பாரதி தமிழ்ச் சங்கம்

உலகை வலம்வரும் எமது படைப்புகள்.

2018-11-01T18:00:00.004+05:30

வாழ்வின் தர்மம்

2018-03-28T20:53:00.000+05:30

உன்மையாய் நேர்மையாய் நடந்துக்கொள்வதே
வாழ்வின் மிகச்சிறந்த தர்மம் .

நாம் தான்

2018-03-27T17:52:00.001+05:30

பெருமைமிகு பழைமைக்கும் ஏற்றமிகு எதிர்காலத்திற்கும்

நாம்தான் மதிப்புமிகு பாலம்.

தாயுள்ளம் இது வல்லவோ?

2018-03-27T17:42:00.000+05:30

ஒவ்வொரு மனிதரிடத்திலும் நான் ஆண்டவனைப் பார்க்கிறேன். மக்கள் சேவையே, மகேசன் சேவை, தொழுநோயாளிகளின் உடலைத்தொட்டு அவர்களின் காயங்களுக்கு மருந்து போட்டு பணிவிடை செய்வதை, நான் அந்த ஆண்டவனுக்கே பணிவிடை செய்வதாக உணர்கிறேன், என்ற மாபெரும் சேவைக்கு இலக்கணமாக விளங்கிய இந்தப் பெண்மணி தனது மகத்தான சேவைகளை மண்ணுலகில் துவங்கிய போது அவருக்கு வயது வெறும் 12 தான்.

இளம் வயதிலேயே இத்தனை அற்புதப் பண்பா? அப்பெண்ணின் ஆசிரியர் தீர்க்கமாகக் கூறினார், “என்றாவது ஒருநாள் துறவியாகி தியாக வாழ்க்கையில் பிரகாசித்து வாழ்க்கையில் உயர்ந்த இடத்தைப் பிடிப்பாய்” என்று ஆம்! ஆசிரியர் சொன்னது பலித்தது அந்தப் பெண்மணி சேவையால் உயர்ந்து, புனிதர் பட்டம் பெற்றார்.

இவர் யார்? அவர் தான் கருணை தேவதை என்று உலக மக்களால் போற்றப்படும் அன்னை தெரெசா. சமூகத்தின் அனைத்து தரப்பு மக்களையும் தன் பிள்ளைகளாய் பாவித்து சேவை செய்த அன்னை, யூகோஸ்லாவியா நாட்டின் ஸ்கோபி என்ற இடத்தில் 1910ஆம் ஆண்டில் ஆகஸ்டு 27இல் பிறந்தார். இவரது இயற்பெயர் ஆக்னஸ் கோன்ஸா பெஜாவஹிபு என்பதாகும்.

அன்னை தெரரெசா 1928இல் இந்தியாவில் காலடி வைத்தார். 1937இல் அருட்சகோதரி ஆனார். 1950இல் மிஷினரிஷ் ஆப் சாரிட்டி என்னும் தொண்டு அமைப்பைத் தொடங்கிய இவருக்கு வாடிகன் நகரின் அனுமதி கிடைத்தது. இச்சபையில் 3000 கன்னியர் சேவைகளாற்ற இணைந்து, சுமார் 87 நாடுகளில் தங்களின் அளப்பரிய சேவைகளையாற்றினர்.

உலகில் எங்கெல்லாம் அபயக்குரல் கேட்கிறதோ, அங்கெல்லாம் கருணைக் கரத்தோடு அன்னை விரைந்தார்.

