Bax-a-Bax :))

Pakistanda Sıradan Bir Gün (13 Şəkil)

2016-04-16T12:50:00.000+04:00

Pakistanda günlər belə keçir. Hələ də insan əməyi əsas güc mənbəyi hesab olunur. Şagirdlərin təhsil ala biləcəyi normal məktəb yoxdur. İnsanlar ən ibtidai formada öz əyləncələrini təşkil edirlər. Yeri gəlmişkən, pakistanlılarla bağlı bir xatirəm də var. 2010-cu ildə xarici ölkələrdən birində olanda, orda yaş həddinə görə mənə spirtli içki satmadılar. Xeyli mağaza-mağaza gəzəndən sonra axırda bir pakistanlı satmağa razılıq verdi. Mən ondan sonra başa düşdüm ki, pakistanlılar həqiqətən qardaşdırlar.

Sarsıdıcı Mənzərələr (29 Şəkil)

2015-01-11T17:38:00.000+04:00

Tarix boyu çəkilmiş ən sarsıdıcı şəkillər silsiləsindən mənzərələr...

Sofia, Bolqarıstan, 2013. Etirazçı və polis birlikdə ağlayırlar.

İt əsgərləri kilometrlərcə təqib etdikdən sonra əsgərlər onu götürüb özləri ilə apardılar.

Pişiyin anası hərbi əməliyyatlar zamanı öldükdən sonra, zabit pişiyin balasını qidalandırır.

Mumbay, Hindistanda 1993-cü ildə baş verən ardıcıl partlayışlar zamanı xeyli sayda hərbi silah-sursatı taparaq minlərlə insanı ölümdən xilas edən Zanjeer adlı it 2000-ci ildə öldükdən sonra təntənəli surətdə dəfn edilir.

Banqok, Tailandda 2013-cü ildə hökümət əleyhinə olan nümayişçi əsgərə qızılgül təklif edir.

Ohio, ABŞ-da idmançı öz rəqibini əzildiyinə görə kömək edərək finiş xəttinə kimi gəlməsinə şərait yaradır.

Əfqan Amerikan əsgərinə çay verir.

Polşa, 1941-ci il. Aclıqdan ölmək üzərə olan qadın Varşava gettosunda yerə sərilib.

İraqdakı 7 aylıq hərbi xidmətindən sonra Terri Gurrola öz qızı ilə görüşür.

Buxarest, Ruminya, 2012-ci il. Etirazçılara qarşı toplanmış polis dəstələrinə yaxınlaşmış uşaq onlara ürək formasında fiqur verir.

Alabama, ABŞ, 2012-ci ilin mart ayı. Tornadodan sonra dağılmış evinə gələn Greg Cook iti Coconu orada tapır və onu qucaqlayır.

Çeçenistan, 1994. Rus polisi pianino çalır.

Həbsxana məhkumu 1945-ci ildə azadlıq əldə etməsini öyrənir.

Misir, 2013-cü il. Qadın yaralı adamı hərbi buldozerdən qoruyur.

Almaniya. Auşvitz qaz otağında boğulanların dırnaq izləri.

Ürək cərrahı 23 saatlıq uğurlu əməliyyatdan sonra. Köməkçisi otağın qırağında uzanıb yatır.

Okinava, Yaponiya. Yapon əsgərlər küçüyü əlində saxlayıb, əzizləyirlər.

Nyu Vestminister, Kanada, 1 oktyabr 1940. Uşaq hərbi xidmətə yollanan atasının arxasınca qaçır.

Aclıqdan ölən uşaq və misyoner.

Adam əsgərlərin silahlarının lülələrinə gül taxır.

Qahirə, Misir, 2011-ci il. Xristianlar ibadət edən müsəlmanları qoruyurlar.

Sərxoş ata və oğlu.

Dağılmış fabrikin söküntülərində bir-birini qucaqlamış cütlük.

Natori, Yaponiya, Mart 2011-ci il. Dəhşətli zəlzələ və sunamidən sonra dağıntılarda qadın ağlayır.

