Boererate.com

Kruie vir Kwale: Boererate vir asma

2026-11-01T06:00:00.000+02:00

Tee gemaak van die soethoutbossie se blare is tradisioneel gedrink vir asma.

♦♦♦

Om asma te behandel, is dagga tradisioneel gerook, maar dit word nie aanbeveel nie. Daar is tans geen wetenskaplike bewyse dat Cannabis sativa in ‘n ander vorm ‘n suksesvolle behandeling sal wees nie, maar jy kan ‘n kommersiële tinktuur probeer en kyk of dit ‘n uitwerking het.

♦♦♦

Gebruik die blare van stekeltee soos enige teeblare. Drink daagliks vir asma. (Khoisan)
(Stekeltee is 'n bedreigde plant. Moet hulle nie uit hul natuurlike omgewing verwyder nie. Koop dit van 'n kwekery.)

♦♦♦

Vars wortels (of risome) van wildegemmer kan gekou word om asma te behandel. (Zulu)

♦♦♦

Die blare van die pokbos word gevryf en gerook vir asma.

♦♦♦

Neem 2 tot 4 kankerbossie blare en week dit 3 minute in ’n koppie kookwater. Heelwat Suid-Afrikaners gebruik dit vir asma.

♦♦♦

Gooi ’n koppie kookwater oor ’n eetlepel geelblomsalie blare en laat dit trek vir 5 minute. Om dit meer drinkbaar te maak kan jy dit versoet met heuning en ’n skyfie suurlemoen byvoeg.
Drink vir asma.

♦♦♦

Gooi ’n koppie kookwater oor ’n kwart koppie vars sewejaartjie-blare. Laat dit trek vir 5 minute.
Gooi deur ’n siffie en drink vir asma.

♦♦♦

Jy het ’n takkie kapokbos van omtrent jou duim se lengte nodig. Gooi ’n koppie kookwater daaroor en laat trek vir 5 minute.
Dreineer en drink die tee vir asma.

♦♦♦

Gooi kookwater oor ’n ¼ koppie klimop-blare in 1 koppie kookwater en asem die stoom in vir asma.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir asma.

♦♦♦

Voeg ’n kwart koppie kattekruid-blare by ’n koppie kookwater en laat trek vir 5 minute. Gooi deur ’n sif en drink vir asma.

♦♦♦

Die gereelde gebruik van rooibostee kan asemhaling verbeter

♦♦♦

Gebruik 5g vars wildeals blare om ’n tee mee te maak. Laat dit vir 5 minute trek voor jy die blare verwyder. Drink die tee vir asma.

♦♦♦

Gooi kookwater oor ’n teelepel bloekomblare (Eucalyptus globulus) gemeng met ’n teelepel bokboegoe (Coleonema pulchellum). Laat dit trek vir 5 minute. Gooi deur ’n siffie en drink vir asma.

♦♦♦

’n Tee gemaak van kattekruie help vir asma. Maak die tee met heuning, naeltjies en suurlemoensap en 'n paar takkies kattekruie.

♦♦♦

Sit kanfer in 'n pan, gooi soetolie daarop, maak dit goed warm en sit dit op die bors.

♦♦♦

Jy kan ook bokvet op ongebleikte linne smeer, skoorsteenroet daaroor strooi en dan op die bors sit.

♦♦♦

Kook ´n stuk saliebos in water totdat die vloeistof lyk soos sterk tee.
Neem een koppie daarvan en kook dit tot 'n stroop saam met 500 ml suiker.
Voeg 1 botteltjie borsdruppels en 125 ml suurlemoensap by en skud goed.
Drink 15 ml hiervan 3 maal per dag.

♦♦♦

Gebruik 3 g bloublomsalie, 3 g kankerbossie en 3 g wildedagga om ’n tee mee te maak.
Laat dit vir 5 minute trek voor jy dit deur ’n siffie gooi.
Drink dit vir asma en ander longprobleme.

Medisinale gebruike van kruie

Kruiegids

Kruie vir kwale: Sooibrand

2026-10-30T07:30:00.000+02:00

In plaaslike tradisionele medisyne word die blaarsap van die hondepisbossie gebruik vir die behandeling van sooibrand. Raadpleeg asseblief ‘n tradisionele geneser indien jy dit wil gebruik aangesien ‘n oordosis giftig kan wees.

♦♦♦

Gesuiwerde aalwynsap kan help om inflammasie in die spysverteringskanaal se voering te verminder, wat moontlik sooibrand kan verlig. Nuwe bykomende inligting is dat dit ook die winde en braking wat soms met sooibrand geassosieer word bekamp.

Neem 1–2 eetlepels (≈30–60 ml) daagliks, voor ete.
Gebruik slegs gesuiwerde aalwynsap.

Vermy indien:
Swanger of borsvoed (kan baarmoeder kontraksies stimuleer).
Diuretika, lakseermiddels of hartmedikasie neem (risiko van interaksies).
Nierprobleme het of inflammatoriese dermprobleme soos Crohn se siekte.
Korttermyn gebruik aanbeveel: Terwyl korttermyn gebruik veilig lyk vir die meeste volwassenes, is daar te min inligting beskikbaar oor langtermyn gebruik.

Begin laag: Begin met minder as 2 eetlepels daagliks om toleransie te bepaal voordat dit verhoog word.

(Panahi Y, et al. Efficacy and safety of Aloe vera syrup for the treatment of gastroesophageal reflux disease: a pilot randomized positive-controlled trial. J Tradit Chin Med. 2015;35(6):632-6. PubMed)

♦♦♦

Vir sooibrand: Week ’n takkie wilde salie in ’n koppie kookwater vir 10 minute.
Gooi dit deur ’n siffie en meng 3 eetlepels Engelse sout by en bietjie suurlemoensap. Hou die mengsel in ’n lugdigte houer en gee die pasiënt gereeld klein bietjies daarvan.

♦♦♦
Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir sooibrand.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Drink die tee vir sooibrand.

♦♦♦

Drink halwe koppie water met die sap van 1 suurlemoen en 1 teelepel koeksoda na etes.

♦♦♦

Drink ’n knippie gemmerpoeier, opgelos in louwarm water.

♦♦♦

Drink ’n koppie kamille-tee (chamomile / chamomile) nadat jy geëet het.

♦♦♦

Drink 2 eetlepels suurlemoensap. Die sooibrand sal vir ’n kort rukkie erger voel, maar dan beter raak.

♦♦♦

Kou ’n paar groenment-blare vir sooibrand.

Medisinale gebruike van kruie

Kruiegids

Kruie vir kwale: Wonde

2026-10-27T06:00:00.000+02:00

Die olienhout se blare word gedroog en daarna verpoeier. Dit is tradisioneel gebruik om die bloed te stol op ‘n vars wond.

♦♦♦

Tradisioneel word varkoortjies hoofsaaklik gebruik om verskeie veltoestande en beserings te behandel. Die blare word direk op wonde geplaas.

♦♦♦

Jy kan ’n afkooksel maak van wildeals blare daardeur vir 10 minute te kook. Dit kan uitwendig aangewend word vir die behandeling van letsels.

♦♦♦

Sommige mense maak ’n eksterne wasmiddel met kankerbossie vir wonde. Hiervoor gebruik jy 4 hande vol blare van die kankerbossie, ’n fyngedrukte bol wildeknoffel en 4 hande vol kruidjie-roer-my-nie se blare. Alles saam word in kookwater getrek vir 30 minute. Die lyf word gewas terwyl die mengsel nog warm is en die pasiënt moet ook 125 mℓ van die mengsel drink. Die 125 mℓ moet egter afgetap word na 15 minute se trek. As dit te sterk is, kan dit die persoon laat opgooi. Hoe bitterder ’n kankerbossie-mengsel is, hoe sterker is dit. (Khoisan, Nama)

♦♦♦

Die kruisbessie is ’n belangrike plant in tradisionele medisyne en word vir ’n verskeidenheid doeleindes gebruik. Gekneusde bas wat in warm water geweek is, word gebruik om wonde te behandel.

