BRISKU

Vdekja e një artisti, dhe vdekja brenda mendjes

noreply@blogger.com (Anonymous) — Tue, 11 Feb 2014 16:03:00 +0000

Skënder Sallaku do kishte qeshur edhe një herë me lotë po të shihte kronikat e vdekjes së tij në televizion. E kam fjalën për ato që mbyllen me ngushëllimet e politikanëve kryesorë në vend.

Sado që mundohem ta përmbaj veten, e gjej të pështirë, dhe një mungesë respekti e nderimi - përmes një përtacie dhe injorance monumentale, që në vend se të dëgjojmë nga kolegët dhe të dashurit e tij, televizionet na lexojnë Facebook-un e z. Edi Rama dhe deklaratat e z. Lulzim Basha për rastin e vdekjes së një artisti të madh.

Por cfarë lidhje kanë këta me jetën dhe veprën e Skënder Sallakut? Po Ilir Meta, e Sali Berisha me Vace Zelën? Po Me Pashkën, Ramazanin, Krishtlindjen, c'lidhje kanë që na i nxjerrin vit për vit me rradhë? A ka kuptim kjo që ndodh këtu?

Politikanët mirë bëjnë që ngushëllojnë, s'e kam me ata kësaj here, por me median që ka rënë nën nivelin mesatar të shoqërisë, dhe as e kupton dot sa dobët është. Aq sa konfirmon se kur nuk është e shitur me para është e skllavëruar nga paaftësia e saj për të parë përtej.

Skënder Sallaku, Artist i Popullit

25 janar 1935 - 11 Shkurt 2014

noreply@blogger.com (Anonymous) — Thu, 03 May 2012 08:50:00 +0000

MYSTIQUE nga Etgar Keret
Përktheu Blendi Salaj

Burri që dinte çfarë do thoja, qe ulur krah meje në avion, me një buzëqeshje idiote të ngjitur në surrat. Kjo t'i ngrinte nervat më shumë, fakti që ai nuk ishte as i zgjuar, as i ndjeshëm, e megjithatë ai arrinte t'i thoshte - të gjitha frazat që unë po mendoja të thosha - tre sekonda para meje. "A shisni Guerlain Mystique?" pyeti stjuardesën një moment para së të arrija ta pyesja vetë, ndërsa ajo i dha një buzëqeshje ortodontike dhe i tha se kishte mbetur vetëm një shishe. "Gruaja ime çmendet për atë parfum. E ka pothuajse si varësi nga droga. Nëse kthehem nga një udhëtim dhe nuk i sjell të paktën një shishe duty-free, ajo më thotë se nuk e dua më. Nëse guxoj të hyj në shtëpi pa të paktën një shishe parfum. E kam punën pisk." Këto fraza duhet t'i kisha thënë unë, por burri që e dinte çfarë do thoja mi vodhi. Ai nuk humbte asnjë çast. Sapo rrotat e avionit cekën tokën, ndezi telefonin celular, një sekondë para se ta ndizja dhe unë, dhe telefonoi gruan. "Sapo zbrita," i tha. "Më vjen keq, duhet të kisha ardhur dje. Anulluan fluturimin. Nuk më beson? Kontrollo vetë. Telefono Erikun. E di që nuk e ke. Ta jap unë numrin e tij në këtë çast." Edhe unë kam një agjent udhëtimesh që quhet Erik. Edhe ai do të gënjente për mua.
Kur avioni ndaloi ai ishte ende në telefon, duke dhënë ato përgjigje që do të kisha dhënë unë. Pa një grimë emocion, si një papagall në një botë ku koha rrjedh mbrapsht, ai përsërsite gjërat që do të thuheshin pas pak, në vend të gjërave që sapo ishin thënë. Përgjigjet që i jepte së shoqes ishin më të mirat e mundshme, në atë situatë. Sepse situata e tij nuk ishte fort e mirë. As situata ime s'ishte gjë. Gruaja endè nuk ma kishte ngritur telefonin, por duke dëgjuar burrin që dinte çfarë do thoja, desha ta mbyll fare. Veç duke dëgjuar atë kuptova se gropa që i kisha bërë vetes ishte aq e thellë, saqë edhe nëse arrija të dilja që aty, do të dilja në një realitet të tjetërsuar. Ajo nuk do të më falte kurrë, nuk do të më besonte më. Kurrën e kurrës. Tash e tutje, të gjithë udhëtimet e mia do të ishin një ferr i vërtetë, dhe periudha kohore mes udhëtimeve do të ishte ca më keq akoma. Ai vazhdonte akoma, duke thënë të gjitha ato fjali që kisha menduar unë, por që endè nuk i kisha thënë. Fjalët vazhdonin të rridhnin prej tij. Tani mori vrrull, e ngriti zërin, si një njeri që po mbytet, i cili dëshpërimisht përpiqet të qëndrojë mbi ujë. Njerëzit zunë të dalin nga avioni. Ai u ngrit, endè duke folur në telefon, kapi laptopin me dorën tjetër dhe u nis drejt daljes. E vura re që po e linte pas, çantën që kishte vendosur tek kupetë e valixheve në tavanin e avionit. E vura re që po e harronte, dhe nuk thashë gjë. Nuk lëviza asnjë gisht. Gradualisht, avioni u zbraz, derisa të vetmit aty ishim unë dhe një bullafiqe fetare, me një milion fëmijë. U ngrita dhe hapa kupenë sikur të ishte gjëja më e natyrshme në botë. Nxora qesen plastike sikur të kishte qenë gjithmonë e imja. Brenda ishte fatura dhe shishja e Guerlain Mystique. Gruaja ime çmendet për atë parfum. E ka pothuajse si varësi nga droga. Nëse kthehem nga një udhëtim dhe nuk i sjell të paktën një shishe duty-free, ajo më thotë se nuk e dua më. Nëse guxoj të hyj në shtëpi pa të paktën një shishe parfum. E kam punën pisk.

I urryeri dhe urryesi, të dy të prekur nga krimi

noreply@blogger.com (Anonymous) — Tue, 19 Jul 2011 22:18:00 +0000

I urryeri dhe urryesi, të dy të prekur nga krimi

Nga TIMOTHY WLLIAMS

The New York Times

Mark Anthony Stroman, 41 vjeçar, një gurpunues nga Dallasi shtiu mbi njerëz që besonte se ishin arabë, duke thënë se ishte i tërbuar nga sulmet terroriste të 11 shtatorit 2001. Vrau dy: Vasudev Patel, një emigrant indian i cili ishte hindu, dhe Vaqar Hasanin, një mysliman të lindur në Pakistan.

Viktima e tretë e plumbave, Rais Bhuijan, 37 vjeçar nga Bangladeshi, dikur pilot i Forcave Ajrore , shpëtoi pasi Z. Stroman e qëlloi në fytyrë nga një distancë e vogël. Z. Stroman i ka pranuar të shtënat. Ai do të ekzekutohet të mërkurën.

Z. Bhuijan, edhe pse ka humbur pjesërisht shikimin në syrin e djathtë, ka kaluar muajt e fundit duke ndërtuar një Web site me një peticion, dhe duke takuar zyrëtarë në Teksas për t’i bindur që t’ia falin jetën z. Stroman.

Z. Bhurjan u intervistua në telefon. Z. Stroman iu përgjigj pyetjeve me një letër të shkruar me makinë shkrimi e cila mban datën 26 qershor. Bashkë me letrën dërgon edhe një fotografi të Kullave Binjake ditën e sulmeve: në foto Kulla veriore nxjerr tym dhe avioni i United Airlines i fluturimit nr. 175 shihet vetëm disa çaste para se të godasë Kullën jugore. Përgjigjet e tij janë të pa edituara.

Pyetje: Z. Bhuijan, ti po punoje si shitës tek karburanti i një miku më 21 shtator 2001. Çfarë ju kujtohet?

Përgjigje: Më kishin vjedhur nja dy herë. Ishte lagje e rrezikshme. Njerëzit vinin në dyqan, përpiqeshin të shisnin televizorë dhe kompiutera. Një herë hyri një tip me një armë dhe unë mendova se po përpiqej ta shiste. Më tha, “Nëse nuk më jep paratë do të ta heq kokën.” Më 21 shtator, ishte e Premte rreth orës 12:30 të drekës. S’kishte shumë punë. Binte shi si litarë. Fqinji nga berberana ngjitur kishte ardhur me ca patatina dhe pije. Vjen njëri në dyqan, me kapele, syze dielli dhe një shami lidhur në kokë, kishte një armë në dorë. Mendova se po na vidhte. “Mos qëllo të lutem.” – i them. “Merri të gjitha paratë.” Ai tha, “Nga je ti?” S’ishte as dy metra larg. Ndjeva të ftohtë në shpinë. I thashë, “Më falni?” Kishte një çifte në dorë. Ndjeva pickimin e një milionë bletëve në fytyrë. Pastaj dëgjova shpërthimin. Pashë fytyrat e prindërve, vëllzeërve. Pash të fejuarën, pastaj një varrezë, dhe mendova, “Po vdiskam sot?” Ula kokën dhe pash gjakun që rridhte nga koka ime. I vura të dyja duart mbi kokë si për të mbajtur trutë dhe ulëriva “Nënë!” Vura re që ai po më shihte ngultas dhe mendova se mund të më qëllonte sërish nëse nuk rrëzohesha dhe bëja si i vdekur. Dyshemeja po lagej nga gjaku im. Pastaj ai doli nga dyqani. Nuk më besohej se më kishte shtënë. Mendoja se kisha parë ëndërr, apo se mos po haluçinoja. S’i kisha bërë asgjë. Nuk përbëja kërcënim për të. Nuk mund ta besoja që dikush mund të të qëllonte ashtu.

Pyetje: Çfarë ndodhi më pas?

Përgjigje: Doja të dilja jashtë. Shkova tek berberana por ata ia dhanë vrapit. Më panë të mbuluar në gjak, duke vrapuar si një pulë e therur dhe menduan se ai vinte pas meje. Pashë fytyrën time në pasqyrën e berberit dhe nuk më besohej se isha unë. (Ai nis të qajë.) Disa minuta më parë kisha qënë një çun me bluzë, pantallona të shkurtra dhe atlete. (Tani qan më fortë.) Më fal, nuk kam qarë këta nëntë vjetët e fundit. Isha me fat që ndodhej një ambulancë aty pranë. I kërkoja Zotit falje, i thoja se do të bëja më të mirën time. Po recitoja vargje nga Kurani. I thashë se do t’ia përkushtoja jetën të varfërve. Ndjeva sytë të më mbyllen dhe trurin që po më fikej ngadalë.

Pyetje: Sa të rënda ishin plagët tuaja?

