Biblio Ollos Grandes

25N. CONCURSO DE POSTERS.

noreply@blogger.com (Unknown) — Fri, 13 Nov 2020 13:16:00 +0000

Con motivo da conmemoración do Día contra a violencia de xénero, a Biblioteca organiza un concurso de posters cos que denunciar e sensibilizar contra esta lacra social que é o maltrato á muller.

As bases do concurso son as seguintes:

1. Mensaxe en Galego acorde coa loita contra o maltrato á muller.

2. Tamaño do poster A4 ou A3.

3. Emprega con liberdade calquer estilo, técnica ou cores na súa realización.

4. Valorarase a creatividade e orixinalidade.

5. Máximo un cartel por participante.

6. Os carteis participantes formarán parte dunha exposición no corredor principal.

Tedes ata o 27 de Novembro para depositalos a concurso na Biblio durante os recreos, e neles debe figurar o voso nome e curso.

O xurado estará composto polos membros do equipo da Biblio e o Departamento de Educación Plástica e Visual.

Os premios serán tres por niveis educativos: 1º ciclo e 2º ciclo de Secundaria e Bacharelato, e consistirá nun vale de 25€ para investir na tenda Totem.

GRAZAS POR PARTICIPAR!!!

ALFIN, que é?

noreply@blogger.com (Unknown) — Thu, 21 May 2020 14:22:00 +0000

Este recurso foi elaborado pola Biblioteca Ollos Grandes tomando como inspiración materiais de auxiliardebiblioteca.com e mariapinto.es

A importancia dos emails.

noreply@blogger.com (Unknown) — Wed, 20 May 2020 10:02:00 +0000

Na competencia dixital que debedes acadar está ser conscientes da importancia dun email, non só de como debe escribirse senón tamén de saber elexir o voso nome de usuario para os correos electrónicos nos contextos académicos, profesionais ou calqueroutro que requira de certa formalidade.

Clica na imaxe para acceder ó noso recurso.

Bancos de imaxes e sons libres na rede.

noreply@blogger.com (Unknown) — Wed, 20 May 2020 09:35:00 +0000

Hai moitos máis pero esta é unha selección para saber por onde comezar.

Recorda que os dereitos de propiedade intelectual deben ser coñecidos e respectados, por este motivo emprega este tipo de reservorio de recursos e intenta recoller a fonte da información e mesmo o autor/a daquelo que publicas.

Comportamento en internet.

noreply@blogger.com (Unknown) — Wed, 20 May 2020 09:26:00 +0000

Internet é unha ferramenta básica no mundo actual e saber como mellor empregala é indispensable.

Este material é un recurso da Biblio Ollos Grandes para a súa difusión pero, como debe ser, recoñecendo ou nunca eliminando a súa autoría.

Clicando na imaxe accederedes á presentación.

Alfabetización mediática e informacional

noreply@blogger.com (Rosa I. Pérez Parapar) — Wed, 30 Oct 2019 12:49:00 +0000

Buscador: Google Scholar

noreply@blogger.com (Rosa I. Pérez Parapar) — Fri, 18 Oct 2019 08:38:00 +0000

Google Académico/ Google Scholar es un buscador de Google enfocado y especializado en la búsqueda de contenido y bibliografía científico-académica.

In memoriam: Charo Sánchez-Gabriel

noreply@blogger.com (Rosa I. Pérez Parapar) — Tue, 18 Jun 2019 10:48:00 +0000

A semana pasada falleceu Charo Sáchez Gabriel, ex coordenadora da biblioteca do IES Sánchez Cantón.

Dende o IES "Nosa Señora dos Ollos Grandes" sumámonos a esta nota publicada por un grupo de persoas pioneiras no PLAMBE

Querida compañeira, querida amiga.

Vimos de saber do teu pasamento e non podemos menos que dedicar uns intres na túa lembranza.

Hai tempo que faltas na familia PLAMBE que ti contribuiches a fundar. E xa daquela faltounos o teu humor fino, a túa intelixencia aguda, a túa ironía elegante, a túa mirada diversa, a túa man comprensiva, o teu gusto pola exploración en calquera territorio, o teu espíritu de pioneira, e o teu amor pola Lingua que abrazaches como propia e defendiches con máis forza que moitos dos seus fillos.

