Bakit Ganon?!?!

Look alike

2012-01-09T15:07:00.000-08:00

2 years na kami ng girlfriend ko and marami ngang nagsasabi na nagiging magkamukha na kami. Marami rin ang nagsasabi na dahil sa magkamukha na kami kaya nahahalatang magkakatuluyan na kami.

Pero BAKIT GANON NA KAPAG MATAGAL NG MAGKASAMA AY NAGIGING MAGKAMUKHA NA?

Sa totoo lang, hindi ko alam ang explanation nito. Ang magandang sumagot sa katanungang ito ay itong article na nakita ko sa internet entitled Why some long-time lovers look alike by Kerr Than.

Toothpick sa Sandwich

2011-11-09T22:13:00.000-08:00

Nagtataka ba kayo at napapasabi na Bakit kailangang may toothpick ang mga sandwiches sa mga sosyaling handaan?

Hindi kayo nag-iisa kasi ganun din ang tanong ko. Gaya ng nasa picture, yun din ang reason siguro kung bakit may toothpick.

Pero habang tumagal, ito yung naiisip kong reason diyan:
1. Posible kasi na para hindi humiwalay ang sandwich kapag kinagat. Nagiging messy kasi habang kinakain natin e.
2. Posible na para rin sa presentation at maging attractive na rin.

Pero kahit ano man yan, sandwich pa rin yan. Masarap kainin. Lalo na kapag masarap ang palaman nito.

Be Like Christopher Lao

2011-08-03T17:10:00.000-07:00

Habang nagpapahinga sa aking pagtatrabaho, nakita ko ito sa isang friend ko.

Nagtataka ako sa ating mga pinoy. Bakit ganon na sinisisi natin sa ibang tao ang pagkakamali natin?

Siguro kasi nahihiya tayong aminin na nagkamali tayo. O kaya ayaw nating mapahiya dahil sa pagkakamali natin.

Pero ito ang tanong: Sino ang may gawa? Sino ang dapat nakaka-alam?

Sa kaso ni Christopher Lao, alam naman niyang baha at walang dumadaang tao e sinugod pa niya ang sasakyan niya. Gaya ng sabi ng friend ko, when in doubt in terms of baha, don't go.

Kaya to Christopher Lao,

Mas pinahiya mo pa ang sarili mo sa buong Pinas.

Ayaw mo ng compliment?

2011-07-26T19:54:00.000-07:00

Common ba sa inyo itong mga linyang ito?

"Ang cute cute mo!"

"Di kaya! Akala mo lang yan!"

Minsang natanong ko ito sa sarili ko: Bakit ganon na kapag sinasabihan tayo ng mga magagandang bagay ay inaayawan natin?

Mabuti na lang at nasagot ito ni Mikey Bustos sa kanyang latest tutorial sa youtube. Halika't panoorin natin.

The Rush Hour na mabagal

2011-07-25T03:16:00.000-07:00

Nung minsang pumunta kami sa Tambalan (Love Radio 90.7), nagtanong si Nicolehyala on air na ganito (or something like this):

Bakit ganon na kapag rush hour, ang bagal ng daloy ng mga sasakyan? Hindi ba dapat mabilis ito?

Oo nga naman! May point siya kasi ang weird na dapat kasi kapag rush hour e mabilis ang takbo ng mga sasakyan. Kaya lang, hindi ganito at nararanasan ito talaga kapag bumabiyahe na sa EDSA at Biyernes pa.

Pero bakit kaya ganun? Siguro kasi ang mga tao e nag-aagawan sa kalsada (nabibitbit na pala ang sasakyan) para lang makauwi. Sa sobrang excited, kinakalimutan na may mga ibang nagba-biyahe. Ayun, aksidente ang kinahahantungan ng iba.

Minsan (o lagi), may mga pasaway na driver na sobrang angas at inconsiderate sa ibang mga nagmamaneho. Minsan nga e yung sinasakyan kong bus ay ang tagal nakatigil sa may Mantrade e walang sumasakay na pasahero. Busina ng busina ang mga kotse sa likod niya, pero yung konduktor pa yung galit. Kainis lang talaga!!!

Oh well, ang weird lang ng rush hour natin dito...

God Always Answers Prayer

2011-07-20T03:35:00.000-07:00

Facial Discrimination

2011-07-03T09:57:00.000-07:00

Nakatanggap ako ng isang text nung pauwi na ako galing simbahan galing sa isang kaibigan. Ito ang sabi niya.

