleza, solo puede fer-las a muller, como a lautanzia, empreñadura,…Pero encara que parando cuenta d’iste fautor, ye razonable semellán desequilibrio? Yo me pienso que no pas, dezididamén.

En una interpretazión simpla d’ista fegura, bella presona puede pensar-se que isto ye mesmo bueno. Qué suerte ta eras, que treballan menos que os ombres, no!?

Sin dembargo, ni sisquiera iste planteyamiento ye balido: si se adube o treballo formal y o feito en fainas de casa, risulta que as mullers treballan más oras por semana que os ombres:

L’achuste á tiempo parzial, antimás que ta -se suposa- aduyar á la muller en istos determinatos periodos, sinnifica que a funzión de “mai” s’enample á “ama de casa”, cusiradora de ninos, lolos y dependiens, presidenta de a comunidá u, fablando de casos radicals, escoscadora de a ilesia de o lugar á turnos con atras bezinas.

Antimás, istos dos graficos ufren un indizio d’atra reyalidá probata: a incorreuta interpretazión de os treballos á tiempo parzial. Si paras cuenta, a menor cantidá d’oras bosatas treballatas por mullers que por ombres (en o segundo grafico, barras en azul) no i reflexa a mesma proporzión que a reflexata en o primer grafico. Ye dizir, os treballos á tiempo parzial muitas begatas s’enamplan en barias oras más de treballo difuera d’achuste.

2. Si yes muller, rai o tuyo d´estudeos: ban á amorlar-te o mesmo

Ya desincusarás por meter a parola “amolar”. Ese quedato millor “te ban á tratar de a mesma traza” y asinas he pensato en meter-lo. Pero dimpués de tot o escrito dica agora, ese estato bella cosa descarato escribir as parolas “tratar de a mesma traza”.

Iste grafico de barras amostra a presenzia d’acoso psicoloxico seguntes o ran d’estudeos y o secso.

Como puedes beyer, en o caso de os ombres, o porcentache d’enrestida baxa gradualmén seguntes mayor ye o ran d’estudeos.

No ye que o ran d’estudeos siga razón ta enrestir más o menos á un treballador. Iste ye un tema aparti. Pero a reyalidá ye que, tanimientres en o caso de os ombres o ran d’estudeos ye un fautor que influye en a enrestida, en o caso de a muller no ye asinas, dando-se mesmo a baruca de que as mullers con estudeos unibersitarios sofren mesmo más enrestida que as mullers con estudeos de primaria.

Ye dizir, tanimientres que á un ombre se li rispeta seguntes o suya ran de formazión, a una muller, no pas. E isto mesmo ocurre cuan se fabla de categoría profesional y puesto aintro de a organizazión.

3. No son barrenadas: ye a desigualdá, matután

En iste contesto, no ye estranio que bi aparexcan datos como os amostratos en as dos siguiens feguras.

A primera, amostra o porcentache de salú mental en situazión de perigro seguntes a profesión.

En azul, os ombres. En royo, as mullers. A esferenzia ye, un atra bez, sinnificatiba.

 

Os fautors psicoloxicos en son, como beyes, importans, pero no ye solo que ixo. As carauteristicas de os treballos en a suya mayoría feitos por mullers (sanidá, cusitato de dependiens, casa, escoscadura, amostranza, almenistrazión publica, restaurazión…) aduben un atra mena de perigros como os sobre-esfuerzos, esposizión á achens quimicos y fesicos, mobimientos repetitibos, cansera postural, achens bioloxicos, ezetera.

“Isto mete ficazio en a ideya entibocata de que o treballo de as mullers ye menos desixén dende o punto de bista fesico y mental. A combinazión de perigros fesicos y organizazionals, a rilazión entre o treballo bosato y no pas bosato de as mullers, chunto con a esposizions de perigros combinatos y a dificultá de trobar un treballo estable y o suyo impauto en a seguranza y salú de as mullers, cal que siga estudeato prosimamén” [1]

O zaguer risultato ye que as mullers en tienen más problemas de salú y piors rans de bienestar que o ombres, siga cual siga l’autibidá feita.

Isto, o que rebela ye un dato que ya no ye que custione os balors de as organizazions -publicas y pribatas- respeuto de o chenero de os treballadors. As condizions de treballo de as mullers reflexan un desempeño muito defizién y poco profesional de as funzions de recursos umans y seguranza y salú laboral, que han dixato de costau á tot un coleutibo de treballadors, nada menos que o femenín.

En iste contesto, no ye estranio que a igualdá de chenero se siga combirtiendo en un punto clau, cuasi con delera, ta as organizazions, empezipiando por as almenistrazions europeyas, enrestidas por una piramide de poblazión de raso insustenible con as autuals politicas laborals y sozials. Pero iste ye un atro tema.

Referenzias:
[1] EUROPEAN AGENCY FOR SAFETY AND HEALTH AT WORK. 2014. New risks and trends in the safety and health of women at work. https://osha.europa.eu/en/publications/reports/summary-new-risks-trends-osh-women. Pag 8. Consultado 19 mar 2015. 
Bibliografía:
EUROPEAN AGENCY FOR SAFETY AND HEALTH AT WORK. 2014. New risks and trends in the safety and health of women at work. https://osha.europa.eu/en/publications/reports/summary-new-risks-trends-osh-women. Consultado 19 mar 2015. 
FAGAN, Colette. Presentation: Gender, working conditions and health - headlines from the European Working Conditions Survey. ETUI International Conference “Women´s health and work”. 4-6 March 2015. Brussels. 
LIPPEL, Katherine. Presentation: L’organisation du travail et les enjeux pour la santé: mêmes défis pour les travailleurs et les travailleuses?. ETUI International Conference “Women´s health and work”. 4-6 March 2015. Brussels.

Sobre a Conferenzia y os aspeutos tratatos en os esferens autos programatos á os que bi acuda escribiré en os siguiens posts istos días. En ista dentrata quererba dixar ebidenzia de a tremenda predisposizión que esiste en asabelos organismos europeyos ta la partizipazión de os ziudadans y protagonistas embrecatos en as aizions que se’n programan. A Conferenzia de o ETUI ye o zaguer esemplo con o que m’he trobato.

Como en os zaguers casos, he azedito á l’auto gracias á lo blog. Fazié a demanda de rechistro replenando un formulario d’azeso publico en a propia web de l’ETUI. De bez, aporté una simpla descrizión de l’autibidá que desembolico en o blog y demandé fazilidaz ta poder azeder á la Conferenzia.  En poquers días me’n confirmón o rechistro á l’auto e dimpués, l’azeutazión de os gastos de trasporte (buelo de marchar y tornar  Bruselas-Barzelona) y l’alox ta os días de a Conferenzia en un otel de o zentro de a ziudá.

