يشكو الكثيرون من أرتفاع أسعار الكورسات علي يوديمي حيث يصل بعضها إلي 200 دولار و أكثر.

كما يحتار البعض الآخر من عدم ثبات الأسعار فهي تارة مرتفعة و تارة عليها خصومات كبيرة مما يجعل الشخص غير مرتاح عند الشراء  و يفكر فربما ينخفض سعر الكورس مرة أخري فلمائا أشتريه الآن؟

و لأني أشعر بنفس الحيرة و عدم الثقة التي تشعر بها فقد قررت مع بداية العام الجديد أن أثبت أسعار كورساتي عن الحد الأدني الذي يسمح به الموقع و هو 19.99$ لأي كورس منهم.

​

​من الآن تستطيع الأشتراك في أي من الكورسات المتاحة لدي علي يوديمي بنفس السعر في أي وقت تريد و تكون مطمئن أن سعر الكورس لن يتغير عن هذا السعر.

و هذه قائمة الكورسات الحالية:

احترف العمل الحر علي الإنترنت

كل ما تحتاجه لكي تصبح فريلانسر محترف و تستطيع تحقيق دخل إضافي من خلال القيام بعمل تحبه من المنزل

https://www.udemy.com/freelancing-in-arabic/​​

ابدإ الفريلانسينج مع فايفرر

https://www.udemy.com/fiverr-freelancing-arabic/​​

أحترف الفريلانسينج علي فايفرر

https://www.udemy.com/fiverr-freelancing-arabic-pro/​​

بالإضافة إلي الكورسات المجانية:

أسرار التسوق أونلاين بأمان

طرق مجربة و نصائح عملية علشان تتعلم إزاي تشتري إحتياجاتك أونلاين و توفر فلوسك بأمان تام

https://www.udemy.com/online-shopping-secrets-arabic/​​

Build Responsive Websites in a Hour

Create Website , Mobile App , Shopping cart and Online Web Application with no Coding

https://www.udemy.com/build-website/​​

أتمني أن تكون مستفيد بالكورسات التي اشتركت فيها و يسعدني إنضمامك لباقي الكورسات أن كنت تري فيها فائدة لك.

كما أكون سعيد لو فكرت في ترشيح الكورسات لأصدقائك و زملائك الذين قد يجدون فيها فائدة لهم.

تحياتي لك,

د/ ممدوح

معاناة الفريلانسرز مع الدولار

من فترة طويلة يعاني مستخدمو الإنترنت للعمل الحر في مصر أو الفريلانسرز من مشاكل الدولار و صعوبة السحب لأرباحهم التي يحصلون عليها و كذلك صعوبة الدفع نتيجة القيود التي تضعها البنوك المصرية علي التداول بالدولار و سبب هذا لكثيرين ضعف الإيرادات و عدم التمكن من الدخول في مشاريع كبيرة خوفاً من الفشل في الحصول علي أموالهم في النهاية.

المفاجأة من بايونيير

و اليوم وصلني خبر ممتاز من بايونيير رائد حلول الدفع يبشر فيها بإمكانية سحب الأموال من الحساب الخاص ببايونيير إلي الحساب البنكي بالدولار.

و هذا بكل المقاييس خبر رائع لكل من له صلة بالعمل الحر علي الإنترنت أو الفريلانسينج و سيكون له دور كبير في أزدهار هذه المجالات في مصر في وقت قصير.

فالوضع السابق كان يحتاج الشخص إلي سحب أمواله بالجنيه المصري و المعاناة مع سعر التحويل و العمولات و غيرها ليكتشف أنه خسر نسبة غير قليلة من المبلغ.

و تزداد المشكلة لمن يحتاج الدفع بالدولار في عمله لأنه يعاني من نفس مشكلة التحويل و العمولة البنكية مرة أخري.