12 yaşlı Brazilyalı oğlan müəlliminin dəfnetmə mərasimində ifa edərkən, ağlayır.

Mars planetindən günəş batımı mənzərəsi.

Tənbəlliyə Bir Son!

2015-01-11T16:44:00.000+04:00

Hörmətli oxucu, əgər bu bloqa bundan əvvəl ən azı bir dəfə girmisənsə, belə maraqlı bloqun nə üçün yenilənmədiyi səni narahat etməmiş olmaz. Bəlkə də, etməyib. Lakin, mən elə ümid edirəm. Yoxsa ruhdan yenə düşsəm, bu bloqun varlığı növbəti dəfə heç özümün də yadıma düşməyəcək...

Bilirəm, bilirəm, bilirəm, ittiham etmə məni. Bilirəm ki, çox tənbəllik etdim. Hətta bloqa həftələrlə girmədiyim vaxtlar da, oldu. Ona görə yox ki, başqa bir bloq yaratdım, ya bu bloq mən gözlədiyim nəticəni vermədi. Sadəcə bloqu elə vaxtda yaratmışdım ki, ondan qısa bir müddət sonra hərbi xidmətə getdim. Hərbi xidməti başa vurduqdan sonra, başım işə-gücə qarışdı. Sonra tərslikdən noutbukumun adaptoru, batareyası da sıradan çıxdı. Smartfonla da nəsə etmək mümkün deyildi. Beləliklə, yavaş-yavaş bloq unuduldu. Bloqu mən unutduqca, axtarış sistemlərinin də, (google, yahoo və s.) unutduğunu gördüm. Onlara da, haqq verirəm. Atalar boşuna deməyib ki, bağa baxarsan bağ olar, baxmazsan dağ olar. Ancaq bir gün özümü qınamağa başladım. İnsanlar bu bloqa girirlər. Bəziləri kifayət qədər vaxt da keçirdir, məlumat toplayırlar. Nə üçün vaxt tapdıqca yeni məlumatlar yerləşdirib, həm özümün, həm də onların nələrisə öyrənməyinə yardımçı olmayım? Axı artıq noutbukumun adaptorun da, batareyasın da xaricdən gətizdirmişəm və evdə boş vaxtım olanda məni bloquma yeni məlumatlar yerləşdirməkdən kimsə məhrum etmir. Fikirləşirəm ki, daha bəsdir, tənbəlliyə son vermək, yeni məlumatlar yerləşdirmək lazımdır. Həm özümə, həm də başqalarına nəsə öyrətmək məqsədilə...

Polislərdən Xeyirxah Əməllər (10 Şəkil)

2014-10-07T14:58:00.001+05:00

Dünyanın demək olar ki, əksər dövlətlərində ictimai təhlükəsizliyi təmin etmək əsas vəzifəsi olan polislər xalq arasında pis reputasiyaya malikdir. Bu da onların ictimai qaydanı pozan şəxsləri kimliyindən asılı olmayaraq məsuliyyətə cəlb etmələri ilə əlaqədardır. Şəkillərdə isə polislərin heç də hər zaman "pis adamlarla" mübarizə aparmadığını, yeri gələndə, xeyirxah əməllər etməkdən də çəkinmədiyini görəcəksiniz.

"Fiankanın maşının yanacağı qurtarıb. Bunu görən polis kömək edir."

"Polislər küçənin bir hissəsini bağlayıb oyuna qoşulublar."

"Bir polis məmuru balaca qızın velosipedini təmir edir."

"Şəkildəki polis məmuru balaca, gücsüz və islanmış küçüyü xilas etmək üçün nəqliyyatı dayandırıb."

"Polis yeni bir cüt çəkməni evsiz və ayaqqabıları olmayan adama verir."

"Şəkildəki polis yoldakı tısbağanı götürüb yolun kənarında təhlükəsiz bir yerə aparmaq üçün nəqliyyatı dayandırıb."

