Bazar Kohhran te hian an Biak In sa tur hian Dt.21st January 2011 ah  Committee hmasa ber neia bul tanin vawiin a hawn ni thleng hian Thla 16 leh ni 26 sak nan hun an hmang a, hnatlang tha, tha 1000 chuang sengin Biak In saknan a sum lut zawng zawng hi Rs. 31,11,254 (Nuai Sawmthum pakhat Singkhat Sangkhat Zahnih Sawmnga pali) a ni a, Biak In sak nan hian Rs. 29,90,243 (Nuai Sawmhnih pakua Singkua Zahnih sawmli pathum) an seng a ni.

He an biak In sak thar hi A dung Gallery nen Feet 72, a vang Feet 300 niin mi 500 chuang zet leng thei tura ruahman a ni a; A hnuaiah Sunday School Hall te, Pastor Quarter leh CHokider Quarter te siam a ni bawk; Bazar kohhranah hian Kohhran in 84 awmin, kohhran hlang in 54 leh kohhran hlang lo In 30 an awm mek a, kohhran member zat hi mi 300 chuangzet an ni bawk.

Biak In thar lawmna atan hian Bawng pum khat, Vawk, leh Ar te talhin tlaiah ruai an theh nghal a ni. Sunday Zan thleng Revival Inkhawm a chhunzawm tur a ni .

He Meeting hian thuchhuah an siam a, YMA chu Mizo hnahthlak hnam hrang hrang te lungrual taka an tel vekna tlawmngai pawl a nih angin, Mizo hnahthlak hnam hrang hrang te inlungrualna humhima, inlungrual taka awm chu YMA duh dan a nih thu thuchhuahah chuan an tar langa, hnam inpumkhatna tichhe thei zawnga chibing inlakhranna lam chi reng reng chu YMA chuan a dodal zel dawn tih an tarlang bawk.

Tun hnaia YMA leh HPC D inkara harsatna thleng chu thu inhriatsual palh vang niin YMA chuan a ngai a, hemi avanga HPC D ten YMA Branch hruaitute an seal thehlut tura thuchhuah an siam chu sut leh turin CYMA chuan HPC D te a ngen tih an tarlang bawk.

Heng service hrang hrangte hi on-line a pek chhuah a nih theih nan ‘Mizoram Citizen Service (e-Governance) Rules, 2010’ pawh October ni 21, 2010 khan siam a lo ni tawh a. Mipuite tan pawh DC Office kal kher lovin Aizawl khawpui chhunga veng hrang hrang 40-a Mizoram Online Service Centre atangin heng service te hi pekchhuah theih tawh a ni. Aizawl khawpui chhung bakah Aizawl District-in a huam chhunga SDO Offices Sakawrdai leh Saitual atangte leh RD Block Offices – Aibawk, Darlawn, Phullen, Thingsulthliah leh Tlangnuam a\ang-te pawhin heng service-te hi pekchhuah theih an ni.

Mizoramah chuan Aizawl e-District hi a hmasa ber a ni a, hlawhtling taka puitlin a nih avangin District dang zawng zawngah pawh e-District Centre hawn tum thuai a ni a. Aizawl e-District in a tum ber chu mipuiten a hmun pan ngai lova an awmna hmun atanga internet kaltlanga awlsam taka DC Office an dawr zung zung theihna tura kawng ruahman a ni.

e-District hi sorkar laipuia Department of Electronics & Information Technology bultum vek a ni a, Mizoramah chuan Mizoram State e-Governance Society (MeGS) hnuaiah dah a ni. District tinah District e-Governance Society (DeGS) din a ni a, District Bawrhsap theuhte Chairman-na hnuaiah a awm dawn a ni. DeGS hian District tina e-District Centre te inrel- bawlnaa thuneitu ber tur an ni.

e-District hawnnaah ICT Minister, Zodintluanga chuan rampumah e-District enchhin nana state 14 thlan zingah hmarchhak state pahnih Assam leh Mizoram – chauh thlan a nih thu a sawi a. Heng state 14-te zingah zel pawh Mizoram chu ti tha ber a nih thu a sawi bawk.