A túa forma de estar no mundo, sempre curiosa e sensible, sempre atendendo a todo con esa atención aparentemente distraída foi un exemplo para quenes tivemos a honra de tratarte.

Xa daquela, cando a enfermidade se cruzou no teu camiño deixáchesnos, no universo da Bibliotecas escolares de Galicia, un valeiro irreemplazable.

Pero o de hoxe é difinitvo: non só nos faltas a nós, fáltaslle ao mundo. Co que precisamos neste momento xente coma ti!

As Bibliotecas Escolares de Galicia, chórante.

Os que te coñecimos, despedímoste con amor e cun sorriso ao tempo que enviamos un abrazo cariñoso á túa familia.

Os que non tivéchedes a honra de coñecela, podedes achegarvos á súa maneira de entender o mundo paseando polo blogue que creou: Mesturas

Ata sempre, Charo!

Pilar Sampedro, Carmen Suárez, Isabel Vázquez, Beni Nerga, Emilio Roca, Olga Rodríguez e a familia PLAMBE.

Recital. Acto de graduación 2018-19

noreply@blogger.com (Auri) — Thu, 30 May 2019 18:45:00 +0000

No es verdadero maestro el que no se hace querer de sus alumnos

Benito Pérez Galdós

MIS ALUMNOS

Dulces ecos del tiempo Diáfanas voces juveniles Vientos ligeros de

Grácil belleza temprana.

No juzguéis mi voz cansada Ni mis palabras olvidadas.

¡Deslizad ante mí las gotas De vuestro silencio!.

Sois: la brisa cálida

En medio de las altas cumbres. Sois: las palabras azules

De mi buscado silencio.

Sois: las maletas de mi equipaje De sueños y también SOIS

Mis mañanas, mis tardes y mis noches.

Sois jóvenes, sois esperanza

Entre maestros vencidos de enardecer Vuestras hermosas palabras.

¡Ay, cuándo os embriagáis, los sábados!

Lo hacéis de nardos y de esmeraldas.

La vida es ese duro camino Y vosotros LA ESPERANZA

Y también la flotante nube del aroma De mis palabras.

Flor Sánchez Fernández

Mediocre alumno el que no sobrepase a su maestro (Leonardo da Vinci)

¡AY!. MIENTRAS OS TENGAMOS

¡Mientras os tengamos! Juveniles alumnos Dormirá el silencio.

Sonarán vuestros susurros de voces Vuestras risas blancas.

¡ Mientras os tengamos! Rezumarán versos de agua Callarán los ecos

De vuestros pasos.

¡Mientras os tengamos! Porque el tiempo es el

Ladrón de nuestros recuerdos.

¡Ay!. Mientras os tengamos

Haremos sumas de alegría Y sollozos del silencio.

¡MIENTRAS OS TENGAMOS!

PORQUE SOIS:

El cráter de un volcán El pozo y el aljibe

La copa del castaño El cielo azul y el mar.

SOIS:

La espuma de una ola Y el soñar.

VOZ DE AGUA VOZ DE VIENTO VOZ DE SAL.

Belleza y juventud: vosotros Inteligencia y detención del tiempo. Risa y alegría : vosotros.

¡OS SOBRAN LAS PALABRAS!

¡Seguid fabricando el tiempo!

¿Habréis llegado del mar Como Afrodita ?.

Vuestra historia se repite siempre Tantas veces como vuestros nombres:

Zaira, Agustín, Iria, Óscar, Santiago, Isabela,

Francisco José, Nicolás, Teresa, Nuria, David,

Rubén, Sara, Claudias,Diego, Lauras, Paula, Carla, María…

¡Ay! .Todos vosotros Voces de clavel juvenil.

¡Ay!.¡ MIENTRAS OS TENGAMOS!

Flor Sánchez Fernández

María Vélez, de 2º B, acompañou á xefa do Departamento de Lingua e Literatura Españolas, autora dos poemas, á guitarra.

