blocuteur

keloù kanv

2011-11-10T17:45:00.000+01:00

Marv eo Andrea Barillec.

Un eil vamm eo bet evidon pa oan krog da zeskin ar brezhoneg c'hoant ganin mont betek penn.
Kas a rae kentelioù brezhonag ba Konk pa oa echu gant re skol Diwan Tregon.
Lennet oa levrioù dedennus met enoeus un tamm anezhe a wechou. Klask a rae testennoù gant ul liv vrav a vrezhoneg, leun a gerioù nevez evidomp.
Evit frealzin ac'hanomp en deus asantet ober sketchoù, ha goude c'hoariva, a setu penaos eo bet krouet Strollad Forst Fouenn, araok ma oa debret (hep ober drouk dezhi, koulskoude) gant ar gevredigezh Dorn ha dorn nevez ganet.
Kenavo dit Andrea ha trugarez evit da galon aour, da sikour paset ha da sikour dazont, eus an nenvoù.

istor farsus

2011-11-10T17:32:00.000+01:00

Ma genlabourezh en deus digaset d'al labour un dra nevez evit lakaat an dour da virvi.
Koulskoude un all a zo dipitet un tamm anezhi:
"Gwel a ran , lar he, n'out ket Breizadez evit gwir... a hend all pije ket prenet ur benveg a ra te fall dit!"

2010-11-29T14:06:00.000+01:00

ur strollad nevez eus kervredigezh Robin an touenoù ba' Tregon

2010-10-04T10:24:00.000+02:00

Goude an emvod er C'hak d'ar 15 a viz gwengolo e bet rakjedet krouin un strollad lec'hel eus Robin des toits e Tregon evit kizidikaat an aotroù Maer hag ar C'huzul meur war kudennoù yec'hed a teu da heul ar peulioù pellgomz, skinwel hag ar wimax.
Ar re o deus un testeni a c'hell skrivan da robindestoitstregunc@gmail.com pe kas ur gemenadenn d'ar blog robindestoitstregunc.blogspot.com pe c'hoazh goulenn da vout mignon d'ar bajenn facebook.

ar gwagennoù fall

2010-09-18T18:43:00.001+02:00

Rakjedet e vez gant an Departamant skignan internet gant gwagennoù ouzhpenn 3,5 Gigahertz digant 59 peul a gaso skinoù betek 50km war dro ar rannvroioù "gwenn" lec'h ne vez ket resevet an ADSL. Ret eo gouzout eo fall put an doare se evit ar boudoù bev. Ret eo deoc'h larout ho sonj war pennarbednumerique.fr ha goulenn titouroù all diganin (e galleg hag e saozneg) da robindestoitstregunc@gmail.com. Trugarez

Kyte ur seurt iMovie en linenn

2010-04-21T23:42:00.001+02:00

Kyte a skign ac'hanoc'h buan ha buan:

Klevet meus komz gant Veronica Belmont eus Podkast Mahalo daily deus ul lec'hienn a c'hellfe dedennañ ac'hanoc'h.

war lec’hienn www.kyte.com eo ha digoust eo c'hoazh m'ho peus c'hoant, da larout eo tu zo paeañ evit kaout traoù ouzhpenn, evit an embregerezhioù da skwer.

Moien zo deoc'h lakaat skeudennoù, sonioù, filmoù, enrolladennoù video war ar prim en linenn en un taol lagad ha sellout ouzh re ar re all.

Petra nevez a larit c'hwi? Netra en gwirionezh, graet e vez an dra-se gant Youtube, Dailymotion ha Meefedia dija. Ya, nemet e vez naet tre an etrefas e-barzh Kyte, en doare pro Apple, m'ho peus c'hoant, gant kinkladurioù a denn eus danvezioù nobl e-gizh an dir ur groc'hen treuzwelus a en em lak war an traoù n'eus ket tu ober gante pa labour ar meziant, livioù splann gant an orangez ha dous gant ar glaz sklaer.

Ar pezh a zo pouezhusoc'h eo efedusted ar binviji krouiñ.
En tu kleiz d'ar skramm ho peus ikonoù a ziskouezh en un doare anat ar pezh zo moien ober gante: krouiñ un diaporama, postañ skeudennoù, enrollañ ur video en linenn, kargañ ur film graet en araok, postañ ur son. N'ho po nemet tennañ an ikon betek ar skrammig e-kreizh evit ouzhpennañ ho dafar. Ur marzh. Ur wech skrivet an titl ha gwiriekaet, boom, c'hwi zo en linenn.

Goude-se e vo kinniget deoc'h embannañ ho abadenn war lec'hiennoù all ivez, Blogger pe Youtube, pe Facebook, pe Myspace da skwer; eizh choazh z'eus etre tout evit poent.
Tu vo deoc'h ivez ouzhpennañ ho krouidigezh war forzh peseurt lec'hienn pe blog ho po graet en ur kopiañ un tamm programm graet gant Kyte war an taol hag en ur pegañ anezhañ goude war ho lec'hienn. Linennoù HTML eo, neuze e vo ret deoc'h mont e-barzh en doare kemmañ, da larout eo éditer e galleg.

Zoho notebook - iMovie

2010-04-21T23:26:00.003+02:00

Zoho notebook hag iMovie:

Salut tout an dud. Hiziv em eus c’hoant da gozeal deoc’h eus daoù dra c’hoazh.
Kavet meus war ar rouedad ul lec’hienn dedennus all hag implijet meus evit gwir meziant Apple iMovie.

Da grediñ ganti Zoho notebook war www.zoho.com. Ur notebook krenvoc’h eget hini Google eo. Gouest eo da rannañ titouroù gant hini pe hini eus meziantoù en linenn zoho, da laret eo ar program skrivañ, an taolenn jediñ, ar raktreser, ar wiki, an diazez titouroù hag all. Digoust eo ivez. aes tre eo stagañ un teuliad graet gant zoho sheets (an taolennoù jediñ), pe gant zoho writer (an testennoù) da skwer. Deoc’h da choaz ma vint lakaet tal ouzh tal er memes pajenn pe pep hini war e balenn dezhañ. Neuze tu zo d’ober tamm pe damm ar memestra eget gant ar meziant en linenn all anvet creative pro office em boa komzet diwar e benn n’eus ket pell zo, da laret eo heuliañ ur raktres en ur stagañ ouzh ho “book” tout ar fichennaouegoù a denn dioutañ war ho pladenn kalet pe war ho rouedad embregerezh. Tu zo da eskemmañ al levr se en e bezh pe tra-mañ tra deusoutañ en ul lakaat chomlec’h mail re ho skipailh hag en ur larout d’ar program ma vint gouest da chench tra-mañ tra pe nemet da lenn anezho. Moien ez eus ouzhpenn da chatiñ gant ar re se ma z’int en linenn er memes mare ganeoc’h.

Peogwir ne oan ket gouest da lakaat film ma fodkast diwezhañ war Kaouenn.net na war universpodcast rak e oa re vraz (dindan 90 Mega eo dov dezhañ bezañ evit kaouenn.net ha dindan 100 evit universpodcast), setu on bet war iMovie da zellout ma oa tu da vihanaat anezhañ hag ur burzhud zo erruet: deut eo da vezañ nemet 8,4 mega ponner, pezh zo zouesus peogwir meus ouzhpennet ur son digeriñ hag un efed video er penn kentañ goude bezañ bet o tennañ an trouz em boa graet gant ma folennoù. Er penn kentañ e oa 222 Mega ar fichennaoueg Avi deut maez eus ma venveg skeudenniñ.Bremañ eo aes tre din lakaat ma fodkastoù video en linenn.
Penaos en deus graet iMovie evit ober an dra se? En un treiñ ar fichennaoueg er stumm iMovie evit chench traoù zo, hag ur wech echuet ganin en un treiñ anezhañ endro met en ar stumm “mov” a vez implijet gant Quicktime. Ouzhpennet meus ar choaz “bihanaet evit implij war ar rouedad d’ar red”, ha mad pell zo.
Evit cheñch ho film a orin e vez graet un tammig e-giz gant Garageband, meziant podkastiñ Apple, da laret eo tu zo da droc’hañ traoù kuit ha da adstagañ an tammoù; tu zo ouzhpennañ roudoù evit lakaat “jingles” pe trouzioù pe ur sonerezh fons; tu zo krenvaat son-mañ son, ouzhpennañ efedoù e-giz ar “fondu enchaîné” mil vrudet, pe efedoù a denn eus un diaporama pe efedoù sinema. Ur wech graet ho meskaj ganeoc’h po aon un tamm peogwir e pouezho ho labour ouzhpenn ur Giga evit pemp munutenn a film, met e-giz meus laret deoc’h tuchantig, tout an traoù a echuo mad a benn ar fin.

