BONGO NDIYO HOME

MAKINDA AMTABIRIA PEPO REGIA MTEMA,ASEMA MUNGU KAMUEPUSHA KUINGIA DHAMBINI,ZITTO AMWIMBIA SHAIRI,MAELFU WAMZIKA!!

2012-01-19T07:50:00.000-08:00

Anne Makinda Spika wa bunge la jamhuti ya muungano wa Tanzania amemtabiria pepo mbunge wa viti maalumu Chadema Regia Mtema aliyefariki kwa ajali ya gari katika eneo la Ruvu mkoani Pwani Januari 14 mwaka huu.

Anne Makinda alitabiri pepo kwa Regia wakati akitoa salamu za bunge wakati wa maandalizi ya maziko ya mbunge huyo hapo jana katika uwanja wa Kiunga ilipofanyika shughuli hiyo na kuhudhuriwa na maelfu ya watu. Akinukuu baadhi ya vifungu vya bibilia spika Makinda alisema kuwa Mungu hupenda watu waishi hata kwa zaidi ya miaka 70 lakini kwa Regia imekuwa tofauti ameishi kwa miaka 32 tu hii maana yake nini?alihoji

Na kasha kujijibu mwenyewe, hii ina maana mwenyezi mungu amemwita Regia mapema ili aepuke kuwa miongoni mwa wenye dhambi hapa ulimwenguni,kwa kuwa binaadamu akikaa na watu watenda dhambi huweza kujikuta amezama huko na kumkosa mungu.

Aidha Anne alimfagilia marehemu kwamba alikuwa ni mtu mwenye uwezo wa kipekee na aliyependa kuwatetea wanyonge hususan wafanyakazi na kwamba alikuwa ni mtu aliyejiamini na kuweza kutetea kile alichokiamini.

MBOWE

Ama kwa upande wake mkuu wa kambi ya upinzani bungeni Freeman Mbowe amemwelezea marehemu kama kiongozi bora ambaye alikuwa na uchungu mkubwa na taifa lake na kwamba alikuwa akifanya harakati za hali ya juu za kiukombozi kwa wananchi na ndani ya chadema.

KABWE ZITTO

Naibu katibu mkuu wa Chadema taifa, Zitto Kabwe yeye pamoja na mambo mengine yote aliamua kughani mashairi ya kumlilia Regia Mtema kwa niaba ya chama hicho.Moja kati ya beti za shairi hizo zilikuwa hivi ….kwa Sauti kubwa na nene ya Zitto ..sisi wenzio uliotuacha tunakulilia,amini dada Regia tulikupenda na mchango wako kwa taifa ungalipo kuhitajika sana, na kama ingewezekana tungependa tuimbe pamoja shairi hili…kwa ujumla shairi mimi sikuzishika sana beti na lilikuwa ni lenye kujaza hudhuni na simanzi nyingi mbele ya waombolezaji maelfu kwa maelfu waliojitokeza na hata kwa wafulukutwa wa juu wa chadema waliovalia suti nyeusi na skafu zenye rangi ya bendera ya chama hicho

MVUA

RAIS JK AKIWEKA MCHANGA KATIKA KABURI LA REGIA MTEMA IFAKARA WILAYANI KILOMBERO JANA

HAPA ASKARI WAKISHUSHA MWILI WA MAREHEMU REGIA KABURINI

HATA hivyo maandalizi hayo yaliingiwa na kasoro baada ya mvua kubwa kunyesha majira ya saa 8.20 mchana wakati askofu akifanya ibada ya maziko, hali iliyowafanya waombolezaji kulowa kwa mvua na wengine kukimbilia katika maeneo mengine ya makazi ya watu kujisitili mvua hiyo iliyokatika baadae na kwenda makaburini ambako rais JK alihudhuria maziko hayo.

RAIS KIKWETE AWAPA KIBULI WAKAGUZI, AMWAGIZA UTOU KUTOMWOGOPA YEYOTE HATA KM NI WAZIRI KATIKA KUSHUGHULIKIA WANAOTUMIA VIBAYA FEDHA NA RASILIMALI ZA UMMA!!

2012-01-16T08:22:00.000-08:00

rais jakaya kikwete


mdhibiti na mkaguzi mkuu wa hesabu za serikali Ludovic Utouh kushoto

RAISI Jakaya Kikwete ameitaka ofisi ya Mdhibiti na Mkaguzi Mkuu wa Hesabu za Serikali kutokubali kuingiliwa kwa namna yoyote ile na viongozi wa kisiasa na wale wa kiserikali katika kutekeleza wajibu wao katika kushughulikia watendaji wanaofanya Ubadhirifu wa fedha na rasilimali za taifa.

Rais ameyasema hayo wakati wa dhifa ya kuzindua wa jengo la ofisi ya mdhibiti na mkaguzi mkuu wa hesabu za serikali tawi la Morogoro na kueleza kuwa kukubali kwao kwa namana yeyote kurubuniwa na wanaofanaya matumizi mabaya ya fedha za umma ,kutarudisha nyuma jitihada za serikali za kuboresha maisha ya watanzania.

Msikubali kabisa kubabaishwa,nyinyi mkiona mtendaji yeyote wa serikali amekula fedha,au miradi hailingani na thamani halisi ya pesa zetu,kabidhini pccb aburuzwe mahakamani,sio tena mnarudisha katika vikao vya madiwani nao waanze kuulizana hivi hakuna kusamehana jamani,wanauliza kusamehana huku fedha na rasilimali za umma zinateketea”alisema jk!!

Aidha amesema kwa upande wake serikali yake itaendelea kuipatia kila aina ya msaada ofisi ya CAG ili taarifa za kikaguzi ziweze kuwa na thamani inayolingana na fedha zinazotumika.

Akizungumza katika uzinduzi huo mdhibiti na mkaguzi mkuu wa hesabu za seriakli Ludovick Utou amesema ujenzi wa jengo hilo uliogharimu kiasi cha shilingi bilioni 1.1 ni mfurulizo wa ujenzi wa ofisi hizo katika mikoa ,wenye lengo la kuepuka kukaa katika majengo ya wakaguliwa.

Raisi Kikwete yuko mkoani Morogoro kwa ziara ya siku mbili katika kutembelea, kukagua na kuzindua miradi mbalimbali ya kimaendeleo ikiwemo jengo hilo la ukaguzi na madaraja mawili yaliyopo wilayani Morogoro.

SHEREHE YA KUUKARIBISHA MWAKA 2012 YA WAANDISHI WA HABARI NA WADAU, MORO WAWA KIVUTIO!!

2012-01-09T03:47:00.000-08:00

rc bendera akigonga cheerz na mwenyekiti wa zamani wa chama cha waandishi wa habari mkoa wa morogoro boni mtarimbo

rc bendera hapa akimkabidhi mtangazani wa star tv Nickson Mkilanya cheti

hapa rc bendera akimkabidhi meya wa manispaa ya morogoro Amir juma Nondo cheti

rc akimkabidhi dc wa kilosa Halima Dendego cheti

Ulikuwa ni wakati wa kula,kunywa,kukumbushana machungu ya mwaka wa 2011 lakini pia kuyachukua machungu hayo kama changamoto katika kuyapeleka vema mambo ya mwaka wa 2012

WAPI HIYO?

Ilikuwa ni katika ukumbi wa hoteli mpya kabisa ya kitalii iliyopo chini ya safu ya milima ya uluguru,na wakati huu ilikuwa katika sherehe ya kuukaribisha mwaka huu wa 2012 na kuuaga ule wa 2011,Na hii ilikuya ni sherehe ya nguvu iliyoandaliwa na waandishi wa habari mkoa wa Morogoro na kuwashirikisha pia wadau mbalimbali wa habari mkoani Morogoro na nje ya mkoa huo.

Mgeni wa heshima katika hafla hii akawa ni kipenzi cha wanahabari,na wakazi wa mkoa wa Morogoro, Joel Nkaya Bendera,akashirikishwa pia mkuu wa wilaya ya Kilosa na kaimu dc wa wilaya za Morogor na ,Mvomero Khalima wa Dendego, meya wa Manispaa Amir Juma Nondo naye ndani,naibu meya Lidya Mbiaji akatia maguu,mkurugenzi wa crdb matawi yote ya mkoa wa Morogoro ambao ndiyo wadhamini wakuu Pendo Assey naye ndani.

