Azatyan.info

Ֆիլմ Սթիվի մասին

2012-02-18T15:31:00.000+04:00

Նոր ֆիլմ Սթիվի մասին, հաճելի դիտում

Օնլայն կոմերցիան Հայաստանում 2012-ի սկզբին

2012-02-07T22:54:00.001+04:00

Արդեն 2012-ի սկզիբն է, իսկ մենք դեռ չսովորեցինք այս հարմարավետ միջոցից օգտվել և դա ունի իր պատճառները: Փորձեմ հակիրճ թվարկել դրանք, և գուցե և պարզել ո՞րն է գլխավոր պատճառը:

Անտեղյակություն: Այո՛, արմնետից օգտվողներից շատերը չգիտեն, որ ինտերնետով կարելի է գնումներ, կոմունալ վճարումներ և այլ տեսակի գործարքներ կատարել, օգտվել այս կամ այն ծառայությունից

Անվստահություն: Իմանալով որ կարելի է նման «բարիքներից» օգտվել, մարդիկ առաջին հերթին անվստահություն են ցուցաբերում: Տեղ կհասնի արդյոք գումարը, կամ կխաբեն արդյո՞ք գործարք կատարելիս և այլ հարցեր: Սա ունի մի լուծում, պետք է ստուգել արդյոք տվյալ կայքը վստահելի է, և կան արդեն օգտվողներ, ովքեր կատարում են վճարումներ: Ոչ պակաս կարևոր է նաև պաշտպանված արձանագրությունով գործելը, խոսքը նույն HTTPS-ի մասին է:

Տեխնիկական խնդիրներ: Համակարգչից միջին մակարդակի օգտվողի համար դժվար չէ գրանցվել էլեկտրոնային դրամական միջոցներ տրամադրող ծառայություններում, սակայն դրանցից լիարժեք օգտվելու համար պետք է անցնել այսպես կոչված «նույնականացման» պրոցեսները, որի համար պետք է այցելել տվյալ ընկերության գրասենյակ կամ կապ հաստատել վիդեոկապի միջոցով որոշ դեպքերում: Թվում է շատ պարզ է, բայց շատերը այդ փուլը չանցնելու պատճառով լիարժեք չեն օգտվում էլ-կոմերիցիայից:

Սպասարկումը իմ սուբյեկտիվ կարծիքով նորմալ մակարդակի վրա է, գուցե և որոշ հարցերում Դուք պատասխան չստանաք օն-լայն օգնությունից , բայց հիմնական հարցերը հեշտությամբ լուծվում են

Հիմնական գործող ծառայություններն են EDram, Arca,Webmoney համակարգերը, որոնց միջոցով կարող էք կատարել տարբեր տեսակի վճարումներ, կատարել գնումներ և այցելել վճարովի կայքեր:

Կարծում եմ մոտակա տարիներին այս խնդիրները արդեն էական չեն լինի և համակարգչից օգտվողների զգալի մասը կօգտվի էլ-կոմերցիայից: Արդեն նկատվում է առաջընթաց նաև ծառայությունների քանակի մեջ

Փոքր ֆունկցիա

2012-01-05T22:19:00.001+04:00

Գտնում ենք սառնարանում պահված սև իկռան, կամ ծրագրավորման լեզվով ասած բազմաչափ մասիվի մեջ պահված ամենամեծ արժեք ունեցող թիվը :Ճ

<?php
$a = array(
2,
100,
14,
array(
1,
50,
10000,
30,
14,
array(
40,
3000,
10000,
40,
array(
300000000, // max,
10,
5,
array(1,3)
),
),
),
)
;
$x = array();
function getmaxint($a,$x){
foreach ($a as $value){
if(is_array($value)){
$x[] = getmaxint($value,$x);
}
else {
$x[] = $value;
}
}
$z= array();
foreach ($x as $y){
if(is_array($y)){
$z = array_merge($z,$y);
}
else {
$z[] = $y;
}
}
return array_unique($z);
}
$f = getmaxint($a,$x);
echo max($f);
?>

Կարող եք առաջարկել խնդրի լուծման այլ տարբերակներ: Գրել եմ մոտ կես ժամում, և հաստատ գիտեմ, որ կարելի է գտնել ավելի օպտիմալ լուծում

2011 ՏՏ աշխարհի ամփոփում

2011-12-03T21:54:00.001+04:00

1. Մահացավ Սթիվ Ջոբսը` համակարգիչների հայրը

2. Գուգլը ստեղծեց իր սոց ցանցը՝ Google Plus-ը

3. Նոր Վերին մակարդակի դոմենների ստեղծում, այդ թվում .XXX ` 18+ կայքերի համար

4. Գուգլը սկսեց ռեդիզայն անել իր սերվիսները, այդ թվում և իր գլխավոր էջը

5. Թողարկվեց Windows Internet Explorer 9 դիտարկիչը և Windows 8 համակարգի նախնական տարբերակը

6. Google-ը թողարկեց իր առաջին Chromebook-ները, որոնք հասանելի են բավականին ցածր արժեքներով

7. Google Chrome-ը օգտագործման քանակով առաջ անցավ Firefox-ից և այսպես ընթանալու դեպքում կդառնա աշխարհում ամենատարածվածը
.....

Այս ցուցակը կարելի է երկար շարունակել, բայց կան ավելի կարևոր բաներ, որոնց մասին միքանի խոսքով:
Նախ և առաջ խիստ սրվեց մրցակցությունը վեբում, այն արդեն ոչ միան ինֆորմացիա ստանալու միջոց է, այլ արդեն կարելի է հանդիպել դեսքթոփային ծրագրերի անալոգներին, որոնք գնալով ավելի կտարածվեն, ամենավառ օրինակը Office ծրագրերի վեբ տարբերակներն են՝ Google Docs համակարգում:
Ծրագրավորման լեզուները նույնպես զարգանում են անհավատալի արագությամբ: Իմ կողմից շատ սիրված PHP լեզուն արդեն թողարկվում է 5.4 տարբերակը, սակայն վեբ հոսթինգների գերակա մասը դեռևս սպասարկում է 5.2 տարբերակը: Մեծ հեղափոխություն է կատարում նաև Symfony2 մետաֆրեյմվորկը

Փորձենք նաև ամփոփել հայկական վեբ կայքերի ստատսիտիկան: Սյստեղ նույնպես դրական և բացասական զարգացունմեր կան: Դրանցից կարելի է նշել բլոգինգի տարածումը, առավել ևս ուրախալի է թեմատիկ բլոգները, որը շատ ավելի կարևոր է: Կատարվում են նաև բացասական «զարգացումներ»: Չեմ նշի որևէ կայք,պորտալ կամ բլոգ, պետք էլ չի (Կարծում եմ գուգլը կօգնի գտնել դրանք):

Մարզերում ինտերնետի և ինտերնետային լրատվամիջոցների տարածումը մեծ հեռանկարներ ունի: Տեսանկյունը, որը ամենօրյա ռեժիմով լուսաբանում է Տավուշում կատարվող իրադարձությունները` այս տարվա ընթացքում քառապատկել է իր աուդիտորիան, հասնելով օրական 500-1000 այցելուների: Մարզի համար, որի բանկչություն այնքան էլ մեծ չէ դա գերազանց արդյունք է:

Ավելացումներ
Արթուրի կողմից.
- ֆեյսբուքցիների թիվն անցավ 800 միլիոնը
- արմատապես թարմացվեց յութուբը
- ներդրվեց գուգլ+ կոճակը
- մայքրոսոֆտը գնեց սկայպը

Այսքանը: Եթե ցանկանում եք որևէ իրադարձություն ավելացնել այս ցուցակին (որը կարելի է համարել 2011 ՏՏ զարգացման մաս) , գրեք մեկնաբանություններում...

