BIN ZUBEIRY SPORTS — ONLINE

MZALIWA WA KIGOMA AFUNGA BAO KOMBE LA DUNIA AUSTRALIA YASHINDA 2-0

2026-06-14T11:13:55.892+03:00

TIMU ya Australia imeilaza Uturuki mabao 2-0 katika mchezo wa Kundi D Fainali za Kombe la Dunia Asubuhi ya leo Uwanja wa BC Place, Vancouver Jiji liliopo Magharibi mwa Canada.
Mabao ya Australia yamefungwa na winga wa Watford ya England, Nestory Irankunda dakika ya 27 na kiungo wa FC St. Pauli ya Ujerumani, Connor Isaac Metcalfe dakika ya 75.
Mfungaji wa la kwanza la Aussie, Nestory Irankunda mwenye umri wa miaka 29 ni mzaliwa wa Kigoma, Tanzania ambako wazazi wake walihamia baada ya kukimbia vita ya wenyewe kwa wenyewe nchini kwao, Burundi.

SCOTLAND YAANZA VYEMA KOMBE LA DUNIA, YAILAZA HAITI 1-0 FOXBOROUGH

2026-06-14T11:12:52.584+03:00

TIMU ya Scotland imeibuka na ushindi wa bao 1-0 dhidi ya Haiti katika mchezo wa Kundi C Fainali za Kombe la Dunia Alfajiri ya leo Uwanja wa Gillette mjini Foxborough, Norfolk County, Massachusetts, Marekani.
Hongera zake mfungaji wa bao hilo pekee, Nahodha na kiungo wa Aston Villa ya England, John McGinn dakika ya 28 hilo likiwa bao lake la 21 timu ya taifa katika mechi ya 87.
Mechi nyingine ya kwanza ya Kundi C jana Brazil ilitoa sare ya kufungana bao 1-1 na Morocco Uwanja wa MetLife mjini East Rutherford, New Jersey Jijini New York, Marekani.
Kiungo wa PSV Eindhoven ya Uholanzi, Ismael Saibari mzaliwa wa Hispania alianza kuwafungia ‘mabingw awa mezani’ wa Afrika, Morocco dakika ya 21, kabla ya mshambuliaji wa Real Madrid, Vinícius José Paixão de Oliveira Júnior kuisawazishia Brazil dakika ya 32.

BRAZIL NA MOROCCO MBAVU SAWA, ZATOA SARE 1-1 KOMBE LA DUNIA

2026-06-14T04:29:42.265+03:00

TIMU ya Brazil imetoa sare ya kufungana bao 1-1 na Morocco katika mchezo wa Kundi C Fainali za Kombe la Dunia usiku wa Jumamosi Uwanja wa MetLife mjini East Rutherford, New Jersey Jijini New York, Marekani.
Kiungo wa PSV Eindhoven ya Uholanzi, Ismael Saibari mzaliwa wa Hispania alianza kuwafungia ‘mabingw awa mezani’ wa Afrika, Morocco dakika ya 21, kabla ya mshambuliaji wa Real Madrid, Vinícius José Paixão de Oliveira Júnior kuisawazishia Brazil dakika ya 32.
Mechi nyingine ya Kundi C Kombe la Dunia inaendelea muda huu baina ya Haiti na Scotland Uwanja wa Gillette mjini Foxborough, Norfolk County, Massachusetts, Marekani.

QATAR YACHOMOA DAKIKA YA MWISHO KUPATA SARE 1-1 NA USWISI

2026-06-14T04:26:23.798+03:00

BAO la kujifunga la dakika ya 90’+4 la kiungo wa Hamburger SV ya Ujerumani, Miro Max Maria Muheim liliisaidia Qatar kupata sare ya 1-1 na Uswisi katika mchezo wa Kundi B Fainali za Kombe la Dunia usiku wa Jumamosi Uwanja wa Levi's Jijini Santa Clara, Santa Clara County, California, Marekani.
Uswisi waliuanza vyema mchezo huo na kufanikiwa kupata bao la kuongoza mapema kupitia kwa mshambuliaji wa Rennes ya Ufaransa, Breel Donald Embolo aliyefunga kwa mkwaju wa penalti dakika ya 17.
Ikumbukwe mechi nyingine ya kwanza ya kundi B, wenyeji, Canada nao walilazimisha sare ya kufungana bao 1-1 na Bosnia & Herzegovina usiku wa juzi Uwanja wa BMO Field, Toronto nchini Canada.
Mshambuliaji wa Universitatea Cluj ya Romania, Jovo Lukić mzaliwa wa Serbia alianza kuifungia Bosnia & Herzegovina dakika ya 21, kabla ya winga wa Mallorca ya Hispania, Cyle Christopher Larin kuisawazishia Canada dakika ya 78.

