መጽሐፍ ቅዱስ ጥናት / Bible Study

አዲስ ድረ ገጽ

2015-08-25T12:35:00.003+03:00

ማሳሰቢያ፡-
ውድ የዚህ የመጽሐፍ ቅዱስ ጥናት ጦማር ተከታታዮች፡-
ለአዲስ ዓመት /፳፻፰ ዓ/ም በአዲስ አቀራረብ በአጭር በአጭሩ
በፎቶግራፍ መልክ የጀመርነው ድረ ገጽ ከዚህ በታች አለ፤

የምናወጣቸውን የመጽሐፍ ቅዱስ ጥናቶች በቀላሉ እንድትከታተሉ
የፌስቡክ መገናኛውን like page በመጫን ጽሑፎቹ ወደ ፌስቡክ ገጻችሁ እንዲመጡ ማድረግ የምትችሉ መሆኑን እናሳውቃለን።
ከዚህ በታች የተገለጸውን ማገናኛ -እውቀት-እምነት-ሕይወት- የሚለውን በመጫን
ወይም የታችኛውን አድራሻ ገልብጣችሁ በአዲስ ድረገጽ ማፈላለጊያ በመግባት በዚያው እንድትከታተሉን በአክብሮት እንጠይቃለን።

እውቀት-እምነት-ሕይወት
https://abrhamha.wordpress.com

For all our bible study followers we would like to inform you our website address change, pls click the link above and follow us there, by liking the face book page link.
Thanks

እውነተኛ አምላክ ብቻ የሆንህ አንተን የላክኸውንም ኢየሱስ ክርስቶስን ያውቁ ዘንድ ይህች የዘላለም ሕይወት ናት።
ዮሐ ፲፯፣ ፫
And this is life eternal, that they might know thee the only true God, and Jesus Christ, whom thou hast sent.
John 17: 3

ሕጉን/ቃሉን/ ማሰብ

2015-04-02T14:35:00.000+03:00

የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው የዚያን ጊዜም መንገድህ ይቀናልሃል ይከናወንልሃልም። ኢያ ፩፣ ፰

ነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። …. የሚሠራውም ሁሉ ይከናወንለታል። መዝ ፩፣ ፩ - ፫

- እግዚአብሔር ከሙሴ በኋላ ላስነሳው መሪ- ለኢያሱ- ከ፪ ሚሊየን በላይ ሕዝብ ለሚመራው፣ ከነዓንን ለማውረስ ላዘጋጀው ሰው ያስታጠቀው መሣሪያ - ቃሉን እንዲያስብ ነው።

o የሚመራው ቀላል ሕዝብ አይደለም። በጉዞ የታከተው…

o ከነዓን ምድሪቱ በአሕዛብ እጅ ስለሆነች ጦርነት አለበት።

፩. ሕጉ ምንድን ነው? –

የእግዚአብሔር ሕግ ፍጹም ነው ነፍስን ይመልሳል። መዝ ፲፰/፲፱፣ ፯

ሕጉ፡- ፍጹም - እንከን የለሽ ነው። ሕጉ ለሰዎች የተሰጠ ነው። እግዚአብሔር ከሰዎች የሚፈልገውን የቅድስና መስፈርት ያሳያል። ወይም ለእግዚአብሔር ቅድስና ሰዎች መስጠት ያለባቸውን ምላሽ ያስቀምጣል።

ከእግዚአብሔር ጋር የሚኖረው /መኖር የሚፈልገው ሰው እንደ እግዚአብሔር ኃጢአት የሌለበት እንከን የለሽ መሆን አለበት።

ይህን ደግሞ ማድረግ ለሰው አልተቻለውም። በሕጉ መጽደቅ / በእግዚአብሔር ፊት የመቆም ብቃት ማግኘት/ አልተቻለም።

ይህም የሕግን ሥራ በመሥራት ሥጋ የለበሰ ሁሉ በእርሱ ፊት ስለማይጸድቅ ነው። ሮሜ ፫፣ ፳።

ሕጉን መሥራት/መፈጸም ባንችልም - ማሰብ ግን አለብን።

- ሕጉን የምንፈጽመው በትዕዛዝ ግዳጅ - ሳይሆን በፍቅር መንፈስ ነው።

- ፍቅር - የእኛ ጥረት ውጤት ሳይሆን እግዚአብሔር በእኛ ውስጥ የሚገልጸው የመንፈስ ቅዱስ ፍሬ ነው። -- ገላ ፭፣፳፪ - ፍቅር ከ፱ኙ የመጀመሪያው የመንፈስ ቅዱስ ፍሬ ነው።

- ሕጉን የምንፈጽመው በክርስቶስ ስንሆን እና በመንፈስ ቅዱስ የፍቅር ሰዎች ስንሆን ነው።

የሚያምኑ ሁሉ ይጸድቁ ዘንድ ክርስቶስ የሕግ ፍጻሜ ነውና። ሮሜ ፲፣ ፬

ፍቅር ለባልንጀራው ክፉ አያደርግም፤ ስለዚህ ፍቅር የሕግ ፍጻሜ ነው። ሮሜ ፲፫፣ ፲

ቀሪውን ለማንበብ ይህን ይጫኑ/Read more »

እኔስ የመረጥሁት ጾም ይህ አይደለምን? (ክፍል ፪)

2015-03-16T20:32:00.000+03:00

Chosen Fasting by God p 2 , READ IN PDF
ባለፈው ጽሑፋችን በትንቢተ ኢሳይያስ ምዕራፍ ፶፰ ስለጾም በሚናገረው ክፍል ጾማችን ምን መምሰል እንዳለበትና ምን መምሰል እንደሌለበት በማየት ከጥልና ከክርክር በመራቅ፡ በመልካም ምግባር መታጀብ እንዳለበት የሚገልጸውን የመጀመሪያውን ክፍል አይተናል። በዚህ ክፍል በጾማችን የምናገኘውን በረከት እናያለን።

ትንቢተ ኢሳይያስ ምዕራፍ ፶፰፡-

ቁ. ፰. የዚያን ጊዜ ብርሃንህ እንደ ንጋት ይበራል፥ ፈውስህም ፈጥኖ ይበቅላል፥ ጽድቅህም በፊትህ ይሄዳል፥ የእግዚአብሔርም ክብር በኋላህ ሆኖ ይጠብቅሃል።

የዚያን ጊዜ የሚለው ቃል ከላይ ከነበረው ጉዳይ ጋር አያያዥ ነው። በክፍል ፩ ካየነው ሃሳብ የሚቀጥል ነው። ጾማችን ምን መምሰል እንዳለበት ተረድተን በተግባር የፈጸምነው እንደሆነ፡ ለሌሎች የነፍስ መዳን ንስሐን በማሰብ ከጠብና ክርክር በመራቅ፡ ፣ በፍቅር፡ በመልካም ምግባር፡ የተራበን በማብላት፡ የተጠማን በማጠጣት የታረዘን በማብላት…. የታጀበ ከሆነ የዚያን ጊዜ የምናገኛቸውን በረከቶች ይዘረዝራል። ብርሃን፡ ፈውስ፡ ጽድቅ፡ ጥበቃ።

- ብርሃን፡- ጨለማን የሚያስወግድ ክስተት ነው፡፡ በዓለም ለተፈጥሮው ጨለማ የፀሐይ ብርሃን ይወጣል። የሕይወት ጨለማ ለሆነው ጭንቀት፡ ተስፋ መቁረጥ ብርሃን ያስፈልጋል። ይህም ብርሃን በጌታ በደስታ በእረፍት ያለጭንቀት መኖር፡ነው። ጨለማ አያሳይም፡ ምንም የሕይወት ተስፋ በሌለበት፡ ምን እበላለሁ? ምን እጠጣለሁ?... ብለን ከምንጨነቅበት ሁኔታ ያስወጣናል፡ ሕይወታችን ይመራል። ምድራዊ በረከትን ያመለክታል።

- ፈውስ፡- የሥጋም የነፍስም ሊሆን ይችላል። ለሥጋ በሽታ ሃኪም መድኃትን ቢያዝም ፈውስ ግን ከእግዚአብሔር ነው። ጾም ለበሽታ ፈውስ አንዱ መሣሪያ እንደሆነ ጌታ ተናግሮአል።«ይህ ዓይነት ግን ከጸሎትና ከጦም በቀር አይወጣም አላቸው።» ማቴ ፲፯፡፳፩። የነፍስ በሽታ ኃጢአት ነው። በክርስቶስ በማመን የምናገኘውን የነፍሳችን ድኅነት (መዳን) ጠብቀን የምናቆየው በጾምና ጸሎት (በአምልኮ) እና በቅድስና በመኖር ነው። ስለዚህ ጾም የነፍሳችንን መዳን (ፈውስ) ለማቆየት አንዱ መሣሪያ ነው። ፈውስ ወይም መዳናችን እስከመጨረሻው ከጸና ለፍሬ ይደርሳል። እስከዚያ መብቀል (ማደግ) አለበት። ለዚህም ጾም ያስፈልጋል ማለት ነው። ፈውስህ ፈጥኖ ይበቅላል።.. ለፍሬም ይደርሳል። ማለት ነው። ለመንፈስ ቅዱስ ፍሬ። (ገላ ፭፡፳፪)

ቀሪውን ለማንበብ ይህን ይጫኑ/Read more »

የኢየሱስ በዲያብሎስ መፈተን

2015-03-06T08:54:00.000+03:00

« ከዚያ ወዲያ ኢየሱስ ከዲያብሎስ ይፈተን ዘንድ መንፈስ ወደ ምድረ በዳ ወሰደው፥

አርባ ቀንና አርባ ሌሊትም ከጦመ በኋላ ተራበ። ፈታኝም ቀርቦ…..» ማቴ ፬፣ ፩ - ፲፩

Øኢየሱስ ክርስቶስ በዮሐንስ መጥምቅ ከተጠመቀ በኋላ ምድራዊ አገልግሎቱን ከመጀመሩ በፊት በዲያብሎስ ተፈተነ፣- ከጾም ጋር ነበረ። - ለአገልግሎቱ የዝግጅት / የጽሞና ጊዜ ወሰደ።

Øክርስቶስ ወደ ምድረ በዳ በመንፈስ ቅዱስ ምሪት የተወሰደበት ዓላማ - ከዲያብሎስ ይፈተን ዘንድ - ነው።

- ለምን ተፈተነ? - እግዚአብሔር ልጄ ስላለው ልጅነቱን ለማረጋገጥ፣ የዲያብሎስ አለመሆኑን - ወርቅ በእሳት እንደሚፈተን፡ - ማስመስከር ነበረበት።

- ፈተናውን በድል ተወጥቶ ለእኛ እንድንማርበት፣ - ፍለጋውን እንድንከተል። ዲያብሎስን በፈተና ድል እንድናደርግ።

«የተጠራችሁለት ለዚህ ነውና፤ ክርስቶስ ደግሞ ፍለጋውን እንድትከተሉ ምሳሌ ትቶላችሁ ስለ እናንተ መከራን ተቀብሎአልና።» ፩ ጴጥ ፪፣ ፳፩

Ø- ከዚያ ወዲያ- ከምን? - ከምዕራፍ ፫፣ መጨረሻ- ተጠምቆ ከውሃ ሲወጣ - አብ በሰማይ ሆኖ ከመሰከረለት በኋላ- «… በእርሱ ደስ የሚለኝ የምውደው ልጄ ይህ ነው አለ።»

o እግዚአብሔር ልጄ ብሎ መስክሮለት - የእግዚአብሔር ልጅ ሆኖ ዲያብሎስ እንዴት ቀረበው? - ድል እንዲያደርገው።

o ጌታ በመንፈስ ቅዱስ መሪነት ስለተጓዘ - በቃሉ ኃይል ድል አድርጎታል።

o እኛ በጸጋ የእግዚአብሔር ልጆች ነን። ይህ ማለት ሰይጣን አይቀርበንም ማለት አይደለም። በተለያየ መንገድ ሊጥለን ይቀርባል። ትልቁ ነገር ግን በመንፈስ ቅዱስ ምሪት እስከተጓዝን ድረስ - ምድረ በዳም እንግባ/ ምግብም አይኑር/ ዲያብሎስም ይምጣ - ቃሉን እስከታጠቅን ድረስ - ድል እናደርገዋለን። - የተረጋገጠ ጉዳይ ነው።

፩. ፈተናዎቹ - ፫ ናቸው - /ስስት፣ ትዕቢት፣ ፍቅረ-ንዋይ - ይሉታል አባቶች/ - እንያቸው፡-

ü፩. ድንጋዩን እንጀራ አድርግ - ቁ. ፪ - ፬ - ስስት- ፤ - በእግዚአብሔር መግቦት ላይ የቀረበ ፈተና

o ጌታ ፵ ቀን ፵ ሌሊት ጾሞ ተርቦ ነበር። ዲያብሎስ እንደራበው አይቶ ነው የተናገረው፡- የእግዚአብሔር ልጅ ከሆንክ እነዚህ ድንጋዮች እንጀራ እንዲሆኑ በል- ሁለት ማሳመኛ