ஆப்பிரிக்கா கண்டத்தில் எத்தியோப்பியா, சூடான் போன்ற நாடுகளில் வாழும் மக்கள் உணவு பஞ்சத்தினால் உயிருக்குப் போராடிக்கொண்டிருப்பதை செவியுற்ற அன்னை என்பில் அதனை வெயில் போல துடித்தார். உடனே அவ்விடம் சென்று பசியால் வாடும் மக்களுக்கு உணவு, உடை வழங்கி இலட்சக்கணக்கானவர்களை மரணப்பிடியிலிருந்து மீட்டார். தினமும் 2 லட்சத்திற்கும் மேற்ப்பட்ட தொழுநோயாளிகளுக்கு 119 நிறுவனங்கள் மூலமாகவும், 745 நடமாடும் மருத்துவமனைகள் மூலமாகவும் சிகிச்சை அளித்தார். வயிற்றில் வளரும் குழந்தையை தயவு செய்து யாரும் கொள்ள வேண்டாம், அது பிறந்த பிறகு உங்களுக்குத் தேவையில்லை என்றால் என்னிடம் கொடுங்கள், நான் அக்குழந்தையை பத்திரமாக வளர்க்கிறேன் என்று, அன்புருவாய் மண்ணில் உலவிய அன்னை தெரேசா தாம் நிறுவிய குழந்தைகள் காப்பகத்திற்கு ‘சிசு பவன்’ என்று பெயர் சூட்டினார்.

அன்னையின் அன்புச்சொல் அதாவது அவர்தம் தத்துவம் எது தெரியுமா?

“இறைவன் செல்வத்தை யாருக்கெல்லாம் கொடுத்திருக்கின்றாரோ அவர்கள் தாமாக முன்வந்து இல்லாதவர்களுக்குப் பகிர்ந்தளிக்க வேண்டும்!” என்கிறார்.

இந்த உலகில் பரிவும், பாசமும், அமைதியும், சமாதானமும், கருணையும், மனிதநேயமும் தழைக்க வேண்டும் என்கிறார். இதுவே அவருடைய போதனையாக இருந்தது.

கல்கத்தா நகரில் அன்னை வாழ்ந்த போது, நாள்தோறும் காளிமாதாவுக்கு பூஜை செய்யும் அர்ச்சகர் ஒருவர் சாலையில் திடீரென மயங்கி விழுந்தார்.

மயங்கி விழுந்தவரை அருகிலிருந்த எவரும் காப்பாற்ற முன்வரவில்லை. அவரவர் வேலை என்று போயினர், என்ன அதிசயம் இதை செவியுற்ற அன்னை அர்ச்சகரை தன் மடியில் ஏந்தி நீர் தெளித்து முதலுதவி புரிந்து காப்பாற்றினார். மயக்கம் தெளிந்து, நடந்ததை உணர்ந்த காளிமாதா ஆலயத்தின் அர்ச்சகர் அதிர்ச்சிக்குள்ளானார்.

தாயே... காளிமாதா! உனை எத்தனை ஆண்டுகாலம் பூஜித்து வணங்கியிருப்பேன். அப்போதெல்லாம் காட்சி தராத நீ இப்போது உன் மகனுக்குக் காட்சி தந்தாயம்மா என்று ஆனந்தக்கண்ணீர் வடித்தார்.

ஜாதி பற்றியோ, மதம் பற்றியோ கவலைப்படாமல் துயருற்று துடிக்கும் மக்களுக்கு அன்பைப் பொழிந்த அன்னையல்லவா...கருணை தேவதை தெரேசா.

1964ஆம் ஆண்டு போப்பாண்டவர் இந்தியா வந்த போது 35 இலட்ச ரூபாய் மதிப்பு வாய்ந்த தமது காரை அன்னை தெரெசாவுக்கு அன்பளிப்பாக வழங்கினார். அந்தக் காரில் ஒரு முறை கூட அன்னை தெரேசா பயணம் செய்யவில்லை. சாவியை வாங்கிய நிமிடங்களிலேயே அந்த காரை ஏலம் விடச் சொன்னார். ஏலத்தில் கிடைத்த பணத்தைக்கொண்டு தொழு நோயாளிகளை கவனிக்க இல்லம் ஒன்றைக் கட்டினார்.

கடமையைச் செய்; புகழ் மாலை உன் காலடியில் கிடக்கும். செல்வாக்கு நிழல் போல பின் தொடரும் என்பார்களே, அவருக்குக் கிடைத்த புகழாரங்களை பொருட்படுத்தவே இல்லை. தனக்கு உச்ச விருதான நோபல் பரிசு உலக சமாதானத்திற்காக 1979ஆம் ஆண்டு வழங்கப்பட்ட போது என்ன செய்தார் தெரியுமா?

