bng boiro

Desemprego, corrupción, recorte de dereitos…Cal é a túa razón para manifestarte o 15-S?

2013-09-14T18:13:00.000+01:00

O BNG chama a toda a militancia e ao conxunto da cidadanía a dar unha resposta social contundente convertendo a manifestación do 15 de setembro nun gran acto de protesta contra as políticas do PP que colocaron a Galiza ao borde do colapso.

Sobran as razóns para dicir “basta xa” ao desgoberno dun PP que non ten alternativa para o país e que goberna para os lobbies empresariais madrileños, os mesmos que o financian de xeito ilegal.

Desemprego, desigualdade, empobrecemento: A taxa de desemprego é do 23%, 50% se falamos de paro xuvenil, 92.000 familias teñen a todos os seus membros no paro e só no último ano Galiza perdeu 33.000 empregos, sen esquecer a sangría da emigración. Ao recorte das pensións, súmase agora a persecución fiscal de Facenda cos emigrantes retornados. Para o BNG a prioridade é combater a crise, porque medran as desigualdades, cada vez somos máis pobres e aumenta o risco de exclusión social, e para facelo con eficacia precisamos máis soberanía, dito de outro xeito, precisamos poder tomar as decisións que máis conveñan aos intereses do país e da xente do país.

Sectores produtivos están exhaustos, acosados polas limitacións e as regras de xogo impostas pola UE e polo Estado español, contrarias aos intereses do noso naval, do agro, do sector pesqueiro, enerxético e dos nosos recursos naturais, que o PP quere entregar ás multinacionais depredadoras. Con capacidade política real é posible darlle a volta a gobernar a favor dos nosos sectores produtivos.

Espolio financeiro: Galiza precisa unha banca pública que financie á nosa economía, aos emprendedores, as familias. O BNG propón converter NGB nesa banca galega, pero o PP aposta por consumar o espolio definitivo do aforro do país. Como explicarlle aos galegos que se regala NGB a gran banca española ou se malvende a un fondo especulativo tras tapar os buratos da entidade con 9.000 millóns de € aos que hai que sumar os 600 millóns estafados polas preferentes? Tamén para isto precisamos soberanía, para que non decida o FROB por nós, coa complicidade do PP.

Defensa dos servizos públicos: a crise como coartada ideolóxica para recortar a sanidade, a educación, o investimento en I+D+i, as prestacións sociais precisamente cando máis se necesitan. Consecuencias, suben as listas de espera, ponse contra as cordas a calidade sanitaria, suben as taxas universitarias e baixan as becas deixando fora aos fillos das familias con máis dificultades.

Corrupción e falta de democracia dun PP absolutamente deslexitimado, que cobra sobresoldos en negro e financiado ilegalmente por grandes empresas con sede en Madrid a cambio de colocar o BOE ao servizo dos seus intereses, mentres no Parlamento galego rexeitan dar explicacións sobre o espolio das caixas, a traxedia ferroviaria de Angrois ou agachan a documentación dos contratos con narcotraficantes convictos.

É preciso rebelarse, por necesidade e por dignidade, e facelo reclamando a soberanía de Galiza, porque non se trata dun capricho ideolóxico, senón da chave para saír da crise, para desenvolver o país, para conquistar a xustiza social e reconstruír a democracia. Sobran motivos para participar a manifestación do 15-S. Só tes que elixir cal é o teu.

Manifestación Por unha patria soberana, o domingo 15 de setembro ás 12.00 na Alameda de Santiago de Compostela.

Acto Público sobor da crise en Boiro.

2013-07-22T00:47:00.001+01:00

"NON É UNHA CRISE É UN ROUBO"

...acto público do BNG en Boiro: "Non é unha crise é un roubo"...os feitos falan unha vez mais e demostran que o único TERRORISMO real que existe na Galiza é o "TERRORISMO FINANCIEIRO" perpetrado polos bancos e amparado, consentido e fomentado polo PP.

#enbloquepodemos.