Përgjigje: Kisha marrë 38 saçme në fytyrë. Nuk i hapja dot sytë, as flisja dot, as lëvizja dot nofullën. Nuk mund të haja apo pija ndonjë gjë. As gëlltitesha dot se më kishte qëlluar në fyt. Pas disa orësh në spital arrita të hap syrin e majtë. Fytyra më ishte ënjtur shumë. Kisha plagë. Fytyra ime ishte e tmerrshme. Nuk më besohej që ishte imja. U luta, “Të lutem o Zot, ma kthe fytyrën tume.” (Z. Bhuijan u lirua nga spitali një ditë pas ndërhyrjes mjekësore; iu tha se nuk kishte sigurim shëndetësor. Në muajt në vazhdim fjeti në divanët e miqve të ndryshëm dhe u mjekua me barna “tester” të falura nga mjekë të ndryshëm, përfshi këtu barna për dhimbjen dhe pika për sytë. Më vonë kreu disa operacione në syrin e djathtë; tani ka shikim të kufizuar nga ky sy.)

Pyetje: Z. Stroman ka pranuar se u përpoq t’ju vriste. Pse po përpiqeni t’i shpëtoni jetën?

Përgjigje: Prindërit dhe mësuesit më kanë rritur mirë. Më kanë rritur me moral të mirë dhe besim të fortë. Më mësuan ta vë veten në vend të të tjerëve. Edhe pse mund të të lëndojnë, mos merr hakën. Fali. Vazhdo rrugën tënde. Kjo sjell të mirë për ty dhe për ata. Besimi im islam më mëson këto gjëra gjithashtu. Ai tha se e bëri këtë si një akt lufte dhe shumë amerikanë donin ta bënin, por ai pati guximin ta bënte – të qëllonte muslimanë. Pasi ndodhi unë thjeshtë u përpoqa të mbijetoj në këtë vend. Dhe vendosa se falja nuk mjaftonte. Ajo që bëri ai ishte nga injoranca. Vendosa se duhet të bëja diçka për t’i shpëtuar jetën këtij njeriu. Të vrasësh dikë në Dallas nuk është përgjigja për atë që ndodhi më 11 shtator.

Pyetje: Nëse të jepet rasti ta takosh z. Stroman, çfarë do t’i thoje?

Përgjigje: Kam kërkuar ta takoj. Mezi pres ta shoh ballë për ballë dhe të shkëmbej idetë me të. Do t’i flisja mbi dashurinë dhe të ndjerit e dhimbjes së tjetrit. Të gjithë gabojmë. Ai është njeri, si unë. Urre mëkatin, mos urre mëkatarin. Është shumë e rëndësishme që ta takoj dhe t’i them se e mbështes, dhe se mendoj se atij i duhet dhënë një shans i dytë. Ti them se unë nuk e kam urryer kurrë ShBA-në. Ai mund të edukojë shumë njerëz të tjerë. Kur mendoj atë që do të ndodhë më përshtjellohen ndjenjat. S’fle dot. Kur shtrihem në shtrat mendoj sesi është edhe ai në shtratin e tij, duke menduar mbi ç’ka për t’i ndodhur atij – që do ta lidhin në një krevat dhe do ta vrasin. Më përshtjellon ky mendim, më trishton dhe më bën të dua të bëj më tepër.

• • •

Pyetje: Si jeni, z. Stroman?

Përgjigje: më kanë mbëtur vetëm 25 ditë deri sa Shteti i Teksasit të më lidhë në një barrelë e të më mbushë me lëng toksik. Po fundja të gjithë përballemi me Fundin herët apo vonë. Gjërat janë mirë, frymën e kam lartë, ulem këtu me një filxhan kafeje dhe dëgjoj Rock Klasik në radio. Sa ironike kënga “Free Bird” e Lynyrd Skynyrd...”

Pyetje: Çfarë mendon për përpjekjet e Rais Bhuijan-it për të të shpëtuar nga ekzekutimi?

Përgjigje: Po, z. Rais Bhuijan, është shpirt frymëzues... ajo që ka bërë ai flet Shumë... dhe më ka Prekur zemrën dhe zemrën e Shumë të tjerëve në mbarë botën... Sidomos pasi këta dhjetë vjetët e fundit kemi dëgjuar shumë sesa i Lig mund të jetë Besimi Islam... provon se nuk jemi as të Këqinj as të Ligj.

Pyetje: Më thoni se ç’po mendoni tani, disa javë para ekzekutimit?

Përgjigje: “Jo vetëm miqtë dhe mbështetësit po përpiqen të më shpëtojnë jetën, por tani po përpiqet edhe Kumuniteti Islam... I drejtuar nga ky burrë i jashtëzakonshëm me Emrin Rais Bhurijan, i cili i mbijetoi Urrejtjes Sime. Besimi i tij i thellë Islam i ka dhënë forcën të fali të pafalshmen... Kjo më frymëzon vërtetë, duhet bërë shembull për të gjithë ne. Urrejtja duhet të marrë fund. Besimi im në Jezusin dhe rrënjët e mia teksane më kanë Thelluar Kuptimin e gjërave gjithashtu. Kanë kaluar gati 10 vjet që kur bota ndali së rrotulluari, dhe ne si komb nuk do arrijmë kurrë të harrojmë atë që ndjemë atë ditë, unë jo për vete, por po të them çfarë ndjej sot, jam shumë mirënjohës për përpjekjet e Rais Bhurijanit për të më shpëtuar jetën pasi unë u mundova t’ia marr të tijën. Ka shumë njerëz ende të lënduar dhe plot me urrejtje, dhe ndërsa qëndroj këtu në pritjen e vdekjes në Teksas, duke numëruar mbrapsht drejt Vdekjes Time, kam patur shansin ta shpreh hapur atë që kam në këtë mendje dhe zemër teksane, dhe shpresoj që nga kjo të vijë ndonjë e mirë. Kemi nevojë për më shumë Falje dhe Kuptim dhe më pak urrejtje.”

Z. Stroman e mbyll letrën, “Zëlartë teksan, krenar teksan... I VËRTETË AMERIKAN... Jetoj për të vdekur – Vdes për të jetuar.”

Perktheu, B.Salaj

Iluzioni i Shqipërisë Demokratike

noreply@blogger.com (Anonymous) — Sat, 16 Jul 2011 14:36:00 +0000

Blendi Salaj

Iluzioni i Demokracisë

Procesi i numërimit dhe certifikimit të zgjedhjeve lokale përfundoi dje, kur Gjykata e Tiranës njohu kryetarin e ri të bashkisë. Ky proces, sfilitës e poshtërues, ngjan tanimë si skena e një grabitjeje banke, e shfaqur në një film me xhiro të ngadalta. Grabitja mbaroi. Na vodhën. Kur them na vodhën, nuk po e njësoj veten dhe ty lexues i nderuar me Edi Ramën apo me Partinë Socialiste, sepse viktimat e vërteta të kësaj vjedhjeje nuk janë ata, por ne, qytetarët e thjeshtë të këtij qyteti. Ajo që u grabit ishte vota, duke provuar edhe një herë atë çka shohim gjithmonë e më qartë; në Shqipëri Demokracia nuk ekziston asfare, por vetëm iluzioni i saj. Vendimet e Kolegjit Zgjedhor japin provat se interesat e biznesit, paraja e pistë dhe marrëveshjet e prapaskenave janë ato që vendosin realisht se çfarë bëhet në këtë vend. Nuk ka votë të lirë në Shqipëri, nuk ka as Demokraci, ka vetëm pazare. As unë, as ti i dashur lexues nuk vendosim mbi asgjë me votën tonë. Në të vërtetë vendosin ata, mjeshtrit që tërheqin fijet, bizneset e mëdha, korporatat ndërkombëtare, ndërtuesit, trafikantët, të fortët. Vendosin ata me KQZ-rat dhe Kolegjet e tyre Zgjedhore, sepse ata e dinë se kush duhet ta drejtojë bashkinë e kryeqytetit. Fushatat zgjedhore, me miliona eurot e shpenzuara në to, nuk shërbejnë dhe aq për të manipuluar mendjet në mënyrë që t’i votojmë, por për të na manipuluar të besojmë se procesi zgjedhor funksionon. Në fakt nuk funksionon. Zgjedhjet bëhen sa për të bërë sikur ka zgjedhje. Një herë në dy vjet, Iluzionit të Demokracisë i jepet një dorë e freskët boje, në këtë mënyrë iluzioni mbetet i besueshëm, me ngjyra të forta. Blu, e Kuqe, Rozë.

Totalitarizmi i ri

Ata, mjeshtrit e prapaskenave kanë pushtetin. E kanë blerë politikën, i kanë shbërë intitucionet krejt. Ata kanë televizione, radio, gazeta dhe revista për të kontrolluar atë që shohim dhe lexojmë. Pushtetet e prapaskenës kanë analistë me pagesë dhe lobistë të paqetë, që shkruajnë çdo ditë në mënyrë që të na diktojnë çfarë duhet të mendojmë. Ata kanë biznese, banka, universitete, prona të vjedhura nga publiku. Ata kanë armë dhe vrasës me pagesë. Ata mjeshtër të padukshëm kontrollojnë shtetin, sepse ata e kanë në të vërtetë pushtetin. Ata kanë paranë ndaj shpenzojnë miliona euro për të na shurdhuar, qorruar dhe budallallepur. Me ushtritë e kalemxhinjve rreken të na bindin se jemi në një sistem Demokratik, duan të na mbushin mendjen se jetojmë në Shtetin e së Drejtës. Por ky është valiumi i tyre për ne. Ky i dashur lexues është totalitarizmi i ri. Në të vërtetë ne jetojmë nën hyqmin e tyre. Grindemi për të majtën dhe për të djathtën, ndërsa ata qeshin me zellin tonë ideologjik. Qeshin sepse ata nuk kanë asnjë ideologji. Mbi ta nuk ka asnjë ligj. Ky totalitarizëm i ri që na ka pllakosur nuk ka nevojë të jetë as i majtë, as i djathtë. Është si një sistemi i ri feudal. Totalitarizimi i ri nuk e tregon forcën në shesh të mejdanit si komunistët a fashistët – ai luhet në prapaskenë, duke kontrolluar qeveritarët dhe sistemin e drejtësisë. Totalitarizimi i ri vret dhe vjedh çdo ditë pa bërë lajm. Ky lloj sistemi nuk ka nevojë të ndryshojë Kushtetutën, vetëm sa e manipulon drejtësinë përmes interpretimesh sikundër bëri Komisioni Qendror i Zgjedhjeve. Ky lloj totalitarizmi nuk na e heq të drejtën të kemi zgjedhje, thjesht i manipulon ato. Ky totalitarizëm nuk na e heq të drejtën e fjalës, por na lejon të llapin kot më kot. Na lejon të kemi opinione, por vetëm për tema idiote, të stisura për të na shpërqendruar nga rreziku i vërtetë që na kërcënon. Çështja e Kompleksit të ri Parlamentar është një shembull i mirë. Lobet e interesave të mëdha ekonomike po kërkojnë një shesh të ri ndërtimi për megastrukturat. Kanë vendosur të ndërtojnë aty ku ndodhet Kuvendi aktual dhe për të fshehur qëllimet e vërteta luajnë me emocionet e publikut. Duan ta bëjnë qytetarin të ndjejë revoltë, por të drejtuar gabim. Mjeshtrit e prapaskenës na flasin për fantazmën e Enver Hoxhës, për të na fyer me paturpësinë e tyre. Përdorin këta deputetë ushtarë për të trazuar debate të kota në popull, në mënyrë që të mos jemi të vëmendshëm ndërsa zaptojnë Tiranën pak nga pak, e na shtypin ngadalë nën peshën e tyre në rritje. Krijojnë kriza pas krizash për të na mpirë, për të na vjedhur, në shtëpitë tona, te fëmijët tanë. Dita mbas ditës po na vjedhin Atdheun, po na shkelin ëndrrat, po na vrasin shpresën.

