Let's Play Box Guitar

Major guitar scales සරලව මුල සිට ඉගෙන ගනිමු....

noreply@blogger.com (Rajja) — Thu, 24 Feb 2011 18:57:00 +0530

සති කිහිපයකින් පස්සෙ තමයි post එකක් දාන්නෙ. තව සතියකින් campus එකේ semester end exam එක. මේ දවස් වල ටිකක් මහන්සි වෙලා පාඩම් කරනවා.ඒක නිසා තමයි අලුත් post එකක් දාන්න බැරි වුනෙ. කලින් post එකේදි මම කිව්වා guitar scales ගැන කියලා දෙනව කියලා. ඒක නිසා ඒ ලිපි මාලාවේ පළවෙනි post එක විදියට මේ ලිපිය ලියන්න තීරණය කලා.

මගේ video tutorials ටික නම් සෑහෙන පිරිසක් බලල තියෙනවා. මම හිතනවා ඒ හැම කෙනෙක්ම ඒ videos වලින් ගොඩක් දේවල් ඉගෙන ගන්න ඇති කියලා. ඒව බලපු නැති කෙනෙක් ඉන්නවනම් පහල තියෙන links වලින් ගිහින් බලල එන්න.

1st video tutorial 2nd video tutorial

එහෙනම් අද කුප්පිය පටන් ගමු. අද මම කියල දෙන්නේ theory part එකක්. මොකද හුගක් අය guitar එක play කරන්නේ "ගිරවා" ක්‍රමයට. ඒ කිව්වේ යම් කිසි රූප සටහන් ටිකක් බලල chords play කරනව මිසක් ඒ සම්බන්ධව තියෙන සිද්ධාන්ත පාවිච්චි කරන්නෙ නැහැ. ‍Guitar play කරන අයගෙන් මේ guitar theory කියන කොටස දන්නේ බොහොම ටික දෙනයි. ඒක නිසා මහන්සි වෙලා මේක පොඩ්ඩක් තේරුම් ගන්න උත්සහ කරන්න. බොහොම සරල සිද්ධාන්තයක් තමයි තියෙන්නෙ. මොකද Guitar chords නිර්මාණය වෙන්නේ guitar scales වලින්.

ඇත්තටම guitar scale එකක් කියන්නේ යම් කිසි රටාවකට අනුව notes play කරන එකට. අපිට සමහර සංගීත ඛණ්ඩ අහන කොට සතුට, ශෝකය, ත්‍රාසය වගේ හැගීම් ඇතිවෙන්නෙ මේ විවිධ guitar scales නිසා.

එතකොට guitar chord එකක් කියන්නේ එක්වරම notes කිහිපයක් play කරන එකට. මේ නිසා තමයි අපි chords play කරද්දි fret board එක මත විවිධ ස්ථාන වල ඇගිලි තියමින් play කරන්නේ.

මේ තියෙන්නේ octave එකක්. Music කරල තියෙන අය දන්නව ඇති. Piano එකක හරි Key board එකක හරි මේ වගේ කොටස් කිහිපයක් තියෙනවා දැකල ඇතිනෙ. එහෙනම් අපි octave එකක‍ට අදාල notes ටික බලල ඉමු. මොකද major chords ඉගෙන ගන්න ඒක ගොඩක් වැදගත් වෙන නිසා.පල්ලෙහා image එක බලන්න.

මේ රූපයේ C, D, E, F, G, A, B විදියට නම් කරල තියෙන්නේ tones. ඒවා අතර C#, D#, F#, G#, A# විදියට නම් කරල තියෙන්නේ semi tones.(ඒ වගේම අවබෝධ කරගන්න ඕනෙ semi tones දෙකක් කියන්නේ එක tone එකක් කියලා). එතකොට සම්පූර්ණයෙන් ගත්තම 12 ක් තියෙනවා. ඒ අනුව අපිට දල වශයෙන් අදහසකට එන්න පුලුවන් major chords 12ක් තියෙනවා කියලා. නමුත අපි තාම දන්නේ නැහැ කොහොමද major chords හැදෙන්නෙ කියලා. ඒක ඉගෙන ගන්න කලින් major scale කියන theory කොටස ඉගෙන ගන්න වෙනවා.

ඒක නිසා අපි major scales හැදෙන හැටි බලමු. මේකේදි මම Tone කියන වචනය නිරූපණය කිරීමට (T) අකුරත් Semitone කියන වචනය නිරූපණය කිරීමට (S) අකුරත් භාවිතා කරනවා.

Scale එකක් කියන්නේ රටාවකට play කරන notes වල එකතුවකට. උදාහරණයක් විදියට අපි හැමෝම දන්න ස, රි, ග, ම, ප, ධ, නි, ස කියන රටාව ගන්න පුලුවන්. මේක හදුන්වන්නේ C major scale එක කියලා. ‍හේතුව අපි මේ scale එක පටන් ගන්නේ “ස”(C) ස්වරයෙන් වීම නිසයි. ඒ වගේම තමයි major scale එකක් හැදෙන්නේ එකම රටාවකට අනුව.ඒ රටාව පල්ලෙහා තියෙනවා.

Tone, Tone, Semitone, Tone, Tone, Tone, Semitone (T, T, S, T, T, T, S). (මේක මතක තියාගන්න)

මේ අනුව අපිට C major scale එක හදාගන්න පුලුවන්.

T T S T T T S

C-D D-E E-F F-G G-A A-B B-C

මේ C major scale එක ඉතා පැහැදිලිව play කරන video එකක් මට YOU TUBE එකෙන් හම්බ වුනා.මම ඒක පහල upload කරල තියෙනවා. ඒක බැලුවම guitar scale එකක් කියන්නෙ මොකක්ද කියන එක අපූරුවට පැහැදිලි වෙනවා. C major scale එක play කරන විදිය ඉගෙන ගන්න පුලුවන් මෙතනට ගියොත්.

Major scale එකක් ඉගෙන ගත්තම ඒ ඇසුරෙන් guitar chords ඉතා පහසුවෙන් play කරන්න පුලුවන්. උදාහරණයක් විදියට යම් කෙනෙක් C major scale එක ප්‍රගුණ කලොත්, C major / A minor / D minor / G seventh කියන chords හතරම play කරන්න පුලුවන් වෙනවා. ඒ කොහොමද කියන එක මීලග ලිපියෙන් පැහැදිලි කරන්නම්.

I'm out of Colombo for 3-4 days............

noreply@blogger.com (Rajja) — Thu, 27 Jan 2011 22:58:00 +0530

Hey all,,I'm going out of Colombo for 3-4 days. There fore i won't be able to update the blog. So please keep practicing the lessons I introduced to you. I will put new lessons as soon as I can after coming back. Until that keep practicing.:-)

LESSON 1

LESSON 2

2වෙනි VIDEO TUTORIAL එක - Improvising fret board......

noreply@blogger.com (Rajja) — Tue, 18 Jan 2011 21:58:00 +0530

අද මම දෙවෙනි video lesson එක ඉදිරිපත් කරන්නයි බලාපොරොත්තු වෙන්නෙ. මගේ පළවෙනි lesson එකට ගොඩක් හොද ප්‍රතිචාර ලැබුනා. ඒක නිසාම දෙවෙනි lesson එකත් ඉක්මනට ඉදිරිපත් කරන්න තීරණය කලා. පළවෙනි lesson එක බලපු නැති අය ඉන්නවනම් මෙතනින් ගිහින් lesson එක බලල එන්න. ඒ lesson එක විශේෂයෙන්ම ආධුනිකයන්ට හදපු lesson එකක්. ඒක නිසා මේ lesson එකට කලින් 1වෙනි lesson එක කියවල එන්න.

ඒ වගේම තමයි මම blog එකට සම්බන්ධව Face book Fan Page එකක් හැදුවා. කට්ටියට පුලුවන් නම් මෙතනින් ගිහින් ඒකට "like" එකක් දාලා එන්න. ඒ වගේම තමයි පුලුවන්නම් තම තමන්ගේ යාලුවන්ටත් page එක suggest කරලා invitations යවන්න.

හරි,,එහෙනම් දැන් lesson එක පටන් ගමු.1වෙනි lesson එකේ විදියට practice කරපු අයට දැන් ටිකක් ඇගිලි හුරු ඇති කියලා මම හිතනවා. අපි 1වෙනි lesson එකේදි කලේ 6වෙනි string එකේ 1->2->3->4->1->2->3->4 කියන frets රටාව play කරපු එක. අද අපි ඒ අභ්‍යාසය ටිකක් වෙනස් කරලා යම් කිසි රටාවකට fret board එකේ පල්ලෙහාටයි, උඩටයි practice කරන්නයි යන්නේ. ‍කලින් අභ්‍යාසයේ අපි play කලේ 6වෙනි string එක විතරයි. නමුත් අද පාඩමේදි strings හයම play කරනවා. ඒක නිසා ටිකක් විතර මුලදි අමාරු වෙයි.

පල්ලෙහා image එකේ තියෙන්නේ අද අපි practice කරන්න යන රටාව තමයි. මම මේක කලින් ලිපියකදිත් පල කරල තියෙනවා.

මුලින්ම මම මේ රටාව fret board එකේ පල්ලෙහාට play කරනවා. ඒකට අදාලව videos 2ක් තියෙනවා. පළවෙනි එකේදි වේගය අඩු කරලා play කරනවා. දෙවෙනි video එකේදි වේගය ටිකක් වැඩි කරනවා. ඒ වගේම තමයි මතක තියාගන්න මේකෙදි වැදගත් වෙන්නේ වේගය නෙමෙයි. Accuracy එක. අපි අල්ලන හැම note එකක්ම හරියට play කරන එක තමයි ප්‍රගුණ කරන්න ඕනෙ.වේගය කියන එක කාලයත් සමග දියුණු වෙන දෙයක් නිසා ඉවසීමෙන් practice කරන්න.

ඊට පස්සේ මම මේ රටාව fret board එකේ පල්ලෙහා ඉදන් උඩට play කරනවා. මේක ටිකක් විතර මුලදි අමාරු වෙයි. මීට අදාලවත් videos 2ක් තියෙනවා. කලින් විදියටම දෙවෙනි video එකේදි වේගය වැඩි කරනවා.මුලින් හිමින් play කරන්න.පස්සේ වේගය වැඩි කරන්න.එතකොට මේ වැඩේ සාර්ථකව කරගන්න පුලුවන්.

අන්තිමට‍ම මේ කොටස් දෙකම එකතු කරලා පල්ලෙහට සහ උඩට play කරනවා. මේ අභ්‍යාස මාලාවේ අවසන් ප්‍රතිඵලය තමයි අන්තිම video එකේ තියෙන්නේ. බලන්න තම තමන්ට මේ අභ්‍යාස මාලාවේ final result එක ලබාගන්න පුලුවන් වුනාද කියලා.:-)

සැ.යු. : Guitar pick එකක් භාවිතා කරන ආකාරය දැන සිටීම ඔබට පහසුවක් වේවි. ඒක නිසා 1වෙනි lesson එක කියවපු නැති අය ඉන්නවනම් ඒ ලිපිය කියවලා එන්න. මේ සම්බන්ධව video එකක් 1වෙනි lesson එකේ අන්තර්ගතයි.

PART 1 - PLAY DOWNWARDS _ SLOW

PART 2 - PLAY DOWNWARDS _ FAST

PART 3 - PLAY UPWARDS _ SLOW

PART 4 - PLAY UPWARDS _ FAST

FINAL RESULT....

ඒ වගේම තමයි මේ ලිපියෙන් fingering exercises කියන ‍කොටස අවසාන වෙනවා. මේ පාඩම් මාලවේ මූලික අරමුණ වුනේ අපේ ඇගිලි fret board එකට හුරුකරගන්න එකයි. ඊට පස්සේ ඉතා වැදගත් අභ්‍යාස මාලාවක් පටන් ගන්නවා. ඒ තමයි guitar scales සහ strumming patterns සම්බන්ධව කරගෙන යන අභ්‍යාස මාලාව.Guitar scales කියන්නේ ඕනම guitarist කෙනෙක් ප්‍රගුණ කල යුතු කොටසක්. මේක ආධුනික අයට Guitar එක ගැන ඉගෙන ගන්න ලැබෙන වටිනාම අවස්ථාවක්. මේ ගැන වැඩි විස්තර ඉස්සරහට පල කරන්නම්. ඒ කොටසට යන්න කලින් මට අවශ්‍ය වුනේ fret board එකට අත් වල ඇගිලි හුරු කරන එක. ඒක නිසා තමයි guitar scales සහ තවත් කොටස් ඉගෙන ගන්න කලින් මේ අභ්‍යාස ටික කියල දුන්නේ. එහෙනම් guitar scales සම්බන්ධ අභ්‍යාස මාලාවෙන් හමුවෙනකන් මේ exercises ටික කරල ලෑස්ති වෙලා ඉන්න.:-) Good Luck.....

Guns N' Roses_Sweet Child O' Mine_Guitar Cover_By rajitha

noreply@blogger.com (Rajja) — Sat, 15 Jan 2011 23:32:00 +0530

අද මම කරපු පළවෙනි guitar cover එක බ්ලොග් එකට එකතු කරන්නයි යන්නේ. Guns N' Roses band එක ගැන නම් ඕන කෙනෙක් අහල ඇති. Rock music වලට ආස අය අනිවාර්යෙන් මේ song එක අහලත් ඇති. Band එකේ vocalist "Axl Rose" තමන්ගේ පෙම්වතියට ලියපු ගීතයක් තමයි Sweet Child O' Mine කියන්නෙ. මේ song එකේ lead parts play කරන්නෙ "Slash".