§ ፩. እርቦሃል - የሚበላ ነገር ያስፈልግሃል። በዚህ ምድረ በዳ ድንጋይ ብቻ ነው።

§ ፪. የእግዚአብሔር ልጅ ነህ - ድንጋዩን ወደ እንጀራ መለወጥ ትችላለህ።

እንደራበው እንዴት አወቀ? -- ያያል፣ ጌታ ምግብ አልበላም - በጾም ላይ ነውና።

የእግዚአብሔር ልጅ መሆኑን እንዴት አወቀ? -ሰምቷል-- አብ በሰማይ ተናግሯልና።

ስለዚህ ዲያብሎስ ስለእኛ የሚያውቀው ከድርጊታችንና ከቃላችን ብቻ ነው ማለት ነው። የልባችን አያውቅም፤ የልብን የሚያውቅ ባለቤቱ እና እግዚአብሔር ብቻ ነው።…

ቀሪውን ለማንበብ ይህን ይጫኑ/Read more »

እኔስ የመረጥሁት ጾም ይህ አይደለምን? (ክፍል ፩)

2015-02-20T22:20:00.000+03:00

God chosen fasting part 1, read in pdf
የያዝነው አርባ ጾም ዐቢይ (ታላቅ) ጾም እንደመሆኑ መጠን በመጽሐፍ ቅዱሳችን በምዕራፉ ሙሉ ስለጾም የሚናገረውን ትንቢተ ኢሳይያስ ም. ፶፰ ከሕይወታችን ጋር በማያያዝ መጽሐፍ ቅዱስ የሚያስተምረንን እናያለን።

ትንቢተ ኢሳይያስ ምዕራፍ ፶፰፡-

ቁ .፩ በኃይልህ ጩኽ፥ አትቈጥብ፥ ድምፅህን እንደ መለከት አንሣ፥ ለሕዝቤ መተላለፋቸውን ለያዕቆብ ቤትም ኃጢአታቸውን ንገር።

ኃጢአት ሰዎችን ከእግዚአብሔርን የሚለይ ሲሆን ንስሐ ወደ እግዚአብሔር እንዲመለሱ የሚያደርግ ተግባር ነው። ሰዎች ወደ እግዚአብሔር እንዲመለሱ ኃጢአታቸው ሊነገራቸው፡ እነርሱም ኃጢአታቸውን በመናገር ንስሐ ሊገቡ ይገባል። በዚህ ክፍል እግዚአብሔር ነቢዩ ኢሳይያስን ለአይሁድ ኃጢአታቸውን እንዲነግራቸው ያዘዋል። አይሁድ እግዚአብሔርን የሚያውቁና የሚያምኑ ሕዝቦች ቢሆኑም ጥፋታቸው ሊነገራቸው ይገባ ነበርና ነቢዩን ላከላቸው።

ዛሬ እግዚአብሔርን የሚያውቁና፡ በቤቱ ስለሚኖሩ ክርስቲያኖች ጥፋት ምን እያደረግን ነው? ጥፋታቸው ለራሳቸው ተነግሮአቸው ንስሐ እንዲገቡ ወይስ ለሌላው ተነግሮባቸው እንዲበረግጉ? ወንድሞቻችን ምንም ዓይነት ጥፋት ያጥፉ ቁም ነገሩ ለምን አጠፉ? ሳይሆን እንዴት ይመለሱ? መሆን አለበት። አንድ ወንድም «ከጥፋቴ በፊት መጥፋቴ ያሳስባችሁ» ብሎአል። ብዙ ጊዜ ስለ ጥፋታቸው እንጂ ስለመጥፋታቸው አናስብም። እግዚአብሔር ግን ሁሉም በጥፋታቸው ተጸጽተው በንስሐ ይመለሱ ዘንድ ጥሪ እንድናደርግ በኃይልህ ጩኽ፥ ዝም እንዳንልም አትቈጥብ ይለናል። በአንድምታውም ጩኽህ አስተምር፡ ማስተማሩን ቸል አትበል ይላል።

ከዚህ ሌላ ብዙዎቻችን በዓለም ያሉ ሰዎችን ኃጢአት በግልጽ መቃወም እንወዳለን። በቤቱ ላሉት ግን ጥፋታቸውን መናገር እንፈራለን። ሰባኪም ይሁን ተማሪ ከሊቅ እስከ ደቂቅ የሚታየው (ምናልባት ለራሳቸው የማይታያቸው) ጥፋታቸው ሊነገራቸው ይገባል። ለሕዝቤ መተላለፋቸውን ንገር ይላል። ለሌላው ተናገር ሳይሆን ለራሳቸው ንገር።

ቁ.፪ . ነገር ግን ዕለት ዕለት ይሹኛል መንገዴንም ያውቁ ዘንድ ይወድዳሉ ጽድቅን እንዳደረጉ የአምላካቸውንም ፍርድ እንዳልተዉ ሕዝብ እውነተኛውን ፍርድ ይለምኑኛል፥ ወደ እግዚአብሔርም ለመቅረብ ይወድዳሉ።

አይሁድ የእግዚአብሔርን ሥርዓቱንና ሕጉን በመጠበቅ እግዚአብሔርን ማምለክ ይወዳሉ። እርሱን ለማስደሰት ሁሉንም ውጫዊ ሥርዓት ለመፈጸም አጥብቀው ይጠነቀቃሉ፡፡ በዚህም እግዚአብሔር ፍትህን እንዲሰጣቸው ይጠይቃሉ። በአንድምታው በጎ ሥራ እንደሚሠራ ሰው ሁሉ ሕጌን ልታውቁ ትወዳላችሁ፡ ይላል፤ በጎ ሥራ የላቸውም ማለት ነው።

ዛሬም ብዙዎቻችን በምንፈጽማቸው ዕለታዊ የሃይማኖት ሥራዎች ወደ ቤተ ክርስቲያን በመመላለስ፡ እንደ ጸሎት፡ ጾም፡ ስግደት…ያሉ የአምልኮ ሥርዓቶችን በመፈጸም እግዚአብሔርን ለመቅረብና ደስ ለማሰኘት እንጥራለን። ይህ ጥሩ መነሻ ሊሆን ይችላል። ያለ በጎ ሥራ ይህ ትጋታችን ብቻውን በቂ እንዳልሆነ ይህ ክፍል ያስተምረናል።

ቀሪውን ለማንበብ ይህን ይጫኑ/Read more »

እኔ ማን ነኝ?

2014-12-12T10:23:00.000+03:00

እኔ….. ነኝ ብሎ በሥልጣን ቃል የተናገረ፡

በብሉይ ኪዳን፡ እግዚአብሔር ብቻ፡ ነው።….ሰባቱን ብናይ፡-

- እኔ ለአንተ ጋሻህ ነኝ። ዘፍ ፲፭፣፩

- እኔ ኤልሻዳይ ነኝ።. ዘፍ ፲፯፣፩

- የአባቶችህ አምላክ እግዚአብሔር እኔ ነኝ። ዘፍ ፵፮፣፫

- ያለና የሚኖር እኔ ነኝ። ዘጸ ፫፣፲፬

- እኔ እግዚአብሔር ነኝ። ዘጸ ፮፣፫

- ከግብጽ ምድር ከባርነት ቤት ያወጣሁህ እግዚአብሔር አምላክህ አኔ ነኝ። ዘጸ ፳፣፪

- እኔ እግዚአብሔር አምላክህ ቀናተኛ አምላክ ነኝ። ዘጸ ፳፣፪

በአዲስ ኪዳን፡ ኢየሱስ ክርስቶስ ብቻ፡ ነው።….ሰባቱን ብናይ፡-ለ

- የሕይወት እንጀራ እኔ ነኝ። ዮሐ ፮፣፴፭

- እኔ የዓለም ብርሃን ነኝ። ዮሐ ፰፣፲፪

- እኔ የበጎች በር ነኝ። ዮሐ ፲፣፯

- መልካም እረኛ እኔ ነኝ። ዮሐ ፲፣፲፩

- ትንሣኤና ሕይወት እኔ ነኝ። ዮሐ ፲፩፣፳፭

- እኔ መንገድና እውነት ሕይወትም ነኝ። ዮሐ ፲፬፣፮

- እውነተኛ የወይን ግንድ እኔ ነኝ። ዮሐ ፲፭፣፩

እኔ…..እንዲህ… ነኝ ብሎ የተናገረና መናገር የሚችል አምላክ ብቻ ነው። ምክንያቱም፡-

፩. የማይለወጥ /የማይወሰን ስለሆነ፡

እንዲህ / እዚህ ነበርኩ። እንዲያ / እዚያ እሆናለሁ… አይልም። ቦታ ጊዜ ሁኔታ አይገድበውም።

እግዚአብሔር አይለወጥም፡ አይወሰንም።

ኢየሱስ ክርስቶስ ትናንትና ዛሬም እስከለዘላለምም ያው ነው።… ዕብ ፲፫፣፰

፪.ሁሉ በእጁ / በእርሱ ስለሆነ፡

እግዚአብሔር ሁሉን ፈጥሮአል፣ ሁሉን ይመግባል።

ኢየሱስ ክርስቶስ ሁሉ ከእርሱና በእርሱ ለእርሱም ነውና፤ ለእርሱ ለዘላለም ክብር ይሁን፤ አሜን። ሮሜ ፲፩፣፴፮።

፫. ከእርሱ በላይ ማረጋገጫ ስለሌለ፡

አንድ ነገር -- ነው / አይደለም-- የሚል ልዩነት ቢፈጠር በሦስተኛ / በበላይ አካል እንዲረጋገጥ ይደረጋል።

እግዚአብሔር ሌላ አስረጅ፣ ምስክር አያስፈልገውም። ከእርሱ በላይ የሚያረጋግጥ ስለሌለ።

፬. ነኝ ያለው የሆነውን ስለሆነ

ሁልጊዜ የነበረውን፣ የሆነውን፣ ወደፊትም የሚሆነውን ነኝ አለ።

ያልሆነውን፣ የማይሆነውን ነኝ አላለም፤ አይልምም።

ቀሪውን ለማንበብ ይህን ይጫኑ/Read more »

የፈቃዱ ምሥጢር - ክፍል ፪

2014-12-03T12:08:00.001+03:00

......ባለፈው ክፍል ኤፌ ፩፣ ፩ - ፲፬

.... በክርስቶስ ለማድረግ እንደ ወደደ እንደ አሳቡ፥ የፈቃዱን ምሥጢር አስታውቆናልና፤

በዘመን ፍጻሜ ይደረግ ዘንድ ያለው አሳቡም በሰማይና በምድር ያለውን ሁሉ በክርስቶስ ለመጠቅለል ነው።...

የሚለውን አሳብ ማየታችን ይታወሳል። ከዚህ ክፍል ምን እንማራለን?

፩. ምሥጢረ-ሥላሴ፡-

Ø መዳናችን የሥላሴ ሥራ ነው ። ሥላሴ - አብ ፣ ወልድ፣ መንፈስ ቅዱስ።

² አብ - ዓለም ሳይፈጠር - አቀደ -- የአሳብ መነሻ - ልብ።

² ወልድ - ዓለም ከተፈጠረ በኋላ - ሰው ሆኖ የአብን ዕቅድ ፈጸመ፣ ሞቶ አዳነን።

² መንፈስ ቅዱስ - ዓለም ካለፈ በኋላ ለምንወርሳት መንግሥተ ሰማያት አሁን ማረጋገጫ /ማኅተም ሆነ።

፪. ምሥጢረ ሥጋዌ

Ø ቁ. ፫፡- የኢየሱስ ክርስቶስ አምላክና አባት

² አምላክ -ሲል- ክርስቶስ ፍጹም ሰው መሆኑን

² አባት - ሲል- ክርስቶስ ፍጹም አምላክ መሆኑን - የአብ የባሕርይ ልጅ መሆኑን ያሳያል።

፫. ሁሉ በክርስቶስ እንደሆነና እንደሚሆን - ሁሉ በእርሲ ሆነ ዮሐ ፩፣ ፫።

- ከቁ .፩ - ፲፬ -- ኢየሱስ ክርስቶስ ፲፬ ጊዜ ተጠቅሷል። -- በየቁጥሩ ማለት ይቻላል። ቃሎቹን ብናያቸው፡-

Ø የኢየሱስ ክርስቶስ ፩ ፫

Ø በክርስቶስ ኢየሱስ ፩

Ø ከኢየሱስ ክርስቶስ ፪ --- ምንጭን ያሳያል - የጸጋና የሰላም ምንጫችን እርሱ ነው።

Ø በኢየሱስ ክርስቶስ ፭

Ø በውድ ልጁ ፮ ፯

Ø በክርስቶስ ፫ ፬ ፱ ፲ ፲፩ ፲፪ ፲፫

- የኢየሱስ ክርስቶስ ሐዋርያ - ባለቤትነቱን ያሳያል። እንደ ሐዋርያ ሆኖ የሚሠራ ማንኛውም አገልጋይ የኢየሱስ ክርስቶስ ነው። - የእገሌ ወይም የቤተ ክርስቲያን አይደለም።

Ø ራሱን ያስተዋወቀበት ስም ነው።- ክርስቶስ መታወቂያው ሆነ ፤ መታወቂያችን ሊሆን ይገባል።

- ከኢየሱስ ክርስቶስ ጸጋና ሰላም - ምንጭን ያሳያል። የተደረገልን የመዳን ጸጋ/ቸርነት እና ያገኘነው ሰላም ምንጩ ክርስቶስ ነው።

ቀሪውን ለማንበብ ይህን ይጫኑ/Read more »