Sistemi i Antivlerave

Nëse dëshironi shembuj të mbrapshtësisë së rendit ku jetojmë, shikoni sistemin e bjerrur të vlerave në Shqipëri. Kjo nuk është Demokracia i dashur lexues. Në këtë vend hajduti rreh gjoksin dhe admirohet si djalë i zoti, të arrish të vjedhësh është kthyer në meritë. Në këtë vend drejtësia ka një rrjetë të çuditshme, e cila zë vetëm peshqit e vegjël, ndërsa peshqit e mëdhenj kalojnë lirisht nëpër vrimat e saj. Sot në Shqipëri i pandehuri i bën presion prokurorit, vrasësi lirohet, gjykatësi mund të blihet lirisht. Në Shqipëri të rinjtë pothuajse nuk kanë më shans të mësojnë se çfarë është virtyti dhe puna e ndershme. Në këtë vend njerëzit vdesin si qentë në spitalet shtetërore, ose shesin trupin për të shpëtuar jetën te privati. Në këtë vend po braktiset arsimi, po harrohet dija, po humbet dinjiteti i njeriut. Kjo nuk është Demokracia, aspak!

Në Shqipëri ne ende flasim për Demokracinë, për Shtetin e së Drejtës, për Integrimin Europian e të tjera simbole linguistike si këto. Në Shqipëri ende besojmë në mitin e një vendi që do të bëhet më mirë. Por nëse qytetarët nuk bashkohemi për të kundërshtuar me trupat tanë këtë tirani pa emër e pa fytyrë që po na shtyp, asnjë nga këto nuk do të ndodhin kurrë. Në gjumë do vdesim. Nuk do të ketë Demokraci të vërtetë, direkte apo përfaqësuese nëse ne flemë mbi dafina, me idenë budallaqe se Demokracia do të vijë vetvetiu, pa mundimin tonë. Pa pjesëmarrjen tonë, Shqipëria Demokratike është vetëm një iluzion. Ajo nuk ekziston.

Jam 1, jam 2.... Observing what's killing in Tirana's traffic

noreply@blogger.com (Anonymous) — Fri, 30 Jul 2010 15:36:00 +0000

Tirana ne vere

noreply@blogger.com (Anonymous) — Wed, 30 Jun 2010 13:40:00 +0000

LS: TAÇI OIL PRIVATIZON GJYKATËN E TIRANËS

noreply@blogger.com (Anonymous) — Tue, 17 Nov 2009 21:40:00 +0000

TAÇI OIL PRIVATIZON GJYKATËN E TIRANËS

TIRANE - Qeveria shqiptare miratoi dje privatizimin e Gjykatës së Tiranës nga biznesmeni Rezart Taçi. I konsideruar nga kryeministri si privatizimi më i suksesshëm deri më tani, privatizimi i Gjykatës së Tiranës ka qënë kryefjala e mbledhjes së djeshme të qeverisë. "Me këtë privatizim e thellojmë me sukses reformën në drejtësi", u shpreh kryeministri për anëtarët gjithmonë të buzëqeshur të kabinetit. “Shqiptarët më të drejtë janë ankue se u ka mungue drejtësia. Tani është ekonomi e tregut. privati e jep drejtësinë me çmimin që e vendos tregu,". Nënshkrimi i marrëveshjes së shitjes do të nënshkruhet sot në mesditë në Ambientet e burgut 312 në Kryeqytet ku ndodhet rezart Taçi, pronari i ri i Gjykatës së rrethit Tiranë.

PS PRET PERFAQESUESIT E PERENDISE

TIRANE - Kryesia e Partisë Socialiste ka nisur negociatat me të madhin Zot për të siguruar mot të mbarë gjatë 20 nëntorit dhe ditëve në vijim. Sipas njoftimit për shtyp të Partisë Socialiste gjatë takimeve midis të dërguarve të Mbretërisë Qiellore dhe përfaqësuesve rozë është rënë dakord se është koha për të hapur kutitë. "Ne qëndrojmë në traditën e Mojsiut i cili e hapi detin e kuq për të shpëtuar nga skllavëria popullin e izraelit." mësohet të ketë thënë në takim kryetari i PS, Edi Rama duke theksuar se misioni i Partisë Socialiste është një misjon hyjnor. "Një thirrje që i ngjan asaj të Gjon Pagëzorit në Shkretëtirë i cili gjithashtu priste të hapej qielli, ashtu sikundër PS pret dhe lutet për hapjen e kutive." mbyllet deklarata për shtyp e selisë rozë.

100% TE FEMIJEVE SHQIPTARE, SHUME TE ZGJUAR

Sipas një sondazhi të kryer nga Zogby International gjatë vitit 2009 rezultoi se sipas prindërve 100% e fëmijëve shqiptarë janë shumë të zgjuar. Të gjithë prindërit e anketuar i klasifikuan fëmijët e tyre si shumë të zgjuar. 44% e të anketuarve u shprehën se kanë fëmijë shumë inteligjentë të cilët po të duan mund të bëhen të parët e klasës, ndërkohë që 49% e prindërve u shprehën se kanë fëmijë shumë të zgjuar por që nuk shtrohen sa duhet në mësime. 7% e prindërve u shprehën të bindur se fëmijët e tyre mund të konsiderohen gjeni. Prindërit i përshkruan fëmijët e tyre si të zgjuar, të mprehtë, kuriozë, vëzhgues, "që i kapin të gjitha", "që thithin menjëherë".

FQINJET: VRASESI I PASTRUESVE, NJERI I QETE

MAMURRAS - Fqinjët dhe kolegët e Qerim Katilit, janë shprehur të shokuar nga arrestimi i tij mëngjesin e së premtes. 47 vjeçari Katili i lindur në shpellë dhe i arsimuar në Tiranë akuzohet si vrasës serial për vdekjet e 13 pastrueseve midis vitit 2001 dhe 2009. "E habitshme që u arrestua ky njeri. Ka qene tip vrasësi, dukej gjaksor si njeri. Ne kemi pasur marrdhënie të mira, përveç asaj here kur varrosi një kufomë në baçen time" thotë Apostol Palla i cili jeton në shgtëpinë ngjitur me atë të Qerim Katilit. "Nuk para përzihej shumë me kolegët e tjerë në punë," na tregon shefja e tij Arabeska Xhani, "shihte punën e tij, vriste pastruese. Njeri i qetë. Vetëm pastruesen desh e mbyti njëherë, përndryshe ka qënë model," - shton ajo.

FUNDJAVE E MBARE PER DHIMI VIÇIN

KORÇË - Pijeneci me nam i qyteti të Korçës, Dhimi Viçi njoftoi të enjten se ka derdhur gjithë dellin e tij krijues për të pregatitur një plan të mirë për fundjavën. I përmbledhur me pak fjalë plani i Z. Viçi synon që ai të dehet paq me alkoolin që trupi e tij e kërkon aq fort. "Pasi e mendova gjerë e gjatë, vendosa se fundjavën duhet ta kaloj duke u bërë tapë me birrë dhe raki." - na tregon Dhimi Viçi. "E kam krijuar vetë këtë plan, edhe pse frymëzimin fillestar e kam marrë duke lexuar Homerin. Por jam munduar të jap nga vetja. Do nis të pij pasi të ha mëngjesin." Strategjia kyçe e planit të Z. Viçi është që ta kthejë nga birra në raki në orën 23:00 të së shtunës.

DY LACA BIEN NE NJE HUNDELESH

TIRANË - Sipas hundëleshit kryeqytetas Edvin Kafka dy lacat e Rrugës Bardhyl Ronaldo Mitka me pseudonimin Kaushi, dhe Gerti Zhubra e panë menderen ngushtë kur u kapën me Edvin Kafkën. "Këtë herë e krruajtën me hundëlesh tamom, se nuk ka tangërrllik me mu." thotë Kafka për krruajtjen, e cila sipas dëshmitarëve okularë ishte gabimi më i madh në jetën e dy lacave. "Ne si banorë e prisnim që po të vazhdonin në këtë rrugë lacat do ta krruanin me ndonjë hundlesh dhe ndodhi." shpjegon banori i zonës Nesti Xhixha. I pyetur për planet që ka për të ardhmen hundleshi Kafka na thotë, "Unë do t'i shkrij ata si rob. Do i mbaroj, do ia...biip".

Lajmet skiÇ - 11 Nentor 2009

noreply@blogger.com (Anonymous) — Thu, 12 Nov 2009 13:51:00 +0000

VLORË - Sipas paparacëve të klubit të mëngjesit mësohet se kant-autori Alban Skënderaj mbetet edhe sot e kësaj dite i shqetësuar nga "Diçka qe e ngacmon, Diçka qe e pushton, Diçka qe nuk arrin, Diçka që vjen nga ti..." I pyetur nëse ka ndonjë ide për atë që e mundon vetë Skënderaj u përgjigjj për mikrofonin tonë duke thënë, "tiii e diii se çfare më mungon mua, je ajo qe vjen një here në jetë, sa dua të dua... por ti e diii se un' nuk them aq lehte të dua..." Kur e pyetëm Albanin nëse mund ta ndihmonim disi ai u përgjigj "Jo" dhe vazhdoi duke thënë, "Më mirë të isha unë një shkëmb dhe dallget te rrihnin ne koken qe s'me dhemb..."

TIRANË - Nga e hëna e 9 nëntorit debatet e furishme në programin "Opinion me Blendi Fevziun" në tv Klan po shoqërohen nga ritme të nxehta latine. "Salsa, Merenge, Bachata... ritmos Latinos", thotë për Mikrofonin tonë Blendi Fevziu teksa e ndeshim duke praktikuar hapat e një kërcimi Kubanez. Grupi muzikor Los Putos Locos u vendos mbrëmë në qendër të studios së Opinion, i barazlarguar nga palët në debat. Ritmet latine shoqëruan emisionin përgjatë gjithë transmetimit dhe në një moment kritik debati Sonila Meço rrëmbeu deputetin Mark Marku në një tango, moment që u shëoqërua nga një vërrshim sms-sh në studio. "Këtë sezon do ta mbajmë me ritme latine, ça, ça, ça!!" - na thotë Fevziu, - "Në pranverë do sjellim dema dhe matadorë."

