blogue de proba

mp3-wav

noreply@blogger.com (Xoán) — Tue, 26 Feb 2013 19:41:00 +0000

Para a realización deste truco precisamos ter instalado CDex, un programa de software libre do que xa falamos noutra ocasión neste blogue.
Abrimos CDex e escollemos Engadir unha cabeceira(s) RIFF-WAV a arquivos MP2 ou MP3, como se mostra na imaxe

Ábrese o explorador para localizar o noso arquivo .mp3

Seleccionámolo e dámoslle a Converter. Na mesma carpeta onde estaba o noso arquivo .mp3 encontraremos un arquivo idéntico en peso ao anterior, pero coa extensión .wav.

Mapa de imaxe

noreply@blogger.com (Xoán) — Mon, 31 Dec 2012 18:28:00 +0000

Na imaxe as catro zonas en negro son outras tantas ligazóns a espazos en internet. Para facelo utilicei Gimp (GNU Image Manipulation Program), o programa de edición de imaxes baixo licenza pública xeral de GNU. Vou tomar unhas notas para recordar como fixen.

Abrín unha entrada nova e publiquei a imaxe a tamaño orixinal. Cando sobes unha imaxe ao blog, Blogger coloca un código coma este. No código hai dúas URls, neste caso valería calquera das dúas, porque publicamos a nosa imaxe a tamaño orixinal.
Abrín en Gimp a imaxe e desde FILTROS>WEB>Mapa de imaxe traballei as zonas que quería converter en ligazóns, dúas son irregulares (as siluetas sobre o banco) e dúas son rectángulos (zapatos e botella). Encontrei varios manuais con indicacións para realizar un mapa de imaxe con Gimp.
Gardei o arquivo resultante como un arquivo de texto coa extensión .txt.
Cambiei no arquivo de texto o nome da imaxe pola URL da imaxe en Blogger.
Copiei todo o código do arquivo de texto no blog coa pestana HTML activada.

O reprodutor multimedia de Yahoo

noreply@blogger.com (Xoán) — Thu, 30 Aug 2012 14:39:00 +0000

Actualización 18/09/13

Parece que Yahoo decidiu retirar este servizo da rede. É posible seguir utilizando este reprodutor nas nosas páxinas aloxando este arquivo nun servidor propio e modificando o código do script:

<script type="text/javascript" src="URL_do_noso_/yahoo-webplayer.js">
</script>

O reprodutor multimedia de Yahoo, que podedes ver funcionando ao final da páxina e nesta entrada (ás veces tarda un pouco en cargar), foi a mellor alternativa que encontrei cando deixou de funcionar o pequeno reprodutor de audio de delicious. A cuestión é que un bon día o reprodutor de Yahoo deixou de funcionar na páxina e por máis voltas que lle dei non fun capaz de saber o motivo. Este verán, por casualidade, encontrei a causa: un script que carga a páxina, en concreto prototype, estaba interferindo co reprodutor. Prototype é unha libraría moi utilizada para crear efectos xunto con scriptaculous. Se elimino a carga deste script o reprodutor funciona perfectamente. E para que todo funcione como antes, cargo estas dúas librarías coa API de Google.
O reprodutor de Yahoo visualízase nos dipositivos móbiles.

proba de audio
proba de vídeo

Calendario humano

noreply@blogger.com (Xoán) — Sun, 01 Jul 2012 11:11:00 +0000

<iframe border="0" marginheight="0" marginwidth="0" src="http://api.humancalendar.com/iframe.php?t=2x2&s=215" scrolling="no" frameborder="0" height="215" width="215"></iframe>

infomous

noreply@blogger.com (Xoán) — Tue, 24 Apr 2012 17:22:00 +0000

Unha curiosa maneira de xerar unha nube de palabras a partir, neste caso, dunha URL. Fai dobre clic sobre a etiqueta que aparece en primeiro plano para comezar. Clicando en cada palabra aparecen as ligazóns ao contido (hai un contido "patrocinado"). Facendo dobre clic sobre unha palabra aparece en primeiro plano coas súas conexións.
Infomous
Visto en Web 2.0 ON, blog de Josi Sierra

A música en Ollos de auga

noreply@blogger.com (Xoán) — Sat, 04 Feb 2012 20:24:00 +0000

A música en Ollos de auga de Domingo Villar é un traballo de Emma López e Nereida Rodríguez, alumnas de 4º de ESO B no IES David Buján de Cambre. Isto é aínda un borrador.