Pero por denzima de as condizions y fazilidaz d’azeso que en cada caso podiesen consiguir-se, o que más me clama l’atenzión ye a dedicazión, rispeto y trasparenzia con que os organismos europeyos tratan cada demanda, se trate d’una gran organizazión u d’un simplo ziudadán con un chicot blog, como ye o mío caso.

En as zagueras añadas, m’he enfilato en barias ocasions á esferens entidaz europeyas por dibersas enchaquias. En bellas ocasions as rispuestas a las mías consultas estión afirmatibas y en bellas atras no pas. Pero de cutio, de cutio, a rispuesta que he recullito de l’organismo europeyo en custión ha estato una contrimuestra de rispeto y trasparenzia; a sensazión de que o tuyo caso ha estato estudiato con a dedicazión que se merexe.

Ista ye a mena de cosas por as que me fa goy Europa.

“a yo rai qui sigas, mesmo un clien; sólo que m’intresa amillorar o lumero d’usuarios que me’n siguen t’amillorar a mía imachen en Twitter á trabiés de un buen lumero de siguidors”

A iniziatiba forma parti de a colaborazión que iste blog y l’Achenzia EU-OSHA tienen establexita ta la suya autual campaña europeya “Treballos saludables: Chestionemos l’estrés” y consiste en a reyalizazión de presentazions presenzials reyalizatas á l’alumnalla de zentros d’educazión primaria, secundaria, bachillerato u de formazión profesional.

Cada presentazión dura alto u baxo 45 menutos y en tienen iste contenito alazetal (entre parenteris, a durazión estimata):

• Presentazión de  l’Achenzia Europeya ta la Seguranza y Salú en o Treballo y entrega de o material (8 menutos);
• Presentazión de as campañas “Treballos saludables” de l’Achenzia y de l’autual edizión 2014-15 “Chestionemos l’estrés” (5 menutos);
• Presentazión de o blog Aragon Valley y de a colaborazión meyatica establexita con l’Achenzia en a presén campaña (2 menutos);
• Estrés: Definizión, causas, orixen de l’estrés seguntes a opinión de os treballadors (10 menutos);
• Impauto de l’estrés en as organizazions y sintomas (10 menutos):
• Identificazión y midas ta prebenir l’estrés; benefizions de a chestión de l’estrés ta as organizazions (10 min).

A esplicazión de o contenito la foi yo mesmo, David Mairal, y ba acompañata de a proyeuzión d’una presentazión en formato Power Point, asinas como de material ofizial de l’Achenzia como:

• Napo ta mayestros (materials educatibos en l’ambito de a seguranza y salú ta os mayestros);
• infografías.
• documentazión teunica;
• informes;
• ezetera.

En funzión de as carauteristicas de cada zentro educatibo o de cada curso, esiste a posibilidá d’alcordar con o equipo dozén de cada zentro, un contenito espezifico á la presentazión.

Antimás, as presentazions en son bilingües anglés-castellán. Ye dizir, tras alcuerdo con l’equipo dozén de cada zentro, tanto a esplicazión de o contenito como a presentazión en Power Point pueden fer-se en cualsiquiera de as dos luengas.

A cada alunno, se li fa entrega un kit de material d’emplego escolar promozional de l’Achenzia y de as suyas campañas, que tiene iste contenito orientatibo, seguntes disponibilidá de l’Achenzia EU OSHA:

• 1 mochila;
• 1 DVD dople con as “Istorias de Napo” (o personache animato de l’Achenzia);
• 1 bolígrafo;
• 1 regla flesible;
• 1 libreta con post-it y marcapaxinas de colors;
• 1 tríptico de presentazión.

Si yes de bella traza rilazionato en un zentro educatibo en o que podiese intresar a iniziatiba, puedes ponerte en contauto con yo a trabiés de o mail davidmairal@me.com o por telefono 654499494, antis de a rematanza de a presén añada escolar.

Beniens presentazions:

O post ye zentrato en a chestión de a seguranza laboral ya que ye a tematica de o portal, pero puede aplicar-se á cualsiquier ambito de as organizazions. Estando seriosos, o cambio d’exemplo en a comunicazión ye un fautor de bentaxa competitiba ta todas as interpresas y profesionals, independientemén de a suya grandaria o seutor d’autibidá.

Güe, o conzeuto de “clién” ta las interpresas no se limita a lo que merca os suyos articlos u serbizios, á lo consumidor, á l’amenistrazión ante a cuala cal cumplir determinatas condizions, á lo furnidor de materials u os suyos propios treballadors. Cualsiquier coleutibo que faiga u suporte influyenzia presén o esdebenidera de a organizazión [2] ye un protagonista ante o que as organizazions cal que rispondan. Iste encluye á entidaz como asoziazions dibersas, coleutibos d’usuarios u, mesmo, os ziudadans indibidualmén consideratos.

Ye dizir, ya siga como profesional u como ziudadán, as nuebas trazas de comunicazión te pueden afeutar á tú mesmo. Bi yes astí aintro:

Ta canalizar a charrada con cadagún d’istos protagonistas, bi ha tres demandas alazetals que toda interpresa cal que se’n faigan:

1. Qui son os protagonistas de a interpresa? (analís de protagonistas);
2. Qué informazión concreta intresa á cadagún de os suyos protagonistas? (analís d’impautos);
3. Qué formato y meyo de comunicazión ye o millor ta charrar con cada protagonista?.

Reyalmén son preguntas que as organizazions (u mesmo que as presonas) s’han feito istintibamén dende cutio pero que agora, en un mundo globalizato, super-coneutato y con asabelas posibilidaz feitas por as teunolochías de a informazión y comunicazión, amenistan estar responditas siguindo prozesos analiticos y de simplificazión, aintro de as grans estratechias corporatibas.

Referenzias: 
[1] MAIRAL, David. 12 noviembre 2014. Gestión de la PRL: del informe a la comunicación. Prevención Integral. http://www.prevencionintegral.com/comunidad/blog/aragon-valley/2014/11/12/gestion-prl-informe-comunicacion. Consultato 14 nobiembre 2014. 
[2] MAIRAL, David. 20 octubre 2014. Sostenibilidad, responsabilidad, seguridad. Prevención Integral. http://www.prevencionintegral.com/comunidad/blog/aragon-valley/2014/10/18/sostenibilidad-responsabilidad-seguridad. Consultato 14 nobiembre 2014.
Bibliografía:
WIKIPEDIA. 1 diciembre 2006. Complex networks (imagen). http://en.wikipedia.org/wiki/Complex_network#mediaviewer/File:Internet_map_1024.jpg. Consultato 14 nobiembre 2014.