"NON É UNHA CRISE É UN ROUBO"...manifestación da CIGA en Ribeira

2013-06-13T22:23:00.002+01:00

ALEGACIÓNS AOS PRESUPOSTOS 2013

2013-05-28T10:02:00.002+01:00

D. XOSÉ DEIRA TRIÑANES, en calidade de voceiro do grupo municipal do BNG e diante da Corporación Municipal,

EXPOSICIÓN DE MOTIVOS

Que o Pleno da Corporación, en sesión extraordinaria celebrada o día 29 de abril de 2013 aprobou incialmente o Orzamento Xeral do exercizo de 2013.
Que en data oito de maio de 2013 publicouse no Boletín Oficial da Provincia da Coruña o anucio da aprobación inicial respectivo.
Que se inicia o prazo de quince días hábiles, a contar desde o día seguinte ao de pubicación no BOP, para examinar o expediente e presentar reclamacións ante o Pleno.
Que en representación do GRUPO MUNICIPAL do BNG de BOIRO, presenta as seguintes:
ALEGACIÓNS Ó ORZAMENTO XERAL 2013

PRIMEIRO.- O orzamento xeral do Concelo de Boiro, diminúe un 9% (un millón de euros menos) en relación ó exercicio 2012 e un 25% menos respecto do último presuposto aprobado na pasada lexislatura.
Porén, esta diminución do orzamento municipal, non procede dunha diminución da presión fiscal que soportan os veciños e veciñas de Boiro, se non que é consecuencia da incapacidade do PP de conquerir apoio económico diante das súas “administración amigas do PP, Xunta , Deputación Provincial e Estado”, que tendo “todo o vento ó seu favor”, son incapaces de xestionar subvencións para cuestións prioritarias para o Concello de Boiro (as subvencións procedentes da Xunta caen un 43% respecto ó exercicio 2012 e do Estado non se recibe nin un só euro).

SEGUNDO.- Mentres que o capítulo de persoal diminúe nun 10%, e o PP lle esixe ós empregados públicos, rebaixas salarias, recortes en dereiros sociais, eliminación de pagas extras…etc, as partidas destinadas ó gabinete da alcaldía increméntanse nun 26% ( a secretaria municipal do PP nos custará 40.000€/ano), imperdoable nun momento de crise económica, cun paro galopante e cando o PP nos está esixindo recortes en servizos prioritarios para a cidadanía como a educación, a sanidade e os servizos sociais, e sobre todo cando padecemos o goberno municipal máis caro das comarcas do Barbanza e Muros-Noia.

TERCEIRO.- Nun contexto económico desfavorable, no que a cifra de desempregados está en niveis históricos no Estado e en Galiza, o Concello de Boiro obvia a gravísima situación de moitos veciños e veciñas de Boiro que se atopan en desemprego, e non invirte por segundo ano consecutivo nin un só euro en políticas activas de emprego.
O goberno municipal desmantelou nestes dous anos de goberno o Departamento de Emprego, eliminando por “capricho” un servizo municipal esencial en tempos de crise.
O orzamento municipal non preveé a posta en marcha de ningún programa de creación de emprego municipal, ( obradoiro de emprego, escola taller…etc) que favorezca o acceso ó traballo e a reactivación económica no marco municipal.
O Viveiro de Empresas e Centro de Formación (distinguido polo Ministerio de Ciencia e Innovación) fica pechado dous anos despois da chegada do PP o goberno municipal, mentres que a mocidade boirense emigra en busca dun posto de traballo a outras partes do Estado Español e a otros países da Unión Europea.

CUARTO.- O orzamento municipal non asigna partida presupostaria para que os Consellos parroquias decidan sobre as obras ou actuacións prioritarias a executar en cada una das súas parroquias, unha cuestión prioritaria na pasada lexislatura e que favorecía a participación cidadá e transparencia nos investimentos a realizar polo Concello.