YOU TUBE එකෙන් බලනවනම් මෙතනින් click කරල බලන්න පුලුවන්.

මේක play කරන්න මම guitar backing track එකක් පාවිච්චි කරල තියෙනවා. ඒකෙදි Drums, Base සහ Vocals tracks තුන play වෙනවා. එතකොට lead and rhythm track එක තමයි මම play කරන්නෙ. පළවෙනි guitar cover එක නිසා පොඩි පොඩි අඩුපාඩු තියෙනවා. Pedal එකක් පාවිච්චි කලේ නැති නිසා distortion effect එක නම් එච්චරම quality නැහැ. Amp එකෙන්ම තමයි distortion effect එක අරගත්තේ.

සිංදුවේ මැදදි එන solo එකත් ලගදීම cover කරන්න බලාපොරොත්තු වෙනවා. මම හිතනවා මේක ඔයගොල්ලන්ට රසවිදින්න පුලුවන් වෙයි කියලා.ඒ වගේම තමයි ඔයගොල්ලන්ගේ අදහස් එක් කරන්න පුලුවන් නම් මම ඒක ගොඩක් අගය කරනවා.

1වෙනි VIDEO TUTORIAL එක - Simple fingering exercises......

noreply@blogger.com (Rajja) — Wed, 12 Jan 2011 15:26:00 +0530

මගේ පළවෙනි ගිටාර් කුප්පියේදී මම ආධුනිකයන්ට ගැලපෙන අභ්‍යාසයක් කියල දුන්නා. ඒක කියවපු අයට සමහර විට මතක ඇති. අද ඒ අභ්‍යාසයට අදාල video lesson එක තමයි ඉදිරිපත් කරන්න බලාපොරොත්තු වෙන්නේ. ඇත්තටම හුගක් අය මේ අභ්‍යාසය දන්නවත් ඇති. 6වෙනි string එකේ 1->2->3->4->1->2->3->4 කියන frets රටාව තමයි අභ්‍යාසය.මේක අපි මූලික වශයෙන්ම ප්‍රගුණ කල යුතු අභ්‍යාසයක්.හුගක් අයට තියෙන ප්‍රශ්ණයක්නෙ සුළැගිල්ල හුරු නැතිවීම(pinky error). ඒකට විසදුමක් විදියටත් අපිට මේ අභ්‍යාසය යොදාගන්න පුලුවන්. සුළැගිල්ල හුරු නැහැ කියන්නේ අපේ වම් අතෙන් 25% ක් අපතේ යනවා කියන එක(දකුණත් වාදකයෙක්ට).

මේ අභ්‍යාසය මම කොටස් 3කට බෙදලා තියෙනවා.ඒ කිව්වෙ,

1.Beginner 2.Beginner-Intermediate 3.Moderate

යන ආකාර වලට. මේකෙදි මූලික වශයෙන් වැදගත් වෙන්නේ හරි ආකාරයට play කරන එකයි speed එක maintain කරන එකයි. "Beginner" lesson එක ආධුනිකයන්ට වඩා සුදුසුයි. "Beginner- Intermediate" lesson එකේදි speed එක දෙගුණයක් කරල play කරනවා. ඒ වගේම තමයි "Moderate" lesson එකේදි speed එක තුන් ගුණයක් දක්වා වැඩි වෙනවා. ඒ වගේම තමයි 2වෙනි, 3වෙනි lessons වලදි speed එක අඩු වැඩි කරනවා ඇගිලි වලට rest එකක් දෙන්න ඕනෙ නිසා.;-) ඒ වගේම අපි pick එකක් පාවිච්චි කරනවනම් අභ්‍යාසයට අදාලව ඒක පාවිච්චි කරන ආකාරය පල්ලෙහා තියෙන video එකේ තියෙනවා.(Down -> Up -> Down -> Up.....)

How to use the guitar pick...

Beginner (Speed- 1X)

Beginner - Intermediate (Speed- 2X)

Moderate (Speed- 3X)

මම මුලින්ම කිව්ව වගේ මේක basic exercise එකක්.ආධුනිකයන්ට වඩාත් ගැලපෙන අභ්‍යාසයක් විදියට නම් කරන්නත් පුලුවන්. සමහර විට කම්මැලි වෙන්නත් පුලුවන්.ඒත් practice කලා කියලා වැඩි වෙන්නේ නම් නැහැ. එක pattern එකක් අවම වශයෙන් විනාඩි 15ක් වත් කරල බලන්න. තමන්ටම තේරෙයි exercise එක ඇගට වැදෙනවද නැද්ද කියලා. මේ lessons ගැන ඔයාලගේ අදහස් දක්වනමනම් ගොඩක් හොදයි. අඩුපාඩු පෙන්නල දෙන්න පුලුවන්නම් තවත් හොදයි. Good luck everybody...........

Strings කඩාගන්නෙ නැතුව Guitar එක TUNE කරගන්න ක්‍රමයක්......

noreply@blogger.com (Rajja) — Sun, 9 Jan 2011 17:35:00 +0530

සමහර විට ඔබ ආධුනිකයෙක් නම් ඔබටත් ඒ අත්දැකීමට මුහුණ දෙන්න සිද්ධ වෙන්න ඇති.Tune කරන්න ගිහිල්ල මගේ අතිනුත් strings කැඩිලා තියෙනවා. විශේෂයෙන්ම E 1st එකයි, B 2nd එකයි. ඒ කිව්වෙ සිහින්ම කම්බි දෙක.

මම කලින් ලිපි වලදි පැහැදිලි කලා guitar එක tune කරන ආකාරය ගැන. ඒ ලිපි කියවපු නැති අය ඒ අදාල ලිපි කැමති නම් කියවලා එන්න.

1 වෙනි ලිපිය 2වෙනි ලිපිය

අද මම පැහැදිලි කරල දෙන්නේ guitar tuning software එකක් ගැන. මේක ගැන මාව දැනුවත් කලේ බ්ලොග් එක කියවපු කෙනෙක්. එයාගේ නම සදහන් කරල තිබ්බෙ නැහැ.කොහොම වුනත් ඒ පුද්ගලයට ගොඩක් ස්තූති කරනවා ඒ පිළිබදව දැනුවත් කිරීම පිළීබදව. මේක අපේ computer එකට download කරගෙන අපිට පාවිච්චි කරන්න පුලුවන් software එකක්.පල්ලෙහා තියෙන්නේ software එකේ screen shot එකක්.

Machine requirements for running AP Tuner :-

Desktop or laptop running windows (any version)

Microphone

මම මෙතනදි laptop කියල දැම්මෙ විශේෂ හේතුවක් උඩ.දැන් බොහොමයක් laptops වල inbuilt microphone එකක් තියෙනවනෙ. එතකොට අපිට external mic එකක් ඕන වෙන්නෙ නැහැ. Quality එක අඩු වුනත් tune කරගන්න වැඩේට inbuilt mic එක ගැලපෙනවා.

එහෙනම් software එක මෙතනින් download කරගන්න. නැත්තම් පහල link එකෙන් ගිහින් download කරගන්න.

http://www.aptuner.com/cgi-bin/aptuner/apmain.html

1.3 MB setup file එකක් නිසා වැඩි වෙලාවක් යන එකක් නැහැ.Software එක install කරාට පස්සේ පල්ලෙහා තියෙන උපදෙස් අනුව කලොත් පහසුවෙන් guitar එක tune කරගන්න පුලවන්.

1). Select a silent place to tune the guitar. වටපිටාවෙ ශබ්ද තිබුනොත් software එකෙන් ඒවත් display කරනවා. ඒක නිසා silent තැනක් තෝරගන්න.ඇත්තම කියනවනම් එහා ගෙදර බල්ලා බුරන එකත් software එකෙන් පෙන්නනවා.;-)

2).Use a guitar pick to pluck strings. Pick එකක් use කරන්න පුලුවන්නම් ගොඩක් හොදයි. එතකොට sharp sound එකක් එන නිසා වැඩේ කරන්න පහසුයි.

3). Start tuning from the 6th string to 1st string. මහතම කම්බියේ ඉදන් පිළිවෙලට සිහින්ම කම්බිය දක්වා tune කරගෙන යන්න.

4). Be careful when tuning smallest strings. විශේෂයෙන්ම E 1st & B 2nd strings දෙක ටියුන් කරන කොට මුහුණ ගිටාර් එකෙන් ඉවතට කරල තියාගන්න. කම්බිය බැරි වෙලාවත් කැඩුනොත් අපේ ඇස් වලට අනතුරක් වීමේ හැකියාවක් තියෙන නිසා.

මම මහතම කම්බිය ( 6th string) software එකෙන් tune කරන හැටි පැහැදිලි කරන්නම්. ඒ ආකාරයටම අනෙක් කම්බි ටිකත් tune කර ගන්න.

‍මේකෙදි කරන්නේ open strings tune කරන එක.ඒක නිසා අපිට fret board එක මත ඇගිලි තියන්න අවශ්‍ය වෙන්නෙ නැහැ. අදාල string එක දකුණතින් pick එකකින් play කරන ගමන්, වම් අතින් tuning peg එක කරකවලා බලන්න software එකේ පෙන්නන note එක standard tuning වලට අදාල tone එකද කියලා.පල්ලෙහා image එක බලන්න.

මේ තියෙන්නේ මහතම string (E 6th string) එක standard tune කලාම software එක පෙන්නන විදිය.

රතු පාටින් දක්වල තියෙන ස්ථාන ගැන තමයි අපි සැලකිලිමත් වෙන්න ඕනෙ.

"E2" කියල තියෙන්නේ අපි play කරන string එකේ note එක.කම්බිh tune කරද්දි මේක වෙනස් වෙනවා. standard tuning වෙන්න නම් අපි 6වෙනි කම්බිය, "E2" කියන note එක software එක පෙන්නනකම් tune කරන්න ඕනෙ.මෙතනදි "E2" කියල සදහන් වෙනවා. මේ "2" කියන එකෙන් කියවෙන්නේ කීවෙනි octave එකද කියලා. මොකද standard tuning වලදි 6 වෙනි string එකට එන්නේ base tone එකක්නෙ.

"Cents" කියන එක අදාල වෙන්නේ fine tuning කරද්දි. මුලින්ම කරන්න ඕනෙ E2 කියන note එක software එක පෙන්නනකම් tune කරන එක.ඊට පස්සේ fine tune කරන්න. පෙන්නල තියෙන කටුව "0" ටම ගන්න නම් ටිකක් අමාරුයි. ඒක නිසා + හෝ - 5ක වෙනසක් තිබ්බත් ඇති.

Image එකේ දකුණු පැත්තේ තියෙන්නේ strings හයට අදාල notes ටික.අපි tune කරන කම්බිය හරියට tune වුනාම ඒ කම්බියට අදාල note එක නිල් පාටින් highlight වෙනවා. ඒ කියන්නේ අපි පස්වෙනි කම්බිය හරියට ටියුන් කලොත් "A2" කියන එක නිල් පාටින් highlight වෙන්න ඕනෙ.

හරියට ටියුන් කලොත් ;

6 වෙනි strings එක - E2

5 වෙනි strings එක - A2

4 වෙනි strings එක - D3

3 වෙනි strings එක - G3

2 වෙනි strings එක - B3

1 වෙනි strings එක - E4 කියල software එක පෙන්නනයි. උත්සහ කරල බලන්න. ඒ වගේම තමයි කියන්න ඕනෙ අපි use කරන්නේ බොහෝ දුරට handmade guitars. ඒක නිසා පොඩි පොඩි අඩුපාඩු තියෙන්න පුලුවන්. 100% හරියටම tune කරලත්, ටික වෙලා‍වකින් ආයෙත් check කලාම ‍tuning පොඩ්ඩ පොඩ්ඩ වෙනස් වෙනවා. අමතරව මේ ක්‍රමයෙන් කරද්දි strings කැඩෙන්න තියෙන හැකියාව ඉතා අවමයි. එහෙනම් හැමෝම try කරල බලන්න.Good Luck.....

Blog template is being developed....

noreply@blogger.com (Rajja) — Sun, 9 Jan 2011 12:40:00 +0530

Hi all. Blog template of " Box ගිටාරය Play කරමු......" is being developed right now. So please kindly ignore any issues in posts and the appearance of the blog. All those issues will be fixed within day or two. Thank you....:-))))

Minor Guitar Chords..........

noreply@blogger.com (Rajja) — Sun, 9 Jan 2011 00:07:00 +0530

මේ post එක rhythm play කරන අයට ගොඩක් වැදගත් වේවි. මේකෙ තියෙන්නෙ minor guitar chords වලට අදාල diagrams ටික. ඒ වගේම තමයි chords වල play කරන්න ඕනෙ strings ටිකත් මේ images වල පෙන්නල තියෙනවා.මේ chords වලට අපි පොදුවෙ කියන්නෙ open chords කියලයි.

O - "O" අකුරෙන් කියන්නේ අදාල string එක play කරන්න ඕනෙ කියලයි...

X - "X" අකුරෙන් කියන්නේ අදාල string එක play කිරීමෙන් වලකින්න ඕනෙ කියලයි...