የፈቃዱ ምሥጢር - ክፍል ፩

2014-11-28T14:20:00.001+03:00

በክርስቶስ ለማድረግ እንደ ወደደ እንደ አሳቡ፥ የፈቃዱን ምሥጢር አስታውቆናልና፤

በዘመን ፍጻሜ ይደረግ ዘንድ ያለው አሳቡም በሰማይና በምድር ያለውን ሁሉ በክርስቶስ ለመጠቅለል ነው።

ኤፌ ፩፣ ፱ - ፲ / ሙሉ ሃሳቡ ከቁ ፩ - ፲፬፤/

ፈቃዱ፡- ፍላጎቱ፣ አሳቡ፣ እቅዱ፣ ዓላማው፣ ውሳኔው ማለት ነው።

ምሥጢር፡- የማይነገር ስለሆነ ሳይሆን ተሰውሮ የኖረ በኋላ የተገለጠ ለማለት ነው።

ይህም የእግዚአብሔር የዘላለም ሃሳብ የሆነ መለኮታዊ ዕቅድ ነው።

- ከቁ. ፫ - ፲፬፡- በግሪኩ አንድ ረጅም አረፍተ ነገር ነው፡፡ እኛም በአንድ አረፍተ ነገር ብናጠቃለው፡-

Ø «እግዚአብሔር በክርስቶስ ለሆኑት ልጆቹ ስላደረገው መንፈሳዊ በረከት ክብር ምስጋና ይገባዋል።» የሚል ይሆናል።

፩. ራሱን ማስተዋወቅ፡- - የድሮ ደብዳቤዎች ሲጀምሩ ጸሐፊው ራሱን በመጥቀስ ነው።

ጳውሎስ ሐዋርያ የሆነው በእግዚአብሔር ፈቃድ ነው።

ከ፲፪ቱ ሐዋርያት ጋር አልተጠራም፤ በኋላ በክርስቶስ መገለጥ በልዩ አጠራር ተጠራ።

የመልዕክቱ አድራሻ፡- በኤፌሶን ላሉት፣ በክርስቶስ ላሉት - አሁንም ለእኛ፡፡ - ተዘዋዋሪ ደብዳቤ ነው ይሉታል።

፪. ሠላምታ፣- ጸጋና ሠላም - የጳውሎስ የተለመደ ሰላምታ።

ጸጋ፡- እግዚአብሔር መዳናችንን የሰጠበት የራሱ ነጻ ስጦታ። ቸርነቱ አይለየን፤ ጤና ይስጥልን እንደማለት ነው፡

ሠላም፡- ከዳንን በኋላ በክርስቶስ የሚኖረን እረፍት -- ሠላም ለናንተ ይሁን።

፫. በረከት፡- በረከት፣ የባረከን፣ ይባረክ። ይህ በረከት፡-

Ø በክርስቶስ የተደረገ ነው፤ ምክንያቱም መርገም በሰይጣን መጥቶ ነበርና ፡በአዳምና በልጆቹ ዘፍ ፫ና ፬

Ø ሰማያዊ ነው። - ምድራዊ አይደለም፡- ቀዳሚው ነገር ነው።

Ø መንፈሳዊ ነው። - ሥጋዊ / ቁሳዊ አይደለም።

Ø ዘላለማዊ ነው፡፡ - ጊዜያዊ አይደለም።

² የሚቀድም፣ የማይቀር፣ ዘላለማዊ በረከት ነው - የተፈጠርንበት ዋና ዓላማ።

ቀሪውን ለማንበብ ይህን ይጫኑ/Read more »

የሰናፍጭ ቅንጣት - ክፍል ፪

2014-11-18T16:23:00.000+03:00

1. ከምሳሌው ምን እንማራለን?

1. የሰናፍጭ ዘር --- ወደ ዛፍነት ያድጋል

Ø ከሁሉ ያነሰና ከግምት የማይገባ ጥቂት ጅማሬ -- ወደ ታላቅ ግብ ይደርሳል።

Ø ከቅንጣት - የጎላ ዕድገት ይወጣል

² በሥጋዊ አካል ስናየው የወንድ ዘር በዓይን የማይታይ ረቂቅ ነው፤ የሴትም እንቁላል በጣም ትንሽ ናት። ከእነዚህ ውህደት ጽንሱ ሲፈጠር በእጅ ጭብጥ አይሞላም።

² ከዚህ ውስጥ ግን የተለያየ አካል ይወጣል። ያድጋል። -- በመንፈሳዊውም እንዲሁ ነው።

Ø የእግዚአብሔር መንግሥትም እንዲሁ ነው።

ክርስቶስ መንግሥቱን ለመመስረት በዚች ምድር ሲወለድ - የተናቀ፣ የተሰደደ፣ ብቻውን ነበረ።

በኋላ 12 ሐዋርያትን -ቀጥሎ- 120 ቤተሰብ -ከዚያ- 3ሺ-- 5ሺ --እያለ ዛሬ ክርስትና በመላው ዓለም ተስፋፋ። ወደፊትም ይቀጥላል።

² የቤተክርስቲያን /የክርስቲያኖች/ እድገት እንዲሁ ነው።

2. የሚያድገው መጀመሪያ በመሞት ነው።

Ø ዘሩ ወደ መሬት ወደቆ - ይሞታል - በኋላ ይነሳል። -- እንደ ክርስቶስ ትንሣኤ

አንተ ሞኝ፥ አንተ የምትዘራው ካልሞተ ሕያው አይሆንም፤

የምትዘራውም፥ ስንዴ ቢሆን ከሌላም ዓይነት የአንዱ ቢሆን፥ ቅንጣት ብቻ ነው እንጂ የምትዘራው የሚሆነውን አካል አይደለም፤

እግዚአብሔር ግን እንደ ወደደ አካልን ይሰጠዋል ከዘሮችም ለእያንዳንዱ የገዛ አካሉን ይሰጠዋል።

፩ ቆሮ ፲፭፣ ፴፮ - ፴፰።

Ø የእግዚአብሔር ሰማያዊ መንግሥት - በምድር - በክርስቶስ ሞት እና ትንሣኤ ተመሠረተ። ሰዎች የዘላለም ሕይወት /መንግሥተ ሰማያት የሚወርሱት ሞቱንና ትንሣኤውን ሲያምኑ ነው።

Ø ይህንን የሕይወት የእግዚአብሔር መንግሥት ጥሪ ከአገልጋዮች እንደተቀበልነው እኛም ለሌላውም ማስተላለፍ አለብን።

Ø ለማደግ- መውረድ፣ ከፍ ለማለት -ዝቅ ማለት የክርስትናው መሠረታዊ መመሪያ ነው።

Ø ለሌሎች ለመትረፍ፣ ሌሎችን ለማዳን በቅድሚያ ለእኔነት መሞት ያስፈልጋል።

ክርስቶስ በኖረበት ዘመን ሁሉ የእኔ የሚለው አልነበረውም። ለእኔም አላለም።

አንድ መምህር እንዳለው፣ -« ክርስቶስ መለኮታዊ ኃይሉን ሌሎችን ለመርዳት እንጂ ራሱን ለማዳን አንድ ጊዜም አልተጠቀመም።»

Ø ስለዚህ - ለእኔ - ከሚለው በፊት ለወገኔ - የሚለው ከቀደመ- ወንጌሉ / መንግሥቱ ይስፋፋል፤ - ትርፉ እንኳን በመንፈሳዊ - በሥጋዊም ጭምር ነው። መልካምነትም ይበዛል፤ ችግረኞችን አናይም፤

3. በአደገች ጊዜ -- ራሷን ትችላለች

ቀሪውን ለማንበብ ይህን ይጫኑ/Read more »

የሰናፍጭ ቅንጣት ክፍል ፩

2014-11-12T08:54:00.002+03:00

ሌላ ምሳሌ አቀረበላቸው እንዲህም አለ፦ መንግሥተ ሰማያት ሰው ወስዶ በእርሻው የዘራትን የሰናፍጭ ቅንጣት ትመስላለች፤

እርስዋም ከዘር ሁሉ ታንሳለች፥ በአደገች ጊዜ ግን፥ ከአታክልቶች ትበልጣለች የሰማይም ወፎች መጥተው በቅርንጫፎችዋ እስኪሰፍሩ ድረስ ዛፍ ትሆናለች። ---- ማቴ 13፣ 31-32/

- ጌታችን ስለመንግሥቱ በምሳሌ አስተማረ - ለምን?

Ø ራሱ ኢየሱስ ክርስቶስ ለምን በምሳሌ እንደሚያስተምር ተጠይቆ የመለሰው ምክንያት፡-

² ደቀ መዛሙርቱም ቀርበው። ስለ ምን በምሳሌ ትነግራቸዋለህ? አሉት።

እርሱም መልሶ እንዲህ አላቸው፦ ለእናንተ የመንግሥተ ሰማያትን ምሥጢር ማወቅ ተሰጥቶአችኋል፥ ለእነርሱ ግን አልተሰጣቸውም።

ላለው ይሰጠዋልና ይበዛለትማል፤ ከሌለው ግን ያው ያለው እንኳ ይወሰድበታል።

ስለዚህ እያዩ ስለማያዩ እየሰሙም ስለማይሰሙ ስለማያስተውሉም በምሳሌ እነግራቸዋለሁ።

ማቴ 13፣ 10 – 13።

² ሐዋርያት በክርስቶስ አምነው የእግዚአብሔር ልጆች ስለሚሆኑ - ምሥጢር ማወቅ ተሰጥቷችኋል አላቸው።

² ለሌሎች ግን ገና በኃጢአት፣ በጨለማ ውስጥ ስላሉ የመንግሥቱን ነገር ማወቅ አይችሉም።

Ø የዕውቀት ውስንነት - በኃጢአት/ በውድቀት ከነበሩን ሦስት የነፍስ መልኮች ፣ ዕውቀት፣ ቅድስና እና ጽድቅ -- እውቀታችን ጎደለ። - ይህን ክፍተት ለመሙላት - ምሳሌ አስፈለገ።

Ø የስሜት ውስንነት- በውስን ተፈጥሯችን፣ በአምስቱ የስሜት ሕዋሳት የማንገነዘባቸው ብዙ ነገሮች አሉ። ስለዚህ በምናያቸው ነገሮች መግለጽ የግድ ነው።

Ø ምሳሌው የእኛን ደካማነት ብቻ ሳይሆን - የእርሱን ጥበበኛነት ያሳያል። ጥበበኛ መምህር ነው።

- አባቶች ምሳሌ ዘየሐጽጽ ይላሉ።- ምሳሌ - ከሚመሰልለት ነገር ያንሳል፣ በማነሱ ግን ትልቅ ነገርን ያብራራል፧

- ዓለምን/ ምድራችንን በሉል - መስለን እንማራለን፡፡

- ጥበብሰ መድኃኒነ ውእቱ እንደተባለው በቅዳሴ ጥበብ የተባለው ጌታችን ኢየሱስ ክርስቶስ ወሰን የሌለውን እጅግ ታላቅ የሆነውን መንግሥተ-ሰማያት፣ -መጠን በሌላት -እጅግ ታናሽ በሆነች- በሰናፍጭ ቅንጣት -መስሎ አስተማረ። የሚገርም ምሳሌ ነው።

- የእግዚአብሔር መንግሥት በሰናፍጭ ቅንጣት የተመሰለችው በዚህ ዓለም ሳለች ነው። ጅማሬዋ ነው። ፍጻሜዋ ግን በሰማይ ነው። ሩቅ አና ረቂቅ ነው።

- የሰዎች መንግሥት በኃያልነት፣ በታላቅነት ሊገለጽ ይችላል።

Ø የድሮ መንግሥታት / ነገሥታት ኃያልነት የሚታወቀው በግዛታቸው ስፋት… መሬት /ቅኝ ግዛት በማስፋፋት ነው።

² የዓለም ጦርነቶች የተካሄዱት በአብዛኛው በድንበር ግጭት እና ከቅኝ ግዛት ነጻ ለመውጣት ነው።

Ø የዚህ ዘመን መንግሥታት -- የአሜሪካ መንግሥት፣ የእንግሊዝ መንግሥት -- ኃያላን ሃገራት - የተባበሩት መንግሥታት… በጦር ኃይላቸው፣ በኢኮኖሚያቸው፣ ወዘተ.. ኃያልነታቸውን ይገልጻሉ።

² እነዚህ ሁሉ የፈለገ ኃያላን ቢሆኑ - ይወድቃሉ፣ ያልፋሉ። - ከዚህ ቀደም የነበሩ ኃያላን መንግሥታት አልፈዋል።

Ø የእግዚአብሔር መንግሥት ግን በዚች ምድር - እዚህ ግባ በማትባል - በአንዲት ዛፍ - ፍሬ- ዘር - በሰናፍጭ ቅንጣት- ተመስላለች። -

² ስትጀመር / ስትመሠረት መሬት ወድቃ የምትጠፋ / የጠፋች/ ትመስላለች። ግን ትወጣለች ታድጋለች። -- የሚገድባትም የለም።

² በአንዱ በክርስቶስ ሞት የተመሠረተው የእግዚአብሔር መንግሥት ለዓለም እና ለዘላለም ስለሚቀጥል እስከዛሬ በመላው ዓለም ተስፋፍቷል፣ በሰማይም ለዘላለም ይቀጥላል።

Ø የሰዎች / አገሮች መንግሥታት የሚመሰረቱት - በኃይል እና በጦርነት--- በመግደል ነው። ስለዚህ መስራቾቹ ይገድላሉ - በኋላ ግን እነርሱ ይሞታሉ። መንግሥታቸው በሌላ መንግሥት ይተካል።