"Bakit kapag lalaking gwapo ang tumitingin, ang tawag ay CHICKBOY. Pero kapag hindi gwapo, ang tawag ay MANYAK.

Tapos, bakit kapag ang sumusunod ay gwapo, ang tawag ay SECRET ADMIRER. Pero kapag hindi gwapo, ang tawag ay STALKER.

Ito na ang tinatawag na FACIAL DISCRIMINATION.

At totoo naman diba? Bakit ganon na pinagbabasehan ang ginagawa ng isang tao sa kanyang hitsura?

Parang kapag may isang gwapo ay aksidenteng nanilip sa isang lalake, hindi siya sobrang magagalit. Pero kapag isang panget na lalake na, ultimo buhay pa niya e kukuhin dahil sa mga hampas na makukuha niya sabay sasabihing MANYAK!!!!!

Nakakapagtaka lang kasi sobrang marginalized na kaming mga panget. Nawalan na nga kami ng kagwapuhan, napapahirapan pa kami dahil sa maling depinisyon...

Kawawa naman kaming mga panget... :(

Usapang Ligo

2011-06-30T23:31:00.000-07:00

Kakagaling ko lang sa sakit ngayon and until now masakit pa rin ang ulo ko (boohoo...). Malas ko lang talaga.

At kanina habang naliligo ako, naisip ko lang ang tanong na ito:

Bakit ganon na kapag sinabing "Half Bath", hindi sinasama ang ulo?

Sa pagbuhos ng tubig sa aking katawan, naisip ko na kapag sinabing "Half Bath", dapat mula sa bewang pababa (see image above). Pero hindi ito yung pagkakaintindi at pagkakaturo sa atin nung bata pa tayo.

Naisip ko lang na kaya siguro half bath ang tawag doon ay dahil ang pinapaliguan ay katawan lang (mula bewang pataas) at hindi na halos sinasama ang mga paa. Pero kung ganito man yun...

Hmm...

Wala na akong maisip!

Basta ganon! Hahaha!!!

Japan Japan

2011-06-25T05:53:00.000-07:00

Common na ba sa inyo ang pose na ito?

For sure e nagagawa ninyo ito once or most of your lives. Pero napapaisip ba kayo kung bakit ganito ang mga poses ng mga nagpapa-picture?

Bakit ganun na tuwing kumukuha tayo ng picture, nagja-Japan-Japan tayo?

Nagsimula ito sa Japan na kung saan may mga hapon na nagpapapicture na may "peace sign". At doon nagsimula ang lahat. Pero kung bakit ganito yung kanilang ginagawa, hindi ko alam.

Pero kung gagawa ako ng assumption kung bakit nila ito ginagawa, siguro ay pampa-cute pa lalo sa picture nila na magmumukha pa silang Hello Kitty. Or siguro para sabihin na, "Ay sorry na nagpapicture ako. Peace po."

Pero kung ano man yan, nalalabuan ako sa pose na ito. Sana may magbigay pa ng liwanag dito.

Short-cut daw?

2011-01-04T02:17:00.000-08:00

Define "short cut"?

By definition, ang ibig sabihin ng short cut ay yung pinakamaikling daan papunta sa paroroonan (Source). Pero nagtataka ba kayo kung bakit ang shortcut ay malayo pala? Bakit kaya nakasayan na nating tawaging "short cut" ang isang daan na hindi talagang "short cut"?

Kung kukumpyutin mo at susukatin yung talagang daan kumpara sa "short cut" ay mas mahaba pa ang shortcut sa mismong daanan. Pero kung iisipin pa sa iba pang paraan, maari na itong daan na ito ay mas mabilis o walang trapik kumpara sa isa. Kaya, bawas ang konsepto ng haba as compared sa normal route at nararamdaman natin na talagang "short cut" nga ito.

Kaya kung magrereklamo kayo kung bakit ang ibang daan ay tinatawag na "short cut", isipin muna natin kung matrapik ba talaga ang talagang short cut nila. Dahil kung hindi, mapapahiya ka lang.

