Birdy Blog

戀愛很簡單

noreply@blogger.com (Birdy) — Mon, 22 Nov 2010 11:19:00 +0000

戀愛很簡單...只是...人太複雜...

Published with Blogger-droid v1.6.5

冷衫

noreply@blogger.com (Birdy) — Thu, 11 Nov 2010 12:56:00 +0000

今朝依然秋涼，等左15分鐘都未有小巴，最後上左一架巴士，旁邊坐左一個穿校服既少女。佢一坐定就從不織袋攞左兩支好粗既冷針出黎織織織...織織織。
回想以前，織著冷衫既少女總是俾人一種像小天使既感覺，令我這程巴士都感到溫暖。

戀愛是什麼?

noreply@blogger.com (Birdy) — Thu, 11 Nov 2010 12:36:00 +0000

戀愛是什麼?
戀愛會在當你享受單身的時候悄悄走近...
戀愛是什麼?
戀愛會在當你習慣共處的時候離你而去...

七月多事幹

noreply@blogger.com (Birdy) — Wed, 22 Jul 2009 13:32:00 +0000

哩個七月特別多事幹, 首先係七一大遊行, 之後係玩4日風帆, 再之後就係香港既日偏蝕, 仲有書展添.
其實六月初我就已經開始諗點樣整七一banner. 本來想整一個方形立體有四面可以寫標語既banner. 仲叫Amanda喺廠send左d 發泡膠同紙箱落黎添. 但係最後都係揀左最普通既舉紙牌. "愛自由, 一人一票選特首; 要經濟, 一人一票選賢能" 就係我想要講既野.FB裡面仲有D相

之後果個禮拜就玩風帆, 其實係再上一次風帆level 2課程, 雖然上一次都已經pass左, 但係因為租唔倒船, 唯有報班上多次啦. 今次班裡面有兩張面孔係之前見過既, 一個係一齊上level 1 既15歲o靚妹, 另一個係上次一齊上level 2既阿旦. 課程係6個人一班上4日課, 到左第3日只係剩番我地3個. 個o靚妹本身已經成日賽船, 佢只係想補番張cert. 而我又已經有level 2 既cert. 第3日3個人一隻13, 而第4日就開多隻pico玩, 唔駛咁迫, 基本上果兩日都玩得好hea. 攞左阿旦電話, 希望之後可以約哩一齊儲鐘啦.
今日係世紀日蝕既日子, 香港可以睇倒大既日偏蝕, 3/4太陽會俾月亮姐姐食左. 我就用左阿milk既X光片, 雙筒鏡, 普通鏡頭canon 350D 同 sony DV 影低左日偏蝕.

唐英年無恥

noreply@blogger.com (Birdy) — Fri, 05 Jun 2009 16:56:00 +0000

唐英年無恥! 六四係一件國際關注既大事, 死人嫁! 維園晚會年年最少都有幾萬人, 咩野叫個別事件唔評論?! 個樣仲要得得戚戚笑笑口咁(tvb news 2009-06-05)!! 唐英年好厚顏無恥!! 偽君子! 支持就一句, 唔支持又係一句, 作為高官對大是大非毫無立場, 有咩唔可以對7百萬香港人講呀? 唔該d高官唔好迴避, 正面回應!
無恥既唐英年, 佢既回應, 佢既果種嘴臉, 看在眼裡真係令人很酸, 佢既態度類似於得悉911既中國記者在笑一樣, 傷透左關心六四人士既感情, 我唔希望香港俾哩種偽君子管治.

又一年, 已經廿年

noreply@blogger.com (Birdy) — Tue, 02 Jun 2009 05:39:00 +0000

又一年, 又係想落雨...
已經廿年, 仍然要企出黎!
每年四五月, 所謂既建制派其實已經學精左, 立法會有關六四既討論佢地唔會出席, 免得又有好似前年馬力先生「搵隻豬去試下」事件重演. 但係香港哩個彈丸之地, 總係有很多後浪非常願意將港人既心結再次挖出來.
先有港大學生會會長陳一諤「走佬學生領袖」.