በታሪክ እንደታየው ብዙ ጊዜ የመንግሥት ለውጥ የሚደረገው በኃይል እና በጦርነት ነው።

Ø የእግዚአብሔር መንግሥት ግን የተመሠረተችው በመሞት ነው። ኢየሱስ ክርስቶስ በመሞት ተከታዮቹም ይሞታሉ - በኋላ ግን ክርስቶስ እንደተነሳ ሕያው ይሆናሉ።

- ዛፍ የመንግሥት ምሳሌ ሆኖ የቀረበው በዳንኤል ዘመን ለንጉሡ ለናቡከደነጾር መንግሥት ነው። /በሕልም/

Ø …..ቅጠሉም አምሮ የነበረው፥ ፍሬውም የበዛው፥ ለሁሉም መብል የነበረበት በበታቹም የምድር አራዊት የተቀመጡ፥ በቅርንጫፎቹም የሰማይ ወፎች ያደሩበት ያየኸው ዛፍ - ንጉሥ ሆይ፥ እርሱ ታላቅና ብርቱ የሆንህ አንተ ነህ ታላቅነትህ በዝቶአል፥ እስከ ሰማይም ደርሶአል፥ ግዛትህም እስከ ምድር ዳርቻ ድረስ ነው። ዳን 4፣ 10 – 12 ፡ 20 -22።

1. የምሳሌው አስፈላጊነት

- ሰይጣን የእግዚአብሔርን ቃል መሰራጨት እና የወንጌሉን መስፋፋት ይቃወማል። ከምሳሌዎች ዝርዝር ከላይ በእርሻው መካከል እንክርዳድ እየዘራ እንደሚቃወም። ማቴ 13፣24 - 28

ይህ ከሆነ የእግዚአብሔር መንግሥት እንዴት ይስፋፋል? የሚለውን ለማብራራት ነው።

2. የዘሩ / የዛፉ ጠባይ / Biological Characters/

- የሰናፍጭ - -ቅንጣት -- በምድር ካለ ዘር ሁሉ ታንሳለች። - በመጠንም ፣ በክብደትም።

Ø በመጠኑ፡- (ስፋት..) - ሊለኩ ከሚችሉ ነገሮች ሁሉ እጅግ ያነሰ

² ክብደቱ - ሊመዘኑ ከሚችሉ ነገሮች ሁሉ እጅግ የቀለለ

Ø የጎመን ዘር ዓይነት ሆኖ ፍሬው በጣም ትንሽ ነው።፣ - በነፍሳት በቀላሉ የማይጠቃ።

Ø በብዙ ዓይነት አፈር በቀላሉ ሊበቅል የሚችል፣ ከፍተኛ የአየር ንብረት ለውጥ የሚቋቋም።

Ø ፍሬው ውስጥ ያለው ዘሩ በጣም ደቃቅ ሲሆን የዛፉ ቁመት ግን ረጅም ነው፡

እንደዘሩ ዓይነት፣ እንደአፈሩ እና አየሩ ሁኔታ በአንድ ዓመት ከ4 – 10 ሜትር ያድጋል።

Ø አእዋፍ እስኪሰፍሩበት ድረስ -- ሌሎችን እስኪሸከም ድረስ ያድጋል። ይጠነክራል።

ከምሳሌው ምን እንማራለን?
---------ይቀጥላል
----ይቆየን፤

ስለጉድለት አልልም - ፪

2014-11-08T09:17:00.000+03:00

.......ሰይጣን በጉድለታችን ይፈትነናል። እግዚአብሔር ይህን እያወቀ ለምን ዝም ይላል?

፫. ጉድለታችን ለእግዚአብሔር ምን ያደርግለታል?

እግዚአብሔር ጉድለታችንን ያውቃል። ጉድለታችን፡-

1. የእርሱ ሙላት መገለጫ

- የእስራኤልን ሕዝብ ግማሽ ሚሊየን በላይ የመራው ሙሴ ኮልታፋ ሰው ነበረ።

ዘጸ ፬፣፩-፲፫። ሙሴ እግዚአብሔርን ሌላ ሰው ፈልግ፡ ብሎት ነበረ።

- ከመወለዱ ጀምሮ አይነ ስውር ሆኖ የተወለደው ሰው በማን ኃጢአት እንደዛ ሆነ?

ዮሐ ፱፣፩-፫። …«የእግዚአብሔር ሥራ በእርሱ እንዲገለጥ ነው። »

የእስራኤል ተወዳጅ ንጉሥ ዳዊት እረኛ የተናቀ.. ለንግሥና ምርጫ የተረሳ ነበረ።

እግዚአብሔር በተናቁ፡ ጉድለት በሚታይባቸው ፣ በጉድለታችን መሥራት ልማዱ ነው።

ክብሩን ለመግለጽ።

ሙላታችን አያግዘውም። ጉድለታችን አያደናቅፈውም። ብቻውን ይሠራል…ብቻውን ክብሩን ይወስዳል።

2. እርሱ ብቻ እንዲመለክ፡

አዳም አንዲት ዛፍ የከለከለው እግዚአብሔርን እንዳይረሳ/ እንዲያስታውስ ነው።

ሁሉ ነገር ቢሰጠውና ቢፈቀድለት እኔ ከሁሉ በላይ ነኝ ብሎ በትዕቢት እንደሳጥናኤል እንዳይወድቅ።…

- ሁሉ ነገር ቢሟላልን እግዚአብሔር ይረሳል።

- ሁሉ ነገር ቢጎድል መኖር አይቻልም።

ስለዚህ እግዚአብሔር ሆን ብሎ ሕይወትን በጉድለት አዋቀራት።

«ጎደሎው የጸሎት ርእስ ነው።» ይባላል። ካለዚያ አምላክን እንረሳለን።

3. ለኛ ጥቅም ነው።

ከተሰጡን ነገሮች ጋር አንድ አንድ ጉድለት አለ። በዚች ዓለም ፍጹም የሆነ ነገር የለም።

ሰዎች ስንባል ለመያዝ (ያ - ይጠብቃል) የምናስቸግር ፍጡሮች ነን።

እስራኤላውያንን ከግብጽ በታላቅ ተአምራት አውጥቶ በበረሃ መና እየመገበ ሲመራቸው መና ሰለቸን አሉ። ዘኁ ፲፩፣ ፮

ምድረ ርስትን ለመውረስ ተዘጋጅተው በነዋሪዎቹ ሃያልነት ወሬ በግብጽ ምነው በሞትን አሉ?.... ዘኁ ፲፫ ና ፲፬

ብዙ ጊዜ ችግራችን የተደረገልንን እንረሳለን። እንለወጣለን።….

- ለመያዝ (ያ - ይጠብቃል) የሚያስቸግሩ ዕቃዎች ማንጠልጠያ ቀዳዳዎች አሉአቸው።

ለትኩስ ሻይ በብርጭቆ ማንጠልጠያ፣ ለጋለ ብረት ምጣድ ጆሮ… አሉአቸው።

መያዣዎቹ ቀዳዳዎች.. ክፍተቶች ናቸው።… ጉድለቶች።

- እኛም ጉድለቶቻችን መያዣዎቻችን (ያ - ይጠብቃል) ናቸው። እግዚአብሔር እኛን የሚይዝበት።

- በምድር ሁሉ ቢሞላልንና ፍጹም ሰላምና እረፍት ቢሆን የመንግሥተ ሰማያት ጉዞአችንን እናቆማለን። እንረሳለን። አንድ ወንድም እንዳለው፡-

ለእግዚአብሔር፡ « በቃ፡ መንግሥተ ሰማያት ምና ምን የምትለውን ተወው. እዚሁ ተመችቶኛል… » እንዳንል።

፫. በተስፋ እንድንኖር በምድርበመጨረሻም እስከ ሰማይ።

ሕይወት ቀጣይ የምትሆነው በጉድለት ስለተዋቀረች ነው።

ዛሬ ጥረት የምናደርገው ዛሬ የሌለንን ነገር ነገ ለማግኘት ነው።

ዛሬ የምንማረው ነገ ሥራ ለመያዝ ነው።.. ስንይዘውም ከዚያ የተሻለ ሥራ እንፈልጋለን…..

ዛሬ ሥራ ስንይዝ ትዳር እናስባለን።… ትዳር ሲመጣ ልጅ እናስባለን።……

አንዱ ሲሞላ.. ሌላ ጉድለት። ያ ሲሞላ… ሌላ ጉድለት… እያለ ኑሮ ይገፋል። እስከ ሞት።

- የዛሬ ጉድለት የሁልጊዜ ጉድለት አይደለም / አይሆንምም።

- ጉድለት ይሞላል፡ ግን አብሮ ሌላ ጉድለት ይዞ ይመጣል።

የዚች ዓለም መዋቅር እነደዚህ ነው። ከጨለማ ቀጥሎ ብርሃን። ከብርሃን ቀጥሎ ጨለማ።

ጨለማው እንደጨለመ አይቀጥልም።… ይነጋል።

ብርሃኑም እንደበራ አይኖርም። … ይመሻል።

ጨለማው ጉድለታችን የሚያማርረን ሊሆን አይገባም።
ብርሃኑ ሙላታችንም የሚያስጨፍረን አይደለም።

ስለዚህ ሁሉም በልክ ይሁን።

የማያቋርጥ ፍጹም ሰላምና እረፍት በመንግሥተ ሰማያት ብቻ ነው።

ጉድለታችን የዚች ዓለም መኖሪያና መያዣችን የሆነ አምላካዊ ጥበብ ነው።

በጉድለታችን ውስጥ በእግዚአብሔር ደስ ሊለን ይገባል።

ስለጉድለት አልልም - ፩

2014-11-04T17:23:00.001+03:00

ማክሰኞ - ጥቅምት ፳፭ / ፳፻፯ ዓ/ም

« … ይህን ስል ስለጉድለት አልልም፤የምኖርበት ኑሮ ይበቃኛል፤ ማለትን ተምሬያለሁና። መዋረድንም አውቃለሁ መብዛትንም አውቃለሁ፤ በእያንዳንዱ ነገር በነገርም ሁሉ መጥገብንና መራብንም መብዛትንና መጉደልን ተምሬአለሁ።

ኃይልን በሚሰጠኝ በክርስቶስ ሁሉን እችላለሁ።» ፊልጵ ፬፣ ፲-፲፫።

- ኑሮየ ይበቃኛል - በእንግሊዝኛው content - ባለው የረካ - የገንዘብ ፍቅር የማያጠቃው፣

- የፊልጵዩስ ቤተክርስቲያን /አማኞች/ ጳውሎስን ለመርዳት ፍላጎት አላቸው ዕድሉን ግን አላገኙም።

- ጊዜ አጣችሁ - ያለው - ዕድል አጋጣሚውን አላገኛችሁም። - ለማለት ነው።

*. አገልጋዮችን፣ የተቸገሩ ክርስቲያን ወንድሞችን ስለመርዳት -

እነርሱ ፍለጎት አላቸው፣ ዕድል አላገኙም፤ ባሁኑ ጊዜ ግን ዕድሉ አለ፣ ፍላጎት ያለው ሰው የለም።

- ጳውሎስ ስለደስታ፣ እርካታ - ይናገራል - ከምዕራፉ መጀመሪያ አንስቶ - በጌታ ደስ ይበላችሁ።

- የእኔ እርካታ - ከማግኘትም፣ ከማጣትም አይደለም። እነዚህን ነገሮች ተምሬያለሁ- በተግባር አይቻቸዋለሁ።

- ደስታ ከሃብት፣ ሃዘን-ከድኅነት አይደለም። እንዲያውም ብዙ ችግር/ሃዘን የሚገጥማቸው ከድሆች ይልቅ ሃብታሞች ናቸው።

- የሚመጣውን ነገር ሁሉ - ማግኘትን ማጣትን፣ ሁሉን በክርስቶስ እችላለሁ፡ - እቀበላለሁ፣ አስተናግዳለሁ

- ስለዚህ - ክርስቶስ ካለኝ ሁሉ አለኝ -ይበዛልኝማል- ይላል ቁ. 18።

ትልቁ ችግራችን ጉድለት ነው።

ጉድለት ምንድን ነው? ሙላት ምንድን ነው? በምን ይለካል?

ቀሪውን ለማንበብ ይህን ይጫኑ/Read more »

ስለመጽሐፍ ቅዱስ መረጃዎች-

2014-05-07T11:28:00.000+03:00

Information about the Bible, READ IN PDF here

መጽሐፍ ቅዱስ ከስሙ ስንነሳ ልዩ መጽሐፍ ማለት ነው። ቀደሰ- ለየ ብሎ ቅዱስ - ልዩ ይላልና።

- በእግዚአብሔር መንፈስ መሪነት በሰዎች ቋንቋ የተጻፈው ይህ ታላቅ መጽሐፍ በመንፈሳዊያን ብቻ ሳይሆን በዓለማውያን ዘንድም አድናቆትን ያገኘ ዘመን የማይሽረውየሕይወት መመሪያ ነው።

ለምሳሌ፡ ሳይንቲስ ሚካኤል ፋራዳይ ስለመጽሐፍ ቅዱስ እንዲህ ብሏል።

ለምን ይሆን ሰዎች በተሳሳተ አቅጣጫ ሕይወታቸውን የሚመሩት? የተባረከው ቅዱስ መጽሐፍ በቀና

ጎዳና ሊመራቸው መቻሉን አልተረዱት ይሆን?