Name your finger toes

2010-09-20T17:21:00.000-07:00

Minsang aksidenteng natapakan ko ang paa ng girlfriend ko. Nakasapatos ako nun at nakatsinelas siya. Nung pumunta kami ng ospital, nalaman kong nabali yung isang daliri ng kanyang paa. Hindi ko alam kung paano ko sasabihin kung saang daliri sa kanyang paa yung na-aksidente. Ang lagi ko na lang sinasabi sa mga friends ko eto: "Yung ring finger equivalent sa kanyang paa." At nahihirapan ako tuwing sinasabi ko yun. Biruin mo, kailangan kong maglabas ng 7 words or 36 letters para lang pangalanan ko yung daliri niya sa paa compared kung sasabihin kong "ring finger" o kaya "hintuturo". O kaya ang gagawin kong ituturo yung daliri ko sa paa at tatanungin nila, "Saan?"

Bakit ganon na walang pangalan ang mga daliri natin sa paa? Minsang nakakainis isipin talaga na walang pangalan ang mga ito. Hindi mo alam kung paano mo ilalarawan ang daliri mo sa paa.

Sana may mag-isip talaga ng pangalan sa kanila. Kung tao lang sila ay maiingit sila kasi sila lang yung walang pangalan kahit na sila yung may importanteng role para makatayo tayo.

Blackboard na green

2010-09-07T21:31:00.000-07:00

Common ito sa mga classrooms at sinusulatan pa (madalas e sinusulat dito e yung mga katagang "Noisy Boys/Girls", "Standing", "Good Boys/Girls").

Yes! Ang tinutukoy ko dito ay yung blackboard na ilang taon din nating nakasama noong tayo'y nag-aaral pa.

Pero ito ang hindi ko maisip. Hindi ko maisip kung bakit ang blackboard sa mga schools ay kulay green? Kung yun yung susundan nating logic, dapat sana e "greenboard" ang tawag doon.

Bakit nga ba ang blackboard e kulay green? Hindi kaya e naubusan ng pintura si kuya painter kaya kinulayan na lang ng green? O di kaya dahil may relaxation effect ang kulay green sa ating mga mata kaya madalas tayong tulog (oops, ang tamaan ay wag magalit kasi minsan gawain ko rin yan).

Pero kung ano man yan, laking tulong din sa atin yun dahil naisusulat doon ang lahat ng mga aralin na dapat nating matutuhan sa araw na yun.

No to Boys with GFs kahit for friends

2010-08-29T17:52:00.000-07:00

Years ago, may nakilala akong friend na girl from chat. I gave her my friendster account then and she gave her mine. Nang nalaman niyang may gf ako then, sabi niya na "Si GF na lang ang kausapin mo."

Sabi ko sa sarili ko, "Assuming naman nitong babae ah?"

For you girls, Bakit kayo ganyan na kapag makikipagkaibigan lang ang isang lalake na may girlfriend e lalagyan ninyo ito ng kahulugan?

I know na may mga guys who flirt with girls kahit na they are in a relationship. Pero there are most guys na they are after the friendship. Nakaka-offend sa aming mga guys kapag "inuunahan" ninyo ang lahat ng bagay. Kung itutuloy ninyo yan, for sure e mapapahiya kayo. You lost a good friend and you were hurt dahil naging assuming kayo.

Girls, please (lalo na yung mga bata)! Wag ninyong lagyan ng kulay ang lahat ng bagay. Just accept them as friends. Eventually everything will be clear. By then do your move.

Bakit kay PNoy?

2010-08-23T17:21:00.000-07:00

Kanina lang ay nag-message sa akin yung isang friend ko na ang sabi e kasalanan ni PNoy yung nangyaring hostage taking kahapon sa Quirino Grandstand. Hindi ko lang maisip kung Bakit ganon na sinisisi sa kanya yung mga nangyayari sa mundo when kakaupo lang niya?

Tinanong ko siya kung ano ang reason niya at ito ang naging conversation namin sa YM. Take note yung mga comments ko sa kanyang nakakatawa.

Honestly, I didn't vote for Noynoy pero I respect him kasi yun yung boto ng tao. Pero yung isisi sa kanya sa isang bagay na wala siyang kinalaman, ito lang yun e.

May utak ka ba?!?!?

Excuse me I sneezed

2010-07-28T01:48:00.000-07:00

Nung isang araw (o baka matagal na), bahing ng bahing ang GF ko. And everytime na bumabahing siya, lagi kong sinasabi ay "Bless you!"

Pero hindi ba weird ito?

Napaisip tuloy ako.

Bakit ganun na lagi nating sinasabi na "Bless you" kapag may bumabahing?

Ano kayang blessing ang makukuha nila kapag sinabi nating bless you?