C minor (Cm) D minor (Dm)

E minor (Em) F minor (Fm)

G minor (Gm) A minor (Am)

B minor (Bm)

Major Guitar Chords...........

noreply@blogger.com (Rajja) — Sat, 8 Jan 2011 23:45:00 +0530

මේ post එක rhythm play කරන අයට ගොඩක් වැදගත් වේවි. මේකෙ තියෙන්නෙ major guitar chords වලට අදාල diagrams ටික. ඒ වගේම තමයි chords වල play කරන්න ඕනෙ strings ටිකත් මේ images වල පෙන්නල තියෙනවා.මේ chords වලට අපි පොදුවෙ කියන්නෙ open chords කියලයි.

O - "O" අකුරෙන් කියන්නේ අදාල string එක play කරන්න ඕනෙ කියලයි...

X - "X" අකුරෙන් කියන්නේ අදාල string එක play කිරීමෙන් වලකින්න ඕනෙ කියලයි...

C major D major

E major F major

G major A major

B major

How to buy your first guitar ? ආධුනිකයෙක් මොනවද දැන ගත යුත්තේ... ?

noreply@blogger.com (Rajja) — Sat, 8 Jan 2011 00:31:00 +0530

Guitar එක play කරන්න ඉගෙන ගන්න එක fun වැඩක් වගේම, සමහර විට ඒක ජීවිත කාලයටම රදා පවතින විනෝදාංශයක් බවටත් පත්වෙනවා. සමහරුන් දවසේ විඩාව නිවාගන්න කියල guitar එක play කරනවා. තවත් සමහර අය music band එකක guitar play කරනවා. සමහර අය විනෝදාංශයක් විදියට guitar එක play කරනවා( මං වගේ. ;-) ). නමුත් අපිට වාදන හැකියාව උපතින්ම පිහිටන්නේ නැහැනෙ. ඒක නිසා ටිකක් කැපවීමෙන් මේක ඉගෙන ගන්න ඕනෙ. වැඩෙ ටිකක් අමාරුයි තමයි. ඒත් කැපවීමෙන් කළොත් නම් හිතන තරම් අමාරු නැහැ.:-)

Guitar කිව්වමත් දැන් එක එක ජාතියේ guitar තියෙනවනේ.මම කලින් ලිපියක් පල කලා කොහොමද තමන්ට ගැලපෙන ගිටාර් වර්ගය තෝරගන්නෙ කියලා. ඒක මෙතනින් ගිහිල්ලා කියවල එනවනම් වඩාත් හොදයි.මොකද ඒ ලිපිය තමයි blog එකේ ජනප්‍රියම ලිපිය වෙලා තියෙන්නෙ.අද ඒ ලිපියේ දෙවෙනි කොටස ලියන්නයි යන්නේ.

එහෙනම් අපි guitar එකක් මිලදී ගැනීමේදි සැලකිය යුතු කරුණු එකින් එක පැහැදිලි කරගමු. ආධුනික අයට ව‍ගේම guitar play කරන අයටත් වැදගත් වෙන කරුණු මෙතනදි කියවෙයි.

1). Decide the guitar type you want to play.පළවෙනි දේ තමයි තමන්ට ගැලපෙන guitar වර්ගය තෝරගන්න එක.ප්‍රධානම දේ තමයි guitar එක acoustic ද electric ද කියල තීරණය කරන එක.මෙතනදි ඉහත ලිපියට අමතරව මම තව අමතර කාරණා ටිකක් එකතු කරන්නම්.

මේ දෙන්නගේ වෙනස අපි හැමෝම දන්න සරල උදාහරණයකින් මම පෙන්වල දෙන්නම්.අපි හැමෝම වාහන ගැන දන්නවනේ. අපි වාහන ප්‍රධාන වශයෙන් වර්ග කරනවා manual සහ auto කියල.

Manual Auto

හරි..ඒ කියන්නේ මට acoustic guitar එකක් සමාන කරන්න පුලුවන් manual car එකකට. ඒ වගේම electric guitar එකක් සමාන කරන්න පුලුවන් auto gear තියෙන car එකකට. Acoustic guitar එකකින් පුරුදු වෙනව කියන්නේ මුලදි ටිකක් අමාරු වැඩක්.හැබැයි එහෙම පුරුදු වෙන කෙනාට electric guitar එක දෙයක් නැහැ.හැබැයි electric එකකින් පුරුදු වුන කෙනෙක්ට acoustic guitar එකක් හැසිරවීම ටිකක් විතර අමාරුයි. හරියට auto gear වාහන එලවන අයට manual එකක් එලවන්න දුන්න වගේ තමයි. හැබැයි acoustic guitar එකකට වඩා electric guitar එකක effects වැඩියි. ඒ වගේම තමයි මිලෙනුත් අධිකයි.

2).Determine the budget. ගිටාර් එක වෙනුවෙන් තමන්ට කීයක් වැය කරන්න පුලුවන්ද ? මේක ඉතින් ඉතින් තම තමන්ගේ ආර්ථික තත්වය මත තමයි. හැබැයි ආධුනිකයෙක් තමන්ගේ පළවෙනි guitar එක විදියට ඉතා මිල අධික සුපිරි ගිටාරයක් මිලදී ගැනීම නම් අනවශ්‍ය දෙයක්.මොකද guitar එකේ brand එක හොද වුන පමණින් වත් , එහි මිල වැඩිවුන පමණින් වත් අපිට කියන්න බැහැ හොද guitarist කෙනෙක් වෙන්න පුලුවන් කියල. ඒක නිසා practice කරන්න පුලුවන් මට්ටමේ guitar එකක් ගත්තොත් හොදටම ඇති.Second hand එකක් වුනත් හොදට හොයල බලලා ගන්න පුලුවන් නම් වඩාත් හොදයි.දැන් කාලෙ නම් රු:6000-7000 අතර හොද acoustic ගිටාර් එකක් මිලට ගන්න පුලුවන්.

3). Research about guitars. තමන් අදුරන කෙනෙක් guitar එකක් play කරනවනම් එයාගෙන් අහල බලන්න ගිටාර් වල විස්තර.හොද guitar brands මොනවද , හොද guitar shops තියෙන්නේ කොහෙද කියන විස්තර ගැන ටිකක් හොයල බැලුවොත් වඩාත් හොදයි. එක පාරම කඩේකට ගිහිල්ල තමන්ට ලස්සනයි කියල හිතෙන ගිටාර් එක මිලට ගන්න නම් එපා. සමහරුන්ට ගිටාර් එක ලස්සනට තියෙනවනම් වෙන මුකුත් ඕනෙ නැහැ.එහෙම වෙන්නෙ නැතුව දන්න කෙනෙක්ගෙන් අහල බලන්න.

4). Shopping පාරක් දාන්න. මම කිව්ව වගේ ගෙවල් ලගම තියෙන shop එකට ගිහිල්ලා ලස්සනම ගිටාර් එක මිලට ගන්න එපා. Guitar play කරන යාලුවෙක් ඉන්නවනම් එයත් එක්ක කඩවල් කිහිපයකට ගිහිල්ලා මිල ගණන් සසදලා බලන්න. හැමතිස්සෙම මිලට ගන්න කලින් guitar එක play කරන්න. සමහර විට ආධුනිකයෙක්ට ගිටාර් එකක තියෙන අඩුපාඩු නොපෙනෙන්න පුලුවන්.ඒක නිසයි මම කිව්වේ යාලුවෙක්ව එක්කගෙන යන්න කියලා. එයාට අර අඩුපාඩු අහු වෙන්න පුලුවන්.

5). Guitar එකක් check කරන්න කලින් බලන්න guitar එකේ standard tuning තියෙනවද කියලා.කොච්චර හොද guitar එකක් වුනත් tune නැත්තම් මෙලෝ වැඩක් නැහැ.

6).Feel the guitar. Shop එකේ තියෙන ගිටාර් කිහිපයක් අරගෙන play කරල බලන්න. වාඩිවෙලා play කරනවා වගේම හිටගෙනත් play කරල බලන්න. මොකද ගත්තට පස්සේ අයින් කරල දාන්න බැහැනෙ.ඒක නිසා තමන්ගේ අත් වලට, ඇගට දැනෙන ගිටාර් එකක් තෝරගන්න උත්සහ කරන්න.

7).Check for fret buzzes or odd noises in strings.ගිටාර් එකේ වැගත්ම කොටස් තමයි strings සහ fretboard එක කියන කොටස්.සමහර වෙලාවට ගිටාර් එකේ කම්බි fret board එකේ ගෑවෙන නිසා අමිහිරි, ගැලපෙන්නෙ නැති සද්ද ඇතිවෙන්න පුලුවන්.මේවට කියන්නේ fret buzzes කියලා.මේක check කරන්න පුලුවන් පල්ලෙහා image එකේ විදියට ඇගිල්ල තියලා string එක play කරලා.

මේක ගොඩක් වෙලාවට ඇතිවෙන්නේ මහත කම්බි වල. ඒක නිසා 4,5,6 කියන කම්බි ටිකවත් check කරන්න පුලුවන්නම් වඩා හොදයි. එහෙම අවුලක් තියෙනව නම් කඩේට කියන්න ඒක හදල දෙන්න කියලා. මොකද bridge එක කියන කොටසින් මේ වැරැද්ද හදන්න පුලුවන්.එහෙම හදන්න බැරි නම් ඒ ගිටාර් එක මිලදී ගන්න එපා.Bridge එකෙන් කරන්නේ strings සහ fret board එක අතර තියෙන පරතරය වෙනස් කරන එක.ඒක නිසා බොහෝ දුරට මේ වැරැද්ද හදාගන්න පුලුවන්. හැබැයි strings සහ fret board එක අතර තියෙන පරතරය ගොඩක් වැඩි වෙන්නත් හොද නැහැ. එහෙම වුනොත් play කරන්න අමාරු වෙනවා. මොකද අපිට එ‍තකොට ඇගිලි වලින් වැඩි බලයක් යොදන්න වෙන නිසා.

7). Ask for a warranty. Warranty එකට අමතරව තව බලන්න ඕන දේවල් තියෙනවා.හැමතිස්සේම බලන්න ගිටාර් එකේ තියෙන්නේ අලුත් strings ද කියලා. මොකද හුගක් තැන්වල තියෙන්නේ ගිටාර් එකේ මුලින්ම තිබ්බ factory strings ටික. ඒව සමහර විට මලකඩ කාපු තත්වයෙන් බාල කම්බි වෙන්න පුලුවන්.ඒක නිසා එක්කො අලුත් strings set එකක් මිලට ගන්න. අලුත් acoustic strings set එකක් රු:250 කට වගේ මිලට ගන්න පුලුවන්. ඒ ‍වගේම guitar bag එකකුත් මිලට ගන්න පුලුවන්නම් හොදයි.ඒ වගේම තමයි ඔබ ආධුනිකයෙක් නම් guitar tuner එකක් මිලදී ගැනීම ගොඩක් වැදගත් දෙයක්.වැඩිපුර මුදලක් වැයකරන්න පුලුවන් නම් electronic guitar tuner එකකුත් අරගන්න.

මේ කරුණු ටික තමයි පොදුවෙ කියන්න තියෙන්නේ. තව අමතර දෙයක් මේකට එකතු කරන්න තියෙනව නම් සදහන් කරන්න. ඔබේ අදහස් ගොඩක් වටිනවා.Electric guitar එකක් ගන්න කොට නම් මීට වඩා හොයල බලන්න ඕන කරුණු ගොඩක් තියෙනවා. ඒක තව ලිපියකින් පැහැදිලි කරන්න බලාපොරොත්තු වෙනවා. මොකද මම මෑතකදී එවැනි අත්දැකීමයට මුහුණ දුන්න නිසා. අදට මේ ලිපිය මෙතනින් ඉවරකරනවා.ඒ වගේම අවසාන වශයෙන් මට Google කරද්දි හම්බවුන video එකක් මේ ලිපියට ඇතුලත් කරල තියෙනවා. දැනට තියෙන ප්‍රධාන ගිටාර් වර්ග ගැන පොඩි අදහසක් ගන්න මේක වැගත් වේවි. Adioz....

තරු කැටයක් වී රෑ අහසේ දිලෙනා.....ගිටාරයෙන් play කරමු...

noreply@blogger.com (Rajja) — Tue, 4 Jan 2011 10:18:00 +0530

තරු කැටයක් වී රෑ අහසේ දිලෙනා.....කසුන් කල්හාරයන්ගේ පළවෙනි album එකේ තියෙන අපූරු ගීතයක්.සරල නිර්මාණයක් විදියට පෙනුනත් සින්දුවේ සෑහෙන වැඩකෑලි තියෙනවා.අද ඉදිරිපත් කරන්නේ මේ ගීතයට අදාල chords ටික. සිංදුව අහල තියෙන අයට වැටහෙන්න ඇති මේකේ finger picking style එකට තමයි background එකෙන් box guitar එක play වෙන්නේ කියලා.හැබැයි normal strum කරත් අවුලක් නැහැ.‍මේ chords ටික finger picking හරි normal strumming හරි ඕන ක්‍රමයකට play කරන්න පුලුවන්. Chords වල නම් දැක්කට බය වෙන්න එපා.එච්චර අමාරු chords නෙමෙයි ‍තියෙන්නේ.ආධුනිකයෙක්ට ගැටලුවක් එන්නේ F#m chord එක play කරද්දි. Try කරල බලන්න.