1. dende o punto de bista presonal, como metodo t’amillorar as mías abilidaz con a luenga en cheneral y, en concreto, o bocabulario espezifico en a mía aria profesional;
2. como tanto as fuens d’informazión emplegatas como a tematica d’Aragón Valley en tienen un orixen y ambito global, meter o contenido de o blog á disposizión de o mayor publico posible yera un trango de raso rilazionato con as carauteristicas de o blog.

Dica allora, os leutors yeran mayormente de países ispanoparlans. Ista ye una muestra de l´orixen de os leutors de o blog en un mes ripresentatibo (set 2013), por puesto:

Asinas influye una luenga más á un blog (y á o blogger)

Dende allora (otubre 2013), han estato 83 os post escritos en anglés -iste estará o lumero 84- en una progresión que ha íu de menos á más: en o comenzipie, no pas toz os post en castellán teneban a suya bersión en anglés, pero, poquer á poquer, a bersión anglesa de cada post s’ha combertito una parti asumita de o proceso aintro de o blog, fueras de casos muito puntuals.

Con respetuo á los ochetibos que me planteyé, soi muito satisfeito, más que más con a millora de a luenga. En a prautica, se trata d’un exerzizio de traduzión á l’anglés de dos testos por semana de bocabulario muito espezifico. O benefizio d’isto s’esplica solenco.

Con respetuo á os leutors, o suyo orixen cheografico en un mes ripresentatibo (set 2014) ye asinas:

En una añada, o top 10 de países por lumero de leutors de o blog ha pasato de tener un (Estatos Unitos), á tres países no pas ispanoparlans. Con l’aspeuto antimás de que EE UU puya en o ranking por a enclusión de leutors en anglés. No solo que ixo. Dica o puesto 25 de o ranking, se i troban leutors de dica 8 países más con ista mesma carauteristica: India, Franzia, Alemania, Brasil, Olanda, Italia, Belchica e Indonesia.

Interpretar istos datos ye más complicato. Posizionar o contenito en a Rete ye un treballo de largo plazo y contimparar o contenito en castellán con l’anglés puede no estar balido del tot, ya que o contenito en anglés de o blog leba muito menos tiempo publicato. Sin dembargo, aintro d’istos dandalos, bi ha un dato esclatero: poco o muito, o contenito en anglés se ye posizionando también como contenito balioso, á lo menos ta Google, fuen de o 76% de besitas de o blog.

Como benefizios colaterals que no asperaba a l’escomenzipie, ye a posibilidá de rilazión con presonas d’esferens oríchens y culturas que, también en o entorno profesional, premite un punto de bista y un aprendizache pribilexiato. Antimás, una bersión en anglés, enampla as posibilidaz y a calidá de as colaborazions con organizazions de cualsiquier puesto de o mundo.

En cheneral, as sensazions que recullo de a bersión en anglés en son muito parellanas á las que m’ispira o blog en o suyo conchunto: aprendizache y firme dibersión, con o balor antimás que ufren uns benefizions colaterals de raso inasperatos.

Una bersión en anglés de o blog ye un esfuerzo que merexe a pena

Lebo bellas añadas -dende 2004 alto u baxo- fendo encargos de cabo cuan como autibidá propia, en complemento a lo mío treballo de contino en as esferens interpresas ta las que he íu treballando.

En iste sentito, ufrir serbizios á atras organizazions baxo a mía responsabilidá ye bella cosa a lo que soi abezato, con mayor o menor intensidá pendiendo de as zercunstanzias que premitiban cada inte.

En os zaguers tiempos –dende o comenzipie de a crisis en 2008, alto u baxo- as bías tradizionals de dentrata d’encargos no yeran guaire faborables: as interpresas empezipioron á pasar seriosas dificultaz y os ebentos y chornatas d’organizazions dibersas an mos i gosábanos trobar os profesionals también se reduzioron sinnificatibamén.

Sin dembargo, en 2012 tenié a suerte d’empezipiar con iste blog. Antiparti d’un metodo d’aprendizache e imbestigazión, me premite mantener una presenzia en o mío entorno profesional y establexer relazión con esferens interpresas y organizazions, dica plegar á la situazión autual en a que a mayoría de os treballos que he feito en a zaguera añada –tanto por cuenta propia como en os meses que he treballato en plantilla d’interpresa- en son consecuenzia direuta de o blog.

Ye dizir, anque ye esclatero que o mío treballo ye fundamentato en a mía formazión y esperienzia profesional, o blog ye un fautor alazetal: 1) por as nuebas abelidaz profesionals que he alquilito grazias á er y que en son demandatas por os cliens y 2) por bisibilidá que ir proporziona aintro de o mío seutor profesional.

Por isto, plegato iste inte en que a mía propia autibidá profesional ye estabilizándo-se y materializándo-se en una interpresa, dezidí que a imachen de a interpresa debeba tener –a lo menos en os suyos orichens- un omenache á lo blog, que ye fazilmén identificable tanto en o nombre como en o logotipo de a interpresa (á la dreita, obra de o mío amigo y diseñador grafico Juan Carlos Lorenzo).

Te imbito también á que besites a paxina web de AV Consulting (feita por Barbitania). Aspero que te faiga goy.

Si yes profesional de o seutor, profés, quedo á la tuya disposizión á trabiés de a pachina de a interpresa.

Y si yes leutor de contino de o blog, dizir-te que continará como dica agora.

Si t’has criato o tiens rilazión con o mundo rural, l’abrás beyita muitas begatas. Ye toda una ripresentazión de l’agricultura tradizional.

Iste mesmo maitín, o mío tío Ernesto m’ha feito una contrimuestra de o suyo emplego:

Anque ye de muito antis á las normatibas europeyas de seguranza y á os modelos de fabricazión y resistenzia de materials que autualmén en son balidos, a zoqueta ye un equipo de protezión indibidual en toda a suya amplaria:

“[…] se replecará por equipo de protezión indibidual cualsiquier equipo destinato á estar lebato o soxetato por o treballador ta que li protexa d’un o barios perigros que puedan menazar a suya seguranza o a suya salú en o treballo, asinas como cualsiquier complemento u azesorio destinato á ixa fin […] [1]

Artíclo 2.1 d’a Direutiba 89/656/CEE.