Kung titignan mo nga dapat sa atin yun e kasi yung spurt ng laway kapag bumabahing e napupunta sa atin.
Isipin mo na lang na parang siyang Holy Water na binabasbas sa atin kapag bumabahing ang isang tao (yuck!).

Pero isipin na lang ninyo...

Bakit ganon...

Kainang may tira

2010-07-05T01:54:00.000-07:00

Mahilig tayong mga pinoy sa kainan. Sa kahit saang okasyon e laging may kainan kahit simple lang siya o kung engrande. Siguro kasi sa hapag-kainan e nailalabas natin yung mga masasayang mga bagay at mga tsismis.

Pero bakit ganon na laging may tira na isang maliit na piraso ng pagkain kapag sharing ng pangkain?

Siguro e nagkakahiyaan sa kung sino ang kukuha ng last piece. Or baka kasi naghihintay pa sa kung sino ang hindi pa nakakain.

Pero paano kapag nakakain na ang lahat?

Labo lang.

Oh well...

Piano sa Sala

2010-06-09T22:03:00.000-07:00

Common na yung may nakikita tayong mga piano sa isang sala. Minsan ay medyo may kalumaan, minsan e parang mga 5 years pa lang na tumatagal o kaya mga 7 years na rin. Ang mga nakapatong dito e kung hindi mga family pictures e parang altar na may mga bulaklak pa.

Sa unang tingin, iisipin natin baka may marunong tumugtog ng piano o kaya e expertong tumugtog nito. O di kaya ay graduate ng College of Music.

Pero minsan (at hindi ko alam kung napapansin ninyo ito) na kung magkakaroon ng family picture, lahat sila ay naka-pose sa harap ng piano.

Napapaisip ako minsan kung Bakit kapag may mga picture-picture ay sinasama lagi ang piano sa eksena?

Nang minsang pumunta kami ng family ko sa isang reunion sa BF Homes mga 10 years nang nakaraan siguro para sa reunion ng mga ex Marist, may sumigaw na "Picture picture!!!!!" at ayun, nagpuwestuhan sila sa harap ng piano. Pero nung tinanong ko kung sino ang tumutugtog, wala namang marunong tumugtog nun. Feeling ko e minana lang yun.

Ito siguro ang mga naiisip ko kung bakit gustung-gusto na magpapicture sa harap ng piano. Siguro...

Kaya gusto nilang isama yung piano sa picture e kasi maganda siya.
Gusto nila isama yung kanilang kanunu-nunuan nila na marunong mag-piano sa picture (awoooo...)

Weird lang talaga kung bakit ganun... Oh well... Hehehe!!!

Si Nena ay buntis na...

2010-06-03T18:36:00.000-07:00

Noong mga mid-90s (malamang e bata pa ako noon), natatandaan ko pang hindi pa talaga uso yung mga nabubuntis ng maaga. Alam kong laganap ang porn na noon, pero wala akong nababalitaang nabubuntis ng maaga...like sobrang aga.

Siguro noong pagpasok ng mga year 2000 e doon na nagsusulputan ang mga buntisan. Mas malala siguro ngayong panahon kasi kahit 14 years old e buntis na (may nakilala ako noon na ganito ang sitwasyon).

Alam naman nating isang malaking problema ito sa society natin kaya dapat bawat isa sa atin ay gumawa ng mga tamang hakbang kung paano ito mapipigilan. At hindi through condoms and contraception kasi hindi ito tinuturo at sinusuportahan ng simbahan.

Enough muna about that.

So habang tumatagal, marami akong napapansin tungkol dito. At isa sa mga ito ay ang aking katanungan: Bakit ganon na mas maraming nabubuntis na babaeng magaganda kesa mga panget?

Note: I'm not asking this dahil I support pre-marital sex. Nagtatanong lang based on observations.

Napapaisip ba kayo kung bakit ganon, lalo na sa ating mga lalake?

Naalala ko tuloy mga 5 years ago na may crush ako na nahihiya akong ligawan. Maganda siya and maraming nagkakagusto sa kanya. Well, nandoon na ang moves and slowing going to asking her na ligawan ko siya. UNTIL dumating sa point na tumawag ako sa kanya para i-ask na liligawan ko siya. Kaya lang, nalaman ko noon na buntis siya at ikakasal na siya within 2 weeks.

Nalugmok ang mundo ko at hindi ko namalayang may tumutulo na pala sa mga mata ko...at sa ilong.