♦♦♦

Plaas 20 g vars, gekapte wildewingerd-blare in 1 koppie kookwater en laat trek vir 5 minute.
Gebruik dit vir die behandeling van wonde.

♦♦♦

Maak ’n badmengsel deur 40 g wildeals-blare te bedek met 2 liter kookwater. Laat dit staan vir 2 uur.
Gooi deur ’n sif en botteleer.
Voeg die mengsel by jou badwater om te help met wonde. Jy kan die geaffekteerde plekke liggies daarmee afspons.

♦♦♦

Gousblomblare kan gebruik word om die inflammasie te behandel en enige wonde te help herstel. Week ’n hand vol blomblare in ’n koppie warm water vir 15 minute. Laat dit dan afkoel en plaas dit in die yskas vir 30 minute. Week dan ’n waslap in die aftreksel en hou dit op die geaffekteerde plek vir 5 minute. Doen dit ’n paar keer elke dag.

♦♦♦

Die blare van die maagpynbossie bespoedig die herstelproses as jy dit aan wonde smeer.
Trek 10 g blare in ’n koppie kookwater vir 5 minute.

Medisinale gebruike van kruie

Kruiegids

Kruie vir kwale: Winderigheid

2026-10-26T06:00:00.000+02:00

Die anyswortel is lank gelede in Suid-Afrika as ‘n groente saam met vleis gebruik. Dit word ook gebruik om winderigheid te verlig. Dis veral handig om 'n opgeblaasde gevoel te verlig.

♦♦♦

Kajapoetolie kan gebruik word vir winde. Neem 1 – 3 druppels met suikerwater. Meng 5 druppels naeltjie-olie op 'n bietjie suiker saam met 'n paar druppels water. Dit is baie doeltreffend om wind in die maag en ingewande te verlig.

♦♦♦

Kajapoetolie kan gebruik word vir winde. Neem 1 – 3 druppels met suikerwater.

♦♦♦

Duiwelsdrek word aanbeveel vir winderigheid. Neem drie maal daagliks saam met melk of heuning genoeg hiervan om die punt van ‘n knipmes toe te maak.

♦♦♦

Balsem Vita, ’n preparaat van verskillende olies, word aanbeveel vir die verligting van winderigheid. Dit kan met veiligheid vir kinders en babas gegee word. Vir volwassenes 20 – 30 druppels 4 of 5 keer daagliks saam met warm water of tee. 10 druppels is genoeg vir kinders en 5 druppels in bietjie lou soet water vir babas. Die olies wat gebruik word vir die preparaat is kassia, laventel, naeltjie, neutmuskaat en tiemie.

♦♦♦

Die Zoeloes gebruik al lank reeds watersalie vir winderigheid. Die resep is twee blare in ’n koppie kookwater getrek vir 5 minute. Gooi deur ’n siffie en drink.

♦♦♦

Vir winderigheid, diarree, sooibrand en probleme met spysvertering. Week ’n takkie wilde salie in ’n koppie kookwater vir 10 minute.
Gooi dit deur ’n siffie en meng 3 eetlepels Engelse sout by en bietjie suurlemoensap. Hou die mengsel in ’n lugdigte houer en gee die pasiënt gereeld klein bietjies daarvan.

♦♦♦

Die blare van die maagpynbossie word gebruik as medikasie vir winderigheid. Trek 10 g blare in ’n koppie kookwater vir 5 minute. Drink dit stadig.

♦♦♦

Kou ’n paar groenment-blare vir winderigheid.

♦♦♦

Jy het ’n takkie kapokbos van omtrent jou duim se lengte nodig. Gooi ’n koppie kookwater daaroor en laat trek vir 5 minute. Dreineer en drink die tee vir winderigheid.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Drink die tee vir winderigheid.

♦♦♦

Neem ’n paar druppels anysolie op suiker wanneer nodig. (Khoisan)

♦♦♦

Trek kruienaeltjies in kookwater en drink daarvan.

♦♦♦

Neem ’n bietjie kaneel gemeng met heuning.

♦♦♦

Meng 2 liter water met 2 eetlepels heuning, 1 eetlepel fyngekapte gemmer en 1 eetlepel gemaalde kaneel. Hou in die yskas en drink gereeld ’n bietjie daarvan.

♦♦♦

Drink 'n warm tee van byebalsem (bergamot).

♦♦♦

Maak vir jou tee met vinkel om te help met winderigheid.

Medisinale gebruike van kruie

Kruiegids

Kruie vir kwale: Diarree

2026-10-21T06:00:00.000+02:00

Vroeë Kaapse setlaars het ‘n tee, wat van die blare, stingels en wortels van persiegras gemaak is, gebruik om chroniese diarree te behandel.

♦♦♦

Die blaarsap van suurvye word met water gemeng en ingeneem om diarree te behandel.

♦♦♦

'n Aftreksel van die bas van die soetdoringboom word gedrink vir diarree. (Khoisan)

♦♦♦

Gooi ’n koppie kookwater oor ’n ¼ koppie vars kruisement blare.
Laat dit staan vir 3 minute voor jy die tee drink.

♦♦♦

Die Zoeloes gebruik al lank reeds watersalie vir diarree. Die resep is twee blare in ’n koppie kookwater getrek vir 5 minute. Gooi deur ’n siffie en drink.
Mense gebruik dit vir diarree.

♦♦♦

Rooiwortel (Bulbine natalensis) is 'n vetplant wat in dele van Suid-Afrika groei. Die wortel, blaar en stam word as medisyne gebruik.
Mense gebruik dit vir diarree.

♦♦♦

Week ’n takkie wilde salie in ’n koppie kookwater vir 10 minute.
Gooi dit deur ’n siffie en meng 3 eetlepels Engelse sout by en bietjie suurlemoensap. Hou die mengsel in ’n lugdigte houer en gee die pasiënt gereeld klein bietjies daarvan.

♦♦♦

Die blare en wortels van die kaneelbol word gebruik om ’n tee te maak vir die behandeling van diarree.
Sny ’n stuk wortel van 1 cm skoon en 2 teelepels gekapte blare. Laat dit trek in ’n koppie kookwater vir 5 minute en gooi deur ’n sif voor jy dit drink.

♦♦♦

Die Khoi het Europeërs meer as 200 jaar gelede geleer van die medisinale waarde van die muishondbos. Hulle het dit gebruik vir diarree.

♦♦♦

Gooi ’n koppie kookwater oor ’n hand vol vars bergtee blare, ’n paar wildeals blare en twee malva blare. Laat dit trek vir 5 minute.
Drink dit vir diarree.

♦♦♦

Meng en drink mielieblom (Mezina) met water met of gerasperde appel (bruin word) of oorryp piesang en vars suurlemoensap.

♦♦♦

Suurvye se blaarsap het antiseptiese eienskappe. Dit word met water gemeng en ingesluk om diarree te behandel.

♦♦♦

Medisinale gebruike van kruie

Kruiegids

Kruie vir kwale: Lewersiektes

2026-10-18T07:00:00.000+02:00

Kook die blare van Skotse dissel en drink die afgekoelde, gedreineerde aftreksel om jou lewer te reining of om verligting te bied teen koors veroorsaak deur lewersiektes.