Գրառման մեջ օգտագործված պատկերները հանդիսանում են տվյալ ռեսուրսների սեփականությունը և բերված են միայն ճանաչողական նպատակներով...

Փաստագրական ֆիլմ Սթիվ Ջոբսի NEXT ստարտափի մասին. 1986թ. (ռուսերեն)

2011-12-02T23:31:00.001+04:00

Հաճելի դիտում

RE-դիզայն

2011-12-01T19:57:00.001+04:00

Եվ այսպես, այսօրվանից որոշեցի անցնել Blogger հարթակի նոր դիզայնին: Ամենամեծ մինուսը՝ կորան վիդջեթները: Բայց ես ունեի դրանց կոդերը և որոշ մասը պահպանեցի էջերում: Մինուս է նաև այն, որ javascript կոդերը չեն աշխատում էջերում:
Իսկ պլյուսները կարող եք տեսնել թերթելով բլոգի էջերը... ինձ որ դուր է գալիս :))

Բարձրացնում ենք կայքի Usability-ն

2011-11-22T20:32:00.001+04:00

Usability-ն անգլերեն բառ է,որը նշանակում է «օգտագործելիություն» կամ հարմարավետություն: Այսինքն վեբ-դիզայնի շրջանակներում դա կայքի՝ օգտագործողի կողմից օգտագործման մատչելիությունն ու արդյունավետությունն է: Մի քանի պրակտիկ խորհուրդ, որոնք կբարձրացնեն Ձեր կայքի/բլոգի օգտագործելիությունը:

Որակյալ հոսթինգը մեծ նշանակություն ունի, քանի որ ապահովում է կայքի բեռնվելու արագություն, որը շատ մեծ նշանակություն ունի ծանր կայքերի դեպքում
Թեթև կայքը՝ այսինքն քիչ սկրիպտների և նկարների առկայութոյունը (հատկապես գլխավոր էջում): Ես գտնում եմ, որ ներկայիս համակարգիչների հզորության և ինտերնետ միացման արագության պայմաններում 1MB ընդհանուր ծավալից ավելի կայքերը չպետք է լինեն, գերազանց ցուցանիշ է 500KB-ը:
Դիզայնի պարզությունը և միաժամանակ հասկանալի լինելը նույնպես մեծ նշանակություն ունի: Սա չի նշանակում, որ դիզայնը պետք է լինի աղքատ, միանշանակ ոչ: Այլ պետք է դիզայնը համադրվի տեղադրվող ինֆորմացիային և առավելագույնս հասանելի դարձնի դրանք, «one-click» սկզբմունքով:
Տառատեսակները նույնպես կարևոր են, դրանք կարող են միանգամից օգտագործողին ստիպել, որ նյութը չկարդացվի, մյուս կողմից ճիշտ ընտրված տառատեսակները, դրանց չափսերը, միջտողային տարածությունը և բառերի խտությունը կարող են օգտագործողներին ստիպել, որ նրանք երկար մնան կայքում և դառնան մշտական այցելու: Այս մասին լավ գրառում կա e-armenians բլոգում:
Անիմացիաների քանակը. ավելորդ անիմացիաները և դրանց քանակը կարող է բացասական դեր ունենալ: Պետք է խուսափել դրանց քանակից: Այս կետի տակ նշեմ նաև բազմատեսակ վազող տողերը, որոնք նույնպես ուշադրություն են շեղում:
Գրանցման պարզությունը նույնպես մեծ նշանակություն ունի: Հիշեք, որ օգտվողը լրացուցիչ ինֆորմացիա կարող է լրացնել իր պրոֆիլում՝ գրանցումից հետո: Իսկ սկզբնական փուլում բավական է էլ-փոստը, օգտանունը,գաղտնաբառը:
Էլ-փոստերի միջոցով նորությունների տարածումը նույնպես օգտակար է, բայց միայն այն դեպքում, եթե օգտվողը ունի դրանցից ապաբաժանորդագրվելու հնարավորություն:
RSS և API -ի առկայությունը նույնպես մեծ դեր ունի յուզաբիլիթիի համար
Ամեն կարգի բաններային և տեքստային գովազդների քչությունը նույնպես կնպաստի օգտագործողի կողմից՝ կայքին վստահելուն: Խորհուրդ չի տրվում տեղադրել զանազան կարգի popup գովազդներ
Կայքի քարտեզի առկայությունը կնպաստի կայքի օգտագործելիությանը, օրինակ այն կարելի է ցուցադրել կայքում անհաջող որոնման դեպքում, երբ որոնումը արդյունք չի տվել

Թերևս այս 10 կետերից շատերը մեծ առնչություն ունեն նաև SEO-ի հետ: Այսինքն կայքի օգտագործելիության բարելավումը կնպաստի նաև տարբեր որոնող համակարգերում կայքի առաջխաղացմանը:

Google-ն իմ աչքերով

2011-09-15T20:30:00.000+05:00

Որպես ընկերություն, Գուգլը դա մի ստարտափ էր, որն ունեցավ հաջողություն, բայց կարծում եմ դա չէ, ինչը մենք պատկերացնում ենք «Գուգլ» ասելով:

Գուգլը նոր՝ վիրտուալ աշխարհի երկրներից է, որը ունի իր բնակչությունը, մարդիկ ունեն իրենց Անձնագիրը , Տունը , Փոստարկղը , Շրջապատը , Գրասենյակը և այլն: Այս ցուցակը կարելի է շարունակել շատ երկար...

Երկար նյութ գրելու կարիք չկա, քանի որ կկրկնվեմ և կարծում եմ ամեն ինչ ասված է գուգլի ծառայությունների մասին, այլ կպատմեմ մի հետաքրքիր դեպքի մասին :D

Դեռևս 2009-ին, ստեղծվեց մի կայք http://www.project10tothe100.com/ , որտեղ մարդիկ պետք է առաջարկեին տարբեր նախագծեր, որոնցից ամենահաջողները կիրականացվեին (որին կաջակցեր գուգլը): Ես ներկայացրեցի իմ առաջարկը, որի տեքստը ցավոք չեմ պահել, բայց այն այսպիսին էր՝ Ստեղծել մի ծառայություն, որի միջոցով մարդիկ գուգլում կատարված որոնումները կարող էին տարածել, ուղարկել այն մարդկանց, ում դա կհետաքրքրեր, և հաջորդ որոնման ժամանակ այդ մարդուն կառաջարկվեր տվյալ որոնման առաջարկությունը՝ այսինքն կայքը...
Այս առաջարկը մրցույթը չանցավ, բայց տարիներ հետո այն իրականացվեց փոփոխված տարբերակով՝ Google +1 համակարգի հնարավորությունների շրջանակում: Իհարկե այն տարբերվում է իմ առաջարկից իր իրականացումով...

Ինչևէ գուգլը իրականացնում է մարդկանց անհրաժեշտ վիրտուալ գործիքները, իրականացնում է որակով և ժամանակին: Իհարկե գուգլի հաջողության գրավականներից է նաև ծառայությունների հասանելիությունը բոլորին...

Բայց ո՞րքանով է այս վիրտուալ աշխարհը իրական և ի՞նչ դեր է կատարում այն մարդու կյանքում, այս հարցին պատասխանելով մենք կիմանանք, թե ինչ է գուգլը մեր համար՝ մեր աչքերով: Մտածենք այս մասին ...

