Blog do telecentro-biblioteca de Esgos

Esgos no Street View

2012-01-13T13:30:00.000+01:00

A caraterística Street View de Google Maps permítenos ver panorámicas a nivel de calle das cidades e no caso do concello de Esgos, pódense ver panorámicas da OU-536, como estas:

Alto do Couso

Feirobal

Esgos

Tarreirigo

O Pinto

As Vendas

Información turística

2012-01-12T19:27:00.000+01:00

O Consorcio de Turismo da Ribeira Sacra ven de instalar no concello un punto de información turística.

Trátase dunha pantalla táctil dende a que se pode acceder de forma fácil a rutas de sendeirismo, mosteiros, restaurantes, etc dos distintos concellos que conforman a Ribeira Sacra.

Os Reis Magos visitaron Esgos

2012-01-05T20:28:00.005+01:00

Os Reis Magos visitaron ós nenos de Esgos o día 5 pola mañá. Foron recibidos polo alcalde ás portas do Concello e entregaron un pequeno agasallo a todos os asistentes. Tamén aproveitaron para entregar os premios do concurso de postais no que resultaron gañadores:

Menores de 3 anos: Fernando Rodriguez Gil
Entre 4 e 6 anos: Sara Diaz Rodriguez
Entre 7 e 9 anos: Anxo Rodriguez Tesouro
Maiores de 10 anos: Mario Gómez García

Pódense ver as fotos desta visita en http://www.concelloesgos.com/ e no facebook do concello

Actividades de Nadal para nenos

2011-12-14T09:58:00.000+01:00

As webs dos concellos ourensáns a examen en elmundo.es

2011-12-12T19:04:00.009+01:00

En http://www.elmundo.es analizan a situación das webs dos concellos ourensáns e refírense á de Esgos como "su página web es una de las más modernas y atractivas de la provincia"

Dia internacional contra a violencia de xénero

2011-11-25T00:05:00.000+01:00

Hoxe 25 de novembro conmemórase o Dia Internacional contra a violencia de xénero, este ano baixo o lema: "Non a violencia de xénero: nin hoxe , nin nunca".

Dende a biblioteca queremos contribuir un pouquiño, publicando esta nova, á sensibilización sobre o tema.

El Quijote interactivo

2011-11-22T14:15:00.005+01:00

La Biblioteca Nacional pone a disposición de todos los internautas una edición interactiva de "El Ingenioso Hidalgo Don Quijote de la Mancha" que se puede leer en el Quijote interactivo.

El Quijote interactivo es un proyecto que permite disfrutar del Quijote como si tuviéramos la primera edición del libro de Cervantes en nuestras manos, ya que se han digitalizado a muy alta calidad los ejemplares que conserva la BNE de la primera edición del Quijote: la de Madrid de 1605 y la de Madrid de 1615.

Reportaxe sobre Manuel Blanco Romasanta

2011-11-21T16:33:00.004+01:00

O equipo do programa Reporteiros da TVG desvela algúns datos descoñecidos sobre Manuel Blanco Romasanta, natural de Regueiro, en Esgos.

Romasanta, tamén nomeado o Home do Unto, o Lobishome, o Sacamanteigas, etc., para a maioría de investigadores ben podería ser o primeiro asasino en serie da historia.

A partir do minuto 28 deste vídeo podedes ver a reportaxe emitida o sábado 12 de novembro.

Recuperación do patrimonio

2011-11-18T09:13:00.000+01:00

Na biblioteca puxemos en marcha un proxecto de recopilación de cantigas, contos, lendas, etc de tradición oral. O que pretendemos é recoller por escrito a maior cantidade posible destas cantigas para que non se perdan, e tamén, aproveitamos para recopilar fotografías antigas.

Se vostede sabe cantigas ou ten fotos antigas non dubide en poñerse en contacto con nós, polas tardes na biblioteca (María) ou polas mañás nas oficinas do concello (Angeles).

Este proxecto non se pode levar a cabo sen a colaboración dos veciños, polo que solicitamos a súa axuda.

Campaña de recollida de xoguetes

2011-11-17T14:12:00.000+01:00

Con motivo da proximidade das festas do Nadal, estamos recollendo no concello xoguetes que as familias xa non utilizan para distribuilos posteriormente entre aqueles nenos e nenas que teñen dificultades para poder acceder a eles.

Non o dubides, se contas con xoguetes que xa non utilices trainos o Concello ou chama o teléfono 988290000 (Silvia ou Angeles) nós pasaremos a recollelos. Pensa que outros nenos e nenas poderán beneficiarse deses xogos.

Gracias pola vosa colaboración.

"Reduce. Ti tes a chave" trae premio... un portátil

2011-11-15T12:30:00.004+01:00

SOGAMA, empresa pública autonómica de xestión ambiental ao servizo da Xunta de Galicia puxo en marcha a campaña "Reduce. Ti tes a chave", co obxectivo de promover a activa participación da poboación na execución do principio que debe rexer a xestión sostible dos residuos urbanos, isto é, as tres erres (Redución, Reutilización e Reciclaxe).

