BIN ZUBEIRY SPORTS — ONLINE

MBAPPE AFUNGA UFARANSA YAITOA PARAGUAY KOMBE LA DUNIA

2026-07-05T04:45:38.098+03:00

UFARANSA imefanikiwa kwenda Robo Fainali ya Kombe la Dunia baada ya ushindi wa bao 1-0 dhidi ya usiku wa kuamkia leo Uwanja wa Paraguay Lincoln Financial Field Jijini Philadelphia, Pennsylvania nchini Marekani.

Pongezi kwa mfungaji wa bao hilo pekee, mshambuliaji wa Real Madrid ya Hispania, Kylian Mbappé Lottin kwenye asili ya Cameroon aliyefunga kwa mkwaju wa penalti dakika ya 70.

Sasa Ufaransa watakutana na Morocco katika Robo Fainali Julai 9 Uwanja wa Gillette Jijini Foxborough, Massachusetts, Marekani.

MOROCCO YAWACHAPA CANADA 3-0 NA KUTINGA ROBO FAINALI KOMBE LA DUNIA

2026-07-04T22:34:22.767+03:00

TIMU ya Morocco imeendelea kuliwakilisha vyema Bara la Afrika katika michuano ya Kombe la Dunia baada ya kufanikiwa kwenda Hatua ya Robo Fainali kufuatia ushindi wa mabao 3-0 dhidi ya wenyeji wenza, Canada usiku huu katika mchezo wa Hatua ya 16 Bora Uwanja wa NRG Jijini Houston, Texas nchini Marekani.

Baada ya dakika 45 ngumu za kipindi cha kwanza – kiungo wa Girona ya Hispania, Azzedine Ounahi alifunga mabao mawili dakika ya 50 na 82, kabla ya mshambuliaji wa Al Ain ya Falme za Kiarabu (UAE), Soufiane Rahimi kufunga la tatu dakika ya 90’+8.

Ushindi huo unamaanisha Morocco inakuwa nchi ya kwanza ya Afrika kuingia Robo Fainali ya Kombe la Dunia mara mbili, tena mfululizo na sasa itakutana na mshindi kati ya Paraguay na Ufaransa zinanzomenyana baadaye usiku huu.

Ikumbukwe Morocco pia ndio wanashikilia rekodi ya timu ya Afrika iliyowahi kufika mbali zaidi kwenye michuano hiyo, Nusu Fainali hatua ambayo walifika katika Fainali zilizopita zilizofanyika nchini Qatar mwaka 2022.

NI SIMBA SC WASHINDI WA KOMBE LA CRDB, AZAM YALALA 1-0 PEMBA

2026-07-04T19:18:33.220+03:00

TIMU ya Simba SC imefanikiwa kutwaa Kombe la Shirikisho la Soka Tanzania (TFF), michuano inayodhaminiwa na Benki ya CRDB baada ya ushindi wa bao 1-0 dhidi ya Azam FC jioni ya leo Uwanja wa Gombani kisiwani Pemba.
Ilikuwa siku mbaya kwa kiungo Yayha Zayd Omar aliyejifunga dakika ya 61 akijaribu kuokoa mpira wa adhabu uliopigwa na winga Elie Mpanzu Kibisawala, raia wa Jamhuri ya Kidemokrasia ya Kongo (DRC).
Ikawa siku mbaya zaidi kwa Azam FC baada ya kiungo wake tegemeo, Feisal Salum Abdallah kutolewa kwa kadi nyekundu ya moja kwa moja dakika ya baada ya purukushani ya kawaida na winga Msenegal, Libasse Guèye.

COLOMBIA YAICHAPA GHANA 1-0 NA KUSONGA MBELE KOMBE LA DUNIA

2026-07-04T09:04:02.736+03:00

TIMU ya Colombia imefanikiwa kwenda Hatua ya 16 Bora Fainali za Kombe la Dunia baada ya ushindi wa bao 1–0 dhidi ya Ghana Asubuhi ya leo Uwanja wa Arrowhead Jijini Kansas City, Missouri, Marekani.
Bao pekee lilliloipa ushindi Colombia limefungwa na kiungo mshambuliaji wa Palmeiras ya Brazil, Jhon Adolfo Arias Andrade aliyefundishwa soka katika akademi za Dorados na Tijuana nchini Mexicio – ambaye alifunga dakika ya 14.
Colombia inakamilisha idadi ya timu 16 za hatua inayofuata ya Fainali za Kombe la Dunia za mwaka huu zinazoandaliwa kwa pamoja na mataifa ya Canada, Marekani na Mexico.
Nyingine ni Argentina, Canada, Morocco, Paraguay, Ufaransa, Brazil, Norway, Mexico, England, Ureno, Hispania, Marekani, Ubelgiji, Misri na Uswisi.