SINGIDA BLACK STARS YAIADABISHA JKT TANZANIA, YAICHAPA 2-1 MBWENI

2026-06-13T22:29:23.387+03:00

TIMU ya Singida Black Stars imeibuka na ushindi wa mabao 2-1 dhidi ya wenyeji, JKT Tanzania usiku huu katika mchezo wa Ligi Kuu ya NBC Tanzania Bara Uwanja wa Meja Jenerali Charles Isamuhyo, Mbweni, Dar es Salaam.
Mabao ya JKT Tanzania yamefungwa na mshambuliaji raia wa Jamhuri ya Kidemokrasia ya Kongo (DRC), Malanga Horso Mwaku dakika ya 24 na kiungo wa ulinzi, Emmanuel Kwame Keyekeh raia wa Ghana dakika ya 75, wakati bao pekee la JKT Tanzania limefungwa na mshambuliaji mzawa, Valentino Mashaka Kusengama dakika ya 81.
Kwa ushindi huo, Singida Black Stars inafikisha pointi 44, ingawa inabaki nafasi ya nne, wakati JKT Tanzania inabaki na pointi zake 38 nafasi ya sita ikizdiwa pointi mbili na TRA United baada ya timu hizo zote kucheza mechi 26 kwenye ligi ya timu 16.
Ikumbukwe mwisho wa msimu timu mbili zitashuka Daraja moja kwa moja, wakati nyingine mbili zitakazomaliza nafasi ya 14 na 13 zitamenyana baina yao kwa mechi mbili za nyumbani na ugenini na mshindi wa jumla atasalia Ligi Kuu.
Timu itakayofungwa itakwenda kumenyana na timu kutoka Ligi ya Championship katika mechi nyingine mbili za mchujo nyumbani na ugenini na mshindi wa jumla ndiye atacheza Ligi Kuu msimu ujao.

YANGA SC YAMEREMETA UGENINI LIGI KUU, YAILAZA MASHUJAA 2-0 KIGOMA

2026-06-13T18:32:57.012+03:00

MABINGWA watetezi, Yanga SC wameibuka na ushindi wa mabao 2-0 dhidi ya wenyeji, Mashujaa FC katika mchezo wa Ligi Kuu ya NBC Tanzania Bara jioni ya leo Uwanja wa Lake Tangnyika mjini Kigoma.
Mabao ya Yanga SC leo yote yamefungwa na wachezaji wazawa, kiungo Mudathir Yahya Abbas dakika ya 28 na beki bakari Nondo Mwamnyeto ambaye pia ni nahodha wa timu hiyo, dakika 90’+2.
Kwa ushindi huo, Yanga SC inafikisha pointi 63 katika mchezo wa 26 na kuendelea kuongoza Ligi Kuu kwa pointi tano Zaidi ya watani wao, Simba SC ambao hata hivyo wana mechi moja mkononi na kesho wanacheza na Pamba Jiji FC nyumbani, Dar es Salaam.
Kwa upande wao Mashujaa baada ya kupoteza mchezo huo wanabaki na pointi zao 27 za mechi 26 pia nafasi ya 11 katika Ligi Kuu inayoshirikisha timu 16.
Ikumbukwe mwisho wa msimu timu mbili zitashuka Daraja moja kwa moja, wakati nyingine mbili zitakazomaliza nafasi ya 14 na 13 zitamenyana baina yao kwa mechi mbili za nyumbani na ugenini na mshindi wa jumla atasalia Ligi Kuu.
Timu itakayofungwa itakwenda kumenyana na timu kutoka Ligi ya Championship katika mechi nyingine mbili za mchujo nyumbani na ugenini na mshindi wa jumla ndiye atacheza Ligi Kuu msimu ujao.

MBEYA CITY YANG'ARA NYUMBANI, YAICHAPA MTIBWA SUGAR 1-0 SOKOINE

2026-06-13T16:10:53.592+03:00

TIMU ya Mbeya City imeibuka na ushindi wa bao 1-0 dhidi ya Mtibwa Sugar katika mchezo wa Ligi Kuu ya NBC Tanzania Bara mchana wa leo Uwanja wa Sokoine Jijini Mbeya.
Pongezi kwa mfungaji wa bao hilo pekee, kiungo Adili Buha kwa mkwaju wa penalti dakika ya 36 na kwa ushindi huo, ‘Koma Kumwanya’ wanafikisha pointi 25, ingawa wanabaki nafasi ya 14 wakizidiwa pointi mbili na Mtibwa Sugar inayoshika nafasi ya 12 kwenye ligi ya timu 16.
Ikumbukwe mwisho wa msimu timu mbili zitashuka Daraja moja kwa moja, wakati nyingine mbili zitakazomaliza nafasi ya 14 na 13 zitamenyana baina yao kwa mechi mbili za nyumbani na ugenini na mshindi wa jumla atasalia Ligi Kuu.
Timu itakayofungwa itakwenda kumenyana na timu kutoka Ligi ya Championship katika mechi nyingine mbili za mchujo nyumbani na ugenini na mshindi wa jumla ndiye atacheza Ligi Kuu msimu ujao.

BALOGUN APIGA MBILI MAREKANI YAILAMBA PARAGUAY 4-1 KOMBE LA DUNIA

2026-06-13T09:29:55.965+03:00

WENYEJI, Marekani wameibuka na ushindi wa kishindo wa mabao 4-1 dhidi ya Paraguay katika mchezo wa Kundi D Fainali za Kombe la Dunia Alfajiri ya leo Uwanja wa SoFi Jijini Inglewood, Los Angeles County, California.
Mabao ya USA yamefungwa na kiungo wa Sao Paulo ya Brazil, Damián Josué Bobadilla Benítez aliyejifunga dakika ya saba, mshambuliaji wa Monaco ya Ufaransa, Folarin Jerry Balogun aliyefunga mawili dakika ya 31 na 45’+5 na kiungo mshambuliaji wa Borussia Mönchengladbach ya Ujerumani, Giovanni Alejandro Reyna dakika ya 90’+8.
Bao pekee na la kufutia machozi la Paraguay katika mchezo huo uliochezeshwa na refa Mholanzi, Danny Makkelie mbele ya mashabiki 70,492 limefungwa na kiungo wa Palmeiras ya Italia, Maurício Magalhaes Prado dakika ya 73.
Mchezo mwingine wa Kundi C utafuatia Saa 1:00 Asubuhi ya kesho kati ya Australia na Uturuki Uwanja wa BC Place Jijini Vancouver nchini Canada.