Intro

[[ Esus4|E|D5|E ]]- Finger picking

A              E      D          E         A|E|D|E
තරු කැටයක් වී රෑ අහසේ දිලෙනා.......
A           E    D/E                   A|E|D|E
ඔබ එන මග සරසන්නම්...     එළිය වෙලා.......
A                     E    D/E                   A|E|D|E
පිනි දිය වැටෙනා සැන්දෑ........ අහස වෙලා.......
A               E D        E       F#m|F#m|E|D          E    A
ඔබ එනවානම්....මේ තනිකම හැරදා.....................මේ තනිකම හැරදා.....//

Interlude

[[[[ Esus4|E|D5|E ]]]]- Finger picking

F#m        E      D         E
රා..රර..රරරා...රර රා..රර රා.....//
F#m    E D    E
අ..ආආආ..ආආආ..ආ....අඅ..ආ...//

F#m                 E         D/E                     F#m|E|D|E
පිනි දිය වැටෙනා සැන්දෑ......... අහස වෙලා.......
F#m E           D/E        F#m|E|D|E
හිරු අවරේ දිලෙනා........ තරුව වෙලා.......
   A|E|D|E                   A|E|D|E
අදුරේ.................... ජීවිතේ...................
       A|E|D|E A|E|D|E
අදුරේ.................... ජීවිතේ...................//

Instructions

Finger picking tips :-

Finger picking කරන ක්‍රම කීපයක් තියෙනවා. ඒක එක එක්කෙනාට ආ‍වේණිකයි.නමුත් ආධුනිකයෙක්ට වුනත් වාදනය කරන්න පුලුවන් ක්‍රමයක් මේ සින්දුවට අදාලව මම කියල දෙන්නම්.

මේකෙදි කරන්න ඕනෙ සින්දුවේ beat එකට අනුව strings වෙන වෙනම play කරන එක.

Finger picking පුලුවන් අය මේක try කරල බලන්න.

Chord එක අල්ලලා strum කරන්නේ නැතුව මේ රටාවට අනුව strings play කරන්න.‍

[ 5th string -> 2nd string -> 4th string -> 1st string -> 2nd string -> 3rd string ]

Chorus එකේදි වුනත් finger picking style එක use කරන්න පුලුවන්. හැබැයි A සහ D chords වෙනුවට Esus4 සහ D5 කියන chords play කරන්න පුලුවන් නම් වඩා හොදයි.

Esus4 සහ D5 කියන්නේ A major සහ D major කියන chords වලින්ම හැදිච්ච chords දෙකක්. ඒක නිසා A major, D major පුරුදු අයට Esus4 සහ D5 දෙක අලුතෙන් පුහුණු වීම අනවශ්‍ය වේවි.

CHORDS

Esus4 E major

D5 A major

F#m ( F sharp minor)

ලියතඹරා...මුදු කුසුමකි ඈ....ගිටාරයෙන් play කරමු.....

noreply@blogger.com (Rajja) — Mon, 3 Jan 2011 08:30:00 +0530

ලියතඹරා....මුදු කුසුමකි ඈ.....තවුසන්ගේ..... දැහැනේ සම බිදිනා....නෑ ලෝකේ ජීවේ ඇයයි.. ආත්මා ලියනගේ විසින් ගායනා කරන හරිම අපූරු ගීතයක්. අද මම ඔයගොල්ලන්ට ඉදිරිපත් කරන්නේ ලියතඹරා ගීතයේ rhythm වාදනයට යොදාගන්න පුලුවන් chords ටික. Play කරල බලන්න. නියමෙට hit වෙන song එකක්.

F                C
ලියතඹරා....මුදු කුසුමකි ඈ.....
   Bb       Dm
තවුසන්ගේ..... දැහැනේ සම බිදිනා....
C          Am        Dm
නෑ ලෝකේ ජීවේ ඇයයි..
C                  Am Dm
නෑ ලෝකේ ජීවේ ඇයයි..

Dm        Dm7      F          C
මායාව මායාව ලොව රවටනා
Am               C          Bb Dm
සිහිනයකි සිහිනයකි අදුරේ පාවෙනා
Dm          Dm7 F    C
වීනාවේ තත් අතරේ මුදු ස්වරය ඇයමයි
Am        C    Bb           Dm
මා හදට රස ගෙනෙන මදු විත ඇයයි

F                C
ලියතඹරා....මුදු කුසුමකි ඈ.....
   Bb       Dm
තවුසන්ගේ..... දැහැනේ සම බිදිනා....
C          Am        Dm
නෑ ලෝකේ ජීවේ ඇයයි..
C                  Am Dm
නෑ ලෝකේ ජීවේ ඇයයි..

Dm        Dm7         F         C
මිරිගුවකි මිරිගුවකි අප රවටනා
Am       C             Bb    Dm
දුර ඈත සිතිජයකි ඉම නොපෙනෙනා
Dm   Dm7    F              C
නිල් නයන බිගු දැලකි නෙත් සරය සුමුදුයි
Am           C               Bb             Dm
මගේ ජීවේ වැලි කතරේ දිය බිද ඇයයි

F                C
ලියතඹරා....මුදු කුසුමකි ඈ.....
   Bb       Dm
තවුසන්ගේ..... දැහැනේ සම බිදිනා....
C          Am        Dm
[[නෑ ලෝකේ ජීවේ ඇයයි..
C                  Am Dm
නෑ ලෝකේ ජීවේ ඇයයි.. ]]

Guitar chords.........

F C

Bb ( B flat) Dm

Am Dm7 (D minor seventh)

Box ගිටාරය ගැන වැරදි ආකල්ප - Physics වලින් පැහැදිලි කිරීමක්

noreply@blogger.com (Rajja) — Sat, 1 Jan 2011 00:24:00 +0530

අලුත් අවුරුද්දකුත් ලබමින් තිබෙන මොහොතක තමයි අද post එක මම ලියන්නේ. අලුත් අවුරුද්දට දාන පළවෙනි post එක විදියට මම මේ මාතෘකාව තෝර ගත්තේ විශේෂ හේතූන් මත. Box ගිටාරයේ ක්‍රියාකාරීත්වය පිළිබදව ඔයගොල්ලන්ට කියල දෙන එක තමයි මේ post එකේ අරමුණ. යම් කිසි වැරදි අදහසක් තිබ්බ නම් ඒක නැති කරගන්නත් මේ ලිපිය ගොඩක් උදව් වේවි.ඒ වගේම තමයි ඔයගොල්ලන් දන්න කරුණු බෙදා හදා ගන්න කියලත් පාඨක ඔබ සැමට ආරාධනා කර සිටිනවා.

හරි,, දැනට අපි දන්නවා box ගිටාරය කියන්නේ acoustic instrument එකක් කියලා. හැබැයි මතක තියාගන්න electric, semi- acoustic කියලත් ගිටාර් වර්ග තියෙනවා. හැබැයි ඕනම ගිටාරයක එකම මූලධර්මයක් තමයි පාවිච්චි වෙන්නේ. වෙනසකට තියෙන්නේ technology එක දියුණු වෙන කොට ගිටාරයත් ඊට අනුරූපව වෙනස් වුන එක විතරයි.

අපි දන්නවා සාමාන්‍ය ගිටාරයක කම්බි 6ක් තියෙනවා. මේ කම්බි හය එකිනෙකට වෙනස්.ඒක නිසා තමයි strings හයේ sound එක එකිනෙකින් වෙනස් වෙන්නේ.මේක වෙන්නේ කොහොමද?

අපි දැන් physics පොඩ්ඩක් ඉගෙන ගන්නයි යන්නේ.කම්මැලි නම් කියවන්නත් එපා.මම ඉතාම සරලව කෙටියෙන් කියලා දෙන්නම්.මේක තම තමන්ගේ දැනුම පොතට ගොඩක් වටින දෙයක් වේවි.ඒක නිසා කියවන්න.

හරි,,මම කිව්වනේ කම්බි හයක් තියෙනවා කියලා. එතකොට මේ කම්බි හයේ sound එකත් වෙනස්.ඇත්තටම මේ sound එකේ වෙනස අපිට දැනෙන්නේ ඒ ඒ කම්බි වලට අදාල සංඛ්‍යාතයන් (frequency) වෙනස් නිසා. සරලව හිතාගන්න සංඛ්‍යාතය (frequency) කියන්නේ sound එක මොන වගේද කියල තීරණය කරන ගුණයක් කියලා. මේ දවස් වල TV එකේ යන reality shows වල කියන්නේ " ඔයාගේ pitch එක අවුට් යනවා කියලා" ඒ කියක්නෙත් ඔය සංඛ්‍යාතය (frequency)කියන අදහසම තමයි.

දැන් පැහැදිලියි නේ එක string එකක sound එක තීරණය කරන්නේ frequency එක කියලා. එතකොට physics වලදි පැහැදිලි කරනවා ගිටාර් string එකක frequency එක තීරණය වෙන්නේ ප්‍රධාන සාධක තුනක් මත කියලා.

ඒ ටික තමයි;

1). කම්බියේ ආතතිය (Tension) - Tune කරනවා කියල කියන්නේ මෙන්න මේ tension එක වෙනස් කරන එකනෙ. අපි tuners( උඩ image එක බලන්න) කරකවද්දි tension එක වෙනස් වෙනවා. එතකොට තමයි frequency එක වෙනස් වෙලා string එකේ sound එක වෙනස් වෙන්නේ.

2). කම්බිය කම්පනය වෙන දිග (Length) - අපි fret board (finger board) එක මත ඇගිලි තියලා string එකක් play කරන කොටයි , string එකක් open play කරන කොටයි ඇහෙන sound එක වෙනස් වෙන්නේ කම්බිය කම්පනය වෙන දිග අපි ඇගිලි තියෙන තැන අනුව වෙනස් වෙන නිසයි. කම්බියේ කම්පනය සිදු වෙන්නේ අපේ ඇගිලි සහ bridge එක අතර තියෙන කම්බි කොටසේ විතරයි.ඒ දිග තමයි අදාල frequency එක තීරණය කරන්නෙ.කම්බියේ දිග අඩු වෙන කොට frequency එක වැඩිවෙනවා.

3). කම්බියේ ඒකක දිගක ස්කන්ධය (Mass) - සරලවම කියනවනම් හිතන්න කම්බියකින් මීටරයක් දිග කොටසක් අරගෙන ඒකේ බර මැන්නා කියලා.අන්න ඒක තමයි ඒකක දිගක ස්කන්ධය කියන්නේ. එතකොට මේක කොහොමද ගිටාරයට බලපාන්නේ. ඇයි බලන්න ගිටාර් එකක කම්බි හයම එක වගේ නෙමෙයි නේද.ඒවායේ ඝනකම එකිනෙකට වෙනස්. ඔය ඒකක දිගක ස්කන්ධය කියන එක වැඩි වෙන කොට frequency එක අඩු වෙනවා. ඒක නිසා තමයි 5 සහ 6 කම්බි (මහතම කම්බි දෙක) වලින් base sound එකක් එන්නෙ.

ඉතින් ඔය කරුණු තමයි Box ගිටාර් එකක sound එක තීරණය කරන සාධක විදියට ප්‍රධාන වශයෙන් ගන්න පුලුවන්.

හරි,,ඊළගට අපි බලමු Box guitar එකක box එකෙන් කෙරෙන කාර්යය මොකක්ද කියලා. මොකද වැරදි මතයක් තියෙනවා ගිටාර් එක play කරන කොට strings වල sound එක එන්නේ box එක හදලා තියෙන ලීය කම්පනය වෙලා කියලා.ඇත්තටම ඒ කම්පනය නම් අපිට ඇහෙන්නේ නැහැ. මොකද ලීය කම්පනය වෙලා එන sound එක අහන්න ඕනේ නම් box එකට අතින් තට්ටු කරන්න ඕනෙ. අන්න එතකොට ඇහෙන sound එක නම් ලීය කම්පනය වෙලා එන sound එක කියල කියන්න පුලුවන්. එහෙනම් ඇත්තටම මොකක්ද වෙන්නෙ ? ඇත්තටම මේක සිද්ධ වෙන්නේ box එක ඇතුලේ හිරවෙලා තියෙන වාතය කම්පනය වෙන නිසා.මේක නිසා තමයි electric guitars, amp එකකට සෙට් කරන්නේ නැතුව අපිට sound එක ලබා ගන්න බැරි.හේතුව පැහැදිලියි නේ.Electric guitars වල මේ වගේ වාතය හිර කරපු box එකක් නැති වීම නිසයි එහෙම වෙන්නේ..බොහොම සරලයි.:-)

සංගීතයේ එන ස්වර පිහිටලා තියෙන්නෙත් සංඛ්‍යාතය (frequency) යන සාධකයට අනුවයි. අපි සංඛ්‍යාතය මනින්නේ Hz (හර්ට්ස්) කියන ඒකකයෙන්. උදාහරණයක් වශයෙන් මධය "ස" ස්වරයේ(C) සංඛ්‍යාතය (frequency) 256 Hz වෙනවා. ඒ වගේම තමයි "රි" ස්වරය(D) 294 Hz වගේ වෙනවා. ගිටාර් එකේ වුනත් මේ ස්වර අපිට play කරන්න පුලුවන්. C major scale එක play කරද්දි උඩ සදහන් කරපු සංඛ්‍යාත ටික play වෙනවා.

අවසාන වශයෙන් තව කරුණක් කියන්නම්. ටිකක් හිතල බලන්න මෙන්න මේ විදියට. හිතන්න අපි මධ්‍ය "ස" (C)ස්වරය ගිටාරයෙන්, වයලීනයෙන් සහ පියානෝවනකින් play කරනවා කියලා. ඒ කියන්නේ අපිට ඇහෙන්නේ එකම සංඛ්‍යාතයෙන්(256 Hz) එන sound එකක්.ඒ වුනාට අපිට ඒ ශබ්ද තුන වෙන වෙනම වෙන් කරල හදුනගන්න පුලුවන් මේක වයලින් එක, මේක ගිටාර් එක , මේක පියානො එක කියලා.මේක සිද්ධ වෙන්නෙ කොහොමද? හේතුව තමයි වෙන වෙනස් සංගීත උපකරණ වලින් ඇතිවෙන තරංග වල හැඩය එකිනෙකට වෙනස් වෙන නිසා. ඒක නිසා එකම ස්වරය play කලත් මිනිස් කනට ඒ වෙනස අදුරගන්න පුලුවන්.