In short, umiyak ako ng husto. At wala na akong ibang naisip kung hindi pumunta sa isang simbahan at doon na todo umiyak. Nasira kasi ang lahat ng mga pangarap ko and yung mga plano ko for her.

After some years, pumila ako for my enrollment nang narinig ko ang ganitong usapan ng isang girl na maganda and her guy friend.

Guy: Ui, kamusta ka na?
Girl: Eto, ok lang. I'm nursing my 2nd baby.
Guy: Same guy ba?
Girl: Hindi. Sa current bf ko.

Lately, nakita namin ng gf ko yung friend ko sa kanyang social network profile na mukhang buntis...or siguro e buntis, pero hindi lang pinapahalata. Honestly, maganda siya and we both agree to this.

Ito lang siguro yung naiisip kong reasons. Kayo na lang ang magdagdag kung may maisip kayo:

Mas nakakagana na makipag-sex kung maganda. Nakakawalang gana kasi kung panget. Parang ganun din sa pagkain.
Hindi lang sila maganda, pero magaling din sila sa kama.
Dahil kasi maganda si babae, napapasarap na feeling nila e nasa porn flick sila. Kaya ayun, nakadisgrasya dahil sa sobrang sarap.

Gaya ng sinabi ko kanina, I'm not promoting pre-marital sex and I will never promote that. Pero sana i-treat natin ang mga babae, lalo na yung mga magaganda, as jewels and treat them right.

Nadaya ako!!!!

2010-05-27T06:34:00.000-07:00

Kakatapos lang ng National Elections at alam na natin malamang kung sino ang mananalo. Mataas na rin ang pag-asa na this time, bawas na rin ang mga issues ng pandaraya dahil sa automation.

Unfortunately, hindi yata nangyari ang inaasahang pagbawas ng pandaraya dahil sa paglantad ni Koala Boy. At ito na rin ang katanungan ko dito.

Bakit ganon na dito lang (siguro) sa Pinas ay walang natatalo pagdating sa eleksyon? Bakit ganon na alam nang natalo na, sasabihing nadaya pa sila?

Maiintindihan siguro natin na malaki ang posibilidad na magkaroon ng pandaraya sa manual elections. Nandoon yung magbabasa ng balota na hindi mo alam kung tama ang kanyang binabasa. Nandoon ang nagta-tally na hindi mo alam kung marunong ngang magbilang o makinig.

Pero dito?!?!

Kanina ay humirit ang dad ko tungkol diyan. Sabi niya na kaya nagkakaganyan ay para masabi na hindi rin tama ang automated elections, na mas mabuti na bumalik na lang sa manual elections. Bakit? Para makapandaya ng malawakan.

Pero sa mga kandidato naman, kaya siguro ay hindi nila matanggap ang kanilang pagkatalo ay siguro sa isang kadahilanan na naisip ko: Sobrang kampante sila na mananalo sila kaya noong nalaman ang results ay sumusugod sila Comelec para sabihing nadaya. I bet e kumukuha sila ng kung sinong tao para sabihing nagkaroon ng dayaan.

No wonder na hindi umuusad ang ating bansa dahil lagi nating naiisip na nadadaya sila. Sana baguhin natin itong ating ugali. Nakakahiya sa mga bansa sa paligid natin na automated na nga tayo, nadadaya pa rin.

O Sucat, Sucat, Sucat!!!

2010-05-12T17:41:00.000-07:00

Nung nasa college pa ako, ganito ang scenario pag uuwi ako ng medyo malalim na ang gabi at sasakay ako ng FX na biyaheng Sucat.

Barker ng FX: O Sucat, Sucat, Sucat oh..
Pasahero, lalapit sa barker: Bos, Sucat?
Barker ng FX: Oo, Sucat!!!

Applicable din yang eksena na yan sa Bus, Jeep, at sa kung ano pang pampublikong sasakyan.

Pero, bakit marami sa atin ang ganito?

Dahil ba hindi tayo marunong makinig?
Pwede, o kaya naman e hindi natin ito narinig, kaya naman ating nililinaw lang.
Mahirap na kasi kung mali ang byaheng ating sasakyan, tayo rin naman ang malulugi.

Pero siguro, mas maganda rin kung pakikinggan na lang natin, o kaya, gawin nating less-redundant ang sitwasyon, parang ganito:

Barker ng jeep: O DOST-Bicutan oh!!
Pasahero, lalapit sa barker, tinuturo yung jeep na maaaring tinutukoy ng barker: Bos, dito po ba?
Barker ng jeep: Oo, diyan! Sige, sakay na, DOST-Bicutan yan!