ICT Department chuan  ‘Software Technology Park’ leh ‘State Data Centre’ din turin ruahmanna a siam mek thu Minister chuan a sawi a. Mizoram hmun hrang hrang-ah Information Centre 136 din ni tawh mahse, khaw kilkhawr zawkte mamawhna avangin NEC bultumin ‘Rural Kiosks’ 300 lai din phalsak a nih thu leh Internet-in a thlen phak lohna hmunah pawh Satellite hmangin heng Rural Kiosks-ah hna a thawh theih a nih tur thu a sawi.

Sorkar chuan hmun kilkhawr tak taka awmte tan heng Centre/Kiosks-ah te Computer, Scanner, Printer leh Digital Camera thleng pawhin pek a tum mek thu Zodintluanga chuan sawiin, “Khawpui zawk pan ngai lova an khua ngeia heng hmanrua hmanga mipuiten an mamawh an phuhruk thei tawh dawn a ni,” a ti.

e-District hawnna inkhawm kai-hruaitu ICT Principal Secretary, S.S. Garbyal leh Aizawl District Bawrhsap,  Dr Franklin Laltinkhuma te pawhin thu sawiin, tunlai thiamna hmanga DC office dawr zung zung theih a ni dawn ta chu lawmawm an tih thu an sawi.

Hliam te hi Kawnpui PHC-ah an zavaiin hruai an ni a, thenkhat chu First Aid pek hnuah hawtir an ni ang. Hliam te -
1. Laltlanchhuahi, Kum 25, Bawktlang
2. Lalrampanzeli, Kum 13, Kawnpui Venglai
3. Lalpanmawii, Kum 15, Kawnpui Venglai
4. Laldawngzeli, Kum 25, Kawnpui Venglai
5. Lalngaihzuali, Kum 28, Kawnpui Venglai
6. Lalremsiami, Kum 30, Kawnpui Venglai
7. Thanzuali, Kum 72, Kawnpui Venglai
8. Saithanzauva, Kum 18, Kolasib
9. Lalzahawma, Kum 13, Kawnpui Venglai
10. Lalhruaichhuahi (Mo), Kum 16, Kawnpui Venglai
11. Lalzokunga, Kum 28, Kawnpui Venglai
12. Lalremsiama (Driver), Kum 33, Kawnpui Kanan

Hliam te hi khawtlangin an buaipui a, Mo hi a hliamna lova, nizana man inhlan fel a ni. Accident an hriat veleh hian Kolasib atangin Moneitu leh a chhungte chu an rawn thleng chho nghal a, Khawtlang leh Kawnpui YMA chungah lawmthu an sawi.

Heng chauh ni lo; ei leh in theia ka awm te, zunram thiar theia ka awm te, hahdam taka ka thaw sak sak thei te, ka mitin a chakzawng a hmu thei te hi a va lawmawm tak em! Thenkhat chu riltam em emin an awm a, ei leh in tur an hmu zo lova! Thenkhat chu thawk pawh thawtha thei lovin thawkna dawt nena thawktir chawp an ngai a; an bula awm a hreawm em em a ni. Mitdelin ka hmuhtheih angte hi hmuhve a chak takzet a; a ni, anni anga ka mit a del lo hi ka vanneihna pakhat chu a lo ni reng zu nia!

Ka lu a thak a, hiat turin kut leh ban ka nei a, ka duh angin ka tiche vel thei bawk a; a va lawmawm tehlul em! Chumai ni lovin tuna i chhiarmek hi i chhiartheihna turin ka kutzungtang kim ka la nei bawk zui! Keimah ang lova kut bul; ban bul; kuttang kim lo hi Mizo zingah pawh an awm teuh tih ka hria. Anmahni ka lainat rualin anni ang ka nih ve loh avangin ka va lawm tehlul em!

Ka duhzawng ka ei thei mai ni lovin; ka lem theite hi Pathian malsawmna a lo ni! A tuina ka la tem thei cheu bawk a! Mi tamtak chu an piantirhin Lei pawh an nei lova, hmai pawh an nei mumal lova; siamchawp sakte an ngai a ni. Mahse, Pathian malsawmna avangin kei chu miang pangngai angin ka lo piangchhuak a, ka duh ang zawngte ei leh in theiin, ha tim theitein ka awm a, a lawmawm ka ti a ni.