හොදයි,,අලුත් අවුරුද්දත් ලැබුවා. සෑම සියලු දෙනාටම සුභ අලුත් අවුරුද්දක් වේවා කියල ප්‍රාර්ථනා කරනවා. මම හිතනවා මේ post එකෙන් ඔයාලා යම් කිසි දැනුමක් ලබා ගන්න ඇති කියලා.ඒ වගේම මෙතනදි නොකියවුනු ඔයාලා දන්න තව කරුණු තියෙනවනම් සදහන් කරන්න.Happy New Year.Adioz.....

Guitar එක tune නැද්ද?? Online TUNE කර ගන්න............

noreply@blogger.com (Rajja) — Mon, 27 Dec 2010 12:18:00 +0530

හුගක් අයට තියෙන ප්‍රශ්ණයක් තමයි ගිටාර් එක ටියුන් කරගන්න එක. Electronic tuner එකක් තියෙනවනම් ඒක වැඩිය අමාරු වැඩක් නෙමෙයි. හැබැයි හැමෝටම tuner එකක් ගන්න බැරි වෙන්න පුලුවන්. ඒක නිසා online tuners ටිකක් හොයල දෙන්න ඕන කියලා මට හිතුනා. Ear එකෙන් tune කරන්න ගියත් standard tuning වලට ඕන කරන tones ටික හොයා ගන්න එකත් ටිකක් අමාරු වැඩක්. එක්කො තව ටියුන් වෙච්ච ගිටාර් එකක් ඕනෙ එහෙම නැත්නම් keyboard එකක් වගේ තව instrument එකක් ඕනෙ. ඔය ප්‍රශ්ණෙට විසදුමක් විදියට තමයි online guitar tuners තියෙන්නේ. මේ ටික මම net එකෙන් හොයා ගත්තේ. හිතනවා ඔයගොල්ලන්ට ප්‍රයෝජනවත් වෙයි කියලා.

මේ හැම එකක්ම තියෙන්නේ open strings ටියුනින් වලට හරි යන විදියට. ඒ කිව්වේ fret board එක මත ඇගිලි තියන්නේ නැතුව string එක play කරන්න ඕනෙ. ටියුන් කරන්න කලින් strings හයම බුරුල් කරන්න. මහතම කම්බියෙ ඉදන් පිලිවෙලට සිහින්ම කම්බිය වෙනකන් ටියුන් කරන එක තමයි වඩා පහසු.

අදාල web site එකට යන්න image එක උඩ click කරන්න.

සාර්ථක ප්‍රතිඵල ලැබුනා නම් මෙහි සටහන් කරන්න. GOOD LUCK.....:-))))

6 වෙනි Guitar කුප්පිය- Major guitar scales ඉගෙන ගනිමු......Contd.

noreply@blogger.com (Rajja) — Sun, 26 Dec 2010 12:06:00 +0530

මේ කුප්පිය මගේ 5 වෙනි ගිටාර් කුප්පිය හා සම්බන්ධයි. ඒක නිසා මුලින්ම මෙතනින් 5 වෙනි කුප්පියට ගිහිල්ල ආවොත් හොදයි.සුළැගිල්ල හුරු නැති අයට අද කුප්පිය ගොඩක් වැදගත් වේවි. හේතුව තමයි G major scale එකේදි එක note එකක සුළැගිල්ල පාවිච්චි වෙන නිසා.

හරි,,, දැනට අපි C major scale එක ගැනනෙ ඉගෙන ගනිමින්නේ හිටියේ. මම හිතනවා කුප්පි එක්ක සම්බන්ධ වෙන අය C major scale එක practice කරන්න ඇති කියලා. මම කලින් කිව්වා වගේ scales පුරුදු වෙනවා කියන්නේ අභ්‍යාසයක් වගේම,, ගිටාර් එකේ structure එක අදුනගන්නත් වැදගත් වෙනවා. ඒක නිසා ඕනම guitarist කෙනෙක්ට scales පුරුදු වෙන එක මම දකින විදියට අත්‍යවශ්‍ය කාරණයක්.

එහෙනම් අපි G major scale එකට අදාල notes ටික බලල ඉමු. මම කලින් කිව්ව වගේම G major scale

එකෙත් play වෙන්නේ "ස,රි,ග,ම,ප,ධ,නි,ස" කියන notes අටම තමයි. හැබැයි වෙනම pitch එකක තමයි play වෙන්නෙ. එහෙනම් පල්ලෙහා images බලන්න.

1st note :-

2nd note :-

3rd note :-

4th note :-

5th note :-

6th note :-

7th note :-

8th note :-

හරි,, ඔය ටික තමයි G major scale එකට අදාල notes ටික. මේකත් කලින් කියපු C major scale එකට වගේ practice කරන්න. ඒ වගේම තමයි සුළැගිල්ල හුරු නැති අයට මේක හොද exercise එකක්.මොකද මේකෙදි 7 වෙනි note එකේදි සුළැගිල්ල පාවිච්චි කරන්න වෙනවා. ඒ වගේම තමයි මේ scale එකේදි අපේ දබර ඇගිල්ල පාවිච්චි වෙන්නෙ නැහැ. ඒක නිසා රූප සටහනට අදාල විදියට පමණක් ඇගිලි භාවිතා කරොත් මේ exercise එකෙන් බලාපො‍රොත්තු වෙන ප්‍රතිඵල ලැබෙන්නේ.

Scales දෙකම පුරුදු වුනාම තමන්ටම තේරෙයි scales කොච්චර වැදගත් ද කියලා. මේ scales දෙක වුනත් හොදටම ඇති තමන්ගේ හුරු නැති ඇගිලි හුරු කර ගන්න. ඒක නිසා නොකඩවා practice කරනව නම් වඩාත් හොදයි. එහෙනම් කුප්පිය මෙතනින් ඉවර කරනවා. ප්‍රශ්න තියනව නම් අහන්න.:-)Adioz.......

5 වෙනි Guitar කුප්පිය- Major guitar scales ඉගෙන ගනිමු........

noreply@blogger.com (Rajja) — Sat, 25 Dec 2010 16:31:00 +0530

අද කුප්පිය ඕනම guitarist කෙනෙක්ට වැදගත් වෙන එකක්. මොකද guitar scales කියන්නේ fret board එකට හුරුවෙන්න තියෙන පහසුම ක්‍රමයක්. ඒක නිසා rhythm guitarist කෙනෙක් වේවා,,lead guitarist කෙනෙක් වේවා,, කවුරු වුනත් guitar scales ගැන දැනගන්න එක ගොඩක් වැදගත්. මොකද මමත් scales play කරන්න ඉගෙන ගත්තේ guitar එක play කරන්න පටන් අරන් අවුරුදු හයකට විතරට පස්සේ.:-)

මෙහෙමයි,,ඇත්තටම scales play කරන එක එක්තරා ආකාරයකට අභ්‍යාසයක් විදියටත් නම් කරන්න පුලුවන්. හේතුව තමයි scales ප්‍රගුණ කිරීමෙන් අපිට වම් අතේ ඇගිලි( දකුණත් වාදකයන්ට) හුරු කර ගැනීමට හැකියාව ලැබෙනවා. වි‍ශේෂයෙන්ම අපේ සුළැගිල්ල හුරු කර ගන්න සමහර scales ගොඩක් උපකාරි වෙනවා.සුළැගිල්ල හුරු නැති වීම ගොඩක් අයට ප්‍රශ්ණයක්නෙ.උදාහරණයක් විදියට G major scale එක නම් කරන්න පුලුවන්.

එහෙනම් මම කිව්වා වගේම C major scale එකෙන්ම වැඩේ පටන් ගමු. මොකද C major scale එක ගොඩක් අයට අහල පුරුදු එකක්. Guitar එකෙන් play කරද්දි තම තමන්ට හදුනගන්න පුලුවන්. සරලව කියනවනම් අපේ කනට පුරුදු "ස,රි,ග,ම,ප,ධ,නි,ස" C major scale එකේ play කරන එක තමයි මේකේදි වෙන්නෙ. දැන් බලනව ඇති මොකක්ද මේ C major scale එකේ play කරනවා කියන්නේ කියලා. ඒකේ අදහස තමයි අපිට වෙන scale එකක වුනත් "ස,රි,ග,ම,ප,ධ,නි,ස" play කරන්න පුලුවන්. හැබැයි sound එක වෙනස්. Music කරල තියෙන අය නම් දන්නවත් ඇති. Music කලේ නැති වුනාට අවුලක් නැහැ. මොකද මමත් music කරල නැහැ. චිත්‍ර තමයි O/L වලට කලේ.:-D Guitar එකෙන් වෙන වෙනස් scales play කරද්දි ඉබේටම වෙනස තේරෙනවා.;-)

Scales play කරන්න කලින් දැනගන්න සහ කරන්න ඕන දේවල් ටිකක් තියෙනවා. මුලින්ම basics ටිකක් දැනගන්න එපැයි. මගේ 1වෙනි, 2 වෙනි සහ 3 වෙනි කුප්පි වලට ගියොත් basics ටික හදාගන්න පුලුවන්.ඒක නිසා අලුතෙන් සම්බන්ධ වෙන අය පල්ලෙහා තියෙන කුප්පි ටික ගොඩදාගෙන ආවොත් වඩාත් පහසු වේවි.

1 වෙනි ගිටාර් කුප්පිය 2 වෙනි ගිටාර් කුප්පිය 3 වෙනි ගිටාර් කුප්පිය

මුලිකම දේ තමයි ගිටාර් එක tune වෙලා තියෙන්න ඕනෙ. නැත්තම් scale එකට අදාල sound එක එන එකක් නැහැ. ඒක නිසා මුලින්ම බලන්න ගිටාර් එක tune ද කියලා. නැත්තම් මෙතනට ගිහින් tune කරගෙන එන්න.

එහෙනම්, අපි පළවෙනි scale එක play කරමු. ඒ කියන්නේ C major scale එක. C major scale එකේ සරලම ආකාරය තමයි අපි මුලින්ම ඉගෙන ගන්න ය‍න්නේ. මේකේදි notes 8ක් play වෙනවා. ඒ කිව්වේ මම කලින් කිව්ව වගේ "ස,රි,ග,ම,ප,ධ,නි,ස" කියන notes අට. පල්ලෙහා images බලන්න....

C Major Scale

1st note :- ඇගිලි වලට අදාල අංක මතන ඇතිනේ. 1st note එකේදී වෙදැගිල්‍ලෙන්( ring finger)න තමයි note එක අල්ලන්න ඕනෙ.

2nd note :-

මෙතනදි පොඩ්ඩක් කියල දෙන්න ඕනෙ. 2 වෙනි note එකේදී අපි fret board එක මත ඇගිලි තියන්නේ නැහැ. මේකෙදි වෙන්නේ ගිටාර් එකේ 4වෙනි string එක open play කරන එක.ඒක නිසා තමයි උඩ image එකේ 4 වෙනි string එකට උඩින් "O" අකුර(open) තියෙන්නේ.මම හිතන්නේ ඒක හැමෝටම තේරෙනවා ඇති.:-)

3rd note :-

4th note :-

5th note :-

6th note :-

7th note :-

8th note :-

හරි. මේ ටික තමයි C major scale එකට අදාල notes ටික.මේ රටාව repeat කරන්න. එතකොට මේ scale එකේදී ඇගිලි 3ක් පාවිච්චි වෙනවා.ඒ කියන්නේ 1,2,3 කියන ඇගිලි. මේකෙදි සුළැගිල්ල පාවිච්චි වෙන්නේ නැහැනෙ. ඒකට G major scale එක පුරුදු වුනාම හරි. මුලින්ම C major scale එක practice කරන්න. මතක තියාගන්න images වල තියෙන අංක වලට අදාල ඇගිලි විතරක් පාවිච්චි කරන්න. නැත්තම් මේකෙ ඇගිලි හුරු කර ගැනීමේ අභ්‍යාසයෙන් වැඩක් නැති වෙනවා.

මේක practice කරන්නෙ මෙහෙමයි. Notes 8 නැවත නැවත play කරන්න ඕනෙ.මුලින්ම fret board එක මත ඇගිලි තියන රටාව පුරුදු වෙන්න. ඔබ ආධුනිකයෙක් නම් ඒ ක්‍රමය ඔබට පහසු වේවි. ඊට පස්සේ note එක play කරන්න. දෙකම එක් පාර කරන එක මුලදි අමාරු වේවි.මතක තියාගන්න මුලින් හිමින් play කරල රටාව පුරුදු වෙන්න.පස්සේ speed එක වැඩි කරන්න." No pain, No gain" කියල කතාවක් තියෙනවා නෙ. මේක එක දවසෙන් කරන්න බැරි වෙන්න පුලුවන්. ඒක නිසා ටික දවසක් යනකල් practice කරන්න වේවි. එක දවසකට අවම වශයෙන් පැය භාගයක්වත් play කලොත් නම් හොදයි.