Webnoz hag an TVou breizhat all

2010-04-21T23:14:00.002+02:00

Webnoz hag an TeVeou all

Hag en peus klevet preg un tamm eus ar chadenn Brezoweb hag en deus graet tro dro tregont nozvezh dija.
Ur blijadur eo d'he sellout memes ma pad un tammig hir bewech. Ur spont eo gwellout n'eo ket gouest ar servij foran da sevel abadennou ken bev buhezek.
Kavet e vez ar webnoziou war lec'hienn brezhoweb, hini armortv hag hini surlaplace.tv.
Savet int en un doare magazin en ur lakaat unan goude eben mareou diviz, kanaouennou ha reportachou.
Dibabet eo bet gant Lionel BUANNIC, kazetennour meur an abadenn, chench lec'h bewech, sur awalac'h evit nompas kreizennan ar chadenn e-giz m'eman ar re all.
Lionel BUANNIC a oa penn gazetenner en TV Breizh araok ha marteze en deus kavet e oa diaesoc'h tapout an dud dre an Oriant eget en ur mont daveto.
Un tammig «provo» e-giz e vez laret e galleg eo ar paotr met lak a ra ar pouezh war an traou diaesan evit klask diskoulman un tammig ar c'hudennou se.
Troet eo ivez war an traou a vreman kentoc'h ha sur mat en deus c'hoant e vefe kollet gant ar vretoned memes ar sonj eus an dispriz oa bet war o sevenadur.
War dachenn ar skinwell ez eus un nebeut traou nevez all memestra.
An tour tan oa an hini kentan, en ur skignan ar cyberfestnoz hag arvestou sevenadurel pouezhus.
An hini kentan tout oa TVBreizh eveljust, met skignan a re war al loariell surtout.
Breman ez eus ivez abadennou Surla place TV, met ar re se a zo e galleg, e-giz re Armor TV hag en deus keleier boutin reoliek. Bez ez eus erfin, Le Télégramme abaoe 2007, e galleg c'hoazh.
E brezhoneg e vez skignet hervez ar gazetenn hollvrezhoneg Ya, muioc'h eget teir eurvezh hanter a abadennou war dachenn Breizh uhel gant TVrennes35.
Adskignet e vez ganto ar Webounoz, met produet e bet ivez abadennou yaouank o spered e-giz Strak e lerc'h div blac'h a rae un tro Breizh evit kinnig deoc'h an traou ez eus moien ober e kêr-man-kêr graet gant Kalanna. Ur seurt Taratata e brezhoneg,urban Breizh hec'h anv, a vez graet ivez war dachenn ar krouin e Breizh a fed sonerezh. Ha 'benn ar fin e vez skignet ganto ar sitcom graet gant skipailhou Dizale, Pois chiche ha Pik achu, hec'h anv «Leurenn Breizh».
Kavet e vez Tvrennes35, evit ar re ne chomont ket en Il ha Gwilenn, war lec'hienn www.tvrennes35.org.

Netvibes vibrations

2010-04-21T22:58:00.002+02:00

Traoù nevez gant Netvibes:
Aet on skuizh da gaout div bajenn dastum gant ma web 2.0: iGoogle ha Netvibes, neuze, peogwir Netvibes a zo ul lec'hienn gall gant muioc'h a draoù da zastum ha muioc'h a doareoù d'e gemmañ, em eus divizet da chom hep ober gant iGoogle peogwir Netvibes a zo gouest da ginnig din ma gont Gmail ha ma agenda Google memestra.
Hag en ur ober un droig war widjetoù nevez Netvibes em eus merzet ez eus bremañ eus ur widjet Zoho.
Lavarout a ran endro deoc'h evit ar re ne heuliont ket mat ma fodkast, eo Zoho ur kevezour digoust da Microsoft office en linenn, ha muioc'h c'hoazh peogwir e plij din: ur wiki anvet notebook ez eus, gwelloc'h eget hini Google, hag ur krouer "bases de donées" e-giz ma vez lavaret e galleg.
Ha neuze, peogwir em oa dija Google docs war Netvibes, em eus bremañ ma holl fichennaouegoù ar bloaz e-kichen ma logodenn.
Na aes an traoù ma ya an teknik war an tu mat!
Ar pal moa c'hoant da dizout a oa kaout nebeutoc'h a traoù digor er memes mare war ma skramm hag ouzhpenn se eo deut simploc'h ma labour furchal ha krouiñ testennoù ha taolennoù nevez war stum reoù kozh.
Ret eo din displegan un tammig ivez perak em eus lakaet ma fodkastoù war ul lec'hienn ouzhpenn.
Talkshoe.com, an hini kentañ ne oa ket gouest da gemer ar fichennaouegoù er stum mp4, na Kaouenn.net kennebeut ha kouskoude oa laret gant an hini diwezhañ e oa posubl hen ober.
Perak lakaat ma enrolladennoù er stum se?
Peogwir en doare mp4 ez eus moien da ouzhpennañ skeudennoù al lec'hiennoù hag ar meziantoù a komzan diwar o penn, ar pezh a zo pouezhus memestra evit en em rentañ kont eus ar pezh eo hag o anavezout goude-se.
Ha muioc'h c'hoazh ez eus tu deoc'h heuliañ al liamm en traoñ d'ar skeudenn evit mont war al lec'hienn internet a ginnig ar meziant, pe an traoù all em eus c'hoant da eskemmañ ganeoc'h.
Tout se evit lavarout deoc'h em eus kavet ar "provider" koul-se a zo universpodcast.com e anv bennozh doue d'ar breizhat Lulumac hag en deus graet bruderezh evito en ur podcast mp4 war iProdweb.com.

Tout en un tamm war ar web: Creative pro office

2010-04-21T22:48:00.000+02:00

TOUT EN UN TAMM WAR AR WEB

E touez widjetou Netvibes on kouezet war ur berlezenn gwirion. Gwelloc'h

c'hoazh   eget voo2do e komzan diwar e benn e lec'h all. Gant ar

meziant en linenn-man ho po tro da grouin raktresou a stumo ho labour. Moien

vo deoc'h liamman tud ho skipailh d'ar raktres se en ur enrollan ho anv, rakanv,

mel ha live (merour, rener, implijiad, sikour e-maez d'ho strollad. Tu vo deoc'h

ivez dastum tout ar fichennaouegou o c'hortoz a bep tu d'ho urzhiataer evit

bezan urzhiet en un doare efedus hag a denn eus ar raktres. N'eo ket tout

avat. Peogwir o peus meur a raktres tu vo deoc'h gouzout pegeit e pado ho

labour war raktres - man raktres gant ur c'hrono. Enrollet vo an amzer se e-giz

po c'hoant, dre raktres pe dre an traou d'ober e-barzh ho raktresou. Moien zeus

ivez d'enrollan an dud a zo pouezhus evit ar raktres er maez eus ho skipailh,

embregerezhiou, arbennigourien, advokaded hag all. A benn ar fin ho po tro

ivez da zerc'hel sonj eus ho tispigniou, da brientin fakturennou ha moullan anezhe

atav e-barzh "dashbord" ho raktres, da laret eo ho taolenn bourzh. Komzet

meus deoc'h eus Netvibes er penn kenta. War www.netvibes.com e kavi

anezhan. Ret eo koumananti, met digoust eo. Petra eo? Ar pouezhusan eo e

gwirionezh. Un doare da grouin ur burev en linenn gant ar   pezh a zo pouezhus

evidoc'h ha ket gant ar memes hini eget forzh piv. Penaos e vez graet an

traou? Gant programmou bihan a gemer nemet un navedenn eus ar skramm en

un derc'hel nemet ar pep pouezhusan eus an titourou. Peurliesan e vi   henchet pa

vo pouezhus kaout muioc'h a blas, betek lec'hienn a orin ar meziant pe   ur

bajenn vraz ispisial. Ar programmou bihan se a vezont anvet widjetou. Tu zo da

   gaout kantadou anezho skrivet e javaskript pe php, pe ajax, a gerzh founus tre.