HATUA YA 16 BORA

July 4, 2026

12:00 p.m. UTC−5

Canada	Match 90	Morocco
	^{[Report 89]}

NRG Stadium, Houston

Referee: Michael Oliver (England)

July 4, 2026

5:00 p.m. UTC−4

Paraguay	Match 89	France
	^{[Report 90]}

Lincoln Financial Field, Philadelphia

Referee: Ilgiz Tantashev (Uzbekistan)

July 5, 2026

4:00 p.m. UTC−4

Brazil	Match 91	Norway
	^{[Report 91]}

MetLife Stadium, East Rutherford

Referee: Ismail Elfath (United States)

July 5, 2026

6:00 p.m. UTC−6

Mexico	Match 92	England
	^{[Report 92]}

Estadio Azteca, Mexico City

Referee: Alireza Faghani (Australia)

July 6, 2026

2:00 p.m. UTC−5

Portugal	Match 93	Spain
	^{[Report 93]}

AT&T Stadium, Arlington

July 6, 2026

5:00 p.m. UTC−7

United States	Match 94	Belgium
	^{[Report 94]}

Lumen Field, Seattle

July 7, 2026

12:00 p.m. UTC−4

Argentina	Match 95	Egypt
	^{[Report 95]}

Mercedes-Benz Stadium, Atlanta

July 7, 2026

1:00 p.m. UTC−7

Switzerland	Match 96	Colombia
	^{[Report 96]}

BC Place, Vancouver

ARGENTINA YAING’OA CAPE VERDE KWA MBINDE, YAILAZA 3-2 ‘EXTRA TIMES’

2026-07-04T04:43:21.968+03:00

TIMU ya Argentina imefanikiwa kwenda Hatua ya 16 Bora Fainali za Kombe la Dunia baada ya ushindi wa mabao 3-2 dhidi ya Cape Verde katika mchezo uliodumu kwa dakika 120 usiku wa kuamkia leo Uwanja wa Hard Rock Jijini Miami Gardens, Florida nchini Marekani.
Mabao ya Argentina yamefugwa na mshambuliaji wa Inter Miami ya Marekani, Lionel Andrés "Leo" Messi dakika ya 29 na mabeki wa kati, Lisandro Martínez wa Manchester United ya England dakika ya 92 na Edilson Alberto Monteiro Sanches Borges wa Al Bataeh ya Falme za Kiarabu (UAE) aliyejifunga dakika ya 111.
Kwa upande wao Cape Verde mabao yao yamefungwa na wachezaji wake waliozaliwa Uholanzi, kiungo wa Ludogorets Razgrad ya Bulgaria, Deroy d'Encarnação Duarte mzaliwa wa Uholanzi dakika ya 59 na beki wa pembeni wa Trabzonspor ya Uturuki, Sidny Lopes Cabral dakika ya 103.

MISRI YAITOA KWA MATUTA AUSTRALIA NA KUTINGA 16 BORA KOMBE LA DUNIA

2026-07-04T00:46:56.849+03:00

TIMU ya Misri imefanikiwa kutinga Hatua ya 16 Bora Fainali za Kombe la Dunia baada ya ushindi wa penalti 4-2 kufuatia sare ya kufungana bao 1-1 na Australia ndani ya dakika 120 usiku huu Uwanja wa AT&T Jijijni Arlington, Texas, nchini Marekani.
Mabao yote yamefungwa na wachezaji wa Al Ahly ya Cairo, kiungo Emam Ashour Metwally Abdel Ghany akianza kuifungia Misri dakika ya 13, kabla ya beki wa kulia, Mohamed Hany Gamal El-Demerdash kujifunga dakika ya 55 kuipatia Australia bao la kusawazisha.
Katika mikwaju ya penalti waliofunga za Mafarao wa Misri ni kiungo Mahmoud Saber Abdelmohsen Hassan Abdelmohsen anayecheza kwa mkopo ZED kutoka Pyramids zote za kwao, beki Ramy Hisham Abdel Aziz Mostafa Rabia wa Al Ain ya Falme za Kiarabu (UAE), aliyekuwa mshambuliaji wa Liverpool, Mohamed Salah Hamed Mahrous Ghaly na beki wa Zamalek ya Cairo, Hossam Abdelmageed Abdelsalam Abdelmegeed.
Upande wa Australia mabeki Harry James Souttar wa Leicester City ya England mzaliwa wa Scotland na pacha wake, Lucas Herrington wa Colorado Rapids ya Marekani mwenye asili ya Zimbabwe wote walipiga juu ya lango.
Waliofunga penalty za Kangaroo ni kiungo wa FC St. Pauli ya Ujerumani, Jackson Alexander Irvine na winga wa CD Castellón ya Hispania, Awer Bul Mabil aliyezaliwa kwenye kambi ya Wakimbizi nchini Kenya, wazazi wake wakitokea Sudan Kusini.

USWISI YAICHAPA ALGERIA 2-0 NA KUITUPA NJE KOMBE LA DUNIA

2026-07-03T08:38:00.807+03:00

TIMU ya Uswisi imefanikiwa kwenda Hatua ya 16 Bora Fainali za Kombe la Dunia baada ya ushindi wa mabao 2-0 dhidi ya Algeria Asubuhi ya leo Uwanja wa BC Place Jijini Vancouver nchini Canada.
Mabao ya Uswisi yamefungwa na mshambuliaji wa Rennes ya Ufaransa, Breel Donald Embolo mwenye asili ya Cameroon dakika ya 10 na winga wa Nottingham Forest, Dan Assane Ndoye mwenye asili ya Senegal dakika ya 46.