Mkali wa Rymes Tanzania ambaye ameendelea kushikilia taji hilo kutokana na mashindano hayo kutofanyika afande selle naye alikuwepo, mtangazaji maarufu na mkongwe Julias Nyaisanga a.k,a Ucle J,naye km kawa, mkurugenzi wa muungano wa klabu za waandishi wa habariu Tanzania Abubakar Kalsan na waandishi wa kutoka mikoa mbalimbali pia wakawa wameshiriki katika sherehe hiyo,

Na katika speech yake rc Bendera akasema yeye na wanahabari ni pete na kidole na kamwe hatowatosa katika mambo yote ya ki-news na kwamba wakati wote atawashirikisha katika kila jambo ili kusukuma mbele maendeleo ya morogoro mji kasoro meri hasa baada ya mindu kuwepo.

Akasema kamwe yeye hana shaka wala hata kuwa na bifu na wana habari na kuwashangaa wale vibosile ambao wamekuwa wakiwaletea kejeli na kuwabeza wanahabari huku wengine wakiwakimbia.

Katika speech yake mkurugenzi wa crdb pendo Assey akasema benk yake imekuwa ikitoa mikopo ya aina mbalimbali kwa wananchi ikiwemo midogo na mikubwa na kuwataka wananchi kuendelea kutumia bank yake katika kuomba mikopo ili kujipatia maendeleo wakati ambapo mwenyekiti wa klabu ya waandishi wa habari mkoa wa morogoro Aziz Msuya akaiomba crdb kulegeza masharti ya mikopo kwa wanahabari ili waweze kubadili maisha yao.

Katika sherehe hizo rc bendera pia akatoa vyeti kwa waliosaidia kufanikisha sherehe hizo na pia kwa waandishi wa habari waliopata mafunzo ya habari za michezo hivi karibuni mjini morogoro.

ABIRIA 130 WANUSURIKA KIFO KATIKA AJALI YA MABASI MAWILI YALIYOPINDUKA KWA NYAKATI TOFAUTI KATIKA ENEO MOJA

2012-01-05T09:23:00.000-08:00

Wakati wakazi wa manispaa na mkoa wa Morogoro wakiwa katika kumbukumbu mbaya ya vifo na majeruhi yaliyotokana na ajali ya basi la Luck Safaris iliyotokea jumatatu wiki hii, watu wengine 37 wamejeruhiwa watano kati yao vibaya kutokana na ajali mbaya za mabasi mawili tofauti zilizotokea katika eneo la Kiembe Mikese katika wilaya ya Morogoro.

Ajali hizo ambazo zinafanya jumla ya watu wawili kufariki dunia na wengine 66 kujeruhiwa katika kipindi cha siku tatu mkoani hapa zimetokea jumatano hii kwa nyakati tofauti na kulihusisha basi la Taqwa lililokuwa lililokuwa likitokea Burundi kwenda jijini Dar es salam na pia busi la kampuni ya Moro Best iliyokuwa ikitokea wilayani Kilosa kwenda jijini Da r es salam.

Akizungumza katika eneo la tukio kamanda wa polisi mkoa wa Morogoro Adolphina Chialo amesema katika ajali ya kwanza iliyotekea majira ya saa moja asubuhi basi la Taqwa lenye namba za usajili T 478 BBJ aina ya Nissan liliacha njia na kupinduka wakati likikwepa kugongana uso kwa uso na lori la mizigo lenye namba za usajili T..593 lililokuwa limeegeshwa pembezoni mwa barabara na kusababisha majeruhi 27 wanne kati yao wakiwa katika hali mbaya na baada ya masaa mawili baadae basi la moro best lililokuwa likitokea wilayani kilosa kwenda jijini Dar es salm nalo lilipinduka katika eneo hilo hilo yapata mita 70 kutoka katika ajali ya basi la Taqwa na kujeruhi watu 14, mmoja kati yao akijeruhiwa vibaya chanzo likiwa ni lorri hilo la mizigo.

Hata hivyo majeruhi na abiria wa basi la Taqwa na wale wa basi la Moro best wote wakawatetea madereva wao kwamba hawakuwa katika mwendo kasi ,na kwamba chanzo kikuu cha ajali hizo ni lorri hilo la mizigo ambapo wametoa mwito kwa kikosi cha usalama barabarani kuyatupia macho magari hayo ya mizigo kwa madai kwamba ndicho kimekuwa chanzo kikuu cha ajali za mabasi ya abiri katika maeneo tofauti
mkilanya nick hapa!!

SWAHILI FASHION WEEK TO CELEBRATE 50 YEARS OF “UHURU”

2011-11-03T06:15:00.000-07:00

Mustafa Hassanali briefing the Media, on his left is USAID Compete Representative Finn Holm-Olsen and on the right Redd's Kenya Marketing Manager Pinkie Nyandoro


Redd's Kenya Marketing Manager Pinkie Nyandoro Addressing the Media, on her right is USAID Compete Representative J C Mazingue

SWAHILI FASHION WEEK OFFICIALLY LAUNCHED IN KENYA

SWAHILI FASHION WEEK IS EAST & CENTRAL AFRICAS LARGEST FASHION EVENT

SWAHILI FASHION WEEK TO CELEBRATE 50 YEARS OF “UHURU”

Swahili Fashion Week, East and Central Africa largest fashion event, now in its Fourth year, will be held at The National Museum on the 10th, 11th and 12th November 2011 in Dar Es Salaam, Tanzania.

Swahili Fashion Week 2011 will collectively bring together 50 fashion and accessories designers from Swahili speaking countries and beyond to showcase their creativity and forecast future fashion trends for the region.

“Over the years since its inception in 2008, we have grown tremendously, and now we look towards regional integration of the East Africa Member states using the Fashion industry , Thus Launching Officially Swahili Fashion week – Kenya Chapter this year especially when we celebrating 50 years of Tanzanian Independence” stated the founder of the Fashion week Mustafa Hassanali. When he addressed the Kenyan Media on 2 November 2011 at a reception hosted by REDD’S in Nairobi

Four Kenyan Designers have been invited to showcase at this event, namely Patricia Lulu Mbela of Poisa, Rachel Mutindi of KI2 Collection, Vera vee Ochia from Malindi and Sonu Sharma of just Like that.

“Being the drink of choice for the discerning woman, REDD’S Original, wishes the Kenyan designers showcasing at Swahili fashion week the very best and we hope they shall showcase Kenyan creativity to its best” stated Redd’s Marketing manager Pinkie Nyandoro

In addition to the Fashion Show presentations, Swahili Fashion Week Shopping Festival which was incorporated in year 2010 will once again be the main feature and up to date more than 40 exhibitors participating thus making it the largest shopping festival in the country.

“Opening Swahili Fashion Week to a new audience, and keeping to the tradition of being first, this year we shall unveil the first ever Fashion Awards in East and Central Africa celebrating achievements made by the fashion industry stakeholders not only in the Tanzania but also in the region ”, added Hassanali

In the Best East African Designer category, nominees from Kenya are Wambui Njogu of MOO COW, Anne Mcreath of KIKO ROMEO, Patricia Mbela of POISA and John Kaveke.

“Being Truly East African, Precision Air, Tanzania Largest and Fastest Growing Private airline truly embodies the value of regional integration, hence being the Official Airline of the Region Largest Fashion event, we look forward to promoting the Fashion Industry within East Africa.” Stated Precision Air Country manager Sarah Wachira.

USAID Compete Have played a pivotal role in the Swahili Fashion Week by Empowering the Knowledge of the Various Industry stakeholders as to how to integrate marketing with Fashion, building World Class East African Brands.

“With our Ambitious plan to promote the Business of Fashion in the region, I would like to thank all our Partners, some of whom have supported us from the past previous Years to-date in Our initiative to develop , nurture and foster growth of the regions fashion and textile industry “ Concluded Mustafa

Swahili fashion week 2011 has been sponsored by USAID – Compete, Origin Africa home of Swahili Fashion Week - Southern Sun, EATV, East Africa Radio, Precision Air, BASATA (Baraza La Sanaa Tanzania), Amarula, Ultimate Security, REDD’S original, Image Masters, Global Outdoor Ltd, Vayle Springs Ltd, Eventlites, Nipashe, Perfect Machinery Ltd, Michuzi blog, PKF Tanzania, photo point and 361 Degrees.