En o caso de a zoqueta, me remera atros tan importans en l’autualidá como o meyo ambién u a sustenibilidá, an os nuestros mesmos lolos poderban dar-nos bella lezión. Ta ers, cosas como l’aprofeitamiento de recursos, efizenzia y aforro enerxetico, probeito de l’esfuerzo, reparazión y esbielle de materials, no yeran ni modelos creyadors de desembolique ni campañas de comunicazión de cosa, ni zertificazions de conformidá, ni modelos de produzión. Yeran a traza de bida que caleba ta marchar entadebán.

En o caso de a zoqueta, istinto de superbibenzia e inchenio de raso.

Referenzias:
[1] EUR-Lex. Direutiba 89/656/CEE de o Consello, de 30 de nobiembre de 1989, relatiba a las disposizions menimas de seguranza y de salú ta l'emplego por os treballadors en o treballo d'equipos de protezión indibidual, artíclo 2.1. http://eur-lex.europa.eu/LexUriServ/LexUriServ.do?uri=CELEX:31989L0656:ES:HTML. Consultato 20.08.2014.

L’amianto ye un exemplo esclatero d’ísto. También de cómo o ser umán para poca cuenta de os perigros asoziatos de os enantes teunoloxicos, anque ístos puedan estar mesmo mortals.

L’amianto u asbesto ye un material composato de fibras largas y resistens de silicatos. As suyas propiedaz mecanicas, quimicas, aislans y de resistenzia á elebatas temperaturas fazieron de l’amianto o material perfeuto t’asabelas aplicazions: materials de costruzión, papel, embragues y frenos d’autos, embases, pinturas, coberturas, ropa y mesmo en birolla.

O suyo emplego se conoxe dende fa muitos sieglos, anque o suyo emplego coleutibo se fazió á partir de o sieglo XIX.

O espezial de o caso ye que a suya perigrosidá se conoxe tamién dende o comenzipie. Os romans mesmo sapeban de a malotía de os libianos de os esclaus que bestiban ropa d’amianto. O suyo perigro estió reconoxito en todas as etapas de a istoria, pero continó emplegando-se de cutio.

Un caso estremo d’iste contrasentito l’he escubierto en una de as zagueras reliquias que he trobato en o mercato de Sant Antoni de Barzelona, iste manual d’incheniería sanitaria de 1904, en o que se i destaca a eficazia de os filtros t’augua potable feitos con amianto, aplicazión que s’ aconsella [1].  Taminientres cuasi á lo mesmo tiempo, en 1906, se diannosticaba en Londres o primer caso de fibrosis de libianos por asbesto á una treballadora d’una fabrica testil.

Sin dembargo o emplego de l’amianto continó enamplando-se, plegando á un punto masimo en a decada de 1970. En a biella casa de o lugar an i pasas as bacanzas, bi ha d’amianto.

No estió dica as añadas 1980 cuan se i dezidió que os articlos rilazionatos con l’amianto yeran causans de cánzer serioso. En os 2000 empezipió á bedar-se en os países desembolicatos (en a EU estió bedau de raso dende 2005).

Güe, anque contina emplegando-se en os países en bías de desembolique, l’amianto ye una de as grans basemias de as normatibas de seguranza y salú de os países  más enantatos.

Pero a istoria de l’amianto no remata astí. S’asperan os risultatos de o suyo emplego y esceso en a lo menos una chenerazión de treballadors de os países desembolicatos esposatos en a suya bida laboral.

Antimás, desaparixerá l’amianto, pero atros nuebos inchenios en surtirán ta sorprender a la umanidá en un primer inte y ta xorrontar-la dimpués. Talmén belún ya los ne conoxes, mesmo ye posible que los ne aigas feito de presén o zaguer Nadal.

————————————————————————————————————————————

Bibliografía:
AVILÑES ARNAU, JUAN. 1904. Madrid. Ingeniería sanitaria - La casa higiénica, IX Filtros de amianto. Librería editoria de Bailly-Bailliere e hijos.

Se presenta asinas:

Metendo como alazet medizions y analís de a respirazión en tiempo reyal mostratas á trabiés d’un smartphone, o dispositibo t’abisa cuan te trobas en estato de conzentrazión, estirantato o escruxinato. En a suya paxina web puedes trobar más detalles.

Aparti del’atrautibo diseño y os sorprendens datos que ista mena de dispositibos pueden plegar á ufrir, en o caso de o Spire pretende ir un trango entadebán con a suya teorica aplicazión en o treballo.

Asinas que, en referenzia sólo que a la parti teunica, he rebisato si reyalmén os datos que ufre poderban fer-se-ne adubir en os prozedimiens d’identificazión, ebaluazión, establexedura y control de midas prebentibas y correutibas que s’emplegan en as interpresas y organizazions.

Ta isto, he prenito como mostra una de as ferramientas prauticas recomentadatas en l’Axenzia Europeya ta la Seguranza y Salú en o Treballo ta la chestión de l’estrés y os perigros psicosozials, concretamén a ista lista de demandas de o HSE britanico que cal que risponda cada treballador. O risultato ye que as 35 demandas que composan o custionario, os datos de o dispositibo pueden amostrar informazión en á lo menos siete d’eras que se’n refieren a os discansos presos en a chornata laboral, a intensidá de o treballo u a presión á la cuala ye chusmeso o treballador.

Antimás de datos adizionals á os alportatos por cada treballador en o custionario, a informazión de o dispositibo puede baler ta establexer bellas azions rapedas y prebias en referenzia, por exemplo, á os discansos, ritmo de treballo, desixenzias de o treballo y presión organizatiba sobre o treballador. Toda ista informazión puede tamién estar o punto de comenzipie de posteriors estudeos más completos.

Ta rematar, iste no ye a mena d’istrumén en o cualo confitarba ta medir o mío estrés chusto antis de chusmeter-me á una preba de escubrimiento de mentiras (que aspero no tener que pasar nunca, por zierto), pero sí en ufren una informazión prautica á un buen pre y a cuala solbenzia teunica y teunoloxica eboluziona á grans trangos.

Poquer á poquer, ista colla de dispositibo “wearables” a la que pertenexe Spire tendrán a suya aplicazión en á ran tamién profesional. Un asunto á siguir de zerca.

