AvtoJurnal

edo C63 – Mercedes C63 AMG 555 at gücündə

2009-10-11T14:51:00.002+05:00

Mercedes-Benz C63 AMG öz 457 at gücü və 600 Nm fürlanma anı ilə kifayət qədər təsiredicidir.
Həmişəki kimi at gücü yenə yetərincə deyil. Əsasən də artıq güclü supperkarları yenidən gücləndirməyi xoşlayan edo competition atelyesi üçün.

Yeni inkişaf etdirilmiş yüksək göstəricili çıxış sistemi, yüksək axınlı katalitik çeviricilər, yeni hava filtrləri və tənzimlənmiş EİS (ECU - Electronic Control Unit - Elektron İdarəetmə Sistemi) ilə bu V8 mühərriki 555 at gücü və 680 Nm fırlama anı verir.

0-100 km/s sürətlənmə 4.3 saniyə ərzində baş verir və maksimal sürət 320 km/s-a bərabərdir.
Materiallar: www.speedlux.com

Maserati GranCabrio – yeni lüks 4 nəfərlik kabriolet

2009-10-11T13:44:00.001+05:00

Frankfurt Motor Show sərgisində Maserati yeni GranCabrio adlı modelini təqdim etdi.
Bu avtomobil istehsalçısının tarixində ilk 4 oturacaqlı modeldir.

Güc aqreqatı 440 ag 4.7 litr həcmli V8 mühərrikidir. Bu yeni kabriolet bazarda ən uzun təkər bazasına malikdir.

Bu yeni baza hər bir sərnişinin maşında rahat oturmasına təminat yaradır. Tavan kətandan hazırlanıb, bu da Maserati ənənəsinə sadiq qalmaq deməkdir.

Satışlar 2010-cu ilin əvvələrində başlayacaq.

Materiallar: www.speedlux.com

Drop Top Customs təqdim edir: Camaro Convertible

2009-10-11T13:05:00.002+05:00

Yeni Camaronun kabriolet versiyasının GM tərəfindən nə vaxt təqdim ediləcəyi hələ ki heç kimə məlum deyil.
Onların problemləri bu ilin əvvəlində avtomobil damının istehsalı ilə məşöul olan alman şirkətinin müflis olması ilə başladı. Çox güman ki yeni 2011-ci il Camaro Covertible modelinin satışa çıxarılması üçün ən azı bir il tələb olunacaq. Əgər GM tərəfindən Camaro Convertible modelinin satışa çıxarılmasını gözləyə bilmirsinizsə Floridada yerləşən Drop Top Customs şirkətinə müraciət edə bilərsiniz. 18,000 $-a onlar sizin yeni Camarol-nuzu kabriolet versiyaya çevirə bilərlər. onların əl işələri ilə aşaöıdakı şəkillərdən tanış ola bilərsiniz. Bu versiya 422 ag Camaro SS bazasında yaradılıb.

Materiallar: www.speedlux.com

Video: Volvo S60 Prototipində yeni təhlükəsizlik sistemini sınaqdan keçirir

2009-10-11T00:37:00.002+05:00

Həftə ərzində Kopenhagen sakinləri yeni nəsil Volvo S60 prototipini çox güman ki şəhərdə gördülər.
Adətən avtomobil istehsalçıları yeni modellərin sınağı üçün insanların çox olduğu yerlərdən uzaq məkanları seçirlər. Buna görə də Volvonun belə bir böyük şəhəri seçməsi təəccüb doğurmaya bilməz.

Amma məsələ bundadır ki Volvonun inkişaf etdirdiyi bu yeni sistem insanlardan təcrid olunmuş bir yerdə sınağa çəkilə bilməz. Söhbət avtomobil qarşısında qəfil piyada peyda olduğu zaman əyləcin avtomatik basılması sistemindən gedir. Bu sistem sürücü vaxtında reaksiya verməzsə bədbəxt halın qarşısını almaq üçün ani olaraq işə düşür. Ümid edək ki Volvo bu sistemi real insanlar üzərində sınaqdan keçirməyib.