RONALDO AFUNGA URENO YAITOA URENO NA KUTINGA 16 BORA KOMBE LA DUNIA

2026-07-03T05:43:51.933+03:00

TIMU ya Ureno imefanikiwa kuingia Hatua ya 16 Bora Fainali za Kombe la Dunia baada ya ushindi wa mabao 2-1 dhidi ya Croatia Alfajiti ya leo Uwanja wa BMO Field Jijini Toronto nchini Canada.
Mabao ya Ureno yamefumgwa na washambuliaji, Cristiano Ronaldo dos Santos Aveiro wa Al-Nassr ya Saudi Arabia kwa penalti dakika ya 68 na Gonçalo Matias Ramos wa AC Milan dakika ya 90’+4, wakati bao pekee la Croatia limefungwa na winga wa PSV Eindhoven ya Uholanzi, Ivan Perisic dakika ya 53.

OYARZABAL APIGA MBILI HISPANIA YAICHAPA AUSTRIA 3-0 KOMBE LA DUNIA

2026-07-03T00:54:44.298+03:00

HISPANIA imeitupa nje Austria kwa kuichapa ambao 3-0 katika mchezo wa Hatua ya 32 Bora Fainali za Kombe la Dunia usiku huu Uwanja wa SoFi Jijini Inglewood, Kaskazini Magharibi mwa Los Angeles, California nchini Marekani.
Mabao ya Hispania yamefungwa na mshambuliaji wa Real Sociedad ya nyumbani, Mikel Oyarzabal Ugarte mawili dakika ya 36 na 89 na beki wa kulia wa club Tottenham Hotspur ya England, Pedro Antonio Porro Sauceda dakika ya 66.

MAREKANI YASHINDA 2-0 NA KUTINGA HATUA YA 16 BORA KOMBE LA DUNIA

2026-07-02T07:17:38.492+03:00

WENYEJI, Marekani wamefanikiwa kwenda Hatua ya 16 Bora Fainali za Kombe la Dunia baada ya ushindi wa mabao 2-0 dhidi ya Bosnia & Herzegovina Alfajiri ya leo Uwanja wa Levi's, Santa Clara, California, Marekani.
Mabao ya USA yamefungwa na mshambuliaji wa Monaco ya Ufaransa, Folarin Jerry Balogun mwenye asili ya Nigeria dakika ya 45 na kiungo Malik Leon Tillman wa Bayer Leverkusen ya Ujerumani anakotokea mama yake dakika ya 82.

WACHEZAJI WA KONGO WAISAIDIA UBELGIJI KUITOA SENEGAL KOMBE LA DUNIA

2026-07-02T07:11:02.947+03:00

UBELGIJI imetoka nyuma na kushinda mabao 3-2 dhidi ya Senegal katika mchezo wa Hatua ya 32 Bora Fainali za Kombe la Dunia usiku wa kuamkia leo katika mchezo uliodumu kwa dakika 120 kufuatia timu hizo kufungana 2-2 ndani ya dakika 90 Uwanja wa Lumen Field, Seattle, Washington, Marekani.
Senegal ilitangulia kwa mabao ya nyota wake wanaocheza England, kiungo Mouhamadou Habib Mbacke Diarra wa Sunderland dakika ya 25 na na mshambuliaji Ismaïla Sarr wa Crystal Palace dakika ya 51.
Lakini Ubelgiiji ikatoka nyuma kwa mabao ya wachezaji wake wenye asili ya Jamhuri ya Kidemokrasia ya Kongo (DRC), mshambuliaji wa Napoli ya Italia, Romelu Lukaku Bolingoli dakika ya 86 na kiungo wa Aston Villa ya England, Youri Marion Achiel Tielemans mawili dakika ya 89 na la penalti dakika ya 120’+5.

ENGLAND YATOKA NYUMA NA KUICHAPA DRC 2-1 KOMBE LA DUNIA

2026-07-01T22:59:13.857+03:00

TIMU ya England imefanikiwa kutinga Hatua ya 16 Bora Fainali za Kombe la Dunia baada ya kutoka nyuma na kuichapa Jamhuri ya Kidemokrasia ya Kongo (DRC) Macao 2-1 usiku huu Uwanja wa Mercedes-Benz Jijini Atlanta, Georgia nchini Marekani.
Winga wa kushoto wa UD Almería ya Hispania, Brian Kibambe Cipenga alianza kuifungia DRC dakika ya saba, kabla ya mshambuliaji wa Bayern Munich, Harry Edward Kane kuisawazidhia England dakika ya 75 na kufunga la pili dakika ya 86.