Əl İşlərinin Satışı - www.handstore.az

2014-02-23T13:16:00.001+04:00

Azərbaycanda internet üzərindən əl işlərinin satışını təşkil edən bir sayt yaradılıb. Yeni yaradılan bu saytın alternativlərindən bir çox üstün cəhətləri var. Belə ki, əl işi bacarığı olanlar öz əl işlərini özləri sayta daxil edə bilirlər.

1. Bəyəndiyi əl işini almaq istəyən şəxs onun online formada pulunu ödəyir. Lakin, pul dərhal əl işini hazırlayan şəxsin hesabına keçmir.

2. Əl işi sifarişi alan şəxs verilmiş sifarişi hazırlayır və onu "Azərpoçt" vasitəsilə sifarişçinin ünvanına yola salır.

3. Sifarişi göndərən şəxs "Azərpoçtdan" ştrix kod əldə edir və onu saytda yerləşdirir.

4. Sayt ştrix kod vasitəsilə sifarişçinin göstərmiş olduğu ünvana yola salınmış əl işini izləyir. Məhsul alıcıya çatdırıldıqdan sonra ona görə ödənilmiş pul sifarişi qəbul etmiş şəxsin hesabına ödənilir.

Əlavə olaraq, əgər sizin axtardığınız bir formada əl işi saytda yoxdursa, onu istəyinizə uyğun formada sifariş verərək hazırlatdıra bilərsiniz.

Rusiyada Həbsxanada Gözəllik Yarışması (28 Şəkil)

2013-12-07T14:43:00.000+04:00

Rusiyada həbsxanalardan birində gözəllik yarışması

2013-ün Ən Yaxşı Şəkilləri

2013-12-07T14:27:00.000+04:00

Dünyanın müxtəlif yerlərində çəkilmiş və National Geographic tərəfindən ilin ən gözəl şəkilləri adını qazanmış fotolar...

Yeni İlə Bəzədilmiş Ev (8 Şəkil)

2013-12-07T14:10:00.001+04:00

Xristianlar üçün Yeni ilin yeri başqadı. Bəlkə də bütün il boyu etmədikləri qədər alış-verişi Yeni il ərəfəsində edirlər. Elə bir normal imkana malik olan xristian tapılmasın ki, o, Yeni ildə pul xərcləməsin. Hətta xeyli pul sərf edib Yeni il şərəfinə hər tərəfi rəngli işıqlarla bəzəyənlər belə olur. Şəkildəki ev bir-birindən rəngli, bəzəkli işıqlarla əhatə olunmuşdur. Yeri gəlmişkən, onun bir saatına sərf etdiyi elektrik xərcini, bəlkə biz bir ay ərzində ödəmirik. Bayram əhval-ruhiyyəsi budur...

Amerikan Əsgəri və Əfqan Polisi (Müqayisə)

2013-12-07T13:57:00.000+04:00

Söz yox ki, Amerikan əsgəri əfqan polisindən istər fiziki sağlamlığına və hazırlığına görə olsun, istərsə də, texniki təchizatına görə olsun çox üstündür. Hətta müqayisə edilməz dərəcədə üstün. Şəkillərdəki müqayisə də, onsuz da qeyd olunan göstəricilər üzrə Amerikan əsgəri ilə Əfqan polisini əks etdirmir. Əfqan əsgərlərinin simasında olan bir şey var ki, ona Amerikan əsgərlərinin sifətində rast gəlmək mümkün deyil. Onun adı "ƏZİYYƏT"-dir. O, əziyyət ki, Əfqan polislərinə təbəssüm etməyi unutdurub. Yanaşı dayananların hər biri eyni yaşdadır, ancaq heç biriniz onların eyni yaşda olmasına inanmayacaqsınız ki, insan gənc yaşında necə bu qədər yaşlı görünə bilər?!

