AUTOXIRO

ano novo

noreply@blogger.com (autoxiro) — Mon, 09 Jan 2012 00:55:00 +0000

Pasou outro ano e temos intención de comezar o novo con forza. Obxectivos renovados e novos horizontes dende novas perspectivas. Paso a paso, como o animal da foto, iremos acadando tódalas metas dun camiño para o que precisamos resistencia, ánimo e compañía.

campás

noreply@blogger.com (autoxiro) — Mon, 27 Jun 2011 22:06:00 +0000

Escoitas campás e non sabes onde? Aquí están.

neno con ra

noreply@blogger.com (autoxiro) — Thu, 16 Jun 2011 21:28:00 +0000

A tranquilidade permite recuperar o pracer polas cousas sinxelas. Coma un neno curioso que todo sorprende e experimenta cos cinco sentidos en contacto co mundo. Unha folla, o vento, un murmurio ou unha ra aparecen cheos de significados. Un novo estado cargado de posibilidades para disfrutar e compartir.

remonte

noreply@blogger.com (autoxiro) — Thu, 17 Mar 2011 22:24:00 +0000

Pouco a pouco chegamos a cima da montaña. O caso é que unha vez arriba temos que baixar outra ladeira para retomar a subida e así sempre.

conversa

noreply@blogger.com (autoxiro) — Sun, 16 May 2010 21:37:00 +0000

-Ola

-Bo día.

-Queres coñecer a miña xanela?

-Non, estou moi ben na miña.

bombillas

noreply@blogger.com (autoxiro) — Sun, 14 Feb 2010 22:23:00 +0000

Paseando, desorientado e con moito frio, atopei unha luz que fixo que non me importara perder o tempo observando. As bombillas non teñen unha finalidade estética, soamente se anuncian agardando que alguén as merque (aínda que a tenda non estaba aberta). Momentos de felicidade en rincóns inesperados.

porta

noreply@blogger.com (autoxiro) — Sat, 26 Dec 2009 13:30:00 +0000

As apariencias enganan. Detrás desta maravillosa porta, tan fermosamente iluminada, atópase unha ruina. Esta entrada é a derradeira declaración de intencións para ordenar o blog. Hai que encher de contido e sustancia todo o que se fai. Empaparse a fondo e non ter medo a ultrapasar a superficie.

lanchas

noreply@blogger.com (autoxiro) — Thu, 17 Sep 2009 21:26:00 +0000

Continuo mudo. Impresionado co que pasa pero incapaz de contalo. Coma o mar, tranquilo e fermoso na superficie pero incontrolado e imprevisible de fondo.

árbore

noreply@blogger.com (autoxiro) — Wed, 15 Jul 2009 09:25:00 +0000

Foto máxica nun lugar máxico. A árbore resiste solitaria e mantén a dignidade nun entorno cheo de ruínas acosado polo frio, o vento e o sol. Sabe que pronto parasá algo que compensará o esforzo realizado e a incomprensión sufrida.

atardecer

noreply@blogger.com (autoxiro) — Tue, 09 Jun 2009 18:23:00 +0000

Na praia, no momento da posta de sol, sempre ollamos cara o horizonte e, hipnotizados, agardamos a que o astro se oculte alén do mar. Notamos como a luz, as cores e a temperatura mudan por momentos. Encantados, quedamos convencidos de ser testigos dun grande e belo acontecemento. Pero esquecemos que a beleza pode estar por todas partes e non só concentrada onde todos supoñemos. Podemos atopala en calquera momento e lugar, incluso detrás das sombras da posta do sol.

pasarela

noreply@blogger.com (autoxiro) — Tue, 26 May 2009 14:16:00 +0000

Nunca coma neste lugar me sentín tan seguro e próximo de acadar o que buscaba. Avanzaba veloz, acompañado de risas descalzas, inconsciente do obstáculo infranqueable do fondo. Hoxe, aprendida a lección, trazo novos camiños e novos rumbos sorprendido da facilidade coa que me adapto as circunstancias. Como recomenda un personaxe de Murakami, comezarei polas cousas máis pequenas e doadas para, pouco a pouco, afrontar as tarefas máis pesadas.

barreira

noreply@blogger.com (autoxiro) — Sat, 16 May 2009 12:07:00 +0000

Ás veces somos capaces das proezas máis insospeitadas. Hai épocas nas que afogamos nun vaso de auga. Eres forte, eres decidido e pasas tódolos obstáculos á primeira. De repente, tropezas unha e outra vez contra unha barreira. Miras ao redor e está só. Nin unha axuda nin unha palabra de ánimo. Terás que buscarte a vida,... outra vez. Proseguir coa permanente reivindicación dun mesmo. Replegarse, dar un paso atrás para voltar a correr. Continuamos, a pesar da pérdida de entusiasmo e de bondade.

arriba

noreply@blogger.com (autoxiro) — Tue, 17 Feb 2009 16:21:00 +0000

Volta autoxiro. Din tantas voltas este inverno que non fun capaz de actualizar. As crises son épocas de oportunidades e chegou o momento de erguerse e voltar a camiñar. O sol sae tódolos días pero hai que sair da casa para sentilo.