SHKODËR - Në një konferencë shtypi me pjesëmarrje të jashtëzakonshme, mbajtur paraditën e djeshme në ambientet e Kafes së Madhe, pensionisti Nikolin Prenga zbuloi për mediat planin e tij për të parë një mori me telenovela në muajt në vazhdim. "Do shof telenovela pa nalun fare," - pohon Prenga, ish marangoz i nderuar në qytetin e Shkodrës. "100 vitrinat, Kërkohen Meshkuj i ndjek por do e ndjeki patjetër edhe at' Parajs' Tropikale". Zoti Prenga shtoi se nga telenovelat e reja preferon Rebelet dhe Analia dhe se ndihet shumë i zhgënjyer nga "Stuhi dashurie" që sipas Prengës ka të njëjtin stil, zhvillim dhe tipe personazhesh si 'Magji Dashurie". "Ia ka kopju krejt mar, edhe teshat ia ka kopjue."

SHKODËR - Marangozi Albert Njashatani nga Shkodra ka zbuluar të martën veglën e tretë të këtij zanati: darën. Deri të hënën në darkë marangozët e gjithë botës njihnin vetëm dy vegla zyrtare në profesionin e tyre, sharrën dhe çekiçin. Prej vitesh marangozët dyshonin se ekzistojnë vegla të tjera por deri më tani asnjë nga këto teori nuk ishte provuar. Njashtani na tregon se e përdori darën për të nxjerrë një gozhdë të shtrembërt. "Aty për aty më shkoi mendja që Dara mund të konsiderohet zyrtarisht një vegël", shpjegon Alberti. "Sepse vegël quhet çdo instrument që shërben për të ndihmuar në kryerjen e një pune. Psh në rast se unë përdor limën për ta ngrënë pak kët' drunin, edhe lima do të quhej një...Eeeeeeeej!!!!"
Më falni dëgjues por sapo njoftohemi se marangozët në të gjithë botën po festojnë zbulimin e veglës së katërt: Lima.

DURRËS - Pas ngritjes së problemit të zhurmave në kryeqytet nga gazeta "Shekulli", së fundi për ndotjen akustike në Tiranë, ka nisur të ankohet edhe qyteti i Durrësit i cili në një notë proteste i kërkon Tiranës që të mos bëjë kaq shumë zhurmë natën se na çmëndet - jeni të droguar!. "Neve vdiqëm prej juve mi monaaa gjithë natën me zhurmat e Tironës, mbet Durrsi pa gjumë kot nasi koti, qi ta merrni vesh. S'kom nigju qytet qi gërrhet si juve." - na thotë Zëdhënësja e Bashkisë së Durrësit Currile Torra. Nga ana e saj Tirana është përgjigjur se janë të ardhurit nga rrethet e tjera ata që shkaktojnë zhurmën por gjithashtu theksoi se Durrësi është qytet prapanik që fle pa mbaru "Fiksi".

POGRADEC - Absolutisht të gjithë banorët e Pogradecit u gjendën të vrarë sot në mëngjes, pas një beteje me armë zjarri që zgjati gjatë gjithë natës. Grupet mjekoligjore nga rrethi i Korçës konfirmuan ngjarjen. "Krimi nuk ka qënë asnjëherë kaq i lartë në Pogradec." u shpreh nga selia rozë Taulant Balla, ndërkohë që Ministri i shteti Genc Pollo e akuzoi partinë Socialiste se po thyen kodin e "lacit". Burime të ministrisë konfirmuan se edhe zëvendësimi i popullit armëdashës Pogradecare me një popullsi më të butë dhe më paqedashëse, ka qënë brenda planeve të ministrisë. "është koha për një Pogradec të ri, të ndryshëm. Ky është ndryshimi" thekson burimi. Në lidhje me vrasjet Policia e shtetit njofton se ka shumë prova por asnjë të arrestuar. Këta vranë njëri tjetrin, e nuk dihet kush qëlloi i pari.

Lajmet skiÇ - 6 Nentor 2009

noreply@blogger.com (Anonymous) — Sat, 07 Nov 2009 10:36:00 +0000

VLORË - Pas 19 vjetësh, 34 vjeçari nga Vlora Roland Gjetja ka vendosur të ndalë përpjekjen në kërkim të vetvetes. "Unë e nisa mirë me thënë të drejtën, në gjimnaz pata shtytje se lexova Kamynë e që atëhere jam përpjekur fort për të gjetur kuptimin e thellë jetës, nisa një udhëtim në kërkim të vetvetes. Pas Kamysë, lexova Sartrin. Bëra gabim kur lexova Gaqo Bushakën, se aty e humba rrugën. Derri fliste. Më vonë u futa në PD, dola se më dukej vetja PëDër, u futa në PS, dola se më dukej vetja PëSëje. 19 vjetë janë boll, kam vendosur ta lë me kaq kërkimin për vetëveten, tani e tutje të premteve do shoh "Çanin" si gjithë të tjerët." Z. Gjetja thekson për "Klubin e mëngjesit" se ka një mundësi të vogël që t'i drejtohet Aida Shtinos dhe stafit të "Njerëz të humbur" për ndihmë.

ELBASAN - Në seancën e së enjtes Kuvendi i Shqipërisë aprovoi shitjen e qytetit të Elbasanit për skrap. Kundërshtimi i deputetëve elbasanllinj nuk ka mjaftuar për të ndalur vendimin e Kuvendit që qyteti i Elbasanit dhe rrethinat t'i shiten firmës Sllovene "Plloç International" si material skrapi. Kjo është në të mirë të qytetarëve të Elbasanit theksoi deputeti Mark Marku, ne duhet të veprojmë në kohë që ta shfrytëzojmë këtë ofertë. Pasi të jetë çmontuar dhe shkrirë, qyteti i Elbasanit pritet të nxjerrë 6 miljonë tonë çelik, 1.7 miljonë tonë alumin dhe 79,000 mijë tonë bakër. Të pranishëm në seancë, përfaqësueshit e "Plloç International" përshëndetën vendosmërinë e qeverisë shqiptare dhe siguruan se çmontimi dhe shkrirja e Elbasanit është alternativa më e mirë për qytetin. Punimet pritet të nisin të hënën me djegien e bibliotekës së qytetit.

TIRANË - Të ndërgjegjësuar për dëmin që i shkaktohet mjedisit nga sasia e madhe e plehrave që prodhon kryeqyteti, shoqata e të droguarve e mbështetur nga Bashkia e Tiranës, shpalli dje nismën "1 Age - 2, 3 shokë". Nisma e shoqatës së narkomanëve synon t'i nxisë përdoruesit e heroinës të mos përdorin age të reja çdo herë që drogohen. "Shumë prej nesh e përdorim agen një herë për tu droguar, dhe pastaj e hedhim në plehra pa menduar se plehrat janë një kosto për ambientin." - thotë për mikrofonin tonë Gëzim Peçi, drogaxhi ordiner dhe kryetar i shoqatës. "Nëse gjen një age poshtë urës, mos nguro por merre dhe përdore. Ndihmo ta mbajmë Tiranën të pastër." Rrapi këshilloi përdoruesit e drogës se fshirja e ageve të përdorura me gazetë është e mjaftueshme për pastrimin e tyre.

Lajmet skiÇ - 3 Nëntor 2009

noreply@blogger.com (Anonymous) — Tue, 03 Nov 2009 20:18:00 +0000

Të tejngarkuar me reformën e thellë që po ndërrmerr sektori i shëndetësisë, si një nga 23 prioritet më prioritare të qeverisë, Ministria e Shëndetësisë njoftoi për mediat se ka vendosur të shtyjë për në vitin 2010 ardhjen e virusit të gripit të derrit në Shqipëri. Këshiltari i Ministrit, Aqif Tështiu tha për klubin e mëngjesit se ministria e shëndetësisë nuk ka kapacitetet e nevojshme për të përballuar virusin A H1N1 në këtë moment, ndaj ka vendosur ta shtyjë futjen e tij në vend për vitin 2010. "E pezulluam gripin vetëm përkohësisht, pasi jemi shumë të zënë me reformën, dhe ngaqë kemi përpara festat e Nëntorit dhe vitin e ri." - sqaron z. Tështiu. Opozita nga ana e saj e kundërshtoi dje vendimin e Ministrisë së Shëndetësisë duke i kërkuar Qeverisë të respektojë angazhimet e marra nga vendi ynë me nënshkrimin e MSA-së.

Policia e shtetit informoi publikun sms-të e shumta që kanë mbërritur në numrin e kontaktit, të cilat njoftonin për rrahjen e gazetarit Mero Baze pranë një lokali në qendër të Tiranës. "Ejani shpejt se po zihen dy maskarenj!", ky ka qënë mesazhi i parë që na ka mbërritur nofton zëdhënësi Erzen Kërrbuti. Mesazhi i dytë thotë;"I ranë tullacit me tullë tullës" dhe mesazhi i tretë që mbërriti në numrin e policisë së shtetit thotë, "Qenkan ca alamet femrash këtu te lokali i Turit". Mesazhi i fundit ka arritur të vërë në lëvizje forcat e policisë së disa komisarjateve të cilat janë nisur për në bllok, ku kanë qëlluar në vendrrahjen e Bazes. Gazetari Andi Bushati, i tronditur deri në lotë pasi ishte dëshmitari parë i skenës e drurit, u ka teguar forcave të rendit se Rezart Taçi ishte larguar nga vendngjarja me një anije kozmike.

Tiranë - Ministria e Arsimit shpalli dje se pas suksesit të grevës së urisë së studentëve në Vlorë ka vendosur që ta bëjë grevën e urisë një kusht për marrjen e diplomës. "Kemi të bëjmë me një sistem 3 vjeçar studimesh bachelor që ndiqet nga një grevë urie. Pas kryerjes me sukses të grevës studentit jepet diploma e ciklit të parë" - na shpjegon modelin e ri Sorrollatje Vërrdalla, sekretare e Rektorit të Universitetit të Tiranës. "Nuk do të ketë kalim në ciklin e dytë për studentët që nuk kanë kryer grevën e urisë. Doktoraturën mund ta vazhdojnë vetëm ata studentë që pas grevës kanë patur edhe një periudhë konfrontimesh fizike me stafin. Këta dy elementë janë janë të domosdoshëm për formimin e lartë." Pas njoftimit, Studentë të Univ. të Shkodrës kërcënuan se nëse nuk hiqet kushti i grevës së urisë, do të futen në grevë urie.

LEZHË - Pronari i hotelit te djegur ne Shen Gjin gjatë fundjavës së kaluar u betua se do ta gjejë zjarrin e njohur si Bubulaku që i shkrumboi kompleksin turistik "Ngrohtësia" dhe se kur ta gjejë "do ta shuajë njëhërë e përgjithmonë. Gjovalin Pisha vuri dorën në zemër kur u betua përpara mikrofonëve tanë se do ta ndjekë deri në vdekje zjarrin që i shkaktoi mbi 2 miljonë dollarë dëme. "Unë nuk ia fal burrash!" u shpreh z. Pisha. "Une do ta ndjeki at zjarr këmba këmbës. Nuk asht hera e pare që m'bi nqaf. Tesh, zgjidhet me kanun kjo punë. o ai o unë ka mbet". Më gjithë përpjekjet e misionarëve të paqes për t'i ulur në një tavolinë Zotin Pisha dhe zjarrin në fjalë, asnjëri prej tyre nuk ka pranuar të takohet me tjetrin.