再有呂志偉城市論壇「李卓人上北京派錢」言論令主持人謝志峰罕有地發火駁斥.

就連特首曾蔭權都加把咀.

佢講錯野唔係第一次, 但係六四哩個咁敏感, 一個港人中國人既心結, 作為一個首長應該對其有深入了解, 理應該有一套得體既回應方法, 點解會出現「(國家)為香港帶來了經濟繁榮, 相信香港人對國家既發展(六四)會作出客觀的評價」同「我(曾蔭權)既意見, 就係代表香港人整體既意見」等言論. 哩個好呀~佢連自己係點樣選出黎既都忘記左, 又喚醒左大家爭取普選既目標.
大家一齊出席, 為左要話比果d人知武力鎮壓係錯; 廿年前死一個人都嫌多; 經濟繁榮但係我無失憶; 話比唔代表我既人知我既意見; 最重要係廿年前果滴淚喺心裡面仲未干!

外甥女"young"手"young"腳好得意

noreply@blogger.com (Birdy) — Sun, 16 Nov 2008 14:41:00 +0000

尋日20081115去左家姐屋企幫佢搬野,見倒外甥女閔妍"young"手"young"腳好過引."young足十幾二十分鐘都唔攰~

下週策略

noreply@blogger.com (Birdy) — Sun, 02 Nov 2008 16:16:00 +0000

上個禮拜HSI由最低位10676反彈至最高14329點，反彈3653點。再上升既第一度阻力係前浪低14398，之後要再挑戰19EMA~14689點。
依家仲有熊喺手，確認升穿19EMA的話要止蝕，否則會好淡爭持或者再下試12000點，keep熊。

外甥女滿月

noreply@blogger.com (Birdy) — Sun, 02 Nov 2008 11:06:00 +0000

尋日家姐同姐夫幫佢地個囡，即是我外甥女閔妍喺酒樓擺滿月酒。
兒甥女好cute好得意，但係爛瞓左d，到依家我都未聽見過佢喊過，因為佢成日都瞓覺。

30年升30倍

noreply@blogger.com (Birdy) — Sat, 01 Nov 2008 17:22:00 +0000

早兩個月前上網，睇到一位香港既波浪大師揚言，大陸A股會喺未來30年升30倍。我第一時間覺得都很吸引，但係諗返起之前睇書提到既複利滾存，即是「利疊利」既威力。
其實有無諗過，如果有10萬蚊，要將佢翻一番變成20萬，到底要幾長時間呢？其實有個好簡單既計法，就係將72除以每年回報%，得出既就係要翻一番所需要既年數。例如有10萬蚊，年回報係10%，將72除以10等於7.2，即是當年回報係10%，7.2年之後就可以將本金翻一番。10%年回報，相對於依家接近0利率既銀行存款，當然係遙不可及。但係喺股票市場，10%年回報其實只屬於可以接受既水平。若果年回報可以增加至15%，唔駛5年時間就可以將本金翻一番。如果話要本金升30倍，其實係大約將本金翻五番。要喺30年翻五番，即是每6年要翻一番。將72除以6，年回報要12%。其實要達到哩個水平一d都唔難。
查實30年升30倍並唔係d咩野神奇事。先唔講HSI喺2007年接近32000點既歷史高位，喺2005到2007年大牛市出現前，2004年HSI既低位係10981，而30年前，即是1974年HSI最低位係大約200點，30年間HSI升左大約55倍。1974年恆生(00011)、匯豐(00005)、中電(00002)同長實(00001)既年度最低股價分別係0.89、0.51、0.84和0.10。而2004年佢地既最低股價分別係94.75、108.5、36.3同50.5。當中，即使連最差既公用股中電都升左43倍(其中並未有顧及個別股票拆細等影響)。因此，以大陸依家咁既增長速度，要喺30年升30倍絕對唔係d咩稀奇事。