   Google en deus e re war pajenn dastum iGoogle, Apple ivez war e dashboard

urzhiataer. E-touez an traou pouezhusan eus ar pezh a vez anvet ar web 2.0 int.

Task coach a sikour ho empenn

2010-04-21T21:29:00.000+02:00

Task Coach:

Task Coach zo ur seurt kelenner evit ho implij amzer ha ret eo din anzav eo gwelloc'h eget Lotus notes, Outlook ha Shedule. Digoust eo koulskoude. Perak eo gwelloc'h hervezhon? Peogwir eo aes tre gantan sellout e-giz ur framm al liveou liesseurt ar mallusted pe an urz eo ret deoc'h heulian evit dont a-benn eus un oberenn klok. Penaos e vez notet un dra d'ober e-barzh Task Coach? Evidon me e krouan da gentan ar rummad pa n'am eus ket e graet c'hoazh. Goude se e klikan war ar boutons krouin un task nevez. En em zigerin a ra un diviz lec'h e lakan an devez diwezhan tout evit echuin an dra, ar rummad, an displegadur eus ar pezh eo ret din ober, koust an oberadenn, he pouezhusted hag all. Ouzhpenn se ez eus tu deoc'h liamman ur fichennaoueg a vo implijet evit dont a-benn eus ho taol. Kinniget eo an traou d'ober e-gizh peus c'hoant, hervez ho anv, deizh al loc'han pe deizh an dibenn er rann kentan. En eil rann e vez diskouezet e-gizh ur wezenn, da larout eo ar pal da gentan hag an oberou liesseurt eo ret ober araok goude. En trede rann e vo tu heulian an amzer ho po tremenet evit pep tra; evit se e vo ret deoc'h klikan an orolaj evit enrollan an amzer se. Er pevare po ar re ho po graet war ho tro hiziv hag er pempvet ho peus ho rummadou. Ur c'hlasker zo evit sikour ac'hanoc'h adkavout tra-man tra. Tu zo deoc'h enrollan an oll ur wech an amzer pe da lakaat ar meziant en ober e-unan. Digoust eo ar programm-man hag ur bennozh Doue eo kement el labour hag evit ur gervredigezh, pe memes bar'ger ma z'eo un tammig en dizurz ho faperiou.

Sapiens ha Leopard

2010-04-21T20:51:00.001+02:00

UN TAOL BAZH HUD WAR HO URZIATAER

Diskoachet meus ur meziant bihan evidoc’h gant ur spered keltiek da vat.
Evit urziataerien Apple eo nemetken. Siwazh d’ar re all.
Sapiens e anv.
Ret vo deoc’h trein ho logodenn ur wech war ar skramm hag en un taol e vo kinniget deoc’h programmoù an dock, ar barrenn kuzh-diguzh a zastum ho meziantoù muian karet en traon d’ho skramm.
Gwelloc’h ez eus peogwir e viot gouest da ziskouachan forzh peseurt programm pe fichennaoueg eus ho Mac en ur skrivan forzh pelec’h penn kentan e anv.
Un doare fin ha founus da gregin ganti n’eo ket ta?

Leopard: ar pezh a gavan dreist gant sistem nevez Apple eo e vo eeunoc’h an endro en ur ginnig diouzhtu an traoù gwellan a veze kinniget gant ar meziantoù brudetan e-giz iTunes, Front Row, Backup, Keynote, iPhoto.
Sonj a ran surtout d’an doare sinema da ginnig ar fichennaouegoù, gant ur skritell a c’hell bezan troet e-giz e vefec’h o c’hoari kartoù.
Moien zo ouzhpenn, da sellout a dostoc’h ar pezh ez eus e-barzh ho fichennaouegoù hep digerin o meziantoù a orin.
Un dra all a zo estlammus ivez, memes ma c’hell kemer kalz a blas war ho pladenn kalet, eo ar meziant Time Machine a vez gouest da resteurel deoc'h ar pezh ho peus lammet eus ar burev pe an eil stum pa peus enrollet 10 all abaoe.
Evidon eo un araokadenn eus Backup, peogwir e vi gouest gantan da zistrein en amzer paset evit adkavout stummoù kozh ho fichennaouegoù pe skeudennoù kaset d’ar boubelenn, da skwer.
Kinniget e vez en un doare efedus tre met brav tre ivez war ur fons doare Star wars gant ur reolenn a gostez a ziskouez an deizhioù da furchal, ha bewech klasker MacOS, da lavarout eo ar Finder.
Estlammus c’hoazh eo al liesendro a zo posubl breman, en un doare ken aes e c’hellfe ur babig ober gantan.
Penaos ta?
Troc’het e vez ar skramm e pevar damm lec’h e c’hellit dasparzan ar meziantoù hag ar fichennaouegoù implijet ganeoc’h hervez o c’hoant.
Posubl e vo deoc’h neuze lakaat ho labour war unan, ur c’hoari war un all, Google war un trede damm, un deizhiater war an hini diwezhan, pe MSN pe iChat.
Gwellout a rit me zo sur penaos implij an dra se.
Aes tre eo tennan ur prenestr d’un endro d’eben ha da zistrein anezhi goude pe ket.

Ober ur podkast e brezhoneg

2010-04-21T20:37:00.001+02:00

OBER UR PODKAST E BREZHONEG

Petra eo ur podkast, da gentan?

Ur seurt abadenn radio pemdeziek pe sizuniek, nemet ne vez ket skignet ouzh ar radio met dre an internet. Penaos e vez skignet war ar rouedad?

Ret eo kavout ul lec'hienn degemer boutin, ul lec'hienn internet kwa.

Goude se ret eo bezan sur e chomo al lec'hienn se en linenn nozh-deizh.

Ur blog graet war Blogger.com pe Nireblog.com a zo awalc'h, met bez ez eus lec'hiennou ispisial war se e-giz Talkshoe.com, Go Daddy pe Universpodcast a zo gall. Paeet vi ouzhpenn ma rit war an hini
gentan. Pas kalz met n'eo ket ur micher. Warlerc'h dav vo deoc'h ober un tamm bruderezh.

Ma rit ho podkast e brezhoneg, kasit ho chomlec'h podkast d'al lec'hiennou brudetan ez eus en hor yezh ha d'ar re darempredetan eus lec'hiennou Breizh e brezhoneg pe e galleg, pe an daou, ha m'o peus c'hoant d'al lec'hiennou a denn eus an tem a vo graet war e dro en ho podkast.

Tu vo deoc'h ma lakit ho podkast war Blogger, koumanantin evit netra evit kaout statistikou diwarbenn an niver a dud a ya warnan war Google analytics, hervez ho pro, ho ker, ho urzhiater,
ho meziant navigin hag all. Moien vo deoc'h ivez degemer bruderezh digant Google a zegaso deoc'h un nebeut gwenneien ma teu tud e leizh war ho lec'hienn. Moien zo ivez eskemm
chomlec'hiou gant lec'hiennou a anavezit evit degas bizitourien nevez d'ho hini.