NDEGE YADONDOKA KIA NA KUUA RUBANI!!

2011-10-21T02:16:00.000-07:00

Picha ya ndege iliyo dondoka ikitoka KIA usiku wa jana ambapo kulikuwa na Pilot aliye fariki dunia papo hapo anatambulika kwa jina la Ally na abiria mwengine ambae yupo KCMC kwa matibabu zaidi.

DEO NJIKU KUMVAA SEGU WIKI IJAYO,JAMHURI MORO

2011-10-15T04:16:00.000-07:00

Kocha wa Mchezo wa ngumi, Boma Kilangi (kushoto) akimsimamia mazoezi bondia Deo Njiku wa Morogoro wakati wa mazoezi yake ya kujiandaa na mpambano wake wa ubingwa zidi ya Jonas Segu wa Dar es Salaam litakalofanyika Uwanja wa Jamuhuri Morogoro wiki ijao

KINYOGOLI AWAFUA MABONDIA KWA AJILI YA MAPAMBANO YA NGUMI MWISHONI MWA MWEZI HUU!!

2011-10-15T03:59:00.000-07:00

Kocha mkongwe wa mchezo wa ngumi , Habibu KInyogoli (kulia) akimwelekeza jinsi ya kutupa masubwi bondia Issa Sewe wakati wa mazoezi yanayoendelea katika kambi ya Ilala Dar es salaam jana Sewe anajiandaa na mpambano wake na Ramadhani Shauli litakalofanyika mwishoni mwa mwezi huu
Mbunge wa Ilala Mussa Zungu atashughudia ZAIDI ya mabondia 42 wanatarajia kushiriki katika mashindano ya mchezo wa ngumi yanayotarajiwa kufanyika Oktoba16 mwaka huu Dar es Salaam. Akizungumza na waandishi wa habari, Kocha wa Klabu ya Ashanti ya Ilala, Rajabu Mhamila, 'Super D' alisema kuwa mashindano hayo yanatarajiwa kushirikisha Klabu 12 kutoka katika maeneo mbalimbali. Alisema kuwa mashindano hayo yanatarajia kufanyika katika ukumbi wa Panandi Panandi Ilala. Super D alisema kuwa mashindano hayo yana lengo la kuhendeleza kuhamasisha mchezo wa ngumi nchini ikiwa ni pamoja na muendelezo wa mchezo huo unanaofanywa na Kinyogoli Foundation. “Tumeandaa mashindano ya ngumi ambayo yatashirikisha vijana mbalimbali na lengo letu ni kuhamasisha mchezo huo ikiwa ni pamoja na kuuendeleza ili uweze kutuletea faida hapo baaye” alisema. Kocha huyo alisema kuwa vijana watakaoshiriki watakuwa katika uzito mbalimbali kuanzia Unyoya mpaka uzito wa juu. Alisema kuwa pia wanatarajia kushirikisha mabondia wa kike kutoka katika klabu hizo hizo Aliongeza kuwa katika mapambano hayo mgeni mwalikwa ni Mbunge wa Ilala Mussa Zungu ambaye kwa mara ya kwanza atangalia mchezo huo ukipigwa katika jimbo lake

BRAZIL YASEMA TATIZO LA UCHUMI WA TANZANIA NI RASILIMALI WATU

2011-09-27T04:59:00.000-07:00

Balozi katika picha ya pamoja na Mhariri Mkuu wa habari wa MO BLOG Jennifer Sumi baada ya mahojiano maalum kuhusiana na ziara ya Waziri Mkuu nchini Brazil.

Balozi Luz akifafanua jambo wakati wa mahojiano

--
Na Zainul A. Mzige,

Balozi wa Brazil nchini Tanzania Bw. Fransisco Luz amesema, Serikali ya Tanzania imebarikiwa kuwa na rasilimali nyingi kwa upana wake ila inahitajika kufanya kazi ya ziada kuhakikisha inatengeneza nafasi nyingi za rasilimali watu ambalo ndilo tatizo kubwa linalopelekea nchi kuyumba kiuchumi na wananchi wake wengi kuendelea kuwa maskini.

Balozi Huyo aliyasema hayo katika mahojiano maalum yaliyofanyika kwenye ofisi za Balozi huyo zilizopo maeneo ya Oysterbay jijini Dar es salaam na Timu ya Moblog, wakati mwandishi wa habari hii alipotaka kufahamu maandalizi ya ziara ya kikazi ya Waziri Mkuu Mizengo Pinda , anayetarajiwa kufanya ziara ya siku SITA Nchini BRAZIL kuanzia mwanzoni mwa Mwezi ujao.

Balozi LUZ alisema, Kutokana na nchi ya Tanzania kuwa na Rasilimali nyingi akitolea mfano GESI ya ASILI,Makaa ya Mawe na Mafuta ambayo yako katika mchakato wa kutafutwa kupitia kampuni kutoka nchini Brazil, katika maeneo ya bahari ya hindi, Tanzania itaweza kufanikiwa kwa kiwango cha juu katika kukuza uchumi wake pamoja na kuwawezesha wakulima wadogo wadogo ambao ndiyo wainua uchumi wa nchi.

Amesema, Nchi nyingi zilizoendelea hivi karibuni zmeionyesha nia ya kuja kuwekeza nchini Tanzania kutokana na ukweli kuwa kuna nafasi nyingi za kufanya hivyo katika maeneo ya Nishati, lakini kinachokwamisha ni suala la NISHATI na Miundo mbinu ambalo limekuwa ndiyo changamoto kubwa katika kuwezesha hilo na limeendelea kukua siku hadi siku.

Aidha Balozi LUZ akizungumzia nchi yake ya Brazil ambayo awali ilikuwa ikikabiliwa na tatizo la kiuchumi na sasa kuibuka kuwa Taifa linaloibukia kiuchumi pamoja na nchi za BRICS,Alisema kuwa, Awali kila kitu kilikuwa mikononi mwa serikali na hivyo kusababisha mambo mengi kutoenda sawa lakini baadaye wapenda maendeleo walikaa na kuamua kuweka mpango uliwezesha kuwainua watu wa daraja la kati ambao ni wengi kwa kuwapatia msaada wa pesa na kuwasaidia familia maskini .

Akizungumzia suala la Rasilimali watu, aliishauri Serikali kuanzisha vyuo AU Kushirikiana na vyuo vikuu vitakavyotoa elimu ya juu katika kuwezesha kutoa wahitimu wenye sifa za kufanya kazi katika sekta za Nishati akitolea mfano shughuli itakayohitaji wahandisi wengi wa uchimbaji mafuta katika kipindi kijacho.

Kuhusu Safari ya Mheshimiwa waziri Mkuu,Balozi LUZ amesema, Katika ziara hiyo mheshimiwa waziri anatarajiwa kutembelea maeneo mbalimbali ya kuvutia na yatakayoleta tija kwa nchi ya Tanzania, zikiwemo sekta za kilimo kwasababu kilimo Kwanza ndiyo kipaumbele cha nchi, pia atatembelea maeneo ya mifugo, Miundombinu pamoja na miradi ya mbalimbali ya maendeleo nchini humo sambamba na kukutana na wafanyabishara wenye nia ya kuwekeza Tanzania na muungano wa vyama mbalimbali.

Sambamba na hilo balozi huyo wa Brazil amesema, Waziri Mkuu pia katika ziara hiyo atakutana na Makamu wa Rais wa nchi hiyo, Waziri Mkuu, Waziri wa Mambo ya Nje wa Nchi ya Brazil pamoja na mawaziri wengine.

Katika ziara hiyo Waziri Mkuu PINDA , ataongozana na msafara wa Viongozi kadhaa kutoka hapa nchini Akiwemo waziri wa Nishati na Madini Bw.William Ngeleja, Waziri wa nchi ofisi ya waziri mkuu uwekezaji na uwezeshaji Dr. Mary Nagu pamoja na viongozi wengine wa juu wa serikali .

MGONJWA WA MOYO AWASHUKURU WATZ KWA MSAADA WA MATIBABU!!