Այսքանը... :)

Symfony - «Սկիզբ»

2011-07-15T22:27:00.009+05:00

Նախաբան

Սկիզբ՝ բառիս բուն իմաստով: Սկսվում է նոր դարաշրջան PHP Framework-ների համար: Սիմֆոնի 2-ը փոխում է դրանց մասին պատկերացումները: Այն շատ խորը օբյեկտակողմնորոշված է և որոշ չափով նման է Java-ի:

Սկիզբ նաև իմ համար: Սկսեցի սովորէլ այս «ենթալեզուն» և արդեն մի ամիս է էտ գործին եմ ... :)

Ի՞նչու Սիմֆոնի

Կգրեմ կարճ

Ժամանակը գնում է ոչ թե հեծանիվներ հորինելու վրա այլ հենց ծրագրի լոգիկայի վրա աշխատելու, որն ավելի արդյունավետ է
Զարգացած OOP, որը թույլ է տալիս արդյունավետորեն լուծել ցանկացած առաջդ դրված խնդիր
Ծրագրի հեշտ սպասարկում, թարմացումներ
Խիստ տարանջատված ծրագրային կոդեր՝ լոգիկայի, տվյալների բազայի հետ աշխատելու, շաբլոնիզացիայի և էջերի կառուցվածքի համար
Ավտոմատ ստեղծվող ծրագրային կոդեր, որն օգնում է պարզ քայլերը միանգամից կատարելու և բուն լոգիկան գրելուն անցնելու համար, այսինքն Դուք ժամանակ չեք ծախսի սկսելու վրա
Նշեմ նաև իրենց կայքում գրած առավելությունները մեկ տեղում՝ Վարկանիշ,Արտադրողականություն,Լայն տարածում(հատկապես արևմուտքում),Ինովացիաներ,Փաստաթղթավորում,Համագործակցելիություն

Ինչ է պետք սկսելու համար

1.Windows միջավայրում

Apache
MySQL
PHP (> 5.3.2)
Command Prompt

2. Linux հոսթինգի վրա

CPanel
+ Նույն պայմանները, իսկ լինուքսի կոնսոլը օգատագործելու համար պետք կգա SSH(Shell) պրոտակոլը, որը տրամադրում են ոչ բոլոր հոսթերները(Վիրտուալ հոսթինգների դեպքում), եղե՛ք ուշադիր հոսթինգ ընտրելիս

Ինչից օգտվել

Պաշտոնական կայք՝ http://symfony.com/
Ֆորում՝ http://forum.symfony-project.org
Բլոգ http://symfony.com/blog/
Google խումբ http://groups.google.com/group/symfony-users?pli=1
Wiki http://trac.symfony-project.org/wiki/

Google Chrome OS. Double N2

2011-05-17T19:43:00.000+05:00

Երեկ տեղադրեցի այս նոր օպերացիոն համակարգի նոր տարբերակը՝ վիրտուալ մեքենայի վրա: Առաջին հայացքից այն սովորական Google Chrome բրաուզերից ոչնչով չի տարբերվում: Սակայն, երբ խորանում ենք նրա կառուցվածքի և հնարավորությունների հարցում, պարզ երևում է, որ այն սովարական բրաուզեր չէ...
Ի՞նչ ենք սպասում այս համակարգից

Համակարգը հիմնականում նեթբուքերի համար է, այդ իսկ պատճառով մեզ պետք է, որ այն՝ 1. Արագ միանա և քիչ ռեսուրսներ ծախսի, 2. Ունենա թեթև ինտերֆեյս (UI), որը կբավարարի մեզ նեթբուքերով աշխատելու համար
Քանի որ, այն նախատեսված է ինտերնետում աշխատելու և կայքեր այցելելու համար, մեզ պետք է բրաուզեր և ոչ այլ ինչ:
Մեզ պետք են թեթև ծրագրեր, որոնք կաշխատեն բրաուզերի հետ համատեղ

Այս երեք կետերը ներկայումս իրականացված են: բայց կան նաև կետեր որոնք դեռ թերի են, օրինակ հայերեն տառատեսակներ չկան, բայց կարծում եմ դրանց տեղադրումը հետագայում բարդ խնդիր չի դառնա:

Ինչ կտա ծրագրավորողներին
Նոր օպերացիոն համակարգ, հետևաբար՝ նոր ծրագրեր, նոր հավելումներ և այլն, որոնք կարելի է հետագայում վաճառել Chrome Web Store-ում https://chrome.google.com/webstore

PS: Double 1: http://www.azatyan.info/2009/11/google-chrome-os.html

Tavush.Biz - Տավուշի մարզի բիզնես տեղեկատու

2011-05-15T15:32:00.001+05:00

www.tavush.biz
Կայքի նպատակն է մի տեղ հավաքել Տավուշի մարզի բոլոր կազմակերպությունների մասին տվյալները, որը կծառայի, որպես ամբողջական տեղեկատվական բազա՝ տավուշցիների և այլ մարզերում և երկրներում բնակվողների համար...
Կազմակերպությունների և ընկերությունների համար
Եթե Դուք ցանկանում եք, որ Ձեր ընկերության մասին տվյալները (հասցե, հեռախոս, լոգոտիպ, կայք, կոնտակտային էլ-փոստ) հասանելի լինեն ինտերնետում, կարող եք գրանցել այն մեր կատալոգում: Դա առաջին հերթին պետք է հենց Ձեզ՝ Ձեր բիզնեսը զարգացնելու համար...

Առավելությունները
Փոքր և միջին բիզնեսի կազմակերպությունների ինչպես նաև ՀԿ-ների համար կայք ունենալը և ալցելություններ ունենալը դժվար է, թե՛ ֆինանսական տեսանկյունից, թե՛ կայքի առաջխաղացման համար տարվող քայլերից: Այդ իսկ պատճառով, գրանցելով ձեր կազմակերպությունն այստեղ և հրապարակելով նորութուններ, դուք լուծում եք այս խնդիրները ավելի կարճ ճանապարհով՝ ունենալով բիզնեսի առաջխաղացում:

Կարդալ մանրամասն կամ Գրանցվել »

Ապակենտրոնացված Վեբ

2011-05-06T19:32:00.005+05:00

Պատկերացրեք այնպիսի Վեբ, որտեղ բրաուզերները անմիջական միանում են իրար՝ ձայնի, տվյալների, տեսանյութերի և այլ մեդիայի փոխանակման համար՝ օգտագործելով P2P և այլ տարբեր API-եր՝ դրանով իսկ խուսափելով կենտրոնացված սերվերները, որոնք ղեկավարում են տրաֆիկը և դրա օգատգործման կարգը:

Գործնականում սա շատ լուրջ գաղափար է, և հետևողական իրականացման դեպքում, ապագայում կպաշտպանի ցանցը ավտորիտար անջատումներից, բնական աղետներից: Սարքավորումները միանում են առանց միջնորդի, այդպիսով խուսափելով տվյալների ֆիլտրումից:

Երբեմն այնպես է պատահում, որ նույն գաղափարով, ավելի կոնկրետ՝ տեխնոլոգիայով, սկսում են զբաղվել մի քանի տեղերում, տարբեր մարդիկ: Սա հենց այն է, ինչ տեղի է ունենում Ապակենտրոնացված վեբի տեխնոլոգիայի դեպքում: Միջազգային վեբ կոնսորցիումը երեկ հայտարարեց աշխատանքային խմբի ստեղծման մասին, որը պետք է զբաղվի վեբի իրական ժամանակի կոմունիկացիաներով, որպեսզի ստեղծվի API կլիենտ կողմի համար, որը թույլ կտա հաղորդակցվել առանց միջնորդի:

Այս գործին միացել են նաև Google-ը և Ericsson-ը: Բայց պարզվեց, որ Opera Software ընկերությունը ավելի առաջ է անցել՝ կոնկրետ երկու տարի առաջ ստեղծելով Opera Unite գործիքը, որի գաղափարը նույնն է:

Այդ API-ը թույլ կտա ստեղծել ծրագրեր, որոնք կարող են միանալ բրաուզերի մեջ, առանց լրացուցիչ պլագինների և այլ հավելումների և թույլ կտան ռեալ ժամանակում հաղորդակցվել երկու և ավելի համակարգիչների միջև՝ տվյալների, երաժշտության և տեսանյութերի փոխանակման համար...