Petra zeus ezhomm evit hen ober?

Da gentan, kaout ur mennozh, ur sujed.

Arabat klask pemp troad d'ar maout. Sonjit er pezh a zlefe dedennan den man den kavout e brezhoneg war ar web, da bellgargan war ho urzhiater.

Aman eo an diforc'h pouezusan gant ar radio. An dud a c'hello kopian an enroladenn ba ho ti hag ober gantan ken alies hag e plijo dezho.

Setu perak e vez ret paean a wechou, ma talv a ra ar boan an titourou a zo skignet.

Evit se e vo ret deoc'h krouin ur fichennaoueg mp3 peurliesan, pe mp4 evit an iPod ha bed ar Macintosh pe urzhiateriou windows gant Quicktime hag iTunes inside.

An diforc'h etre an daou stum se a zo ar skeudennou hag ar stumman diabarzh.

Un mp3 a zo nemet ho mouezh hag ur sonerezh ma zeus tu deoc'h meskan an daou asambles.

Un mp4 en deus chapitrou pe pennadou m'o peus c'hoant. Tu zo lodennin ho enrolladenn hervez an traou a vo kontet ganeoc'h, ha tu vo deoc'h ouzhpennan skeudennou a denno eus sujedou
ar pennadou pe a ziskrivo fraezoc'h ar pezh a larit. Moien vo deoc'h memes stagan ur chomlec'h internet lec'h an dud a yelo da welout traou ouzhpenn pe resisoc'h m'o deus c'hoant pe ezhomm hen ober.

Ma ne fazian ket n'eus nemet ar meziant iTunes a zo gouest da lenn podkastou mp4.

Met implijet e vez gant 90 % eus ar binviji liesmedia hezoug ha 70 % eus an urzhiaterien a garg podkastou war ar web.

Ma fodkast din me a vez skignet war talkshoe.com ha kaouenn.net nemet en mp3 peogwir al lec'hiennou se ne zegemeront ket ar fichennaouegou mp4.

Koulskoude meus ouzhpennet skeudennou war reou zo hag en sonj emaon da lakaat anezho war ar blog-man.

Gall a rit ober fichennaouegou mp4 war ur Mac gant podcastmaker a zo shareware, pe gant Garageband a zo roet gant urzhiateriou Apple. Ar meziantou se a zo simpl tre da implij.

N'eus ket kalz a podkastou e brezhoneg c'hoazh neuze bec'h dezhi paotred ha merc'hed.

Arabat gortoz e rafe Frans bleu Breizh izel tou ar pezh peus c'hoant da gavout e brezhoneg war ar rouedad.

Netvibes hag iGoogle

2010-04-21T20:23:00.001+02:00

Netvibes hag iGoogle

Ur wech e oa hag ur wech ne oa ket, met ur wech e oa bepred…Google, hag e c'hoant da vountan ar rouedad ar pellan posubl.
Ar pezh a blij ar muian din, er maez eus ar c'hlasker, n'eo ket Youtube. Youtube a c'hell bezan fentus ha kentelius hervez ar pezh a seli, met n'on ket yaouank flamm ken hag plijetoc'h on pa kavan ur meziant a zo er memes tro aes hag a c'hell servij bemdez.
Hag iGoogle a zo deus ar re-se. Ur strollad pajennou internet eo, a c'hell dastum meur a meziant ha meur a lec'hienn e vefe daou deoc'h implijout pe bizitan pep hini d'e dro heptan.
Gall a rit koumanantin evit netra evit adkavout anezho holl pa po c'hoant.
Da skwer ma c'hont din me a zastum ur bajenn gant podkastou, oroskop, keleier, ur bajenn diduamantou gant sonerezh, ur bajenn labour gant ma fostelou, ma zeiziataer, keleier micherel, ar c'hlasker niverennou pellgomz "pajennou melen", fichennou an dud on e darempred ganto, ma fostelou Google mail, hag all hag all…
Un dra fentus eo ar c'hinkladur ho po tro da zibab. Ma hini eo un endro a denn eus an natur hag a zo liammet gant mare eus an devezh lec'h m'emaomp. Kregin a ra gant ul liv mouk hag oranjez pa erruan er burev, gant an heol o sevel, evit diskouezh ar stered hag al loar araok ez echufen ma zevezhiad labour, war ur fons glaz du.
Petra eo netvibes neuze e lari marteze?
Netvibes a zo tamm pe damm ar memestra, nemet al lec'hiennou hag ar programmou ez eus moien da zastum n'int ket tout ar memes re eget e-barzh iGoogle, ha troet eo bet e brezhoneg etrefas al lec'hienn.
Kavet meus ur meziant all efedus tre evit ma labour, met a c'hell servij, d'am mennozh, da tout an dud, da larout eo "Creative pro office". Krouet e vez gantan pajennou hervez ar raktresou o peus da heulian. Moien zo kontan an amzer tremenet war pephini, dasparzhan al labour-se hervez an traou d'ober, notennin an dud eus ar skipailh o deus traou d'ober er raktres hag an dud e vo ret mont e darempred ganto, sevel fakturennou, ober statistikou, dastum al lizhiri kaset, an taolennou savet hag all hag all…
Ar program-se n'am eus ket kavet anezhan war iGoogle.
E-barzh ma c'hont Netvibes, a zo digoust ivez, em eus podkastou c'hoazh, sonerezh, ma c'hont Facebook, ma c'hont Myspace, hini Flickr a zastum ma fotoiou, liv an amzer, ur bajenn labour gant Creative pro office, met n'am eus ket ma fostelou labour dre outlook, peogwir hennezh ne gerz ket war Netvibes betek hen.
Moien zo ivez chench ar c'hinkladuriou gant fonsou liesseurt, ha tu zo memes chench doare pep widjet d'en em ziskouezh, dre liv ha stum.
Ma peus c'hoant da rein muioc'h a blas d'ho widjetou e vo ret deoc'h sevel nebeutoc'h a bannadou.
Ar programou bihan all a vez kavet en daou du, da larout eo war iGoogle ha Netvibes a zo da skwer, orolajou, jedouerou, Youtube, Daily motion, keleier boutin, ar meteo, c'hoariou hag all…