كيف تستفيد من هذه الخطوة

1. تحتاج أولاً إلي أن يكون لديك حساب بنكي بالدولار أو فتح حساب جديد.
2. تحتاج إلي إضافة هذا الحساب علي حسابك الخاص ببايونيير من خلال القائمة الرئيسية بالضغط علي Settings then choose Bank Accounts
   
3. و من خلال الصفحة التي تظهر ليك الضغط علي Add Bank Account
   
4. ثم عند إضافة البنك عليك إختيار لغة الحساب لتكون USD كما هو موضح بالشكل
   

أتمني أن تكون الطريقة سهلة و واضحة و تكون سبب زيادة الربح لكم.

و إن كنت لم تشترك في بايونيير حتي الآن يمكنك الأشتراك الآن من خلال هذا الرابط و الأستفادة من العرض الخاص الذي تقدمه بايونيير لتكسب 25 دولار أمريكي عندما يصل حسابك إلي 100 دولار.

تحياتي,

د/ ممدوح عز

ناس كتير مهتمة أنها تدخل مجال التدريس أونلاين و بتلاقي صعوبة في أنها تبدأ و أزاي تقدر تختار الطريق و بتقابلها أسئلة كتير بتحتار في الإجابة عليها.

من خلال البوست ده هأحاول أن أقدم إجابات لأشهر الاسئلة اللي هتقابلك و أنت بتبدأ و هأنقل لك من خلالها خبرتي في المجال ده اللي عمرها دلوقتي أكتر من سنة و شهرين بالضبط.

محتاج إيه علشان تبدأ؟

هتحتاج بعض النقاط الهامة علشان تقدر تأخد أول خطواتك بنجاح في المجال ده:

1. لغة إنجليزية جيدة و رغم أنك ممكن تدرس بالعربي لكن أكبر و أشهر مواقع التدريس أونلاين أنجليزية و معظم المصادر اللي هتتعلم منها كمان بالإنجليزي علشان كده لو عندك لغة كويسة هيسهل عليك الطريق كتير.
2. محتاج وقت كبير لأن إعداد الكورسات و خاصة في البداية هيأخذ منك وقت كبير( أول كورس عملته أخذ مني شهرين تجهيز)
3. محتاج تحدد أيه الموضوع اللي أنت متميز فيه و تحب أنك تدرسه و تتخصص فيه و دي نقطة مهمة جداً
4. لو عندك معرفة جيدة بأساسيات التسويق و خصوصاً التسويق الإلكتروني ده هيسهل عليك الطريق و يساعدك تنجح بشكل أسرع
5. هتحتاج تشتري بعض المعدات اللي هتستعملها في التسجيل سواء الصوتي مثل ميكروفون جيد أو المرئي مثل كاميرا فيديو جيدة
6. هتحتاج صبر كتير…..

إيه أشهر المواقع اللي ممكن أبدأ التدريس عليها؟

مواقع التدريس أونلاين كتيرة جداً و كل يوم بتظهر مواقع جديدة و أرشح لك المجموعة دي منها:

1- Udemy

و هو حالياً واحد من أكبر و أشهر المواقع في العالم و من المواقع الرائدة النهاردة في التعلم الأكتروني و بيمتاز بأنه بيشجع كل واحد عاوز يبدأ التدريس أونلاين و بيقدم مجموعة كورسات تعليمية( هنتكلم عنها بالتفصيل بعد شوية). و  به قاعدة معقولة من المشتركين العرب و عدد معقول جداً من الكورسات العربية فهو مناسب لو بتفكر تبدأ كورس بالعربي و إن كان طبعاً الإنجليزية له الغلبة بشكل كبير.

2- Skillshare

و هو من المواقع الصاعدة بسرعة الصاروخ و بيشتهر بالكورسات القصيرة المركزة و المتنوعة المجالات و تركيزه كله علي اللغة الإنجليزية يعني لو بتفكر تقدم كورس بالعربي ممكن يكون مش مناسب ليك.

3- Nadrus:

و هو موقع عربي صاعد و كل الكورسات عليه و كمان لغة الموقع بالعربي و ده بيكون مناسب ليك لو مش بتجيد الإنجليزية أو تفضل التركيز علي المحتوي العربي و الجمهور العربي.