Quebracabezas de audio

noreply@blogger.com (Xoán) — Tue, 22 Nov 2011 17:32:00 +0000

Estes quebracabezas de audio están realizados co xerador de audio-puzles de Genmagic. Vídeo titorial para comezar a utilizar a aplicación.
Visto en Estoig Digital.

Mapa de Google

noreply@blogger.com (Xoán) — Wed, 06 Apr 2011 17:03:00 +0000

Luís Seoane (1910-1979)

Lorenzo Varela (1916-1978)

Este código, que aquí funciona correctamente, non o fai no mapa de Google... Darémoslle unha volta máis!

Lois Pereiro

noreply@blogger.com (Xoán) — Wed, 30 Mar 2011 20:49:00 +0000

Autor: quinif

Mundo Lois II

noreply@blogger.com (Xoán) — Sat, 19 Mar 2011 17:54:00 +0000

Descubre as ligazóns que esconde a imaxe (6 + 6 audios)

Fotografía: Manuel Vilariño... e o paso do tempo

Mundo Lois

noreply@blogger.com (Xoán) — Sat, 19 Mar 2011 17:26:00 +0000

Fotografía: Manuel Vilariño

TOKYO by +joanjimenez

noreply@blogger.com (Xoán) — Sat, 19 Sep 2009 15:27:00 +0000

"Podcast" no meu Delicious

noreply@blogger.com (Xoán) — Tue, 15 Sep 2009 10:03:00 +0000

xerado con delicious postlinks

Cuestión de detalle

noreply@blogger.com (Xoán) — Mon, 17 Aug 2009 23:43:00 +0000

Hendrick Avercamp (1585-1634)
Paisaxe invernal
óleo sobre táboa, cara a 1609
77,5 x 132 cm

Seadragon permítenos visualizar imaxes de gran tamaño e facer zoom sobre elas, descubrindo os pequenos detalles. Para o noso exemplo recordei esta divertida paisaxe de inverno do amsterdamés Hendricks Avercamp, un dos cadros destas vacacións. Pódese ver no Rijksmuseum de Amsterdam. Avercamp pinta como ninguén as paisaxes invernais neerlandesas con gandes superficies conxeladas e alegres escenas sobre o xeo. Hai moitas historias neste cadro, moitos detalles que descubrir como a parella que fai o amor no alto do palleiro. Podemos ver o cadro a pantalla completa ou ir facendo zoom sobre el. A imaxe orixinal, que conseguín descargar desde a páxina do propio museo, ten 4007 x 2272 pixeles.

Para que funcione nos nosos blogues:

1º paso: Colocade o seguinte script no código HTML do blogue entre as etiquetas <head></head>

<script type="text/javascript"
src="http://seadragon.com/ajax/0.8/seadragon-min.js"></script>

2º paso: Na páxina de SeaDragon pegade a URL da vosa imaxe e creade o reprodutor.

3º paso: Copiade o código que vos ofrece a páxina e colocádeo onde queirades que apareza, no noso caso nunha entrada nova.

<script src="http://seadragon.com/embed/73y.js?width=auto&height=400px"></script>

Seadragon é un dos proxectos do Microsoft Live Labs

Visto en Vagabundia

Pon un iPod na túa páxina

noreply@blogger.com (Xoán) — Tue, 04 Aug 2009 20:49:00 +0000

Outro reprodutor múltiple de Jeroen Wijering. Xa sei que non é ningunha novidade, hai moito tempo que José María Campo nos deu toda clase de indicacións para colocar este reprodutor nas nosas páxinas. Hoxe a ligazón á páxina orixinal xa non funciona e pode haber algunha dificultade para descargar os arquivos necesarios.
Tal como aquí se mostra este reprodutor aparecía en mensaxe nunha botella, na barra lateral, e recolliamos nel os audios que ían aparecendo nas diferentes entradas do caderno de Técnicas de Expresión Escrita.

Para colocalo na túa páxina necesitarás estes dous arquivos:

Unha vez descargados (botón dereito sobre a ligazón>Gardar ligazón como) deberás editar o arquivo mp3player.xml (co bloc de notas, por exemplo) que conterá a URL e a información dos teus audios. Sube agora os dous arquivos ao teu servidor e colócaos na mesma carpeta. Finalmente coloca este código no lugar onde queiras que apareza o reprodutor:

<iframe src="URL do arquivo_mp3player_vocow.swf" width="200" height="340" frameborder="0"></iframe>

Visor de imaxes con lightwindow

noreply@blogger.com (Xoán) — Sun, 19 Jul 2009 11:01:00 +0000

Lightwindow é un script que nos permite abrir toda clase de arquivos nunha xanela modal. Deixa que se cargue completamente a páxina (doutra maneira non funcionará) e despois clica sobre as imaxes ou nas ligazóns para ver o efecto. Non está aplicado ás entradas anteriores.