PCerien bezit Mac

2010-04-21T14:58:00.001+02:00

PENAOS MONT EUS AR PC D'AR MAC

Peseurt diforc'hioù pouezhusan ez eus etre ar Mac hag ar PC evit ar re a zo o paouez chench ha kollet un tammig (sonj a ran d'unan bennak hag a glaske un urzhiataer simploc'h en ur vont d'ar Mac hag eo beuzet diouzhtu). Gwellout a rit ne bado ket ar stad-mañ.
Da gentan e klask paotr ar PC e pellec'h eman ar roll «démarrer» da larout eo kregin ganti.
N'eus ket deusoutañ. Met an dock a vez kavet en traon d'ar skramm en ul lakaat al logodenn da vont warnañ. Arabat klikañ div wech, ar Mac n'eo ket sot anezhañ.
Tout ar programmoù ne vezont ket kavet amañ. Nemet ar re pouzhusañ dibabet gant Apple pe ganeoc'h goude. Gall a ri chench anezho aes tre en ur klikañ war ho pladenn kalet, ho doser «Applications» hag en ur tennañ an hini po c'hoant davet an Dock.
Ar fichennaouegoù a vez laosket war ar burev a grog d'en em lakaat eus an tu dehou d'an tu kleiz met moien ez eus d'en em gustum, ket?
Memes mod, ar roll, lec'h vo kavet an doareoù dishenvel da lakaat ho urziataer da labourat a vez atav d'al laezh ha n'eo ket stag ouzh ar prenestr, ouzh ar skramm ne laran ket.
Penaos ivez renkañ ar mont tre war internet?
N'eus nemet daou dra d'ober: sellout ouzh ar re «Préférences système» en dock ha klikañ war «réseau» da larout eo rouedad. Hoc'h anv ha ger guzh a vo lakaet enno, ha dibabet an doare, fun ethernet pe wifi.
Penaos e vez moullet un dra bennak eus ur Mac? Ar moulerezh a zo war ho purev. N'ho po nemet tennañ ar fichennaoueg warni pe, peurliesañ dibab moullañ e menu fichennaouegoù.
Evit kavout ar re se e vo ret deoc'h klikañ war ho pladenn kalet. diskouezet e vint deoc'h da neuze un tammig memes mod eget war ho PC kozh nemet e lec'h ho purev vo kinniget deoc'h mont d'ar gêr. N'eo ket gevier skeudenn un tiig en deus. Ar sonerezh, ar skeudennoù hag ar filmoù a vez kinniget kichenn ha kichenn ha ket en ho dokumantoù. Memestra evit ar meziantoù. Ouzhpenn se ez eus un teul gant tres an arouez nukleel, arabat goulenn diganin perak. Servij a ra da lakaat tout an traoù ho peus c'hoant da enrollañ war ur CD pe un DVD.
Ne welan ket kalz a dra all nemet ne gerzont ket tout ar meziantoù PC war ur Mac, ar sistem a teu eus UNIX, setu perak eo ken stabil.

Miro an iTunes goustlet d'ar video

2010-04-21T14:51:00.001+02:00

Ul lenner a feson evit ar skinwell niverel

Hiziv em eus c'hoant da gaozeal deoc'h diwarbenn Miro.
Petra eo ?
Ur meziant e giz iTunes eo met evit ar video nemetken.
Klevet meus komz deus outan e podkast iProdweb war iprodweb.com, ur podkast mat e galleg diwarbenn urzhiaterien Apple hag ar moullan. Trugarez dezho evit ar mennozh.
En Miro ez eus tu deoc'h koumanantin evit pellgargan kazi hep gouzout deoc'h an abadennou skinwell en linenn ez eus war ar rouedad.
Moien zo deoc'h ivez klask aes tre dre rummadou sujet, dre yezhou, e-touez ar chadennou keleier, pe ar chadennou evit deskin tra-man tra.
Renket a ri ho dibabou dre listennou c'hoari er memes mod eget e-barzh iTunes pe radio.blog.club.com. Renablet eo al listennou se en tu kleiz d'ar skramm e-giz e ra iTunes. Un dra henvel ivez eo an doare da espern plas war ho pladenn kalet en ur zistruj goude ur prantad ho po choazet ar fichennaouegou pellgarget. Tu zo deoc'h memes dibab nompas distruj podkast-man podkast.
Ar pezh a zo souezhus eo n'eo ket iTunes e-unan ken soupl hag aes eget Miro e kenver ar video.
Ar meziant se zo dedennus tre e doareou d'ober. Gouest eo da bellgargan ar podkastou video pe an abadennou hervez reolennou ho po choazet a ratozh hervez an eur, an devezh, ma z'eo digor ar program hag all. Tu zo deoc'h rein dezhan ar chomlec'h ivez.

Meziantoù Google

2010-04-21T14:46:00.001+02:00

Kalz traoù a vez kinniget deoc'h

gant Google.

Google a zo anvet giz an enklasker efedusañ ez eus. Ouzhpennet eo bet iz-lec'hiennoù ispisializet evit sikour ac'hanoc'h da gavout blogoù, skeudennoù, levrioù en linenn, skolioù, emsavadurioù lec'hel hag all.Ur bochad meziantoù enlinenn ez eus moien da implijout evit netra e-touez ar meziantoù en ho stumm kentañ peurliesañ, da larout eo beta.

Ret eo deoc'h evit kregiñ sinañ evit ur gont google mail. An alc'hwezh eo evit ar peurrest. N'eo ket ret ken da vezañ pedet gant un den all.

Goude po tro d'implij hoc'h unan pe a stroll, Documents and spreadsheets a dalv evit traitement de texte ha tableur e galleg.

Klevet peus komz marteze eus Google maps ha Google Earth a zo un doare marzus da welout hor voul douar eus pell pe a dost en ur ouzhpennañ titouroù liesseurt:

plan ker-mañ ger;
e pelec'h ez eus eus gorilhed e bro Tanzanie;

e pelec'h ez eus ur brezel;

eus peseurt lec'hioù Shakespeare neus komzet;

pelec'h ez eus pretier pe ostaliri;

piv ha eus pelec'h un bennak n'eus kaset ur foto d'e gont flickr hag all hag all.

War ur sujed tostig awalc'h c'hwi po c'hoant marteze mont da danvañ, ha marteze goude da implijout 'sketchup' a roio tro deoc'h tennañ eus un dachenn rezis eus skeudenn ur straed, stumm ar vatimant a vez gwelet du-se gant m'o po kemeret ur foto eus tu araok ar savadur da gentañ. Ostilhou zo memestra e-barzh ar meziant evit tresañ an toen.

Ma peus c'hoant mont pelloc'h eget ar postel, d'an tu all, po tro d'implij google talk a zo ur meziant flappiñ tost da skype pe da iChat, pe c'hoazh da MSN.

Pelloc'h vo tu deoc'h ivez, gant Orkut, sevel ur gumuniezh deoc'h
war ar rouedad, en doare myspace pe Facebook en ur ziskouez ar perzhioù mat eus ho fersonelezh evit mont en darempred gant reoù all.

Tout ar meziantoù se a labour mat awalc'h asambles.

War zu ar skeudennoù po ivez ar meziant Picasa a servij da zastum ho fotoioù war ho urziater, met ivez da gas anezho dre postel pe war ho plog.

Ur meziant pouezus awalc'h all a zo « Agenda ». Un deiziater en linenn eo a c'hell emporzhiañ emgavioù ar meziantoù all ez eus war ar marc'had. Ar pezh a c'hell bezañ dedennus deoc'h ivez eo c'hwi a vo gouest amañ da lodenniñ ho hini gant piv a gari…

Last FM ar radio diwezhan?

2010-04-21T14:38:00.002+02:00

LAST FM – HAG EN EO GWIR?

Ha ret eo lavarout kenavo d'ar radioioù a anveomp betek bremañ?
Perak ar goulenn-mañ?
Peogwir eo posubl bremañ gant Last FM, sevel ho radio deoc'h c'hwi.
Tu zo deoc'h goulenn ma vo c'hoariet kanaouennmañ-kanaouenn gant piv a garit ma z'eo e-touez ar fichennaouegoù enrollet war al lec'hienn.
Tu zo deoc'h ouzhpenn bezañ barrekoc'h-barrekañ war ho stil, rak e vez kinniget deoc'h gant ar programm aozourien, arzourien tost eus ar pezh a garit,
bewech gant skeudennou hag alies gant displegadennoù istorel hag arzel.
Moien zo da ouzhpennañ titouroù pe da ginnig «tagoù», da laret eo tiketennoù a lakfemp war ar sonerezh a fed stil pe orin.
C'hwi a c'helli ivez dibab ar sonerezh a blij deoc'h ar muiañ, goulenn ma ne vo ket kinniget ken deoc'h hini pe hini.
Moien zo c'hoazh eskemm war Facebook, pep hini e taolioù kalon e-giz e vez laret, ha kenveriañ ho listen selaou.
Memesmod ez eus tu war lec'hienn Last FM sevel strolladoù mignoned gant ar re a selaou ar memes muzik egedoc'h. Kerz a ra un tammig e-giz Facebook pe My space just awalc'h.
C'hwi po nemet da glikañ war ur ger ha boum, ar goulenn vo kaset d'an hini po choazet e-touez ho amezeien a fed sonerezh.
Bez ez eus filmoù memes, diwarbenn ho arzourien muiañ karet.
Kignez war ar wastell ez eus ur strollad war al lec'hienn hag ur wazh war al lec'hienn a zifenn ar yezhoù minorelaet.
Neuze, perak ez afes da selaou ar skingomz mod kozh?
Perak selaou ouzh bruderezh pe meteo bro c'hall an hanter eus an amzer?
Perak kenderc'hel klevout diwarbenn beaj diwezhañ hor prezidant penn toueler ha brabanser a daol trumm?
Setu perak e sonjan ne vo ket mui a-benn nebeut eus ar radioioù kozh e-giz eus ar skinwelioù kozh kennebeut dre c'hras ar meziant anvet Miro, piv a glemmo? Ket me.