2011-09-27T04:38:00.000-07:00


Meneja wa Kituo cha Televisheni cha Channel Ten, Hamid Abdulkarim akiwa amemshika mkono Cesilia Edward (14) mwenye tatizo la moyo linalosababisha kuvimba tumbo akitoka Hospitali ya Regency jana tayari kwa safari ya New Delhi, India kwa matibabu. CECILIA AWASHUKURU WATANZANIA Mtoto Cecilia Edward ambaye anasumbuliwa na ugonjwa wa moyo uliopelekea kuvimba kwa tumbo amewashukuru kwa moyo mkunjufu watanzania waliojitokeza katika kumsaidia kwa hali na mali mpaka kufanikiwa kupata hela tayari kwa matibabu anayotarajia kwenda kuyapata nchini India. Cecilia amesafiri kuelekea katika hospitali iitwayo Fortis inayopatikana New Delhi -India kwa matibabu, jumatatu ya tarehe 26 mwezi septemba mwaka huu. Aidha walezi wa Sesilia familia ya mzee Kambaliko inatoa shukrani zake za dhati kwa watu wote waliojitolea kwa moyo kumsaidia binti yao kwa kutoa pesa, mavazi na hata waliowapa maneno ya faraja pamoja na wale wote wanaoikumbuka familia hiyo katika maombi. Kabla ya safari yake hiyo, hali ya kiafya ya sesilia ilikuwa ikiendelea vizuri, kwani alikuwa anaweza kupumua na kukaa, tofauti na awali kutokana na kupunguzwa kwa kiasi cha maji katika tumbo lake hospitalini Regency alipolazwa kwa ajili ya matayarisho kabla ya kuanza safari yake kuelekea nchini India kwa matibabu zaidi. Mtoto huyu aliondoka hapa nchini jumatatu ya tarehe 26 na ndege ya shirika la Quatar Airways akifuatana na daktari mmoja kutoka hospitali ya regency, pamoja na mlezi mmoja mpaka nchini India alipotarajia kupokelewa na madaktari tayari kwa uchunguzi wa kina na kisha kuanza matibabu yake. Kipindi cha Mimi na Tanzania kinapenda kuwashukuru Watanzania wote pamoja na makampuni mbalimbali yaliyojitolea katika kumsaidia Sesilia kwa ajili ya matibabu. Shukrani za pekee ziifikie hospitali ya regency hasa daktari Kanabar kwa uvumilivu na huduma nzuri kwa Sesilia. Pia kwa mchango wao wa kulipia nauli ya kwenda nchini India kwa Sesilia, mzazi na daktari ikiwa ni pamoja na matibabu ya awali anayoyapata hivi sasa. Watanzania, pamoja tumeweza tena. Sesilia ni mmoja tu kati ya watoto milioni moja wanaosumbuliwa na tatizo hili, hebu tujitolee kuwasaidia watoto hawa bila ya kuchoka, pia tusimsahau binti huyu kwa maombi ili upasuaji anaotarajia kufanyiwa umalizike salama na kwa mapenzi yake Mungu mtoto huyu arudie katika hali ya kawaida kama watoto wengine. Mungu mbariki Sesilia.Amen!

MAISHA BORA KWA KILA MTANZANIA ALIYOAHIDI JK NDIYO HAYA?

2011-09-21T01:24:00.000-07:00

Hii ni moja ya Shule ya msingi Bukoba - Kagera

'HIZO ZOTE NDIO KAULI ZA WANASIASA'

Wanasiasa watatujia kwa kauli nyingi sana, lakini mwisho wa siku watoto wetu tunaishia kuwapa elimu kwenye mazingira kama haya! ebu muangalie huyo aliye karibu na Mfuko wa plastic, yupo darasani kweli!!! nini anachowaza! Mimi na wewe tutabaki tunahisi tu: Labda hajanywa chai! au anaumwa! La hasha! mazingira hayo yanampelekea kutomsikiliza mwalimu.

CHANZO KAPINGAZ blog

WANAFUNZI WASOMEA KANISANI HUKO MKOANI MBEYA,JK UNAJUA HAYO?

2011-09-20T09:47:00.000-07:00

Add caption

Wanafunzi wa Shule ya Msingi huko Ludewa Mkoa mpya wa Njombe wanasoma kwenye Kanisa, Wizara husika zinayajua haya kweli ya watoto wetu ambao ni Taifa la Leo na kesho!

KASEBA AJIFUA KUMKABILI MTAMBO WA GONGO!1

2011-09-20T09:44:00.000-07:00

BONDIA JAPHETI KASEBA AKIJIFUA NYUMBANI KWAKE MWANANYAMALA JIJINI DSM KWA AJILI YA KUMKABILI MANENO OSWARD MTAMBO WA GONGO HIVI KARIBUNI

KANDORO AKARIBISHWA KWA MAJANGA MBEYA, MOTO UKABAJI WA KUTUMIA NGUVU KAMA KAWA JE ATAUWEZA MZIKI HUO?

2011-09-20T09:31:00.000-07:00

soko la sido mkoani mbeya likiteketeketea kwa moto na kufuatiwa na lile ya mwanjelwa hivi karibuni

MKUU mpya wa mkoa wa Mbeya Abus Kandoro kushoto akipeana mkono na rais jakaya kikwete muda mfupi baada ya kula kiapo cha kutumikia kituo kipya cha kazi cha mkoa wa Mbeya kufuatia mabadiliko ya vituo vipya vya kazi na uteuzi wa wakuu wapya wa mikoa kulikofanya na rais mwishoni mwa juma lililopita.Mbali ya vitendo vya kuteketea kwa soko la Mwanjelwa na sido lakini pia hivi karibuni vitendo vya majambazi na vibaka kuwavamia na kuwapora wakazi wa mkoa mali mbalimbali mara baada ya kuwapiga nondo viliripotiwa kushamili katika siku za hivi karibuni

PINDA AENDA KUHIJI NYUMBANI KWA BABA WA TAIFA

2011-09-19T04:05:00.000-07:00

Waziri Mkuu, Mizengo Pinda akiongozwa na Mjane wa Baba wa Taifa, Mama Maria Nyerere baada ya kuwasili Nyumbani kwake Mwitongo Butiama akiwa katika ziara ya mkoa wa Mara . (Picha na Ofisi ya Waziri Mkuu)

MWANAMKE ASHIKILIWA KWA WIZI WA MTOTO MCHANGA,ADAI MUME WAKE ALIKUWA AKIMWANDAMA KWA KUKOSA KUZAA MAPEMA!!

2011-09-19T03:54:00.000-07:00

mtoto mchanga

Na Idda Mushi, Morogoro
MWANAMKE mmoja, Vestina Wilbert (20) mkazi wa Kihonda katika Manispaa ya Morogoro ametiwa mbaroni na Jeshi la Polisi Mkoani Morogoro kwa tuhuma za kuiba kichanga cha siku moja katika Hospitali ya rufaa ya Mkoa wa Morogoro.

Mwanamke huyo alifanikisha wizi wa Kichanga hicho chenye jinsia ya kiume alichokipachika jina la Samuel kumhandaa mumewe kuwa alikuwa amejifungua, wakati mama mzazi wa mtoto huyo Haruna Ramadhani (16) mkazi wa kijiji cha Tambuu Matombo,katika wilaya ya Morogoro akiwa chumba cha wagonjwa mahututi baada ya kufanyiwa oparesheni na mtoto huyo akiwa kwenye uangalizi maalum wa madaktari.

Mtuhumiwa huyo alikiri kufanya tukio hilo ili kumridhisha mumewe ambaye alidai alikuwa akimsumbua mara kwa mara kumtaka mtoto ambaye hakuwahi kufanikiwa kuwa naye baada ya kutoka kwa ujauzito mara mbili, ingawa hivi sasa amedai kuwa na ujauzito wa miezi minne.

Muuguzi Mfawidhi kiongozi msaidizi katika hospitali ya Rufaa ya Mkoa wa Morogoro, Enord Mligo, alipohojiwa mazingira ya wizi wa mtoto huyo alisema hadi sasa wanashindwa kuelewa namna ulivyotokea kutokana na kuibwa kutoka kwenye wadi ya watoto wachanga walio katika uangalizi maalum alilokuwa amelazwa mtoto huyo, ambapo mama wenye watoto pekee huruhusiwa kwenda kunyonyesha na mama wa mtoto huyo bado alikuwa kwenye chumba cha wagonjwa mahututi.