GHALIB NA HERSI WAENDA KUMJULIA HALI NA KUMPA POLE PACOME HOSPITALI

2026-07-01T18:34:43.262+03:00

MFADHILI na Mdhamini wa klabu ya Yanga, Bilionea Ghalin Said Mohamed amemtembelea kumjulia hali na kumpa pole kiungo Muivory Coast, Peodoh Pacome Zouzoua aliyeumia jana kwenye mchezo wa Ligi Kuu ya NBC Tanzania Bara, dhidi ya wenyeji, JKT Tanzania Uwanja wa Meja Jenerali Charles Isamuhyo, Mbweni, Dar es Salaam.
Pamoja na Ghalib, viongozi wa Yanga wakiongozwa na Rais, Hersi Ally Said, wachezaji wenzake, na wa klabu nyingine akiwemo Kocha Mkuu wa Azam FC, Jean-Florent Ikwange Ibengé raia wa Jamhuri ya Kidemokrasia ya Kongo (DRC) pia wamemtembelea mchezaji huyo kumpa pole na kuomuombea apone mapema.
Pacome anaweza kuwa nje ya Uwanja kwa muda wiki sizizopungua sita kuangalia hali yake baada ya kuumia goti jana kwenye mchezo huo ambao Yanga SC ilishinda mabao 3-0 na kutwaa ubingw awa ligi hiyo kwa mara ya tano mfululizo.
Hiyo ni baada ya Pacome kufanyiwa upasuaji usiku wa jana kwenye hospitali ya Aga Khan kufuatia kuumia goti alipogongana na kiungo wa JKT Tanzania, Hassan Wahabi mwishoni mwa kipindi cha kwanza – na kukimbizwa hospitali moja kwa moja.
Afisa habari wa Yanga, Ally Shaaban Kamwe amesema baada ya wiki hizo atafanyia uchunguzi mwingine ili kujua tena mustakabali wa maumivu yake.

“Siku ya jana, Pacome alipata jeraha kubwa lililohitaji matibabu ya haraka. Baada ya tathmini iliyofanywa na jopo la madaktari wa Klabu kwa kushirikiana na madaktari wa Hospitali ya Agha Khan, ilikubaliwa afanyiwe upasuaji,” amesema Kamwe na kuongeza.
“Majira ya saa nane usiku, upasuaji huo ulifanyika na kukamilika kwa mafanikio. Kwa sasa, Pacome atakuwa chini ya uangalizi wa karibu kwa kipindi cha wiki sita, ambapo baada ya hapo tathmini nyingine itafanyika ili kubaini muda atakaohitaji kabla ya kurejea uwanjani,”.
Uongozi wa JKT Tanzania na mchezaji Hassan Wahabi wamemtembelea Pacome hospitalini kumpa pole baada ya tukio la jana katika mchezo wa kuhitimisha msimu wa Ligi Kuu.

MEXICO YAICHAPA ECUADOR 2-0 NA KUTINGA 16 BORA KOMBE LA DUNIA

2026-07-01T07:16:47.989+03:00

TIMU ya Mexico imefanikiwa kwenda Hatua ya 16 Bora Fainali za Kombe la Dunia baada ya ushindi wa mabao 2-0 dhidi ya Ecuador Asubuhi hii Uwanja wa Azteca Jijini Mexico City nchini Mexico.
Mabao ya Mexico yamefungwa na winga wa Al-Qadsiah ya Saudi Arabia, mzaliwa wa Colombia Julián Andrés Quiñones Quiñones dakika ya 22 na mshambuliaji wa Wolverhampton Wanderers ya England, Raúl Alonso Jiménez Rodríguez dakika ya 31.

MBAPPE APIGA MBILI UFARANSA YAITUPA NJE SWEDEN KOMBE LA DUNIA

2026-07-01T07:03:43.148+03:00

TIMU ya Ufaransa imefanikiwa kwenda Hatua ya 16 Bora Fainali za Kombe la Dunia baada ya ushindi wa mabao 3-0 dhidi ya Sweden usiku wa jana Uwanja wa MetLife mjini East Rutherford, Bergen County, New Jersey, Marekani.
Mabao ya Les Bleus yamefungwa na washambuliaji, Kylian Mbappé Lottin wa Real Madrid ya Hispania mwenye asili ya Cameroon, mawili dakika ya 45 na 74 na Bradley Jean-Manuel Essolisam Addo wa Paris Saint-Germain ya kwao, mwenye asili ya Togo dakika ya 53.

NORWAY YAICHAPA IVORY COAST 2-1 NA KUSONGA MBELE KOMBE LA DUNIA

2026-06-30T22:50:13.371+03:00

TIMU ya Norway imefanikiwa kwenda Hatua ya 16 Bora Fainali za Kombe la Dunia baada ya ushindi wa mabao 2-1 dhidi ya Ivory Coast usiku wa leo Uwanja wa AT&T mjini Arlington, Texas nchini Marekani.
Mabao ya Norway ‘The Vikings’ yamefungwa na winga wa RB Leipzig ya ujerumani, Antonio Eromonsele Nordby Nusa dakika ya 39 na mshabuliaji wa Manchester City, Erling Braut Haaland dakika ya 86, huku bao pekee la Ivory Coast ‘Tembo’ likifungwa na winga Amad Diallo wa Manchester United, zote za England dakika ya 74.