நோபல் பரிசு வழங்கி முடித்த பின், பரிசுப் பெற்றவர்களை பாராட்டும் விதமாக மிக உயரிய விருந்து நிகழ்ச்சியொன்று நடைபெறுவது வழக்கம், அவ்வழக்கத்தை தனக்கு சாதகமாக மாற்ற வேண்டினார் அன்னை, அது தான் என்ன மாற்றம்?

அவருக்கு நோபல் பரிசு வழங்கிய நிகழ்ச்சியில் கலந்துக்கொண்ட முக்கிய பிரமுகர்களுக்கு மிகப்பெரிய விருந்தளிக்கும் செலவை தன்னிடம் கொடுக்க வேண்டும் என்பது தான் அது. அந்த விருந்தின் செலவை தன்னிடம் கொடுத்தால், 400 ஏழைகளுக்கு ஒரு வருட சாப்பாட்டிற்கு வழி பிறக்கும் எனப் பரிசுக்கமிட்டியிடம் அவர் கேட்டுக் கொண்டார். கமிட்டியும் அன்னையின் வேண்டுகோளை ஏற்றுக்கொண்டது.

சொர்க்கத்தின் இனிய தேவதை கருணை என்பார். கருணை தேவதை அன்னை தெரரெசா இம்மண்ணிற் கிடைத்திட நாம் என்ன புண்ணியம் செய்தோமோ? கருணையும், இரக்கமும் பல்கிப் பெருகட்டும்!

அரசியல் என்பது வேறொன்றும் இல்லை ,,, மக்களுக்காக உழைப்பதுதான்.

2018-03-26T17:35:00.000+05:30

அரசியல் என்பது வேறொன்றும் இல்லை மக்களுக்காக உழைப்பதுதான்.

பெருந்தலைவர் ,ஏழைப்பங்காளர் .காமராசரின் சிலைக்கு எளியவன் [செந்தமிழ்த்தாசன்] மாலை அணிவித்து மரியாதையை செய்யும் பேறுபெற்றேன். இடம் ;கேளம்பாக்கம் .சென்னை .

மரம் நமக்கு வரம்

2018-03-26T17:25:00.003+05:30

மரம் வளர்ப்போம் மண்னுலகைக் காப்போம்.

பாரதி தமிழ்ச் சங்கம்.

கல்விதான் இந்த உலகில் புரட்சிகரமானது ஒருவனுக்கு எழுத்தறிவிப்பது புரட்சிக்கு வித்திடுவதாகும்

2018-03-21T15:57:00.001+05:30

உயர்ந்த இலட்சியத்திற்காக வாழ்வை அர்ப்பணியுங்கள்.

2018-03-15T19:02:00.000+05:30

உங்களை நீங்களே உற்சாகமாக வைத்துக்கொள்ளுங்கள்

2018-03-15T18:54:00.001+05:30

உங்களை நீங்களே உற்சாகமாக வைத்துக்கொள்ளுங்கள்.

இது தான் பெரிய படிப்பு.

2018-03-14T20:46:00.002+05:30

மகாத்மா காந்தியின் வாழ்க்கை வரலாற்றை அறிந்துக் கொள்ளும் ஆர்வம் முன்பு எப்பொழுதும் இருந்ததை விட இப்போது இளைஞர்களிடையே அதிகரித்துவிட்டது.

இப்படியும் ஒரு தலைவரா? அதுவும் நாம் வாழும் இந்த மண்ணில் வாழ்ந்தாரா?! கேள்வி எங்கும் எதிரொலிக்கத்தான் செய்கிறது. அவர் வாழ்ந்த காலகட்டத்தில் அவர் போல் வாழ்க்கை மேற்கொள்வது மிகவும் சிரமமான ஒன்றாகும். அவரிடம் பயிற்சி பெறச் செல்வோர் எத்தனை அறிஞராக.., எத்தனைப் பெரிய செல்வந்தராக இருந்தாலும் காந்தி அவர்களுக்கு உடல் உழைப்பு தொடர்பான வேலைகளில் எதாவது ஒன்றைக் கொடுத்து “இது தான் பெரிய படிப்பு” என்பார்.