panel de control

noreply@blogger.com (autoxiro) — Tue, 09 Dec 2008 09:41:00 +0000

O 2009 promete. Centos de retos, proxectos e ilusións por confirmar. Moito traballo, moitas horas e moita axuda serán necesarios para poder con todo. Síntome coma nun avión cun montón de pedais, indicadores e mandos. O deposito está cheo. Só queda despegar e voar e voar para saber ata onde somos capaces de chegar. Quen se queira apuntar está convidado a esta viaxe. Non nos imos aburrir nunca.

rotonda

noreply@blogger.com (autoxiro) — Sat, 29 Nov 2008 18:03:00 +0000

As rotondas non son lugares especialmente interesantes. Normalmente achegámonos a elas con precaución e tentamos sair rapidamente. Non coñezo a ninguén que se namorara nunca dunha e nunca atopei ningunha nas guias turísticas. Creo que non é normal pero teño que recoñecer que esa noite quedei prendado dunha rotonda.

desfile

noreply@blogger.com (autoxiro) — Thu, 25 Sep 2008 12:17:00 +0000

Comezou o desfile! Novos ritmos e novas partituras. Muda tamén a posición dos obxetos e das persoas. Para esta nova etapa non serve case nada do aprendido. Nun ano cambiaron tantas cousas que un xa se ve capaz de todo.

piñas

noreply@blogger.com (autoxiro) — Mon, 15 Sep 2008 11:42:00 +0000

De pequeno, cando ai ao monte, gustábame apañar piñas. Son bónitas, poden predecir si vai chover, teñen piñóns, servén para encender o lume da lareira e rillan nelas os esquíos e os ratos. Apañar piñas era un traballo divertido e útil. Limpabas o monte, pasabas a mañá e levabas que facer para a casa.

relax

noreply@blogger.com (autoxiro) — Mon, 01 Sep 2008 11:49:00 +0000

Ando a voltas con esta imaxe. Lémbrame unha viaxe que teño pendente. Disfrutar das augas termais e da tranquilidade dunha paisaxe idílica (bueno, case, esto é unha central térmica). O curioso é que podo facer o mesmo aquí ao lado pero non nos parece tan importante. Por qué sempre nos cobiza o de fora aínda que teñamos o mesmo ou mellor na casa?

paseos

noreply@blogger.com (autoxiro) — Wed, 13 Aug 2008 09:59:00 +0000

Moitos paseas!! sempre di miña nai. A falta de vacacións adícome a redescubrir territorios próximos facendo de guía turístico. Igual me atopades no curruncho máis insospeitado facendo fotos ou explicando a miña particular visión de cada sitio.

pegadas

noreply@blogger.com (autoxiro) — Wed, 30 Jul 2008 09:43:00 +0000

As actualizacións non son para o verán. Fixen tantas cousas este mes que non din pasado polo autoxiro. Onte, na praia, a través dunha greta da cámara descubrín unhas pegadas na area e siguo detrás delas. Quizá leven a aalgún lado

bicos

noreply@blogger.com (autoxiro) — Wed, 25 Jun 2008 12:29:00 +0000

Onte chamáronme cursi por andar a voltas co tema dos bicos. Eu, ni caso, son o mellor do mundo. En algún sitio lin que "só os bicos son máis placenteiros que as palabras" e lembrei esta imaxe, comunión, tan sorprendente como emotiva, de ambas. bicos.

beizos

noreply@blogger.com (autoxiro) — Thu, 19 Jun 2008 15:53:00 +0000

Imaxina un bico tan grande, tan grande, tan grande coma o máis grande bico que uns beizos coma estes poden dar. Ese bico é para ti.

espera

noreply@blogger.com (autoxiro) — Mon, 16 Jun 2008 14:36:00 +0000

Podes preguntar, pódencho contar, podes ler moitos libros ou velo na televisión pero ata que che pasa non tes nin idea do que significa. Palabras como espera ou paciencia acadan unha dimesión descoñecida. ¿Como estar así por unha persoa que non coñeces de nada? Nuns días, voltaremos a vista atrás e seguro que nos da a risa. De momento, ¿canta é moita paciencia?

ponte

noreply@blogger.com (autoxiro) — Sun, 08 Jun 2008 16:53:00 +0000

Tento construir unha ponte sólida e bónita para unir dous mundos antagónicos separados por demasiadas circunstancias e medos. O esforzo aplicado en colocar cada pedra contrasta coa facilidade con que esta se desprende e marcha arrastrada pola corrente. As grandes expectativas merecen grandes intentos.

explosión

noreply@blogger.com (autoxiro) — Wed, 04 Jun 2008 14:41:00 +0000

Despois de semanas acumulando tensión, agardando a chegada deste día, resulta que non era para tanto. Sentímonos satisfeitos durante un segundo, ou algo menos, pero, incapaces de recrearnos, poñémonos a outra cousa. Queda grabado na retina ese momento, unha explosión de luz e cor, que nunca entenderás porque tampouco podo explicalo.