Lajmet skiÇ - 30 Tetor 2009

noreply@blogger.com (Anonymous) — Thu, 29 Oct 2009 17:23:00 +0000

TIRANE - Gjatë një takimi të mbajtur në auditorët e Universitetit Afrikan të Tiranës pasditen e së mërkurës, Ministri i Kulturës Ferdinand Xhaferri informoi të pranishmit se kishte nisur negociatat me Çadin për rikthimin në Shqipëri të eshtrave të ish presidentit Alfred Moisiu. I pranishëm në takim, ish-presidenti Moisiu kundërshtoi ministrin duke thënë se është gjallë e shëndoshë e mirë. Por z. Xhaferri i rrëzoi pretendimet e Mosiut duke e siguruar auditorin se ish Presidenti ka vdekur në mërgim në Çadin e largët, në vitin 2021. Në përfundim të takimit Ministri Xhaferri i njohu të pranishmit me shpikjen e tij të fundit; "është një mjet në formë rrethi, një tip disku, të cilin e kam pagëzuar "Rrotullamja" dhe do të revolucionarizojë transportin," - tregoi Ministri Xhaferri.

TIRANE - Qeveria Shqiptare ka deklaruar se do të shkurtojë vendet e punës në administratën shtetërore me 120%. Është hera e parë që një administratë deklaron se do të shkurtojë më shumë nënpunës sesa ka. Vendimi i qeverisë u përshëndet nga përfaqësues të Fondit Monetar Ndërkombëtar. "Jemi qeveri në dietë, jo shaka", - deklaroi për mediat Ministri Bode. "Ky vendim i vështirë është në interes të vendit. Llogaritëm se do t'i kursenim buxhetit 1.2 meleonë euro nëse shkurtonim 20% të administratës. Që atje u bë e qartë se nëse shkurtonim 40% do të kursenim 2.4 meleonë euro, nëse shkurtojmë 100% të administatës kursejmë 6 meleonë. Por pastaj menduam, 'Po ce ta lëmë me kaqë?', eleminojmë edhe 20% më tepër dhe kursejmë plot 7 meleonë euro!"

PARIS— Shtëpia e modës Chanel shpalli të enjten se ka krijuar një fragrancë të re të frymëzuar nga Shqipëria. Parfumi është konceptuar të përballojë pluhurin, tymin dhe lagështinë e djersës njerëzore ne furgonët e linjës Tiranë - Tepelenë. "E kemi quajtur Chanel Numër 3, pasi i kushtohet Shqipërisë dhe vendeve të tjera të boptës së tretë." - na shpejgon Presidenti i Chanel Mauris Shiket. "Parfumistët tanë ishin dy prej 2 miljonë e gjysmë turistëve që vizituan vendin tuaj këtë vit. Ata pushuan pranë kanaleve të ujrave të zeza në bregdetin shqiptar, dhe u kthyen në Paris me dëshirën për të dhënë diçka për vendin tuaj. Dhe sipas nesh Shqipëria mbi gjithçka, ka nevojë për parfum."

TIRANE - Burime të brendshme të qeverisë tregojnë se që pas emërimit të tij si Ministër i Shtetit, Genc Pollo mendon vetëm për faktin se është i teti në rradhë për tu bërë Kryeministër i vendit në rast urgjence. "Nuk është gjë e lehtë të jesh i teti në rradhë," - thotë z. Genc Pollo. "Ta zëmë se Kryeministi Berisha, Zv Kryeministri Meta, Ministri i Mbrojtjes, Ministri i Brendshëm, Ministri i Drejtësisë, Ministri i Energjitikës, Ministri i Punës dhe Ministri i Mjedisit nuk janë më në gjendje të kryejnë funksionet e tyre, atëherë me rregull i përket Ministrit të Shtetit, pra mua, të bëhem Kryeministër." - shpjegon Pollo. Miq të z. Pollo na tregojnëse ai zotohet vazhdimisht se do të jetë një kryeministër modest dhe se nuk do ta keqpërdorë pushtetin që i është besuar. "Jam gati për të drejtuar vendin. Mos e dhëntë Zoti të ndodhë ndonjë fatkeqsi. Por gjithësesi, unë jam gati!" - shprehet ai.

TIRANE - Mbrëmë në orët e vona, në një nga rrugicat e errëta të ish-kinostudios, këngëtarja e njohur Çiljeta Xhilaga ka rënë viktimë e një banditi ndërsa pregatitej për festën e Hallouinit. "Kisha ardhur në kinostudio për të gjetur një kostum të përshtatshëm për Hallouin," - tregoi Xhilaga. Sipas të dhënave, banditi i maskuar si Landi i West Side Family e ka detyruar Çiljetën t'i japë dy kungujt e saj. "Ishte shumë i frikshëm, ishte maskuar tamam si Landi! Ne fillim kujtova se ish vertet ai por pastaj më nxorri një alamet tytë... pistolete. Që-kshuuuu, u detyrova t'ia jap kungujt e mi. Goxha kunguj, masa 8, tamam për Hallouin." Këngëtarja Çiljeta Xhilaga dukej e traumatizuar nga ngjarja, por siguroi gazetarët se edhe këtë vit ajo do të trembë shqiptarët me një kostum të ri surprizë.

Lajmet skiÇ - 28 Tetor 2009

noreply@blogger.com (Anonymous) — Wed, 28 Oct 2009 12:36:00 +0000

Analisti, publicisti, showman-i dhe gazetari i njohur Mustafa Nano tha dje për reporterët e Klubit të Mëngjesit se është i bindur që një pjesë e popullatës mund të arrijë kënaqësi seksuale vetëm duke fantazuar për Mustafa Nanon. "Në fillim e pata vetëm si ndjesi, thjesht më vajti mendja, por me kalimin e kohës u binda, dhe tani nuk kam më asnjë dyshim që një fashë e caktuar e popullatës kanë një obsesion të fortë seksual për mua.", u shpreh Z. Nano. "Me thënë të drejtën, edhe më bëhet qejfi, por edhe më shqetëson ky fakt. Imagjino ç'mund të ndodhë nëse nuk shkruaj më, apo nëse lë ekranin... ata mund të shpërthejnë." I pyetur për detaje, Nano na tha se të obsesionuarit seksualisht pas tij, janë burra dhe gra, të të dyja sekseve.

Specialistët e Institutit të shëndetit Publik në Tiranë izoluan dje një gen që do zgjasë jetën e njeriut deri në 160 vjetë. Geni u gjet në kampionin e gjakut të kryeministrit Berisha. Sipas specialistëve geni i pazbuluar më parë ndikon mbi mitokondrinë, duke lëshuar një enzimë që ngadalëson plakjen. Drejtori i institutit, Proletar Haxhia tha se shkenca ka kohë që e kërkon një gen të tillë por ai mund të gjendej vetëm në trupin e një njeriu të përkryer. "Falë genit të kryeministrit jetëgjatësia e njeriut do të dyfishohet" - u shpreh Haxhia. Nga ana e tij, kryeministri Berisha u shpreh se i vinte keq që nuk mund të bënte më shumë për njerëzimin këtë javë. Akuzave të Partisë Socialiste se zgjatja e jetës së popullatës do të shkaktojë mbipopullim, mungesë strehimi dhe uri, ISHP garantoi se Kryeministri do t'i zgjidhë edhe këto probleme javën që vjen.

Tiranë - Lëvizja "Shtrihu!" njoftoi pasditen e djeshme për mediat se një studim i kryer nga kjo lëvizje zbuloi se pohimet e vjetra se librat i çojnë lexuesit në vende të largëta e misterioze nuk janë veçse gënjeshtra ordinere. "Që në fëmijëri, prindër e mësues, na kanë mashtruar se leximi i librave të çon në vende të panjohura, në zbulim të botëve të reja. Gjepura! Studimi ynë gjeti se lexuesit nuk shkojnë kurrkund. Jemi të revoltuar, pasi 100% e pjesmarrësve që vëzhguam lexonin ulur ose shtrirë, dhe nuk lëvizën nga vendi asnjë centimetër gjatë leximit. Është e qartë se ky mashtrim është një komplot i vëllazërisë së bibliotekareve. Titulli i profesionit të tyre flet vetë." Në mbyllje, Lëvizja "Shtrihu!" bëri thirrje për bojkotimin e panairit të librit që mbahet në muajin nëntor në kryeqytet.

Lezhë - Kryetari i partisë tjetër demokristiane, emrin e së cilës fatkeqsisht nuk e mbajmë mend, Z. Nikollë Lesi, mori dje postin e Zv. Ministrit të Turzmit. Pasi u sigurua që në sallën e hotelit të gjuetisë ku u bë prezantimi i shtypit nuk kishte kamera të fshehura, Zv. Ministri Lesi u shpreh se ndihej i nderuar në pozicionin e ri dhe u betua tre herë se do punojë fort për ekspozimin e vlerave shqiptare. "I gjithë stafi im do të jetë i angazhuar në thithjen e turistëve të huaj," - deklaroi Lesi, pa pranuar të qartësojë ç'forma thithjesh të turistëve do të përdorë ky dikaster. Në fund të mbledhjes, Lesi deklaroi para stafit që do punojë nën të se "punën e lënë në mes nga ish ministri Pango do ta shtyjë përpara edhe më fort"

Lajmet skiÇ - 26 Tetor 2009

noreply@blogger.com (Anonymous) — Mon, 26 Oct 2009 12:04:00 +0000

Janë të lutur gazetarët e Ora News të mos na e zhvasin punen me copy paste. "Lajme skiÇ eshte segment i "Klubit të mëngjesit" në ClubFM 100.4 dhe ClubTV.
Faleminderit.

Tiranë - Televizioni informativ News24 u nderua në fundjavë me çmimin prestligjoz "Hanibal Lekter" për kontributin në ilustrimin e kronikës së zezë me pamjet më horror. "Asnjë televizion nuk sjell aq shumë imazhe kufomash nga aksidentet e ndryshme sa News24" - tha për të pranishmit Sqepar Gazepi ndërsa i dorëzoi çmimin kryeredaktorit Babaramo. "Ne jo vetëm që informojmë shqiptarët për çdo makabritet që ndodh, por jemi të përkushtuar të sjellim pamjet e dhunës së tmerrshme në shtëpitë tuaja," - u shpreh Babaramo për reporterët. "Si staf kemi ndjerë një kënaqësi të veçantë në ato raste kur familjarët e viktimave e kanë marrë vesh lajmin e vdekjes së të dashurve të tyre pasi kanë parë kufomat në ekranin tonë."