அவர் தாம் நிறுவிய ஆசிரமத்திற்கு என்ன பெயர் வைத்தார் தெரியுமா? ”உத்தியோக மந்திரம்” ஆதாவது தமிழில் அழைப்பதானால் “ தொழிற்கோவில்”என்பதாகும்.

அங்கே எத்தகைய பெரிய மனிதர் வந்தாலும் எதாவது ஒரு தொழிலைச் செய்தே ஆக வேண்டும்.

அந்த நாளில் பிரபல பொருளாதார வல்லுநராக விளங்கிய ஸ்ரீமந் நாராயணன் என்பவர் காந்தியடிகளைக் காணச் சென்ற போது, அடிகள் அவரிடம் ஒரு துடைப்பத்தைத் தந்து துப்புரவுப் பணியைப் பார்க்கச் சொன்னார்.

போராசிரியர் கிருபாளனியை அடுப்பங்கரையில் காய்கறியை நறுக்கச் சொன்னார். மேலும் அவருடைய ஆசிரமத்தில் உணவு வேண்டுமாயின் வேலை செய்தாக வேண்டும் என கட்டாயம் இருந்தது.

உழைக்காதவர்களுக்கு ஆசிரமத்தில் உணவு மட்டுமல்ல: ஒரு வாய் தண்ணீர்க் கூட தரப்படமாட்டது.

இது குறித்து யாரேனும் காந்தியடிகளிடம் விளக்கம் கேட்டால் “தேக பலம் வாய்ந்தவர்களுக்கு உணவோ, நீரோ ஆளிப்பது சோம்பலை வளர்ப்பதாகும். தண்ணீர் வேண்டுமானால் இரைத்து அருந்தட்டும். உணவு வேண்டுமானால் வேலை செய்யட்டும்.

எல்லோரும் அன்றாட உணவுக்காக தினசரி சற்று உழைத்தால் வறுமை, துன்பம், கவலை, நோய் இவை மறைவதுடன்... ஏற்றத்தாழ்வும் இராது என்ற மகாத்மா உழைப்பின் பெருமையை உலகக்கு உரக்கச் சொன்னதோடு மட்டுமல்ல, பல வேளைகளில் உண்ணாவிரதப் போராட்டம் மேற்கொண்டு அதை முடித்த போதும்..., உணவருந்த மாட்டார். மூச்சுத் திணற, களைப்பு மேலிட நூல் நூற்ற பின்பே பசியாறுவர். இப்படியும் ஒரு தலைவரா? ஆம் அவர் தான் மகாத்மா காந்தி !

மாபெரும் உண்மை.

2018-03-14T20:36:00.001+05:30

கி.மு 563இல் பிறந்து, இந்த உலகில் படர்ந்திருந்த அறியாமை எனும் இருளைக் கிழித்த செஞ்ஞாயிறு புத்தபிரான்.

அரச குலத்தில் அரண்மனை வாசத்தில் பிறந்த அவர் இளம் வயதிலேயே துறவு பூண்டு போதி மரத்தடியில் ஞானம் பெற்றார்.

தாம் கண்டறிந்த உண்மைகளை ஊர் ஊராகச் சென்று மக்களுக்கு எடுத்துரைத்தார் .அதோடு நில்லாமல் தமது சீடர்களை நாடெங்கும் அனுப்பி தருமத்தை போதிக்கச் செய்தார். இதனால் அந்நாளில் மக்களிடைய நிலவி வந்த மூடபழக்க வழக்கங்கள் தகர்ந்தன. மனித குலம் புத்தபிரானின் போதனைகளைப் பின் தொடர்ந்த வேளையில் ...,

புத்தபிரானின் சீடர்களில் ஒருவருக்கு பெருத்தக் கவலை உருவாயிற்று...,

கெளதம புத்தரிடம் சீடர் “குருவே நமக்குப் பிறகு இந்த பௌத்த நெறி எப்படி வளரப் போகிறது? யார் அதற்கு வழிகாட்டப் போகிறார்கள்?” என்று கவலை நிறைந்த முகத்தோடு கேட்டார்.