22 yaş

20 yaş

22 yaş

21 yaş

22 yaş

26 yaş

Rəsmi Tədbirə Şortiklə Gələn Qız (3 Şəkil)

2013-07-21T12:52:00.000+05:00

Şəkildə görəcəyiniz qız Litvanın paytaxtı Vilnüs şəhərində keçirilmiş olimpiadada ən savadlı şagird adını qazanmağa nail oldu. Bununla əlaqədar təşkil olunmuş tədbirdə hətta şəhərin icra hakimiyyətinin başçısı da iştirak etdi. Rəsmi tədbirə dəvət olunan qız isə son dərəcə qısa bir geyimlə gələrək tədbir iştirakçılarının narazılığına səbəb oldu.

Londonu "İşğal" Etmiş Qaraçılar (15 Şəkil)

2013-07-21T12:42:00.000+05:00

Rumıniyanın Avropa Birliyinə daxil olmasından sonra orada yaşayan qaraçıların Avropa Birliyinə aid olan ölkələrə problemsiz gediş-gəlişinə şərait yarandı. Belə ki, vizasız gedişin mümkün olmasından istifadə edən qaraçılar hətta İngiltərəyə kimi yayılmış vəziyyətdədirlər. Bundan ən çox narahat olan isə onların çoxluq təşkil etdiyi yerlərdə yaşayan insanlardır. Qaraçılar parkları ələ keçiriblər və parklardan çıxmaqdan imtina edirlər. Bu da yerli sakinlərin parklarda istirahət etmək hüququndan məhrum olmasına səbəb olur. Digər tərəfdən yerli sakinlər onların həm özlərinə, həm də ətraf mühitə qarşı natəmizliyindən şikayətlənirlər. Hüquq mühafizə orqanları isə xırda xuliqanlıq və oğurluq hadisələrinin qaraçıların ölkəyə yayılmasından sonra daha da artmasına görə narahatlığını ifadə edir.

Ən Vəfalı Dost (10 Şəkil)

2013-04-05T23:26:00.000+05:00

Çoxdandır bloqumda heç bir yenilik etmirdim. İş həyatına başladıqdan sonra insan gün ərzində o qədər yorulur ki, özünü evə çatdıranda tək düşündüyü şey yatmaq olur. Hər nəysə, şəkildə gördüyünüz bu şirin görünüşlü itlə sizi tanış etməyimə icazə verin. Adı Titandır. İllərdir bir amerikalının çox yaxın dostu olub. İndi 14 yaşı var və baytarın dediyinə görə ömrünün son ilini yaşayır. İt yaşlandığına görə artıq arxa ayaqları tamamilə işləmə funksiyasını dayandırıb. Arxa ayaqları ağrıdığına görə bir yerdən başqa yerə getməyə çox çətinlik çəkir. Buna görə də, bütün günü ofisdə sahibinin yanında qalmağı üstün tutur. Sahibi isə onunla bir yerdə olmaq və işini də normal apara bilmək üçün, hətta ofisi də evinə köçürdüb. Ömrünün son ilini yaşadığına görə, sahibi ona həyatının ən gözəl ilini bəxş etməsi üçün əlindən gələni edir.

Əkrəm Əylisli - Daş Yuxular (Azərbaycan Dilində) - Yükləmə Linkləri

2013-02-24T22:45:00.000+04:00

Əkrəm Əylisli - Daş Yuxular romanı Azərbaycan dilində

Burada gördüm, dedim ki, mən də .docx və .pdf formatlarında hazırlayıb, maraqlananlarla paylaşım.

.docx formatında yükləmək üçün Daxil Ol

.pdf formatında yükləmək üçün Daxil Ol

Vəhşi Heyvanlardan Qorxmayan Uşaq (5 Şəkil)

2013-01-26T15:08:00.001+04:00

Şəkildə gördüyünüz bu uşaq Avstraliyada yaşayır. Adı Çarli Parker'dir. Bu uşağı öz yaşıdlarından, habelə milyonlarla insandan fərqləndirən ən böyük xüsusiyyəti heyvanlara, xüsusilə də vəhşi heyvanlara olan marağıdır. O, tez-tez atası ilə vəhşi heyvanların yaşadıqları yerlərə gedir. Hətta şəkillərdən də göründüyü kimi, o, bu dəfə kiçik bir timsahla xüsusi hazırlanmış bir göldə çimir. :)