Հենց այս հարցով է զբաղվելու նոր ստեղծված խումբը, արտադրելով ինտերֆեյսներ, որոնք հետագայում կօգտագործվեն տարբեր սարքերի կողմից: Համատեղ աշխատանք է տարվում նաև IETF խմբի հետ, ստեղծելու համար տեխնիկական արձանագրություն՝ բրաուզերների միջև տվյալների փոխանցման համար, որի հետքերը երևացին արդեն Google Chromium համակարգի P2P API ինտերֆեյսում:

Այս արտադրության գլխում կանգնած է Հարոլդ Ալվեստրանդը՝ Գուգլից և Ստեֆան Հաքկինսոնը՝ Էրիքսսոնից: Մինչև տեխնոլոգիայի ստեղծման ավարտը (Փետրվար 2013) կհայտնվեն նորություններ այս գործի զարգացման մասին: Հատուկ ուշադրություն կդարձվի օգտագործողի կողմից ուղարկվող և ստացվող տվյալների վերահսկման համար...

Աղբյուր http://habrahabr.ru/blogs/webstandards/118843/

PHP կլաս՝ MySQL-ին հարցումներ անելու համար

2011-04-29T18:09:00.005+05:00

Որոշ ժամանակ առաջ մի գրառում էի արել, որտեղ PHP լեզվով MySQL տվյալների բազային միանալու և հարցումներ իրականացնելու ֆունկցիա կար, դա ավելի շատ սկսնակների համար է, իսկ հիմա կներկայացնեմ PHP Class, որը միանում է տվյալների բազային և կատարում հարցումներ...

Նախ ներկայացնեմ կոդը (class.php)

<?php

class db {

function __construct($host,$username,$password,$dbase){
  $this->host = $host;
  $this->name = $username;
  $this->pass = $password;
  $this->database = $dbase;
}

   public function connect() {

       if (!mysql_connect($this->host,$this->name,$this->pass)) {

    exit('Չի ստացվում միանալ: '.$this->host . '-ին');
        };

    if (!mysql_select_db($this->database)) {
             exit('Չի ստացվում մուտք գործել '.$this->database ." բազա");
  }

     }

      public function query($query) {

          if(!$this->result = mysql_query($query)){
          exit('Չի ստացվում կատարել հարցում');
    }
          return $this->result;

    }

};
?>

Սկզբից որոշում ենք փոփոխականները (__construct)
Հետո միանում բազային (connect)
Եվ,իհարկե, կատարում հարցումը և ստանում արդյունքը (query)
Բոլոր դեպքերում սխալի դեպքում ընդհատվում է սկրիպտի աշխատանքը, գրելով պատճառը

Իսկ հիմա օգտագործման եղանակը

<?php

require("class.php");
$db = new db("localhost","root","","base");
$db->connect();
$db->query("select * from `table`");

while ($res=mysql_fetch_array($db->result)) {
echo '(' . $res['id'] . ')' . $res['name'] . '
';
}
?>

Օգտագործելու համար՝

Միացնում ենք կլասսի ֆայլը
Ստեղծում նոր օբյեկտ, db կլասսի
Միանում բազային և կատարում հարցում
Որից հետո դուրս ենք բերում արդյունքը՝ ցիկլի միջոցով

Կարծում եմ օգտակար գրառում է, և որևէ մեկին պետք կգա .. :)

Արմենիքսը մեկ տարեկան է

2011-04-16T12:42:00.000+05:00

Եվ այսպես այսօր ապրիլի 16-ն է, իսկ դա նշանակում է, որ մեր բոլորի (արմենիքսցիների) կողմից շատ սիրված Արմենիքս միկրոբլոգը դարձավ մեկ տարեկան: Շնորհավոր: Մեկ տարվա ընթացքում կատարվել են ավելի քան 40000 գրառումներ և արդեն ունենք 1000 գրանցված օգտագործողներ: Հետաքրքիր մի փաստ. 1000-րդ օգտվողը գրանցվեց հենց ծննդյան օրը:

Արմենիքսի մասին շատ գրառումներ են կատարվել, չեմ կրկնվի այլ կասեմ, որ այն նման է մի համերաշխ ընտանիքի , միայն թե այն վիրտուալ է: Մենք ժամանակ առ ժամանակ հանդիպում ենք, քննարկում կայքը և իհարկե ծանոթանում միմյանց հետ: Մանրամասներն այստեղ՝ http://armenix.com/meetings . Եթե ձեզ հետաքրքրում է բլոգինգը և պարզապես արմենիքսը միացեք մեզ և հետևեք թարմացումներին:

ՇՆՈՐՀԱՎՈՐ ԱՐՄԵՆԻՔՍ

Դիտարկիչների մասին

2011-04-15T22:17:00.000+05:00

Վերջին ժամանակ նկատվում է մի տենդենց բրաուզերների շուկայում: Շարունակ դուրս են գալիս նոր տարբերակներ, նոր թվային արժեքներով: Google Chrome 8,9,10,11,12..., Firefox 4,5.6..., Internet Explorer 9,10...: Լավ, մինչև քանիսն եք հաշվելու (սա իբրև կատակ):
Էս գրառմամբ մի ասելիք ունեմ, իհարկե տարբերակի թիվը փոխելն էլ կարևոր է նրանով, որ դրանով նշվում են, որ ծրագրի մեջ կատարվել են լուրջ փոփոխություններ , բայց եթե ամեն ամիս դուրս է գալիս նոր թվով տարբերակ, դա այդքան էլ տեղին չէ: Ասեմ, որ HTML 5-ը վերջնական տեսքի կգա 2020-ին իսկ մինչև այդ մենք ամեն ամիս նոր տարբերակներ կտեսնսնք արդյոք...

ՀԳ: շուտով Windows 8-ի հետ միասին դուրս կգա Internet Explorer 10-ը սակայն ինտերնետ օգտագործողների մոտ 10 %-ը «նստած է» ~~Internet Explorer 6~~-ի վրա: մտածենք այդ ուղղությամբ
այսքանը :)

Կայքի կյանքը, կամ ինչ անել կայքը բացելուց հետո

2011-04-09T14:58:00.000+05:00

Բարև սիրելի ընթերցող, ահա և ես ժամանակ գտա և կկիսվեմ իմ մտքերով, ասեմ, որ շուտ-շուտ չեմ գրում, այն պատճառով, որ, որևէ թեմայի մասին գրելիս առաջին հերթին սպասում եմ, որ թեման հասունանա իմ մտքում և այն կարողանամ ավելի հասկանալի լեզվով ներկայացնել ընթերցողին...

Եվ այսպես, Դուք պատվիրել եք կայք և այն պատրաստ է շահագործման: Դա շատ լավ է, բայց բավարար պայման չէ կայքի գործելու համար: Որպեսզի կայքը նորմալ գործի և ունենա այցելություններ, պետք է կատարվեն մի շարք գործողություններ, դրանցից են.