Hata hivyo alisema kwa mujibu wa taarifa alizopata, mtuhumiwa huyo wa wizi wa mtoto awali alijifanya msamaria mwema na kusaidia sana familia ya mama mzazi mwenye mtoto, hadi alipopata mwanya wa kuiba mtoto huyo kwa kuwadanganya waliomuona kuwa alichoka kukaa hospitali na kwa vile mtoto wake alishapona aliamua kuondoka naye.

Kamanda wa polisi mkoa wa Morogoro bi Adolphina Chialo, alithibitisha kupatikana kwa mtoto huyo siku kumi baada ya kuibwa hospitali tangu septemba 06 mwaka huu, na mtuhumiwa huyo anahojiwa na polisi kwa hatua zaidi za kisheria.

Hata hivyo hii sio mara ya kwanza kwa tuhuma za mtoto kuibwa katika mazingira ya kutatanisha katika hospitali hiyo ya mkoa, ambapo mwanamke mmoja ambaye jina limehifadhiwa,amedai kuibiwa mtoto wake pacha kwa kuelezwa na wauguzi alikuwa amefariki, ingawa hakuoneshwa maiti,na hivi sasa ndugu zake akiwemo mumewe wamekuwa wakikutana na mtoto huyo.

Mama huyo alidai kuwa mama anayekutwa na mtoto huyo kwa nyakati tofauti kila mtoto huyo akifananishwa na pacha hugeuka mkali kama mbogo akikataa mtoto huyo kufananishwa na mtoto mwingine na baada ya ndugu kufanya uchunguzi na kubaini anapoishi hivi sasa inadaiwa amehama eneo hilo.

Mwisho.

VODACOM YADHAMINI MAFUNZO YA WAANDISHI WA HABARI ZA MICHEZO TANZANIA

2011-09-16T05:10:00.000-07:00

(TAARIFA KWA VYOMBO VYA HABARI)

MAFUNZO kwa ajili ya waandishi wa habari za michezo yatafanyika mkoani Morogoro Oktoba 1 na 2 mwaka huu chini ya udhamini wa Kampuni ya simu za mkononi ya Vodacom Tanzania.

Katibu Mkuu wa Chama cha Waandishi wa Habari za Michezo Tanzania (TASWA), Amir Mhando, amesema leo wakati akizungumza na waandishi wa habari Dar es Salaam kuwa maandalizi ya mafunzo hayo yanaenda vizuri na wana matumaini yatakuwa na manufaa makubwa.

ishukuru Vodacom Tanzania kwa udhamini wake na kusema ni hatua nzuri katika kutekeleza mikakati ya TASWA kuendesha mafunzo kwa wanachama wake na waandishi wa habari za michezo kwa ujumla chini ya kauli mbiu ya chama hicho isemayo: TASWA Mafunzo Zaidi.

Alisema mafunzo hayo yatahusisha washiriki 40 kutoka mikoa ya Dar es Salaam, Morogoro na Pwani na kuongeza kuwa mwanzoni mwa Novemba pia wataendesha mafunzo kama hayo mkoani Arusha yakihusisha washiriki kutoka Tanga, Arusha, Kilimanjaro, Manyra, pamoja na baadhi ya washiriki kutoka Dar es Salaan.

Alieleza mwishoni mwa Novemba TASWA itaendesha pia mafunzo kwa wahariri wa habari za michezo, ambayo yatakuwa nje ya Dar es Salaam na kwamba mkoa husika utatangazwa baadaye.

Alielezea kuwa mafunzo ya Morogoro na Arusha yatahusisha masuala ya maadili ya uandishi wa habari,, masuala ya sheria za mambo ya habari na sheria za michezo mbalimbali.

Alisema washiriki wataelimishwa namna ya kuripoti habari za michezo ya mpira wa wavu, kikapu na riadha na kwamba kama mambo yataenda vizuri pia utaingizwa na mchezo wa ngumi.

Alieleza kuwa wakufunzi katika mafunzo hayo ni baadhi ya walimu wa mambo ya habari, wahariri wazoefu, wanasheria na pia wakufunzi wa michezo mbalimbali nchini.

Kwa upande wake Meneja Uhusiano na Habari za Mtandao wa Vodacom Tanzania, Matina Nkurlu, alisema kampuni yake inajisikia fahari kubwa kudhamini mafunzo hayo na kuwa itaendelea kufanya hivyo kadri watakavyoweza na kuwa mafunzo ya Morogoro yatagharimu kiasi cha sh. Milioni saba.

“Vodacom Tanzania inajisikia fahari kwa kudhamini mafunzo haya kwani hii siyo mara ya kwanza kwa Vodacom kudhamini mafunzo ya aina hii, ambapo mwaka jana tuliendesha mafunzo na wahariri wa habari za michezo.

“Mwaka huu tunadhamini mafunzo ya TASWA yote haya tukiwa na lengo la kuboresha tasnia ya habari, mafunzo ya Arusha pia tutadhamini, lakini bajeti yake itaongezeka zaidi ya hii,” alisema Nkurlu.

Naye Katibu Msaidizi wa TASWA, George John alisema katika mkutano huo kuwa, chama chake kimeamua kuendesha mafunzo hayo kwa ajili ya kuwoangezea uelewa zaidi waandishi wa habari za michezo.

“Mafunzo yatasaidia sana kwani kwenye ripotingi yetu mfano mchezo wa mpira wavu huwa wengine wanauliza wameshinda kwa mabao mangapi? Wakati kule huwa ni mambo ya seti si mabao,” alisema John ambaye pia ni Katibu Msaidizi wa Chama cha Mpira wa Wavu Tanzania (TAVA).

Cio…

VITENDO VYA UNYANG'ANYI WA KUTUMIA NGUVU VYATAWALA MBEYA!

2011-09-16T04:58:00.000-07:00

Bwana Elia Daudi Mwalonde mkazi wa Uyole akiwa hospitali ya Rufaa mkoani Mbeya wodi namba 1 baada ya kupigwa nondo hivi karibuni.

VITENDO vya unyang'anyi wa kutumia silaha na hasa nondo na kupiga mapanga watu kabla ya kupora vitu mbalimbali vya thamani vimetawala katika maeneo mbalimbali ya jiji la mbeya kwa sasa.

Kwa mujibu wa taarifa mbalimbali za kipolisi kutoka katika anga mbalimbali za jiji la mbeya zinasema kuwa vitendo hivyo ambavyo vilipata kutamba siku za nyuma vimeibuka upya katika siku za hivi karbuni.

Kwa mujibu wa taarifa hiyo vitendo hivyo vimeibuka kwa kasi na hasa nyakati za usiku ambapo hujitokeza kundi la watu na kuwapiga watu nondo na mapanga na kisha kupora fedha simu na vitu vingine vya thamani na kutoweka navyo. Katika siku za hivi karibuni bwana Elia Daud Bwana Zefania Mwangwale mwenye umri wa miaka 31 mkazi wa Uyole wamekutwa na bongo ndiyohome wakiwa wamelazwa katika hospitali ya Rufaa mkoani Mbeya baada ya kupigwa nondo na watu wasiofahamika.

BONGO NDIYO HOME inalaani kwa nguvu zote vitendo hivyo

TASWA YATOA POLE KWA WALIOPOTEZA MAISHA AJALI YA MELI!!

2011-09-13T05:56:00.000-07:00

Katibu mkuu wa chama cha waandishi wa habari za michezo Tanzania Taswa, Amir Mhando "Mgosi"

TAARIFA KWA VYOMBO VYA HABARI

(A) AJALI YA MELI ZANZIBAR

CHAMA cha Waandishi wa Habari za Michezo Tanzania (TASWA) kinatoa pole kwa Wazanzibari na Watanzania kwa ujumla kutokana na vifo vilivyotokea vya watu zaidi 200 baada ya kuzama kwa meli ya ya Mv Spice Islander mwishoni mwa wiki Nungwi Mkoa wa Kaskazini Unguja.