Labour a stroll

2010-04-21T14:18:00.000+02:00

Hiziv meus lakaet em fenn kaozeal eus al labour a stroll.

Evit ma labour en ti kêr e klasken abaoe pellig awalac'h ur benveg evit liammañ

ar chomlec'hioù meus dastumet eus an dud a labouran ganto,

ha deus ar pezh a ran ganto, kas liziri, respont d'ar glemmoù,

kas teuliadoù da reoù all, hag all...

Kavet meus war ar rouedad ul lec'hienn liesseurt awalc'h

a zastum binviji evit hen ober: www.zoho.com.

Aze e kavoc'h evit netra peurliesañ, ur programm evit skrivañ,

unan all evit jediñ a zo par da reoù Microsoft hag a labour mat tre gant meziantoù

ramz an informatik. Pellgargat ho fichennaouegoù e c'helli ober eus Word hag Excel, hag ar c'hontrol ivez.

Met n'eo ket tout, bez ez eus ivez ar pezh a vez anvet e saozneg ur CRM,

da laret eo, e-gizh e-barzh an embregerezhioù,

ur meziant evit derc'hel sonj eus titouroù pouezhus ar pratikoù.

N'eo ket nemet ho chomlec'h met ivez, ar pezh zo bet gwerzet,

ar pezh zo bet paeet, ar kudennoù zo bet.

Moien zo ivez evit ar melestradurezh pe ag gevredigezhioù,

implij seurt traoù memes ma vez ret a-wechoù chench an titouroù a zo lakaet e-barzh.

Un all a roio tu deoc'h krouiñ hag heuliañ ho raktresoù ha kinnig da tud zo kemer perzh el labour-mañ.
Ar pezh zo pouezusoc'h c'hoazh eo c'hwi a c'hello krouiñ,

en ur meziant all eus al lec'hienn, un dastmad titouroù hervez ho toare.

Ar rumm se a meziantoù a zo klassel awalc'h c'hoazh, met bez ez eus daoù all

a gemer muioc'h spered ar wiad.

An hini kentañ a zo Highrise, war www.highrisehq.com.

Amañ an titouroù a chom war urzhiater Highrise.

Moien vo deoc'h kopiañ anezho eveljust.

Tu vo deoc'h kargañ chomlec'hiou ho skipailh, ho mignoned, ho pratikoù en linenn.

Bewech po ur mel pe un taol pellgomz eus ar re-se,

po tro da verkañ peseurt abeg a oa a orin eus an eskemm ha da skrivañ ez buan

ar pezh e vo ret deoc'h derc'hel evit an dazont.

Meur a zoare zo goude da adkavout ho titouroù dre rummadoù, dre abegoù,

dre an deiziater. Ar memestra a zo posubl evit an darvoudoù da zont.

Al lec'hienn diwezhañ meus kavet, hag a zo ma muiañ karet, eo www.voo2do.com.

Founus tre e labour ha dastum a ra an titouroù en un doare sklaer tre koulskoude er pezh a anveont « Dashbaord ».
Ur wech c'hoazh ho raktresoù a vez heuliet hag ar re a ra pled outo.

Moien zo ivez sellout ez buan an amzer tremenet evit pep raktres ha pep tra d'ober.

N'eus ket tu evit ar mare da pediñ war eeun tud da gemer perzh e-barzh al labour,

met rakjedet eo dija gant an aozerien.

Evit echuiñ eo ret menegiñ Google. Kinnig a ra ivez un doare Word hag un doare Excel enlinenn.

Moien zo pediñ tud da zont da wellout ho labour ha da che'ch anezhañ m'ho peus c'hoant ivez…

En tu all c'hwi a c'helli heuliañ dre google mail an eskemmoù ho po gant den-mañ-den,

er pezh a anveont divizoù. Ar pezh zo chalus un tamm eo n'eo ket founus tre,

na tout en un tamm, met kerz a ra mat kenan ivez.

Breman ez eus ivez war Gmail ur benvek evit derc'hel sonj eus ar pezh peus d'ober hag un all

evit mont diouzhtu d'ho fichennaouegoù en linenn war Google docs.

Derc'hel tout asambles war ho urzhiater

2010-04-21T13:18:00.000+02:00

Penaos derc'hel ho fichennaouegou asambles pa z'eo pouezhus evidoc'h

Hiziv em eus c'hoant da gaozeal deoc'h diwarbenn ar mod da zastum o traou war ho urziataer en un doare fin, un tammig e-gizh Creative pro office war ar rouedad. Klevet meus war podkast Franck DE GRAEVE "Neat little Mac apps" anv eus ar program KIT, da larout eo "keep it together".
Pell zo moa c'hoant kaout ur program a seurt se ha shareware eo ouzhpenn.
Ar pal eo bezan gouest da adkavout en ur memes lec'h ar fichennaouegou ho peus c'hoant da liamman hervez ar pezh zo barzh.
Tu zo da strollan testennou, skeudennou, filmou, toniou, lec'hiennou internet hag all.
N'eo nemet evit urziaterien Apple evit ar mare met unan all a ra tamm pe damm ar memestra e bed an urziaterien a dro dindan Windows, graet gant ur skipailh vihan eus Bro C'hall "Edilog".
Kerzh a ra KIT un tammig en doare iTunes. Lakaet e vez ar fichennaouegou tennet war ar program en ul levraoueg krouet pe choazet ganeoc'h.
Moien zo gwellout ar fichennaouegou eus diabarzh KIT, memes ar re PDF.
Livet e c'hell bezan ivez evidoc'h da vezan gouest da adkavout anezhe fonnusoc'h hervez rummadou.
Ar memes fichennaoueg a c'hell bezan lakaet e meur a listenn.
Adkavet e vi ivez dre skrivan al lizerennou kentan er c'hlasker.
Er siellou web ez eus tu implij al liammou e-gizh ma vefe digor ar meziant implijet ganeoc'h evit mont war ar rouedad.
An doare meus pellgarget eo niverenn 1.3.8. Ar system koshan a c'hell lakaat KIT da vont en dro a zo Mac OS X 10.4.
Spi meus e c'hello ar meziant se bezan ken efedus ha pouezhus evidoc'h eget evidon. Kavet e vez ar bajenn pellgargan war lec'hienn Apple hag un nebeut reou all dre Google klasker.

I'm in like with you (it's a joke) ha plaxo

2010-04-20T19:45:00.000+02:00

Kavet meus war ar rouedad daoù lec’hienn dedennus. Unan fentus hag an all siriusoc’h.

An hini gentañ a zo Iminlikewithyou. Ur seurt lec’hienn merc’hetañ eo. Gall a rit en em ginnig, lakaat skeudennoù, filmoù, an traoù ablij deoc’h, an traoù a garit ober hag all. An dud a c’hello lakaat o mennozhioù diwarbenn ar pezh ho po lakaet, ha memes divizout war tamm pe damm eus ho video. Ur rouedad sokial eo ivez. Ha c’hoazh a larit c’hwi? Ya, met un dra dishenvel zo e kenver ar re all: gall a rit sevel c’hoarioù evit komprenn gwelloc’h piv zo hini pe hini a kavit war al lec’hienn dre goulennoù a bep seurt. D’ar re all da respont. Goulennet e vez traoù diganeoc’h ivez gant ar webmaster a lak ac’hanoc’h da c’hounit poentoù ma vez respontet mat ganeoc’h e kenver sonjoù “reizh” al lec’hienn. Plijus emañ ha fentus ivez.