潛水兩個月~

noreply@blogger.com (Birdy) — Tue, 21 Oct 2008 15:22:00 +0000

離上次出post有兩個幾月，哩兩個月晚晚做功課，皆因衰過至知要惡補~
由今年三月開始玩牛熊，雖然一開頭係有d斬獲，正所謂輸錢皆因贏錢起，直至到7月底累積蝕左45k。雖然唔係多...但係都係時候比自己冷靜一下，再唔調整一下玩法，輸爆廠都只可能係聽日既事...
先係買左曾淵滄果本《戰勝貪婪與恐懼》，哩本簡直係大市既心靈雞湯~新手固然之可以從中吸取前人經驗，損過手既就更加係感同身受。睇完可以令自己既眼光擴闊，舒緩心裡面既壓力。之後再喺其他書、同網頁惡補一下基本既知識，雖然好多野之前都已經睇過，有d認識。之不過人就係咁，到你衰過至知要用功~
依家晚晚做功課，記錄番d指數期貨情況、拆息、匯價等等既資料，用黎做d圖表分析實習一下。
總括之前點解輸~？主要係自己喺熊市盲目咁搏反彈，喺熊市搏反彈已經係高危，仲要無根無據咁搏，同扔錢落屎坑無乜分別，確實唔係我哩d唔可以貼市跟蹤既人所玩既玩意。最金果次隻牛比人回收左，輸15k。
另一隻魔鬼就係喺自己心裡面，往往唔可以嚴守止蝕。隻牛熊跌穿左自己定既止蝕位都唔願走人，差唔多跌到落收回價都仲一相情願佢會彈...癡線~！HSI啱啱穿收回價幾點，食左隻牛熊都係常見既事~！
仲有就係貪心得黎又太短視，今日HSI升，走左一轉牛賺40格，聽日HSI繼續升，又心思思高追，用更高價入番同一隻牛，咁係咪白癡！卒之就咁就蟹左，坐艇出左大西洋...最後就索性等俾人回收，引刀成一快...超級老散所為...
要記住番工既時候睇唔倒個市，即日鮮絕對唔啱我玩~！
不嬲都有喺d forum同d ching吹水，雖然大部份既ching都係吹水9 up居多，但係都有少數有point既人。曾經有個ching比倒我一d啟發，最搞笑既係佢出現左一兩日就消失左~希望唔係輸到甩轆上左IFC啦~哈哈~
有個舊同學鍾意玩窩輪，話搵d末日輪扑中就發達~我都信當牛市既時候買call/牛係可以發達，但係佢就比較進取，會借錢/孖展買，哩個就超出左我既底線喇~9月頭佢打電話問我借幾皮野周轉...唔通佢要補倉？希望佢平安度過~
依家主要靠睇圖，等牛熊信號出現，再入貨渣佢幾日至一兩個禮拜，如果次次可以食佢一二百格都幾和味，依家個市大上大落，如果可以睇更長而自己又可以更堅持既話，其實番一番都係平常事~只要嚴守止蝕，隻牛熊唔比人回收，留得青山在，那怕無錢贏~
上面講既其實都係d老掉牙既points，人人都識講，但係當自己第一身要做決定既時候，往往都係由疑不決，敗給貪婪與恐懼...
雖然依家好想盡快將輸左果d賺番返黎，但係要說服自己唔好太急太衝動，一來依家仲係自己重整之後既實戰實習期，二來要堅持熊市只用三分一既cash去玩，如果搏反彈更加只可以用六分一既cash去搏。逐d逐d追返啦~！熊市最緊要保本~下次牛市至大舉出擊~！
自從潛水，自我調整，搵倒一個適合自己玩既方式之後，已經追番一半之前輸果d，慢慢黎啦~次次都賺果個係神人，最緊要自己沉得住氣，總有返埋岸既一日既~

聽日打風？

noreply@blogger.com (Birdy) — Mon, 04 Aug 2008 06:41:00 +0000

今朝偏頭痛又發作，借d依又請左日病假抖一下。
另一邊箱，天文台今朝掛起左一號風球。

哩個仲未知叫咩名嘅風預計喺星期三朝早最接近香港。咁筍？！唔通哩個禮拜可以唔返兩日工？！

生活的比喻(網上看到的)

noreply@blogger.com (Birdy) — Thu, 31 Jul 2008 05:41:00 +0000

命運就有如強姦，當你反抗不了，就要學懂享受
工作就有如輪姦，你不行了，別人就上
學習就有如叫雞，又出錢又出力
生活就有如打飛機，什麼都得靠自己雙手
時間和乳溝一樣，擠一擠還是有的