O diba, mas maayos ang usapan. ;)

Korong Pinoy: Bakit Walang Suporta

2010-05-11T06:20:00.000-07:00

I'll go straight to the point.

Bakit walang suporta sa mamamayang Pilipino ang Korong Pinoy? Bakit ang tingin ninyo e corny siya?

Well, ito lang ang naiisip ko kung bakit tayo ganito.

Sa pananaw ko at sa aking obserbasyon, kapag sinabing choirs e ang laging naiisip e pang-simbahan lang. Yung mga matatandang kumakanta sa simbahan tuwing may misa na parang si Pilita Corales (tama ba ang spelling). Pero hindi lang yun hanggang doon. Salamat sa Philippine Madrigal Singers at iniba nila ang hitsura at timpla ng korong tunog at mga kanta. Dahil sa kanila, pati yung ibang mga sikat na kanta ay ginagawa nilang pang-koro gaya ng mga nasa ibaba.
Isang pananaw ko e kasi mas sikat yung mga rakista bands at ibang mga OPM bands. True enough nga na ganun. Pero hindi ba't art din ang mga korong mga kanta? Tsaka, ang korong boses ang pinaka-pure at pinaka-sariwa sa lahat. Iniiwasan nga ang pagsira nito at pinanatilihing maayos ang boses. Di gaya ng iba na tila inilalabas pa nila ang kanilang mga lalamunan hanggang sa sumikat.

So ito pa lang yung mga alam kong mga kadahilanan. Sana mabuksan pa natin ang ating mga isipan tungkol sa koro. Sana magustuhan din natin at mabigyang pansin pa ang ating mga koro at hindi lang puro mga OPM at rakista bands lang.

Panoorin ninyo itong mga videos na ito at sana maliwanagan kayo.

Mahal Kita Kasi (Coro de Sta Cecilia)

Nobody (UE Chorale)

Iisang Bangka (Ateneo Glee Club)

Your Love by Alamid (Novo Concertante)

Spoiler Alert!!!

2010-04-24T02:26:00.000-07:00

I've been a fan of Survivor Heroes vs Villains. At nakakainis kasi may mga kumakalat nang mga boot list sa kung sino ang susunod na matatanggal doon. Pero ang mas nakakainis kasi may mga nagpo-post sa kung sino ang "allegedly" na mananalo doon.

Naisip ko lang: Bakit ganon na may mga spoilers at sobrang sinisira nila yung suspense and thrill of the series? Well, yeah right! May mga ayaw kasing panoorin ang buong series or movie because of some reason. Pero don't they have any respect sa mga gustong mapanood ito? Ano ba ang makukuha nila nito? Na alam nila kung ano ang magiging katapusan nito? Sige alamin na ninyo kung ano ang katapusan. Pero please! Respeto naman sa mga gustong mapanood ito at malaman ang buong kuwento.

Pre, CR tayo.

2010-04-20T21:35:00.000-07:00

Common na yung eksena na sabay-sabay mag-cr ang mga babae. Common na yung naririnig natin na "Tara cr tayo." "Sige!" Pero naisip ba ninyo na ang sagwang tignan na yung guy e magsasabi sa kanyang kaibigan na, "Pre, cr tayo."

Bakit kaya ganun na kung sa babae, ok lang na sabay-sabay na mag-cr pero kung sa lalake e foul yun?

Sa mga lalake, meron kasing tinatawag na dude etiquette or guy code. Break one and you're considered as gay. Dapat alam ito ng mga lalake. Kung puwede e kabisado by heart at naa-apply sa mga buhay natin.

Bakit?

Kasi iba tayo sa mga babae. Kumbaga, we are considered as hunters, as strong hold, as sturdy people. We are made to protect our wives and our girlfriends. Alangan namang makita natin na yung babae ang magtatanggol sa atin. Parang baliktad naman ata ang mundo di ba?

Ayusin mo sagot mo..

2010-04-20T18:13:00.000-07:00

Part 1

Siguro ay pamilyar tayo sa ganitong scenario, at malamang ay nabasa niyo na ito sa text:

TOP 5 NA MALING SAGOT SA MGA MAAYOS NA TANONG
(taken from http://www.symbianize.com/archive/index.php/t-74708.html):

5.) KUMAIN KA NA BA?
sinasagot ng: BUSOG PA KO EH!