Unha imaxe.-

Varias imaxes.-Todas as imaxes

Un vídeo.-

A blogosfera galega

Texto oculto.-

Texto
Grazas ás indicacións de Vagabundia.

Reprodutor múltiple de mp3 de Jeroen Wijering

noreply@blogger.com (Xoán) — Fri, 03 Jul 2009 17:15:00 +0000

Para colocardes este reprodutor no voso blogue necesitaredes estes tres arquivos:

Descarga os tres arquivos (En FireFox: sobre a ligazón, botón dereito > Gardar ligazón como...)

Abride config.xml co Bloc de Notas, por exemplo. Agora teredes que tomar algunhas decisións sobre o funcionamento e sobre o aspecto do reprodutor. Como veredes, as indicacións están traducidas ao galego. Gardade os cambios e indicade que a codificación sexa UTF-8 (No Bloc de Notas: Gardar como > config.xml, codificación > UTF-8)

Abride agora o arquivo playlist.xml, tamén co Bloc de Notas. Aquí deberemos de indicar a URL do noso arquivo de audio, así como a URL da pequena imaxe que se mostra no reprodutor. Tamén indicaremos o enderezo web (é opcional, pode non aparecer) a onde nos levará a ligazón situada á dereita de cada pista de audio. No noso exemplo ás páxinas dos grupos aos que pertencen os temas que reproducimos. Teredes que repetir isto para cada unha das cancións ou audios que soarán no reprodutor. Gardade os cambios.

Agora só resta subir os tres arquivos ao voso servidor e colocar o seguinte código onde queirades que apareza o reprodutor.

<embed border="0" menu="false" pluginspage="http://www.macromedia.com/go/getflashplayer" quality="high" allowscriptaccess="never" mode="transparent" flashvars="&config=URL do voso arquivo config.xml&file=URL do voso arquivo playlist.xml" src="URL do voso arquivo mp3player.swf" height="300" type="application/x-shockwave-flash" width="300" wmode="transparent" name="mp3player"/></embed>

Podedes xogar co alto e o longo (height="300" width="300") do voso reprodutor. Se non aumentades o valor do alto e seguides engadindo audios, aparecerá unha barra de desprazamento no lateral dereito.

Ligazóns:

O reprodutor funcionando en son de poetas

Visto en:
Roa Multimedia
El balcón abierto
El tinglado

A antiga páxina do autor, Jeroen Wijering, lévanos hoxe a este reprodutor multimedia de licenza non comercial.

Música:
A Regueifa Plataforma
Fanny + Alexander - Alfaias (2009)
Magritte - Viaxe á lúa (2009)
Vale Tudo - Gris (2009)

Deixa-te levar pela criança que foste

noreply@blogger.com (Xoán) — Fri, 24 Apr 2009 19:23:00 +0000

José Saramago
«Deixa-te levar pela criança que foste»
Livro dos Conselhos, in As Pequenas Memórias

English - Let yourself be guided by the child you were.
Portuguese - Deixa-te guiar pela criança que foste.
French - Laissez-vous emporter par l'enfant que vous avez été.
Danish - Lad dig lede af det barn, du var.
Dutch - Laat je leiden door het kind dat je ooit was.
Finnish - Anna sisälläsi olleen lapsen ohjata sinua.
German - Lass dich von dem Kind leiten, das du gewesen bist.
Italian - Lasciati guidare dal bambino che sei stato.
Polish - Pozwól kierowac sie przez dziecko którym byles.
Spanish - Déjate guiar por el niño que has sido.
Swedish - Låt dig själv bli vägledd av barnet du var.

