Thilina බුවාගේ මැරතන් අඩවිය

බ්ලොග් මැරතන් ඉවරායි

noreply@blogger.com (Thilina) — Sun, 25 Apr 2010 02:39:00 +0000

ඕං මැරතන් එකත් ඉවර වුනා.. සමහර අයගේ මැරතන් දිවිල්ල ගැන දැක්කාම පිස්සු හැදෙනවා. පෝස්ට් 100 කටත් කිට්ටුයි. මට නං දාගන්න පුළුවන් වුනේ පෝස්ට් 10 කට ආසන්න ගානක් විතරයි. මේක ලියන එකයි කමෙන්ට් වලට reply කරන එකයි, ටුවිටරේ ඉන්න එකයි, පාප මිත්‍රයන්ගේ කෝල් වලට answer කරන එකයි සිරාවටම අමාරු වැඩක්. ඉතින් මැරතන් දුවපු අයට සුභ පතනවා. ඒවගේ ම වතුර ගහලා සපෝට් කරපු අයටත් බොහොම ස්තූතියි

කැමරා

noreply@blogger.com (Thilina) — Sun, 25 Apr 2010 02:13:00 +0000

කැමරා කිව්වම එක එක කැමරා ජාති තියෙනවනේ. දැන් නං ඉතින් ඔය රීල් දාන කැමරා වෙනුවට ඩිජිටල් කැමරා ආදේශ වෙලා. ඩිජිටල් කැමරාවට නං බැටරි දාන්න විතරයි ඕනේ. ෆොටෝ ගහගෙන ගහගෙන යන්න පුළුවන්. සමහර කැමරා වල නං ඒකටම ආවේනික බැටරියක් තියෙනවා. සමහර කැමරා වල නං AA හෝ AAA බැටරි පාවිච්චි කරනවා. ඔය AA වගේ බැටරි දාන කැමරා වලට බැටරි දාලා පිරිමහන්න බෑ. ඒ නිසා කැමරාවක් ගන්නවා නං ඒක ඇතුලෙම බැටරියක් තියෙන මාදලියක් තෝරලා ගන්න. ඒක භාවිතය පහසුයි කියලා හිතෙනවා (මේක අතිශයිම මගේ පුද්ගලික මතයක් පමණි)

Flash drive රට වටේ යාම

noreply@blogger.com (Thilina) — Sun, 25 Apr 2010 00:55:00 +0000

මේ කලෙදී නං Flash drive නැති එකෙක් හොයා ගන්න අමාරුයි. ඒත් ඔය සමහර එවුන් ගාව නෑ. ඒත් අවුල තියෙන්නේ මේක ඔය ඉහත ආකාරයේ පාප මිත්‍රයෙක් අරගෙන ගියාම අයෙත් අපේ අතට ගන්න මාර ගේමක් දෙන්න වෙනවා. දැන් ෆිල්ම් එහෙම හුවමාරු වෙන්නෙත් Flash drive එකේන්නේ. පාප මිත්‍රයා මේකට තව ෆිල්ම් එකක් කාරිය දාලා තව එකෙකුට දෙනවා. ඔහොම ඔහොම රට වටේ ගිහිල්ලා මාසෙකට විතර පස්සේ තමයි අපිට ආයෙත් අපේ Flash drive එක දකින්න වෙන්නේ.

පොඩි නින්ද

noreply@blogger.com (Thilina) — Sun, 25 Apr 2010 00:51:00 +0000

කස්ටිය කොහොමද ඉතින්..? සුභ උදෑසනක් කිව්වා. මැරතන් එක නං නැගලා යනවා වගේ. මදෑ මමත් පොඩි ‍නින්දක් දාන්න කියලා ගියා, ඇහැරෙනකොට වෙලාව හරි. එලාම් එක තිබ්බ ෆෝන් කෑල්ලත් කොහෙද දන්නෑ. තාම පෝස්ට් 10 ක් වත් නෑ. ඉතින් නවත්තන්නෙ නැතුව දුවපු අයට සුභ පැතුම්. බලමු තව පෝස්ට් එකක් දෙකක් වත් දාන්න.

My Name is Khan බැලුවෙමි

noreply@blogger.com (Thilina) — Sat, 24 Apr 2010 19:11:00 +0000

ෂික් මෙච්චර වෙලා ගිහිල්ලා පෝස්ට් 10 ක් සම්පූර්ණ කරගන්න බැරි වුනානේ. ඔච්චර නං ලියන්න දේවල් කොයින්ද? ඒකෙන් වැඩක් නෑ.., ඊයෙද පෙරේදද කොහෙද මමත් My Name is Khan බැලුවනේ. ඩයලොග් එකට රු 50 ක් දාලා තමයි බෑවේ අපරාදේ කියන්න බෑ එළ කිරි ෆිල්ම් එකක්. 2001 9/11 ප්‍රහාරයත් එක්ක එරට ජීවත් වුනු මුස්ලිම් ජනයා වින්ද කරදර එහෙම තමයි තියෙන්නේ. මට නං ඔය චිත්‍රපටි විචාර කරන්න ‍‍දන්නෙ නෑ නෙවැ. බලපු නැති අය බලන්න. මේනන් ලින්ක් එක