KVZ WATWAA UBINGWA LIGI KUU YA PBZ ZANZIBAR

2026-06-13T01:30:34.956+03:00

TIMU ya KVZ imefanikiwa kutwaa ubingwa wa Ligi Kuu ya PBZ Zanzibar baada ya ushindi wa mabao 4-2 dhidi ya Kipanga Ijumaa ya Juni 12 Uwanja wa Mao Tze Tung A, Zanzibar.
Kwa matokeo hayo, KVZ imemaliza na pointi 67, ikifuatiwa na JKU iliyomaliza na pointi 64 baada ya ushindi wa 3-1 kwenye mchezo wa mwisho Juni 12 pia Uwanja wa Gombani, Pemba.

SUNDAY KAYUNI ATEULIWA KUWA MKURUGENZI WA UFUNDI ZAMBIA

2026-06-13T00:31:25.022+03:00

SHIRIKISHO la Soka Zambia limemteua Mtanzania Sunday Burton Kayuni (70) kuwa Mkurugenzi wake mpya wa Ufundi akichukua nafasi ya mzawa, Lyson Zulu aliyedumu tangu Machi 2019.
Zulu aliondoka FAZ mapema mwaka huu baada ya kuteuliwa na Shirikisho la Soka la Kimataifa (FIFA) kuwa Mtaalamu wa Utendaji Bora wa Mpango wa Maendeleo ya Kiufundi (TDS) kwa Afrika Januari mwaka huu.
Kayuni (pichani kulia) ambaye ni Mkufunzi Mkubwa wa FIFA - ni Mtaalamu mwenye heshima kubwa Zambia na Afrika kwa ujumla kutokana na
Uzoefu wake na rekodi ya kuvutia ya kuwafundisha makocha kadhaa wa Zambia, akiwemo George Lwandamina, ambaye kwa sasa anaiongoza timu ya taifa.
Licha ya kufundisha klabu mbalimbali Tanzania na kwa mafanikio wakiwemo mabingwa wa kihistoria nchini na timu ya taifa – Kayuni pia amewahi kuwa Mkurugenzi wa Ufundi na Kaimu Katibu Mkuu wa Shirikisho la Soka Tanzania (TFF).

CHAMOU KARABOUE AFUNGA BAO PEKEE TRA UNITED YAICHAPA KMC 1-0 MWENGE

2026-06-12T22:35:31.707+03:00

TIMU ya TRA United imeibuka na ushindi wa bao 1-0 dhidi ya wenyeji, KMC FC katika mchezo wa Ligi Kuu ya NBC Tanzania Bara usiku huu Uwanja wa KMC Complex, Mwenge, Dar es Salaam.
Pongezi kwa mfungaji wa bao hilo pekee, beki wa kati Muivory Coast, Chamou Karaboue dakika ya 13 na kwa ushindi huo, TRA United inafikisha pointi 40 katika mchezo wa 26 na kusogea nafasi ya tano.
Hali inazidi kuwa mbaya kwa KMC FC ikiendelea kushika mkia kwenye ligi ya timu 16 kwa kubaki na pointi zake tisa za mechi 26.
Ikumbukwe mwisho wa msimu timu mbili zitashuka Daraja moja kwa moja, wakati nyingine mbili zitakazomaliza nafasi ya 14 na 13 zitamenyana baina yao kwa mechi mbili za nyumbani na ugenini na mshindi wa jumla atasalia Ligi Kuu.
Timu itakayofungwa itakwenda kumenyana na timu kutoka Ligi ya Championship katika mechi nyingine mbili za mchujo nyumbani na ugenini na mshindi wa jumla ndiye atacheza Ligi Kuu msimu ujao.

AZAM FC YANG'ARA UGENINI, YAICHAPA FOUNTAIN GATE 2-0 ARUSHA

2026-06-12T19:11:19.301+03:00

TIMU ya Azam FC imeibuka na ushindi wa mabao 2-0 dhidi ya Fountain Gate FC katika mchezo wa Ligi Kuu ya NBC Tanzania Bara jioni ya leo Uwanja wa Sheikh Amri Abeid Jijini Arusha.
Mabao yote ya Azam FC leo yamefungwa na washambuliaji wake kutoka Jamhuri ya Kidemokrasia ya Kongo (DRC), Jean-Jacques Ngita Kamanga dakika ya 36 na Jephté Kitambala Bola dakika ya 63.
Kwa ushindi huo, Azam FC inafikisha pointi 55 katika mchezo wa 26, ingawa inabaki nafasi ya tatu nyuma ya Simba yenye pointi 58 na mabingwa watetezi, Yanga wenye pointi 60 kufuatia kucheza mechi 25.
Kwa upande wao Fountain Gate baada ya Korea’s mchezo huo inabaki na pointi zake 29 kufuatia kucheza mechi 26 ikibaki katika nafasi ya tisa kwenye ligi ya timu 16.
Ikumbukwe mwisho wa msimu timu mbili zitashuka Daraja moja kwa moja, wakati nyingine mbili zitakazomaliza nafasi ya 14 na 13 zitamenyana baina yao kwa mechi mbili za nyumbani na ugenini na mshindi wa jumla atasalia Ligi Kuu.
Timu itakayofungwa itakwenda kumenyana na timu kutoka Ligi ya Championship katika mechi nyingine mbili za mchujo nyumbani na ugenini na mshindi wa jumla ndiye atacheza Ligi Kuu msimu ujao.