♦♦♦

Neem 2 tot 4 blare van die kankerbossie en week dit 3 minute in ’n koppie kookwater. Volgens die Khoi kan jy hierdie flou tee drink vir lewersiektes.

♦♦♦

Knolle van die duiwelsklou word tradisioneel gebruik vir die behandeling van siektes van die lewer.
Die knolle van die duiwelsklou kan fyngemaak en gekook word. 'n Klein bietjie van die aftreksel word dan twee maal per dag gedrink. Duiwelsklou kan ‘n allergiese reaksie veroorsaak vir sommige mense. Diegene met diabetes, maagsere en dermprobleme moet dit nie gebruik nie. Indien jy bloeddruk- of hartmedikasie gebruik kan jy nie baie hoë dosisse hiervan neem nie. As jy dit te sterk aanmaak kan kanker, nierskade of artritis veroorsaak. Swanger vroue moet dit onder geen omstandighede gebruik nie.

Medisinale gebruike van kruie

Kruiegids

Kruie vir kwale: Verkoue

2026-10-16T06:00:00.000+02:00

In Shakespeare se komedie Much Ado About Nothing word 'n tinktuur van karmedik vir ’n verkoue aanbeveel. Dit word vandag nog hiervoor gebruik.

♦♦♦

Vars wortels (of risome) van wildegemmer kan gekou word om verkoueste behandel. (Zulu)

♦♦♦

In Suid-Afrika word die blare van die kanniedood (Catharanthus roseus) tradisioneel gebruik vir die behandeling van verkoue.
Die basiese metode is om ’n paar blare vir 5 minute te week in kookwater en dan die tee te drink.

♦♦♦

Witolien word tradisioneel in Suid-Afrikaanse kruiemedisyne gebruik om te help met simptome van verkoues.
Kook 'n paar vars, skoon blare om ’n tee te maak. Gooi die tee deur ’n siffie, koel af en drink.

♦♦♦

Kajapoetolie kan gebruik word vir verkoues. Neem 1 – 3 druppels met suikerwater.

♦♦♦

Die blare van die bontaalwyn word rou gekou of fyngemaak om die jel of sap te onttrek. Hierdie jel kan oraal ingeneem word om die algemene ongemak wat met verkoues geassosieer word, te verlig.

♦♦♦

Balsem Vita, ’n preparaat van verskillende olies, word aanbeveel vir die verligting van verkoues van ‘n minder ernstige aard. Dit kan met veiligheid vir kinders en babas gegee word. Vir volwassenes 20 – 30 druppels 4 of 5 keer daagliks saam met warm water of tee. 10 druppels is genoeg vir kinders en 5 druppels in bietjie lou soet water vir babas.
Die olies wat gebruik word vir die preparaat is kassia, laventel, naeltjie, neutmuskaat en tiemie.

♦♦♦

Die Sotho-mense rook die gedroogde blare van klipsalie as ’n behandeling vir verkoues.

♦♦♦

'n Aftreksel van die wortels van die swarthaak word gedrink vir verkoue.

♦♦♦

'n Aftreksel van die blare en bas van die lekkerruikpeul word gedrink vir verkoue.

♦♦♦

'n Aftreksel van die blare en bas van die soetdoring word gedrink vir verkoue.

♦♦♦

Makkalmoes word tradisioneel deur die Zoeloe mense gebruik om verkoue te behandel. Die risome word normaalweg gekook en gebruik.

♦♦♦

Week 'n deel van wildepietersielie se wortel in kookwater vir 10 minute. Die aftreksel word dan as ’n tee gedrink.

♦♦♦

Vyf blare van Rivier Jasmyn in ’n koppie kookwater getrek vir 5 minute. Gooi deur ’n siffie en drink.

♦♦♦

Twee blare van wilde-kiaat in ’n koppie kookwater getrek vir 5 minute. Gooi deur ’n siffie en drink.

♦♦♦

Ses blare van die Njalaboom in ’n koppie kookwater getrek vir 5 minute. Gooi deur ’n siffie en drink.

♦♦♦

Vir verkoue week Rastafariërs een wildeknoffel plant se bol en blare in kookwater vir 10 minute. Die aftreksel word dan as ’n tee gedrink.

♦♦♦

Die Zoeloes gebruik al lank reeds watersalie vir verkoue. Die resep is twee blare in ’n koppie kookwater getrek vir 5 minute. Gooi deur ’n siffie en drink.

♦♦♦

Gooi ’n koppie kookwater oor ’n eetlepel geelblomsalie blare en laat dit trek vir 5 minute. Om dit meer drinkbaar te maak kan jy dit versoet met heuning en ’n skyfie suurlemoen byvoeg.
Die Nama mense gebruik al lank tee van geelblomsalie vir die behandeling van verkoue.

♦♦♦

Gooi ’n koppie kookwater oor ’n ¼ koppie vars groenment-blare.
Laat dit staan vir 3 minute voor jy die tee drink.
Drink dit vir verkoue.

♦♦♦

Gebruik 10 g wildedagga-blare, stele en/of blomme om ’n tee mee te maak. Laat dit vir 5 minute trek voor jy dit deur ’n siffie gooi.
Drink dit vir verkoue.

♦♦♦

Jy het ’n takkie kapokbos van omtrent jou duim se lengte nodig. Gooi ’n koppie kookwater daaroor en laat trek vir 5 minute.
Dreineer en voeg bietjie heuning en suurlemoensap by en drink dit vir verkoue.

♦♦♦

Gooi ’n koppie kookwater oor ’n paar gedroogde takkies heuningtee en laat dit trek vir 20 minute. Drink dit ten minste 4 keer per dag vir verkoue.

♦♦♦

Tee van suurlemoengras help om verkoue te verlig.

♦♦♦

Kruisementtee help vir verkoue.

♦♦♦

Stamp gedroogde basielkruid blare fyn en maak vir jou snuif vir verkoue.
Drink dit vir verkoue

♦♦♦

Plaas 10 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir verkoue

♦♦♦

Plaas ’n ¼ koppie klimop-blare in 1 koppie kookwater en laat trek vir 5 minute.
Gooi deur ’n siffie en geur met heuning na smaak.
Drink dit vir verkoue.
Gooi deur ’n sif en drink vir verkoue.

As jy erge verkoue het, kneus die stam van die klimop en snuif dit. Dit sal ’n genies meebring.

’n Paar druppels van die klimop se sap word in die neus gedrup vir ’n kopverkoue.

♦♦♦

Gooi ’n koppie kookwater oor ’n paar blare van die medisynebossie en laat trek vir 5 minute.
Gooi deur ’n sif en drink vir verkoue.

♦♦♦

Voeg ’n kwart koppie kattekruid-blare by ’n koppie kookwater en laat trek vir 5 minute.
Gooi deur ’n sif en drink vir verkoue

♦♦♦

Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir verkoue.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Drink die tee vir verkoue.

♦♦♦

Gooi kookwater oor ’n teelepel bloekomblare (Eucalyptus globulus) gemeng met ’n teelepel bokboegoe (Coleonema pulchellum). Laat dit trek vir 5 minute. Gooi deur ’n siffie en drink vir verkoue.

♦♦♦

’n Eetlepel boegoebrandewyn twee maal per dag.

♦♦♦

Kook ´n stuk saliebos in water, totdat vloeistof lyk soos sterk tee. Neem een koppie daarvan en kook tot ´n stroop met 2 koppies suiker. Voeg 1 botteltjie borsdruppels en en ´n halwe koppie suurlemoensap by en skud goed. Drink 1 eetlepel vol 3 maal per dag.