MOSSI NDUWUMWE NDIYE MFUNGAJI BORA LIGI KUU 2025-2026

2026-06-30T22:44:01.743+03:00

KIUNGO mshambuliaji wa Kimataifa wa Burundi, Mossi Nduwumwe ameibuka Mfungaji Bora wa Ligi Kuu ya NBC Tanzania Bara baada ya kumaliza msimu na mabao 16, moja zaidi ya mzawa, Feisal Salum Abdallah wa Azam FC.
Mossi ametokea nyuma kumpiku Feisal aliyekuwa anaongoza baada ya kufunga matatu dakika ya tisa, 12 na 86, ingawa timu yake, Singida Black Stars imefungwa 4-3 na wenyeji, Fountain Gate FC jioni ya leo Uwanja wa Sheikh Amri Abeid Jijini Arusha.
Kwenye mchezo huo, mabao ya Fountain Gate FC yamefungwa na Wanigeria, kiungo Henry David dakika ya tano, mshambuliaji Obasi MacDonald Chukwunonye dakika ya 26 na mshambuliaji chipukizi, Hashimu Omary Kindemile aliyefunga mawili dakika ya 66 na 67.
Mganda Allan Jolly Okello ‘Star Boy’ wa Yanga SC amemaliza na mabao 14 mbele ya washambuliaji Fabrice Ngoy wa Namungo FC, raia wa Jamhuri ya Kidemokrasia ya Kongo (DRC) na Mkenya Mathew Tegisi Momanyi wa Pamba Jiji ambao kila mmoja amefunga mabao 11.
Mossi anaingia kwenye orodha ya wachezaji wa Burundi waliowahi kuwa Wafungaji Bora wa Ligi Kuu ya Tanznaia Bara – akiwemo Didier Kavumbagu msimu wa 2013–2014 alipofungana na mchezaji mwenzake wa Yanga, Mzimbabwe Donald Dombo Ngoma ka kila mmoja kufunga mabao 16.
Wengine ni Amissi Joselyn Tambwe msimu wa 2015–2016 aliyefunga mabao 21 akiwa Yanga SC na Saido Ntibazonkiza akiwa Simba SC msimu wa 2022–2023 alipofungaa na Mkongo Fiston Kalala Mayele w aYanga kwa kila mmoja kufunga mabao 18.

NI YANGA SC MABINGWA WA LIGI KUU MARA TANO MFULULIZO, MARA YA PILI

2026-06-30T19:11:18.036+03:00

TIMU ya Yanga imefanikiwa kutwaa ubingwa wa Ligi Kuu ya NBC Tanzania Bara baada ya ushindi wa mabao 3-0 dhidi ya JKT Tanzania jioni ya leo Uwanja wa Meja Jenerali Charles Isamuhyo, Mbweni, Dar es Salaam.

Mabao ya Yanga SC leo yamefungwa na mshambuliaji Mzimbabwe, Prince Mpumelelo Dube dakika ya nane, kiungo Maxi Mpia Nzengeli kutoka Jamhuri ya Kidemokrasia ya Kongo (DRC) na mshambuliaji Laurindo Dilson Maria Aurélio ‘Depu’ kutoka Angola dakika ya 66.

Kwa ushindi huo, Yanga SC inamaliza Ligi Kuu msimu wa 2025 – 2026 ikiwa na pointi 75, mbili Zaidi ya watani wao, Simba SC waliomaliza nafasi ya pili baada ya ushindi wa 1-0 dhidi ya wenyeji, KMC FC jioni ya leo Uwanja wa KMC Complex, Mwenge, Dar es Salaam.

Hilo linakuwa taji la tano mfululizo la Ligi Kuu kwa Yanga kuanzia msimu wa 2021–2022, 2022–2023, 2023–2024 na 2024–2025 na hiyo inakuwa mara ya pili kwa wana Jangwani hao kutwaa mataji ya Ligi Kuu mara tano mfululizo baada ya kufanya hivyo misimu ya 1968, 1969, 1970, 1971 na 1972.

Kwa ujumla hilo linakuwa taji la 32 la ubingwa wa Ligi Kuu ya Tanzania Bara kwa Yanga – pamoja nay ale iliyobeba kwenye misimu ya 1974, 1981, 1983, 1987, 1991, 1996, 1997, 2000, 2005, 2006, 2008, 2009, 2011, 2012–2013, 2014–2015, 2015–2016 na 2016–2017.

Timu nyingine iliyowahi kutwaa taji la Ligi Ku umara tano mfululizo ni watani wao, Simba SC waliofanya hivyo mara moja kuanzia msimu wa 1976, 1977, 1978, 1979 na 1980, ambao pia wanafuatia kwa kutwaa mataji mengi ya Ligi Kuu kwa ujumla, 22 mengine miaka ya 1965, 1966, 1973, 1993, 1994, 1995, 2001, 2002, 2003, 2004, 2007, 2009–2010, 2011–2012, 2017–2018, 2018–2019, 2019–2020 na 2020–2021.