Կայքի թարմացումները
Կայքի գովազդումը
Առաջխաղացումը որոնողական համակարգերում
Տարածումը սոց. ցանցերում
Գրանցումը ռեյթինգային համակարգերում

Իհարկե կան նաև այլ գործողություններ, բայց այսօր կխոսեմ այս 5-ի մաին: Եվ այսպես.

Կայքի թարմացումները

Ինչքան ել կայքում շատ կոնտենտ լինի, այն մի օր կհնանա և այցելուները կկորցնեն կայքի հանդեպ հետաքրքրությունը, այս պատճառով պետք է կայքը թարմացնել ժամանակ առ ժամանակ, ավելացնել կամ փոփոխել նյութերը: Շատ կարևոր է նաև թարմացման ժամանակահատվածը, այսինքն ընթերցողները իմանան, թե երբ սպասեն նոր նյութերի: Առավել հարմար տարբերակը դա ամենօրյա թարմացումն է...

Կայքի գովազդումը

Կայքի գովազդը ուրիշ ռեսուրսներում, ԶԼՄ միջոցներով շատ կարևոր է, քանի որ այդ գովազդը կարելի է տեղադրել թիրախային աուդիտորիայի համար և Ձեռք բերել նոր այցելուներ, որոնց հաստատ կհետաքրքրի Ձեր կայքը

Առաջխաղացումը որոնողական համակարգերում

Ենթադրենք Դուք ունեք, որևէ թեմայով կայք: Այս թեմայով կայքեր էլի կան և այցելուն որոնելով նման թեմայով կայքեր այցելում է որոնողական համակարգերում ավելի առաջ գտնվող կայքերը, իհարկե՝ չբացելով Գուգլի որոնման 100-րդ էջը: Այսինքն եթե ուզում եք, որ որոնողական համակարգերից ունենաք նոր այցելություններ, պետք է կայքը առաջխաղացնել որոնողական համակարգերում

Տարածումը սոցիալական ցանցերում

Սա այնքանով է կարևոր, որ մարդկանց մեծ մասը առաջին հերթին այցելում է սոց. Ցանցեր և այդ ցանցերում տարածվող լինկերի միջոցով Դուք ձեռք կբերեք նոր այցելություններ

Գրանցումը ռեյթինգային համակարգերում

Սա նունպես կարևոր է, սրա միջոցով Դուք ոչ միայն կիմանաք ձեր կայքի այցելությունների մասին վիճակագրություն, այլև Ձեռք բերել նոր այցելություններ...

ՀԳ: Կարծում եմ որոշ չափով կարողացա բացատրել կայքի առաջխաղացման մասին, իհարկե ամեն ինչ չեմ գրել, այլ առանձնացրել եմ կարևորները, արտահայտեք Ձեր կարծիքը մեկնաբանության տեսքով...

Ֆիլմեր IT-ի մասին, որոնք անհրաժեշտ է դիտել

2011-03-17T15:10:00.005+04:00

Սիլիկոնե հովտի ծովահենները (The pirates of silicon valley)

1999
Ֆիլմը պատմում է Microsoft և Apple ընկերությունների ստեղծման, համակարգչային ինդուստրիայի զարգացման մասին: Բավականին թեթև ֆիլմ է և հաճելի է նայել: Ֆիլմի կերպարներից են Սթիվ Ջոբսը, Բիլ Գեյթսը և նրանց ընկերները, ովքեր դեռ այն ժամանակ հավատում էին համակարգչի հնարավորություններին: Այս ֆիլմը նայել եմ բազմաթիվ անգամ և խորհուրդ կտայի անպայման նայել...
Բեռնել

Revolution OS Հեղափոխական ՕՀ

2001
Ֆիլմում խոսվում է Linux օպերացիոն համակարգի մասին: Նրա առավելությունների և հնարավորությունների, ինչպես նաև ծրագրային ապահովման ազատ տարածման մասին: Այս մասին խոսում են լինուքսի հեղինակ Լայնուս Թորվալդսը և Ռիչարդ Սթոլմանը, ով հանդիսանում է GNU-ի ստեղծողը:
Բեռնել

Antitrust (Հակամոնոպոլիա ?)(Опасная правда)

2001
Ի տարբերություն նախորդ երկու ֆիլմերի, այս ֆիլմը դոկումենտալ չէ, և իրադարձությունները չեն կատարվել իրականում, սակայն նման պատմություններ եղել են:
Ֆիլմում շոշափվում են ծրագրերի ազատության և ՏՏ շուկայում մոնոպոլիայի և նրա վտանգավոր հետևանքների մասին: Ֆիլմը պատմում է մի քանի ուսանողների մասին, ովքեր դեմ են մոնոպոլիային: «Սինապս» կոչվող սոց. ցանցի նման համակարգի ստեղծման և տապալման մասին:
Բեռնել

Սոցիալական ցանց

2010
Նոր ֆիլմ է, պատմում է Ֆեսյբուք սոց. ցանցի ստեղծման մասին: Հետագայում հեղինակը ընկնում է դատական գործընթացների մեջ, որտեղ վիճարկվում են Ֆեյսբուքի գաղափարի գողության մեջ:
Ֆիլմի կերպարներից են Մարկ Ցուկերբերգը, նրա ընկեր Էդուարդո Սավերինը և այլոք:
Բեռնել

}{0TT@бb)ч 2006

Բավական թեթև ֆիլմ է , մի հակերի մասի, ով կոտրում է Մայքրոսոֆթի սեռվերը:
Նա պահատաբար ինտերնետից գնում է մի թեյնիկ, որի մեջ պարզվում է, որ բնակվում է Ջինը, կամ Խոտտաբիչը: Խոտտաբիչը կատարում է նրա երեք ցանկությունները ... շարունակությունը նայեք :)

Բեռնել

ՀԳ: Հետագայում հետաքրքիր ֆիլմեր լինելու դեպքում գրառումը կթարմացվի.. :)

Անհատներ. Մարկ Ցուկերբերգ

2011-02-21T14:21:00.003+04:00

Մարկը ծնվել է ատամնաբույժի և հոգեբանի ընտանիքում՝ 1984թ մայիսի 14-ին, Նյու Յորքում: Դպրոցական տարիներին հետաքրքրվել է համակարգչային ծրագրավորմամբ, ստեղծել է «Ռիսկ» խաղի առցանց տարբերակը: Մերժելով AOL և Microsoft ընկերությունների առաջարկած աշխատանքը, ընդունվել է Հարվարդի համալսարան, որտեղ այցելում էր լրացուցիչ դասերի՝ տեղեկատվական տեխնոլոգիաների թեմայով:

Հենց Հարվարդում Քիրս Հյուզի հետ համատեղ սկսեց ստեղծել Ֆեյսբուք սոցիալական ցանցը: Ֆինանսական օգնություն էր ցուցաբերում բրազիլական ծագմամբ, հրեա Էդուարդո Սավերինը:

2009-ի հունվարին 200 միլիոն դոլարով DST ընկերությունը գնեց Ֆեսյբուքի բաժնետոմսերի 1.96 %-ը:
Հարստանալով Մարկ Ցուկերբերգը դարձավ աշխարհի ամենաերիտասարդ միլիարդատերը, քանի որ տնօրինում էր Ֆեյսբուքի բաժնետոմսերի 24%-ը: 2010-ին Times ամսագիրը նրան ճանաչեց, որպես տարվա մարդ: Ցուկերբերգը քվեարկության ժամանակ առաջ անցավ Վիքիլիկսի ստեղծող Ջուլիան Ասսանժից:
Մարկ Ցուկերբերգի և ֆեյսբուքի մասին նկարահանվել է «Սոցիալական ցանց» ֆիլմը:

Հետաքրքիր փաստեր

Լինոլով դալտոնիկ, Ցուկերբերգը դժվարությամբ է տարբերում կանաչ և կարմիր գույները, քան ֆեսյբուքի կապույտ գույնը:
Սիմպսոնների 22-րդ սեզոնում Մարկը հնչյունավորել է ինքն իր կերպարը
2011-ի հունվարին անհայտ հակերը կոտրել է Մարկի ֆեյսբուքի էջը

GTUG առաջին հանդիպում

2011-02-16T18:11:00.000+04:00

Google Technology User Group Armenia (GTUG Armenia) խմբի առաջին հանդիպումը տեղի ունեցավ 2011թ. փետրվարի 12-ին Երևանում` Սարմենի 1 հասցեում գտնվող «ԳՈՐԾՔ» ընկերությանսեմինարների սրահում:
Հանդիպման օրակարգում նախապես ընդգրկված էին երեք թեմաներ, որոնք էլ ներկայացվեցին և քննարկվեցին մասնակիցների կողմից:
Առաջին թեման ներկայացվեց Տիգրան Ազատյանի կողմից, որն էր Google Chrome դիտարկիչն (browser) ու նրա հնարավորությունները: Տիգրանի կողմից ներկայացվեցին Google Chrome դիտարկիչի թարմացումների, նոր հնարավորությունների, ինտեգրացիոն ֆունկցիոնալության մասին կարճ տեղեկություններ: /ներբեռնել Տիգրան Ազատյանի պրեզենտացիան –Google Chrome/

Երկրորդ թեման ներկայացրեց ՆեոՄեդիա թիմից Վարդան Գրիգորյանը– HTML5 հիպերտեքստային նշագրման լեզվի (HyperText Markup Language) նոր հնարավորությունները: HTML5 նշագրման լեզվի նորամությունների մասին եղան հարցեր և կարծիքներ, ինչը տեղիք է տալիս ենթադրելու, որ մոտ ապագայում հնարավոր է նոր քննարկումներ ծավալվեն այս թեմայի շուրջ GTUG Հայաստանի գուգլյան խմբում: /ներբեռնել Վարդան Գրիգորյանի պրեզենտացիան – HTML5/

Երրորդ թեման նվիրված էր Google Android օպերացիոն համակարգերում հայերեն տառատեսակի ներմուծմանը, որն այժմ բավական ակտուալ է Հայաստանում սմարթֆոններ օգտագործողների շրջանում: Google Android-ի հայաֆիկացման թեման ներկայացրեց Մուշեղ Յուզբաշյանը: Մուշեղի կողմից ներկայացվեց օրինակ, թե ինչպես է հնարավոր Andoird օպերացիոն համակարգերով աշխատող սմարթֆոններում root access-ի բացման միջոցով ներմուծել հայերեն աջակցում: Նա նշեց նաև, որ տվյալ մեթոդը զրկում է բջջային հեռախոսին երաշխիքից:

Ամենից ակտիվ քննարկումները տեղի ունեցան հենց Android-ի հետ կապված թեմայի շուրջ: Որոշվեց GTUG Հայաստանի խմբում շարունակել քննարկումները և փորձել գտնել առավել հարմար լուծում` մոտ ապագայում Android օպերացիոն համակարգերով աշխատող սմարթֆոններում հայերեն տառատեսակների աջակցման համար: /ներբեռնել Մուշեղ Յուզբաշյանի պրեզենտացիան – Android Operation Systems and Armenian Fonts/

Կարող եք ներբեռնել նաև GTUG Armenia խմբի մասին պրեզենտացիան:

Հիշեցնենք, որ GTUG Հայաստան խմբի հիմնական քննարկումները տեղի են ունենում օն-լայն միջավայրում, առավելապես` GTUG Հայաստանի Google Group-ում, որին կարող են միանալ բոլոր հետաքրքրված անձինք:
GTUG Հայաստան խմբի հաջորդ օֆ-լայն հանդիպումը տեղի կունենա 2011թ. գարնանը, որի ժամանակ հնարավոր է կազմակերպվի օն-լայն տեսակամուրջ արտասահմանյան որևէ GTUG խմբի ներկայացուցիչների հետ:
Տեղեկացնենք, որ 2011թ.-ին GTUG հայաստանյան խմբի կողմից պլանավորվում է կազմակերպել մեծ GTUG միջոցառում, որին կարող են հրավիրվել Google ընկերության ներկայացուցիչներ և մասնագետներ:

Նկարները կարող եք նայել http://www.ireport.am/2011/02/gtug-armenia-first-meeting/ հասցեով

Աղբյուր` http://www.ireport.am/2011/02/gtug-armenia-first-meeting/

Google Chrome

2011-02-12T19:56:00.004+04:00

Google-ը սկսել է արտադրել այս դիտարկիչը 2008 թվականից և այս 2-3 տարվա մեջ այն իր դրական ազդեցությունն է ունեցել ՏՏ զարգացման գործում՝ շնորհիվ իր հնարավորությունների: Դրանցից կնշեմ ամենակարևորը. Այն պարբերաբար թարմացվում է և նոր տեխնոլոգիաները շատ արագ դառնում են հասանելի, նաև օպերատիվ կերպով վերացվում են սխալները:

Տեղադրումը և կարգավորումը

Chrome-ը բազմապլատֆորմ ծրագիր է: Կարող է տեղադրվել ինչպես Windows, Linux, Mac OS՝ այնպես էլ հատուկ Chome-ի վրա հիմնված Google Chrome OS համակարգի մեջ, որի մասին կխոսեմ քիչ հետո:

Chrome կարող եք բեռնել google.com/chrome հասցեից: Տեղադրող ծրագիրը տեղադրման ժամանակ բեռնում է Chrome-ի վերջին տարբերակը:
Կարգավորումների մաս կարող եք մտնել մենյուից կամ նոր տարբերակի մոտ այն հասանելի է chrome://settings հասցեով: Առկա են բազմաթիվ կարգավորումներ:
Ինչպես ցանկացած ժամանակակից Browser, Chrome-ը ունի թեմաներ՝ արտաքին ձևավորման համար, ավելացումներ՝ տարբեր ֆունկցիոնալություն ավելացնելու համար և միացվող մոդուլներ՝ պլագիններ,որոնցից ամենակարևորը իհարկե Adobe Flash Player պլագինն է:

Տեխնոլոգիաներ և հնարավորություններ

Chrome-ը գերժամանակակից ծրագիր է և ունի բազմաթիվ նորարար տեխնոլոգիաներ: Իհարկե դրանցից ամենակարևորը HTML 5 տեխնոլոգիաներն են:
Google Chrome-ը հիմնված է webkit-ի հիման վրա: Ունի հզոր JavaScript շարժիչ՝ V8: Բացի նշվածները, կան նաև մի շարք այլ հնարավորություններ, որոնցից են.
1. CSS3 –սա լուրջ գործիք է դիզայներների համար, շնորհիվ մի շարք հնարավորությունների, դրանցից են border-radius, text-shadow, box-shadow, multiple backgrounds, web fonts և այլն: Այս լեզվի մասին կարելի է շատ խոսել բայց վերադառնանք Chrome-ին
2. Web SQL-ի սպասարկումը թույլ է տալիս JS-ի միջոցով ստեղծել կլիենտի համակարգչի մեջ պահվող տվյալների բազա և նրանից օգտվել SQL լեզվի միջոցով, որը անսահաման հնարավորություններ է տալիս ծրագրավորողին
3. Web GL տեխնոլոգիան թույլ է տալիս ստեղծել բարդ գրաֆիկական մոդելներ և այլն: Գուցե և դրա հիման վրա ստեղծվեն բրաուզերային խաղեր: Սրա հնարավորությունները տեսնելու համար բավական է Chrome-ի 10-րդ տարբերակով այցելել http://bodybrowser.googlelabs.com/ կայք:
4. Բազմապրոցես ռեժիմը ունի մի շարք առավելություններ, օրինակ եթե բացված էջերից մեկը այսպես ասած կախվում է, ապա Chrome-ի աշխատանքը չի դադարում
5. Առավելություններից է նաև ներդրված Adobe Flash Player-ի և PDF մոդուլի առկայությունը: Ի դեպ վերջինս աշխատում է հիանալի կերպով:
Chrome-ի հնարավորությունների մասին կարելի է խոսել շատ երկար, բայց անցնենք առաջ:

Ավելացումներ (extensions)

Chrome-ի համար ընդյալնումներ ստեղծելու համար բավական է գիտենալ HTML,CSS և JS: Այն իրենից ներկայացնում է այդ լեզուներով գրված ծրագիր, որը կարողանում է ընթերցել էջում եղած տեղեկատվությունը և աշխատել դրանց հետ: բացի նշված ֆայլերից՝ կա նաև մի ֆայլ, որը այսպես ասած կառավարում է ընդլայնման աշխատանքը. Դա manifest.json ֆայլն է, որը պարունակում է մի շարք տվյալներ հավելման մասին և կարգավորումներ, որոնք թույլ են տալիս մուտք ունենալ էջերի տվյալներին:

Թարմացումներ և տարատեսակներ

Ինչպես արդեն նշվեց այս ծրագիրը թարմանում է պարբերաբար և առանց զգուշացումների, որը թույլ է տալիս ծրագրին ուղղել սխալները և ավելացնել նոր ֆունկցիոնալություն: Ներկայացնեմ Chrome-ի տարբերակները:
Chrome Stable – սա օգտագործողների լայն շրջանակների համար է, թարմանում է երեք ամիսը մեկ և սխալների հավանականությունը գրեթե բացառվում է:
Chrome Beta – Սա բետա տարբերակն է, թարմանում է ամեն ամիս և պարունակում է համեմատաբար նոր ֆունկցիաներ, որոնք դեռ փորձարկաման փուլում են
Chrome Developer տարբերակը նախատեսված է էնտուզիաստների համար, այն պարունակում է բազմաթիվ նորարար տեխնոլոգիաներ, որոնք դեռ փորձարկվելու են և ներդրվելու ծրագրի մեջ: Այս տարբերակը թարմանում է շաբաթը մեկ:
Canary Bulid -ը աշխատում է առանձին տեղակայմամբ և թարմանում է գրեթե ամեն օր: Սրա օգտագործումը չի խրախուսվում. Այն նախատեսված է նրանց համար, ում հետաքրքիր է նոր ֆունկցիոնալությունը:

Google Chrome OS

Նոր օպերացիոն համակարգ, հիմնականում նեթբուքների համար: Առանցքային տարբերությունը Windows, Mac համակարգերից կայանում է նրանում, որ այն հիմնված է Բրաուզերի վրա: Բոլոր ծրագրերը բացվում են Բրաուզերի մեջ և պահպանում են տվյալները Google-ի սերվերների մեջ՝ այդ կերպ բացառելով տվյալների կորուստը համակարգչի կոշտ սկավառակից: Համակարգը հիմնված է Google Chrome դիտարկիչի վրա: Օգտագործվել է Linux-ի Kernel-ը, իսկ միանալու արագությունը ըստ արտադրողների, չի գերազանցում տաս վայրկյանը: Առավելություններից կարելի է նշել նաև այն, որ համակարգը (հաշիվը) կարելի է օգտագործել մի քանի համակարգիչներից և այդպիսով հեշտացնել աշխատանքը: Chrome OS-ը կարելի է տեղադրել ցանկացած համակարգչի վրա, բայց դեռևս այն դժվար թե փոխարինի "սովորական" ՕՀ-երին:

ՀԳ: այսքանով ավարտեմ խոսքս, հուսով եմ Դուք արդեն օգտագործում եք Google Chrome

CMS Made Simple - Ընդհանուր

2011-02-09T17:58:00.001+04:00

CMS Made Simple-ը (այսուհետ CMSMS) ժամանակակից կոնտենտի ղեկավարման համակարգ է: Գրված է PHP լեզվով և օգտագործվում է MySQL, Postgree SQL կամ այլ նմանատիպ տվյալների բազաների կառավարման համակարգեր: Որպես ձևանմուշներ (template) օգտագործում է սովորական HTML-ով գրված կոդը: Օգտագործվում է Smarty շաբլոնիզատորը, որը լայն հնարավորություն է տալիս ծրագրավորողին:

Ներկա տարբերակը 1.9.3
Կայքը – http://cmsmadesimple.org
Ֆորումը http://forum.cmsmadesimple.org

CMSMS-ի միջոցով կարելի է ստեղծել տարբեր կայքեր, սկսած անձնական կայքերից, մինչև էլեկտրոնային խանութներ՝ օգտագործելով ընդլայնվող և արդյունավետ մոդուլները:
Մոդուլներ և թեգեր: Համակարգը ունի մոդուլների և թեգերի հնարավորություն: Ներկայումս կան բավականին մեծ թվով մոդուլներ և պլագիններ(թեգեր), որոնք կարելի է բեռնել http://dev.cmsmadesimple.org հասցեից:

Մինչև վերջերս կար նաև բազմալեզու տարբերակը, որի արտադրությունը դադարեցվել է, բայց նշվում է, որ սկսած 2.2 տարբերակից համակարգը կունենա բազմալեզու կայքեր ստեղծելու հնարավորություն: Իսկ մինչև այդ կարելի է օգտվել Mle CMS մոդուլից : Առկա են բազմաթիվ թարգմանություններ, կարելի է թարգմանել նաև հայերեն:

Chrome ընդլայնում՝ Armenix.com-ում տարածելու համար

2011-01-26T16:50:00.004+04:00

Եվ այսպես Արմենիքսում տարածելու համար Chrome Extension-ը կարող եք տեղադրել Google-ից այս հղմամբ՝ Տեղադրել . Օգտագործելու համար այցելեք որևէ կայքէջ և տարածեք այն Armenix համակարգում` սեղմելով Armenix-ի լոգոյի վրա: Առաջին անգամ օգտագործելիս համակարգը կհարցնի թույլատվություն Sharing անելու համար...