An eil lec’hienn a zo un doare da gaout ho lec’hiennoù ha posteloù muiañ karet holl asambles e pellec’h en em gavfec’h gant ma z eus eus un urziataer gant ur mont tre war ar rouedad. Gall a rit lakaat kenamzer ho zeiziataer gant hini ho labour hag hini ho ti er memes doare hag e vez graet gant ar chomlec’hioù. Graet meus an dra-se gant ma fosteloù Google mail ha .Mac ha kerzet en deus mat tre. Gall a rit ivez kas fichennaouegoù d’ar re o do ho chomlec’h en ho diazez titouroù. Gall a rit notenniñ traoù en linenn, ober evezhiadennoù d’ar re all hag all. Aes eo hag efedus e c’hell bezañ neuze kit war www.plaxo.com. Digoust eo ivez.

iLife

2010-04-20T19:44:00.001+02:00

iLife 2008

C'hoant meus da gozeal deoc'h eus stum nevez iLife, heuliad meziantou brudet eus Apple.
Liesseurt eo an heuliad-man peogwir e vez kavet eno iPhoto, iTunes, iWeb, iMovie, ha Garageband; da larout eo tout ar pezh ez eus ezhomm evit labourat war al liesmedia.
1.- iTunes a zo an hini brudetan: Gall a ri gantan dastumat ha rannan ho sonerezh muian karet, ha selaou anezhi eveljust. Komzet m'oa diwar e benn n'eus ket pell er blog-man. C'hwi sonj deoc'h marteze n'eo ket gwall divoutin ur program a seurt se. Gwir eo. Ur wech c'hoazh gant Apple n'eo ket ober traou dreistordinal e vez graet met graet e vez mat kenan, aes tre ha gant un endro labour brav kenan.
Ar fichennaouegou degemeret eo ar re mp3 hag mp4, ar re AAC (stum krouet gant Apple he unan), podkastou, filmou video, levriou niverel, sonerezh. Dastumet eo da gentan ar soniou da skwer dre ho nevezenti, dre ar gementad a lennadennou, dre ho live, da larout eo pet stered o peus roet dezho. Krouin a rit goude se al listennou po c'hoant d'ober, dre stum sonerezh pe kaner, pe bro orin. Gall a rit ivez krouin listennou fin, da larout eo listennou a gemero ar soniou a boan kopiet, hervez ho choaz equalizer, pe hervez doare muzik hag all.
Gall a rit emporzhian ivez, pezh zo dedennus evit Apple, toniou eus an Applestore evit ur prizh dereat awalc'h, peurliesan 0,99 $ pep hini. Evit ar podkastou, gall a rit ivez klask ar podkastou a blijo deoc'h dre anv pe dre an temou, ha koumanantin evit ma pellgargo iTunes ar re-se evidoc'h. Breman eo posubl paean un tammig kaeroc'h ar soniou evit bezan gouest da eilan anezho hep kudenn war forzh peseurt benveg all pe forzh peseurt pladenn.
2.- iWeb a zo ur meziant aes tre ivez ober gantan lec'hiennou internet. Apple en deus laket meur a stum CSS e-barzh evidoc'h da lakaat ho skeudennou, soniou ha testennou aesoc'h, hep skrivan linennou html pe javaskript. aergelc'hiou mor pe vakansou zo, re all sirius pe klassel, re all modern pe zen, pe dous c'hoazh, gant liviou a vez laket d'ar vugaligou... choaz zo pa laran deoc'h. Moien zo deoc'h lakaat un tamm displegadenn dindan pep skeudenn pe son. Goude se vo kiniget deoc'h kas ho fichennaoueg lec'hienn war hini ur pourvezer dre skrivan e chomlec'h, pe war ho gont .Mac.
3.- iPhoto a aesa memesmod ar mirout hag an implij evit ho skeudennou niverel. Emporzhiet e vez da gentan ho skeudennou deus ho poltrejer pe ho kamera, ha laket e vezont dre darvoudou en ho levraoueg. An darvoudou a c'hell bezan dastumet a rummadou ha hervezh ar bloavezh krouin. Ma z eo kliket warno e vezont digoret en ur ziskouezh an holl skeudennou a zo e-barzh. Ma tremenit ar saezh warno e vezont diskouezet ez founnus an eil goude eben.
Moien zo ober deiziateriou ganto pe kas anezho war ul lec'hienn eskemm e-giz Flikr, pe Google images.
4.- iMovie a ro deoc'h ur chans d'ober ur video a feson hep dispignian ur bern arc'hant evit kaout ur meziant pro e-giz Premiere. Gall a rit lakaat war ur fulenn an tammou film dishenvel po war ho urziataer en ur implij itrikou gwell anvet er sinema a fed sonerezhiou, trouziou, tammou etre hag all. Gall a rit goude se, e-giz gant ar binviji all eus an heuliad, engravin ho filmou war ur bladenn aour. Efedou nevez zo gant an embannadur diwezhan a zo henvel tre ouzh re ar meziant diskouezh Keynote pe an Apple TV ha Front row, e gwenn war zu gant tamm pe damm a zreuswelusted.
5.- Garageband a zo evidon an hini gwellan, marteze peogwir n'am eus ket kavet gwelloc'h evit ober aes tre ma fodkast. Kavet e vez eno meur a venveg, hag e-touez ar re-se moueziou pre reoliet en equalizer. Moien zo krouin meur a roudenn eveljust hag emporzhian e-barzh toniou pe mouezhiou lec'hiet war ho urzhiataer pe get, pe c'hoazh o enrollan war eeun. Labouret e vez goude warni en ur dibab krenvder ar son, pe en ur ouzhpennan traou pe efedou dre ur seurt tiretenn hud gant tout ho dafar liesmedia eus meziantou all an heuliad. E-touez an efedou ez eus ar pezh a anveont "gwagennou". An dra ouzhpenn eo ar roudenn podkast lec'h e vez laket ar skeudennou da ziskouezh en iTunes pe war lenner Google pa za ar podkast endro. Krenvoc'h c'hoazh eo al liamm e c'hellit krouin nemet en ur skrivan chomlec'h ul lec'hienn lec'h an dud a gavo titourou ouzhpenn pe displegadennou, pe meziantou da bellgargan. En nebeutoc'h a geriou, tout ar pezh a zo ret evit lakaat an dud da wiriekaat ar pezh a larit. ar chomlec'h-se a c'hell memes bezan kuzet gant ur frazenn displegan e kavit dedennusoc'h pe aesoc'h lakaat da arvestin aman.
Ur wech echuet ho podkast pe ho sonerezh e vo enrollet ganeoc'h en un doare tev pe skanv evit kas ar fichennaoueg war ho lec'hienn internet, pe troet en araok en ur stumm all gant ar meziant digoust "switch". Evit gwelout ha klevout an disoc'h e kuzulian deoc'h kas ho oberenn war iTunes dre ar roll "araozet". Nag ur souezhadenn ho po ar wech kentan en em gavout a live gant Frans bleu Breizh izel pe tost. Ma peus c'hoant gwiriekaat an disoc'h war un ton ha chench aes tre ar binviji implijet n'o po nemet aesean an tu nevez krouet en embannadur nevez a lak da welout ul leurenn gwirhenvel gant ar binviji choazet. Aes ha fentus er memes amzer.