Referenzias:
[1] FAST COMPANY. This new wearable device says it helps lower stress at work. July 23, 2014. http://www.fastcoexist.com/3033292/this-new-wearable-device-says-it-helps-lower-stress-at-work-we-put-it-to-the-test. Consultato 26.07.2014.
Bibliografía:
MAIRAL, DAVID. 30 julio 2014. Integrating new technologies into stress management. EU-OSHA - Healthy workplaces. https://www.healthy-workplaces.eu/en/campaign-partners/media-partners/aragon-valley/integrating-new-technologies-into-the-practical-tools-for-managing-stress. Consultato 31 julio 2014.

O seminario estió en direuto, á trabiés de a web (un “webinar”, termino aparexito de o ligallo de “seminario” + “web”) y ye un atro exemplo de o componén umán que amenista o Rete ta consiguir probeito de as aplicazions y serbizios que ban aparixendo.

Más que más, presonas

En a prautica, o webinar consistió en un intercambeo de demandas y rispuestas entre tres ripresentans d’istituzions en o tema enerxetico en Estatos Unius, moderatos por un miembro del MIT Climate CoLab.

Os que siguibános o seminario en direuto á l’atro costao de a pantalla, beyébanos bella cosa asinas:

O mesmo que pasa con l’amostranza á distanzia o as conferenzias emititas en direuto dende Bruselas, iste seminario no ye teunicamén mica orixinal: camaras de bideo, microfonos, o Rete de banda ampla y un programa ta retrasmitir a charrada.

O que sí ye orixinal y que reyalmén mete en firme balor os enantes de a teunoloxía, en o Rete en iste caso, ye l’autitú con que se’n asumen, que da como risultato cosas como:

• unibersidaz y alunnalla en tot o mundo compartiendo conoximiento, como en o caso de l’amostranza unibersal y ubierta;
• organos y ripresentans publicos, amostrando a lo ziudadán de traza trasparén y democratica cómo os comisarios europeyos esponen as grans politicas y cómo as collas de treballo discuten cómo se prenerán as grans dezisions;
• o, como en o caso del webinar de o Climate CoLab, que puedas beyer, ascuitar y mesmo interautuar con tres altos ripresentans d’organizazions alazetals en materia enerxetica de Estatos Unius, que son con toda confitanza en o cambra d’estar de a suya casa o en “a cambra de l’ordenador”, con una naturalidá de raso que te fan sentir más prosimo á ers que si los estieses ascuitando fablando dende un atril á un auditorio de ziens de presonas.

Compartir, trasparenzia y democrazia, confitanza y naturalidá…

…bella cosa que beyer con a chen

Pero antiparti d’istos aspeutos cualitatibos, l’atro diya paré cuenta d’un dato: en os zaguers seis meses, os puestos de a Rete an i tiengo presenzia profesional han estato beyitos a lo menos 32.161 begatas (de seguras que en que remate d’escribir iste post, beluna más), que se’n trestallan asinas:

O lumero de fablans baría dentre os 10.000 y 30.000, cheograficamén conzentratos prenzipalmén en l’Altoragón.

A traza prenzipal de trasmisión de l’aragonés ye como luenga materna, de pais/mais á fillos/as en as redolatas d’orixen. A reyalidá sozio economica d’Aragón, con una contina y sangrosa despoblazión de as arias rurals, fa que ista bía d’espardidura siga muito amenazata.

Iste fautor, chunto á que as politicas lingüisticas de as Almenistrazions en han estato y en son nefastas ta la luenga, fan que l’aragonés siga una d’as luengas europeyas con más firme perigro d’estinzión.

Como aspeuto positibo, ye a esistenzia de lumerosos fablans e importans academicos/as, imbestigadors/as, escritors/as patrimonials de l’aragonés, entidaz sozials…que, grazias á las teunolochías de comunicazión pueden enamplar o suyo impauto y, asinas, o de a luenga.

Antimás, en o Rete, esiten asabelos puestos que en ufren o suyo contenito en aragonés, a mayor partir benculatos á la cultura, l’arte y a istoria, l’autualidá d’Aragón.

Bien, pos á partir de güe, iste blog s’enampla á la lista de recursos disposables en aragonés. D’isto s’encargará Begoña Domínguez, qui, por a suya doble fazeta de familia aragonesofablán y trasmisora de l’aragonés á la suya filla como luenga materna, creyará a bersión aragonesa de o blog, seguntes as normas graficas alcordatas en lo I Congreso de Normalizazión de L’Aragonés de 1987.

Con a bersión en aragonés de o blog alportamos bella cosa que apenas bi’n eba: meter á disposizión de os dentre 10.000 y 30.000 fablans de l’aragonés un contenito espezializato sobre dembas d´autualidá e d’intrés global. De bez, as alto u baxo 3.000 besitas á lo mes de tot o mundo que tiene o blog autualmén beyerán que antimás d´en castellán y anglés, o blog ye en una luenga que muitos d’ers no sapeban que esistiba.

Ye a nuestra traza de contribuzión con a luenga. También d’omenachear á los nuestros pais/mais y yayos/as qui, anque la clamasen d’atra traza, de responsabilidá y desembolique sostenible bella lezión poderban dar-nos güe.

Bibliografía:
BIQUPEDIA. Idioma aragonés. 17 mayo 2014. http://an.wikipedia.org/wiki/Idioma_aragonés. Consultado el 9 junio 2014.
CHARRANDO.COM. Endize de recursos en o rete. http://www.charrando.com/index.php. Consultado 9 junio 2014.

Por exemplo, al redautar un documén podemos recurrir á fuens esternas que mos pueden aduyar d’asabelas trazas, (datos, imachens, ideyas…). De bez, ta otorgar a reconoxedura á l’amo de a fuen que hemos emplegato, esisten barias ozions entre as cualas caldrá que eslixamos e encluyir os debidos creditos en bel puesto de o nuestro documén.

Reconoxer o treballo de a resta ye muito importán pero, cal almitir que no se gosa dedicar tot o tiempo y rispeto que merixe.

Por ixo, iste ye o nesezario post-resumen sobre as esferens trazas en que recurrimos á atros treballos y de cómo podemos esprisar en a nuestra obra a reconoxedura á la fuens que hemos emplegato.

Una aclarazión: iste post-recordanza se refiere a lo caso concreto de creyazión de documens de carauter teunico (informes, estudeos, risultatos d'imbestigazión, articlos, posts en blogs).

Zitar, parafrasear y suporte ta os tuyos argumens.

A esferenzia entre zitar y parafrasear ye más formal que atra cosa.