Gaza - Pas suksesit të emisionit Opinion që vuri përballë ish-drejtorin e Hartografisë, Myslym Pashaj dhe Kundëradmiralin Kristaq Gërrvërri, mësohet se gazetari dhe opinionisti i televizionit Klan, Blendi Feviziu, ka marrë një ftesë nga Asambleja e përgjitëshme e Kombeve të Bashkuara për të organizuar një emision të tillë edhe mbi territoret e pushtuara në rripin e Gazës, çka do të zgjidhë përfundimisht konfliktin midis Palestinës dhe Izraelit. "Është një dopjo-ftesë," - u shpreh sekretari i përgjithshëm Ban Ki Mun, - "pasi vjen njëherësh edhe nga Hamasi, edhe nga qeveria Izraelite. Të dyja palët në konflikt, dhe ne si OKB, jemi shumë entuziastë dhe të bindur se pasi ta marrë në dorë Fevziu këtë punë, çështja e Palestinës do të sqarohet një herë e mirë.

Tiranë - Kopshti Zoologjik i Tiranës organizoi mbrëmjen e djeshme banketin e titulluar "Bishat janë si ne" që synonte ngritjen e fondeve për të përmirësuar kushtet e kafshëve dhe shpendëve të këtij kopshti. Biznesmenë të fuqishëm, politikanë, përfaqësues të shoqërisë civile dhe miq të kafshëve morën pjesë në mbrëmien gala që u mbajt në ambientet e Kopshtit Zoologjik. Përveç shampanjës pjesëmarrësve ju servir edhe mishi i mrekullueshëm i dy mjellmave të fundit të Kopshtit. Menyja përfshinte edhe dhelpër të pjekur. "Është një ide fantastike u shpreh Z. Henri Çili, i ftuar në banket, - "mishi i zonjës dhelprës qënka, ç'qënka! Tres Bon! Merci, merci." Banketi arriti të grumbullojë rreth 261,000 lekë që do të përdoren për blerjen e një furre me dru aq të madhe sa të nxërë ariun.

Gjirokastër - Firma e arkitektures "Artisti" me aktivitet në disa rrethe të vendit tregoi për vizitorët në panairin e ndërtimit se nuk përdor asnjë lloj matjeje dhe softwaresh për të projektuar godinat e banimit. Hafiz Kasollja, projektuesi kryesor i firmës shprehet: "Jo më kot e kemi quajtur firmën "Artisti". Ne nuk besojmë tek matjet, as tek vizatimi teknik kur vjen puna tek projektimi i godinave, ne punojmë nga mendja. E bëjmë me shpirt këtë punë, jo me kompjutera. Akshe akshe asnjë prej nesh nuk është arkitekt me zanat, por, s'do as mend as kalem kjo punë. Po deshët jua bëj unë një pallat tani në vend, për 10 minuta, gati." Fjala e Zotit Kasollja u duartrokit nga punëtorët e firmës së ndërtimit "Kolaps shpk".

Lajmet skiÇ - 23 Tetor 2009

noreply@blogger.com (Anonymous) — Thu, 22 Oct 2009 12:05:00 +0000

Stafi pedagogjik voton pro lejimit të ngacmimit të fëmijës me mbiemrin që rimon me %#^@. Pas diskutimesh të forta që zgjatën deri në orët e para të mëngjesit të së premtes, stafi pedagonjik i shkollës 9 vjeçare "Teuta" në Durrës votoi unanimisht pro vazhdimit të ngacmimeve dhe talljeve që shokët e klasës i bëjnë nxënësit Klodian Vidhi. Zv. Drejtori i shkollës, Zoti Perlat Llozi, tha për klubin e mëngjesit se megjithëse e kupton shqetësimin e prindërve të Klodianit, rimat dhe vjershat që mund t'i thuren një studenti me mbiemrin Vidhi janë shumë të gjetura, dhe shërbejnë për të forcuar identitetin seksual të fëmijëve. Zv drejtori Llozi shtoi se ky vendim i stafit pedagogjik do të shërbejë si precent për adresimin e ankesave të nxënsve, Pamela Bica, Armand Grima e Elian Trari.

Vdes shoku i Facebook - Të martën e kaluar, ndërsa kontrollonte fotografitë me bikini të Zhakut dhe profilet e 621 friendsave të tjerë në Facebook, Andi Mamaqi vuri re se miku i tij në Facebook, Geron Cofi, kishte vdekur. "Eh, paska vdekur", tha Mamaqi. "E pabesueshme, nuk ka mundësi. Ky dje më dërgoi edhe një videoklip të Big Mamës!!", - shtoi i shokuar. "Sa keq që nuk arrita ta takoj asnjëherë këtë person! Por ishim miq të ngushtë online, e kam pasur "pet". Ja pra pse njeriu duhet ta shijojë çdo koment që i lënë në facebook sikur të ishte i fundit." Pasi kaloi dy minuta duke parë foptografitë e të ndjerit Cofi, Andi Mamaqi, i prekur thellësisht, vendosi t'i bashkohet grupit të programit, "Më shumë dashuri".

Shish Tufinë - Një mtiting madhështor u mbajt ditën e djeshme në djerrinat rrëzë malit të dajtit për të protestuar pa ndonjë qëllim të cakuar. Nuk dihet se kush janë organizatorët e protestës dhe as qëllimi dhe mesazhi i saj. "Kërkojmë më shumë përgjegjësi, më shumë transparencë dhe më shumë përgjegjësi" thërriste pa pushim Bilal Bibiloqi pa ju drejtuar ndokujt në veçanti, ndërsa mijra protestuesit e grumbulluar përreth tij mbanin parrulla pa mbishkrime. "Mos dëgjoni atë se ai është i droguar, ne nuk shkulemi që këtu deri sa të dëgjohet zëri ynë" - klithi për mikrofonin tonë Zenepe Zilja, "nuk kërkojmë asgjë, boll kemi duruar." Pas tubimit që zgjati për mbi gjashtë orë, qytetarët e hutuar. bënë homazhe në varrezën e Shish Tufinës.

Tiranë - Si pjesë e masave për të ndëshkuar kompanitë e duhanit për dëmin që i shkaktojnë shëndetit publik, Kuvendi i Shqipërisë mbajti dje në orët e vona një seancë për te miratuar masa ndëshkimore ndaj kompanive të duhanit, duke i detyruar ato të shpërndajnë cigare falas. "Kjo nuk është shaka" - shpalli pas seancës deputeti Krenar Çibuku. "Duahnpirja është një kosto e rëndë për xhepat e shqiptarëve ndaj ne me këtë ligj i detyrojmë kompanitë që importojnë duanin t'i dëmshpërblejnë klientët e tyre." Masat parashikojnë shpërndarjen e cigareve falas në shkollat nëntë vjeçare dhe gjimnazet, kudo në Shqipëri. "ne duam që ta ndëshkojmë industrinë e duhanit për fitimet që shpërndan duke shitur helm, dhe nuk ka mënyrë më të mirë sesa t'i detyrojmë ta shpërndajnë duhanin falas. Do të jetë një mësim i mirë për ta.

Lajmet skiÇ - 21 Tetor 2009

noreply@blogger.com (Anonymous) — Tue, 20 Oct 2009 13:31:00 +0000

Tiranë - Ministri i transporteve Sokol Olldashi prezantoi dje projektin e kësaj ministrie për të ndërtuar korsi të veçanta për shoferët e dehur përgjatë të gjitha rrugëve të vendit. "Këto korsi janë mbajtja e premtimit që u bëmë të gjithë shoferëve pijanecë e kamikazë në vend" - u shpreh ministri. "Tashmë të gjithë ata drejtues mjetesh që nuk duan të zbatojnë rregullat e qarkullimit rrugor, që nuk njohin sinjalet rrugore, apo që janë të dehur në timon, nuk do të jenë më të detyruar të durojnë qytetarët e ngathët që ngasin me kujdes." Plani për korsitë kamikaze do të kushtojë rreth 273 miljonë euro dhe parashikohet të përfundojë brenda vitit 2011. Shiritin e përurimit të këtij projekti e preu Zv ministri Edmond Haxhinasto me makinën zyrtare, të cilën e ngau pa duar.

Romë - Publicisti i njohur Fatos Lubonja u nderua dje në Romë me çmimin "TeleSokrati" i cili i jepet personit që shfaqet më gjatë dhe më shpesh në ekranet televizivë. Me mbi 63,000 orë kohë televizive dhe mbi 3000 analiza dhe replika Lubonja mundi për sezonin 2008 - 2009 udhëheqësin venezuelan Ugo Çavez që grumbulloi 49,153 orë kohë televizive. "Jam i lumtur ta pranoj këtë çmim, por ndërkohë jam i trishtuar për gjendjen mizerrabël të medias shqiptare" - u shpreh Lubonja. "Në mediat Shqiptare shfaqen vetëm pak njerëz që i bëjnë lavazh truri dhe manpulim publikut për interesave të atyre që e kontrollojnë sistemin mediatik. Personalisht kam shumë më tepër për të thënë, por më censurojnë." Ndërkohë mësohet se politologu Artur Zheji e ka quajtur këtë çmim një farsë mediatike.

Pezë - Një grup deputetësh të Partisë Socialiste kanë shpallur të martën angazhimin e tyre në "Lëvizjen për mendimin njësoj". Lëvizja, e iniciuar nga deputetët Tahiri dhe Shalsi ka për qëllim mohimin e përgjegjësive brenda Partisë Socialiste për "s'fitoren" e 28 qershorit. Pasi njoftoi se ka ndërruar emrin nga Eduard në thjeshtë Edi, deputeti Shalsi, u shpreh në këtë takim se ” jemi këtu në bazë të socialistëve sepse besojmë se Partia Socialiste duhet të qëndrojë larg strategjisë së parlamentarizmit dhe do të punojmë për minimizimin e përgjegjësive brenda të majtës mbi arsyet pse i s'fituam zgjedhjet. Lëvizja për mendimin njësoj e deklaron, qartë dhe prerë; është i sharë rëndë kush nuk e mendon si ne" - përfundoi fjalën e tij Edi Shalsi.

Tiranë - Në një konferencë për shtyp pasditen e djeshme budallai i lagjes Ali Demi në kryeqytet, 29 vjeçari Ledion Llapa (asnjë lidhje me Ver Llapën) njoftoi se rreth orës 1:43 të mëngjesit do të postojë një koment idiot në blogun Peshkupaujë.com. "Pasi e mendova gjatë, vendosa që gjatë natës të hap forumin dhe pasi të zgjedh një temë do shtyp butonin përgjigju dhe do shkruaj një koment, duke u kujdesur të përdor sa më pak mendim, të përdor vetëm gërma të mëdha dhe asnjë shenjë piksësimi." - tha Llapa. "Edhe pse nuk e di ende çfarë komenti do të jetë, mund ta them me bindje se do të jetë një çmenduri. Ju garantoj një kombinim të injorancës me agresivitet dhe budallallëk." I pyetur për detaje të mëtejshme idioti Ledion Llapa, që shkruan me pseudonimin "Mendimtari", tha se gjasat janë që komentin ta postojë aksidentalisht dy herë.