COASTAL UNION YABANWA NYUMBANI, SAE 1-1 NA NAMUNGO MKWAKWANI

2026-06-12T19:09:04.166+03:00

WENYEJI, Coastal Union wamelazimishwa sare ya kufungana bao 1-1 na Namungo FC katika mchezo wa Ligi Kuu ya NBC Tanzania Bara jioni ya leo Uwanja wa Mkwakwani Jijini Tanga.
Robert Savilla alianza kuifungia Coastal Union dakika ya 37, kabla ya Geoffrey Luzindaze kuisawazishia Namungo FC dakika ya 62.
Kwa matokeo hayo, Coastal Union inafikisha pointi 29, ingawa inabaki nafasi ya 10 na Namungo FC inafikisha pointi 26 nayo inasalia nafasi ya 13 kwenye ligi ya timu 16 baada ya timu hizo zote kucheza mechi 26.
Ikumbukwe mwisho wa msimu timu mbili zitashuka Daraja moja kwa moja, wakati nyingine mbili zitakazomaliza nafasi ya 14 na 13 zitamenyana baina yao kwa mechi mbili za nyumbani na ugenini na mshindi wa jumla atasalia Ligi Kuu.
Timu itakayofungwa itakwenda kumenyana na timu kutoka Ligi ya Championship katika mechi nyingine mbili za mchujo nyumbani na ugenini na mshindi wa jumla ndiye atacheza Ligi Kuu msimu ujao.

KOREA KUSINI YAILAMBA JAMHURI YA CZECH 2-1 KOMBE LA DUNIA

2026-06-12T12:04:18.954+03:00

TIMU ya Korea Kusini imeibuka na ushindi wa 1-0 dhidi ya Jamhuri ya Czech katika mchezo wa Kundi A Fainali za Kombe la Dunia Alfajiri ya leo Uwanja wa Akron Jijini Zapopan, Jalisco nchini Mexico.
Mabao ya Korea Kusini yamefungwa na kiungo Hwang In-beom wa Feyenoord ya Uholanzi dakika ya 67 na mshambuliaji Oh Hyeon-gyu wa Beşiktaş ya Uturuki dakika ya 80, wakati bao pekee la Jamhuri ya Czech limefungwa na Nahodha wake, beki wa kati, Ladislav Krejcí anayecheza kwa mkopo Wolverhampton Wanderers ya England kutoka Girona ya Hispania dakika ya 59.
Ikumbukwe mechi ya kwanza ya kundi hilo usiku wa jana wenyeji, Mexico walianza vyema kwa ushindi wa mabao 2–0 dhidi ya Afrika Kusini katika mchezo wa Kundi A usiku wa kuamkia jana Uwanja wa Azteca Jijini Mexico City.
Katika mchezo huo uliohudhuriwa na mashabiki 80,824, mabao ya Mexico inayoandaa Fainali hizo kwa ushirikiano na majirani zake Canada na Marekani yalifungwa na winga wa Al-Qadsiah ya Saudi Arabia na Julián Andrés Quiñones Quiñones dakika ya tisa na mshambuliaji wa Wolverhampton Wanderers ya England, Raúl Alonso Jiménez Rodríguez dakika ya 67.
Wenyeji wengine, Canada watashuka Uwanja wa BMO Field Jijini Toronto kucheza mechi yao ya kwnza ya Kundi B dhidi ya Bosnia na Herzegovina kuanzia saa 4:00 usiku – wakati wenyeji wengine Marekani wao watatupa kete yao ya kwanza Kundi D kesho Saa 4:00 usiku watakapomenyana na Paraguay Uwanja wa SoFi Jijini Inglewood, Los Angeles County, California.

MEXICO YAANZA VYEMA KOMBE LA DUNIA, YAICHAPA AFRIKA KUSINI 2-0

2026-06-12T05:09:34.939+03:00

WENYEJI, Mexico wameanza vyema Fainali za Kombe la Dunia 2026 baada ya ushindi wa mabao 2–0 dhidi ya Afrika Kusini katika mchezo wa Kundi A usiku wa kuamkia jana Uwanja wa Azteca Jijini Mexico City.
Katika mchezo huo uliohudhuriwa na mashabiki 80,824, mabao ya Mexico inayoandaa Fainali hizo kwa ushirikiano na majirani zake Canada na Marekani yalifungwa na winga wa Al-Qadsiah ya Saudi Arabia na Julián Andrés Quiñones Quiñones dakika ya tisa na mshambuliaji wa Wolverhampton Wanderers ya England, Raúl Alonso Jiménez Rodríguez dakika ya 67.
Mechi nyingine ya kundi hilo itafuatia leo kuanzia Saa 11:00 Alfajiri kati ya Korea Kusini na Jamhuri ya Czech Uwanja wa Akron Jijini Zapopan.
Wenyeji wengine, Canada watashuka Uwanja wa BMO Field Jijini Toronto kucheza mechi yao ya kwnza ya Kundi B dhidi ya Bosnia na Herzegovina kuanzia saa 4:00 usiku – wakati wenyeji wengine Marekani wao watatupa kete yao ya kwanza Kundi D kesho Saa 4:00 usiku watakapomenyana na Paraguay Uwanja wa SoFi Jijini Inglewood, Los Angeles County, California.