Cuan emplegamos as parolas literals d’atro autor, somos fendo una zita e ísta irá entre cometas “bla…bla…bla…fin de a zita”.

Sin dembargo, cuan mos referimos á bella ideya ya esitén, pero emplegamos as nuestras propias parolas ta esprisar-la, somos parafraseando.

Pero muitas begatas -en o mío caso a mayoría de as begatas- emplegamos os treballos d’atras presonas como suporte cheneral a los nuestros propios argumens, sin de zitar u parafrasear espresamén parolas u ideyas concretas.

Referenzias, bibliografía y plaxio.

Ta reconoxer o credito correspondién á lo treballo d’atras presonas que hemos zitau, parafraseato u emplegato como suporte, en o nuestro documén cal que incluyamos una lista de referenzias y una sezión de bibliografía.

Bi ha muitos metodos y estilos ta desembolicar as referenzias y a bibliografía y con l’aparizión de a Rete, as posibilidaz s’han multiplicato. Pero asti boi á referir-me á un estilo clasico de fer-lo y que ye o que me planteyo emplegar d’agora entadebán en o blog.

Una referenzia reculle os datos identificatibos de a fuen concreta que hemos emplegato ta zitar u parafrasear. Cada referenzia puede ir auto contino de a zita u frase parafraseata entre parentesis y/u formar partir d’una lista lumerata de referenzias [1] [2] [3]… á la fin de o nuestro documén u a la fin d’una paxina u sezión de o mesmo.

Istos son bels modelos de referenzias:

Á un articlo d’un papel:

[1] APELLITO. Nombre. Calendata de l’articlo. Tetulo de l’articlo. Puesto de publicazión. Nombre de o papel.

Á un libro:

[2] APELLITO, Nombre. Añada de publicazión. Tetulo de o libro, edizión. Editorial. Paxinas de referenzia.

Á lo contenito d’una paxina web:

[3] NOMBRE DE O PUESTO. Calendata de l’artíclo. Tetulo de l’articlo. Adresa URL. Calendata de a consulta.

A bibliografía ye a lista de documens que hemos zitato, parafraseato u consultato como fuen cheneral ta dar suporte á la nuestra obra. Por o tanto, a bibliografía contendrá totas as fuens de consultar que hemos emplegato. A bibliografía gosa estar á la fin de a nuestra obra.

Istos son bels modelos de bibliografía tipo:

Á papels y rebistas:

NOMBRE D’A PUBLICAZIÓN. Tetulo de l’articlo. Calendata de l’articlo.

Á un libro:

APELLÍU, Nombre. Añada de publicazión. Tetulo de o libro, edizión. Editorial.

Á una paxina web:

NOMBRE DE O PUESTO. Calendata de l’articlo. Tetulo de o libro. Adresa URL. Calendata de a consulta.

Como digo, ista ye una traza entre muitas obras d’encluyir referenzias y bibliografía. En cualsiquier caso, o importán ye que quede perfeutamén identificato o treballo.

Cuan s’emplega o treballo d’atra presona y no s’otorga a correspondién y correuto reconoxedura, o treballo risultán ye un plaxio e isto mete en duda a solbenzia -en o sentito más amplo de a parola- tanto á la obra como a lo suyo autor.

Asinas que, anque de cutio meto os enlazes ta cada fuen que consulto, á partir d’agora antimás colocaré as referenzias y/o bibliografía que corresponda en cada post, empezipiando por iste.

Bibliografía
DELTF UNIVERSITY OF TECHNOLOGY. 2014. Information literacy 1. http://tulib.tudelft.nl/publishing/how-to-cite/. Consultato o 15 d' setembre de 2015.

“Off-Grid ye un mezclallo ecleutico de consellos prauticos, notizias de o mundo coneutato á las retes de furniduras y asuntos que pocas begatas esparden os meyos de comunicazión chenerals. (Off-Grid) Promoziona á las muitas interpresas que treballan por un esdebenidero sostenible. Fa campañas sobre temas que intresan á la chen que vive o treballa difuera de a Rete […].

Queremos beyer un desembolique independién de as grans retes en as ziudaz y en o meyo rural ta que os zientos de mils (de presonas) que quieren bibir d’ista traza sigan libres ta fer-lo”

Antiparti d’isto, o portal arrocla una mica dispreziable comunidá de chen que bibe o quiere bibir difuera de as retes de furnidura. Astí bi ha un mapa con os rechistratos en o portal en tot o mundo. En a probinzia de Teruel, por exemplo, bi ha una comunidá rechistrata y yo tamién m’he rechistato como miembro que quiere desconeutar-se de a rete.

No bi ha datos ni exautos ni autualizatos, pero bellas estimazions estraofizials que se pueden considerar seriosas fablaban que en o 2007 en os Estatos Unitos poderba bi aber bellas 250.000 casas bibiendo aparti de as retes publicas de furniduras.

Datos y comunidaz en a Rete aparti, a ideya ye seriosa.

Cal aclarar que o conzeuto off-grid no quiere dizir bibir deseparato de o mundo, ni sisquiera de o sistema. A lo menos asinas lo repleco yo. Off-Grid ye una reazión á cómo ye organizata a furnidura de serbizios alazetals (augua, eleutrizidá, comunicazions, bibienda,…) que recullen os ziudadans de tot o mundo, controlato por grans lobbies que en autuan á toz os rans, globals y en toz os seutors economicos.

A iniziatiba esca a espardidura de as fuens d’enerxías renobables y o emplego y trestalle razional de os recursos. Ye dizir, un desembolique más chusto y sostenible.

Pero aparti d’una elezión indibidual por una mena de bida determinata, o que reyalmén da o suporte nesezario á istas iniziatibas son dos fautors imparables: o cambeo climatico que ye sofrindo o planeta y os enantes teunoloxicos.

Güe son comunidaz chicotas e iniziatibas estraordinarias, pero, poquer á poquer, cada begata imos á estar más os que baigamos saliendo de o sistema, á lo menos tal y como ye autualmén configurato. A lo tiempo.

Cayoron en as mías mans barios lumers “vintage” de a rebista National Geographic, dende 1976!

Leyer ista mena de cosas t’alporta una ambista intresán de cómo yeran as cosas fa bellas decadas y de as prebisions sobre l’esdebenidero, que ya ye o nuestro presén.

Antimás, como beluns de os temas tratatos en as rebistas en coinziden con o contenito de Aragón Valley, he pensato comenzipiar Aragon Valley Classics: una serie de dentratas en clau autual sobre grans feitos de o pasato reliazionatos con a tematica de o blog.