Ka aw bawm atangin ri a chhuak thei te hi a lawmawm hlei hlei! Ka hmangaih hming ka koh dawnin leh ka hmangaih thu ka hrilh dawnin a ri lovin hrilhdawn ta ila a buaithlak awm mang e! Tin, a nep viauvin ka ring! Awka ngei; aw ri ngei hmanga hmangaihna inhlan chu tunge duh lo awm ang ni?

Ni e, zanah thinthi diaia ka mu theite, mumang tha leh man nuam deuh ka nei theite hi Pathian malsawmna a ni. Mi tamtakte mutmu pawh tuahtha thei lo leh; mahni chhungkaw chungchanga buaina avangtea mu thei lova an awm reng laiin Pathianin ka tana hahchawlhna hun tha min pekah hahdam taka ka muhil siai siai thei hi a va lawmawm tak em!

Thlamuang taka mahni chauhva ka awm theite hi Pathian hnathawh a ni. Mahni chauhva awm chu misual pawhin min rawn zuam viau a lo nithei! Mahse, Pathianin min awmpui avangin tunthlengin thlamuang takin mahni rekin ka la awm chu a nih hi! Tunlai chhanah chuan mihring leh mihring kan inhlau tawn tawh a, a chang chuan keipawh ka thlaphang ve deuh dawn dawn thin; mahse, Pathian hian min kalsan ngai loh avangin ka vannei hle a ni.

Mi pangngai anga piang, pianphunga tlema danglamna deuh nei tih mai lohvah chuan midangten an duh ang leh ngainat ang; tha leh mawi an tih angte ka duhin ka hre ve vek a. Hei erawh chuan mahni inkhawngaihna min neihtir chang a awm thin. Mahse, Pathian remruata lungawi hi a lo thaber a, a tlo ber zel bawk a lo ni e.

Chutih rualin, ka duh ang ka neihtheih nana ka beihna kawngah mi tamtakten min deuhsawh chang a awm thin. Thenkhat chuan hmusit taka min tawngkhum chang pawh a awm ve fo! Nulat Tlangvalna kawngah pawh vaute hial ka tawk ve tawh! Mahse, Pathian hian ka tan hian thiltha lo lutuk chu a la thlentir lo chu a ni!

Thil pakhat; ka sawitel ngei gei duh chu: MMi tamtakten thlantla zawih zawiha hna an thawh a, an eitur mai bakah; an chhungkaw chawmna tura an thawhlaia min chawm theitu Nu leh Pa thalaitak ka la neite hi ka vannei ka ti thlawt a ni. Anni hian min hmangaih a, ka hmangaihna letlam chu te, ve hman ngeise tih hi ka duhdan a ni.

Engpawhnise, Mihring kan nih chhung hian lungawina tur hi vang hlein lang thin mahse, lungawi thiam hi kan zir a tha a. Khawvel hi kan Zinna ram a nih tlat avangin Mikhualin Khualkhuaah nuam kan ti ngai tak tak lo ang hian; kan In ngei kan thlen theihnan; chu hmunah chuah nuamti taka kan lenvel theihna turin Pathianin titura min tihte hi kan tih , kan zawm a ngai a ni. Pathian chuan amah hnaihtute a kalsan ngai si lo!

Khawvelah hian mi tamtak chu nuamsa takin; kei aia nuamsain an leng a ni thei e; an duhthalin an khawsa a ni thei e; Nula pawh kut zungtang elha chhiar zawh rual loh an lo thei a ni thei e; an duh an eiin an in a ni thei e; an duhna hmunah an awmin an chengin an hirha a ni thei e; Pathian hian an chungah ro a rel dawn tih ka hri a, ka awt hauh lo zu nia! Pathianin ka hmalam hun chu tha a tih angin min hruaizel ang chu!