Matokeo ya mechi nyingine za kuhitimisha msimu wa Ligi Kuu leo; bao la kiungo Mkongo, Inno Jospin Loemba kwa penalti dakika ya 55 limeipa Simba SC ushindi wa 1-0 dhidi ya wenyeji, KMC Uwanja wa KMC Complex, Mwenge, Dar es Salaam.

Nayo Azam FC imeshinda 2-0 dhidi ya Dodoma Jiji FC mabao ya mshambuliaji Jean-Jacques Ngita kutoka DRC dakika ya 67 na beki wa kulia, Nathaniel Raphael Chilambo dakika ya 90 na ushei Uwanja wa Azam Complex, Chamazi, Dar es Salaam.

Namungo FC imeibuka na ushindi wa 2-1 dhidi ya Mtibwa Sugar, mabao yake yakifungwa na vungo Geoffrey Julius Luzendaze dakika ya 33 na Jacob Raymond Masawe dakika ya 85, huku la wageni likifungwa na beki Fabian Evance Mwalugala dakika ya kwanza Uwanja wa Majaliwa, Ruangwa mkoani Lindi.

Bao la mkwaju wa penalti la beki Héritier Baraka Lulihoshi kutoka DRC dakika ya 90 limeipa Tanzania Prisons ushindi wa 1-0 dhidi ya wenyeji, Mashujaa FC Uwanja wa Lake Tanganyika mjini Kigoma, wakati Coastal Union imeibuka na ushindi wa 2-1 dhidi ya Pamba Jiji Uwanja wa Mkwakwani Jijini Tanga.

Fountain Gate FC imeichapa Singida Black Stars mabao 4-3 Uwanja wa Sheikh Amri Abeid Jijini Arusha, huku Mbeya City ikilazimishwa sare ya bila mabao TRA United Uwanja wa Sokoine Jijini Mbeya.

Jijini Arusha mabao ya Fountain Gate FC yamefungwa na Wanigeria, kiungo Henry David dakika ya tano, mshambuliaji Obasi MacDonald Chukwunonye dakika ya 26 na mshambuliaji chipukizi, Hashimu Omary Kindemile aliyefunga mawili dakika ya 66 na 67, huku ya Singida Black Stars yote yakifungwa na winga Mossi Nduwumwe matatu dakika ya tisa, 12 na 86.

Matokeo hayo yanamaanisha Yanga inamaliza kileleni kwa pointi zake 75, ikifuatiwa na Simba 73 na zote zitashiriki Ligi ya Mabingwa Afrika msimu ujao, Azam FC pointi 64 na Singida Black Stars 50 na zote zitacheza Kombe la Shirikisho Afrika.

TRA United wenye pointi 43 wamemaliza nafasi ya tano waifuatiwa na JKT Tanzania wenye pointi 42, Pamba Jiji FC pointi 36 sawa na Coastal Union, Dodoma Jiji pointi 35, Namungo FC pointi 34, Mashujaa FC pointi 33 sawa na Fountain Gate FC nazo zinasalia Ligi Kuu msimu ujao.

Tanzania Prisons iliyomaliza nafasi ya 13 na pointi zao 32 itamenyana na ndugu zao, Mbeya City waliomaliza na pointi 30 katika mechi mbili za nyumbani na ugenini na mshindi wa jumla atasalia Ligi Kuu msimu ujao.

Timu itakayofungwa itakwenda kumenyana na timu iliyofuzu kwenye mchujo wa Ligi ya Championship kwa mechi mbili pia za nyumbani na ugenini kuwania kucheza Ligi Kuu msimu ujao – na itakayofungwa itacheza Championship, wakati Mtibwa Sugar iliyomaliza na pointi 27 inaungana na KMC FC kuipa mkono wa kwaheri Ligi Kuu.

BRAZIL YAICHAPA JAPAN 2-1 NA KUSONGA MBELE KOMBE LA DUNIA

2026-06-30T07:22:26.797+03:00

TIMU ya Brazil imefanikiwa kwenda Hatua ya 16 Bora Fainali za Kombe la Dunia baada ya ushindi wa 2-1 dhidi ya Japan usiku wa jana Uwanja wa NRG Jijini Houston, Texas nchini Marekani.
Haukuwa ushindi mwepesi kwa mabingwa mara tano wa Kombe la Dunia baada ya kutanguliwa kwa bao la dakika ya 29 la kiungo wa Mainz 05 ya Ujerumani, Kaishu Sano.
Mabao yote ya Brazil yamefungwa na nyota kutoka Ligi ya England, kiungo wa ulinzi, Carlos Henrique Casimiro wa Manchester United dakika ya 57 na mshambuliaji wa Arsenal, Gabriel Teodoro Martinelli Silva dakika ya 90’+5.