Köynək Geyinən Meymun (7 Şəkil)

2013-01-26T14:59:00.001+04:00

Şəkildə görəcəyiniz qorilla hardansa əlinə keçirdiyi bu qısaqol köynəyi geyinməyə çalışır. Əvvəlcə onu necə geyinməsi barədə bir fikri olmasa da, sonra bir çarəsini tapır, kiçik ölçülü köynəyi öz yekə bədəninə yerləşdirə bilir. =)

Gözəl Qız Avtomobildə (1 Video)

2013-01-22T19:35:00.001+04:00

Shelby markalı bir avtomobilə minmiş cazibədar qız maşının hər dəfə sürət yığması ilə qəribə reaksiya verir. :)

Uşağın Birinci Doğum Günü Tortu (6 Şəkil)

2013-01-21T19:20:00.000+04:00

Şəkildə gördüyünüz uşaq ilk ad gününü bu günlərdə qeyd etdi. Ona üzərində animasiya qəhrəmanı olan maşınlı bir tort hazırlanmışdı. Tort ona veriləndən sonra, baxın, uşaq tortu necə yedi. :)

Restoranlara Aparılan Pişiklər (16 Şəkil)

2013-01-20T19:14:00.000+04:00

Çində restoranlardan birinə qanunsuz şəkildə satılmaq məqsədi ilə küçələrdən toplanmış təxminən 1000 ədəd pişiyi yeşiklərdə daşıyan yük maşını yolda qəzaya uğradı. Qəza nəticəsində yük maşını aşdı və içərisində olan yeşiklər də ətrafa səpələndi. Pişiklərin bir hissəsi ölsə də, sağ qalanlara xeyirxah insanlar tərəfindən yardım edildi. Lakin pişiklərin növbəti taleyi barədə məlumat yoxdur.

Qatar Qəzası (14 Şəkil)

2013-01-19T19:38:00.000+04:00

Hadisə bir neçə gün bundan öncə İsveçin paytaxtı Stokholm şəhərində baş verib. Belə ki, qatarda təmizlik işləri aparmaq üçün müəyyən haqq müqabilində tutulmuş 20 yaşlı gənc qız boş qatarı depodan qaçırdı, ancaq bir müddət sonra qaçırdığı qatarla qəza törətdi. Qəza Stokholm ətrafında qatarın reysdən çıxaraq həyət evlərindən biri ilə toqquşması nəticəsində baş verdi. Xoşbəxtlikdən heç kəs ölməsə də, qatara və evə ciddi şəkildə ziyan dəydi.

Evdə Limon Yetişdirmək (7 Şəkil)

2013-01-18T21:10:00.000+04:00

Maraqlı bir insan bir neçə limon toxumunu qabın içində su ilə islatdıqdan sonra onları xüsusi hazırlanmış bir dibçəyin içində yerləşdirir. Bir müddətdən sonra isə ortaya çıxan mənzərə həqiqətən də inanılmazdır. Yalnız ağaclarda gördüyümüz limon, demək ki, bir dibçəkdə də inkişaf edib bar verə bilərmiş.

Neft Borularından Oğurluq Edən Xalq (23 Şəkil)