Post එක දිග වැඩි වෙන නිසා මම G major scale එක ඊළග post එකේදි පැහැදිලි කරන්නම්. මොකද ඒක රූප සටහන් සමග පැහැදිලි කිරීම වඩා පහසු වෙන නිසා. ‍C major scale එක හුරු වුනාම අපිට ඒ scale එකට අදාල solo parts play කරන්න පුලුවන්. අපි හැමෝම පුංචි කාලෙ කියපු " twinkle twinkle little star" ගීතය C major scale එකේ Play කරන්න පුලුවන්. ඒක ඊළග post එකේ දාන්නම්.කැමති නම් උත්සහ කරල බලන්න. දැන් නම් හෆොයි කියලත් හිතෙනවා ඇති. Scales ඉගෙන ගන්නේ ළමා ගීත play කරන්නද කියල හිතෙනවා ඇති. ඒත් හිතන්න කීයෙන් කී දෙනාට‍ද ඕක හරි play කරන්න පුලුවන්. සරල දෙයක් ඔස්සේ තමයි අපි basics පුරුදු වෙන්න ඕනෙ.එහෙනම් කුප්පිය ඉවර කරනවා..Adioz..........

4 වෙනි Guitar කුප්පිය- RHYTHM Guitaristලට ආරම්භයක්........

noreply@blogger.com (Rajja) — Fri, 17 Dec 2010 00:57:00 +0530

හරි..අපි මුලින්ම බලමු Rhythm guitarist කෙනෙක් කියන්නෙ කවුද කියලා. Rhythm play කරන අය නම් දන්නවා ඇති,,,,Rhythm වාදනය කිරීම ඇත්තටම පසුබිම් වාදනයකට සමාන කරන්න පුලුවන්.ඒකෙදි සිද්ධ වෙන්නේ ගායනයට සහ ගීතයට අදාල chords ගිටාරය මගින් වාදනය කිරීමයි. Keyboard(organ) player කෙනෙක්ට වුනත් මේ chords play කරන්න පුලුවන්.නමුත් ගිටාරයකින් play කරද්දි ඒක ගීතයට අමුතු ගතියක් එක්කරනවා. ඇත්තටම box ගිටාර් එකකින් rhythm play කිරීම වඩාත් උචිත වෙන්නෙ acoustic play කරද්දි.ඒ කිව්වේ electronic instruments නැතුව play කරන අවස්ථා වලදි.නමුත් එහෙම සීමා කිරීමක් නම් නැහැ.මගේ අදහසක් ප්‍රකාශ කලේ.එහෙනම් කුප්පිය පටන් ගමු...

අපි මුලින්ම බලමු basic guitar chords මොනවද කියලා.වෙන වෙනස් ගිටාර් chords ඉතා විශාල ප්‍රමාණයක් ලෝකයේ භාවිතා වෙනවා. Major chords, minor chords, seventh(7th) chords, sustained chords .... ඒ අතරින් ප්‍රසිද්ධ වර්ග කිහිපයක්. මේ හැම එකක්ම වෙන වෙනම ප්‍රගුණ කරන එක තමයි වඩා උචිත. ඒක නිසා අපි ආරම්භයක් විදියට major chords
ගැන පොඩ්ඩක් හදාරමු.පොඩ්ඩක් කිව්වට සම්පූර්ණයෙන්ම හදාරන්න වෙනවා. Major chords නැතුව මොන rhythm ද...

මේ විදියට guitar chord එකක් නිරූපණය කරනව නම්,,ඒක major chord එකක් විදියට අපි play කරන්න ඕනෙ.උදාහරණයක් විදිහට පල්ලෙහා image එක බලන්න.

'Em', 'Bm' කියල සදහන් වෙන්නෙ minor chord එකක් play කරන්න ඕනෙ කියලයි. ඒ ‍වගේම තමයි 'G7' කියන්නෙ7th chord එකක් play කරන්න ඕනෙ කියලයි.අනෙක් හැම වෙලාවෙම play කරන්නෙ major chords.හරි මම ඒ පැහැදිලි කරල දුන්නෙ major chord එකක් අදුරගන්න ආකාරය.

ඊලගට තියෙන්නෙ, major chords ‍කීයද?,, ඒ මොනවද? කියල හදාරන එකයි. rhythm play කරද්දි major chords හතක් පාවිච්චි කරනවා. ඒ තමයි ප්‍රධාන ස්වර හත. C, D, E, F, G, A, B. Keyboard එකක් play කරල තියෙන අය දන්නවා ඇති වෙනස් chords play කරන කොට ඇගිලි හසුරවන ආකාරයත්,,තබන ස්ථානයත් chord එකෙන් chord එකට මාරු වෙනවා. ඉතින් ගිටාරයෙත් ඒ වගේම තමා.ප්‍රශ්ණෙකට තියෙන්නෙ keyboard එකක chords අල්ලන එක ලේසි,,guitar එකක chords අල්ලන එක ටිකක් අමාරුයි. හැබැයි පුරුදු වුනාම නම් කෝකත් එකයි. :-D

එහෙනම් පල්ලෙහා images ටික බලන්න. major chords හතම පිළිවෙලට පෙන්නල තියෙනවා.

C major

D major

E major

F major

G major

A major

B major

හරි,,දැන් එහෙනම් කරන්න තියෙන්නෙ මේ chords ටික practice කරන එකයි.ඒකටත් උපදෙස් දෙන්නම්. මෙහෙමයි. සමහර chords play කරද්දි අපි ගිටාර් එකේ කම්බි හයම වාදනය කරන්නේ නැහැ. සමහර කම්බි අපි play කරන්නෙ නැහැ.උදාහරණයක් විදියට D major chord එක play කරන කොට අපි පාවිච්චි කරන්නේ 1,2,3 සහ 4 කම්බි විතරයි. ඒ වෙලාවට අනෙක් කම්බි දෙක (5 සහ 6) play කරන්නෙ නැහැ. නමුත් ඔබ ආධුනිකයෙක් නම් මුලින්ම කරන්න ඕනෙ අදාල ගිටාර් chord එක practice කරන එකයි. ඒක නිසා පළවෙනි කුප්පියෙන් මම ඒ දේවල් බලාපොරොත්තු වෙන්නෙ නැහැ. ඔයගොල්ලන් කරන්න ඕනේ මේ chords වලට හුරු වෙන එක.ඒක නිසා කැමති නම් ගිටාර් chord එක අල්ලන ගමන් කම්බි හයම වුනත් play කරන්න.Chord එකට හුරුවුනාට පස්සෙ ඒ වැරදි හදාගන්න පුලුවන්.පල්ලෙහා image එකත් වැදගත් වෙයි මම හිතන්නෙ වම් අතින් chords අල්ලන අයට...

              මේක කියන තරම් නම් ලේසි නැති වෙන්න පුලුවන්. නමුත් පුහුණු වීම තමයි අවශ්‍ය. අවශ්‍ය නම් You tube එකේ තියෙන video tutorials වුනත් උපකාරී කර ගන්න. අලුතෙන් එකතු වෙන අය ඉන්නව නම් කලින් කුප්පි ටික බලල එන එක වඩා හොදයි. පළවෙනි කුප්පිය , දෙවෙනි කුප්පිය .

              හරි එහෙනම්..අදට කුප්පිය ඉවර කරන්නයි යන්නෙ. කුප්පියේ අඩුපාඩු, නොතේරෙන තැන් තියෙනවනම් සදහන් කරන්න. ඒ වගේම අදහසක් තියෙනවා,,මගේම කියලා video lessons මාලාවක් පටන් ගන්න. හැබැයි ටික කාලයක් ගත වෙයි වැඩේට. මම හිතනවා එහෙම කලොත් මේ වැඩේ ගොඩක් effective වෙයි කියල. ඒ ගැනත් අදහස් පල කරන්න.....Adiozzz............

ගිටාර් කුප්පි නැවතත්.....:-))))))

noreply@blogger.com (Rajja) — Tue, 14 Dec 2010 23:39:00 +0530

සෑහෙන කාලෙකට පස්සේ,,,නැවතත් බ්ලොග් එක පටන් ගන්න ඕනෙ කියලා හිතුනා. ටික කාලයකට මුකුත් ලියන්න බැරි වුන එක ගැන මම කණගාටු වෙනවා.ගිටාර් කුප්පි දාන වැඩෙත් අතරමග නතර වුනේ campus එකේ academic වැඩ නිසා.නවත්තපු තැන ඉදන් ආයෙත් පටන් ගන්න තමයි අදහස.හැබැයි,,මෙච්චර කාලයක් දාපු කුප්පි වලින් යම් පිරිසක් ප්‍රයෝජන අරගෙන තියෙනවා(comments බැලුවම මට තේරුම් ගියා).ඒක ගැන මට ඇත්තටම සතුටුයි.කලින් සම්බන්ධ වුන අයටයි,,අලුත් පාඨකයින්ටයි හැමෝටම ආරාධනා කරනවා කුප්පි වලට සෙට් වෙන්න කියල.ඉස්සරහට අලුත්ම ලිපි මාලාවක් සමගින් ඔබව හමු වෙන්නම්.ADIOS......

මේ දවස් වල Campuz එකේ exam.......:((((((((

noreply@blogger.com (Rajja) — Thu, 15 Jul 2010 22:33:00 +0530

අද නම් ලෑස්ති වෙන්නෙ කුප්පියක් දාන්න නෙමෙයි.මේ දවස් වල campz එකේ exam.ඒක නිසා බ්ලොග් එකේ වැඩේ පොඩ්ඩක් අතපසු වෙලා තියෙන්නෙ.ඒ ගැන හැමෝගෙන්ම සමාව ඉල්ලන්න ඕනෙ.වෙලාව ලැබෙන විදියට අලුත් ලිපි ලියන්න උත්සහ කරනවා.බ්ලොග් එකත් එක්ක දිගටම රැදිලා ඉන්න.:))))))))))))))

3වෙනි Guitar කුප්පිය - LEAD Guitaristලට ආරම්භයක්...........

noreply@blogger.com (Rajja) — Sun, 4 Jul 2010 00:10:00 +0530

අද කුප්පියෙන් බලාපොරොත්තු වෙන්නෙ lead guitarist කෙනෙක් වෙන්න ආස අයට අවශ්‍ය අභ්‍යාස ටිකක් කියල දෙන්න. ඒ වුනාට මේක ඕනෑම guitarist කෙනෙක්ට වැදගත් වෙන ලිපියක් වෙයි. මොකද කියනවනම් fret board එක මත ඇගිලි මනාව හැසිරවීමට මේ අභ්‍යාස උපකාරී වෙන නිසා.දීල තියෙන අභ්‍යාස එකින් එක practice කරන්න.මුලින් අඩු වේගයකින් පටන් අරගෙන පස්සේ speed එක වැඩි කරන්න.දවසකට අවම වශයෙන් පැයක් දෙකක් වත් practice කරන්න වෙයි.එහෙම නැතුව නම් මේ කලාව ඉගෙන ගන්න අමාරුයි.ඒක නිසා මහන්සි වෙලා practice කරලා මේ බ්ලොග් එකෙන් උපරිම ප්‍රයෝජනය අර ගන්න.....

හරි.මම කලින් ලිපියකදී ආරම්භයක් විදියට පුංචි අභ්‍යාසයක් දුන්නා.ඒක හැමෝම කරන්න ඇති කියල හිතනවා.ඒක කියවපු නැති කට්ටිය මෙතනින් ඒක කියවන්න.අද ඒ සරල අභ්‍යාසය තව දුරටත් වැඩි දියුණු කරල පුරුදු වෙමු.

මේක තමයි අභ්‍යාසය.කට්ටිය කලබල වෙන්න එපා.‍අමාරුයි වගෙ පෙනුනට මේක සරලයි.කලින් අභ්‍යාසයේ වගේ 6වෙනි string එකෙන් පටන් ගන්න(1-->2-->3-->4).ඊට පස්සේ ඒ ඇගිලි හසුරවපු ආකාරයටම 5වෙනි string එකෙ දෙවෙනි fret එකේ ඉදලා පටන් ගන්න.ඊට පස්සේ 4වෙනි string එකෙ තුන්වෙනි fret එකෙන් පටන් ගන්න.මේ විදියට 1වෙනි string එකත් ඉවර කරන්න.ඊට පස්සෙ තමයි ටිකක්

අමාරු.දැන් ආපස්සට යන්න ඕනෙ.හැබැයි ඇගිලි හසුරවන විදිය වෙනස්.ඒ කියන්නෙ 4-->3-->2-->1 ආකාරයට තමයි ආපස්සට යද්දි ඇගිලි හසුරවන්න ඕනෙ.මේ විදියට දිගටම කරන්න.

මතක තියාගන්න.ආරම්භයේදි ඉතා සෙමින් පටන් ගන්න.පස්සේ speed එක වැඩි කරන්න.ටිකක් ඉවසීමෙන් කරන්න ඕනෙ වැඩක් කියල තේරෙනවා ඇතිනෙ.....:)))

ආහ්....තව දෙයක්....පල්ලෙහා සදහන් කරන දේත් අමතන කරන්න එපා.ඒක ඔබට පහසුවක් වේවි...

වම් අතේ ඇගිලි fret board එක මත හැසිරවීම පහසු කරගන්න නම් පහත අයුරින් guitar neck එක අල්ලන්න ඕනෙ.

මේ විදියට අල්ලන්න එපා.එතකොට ඇගිලි හසුරවන්න ටිකක් අමාරුයි.

2)
මේ අභ්‍යාස‍යත් සරල එකක්.පලවෙනි පියවර තමයි මේ image එකෙන් පෙන්නන්නෙ...