፲፮ኛው የአሜሪካ ፕሬዚዳነት አብርሃም ሊንከንም፡-

መጽሐፍ ቅዱስን በማንበቤ ብዙ ተጠቅሜአለሁ። እስኪ አንተም በመንፈስና በዕምነት ተሞልተህ

አንብበው። ያለጥርጥር በሕይወትህ ዘመን ሁሉ የተሻለ ሰው ሆነህ ትኖራለህ።
- የሚገርመው የመጽሐፍ ቅዱስ ይዘት በተመጠነ እና ግልጽ በሆነ ቋንቋ መጻፉ ሲሆን በየትኛውም ዘመን፡ በየትኛውም ቦታ፡ በየትኛውም የዕውቀት ደረጃ ላለ ሁሉም ሰውሊረዳ የሚችል ነው።
- መጽሐፍ ቅዱስ ከሰዎች የኑሮ ልማድ ጋር በየጊዜው መሻሻል የማያስፈልገው፡ አንድ ጊዜ የተጻፈና ሁልጊዜ የሚነበብ ዕለታዊ የነፍስ ማዕድ ነው።

-መጽሐፍ ቅዱስ ከየትኛውም ጥንታዊ መጽሐፍ ይልቅ እስካሁን የተጠበቀ፡ እንዲሁም በኅትመት ደረጃ አንደኛ የሆነ፡ በብዛትና በፍጥነት እየታተመ ያለ ብቸኛ መጽሐፍ ነው።

- በዓለም የራሳቸው ፊደል ባላቸው ቋንቋዎች ሁሉ የተተረጎመ ብቸኛው መጽሐፍ መጽሐፍ ቅዱስ ነው።

መጽሐፍ ቅዱስ፡-

- ለክርክር ሳይሆን ለፍቅር የተጻፈ፡ ለምርምር የሚሰወር ለእምነት የሚገለጽ

- ለተማረውም ላልተማረውም እኩል የሚናገር፡ ለሁሉም ዘመን ለሁሉም ሰው የሚሆን

- ከየት እንደመጣን፡ ለምን እንደምንኖር፡ ወዴት እንደምንሄድ የሚናገር
- እግዚአብሔርን የምናይበት መነጽር፣ ራሳችን የምናይበት መስታውት ነው።

+ ስለሕይወት አጀማመር በተለያዩ ወገኖች የተለያየ መላምት በሚነገርበት ዓለም ላይ ስለሕይወት ጅማሬ በመላምት ሳይሆን በእርግጠኝነት የሚናገር

+ ሳይንስ እንዴት እንኖራለን? የሚለውን በመመለስ አኗኗራችን ባሻሻለበት ዓለም ላይ ለምን እንኖራለን የሚለውን ባይመልስም የመኖርን ትርጉም የሚሰጠን

+ ስለአንድ ሰው የነገ ዕጣ ፈንታ መናገር በማይቻልበት ዓለም ላይ ስለአንድ ሰው አይደለም ስለመላው ዓለም (የሰው ልጅ) የነገ ዕጣ ፈንታ እና ከሞት በኋላ ስላለውሕይወት የሚገልጽ መጽሐፍ መጽሐፍ ቅዱስ ብቻ ነው።

- ሕይወት ጉዞ ናት። እኛም መንገደኞች ነን። መጽሐፍ ቅዱስ ደግሞ ወዴት እና እንዴት መሄድ እንዳለብን የሚነግረን የጉዞ ካርታችን ነው። መጽሐፍ ቅዱስንየማያነቡ ካርታቸውን የጣሉ መንገደኞች ናቸው። ተንከራታቾች ናቸው።

- በዓለም ላይ የነበሩ ታላላቅ ሰዎች፡ ርእዮተ-ዓለሞች፡ አስተሳሰቦች ሁሉ አልፈዋል። የማለፍን ሥርዓት ተቋቁሞ አሁን ድረስ የቆየ ወደፊትም ሰማይና ምድር ሲያልፉጸንቶ የሚኖረው የእግዚአብሔር ቃል ነው።

- እግዚአብሔር የተጻፈውም፡ የተናገረውም ቃሉ እኩል ኃይል አላቸው። ለሰው ደብዳቤ ከሚጽፍልን በግምባር በቃሉ ቢያናግረን ይበልጥ ትኩረት እንሰጠዋለን።ለእግዚአብሔር ግን እንደዚያ አይደለም። የተጻፈው ቃሉ እንደተናገረው ቃሉ እኩል ኃይል አለው።

እግዚአብሔር ሙሴን ባናገረበት፡ ክርስቶስም ሐዋርያትን ባናገረበት መጠን እና ኃይል ዛሬም እኛን በቃሉ ያናግረናል።

ስለዚህ መጽሐፍ ቅዱስን አናነብም ማለት እግዚብሔር እያናገረን አልሰማነውም/ዘጋነው ማለት ነው።

- ስለዚህ እናንብ።

ምንጭ፡- ከተለያዩ ስብከቶችና መጻሕፍት

---------------- ጌታ ቢፈቅድ ብንኖርም በቀጣይ ስለመጽሐፍ ቅዱስ አጻጻፍ እንቀጥላለን-------

------------------------------ይቆየን-------------------------

ስለ ክርስቶስ መከራና መስቀል (ማዳን) በመጽሐፍ ቅዱስ

2014-04-17T00:00:00.000+03:00

Suffer and Death of Christ in the Bible, READ IN PDF

ዲያብሎስ ድል እንደሚሆን ለአዳም ተስፋ የተሰጠው

« በአንተና በሴቲቱ መካከል፥ በዘርህና በዘርዋም መካከል ጠላትነትን አደርጋለሁ እርሱ ራስህን ይቀጠቅጣል፥ አንተም ሰኰናውን ትቀጠቅጣለህ። » ዘፍ ፫፣፲፭።

ትንቢት የተነገረለት

«አምላኬ፥ አምላኬ፥ ለምን ተውኸኝ?... ብዙ ውሾች ከብበውኛልና የክፋተኞች ጉባኤም ያዘኝ እጆቼንና እግሮቼን ቸነከሩኝ።…..ልብሶቼን ለራሳቸው ተከፋፈሉ፥ በቀሚሴም ላይ ዕጣ ተጣጣሉ።» መዝ፳፩ (፳፪)፥፩፣፲፮፣፲፰።

«በእውነት ደዌያችንን ተቀበለ ሕመማችንንም ተሸክሞአል….. እርሱ ግን ስለ መተላለፋችን ቈሰለ፥ ስለ በደላችንም ደቀቀ፡ የደኅንነታችንም ተግሣጽ በእርሱ ላይ ነበረ፥ በእርሱም ቍስል እኛ ተፈወስን።……ተጨነቀ ተሣቀየም፡ አፉንም አልከፈተም፡ ለመታረድ እንደሚነዳ ጠቦት፥ በሸላቾቹም ፊት ዝም እንደሚል በግ፥ እንዲሁ አፉን አልከፈተም።….. ከዓመፀኞችም ጋር ተቈጥሮአልና እርሱ ግን የብዙ ሰዎችን ኃጢአት ተሸከመ፥ ስለ ዓመፀኞችም ማለደ።» ኢሳ ፶፫፥ ፬፣፭፣፯፣፲፪

የማይቆጠር መከራ

«ከእሾህም አክሊል ጎንጉነው በራሱ ላይ፥ በቀኝ እጁም መቃ አኖሩ፥ በፊቱም ተንበርክከው። የአይሁድ ንጉሥ ሆይ፥ ሰላም ለአንተ ይሁን እያሉ ዘበቱበት፤…. ከሰቀሉትም በኋላ ልብሱን ዕጣ ጥለው ተካፈሉ፥….» ማቴ ፳፯፥ ፳፱፣፴፭።

« ራሱንም በመቃ መቱት ተፉበትም፥ ተንበርክከውም ሰገዱለት። ከተዘባበቱበትም በኋላ ቀዩን ልብስ ገፈፉት፥ ልብሱንም አለበሱት፥ ሊሰቅሉትም ወሰዱት።….. ሰቀሉትም፥ ልብሱንም ማን ማን እንዲወስድ ዕጣ ተጣጥለው ተካፈሉ።..» ማር ፲፭፥ ፲፱፣፳፣፳፬፣፳፭።

ቀሪውን ለማንበብ ይህን ይጫኑ/Read more »

የክርስቶስ መከራና ሞት - የመጽሐፍ ቅዱስ ትኩረት

2014-04-12T11:16:00.000+03:00

Suffer and Death of Christ, the core of the Bible, READ IN PDF here

መጽሐፍ ቅዱስ ስለተለያዩ ርእሰ-ጉዳዮች በውስጡ ባሉት መጻሕፍቱ በተለያየ መንገድ ይናራል። አንዳንድ ጉዳዮች ደግሞ ሲደጋገሙ እናያለን። አንድ ታሪክ ወይም ክስተት ከተደጋገመ ልዩ ትኩረት ተሰጥቶታል ማለት ነው። ሁሉም የመጽሐፍ ቅዱስ ክፍሎች ጠቃሚዎች እንደሆኑ ቢታወቅም የሚደጋገም ጉዳይ ከሆነ ልዩ ትኩረት የተሰጠው እና እጅግ ጠቃሚ ነው ማለት ነው።

በመጽሐፍ ቅዱስ ትኩረት ተሰጥቶአቸው ከተደጋገሙት ታሪኮች የጳውሎስ መለወጥ አንዱ ነው፤ ጳውሎስ አሕዛብን ያስተማረ ታላቅ ሐዋርያ ነው። ክርስቲያኖችን እያሳደደ ሳለ ጌታ ተገልጦ እንደለወጠው የሚናገረው ታሪክ በዚያው በሐዋርያት ሥራ ውስጥ ሦስት ጊዜ ተጽፎ እናገኘዋለን። የእርሱ መለወጥ ለብዙዎች መለወጥ ምክንያት ስለሆነ ልዩ ትኩረት ተሰጥቶታል።
የሐዋ ፱፥ ፩-፱፣ ፳፪፥፩-፲፩፣ ፳፮፥፲፪-፲፰።

አብርሃም ከታወቁት የብሉይ ኪዳን አባቶች ይበልጥ ሰፊ ሽፋን ያገኘ በብዙ መጻሕፍት የተጠቀሰ ታላቅ የእምነት አባት ነው። በኦሪት፡ በታሪክ፡ በመዝሙር፡ በትንቢት፡ በወንጌል፡ በመልእክታት መጻሕፍት ስሙ ተጠቅሶአል። ምንም እንኳ እግዚአብሔር በብሉይ ኪዳን የመጀመሪያው ቃል ኪዳኑ በሥጋ አባታቸው በሆነው በአብርሃም በኩል ከእስራኤላውያን ጋር ቢሆንም በሐዲስ ኪዳን በክርስቶስ ያመኑ ሁሉ ልጆቹ እንደሚሆኑ አስቀድሞ በማየት አብርሃምን መርጦታል።

« እንኪያስ ከእምነት የሆኑት እነዚህ የአብርሃም ልጆች እንደ ሆኑ እወቁ። መጽሐፍም እግዚአብሔር አሕዛብን በእምነት እንዲያጸድቅ አስቀድሞ አይቶ። በአንተ አሕዛብ ሁሉ ይባረካሉ ብሎ ወንጌልን ለአብርሃም አስቀድሞ ሰበከ። » ገላ ፫፥፯-፰

ስለዚህ አብርሃም በእምነት ጉዳይ ላይ ትልቅ መታዘዝ ያሳየ፡ አስቀድሞ ወንጌል የተሰበከለት፡ ለሌሎችም አርአያ የሆነ የብዙዎች አባት በመሆኑ በመጽሐፍ ቅዱስ ትኩረት ተሰጥቶታል።

በአማርኛ መጽሐፍ ቅዱስ ሶፍትዌር (አዮታ) ቆጠራ መሠረት በመላው መጽሐፍ ቅዱስ፡

ዳዊት 957 ጊዜ፡ ሙሴ 783 ጊዜ፡ አብርሃም 229 ጊዜ ስማቸው ተጠቅሶአል። (የአብርሃም ስም ግን ከሌሎቹ ይልቅ በብዙ ጸሐፊዎች/ መጻሕፍት የተጻፈ ከሌሎች የበለጠ ሽፋን ተሰጥቶታል።)

እግዚአብሔር የሚለው ቃል 7361 ጊዜ ፡ ኢየሱስ ክርስቶስ ደግሞ 1185 ጊዜ ተጽፎአል። መጽሐፍ ቅዱስ ከእግዚአብሔር ቀጥሎ ትልቅ ትኩረት የሰጠው ሰው ለሆነው እግዚአብሔር ለኢየሱስ ክርስቶስ ነው።

ቀሪውን ለማንበብ ይህን ይጫኑ/Read more »

ድንቅ ምርጫ

2014-02-17T07:49:00.000+03:00

Denk mercha, sebket, READ IN PDF
እግዚአብሔር ግን ሳሙኤልን፦ ፊቱን የቁመቱንም ዘለግታ አትይ ሰው እንዲያይ እግዚአብሔር አያይምና ናቅሁት ሰው ፊትን ያያል፥ እግዚአብሔር ግን ልብን ያያል አለው። ፩ሳሙ ፲፮፡ ፯

መጽሐፍ ቅዱሳችን ስናጠና ከምንመለከታቸው አስደናቂ የእግዚአብሔር እውነቶች መካከል አንዱ የእግዚአብሔር ምርጫ ከሰው ምርጫ ፈጽሞ የተለየና የማይገናኝ መሆኑን ነው። ሰዎች በተለያየ መስፈርት አንደኛ ብለው የመረጡትን እግዚአብሔር አያጸድቅም። በድምጽ ብልጫም ስለማይሠራ የራሱ የሆነ ምርጫ ያለው ግሩም ድንቅ አምላክ ነው።