Bu yeni texnologiya 2010-cu ilin əvvəllərində yeni Volvo S60 modelində təqdim ediləcək və satışlar 2010-cu ilin ortalarından başlayacaq.

Materiallar: www.speedlux.com

Avus Performance təqdim edir: 460 ag Audi TT-RS

2009-10-10T23:22:00.001+05:00

Standart TT-RS öz 340 at gücü və 4.6 saniyəyə 0-100 km/s sürətlənməsi ilə kifayət qədər valehedicidir.
Avus Performance bu avtomobili daha da gücləndirərək irəliyə daha bir addım atməşdır.

Bu atelye turbonu, ECU proqamını və xaricolma sistemini təkmilləşdirərək TT-RS-i 40 at gücünə qədər gücləndirə bilmişdir.
İndi 0-100 km/s sürətlənmə artıq 3.8 saniyə ərzində baş verir və maksimal sürət də 312 km/s-a bərabərdir. Mühədislər asqı sistemini də təkmilləşdirirblər.

Bütün bu işlər isə sonda qara rəngli gövdə işləri və 255/30/20 ölçülü Hankook S1 Evo təkərləri ilə tamamlanıb.

Materiallar: www.speedlux.com

2011 Mercedes-Benz S-Class Coupe şpion şəkilləri

2009-10-08T00:36:00.002+05:00

Mercedes-Benz bir az əvvəl CLK modelini yeni E-Class Coupe ilə əvəzlədi.
Növbəti bir neçə ildə model xəttində daha çox dəyişikliklərin olacağı gözlənilir.

CL klass adı tezliklə tarixə gömüləcək və 2011-ci ildən yeni S-Class Coupe ilə əvəzlənəcək.

Aşağıda S-Class Coupe modelinin prototipini görə bilərsiniz. Gördüyünüz kimi yeni modelin LED işıqları, yeni dizayn bamperi, yan güzgülərdə yeni indikatorlar və s. yenilikləri vardır.
Güc aqreqatı eyni olaraq qalacaq. Hazırki Cl klassda olan V6, V8 və V12 tipli mühərriklər bu modeldə də güc mənbəyi olacaqlar. Mercedes yanacaq qəanətini və CO2 emissiyalarını yaxşılaşdıracaq. AMG versiyalarının ən yüksək modelləri 520 at gücündə 6.2 litr həcmli V8 mühərrik və 600 at gücündə 6.0 litr həcmli V12 mühərriklərlə təchiz olunacaqlar.

Materiallar: www.speedlux.com

Video: 2010 Spyker C8 Aileron

2009-10-08T00:06:00.002+05:00

Bu yay Hollandiya avtomobil istehsalçısı Spyker Geneva Motor Show sərgisində C8 Aileron modelini təqdim etdi.
C8 Aileron reaktiv təyyarələrdən ilhamlanaraq yaradılmışdır. Bu superkarın dizaynı tam belə qənaətə gəlməyə imkan verir.

Audi mənşəli 400+ at güclü 4.2 litr V8 mühərriki avtomobilə həddən ziyadə sürət və performans verir. Sürət qutusu sükana birləşdirilimiş pedallardan ibarət 6 pilləli manual və ya avtomatik bir sistemdən ibarətdir.

0-100 km/s sürət həddi 4.5 saniyəyə yığılır və maksimal sürət 300 km/s-dır. Sizi aşağıda Hollandiyadan olan bu gözəl superkar barədə iki gözəl videonu izləməyə dəvət edirəm.

Materiallar: www.speedlux.com

Video: SLS AMG artıq Mercedes-Benz Muzeyində yerləşdirilib

2009-10-07T22:13:00.003+05:00

Mercedes SLS AMG ötən ay Frankfurt Motor Show sərgisində debüt etdi.
AMG versiyası 6.3 litrli V8 tip mühərriklə 571 at gücünə malikdir.