***ang sagot na ito kadalasan sinasagot kung walang pera at wala talagang pangkain pero sana sumagot kayo ng tama eh hindi eh minsan pa may halong sagot na DIET AKO EH.. mukha niyo...

#4.) ANONG ORAS KLASE MO?
sinasagot ng: MAMAYA PA!

***ito pa ang isang kamalian, pag tinatanong tayo kung anong oras klase, sinasabing mamaya pa eh napakahaba kaya ng mamaya... marami ring mamaya parang bukas napakaraming bukas...

3.) BAKIT WALA KA KAHAPON?
sinasagot ng: ABSENT AKO EH!

***oo nga absent ka, kaya nga tinatanong kung bakit di ba?

2.) ANONG ORAS NA?
sinasagot ng: MAAGA PA!

***waaaaaaaaah :panic: maaga pa? mukha mo, oras nga tinatanong... oras... orasssssssssssssssssss!

1.) 'SAN KA NA?
sinasagot ng: PAPUNTA NA!

***oo alam naming papunta ka na... ang tanong nasan ka na amp....
(at guilty ako sa sagot na ito. hehehe. ;) )

Part 2

Minsan ay pamilyar din tayo sa ganitong scenario:

Juan: Pare, ililibre kita. Saan mo gusto?
Pedro: Ikaw ang bahala pare, kahit saan e ok lang sa akin.
Juan: Um, MCDO? Jollibee? or Greenwich na lang kaya?
Pedro: Sige, ok lang.

Part 3

Kung ang pwede lang na sagot ay 'Oo' o 'Hindi', ano ang isasagot mo sa tanong na ito:

"Hindi ka ba naliligo?"

Sa pananalita nating mga Pilipino, bakit meron tayong hindi maayos na sagot sa mga maayos na tanong (as with parts 1 & 2), at bakit kapag sinimulan ng salitang 'hindi' ang isang tanong e kahit anong sagot mo sa tanong na yon e negatibo pa rin ang sagot?

Siguro doon sa part 3 e wala talaga tayong magagawang paliwanag dahil ganun talaga ang konotasyong nasa diksyunaryong Pilipino. Pero dun sa unang dalawang eksena lang ako naguguluhan dahil nga naman maayos ang tanong pero hindi pa rin natin ito mabigyan ng tamang sagot. Siguro dahil tamad tayong sumagot ng tama, o may bagay kang itinatago (tulad na lamang sa 'san ka na' na kung tutuusin e nasa bahay ka palang pala pero sinabi mo nang papunta ka na), o kaya naman dun sa part 2 na masyado nating ipinapairal ang hiya.

Itong mga ugaling ganito ay hangga't maaari dapat makontrol para maiwasan natin ang hindi pagkaka-unawaan,miscommunication, di pagkakasundo at kung ano pang klase ng gulong pwede nating maabutan o magawa dahil lang sa hindi maayos na usapan.

Silence means...

2010-04-20T16:02:00.000-07:00

Nakasakay ako sa tricycle namin at kakahatid ko lang sa girlfriend ko. Pagod na pagod na ako at antok na antok na ako. Minsan pa nga ay napapapikit ako.

Nang lumiko na kami, sinabi ng driver sa akin, "Ser, pasakayin natin yung babae ha?" Hindi na ako umimik kasi pagod na talaga ako. Eventually, pinasakay rin niya.

Bakit ganun na kapag hindi sumagot ang isang tao sa isang tanong ay kabaliktaran yung sagot? Parang Silence means yes?

Subukan kong hanapin ang sagot dito. For example, tanungin kita ng ganito: Ang mamahal ng mga binibili mo ah? Siguro P30,000/month ang sweldo mo noh? Kung titignan kita at hindi ka sumagot, possible na huhugutin ko ang sagot sa kung ano ang gusto kong sagutin mo. Pero hindi sa lahat ng bagay ay ganun na nga. Marami ang puwedeng sagot dito ng isang tao:

Nasa reaction niya yung sagot (ika nga action is better than the response).
Puwedeng baliktarin niya ang sagot (yan e kung magaling kang mag-control sa mga reactions na puwede mong baliktarin)
Ayaw ka lang sagutin.

Marami ang puwedeng mangyari at maraming puwedeng sagot. Sana hindi lang nating tignan yung silence sa kung ano ang gusto nating marinig na sagot.