PEREZ ACHAGULIWA TENA KWA KISHINDO KUENDELEA NA URAIS REAL MADRID

2026-06-08T05:54:26.160+03:00

MFANYABIASHARA na Bilionea, Florentino Pérez Rodríguez amechaguliwa tena tena kuwa Rais wa klabu ya Real Madrid katika uchaguzi uliofanyika jana ambao ni wa kwanza tangu mwaka 2006.
Perez ameshinda kwa asilimia 65 ya kura, huku Riquelme akichukua asilimia 35 ya jumla ya kura za wanachama 33,555 waliopiga kura katika uwanja wa mazoezi wa Real Valdebebas nje kidogo ya Madrid siku ya Jumapili.
Mpinzani wake, Enrique Riquelme, akikubali kushindwa.
"Tumepata matokeo ya pili bora katika historia ya [uchaguzi] wa Real Madrid," Pérez alisema. "Ni matokeo ya ajabu... Leo, Real Madrid imeshinda. Tumeonyesha mfano wa demokrasia kwa ulimwengu. Tutaendelea kufanya kazi kwa ajili ya Real Madrid ili kuendelea kushinda mataji... Nataka kuwashukuru kila mtu aliyeshiriki. Kwa pamoja, tuna historia nyingi iliyobaki ya kutengeneza."
Pérez, mwenye umri wa miaka 79, amekuwa rais wa Real Madrid tangu 2009, na kabla ya hapo kati ya 2000 na 2006.
Wakati wa urais wake, Madrid wameshinda mataji saba ya Ligi ya Mabingwa - hivi karibuni mwaka 2022 na 2024 - na mataji saba ya LaLiga.
Uchaguzi wa Jumapili ulifanyika baada ya kampeni ya wiki mbili iliyofuata uamuzi wa ghafla wa Pérez wa kuitisha uchaguzi, akitafuta uungwaji mkono kutoka kwa wanachama baada ya misimu miwili bila kombe kubwa.
Ulikuwa uchaguzi wa kwanza wenye ushindani ambao klabu hiyo ilikuwa imefanya katika miaka 20, huku Pérez akichaguliwa bila kupingwa mwaka 2009, 2013, 2017, 2021 na 2025.
Pérez tayari alikuwa ametangaza kurudi kwa José Mourinho kama kocha wa Madrid ikiwa atashinda uchaguzi wa Jumapili, pamoja na usajili wa Ibrahima Konaté na Denzel Dumfries, na ahadi ya kutoa zaidi ya €150 milioni Jumanne hii kwa usajili wa kushambulia wa "Galáctico" usiojulikana.
Mfanyabiashara Riquelme, mwenye umri wa miaka 37, alisema akichaguliwa atajaribu kumuajiri Jurgen Klopp kama kocha, na kuwasajili Erling Haaland na Rodri wa Manchester City.
Pérez alimshinda Lorenzo Sanz akigombea kwa mara ya kwanza Urais wa Real Madrid mwaka 2000, kutokana na ahadi ya kumsajili nyota wa Barcelona Luis Figo, baadaye Zinedine Zidane, Ronaldo Nazario na David Beckham, kabla ya timu kushindwa katika uchaguzi wa mwaka 2006 na Ramón Calderón.
Hata hivyo, mrithi wake, Ramón Calderón, alijiuzulu mwaka 2009 na Pérez akarejea kusimamia enzi ya dhahabu na ushindi wa Ligi ya Mabingwa mwaka wa 2014, 2016, 2017 na 2018.
Pérez amesema kwamba sasa anapanga kusimamia mabadiliko katika muundo wa umiliki wa klabu -- ambao ungetegemea kura ya wanachama wengine -- kuuza 5% kwa mwekezaji wa nje.
"Nataka kumpongeza Florentino Pérez kwa ushindi," Riquelme alisema, akizungumza nje ya makao makuu ya kampeni yake. "Pia nataka kuwashukuru wanachama wote waliosikiliza, na walijua umuhimu wa kupiga kura baada ya miaka 20, huku mstari wetu mwekundu, ukipinga uuzaji wa klabu... Tunajua kwamba Real Madrid haiuzwi."

KAGERA SUGAR NA GEITA GOLD ZAREJEA LIGI KUU YA NBC TANZANIA BARA

2026-06-07T19:26:07.872+03:00

TIMU za Geita Gold FC na Kagera Sugar FC zimefanikiwa kurejea Ligi Kuu ya NBC Tanzania Bara baada ya ushindi katika mechi zao za leo kila moja ikiwa nyumbani.
Kagera Sugar imeibuka na ushindi wa 3-0 dhidi ya Kengold ya Mbeya, mabao ya washambuliaji, Kassim Ibrahim Feka na Mzambia Obbrey Chola Zaninge Chirwa na beki, David Charles Luhende Uwanja wa Kaitaba mjini Bukoba mkoani Kagera.
Nayo Ken Gold imeichapa Songea United ya Ruvuma 3-1 Uwanja wa shule ya Sekondari ya Nyankumbu mjini Geita – mabao yake yakifungwa na kiungo Richardson Ngodya na mshambuliaji Maulid Shaaban Juma mawili,
Kwa matokeo, Kagera Sugar inafikisha pointi 71 na kuendelea kuongoza Ligi ya Championship, ikifuatiwa na Geita Gold iliyofikisha pointi 68 baada ya mechi 28 na zote zinajihakikishia kurejea Ligi Kuu zikiwa na mechi mbili mkononi.