Sərgidə bu gözəl superkarı görə bilməyənlər artıq ona Mercedes-Benz muzeyində tamaşa edə bilərlər. Oktyabrın 16-dan bu avtomobil muzeydə sərgi olunmağa başlayacaq.

Dünən bu müasir Qağayı qanadlı superkar muzeyin damına qaldırıldı. Adi halda muzeyin damı ziyarətçilər üçün qapalı olur.

Bu əraziyə giriş 8-ci səviyyədə yerləşən Əfsanə otağı 1-dən keçir.

Məlumat üçün bildirim ki bu əfsanəvi maşın 0-100 km/s sürəti 3.8 saniyəyə qət edir və maksimal sürəti 317 km/s-dır.

Materiallar: www.speedlux.com

2011 Mercedes-Benz CLS 63 AMG ilk dəfə gözə dəydi

2009-10-07T00:45:00.002+05:00

Mercedes yeni nəsil CLS modelini bir il ərzində test etdi.
Bu postda AMG versiyasının şpion şəkilləri ilə tanış ola bilərsiniz. Bu maşının 525 at gücündə 6.2 litr həcmli V8 tipli mühərriki vardır.

Prototip plastik gövdə panelləri ilə gizlədilsə də nəzərə çarpır ki bu əvvəlki modeldən çox elə fərqlənməyəcək.
Hal-hazırki birinci nəsil CLS 2004-cü ildə təqdim edilmişdi və bu modellə lüks maşınların yeni erası başlamışdı. Yeni nəsil modellə Mercedes Aston Martin Rapide, Audi A7 və Porsche Panamera modellərinə güclü bir rəqib yaratmaq fikrindədir.

Satışlara 2010-cu ilin sonlarında və ya 2011-ci ilin başlanğıcında başlanacağı planlaşdırılır. Baza modelləri çox güman ki 292 at güclü 3.5 litr həcmli V8 mühəriikləri ilə təchiz ediləcəklər. Bu pilləni 388 ag 5.5 l V8 və 231 ag 3.0 l V6 turbo mühərrikləri davam etdirəcəklər.

Materiallar: www.speedlux.com

Toyota FT-86 Concept – yeni arxa ötürücülü idman avtomobili

2009-10-07T00:01:00.002+05:00

Toyota Frankfurt Motor Show sərgisində FT-86 adlı yeni konsept modelini təqdim etdi.
Əfsanəvi AE86 Corolla Coupe tərəfindən ilhamlanan bu maşın eyni ölçülərə malikdir: yüngül çəki, arxa çəkici çarxlar və idman stilli idarəetmə.

FT-86 Concept Toyotanın Fransada yerləşən ED2 studiyası tərəfindən dizayn olunub. Güc aqreqatı 2.0 litr həcmli Subaru Boxer mühərrikidir ki o da idarəetməni asanlaşdırmaq üçün arxada yerləşdirilib.
İstehsal gələn ilə planlaşdırılıb. Satışlar isə 2011-ci ilin ortalarına planlaşdırılıb və qiyməti 20,000 dollardan bir az çox olacaq.

Materiallar: www.speedlux.com

SV 9 Competizione – İlk şəkillər

2009-10-06T02:14:00.003+05:00

Corvette C6 bazasında istehsal olunmuş SV 9 Competizione superkarının şəkillərini sizə təqdim edirəm.
Bu superkarın gövdəsi tam unikal karbon lif materialdan hazırlanmışdır.

Daxildə karbon liflə möhkəmləndirilmiş idman oturacaqları, əllə tikilmiş İtalyan dərisi (Mario Levi SpA tərəfindən - Ferrarinin əməkdaşlıq etdiyi şirkət) və digər yüksək keyfiyyətli materiallara rast gəlmək olar.

bu avtomobil standart Corvette C6-dan 132 funt yüngüldür. LS3 mühərrikinin gücü 436 at gücündən 450 at gücünədək qaldırılmışdır. 0-100 km/s sürət limiti 4.0 saniyə ərzində qət edilir.