A campaña conta cunha sección na páxina web específica www.reducetitesachave.com denominada "Achéganos as túas ideas", dende onde os interesados en participar poderán dar a coñecer as súas propostas.

Prazo: dende o 12 de novembro de 2011 ata o 16 de xaneiro de 2012.
Premio: un portátil, que se sorteará entre os autores das dez ideas que reciban maior número de votos por parte dos internautas.
Maiores de 12 anos con domicilio en Galicia.
Participación gratuita.

As bases do concurso poden consultarse eiquí

Manualidades de Samaín

2011-11-02T13:00:00.003+01:00

Para o venres pasado organizamos na biblioteca unha tarde de manualidades con motivo do Samaín.

Máis de vinte nenos/as de idades comprendidas entre os 2 e os 12 anos decoraron a súa propia cabaza e colorearon imans para a neveira con bruxas, cabazas, morcegos...

Rematamos a tarde con maquillaxe e merendando chocolate.

Magosto 2011

2011-10-24T12:13:00.001+02:00

O magosto 2011 do concello de Esgos celebrarase o vindeiro domingo 6 de novembro.

A comida a base de castañas, empanada, churrasco, chourizos, pan, viño, refrescos e bica estará amenizada polos gaiteiros "Airiños de Caldelas".

As entradas poderán comprarse nas oficinas do concello, nas asociacións de veciños, nos bares e tendas a un prezo de 6 euros por persoa.

Día: Domingo, 6 de novembro
Hora: 13.00 horas
Lugar: Praza da Souteira, en Esgos

Manualidades do Samaín

2011-10-20T17:32:00.004+02:00

O venres 28 de outubro ás 18.00 horas teremos na biblioteca un taller de manualidades dirixido a nenos, baixo o tema "O SAMAIN".

Entre outras cousas, decoraremos pequenas cabazas.

Educamóbil

2011-10-17T17:27:00.000+02:00

O vehículo EDUCAMOBIL estará este mes en Esgos para que os nenos de entre 4 e 11 anos podan disfrutar dun intre de xogos informáticos e de lecer.

Lugar: Local social de Vilar
Dia: Martes 25 de outubro
Hora: De 16.30 a 20.00 horas

Este servizo é gratuito. Máis información nos servizos sociais do concello.

Escola de gaita

2011-09-29T15:29:00.000+02:00

O vindeiro 1 de outubro comezará un novo curso de gaita, percusión e pandereta da Escola de Gaita do Concello de Esgos. Estas clases son gratuitas e impartiranse no local social de O Pinto os sábados a partir das 15.30 horas.

Para inscripcións e máis información chamar ó 988290000 (Angeles) ou falar cos profesores (Bea ou Manolito)

Charlas sobre seguridade

2011-09-20T12:10:00.000+02:00

O Ministerio do Interior puxo en marcha o “Plan Maior Seguridade”, dirixido á prevención e mellora da seguridade dos nosos maiores.

Funcionarios da Guardia Civil impartirán varias charlas informativas, nas que ofrecerán consellos para evitar ser víctimas de feitos delictivos como:

Roubos nos seus domicilios
Roubos no entorno de bancos e caixas de aforros
Tiróns de bolsos
Estafas telefónicas, timos, etc.
Uso fraudulento das suas propiedades, fondos, contas e cartillas de aforro.
Maltrato nas diferentes formas.

Estas charlas impartiránse en:

Local social de Pardeconde, o 27 de setembro ás 18:30 horas.
Local social de Esgos, o 29 de setembro ás 18:30 horas.
Local social de O Pinto, o 4 de outubro ás 18:30 horas.
Local social de Lobaces, o 6 de outubro ás 18:30 horas.

Curso de complementos e bisuteria

2011-09-16T09:35:00.001+02:00

A asociación de mulleres rurais "Os Picotiños" convoca ás súas socias a participar nun curso de complementos e bisutería que se impartirá os sábados de 17:00 a 19:30 horas no local social de Esgos.

Comezará o sábado 24 de setembro e rematará o sábado 26 de novembro.

Si estás interesada, xa sabes, participa.

Foto do campemento no Invernadeiro

2011-09-12T18:23:00.008+02:00

No campamento "en tren ao invernadeiro" participaron 19 rapaces e rapazas do concello, acompañados por 4 monitores.

Comezamos cunha visita ó museo de Moncho Borrajo na estación de Baños de Molgas.

Dende Baños de Molgas viaxamos en tren ata Campobecerros (Castrelo do Val) onde nos aloxamos no albergue.

O día transcurriu entre paseos e xogos ata a hora da cea.

Ó día seguinte visitamos o parque do Invernadeiro.

Máis fotos no Facebook do concello.

Novo horario da biblioteca

2011-09-07T17:19:00.004+02:00

A biblioteca-telecentro volverá a abrir polas tardes a partir do luns 12, coincidindo coa volta ó cole, de 17.30 a 20.30 horas.

Esperamos veros a todos!!!

As festas de Esgos nos xornais e na televisión

2011-09-01T11:49:00.010+02:00

As festas de Esgos estiveron moi presentes nos medios de comunicación.