NI SENEGAL MABINGWA WA AFCON U17, SERENGETI BOYS YAFA KWA MATUTA

2026-06-03T01:29:26.081+03:00

TIMU ya Senegal imefanikiwa kutwaa Kombe la Mataifa ya Afrika kwa vijana chini ya umri wa miaka 17(AFCON U17) baada ya ushindi wa penalti 4-2 dhidi ya Tanzania kufuatia sare ya kufungana bao 1-1 usiku huu Uwanja wa Moulay El Hassan Jijini Rabat nchini Morocco.
Kiungo Hamisi Chenga Mihambo alianza kuifungia Serengeti Boys dakika ya saba, kabla ya mshambuliaji Ibrahima Dione kuwasawazishia Young Lions of Teranga dakika ya 64, dakika mbili tu baada ya kuingia kuchukua nafasi ya Cheikh Omar Sy.
Katika mikwaju ya penalti leo haikuwa siku nzuri kwa chipukizi wa Kitanzania, mabeki Idrisa Kasim Kilendemo akipiga juu na Hussein Ally Mbegu yake ikiokolewa na kipa
Serigne Diouf anayefahamika zaidi kwa jina la Assane Sarr.
Waliofunga penalti za Simba Wadogo wa Teranga ni Souleymane Commissaire Faye, Émile Niaga Sadio, Ibrahima Dione na Cheikh Thior huku za Serengeti Boys zikifungwa na Elick Shaban Yusuph na Razaki Juma Mbegelend pekee.
Pamoja na kukosa Kombe, huu umekuwa mwaka mzuri kw Tanzania katika ushiriki wake wa michuano ya U17 ya wavulana kihistoria, ikiweka rekodi ya kufika Fainali baada ya kuvuka hatua ya makundi kwa mara ya kwanza sambamba na kufuzu Kombe la Dunia.
Mafanikio hayo yanakuja Tanzania ikishiriki kwa kwa mara ya tatu AFCON U17 baada ya mwaka 2017 nchini Gabon na 2019 nyumbani, Tanzania ambako mara zote walitolewa katika hatua ya makundi.

NI SIMBA QUEENS MABINGWA LIGI YA WANAWAKE TZ BARA

2026-05-31T22:15:16.935+03:00

TIMU ya Simba Queens imefanikiwa kutwaa ubingwa wa Ligi Kuu ya Soka ya Wanawake Tanzania Bara baada ya ushindi wa mabao 5-2 dhidi ya Mashujaa Queens jioni ya leo Uwanja wa KMC Complex, Mwenge, Dar es Salaam.
Kwa ushindi huo, Simba Queens inafikisha pointi 56 na kujihakikishia ubingwa wa Ligi Kuu ya Wanawake Tanzania Bara ikiwa imebakiza mechi moja – kwani wapinzani, Yanga Princess na JKT Queens wote hawawezi kufikisha idadi hiyo ya pointi.
Hiyo inakuwa mara ya tano kwa Simba SC kutwaa ubingwa wa Ligi Kuu ya Wanawake Tanzania Bara na kuendelea kuwa timu hiyo iliyochukua mara nyingi zaidi taji hilo, ikifuatiwa na JKT Queens iliyobeba mataji hayo mara nne.
Timu nyingine iliyowahi kutwa ubingwa wa Ligi Kuu ya Wanawake Tanzania Bara ni Mlandizi Queens ambao walikuwa mabingwa wa kwanza msimu wa 2016 – 2017.
MABINGWA LIGI YA WANAWAKE
2025 – 2026: Simba Queens
2024 – 2025: JKT Queens
2023 – 2024: Simba Queens
2022 – 2023: JKT QUEENS
2021 – 2022: Simba Queens
2020 – 2021: Simba Queens
2019 – 2020: Simba Queens
2018 – 2019: JKT Queens
2017 – 2018: JKT Queens
2016 – 2017: Mlandizi Queens

NI PSG MABINGWA TENA LIGI YA MABINGWA ULAYA, ARSENAL 'YAFA KIUME'