Empezipiaré con un de as feguras más importans de o mundo moderno: O puen de Brooklying, en Nueba York. Remerando as 100 añadas, (130 autualmén) de o comenzipie de o puen, a edizión de mayo de 1983 de National Geographic (entalto), li adedicó un reportache que bi encluye bellas curiosidaz sobre cómo estió a seguranza laboral en a suya costruzión, que estió plena de retos y dificultaz como beyerás.

No se salboron ni os chefes.

A costruzión de o puen corrió á cargo de a familia Roebling: John Augustus, inchenier, inmigrán alemán, estió qui diseñó o puen; o suyo fillo Washington A. y Emily, a muller d’iste, s’encargoron de a direzión de os treballos y control de a execuzión. Como comprebarás, estión uns direutibos muito emplicatos en a costruzión…

Estió un proyeuto largo. Un diya, tanimientres a costruzión, yera o inchenier John A. en una ronda de superbisión en o puen, cuan sofrió l’enganche d’un dos suyos piez entre o muelle y una embarcazión. O curte de barios didos de o pie no impidió que dimpués se’n infeutasen o que remató en incapazidá y, á la fin, en a suya muerte en 1869.

A lo poco tiempo plegó o suyo fillo Washington ta enfilar o proyeuto chunto con a suya muller Emily.  Á l’añada benién, 1870,  Washington empezipió á sofrir un paralís causato por un sindrome de descompresión (embolia, mal de a presión, malotía de os buzos) alquirito en un azidén ocurrito en un de os calaxos presurizatos que se emplegaban ta os treballos subacuaticos. En as siguiens añadas, dirixió os treballos dende a suya cambra, con fortals dolors e mesmo desordenes nerbudos. De todas trazas tenió un larga bida (☩1926).

Dendeluego, ista no ye a mena d’implicazión por parti de os direutibos de as interpresas que escan as nuebas preferenzias de as interpresas…

Con Washington paralitico y en cama, a suya muller Emily, tamién incheniera zebil, asumió o control de os treballos continando con as istruzions de o suyo mariu, chitato en una cambra. Li toco luitar con “eszeuticos espertos e indezens empresaires” (bi ha cosas que en han cambeato, pero isto contina bixén) en una obra de firme complexidá. Sin dembargo, Emily estió de contino, por debán de a situazión. De reconoxito prestixio dica a suya muerte en primerías de os sieglo XX, Emily estió una “fortal torre sobre a que refirmarse”.

Una obra graniza con firmes perigros.

A zimentazión de as dos torres de o puen se fazió escabando zimiens baxo o leito de o río. Una gran mina baxo o ran de as auguas que parixeba a “sensazión de o Inferno de Dante”.

Espais zarratos, treballos subacuaticos,..en condizions estremas estión a causa de desordenes nerbudos y embolias en muitos treballadors antimás de o propio Washington Roebling. A situazión remató en una bada de 4 diyas que se risolbió con un plus de perigrosidá que enamplaba o boso de de 2,25 a 2,75$ diyarios.

En 1878, tanimientres a colocazión y tensato de cables estruturals d’azero entre as dos torres (5,6 kms. de cable), un rollo con 278 cables en tensión s’estricalló, lanzando latigazos á l’aire que alcanzoron y rematoron con a bida de dos treballadors.

Ta montar os tirans de cables d’azero, se emplegaban bels suportes elebadors de treballadors como as que en aparixen en a portalada de a rebista (entalto). Equipatas mesmo con barandillas. No bi ha datos de os treballadors azidentatos penchatos de os cables, pero belún bi abió de seguro.

O más increyible de tot ye que, 130 añadas dimpués de a comenzipie de o puen de Brooklyn encara ye posible beyer situazions parellanas en bels zentros de treballo.

Ha beyito tú en zaguerías beluns d’istos nostalxicos de a costruzión tradizional!?

Ta rematar, un bideo-omenache con un clasico güeitentero de Brooklyn:

A decisión d’a Comisión Europea resulta tremendament inoportuna por dos razons fundamentals: a primera concierne a o proceso d’aprobación, y viene a confirmar o lamentable deficit democratico d’a Unión Europea por lo que fa a o procedimiento d’autorización de transchenicos. O procedimiento actual permite a la Comisión dar luz verda a un nuevo organismo modificau cheneticament (OMG) si no i hai alcuerdo en o sino d’o Consello -ye dicir, mesmo si una mayoría d’Estaus miembros s’oposa a la suya aprobación. De feito, a practica totalidat d’os transchenicos autorizaus en a Unión Europea han estau aprebaus por a Comisión fendo uso d’ista prerrogativa. Sorprende manimenos que a decisión adoptada o día 24, que mete termin a un periodo de 17 meses sin garra nueva autorización, se realice chustament a totz dos días d’haber publicau una propuesta de nueva normativa d’a Comisión suposadament encaminada a correchir iste deficit democratico.

A segunda razón se refiere a o feito que a Comisión no haiga teniu en cuenta que o 20 de marzo a Organización Mundial d’a Salut, Achencia Internacional d’Investigación d’o Cancer declaraba l’herbicida glifosato “probable carcinocheno”, incluindo iste producto entre aquells qualo consumo conviene privar (Categoría 2A). Isto habría d’haber levau a l’inte a la paralización d’o proceso d’aprobación de totz os OMG resistents a iste herbicida, y mesmo a la revocación d’as autorizacions concedidas anteriorment.

Se da a circumstancia que d’os 17 OMG con destín alimentario autorizaus por a Comisión, 15 son resistents a herbicidas y 8 son resistents a o glifosato. Os cautivos transchenicos resistents a os herbicidas implican una mayor presencia de residuos quimicos toxicos en os alimentos. En o caso d’o glifosato, a introducción d’iste tipo de cautivos suposó que s’incrementaran os limites maximos de residuos d’iste herbicida permitius en l’alimentación.

Amás, varios d’os nuevos OMG autorizaus por a Comisión tienen rasgos “combinaus”, ye dicir incorporan quantos caracters transchenicos (tolerancia a un u quantos herbicidas y resistencia a plagas) en una mesma planta. Istes OMG han estau desembolicaus por a industria en respuesta a la proliferación de super-plagas y de malas hierbas resistents a os agroquimicos utilizaus en os cautivos transchenicos. O suyo cautivo suposa una preocupant fuyida enta debant, y acrecienta a dependencia d’agroquímicos toxicos que pasan a os alimentos. En conseqüencia, a suya importación con fins alimentarias resulta enormement preocupant dende o punto de vista d’a salut. Por si estase poco, en a evaluación d’istes productos no s’han teniu en cuenta os efectos sinérgicos que podrían producir en combinar varios d’istes rasgos (y herbicidas) en una mesma variedat.