中國人一點都沒進步

noreply@blogger.com (Birdy) — Fri, 25 Jul 2008 16:29:00 +0000

任何人都會怕蝕底，這是人之常情。但係中國人就會用盡一切不文明和非正常的手段去令自己唔會蝕底。無論已經有幾多個太空人上過太空；三峽大壩有幾咁宏偉；中國代表團在奧運得到百九幾個金牌都好，中國人由始至終都沒有進步過！

京奧前夕第一個污點

noreply@blogger.com (Birdy) — Fri, 25 Jul 2008 16:01:00 +0000

香港記者在北京採訪市民爭奪搶購京奧門票混亂情況，遭受公安暴力拒趕。此乃京奧前夕第一個污點。
十件好事都蓋不過一件錯事，這句話真的沒錯！無論大陸之前做得怎樣成功，但經過這次暴力拒趕記者事件，令我對北奧的良好印象完全改觀。即使原因是售票當局安排不當低估人潮，這也不重要。最重要是北京已經遣背了「傳媒可以任意採訪」的誠諾。
試想想就連採訪市民混亂情況都會受到這樣的對待，萬一再發生類似西藏示威或甚至六四一樣的事件，不難想像當局會怎樣把行動升級！
北京政府根本與19年前沒兩樣！依然是出爾反爾、掩耳盜鈴、利用暴力去震壓自己人民的一個政府！

戇拼衫碌拎、心經簡林

noreply@blogger.com (Birdy) — Sun, 13 Jul 2008 16:32:00 +0000

今日(20080713)係Amanda嘅牛一，我地去左搭昂平360同心經簡林，算係去下d新嘅地方高興下啦。尋晚Amanda嘅U同學上左黎我地屋企打邊爐，雖然搞到成四點至有得瞓，我地今朝都要十點鐘就爬起身準備出發。
揸車去東薈城泊低架車，再行過去纜車站。
雖然今日有d雨，但係依然有唔少嘅人同我地一樣想搭纜車上去遊覽。

衫碌拎嘅飛

纜車沿途嘅風景

昂平市集

喺其中一間精品店，見倒傳說中嘅「龍生九子」

喺市集行左都差唔多一個鐘，買左一個木魚同一塊小木板製大悲咒掛飾。之後，我地就向住下一個目的地「心經簡林」前進。

沿途都係一d爛泥小路，當到達嘅時候就發現原來係柳暗花明。

心經簡林不嬲都比我一種有靈氣嘅感覺，所以我一直都好想黎睇一睇。絕對無令我失望，心經簡林果然有種舒泰自然嘅感覺，好似與遠方某種東西嘅距離拉近到只有咫尺之隔。

感受完心經簡林嘅靈氣之後，Amanda同我又開始諗d低能野玩~

之後Amanda同我返到東薈城行下outlet，Amanda買左對鞋而我就食白果。夜晚揸番車去海港城果間阿里朗食韓國野。哈哈，咁就結束完美滿足嘅一個週末週日，唔知Amanda係咪同我一樣都過得咁開心呢？

第一次wakeboard

noreply@blogger.com (Birdy) — Sun, 06 Jul 2008 16:32:00 +0000

前日星期六晏晝，去左西貢玩我第一次玩嘅wakeboard。除左有我同Amanda之外，仲有我幾個同事。6個人玩左3個鐘要1500蚊，稍稍嫌玩嘅時間太少。
第一次玩，d姿態係有d似蛺蛏家啦，哈哈。Amanda都係第一次玩，佢玩得比我定同姿態比我好。
Wakeboard都幾好玩，有機會都想繼續玩落去。依兩日對大脾好酸、腰又攰、三頭都痛痛地。都係少運動所致，唉~

我拍左D片，返屋企之後剪左一條4分鐘嘅片出黎。其實上面哩段片係由果條片度cut出黎嘅。經過上次行山之後，人地果d相同片都係唔好自己立亂post上網，由其事係女仔嘅相同片，好易得罪人。