በመጽሐፍ ቅዱስ በመጀመሪያው መጽሐፍ እንኳ እግዚአብሔር ከመጀመሪያ (በኩር) ይልቅ በሁለተኛ (መጨረሻ) ልጅ ላይ ትኩረት ሲያደርግ እንመለከታለን።

· በአዳም የመጀመሪያ ልጅ በቃየን ሳይሆን በሦስተኛው ልጅ በሴት

· በአብርሃም የመጀመሪያ ልጅ በእስማኤል ሳይሆን በይስሐቅ

· በይስሐቅ የመጀመሪያ ልጅ በዔሳው ሳይሆን በያዕቆብ

· በያዕቆብ የመጀመሪያዎች ልጆች ሳይሆን በመጨረሻው በዮሴፍ

· በዮሴፍ በመጀመሪያው ልጅ በምናሴ ሳይሆን በሁለተኛው ልጅ በኤፍሬም…. በረከቱን ሲያፈስ፡ ቃልኪዳኑን ሲያጸና እንመለከታለን።

ቀሪውን ለማንበብ ይህን ይጫኑ/Read more »

አዲስ ኪዳን - የትንቢት ክፍል (የዮሐንስ ራእይ)

2013-11-15T16:54:00.001+03:00

Raey Yohanes over view, read in pdf here

በአዲስ ኪዳን ዳሰሳ ባለፈው በ፫ኛው ጥናታችን የመልእክት ክፍል የሚለውን የቅዱስ ጳውሎስንና ቀጣዮቹን መልእክታት ዳሰሳ አይተናል። ዛሬ በአዲስ ኪዳን የመጨረሻ የሆነውን የትንቢት ክፍል ይሄውም የዮሐንስ ራእይን ጠቅለል አድርገን እንመለከታለን። የዮሐንስ ራእይ የመጽሐፍ ቅዱስ የመጨረሻው ክፍል ሲሆን በአዲስ ኪዳን መጀመሪያ ክርስትና በሐዋርያት በኩል ወደ ዓለም ከተስፋፋ በኋላና የተለያዩ አብያተ ክርስቲያናት (የክርስቲያኖች ኅብረት) ከተመሠረቱ በኋላ እነርሱን ለማበረታታት፣ በተለያየ ምክንያት ከክርስትና ወደ ኋላ ያሉትንም ለመገሰጽ፣ በዓለም ላይ በክርስቲያኖች የሚደርሰው መከራና ፈተና ፍጻሜ እንደሚኖረው ዲያብሎስም ለመጨረሻ ጊዜ ድል እንደሚደረግ የመሳሰሉ ሃሳቦችን ይዟአል።

መጽሐፉ የዮሐንስ ራእይ ቢባልም ራእዩ ከመጽሐፉ መጀመሪያ እንደምንረዳው እግዚአብሔር ለኢየሱስ ክርስቶስ የገለጠለት ሆኖ በመልአክ በኩል ለዮሐንስ ልኮለት የጻፈው ነው።

« ቶሎ ይሆን ዘንድ የሚገባውን ነገር ለባሪያዎቹ ያሳይ ዘንድ እግዚአብሔር ለኢየሱስ ክርስቶስ የሰጠው በእርሱም የተገለጠው ይህ ነው፥ ኢየሱስም በመልአኩ ልኮ ለባሪያው ለዮሐንስ አመለከተ፥» ራእ ፩፣፩

መጽሐፉ የአዲስ ኪዳን ትንቢት እንደመሆኑ መጠን ከብሉይ ኪዳን እንደ ሕዝቅኤልና ዳንኤል ካሉ አንዳንድ የትንበት መጽሐፍ ጋር ያሉ ጉዳዮችን እያነሳ ይናገራል። በወቅቱ በሐዋርያት እና በተከታዮቻቸው ትምህርት ለተመሠረቱ የተለያዩ የክርስቲያኖች ኅብረት በተለይም በእስያ ለሚገኙ ፯ አብያተ ክርስቲያናት ማጽናኛ እና ተግሣጽ ሆኖ ሲጻፍ እንደ አጠቃላይ በመጨረሻው ዘመን ለሚገኙ ክርስቲያኖችም ተስፋና ማጽናኛ ምክሮችን ይዟል። አቀራረቡ ከሌሎች በተለየ በስእላዊ መግለጫዎች የተሞላ ድራማ መሰል ሥነ-ጽሑፍ ነው። ስለመጨረሻው ዘመን ብዙ ትንቢቶችን እንደያዘ እና ረቂቅ ምሥጢራዊ የአጻጻፍ ስልት እንዳለው ብዙ መምህራን ያስረዳሉ። በዚህም ምክንያት በመጽሐፉ አተረጓጎም ላይ ብዙ የተለያዩ ሃሳቦች ይቀርባሉ።

ዮሐንስ ቀደም ሲል በወንጌሉ ኢየሱስ ክርስቶስን «የዓለምን ኃጢአት የሚያስወግድ የእግዚአብሔር በግ» ብሎ ካስተዋወቀ በኋላ አሁን ደግሞ በራእዩ የታረደው በግ ይለዋል። (ዮሐ ፩፣፳፱ ፡ ራእ ፭፣፲፪)። ሞትን ድል አድርጎ ከተነሳ በኋላም ድል የነሳው የዳዊት ስር የይሁዳ አንበሳ ተብሏል። ለዓለም ሁሉ ኃጢአት ቤዛ ሆኖ በመስቀል ላይ የዋለው ስለ ሁላችን የሞተው የታረደው በግ ኢየሱስ ክርስቶስ፣ በትንቢተ ኢሳይያስ በሸላቾቹ ፊት ዝም እንደሚል በግ የተባለለት በዚህ መጽሐፍ የድል አድራጊነቱን ውጤት የበጉ ደም፣ የበጉ የሕይወት መጽሐፍ፣የበጉ ሠርግ፣ የበጉ ሙሽራ፣ የበጉ ዙፋን ወዘተ… በማለት በተለያየ መልክ ይገልጻል።

ቀሪውን ለማንበብ ይህን ይጫኑ/Read more »

አዲስ ኪዳን - የመልእክት ክፍል

2013-11-09T11:29:00.002+03:00

Messages overview, read in pdf

ባለፈው ጥናታችን በአዲስ ኪዳን የታሪክ ክፍል የተባለውን የሐዋርያት ሥራን አጠቃላይ ዳሰሳ አይተናል። ዛሬ በመቀጠል የአዲስ ኪዳን ፫ኛ ክፍል የሆነውን የመልእክታት አጠቃላይ ዳሰሳ እናያለን። የአዲስ ኪዳን መጻሕፍት የተቀመጡት በታሪካዊ ፍሰታቸው ቅደም ተከተል እንደመሆኑ መጠን በቅድሚያ በወንጌል የጌታችን የኢየሱስ ክርስቶስን ከልደት እስከ ሞትና ትንሣኤ የፈጸመውን የቤዛነት ሥራ፡ በመቀጠል ተከታዮቹ የነበሩት ሐዋርያት ይህን ወንጌል ወደ ዓለም ለማዳረስ ቤተ ክርስቲያንን በመመሥረት የፈጸሙት ሥራ በተለይ የጴጥሮስና የጳውሎስ ተልዕኮና ስብከቶች በሐዋርያት ሥራ ተዘግቧል። በማስከተል እነዚሁ ሐዋርያት የመሰረቷቸውን አብያተ ክርስቲያናት /የክርስቲያኖች ኅብረት/ ለማጠናከር በሩቅ ሆነው ደብዳቤ /መልእክት/ በመጻፍ በመንፈሳዊ ሕይወታቸው ያሳድጓቸው ነበር።

የመልእክት ክፍል ልዩ መልእክታትና አጠቃላይ መልእክታት ተብለው በሁለት ሊከፈሉ ይችላል። ልዩ መልእክታት የሚባሉት ሰፊውን ክፍል የሚይዙት የጳውሎስ መልእክታት ሲሆኑ ከሮሜ እስከ ዕብራውያን ያሉት ፲፬ መልእክታት ናቸው፤ ልዩ ያሰኛቸውም በወቅቱ ለታወቁ አብያተ ክርስቲያናት (ኅብረቶች) እና ግለሰቦች በተወሰኑ ርዕሰ ጉዳዮች ስለጻፈላቸው ነው። /የዕብራውያን መልእክት የጳውሎስ ይሁን አይሁን በመጽሐፍ ቅዱስ መምህራን አከራካሪ ጉዳይ ነው። አጻጻፉ ከሌሎች መልእክታት ይለያል።/ አጠቃላይ መልእክታት የሚባሉት ጌታ በተለያዩ ጉዳዮች ከሌሎች ለይቶ ሲያቀርባቸው የነበሩት የ፫ቱ የጴጥሮስ፣ የዮሐንስ፣ የያዕቆብ እና የይሁዳ በጠቅላላ ፮ መልእክታት ሲሆኑ እነዚህ መልእክታት ጠቅለል ያለ ጉዳይ የያዙ እና በወቅቱ ለሁሉም አማኞች የተጻፉ ነበሩ። ይሁንና ሁሉም መልእከታት ዛሬ እግዚአብሔር ለኛ የሚያስተላልፋቸውን ጉዳዮች የያዙ መሆናቸውን ወደፊት በጥናታችን በየተራና በሰፊው የምናየው ይሆናል።

ቀሪውን ለማንበብ ይህን ይጫኑ/Read more »

አዲስ ኪዳን - የታሪክ ክፍል (የሐዋርያት ሥራ)

2013-10-16T17:10:00.001+03:00

Ytarik kefel dasesa, read in pdf here

ባለፈው ክፍል በጀመርነው የአዲስ ኪዳን ዳሰሳ የወንጌል ክፍልን ማየታችን ይታወሳል። በዚህም ወንጌል ማለት የጌታችን የኢየሱስ ክርስቶስ ምድራዊ ሕይወት ከልደት እስከ ሞትና ትንሣኤ በአራቱ ወንጌላውያን የተዘገበው የመጽሐፍ ቅዱስ የምሥራች ቃል መሆኑን ተመልከተናል። በመቀጠል ይህ ወንጌል በሐዋርያት በኩል እንዴት ወደ ዓለም መሰራጨት እንደጀመረ በአዲስ ኪዳን የታሪክ ክፍል በሚባለው በሐዋርያት ሥራ ተዘግቦ የምናገኘው ሲሆን ለዛሬ ይህን እናያለን።

የሐዋርያት ሥራ ስሙ እንደሚነግረን ሐዋርያት የሠሩት ወንጌል የማስፋፋት ሥራ ነው። ሐዋርያት በአንድነት መንፈስ ለአንድ የተቀደሰ ዓላማ በጽናት እንደሠሩ እናያለን። ይህ ኅብረታቸው ቤተ ክርስቲያን ይባላል። የቤተክርስቲያን ቀዳሚ ትርጉም የክርስቲያኖች ኅብረት /አንድነት/ ነው። መጽሐፉ በሐዋርያት የተመሠረተችው የመጀመሪያዋ ቤተክርስቲያን (ኅብረት) የነበራትን የአገልግሎት ትጋት ያሳየናል። የወንጌል ስብከትና መስፋፋት፣ ጸሎት፣ የጋራ የፍቅር ማዕድ (አጋፔ)፣ ሃብትና ንብረታቸውን በጋራ መጠቀም፣ የተቸገሩትን መርዳት፣ ድውያንን መፈወስ፣ የሥራ ክፍፍል /አስተዳደራዊ መዋቅር፣ በመሳሰሉት መንፈሳዊ አገልግሎቶች እናያለን።

ከዚህም ጋር ከነበራቸው ጠንካራ አገልገሎት ጎን ለጎን ይደርስባቸው የነበሩ ፈተናዎች ነበሩ። ከአይሁድ የሚደርስባቸው ስደት፣ እንደ ሐናንያና ሰጲራ ካሉ ራስ ወዳዶች የሚመጣው ስስት፣ ከአይሁድ ጋር ስለነበራቸው የእምነት ግጭት፣ በውስጥ አስተዳደራዊና ቀኖናዊ ልዩነቶች ወዘተ የመሳሰሉ… ተግዳሮቶችን እንዳስተናገዱ ይታያል። ሐዋርያቱ ከፍተኛ የሆነ የወንጌል አገልግሎት ሥራ የሠሩት በከፍተኛ ተግዳሮት ውስጥ እያለፉ ስለነበር ምንጊዜም ዛሬም ከተሳካ አገልግሎት ጋር የከረረ ተቃውሞ የማይቀር መሆኑን እንገነዘባለን።

ቀሪውን ለማንበብ ይህን ይጫኑ/Read more »

አዲስ ኪዳን - የወንጌል ክፍል

2013-05-05T17:01:00.001+03:00

ከአሁን ቀደም የመጽሐፍ ቅዱስ ጥናታችን የብሉይ ኪዳንን ዳሰሳ በየክፍሎቹ ማለትም በኦሪት፣በታሪክ፣ በቅኔና መዝሙራት እንዲሁም በትንቢት ክፍል ይዘታቸውን በአጭር በአጭሩ ማየታችን ይታወሳል። አሁን ደግሞ በአዲስ ኪዳን ያሉትን ክፍሎች ማለትም የወንጌል፣ የታሪክ፣ የመልእክትና የትንቢት ክፍሎችን እንዲሁ በየተራ እንዳስሳለን። ለዛሬ የወንጌል ክፍልን እናያለን።