அதற்கு அமைதியே வடிவான கௌதம புத்தர் புன்னகையோடு சொன்னார்.

நதிகளுக்கு யாராவது வழிகாட்டுவார்களா?

அது தன் பாதையை தானே அமைத்துக் கொண்டு எத்தனை தடைகள் வந்தாலும் அவைகளைத் தகர்த்து முன்னேறிப் பாய்வதில்லையா? அதைப் போலத்தான் பௌத்த நெறியும் என்றார் புத்தபிரான். பதில் கேட்டு சீடரின் மனம் பிரகாசித்தது .

புத்தர் தனது சீடர்களுடன் பயணம் மேற்கொண்டார்

அவர்கள் ஒர் ஏரியைக் கடக்கும் போது, ஒரு சீடரை அழைத்து எனக்குத் தாகமாக இருக்கிறது குடிக்கத் தண்ணீர்க் கொண்டுவா... என்றார்.

சீடரோ ஏரியின் நீர்பகுதிக்குச் சென்றார். அந்த நேரம் ஒரு மாட்டு வண்டி சென்றதால் தண்ணீர் கலங்கி சேறாக மாறி இருந்தது.

சீடர் நேரே புத்தரிடம் வந்து “பகவானே நீர் கலங்கி

இருக்கிறது. அது குடிப்பதற்கு ஏற்றதல்ல என்று கூறினார்.

புத்தர், சரி என்பது போல் தலையைசைத்து... அமைதியானார். பின்னர் அரைமணி நேரம் கழித்து அதே சீடரிடம் தண்ணீர் கொண்டு வரச் சொன்னார். சீடர் மீண்டும் ஏரிக்குச் சென்றார். அப்பொழுது தண்ணீர் தெளியாமலே இருந்தது எனவே அவர் முன்பு சொன்ன பதிலையே கூறினார்.

சற்று நேரம் கழிந்தது அதே சீடரை மீண்டும் அழைத்து ஏரியில் சென்று தண்ணீர் கொண்டு வரச் சொன்னார்.

சீடரும் ஏரியை அடைந்தார். அப்போது அவருக்கு கண்ணில் பட்ட காட்சி வியப்பாக இருந்தது. தண்ணீர் தெளிந்திருந்தது.

சீடரும் மகிழ்ந்து சிறிய கலம் ஒன்றில் நீரை நிறைத்துக் கொண்டு வந்து புத்தரிடம் கொடுத்தார்.

தெளிந்த அந்த நீரைப் பார்த்த புத்தர் சீடரை நோக்கி.., இத்தண்ணீர் தெளிய நீ என்ன முயற்சி செய்தாய்? நீ அத்தண்ணீரை அப்படியே விட்டு விட்டாய், அது போலத்தான் உன் மனமும், உன் மனம் கலக்கமுற்று இருக்கும் போது, அதனை அப்படியே விட்டுவிடு, அது தானாகவே தெளிவடைந்து விடும். அதனை அமைதிப்படுத்த நீ எந்த முயற்சியும் செய்யத் தேவையில்லை என்று உபதேசித்தார்.

இந்த நிகழ்ச்சியின் வாயிலாக “தெளிந்த மனதைப் பெறுவது என்பது கடினமான காரியம் அல்ல, மாறாக, அது எளிதான காரியமே!

எவ்வித முயாற்சியும் இல்லாமல் நாம் இந்த அமைதியான மனதை எப்பொழுதும் பெற முடியும்” என்று தனது சீடருக்கு உணர்த்திய நிகழ்வு அரிய நிகழ்வு அல்லவா?

விடா முயற்சி.

2018-03-12T18:29:00.002+05:30

விடா முயற்சியுள்ள மனிதன்

விரைவில் உயர்ந்து விடுவான்.

எல்லைகளைக் கடந்து...

2018-03-12T18:17:00.000+05:30

தொடர்ந்து உங்கள் எல்லைகளைக் கடந்து

போய்க்கொண்டே இருங்கள்...

மலர்களால் அல்ல. செயல்களால்...

2018-03-12T18:08:00.000+05:30