ASTR

Android feston 5 vjetorin, me mbi 11,800 telefona

2013-09-24T07:37:00.001-07:00

Platforma më e madhe mobile e kompanisë Google, sistemi operativ Android sot po e feston 5 vjetorin e saj. Pesë vite më parë, për të parën herë Android ishte instaluar në modelin e telefonit të HTC-së, Dream, apo siç njihej ndryshe T-Mobile G1.
Që nga ajo kohë, Android është shndërruar në sistemin operativ më masiv, dhe pjesëmarrja e Android në tregun global të telefonave të mençur mobil sot është rreth 64%, ndërsa pjesa më e madhe e telefonave mobil që bazohen në këtë platformë mobile vjen nga Samsung, e përcjell edhe nga prodhuesit e tjerë global të cilët modelet e tyre i bazojnë në këtë sistem operativ mobil.
Deri në korrik të këtij viti, në treg ishin më shumë se 11,868 modele të ndryshme të telefonave që bazohen në sistemin operativ Android.
Statistikat tjera përfshijnë edhe instalimin e 48 miliardë aplikacioneve të shkarkuara nga Google Play deri në muajin maj 2013, ndërsa deri më 3 shtator të këtij viti mbi 1 miliardë pajisje mobile Android janë aktivizuar.

Amanda Seyfried pornografi që fëmijë

2013-08-09T05:18:00.001-07:00

Amanda Seyfried u vesh në rolin e një pornostari, në filmin e saj të fundit, ku luajti rolin e Linda Lovelace, aktores më të famshme dhe pionere të filmave me “pullë të kuqe” në SHBA-në e viteve 1970-80.

Megjithatë, aktorja hollivudiane duket se është futur më shumë seç duhet në këtë botë, duke rrëfyer në një intervistë për portalin amerikan gossip “TMZ” se për herë të parë pa një film pornografik kur ende nuk i kishin rënë dhëmbët e qumështit.

“Mendoj se isha gjashtë vjeç kur kam parë për herë të parë pornografi. Mbaj mend që ajo ishte edhe hera e parë në jetën time që shikoja një organ seksual mashkullor. Sot e di që të shohësh filma të tillë në atë moshë është diçka jashtëzakonisht e gabuar.

Mbaj mend që për disa kohë më vonë kisha frikë mos isha sëmurur me AIDS, pasi e dija që transmetohej seksualisht dhe pasi ndoqa filmin, mendoja se edhe unë mund të isha sëmurë”, kujtoi aktorja.

Neymar vuan nga Anemia

2013-08-04T10:48:00.002-07:00

Blerja më e shtrenjtë në historinë e Barcelonës, Neymar, do të ndjekë gjatë turit aziatik të skuadrës në Azi një trajtim kundër anemisë, e zbuluar në kontrollin e tij të fundit të gjakut.

Neymar, pas përfundimit të Kupës së Konfederatave iu nënshtrua një operacioni për heqjen e bajameve, me qëllim përmirësimin e rendimentit fizik, por duket se nuk është rikuperuar ende tërësisht nga ndërhyrja.

Anemia, ndonëse nuk konsiderohet një sëmundje, është shenjë e dobësisë fizike që mund të ketë disa arsye të ndryshme.

Arsyeja më e zakonshme është mungesa e hekurit në gjak ose e ndonjë hemoragjie të ndodhur më parë në organizëm.

Mbetet për të parë se si do të trajtojë stafi mjekësor i Barcelonës këtë problem të sulmuesit dhe nëse ai do të jetë shëruar në kohë për nisjen e ndeshjeve zyrtare, më vonë në gusht.

Bale nuk shkon në Real

2013-08-04T10:45:00.000-07:00

Menaxheri i Tottenhamit, Andre Villas-Boas ka thënë se Gareth Bale nuk do të largohet nga klubi londinez dhe ka kritikuar trajnerin e Realit, Carlo Ancelotti.

Trajneri portugez ka theksuar se Ancelotti nuk është dashur që publikisht të thotë se cilat janë mënyrat që “Klubi Mbretëror” po tenton të transferoj reprezentuesin e Uellsit në “Santiago Bernabeu”.

Boas ka thënë se përfaqësuesit e dy klubeve kanë biseduar, por Realit i është bërë e qartë që Bale nuk është në shitje.

BE-ja ndërhyri në Kuvend

2013-08-02T16:51:00.003-07:00

Në pakon e projektligjeve që lidhen me procesin e liberalizimit të vizave, të miratuar të mërkurën nga Kuvendi i Kosovës, ka kaluar me urgjencë edhe Ligji për financimin e partive politike, një ligj në të cilin Komisioni i buxhetit kishte bërë disa amendamente serioze, të cilat binin ndesh me parimet e përcaktuara nga Komisioni Evropian, e që janë ndërtuar në projektligjin e harmonizuar gjatë gjithë kohës së qëndrimit të tij në Bruksel.

Mirëpo, gjatë punimeve të seancës së fundit, para se të vijë radha e votimit të këtij ligji, ka pasur një reagim të shpejtë të Zyrës së BE-së në Prishtinë, e cila ka kërkuar që e tërë materia e projektligjit për miratim të rikthehet në versionin që ka arritur në Qeverinë e Kosovës nga zyra e Brukselit, me ndonjë përjashtim të ndërhyrjes, apo saktësimit gjuhësor, për shkak të natyrës së përkthimit të ligjeve, shkruan “Kosova Sot”.

Sidomos ka qenë kontestuese nga Komisioni Evropian përpjekja e eliminimit që raportet financiare të partive politike të mos dërgohen në Agjencinë Kundër Korrupsionit dhe përpjekja tjetër që ndikohet në uljen e pragut prej 100 euro në 20 euro.

I kontaktuar nga gazeta, anëtari i komisionit, Xhevdet Neziraj, e pranoi së gjatë së mërkurës komisioni është mbledhur urgjentisht dhe ka rishqyrtuar kërkesën e Komisionit Evropian që ndryshimet e propozuara nga komisioni për çështjet më të ndjeshme në ligj të mos kalohen për votim në seancë, gjë që edhe ka ndodhur.

“Patëm takim urgjent, sepse Ligji për financimin e partive politike është dashur që ta ndryshojmë përsëri, ngase ne në procedurën paraprake patëm ndërhyrë në dy tre nene dhe na është dashur që të njëjtat t’i rikthejmë në version të cilin e ka kërkuar Komisioni Evropian”, tha Xhevdet Neziraj.

TRING

2013-07-31T18:47:00.001-07:00

INFECTED

2013-07-31T18:43:00.003-07:00

TUPAC BACK

2013-07-31T18:43:00.001-07:00

Alukart

2013-07-31T18:25:00.001-07:00