सिद्धेश्वर खेलमैदानमा भएको खेलको शुरुवातबाट नै समपूर्ण एफसीले आफनो पक्षमा राखेको थियो । खेलको दोस्रो मिनेटमा सम्पुर्णका का मयिक मगरले गोल गर्दै टिमलाई अग्रता दिलाए । सम्पूर्णकै मनिष थारुले खेलको १९ औ मिनेटमा गोल अन्तर दोब्बर बनाए । मयिकको पासमा थारुले गोल गरे । खेलको ३० औ मिनेटमा कपिलबस्तु ११ का सन्जु सेनले गोल गर्दै अन्तर कम गरे ।

दोस्रो हाफमा कपिलबस्तुले खेलमा फर्कदै बराबरी गर्न पुग्यो । खेलको ४० औ मिनेटमा पाएको कर्नरलाई ओम प्रकाश चौधरीले गोलमा परिणत गरे । निर्धारित समयमा थप गोल हुन सकेन । खेल पेनाल्टी शुटआउटमा धकेलियो । खेलमा कपिलबस्तुका स्याम बियाडी प्लेयर अफ दी म्याचबाट पुरस्कृत भए ।

उनलाई ईलाका प्रहरी कार्यालय बुटवलका प्रहरी नायब उपरीक्षक निशान्त श्रीवास्तवले पुरस्कार वितरण गरे । बुधबार क्वाटरफाईनल खेलमा मोनस्टर गाईज सुनवल र अभिशेष चर्च रजहरका बिचमा खेल हुने क्लबका सचिव प्रकाश क्षेत्रीले बताए ।

रुपन्देहीमा नै सर्वाधिक राशिफलको क्लबद्धारा संचालन गरिएको गोल्डकप भएको आयोजक क्लबका अध्यक्ष सुजु मल्लको दाबी छ । प्रतियोगितामा प्रथम हुने टोलीले ५ लाख ५ हजार रुपैयाँ र उपविजेताले २ लाख ५५ हजार रुपैयाँ पुरस्कार प्राप्त गर्नेछन् । यस्तै, विभिन्न विधामा उत्कृष्ट खेलाडी तथा कोचलाई नगद पुरस्कारको व्यवस्था गरिएको क्लबका सचिव प्रकाश क्षेत्रीले बताए । प्रतियोगितामा रुपन्देहीसहित चितवन, नवलपरासी, कपिलबस्तुका गरि १२ क्लबहरुले भाग लिएका छन ।

सिद्धेश्वर खेलमैदानमा भएको एकतर्फी खेलमा देवदहका एलेक्सले प्रतियोगिताकै पहिलो हयाट्रिक गरे । देवदहका कप्तान सुरज चौधरीले खेलको पाचौ मिनेटमा खाता खोलेका थिए । डिबक्स नजिकबाट गरेको चौधरीको प्रहार हनामीको गोलकिपरको हातमा लाग्दै जाली चुम्यो । विपक्षी टिमको डिफेन्सको कमजोरीलाई सदुपयोग गर्दै एलेक्सले खेलको ३० औ मिनेटमा दोस्रो गोल गरे ।

एलेक्सले डिबक्सबाहिरबाट गरेको देब्रे खुटटाको प्रहारबाट जाली चुमाउदै अन्तर थप बढाए । फोडे फोफानाले ३५ औ मिनेटमा चौथो गोल गरे । पहिलो हाफ ४ गोलेको अग्रता लिएको देवदह दोस्रो हाफमा थप २ गोल गरे । देवदहका क्याप्टेन सुरज चौधरीले खेलको ५० औ मिनेटमा ब्यक्तिगत दोस्रो गोल गरे भने खेलको ७१ औ मिनेटमा आफनो तेस्रो गोल गर्दै हयाट्रिक पुुरा गरे । उनि खेलमा प्लयेर अफ दी म्याचबाट पुरस्कृत भए ।