මේකෙදි මුලින්ම 1වෙනි string එකෙන් පටන් ගන්න.මෙහිදී (දකුණත් වාදකයෙක්ට නම්) 4වෙනි ඇගිල්ල භාවිතා වෙන්නෙ නැහැ.ඇගිලි හසුරවන්න ඕනෙ 1-->2-->3-->3 යන ආකාරයට.එනම් 3වෙනි ඇගිල්ලෙන් string එක අල්ලලා දෙපාරක් play කරන්න ඕනෙ..

දැන් පල්ලෙහා image එක බලන්න...

මේ තියෙන්නෙ ඊළග පියවර.කට්ටියට තේරෙනව ඇතිනෙ වැඩේ වෙන්නෙ කොහොමද කියලා.ඔය විදියට 1වෙනි string එකෙ පල්ලෙහාට වෙනකන් play කරන්න.ඊට පස්සේ ඒ විදියටම 2වෙනි string එකත් play කරන්න.ඔය විදියට strings හයම play කරන්න.මේක හුරු වුනාම ගොඩක් දුරට අපිට fret board එක හුරුවෙනවා.මේකෙදිත් කියන්න ඕනෙ මුලින් හිමීට පටන් අරන් පස්සෙ speed එක වැඩි කරන්න.

දැන් තේරෙනවා ඇති ඇගිලි හුරුකර ගැනීමේ අභ්‍යාස කොහොමද පුරුදු වෙන්නේ කියලා.මේ අභ්‍යාස ටික ප්‍රගුණ කරාම ඕගොල්ලන්ටත් පුලුවන් රටාවකට අනුව තමන්ටම කියලා අභ්‍යාස ටිකක් හදාගන්න.මතක තියාගන්න.රටාවක් තියෙන්න ඕනෙ.නිකං එහෙ මෙහෙ ඇගිලි හසුරවලා වැඩක් නැහැ.රටාවකට අනුව play කරන්න පුලුවන් අභ්‍යාස ටිකක් හදාගන්න.

ඒ වගේම තමයි,, ආධුනිකයෙක්ට මුලින්ම මේ අභ්‍යාස කරද්දි නිතරම fret board එක දිහා බලාගෙන ඉන්න වෙනවා.ඒක මුලදි අවුලක් නැහැ.නමුත් ඔබ පරිනත වෙද්දි හැකි තරම් fret board එක දිහා නොබලා play කරන්න උත්සහ කරන්න.එවිට ඔබට ආත්ම විශ්වාසයෙන් ගිටාරය play කරන්න හැකියාව ලැබේවි.

හොදයි...අදට කුප්පිය මෙතනින් නවත්තනවා.යන්න කලින් ඊළග කුප්පිය ගැන සටහනක් තබන්න කැමතියි.ඊලගට මම බලාපොරොත්තු වෙන්නෙ rhythm guitarist ලට ප්‍රයෝජනවත් කුප්පියක් දාන්න.විශේෂයෙන් ආධුනිකයෙක් කොහොමද chords අල්ලන්න පටන් ගත යුත්තෙ කියන කාරණාව ගැන බොහෝ දුරට සදහන් වෙයි.දිගටම බ්ලොගයත් එක්ක රැදිලා ඉන්න.ADIOZ..............

මල් පිට මල් සිංදුව ගිටාරයෙන් play කරමු............

noreply@blogger.com (Rajja) — Sat, 3 Jul 2010 08:57:00 +0530

     මල් පිට මල් හැලෙන දිගු මාවතේ...... තවත් මැක්සා සිංදුවක්.ගායනා කරන්නෙ අමල් පෙරේරා.Classical ගිටාර‍ය එකතු වීම නිසා මේ සිංදුවේ අපූර්වත්වය තවත් ඉහල ගියා.Video එක paly වෙන්න දාලා chords ටික paly කරල බලන්න....

Chords for violin part
E...F7...E...Am...

Am              G                F         E
මල් පිට මල් සැලෙන දිගු මාවතේ...
Am G    F    G
පිය මත පිය තබමින් හිනැහෙන ඔබේ...
C               G               Dm          Am
ඉගි නළුවට වශී වී...හි... හී....හි හි හී........
Am    G F E
අත්තල නගයි තුරුපත් පවා....ආ.......//

F                      G                Am
දිය පිට දිය රැලි නගන ගං දියේ...යේ..යේ....
   F    G    Am
සැඩ රල මතින් ඔරුවක නැගී.......
Dm                          E
එතෙරට යනු දැක ඔබයි මමයි......
F    G    Am
සැඩ නල පවා හමන හැටි පුදුමයි.....
F G    Am E
සැඩ නල පවා හමන හැටි පුදුමයි.....

Am              G                F         E
මල් පිට මල් සැලෙන දිගු මාවතේ...
Am G    F    G
පිය මත පිය තබමින් හිනැහෙන ඔබේ...
C               G               Dm          Am
ඉගි නළුවට වශී වී...හි... හී....හි හි හී........
Am    G F E
අත්තල නගයි තුරුපත් පවා....ආ.......//

F                  G                   Am
වැහි පිට වැහි වැටෙන රාත්‍රියේ...යේ..යේ....
   F G    Am
උණුහුම් වෙමින් තුරුලට වෙලී........
    Dm E
මුදු රස විදින සද ඔබයි මමයි......
F G    Am
හිරිකඩ පවා දැනෙන හැටි පුදුමයි......
    F           G                  Am           E
හිරිකඩ පවා දැනෙන හැටි පුදුමයි......

Am              G                F         E
මල් පිට මල් සැලෙන දිගු මාවතේ...
Am G    F    G
පිය මත පිය තබමින් හිනැහෙන ඔබේ...
C               G               Dm          Am
ඉගි නළුවට වශී වී...හි... හී....හි හි හී........
Am    G F E
අත්තල නගයි තුරුපත් පවා....ආ.......//

Guitar chords...........

Am

Taare Zameen Par film එකෙ "MAA" සිංදුව ගිටාරයෙන් play කරමු.......

noreply@blogger.com (Rajja) — Sat, 3 Jul 2010 00:22:00 +0530

"Taare Zameen Par" ලෝකය පුරා අතිශය ජනප්‍රිය වුන film එකක්.මේ film එකේ music නම් උපරිමයි.හැම සිංදුවකම අලුත් දෙයක් නිර්මාණය වෙලා තිබ්බා.ඒ අතරින් වඩාත්ම හැගීම්බර සිංදුවක් තමයි "MAA" කියන සිංදුව.අම්මාගෙ ආදරය ගැන කියවෙන මේ සිංදුවෙ ගිටාර් chords ඔයගොල්ලන්ට ලබා දෙන්න ඕනෙ කියලා මට හිතුනා.සිංදුවෙ තේරුම දැනගන්න පල්ලෙහා තියෙන video එක බලන්න.chords ටිකත් play කරල බලන්න.....

C               F         C     G                      F                 C
මේ කබි බත්ලාතා නහි,,,, පර් අදේරේ සෙ ඩර්තා හු මේ මා...
C                  F         C    G                   F                 C
යුන්තො මේ දිකලාතා නහි,,,, තේරි පර්වාහා කර්තා හු මේ මා...
         F      G C
තුජෙ සබ්හෙ පතා හේනා මා....
   F    G    C
තුජෙ සබ්හෙ පතා.... මේරි මා....

C                F      C     G                        F             C
බීඩ මෙ යූ නා චෝඩො මුජෙ,,,, ගර් ලෝට කේ බි ආ නා පාවු මා
C                  F        C     G                     F               C
බීජ නා ඉත්නා දූර් මුජ්කො තු,,,, යාද් බි තුජ්කො ආ නා පාවු මා
F      G     C
ක්‍යා ඉතනා බුරා හු මේ මා....
        F      G C
ක්‍යා ඉතනා බුරා....මේරි මා....

C               E               F                 G#               C
ජබ් බි කබි පාපා මුජෙ ජෝ සෝර් සෙ ජූලා ජුලාතෙ හෙ මා.....
C              E                F          G#        C
මේරි නසර් දූන්ඩෙ තුජෙ සෝචු යහි තූ ආ කෙ තා මේගි මා......

C              F     C     G                    F               C
උන්සෙ මෙ යේ කෙහෙතා නහින්,,,, පර් මේ සෙහෙම ජාතා හුනෙ මා
C               F      C     G                      F               C
චෙහෙරෙ පෙ ආනා දේතා නහින්,,,, දිල් හි දිල් මේනෙ ගබරා තා හු මා
         F      G C
තුජෙ සබ්හෙ පතා හේනා මා....
         F      G C
තුජෙ සබ්හෙ පතා.... මේරි මා....

C               F         C     G                     F                 C
මේ කබි බත්ලාතා නහී,,,, පර් අදේරේ සෙ ඩර්තා හු මේ මා...
C                    F         C    G                  F                 C
යුන්තො මේ දිකලාතා නහි,,,, තේරි පර්වාහා කර්තා හු මේ මා...
         F      G C

තුජෙ සබ්හෙ පතා හේනා මා....
   F    G    C

තුජෙ සබ්හෙ පතා.... මේරි මා....

Guitar chords............

C

සඳ මිතුරි සිංදුව ගිටාරයෙන් play කරමු.......

noreply@blogger.com (Rajja) — Thu, 1 Jul 2010 00:12:00 +0530

"සඳ මිතුරි,,සිත මිහිරි,,කල මැනවි......" පහුගිය දවස් වල ගොඩක් ජනප්‍රිය වුන,කතා බහට ලක්වුන සිංදුවක්.හුගක් අය කිව්වා කසුන් මේක copy කරලා කියලා.ඒත් ඇත්ත දන්නෙ බොහොම ටික දෙනයි.මේ සිංදුවෙදි කසුන් දායක වෙන්නෙ ගායනයෙන් පමණයි.මේ සිංදුවේම tamil version එකකුත් තියෙනවා.මෙම නිර්මාණයේ අයිතිකරු "raj" කියන සංගීත අධ්‍යක්ෂකවරයයි.ඒ කතා වලින් වැඩක් නැහැ.හි හි.අපි බලමු මේ සිංදුවෙ ගිටාර් chords මොන වගේද කියලා.සිංදුව play වෙන්න දාලා ගිටාර් එකෙන් play කරල බලන්න.....

Finger picking .............
Am9    Gm9               Fm9    E    C F    Dm E
ටූ.........ටුරුට්..ටුරුට් ටූ.................   ටාරා ටිරා ටා ටා ටා.....රූ.....රු......රූ..............

Am                             Em7
ඉගිලෙන්න ඔබ එක්ක ආකාසේ
Am                       G
විඳගන්න ඒ සිසිල මා සිත්සේ
Am                         F          G
මට දෙන්න ඒ වරම කවදාද ඔබ එන්නෙ
Am         F              G
පිණි බිංදු මල් වැහි අරන්
Am           G               F
සඳ මිතුරි.. සිත මිහිරි.. කල මැනවි...
Am            G                     F
බිඳු කඳුළු.. පිණි පොකුරු.. කල මැනවි..

Am                          Em7
මට මමම වී ඉන්න - ලෝකෙන් ඉඩක් නොදෙන
F                             E
ඈතට වෙලා අපිම - අපි වී ඉතින්
C                        G                  F                                   G
නව ලොවට මුල් අණුදෙන්න - මිල නොවන පෙම් කවිය පබඳින්න
Am             G               Am          G
පිණි වැස්ස වස්සන්න - මද්දහන තෙත් වෙන්න
Am       G              F          E
ආදරය දළුලන්න - මිහිකත මතින්
Am         C           Dm          E
සිහිනෙ සඟවා - කිරණින් දැවෙනා

Am                             Em7
ඉගිලෙන්න ඔබ එක්ක ආකාසේ
Am                       G
විඳගන්න ඒ සිසිල මා සිත්සේ
Am                         F          G
මට දෙන්න ඒ වරම කවදාද ඔබ එන්නෙ
Am         F              G
පිණි බිංදු මල් වැහි අරන්
Am           G               F
සඳ මිතුරි.. සිත මිහිරි.. කල මැනවි...
Am            G                     F
බිඳු කඳුළු.. පිණි පොකුරු.. කල මැනවි.

Am                         Em
ජීවිතය විඳගන්න - ලෝකෙන් ඉඩක් නොදෙන
F                                  E
ඈතට වෙලා තෙමෙමු - පිණි වැහි පොදෙන්
C                G                   F                       G
ප්‍රේමයට ප්‍රේමය වෙන්න - මිල නොවන ජීවිතය පුබුදන්න
Am            G                Am          G
පිණි වැස්ස වස්සන්න - මද්දහන තෙත් වෙන්න
Am       G              F            E
ආදරය දළුලන්න - මිහිකත මතින්
Am             C           Dm             E
සිහිනෙ සඟවා - කිරණින් දැවෙනා

Am                             Em7
ඉගිලෙන්න ඔබ එක්ක ආකාසේ
Am                       G
විඳගන්න ඒ සිසිල මා සිත්සේ
Am                         F          G
මට දෙන්න ඒ වරම කවදාද ඔබ එන්නෙ
Am         F              G
පිණි බිංදු මල් වැහි අරන්
Am           G               F
සඳ මිතුරි.. සිත මිහිරි.. කල මැනවි...
Am            G                     F
බිඳු කඳුළු.. පිණි පොකුරු.. කල මැනවි.//

Guitar chords..............