http://j.mp/9lR4Ay

හයියෙන් යාම

noreply@blogger.com (Thilina) — Sat, 24 Apr 2010 18:30:00 +0000

බයික් එකේ යනකොට ඉතින් ආරක්ෂා කාරීව යන්න එපායැ. හැප්පුනොත් බඩු හරි. මාසයක් කකුල එල්ලාගෙ තමයි ඉන්න වෙන්නේ. ‍මම දන්න අයියා කෙනෙක් මේ ළඟදී බයික් එකක හයියෙන් හිගින් බයික් එක කාර් එකක හප්පා ගත්තා. බයික් එක කුඩු. මෑන්ස් තාම ඇ‍ඳේ. ඔන්න ඉතින් කවුරු හරි පස්සෙන් පන්නනවා වගේ බයික් පදින්න ගියාම වෙන දේ. පස්සේ ගෙදර මිනිස්සුන්ටත් වදේ. තමන්ට නවත්තා ගන්න පුළුවන් වේගයකින් යනවා නං අනතුරු ගොඩක් අඩු කරගන්න පුළුවන් වෙනවා. ඒත් බයික් කාරයෝ නොදන්නෙත් හිමින් යන්නේ කොහොම කියන එක තමා.

මොබිටෙලයෙන් බාධා

noreply@blogger.com (Thilina) — Sat, 24 Apr 2010 17:20:00 +0000

5. ලංකාවේ ඉන්න හොර ISP ලා ගැනත් නොලියා බෑනේ. ලංකාවේ ඉන්න එක ISP කෙනෙක්වත් තමන්ගේ සේවා දායකයට නියම සේවයක් නං ලබා දෙන්නේ නෑ. ඒකට නං ඕනෙම අන්තර්ජාල හිමියෙක් එකඟ වෙනවාට සැකයක් නං නෑ. දැන් මම නෙට් එකට සම්බන්ධ වෙන්නේ මොබිටෙල් BB සම්බන්ධතාවයකින්. ඒත් වේඟය ගැන නං කතා කරලා වැඩක් නෑ බ්ලොග් මැරතන් සින්ඩි දෙක reload කරගන්න සෑහෙන වෙලාවක් යනවා. බ්ලොග් පෝස්ට් එක දාගන්නෙත් බොහොම අමාරුවෙන්. මොනවා කරන්නද? ලැබීමේ හැටි තමා. Mobitel බලධාරීන් පුටු රත් කරන්නේ නැතුව තමන්ගේ ජාලය ගැන හොයලා බලනවා නං... අනෙක් ISP ලා ගැනත් කියන්න තියෙන්නේ ඔච්චර තමා

බයික්

noreply@blogger.com (Thilina) — Sat, 24 Apr 2010 16:59:00 +0000

4. ඔං ලියන්න දෙයක් නැති නිසා මං කැමති මාතෘකාවකට බහින්න හිතුවා. ඒ තමයි බයික්. මට බයික් එකක් ලැබෙන්න කලින් මම ඔය ගෙවල් ළඟ අංකල් කෙනෙක්ගේ බයික් එකක් ඉල්ලාගෙන පැදලා තියෙනවා. එක ක්ලච් එකක් නැති බයික් එකක්. ඒ දවස් වල මම හිතුවේ ක්ලච් එකක් නැති බයික් එක පැදීම කොච්චර ලේසිද සහ ක්ලච් එකක් තියෙන බයික් පදින එක මහ එපා කරපු වැඩක් කියලා. ඒත් එදා මං ඒ හිතපු දේ කොච්චර වැරදිද කියලා අද හිතෙනවා. ක්ලච් එකක් නැති බයික් එකක් නං වැඩක් නෑ. ඒමේ ළඟදී මං දැක්කා TVS එකෙන් කල්ච් Free බයික් එකක් නිකුත් කරලා කියලා. ඒකෙ නම නං මතක නෑ. ඒත් ක්ලච් එකට පුරුදු වුනාට පස්සේ ඒක නැතුව බෑ