Ligazón: acapela

mp3 Audio Player

noreply@blogger.com (Xoán) — Thu, 02 Apr 2009 13:12:00 +0000

Música: Projecto Mourente-Kara.o.ke (2008)

Descarga o arquivo audio-player.zip que encontramos na páxina 1pixelout.
Descomprime o ficheiro.
Deberás de subir os arquivos player.swf e audio-player.js ao teu servidor e colocalos no mesmo directorio.
Nese directorio coloca os arquivos de audio en formato mp3.
Coloca o seguinte código no lugar onde queiras que apareza o reprodutor:

<script language="JavaScript" src="URL do noso arquivo .audio-player.js"></script><object type="application/x-shockwave-flash" data="URL do noso arquivo .player.swf" id="audioplayer1" height="24" width="290"><param name="movie" value="URL do noso arquivo .player.swf"><param name="FlashVars" value="playerID=1&soundFile=URL do noso arquivo .mp3"><param name="quality" value="high"><param name="menu" value="false"><param name="wmode" value="transparent"></object>

En Blogger non é preciso colocar cada vez a primeira parte do código, o que vai entre as etiquetas <script></script>:

Vai ao escritorio do teu blogue e despois a "Editar HTML"
Localiza a etiqueta </head> e pega antes o código do script

<script language="JavaScript" src="URL do noso arquivo audio-player.js"></script>

Agora cando queiras colocar o reprodutor só terás que colocar o código que vai entre as etiquetas <object></object>

<object type="application/x-shockwave-flash" data="URL do noso arquivo .player.swf" id="audioplayer1" height="24" width="290"><param name="movie" value="URL do noso arquivo .player.swf"><param name="FlashVars" value="playerID=1&soundFile=URL do noso arquivo .mp3"><param name="quality" value="high"><param name="menu" value="false"><param name="wmode" value="transparent"></object>

Se queres colocar un segundo reprodutor na mesma páxina terás que facer algunhas modificacións. Para un segundo arquivo mp3:

<object type="application/x-shockwave-flash" data="URL do noso arquivo .player.swf" id="audioplayer2" height="24" width="290"><param name="movie" value="URL do noso arquivo .player.swf"><param name="FlashVars" value="playerID=2&soundFile=URL do novo arquivo .mp3"><param name="quality" value="high"><param name="menu" value="false"><param name="wmode" value="transparent"></object>

Se por calquera razón non vos convence este reprodutor recoméndovos que vexades outras moitas posibilidades na magnífica páxina de Roa Multimedia:

Etiqueta Reprodutor
Etiqueta Reprodutor Múltiple

Reprodutor Dewplayer

noreply@blogger.com (Xoán) — Thu, 26 Mar 2009 18:12:00 +0000

Mini

Classic

Multi

Un reprodutor baixo licenza Creative Commons de utilización libre e gratuíta. Na páxina de Dewplayer encontrarás todo o necesario para colocar un destes reprodutores: Mimi, Classic ou Multi. Deberás de descargar o ficheiro .swf correspondente ao reprodutor que elixas e colocalo no teu servidor, despois, na mesma páxina, poderás xerar o código necesario para colocalo na túa páxina.

<object type="application/x-shockwave-flash" data="URL do arquivo .swf?mp3=URL do noso arquivo .mp3" width="160" height="20">,<param name="wmode" value="transparent" />:<param name="movie" value="URL do arquivo .swf?mp3=URL do noso arquivo .mp3" /></object>

CDex

noreply@blogger.com (Xoán) — Thu, 26 Mar 2009 09:30:00 +0000

Cdex é un programa de código aberto, traducido a galego, que nos permite extraer os audios dun Cd ao disco duro e codificalos en formatos comprimidos (mp3, ogg) máis adecuados para distribuílos en internet. A primeira imaxe mostra a interface do programa cando introducimos un Cd no lector do equipo. Clicando na imaxe verás o significado das iconas da barra lateral.

Configuración

CDex en galego:
Na páxina de descarga do programa encontrarás tamén o ficheiro de lingua (galician.cdex.lang) que deberás de gardar na carpeta lang que o programa crea ao instalalo. O camiño normalmente é C:\Arquivos de programa\CDex_150\lang. Reinicia CDex e marca galician en Opcións>seleccionar idioma>galician.

Xeral. As etiquetas ID3 gardan información de cada pista dentro de cada arquivo mp3. A versión 2 (IDv2) permite máis de 30 caracteres nos campos de nome de artista, pista e comentarios e outros campos extra.
A normalización úsase cando un Cd conten pistas con diferentes niveis de volume e queremos igualalos en todas as pistas do Cd. Esta opción só funciona cando temos desactivada a "codificación ao voo" na pestana Decodificador.