QUINTO.- O Capítulo de investimentos é inexistente e representa só o 12% do presuposto total, non asignando previsión orzamentaria para actuacións prioritarias como:
-A posta en funcionamento do CENTRO DE FORMACIÓN E VIVEIRO DE EMPRESAS.
-A entrada en funcionamento do PARKING MUNICIPAL da Praza da Boqueira de Anegral.
-Non existe previsión orzamentaria para o pagamento das EXPROPIACIÓNS DA ZONA DA CACHADA.
-Os investimentos destinados ó ámbito rural de Boiro son prácticamente inexistentes.
-Non existe un plan de posta en valor do PAZO DE GOIÁNS (O PP perdeu 500.000€ de subvención do Estado para a súa rehabilitación).
-Non existe un plan de actuación para o EDIFICIO DAS COLONIAS.
-Non existe previsión orzamentaria para a construción dunha RESIDENCIA DA TERCEIRA IDADE.

Asdo. Xosé Deira Triñanes
En Boiro, a 24 de Maio de 2013

Manifestación sobor das Preferentes e subordinadas en Vigo.

2013-04-21T22:25:00.000+01:00

Veciños e veciñas do Barbanza subindo a un autobús para ir á manifestación de Vigo a reclamar os cartos que son deles e que llos roubaron os bancos có consentimento do PP...compañeiros do Bng axudando e o alcalde de Boiro "nin estaba nin se lle esperaba"...Sr Dieste, si vai antepoñer os intereses do PP por diante das xustas reclamacións d@s veciñ@s de Boiro...nin o necesitamos, nin nos representa!!!!.

Manifesto do BNG Barbanza en apoio aos afectad@s polas preferentes.

2013-04-15T23:58:00.005+01:00

O Bloque Nacionalista Galego do Barbanza, tras coñecer que o PP acaba de aprobar outra norma para executar o roubo dos aforros de galegos e galegas, a través da maioría que posúe no Congreso dos Deputados, quere transmitir á opinión públicaas seguintes cuestións:

1. Que a decisión política que ampara esta estafa está baseada unicamente nos intereses do sector financeiro, consolida o culto á usura e á desigualdade e afonda aínda máis na separación entre unha elite máis rica e unha maioría da poboación cada vez máis empobrecida.

2. Que existe un comportamento demagóxico por parte de deputadas e deputados galegos do Partido Popular que, mentres din solidarizarse e estar á beira das persoas afectadas, aproban directamente ou consenten con complicidade a posición política do seu partido, aliado da banca e dos intereses financeiros e que, por tanto, ao non representaren a cidadanía galega, merecen a nosa reprobación pública.

3. Que este atentado contra aforradores e aforradoras supón un grave prexuízo individual e colectivo para a nosa economía, pois quítannos a posibilidade de que unha parte substancial desas cantidades acabe por significar investimentos na propia comarca que poderían axudar ás pequenas economías en tempos de crise.

4. Que, nese sentido, queremos sumarnos ás voces que exixen a devolución íntegra das cantidades que as persoas aforradoras depositaron sen recibiren información adecuada do produto que adquirían.

5. Transmitímoslle así á cidadanía a nosa vontade de continuar a defender a modificación dunha lexislación e dunhas decisións políticas que tentan eliminar totalmente as nosas posibilidades de desenvolvemento.

Entrevista a Xavier Vence.

2013-03-23T00:31:00.001+01:00

2013-02-22T00:09:00.003+01:00

...Esto é o que temos!!!!...cidadáns, periodistas e representantes políticos tratados coma delincuentes por sair en defensa dunha muller de 85 anos!!!!...o fondo negro das fotos representa o noso LUTO particular polo que estamos perdendo!...
E parabéns -por suposto- para @s compañeir@s do BNG que unha vez mais demostran que saben estar "ÁS DURAS" e que se xogaron o tipo frente a unhos funcionarios que ao igual que ocurre no resto do Estado non están a altura das circunstancias e están pedindo dende fai décadas dirixentes que lles ensinen o que significa manter a orde pública, o que significa unha concentración civil ou o que significa ter EDUCACIÓN e RESPECTO pola cidadanía.

2013-02-18T21:08:00.000+01:00

O Ronsel.

Publish at Calameo or read more publications.