♦♦♦

’n Koppie boegoetee sal help om ’n verkoue te verdryf.

♦♦♦

Maak ’n tee van ’n hand vol bloekomblare en drink dit.

Medisinale gebruike van kruie

Kruiegids

Kruie vir kwale - Hare en Haarsorg

2026-10-13T07:30:00.000+02:00

Jy het ’n takkie kapokbos van omtrent jou duim se lengte nodig. Gooi ’n koppie kookwater daaroor en laat trek vir 5 minute.
Meng ’n halwe koppie van hierdie tee met ’n halwe koppie gewone roosmaryn tee. Meng dit dan met ’n liter kookwater en laat staan vir 20 minute. Gooi dit by jou badwater. Dit is nie net goed vir jou vel nie, maar ook vir jou hare.

♦♦♦

Die Khoisan het 'n aftreksel gemaak deur die nooienshaar se stingels in water te kook. Hulle het geglo dit help met haargroei. Ander groepe het dieselfde aftreksel later begin gebruik om kopluise te behandel.
Wetenskaplike ontledings het bevind dat die spesie ryk is aan alkaloïede en tanniene wat moontlike voordele inhou vir menslike gebruik. Die tradisionele bewerings oor haargroei is waarskynlik simboliese assosiasies gegrond op hoe die plant groei.

Medisinale gebruike van kruie

Kruiegids

Kruie vir kwale: Slangbyt

2026-10-11T06:30:00.000+02:00

Die bas van die bastersaffraan (Cassine peragua) word tradisioneel gebruik vir slangbyte. Die boom is egter giftig en die gebruik moet in die hande van kundige persone gelaat word.

♦♦♦

Medisinale gebruike van kruie

Kruiegids

Kruie vir kwale: Oorpyn

2026-10-09T05:00:00.000+02:00

Die blare van perdevye kan gekou word om oorpyn te verlig.

♦♦♦

Jy kan ’n afkooksel maak van wildeals blare deur dit vir 10 minute te kook. Dit kan gebruik word om jou ore te was.

♦♦♦

Gebruik vars wildeals blare vir oorpyn, met ’n opgerolde blaar in die oor.

♦♦♦

Hou ’n bedekte warmwatersak teen die aangetaste kant van die gesig.

♦♦♦

Gebruik 'n spuit of iets soortgelyks om 2 tot 4 druppels warm olyfolie in die oor van ’n klein kindjie, 2 jaar en ouer, of 5 tot 10 druppels in ’n volwassene se oor.

♦♦♦

Drup een druppel warm amandelolie en een druppel knoffelolie in die oor. Plaas ’n pluisie watte in die oor.

♦♦♦

Vir oorpyn, skil ’n groot ui en sny dit in die helfte. Maak ’n helfte versigtig warm in ’n mikrogolfoond en draai dit toe in ’n lappie. Hou dit met die plat kant teen, of so naby as moontlik, aan jou oor. Pasop vir brand. Die aroma van die ui het antibakteriële eienskappe en die hitte help vir die pyn.

♦♦♦

Drup ’n paar druppels uiesap in die oor.

♦♦♦

Drup ’n paar druppels knoffelsap in die oor.

♦♦♦

Bind ’n teelepel peper toe in ’n lappie. Week die lappie in naeltjieolie en druk dit dan in die oor.

♦♦♦

Braai 'n heel knoffelhuisie in klapperolie. Laat die olie afkoel en gooi dan in oor.

♦♦♦

Druk 'n stukkie tabak in jou oor vir oorpyn.

Medisinale gebruike van kruie

Kruiegids

Kruie vir kwale: Aknee

2026-10-02T07:00:00.000+02:00

Neem-olie (Azadirachta indica) is onder andere ‘n uistekende natuurlike teenvoeter vir puisies.
Let Wel: dit is hoogs gekonsentreerd en moet korrek gebruik word om velprobleme te voorkom.
Meng 1 druppel suiwer neem-olie met 10 tot 12 druppels druiwepitolie. Gebruik watte om 'n klein hoeveelheid van hierdie mengsel direk op die puisie aan te bring. Laat dit oornag aan en was dit soggens af.
‘n Makliker manier is om 2 tot 3 druppels neem-olie by jou bevogtiger of jou vloeibare gesigwasmiddel te voeg.
Die hele bitterbos word gebruik, insluitende die wortels. Gebruik 8 g varsgekapte bitterbos per koppie kookwater. Laat trek vir 3 minute. Gebruik dit vir velaandoenings, insluitende puisies. Jy kan die mengsel aan die vel smeer in plaas van drink. Dit kan tot 8 keer per dag gedoen word. Dit kan ook aangesmeer word vir aambeie.

(Sihmar, A., tyagi, J., Saptrishi, & Kunal, (2026). Formulation and Evaluation of Herbal-Based Anti-ACNE Cream. International Journal of Science, Strategic Management and Technology, 02(04).)

♦♦♦

Smeer vars suurlemoensap aan. of spons jou gesig gereeld met verdunde suurlemoensap.

♦♦♦

Die jellieagtige inhoud van die medisynebossie kan op puisies, koorsblare en skurwe vel gesmeer word.

♦♦♦

Meng 3 eetlepels heuning en 1 teelepel kaneel tot 'n pasta. Smeer aan puisies net voor slaaptyd en was volgende oggend met (lou) warm water af. Indien dit vir 2 weke daagliks gedoen word behoort jy die verskil te sien.

♦♦♦

Meng 1 pakkie kremetart en 2 pakkies Engelse sout en gooi dit in 1 groot bottel water. Skud goed sodat dit kan oplos. Drink elke oggend 1 eetlepel vol op jou nugter maag.

♦♦♦

As jy sukkel met aknee kan jy 'n rooibostee-sakkie baie sterk laat trek en jou gesig soggens en saans daarmee was of gebruik sommer 'n stukkie watte om die tee op jou gesig te smeer. Die tee sal nie jou gesig vlek nie, maar indien jy daaroor bekommerd is, spoel maar jou gesig met koel water af. Die tee sal wel die houer waarin jy die tee hou vlek, so gebruik maar 'n houertjie wat jy nie voor jammer is nie om die tee in te hou.

♦♦♦

Maak een koppie vars pietersielie fyn en smeer dit op jou swartkoppies. Stoom dan jou gesig vir sowat 15 minute en was af.

♦♦♦

Sommige mense staan ook hoog en laag by ´n room met hoofsaaklik kanfer as bestanddeel. Dit is glo veral geskik vir hoendervleispuisies wat regoor die vel kan ontstaan.

♦♦♦

Druk ´n knoffelhuisie pap en sit die olie aan die puisie.

♦♦♦

Medisinale gebruike van kruie

Kruiegids

Kruie vir kwale: Hoofpyn

2026-09-27T07:00:00.000+02:00

Die moringaboom se blare word gebruik om hoofpyn te verlig. Maal dit fyn en drink met water.

♦♦♦

Die blare van die gifbol (Boophone disticha) word ook gebruik om kompresse te maak wat op die liggaam aangebring word om hoofpyn te verlig. Vars blare word geoes en gekneus. Die gekneusde blare word dan effens verhit. Die warm blare word direk op die aangetaste area geplaas en toegedraai en vasgemak met lap of ‘n verband. Moet dit nie in direkte kontak met die vel laat vir langer as 24 uur nie.

♦♦♦

Die takkies en blare van kooigoed kan gebruik word vir hoofpyn. Maak ‘n tee daarvan en drink daagliks.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Roer 5 mℓ heuning by.
Drink die tee vir hoofpyn.