Discurso Graduación curso 2018-19

noreply@blogger.com (Auri) — Thu, 30 May 2019 09:41:00 +0000

Por Cristina Soto Sánchez- Guisante

Departamento de Lingua e Literatura Galegas

Boa tarde a todos/as:

Desde que souben que ía ter a enorme responsabilidade de dirixirme a este aforo tan selecto, mil e unha ideas viñeron á miña cabeza, pero…. tiña que darlles forma, e non creades…. custoume e acordeime moito de vós, de todos os textos e comentarios que fostes elaborando ao longo deste curso tan intenso como complexo, e que con tanta éxito, estades a rematar.

Hoxe, dalgún xeito, pechades unha etapa, e ante vós, ábrese un mundo cheo de preguntas, dúbidas, incertezas….mais tamén de soños, expectativas, proxectos….de futuro. Atrás deixades unha parte completa da vosa vida: Vivencias, compañeiros, amigos…con algúns seguiredes mantendo relación, con outros, se cadra, non tanta; pero durante moito tempo, van acompañarvos os recordos, e como a memoria é selectiva, seguro que só os agradables.

Chegado este punto ímonos deter para botar a vista atrás e recordar a todos aqueles que ao longo destes anos que pasastes no instituto, ademais de ensinarvos matemáticas, lengua, lingua, historia…. e un longuísimo etc. contribuíron, xunto cos vosos pais, a forxar o que sodes hoxe: persoas, unhas marabillosas persoas. Para eles, e no voso nome, as grazas.

E que dicir dos vosos pais…., ese “inimigo” a bater, apenas hai uns anos, e hoxe en día o voso equilibrio, xa seguramente o curso pasado, pero sobre todo este, e aos que aínda lles queda por pasar unha dura proba: a vosa selectividade….e que como sempre aconteceu , van estar aí, á altura das circunstancias.

Todos temos un libro que nos marcou, e ao que volvemos sistemáticamente cando o precisamos, permitídeme que comparta con vós ese libro e que dea lectura a un pequeno fragmento del, a novela de Susanna Tamaro. “Onde o corazón te leve”, e que di así:

“Despois, cando diante túa se abran moitos camiños e non saibas cal percorrer, non te metas nun calquera, ao chou, senta e agarda. Respira coa confiada profundidade con que respiraches o día que viñeches ao mundo, sen permitir que nada che distraia: agarda, e agarda aínda máis. Non te movas, en silencio, escoita ao teu corazón. E cando che fale, levanta e vai onde el te leve”

E é aquí onde vou enlazar coa segunda parte desta reflexión: o futuro, o voso futuro:

_ Que vou estudar!

_ Poderei facer o que sempre quixen?

Preguntas que seguramente vos estades a facer, e que nestes momentos poden producirvos un certo desacougo, e…que debedes desbotar de inmediato porque estades nun momento crucial da vosa vida e necesitades de todas as vosas forzas para afrontalo; pero se por calquera circunstancia as vosas expectativas non se cumprisen , lembrade sempre que “ o home san non é o que non ten enfermidades, senón o que é quen de superalas”, e eu, non dubido da vosa saúde; levantarédesvos unha, dúas, tres….as veces que fagan falla.

Gustaríame ter tido con vós unha memoria compartida, porén o meu percorrido neste instituto é breve, por iso a nosa relación redúcese esencialmente a un ano, ou no mellor dos casos a dous; pero certamente moi intensos. Tardarei en esquecer os vosos grandes sorrisos cando nos cruzabamos nos corredores ou nas escaleiras; as vosas cariñas, mestura de sono e cansazo, cando nos tocaba a clase á primeira hora da mañá ; con soneca incluída por parte dalgún, cando a clase era á tarde; pero non me quero despedir sen facer alusión a un feito que me conmoveu profundamente: cando tras unha dura experiencia vital, regresei ao instituto, sentín o voso calor, o voso abrazo, o voso cariño….Grazas

E para rematar, que mellor que uns versos doutra muller, dalguén moi próxima a nós , que nos identifica como sociedade máis alá do noso territorio: Rosalía de Castro (do epílogo de Cantares):

Eu cantar, cantar, cantei,

a grasia non era moita,

que nunca (delo me pesa)

fun eu meniña grasiosa.

Cantei como mal sabía

dándolle reviravoltas,

cal fan aqués que non saben

direitamente unha cousa.

(…)

Deséxovos a mellor das fortunas en todo o que emprendades de aquí en adiante e téñovos un mandado: sede felices. Moitas grazas.