أزاي أتعلم المهارات المطلوبة للبداية في التدريس أونلاين؟

معظم المواقع المذكورة بالأعلي بتقدم لك مقالات مكتوبة تساعدك علي البداية و بتشرح لك الأساسيات المحتاج أنك تعرفها علشان تبدأ و كمان مؤخراً موقع يوديمي عمل مجموعة من الكورسات المتميزة و المجانية اللي تقدر تشترك فيها و تتعلم منها كل حاجة محتاجها و دي تفاصيلها:

1- Udemy Insights: Video Quality on Udemy

و الكورس دا بيعرفك يعني إيه ” فيديو بجودة عالية” و بيشرح لك أهم اللي ممكن تواجهك و أنت بتسجل الفيديو أو الصوت و أزاي تقدر تتغلب عليها.

و كمان بيدربك علي انك تميز الأخطاء الشائعة في الفيديوهات المختلفة.

2- Udemy Insights: Filming your Videos

و الكورس ده مخصص لأنه يعلمك أزاي تقدر تسجل الفيدوهات الخاصة بالكورس بتاعك و بيغطي نقط مهمة جداً زي:

• أزاي تختار المعدات المناسبة للتصوير و التسجيل
• أزاي تجهز مكان التصوير أو الأستديو الخاص بيك
• أزاي تصور و تجهز أول فيديو ليك
• و بعض النصائح اللي هتساعدك في أنك توفر وقتك أثناء التصوير

3- Udemy Insights: Editing your Videos

و الكورس ده بيعلمك أزاي تقدر تعمل مونتاج للفيديوهات الخاصة بيك و تضيف ليها موسيقي أو نصوص توضيحية علشان تخلي مستوي الكورس أقوي و يكون شيق أكتر للمشتركين فيه.

4- Class Marketing: Build Your Student Following on Skillshare

و الكورس ده هيعلمك أساسيات التسويق لكورساتك و خصوصاً علي الموقع نفسه و أزاي تقدر تستفيد منه في أنك تبني لنفسك قاعدة متابعين كبيرة.

يا تري الموضوع مربح مادياً؟

ناس كتير لما بتفكر أنها تبدأ بالتدريس أونلاين بتكون دي أول نقطة في بالها, يا تري هكسب قد أيه و هحقق أرباح شكلها أيه؟

الحقيقة أني شايف أن لو ده هدفك الأساسي هيكون صعب عليك أنك توصل له لأنك هتزهق بسرعة و توقف لأن الموضوع صعب في بدايته و محتاج يكون عندك شغف و حب للتدريس مش مجرد حاجة بتؤديها علشان تحقق منها فلوس.

لو أنت عندك قاعدة متابعين كبيرة ده هيخلي البداية أسهل و هتقدر تدخل المجال بشكل أفضل و لو مش عندك القاعدة الكافية من المتابعني هتأخذ وقت علشان تكونها فمهم جداً أنك تكون صبور.

تجربتي الشخصية مع التدريس أونلاين:

لو حابب أنك تعرف أكتر عن تجربتي الشخصية مع التدريس أونلاين هتلاقيها بالتفصيل في المقال ده و أتمني أنها تكون مشجعة ليك.

لو عندك أي أستفسار أو تعليق يسعدني سماعه و معرفة رأيك بشكل عام في المقال.

ابدإ مع يوديمي من خلال اللينك ده و هما هيساعدوك أنك تنجح و تعرف كل التفاصيل اللي محتاج تعرفها.

أتمني لك التوفيق في مجال التدريس أونلاين.