♦♦♦

’n Tee van oregano verlig hoofpyn.

♦♦♦

Tee van marjolein verlig hoofpyn.

♦♦♦

Stamp gedroogde basielkruid blare fyn en maak vir jou snuif vir hoofpyn.

♦♦♦

Plaas ’n ¼ koppie klimop-blare in 1 koppie kookwater en laat trek vir 5 minute.
Gooi deur ’n siffie en geur met heuning na smaak.
Drink dit vir hoofpyn.

♦♦♦

Gebruik vars wildeals blare vir hoofpyn deur ’n opgerolde blaar in ’n neusgat te hou.

♦♦♦

Trek kattekruie-blare soos ’n sterk tee. Maak die tee met heuning, suurlemoensap en 'n paar blare van die kattekruie.

♦♦♦

Trek roosmaryn soos ’n sterk tee wat jy versoet met heuning.

♦♦♦

Meng ’n pakkie Engelse sout met ’n pakkie kremetart en ’n eetlepel fyngemaalde aluin. Neem 3 maal per dag 1 mespunt vol op die tong.

♦♦♦

Maak ’n lappie nat met asyn en strooi fyn kaneel oor, plaas dit dan op die voorkop.

♦♦♦

Soms kan jy eenvoudig aan 'n bietjie vlugsout ruik om 'n hoofpyn te verlig.

Medisinale gebruike van kruie

Kruiegids

Kruie vir kwale: Naarheid

2026-09-25T07:30:00.000+02:00

Die wortels van die rooiwortel kan mondelings ingeneem te word om braking te stuit. Die wortels word afgeskil en opgesny. Dit word met koue water bedek en tot kookpunt gebring. Dan word die hitte verminder en vir 20 minute geprut. Dan word dit gesif en afgekoel. Gebruik klein bietjies wanneer nodig. Raadpleeg eerder ‘n tradisionele geneser indien jy nie seker is oor die voorbereidingsproses nie.
Die plant moet nie tydens swangerskap gebruik word nie.

♦♦♦

Week een bol knoffel in kookwater vir 10 minute. Die aftreksel word dan as ’n tee gedrink.

♦♦♦

Die Zoeloes gebruik al lank reeds watersalie vir naarheid. Die resep is twee blare in ’n koppie kookwater getrek vir 5 minute. Gooi deur ’n siffie en drink.

♦♦♦

Die blare en wortels van die kaneelbol word gebruik om ’n tee te maak vir die behandeling van naarheid.
Sny ’n stuk wortel van 1 cm skoon en 2 teelepels gekapte blare. Laat dit trek in ’n koppie kookwater vir 5 minute en gooi deur ’n sif voor jy dit drink.

♦♦♦

Die blare van die maagpynbossie word gebruik as medikasie vir naarheid. Trek 10 g blare in ’n koppie kookwater vir 5 minute. Drink dit stadig.

♦♦♦

Een teelepel boegoebrandewyn, twee maal per dag.
Lees hier hoe om boegoebrandewyn te maak.

♦♦♦

Bosboegoe kan ook gebruik word. Voeg ’n paar bosboegoe-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag.

♦♦♦

Drink ’n teelepel suurlemoensap met ’n bietjie warm water.

♦♦♦

Gooi ’n paar druppels vanilla by water of appelsap en drink.

♦♦♦

Drink 'n warm tee van byebalsem (bergamot).

♦♦♦

Eet rou gemmer vir naarheid.

♦♦♦

Vars basielkruid help teen naarheid.

Medisinale gebruike van kruie

Kruiegids

Nuwe a-pokke uitbraak in SA

2026-09-21T13:05:39.722+02:00

Die Departement van Gesondheid 'n beroep gedoen op die publiek om waaksaam te wees vir a-pokke(Mpox)-simptome ná 'n vinnige toename in bevestigde gevalle die afgelope paar weke.

Ongeveer 19 gevalle van die virussiekte is aangemeld, waarvan die meerderheid – 15 – in Kaapstad in die Wes-Kaap aangemeld is. Drie gevalle is in Gauteng opgespoor en een in KwaZulu-Natal.

Dit is kommerwekkend dat 13 van die totale aantal gevalle tussen 13 Augustus en 17 September aangeteken is, wat dui op vinnige plaaslike oordrag van hierdie voorkombare virusinfeksie.

Volgens die departement wissel die ouderdomme van die pasiënte van 23 tot 50 jaar, met 'n mediaan-ouderdom van 36,5 jaar; 18 van hulle is mans en slegs een is 'n vrou.

A-pokke is ’n aansteeklike virussiekte wat by mense en sommige diere voorkom. Die simptome sluit in koors, geswelde limfknope en ’n uitslag wat blase vorm en dan korsies oor die blase. Die tyd vanaf blootstelling tot aanvang van simptome wissel van 5 tot 21 dae. Die simptome duur tipies 2 tot 4 weke. Dit kan versprei deur besmette diere, liggaamsvloeistowwe, besmette voorwerpe of noue kontak met ’n besmette persoon. Dit is aansteeklik vanaf die begin van simptome tot wanneer al die rowe afgeval het.

Met die vorige uitbraak in 2024 het 24 mense in Suid-Afrika die siekte opgedoen, waarvan 3 oorlede is.

Die regering het beperkte dosisse entstowwe bekom as deel van sy strategie om op die uitbrake te reageer en plaaslike oordrag te stuit.

Kruie vir kwale: Snye en skrape

2026-09-18T06:00:00.000+02:00

Die jellieagtige inhoud van die blare van die rooiwortel kan op snye en skrape gesmeer word.

♦♦♦

Die jellieagtige inhoud van kopiva blare kan op snye en skrape gesmeer word.

♦♦♦

Strooi suiker bo-op 'n sny – dit sal help dat die bloed vinniger stol.

♦♦♦

Die jellieagtige inhoud van die medisynebossie kan op snye en skrape gesmeer word.

♦♦♦

Die blaarsap van suurvye en perdevye word gebruik as 'n strelende velmiddel vir skrape en snye gebruik.

Medisinale gebruike van kruie

Kruiegids

Kruie vir kwale: Brongitis

2026-09-16T07:00:00.000+02:00

Maak 'n teelepel gedroogde anyssade fyn en laat dit vir 5 minute in 'n koppie kookwater trek. Maak die koppie toe terwyl dit trek om te verhoed dat die medisinale olies verdamp. Moenie meer as 2 koppies per dag drink nie.

♦♦♦

Om brongitis te behandel, is dagga tradisioneel gerook, maar dit word nie aanbeveel nie. Daar is tans geen wetenskaplike bewyse dat Cannabis sativa in ‘n ander vorm ‘n suksesvolle behandeling sal wees nie, maar jy kan ‘n kommersiële tinktuur probeer en kyk of dit ‘n uitwerking het.

♦♦♦

Kommersieel word die peperbasboom verwerk tot tablette wat spesifiek bemark word vir die behandeling van brongitis en ander borsinfeksies.

♦♦♦

Kook 1 teelepel gedroogde kamferbos blare in 1 koppie water vir 10 minute.
Dreineer en drink 2-3 keer per dag.

MOENIE KAMFER GEBRUIK indien jy:
• Swanger of borsvoedend
• Epilepsie of stuiptrekkings het
• Lewer- of nierprobleme het
• Kinders jonger as 2-3 jaar
• Op stukkende of geïrriteerde vel

♦♦♦

Gooi ’n koppie kookwater oor ’n eetlepel geelblomsalie blare en laat dit trek vir 5 minute. Daarom meer drinkbaar te maak kan jy dit versoet met heuning en ’n skyfie suurlemoen byvoeg.
Drink dit vir bronchitis.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir bronchitis.