የወንጌል ክፍል የሚባሉት አራቱ ማቴዎስ፣ ማርቆስ፣ ሉቃስና ዮሐንስ እንደሆኑ ይታወቃል። ወንጌል ማለት ምን ማለት ነው? ስንል ወንጌል ማለት የምሥራች ማለት ነው። በኃጢአት ለተያዘው የሰው ዘር መድኃኒት ኢየሱስ ክርስቶስ መወለዱን…መሞቱን እና መነሳቱን የሚገልጽ የደስታ ቃል ማለት ነው። ከአንድ ወንድሜ እንደተማርኩት ወንጌል ማለት የምስራች መሆኑን ራሱ መጽሐፍ ቅዱስ እንደሚተረጉምልን እነዚህን ሁለት ጥቅሶች ማየት እንችላለን።

አስቀድሞ በነቢዩ በኢሳይያስ ስለ ክርስቶስ የተነገረው እንዲህ ይላል።

የጌታ የእግዚአብሔር መንፈስ በእኔ ላይ ነው፥ ለድሆች የምሥራችን እሰብክ ዘንድ እግዚአብሔር ቀብቶኛልና ልባቸው የተሰበረውን እጠግን ዘንድ፥ ለተማረኩትም ነጻነትን ለታሰሩትም መፈታትን እናገር ዘንድ ልኮኛል። የተወደደችውን የእግዚአብሔርን ዓመት አምላካችንም የሚበቀልበትን ቀን እናገር ዘንድ፥ የሚያለቅሱትንም ሁሉ አጽናና ዘንድ» ኢሳ ፷፩፣፩-፪

ይህንኑ ክፍል ሉቃስ በወንጌል ሲጠቅሰው እንዲህ ይላል።

« የነቢዩንም የኢሳይያስን መጽሐፍ ሰጡት፥ መጽሐፉንም በተረተረ ጊዜ። የጌታ መንፈስ በእኔ ላይ ነው፥ ለድሆች ወንጌልን እሰብክ ዘንድ ቀብቶኛልና፤ ለታሰሩትም መፈታትን ለዕውሮችም ማየትን እሰብክ ዘንድ፥ የተጠቁትንም ነጻ አወጣ ዘንድ የተወደደችውንም የጌታን ዓመት እሰብክ ዘንድ ልኮኛል ተብሎ የተጻፈበትን ስፍራ አገኘ።» ሉቃ ፬፣ ፲፯-፲፱።

ነቢዩ ኢሳይያስ የምስራች ያለውን ወንጌላዊው ሉቃስ ወንጌል ብሎ ይተረጉመዋል። ስለዚህ ወንጌል ማለት የምሥራች ማለት ነው። ወይም በመጽሐፍ ቅዱስ ያለው የምሥራች ወንጌል ነው። እርሱም ጌታችን ኢየሱስ ክርስቶስ ነው። ወንጌል ማለት ጌታችን ኢየሱስ ክርስቶስ መሆኑን ሐዋርያው ቅዱስ ጳውሎስ እንዲህ ያብራራል።

ቀሪውን ለማንበብ ይህን ይጫኑ/Read more »

ብሉይ ኪዳን - የትንቢት ክፍል

2013-03-05T16:18:00.009+03:00

ባለፈው ጥናታችን በብሉይ ኪዳን የሚገኙት መጻሕፍት በሥነጽሑፋዊ ይዘታቸው ከአራት እንደሚከፈሉ በመግለጽ ሦስቱን የኦሪት፣ የታሪክ እና የመዝሙርና የቅኔ ክፍሎችን አይተናል። ለዛሬ የብሉይ ኪዳን የመጨረሻ ና ፬ኛ ክፍል የሆነውን የትንቢት ክፍል ዳሰሳ እናያለን።

ትንቢት ማለት በአጭሩ ስለመጪው ሁኔታና ዘመን አስቀድሞ መናገር ነው። ነቢያት የእግዚአብሔርን ቃል በቀጥታ ድምጽ፣ በራእይ፣ በሕልም ወዘተ… በተለያየ መንገድ በመቀበል ለሕዝቡ ያስተላልፉ ነበር። የእግዚአብሔር ሃሳብ ቃል አቀባይ ስለሆኑም ሲናገሩ «እግዚአብሔር እንዲህ ይላል፡-.. » እያሉ በማስረገጥ ነበረ። በአዲስ ኪዳን ግን ባለቤቱ ራሱ ሰው ሆኖ በመምጣት ፊት ለፊት « እኔ እላችኋለሁ..» እያለ መናገሩን እናስታውሳለን።

በትንቢት ክፍል ውስጥ በስማቸው ራሱን የቻለ መጽሐፍ ካላቸው ነቢያት ውጭ በብሉይ ኪዳንም ሆነ በአዲስ ኪዳን ሌሎች ብዙ ነቢያት የተነሱ መሆኑ ይታወቃል፤ ለምሳሌ ከብሉይ ኪዳን እንደ ሙሴ፣ ሰሙኤል፣ ዳዊት፣ ኤልያስ፣… ከአዲስ ኪዳን እንደ መጥምቁ ዮሐንስ፣ ጌታችን ኢየሱስ ክርስቶስ፣ ወንጌላዊው ዮሐንስ (በዮሐንስ ራእይ) እነዚህ ሁሉ ትንቢቶችን ተናግረዋል።

የትንቢት መጻሕፍቱ በብሉይ ኪዳን መጨረሻ በአንድ ላይ ቢቀመጡም ነቢያቱ ትንቢቶችን የተናገሩት ግን በአብዛኛው በመጽሐፈ ነገሥት ታሪክ ውስጥ ነበር። የትንቢት መጻሕፍት ይዘት በወቅቱ እግዚአብሔር በሙሴ በኩል ከእስራኤላውያን ጋር ባደረገው ቃል ኪዳን (ብሉይ ኪዳን) ሁኔታ ጋር የተያያዘ ነበር። የተሰጣቸውን የቃል ኪዳን ትእዛዝ ከጠበቁ ስለሚያገኟቸው በረከቶች፣ ትእዛዛቱን እንዳይጥሱ የተለያዩ ማስጠንቀቂያዎችና ትእዛዛቱን ከጣሱ ስለሚያገኛቸው ቅጣቶች ይናገራሉ። ከዚህ ሌላ ስላለፈው ዘመን፣ ስለመጪው ዘመን፣ ስለአዲስ ኪዳን፣ ስለ ክርስቶስ የሚናገሩት የትንቢት ክፍሎች አሉ። አብዛኛው የትንቢት ክፍል ይዘት ግን ከወቅቱ የእስራኤላውያን ሁኔታ ጋር የተያያዘ እና በአሁኑ ሰዓትም ፍጻሜን ያገኘ ነው። የትንቢቶችን ይዘት በተናገሩባቸው ዘመናት ብንከፍላቸው እንደሚከተለው በሦስት ዘመናት ማየት ይቻላል።

ቀሪውን ለማንበብ ይህን ይጫኑ/Read more »

ብሉይ ኪዳን - የመዝሙርና የጥበብ ክፍል

2012-11-21T11:22:00.002+03:00

Songs and wisdom overview, read in pdf

በመጽሐፍ ቅዱስ በብሉይ ኪዳን የሚገኙት መጻሕፍት በሥነጽሑፋዊ ይዘታቸው ከአራት እንደሚከፈሉ በገለጽነው መሠረት ካሁን ቀደም የመጀመሪያዎቹን ሁለቱን ማለትም የኦሪት እና የታሪክ ክፍል የሚሉትን በየተራ አይተናል። ፫ኛው የብሉይ ኪዳን ክፍል የሆነው የመዝሙርና የጥበብ መጻሕፍት ጠቅለል ያለ ዳሰሳ ለዛሬ እናያለን።

የመዝሙርና የጥበብ መጻሕፍት የቅኔ፣ የግጥም መጻሕፍት በመባል የሚታወቁ ሲሆን እነዚህም በሦስት ጸሐፍያን- በኢዮብ፣ በዳዊትና በሰሎሞን የተጻፉት አምስት መጻሕፍት መጽሐፈ-ኢዮብ፣ መዝሙረ-ዳዊት፣ (የመዝሙር መጻሕፍት) መጽሐፈ-ምሳሌ፣ መጽሐፈ-መክብብ እና መኃልየ መኃልይ ዘሰሎሞን (የጥበብ መጻሕፍት) ናቸው። ኢዮብ በየትኛው ዘመን ይኖር እንደነበረ በግልጥ የተቀመጠ ነገር የለም። ብዙ መምህራን ኢዮብ በቀደምት አበው በነያዕቆብ እና በነኤሳው ዘመን የነበረ መሆኑን ይናገራሉ። ከመጽሐፍ ቅዱስ መጻሕፍት (ከ፷፮ቱ) መጽሐፈ ኢዮብ ቀደምት ሲሆን በ፹፩ዱ መጽሐፈ ሄኖክ የመጀመሪያው መሆኑ ይታወቃል። ዳዊትና ሰሎሞን ከሳኦል ቀጥሎ እስራኤልን የገዙ የመጀመሪያዎቹ ነገሥታት ሲሆኑ የቅኔና የመዝሙር መጻሕፍቶቻቸው እስራኤላውያን ምድረ-ርስት ከነዓንን ከወረሱ በኋላ በነበረው የተረጋጋ ዘመን ማለትም በመጽሐፈ-ሳሙኤል እና መጽሐፈ-ነገሥት ዘመን ታሪክ ውስጥ የተጻፉ ናቸው።

መዝሙር/ግጥም በቀላሉ እና በሚስብ መልኩ መልእክትን ለማስተላለፍ የሚያገለግል አንድ የሥነ ጽሑፍ ዘርፍ ነው። እግዚአብሔር ቃሉንና መልእክቱን ለሰዎች ለማስተላለፍ ከተጠቀመበት ዘዴ አንዱ በግጥም መልክ ማድረጉ ነው። ከስድ ንባብ ይልቅ ግጥም ምን ያህል እንደሚቀል መልእክቱን በቀላሉ ለመረዳት እንደሚያስችል በተለይም ግጥሙ ሰምና ወርቅ ለበስ ቅኔያዊ ከሆነ በጥቂት ቃላት ብዙ ሃሳብ መግለጽ እነደሚቻል ሁላችን በአማርኛ ቋንቋችን እናውቀዋለን። በመጽሐፍ ቅዱስ ውስጥ በግጥም/በመዝሙር መልክ የተጻፉ መጻሕፍት እነዚህ የመዝሙርና የጥበብ የተባሉት አምስቱ መጻሕፍት ብቻ አይደሉም። በኦሪትና በታሪክ እንዲሁም በትንቢት መጻሕፍት ውስጥ በተለያዩ ምዕራፎች ግጥም/መዝሙሮችን እናገኛለን። እንዲያውም የብሉይ ኪዳን አንድ ሦስተኛው መዝሙር/ግጥም እንደሆነ ይነገራል። እነዚህ የመዝሙር መጻሕፍት በመጀመሪያ በተጻፉባቸው ቋንቋዎች ግጥም ስለሆኑ ቤት ይመቱ ነበር። ወደ ሌላ ቋንቋ ሲተረጉሙ ግን ቤት መምታት እንዳልቻሉ መምህራን ይናገራሉ።

የመዝሙርና የቅኔ መጻሕፍትን ከሌሎች በስድ ንባብና በታሪክ መልክ ከተጻፉት መጻሕፍት በተለየ መልኩ ማንበብና መረዳት ይጠይቃል። መቼም አንድ ገጣሚ የሚጽፍልንን ግጥም በግጥም ደንብ ካላየነው ወይም በስድ ንባብ አካሄድ ብናነበው ውበቱንም፡ መልእክቱንም እናጠፋዋለን። ምናልባት ገጣሚውም ቢሰማን ቅር ይለዋል። የሚከተለውን ግጥም እንመልከት።

አብ አልሰጠኝ ብየ ምነው መናደዴ፣
ለወልድ አልነግርም ወይ ለሥጋ ዘመዴ።

ይህ ግጥም አጻጻፉ ፡ በየስንኙ (በየመስመሩ) ቤት በመምታት- ቤት በመድፋት፤ አነባበቡ በተለየ ቅላጼ ና በማስረገጥ፣ መልእክቱም ቅኔያዊ ስለሆነ በሰምና ወርቅ መሠረት ልናነበው ልንረዳው ያስፈልጋል። ስለዚህ የግጥም/የመዝሙር መጻሕፍትን ማንበብ፣ መተርጎም፣ እና መረዳት ያለብን በግጥም ደንብ መሠረት ሊሆን ይገባል። ይህን ግጥም ወደ ሌላ ቋንቋ እንተርጉመው ብንል ምን ያህል አስቸጋሪ እንደሚሆን፡ ውበቱም እንደሚጠፋ፣ መልእክቱም በአግባቡ ሊተላለፍ እንደማይችል ግልጽ ነው። ከዚህም ጋር የግጥም አጻጻፍ ደንብ በየቋንቋው የተለያየ መሆኑ ነገሩን ይበልጥ ያወሳስበዋል። ይሁንና ይህ እንደተጠበቀ ሆኖ እነዚህን መጻሕፍት በምናነብበት ጊዜ በተቻለ መጠን በግጥም /በመዝሙር የሥነ-ጽሑፍ አግባብ መሠረት ልናነባቸውና ልንተረጉማቸው እንደሚገባ አስቀድመን ማወቅ አለብን።

ቀሪውን ለማንበብ ይህን ይጫኑ/Read more »

A Summary of the Contents of Each Bible Book

2012-11-11T23:22:00.002+03:00

Old Testament

Genesis. Describes the creation; gives the history of the old world, and of the steps taken by God toward the formation of theocracy.