د/ ممدوح عز

يسعدني بمناسبة مشاركتي كمتحدث في ملتقي المصممين الخامس في أسيوط أن أقدم عروض خاصة علي كورساتي علي موقع يوديمي لتستطيع الإستفادة منها و الالتحاق بتلك الكورسات بأفضل الأسعار( خصم خاص 50% علي كل الكورسات لفترة محدودة فقط )

أهم الكورسات في العرض:

كورس” احترف العمل الحر علي الإنترنت”

و يعرفك علي تفاصيل العمل كفريلانسر و يؤهلك للعمل علي مواقع مثل Freelancer, Upwork and More

احصل علي الكورس بسعر خاص من خلال هذا الرابط

——

كورس” إبدأ الفريلانسينج علي فايفرر”

و يتيح لك البداية من الصفر من خلال بدء نشر خدماتك علي موقع فايفرر و هو مناسب لمن يحتاج إلي بداية سريعة و ليس لديه وقت كبير لكي يبدأ.

احصل علي الكورس بسعر خاص من خلال هذا الرابط

——

كورس” أحترف الفريلانسينج علي فايفرر”

و يؤهلك للترقي والوصول للمستويات الأعلي علي فايفرر و هو مناسب لمن بدأ بالعمل علي الموقع بالفعل و يريد الترقي عليه و الوصول لبائع مستوي أول أو ثاني

احصل علي الكورس بسعر خاص من خلال هذا الرابط

——

Super Star Freelancer: How to Freelance for Designers( English)

It allows you to get started with Freelancing and has lots of useful stuff for designers in particular+ more ways to make passive income online.

Get the Special Offer through this link

======

لو عندك أي سؤال يسعدني الإجابة عليه و التواصل معك.

تحياتي,

د/ ممدوح عز

يمر هذه الأيام عام كامل علي بداية تجربتي مع التدريس أونلاين و قد بدأت هذه التجربة في يونيو 2015 عندما أخذت أولي خطواتي في تحضير كورس خاص بي علي موقع يوديمي.

البداية مع موقع يوديمي:

و كانت بدايتي علي يوديمي مع كورس” احترف الفريلانسينج بالعربي” و الذي استغرق أعداده قرابة الشهرين ليكون جاهزاً للنشر علي الموقع.

و كان بداية نشر الكورس تجربة لا تصدق بعد معاناة طويلة مع التسجيل و التصوير للكورس و محاولة الوصول بجودة المادة المقدمة لتتناسب مع الشروط الصعبة التي يضعها موقع يوديمي كشرط لنشر الكورسات علي موقعهم من حيث جودة الصوت و الصورة.

و مع مرور الوقت بدأت أستمتع بالتجربة و فكرت في إضافة كورس جديدة فقمت بنشر كورس بعنوان” اكتشف الفريلانسينج مع فايفرر” و بعدها بعدة أشهر فكرت في عمل كورس عن موضوع مختلف و غير متخصص و كان كورس” أسرار الشراء أونلاين بأمان“.

و بعد مرور قرابة الثمانية أشهر بدأت في نشر كورساتي علي مواقع أخري مثل موقع ندرس و هو أحد المنصات المتميزة للتعليم الإلكترني العربية ثم جاء بعدها نشر كورس علي موقع تصميمي كثاني موقع عربي أنشر عليه.

ثم فكرت في أن أبدا في نشر كورسات باللغة الإنجليزية لأنها صاحبة الجمهور الأكبر في هذا المجال و لأن متحدثي الإنجليزية يشكلون العدد الأكبر من مشتركي موقع يوديمي فكان كورسي الأول

Super Star Freelancer :: Freelancing for Designers

أين وصلت اليوم؟

و اليوم وصل عدد المشتركين في كورساتي علي موقع يوديمي 1330 طالب مع 73 دولة حول العالم أكثرهم من مصر و السعودية و والمغرب و أمريكا و الجزائر.

كما بدأت مؤخراً في نشر كورساتي الأنجليزية الجديدة علي موقع Skillshare و لي عليه حتي الآن 4 كورسات منشورة.