♦♦♦

Voeg ’n kwart koppie kattekruid-blare by ’n koppie kookwater en laat trek vir 5 minute.
Gooi deur ’n sif en drink vir brongitis.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Roer 5 mℓ heuning by.
Drink die tee vir brongitis.

♦♦♦

Kook ´n stuk saliebos in water, totdat die vloeistof lyk soos sterk tee.
Neem een koppie daarvan en kook tot ‘n stroop met 2 koppies suiker.
Voeg 1 botteltjie borsdruppels en ´n halwe koppie suurlemoensap by en skud goed.
Drink 1 eetlepel vol 3 maal per dag.

♦♦♦

Neem 10 – 30 druppels balsemkopiva daagliks, gedrup op suiker of saam met melk.

Medisinale gebruike van kruie

Kruiegids

Kruie vir Kwale: Boererate vir stres

2026-09-10T06:00:00.000+02:00

As jy sukkel met aandagafleibaarheid of wil ontspan, probeer 'n flou tee van suurlemoenbalsem wat jy bietjie versoet met heuning.

♦♦♦

Duiwelsdrek kan geneem word om die senuwees te kalmeer.

♦♦♦

Maak tee met gedroogde wilde-jasmyn blomme, met suurlemoensap en heuning.
Drink dit vir stres.

♦♦♦

Gooi ’n koppie kookwater oor ’n kwart koppie vars sewejaartjie-blare. Laat dit trek vir 5 minute.
Gooi deur ’n siffie en drink vir pyne wat gepaard gaan met stres.
Gooi deur ’n sif en drink vir stres.

♦♦♦

Voeg ’n kwart koppie kattekruie-blare by ’n koppie kookwater en laat trek vir 5 minute.
Gooi deur ’n sif en drink vir stres.

♦♦♦

Die gereelde gebruik van rooibostee kan verligting bied vir stres.

♦♦♦

’n Paar blare wilde roosmaryn, kankerbossie, laventel en boegoe saamgetrek as tee vir 5 minute. Dit help vir hoë bloeddruk, stres en moegheid.

♦♦♦

’n Tee gemaak van kattekruid help vir stres.

♦♦♦

As jy sukkel met stres. Smeer die sap van 'n aalwynblaar aan jou lyf vir bietjie verligting.

Medisinale gebruike van kruie

Kruiegids

Kruie vir kwale: Insekbyt

2026-09-09T06:00:00.000+02:00

Die jellieagtige inhoud van die blare van die rooiwortel kan op insekbyte gesmeer word.

♦♦♦

Die jellieagtige inhoud van die blare van kopiva kan op insekbyte gesmeer word.

♦♦♦

Die blare van die varkblom kan gebruik word om die ongerief van insekbyte te verlig.

♦♦♦

Vryf die vars bokboegoe-blare op jou komberse en kussings om insekte, bv., muskiete, weg te hou in die nag.

♦♦♦

Plaas 20 g vars, gekapte wildewingerd-blare in 1 koppie kookwater en laat trek vir 5 minute.
Gebruik dit vir die behandeling van die bytplek van bosluise en ander insekte.

♦♦♦

Die jellieagtige inhoud van die medisynebossie kan op insekbyte gesmeer word.

♦♦♦

Maak ’n badmengsel deur 40 g wildeals-blare te bedek met 2 liter kookwater. Laat dit staan vir 2 uur.
Gooi deur ’n sif en botteleer.
Voeg die mengsel by jou badwater om te help met insekbyte. Jy kan die geaffekteerde plekke liggies daarmee afspons.

♦♦♦

Vryf rou, fyngekerfde wit uie aan ’n vlooibyt.

♦♦♦

Smeer suurlemoensap aan ’n perdeby- of bysteek.

♦♦♦

Gooi 1 liter kookwater oor 3 koppies blare, stele en blomme van wildedagga.
Laat dit trek en afkoel.
Gebruik dit op insekbyte.

♦♦♦

Die blaarsap van suurvye of perdevye verlig ook die jeuk van muskiet-, bosluis- en spinnekopbyte vir beide mense en hul troeteldiere.

♦♦♦

Medisinale gebruike van kruie

Kruiegids

50 000+ aanhangers op Facebook

2026-09-07T15:47:29.573+02:00

Boererate.com het die 50 000 merk verbygesteek op Facebook.
Baie dankie aan al ons ondersteuners.

Kruie vir kwale: Boererate vir inflammasie

2026-09-05T06:30:00.000+02:00

Maak ‘n aftreksel deur die wortels en stingels van die graweelwortel in water te kook. Die aftreksel kan in klein hoeveelhede gedrink word vir ernstige interne inflammasie.

♦♦♦

In die Willowmore-omgewing word die plakkie se blare gekook tot sag en dan fyngemaak. Die afgekoelde pasta word dan gebruik om inflammasie ekstern te behandel.

♦♦♦

Plaas skaafsels bas van ’n kiepersol (-boom) op die blare van ’n bloulelie en bind vas op seer spiere, spiere wat kramp of spiere met inflammasie.

♦♦♦

Voeg borrie gereeld by jou dieet, of drink dit sommer daagliks.

♦♦♦

Gebruik gemmer as 'n teenvoeter vir inflammasie.

♦♦♦

Gousblomblare kan gebruik word om inflammasie te behandel. Week ’n hand vol blomblare in ’n koppie warm water vir 15 minute. Laat dit dan afkoel en plaas dit in die yskas vir 30 minute. Week dan ’n waslap in die aftreksel en hou dit op die geaffekteerde plek vir 5 minute. Doen dit ’n paar keer elke dag.

Medisinale gebruike van kruie

Kruiegids

Kruie vir kwale: Hoes

2026-09-04T06:30:00.000+02:00

Maak 'n teelepel gedroogde anyssade fyn en laat dit vir 5 minute in 'n koppie kookwater trek. Maak die koppie toe terwyl dit trek om te verhoed dat die medisinale olies verdamp. Moenie meer as 2 koppies per dag drink nie.

♦♦♦

Tradisioneel, vars of droog, is die blare van kattekruie as tee gebruik vir hoes. Maak die tee met heuning, suurlemoensap en 'n paar blare van die kattekruie.

♦♦♦

Week een bol knoffel in kookwater vir 10 minute. Die aftreksel word dan as ’n tee gedrink.

♦♦♦

Tee gemaak van die blare van die vrouehaar kan gedrink word vir hoes. (Khoisan)

♦♦♦

Kook 1 teelepel gedroogde kamferbosblare in 1 koppie water vir 10 minute.
Dreineer en drink 2-3 keer per dag

*MOENIE KAMFER GEBRUIK* indien jy:
• Swanger of borsvoedend
• Epilepsie of stuiptrekkings het
• Lewer- of nierprobleme het
• Kinders jonger as 2-3 jaar
• Op stukkende of geïrriteerde vel

♦♦♦

Balsem Vita, ’n preparaat van verskillende olies, word aanbeveel vir die verligting van hoes van ‘n minder ernstige aard. Dit kan met veiligheid vir kinders en babas gegee word. Vir volwassenes 20 – 30 druppels 4 of 5 keer daagliks saam met warm water of tee. 10 druppels is genoeg vir kinders en 5 druppels in bietjie lou soet water vir babas.
Die olies wat gebruik word vir die preparaat is kassia, laventel, naeltjie, neutmuskaat en tiemie.