SV 9 Competizione 99,995 dollara satılır və istehsal 1000 avtomobillə məhdudlaşacaq və bu da onu Corvette ilə müqayisədə çoc nadir maşınlardan edir.

Materiallar: www.speedlux.com

2010 Shelby GT500 Super Snake paketi 725 at gücü təqdim edir

2009-10-05T00:27:00.001+05:00

2010 Shelby GT500 superkarı 540 at gücündədir və bir neçə aydır ki satışa çıxarılıb.
540 at gücü bu əzələ-maşın üçün kifayət qədərdir, lakin daha çox güc istəyən insanlar həmişə tapılar.

Shelby Automobiles buna cavab olaraq 2010 Shelby GT500 modeli üçün Super Snake paketini təqdim edir.
Shelby-nin modifikasiyası 700 at gücünədək gücləndirilmiş modelləri məhdud sayda təqdim edir.
700+ üstünlüyü sizə 33,495 dollardan baha başa gələcək ki bu da Shelby GT500 modelinin standart 48,000 dollar qiymətini nəzərə alsaq diqqət ediləsi bir rəqəmdir.

Materiallar: www.speedlux.com

Chevrolet Camaro SS Compressor Geiger Cars versiyası

2009-10-05T00:03:00.001+05:00

Alman tyüninq atelyesi Geiger Cars American maşınları ilə ixtisaslaşan nadir şirkətlərdən biridir.
Sonuncu proyekt 432 at güclü Chevrolet Camaro SS üzərində hazırlanıb.

Geiger mühəndisləri 6.2 litr həcmli V8 mühərrikini superçarcerlə gücləndirərək gücü 568 at gücünədək qaldırmağa müyəssər olmuşlar.

Fırlanma anı 420-dən 590 lb-ft-yə qaldırılıb. 0-100 km/s sürəti barədə bir məlumat yoxdur, lakin maksimal sürət valehedici 314 km/s-a bərabərdir.

Materiallar: www.speedlux.com

Porsche Panameranın 9ff versiyası – 650 at gücünə qədər gücləndirilmiş versiya

2009-10-04T18:58:00.001+05:00

Bir az əvvəl Porsche tyüninqi ilə məşğul olan Gemballa 4 qapılı Porsche Panamera modelinin öz versiyalarını təqdim etdilər.
Bu dəfə isə Porsche tyüninqi ilə məşğul olan digər bir qrup 9ff Panamera üçün performans paketi və gövdə elementləri barədə məlumatları açıqlayıb.

9ff Panamera Turbo üçün 3 güc səviyyəsi təqdim edir. 500 at gücündə standart mühərriki 550, 600 və 650 at gücünə qədər artırmaq olur.

650 at gücündə paket yeni mühərrikxana qapağına da sahib olacaq. Bu isə mühərrikin daha yaxşı soyudulmasına şərait yaradacaq.

Materiallar: www.speedlux.com

Video: Porsche 911 Sport Classic

2009-10-04T17:34:00.002+05:00

Porsche Frankfurt Motor Show sərgisində çox məhdud sayda istehsal edilmiş 911 Sport Classic modelini təqdim etdi.

İlk nəzərə çarpan isə spolierin tərpənməz vəziyyətdə fiksasiya edilməsidir, bu da 1973 Carrera RS 2.7 modelinin əfsanəvi ördək quyruğunu xatırladır.

Digər dəyişikliklər içərisində yeni inkişaf etdirilmiş ikiqat tavan, enli arxa gövdə və s. göstərmək olar.

Güc mənbəyi 3.8 litr həcmli 408 at güclü mühərrikdir. O 6-pilləli manual ötürücülər qutusuna bərkidilib. İstehsal cəmi 250 maşınla tamamlanır və qiyməti 169,300 avrodan başlayır.