TASWA inaungana na Watanzania katika kipindi hiki kigumu, huku tukiwaombea waliofariki Mwenyezi Mungu ahifadhi roho zao mahali pema peponi na wale majeruhi awape nguvu wapone haraka waweze kuendelea na shughuli zao za ujenzi wa Taifa.

Tunaziomba familia zilizopoteza ndugu zao ziwe na uvumilivu katika kipindi hiki kigumu na waamini kwamba huo ni msiba wetu sote na si wao peke yao.

TASWA inaamini wapo wanamichezo waliopoteza maisha kwenye meli hiyo na pia wapo wanamichezo waliopoteza ndugu na jamaa zao, wote tunawapa pole na wawe na moyo wa subira.

(B)SEMINA YA WANAHABARI MOROGORO/ARUSHA

Maandalizi kuhusiana na semina ya waandishi wa habari za michezo iliyopangwa kufanyika Septemba 25/25 mwaka huu mkoani Morogoro yanaendelea vizuri.

Sekretarieti ya TASWA itakutana Jumatano Septemba 14 jijini Dar es Salaam kuteua majina ya washiriki wa semina hiyo na ile itakayofanyika mkoani Arusha Oktoba 15/16 mwaka huu.

Tunaamini waandishi walio wengi watakuwepo kwenye semina hizo ama ya Morogoro au ya Arusha, isipokuwa wahariri wa habari za michezo ambao utaratibu unafanyika ili nao ifanyike ya kwao muda mfupi baada ya kumalizika semina ya Arusha.

Sekretarieti baada ya kuteua majina hayo itawasiliana na wahariri ambao waandishi wao wameteuliwa ili kupata maoni yao kwa vile uteuzi wa awali unaonesha baadhi ya vyombo wapo zaidi ya watatu, hali ambayo inaweza kuathiri utendaji wa chombo husika, lakini kama Mhariri akibariki uteuzi TASWA haitakuwa na tatizo.
Hivyo Alhamisi Septemba 15/2011, viongozi wa TASWA watafanya mkutano na wanahabari kwenye hosteli za Shirikisho la Soka Tanzania (TFF), saa tano kamili asubuhi kutangaza mdhamini wa semina ya Morogoro na majina 40 ya washiriki. Wote nawakaribisha.

Nawasilisha.

Amir Mhando

Katibu Mkuu TASWA

13/09/2011

NDEGE YAANGUKA MBEYA,YAZIMA GHAFLA IKIWA ANGANI,MSHIKEMSHIKE KILA ABIRIA ALISALI KWA DINI YAKE!!

2011-09-13T05:34:00.000-07:00

Hapa ndio mahali ndege hii ilipoangukia baada ya injini zake kuzima ghafla.

WAKATI watanzania tungali tukiomboleza kutokana na idadi kubwa ya ndugu na jamaa zetu waliofariki usiku wa septemba 9 kule penza Zanzibar baada ya meli kuzama, ndege moja imeanguka mkoani mbeya leo asubuhi
Kwa mujibu wa habari tulizozipata mapema leo zinasema kuwa ndege hiyo mali ya kampuni ya Kapunga Rice ya Mbeya imeanguka baada ya injini zake kuzima ghafla ikiwa angani na kwamba abiria wote waliokuwa katika ndege hiyo wamepona isipokuwa mmoja tu aliyepata majeraha madogo madogo.
BONGO NDIYO HOME inawapa pole wote walikuwepo katika ndege hiyo ambao kwa hakika kila mmoja alifanya ibada ya kuomba salama kwa mwenyezi mungu baada ya kubaini mambo kwenda kombo.
NICK MKILANYA

AJALI YA MELI ,MAMIA YA WATU HAWAJULIKANI WALIPO, JK AONGOZA VIKAO

2011-09-12T03:04:00.000-07:00

Rais Jakaya Kikwete akizungumza na wananchi wa kijiji cha Nungwi ambao wamejitolea kuokopa watu waliopata ajali katika meli ya MV Spice Islanders iliyotokea juzi usiku

MJI wa Zanzibar na viunga vyake, jana uliendelea kuwa katika taharuki na simanzi kubwa kutokana na baadhi ya familia kuwakosa ndugu zao waliokuwa wakisafiri kwa meli ya MV Spices Islander ambayo ilipinduka, kisha kuzama katika eneo la Nungwi kati ya Visiwa vya Unguja na Pemba.

Wakati familia kadhaa zikisubiri majaliwa ya ndugu zao wanaoaminika kwamba walikuwa kwenye meli hiyo, Serikali ya Mapinduzi ya Zanzibar (SMZ), jana ilitangaza kwamba waliopoteza maisha ni watu 197 na kwamba watu 619 wameokolewa wakiwa hai.

Taarifa hiyo ya SMZ iliyotolewa Waziri wa Nchi Ofisi ya Makamu wa Pili wa Rais, Mohamed Aboud Mohamed inathibitisha kwamba meli ya MV Spices Islander ilikuwa na zaidi ya abiria 610 ambao ni uwezo wake. Kwa takwimu za waziri huyo, imethibitika kwamba ilikuwa imebeba abiria 816.

Rais Jakaya Kikwete jana aliwatembelea wakazi wa Nungwi kuwapa pole kwa msiba huo mkubwa kwa taifa na kwa mujibu wa Waziri Aboud, mkuu huyo wa nchi alitarajiwa pia kuongoza kikao cha Baraza la Taifa la Ulinzi na Usalama kujadili maafa hayo.

Kadhalika, Makamu wa Rais, Dk Mohamed Gharib Bilal pia aliwatembelea wakazi wa Nungwi na pia kuwapa pole wafiwa na walionusurika katika ajali hiyo mbaya.

Aboud alisema kati ya waliokufa, 158 walitambuliwa na kuzikwa na jamaa zao wakati maiti 39 hawakutambuliwa hivyo kuzikwa na Serikali katika eneo la Kama, nje kidogo ya Mji wa Zanzibar.

Alisema Serikali pia imeandaa makaburi mengine 134 kusubiri maiti ambao wanaendelea kuokolewa kutoka baharini.

Alisema SMZ imewasiliana na wakuu wa Mikoa ya Tanga, Pemba na Mombasa ili wasaidie upatikanaji wa maiti ikiwa wataonekana katika fukwe za maeneo hayo. “Kesho jioni (leo) tutakuwa na swala ya pamoja kwa ajili ya kuwatakia heri ndugu zetu,” alisema Aboud.

Watu wapotea

Jana kulikuwa na mamia ya wakazi wa Zanzibar waliokuwa wakifuatilia kwa karibu kazi ya utafutaji wa maiti katika Kijiji cha Nungwi karibu na eneo ambalo meli hiyo ilizama juzi alfajiri.

Baadhi ya wananchi walilalamika kutowaona ndugu zao ambao wanadai kwamba walikuwa katika meli hiyo iliyokuwa ikitoka Unguja kwenda Pemba.

Mmoja wao ni Seif Mohamed Ally ambaye alisema watoto wawili wa dada yake walikuwa ndani ya boti hiyo lakini tangu ajali hiyo itotee hawajawaona wakiwa hai au vinginevyo.

“Japokuwa naelewa kilichotokea ni mipango ya Mungu lakini nasikitika kusema kuwa ndani ya boti hiyo kulikuwa na watoto wawili wa dada zangu tumefanya jitihada ya kuwatafuta katika kundi la majeruhi na marehemu bila mafanikio,” alisema Ally.

Mkazi mwingine wa Unguja, Salama Ali Said alisema hajafanikiwa kuwaona watoto wake wawili ambao aliwataja kuwa ni Abdallah Hamad Abdallah na Amour Hamadi ambao ni wakazi wa Wawi, Pemba.

Mwingine ni Ally Hussein ambaye alisema familia yake inawatafuta Hashiruna Ally Suleiman ambaye alikuwa safarini pamoja na watoto wawili ambao ni Amina na Raudhati ambao walikuwa wakisafiri kwenda Kinowe – Konde, Pemba.

Mkazi mwingine wa Zanzibar, Saleh Ali alisema familia yake imewapoteza ndugu zao wanane ambao ni Hamad Bakari Hamad, Rahma Zahoro Faki, Salum Saleha Ali, Mkali Hamad Bakari, Abdul Wahid, Suleiman Bakari, Hidaya Issa Suleiman na Juma Hamad ambao bado hawajapatikana... “Sasa tunasubiri kudra za Mwenyezi Mungu... walikuwa wakienda Wingwi, Pemba.”