වැඩි පරිස්සම

noreply@blogger.com (Thilina) — Sat, 24 Apr 2010 16:16:00 +0000

3. යාළුවන්ට කොම්පියුටර් අරන්දීම ගැන කලින් කිව්වානේ. ඔය අතරේ මම දැක්ක තව දෙයක් තමා සමහර වුන් ඔය කොමිපියු‍ටර් කෑලි (උදා- ස්පීකර්, කීබෝඩ්) වලට දාලා තියෙන ඉටිකොල එහෙම ගලවන්නේ නෑ. ඒක නං මට පෙන්නන්න බැරි දෙයක් . ඉටිකොලේ පැටලි පැටලී කී බෝඩ් එකෙන් කොටනවා. ස්පීකරෙන් එන සද්දෙට ඉටිකොල සර සර ගානකොට මාර ආතල් . තව ඔය LCD මොනිටර් වල එහෙම ගහලා තියෙන කොළ එහෙම ජීවිතේට ගලවන්නේ නෑ. යාන්තං ගැලවුනත් ආයෙත් ටේප් ගහලා අලවනවා. එක දවසක් මම කඩේක දැක්කා අර LCD ස්ක්‍රීන් එක උ‍ඩ ගහලා තයෙන කොළේ වත් ගලවලා නෑ . අකුරු පේන්නෙත් බොඳ වෙලා. අනේ ඇත්තට !!. සල්ලි දීලා ගත්ත එක හරිය‍ට පාවිච්චි කරන්නෙ නැති හැටි. ඒත් මම ඔය ඉටිකොළ ගලවන්න කියලා නං උපදෙස් දෙන්නේ ‍නෑ. සමහර විට මැසිමට ආදරේ වැඩි නිසා වෙන්න ඇති ඉටිකොළ තියාගෙන ඉන්නේ

චාරිකාව

noreply@blogger.com (Thilina) — Sat, 24 Apr 2010 15:34:00 +0000

2. හෆෝයි මැරතන් එක පටන් අරන් පැයකුත් ගියා. තාම පෝස්ට් 2 යි දැම්මේ. කස්ටිය ගිහිල්ලා ඇතිනේ සිරීපාදේ. මමත් එක පාරක් ගිහින් තියෙනවා. ඒ 2003 දී. ඕං අපේ පාප මිත්‍රයෝ සෙට් එකක් ලබන සතියේ සිරිපාදේ යන්න සෙට් වෙලා මටත් කතා කරනවා . යම්දෝ නොයම්දෝ කියලා තමයි ඉන්නේ. මම නං දැන් අවුරුද්දකින් විතර කොහෙවත් චාරිකාවක් ගිහිල්ලා නැති නිසාත් ටික දවසකට මේ කොමිපියුටර් ලෝකෙන් මිදෙන්නත් එක්ක යන්න කැමතියි. ‍මන් ඇරෙන්න අනිත් උන්‍ සේරම බොන නිසා මට මේ සෙට් එක කරතියාගෙන එන්න වෙයිද මන්දා

යාළුවන්ට කොම්පියුටර් අරන් දීම

noreply@blogger.com (Thilina) — Sat, 24 Apr 2010 14:53:00 +0000

ඕං පළවෙනි එක. ගොඩක් වෙලාවට මට ඔය යාළු මාළුවන්ට මැසින් අරන් දෙන්න යන්න සෙට් වෙනවා. ඒක නං මහා එපා කරපු වැඩක්. ඒත් නොගියොත් ඒකා තරහා වෙන නිසා යන්නම වෙනවා. ගිහින් මැසිමක් ගෙනාවා කියමුකෝ ගෙනාව දවසේ ඉඳලා අතින් කයිට් කරගෙන ෆෝන් එකෙන් ටෙක් සපෝට් දෙන්න වෙනවා. ඔක කඩා ගත්තාම පෙට්රල් පුච්චාගෙන ගිහිල්ලා වෙලාවත් නාස්ති කරගෙන මැසිම හදලා දෙන්න වෙනවා. අන්තිමට මිනිහාව තරහා කරගෙන තමා නතර වෙන්නේ. කවදාවත් යාළුවන් මැසින් අරන් දෙන්න හා විකුණන්න නං සම්බන්ධ වෙන්න එපා

බිලොග් මැරතන් 2010

noreply@blogger.com (Thilina) — Sat, 24 Apr 2010 14:23:00 +0000

කස්ටිය කොහොමද ඉතින්..? ඔන්න 2010 බ්ලොග් මැරතනුත් අදයි. ගිය පාර වතුර විතරක් ගහපු නිසා පළවෙනි වතාවට බ්ලොග් මැරතන් එකට සහභාගි වෙන්න හිතුවා. මැරතන් ලියන්න විශේෂ මාතෘකාවක් නං නෑ. ඒ ඒ වෙලාවට හිතට එන ඔය අනං මනං බයිලා තමයි ලියන්න වෙන්නේ. කොච්චර වෙලාදුවන්න පුළුවන් වෙයිද දන්නෙත් නෑ. ඉතින් මැරතන් දුවන අය කන්න බොන්න දෙයක් සෙටි කරගෙනම දුවමු. ජය

බ්ලොග් මැරතන්...

noreply@blogger.com (Thilina) — Sat, 03 Apr 2010 18:09:00 +0000