第一次福田

noreply@blogger.com (Birdy) — Sat, 28 Jun 2008 13:39:00 +0000

尋日去左深圳蛇口Intertek上培訓。果然係Intertek，個course要成RMB1500一日，喺大陸黎講就真係幾貴。同類嘅course，國內機構搞嘅話只要幾百蚊咋。晏晝坐公司安排嘅車去福田，經過南山，果邊個環境同d樓真係幾唔錯，不過依家都貴晒啦。其實我都想試下行深圳灣果條路返香港，但最後都係揀左去福田，因為交通方便d。
福田附近嘅環境都唔差，有地鐵又唔雜，交通方便又唔嘈。

福田哩個building本身都幾大，但裡面空nel nel，得個殼。

喺裡面要上兩層至到大陸出入境處，同羅湖一樣，福田都係要步行過橋過深圳河，但係果條橋好長，比羅湖果條長十倍都唔止！

第一次行福田個感覺唔錯，勝在環境好人又少，但係始終都係羅湖方便。

風神襲港

noreply@blogger.com (Birdy) — Tue, 24 Jun 2008 15:13:00 +0000

颱風「風神」襲港

今晚11點之前已經改掛左8號風球，唔知聽日可唔可以全日off呢？望下個圖，睇黎捱倒聽朝都捱唔倒晏晝，唉~

Philip個囡囡 - 晞鑾Jobbie

noreply@blogger.com (Birdy) — Tue, 24 Jun 2008 14:48:00 +0000

Maggie喺4月4日幫Philip生左個女，囡囡個名叫鄭晞鑾Jobbie。

自從4年前離開左SAE之後，同Philip都好少見面。難得今次借住探佢個囡，又可以聚一聚。

Maggie雖然剛剛做左Jobbie阿媽，但依然係一個好爽嘅女仔。我猛咁要佢同個B影張相，Maggie就點都唔肯。最後唯有咁樣影...

希望今年秋天可以叫倒大家一齊黎我屋企燒下雞翼、再聚一聚啦~

物價颷升津貼

noreply@blogger.com (Birdy) — Tue, 24 Jun 2008 14:17:00 +0000

今日真係比公司吹漲，上晝喺公司開個悶會，臨散之前，失驚無神宣佈立即一人派一個「物價颷升津貼」。每組一個雞皮紙袋，裡面一人一個信封，現兜兜人人有份。
公司依家越黎越識做，好多什麼獎呀什麼計劃都開始轉用現金做誘因，咁至係家麻！一早就要係咁啦！兜左個大圈，始終還原基本步就係早好。
最鳩屎嘅係，d同事之後喺公司intranet個blog度猛咁落post讚老闆同公司，話感受倒愛~！

你喜歡變老嗎？

noreply@blogger.com (Birdy) — Wed, 18 Jun 2008 10:08:00 +0000

公司裡有個3C小組，我是組長，蠻無聊的。我們正準備搞一份公司月刊。今天有同事給了我一編文章，是摘錄自《似水年華》，雖然我不知道是什麼文章、作者是誰…
其中有一段我覺得很有味道。
----------------------
鈴兒：你喜歡變老嗎？
英：蠻喜歡的。
文：還可以吧！
小女孩：為什麼？
文：因為……
英：可以有回憶。
文：會有回憶。
鈴兒：我也喜歡回憶。
英：呵……你回憶什麼？
小女孩：小時候啊。
文：呵……可你現在還是小時候啊。等你長大了……
英：等你長大了，你就會有更多的回憶……而且很難忘記……
文：甚至你會希望，能夠回到回憶之中……也許可以改變一切……
英：如果可以改變回憶，人生將變得很乏味。
文：所以呀回憶是不能改變的，否則老了就沒意思了。
英：所以阿姨蠻喜歡變老的。
文：明白嗎？
小女孩：我不懂……
英：長大了變老了就懂了
鈴兒：那怎麼才算長大變老呢？
文：開始有回憶的時候……
英：只剩下回憶的時候吧……
小女孩：那到時候除了回憶還有什麼？
英：抬頭望著天空……
文：抬頭望著天空……
英：還~有……
（妹妹，走了）
小女孩：阿姨，BYE—BYE
文：想見到回憶中的人吧……
----------------------
裡面「如果可以改變回憶，人生將變得很乏味。所以呀回憶是不能改變的，否則老了就沒意思了。」真的是很到位。以前沒有去想回憶的價值在那兒，也曾想過可以改變過去，但確實，如果世事都可以從頭再來，那麼人生就真的沒啥意思啦。人生之所以值得珍惜，是它的唯一性。宇宙中就只有一個我，盡管有另一個人的DNA與我相同，他的經歷和回憶肯定與我不一樣。那怕都是一些不愉快及艱苦的經歷，有了這回憶，才會感到生命的價值。