Tuesday, May 22, 2012

An harsatnate hriain Mizoram Sawrkar chuan an mamawh, ei-leh-bar bakah inhlawhnate pawh a siamsak bawk. Dima Hasao District-a boruak a ralmuan leh tak avangin dt. 24.10.2011 khan heng chhungkaw 39-te hi an let leh ta vek a ni. Anni Hmar unaute hi an chenna Assam State-ah Electoral Roll-a chuang leh Job Card nei vek tura ngaih an nih avangin Mizorama an raltlan chhûnga an mamawh phuhruk nan inhlawhna a hrana siamsak tho an nih avangin Home Department chuan Mizoram khua-leh-tui-te dawn ang pe hrih lo turin Deputy Commissioner-te a hriattir a ni.

India ramah hian buaina hrang hrangte avangin mahni chenna hmun tlanchhiatsan thinte an awm thin a, heng Internally Displaced Persons-te State danga tlanchhia an nih chuan kal dan phung (Standard Operation Procedure) a awm a, hetiang ang hian, heng ang mite hi enkawl thin an ni. Hetiang a nih avang hian Bru unau-te tuna Tripura Camp-a kum 14 zet awm tawhte pawh Job Card hi Tripura Sawrkarin a la pe chuang lova ni.

Chutih laiin kum 1990 vela mi leh 2003-a Hmar raltlan tam takte chu Mizoram-ah chambângin khaw hrang hrangah an inbengbel a, Mizoram Sawrkar chuan an harsatnate hriatthiampuiin, heng kan Hmar unaute hi tihluihnaa chhuahtir a tum chuang lo va, henghote hi tunah hian Mizoram Sawrkarin hamthatna a siam tam takte dawngtu leh zarzotute zingah an tel ve a ni.

Kolasib Town Road hi package I leh II-ah then niin package I hi March thla khan thawh zawh tawh a ni a, package II hi June thla tawpa zawh tura tih a ni. Zodintluanga hian nimin khan Kolasib Saidan Sports Academy a tlawh nghal a, he hmunah hian Hall, Multi Gym te dah niin silai kahna hmun te pawh dah tura ruahman mek a ni. Minister hi Parliamentary Secretary, S.Laldingliana leh sorkar officer thenkhatin an tawiawm a ni.

May 15 a Bru laklet tura ruahmante chu chhungkaw 147 an vaiin mi 810 an ni a, Mamit dist chhung khaw 2, Thinghlun leh Kolaliana dah tur an ni a, a hlawhchham tak avangin Kanhmuna Felicitation Centre pawh niminah khan khar nghal a ni.

Puan tawh angin Bru Refugee laklet thawh lina-ah hian Mizorama lo let duh chhungkaw 7 chauh an awm a, chung zinga chhungkaw 6 chu tun hmalama an awmna hlui Zawlnuamah dah an ni a, chhungkaw 1 chu Zawlpuiah dah an ni.

May Ni 15 lailam dar 4 leh dar 5 inkar a Lawngtlai leh a chhehvel a thli natak tleh chuan Lawngtlai Council Veng a UPC Of Mizoram Biak In chu a chung  a tihchhiat bak ah Verandah a chhem chhe vek bawk a, Council Veng ah hian chenna In chhia, khawtlangin thawmthat pui ngai pathum awm in, B.Nguntlirha, T.Rosanga leh Laltanpuia te In chu thli tleh hian a tichhia a, heng In chhia te hi a chung thliin a lak te an ni hlawm. Council veng ah hian thliin nasa vak lova a tihchhiat In dang a awm nual bawk. Chawnhu ah H.Lalarsiropuia te In chu a chung zatve Inchhun chawpin thliin a la a, heihian In engemawzat thlawhkhumin  a chhak tlang a Community Hall chung ah tla in Hall chung hi a tichhe nual a, heibak ah hian he Inchung thlawk a mi tho thingzai chuan Pi Sangkimi In chu a chung atangin a chhun bawk. Heng In chhia te thawmthat hna hi vawiin ni 16 hian Council Veng leh Chawnhu khawtlang te hian an thawk nghal a ni. thliin a tihchhiat te hi zingkar khan Pi Saizikpuii Sub-Deputy Commissioner Lawngtlai chuan a hmun ah tlawhin an harsatna te a enpui a, sawrkar lam atangin National Calamity Relief Fund atangin tanpuina awmthei angte ngaihtuah sak an nih tur thu a sawi a ni.