- 13

2013-01-01T13:47:00.001+01:00

Que teñades un moi feliz 2013 e que nos veña para todo@s cheo de cambios e de melloras.

NAS NOSAS MANS ESTÁ PODER CONSEGUILO!

...O MUNDO AO REVÉS!

2012-12-02T23:07:00.003+01:00

A acusación pide 15.300 euros de multa para Callón por emendar un xuíz que utilizou La Coruña

Un total de 13.500 euros máis o custo do xuízo. Esta é a petición da acusación para Carlos Callón no xuízo pola lingua que este venres tivo lugar na Coruña. O presidente da Mesa e voceiro de Queremos Galego, estaba imputado por un delito de inxurias após terlle recriminado a quen foi xuíz decano da Coruña, Fraga Mandián, o seu incumprimento da Lei de Normalización lingüística ao declarar que "no tengo ningún rubor en usar la ilegalidad del topónimo La Coruña". Na Mesa denuncian que se trata de máis un xuízo "cara á criminalización das opinións e da lexítima defensa do noso idioma".

Á saída do xuízo, Callón cualificou a petición da acusación de "disparatada", ironizando con que agardaba que non o denunciasen por esta afirmación. Para o presidente da MNL, o xuízo pode ser cualificado de "entre kafkiano e unha comedia de situación", posto que así debe denominarse que un maxistrado denunciase sucesivamente tres persoas (un vceciño da Coruña, o parlamentar do BNG Carlos Aymerich e o propio Callón) por remendarlle que defendese o uso do topónimo deturpado de La Coruña.

Na Coruña, apoiando a Carlos Callón e defendendo que se cumpran as leises de Normalización Lingüística. Leises que nos obrigan a tod@s...incluidos xuíces, incluído "xuíces decanos".

o BNG apoia ao sector lácteo galego.

2012-11-27T22:50:00.002+01:00

...IMAXES DA CAMPAÑA...

2012-10-20T23:58:00.001+01:00

PARABÉNS COMPAÑEIR@S...TEMOS QUE ESTAR ORGULLOS@S DO TRABALLO QUE LEVAMOS FACENDO DENDE HAI 30 ANOS E DO TRABALLO FEITO NESTA CAMPAÑA.
...O noso-Guillerme pedíanos na Coruña: "unha pedra" para derrotar ao Goliat-PP...os miles de militant@s do BNG que ten o País dámoslle "UN BLOQUE"...#enbloquepodemos!...#galizapode.

VECIÑ@S CONCELLEIR@S "RECORTADOR@S"

2012-09-23T17:55:00.001+01:00

Dieste, Fernando, Helena, Nolo, Beatriz, María José, Diego, Cornelia e Moledo, todos eles veciños de BOIRO e con responsabilidades de goberno no Concello, votaron no último Pleno a favor das políticas de RECORTES que tanto Feijoo coma Rajoy están levando a cabo...

...esto chámaselle poñerlle cara e nome aos que están defendendo políticas de precaridade e de recortes, poñerlle cara e nome a estes veciñ

os que pediron o VOTO para o PP, para aportar solucións á crise e o único que conseguiron foi mais paro, menos servizos sociais, mais precaridade na sanidade e na educación, mais peches de comercios, paralización do polígono e do Viveiro de Empresas, perda das axudas para a rehabilitación do Pazo de Goiáns (500.000 € que xa estaban concedidos por parte do Goberno Central e que irían a empresas da comarca)

Non estaria mal que cando os vexades lles pidades explicacións xa que aos grupos da oposición no dito Pleno non no las quiseron dar.

Son: "@S VECIÑ@S QUE NOS RECORTAN"

—

PP: propaganda popular en Cabo

2012-08-18T17:02:00.001+01:00

Como podedes ver, no programa facilitado polo concello, o que menos interesa son eventos da festa e a promoción do mexillón senón a que hora chega a conselleira, quen a recibe, cando sae o barco de autoridades, quen entrega os premios, etc. etc. (propaganda e máis propaganda). Os que queiran ir ao peirao do Cabo da Cruz xa os informamos nós (e en galego):

-Sábado 18/08/2012, ás 18.00: 1ª xornada da regata de traiñeiras concello de Boiro

-Domingo 19/08/2012, ás 12.00: 2ª xornada da regata de traiñeiras concello de Boiro

-Domingo 19/08/2012, ás 12.30: festa de exaltación do mexillón.