Club de lectura interxeneracional

noreply@blogger.com (Rosa I. Pérez Parapar) — Tue, 21 May 2019 10:50:00 +0000

O 15 de maio, os alumnos do noso club de lectura de 2º e 3º de ESO tiveron un encontro co club de lectura de maiores de Afundación, obra social de Abanca. O encontro tivo lugar na sede social de Afundación.

O libro obxecto de debate foi Corazón que ríe, corazón que llora, da autora caribeña Maryse Condé, premio Nobel alternativo do ano 2018.

Premio literario para novos escritores

noreply@blogger.com (Rosa I. Pérez Parapar) — Tue, 14 May 2019 08:22:00 +0000

O Programa Nortear, promovido pola Consellería de Cultura e Turismo xunto coa Dirección Rexional de Cultura do Norte de Portugal e a Agrupación Europea de Cooperación Territorial Galicia-Norte de Portugal, convoca a V edición dun premio literario para novos escritores de Galicia e do Norte de Portugal. Está dirixido as persoas nacidas e/ou empadroadas na Rexión Norte de Portugal ou en Galicia, con idades comprendidas entre os 16 e os 36 anos.

O prazo para a presentación das obras será ata o 28 de xuño de 2019(inclusive). As obras deberán enviarse, por correo postal, ao seguinte enderezo:

Agrupación Europea de cooperación Territorial Galicia- Norte de Portugal

Edificio CETMAR

Rúa Eduardo Cabello, s/n

36208 BOUZAS (VIGO)

arodrigues@gnpaect.eu

Bases do concurso: pincha aquí.

Consejos para una presentación oral

noreply@blogger.com (Rosa I. Pérez Parapar) — Fri, 03 May 2019 10:54:00 +0000

STEM Week

noreply@blogger.com (Rosa I. Pérez Parapar) — Tue, 30 Apr 2019 10:45:00 +0000

O 4 de abril de 2019 publicouse a orde pola que se convocan axudas para a realización das actividades formativas STEM en lingua inglesa dirixidas á mellora das competencias en lingua inglesa e da competencia científico-tecnolóxica ou STEM (Ciencia, Tecnoloxía, Enxeñaría e Matemáticas) do alumnado de 3º e 4º de ensino secundario obrigatorio

Prazo de presentación de solicitudes: Desde o 30 de abril ao 30 de maio de 2019, ambos os dous incluídos.

As quendas e datas son:

A Coruña 25-31 agosto de 2019 Inglés 3º ESO: 100 alumnos/as
A Coruña 1-7 setembro de 2019 Inglés 4º ESO: 100 alumnos/as

O lugar onde se realizará esta actividade será o CRD da Coruña (Centro Residencial Docente, O Burgo-Acea de Ama s/n, Culleredo, 15670) en réxime de internado de domingo ao sábado seguinte.

I Premio de Oratoria "Filomena Dato"

noreply@blogger.com (Rosa I. Pérez Parapar) — Fri, 26 Apr 2019 10:51:00 +0000

Convócase o I premio de oratoria "Filomena Dato" para alumnado de Ensino Obrigatorio e para centros públicos ou privados de Galicia e do exterior, coa intención de promover a expresividade e a expresión – poética, narrativa e discurso – do Idioma Galego e o Feminismo, dentro da comunicación oral.

Poderá participar, nas súas categorías correspondentes, o alumnado de:
1a Categoría (poesía): 1º e 2º curso de Primaria. Premio de honor e dous accésits.
2a Categoría (poesía / relato): 3º e 4º curso de Primaria. Premio de honor e dous accésits.
3a Categoría (poesía / relato): 5º e 6º curso de Primaria. Premio de honor e dous accésits.
4a Categoría (poesía / discurso): 1º e 2º curso da ESO. Premio de honor e dous accésits.
5a Categoría (poesía / discurso): 3º e 4º curso da ESO. Premio de honor e dous accésits.

A participación poderá facerse a partir de poemas xa feitos e de autoría determinada, tamén de textos narrativos de especial interese e configuración, ou presentar traballos "inéditos" por escrito, en arial 12, espazado 1,5, non máis de tres folios, ou que dure non máis de 5 minutos, en total. O tema será a Sororidade.