Washington - Në seancën e parë dëgjimore mbi taktikat abuzive në burgun Guantanamo, komisioni hetimor arriti në përfundimin se i burgosuri Omar Kadër nuk është në gjendje të pranueshme për të dëshmuar mbi torturat psikologjike që ka vuajtur. "Për shkak të gjendjes së brishtë mendore që ky i dyshuar vuan si pasojë e viteve të kaluara nën tortura psikologjike dhe kushte cfilitëse, Zoti Kadëri nuk është i besueshëm si dëshmitar," - u shpreh kryetari i komisionit Xhorxh Çejni. "E vërteta është se një njeriu që i ka vuajtur në kurriz torturat e mbytjes me ujë, pagjumësinë, dhimbjen dhe stresin e shkaktuar nga zhurma nuk mund t'i zihet besë." Zoti Çejni shtoi se për rrjedhojë dëshmia e mëparshme, ku Omar Kadër pranon aktivitetin e tij terrorist, do të mbetet në fuqi.

LaJmeT sKiÇ - 19 Tetor 2009

noreply@blogger.com (Anonymous) — Sun, 18 Oct 2009 20:26:00 +0000

Tirane - Kryeministri Sali Berisha deklaroi diten e djeshme se kane nisur negociatat me qeverine gjeorgjiane per sjelljen ne Shqiperi te eshtrave te aktorit Akaki Aleksejeviç Korava. Ne vitin 1953 Korava interpretoi rolin e Gjergj Kastriotit në filmin "Skënderbeu". Sipas Berishes, aktori Gjeorgjian duhet te prehet ne Kruje. "Ju garantoj une juve" - u shpreh Berisha - "qe Akaki Aleksejeviç Korava me mjeshterine e tij u be, pas Skenderbeut dhe meje, ndoshta njeriu me popullor i ketij vendi. Ai eshte, si te thuash, baxhanaku i kombit." Akoma nuk ka nje prononcim zyrtar nga autoritetet gjeorgjiane. Ne te njejten dalje per shtyp Kryeministri zbuloi se po pregatitet t'i paraqese Presidentit francez Sakrozi kerkesen per risjelljen ne Shqiperi te eshtrave te Napoleon Bonapartit, perandorit francez me origjine shqiptare.

Ballsh - Autoritetet vendore te qytetit te Ballshit ne rrethin e Mallakastres shpallen te djelen qellimin e tyre per tu bere qyteti organizator i lojrave olimpike te vitit 2216. Zyrtare te kesaj Bashkie thane per mediat se lojrat Olimpike te vitit 2216 do te transmetohen ne satelit, duke shprehur bindjen se ne 200 vjetet e ardhshem Ballshi do te kete garantuar furnizimin me 24 ore energji elektrike. Organizatoret e Olimpiades se 81-te shprehen besimin se Ballshi do te ofroje nje organizim madheshtor, duke punuar fort ne 207 vjetet qe na ndajne nga Lojrat edhe per largimin e eres se naftes. Autoritetet vendore ne Ballsh falenderuan ish ministrin e mjedisit Xhuveli per numrin e madh te gomave te perdorua qe ka sjelle ne vend, te cilat nje dite do te perdoren per ndezjen e flakes olimpike.

Kavaje - Kryetari i shoqates "Anti-Gay Albania" u shpreh sot per Klubin e mengjesit se megjithe projektligjin pro-martesave-homoskesuale, shoqata e tyre do te vazhdoje te mbjelle faren e urrejtjes ndaj pedeve ne cdo cep te vendit. "Eshte shume e thjeshte," - u shpreh Dashnor Gopi per mediat, - "nese Perendia do te donte qe ne te ndalonim se urrejturi njerezit vetem per shkak te preferencave te tyre seksuale, atehere Zoti do na e kishte dhene tolerancen ne zemren tone. Por nuk na ka dhene fare. Zoti na ka bere keshtu sic jemi, dhe jemi anti-gay te terbuar. Ne i urrejme homot sepse Zoti na ka bere keshtu. Pse nuk na kuptoni dot? Pse nuk na pranoni sic jemi?" Mesohet se shoqata "Anti-Gay Albania" ka bere nje dhurim financiar per levizjen "Shtrihu!" ne kuader te fushates se tyre, "Duahni te ben Gay!".

Tirane - Ministria e shendetesise eshte shprehur e vendosur qe testimi i detyrueshem per hemoroide te kryhet te shtunen me 24 tetor ne te gjitha rrethet e vendit, me gjithe kundershtimet forta te opozites socialiste. "E gjithe popullata e vendit do te kontrollohet per hemoroide, pamvarsisht moshes, gjinise dhe prirjes politike. Opozita te mendohet mire kur kundershton kete sherbim qe i ofrohet popullit" - u shpreh zdh. e kesaj ministrie Lakuriqe Zhega. Kontrolli i popullates per hemoroide, eshte kusht i Marreveshjes se Stabilizim Asociimit, dhe do te kryhet ne te njejtat embiente qe sherbyen si qendra votimi ne qershor. Zedhenesja e ministrise i beri thirrje popullates te mos e bojkotoje kete proces integrues duke thene se "ulja e brekeve eshte nje veprim europianizues".

Flushi informativ i "Klubit të mëngjesit" , ClubFM 100.4

noreply@blogger.com (Anonymous) — Thu, 15 Oct 2009 16:54:00 +0000

Shkodër - Pas aksidentit te rende automobilistik qe mori jeten e 5 te rinjve nga Kërrbaci i Shkodres mbremien e se merkures te aferm dhe miq te viktimave u mblodhen se bashku per ta perkujtuar kete humbje te thelle dhe vendosen te dorezohen plotesisht.
Ne momente te veshtira si ky, te mbledhesh veten e te gjesh forcen per te vazhduar jeten, thjeshte nuk eshte e mundur – tha per Klubin e mengjesit kryeplaku i fshatit Kerrbac, Naim Qemali. Vdekja e parakohshme e Zamira Zybës, Fijona Buçes, Ziko Asimit, Stafet Qemalit dhe Rudina Korbës ka shkaktuar nje traumë te rende mbi fshatin e vogel shkodran. “Nuk shoh sesi banoret e fshatit tone mund te mbeshteten tek njeri tjetri per te perballuar kete humbje, apo qofte edhe per ndonje hall tjeter. Eshte teper e tmerrshme – shton kryeplaku. Qemali na thote se te afermit dhe fshati nuk kane plane per vigjilje perkutjimore dhe as kane vene lule ne vendin e aksidentit. “Po te mblidhemi bashke e ti kujtojme keta te rinj te mrekullueshem,vetem sa do na shtohet dhembja dhe do ndjejme edhe nje here sa e rende eshte kjo tragjedi. Te ndjeret nuk do ta donin kete, thote me lote ne sy kryeplaku.
Sipas tij, dhimbja nuk do te pushoje kurre, plaget nuk do te sherohen por do thellohen e qelben, vit pas viti e dekade pas dekade. Kjo tragjedi e rende do harrohet vetem kur te gjthe banoret e Kerrbacit te kene vdekur.

Vlorë - Edhe pse prej vitesh eshte viktime e abuzime fizike dhe verbale dhe jeton me ndjenjen e terrorit per shkak te kerkesave dhe xhelozive te partnerit te vet, telefoni i tipit Nokia E51 nuk ka gjetur dot mbeshtetjen e autoriteteve per te shpetuar nga dhuna psikologjike e Tefik Derës.
Dëshmitarë të shumtë okularë e kanë parë 43 vjeçarin Dera të humbasë kontrollin në shumë raste, duke e ofenduar rëndë dhe duke e goditur telefonin. "Fatkeqsisht, ky është një rast i përsëritur në Shqipëri", u shpreh për Klubin e mëngjesit, Donika Shehi, përfaqësuese e fondacionit "Celularë me dinjitet". "Nokia E51 për të cilën po flasim ka ardhur tre herë për riparim në qendrën tonë këtë vit. Telefonët celularë, shpesh bëhen pre e dhunës së përdoruesve dhe e mentalitetit. Pronarët thonë se u ra nga dora, apo se e fëmijët ua zhytën në ujë, por ne e dimë që këto janë raste flagrante abuzimesh", shton Zonja Shehi. Klubi i mëngjesit u munda të kontaktonte Nokian E51, por celulari dilte i fikur.

Korçë - Të afërmit dhe familja e Thoma Vangjelit nga qyteti i Korçës konfirmuan për Klubin e Mëngjesit se babai i tre fëmijëve me profesion shitës ambulant zgjohet çdo mëngjes i pregatitur për të dhënë edhe jetën po u desh, në rast se dikush përpiqet t'i marrë stilolapsin e tij të preferuar. "Ai nuk e heq asnjëherë nga sytë," na tregon një antare e familjes së Thomait në kushte të anonimitetit. "Edhe një herë që më la ta përdor stilolapsin në shkollë ai më ndoqi dhe më vëzhgonte gjatë mësimit nga taraca e godinës përballë gjimnazit. Ndonjëherë gënjen dhe thotë se nuk e ka stilolapsin me vete, edhe pse duket qartë se e mban në xhepin e xhaketës." Thoma Vangjeli e ka humbur për herë të fundit stilolapsin në mars të vitit 2003, kur e harroi në një bankë. Kur ndodhi kjo, Vangjeli bleu një stilolaps tjetër.

Tiranë - Një studim i kryer nga Ministria e Shëndetësisë javën e parë të tetorit zbuloi se përpjekja për të zbutur reagimet e njerëzve në gjendje të rëndë emocionale duke i këshilluar të qetësohen ishin të efektshme vetëm 9% të herëve. Gjatë kërkimeve të kryera në laboratorët e Institutit të Shëndetit Publik në Tiranë, pjesëmarrësve u induktohej ankth duke i goditur në mënyrë të përsëritur me rrymë elektrike të tensionit të lartë. Pas kësaj pacientëve që ulërisnin u thuhej "të qetësoheshin" dhe "ta merrnin shtruar". "U habitëm jashtë mase kur zbuluam se pacientët jo vetëm që nuk qetësoheshin por në shumicën e rasteve e humbnin toruan edhe më keq", tha për Klubin e Mëngjesit psikologu Durim Papanasto. "Edhe në rastet kur pjesëmarrësve u rekomandonim të qëndronin ulur dhe të merrnin frymë thellë, ata irritoheshin edhe më shumë dhe reagonin me të qara dhe jargë të pakontrolluara." Studimi i Ministrisë së shëndetësisë zbuloi gjithashtu se kur pjesëmarrësve u thuhej "mbaje veten se le nam", 73% të rasteve përfundonin në konfrontime fizike mes tyre dhe specialistëve të ISHP-së. Në një prononcim për shtyp Ministri i shëndetësisë Petrit Vasili tha se rezultatet e këtij studimi përbëjnë një hap cilësor për integrimin e vendit.