Así que se queres ir detrás da conselleira, xa sabes, verás á metade das regatas

"chistosa" realidade!...

2012-07-22T15:28:00.000+01:00

...érase unha vezzzzzz, un Rajoy (o do medio) unha Merkel (a da dereita) e un Hollande (o da esquerda)...que se puxeron a "especular" con que "quén era o mais listo da veeeella Europa"...e esto foi o que pasou...:-)

http://www.vidup.de/v/Jwopc/

...BANCA PÚBLICA -XA!-

2012-06-01T23:53:00.001+01:00

...PAZO de GOIÁNS 2012...;-(

2012-05-18T23:25:00.004+01:00

...Este é o estado lamentable que presentan parte das instalacións do PAZO de GOIÁNS...MEDIO MILLÓN de € agardan en Madrid a que o Concello de Boiro, por medio do seu grupo de goberno (PP), teña a vontade de executar o acordo conquerido polo BNG coa Administración Central do Estado. Lembremos que eses 500.000 € pertencen a partidas adicadas única e exclusivamente ao arranxo de edificios e intereses públicos catalogados en grao de prioridade. Sr Dieste, quédanlle seis meses para "chamar" a Madrid e facer cumprir o acordo...dende o BNG de Boiro faremos o posible para que eso se cumpra!.Por outra parte, felicitamos ao PP por ter acordado continuar con este evento e decatarse a tempo da importancia que ten, por en valor o Pazo, xa non somentes a nivel local senón tamén a nivel comarcal.

[...a cara do veciño é significativa!]

..."en Bloque podemos"...

2012-05-13T22:10:00.003+01:00

Convención Nacional do Bng en Compostela.

O BUQUE SENLLEIRO do NACIONALISMO GALEGO encende motores. Temos provisións, experiencia, folla de ruta, confianza demostrada e como non!...UNHA EXCELENCIA CANTO A TRIPULACIÓN!...EXEMPLO DE ENTREGA E DE TRABALLO CONSTANTE E INFATIGABLE DENDE FAI MAIS DE 30 LONGOS ANOS...MOITAS GRAZAS NOSA-XENTE!!!!!..."AVANTE-BNG"!!!!!!

2012-05-11T15:09:00.004+01:00

Recollida de firmas.

2012-03-21T22:23:00.000+01:00

O Bng de Boiro forma parte da PLATAFORMA EN DEFENSA DA SANIDADE PÚBLICA DO BARBANZA.

O martes estivemos no mercadiño recollendo firmas para a inciativa lexislativa popular.

QUEREMOS SANIDADE PÚBLICA E DE CALIDADE.

2012-03-19T22:22:00.001+01:00

Mañá a partires das 10:30 estaremos cós e coas compañeir@s da PLATAFORMA POLA SANIDADE PÚBLICA DA BARBANZA recollendo firmas no mercadiño de Boiro, a prol dunha INICIATIVA LEXISLATIVA POPULAR a favor da sanidade pública.

2011-11-04T02:06:00.000+01:00

...BNG

o voto útil

en Galiza...

2011-09-30T08:56:00.001+01:00

2011-09-19T22:25:00.001+01:00

BNG BOIRO
N O T A D E P R E N S A
Concluídos os 100 días de goberno do PP en Boiro ( que pola contra non respectou o PP de Boiro cando nós accedemos ó goberno ) , o Consello Local do BNG de Boiro fai unha lectura moi negativa do goberno municipal .