Mkazi mwingine wa Unguja, Juma Swalehe alisema kwenye meli hiyo walikuwamo watoto wake wanne na hadi jana mchana hakuna aliyekuwa amepatikana.

Wengine ambao hawajapatikana ni wajukuu wawili wa Mkuu wa Mkoa wa Kaskazini Pemba, Dadi Faki ambao ni Sakina Mohamed na Maimuna Mohamed.

Mbali ya hao wengine ambao hawajapatikana ni Fatma Mohamed, Asha Mussa, Maimuna Mussa, Raya Abdallah wakazi wa Mtembwe, Ali Seif Salim na Ali Seif Sunda (Pandani, Penda), Halima Ali Humud (Vikokotoni, Unguja) na Abdulkader Baucha.

Tamko la SMZ

Makamu wa Kwanza wa Rais wa Zanzibar, Maalim Seif Sharif Hamad amesema Serikali itafanya uchunguzi wa kina kujua chanzo cha ajali ya meli hiyo.

Maalim Seif alisema ni dhahiri kuwa idadi ya abiria waliokuwamo ndani ya meli hiyo ni kubwa zaidi ya ile iliyoelezwa jambo ambalo linaweza kuwa sababu ya kuzama kwake na kusababisha maafa hayo makubwa katika historia ya Zanzibar.

Alisema hayo baada ya kushiriki katika maziko ya abiria kadhaa katika Makaburi ya Mwanakwerekwe, Wilaya ya Magharibi Unguja.Aidha, SMZ ilitoa tamko kwamba itawachukulia hatua za kisheria wale wote watakaobainika kufanya uzembe uliosababisha kuzama kwa meli hiyo.

Waziri Mohamed Aboud alisema kamati maalumu itaundwa ili kuchunguza ajali hiyo na ikibainika kuwa kulikuwa na uzembe, “sheria itachukua mkondo wake”.

Kuhusu nahodha wa meli hiyo, alisema mpaka sasa hajapatikana na haieleweki iwapo yuko hai au amefariki dunia. Alisema mhandisi wa meli hiyo amenusurika na anahojiwa na vyombo vya usalama.

Hata hivyo, waziri huyo alisema Serikali haifahamu mmiliki wa meli hiyo. “Sisi hatumjui mwenye kumiliki meli hii la ukweli lazima tuliseme, Shirika la Bandari ndilo lenye taarifa zote.”

Hata hivyo, Mamlaka ya Udhibiti wa Usafiri wa Majini na Nchi Kavu (Sumatra) imesema meli hiyo inamilikiwa na Salimu Said Bacwash kupitia Alhubra Shipping Company Limited.

Waziri Aboud alisema SMZ kwa kushirikia na Serikali ya Muungano inachukua hatua kushughulikia suala hilo pamoja na kuweka mikakati ya kuhakikisha majanga hayo hayatokei tena.

“Natoa siri leo kwamba kamati ya kitaifa ya Ulinzi na Usalama inakaa kikao chake, kujadili masuala haya chici ya Mwenyekiti Rais wa Jamhuri ya Muungano wa Tanzania, Jakaya Kikwete,” alisema Waziri Aboud.

Serikali ya Jamhuri ya Muungano wa Tanzania imetoa mchango wake wa Sh300 milioni kutokana na ajali hiyo. Kadhalika, Mfuko wa Taifa wa Hifadhi ya Jamii (NSSF) umetoa Sh13 milioni, Mfuko wa Hifadhi ya Jamii Zanzibar (ZSSF) Sh10 milioni na Kampuni ya Simu ya Tigo imetoa chakula cha msaada chenye thamani ya Sh5 milioni kwa ajili ya kusaidia familia zilizoguswa na maafa hayo.

Hofu Tanga

Mji wa Tanga umezizima tangu kutolewa kwa habari za kuzama kwa meli hiyo huku wakazi wenye asili ya Visiwa vya Pemba wakihaha kutafuta ya kwenda kuwatambua jamaa zao.

Baadhi yao wamekuwa wakifanya mikutano usiku na mchana kutafakari hali hiyo ikiwa ni pamoja na kuchangishana nauli.

“Hapa tupo kwa ajili ya kuchangishana fedha ili tuweze kumuwezesha Adam Amin ambaye mdogo wake aitwaye Safia Amini alikuwa miongoni mwa abiria waliokuwa ndani ya meli hiyo alikuwa anakwenda shule baada ya kumaliza likizo” alisema mmoja wa wakazi hao, Rashidi Ali.

Pia kumekuwa na ongezeko kubwa la magari kutoka Mombasa, Kenya ambayo yamekuwa yakiwafikisha Tanga abiria kwa ajili ya kusafiri kwenda Zanzibar kupitia Dar es salaam.

Wingi wa abiria wanaokwenda Zanzibar kupitia Dar es Salaam umesababisha msongamano wa abiria kutokana na ufinyu wa nafasi katika mabasi yanayosafiri kati ya Tanga na Dar es Salaam.

Dk Slaa

Katibu Mkuu wa Chadema Dk Willibrod Slaa ameitaka Serikali kuwachukulia hatua kali wahusika huku akiilaumu kwamba imeshindwa kujifunza kutokana na ajali mbaya ambazo zimekuwa zikitokea nchini.

"Ajali hii imetusikitisha. Kifo ni jambo la kusikitisha sana, nasikitika kuona Serikali imeshindwa kujifunza kutokana na ajali mbaya ambazo zimekuwa zikitokea na kupoteza mamia ya Watanzania wasiokuwa na hatia," alisema.

Dk Slaa alisema Serikali imeshindwa kujifunza kutokana na ajali mbaya ya kuzama kwa meli ya MV Bukoba mwaka 1996 na kuua watu wengi."Naomba kutumia fursa hii kuiambia Serikali kwamba iwasake wahusika wote walioruhusu meli hii kuendelea na safari, taarifa zinasema ilizimika mara nane na hakuna msaada wowote uliotolewa.”

IGUNGA KWA WAKA MOTO,MFUASI WA CCM AMWAGIWA TINDIKALI,ABABUKA MBAYA

2011-09-12T02:26:00.000-07:00

MFUASI wa CCM, Mussa Tesha (24) akiwa katika hospitali ya wilaya ya Igunga mkoani Tabora, akiwa ameungua usoni na sehemu mbalimbali za mwilini baada ya kumwagiwa tindikali usiku wa kuamkia jumapili na watu wasiofahamika , ambapo inaelezwa kuwa walimwagia tindikali hiyo alipokuwa katika harakati za kubandika mitaani mabango ya mgombea wa Ubunge jimbo lgunga kwa tiketi ya CCM. Tesha alitarajiwa kuhamishiwa katika hospitali ya Taifa ya Muhimbili Dar es Sala leo kwa gharama za CCM

Blog ya bongo ndiyo home inalaani kwa nguvu zote kitendo hicho na vitendo vyote vyenye kuhatarisha maisha ya binaadamu na mali zao,utu wa binaadamu na haki za kuisha na kufanya shughuli za kisiasa ili mgombea mwenye sera nzuri ndiye achaguliwe kuwa mbunge wa jimbo la Igunga

SAM TIMBE ANUSURIKA KIPIGO KUTOKA KWA MASHABIKI

2011-08-22T07:18:00.000-07:00

BAADA YA KUANZA VIBAYA MICHUANO YA LIGI KUU SOKA TANZANIA BARA KWA KIPIGO CHA BAO 1-0 KUTOKA KWA MAAFANDE WA JKT RUVU,MASHABIKI NA WAPENZI WA TIMU YA YANGA SASA WANASEMA HAWAMTAKI KOCHA MKUU WA TIMU HIYO MGANDA SAM TIMBE PAMOJA NA BAADHI YA WACHEZAJI WA TIMU HIYO KWA MADAI KUWA NDIYO CHANZO CHA KUFUNGWA KWA TIMU YA KATIKA MCHEZO HUO.