Մտքեր ինֆորմացիայի ուժի մասին

2011-01-25T19:19:00.000+04:00

Գնալով համոզվում եմ, որ ինտերնետը ապրելու վայր չէ: Այն շատ լավ միջոց է ինֆորմացիա ստանալու համար և այլն:Եթե կարծում եք, որ այսպիսի հետաքրքրություն ինֆորմացիայի հանդեպ նոր է ստեղծվել, ապա դա այդպես չէ: Տարիներ առաջ, երբ չկար ինտերնետը և նույնիսկ այդ մասին պատկերացումներ՝ մարդիկ ուրիշ հետաքրքրություններ ունեին: Երևի բոլորիս տանն էլ պահպանվել են գրքերի պահարաններ և մի շարք անհետաքրքիր գրքեր: Խոստովանեք, որ դրանք Դուք արդեն չէք կարդում, և այն, որ դրանցից ոչ մեկը, նույնիսկ հանրագիտարանները չեն կարող փոխարինել անընդհատ թարմացվող Վեբ կայքերին և վիքիներին (այստեղ նշեմ, որ դա չի վերաբերում այն գլուխգործոցներին, որոնք անփոխարինելի են):
Այսօր, երբ բոլորը տներում ինտերնետ միացում ունեն կամ օգտվում են ինտերնետից այլ պայմաններում, ինֆորմացիան չի կարող անփոփոխ մնալ: Այն միշտ լրացվում է, թարմացվում, քանզի ոչ մի կայք չի կարող այցելություններ ունենալ, եթե չի թարմացվում: Այսքան կայքերի գոյության պայմաններում կա նույնիսկ ինֆորմացիայի պակաս: Երեկ իմ կայքերից մեկում դրեցի պատմության վերաբերյալ մի աշխատանք, ազատ բեռնումների համար: Եվ շատ զարմացա (ավելի ճիշտ կրկին անգամ համոզվեցի, որ ինֆորմացիան իր մեջ մեծ ուժ է պարունակում), որ դեռ մի օր չլրացած բեռնումների քանակը մոտեցել էր 100ին, դա այն դեպքում, երբ կայք մտնում էր սովորաբար օրը 30 մարդ: Երկար-բարակ չեմ գրի, կարճ ասած ՝ 21 դարում տեղեկատվությունը ուժ է, իսկ ճշմարիտ տեղեկատվությունը` ամենամեծ ուժը: Կարդացեք...

Կայքի լեզվի որոշման մասին

2011-01-16T22:59:00.005+04:00

Այս անգամ կգրեմ կայքի լեզվի ընտրության մասին: Այն կախված է մի շարք գործոններից: Դասակարգենք դրանք ըստ կարևորության:

1. GET մեթոդով ուղարկված լեզվի արժեքը (Request URI)

2. Դիտարկիչի Cookie-ները

3. HTTP_ACCEPT_LANGUAGE պարամետրը, որը փոխանցում է բրաուզերը սպասառուին միանալու ժամանակ:

Այսինքն, եթե GET մեթոդով ուղարկվել է լեզվի արժեքը, ապա այն դրվում է լեզվի ընտրության հիմքում և տեղադրվում համապատասխան Cookie:

Հաջորդ անգամ , երբ օգտագործողը դիմում է կայքին առանց GET հրամանում լեզվի արժեքի առկայության, լեզուն որոշվում է ըստ նախորդ անգամ տեղադրված Cookie-ի:
Եթե ո՛չ GET հրամանում, ո՛չ էլ Cookie-ներում չկան լեզվի պարամետրի արժեքները կայքի լեզուն որոշվում է ըստ HTTP_ACCEPT_LANGUAGE պարամետրի, որի որոշման համար օգտագործվում է /^[a-z]{2}/ շաբլոնը, այսինքն առաջին բառը, մինչև ստորակետը: Այսինքն մեզ պետք է այս պարամետրի մեջ պարունակվող առաջին լեզուն:
Բոլոր դեպքերում, եթե օտգագործողի լեզուն տարբերվում է տվյալ 3 լեզուներից ( Օրինակում օգտագործվում են երեք լեզու՝ Հայերեն, Ռուսերեն և Անգլերեն) , լեզուն որոշվում է, որպես անգլերեն, քանի որ այն միջազգային լեզու է:


if(isset($_GET['lang']))
  {
 if($_GET['lang'] == "eng")
    { $sitelang = 'eng'; setcookie("Language",'eng');}
 elseif($_GET['lang'] == "rus")
    { $sitelang = 'rus'; setcookie("Language",'rus');}
 elseif($_GET['lang'] == "arm")
     {$sitelang = 'arm'; setcookie("Language",'arm');}
 
    else 
 
 {$sitelang = 'eng'; setcookie("Language",'eng');}
  }
else {
    if (isset($_COOKIE['Language'])) 
         {  $cl = $_COOKIE['Language'];
                if( $cl === "arm" || $cl === "eng" || $cl === "rus" ){ $sitelang =  $cl;}
                else { $sitelang = 'eng' ;}
         }
    else
    {
  // Accept-Language Parsing
 
 
       if(isset($_SERVER['HTTP_ACCEPT_LANGUAGE'])){
 
               $accept = trim(htmlspecialchars(strtolower($_SERVER['HTTP_ACCEPT_LANGUAGE'])));
               preg_match("/^[a-z]{2}/",$accept,$matches);
               $language = $matches[0];
 
               // Defining Languages
 
                if($language == 'hy'){
                    $sitelang = 'arm';
      } 
               elseif($language == 'ru'){
                    $sitelang = 'rus';
    }
                else {
                  $sitelang = 'eng';
    }
         }
 
        else {
 
        $sitelang = 'eng';
 
      };
 
        // End Accept Language Parsing
 }
};
 
  // Language File ifelse
if($sitelang == 'arm'){
 include('lang/armenian.php');
}
elseif($sitelang == 'rus'){
 include('lang/russian.php');  
}
else {
 include('lang/english.php');
};

?>

Կարծում եմ, եթե ծանոթ եք PHP-ին պարզ կլինի այս սկրիպտի օգտագործումը: Գրեմ քայլերով.
1. Միացնում ենք այս ֆայլը index.php-ին
2. Ստեղծում լեզվի ֆայլերը lang դիրեկտորիայում, օրինակ

$lang = Array (
 
"title" => "Հանրագիտարան",
"addpage" => "Ավելացնել էջ",
"sitepages" => "Կայքի էջերը",
 ....

?>

Օգտագործելու համար պետք է բառի փոխարեն դնել օրինակ $lang['title'] ;
Լեզվի փոփոխելու համար պետք է դնել այս կոդը
<a href="?lang=arm">Հայ</a>
<a href="?lang=rus">Рус</a>

<a href="?lang=eng">Eng</a>

PHP Ֆունկցիա MySQL հարցումների համար

2010-12-23T20:23:00.004+04:00

Այս ֆունկցիան օգտագործվում է MySQL տվյալների բազային կապվելու և հարցումներ իրականացնելու համար: Սա օգտակար է սկսնակների համար, քանի որ լուրջ նախագծերի համար կարելի է օգտագործել այնպիսի ծրագրեր, որոնք աշխատում են ոչ միայն MySQL-ի, այլև ուրիշ Տվյալների բազաների հետ, օրինակ ADOdb:

Նախ ֆունկցիան.

function db($query){

// MySQL Query Function
$hostname = "localhost";

$username = "root";
$password = "password";
$dbName = "design";
mysql_connect($hostname,$username,$password) or die(mysql_error());
mysql_select_db($dbName) or die(mysql_error());
mysql_query("SET NAMES 'utf8'");
$result = mysql_query($query) or die(mysql_error());
return $result;
mysql_close();
};

Սկզբից սահմանում ենք փոփոխականները (հոսթի անունը, օգտագործողի անունը, ծածկագրիը, բազայի անունը): Հետո միանում ենք տվյալների բազային, ընտրում բազան: Որպիսզի տվյալները փոխանցվեն Unicode-ով, սկզբից ուղարկում ենք SET NAMES 'utf8' հարցումը, որից հետո որոշում ենք $result փոփոխականը (որը և վերադարձնում է ֆունկցիան):
Ինչպես տեսնում եք, db ֆունկցիան ունի $query արգումենտ, որի փոխարեն պետք է գրվի SQL հարցումը, օրինակ՝

$res = db("SELECT  *  FROM `pages`");

Որից հետո տվյալները կարելի է դուրս բերել ( օրինակ մասիվի տեսքով և mysql_fetch_array ֆունկցիայով) և օգտագործել
Այսքանը :)