A "guerra do pastel":

Na primeira páxina de "La Región" e en páxinas interiores
Nos informativos da TVG.
No programa "A Solaina" da TVG, a partir de 1h:10'

Nas noticias publicadas sobre a "guerra do pastel" faise referencia a unha orixe desta festa que non é correcta. A "guerra do pastel" fíxose por primeira vez no ano 1999 e foi idea de Manuel Jesus Formoso (Gari).

O aniversario do grupo "LA OCA":

O grupo "La oca" quixo celebrar os seus 20 anos nas festas de Esgos tocando unha canción propia coa banda de gaitas do concello. O programa "A revista" da TVG estivo nos ensaios (minuto 54). Tamén se fixeron eco desta nova en Telemiño.

En tren ao parque do Invernadeiro

2011-08-26T12:47:00.002+02:00

O vindeiro venres 9 e sábado 10 de setembro temos preparada unha actividade, “EN TREN AO PARQUE NATURAL DO INVERNADEIRO” destinada a nenos de entre 7 e 12 anos.

A actividade comezará o venres 9 ás 14:00 horas e rematará o sábado 10 ás 17:00 horas da tarde e ten un custe de 10 euros por persoa.

Programación:

Venres 9 de setembro:

· Ás 14:00 horas: todos os participantes deberán estar na estación de tren de Baños de Molgas (deberán vir xa comidos). Visita á estación e ó museo de Moncho Borrajo.

· 15:30: Saída do tren.

· 16:30: Chegada á Campobecerros.

· 17:00: Visita á aldea de Campobecerros e paseo pola Vía da Prata.

· 21:00: Cea e aloxamento no albergue de Campobecerros

Sábado 10 de setembro:

· 9:00: almorzo

· 9:30: saída camiñando ó parque do Invernadeiro pola Vía da Prata.

· 10:30: Visita ó parque do Invernadeiro

· 11:30: Visita en autobús á zona de cría de animais (corzos, ciervos, etc).

· 13:00: Comida campestre e retorno en autobús

· 17:00: Chegada a Esgos (parada de autobuses).

Deberán levar:

· Roupa e calzado deportivo cómodo, gorra e algunha prenda de abrigo

· Utiles de aseo e toalla

O pai/nai deberá firmar unha autorización que poderá recoller no concello para os nenos poidan participar e entregala no concello antes do 5 de setembro.

Programa das festas de Esgos 2011

2011-08-23T15:54:00.002+02:00

FESTAS DE ESGOS

O DÍA XOVES 25

20:00h. Pregón a cargo de RUBÉN RIÓS
20:30h. FESTA DO EMIGRANTE E VI FESTA DO ARROZ CON LEITE
22:30h. Actuación dun GRUPO MUSICAL
23:30h. Conxuro da queimada a cargo do Pocimeiro XACOBO
ÁS 24:00h. FESTA TEMÁTICA DOS 80 (prégase vir vestido acorde ca época)

O DÍA VENRES 26

12:00h. Misa solemne na honra de San Victores coa actuación da coral CAMERATA OURIENSE
18:00h. Actividades infantil a cardo de XOGO AVENTURA
24:00h. Concerto dos grupos CINCO BAJO 0-RENEGADOS- R KER

O DÍA SABADO 27

10:00h. Pasa rúas a cargo da BANDA DE GAITAS DE ESGOS
11:00h. Concurso de debuxo infantil e xuvenil
12:00h. Yinkana
17:30h. Campionato de natación
19:30h. Campionato de Pin pon (1º fase)
20:00h. Campionato de Futbolín (1º fase)
00:30h. Verbena coa orquesta MASTER

O DÍA DOMINGO 28

12:00h. Misa solemne coa Banda de Gaitas de Esgos
17:30h. Campionato de Pin pon (Fase Final)
19:00h. Campionato de Futbolín (Fase Final)
20:00h. actuación dun paiaso e globo flexia
21:30h. Festas e vervena coa orquesta LA BAMBOLA

O DÍA LUNS 29

10:00 Pasarúas a cargo da Banda de Gaitas de Esgos
20:00h. guerra do pastel coa colaboración de confiteria de milhojas
21:00h. festa e verbena coa Orquesta LA OCA
Celebración do 20 aniversario da oca en Esgos coa colaboración do humorista DAVID A AMOR (el club del chiste)
03:00h. chocolate e bica agasallo da comisión de festas

Un día de "Lecer no verán"

2011-08-05T12:10:00.000+02:00

O concello de Esgos adicou o xoves 4 de agosto ós nenos.

35 nenos participaron na actividade "Lecer no verán" que comezou ás 11 da mañá con xogos e manualidades na praza da Souteira, para continuar despois cunha pequena excursión ata Tarreirigo onde comemos. Pola tarde os xogos continuaron nas piscinas municipais ata case as 7 da tarde.

Hai que repetir!!!!

Manualidades de reciclaxe

2011-07-28T11:46:00.002+02:00

Nos últimos días fixemos na biblioteca pulseras con material reciclado.

Nos vindeiros días teremos que facer outra actividade semellante, porque ás nenas gustoulles moito.