♦♦♦

Die vars blare van die kransaalwyn word gekap of fyngemaak en dan in water gekook om 'n tee of aftreksel te maak.
Dit word gedrink om hoes te verlig.
Soms word heuning of ander medisinale kruie, soos die blare van die lemoenbossie of gemmer, bygevoeg om die doeltreffendheid te verbeter.

♦♦♦

Vir hoes week Rastafariërs een wildeknoffel plant se bol en blare in kookwater vir 10 minute. Die aftreksel word dan as ’n tee gedrink.

♦♦♦

Die Zoeloes gebruik al lank reeds watersalie vir hoes. Die resep is twee blare in ’n koppie kookwater getrek vir 5 minute. Gooi deur ’n siffie en drink.

♦♦♦

Gooi ’n koppie kookwater oor ’n eetlepel geelblomsalie blare en laat dit trek vir 5 minute. Om dit meer drinkbaar te maak kan jy dit versoet met heuning en ’n skyfie suurlemoen byvoeg.
Die Nama mense gebruik al lank tee van geelblomsalie vir die behandeling van hoes. .

♦♦♦

Tee van die wilde salie word wêreldwyd gebruik vir die behandeling van hoes en ander borskwale.
Gooi ’n koppie kookwater oor ’n eetlepel wilde salie blare en laat dit trek vir 5 minute. Daarom meer drinkbaar te maak kan jy dit versoet met heuning en ’n skyfie suurlemoen byvoeg.
As jy hoes moet jy daarvan drink direk na die hoesbui. Jy kan ook ’n blaar kou om te help met hoes of ’n seer keel.

♦♦♦

Gebruik 10 g wildedagga-blare, stele en/of blomme om ’n tee mee te maak. Laat dit vir 5 minute trek voor jy dit deur ’n siffie gooi.
Drink dit vir hoes.

♦♦♦

Jy het ’n takkie kapokbos van omtrent jou duim se lengte nodig. Gooi ’n koppie kookwater daaroor en laat trek vir 5 minute.
Dreineer en voeg bietjie heuning en suurlemoensap by en drink dit vir hoes.

♦♦♦

Gooi ’n koppie kookwater oor ’n paar gedroogde takkies heuningtee en laat dit trek vir 20 minute. Drink dit ten minste 4 keer per dag vir hoes.

♦♦♦

Gebruik 10 g vars tiemie om ’n tee mee te maak. Laat dit vir 5 minute trek voor jy dit deur ’n siffie gooi. Roer 5 mℓ heuning by.
Drink die tee vir hoes.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir hoes.

♦♦♦

Plaas ’n ¼ koppie klimop-blare in 1 koppie kookwater en laat trek vir 5 minute.
Gooi deur ’n siffie en geur met heuning na smaak.
Drink dit vir hoes.

♦♦♦

Maak die wortel van die noem-noem skoon en maak fyn. Gebruik 2 teelepels in ’n koppie warm water. Drink dit vir hoes.

♦♦♦

Gooi ’n koppie kookwater oor ’n paar blare van die medisynebossie en laat trek vir 5 minute.
Gooi deur ’n sif en drink vir hoes.

♦♦♦

Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir hoes.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Roer 5 mℓ heuning by.
Drink die tee vir hoes.

♦♦♦

Gooi kookwater oor ’n teelepel bloekomblare (Eucalyptus globulus) gemeng met ’n teelepel bokboegoe (Coleonema pulchellum). Laat dit trek vir 5 minute. Gooi deur ’n siffie en drink vir hoes.

♦♦♦

Een teelepel boegoebrandewyn, twee maal per dag.
Lees hier hoe om boegoebrandewyn te maak.

♦♦♦

Kook ´n stuk saliebos in water tot die vloeistof lyk soos sterk tee.
Neem een koppie daarvan en kook dit tot ’n stroop saam met 500 ml suiker.
Voeg 1 botteltjie borsdruppels en 125 ml suurlemoensap by en skud goed.
Drink 15 ml hiervan 3 maal per dag.

♦♦♦

Sny ’n wit ui in dun skyfies en strooi bruinsuiker daaroor. Laat die staan sodat dit ’n stroop kan trek. Gee dan 5 mℓ van die stroop elke uur. Dit sal help vir hoes.

♦♦♦

Jy kan jou eie hoesstroop maak deur gelyke hoeveelhede suurlemoensap en heuning te meng.

♦♦♦

Peperwortel is jare gelede gereeld gebruik om hoes mee te behandel. Jy berei jou eie hoesstroop van die plant. Behou die wortel se skil, maar was en skrop dit deeglik. Sny dit dan in skyfies. Strooi ’n dik laag bruinsuiker oor en laat staan vir 24 uur. Dan gooi jy die los suiker af en kook die res op tot sag. Neem 5 mℓ wanneer jy ’n hoesbui het.

♦♦♦

Kou ses naeltjies en sluk die sap in.

♦♦♦

George Moore skryf:
"Man, ek het so 'n lelike hoesie gekry die winter toe sê 'n ou taante om die draai van my ek moet die volgende gebruik:
1 half jack gemmer brandewyn
1 middelslag ui
2 huisies knoffel
1 bottel heuning
Gooi die heuning en brandewyn in 'n potjie en verhit stadig maar nie kook nie, rasper dan die ui en knoffel baie fyn en gooi by die brandewyn en heuning laat so vir 10 minute staan en gooi in bottels maak seker dat die ui en knoffel gelyk verdeel is in al die bottels. Gebruik dan so 2 eetlepels op 'n slag vir hoes maar nou nie te veel nie anders moet 'n mens dan 'n raad vir wingerdgriep gaan soek. So elke 2 ure het gewerk vir my."

♦♦♦

Die kanniedood (Catharanthus roseus) se blare word gebruik vir die behandeling van hoes.
Die basiese metode is om ’n paar blare vir 5 minute te week in kookwater en dan die tee te drink.

Medisinale gebruike van kruie

Kruiegids

Kruie vir kwale: Wurms

2026-09-03T07:00:00.000+02:00

Die hondepisbossie is destyds na Suid-Afrika gebring vir medisinale doeleindes. Destyds is dit wêreldwyd gebruik vir die behandeling van menslike parasiete en wurms.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Drink daagliks.

♦♦♦

Die bol van wildeknoffel word reeds lank in tradisionele medisyne gebruik om wurms te behandel. Daar is ook vandag wetenskaplike bewyse dat die plant parasiete kan vernietig (Krstin et al., 2018).
Een plant se bol word in stukke gesny en in kookwater geweek vir 10 minute. Die aftreksel word dan as ’n tee gedrink.
(Krstin S, Sobeh M, Braun MS, Wink M. Tulbaghia violacea and Allium ursinum Extracts Exhibit Anti-Parasitic and Antimicrobial Activities. Molecules. 2018)

♦♦♦

Sny ’n stuk kaneelbol-wortel van 1 cm skoon en laat dit trek in ’n koppie kookwater saam met ’n paar takkies bergtee. Laat dit trek vir 5 minute, gooi deur ’n sif en drink dit vir wurms.

♦♦♦

Bergtee kan suksesvol gebruik word om van wurms ontslae te raak. Gooi kookwater oor ’n kwart koppie vars blare. Laat dit trek vir 10 minute. Drink terwyl dit nog warm is. Drink dit elke oggend vir twee weke. Dit kan ook gebruik word om wurms by troeteldiere te behandel. Meng die tee met hulle kos en water. Dit werk gewoonlik vinniger vir diere.