Tiranë - Militantë të vjetër e të rinj të Partisë Demokratike kanë nisur një peticion online drejtuar Kryetarit të kësaj partie dhe njëherësh Kryeministrit të vendit, Zotit Sali Berisha. Peticioni që synon të mbledhë mbi 20,000 firma i kërkon kreut të qeverisë të dalë nga Parlamenti dhe të organizojë një vale mitingjesh të mëdha në çdo shesh e kodër të vendit. "Vendi i Partisë Demorkatike është në rrugë" - u prononcua për Klubin e Mëngjesit, nismëtari i peticionit, Beqir Çela. "Është e pafalshme për ne si demorkatë që të shohim punët tona ndërkohë që Partia Socialiste del në protesta. Ne i bëjmë thirrje Kryeministrit Berisha dhe deputetëve të shumicës që të dalin nga parlamenti dhe të zbresin në shesh si njëherë e një kohë në mënyrë që ta ngjyrosim blu kryeqytetin. Ne nuk i konsiderojmë mitingje, ato që u mbajtën gjatë fushatës elektorale. Ato ishin spektakle, ne duam emocion të pastër militant. Thirrja jonë është "Digje Votën Time!", e presim Liderin Berisha në shesh. I rëntë kanceri mu në fyt Opozitës."

Poradeci

noreply@blogger.com (Anonymous) — Mon, 20 Apr 2009 18:57:00 +0000

Perendim i vagelluar mi Liqerin pa kufir
Po perhapet dal-nga-dal nje pluhure si nje hije
Neper Mal e ner Lendina shkrumb i nates sec po bije
Duke zbritur qe nga qielli per mbi fshat po behet fir...

E kudo krahin e gjere me s'po qit e pipelim
Ne katund kercet nje port....ne Liqer hesht nje lopate....
Nje shqiponje- e arratisur fluturon ne Mal te Thate....
Futet zemra djaloshare mun ne fund te shpirtit t'im

Tere fisi, tere jeta, ra....u dergj.....e zuri gjumi....
Zoteroj me kater ane erresira.....
Po tashi:
Duke nisur udhetimimin mes per mes ner Shqiperi,
Drini plak e i perrallshem po mburon prej Shendaumi...

Ambulanca e Lagjes 9

noreply@blogger.com (Anonymous) — Sat, 04 Apr 2009 06:18:00 +0000

Po behen nja a dy mos me shume vjet qe eshte ne gjendje gerrdalle... jashte vetem sa duket si makth, brenda eshte vertete. Tani qe u zbukurua me flamuj blu a ka ndonje shans te vije ne terei se ka milet te madh 21shi...?

Videoshoqëri

noreply@blogger.com (Anonymous) — Thu, 05 Mar 2009 19:46:00 +0000

Sikur të mos kishte ndodhur ky filmim ish ministri Pango do të ishte edhe sonte në zyrën e tij komode duke zgjidhur kushedi ç'problem ekspozeje turizmi. Politikisht ai është një barrë që mazhoranca nuk ka ndërmend ta mbajë. Berisha ia zbërtheu rrufeshëm mbërtheçkat e kostumit të ministrit. Të gjithë u ngutën në një spektakël hipokrizie duke kërkuar të distancohen, t'ia heqin edhe mandatin - sikur nuk e njihnin se sa burrë i mirë ishte, duke u sjellë sikur nuk e kishin përkrahur Pangon deri mbrëmë. I përkushtuar siç ishte (punonte edhe në shtëpia) Ylli pango përfaqësonte njërin nga kuajt e garës së 28 qershorit. Kalë beteje i rracës së KOP-it, Pango tashmë i gjymtuar u dërgua në thertore menjëherë, ashtu siç u ndodh kuajve të garave kur thyejnë këmbët.

Shakaja më e hidhur në të gjithë këtë histori është ajo kur thuhet "Ylli Pango ra hero i seksit të gruas (versioni zhargon" i kësaj). Fatëkeqësisht kjo shaka është edhe më e vërteta. E çuditshme është sa shumë kolegët e tij çuditen nga kjo që ndodhi. Reagimet komike që vijuan nga politika, tipike; vetëm sa e përforcojnë idenë se këta njerëz nuk kanë ndonjë problem të vërtetë më atë që bente Pango. Shumica e atyre që folën nga podiumi i Kuvendit e dinin shumë mirë sjelljen (krimin?) e tij, por nuk guxuan asnjëherë të mbajnë një qëndrim për këtë. Vetëm sot ngrihen gjoja të indinjuar. Edhe kjo më duket po aq imorale sa ato që bënte Pango, kurse ai është imoral vetëm pse është në kasetë. S'di si ta them këtë por më duket i turpshëm ky turpërimi i politikës shqiptare namuzmadhe.

Ministrinë ia mori Turku, kolegët e arsimit e baktisën, të rinjtë e LRI-së ishin aq të zemëruar sa u shprehën, "po na përdhunojnë". Media është në gjëndje histerie nga ethet e skandalit. Gazeta Albania "heq sutjenat" e para kur përdor për kryetitull të datës 5 mars 2009:"Ylli Pango shkerdhen qeverinë". Të tjerat e ndjekin si të ndërkryera. Frenetikë e plotë mediatike rreth t; astuquajtur;s "Pango gate" (haha), debatet e së enjtes mbrëma i dedikohen të gjitha atij, skandalozit. Kurse Skandali varet si re e zezë mbi Tiranë. Emri i Pangos flitet në çdo tavolinë, rrufitet me çdo kafe.

Kur një gjahtar seksual si Pango bie në duart e ligjit, kjo është një arsye për tu gëzuar. Por më hidhëron fakti që kaq vjet pasi Pangos i kishte dalë nami si i tillë askush nuk pati marrë guximin ta akuzonte publikisht. As kolegët e tij në Universitet, as ata në Parlament dhe në Qeveri që sot largohen prej tij si prej lebrës nuk u treguan kurrë një fije moral e integritet atëherë kur do të kishte vlerë, por kanë paturpësinë ta akuzojnë sot. Dhe nga podiumi nisin kërcënimet. Palët politike nuk janë aq qibare sa të mos pranojnë ta përdorin varrin politik të Pangos për të lëshuar sulme drejt krahut tjetër.

Asnjë fjalë për dukurinë e përdorimit të femrës si objekt seksual, dukuri e cila pranohet në heshtje sikur të ishte normale. Po sa të tjerë ka si ky, kudo çdo ditë?? Reagimi i shoqërisë kutërbon si frikë e grumbulluar. Mante aromën e dështimit tënë kolektiv për të mbajtur një qëndrim. Pango nuk do të bënte famë si manjak në rast se do të kishte qënë realisht kaq i papranueshëm për moralin tonë shoqëror. Si është e mundur që individë si ky, edhe pse njihen për lëtyrat që janë arrijnë majat e pushteti. A mos duhet të mendojml se Pango ishte një përfaqësues i denjë i Kulturës sonë. Këtë nuk pranoj ta pranoj. Por atëherë? Vallë ç'mekanizëm pervers bën të mundur që të tillët të marrin në duar drejtimin e vendit? Po sa të tjerë ka si ky? Sa Fiksa do të duheshin ta shpëtonin këtë videoshoqëri? E tillë që nuk reagon, pranon gjithfarë shkeljesh, përveçse kur u vihet në pikiëpyetje thelbi i moralit... mundësisht me kamera të fshehtë.

Sonte, ndryshimi i vetëm midis një ministri dhe një kurvari është fakti që njëri prej tyre është filmuar. Dhe kjo nuk thotë asgjë të mirë për ndërgjegjen tonë të përbashkët. Këtu këtë lloj sjelljeje e tolerojmë dhe do të vazhdojmë ta tolerojmë njësoj. Ky ishte ministri që meritonim, dhe të mos ishte për "Fiksin" do ta kishim ende. Do ishte me interes të mendonim mbi fuqinë e medias për një çast. Nëse këtë ndodhi do na e kishin përcjellë në tavolinë, do ta tresnim kollaj. Harronim... Ndërsa një event mediatik si ky na kaplon plotësisht, e detyron Kryeministrin të veprojë në katër minuta, si Madonna feat. Timbaland... E trishtë që u desh një ndërhyrje televizive (me të gjitha pikëpyetjet etike që ngre kjo) që të shpëtonim nga arroganca ad nauseam e këtij njeriu.

"Një aksident", "Një çështje e mbyllur" - e komentoi ngjarjen Zoti Patozi, dhe e tmerrshmja është që mund të ketë të drejtë.

Dita Z Fill - 2 Mars 2009

noreply@blogger.com (Anonymous) — Mon, 02 Mar 2009 13:30:00 +0000

Ne programin e sotem kemi patur shume mesazhe. Nuk u morem me poltike aspak. Duket sikur kjo u pelqen degjuesve. Ne fakt te merresh me politike ne mengjes duhet ndaluar me ligj. Gjithesesi, kemi folur per nje nuse te re 107 vjecare. Per cfare perben nje femer moderne. Per xhunglen e shemtuar njerezore te Tiranes (politikisht pa rregulla...), ca barsaleta, ca gjeegjeza, dashuria e Altinit me nje fshesare ne dy te nates dhe vajza nga Durresi qe synon Guiness per gjoksin me te madh natyral...

Dëgjo programin e 2 Mars 2009:

DËGJO

SHKARKO

ARKIV

Dita Z Fill - 23 Shkurt 2009

noreply@blogger.com (Anonymous) — Mon, 23 Feb 2009 12:12:00 +0000

Dëgjo programin e 23 Shkurt 2009:

Dita Z Fill - 20 Shkurt 2009

noreply@blogger.com (Anonymous) — Sat, 21 Feb 2009 10:54:00 +0000

Prej dy muajsh, bashkë me Blerinën dhe Altinin kemi nisur një emision radiofonik mëngjesi në RadioRock 104.6FM. Programi titullohet "Dita Z Fill" (vendosëm si parakusht që titulli të ishte shqip) dhe merret ca me komentimin e lajmeve, ca me zhvillimet politike e ca me kulturë dhe argëtim. Kemi fatin të punojmë lirshëm. Pa pronar stacioni dhe pa censorë “Dita Z Fill” është një prodhim “Indy”. Pragrami ynë modest dëgjohet nga e hëna në të premte prej orës 7:30 deri në 9:00 në 104.6FM, të shtunave ritransmetohen momentet më të bukura të javës. Duke nisur që sot programet do mund t’i dëgjoni edhe në rrjet, ndoshta në një seksion të dedikuar tek Peshku.

Dëgjo programin e 20 Shkurt 2009:

Dita Zë Fill 12, Shkurt 2009

noreply@blogger.com (Anonymous) — Thu, 12 Feb 2009 11:08:00 +0000

Disco Dance, Dance, Dance...

noreply@blogger.com (Anonymous) — Sat, 20 Dec 2008 19:02:00 +0000

Send your own ElfYourself eCards

Me te miret e 2008. We love u long time.