2013-01-17T15:36:00.000+04:00

Afrikanın ən böyük neft yataqlarının yerləşdiyi ölkələrdən biri Nigeriyadır. Nigeriya da əksər Afrika ölkələri kimi zəngin təbiətə və təbii sərvətlərə malikdir. Bununla belə, ölkənin hər zaman xaos içində yaşayan xalqı var. Görünməz "qüvvələr" bu dövlətin də təbii sərvətlərindən dövlətin inkişafı və xalqın rifahı üçün istifadə olunmaması məqsədi ilə əllərindən gələni edirlər. Ölkədə tez-tez dini ayrı-seçkiliklər ucbatından törədilən cinayət əməllərindən insanlar ölür, xəsarət alır. Kriminal vəziyyətin tüğyan etdiyi bu ölkənin sərvətlərindən ilk növbədə istifadə edənlər isə dünyanın məhşur neft-qaz şirkətləridir. Yerləşdirdikləri borular sayəsində xam nefti ölkədən çox ucuz qiymətə çıxarıb neft tankerləri vasitəsi ilə daşıyıb aparırlar. Nigeriya əhalisinin bir qismi isə gündəlik yaşayışlarını təmin etmək məqsədi ilə borulara qarşı "hücuma" keçiblər. Belə ki, onlar boruların uzandığı müxtəlif yerlərdə onları deşir və deşiklərdən tökülən nefti bidonlara dolduraraq aparırlar. Onlar bu xam nefti ucuz qiymətə də olsa, əsasən satmaq məqsədi ilə oğurlayırlar. Deşilmiş borulardan ətrafa yayılan xam neft isə təbiətə sözlə ifadə olunmayacaq qədər çox zərər vurur. Hektarlarla ərazi neftdən çirklənir və həmin zonaların flora və faunası tamamilə məhv olmaq təhlükəsi ilə üz-üzədir. Ətrafa yayılan neft havaların normadan artıq istiləşməsi zamanı, yaxud məsuliyyətsizlik nəticəsində yanğınların baş verməsinə səbəb olur. Bu da həm həmin zonada yaşayan insanlar üçün, həm də meşələr üçün böyük təhlükədir.

Universitetdə Pəncərədən Qışqıranlar (1 Video)

2013-01-15T22:06:00.000+04:00

Video Norveçdə bir universitet şəhərciyində çəkilmişdir. Tələbələrdən biri "görün indi pəncərədən qışqıracam, nə olacaq?" dedikdən sonra, pəncərəyə yaxınlaşır və qışqırır. Tezliklə onun qışqırıq səsinə kampusun ətrafında yaşayan itlərdən qarşılıq gəlir. Bu səsə universitet şəhərciyində yaşayan digər tələbələrin də səsi qarışır. Beləliklə, bir qışqırıqla kampusu və ətrafını səs-küy bürüyür. :)

Dubayda Yeni İl Şənlikləri (1 Video)

2013-01-14T19:09:00.002+04:00

Birləşmiş Ərəb Əmirliklərində yerləşən Dubay şəhəri hər il olduğu kimi bu il də Yeni il ərəfəsində özünün qeyri-adiliyi ilə fərqləndi. Belə ki, şəhərin gözü sayılan Bürc Əl Xəlifə binasına quraşdırılmış xüsusi lazer effekti və ona alternativ işə düşən fişəng göstərişi ətrafa özünəməxsus gözəllik verdi. Yüzminlərlə insanın Yeni ili qeyd etməsi üçün gəldikləri bu şəhər bayramın ən coşğulu keçdiyi yerlərdən biri hesab olundu. Yeri gəlmişkən, Bürc Əl Xəlifə binası haqqında daha ətraflı məlumatı buradan öyrənə bilərsiniz...

Qəribə Fləş Kard (3 Şəkil)

2013-01-13T21:18:00.000+04:00

Bir çox qəribə əşyalar görmüşük. Bu dəfəki isə ümumiyyətlə fərqli bir şeydir. Belə quraşdırılmış bir USB cihazı yəqin ki, heç vaxt ağlınıza gəlməz. =)

Eqzotik Təbiətə Malik Ada (10 Şəkil)

2013-01-12T21:14:00.000+04:00

İndoneziyada yerləşən Tanah Lot adası qayalıq üzərində yerləşən Pura Tanah Lot adlı məbədə və onu hər tərəfdən əhatəsinə alan yamyaşıl təbiətə malikdir. Bu ada ölkəyə səfər edən turistlərin və fotoqrafların ilk ziyarət etdikləri yerlərdən biridir.