Materiallar: www.speedlux.com

Rolls-Royce Ghost modelinin rəsmi təqdimatı

2009-10-04T01:59:00.007+05:00

Rolls-Royce Ghost artıq hazırdır! Vizual olaraq 200EX konseptindən fərqlənməyən bu model flaqman Phantomdan daha sərfəli və sürücüyə uyğun olacaq.
Onun 6.6 litr həcmli V12 tip mühhəriki 563 at gücünə malikdir.

Fırlanma anı 8 pilləli avtomatik ZF ötürücülər qutusu vasitəsilə arxa çarxlara ötürülür. 0-100 km/s sürəti 4.9 saniyə ərzində qət edilir. Maksimal sürət 250 km/s həddində məhdudlaşdırılıb.
Baby (Balaca) Rolls adlandırılmasına baxmayaraq bu avtomobil heç də balaca deyil. Onun uzunluöu 5,399 mm və çəkisi 2,435 kq-dır.
İngiltərə qiyməti 272.000 dollardan başlayacaq. Satışlar bu ilin sonuna planlaşdırılıb. Şimali Amerika və Asiya satışları 2010-cu ilin ikinci rübünə planlaşdırılıb.

Materiallar: www.speedlux.com

Brabus SV 12 R – dünyada ən sürətli lüks sedan!

2009-10-04T01:39:00.001+05:00

Brabus Frankfurt Motor Show sərgisində dünyanın ən sürətli və güclü lüks sedanını təqdim etdi: SV12 R Brabus.
Yeni dizayn versiyada təqdim olunmuş Mercedes S600 bazasında istehsal olunmuş bu avtomobil BRABUS SV12 R İkiqatturbo 750 V12 mühərriki ilə hərəkətə gətirilir və 750 at gücünə malikdir.

Bu lüks sedan bir çox idman avtomobillərini tozda qoya bilər, belə ki 0-100 km/s sürətlənmə cəmi 4 saniyə çəkir, 200 km/s sürəti isə 11.9 saniyəyə qət edir. Maksimal sürət isə 340 km/s həddində məhdudlaşdırılıb.

Bu nəhəng güc xüsusi hazırlanmış çarxlar, əyləc və asqı sistemi ilə kontrol altında saxlanılır.

SV 12 R notebuk kompüterlərindən tutmuş internet və TV də daxil olmaqla ən müasir musiqi sisteminədək əyləncə və rabitə sistemləri ilə təchiz edilib.

Materiallar: www.speedlux.com

Yeni 2010 Lotus Exige S240

2009-10-04T00:46:00.001+05:00

Lotus 2010-cu il modeli Exige S240 barədə detalları açıqlayıb.
2009-cu il YM modelindən əsas fərqlər yeni daha bpyük hava qəbulediciləri və aerodinamik ayırıcılardır.
Arxada ilk dəfə 2007-ci ildə Geneva Motor Show sərgisində göstərilmiş Exige GT3 konsept avtomobilində olduğu kimi quraşdırılmış yeni qanad vardır.

Bu yüngülçəkili idman avtomobilin ürəyi 1.8 litr həcmli, Lotus tərəfindən tyüninq edilmiş Toyota mənşəli mühırrikdir. Gücü 240 at gücünə bərabərdir və fırlanma anı dəqiqədə 8000 dövrdür. Bu çox da böyük göstərici deyil, lakin maşın yüngülçəkili olduğundan yerindən 0-100 km/s sürəti roket kimi 4.1 saniyəyə yığır.

2010 Lotus Exige S240 bu payız satışa çıxarılacaq və başlanğıc qıyməti 65,690 dollar olacaq.

Materiallar: www.speedlux.com

Lumma Design CLR 700GT Porsche Panamera bazasında

2009-10-03T00:52:00.000+05:00

4 qapılı Panamera üçün Almaniyanın 9ff və Gemballa tyüninq atelyelərinin təqdim etdikləri versiyaları artıq görmüşük.
Bu postda isə Lumma Design atelyesinin kompyüter dizaynında Panamera versiyalarını təqdim edirəm.