山高路遠

noreply@blogger.com (Birdy) — Wed, 18 Jun 2008 05:50:00 +0000

無論路有多遠，沒有比腳更長的路
無論山有多高，沒有比人更高的山

小六的回憶

noreply@blogger.com (Birdy) — Tue, 17 Jun 2008 16:46:00 +0000

半個月前端午節返紅磡食飯，之前好多次都係去酒樓食晚飯，好耐都無試過阿媽嘅手勢啦，好好食好開心。
唔知幾時，老豆喺一個好舊嘅袋入面搵番一d廿年前嘅野。

唔知有幾多個人仲會有保存哩d小六學位分配、學生證同准考證。依家嘅我睇番廿年前仲係十一二歲嘅我、記番果時揀中學都係求求其其，真係三歲定八十...哈哈。同我家姐唔同，佢果時揀中學要自己揸晒主意，話老豆老母唔識唔明。但係我呢，就全靠我阿爸阿媽幫我諗幫我揀。So far我都幾喜歡母校，我果然無揀錯...揀比阿爸阿媽幫我揀囉，哈哈。
果時可能我太乖，少比老師罰抄，睇下連自己個名都寫到咁衰。基本上我依家d字都唔會比果時好好多...唉。

幾乎被淡忘的19年

noreply@blogger.com (Birdy) — Tue, 03 Jun 2008 15:44:00 +0000

還有10分鐘就到6月4日。記得19年前的這個月，當時還是中一的我，雖然不是太了解複雜的政治事情，但也有應母校的呼籲參加遊行。那段日子中，看到有女教師痛哭、有老師肺腑地向我們講解故中因由、有同學得意忘形地把事件當作笑話，卒之被老師痛斥一番。而我就選擇了靜靜地看、靜靜地聽。還記得與一眾互不相識的人士，為了同一個目的，心裡想著同一片情景，唱著歌、叫著口號步過東廊。那種浩瀚、那顆鼓動熾熱的心，從未有過。即使19年後的今日，它都一直沉睡著，還未有機會再次給它發難。間中在報導中看到發福到豬頭一樣的吾爾開希，不禁對西方的垃圾快餐更加的抗拒。
出來工作之後，我的記憶一年比一年淡，越來越模糊。心裡總是想著工作、賺錢、玩樂，也怕終有一天它會被遺失在上班的列車上。08北京奧運已經如箭在弦，央央大國以往的錯誤，什麼時候才能被領導者正視？
看到報導，「不是中央政府的錯，只是那些人士太過激進」出自一位14歲小孩。那怕我這些叔叔輩19年前有過什麼的經歷，這個19年前還在排隊投胎的小孩，已經對在自己出生前所發生的一件大事有「自己」的看法。很好。在這小孩身上不能追究對與錯，好奇的是他在那間學校念書？老師是何等人士？
很難想像，今時今日還有人相信當時當地軍方只是和平鎮壓。直到去年馬力先生「搵隻豬去試下」言論之後，不懂政治的我才醒覺，原來這一類死硬派左仔還真的是存在著。可惜馬力先生已經逝世，否則，想必今年又會有什麼更出位的言論。
今年的悼念遊行只有數百人參加，而我也只顧著玩樂。希望今年四川地震的苦難、08北京奧運的興奮不會把19年前的哀傷給沖刷掉。