O prazo máximo de inscrición, que se fará no correo electrónico filomena.dato.muruais@gmail.com, será o día 01/07/2019 e deberá estar entregada a gravación, sempre mellor -de planos- en corpo enteiro, correspondente ao tema indicado, cunha duración máxima de 5 minutos, así como o traballo por escrito e a ficha do anexo, debidamente cuberta, que se pode descargar na páxina da organización convocante http://lisistrata-asociacion.blogspot.com/p/premio-filomena-dato.html

O Instituto da Lingua Galega no IES Ollos Grandes

noreply@blogger.com (Auri) — Thu, 11 Apr 2019 09:43:00 +0000

O prestixioso Instituto da Lingua Galega, pertencente á Universidade de Santiago de Compostela, a través da súa secretaria María Álvarez de la Granja, fixo honra ao seu nome. Coa charla titulada: Cal ti es, así me dis. Idiosincrasia e universalidade na fraseoloxía galega deixounos con ganas de máis, a alumnado e profesorado asistente.

María Álvarez de la Granja

A conferencia, enmarcada dentro do programa A Ponte, que pon en contacto ao alumnado coa Universidade, foi solicitada polo Departamento de Lingua Galega coa mediación da Vicedirección do noso IES.

A seguir, Mario Rodríguez Salgado, de 1º Bacharelato B, resumiranos o contido do relatorio.

Por Mario Rodríguez Salgado

A conferenciante, María Álvarez de la Granja, do Instituto da Lingua Galega, definiu a fraseoloxía como a disciplina lingüística que estuda o conxunto de unidades fraseolóxicas (máis dunha palabra fixada como un todo na memoria). Distínguense tres tipos: locucións, refráns e fórmulas.

En primeiro lugar, as locucións son verbos, adxectivos, adverbios ou substantivos que funcionan como un todo expresando un mesmo significado; por exemplo, Meteu o zoco nalgunha pregunta, fixo o exame ás carreiras; os refráns son enunciados fixados que encerran unha verdade xeral (En abril augas mil e todas caben nun barril, Xente nova e leña verde todo é fume); as fórmulas, en cambio, non teñen un valor de verdade xeral ao empregarse só en determinadas situacións: Bo proveito, Malo será, Agora xa foi. Marica non chores...

De seguido, María Álvarez de la Granja relacionou a idiosincrasia coa fraseoloxía. O primeiro concepto engloba todo o característico ou particular da cultura dun pobo. A partir de elementos comúns dela, como o burro (animal moi habitual en Galicia) construímos frases feitas como Chámalle burro ao cabalo!, Pensando morreu un burro ou Non se ve un burro a catro pasos. Tamén é común empregalas para tratar temas tabú: na idiosincrasia galega abundan frases feitas como Estirar a pata, Ir para a terra, Deixar este mundo, Pasar a mellor vida ou Irlle gardar os pitos ao abade (estar a punto de morrer) nas que empregamos metáforas de conceptos concretos e coñecidos para referirnos a un tema máis abstracto e tabú: a morte.

Por último, falamos de frases feitas comúns en Europa, como Lavar as mans ou Estar todos no mesmo barco, ao apareceren en textos de ampla difusión pola influencia exercida por cregos ou xente culta da época (Biblia, fábulas antigas, clásicos grecolatinos), e proxectouse un vídeo do programa da TVG Ben falado no que Xosé Ferro Ruibal, prestixioso académico, asociaba o uso de frases feitas con falar unha lingua de cores e, o non facelo, co branco e negro. Este é, ao meu xuízo, un interesante punto de vista xa que o emprego de frases feitas enriquece o noso falar e apórtanos cultura ao tempo que coñecemos mellor a nosa idiosincrasia e os seus aspectos máis curiosos e característicos que permiten diferenciarnos doutras culturas. Non facelo sería un grave erro pola nosa parte, xa que a lingua voltaríase máis común e pobre. Non obstante, cómpre non abusar da fraseoloxía xa que a orixinalidade e a excentricidade dalgunhas das súas frases poden convertir a nosa fala excesivamente recargada e artificiosa.

Damos as grazas á relatora, María Álvarez de la Granja, por todo o que aprendemos e de xeito tan ameno.