2026-05-30T22:56:32.917+03:00

TIMU ya Paris Saint-Germain ya Ufaransa imefanikiwa kutwaa taji la Ligi ya Mabingwa Ulaya, maarufu kama UEFA Champions League baada ya ushindi wa penalti 4-3 dhidi ya Arsenal ya England kufuatia sare ya kufungana bao 1-1 ndani ya dakika 120 usiku huu Uwanja wa Puskás Aréna Jijini Budapest nchini Hungary.
Haukuwa ushindi mwepesi kwa ‘Wana Paris’, kwani walilazimika kutoka nyuma baada ya kiungo mshambuliaji wa Kimataifa wa Ujerumani, Kai Lukas Havertz kuanza kuwafungia Washika Bunduki wa London dakika ya sita ya mchezo huo – kabla ya kiungo mwingine mshambuliaji, Mfaransa Masour Ousmane Dembélé mwenye asili ya Afrika kuwasawazishia kwa mkwaju wa penalti dakika ya 65.
Dembele anazaliwa na baba kutoka Mali na mama kutoka Waly Diantang, Kijiji kilichopo mkoa wa Gorgol, Kusini mwa Mauritania, jirani na Mto Senegal.
Waliofunga penalti za PSG ni mshambuliaji Mreno Gonçalo Matias Ramos, kiungo mshambuliaji Mfaransa Désiré Nonka-Maho Doué mwenye asili ya Ivory Coast na mabeki Mmorocco Achraf Hakimi Mouh na Mbrazil Lucas Lopes Beraldo, huku beki mwingine, Mreno Nuno Alexandre Tavares Mendes mwenye asili ya Cape Verde pekee akikosa.
Waliofunga penalti za Arsenal ni washambuliaji Msweden, Viktor Einar Gyökeres, Muingereza, Declan Rice na Mbrazil Gabriel Teodoro Martinelli Silva huku kiungo Muingereza, Eberechi ‘Ebere’ Oluchi Eze mwenye asili ya Nigeria na beki Mreno, Gabriel dos Santos Magalhaes wote wakikosa.
Hilo linakuwa taji la pili kihistoria la UEFA Champions League kwa Paris Saint-Germain – wakichukua mfululizo na mafanikio yote wakipata chini ya kocha Mspaniola, Luis Enrique Martínez García.

TANZANIA YATINGA FAINALI AFCON U17, YAITOA MISRI KWA MATUTA

2026-05-28T21:39:43.816+03:00

TANZANIA imefanikiwa kwenda Fainali ya Kombe la Mataifa ya Afrika kwa vijana chini ya umri wa miaka 17(AFCON U17) baada ya ushindi wa penalti 4-3 dhidi ya Misri kufuatia sare ya bila kufungana usiku huu Uwanja wa Moulay El Hassan Jijini Rabat nchini Morocco.
Pongezi kwa kipa wa Serengeti Boys, Haji Ally Abdallah aliyeokoa mikwaju ya penalti ya Abdullah Amr na Mohamed Nour – huku za Abdelaziz Khaled Shabaan Said, Amir Abu El Ezz na Mohamed Gamal pekee wakifanikiwa kumtungua mlinda mlango huyo hodari wa Tanzania.
Waliofunga penalti za Tanzania ni Luqman Mbalasalu, Kassim Juma, Idrisa Kilendemo na Erick Yusuph huku ya Razaki Mbegelendi ikiokolewa na kipa wa Mafarao Wadogo, Malik Amr.
Tanzania sasa inasubiri mshindi wa Nusu Fainali ya pili kati ya wenyeji, Morocco na Senegal zinazomenyana muda huu hapo hapo Uwanja wa Moulay El Hassan ikutane naye katika Fainali Juni 2.
Huu unakuwa mwaka mzuri kwa Serengeti Boys kwa Tanzania katika ushiriki wake wa michuano ya U17 ya wavulana, ikiweka rekodi nyingine ya kwenda Fainali baada ya kuvuka hatua ya makundi kwa mara ya kwanza sambamba na kufuzu Kombe la Dunia.
Mafanikio hayo yanakuja Tanzania ikishiriki kwa kwa mara ya tatu AFCON U17 baada ya mwaka 2017 nchini Gabon na 2019 nyumbani, Tanzania ambako mara zote walitolewa katika hatua ya makundi.

SINGIDA BLACK STARS YANGA'RA NYUMBANI, YAIBAMIZA MBEYA CITY 4-1

2026-05-26T18:41:10.691+03:00

TIMU ya Singida Black Stars imeibuka na ushindi wa mabao 4-1 dhidi ya Mbeya City katika mchezo wa Ligi Kuu ya NBC Tanzania Bara jioni ya leo Uwanja wa Airtel Mwigulu mjini Singida.
Mabao ya Singida Black Stars yamefungwa na beki wa kulia Muivory Coast, Ande Koffi Habib Cirille dakika ya 16, mshambuliaji Mkongo, Malanga Horso Mwaku dakika ya 17, kiungo Mganda Khalid Aucho dakika ya 82 kwa penalty na winga Mrundi, Mossi Nduwumwe dakika ya 88 baada ya kiungo Morice Ugochukwu Chukwu kujifunga dakika ya tatu kuipatia Mbeya City bao la kuongoza.
Kwa ushindi huo, Singida Black Stars imefikisha pointi 41 ingawa inabaki nafasi ya nne, wakati Mbeya City inabaki na pointi zake 22 nafasi ya 14 baada ya timu hizo mbili kucheza mechi 25 kwenye ligi ya timu 16.
Ikumbukwe mwisho wa msimu timu mbili zitashuka Daraja moja kwa moja, wakati nyingine mbili zitakazomaliza nafasi ya 14 na 13 zitamenyana baina yao kwa mechi mbili za nyumbani na ugenini na mshindi wa jumla atasalia Ligi Kuu.
Timu itakayofungwa itakwenda kumenyana na timu kutoka Ligi ya Championship katika mechi nyingine mbili za mchujo nyumbani na ugenini na mshindi wa jumla ndiye atacheza Ligi Kuu msimu ujao.