Bu Alman şirkəti aqqresiv gövdə hissələri ilə tanınır və onların təqdim etdikləri Panamera da istisna deyil.

CLR 700GT adlandırılan bu model 22 düym yüngül lehimli disklərlə bəzdilib. Lumma Design mühərriklə bağlı diləcək dəyişiklikləri açıqlamayıb, lakin adından fikirləşmək olar ki bu versiya 700 at gücündə olacaq.

Materiallar: www.speedlux.com

2012 BMW M1 dizayn şəkilləri – Vision EfficientDynamics Concept bazasında

2009-10-02T23:41:00.000+05:00

Şayiələr gəzir ki BMW M1 model sırasını yenidən dirçəltməklə hibrid idman avtomobilləri seriyası istehsal etmək istəyir.
Bu modellər yenicə ictimaiyyətə təqdim edilmiş VisionEfficientDynamics Concept modeli bazasında hazırlanacaq.

Yeni model M1-lər tam performans və keyfiyyət timsalı olacaqlar. Güc aqreqatı 1.5 litr həcmli 3 silindrli turbodizel mühərriki və onun birləşmiş olduğu bir cüt elektromühərriklərdən ibarət olacaq.

356 at gücündə olacaq bu modellər 0-100 km/s sürət həddini 4.8 saniyəyə qət edəcəklər, maksimal sürət isə elektronik olaraq 250 km/s limitində məhdudlaşdırılacaq.
Performans göstəriciləri təsiredici deyillərsə, yanacaq sərfi sözsüz ki təsiredici olacaq. Orta yanacaq sərfiyyat 100 km-ə cəmi 3.76 litr təşkil edəcək.

Materiallar: www.speedlux.com

Ferrari 2012-ci ildə Enzo-nun əvəzlənməsi barədə xəbəri təsdiqlədi

2009-10-02T23:17:00.001+05:00

Ferrari 458 İtalia ictimaiyətə təqdim edildi. Və artıq məlumdur ki 458 İtalia modelinin Spider versiyası da artıq tısdiqlənib. Maranello-dan daha nə gözləmək olar?
Ferrarinin prezidenti və icarçı direktoru Amedeo Felisa şaxı qalxan atın fanatlarını sevindirəcək xəbərlər yayıb.
Spider modeli barədə danışarkən onun 2011-ci ildə istehsala buraxılacağını və gözlənildiyi ki qatlanan parça damla təchiz olunacağını təsdiqlədi. Başqa hem bir şeyə toxunulmayacaq.

O Scuderia versiyasını təsdiqləmədi, lakin bildirdi ki gələcəkdə 458-in möhkəm və daha sürətli versiyası istehsal olunacaq.
Güclü Enzo-nun davamçısı barədə də xəbərər yayılıb.
Hər şey planlaşdırıldığı kimi getsə biz Enzonun yeni prototipinin, 458 Spider və yeni 612 Scaglietti modellərinin tezliklə test yürüşlərinin şahidi olacağıq.

Materiallar: www.speedlux.com

Video: 2010 Aston Martin Rapide dünyanın müxtəlif yerlərində test zamanı

2009-10-02T23:04:00.001+05:00

Aston Martin Rapide bir neçə həftə öncə Frankfurt Motor Show sərgisində debüt etdi.
Rapide markanın ilk 4 qapılı sedan idman avtomobilidir. O uzadılmış DB9 platforması üzərində hazırlanıb.

Əvvəlki postlarda şəkillər vermişdim, bu postda isə ilk rəsmi video ilə tanış ola bilərsiniz.

Bu promo video bizləri Nürburgring-dən tutmuş mənzərəli Britaniya Krallığı və İtaliyayadək dünyanın müxtəlif yerlərində sınaq çəkilişlərinə aparır.

Xatırlatma: Rapide DB9 modelinin inkişaf etdirilmiş 6.0 litr həcmli V12 mühhəriiki ilə hərəkətə gətirilir. Sürət qutusu 6-pilləli Touchtronic sistemidir. Gücü 470 at gücünə bərabərdir. 0-100 km/s sürəti 5.3 saniyəyə qət edir. Maksimal sürət isə təqribən 300 km/s-dır.