Se queres saber máis: Cadernos de fraseoloxía galega

Becas Eurolingua

noreply@blogger.com (Rosa I. Pérez Parapar) — Tue, 02 Apr 2019 11:04:00 +0000

Eurolingua Venairlanda® convoca as súas Bolsas para a realización de Cursos de Inglés en Irlanda de dúas semanas de duración durante o verán nun programa de inmersión todo incluído. Constan dun lote global de 20 bolsas dirixidas a alumnado universitario, de secundaria, bacharelato ou formación profesional cunha dotación orzamentaria achegada por Eurolingua Venairlanda na súa totalidade.

A bolsa do programa é ao 100% e inclúe:

Recollida no aeroporto e traslado ao aloxamento.
O alumnado menor de idade viaxará do 28 Xullo ao 11 de Agosto de 2019. A data para o alumnado adulto está pendente de confirmar. En caso de forza maior, a data poderase modificar pero sempre se debe realizar o curso nos meses de verán.
Aloxamento en familia ou residencia/apartamentos.
Proba de nivel.
Programa de 20 clases de inglés semanais.
Material didáctico.
Programa de actividades culturais visitas e excursións.
Certificado de aproveitamento do curso expedido polo colexio.
Supervisión por persoal monitor de Eurolingua en destino.
Teléfonos de emerxencia 24 horas.
Non incluído, pero xestionable gratuitamente, o billete de avión.

Prazo de solicitude da bolsa

Ata as 23.59 horas do 17 de abril de 2019

Máis información: aquí

Concurso sobre a protección de datos

noreply@blogger.com (Rosa I. Pérez Parapar) — Tue, 26 Feb 2019 08:59:00 +0000

A Consellería de Educación, Universidade e Formación Profesional e Colexio Profesional de Enxeñaría en Informática de Galicia convocan o terceiro Concurso Literario infantil e xuvenil sobre a protección de datos.

Destinatarios/as

Alumnado de 5º e 6º de EP e 1º a 4º de ESO, ambos inclusive.

Obxectivos

Que a sociedade galega tome conciencia da necesidade de incorporarse á cultura da protección de datos, nomeadamente os menores de idade. Cómpre promover o coñecemento entre a cidadanía sobre cales son os seus dereitos e responsabilidades en materia de protección de datos.

Requisitos

Poderán participar todos os rapaces e rapazas de 5º e 6º de EP e 1º a 4º de ESO de idade, ambos inclusive, estudantes en centros escolares sostidos con fondos públicos de Galicia.

O xénero literario será artigo periodístico, exposición divulgativa (entrada de blogue ou artigo de divulgación), conto ou relato curto. Como liñas conductoras destes traballos pódense considerar as seguintes, sen quedar limitadas:

· Que é para ti a protección de datos?

· Como afecta a protección de datos no teu día a día?

· Protexe os teus datos, protexe a túa privacidade, protéxete!

· Que acontecería se houbese protección de datos no conto da Carapuchiña Vermella?

· Protexer os datos nas redes sociais, é importante?

· Como protexes os teus datos?

O referente será o Protocolo de Protección de Datos da Consellería de Cultura, Educación e Ordenación Universitaria (educonvives.gal) e as publicacións da Axencia Española de Protección de Datos.

Prazo

Ata as 15:00 horas do día 28 de febreiro de 2019.

Dotación

Tres premios, un para a categoría de 5º e 6º de EP, outro para 1º e 2º de ESO e outro para a categoría 3º e 4ºde ESO: tablet para o autor ou autora e un kit de robótica para a súa aula. Asemade, aquel centro que conte con maior participación recibirá un recoñecemento especial da organización.

Falando da emigración

noreply@blogger.com (Rosa I. Pérez Parapar) — Fri, 22 Feb 2019 11:50:00 +0000

Este 13 de febrero celebramos na biblioteca do noso centro a primeira xuntanza da actividade "Fálame da emigración", organizada por Esther Rodríguez e coordinada por Afundación (obra social de Abanca), na que participan os alumnos de 2º A de ESO e e emigrantes galegos retornados. Nesta xuntanza viñeron persoas maiores que nos contaron as súas experiencias como emigrantes.

O vindeiro mes de marzo teremos unha segunda xuntanza na que os alumnos, despois dunha investigación na súa familia, contarán experiencias dos seus familiares.