أنطباعاتي عن التجربة بشكل عام:

• التجربة بشكل عام ممتعة فأن تنتقل من التدريب المحلي في مدينتك أو ما حولها لتدريب ناس في أي مكان في العالم يفتح أمامك آفاق أوسع و يجعلك تشعر بمتعة كبيرة
• الأمر ليس سهلاً علي الاطلاق لنفس السبب السابق فمطلوب منك أن تقدم مستوي مرتفع من المحتوي و طريقة العرض و جودة الصوت و الصورة و هو أمر يتطلب الكثير من الوقت و الجهد و المال أحياناً
• لا يزال مفهوم الشراء أونلاين و شراء الكورسات بشكل خاص غير ناضج بالشكل الكافي في مجتمعاتنا العربية مما يجعل إنتاج محتوي عربي للكورسات غير مجدي أقتصادياً بالشكل الكافي( من واقع تجربتي الشخصية علي الأقل)
• و لهذا السبب تجد الكثير من المدربين العرب و المصريين يلجأون لانتاج محتوي باللغة الإنجليزية لأنها السوق الاكبر عالمياً و بالتالي فهي مربحة بشكل أكبر
• التسويق للكورسات له نفس أهمية انتاج محتوي قيم و بدونه سيظل المحتوي الجيد بدون مشاهدين يستفيدوا منه

نفسك تخوض التجربة؟

لو بتفكر أنك تبدأ في التدريس أونلاين وعندك الرغبة و الحماس للخطوة دي أشجعك عليها جداً المهم أنك تكون هتعمل الموضوع ده عن حب و استمتاع مش بغرض الكسب المادي فقط زي ناس كتير بتتواصل معايا و بيكون ليهم سؤال واحد” هكسب كام لو نشرت كورس علي يوديمي؟|

التدريس أونلاين بلا شك تجربة ممتعة و هتزيدك خبرة و معرفة و هتخليك حريص أنك تتعلم و تطور من نفسك.

جاهز أنك تبدأ؟

المقال المفصل ده هيساعدك تعرف كل حاجة محتاجها علشان تقدر تبدأ التدريس أونلاين

لو عندك أي سؤال عن الموضوع يسعدني الإجابة عليه.

تحياتي,

د/ ممدوح عز

لو أنت مصمم جرافيك مصري أوعي تفوتك الفرصة دي.

السفارة الصينية في القاهرة عاملة مسابقة لتصميم لوجو بمناسبة العيد الستين للعلاقات المصرية الصينية و الجايزة الأولي للمسابقة هي 20 ألف جنيه مصري و كمان فيه جوايز تانية كتير للفائزين بالمراكز لغاية المركز ال 17

يا تري إيه المطلوب و أيه التفاصيل؟

و تقدر تعرف تفاصيل أكتر من خلال الصور دي كمان:

و أوعي تنسي أن آخر موعد لقبول التصميم هو 20 مايو 2016.

و تقدر تعرف كل تفاصيل المشاركة من خلال موقع السفارة الصينية هنا

مصدر الخبر:

موقع مصر العربية

النتيجة النهائية للمسابقة:

تعرف علي النتيجة النهائية للمسابقة و الأعمال الفائزة بها من هنا

Landscape is an exciting new tool by Sprout Social that will allow designers and social media marketers to re-size and crop their images for different social media sites with ease and for Free.

It’s an Online tool that you can use without the need to sign up so it’s really easy and fun to use and you can learn how to use it from this quick video tutorial.

You can try it yourself here,
https://sproutsocial.com/landscape/

Hope you find it useful.

And if you have other tools that you use for social media, please, share them by commenting below.

نفسك تعرف أيه هو الفريلانسينج؟

سمعت عن الفريلانسينج و نفسك تعرف أيه هو المجال ده و إيه مميزاته و ليه كتير من الشباب مقبل عليه؟

هل جربت انك تدخل المجال و لقيت صعوبة في فهم طريقة عمله و أزاي تقدر تنجح و تتميز فيه؟

علشان تعرف إجابة الأسئلة دي شوف العرض التقديمي ده و أنت تعرف

عايز تعرف أكتر؟

لو مهتم تعرف أكتر عن الفريلانسينج شوف الكورس ده اللي هيساعدك أنك تبدأ و تنجح في المجال ده بشكل صحيح من البداية.