Am

Em7

"FIFA" world cup theme song එක ගිටාරයෙන් play කරමු......

noreply@blogger.com (Rajja) — Sun, 27 Jun 2010 15:37:00 +0530

" When I get older,, I will be stronger,, They'll call me freedom,, Just like a wavin' flag......"

              පාඨක ප්‍රතිචාර බැලුවම මට හිතුන දෙයක් තමයි ආධුනිකයන් වගේම, ගිටාරය පළපුරුදු අයත් බ්ලොග් එකත් එක්ක එකතු වෙනවා කියල.මගෙන් ඉල්ලීමකුත් කරල තිබ්බ අලුත් ගීත වල guitar chords බ්ලොග් එකේ පල කරන්න කියල.ඒක නිසා මම හිතුවා මේ දවස් වල අතිශය ජනප්‍රිය football theme song එකේ guitar chords පල කරන්න ඕනෙ කියල.හදිස්සියෙ chords ටික දැම්මෙ.වැරදි තිබුනොත් කියන්න.මේක හරිම අපූරු ගීතයක්.........

    හරි.පල්ලෙහා තියෙනව chords ටික.play කරන්න පුලුවන් අය play කරල බලන්න.Major chords තුනයි අවශ්‍ය වෙන්නෙ. C major, F major, G major.Chords diagrams පල්ලෙහාම තියෙනවා....

C              F               C           G
Ooooooh Wooooooh Oooooohoooooooooo......//
C                          F                C                      G
Give me freedom, give me fire, give me reason, take me higher
C                            F                  C                    G
See the champions, take the field now, you define us, make us feel proud
C                       F                         C                   G
In the streets our heads are lifting , as we lose our inhabition,
C                F                  C                 G
Celebration is around us, every nation, all around us

C                   F                  C                               G
Singin forever young, singing songs underneath that sun
        C                               F                 C                                  G
Lets rejoice in the beautiful game, And together at the end of the day.

WE ALL SAY

C                        F
When I get older I will be stronger
C                                 G                        C
They'll call me freedom Just like a wavin' flag
C                       F
And then it goes back
F                       C
And then it goes back
C                       F
And then it goes back //

C                           F                     C         G
Oooooooooooooh woooooooooohh hohoho

Same chord pattern repeats.............

Give you freedom, give you fire, give you reason, take you higher
See the champions, take the field now, you define us, make us feel proud
In the streetsour heads are lifting, as we lose our inhabition,
Celebration is around us, every nation all around us

Singin forever young, singin songs underneath that sun
Lets rejoice in the beautiful game, And together at the end of the day.

Wooo hooooo hohohohoooooo
And everybody will be singinit
Wooooooooo ohohohoooooo
And we are all singinit..............

ආධුනික අය පහසුව සදහා පල්ලෙහා විදියට chords play කරන්න....
C major

F major

G major

2වෙනි Guitar කුප්පිය - ගිටාරයTUNE කර ගැනීම......

noreply@blogger.com (Rajja) — Sat, 26 Jun 2010 21:34:00 +0530

බොහෝ ආධුනිකයන්ට මෙන්ම,, පළපුරුදු අයටත් ගිටාර් වාදනයේදී ඇතිවෙන පොදු ප්‍රශ්ණයක් තමයි කොහොමද ගිටාර් එක හරියට tune කරගන්නෙ කියන එක.මේක මම හුගක් අත්දැකපු කාරණයක්.ඉතින් ඒක නිසා මම තීරණය කලා මේ සම්බන්ධයෙන් කුප්පියක් දාන්න.කිහිප දෙනෙක් මේ සම්බන්ධයෙන් ඉල්ලීමකුත් කරල තිබ්බ.ඒක නිසා අද අපි ඒ ගැන කතා කරමු....

Tune කරන්න ඉගෙන ගන්න කලින් අපි බලමු මොකක්ද මේ "guitar tuning" කියන්නෙ කියලත්, ඇයි ගිටාර් tuning අවශ්‍ය කියලත්.

Acoustic(electric වෙන්නත් පුලුවන්) සංගීත වාදන භාණ්ඩ( ඒ කිව්වේ ගිටාරය, වයලීනය, පියානෝව, මැන්ඩලීණය වැනි) වලින් ඇතිවෙන sound එකට මිනිස්සු standards(සම්මුතීන්) හදාගෙන තියෙනවා.අදාල වාදන භාණ්ඩයෙන් යම් කිසි තනුවක් වාදනය කරද්දි සම්මත ස්වර වලින් බැහැර නොවී ඒ තනුව වාදනය කිරීමට උපකාරී වෙන්නේ ඔන්න ඔය tuning standards තමයි.ඊට හේතුව භෞතික බලපෑම් නිසා සමහර වාදන භාණ්ඩ වල sound එක ටික කලකින් වෙනස් වීම නිසා.උදාහරණයක් විදියට අපි ගිටාරයම සලකා බලමු.සමහර විට strings තද කිරීමට උපකාරී වන ඇණ වල පවතින දෝෂ නිසා ටික දවසකින් ඒ කම්බිය බුරුල් වෙන්න පුලුවන්.ඒ වගේම බාහිර පුද්ගලයෙක් නොදැනුවත්ව ඒ ඇණ කරකවන්න පුලුවන්.කාලයක් තිස්සෙ ගිටාර් එක පාවිච්චි නොකිරීම නිසා වුනත් වෙන්න පුලුවන්.ඉතින් ඔය වගේ කාරණා නිසා අර සම්මත ශබ්ද වෙනස් වෙනවා.

ඒ වගේම තමයි නිතරම ගිටාරය tune කිරීම වාදකයෙක්ට ගොඩක් වැදගත් දෙයක්.වැරදි tuning එකක් තියාගෙන play කලොත් "ear" එක අවුල් යනවා."ear" එක කියල කිව්වේ සම්මත ස්වර වලට අපේ කන හුරුවීමයි.ඒක නිසා හැමවිටම ගිටාර් එක tune කර තබා ගැනීම අත්‍යාවශය දෙයක්.ඒ වගේම තමයි අපි ගිටාර් එකෙන් සින්දුවක් play කරද්දි original track එකෙ sound එකම ඇහෙන්නනම් standard tuning තිබීම අත්‍යවශ්‍යයි.

හොදයි.ඒ කාරණා ටික හරි.දැන් අපි අහල බලමු ගිටාර් strings හයේ standard tuning sounds මොන වගේද කියලා.මේ video එකේ ගිටාර් එකක,, 6වෙනි string එකේ(මහතම කම්බිය) සිට 1වෙනි string එක(සිහින්ම කම්බිය) දක්වා play වෙනවා.ඒ වගේම හැම string එකක්ම අට පාරක් play වෙනවා.අහල බලන්න....

මේ තියෙන්නෙ ගිටාර් එකේ open strings play කරන කොට ඇහෙන sound එක.ඒ කිව්වෙ ටියුන් කරපු ගිටාර් එකක එක් එක් කම්බි තිබෙන ආකාරයෙන්ම play කරන එකයි.(fret board එක මත ඇගිලි කිසිවක් නොතබා)

හොදයි.Tuning ගැන අවබෝධයක් තියෙන අය බලන්න තමන්ගේ ගිටාර් එකෙත් standard tuning තියෙනවද කියල.සුලු සුලු වෙනස්කම් තිබ්බට අවුලක් නැහැ.;-)

එහෙනම් අපි බලමු,, කොහොමද ගිටාර් එකක් tune කර ගන්නෙ කියලා.

වැදගත් :-

පළවෙනි දේ තමයි සම්මත ශබ්ද වලට කන හුරු කරගන්න එක.ඒක නිසා උඩ video එක හොදට කීප වතාවක් අහන්න.

ඒ වගේම තමයි කම්බියක් ටියුන් කරන කොට ඇණ කැරකවීම ගැන සැලකිලිමත් වෙන්න.කම්බිය වැඩිපුර තද වුනොත් කම්බිය කැඩෙන්න පුලුවන්.ඒක නිසා ආරම්භයේදි කම්බිය හැකිතරම් බුරුල් කර නැවත තද කරමින් ටියුන් කිරීම කරන්න.

1) ඕගන්(keyboard) එකක් හෝ පියානෝවක් මගින් tune කිරීම...

මේ විදියට ඕගන් එකේ අදාල key එක play කරලා, ඊට අදාල string එකේ sound එක match වෙනකම් අදාල කම්බිය ටියුන් කරගන්න.ඕගනයේ key එක කිහිප වරක් play කරල ඒ ශබ්දය කනට හුරු කරගන්න.පසුව අදාල string එක ඒ ශබ්දයට සමාන වන අයුරින් ටියුන් කරන්න.එහෙම නැත්නම් දෙකම එකවර play කරන ගමන් tune කරගන්න.

2). Tuner එකක් මගින් ටියුන් කරගැනීම...

මේක නම් බොහොම පහසු ක්‍රමයක්.අදාල කම්බිය play කරද්දි,, ටියුනර් එක පෙන්නුම් කරනවා අදාල කම්බිය ටියුන් ද නැද්ද කියල.මේක ටියුනර් එකේ bulb එකක් පත්තු වීම මගින් හරි indicator එකක් මගින් හරි පෙන්නුම් කරනවා.මේවා මිලදී ගන්න පුලුවන්.හැබැයි හොද ටියුනර් එකක් ටිකක් විතර මිල අධිකයි.ඒ ඇරත් මේකක් අත්‍යවශයම නැහැ.මොකද ටියුනර් එක කැඩුනොත් ටියුන් කරල හමාරයි.හි හි..

Strings කඩාගන්නෙ නැතුව Guitar එක TUNE කරගන්න ක්‍රමයක්......

3). වෙනත් ක්‍රමයක්

මේ ක්‍රමයෙන් අපිට එක කම්බියක් පමණක් ටියුන් කරගෙන ඒ ඇසුරින් අනෙක් කම්බි 5ම ටියුන් කරගන්න පුලුවන්.මේකට ටිකක් විතර පලපුරුද්ද ඕන වෙනවා.ඒ වුනාට ට්‍රයි කරල බලන්න.

මේකෙදි සාමාන්‍යයෙන් මුලින්ම කරන්නේ 6වෙනි string එක(මහතම කම්බිය) ටියුන් කරගන්න එක.ඒ සදහා පල්ලෙහා video එක ආධාර කරගන්න.6වෙනි string එක ටියුන් කරන එක එතරම් අමාරු නැහැ.ඒක නිසා මේ වීඩියෝ එකට අනුව 6වෙනි string මුලින්ම ටියුන් කරගන්න.

ඊට පස්සේ පහත පියවර අනුගමනය කරන්න.

* රූපයේ පරිදි 6වෙනි string එකේ 5වෙනි fret එකේ (1) ඇගිල්ල තබා එම කම්බිය play කරන්න.එම ශබ්දය කනට හුරු වූ පසු 5වෙනි string එකෙන් එම ශබ්දයම එනතුරු 5වෙනි කම්බිය ටියුන් කරගන්න.

සැ.යු. මෙහිදී 5වෙනි string එක මත ඇගිලි කිසිවක් නොතබන්න.5වෙනි string එක open play කරන්න.

මේ අයුරින් 5වෙනි කම්බිය ටියුන් කරගත් පසු ඉහත පියවරම 5වෙනි සහ 4වෙනි කම්බි වලට යොදන්න.එනම් 5වෙනි කම්බියේ 5වෙනි fret එකේ ඇගිල්ල තබා play කර, ඒ ශබ්දයම එනතුරු 4වෙනි කම්බිය ටියුන් කරගන්න(open play).

පසුව 4 වෙනි කම්බය මගින් 3 වෙනි කම්බිය ටියුන් කරගන්න.

2වෙනි කම්බිය ටියුන් කරද්දි විතරක් පොඩි වෙනසක් සිදුවෙනවා.එහිදී 3වෙනි කම්බියේ 4වෙනි fret එකේ ඇගිල්ල තබා play කර, ඒ ශබ්දයම එනතුරු3වෙනි කම්බිය ටියුන් කරගන්න(open play).පහත අයුරින්....

පසුව නැවතත් 1 කම්බිය සාමාන්‍ය පරිදි 2වෙනි කම්බිය මගින් ටියුන් කරගන්න.

මේ විදියට අපිට එක කම්බියක් ඇසුරින් ඉතිරි කම්බි ටික ටියුන් කරගන්න පුලුවන්.මේක මුලදි ටිකක් අමාරු වෙයි.හැබැයි පුරුදු වුනාම මේක වඩාත්ම ලේසි සහ කාර්යක්ෂම ක්‍රමයක් වෙයි.ඒ වගේම තමයි මේ ක්‍රමයෙන් ඕගනයක හෝ ටියුනරයක ආධාරය නොමැතිව ගිටාරය ටියුන් කරගන්න පුලුවන්.ඒ වගේ උපකරණ ආධාර කර නොගෙන මේ අයුරින් ටියුන් කරන්න පුලුවන්නම් ඒක ගොඩක් වටිනවා....:-))

හොදයි,, මම හිතනවා දැනට මේ ක්‍රම කිහිපය ඇති කියල.තව ක්‍රම තියෙනවා.වෙලාව තියෙන හැටියට ඒවා කියල දෙන්නම්.ප්‍රශ්ණ තියෙනවනම් අහන්න.අවසාන වශයෙන් strings හයේම standard sounds තියෙන video clips 6ක් පල්ලෙහා තියෙනවා.තම තමන්ගෙ ටියුනින් සාර්ථකද කියල චෙක් කරගන්න...:-)) ADIOS.....

6TH STRING

5TH STRING

4TH STRING

3RD STRING

2ND STRING

1ST STRING