eilan ho pladenn kalet

2010-04-20T19:43:00.001+02:00

Penaos ober un eil skeudenn eus ho fichennaouegou ha teuliadou

N'on ket barrek war implij "Terminal" met gant PsyncX on deut a benn d'aozan ur melezour etre pladenn kalet ma urziater ha ma fladenn diavaezh.
E-barzh "PsyncX" eo posubl eilan ar pezh o peus c'hoant en o urziater. Moien zo dibab forzh pe fichennaoueg, forzh pe teuliad ha kas ur skeudenn dioutan war ur bladenn kalet all pe un alc'hwezh USB.
Tu zo ivez da zibab pevare e vo eilet endro ha ma chomo ar c'hopi kentan pe get.
Ar pezh zo gwelloc'h c'hoazh eo digoust pa koust e c'hevezer iSyncX 20$.
Moien zo deoc'h rein un tamm moneiz evit sikour an den en deus skrivet ar program memestra.
Penaos ez a endro?
An dibabou a vezont graet e-barzh PsyncX da gentan.
Goude se e vez graet ar peurrest gant "Terminal" e unan.
Ur gerig a gemenn deoc'h fin al labour.
Evit ar re a gar ar c'helou o redeg em eus ur c'helou klevet war podkast Amber Mac Arthur, commandN. Graet vo war dro an tele gant Google a benn nebeut.
Klask a reont ober evit ar skinwell ar pezh a zo bet graet evit an internet.

blogoù e brezhoneg

2010-04-20T19:41:00.001+02:00

BLOGOU E BREZHONEG

Prientet meus deoc'h ur valeadenn bihan war planedenn ar blogou e brezhoneg.

Ai'ta Bro Naoned a teu gant ur blog a lak ar gaoz war an anviou lec'h. Skrivet vez ivez pevare vo manifestadegou ganto ha lakaet e vez skeudennoù dac'houde.

Blog Divskouarn a zo brav da welet gant e liv mouk ha gwenn e galleg ha ruz ha gwenn e brezhoneg. Kavet vez eno titourou diwar benn ar micheriou a ra war dro ar vugale, an etat sivil divyezhek, pladennou rimadellou ha kanaouennou e brezhoneg evit luskellaat ho pabigou ouzh mouezh flour Mona Jaouen pe Yann Fanch Kemener hag all. Moien zo sinan a enep diviz ar C'haf er Morbihan pe e bro Roazhon da nompas rein arc'hant dezho peogwir e vefent sanset serret d'ar gallegerien.

Kavet meus un tamm brezhoneg ivez war «ingivaldur.blog.lemonde.fr» digant ur paotr a zo laouen gant troidigezh Skype en hor yezh.

Bez ez eus, ret eo el lavarout, blog ar blogou a zastum meur a hini (kement ne meus bet kalon awalc'h evit bizitan tout, war http://blogsbretons.canalblog.com/. Blog ar Falz a zastum titourou diwarbenn stumaduriou zo, politikerezh pe pedagogiezh.

Ar Falz en deus ivez e lec'hienn keleier a ginnig levriou Skol vreizh enlinenn hag ar c'heleier politikel ivez.

Blog «Da skouer» a zo graet gant tud yaouank eus ar pempvet klas e skol Itron Varia. Skrivet e vez eno un tammig mod ar grenarded. Chichant eo neuze. Kit da welet war «da-skouer.nireblog.com».

rezore.blogspirit.com zo ar blog brasan a anavezan gant brezhoneg eno. Kalz a draou zo barzh adalek ar politikerezh betek ar web pe ar sevenadur met ma blog me hag a zo tout e brezhoneg n'eo ket bet meneget ha koulskoude m'oa kaset dezhan ur bedadenn. Ne ket strikt. Graet vo a benn nebeut. Marteze e kortoz en da c'houzout meus bet ouzhpenn seizh kant bizitadennou araok komz deus ouzhin. Piv oar?

Blog Inosantig a zo graet ivez war Nireblog.com a ginnig deoc'h sevel ho plog gant un etrefas e brezhoneg penn da benn: http://inosantig.nireblog.com/ . Ha pebezh souezhadenn meus bet o lenn ar pennad embannet gantan. Komz a re eus ma fodkast. Biskoazh c'hoazh. Kroget eo ar gumuniezh da vat. Ha traou jentil ouzhpenn. Ya, goulenn a ran deoc'h rein ho sonj met arabat kredin on mazo memestra. Neuze, Inosantig a c'houlenne din nemet kaout ar skrid e kenver ar son. N'eo ket posubl war Talkshoe.com met laket meus ar re se war ma blogger. A du on c'hoazh pa skriv «brav oa gouzout diouzh trouzioù an anevaled war ar maez ha boazioù ha kustumoù gwechall gozh; en deiz hiziv e weler hag e klever, e KLEWELER eta, trouzioù nevez ar bed arnevez.» Ober a ran ar podkast man dres evit se. N'eus lentegezh ebet da gaout araok mont war sujedou modern, n'eus ket met bezan hon unan.

Skol veur ar bobl en em skign ivez war nireblog.com, gant tiretou etre ar geriou. Laket vez kelou pe titourou pe c'hoazh pedadennou evit stajou zo.

Paotr ar foto en deus laket war e blog testenn Bro gozh ma zadou e brezhoneg evel just, dav vo dezhan trein traou all. Sur awalc'h ez eus fotografourien o kompren ar brezhoneg. Ma n'ho peus ket an testenn kit war: http://ptitdavetjul.aliceblogs.fr/ .
Leuskel a ran ac'hanoc'h kambreal e touez ar blogou. Meur a hini all e kavi a dra sur er mod se.

ar rouedadoù sokial endro

2010-04-20T19:38:00.000+02:00

AR ROUEDADOU SOKIAL ENDRO
Komzet moa deoc'h n'eus ket pell diwar benn ar rouedadou sokial.
Un doare nevez da mirout titourou ha da eskemm anezho a zo ar rouedadou sokial war ar web.
Klevet meus war blog Loïc LE MEUR e oa deut Facebook da vezan tost ken tev eget Google war ar web er stadou unanet. Ar pezh a blij dezhan ar muian eo e vez er mod se titouret alies e mignoned pe e implijidi eus ar pezh a gav pouezhus da rein dezho da c'houzout.
Hervezan e c'hell bezan pouezhus evit un embregerezh hag eo un dra a chencho an doare da labourat buan awalac'h. Gall a reomp kredin er pezh a embann, kement a embregerezhiou en deus ar paotr, hag en deus bet...
Met efedus e c'hell bezan ivez evit pedin tud d'un abadenn peogwir en ur pedin dek en deus bet 120. Evel just ar pezh zo gwir evit un den ken anavezet n'eo ket ganin.
Koulskoude me zo vont da welout hag en eo dreist em labour ivez gant ma c'hoario a re all ivez. Ret eo adlarout eo digoust ar koumanantin war Facebook hag e vez tu da eskemm fichennaouegou sonerezh, video, skeudennoù, testennou hag all. Ul lec'hienn eus Europa hag a zo dedennus ivez eo Joost evit ober tamm pe damm ar memestra. Diwar ar pezh a sell eus al labour eo d'am mennozh poellekoc'h betek breman an doare da labourat war Viadeo peogwir ho peus kemennadennou war oc'h e-mail ma z'eus unan hag en deus c'hoant da gejan ganeoc'h pe da labourat ganeoc'h. Ouzhpenn se oc'h titouret gwech ha gwech all eus an niver a dud o peus kejet ganto hag eus niver eus ar re a c'hellfe dedennan ac'hanout hervez ar studiou o deus graet hag o micher a vreman. Gall a rit ivez respont giz den barrek da goulennoù ar re all ha sevel goulennoù evit kaout sikour ar reall d'ho tro. An dra diwezhan eo ar foromou ispisializet kinniget gant ar re all pe ganeoc'h war sujed-man sujed, hag a c'hell sikour madig awalac'h ma n'oc'h ket gouest da ziluzian ur gudenn bennak.