و لو عندك اي اسئلة يسعدنا الإجابة عليها.

تحياتي:

د/ ممدوح عز

يا تري تعرف أنك تقدر تشتري مباشرة من الصين و يوصلك طلبك في أي مكان في العالم؟

كانت ليا تجربة أني اشتري سماعة بلوتوث من الصين و دي تفاصيل اللي حصل و اتعلمته من خلال التجربة دي.

دي صورة السماعة اللي كانت عجباني و اسمها mi Bluetooth Speaker from xiaomi

يا تري ليه فكرت أشتريها من الصين؟

• السماعة دي من ماركة لسه ما نزلتش مصر و كنت دايماً باسمع عنها و نفسي أجربها و خصوصاً أن كل التقييمات ليها كانت مميزة
• تاني سبب أني لقيتها بسعر مميز علي موقع Gearbest
• حجمها مناسب جداً و صوتها رائع مقارنة بالحجم و السعر فقررت أنها أنسب أختيار بالنسبة لي
• أن المبلغ الإجمالي كان صغير و بالتالي المغامرة كانت صغيرة

التجربة كانت شكلها أيه؟

• الشراء من علي الموقع كان سهل جداً و السعر كان مميز( في حدود 140 جنيه مصري)
• و الشحن كان مجاناً لأي مكان في العالم
• مشكلتها الوحيدة كانت في وقت الشحن الفعلي و دا كان طويل جداً في حدود شهرين و لكن لأني كنت مش مستعجل عليها كانت النقطة غير هامة بالنسبة لي.
• واجهت بعض الصعوبات مع الجمارك و دا أدي لتأخير وصولها لي لكن في النهاية وصلتني و دفعت عليها حوالي 60 مصاريف إضافية.( جمارك و مصاريف إدارية)
• يعني في النهاية وصلتني السماعة بتكلفة إجمالية 200 جنيه بالضبط.

تقييمي للتجربة:

التجربة بشكل عام إيجابية و رغم التأخير في النهاية قدرت أحصل علي منتج نفسي فيه و علي مزاجي رغم عدم توفره في بلدي و دفعت فيه سعر أقل بكتير من سعر توفره هنا في مصر لو كان متوفر لأني من خلال بحثي لقيت أن أي ماركة مقاربة ليها هتكون مش أقل من 300 جنيه

بشكل عام سعيد بالتجربة و أتمني تلاقوها مفيدة ليكم و تشجعكم علي الشراء أونلاين بشكل أكبر.

و يسعدني معرفة رأيكم فيها. و لو عندك تجربة مشابهة يا ريت تشاركنا بيها في التعليقات.

لو مهتم تعرف أكتر عن الموضوع سجل ايميلك هنا علشان توصلك أحدث الأخبار.

تحياتي

د/ ممدوح

لو كنت مهتم بمجال الجرافيك يبقي أكيد تعرف برنامج الفوتوشوب أو جربت تستعمله.

لكن هل يا تري عرفت بالتحديث الأخير اللي نزلته شركة أدوبي علي البرنامج و اسمه Photoshop CC 2015؟

أهم المميزات:

علشان نسهل عليك أنك تعرف أهم الجديد في النسخة دي و ليه لازم تهتم أنك تنزلها و تشتغل بيها سجلنا لك الفيديو ده اللي بيشرح لك اهم الإضافات و مميزاتها و أزاي تستفيد منها.

شارك برأيك:

نتمني أن يعجبك و تلاقيه مفيد و نحب نعرف رأيك في الإصدار الجديد و هل شايفه أحسن من اللي قبله و لا لا و أيه أهم المميزات اللي بيقدمها من وجهة نظرك.

في إنتظار رأيك و تعليقاتك بعد ما تشوف الفيديو.

د/ ممدوح عز