Decodificador. É conveniente que nos paremos un pouco nesta pestana. Aquí poderemos escoller o tipo de codificación que aplicaremos ás pistas de audio que se extraen do Cd e os seus parámetros de calidade. No campo Decodificador aparece por defecto o codec Lame MP3 Encoder que nos permitirá extraer as pistas do Cd a mp3. Tamén podemos xerar outro tipo de arquivos como Ogg Vorbis, por exemplo, só teremos que escoller o decodificador adecuado. Escollemos aquí a calidade do arquivo de saída. Unha Ratio de 128 kbps debería de ser suficiente para a música e 96 kbps para as nosas gravacións de voz.
Activando a opción "decodificación ao voo" as pistas de audio convértense directamente a formatos comprimidos sen pasar por unha copia previa en formato WAV.

FreeBD Remota. Activando "autoconectar a FreeBD remota", cada vez que introduzamos un Cd, o programa conectarase cunha base de datos que nos proporcionará os títulos das pistas, do álbum e o nome do artista. Para poder utilizar este servizo hai que incluír unha conta de correo no campo "o teu e-correo".

Con estes parámetros de configuración extraemos a primeira das pistas, primeiro como WAV e despois como mp3. O resultado é este

Narradio. 56 historias no ar. Na voz das autoras e dos autores.

Xavier Alcalá. Piñón de Ferrol
descarga o arquivo

Audacity. Configuración básica

noreply@blogger.com (Xoán) — Wed, 25 Mar 2009 18:06:00 +0000

Desde Editar>Preferencias accedemos ao cadro de diálogo de configuración do programa:

A pestana Audio E/S permítenos escoller as entradas e saídas de audio (normalmente a tarxeta de son do noso equipo), tamén podemos escoller o número de canles das nosas gravacións. Pode ser interesante marcar a opción de "Reproducir unha pista mentres se grava", así poderemos realizar unha gravación de voz ao tempo que escoitamos a música coa que queremos sincronizala.

Na pestana Calidade escolleremos os parámetros dos nosos arquivos de audio. Recomendaremos utilizar para as nosas gravacións o estándar Cd, isto é, 44.100 mostras por segundo cunha resolución de 16 bits. Audacity utiliza por defecto 32 bits de codificación.

Formatos de arquivo. Coa primeira opción, os arquivos importados poden cambiarse, moverse ou eliminarse da carpeta orixinal sen que isto afecte ao proxecto de Audacity (Audacity garda os seus proxectos coa extensión *.aup). Coa segunda opción o proxecto de Audacity depende deses arquivos e calquera modificación neles afectará ao proxecto.
Escollemos depois o formato descomprimido de exportación, neste caso WAV e as opcións de exportación a Ogg Vorbis e a Mp3. Nas opcións de exportación a Mp3 debería de ser suficiente unha ratio de bits (Bit Rate) de 96 kbps (kilobits por segundo) para as nosas gravacións de voz. Sempre é recomendable facer probas con outras ratios para encontrar os parámetros de calidade máis adecuados.

A primeira vez que se abre esta pestana aparece así:

Se clicamos en "buscar libraría", Audacity advirte que

Podemos descargar o codificador LAME Mp3 encoder desde a mesma páxina de descargas de Audacity. Estas mesmas ligazóns están no apartado Descargas deste blogue.

Para descargar e instalar o codificador Lame mp3 encoder:

Imos á páxina de descarga.
Localizamos e descargamos o arquivo comprimido libmp3lame-win-3.98.2.zip (para Audacity en Windows)
Descompriminos o arquivo e gardamos a libraría lame_enc.dll. Podemos gardala onde queiramos, un bon lugar pode ser a carpeta Plug-Ins creada ao instalar Audacity (C:\Arquivos de programa\Audacity\Plug-Ins)
Cando utilicemos por primeira vez a opción de exportación a mp3 o programa pedirá que localicemos esta libraría. Só hai que facelo unha vez.

Calculadora

noreply@blogger.com (Xoán) — Thu, 29 Jan 2009 12:52:00 +0000

Conseguimos o script gratuíto.
Gardámolo nun arquivo de texto (bloc de notas) coa extensión .html. Chamarémoslle calculadora.html, por exemplo.
Subímolo ao noso servidor web.
Colocámolo no blogue con este código:

<div align="center"><iframe src="Aquí a URL do arquivo calculadora.html" width="500" frameborder="0" height="100"></iframe></div>

Wikipedia mobile

noreply@blogger.com (Xoán) — Wed, 17 Dec 2008 10:36:00 +0000

A Wikipedia máis accesible que nunca con esta versión para o móbil. Está dispoñible en 14 linguas e incluirá a posibilidade de escoitar o artigo solicitado.