Materiallar: www.speedlux.com

Video: Hyundai Equus Limousine avtomobilinin Cənubi Koreyada qiyməti 113,000 dollardan başlayır

2009-09-30T22:48:00.002+05:00

Hyundai daxili bazarda lüks sedan Equus modelinin uzun versiyasını istehsala buraxır.
Equus Limousine standart modeldən 30 sm uzundur və arxa outracaq sərnişinləri üçün əlavə ayaq yeri təqdim edir.

Equus Limousine 3.8 litr V6 və ya 5.0 litr həcmli V8 mühərrikləri ilə təchiz edilir və sonuncu da 394 at gücünə malikdir.

Sedandan fərqləndirmək üçün uzun versiya ortasında emblem olan eksklüziv üfüqi radiator barmaqlıqları ilə təchiz edilmişdir.

Əlavə üstünlüklərə avtomatik ayaqaltı və masaj sistemlərini aid etmək olar.

Daxili bazarda bu modelin əsas rəqibləri Lexus LS460L və Mercedes S500L-dir.

Equus Limousine üçün tələb olunan məbləğ Cənubi Koreyada 113.000 dollardan 122.180 dollaradək dəyişir. Hyundai avtomobilin ABŞ və Avropada da satılacağını hələ ki təsdiqləməyib.

Hyundai eyni zamanda bu modelin zirehli versiyasını da hazırlayıb və ilk 3 model Koreyada prezident sarayına təqdim edilib.

Materiallar: www.speedlux.com

e-Wolf e-2, Almaniyadan yeni 544 ag elektrik superkarı

2009-09-29T23:15:00.003+05:00

Tesla Motors-dan sonra artıq superkarlar arasında elektrik versiyalarının da olması adi hala çevrilmək üzrədir.

Alman şirkəti olan e-Wolf GmbH e2 adlı elektrik superkarları haqqında məlumatları açıqlayıb.
e2 hər çarxda bir elektrik mühərriki olmaqla ümumi gücü 544 at gücünə bərabər olan bir idman avtomobildir.
Fırlanma anı heyrətamiz 1000 Nm-ə bərabərdir. Avtomobilin çəkisi 900 kq-dır və hündürlüyü 1.2 m-ə bərabərdir. Tam yüklənmiş akkumulyatorlarla 300 km məsafə qət etmək olar və yüklənmə prosesi 30 dəqiqə çəkir. maksimal sürət 250 km/s-a bərabərdir və 0-100 km/s sürət limiti 4 saniyə ərzində qət edilir.
e-Wolf istehsala 2011-ci ildə başlamaq niyyətindədir.

Materiallar: www.speedlux.com

Bentley Mulsanne - yeni təqdimat videosu

2009-09-29T22:34:00.006+05:00

Bentley Mulsanne öz debütünü Avqusta ayında etdi. Bir neçə həftə öncə Frankfurt
Motor Show sərgisində də ictimaiyyətə təqdim edildi.

Bugün
Bentley Motors artıq qocalmış Arnage modelini əvəzləyən bu lüks model üçün yeni
təqdimat videosunu yayımlayıb. Bentley-ə görə bir mulsanne hazırlamaq üçün 2 ay
vaxt tələb olunur çünki bu proses çoxlu əl işi tələb edir. Mulsanne
512 at güclü 6.75 litr həcmli V8 tip mühərriklə hərəkətə gətirilir və fırlanma
anı 1020 Nm-ə bərabərdir. Mulsanne adı Le Mans dövrəsində məşhur Mulsanne döngəsinin
adından götürülüb. Satış
2010-cu ilin ortalarında başlayacaq və təqribən 500.000 dollara olacaq. Sedanla
yanaşı kupe və kabrio versiyaları da istehsal olunacaq. Daha ətraflı gələcək postlarda.
Materiallar:
www.speedlux.com