MOROCCO YAITOA UHOLANZI KWA PENALTI NA KUTINGA 16 BORA KOMBE LA DUNIA

2026-06-30T07:14:31.452+03:00

TIMU ya Morocco imefanikiwa kwenda Hatua ya 16 Bora Fainali za Kombe la Dunia baada ya ushindi wa penalty 3-2 kufuatia sare ya kufungana bao 1-1 na Uholanzi Asubuhi ya leo Uwanja wa BBVA mjini Guadalupe, jimbo la Nuevo León Kaskazini mwa Mexico.
Mshambuliaji wa Liverpool ya England, Cody Mathes Gakpo ambaye baba yake ni mwenye asili ya Ghana alizaliwa – alianza kuifungia Uholanzi dakika ya 72, kabla ya beki wa kati wa Fulham ya England pia, Issa Laye Lucas Jean Diop mzaliwa wa Ufaransa ambaye baba yake ni Msenegal kuisawazishia dakika ya 90’+1.
Katika mikwaju ya penalti walioifungia Morocco ni football Rahimi, Talbi na Saibari huku El Aynaoui na Hakimi wakikosa, wakati kwa upande wa Uholanzi waliofunga ni Koopmeiners na Weghorst pekee huku Kluivert, Timber na Summerville wakikosa nao.

PARAGUAY YAITUPA NJE UJERUMANI KWA MATUTA KOMBE LA DUNIA

2026-06-30T06:53:07.967+03:00

TIMU ya Paraguay imefanikiwa kwenda Hatua ya 16 Bora Fainali za Kombe la Dunia baada ya ushindi wa penalti 4-3 kufuatia sare ya 1-1 na Ujerumani usiku wa jana Uwanja wa Gillette mjini Foxborough, Norfolk County, Massachusetts, Marekani.
Kiungo mshambuliaji wa RC Strasbourg ya Ufaransa, Julio Cesar Enciso Espínola alianza kuifungia Paraguay dakika ya 42, kabla ya mshambuliaji Kai Lukas Havertz wa mabingwa wa England, Arsenal kuisawazishia Ujerumani dakika ya 54.
Kwenye mikwaju ya penalti walioifungia Paraguay ni Maurício, G. Gómez, Galarza na Canale huku Sanabria na Balbuena pekee wakikosa, wakati kwa upande wa Ujerumani waliofunga ni Kimmich, Musiala na Amiri huku Havertz, Woltemade na Tah wakikosa.

CANADA YAICHAPA AFRIKA KUSINI 1-0 NA KUITUPA NJE KOMBE LA DUNIA

2026-06-29T05:30:10.233+03:00

TIMU ya Canada imefanikiwa kwenda Hatua ya16 Bora Fainali za Kombe la Dunia baada ya ushindi wa bao 1-0 dhidi ya Afrika Kusini usiku wa kuamkia leo Uwanja wa SoFi mjini Inglewood, Los Angeles County, California, Marekani.
Pongezi kwa mfungaji wa bao hilo pekee, kiungo Stephen Antunes Eustáquio anayecheza kwa mkopo Los Angeles FC ya Marekani kutoka FC Porto ya Ureno aliyefunga dakika ya 90’+2.

GHANA YAFUZU HATUA YA 16 LICHA YA KUCHAPWA 2-1 NA CROATIA

2026-06-28T14:33:42.555+03:00

TIMU ya Ghana imefanikiwa kutinga Hatua ya 32 Bora Fainali za Kombe la Dunia licha ya kuchapwa mabao 2-1 na Croatia usiku wa kuamkia leo katika mchezo wa Kundi L Uwanja wa Lincoln Financial Field Jijini Philadelphia, Pennsylvania, Marekani.
Mabao ya Croatia yalifungwa na viungo wake wanaocheza Italia, Petar Sucic wa Inter Milan, mzaliwa wa Bosnia & Herzegovina dakika ya 31 na Nikola Vlasic wa Torino dakika ya 83, huku bao la Ghana likifungwa na beki wa kati wa Pafos ya Cyprus, Derrick Luckassen mzaliwa wa Uholanzi dakika ya 73.
Mechi nyingine ya mwisho ya Kundi L, mabao ya kiungo wa Real Madrid ya Hispania, Jude Victor William Bellingham mwenye asili ya Kenya dakika ya 62 na mshambuliaji wa Bayern Munich ya Ujerumani, Harry Edward Kane dakika ya 67 yaliipa England ushindi wa 2-0 dhidi ya Panama Uwanja wa MetLife Jijini East Rutherford, f New Jersey, Marekani.
Kwa matokeo hayo, England imeongoza Kundi L kwa pointi zake saba, ikifuatiwa na Croatia pointi saba na Ghana pointi nne n azote zinafuzun Hatua ya 32 Bora, huku Panama iliyopoteza mechi zote ikiaga mashindano.