KATIKA KUONYESHA KUTORIDHISHWA NA MATOKEO HAYO MASHABIKI HAO WALIVAMIA BASI DOGO LA YANGA MARA BAADA YA DAKIKA 90 ZA MCHEZO HUO KUMALIZIKA, KWA LENGO LA KUTAKA KUMPIGA KOCHA WAO SAM TIMBE KABLA YA KUNUSURIWA NA BAADHI YA WAPENZI NA MASHABIKI WA TIMU HIYO ,WAKITAKA HEKIMA NA BUSARA ZAIDI KUCHUKULIWA KATIKA KUFIKISHA MALALAMIKO HAYO KWA UONGOZI WA TIMU HIYO ILI YAWEZE KUSHUGHULIKIWA.

WAKIZUNGUMZA MARA BAADA YA MCHEZO HUO BAADHI YA MASHABIKI NA WAKEREKETWA WA YANGA KUTOKA KATIKA KUNDI LA YANGA BOMBA NA YANGA SAPOTA YA JIJINI DAR ES SALAM WAMEUTAKA UONGOZI WA TIMU YAO KUSITISHA MKATABA NA KOCHA HUYO KWA KUWA AMESABABISHA TIMU YAO KUFUNGWA MICHEZO SITA KUTOKANA NA KUSHINDWA KUKIPANGA VEMA KIKOSI KUANZIA KATIKA MICHUANO YA KOMBE LA KAGAME HATA MCHEZO DHIDI YA MAAFANDE WA JKT RUVU

HATA HIVYO KATIKA KUONYESHA KUVUNJA SHERIA NA TARATIBU ZA MCHEZO WA SOKA,KOCHA MKUU WA YANGA SAM TIMBE ALIITOA TIMU KATIKA VYUMBA VYA KUPUMZIKIA NA KUTOA MAELEKEZO NDANI YA UWANJA PUNDE MARA BAADA YA MAPUMZIKO NA PIA KUKATAA KATAKATA KUZUNGUMZA NA WAANDISHI WA HABARI MARA BAADA YA KUMALIZIKA KWA MCHEZO HUO AKISEMA HAWAZI KUZUNGUMZA KAMA HAKUNA CHUMBA MAALUMU CHA MAZUNGUMZO NA WAANDISHI KATIKA UWANJA HUO WA JAMHURI.

ATA HIVYO WAKATI TIMBE AKIKATAA KUZUNGUMZA NA WAANDISHI WA HABARI,KOCHA MKUU WA MAAFANDE WA JKT RUVU CHARLES KILINDA KWA UPANDE WAKE AMESEMA KUWA WAMESHINDA MCHEZO HUO KUTOKANA NA KUFANYA MAANDALIZI YA KUTOSHA NA ZAIDI KUTOKANA NA KUPATA BAO LA MAPEMA ZAIDI KATIKA MCHEZO HUO

GADDAF MAJI YA SHINGO WAASI WA LIBYA WAINGIA TRIPOLI

2011-08-22T07:13:00.000-07:00

Kanali Gaddafi

Picha za televisheni zinaonyesha waasi katika uwanja wa Green Square katika mji mkuu, huku makundi ya watu wenye furaha wakisheherekea kuwasili kwa waasi hao katika uwanja huo.

Inaripotiwa waasi wamemkamata mwanawe Gaddafi Saif al-Islam, huku kiongozi mwenyewe akiahidi kuwa ataendelea kupigana.

Mwendesha mashtaka wa mahakama ya uhalifu wa kivita, Luis Moreno Ocampo amethibitisha Saif al-Islam, mwanawe Gaddafi, na ambaye alitarajiwa kumridhi babake amekamatwa.

Mwanawe wa kifungua mimba Mohammed Al Gaddafi naye amejisalimisha kwa waasi na anazuiliwa ndani ya makaazi moja mjini Tripoli.

Serikali ya Libya imesema takriban wanajeshi elfu 65 watiifu kwa kanali Gaddafi wamebakia mjini Tripoli lakini ni wachache tu walioonekana wakati waasi walipokuwa wakielekea kuuteka mji huo.

Mapigano yameripotiwa katika maeneo mengine ya mji. Mwandishi wa BBC mjini Tripoli amesema waasi wanajaribu kushika udhibiti wa jengo ambalo waandishi wa habari wako.

Inaaminika kuwa bado Kanali Gaddafi ana maelfu ya wafuasi waliojihami, japo ripoti zinaashiria kuwa idadi kubwa wamejisalimisha kwa waasi.

Msemaji wa serikali ya Libya , Moussa Ibrahim, amesema takriban watu 1300 wameuwawa mjini humo.

Awali Kanali Gaddafi aliwataka raia kujitokeza na kuukomboa mji wa Tripoli. '' Jitokezeni, jitokezeni niko nanyi. Msirudi nyuma. Tutapigana hadi kuikomboa nchi yetu kuzuia uthibiti. Msiwakubalie wanyakuzi kuiteka nchi yetu, nitapigana pamoja nayi kama nilivyoahidi'', Alisema Muammar Gaddafi.

AJALI MBAYA YA BASI YAU WATU 5 NA KUJERUHI 34 MIKUMI MOROGORO

2011-07-21T03:53:00.000-07:00

Basi la kampuni ya Hood na Lori yakiteketea kwa moto mara baada ya kugongana katika eneo la mikumi mkoani Morogoro

Majeruhi wa ajali akitoa maelekezo binafsi kwa daktari mara baada ya kufikishwa katika hospitali ya mkoa wa Morogoro

WATU watano wamebainika kufariki dunia huku wengine 41 kujeruhiwa kufuatia ajali iliyotokea julai 20 mwaka huu majira ya saa 7:30 mchana eneo la hifadhi ya mikumi kwa kuhusisha basi mali ya kampuni ya Hood na roli kugongana na kuteketea kwa moto.

Akizungumza na mwandishi wa habari hizi jana kaimu kamanda wa polisi mkoa wa Morogoro Joseph Lugira alisema kuwa kati ya watu hao waliofariki ni aliyekuwa dereva wa roli lililokues limebeba mafuta ya kula lenye namba za usajili T 592 AVQ na trela T 982 AYZ aina ya FAW lililokuwa likitokea Dar-es-salaam kuelekea mkoani Iringa mali ya kampuni ya Mohamed Enterprises Bule Mayenga(50) mkazi wa Mbezi jijini dar-es-salaam ambaye alitambuliwa fuvu la kichwa chake ambalo lilikutwa kwenye kiti cha dereva kwenye lori hilo.

Alisema katika basi walikuta pia mwili wa mtu mmoja ambaye ni mwanaume uliokuwa ndani ya basi la Hood lenye namba T 762 AVL aina ya scania ambao umehifadhiwa katika chumba cha kuhifadhia maiti katika hospitali ya mkoa wa Morogoro pamoja na mafuvu matatu yaliyokutwa ndani ya basi mali ya Kampuni ya Hood lililokuwa likitokea mkoani Mbeya kuelekea mkoani Arusha.

kaimu kamanda Lugira alisema kuwa kati ya majeruhi hao 41 kumi na tisa (19)walitibiwa na kuruhusiwa kuondoka na wengine 20 wanaendelea kupatiwa matibabu katika hospitali ya rufaa mkoani hapa .

Lugira alisema kati ya majeruhi hao 20 waliolazwa katika hospitali ya rufaa mkoa wa morogoro nane wanawake na 12 wanaume na kati yao wawili hali zao si nzuri pamoja kwamba wanazungumza.

Aliwataja ambao hali zao si nzuri kutokana na majeraha waliyoyapata kuwa ni James Shitindi(30) mkazi wa mkoani Arusha ambaye amevunjika mbavu sita na Joyce Kamkangi(11) mkazi wa Kihonda manispaa ya Morogoro ambaye alivunjika mguu wa kushoto na kuungua sehemu mbalimbali za mwili.

Alisema inadaiwa chanzo cha ajali hiyo ni mwendo kasi wa dereva wa basi mali ya kampuni ya Hood Salehe Tembo(42) mkazi wa Jijini Dar-es-salaam kutosimama baada ya kuona moshi ukiwa umetanda barabarani kutokana na moto uliokuwa umechomwa katika hifadhi ya taifa ya Mikumi.

Alisema dereva wa basi hilo ambaye naye pia ni majeruhi anatarajia kufikishwa kwenye vyombo vya sheria mara baada ya taratibu kukamilika.
Mwisho