TANZANIA PRISONS YAIAZA PAMBA 3-2 PALE PALE KIRUMBA

2026-05-26T17:39:46.281+03:00

TIMU ya Tanzania Prisons imeibuka na ushindi wa ugenini wa mabao 3-2 dhidi ya wenyeji, Pamba Jiji FC katika mchezo wa Ligi Kuu ya NBC Tanzania Bara jioni ya leo Uwanja wa CCM Kirumba Jijini Mwanza.
Mabao ya Tanzania Prisons yamefungwa na winga Haroun Athumani Chanongo dakika ya 45’+1 na washambuliaji George Enock Mpole Mwaigomole dakika ya 78 kwa penalti na Oscar Paul Mwajanga dakika ya 90’+4.
Kwa upande wao wenyeji, Pamba Jiji FC mabao yote yamefungwa na mshambuliaji wa Kimataifa wa Kenya, Mathew Tegisi Momanyi dakika ya 68 na 72.
Kwa ushindi huo, Tanzania Prisons inafikisha pointi 20, ingawa inabaki nafasi ya 15 kwenye ligi ya timu 16 mbele ya KMC FC yenye pointi tisa baada ya timu zote hizo kucheza mechi 25.
Kwa upande wa Pamba Jiji FC baada ya kupoteza mchezo huo wa nyumbani wanabaki na pointi zao 33 nafasi ya saba sawa na Dodoma Jiji FC hata kwa wastani wa mabao.
Ikumbukwe mwisho wa msimu timu mbili zitashuka Daraja moja kwa moja, wakati nyingine mbili zitakazomaliza nafasi ya 14 na 13 zitamenyana baina yao kwa mechi mbili za nyumbani na ugenini na mshindi wa jumla atasalia Ligi Kuu.
Timu itakayofungwa itakwenda kumenyana na timu kutoka Ligi ya Championship katika mechi nyingine mbili za mchujo nyumbani na ugenini na mshindi wa jumla ndiye atacheza Ligi Kuu msimu ujao.

FEISAL NAYE APIGA MBILI AZAM YAITANDIKA KMC 3-0 CHAMAZI

2026-05-25T23:14:34.505+03:00

TIMU ya Azam FC imeibuka na ushindi wa mabao 3-0 dhidi ya KMC katika mchezo wa Ligi Kuu ya NBC Tanzania Bara usiku huu Uwanja wa Azam Complex, Chamazi, Dar es Salaam.
Ilikuwa siku nyingine nzuri kwa nyota wa timu hiyo, kiungo mshambuliaji wa Kimataifa wa Tanzania, Feisal Salum Abdallah aliyefunga mabao mawili dakika ya tatu na 16, huku bao lingine likifungwa na beki wa kati wa Kimataifa wa Mali, Yoro Mamadou Diaby dakika ya 34.
Kwa ushindi huo, Azam FC inafikisha pointi 52, ingawa inabaki nafasi ya tatu nyuma ya mabingwa watetezi, Yanga SC wanaoongoza kwa pointi zao 60 wakifuatiwa na vigogo wenzao, Simba SC wenye pointi 58 baada ya timu hizo zote tatu kucheza mechi 25.
Hali inazidi kuwa mbaya kabisa kwa KMC kufuatia kupoteza mchezo huo, wakibaki na pointi zao tisa baada ya kucheza mechi 25 pia hivyo kuendelea kushika mkia kwenye Ligi Kuu inayoshirikisha timu 16.
Ikumbukwe mwisho wa msimu timu mbili zitashuka Daraja moja kwa moja, wakati nyingine mbili zitakazomaliza nafasi ya 14 na 13 zitamenyana baina yao kwa mechi mbili za nyumbani na ugenini na mshindi wa jumla atasalia Ligi Kuu.
Timu itakayofungwa itakwenda kumenyana na timu kutoka Ligi ya Championship katika mechi nyingine mbili za mchujo nyumbani na ugenini na mshindi wa jumla ndiye atacheza Ligi Kuu msimu ujao.

OKELLO APIGA MBILI TENA YANGA YAIBAMIZA NAMUNGO FC 3-1 MWENGE

2026-05-25T20:37:32.291+03:00

MABINGWA watetezi, Yanga SC wamerejea kileleni mwa Ligi Kuu ya NBC Tanzania Bara kufuatia ushindi wa mabao 3-1 dhidi ya Namungo FC usiku huu Uwanja wa KMC Complex, Mwenge, Dar es Salaam.
Pongezi kwa kiungo wa Kimataifa wa Uganda, Allan Jolly Okello ‘Star Boy’ aliyefunga mabao mawili dakika ya 53 na 84 kufuatia kiungo wa Kimataifa wa Kenya, Duke Ooga Abuya kufunga la kwanza dakika ya 26 – huku bao la Namungo FC likifungwa winga mzawa, Hassan Salum Kabunda dakika ya 39.
Kwa ushindi huo, Yanga SC inafikisha pointi 60 na kurejea kileleni mwa Ligi Kuu ikiwazidi pointi mbili watani wao, Simbna SC baada ya timu zote kucheza mechi 25 sasa.
Kwa upande wao Namungo FC baada ya kupoteza mchezo wa leo wanabaki na pointi zao 25 baada ya kucheza mechi 25 kadhalika wakiwa katika nafasi ya 13 kwenye ligi ya timu 16.
Ikumbukwe mwisho wa msimu timu mbili zitashuka Daraja moja kwa moja, wakati nyingine mbili zitakazomaliza nafasi ya 14 na 13 zitamenyana baina yao kwa mechi mbili za nyumbani na ugenini na mshindi wa jumla atasalia Ligi Kuu.
Timu itakayofungwa itakwenda kumenyana na timu kutoka Ligi ya Championship katika mechi nyingine mbili za mchujo nyumbani na ugenini na mshindi wa jumla ndiye atacheza Ligi Kuu msimu ujao.