DRC YAICHAPA UZBEKISTAN 3-1 NA KUTINGA HATUA YA MTOANO KOMBE LA DUNIA

2026-06-28T14:31:27.145+03:00

TIMU ya Jamhuri ya Kidemokrasia ya Kongo (DRC) imefanikiwa kutinga Hatua ya 32 Bora Fainali za Kombe la Dunia baada ya ushindi wa mabao 3-1 dhidi ya Uzbekistan Alfajiri ya leo Uwanja wa Mercedes-Benz Jijini Atlanta, Georgia, Marekani.
Mabao ya DRC yamefungwa na washambuliaji, Yoane Wissa mzaliwa wa Ufaransa anayechezea klabu ya Newcastle United ya England dakika ya 68 kwa penalti na 90’+1 na Fiston Kalala Mayele wa Pyramids FC ya Misri dakika ya 78, huku bao pekee la Uzbekistan likifungwa na mshambuliaji pia, Eldor Azamat oʻgʻli Shomurodov wa İstanbul Başakşehir ya Uturuki dakika ya 10.
Mayele aliyewahi kuchezea klabu ya Yanga kuanzia mwaka 2021 hadi 2023 anakuwa mchezaji wa kwanza kucheza timu ya Tanzania na Ligi Kuu ya NBC Tanzania Bara kwanza kucheza Fainali za Dunia na pili kufunga bao.
Huo ni mwendelezo wa rekodi nzuri za wachezaji waliowahi kucheza Yanga SC katika medani ya Kimataifa – kwani, Mkongo mwingine, Shabani Christophe Nonda ‘Papi’ baada ya kuwatumikia wana Jangwani mwaka 1994, alikwenda kuweka rekodi kadhaa Ulaya.
Rekodi hizo mchezaji wa kwanza kucheza Tanzania kucheza Ligi Kuu za Uswisi, Ufaransa, Italia na England na kuwa mchezaji wa kwanza na pekee hadi sasa kuwahi kucheza Fainali ya Ligi ya Mabingwa Ulaya msimu wa 2003-2004 akiwa na AS Monaco ya Ufaransa ambayo ilifungwa 3-0 FC Porto ya Ureno iliyokuwa chini ya kocha Jose Mourinho.
Awali, kiungo mshambuliaji wa Kimataifa wa Tanzania, Sunday Ramadhan Manara aliyecheza Yanga kuanzia mwaka 1971 hadi 1975 aliweka rekodi ya kuwa mchezaji wa kwanza wa Tanzania kucheza Ulaya aliposajiliwa na Heracles Almelo ya Ligi Kuu ya Uholanzi mwaka 1977.
Akaweka pia rekodi za kuwa mchezaji wa kwanza wa Tanzania kucheza Ligi Kuu ya Marekani katika klabu ya New York Eagles kabla ya kwenda Austria kuchezea FC St. Veit na Falme za Kiarabu (UAE) kuchezea Al Nasr – kote huko Manara alifungua milango kama Mtanzania wa kwanza kufika na kucheza.
Mchezo mwingine wa mwisho wa kundi hilo, Colombia ililazimishwa sare ya bila mabao na Ureno Uwanja wa Hard Rock, Miami Gardens, Florida, Marekani.
Msimamo wa Kundi K sasa Colombia imeongoza kwa pointi zake saba ikifuatiwa na Ureno pointi tano na DRC pointi nne n azote zinakwenda Hatua ya 32 Bora, wakati Uzbekistan iliyopoteza mechi zote imeaga michuano.

MESSI AENDELEZA MOTO WA MABAO KOMBE LA DUNIA ARGENTINA IKIICHAPA JORDAN 3-1

2026-06-28T14:27:05.796+03:00

TIMU ya Argentina imekamilisha mechi zake za Kundi J Fainali za Kombe la Dunia kwa kuichapa Jordan mabao 3-1 Alfajiri ya leo Uwanja wa AT&T, Arlington, Texas nchini Marekani.
Mabao ya Argentina yamefungwa na kiungo washambuliaji, Giovani Lo Celso wa Real Betis ya Hispania dakika ya 19, Lautaro Javier Martínez wa Inter Milan ya Italia dakika ya 31 kwa penalti na Lionel Andrés Messi wa Inter Miami ya Marekani dakika ya 80, wakati bao pekee la Jordan limefungwa na winga wa Rennes ya Ufaransa, Musa Mohammad Sulaiman Al-Taamari dakika ya 55.
Mchezo mwingine wa Kundi J, Algeria imetoa sare ya kufungana mabao 3-3 na Austria Uwanja wa Arrowhead Jijini Kansas City, Mossouri, Marekani.
Mabao ya Algeria yamefungwa na beki wa Hellas Verona ya Italia, Rafik Belghali mzaliwa wa Ubelgiji dakika ya 45 na winga wa Al-Ahli ya Saudi Arabia, Riyad Karim Mahrez mzaliwa wa Ufaransa, aliyefunga mawili dakika ya 60 na 90’+3.
Kwa upande wao Austria mabao yao yamefungwa na mshambuliaji Marko Arnautović wa Red Star Belgrade ya Serbia anakotokea baba yake dakika ya 28, kiungo Marcel Sabitzer wa Borussia Dortmund ya Ujerumani dakika ya 55 na mshambuliaji Sasa Kalajdzic mwenye asili ya Serbia anayecheza kwa mkopo LASK ya Austria kutoka Wolverhampton Wanderers ya England dakika ya 90’+6.
Kwa matokeo, hayo Argentina imeongoza Kundi J kwa pointi zake tisa, ikifuatiwa na Austria pointi nne sawa na Algeria n azote zinafuzu Hatua ya 32 Bora, huku Jordan iliyopoteza mechi zote ikiaga michuano.