Nesta primeira andaina do PP en Boiro, pódese resumirse nos catro seguintes puntos;

PRIMEIRO._ Este período caracterizouse por ser 100 días de representación institucional pero non de goberno. 100 días perdidos en Boiro, durante os cales o Alcalde de Boiro Sr. Juan José Dieste Ortigueira , non foi quen de impulsar nin un só proxecto novo, nin tan sequera concluír e continuar cos proxectos que o anterior goberno deixou en marcha.
Un Alcalde que xa na rúa lle chaman “O Xastre” pois vai tomar medidas , pero en Boiro 100 días despois aínda non lle coñecemos a aplicación de ningunha. Temos un Alcalde que “non arranca” que non é quen de coordinar , nin de liderar nin ó seu propio equipo de goberno, os concelleiros/as anda por libre, cando aparecen e o “todo poderoso” Tenente de Alcalde que anda a des-gobernar no de todos.
Temos un goberno, que “nin está nin se lle espera”, nin atenden ós cidadáns , nin ós problemas diarios do Concello.

SEGUNDO._ Un goberno que é incapaz de promover novos proxectos para Boiro, nin de tan sequera continuar cos iniciados polo anterior goberno. Un Parking municipal que non funciona, os Centros Sociais de Abanqueiro e Cabo de Cruz, que non se sabe cando e como van funcionar, un Porto de Cabo de Cruz que tiña que ter rematados os pantaláns da 3ª e 4ª lista, un Viveiro de Empresas (pechado), a rehabilitación do Pazo de Goiáns ( cunha partida nos orzamentos do Estado por importe de 500.000€ pendente de executar)...e moitos exemplos máis que poderíamos nomear.

TERCEIRO._ A única medida si tomaron durante estes 100 días foi subir o SOLDO DO ALCALDE en máis de 12.000€ ano . Temos un “ALCALDE DE LUXO” o máis caro das comarcas do Barbanza e Muros Noia , un Alcalde que lle vai custar ó Concello de Boiro nesta lexislatura 280.000€, un soldo que nin por asomo cobraría no seu antigo posto de traballo, ( tal e como fixo o Sr. Deira durante os últimos 8 anos ) Sr. Dieste cando nos pensa ensinar a nómina que cobraba no seu antigo posto de traballo ? .
Temos tamén un “SUPER-TENENTE ALCALDE”, que cobrará por unha “MEDIA-ADICACIÓN” a friolera de 180.000€ e 7 CONCELLEIROS que cobrarán perto de 900€/mes ( entre dietas, plenos, comisións de goberno, ...etc), cando non teñen o mínimo que se lle exixe a un concelleiro que é ter un horario de atención ó publico exposto no Concello.
Isto é unha vergonza , especialmente cando fai tan só 100 días en plena campaña electoral empapelaron BOIRO, enganaron ós cidadáns con panfletos “irreais”que eran “rotundamente falsos”.
Despois do “engano absoluto, chegou a burla”, cando os veciños entran pola porta da Alcaldía, para demandar os seus dereitos , a cobertura das súas necesidades , o que atopan é a un Alcalde que non aporta solucións e o único que di é “ que estamos en crise e non hai cartos”, con que cara mentres vde. se sube o soldo, lle recorta ós dereitos dos demais ?...

CUARTO._Pero o que máis destacou a “deixación de funcións” que demostra este Alcalde cando foi incapaz de dar solución o maior problema que ten neste momento Boiro que é “O CHEIRO de CALIZAS MARINAS”, un asunto que despois de exixir o BNG en pleno a “solución inmediata” do mesmo, o único movemento que fai este Alcalde é convocar unha rolda de prensa para dicir que é “incompetente”( que vde. é incompetente xa o sabemos Sr. Dieste , pero o Concello si que é competente para tomar as medidas cautelares necesarias para evitar que Boiro cheire, como o fixemos nós )... ou e que se declara incompetente , como excusa , para non ter que enfrentarse con quen o puxo na Alcaldía ? Quen o votou foi o pobo de Boiro, é ós cidadáns a que lle debe a Alcaldía vde. lástima que estea máis pendente do que pense quen escribiu cartas para pedir o voto para o PP que das necesidades que Boiro ten.

Consello Local do BNG de Boiro,
Venres, 16 de setembro de 2011