♦♦♦

Drink 1 eetlepel geosoneerde olyfolie vir 5 dae net voor slaaptyd en Jalapeno rissie pitte (40) voor ontbyt. Kombineer dit met die swael-resep. Nie die warm Jalapeno rissie nie, die een wat proe soos soetrissie en nie brand nie. Dit werk vir 99% van menslike parasiete. Diere kan net die swael gebruik, 'n mespunt by hul kos. (Derek Botha)

Medisinale gebruike van kruie

Kruiegids

Kruie vir kwale: Gonorree

2026-09-02T09:45:44.746+02:00

Hierdie is die eerste inskrywing in ons databasis vir ‘n plant wat spesifiek gonorree behandel. Dit is gebasseer op navorsing oor die tradisionele gebruik daarvan. Dit help ook vir sifilis

Gonorree is die besmetlike ontsteking van die slymvlies van die geslagsorgane. Dit word versprei deur middel van seksuele kontak met 'n besmette persoon.

Jy plaas 2 teelepels gedroogde, fyngemaakte of gerasperde wortel van die platdoring (Arctopus echinatus) saam met 500 ml water in ‘n kastrol. Bring die water tot kookpunt oor medium-hoë hitte. Bedek die pot met 'n deksel en stel die hitte op laag en laat dit saggies prut vir 20 minute.
Verwyder die kastrol van die hitte en laat dit vir nog 10 minute staan.
Gooi dan die vloeistof deur 'n fyn sif of kaasdoek.
Drink daagliks ‘n bietjie.

Ander name vir die platdoring is die pokkiesdoring of sieketroos.

♦♦♦

Medisinale gebruike van kruie

Kruiegids

Kruie vir kwale: Maagpyn

2026-08-31T06:00:00.000+02:00

Die Khoisan het die blare van die langblaar boegoe gekou om maagprobleme te verlig.

♦♦♦

Maak ‘n aftreksel deur die wortels en stingels van die graweelwortel in water te kook. Die aftreksel kan in klein hoeveelhede gedrink word vir maagprobleme.

♦♦♦

Kook 'n aftreksel van die wortel van die bitterwortel. Drink ‘n bietjie 3 maal per dag vir maagpyn. (Khoisan)
(Die bitterwortel is 'n bedreigde plant. Moet hulle nie uit hul natuurlike omgewing verwyder nie. Koop dit van 'n kwekery.)

♦♦♦

Die sap van die blare van suurvye kan gebruik word vir die behandeling van maagpyn.

♦♦♦

Meng 5 druppels naeltjie-olie op 'n bietjie suiker saam met 'n paar druppels water. Dit is baie doeltreffend om maagpyn te verlig.

♦♦♦

Lewensessens word algemeen gebruik vir maagprobleme. Die aktiewe bestanddeel van lewensessens is bitteraalwyn.

♦♦♦

Kajapoetolie kan gebruik word vir maagpyn. Neem 1 – 3 druppels met suikerwater.

♦♦♦

Duiwelsdrek kan gebruik word vir maagpyn. Neem drie maal daagliks saam met melk of heuning genoeg hiervan om die punt van ‘n mes toe te maak.

♦♦♦

Balsem Vita, ’n preparaat van verskillende olies, word aanbeveel vir die verligting van maagpyn. Dit kan met veiligheid vir kinders en babas gegee word. Vir volwassenes 20 – 30 druppels 4 of 5 keer daagliks saam met warm water of tee. 10 druppels is genoeg vir kinders en 5 druppels in bietjie lou soet water vir babas.
Die olies wat gebruik word vir die preparaat is kassia, laventel, naeltjie, neutmuskaat en tiemie.

♦♦♦

Makkalmoes word tradisioneel deur die Zoeloe mense gebruik om maagkrampe te behandel. Die risome word normaalweg gekook en gebruik.

♦♦♦

Die Zoeloes gebruik al lank reeds watersalie vir maagpyn. Die resep is twee blare in ’n koppie kookwater getrek vir 5 minute. Gooi deur ’n siffie en drink.

♦♦♦

Neem 2 tot 4 blare van die kankerbossie en week dit 3 minute in ’n koppie kookwater. Volgens die Khoi kan jy hierdie flou tee kan jy drink vir maagprobleme.

♦♦♦

Vir maagprobleme. Week ’n takkie wilde salie in ’n koppie kookwater vir 10 minute.
Gooi dit deur ’n siffie en meng 3 eetlepels Engelse sout by en bietjie suurlemoensap. Hou die mengsel in ’n lugdigte houer en gee die pasiënt gereeld klein bietjies daarvan.

♦♦♦

Gooi ’n koppie kookwater oor ’n eetlepel wilde salie blare en laat dit trek vir 5 minute. Daarom meer drinkbaar te maak kan jy dit versoet met heuning en ’n skyfie suurlemoen byvoeg. Die tee kan gedrink word vir maagprobleme.

♦♦♦

Die blare van die maagpynbossie word al jare in die Wes-Kaap gebruik as medikasie vir maagpyn. Trek 10 g blare in ’n koppie kookwater vir 5 minute. Drink dit stadig.

♦♦♦

’n Sterk aftreksel gemaak van die bitterbos kan eerste ding in die oggend gedrink word as ’n vinnig werkende lakseermiddel. Let asseblief daarop dat dit oormatige sweet en slaaploosheid kan veroorsaak.

♦♦♦

Die gereelde gebruik van rooibostee kan verligting bied vir maagpyn.

♦♦♦

Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir maagkrampe.

♦♦♦

Boegoebrandewyn is tot in die twintigste eeu nog vir maagkwale benut en daar is vandag nog boegoe vir dit voorskryf. Een teelepel, twee maal per dag.
Hierdie medikasie word gemaak deur ’n paar jong takkies boegoe by een bottel brandewyn te voeg. Maak toe en laat staan vir ’n week, terwyl jy dit een keer per dag goed skud.

♦♦♦

Bosboegoe kan ook gebruik word. Voeg ’n paar bosboegoe-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag.

♦♦♦

Kapokbos kan gebruik word vir die behandeling hiervan. Maak ’n tee van die blare.

♦♦♦

Meng 2 liter water met 2 eetlepels heuning, 1 eetlepel fyngekapte gemmer en 1 eetlepel gemaalde kaneel. Hou in die yskas en drink gereeld ’n bietjie daarvan.

♦♦♦

Die Hollandse setlaars het geglo dat die vrugte van die koekemakranka voordelig is vir jou maag. Hulle het die vrugte by brandewyn gevoeg en dit gebruik as medisyne.

Maak vir jou koekemakrankabrandewyn en drink dit as jou maag nie lekker voel nie.

(foto: Robert Jacob Gordon 1743-1795 The Man and his Travels at the Cape deur Patrick Cullinan)

♦♦♦

Laat jong takkies van ’n renosterbos trek in ’n bottel brandewyn. Drink soggens en saans sowat 30 mℓ hiervan. Dit help vir verskeie maagkwale, soos byvoorbeeld maagsere.

♦♦♦

Vars basielkruid help om maagkrampe te verminder.

♦♦♦

Maak tee met vinkel. Dit help vir maagpyn.

♦♦♦

Stamp die blare van die wilde als bos fyn en sit op 'n lap met asyn en plaas die lap op die maag van 'n baba met maagpyn.

♦♦♦

Trek die blare van die wilde als bos soos tee en drink.

♦♦♦

Medisinale gebruike van kruie

Kruiegids

Astigmatisme

2026-08-27T06:00:00.000+02:00

Wanneer die ronding van die oog se lens of kornea ongelyk is praat ons van astigmatisme. Dit lei tot dowwe en verwronge beelde.

’n Bril met spesifiek gevormde lense kan die probleem hanteer.