Exodus. The history of Israel's departure from Egypt; the giving of the law; the tabernacle.

Leviticus. The ceremonial law.

Numbers. The census of the people; the story of the wanderings in the wilderness.

Deuteronomy. The law rehearsed; the death of Moses.

Joshua. The story of the conquest and partition of Canaan.

Judges. The history of the nation from Joshua to Samson.

Ruth. The story of the ancestors of the royal family of Judah

1 Samuel. The story of the nation during the judgeship of Samuel and the reign of Saul.

2 Samuel. Story of the reign of David.

1 and 2 Kings. The books of Kings form only one book in the Hebrew MSS. They contain the history of the nation from David's death and Solomon's accession to the destruction of the kingdom of Judah and the desolation of Jerusalem, with a supplemental notice of the liberation of Jehoiachin from his prison at Babylon, twenty-six years later; they comprehend the whole time of the Israelitish monarchy, exclusive of the reigns of Saul and David.

The Books of Chronicles are so called as being the record made by the appointed historiographers of the kingdoms of Judah and Israel; they are the official histories of those kingdoms.

Ezra. The story of the return of the Jews from the Babylonish captivity, and of the rebuilding of the temple.

Nehemiah. A further account of the rebuilding of the temple and city, and of the obstacles encountered and overcome.

Esther. The story of a Jewess who becomes queen of Persia and saves the Jewish people from destruction.

Job. The story of the trials and patience of a holy man of Edom.

Psalms. A collection of sacred poems intended for use in the worship of Jehovah. Chiefly the productions of David.

Proverbs. The wise sayings of Solomon.

Ecclesiastes. A poem respecting the vanity of earthly things.

Solomon's Song. An allegory relating to the church.

Isaiah. Prophecies respecting Christ and his kingdom.

Jeremiah. Prophecies announcing the captivity of Judah, its sufferings, and the final overthrow of its enemies.

Lamentations. The utterance of Jeremiah's sorrow upon the capture of Jerusalem and the destruction of the temple.

Ezekiel. Messages of warning and comfort to the Jews in their captivity.

Daniel. A narrative of some of the occurrences of the captivity, and a series of prophecies concerning Christ.

Hosea. Prophecies relating to Christ and the latter days.

Joel. Prediction of woes upon Judah, and of the favor with which God will receive the penitent people.

Amos. Prediction that Israel and other neighboring nations will be punished by conquerors from the north, and of the fulfillment of the Messiah's kingdom.

Obadiah. Prediction of the desolation of Edom.

Jonah. Prophecies relating to Nineveh.

Micah. Predictions relating to the invasions of Shalmaneser and Sennacherib, the Babylonish captivity, the establishment of a theocratic kingdom in Jerusalem, and the birth of the Messiah in Bethlehem.

Nahum. Prediction of the downfall of Assyria.

Habakkuk. A prediction of the doom of the Chaldeans.

Zephaniah. A prediction of the overthrow of Judah for its idolatry and wickedness.

Haggai. Prophecies concerning the rebuilding of the temple.

Zechariah. Prophecies relating to the rebuilding of the temple and the Messiah.

Malachi. Prophecies relating to the calling of the Gentiles and the coming of Christ.

ቀሪውን ለማንበብ ይህን ይጫኑ/Read more »

ብሉይ ኪዳን - የታሪክ ክፍል

2012-11-04T10:34:00.000+03:00

Ols Testament- Historic part

ባለፈው ጥናታችን መጽሐፍ ቅዱስ በሥነ-ጽሑፋዊ ይዘቱ ሁለቱ ኪዳናት በሚከፋፈሉበት መሠረት የብሉይ ኪዳንን የኦሪት ክፍል ጠቅለል አድርገን ማየታችን ይታወሳል። እነዚህም አምስቱ የኦሪት መጻሕፍት የሆኑት ከዘፍጥረት እስከ ዘዳግም ያሉትንና የባለታሪኩ ዋና ተዋናይ የሆኑትን እስራኤላውያንንና መሪያቸውን ሙሴን ተመልክተናል። ባለፈው ያላየነው ነጥብ ይህ የኦሪት ክፍል የተፈጸመበት ዘመን 4000 ዓመት ገደማ መሆኑን ነው። ይህም ማለት ከብሉይ ኪዳን 5500 ዘመን ውስጥ 4000 የሚሆነው ዘመን ከዓለም መፈጠር አንስቶ እስራኤላውያን ከነዓንን ለመውረስ እስከተቃረቡበት ድረስ ያለውን ጊዜ ይሸፍናል። በሚገርም ሁኔታ ከዚህ ውስጥ ከአዳም - አብርሃም ከዘፍ ፩ - ፲፩ ያለው ዘመን የ3500 ዓመት የዓለም ታሪክ መሆኑ ነው። ከአብርሃም እስከ ሙሴ ደግሞ ወደ 500 ዓመት ገደማ ሲሆን ከሙሴ በኋላ የቀረው የብሉይ ኪዳን ታሪክ የተፈጸመው በቀሪው 1500 ዘመን ነው። በሌላ አገላለጽ ሙሴ የተነሳው ከክርስቶስ ልደት በፊት በ1500 ዓመት ገደማ ነው። ስለዘመናቱ ይህን ያህል ካስታወስን ለዛሬ ከብሉይ ኪዳን ሁለተኛው የሆነውን የታሪክን ክፍል እንመልከት።

የታሪክ ክፍል የሚባሉት ከመጽሐፈ ኢያሱ ወልደ ነዌ እስከ መጽሐፈ አስቴር ያሉት አስራ ሁለት መጻሕፍት ሲሆኑ እነርሱም መጽሐፈ ኢያሱ ወልደ ነዌ፣ መጽሐፈ መሳፍንት፣ መጽሐፈ ሩት፣ መጽሐፈ ሳሙኤል ቀዳማዊና ካልእ፣ መጽሐፈ ነገሥት ቀዳማዊና ካልእ፣ መጽሐፈ ዜና መዋዕል ቀዳማዊና ካልእ፣ መጽሐፈ ዕዝራ፣ መጽሐፈ ነህምያ እና መጽሐፈ አስቴር ናቸው። እነዚህም ከክርስቶስ ልደት በፊት ከ1500 እስከ 400 ዓመት ባለው ጊዜ ውስጥ የተፈጸሙ እንደሆኑ ይነገራል። ቀሪው የብሉይ ኪዳን መጻሕፍት በሙሉ የሚካተቱት በዚሁ ዘመን ውስጥ ነው። ከብሉይ ኪዳን ሦስተኛ ና አራተኛ ክፍል የሆኑት የጥበብ እና የትንቢት መጻሕፍት የተጻፉት በዚህ የእስራኤላውያን የታረክ ዘመን ውስጥ ነው። ምንም እንኳ በመጽሐፍ ቅዱስ ውስጥ የጥበብ/የቅኔ እና የትንቢት መጻሕፍት ከታሪክ ክፍል ቀጥለው ለብቻ ተጠርዘው ቢገኙም የዳዊት የሰሎሞን.. መዝሙራት፣ የኢሳይያስ፣ ኤርምያስ… ትንቢቶች ሁሉ የተጻፉት/የተነገሩት በዚህ በታሪክ ክፍል ውስጥ ነው።

እንግዲህ የታሪክ ክፍል የብሉይ ኪዳን የታሪክ ባለቤት የሆኑት የእስራኤላውያን ቀጣይ ታሪክ ነው። ይህም ማለት ከግብጽ ወጥተው ከነዓንን ለመውረስ ከተቃረቡበት ከኦሪት ክፍል መጨረሻ ከዘዳግም በመቀጠል በኢያሱ ከነዓንን ከወረሱ በኋላ ለምርኮ ወደ በባቢሎን እስከ ተወሰዱበት እስከ አስቴር ዘመን ድረስ ያለውን ቀሪ ታሪካቸውን ይተርካል።

ቀሪውን ለማንበብ ይህን ይጫኑ/Read more »

ብሉይ ኪዳን - የኦሪት ክፍል

2012-10-19T15:46:00.000+03:00

Old Testament Laws read in pdf

በመጽሐፍ ቅዱስ ጥናት ተከታታይ ትምህርታችን ባለፉት ጊዜያት ለጥናታችን የሚያስፈልጉንን ነጥቦች ካየን በኋላ ለአጠቃላይ ግንዛቤ የብሉይ ኪዳንን እና የአዲስ ኪዳንን ጠቅለል ያለ ታሪካዊ ዳሰሳ ተመልከተናል። በቀጣይ የመጽሐፍ ቅዱስ ሁለቱ ኪዳናት በተከፋፈሉባቸው ሥነ-ጽሑፋዊ ይዘት ቅደም ተከተል መሠረት እያንዳንዳቸውን በየተራ እንመለከታለን።

ብሉይ ኪዳን በሥነ-ጽሑፋዊ ይዘቱ በአራት እንደሚከፈል ቀደም ብለን ተመልክተናል። እነዚህም፡

፩. ሕግ፡ - ከኦሪት ዘፍጥረት - ኦሪት ዘዳግም --- ፭ መጻሕፍት

፪. ታሪክ ፡- ከመጽሐፈ ኢያሱ ወልደ ነዌ- መጽሐፈ አስቴር-- ፲፪ መጻሕፍት

፫. ጥበብ፡- ከመጽሐፈ ኢዮብ- መኃልየ መኃልይ ዘሰሎሞን-- ፭ መጻሕፍት

፬. ትንቢት፡- ከትንቢተ ኢሳይያስ - ትንቢተ ሚልክያስ---፲፯ መጻሕፍት ናቸው።

ለዛሬ የሕግ ክፍል የሆነውን አምስቱን የኦሪት መጻሕፍት ጠቅለል አድርገን እናያለን።

ኦሪት የሚለው ቃል አራይታ ከሚለው የጥንት የሶርያ ቋንቋ እንደተገኘ የመጽሐፍ ቅዱስ መዝገበ ቃላት ይናገራል። ትርጉሙም ሕግ፣ ትምህርት ማለት ነው። ይህም ሕግ ወይም ትእዛዝ ከእብራይስጡ ቶራህ ከሚለው ቃል እንደተገኘም ምሁራን ይናገራሉ። የሕግ ክፍል የተባለው የኦሪት መጻሕፍት ኦሪት ዘፍጥረት፣ ኦሪት ዘጸአት፣ ኦሪት ዘሌዋውያን፣ ኦሪት ዘኊልቁ እና ኦሪት ዘዳግም የተባሉትን የመጀመሪያ አምስት መጻሕፍት ያጠቃልላል። አምስቱ የኦሪት መጻሕፍት ፔንታቱክ በመባልም ይታወቃሉ። አሁን ድረስ የአይሁድ እምነት ተከታዮች ዋና መጻሕፍቶቻቸው እንደሆኑ ይነገራል።

አምስቱ የኦሪት መጻሕፍት በአብዛኛው የተለያዩ ነገሮችን አጀማመር ይገልጹልናል። ከእነዚህም፡-

የፍጥረትን አጀማመር -የሰማይን የምድርን እና በውስጡ የሚገኙ ሕይወት ያላቸው ፍጥረታት ጅማሬ፣

በአዳምና በሔዋን መፈጠር መላው የሰው ዘር እንዴት እንደተባዛ እና ምድርን እየሞላ እንደሄደ፣

ኃጢአት እንዴት ወደዓለም እንደገባ እና ሰው እግዚአብሔርን ማምለክ እንዴት እንደተወ፣

እግዚአብሔር ከሰው ጋር ያለውን ግንኙነት ለማደስ ከኖኅ፣ ከአብርሃም ጋር ቃል ኪዳን እንደጀመረ፣

በብሉይ ኪዳን ዋና የታሪክ ባለቤት የሆኑት የእስራኤል ሕዝብ አመጣጥ እንዴት እንደተጀመረ፣

የተጻፈ ሕግ፣ ሕዝቡ ከእግዚአብሔር ጋር ባለው ግንኙነት ሊጠብቃቸው የሚገቡ በርካታ ሥርዓቶች…. ወዘተ አጀማመር ይገልጻል።

በኦሪት መጻሕፍት ውስጥ እግዚአብሔር ለሕዝቡ ያደረገለትን እንክብካቤ እና ትድግና፡ ሕዝቡም ለእግዚአብሔር ሊፈጽሙ የሚገባቸውን ሥርዓትና ቅድስና ይዘረዝራል። የተሰጡት ሕግና ሥርዓቶች በጣም በርካታ፡ በዝርዝር እና ሁለመናቸውን የሚመለከት ነበረ። በሁለንተናቸው አምላካቸውን በቅድስና እንዲመስሉ ለእርሱ የተለየ ሕዝብ እንዲሆኑ ስለእያንዳንዱ የሕይወት ክፍላቸው በዝርዝር እና በጥልቅ ተነግሯቸዋል። አብዛኛው የኦሪት ክፍል ለጊዜው አሰልቺ የሚመስል በኋላ ግን ጠቃሚነቱ የሚጎላ በበርካታ ዝርዝር ሕግጋትና ሥርዓት የተሞላ ታሪካዊ ፍሰት ያለው ክፍል ነው።

ቀሪውን ለማንበብ ይህን ይጫኑ/Read more »