Os negociadors europeus han afirmau por activa y por pasiva que os transchenicos quedarían difuera d’as negociacions d’o Tractau de Libre Comercio con Estados Unidos (TTIP). Manimenos, a decisión adoptada por a Comisión o 24 d’abril ye un claro guiño a os intréses d’as multinacionals y o Gubierno estadounidense, que presionan ta aconseguir a obridura d’os mercaus europeus a os OMG, manimenos bi ha una mayoría d’a población europea que s’oposa a istes productos. En iste contexto, ista decisión resulta muit oportuna: se tracta d’una important concesión que coincide con a obridura d’a nuena ronda de negociacions d’o TTIP. A Comisión Europea s’ha plegau a las presions d’a poderosa industria biotecnolochica y agroalimentaria (incluida a quimica), sacrificando a las exichencias d’o libre comercio o dreito a una alimentación saludable t’as personas y a la sobiranía alimentaria d’os pueblos.

Organizacions, grupos y colectivos sinyants: Amigos de la Tierra, Aragón Sin Transgénicos y hacia la Soberanía Alimentaria, Ecologistas en Acción, CERAI, Confederación de Consumidores y Usuarios (CECU), Coordinadora de Organizaciones de Agricultores y Ganaderos (COAG), Greenpeace, ISF-Valéncia, Periféries, Red de Semillas, SEAE y miembros de la Plataforma Rural y la Plataforma por la Soberanía Alimentaria del País Valenciá así como la Plataforma por una Andalucía Libre de Transgénicos (PALT) , Plataforma Rural

Fuent: http://mallata.com/?p=388

Fuent: Bruselas autoriza 17 nuevos transchenicos con destin alimentario | Arredol

Ta yo, estar de lugar ye un argüello y pribilexio. O contauto con a naturaleza, poder mirar-se y replecar cómo crexen as plantas y animals que mos minchamos, a trayeutoria de as casas, o ritmo de a bida, ziel encara escoscato (de l’augua no pas fablo entre otras cosas por isto) y nueis foscas,… Un balor adubito con que he estato premiato en a bida, y que más aprezio á mida que boi fendo pintacodas por o mundo.

Ayere, o programa de tb “Salvados” estió dedicato á Chanobas. Ya sapes, o lugar desauziato que quiere rebiscolar. En un inte de o programa, Jordi Evolé —y de seguro que muita chen beyendo o programa de tb— se demandaba o por qué de a delera de a chen de tornar á lo lugar. A respuesta ye simpla: Chanobas ye o suyo lugar.

Pero antiparti de o sinnificato que tienen ta las suyas chens, dende l’ambista de o desembolique de una tierra, os lugars en son o exemplo de sostenibilidá, de codesión d’un territorio, a primera esprision de a economía d’escala, l’orixen de ziudaz, o termometro que mide a prosperidá y o “musclo” d’una redolada: os pilars d’a tierra.

Por si estase poco, o esdebenidero presenta un polido tarabidato en os que os lugars conserban os benefizios de o entorno rural, de bez que se’n ban trobando meyos ta solbentar fautors de desembolique como treballo, educazión, infraestruturas y serbizios de salú.

Por ixo, independientemén de os dudosos balors que mueben á muitos risponsables de prener dezisions —de os que o caso de Chanobas ye un exemplo—, risultan difizílmén esplicables as politicas que en leban á una eboluzión d’una poblazión como a que presenta, por exemplo, Aragón [1]:

A consecuenzia d’ista eboluzión ye una: a ruina economica, sozial y meyoambiental.

[…] o 95 % de o territorio aragonés se considera “redolada rural feble y poco estruturata” […]: arias con graus dificultaz ta o suyo mantenimiento de a suya poblazión y de firme carauter periferico; u que, chunto a la grandaria insufizién de os zentros urbans, determina una baxa rentabilidá de as infraestruturas de desembolique, una muito baxa ufierta de serbizios y un sistema economico feble y poco dibersificato [2];

En Aragón, l’espazio urbán se conzentra fundamentalmén arredol de a ziudá de Zaragoza, que ripresenta sólo que un 5% de o territorio anque bi encluye o 53% de a poblazión total aragonesa [2];

Aragón presenta, por o tanto, una marcata dualidá rural-urbana que ha estau afundando en o desequilibrio intraterritorial. A comunidá puede estar descrita de traza simplificata como un chicot espazio zentral (5% de o territorio) fundamén poblato, de carauter metropolitano y con zierto potenzial de desembolique chunito á lo “Corredor de l’Ebro”, rodeato d’una ampla periferia (95% de o territorio) de marcato carauter rural, atenazato por o despoblamiento y por una limitazión d’alternatibas á las ocupazions y autibidaz economicas tradizionals. Ista ampla periferia presenta un sistema urbán muito feble, como consecuenzia de a dispersión con a que se trestalla a poblazión: 729 monezipios de os que  solo que 10 (antimás de Zaragoza) puyan á os 10.000 abitans [2]

O caso de Chanobas es una paradoxa de tot isto: de a insolbenzia integra (teunica, etica y de toda mena) de os organismos publicos y pribatos y a mayoría de os suyos integrans, pero tamién de os balors de os lugars y de as suyas chens.

A tornata á Chanobas no ye solo que o caso d’un lugar que quiere renaxer, ni una simpla “rebersión” de unas casas y os suyos campos, ye o feito que cal que marque o balor de as arias rurals de cada redorada, una modelo de desembolique sustenible á ran global.

Lugars, os pilars de a tierra. Ers en son marcando o camín:

Referenzias:
[1] INSTITUTO ARAGONÉS D'ESTADISTICA. Febrero 2015. Datos alazetals d'Aragón. http://www.aragon.es/estaticos/GobiernoAragon/Organismos/InstitutoAragonesEstadistica/Documentos/docs/Areas/DatosBasic/2011_Actualizados/03_Poblacion.pdf. Consultato 2.nov.2015;
[2] EUROPEAN COMMISSION. Junio 2001. Informe ta la Conferenzia sobre redoladas espoblatas y politicas estruturales de a Unión Europeya, Lycksele (Suecia), 12-13 junio 2001. http://ec.europa.eu/regional_policy/archive/sources/docconf/depop/document/aragon_es.pdf. Consultato 2.nov.2015