Certame de microrrelatos

noreply@blogger.com (Rosa I. Pérez Parapar) — Tue, 19 Feb 2019 09:15:00 +0000

A Real Academia Galega e a Asociación PuntoGal convocan a segunda edición do certame de microrrelatos - o tema é libre. O prazo de presentación dos textos, dun máximo de 200 palabras, permanecerá aberto durante o mes de febreiro.

Repartiranse nove premios, tres para cada unha das novas categorías distribuídas por idades. Na categoría de infantil poderá participar alumnado de ata 11 anos; na xuvenil, comprenderá entre 12 e 17 anos; e na de adultos, calquera persoa maior de idade. Os menores de idade deberán acompañar o microrrelato dunha autorización do pai, nai ou titor legal.

Bases do concurso: nesta ligazón

Serie: PibXs

noreply@blogger.com (Rosa I. Pérez Parapar) — Fri, 15 Feb 2019 12:05:00 +0000

`PibXs´ es una serie web documental argentina sobre la adolescencia que acerca una mirada sobre como (de)construimos nuestra identidad de género.

Ésta es su presentación:

A lo largo de cinco microprogramas recorreremos el relato de adolescentxs que nos cuentan cómo transitan la (de)construcción de su identidad de género. Cómo viven las relaciones, la sexualidad, el deseo y el amor y reflexionan sobre el rol que cumplen la familia, la escuela, las redes sociales y lxs amigxs en ese proceso.

Gracias a Trafegando Ronseis por la información.

Menores TRANS

noreply@blogger.com (Rosa I. Pérez Parapar) — Tue, 12 Feb 2019 09:09:00 +0000

Trabajadora Social de profesión, madre por pasión y activista por obligación. Cristina Palacios es presidenta de ARELAS, asociación de familias de menores trans*.

En esta charla, Cristina trata de hacernos visible una realidad socialmente oculta, la de las y los menores transexuales. Con base en la experiencia vital que la ha supuesto su hija Sara, en esta emotiva charla, Cristina defiende pasionalmente una alternativa para una realidad compleja que transcienda la simpleza de un proceso de "etiquetado sexual" en función de los genitales al nacer.

¿Tú quién eres?

noreply@blogger.com (Rosa I. Pérez Parapar) — Tue, 05 Feb 2019 09:10:00 +0000

A finales de enero se creó Naizen, Asociación de Familias de Menores Transexuales, centrado en Euskadi y Navarra.

Según han destacado los promotores, el logo muestra, a través de sus letras, que “entre el rosa y el azul hay todo un continuo de colores, porque cada uno, cada una, es de un color diferente. Porque todas y todos tenemos dentro nuestro todos esos colores, cada quien en diferentes medidas y proporciones”.

Éste es el video de la presentación de la asociación

Concurso de carteis Día Internacional da Muller

noreply@blogger.com (Rosa I. Pérez Parapar) — Fri, 25 Jan 2019 12:03:00 +0000

A Dirección Xeral de Educación, Formación Profesional e Innovación Educativa e a Secretaría Xeral de Igualdade convocan conxuntamente o concurso para o deseño do cartel do día 8 de marzo co gallo da celebración do Día Internacional da Muller.

O contido do cartel deberá transmitir unha mensaxe positiva sobre a participación activa das mulleres na sociedade e promover a loita contra as desigualdades de xénero.

Centros destinatarios: centros de ensino non universitario
Categorías:

alumnado de 5º e 6º de primaria e de 1º e 2º da ESO
alumnado de 3º e 4º da ESO e 1º e 2º de bacharelato

Presentación das solicitudes: cada centro poderá presentar un traballo por categoría de participación

Prazo: ata o 15 de febreiro de 2019

Para obter máis información pódense realizar consultas nos seguintes teléfonos:
Servizo de Promoción e Cooperación Institucional (Secretaría Xeral de Igualdade): 981 545 360
Asesoría de Igualdade (C. Educación): 881 997 598

Bases do concurso: Pincha aquí

Juez de menores, Emilio Calatayud

noreply@blogger.com (Rosa I. Pérez Parapar) — Tue, 22 Jan 2019 09:03:00 +0000

Juez Emilio Calatayud, el juez del sentido común