मंगलबार दोस्रो क्वाटरफाईनल खेलमा सम्पूर्ण एफसी तिलोत्तमा र कपिलबस्तु ११ कपिलबस्तुका बिचमा खेल हुने क्लबका अध्यक्ष सुजु मल्लले बताए । प्रतियोगिताको उपाधि विजेता टिमले ५ लाख ५ हजार रुपैयाँ र उपविजेताले २ लाख ५५ हजार रुपैयाँ पुरस्कार प्राप्त गर्नेछन् । यस्तै, विभिन्न विधामा उत्कृष्ट खेलाडी तथा कोचलाई नगद पुरस्कारको व्यवस्था गरिएको क्लबका सचिव प्रकाश क्षेत्रीले बताए । प्रतियोगितामा रुपन्देहीसहित चितवन, नवलपरासी, कपिलबस्तुका गरि १२ क्लबहरुले भाग लिएका छन ।

फोटो फिचर

आईतबार भएको रोमान्चक खेलमा योग ब्यायज एफसी देवदहलाई ३–१ गोल अन्तरले पराजित गर्दै झरना क्वाटरफाईनलमा प्रवेश गरेको हो । झरनाले अब क्वाटरफाईनलमा आयोजक सौभाग्य युवा क्लबसंग खेल्नेछ ।

सिद्धेश्वर खेलमैदानमा भएको खेलको २२ औ मिनेटमा योग ब्यायजका सागर कटुवालले गोल गर्दै टिमलाई अग्रता दिलाए । डिबक्स बाहिरबाट कटुवालले गरेको बल प्रहार जाली चुम्यो । पहिलो हाफमा एक गोलले पछि परेको झरना दोस्रो हाफमा भने फर्कन सफल भयो । खेलको ४७ औ मिनेटमा झरनाका मनिष मगरले बराबरी गोल प्रहार गरे । बिक्की चामलिङ राईले लगत्तै एक मिनेटमा अर्को गोल थपे । खेलमा दिपेश घलेले ६७ औ मिनेटमा निर्णायक गोल गर्दै झरनालाई बिजय बनाए ।

सोमबारदेखी क्वाटरफाईनलका खेलहरु शुरु हुनेछन । पहिलो क्वाटरफाईनलमा देवदह ब्यायज रुपन्देही र हनामी बिएफसी चितवनका बिचमा खेल हुने क्लबका सचिव प्रकाश क्षेत्रीले बताए ।

रुपन्देहीमा नै सर्वाधिक राशिफलको क्लबद्धारा संचालन गरिएको गोल्डकप भएको आयोजक क्लबका अध्यक्ष सुजु मल्लको दाबी छ । मैदानलाई आर्कषक सजावटसंगै मैदानको पश्चिम, पूर्व र दक्षिणतर्फ करीब २ हजार क्षमताको अस्थाई प्याराफिट समेत निमार्ण गरिएको छ । प्रतियोगितामा प्रथम हुने टोलीले ५ लाख ५ हजार रुपैयाँ र उपविजेताले २ लाख ५५ हजार रुपैयाँ पुरस्कार प्राप्त गर्नेछन् । यस्तै, विभिन्न विधामा उत्कृष्ट खेलाडी तथा कोचलाई नगद पुरस्कारको व्यवस्था गरिएको क्लबका सचिव प्रकाश क्षेत्रीले बताए । प्रतियोगितामा रुपन्देहीसहित चितवन, नवलपरासी, कपिलबस्तुका गरि १२ क्लबहरुले भाग लिएका छन ।

संस्थाले आज बुटवलमा आयोजित कार्यक्रममा पाण्डेका एजेन्डा विकासमुखी र जनमुखी रहेको निष्कर्षसहित औपचारिक रूपमा समर्थन जनाएको हो। कार्यक्रममा बोल्दै संस्थाका अध्यक्ष प्रविण मल्ल ठकुरीले पाण्डेले प्रस्तुत गरेका योजना र प्रतिबद्धता स्थानीय आवश्यकता अनुरूप रहेको बताए।
उपाध्यक्ष मोहन पाण्डेले सामाजिक रूपान्तरण, सुशासन र युवामुखी कार्यक्रमलाई प्राथमिकता दिएको भन्दै पाण्डेको पक्षमा उभिने निर्णय गरिएको स्पष्ट पारे। उनले क्षेत्र नं. २ को समग्र विकासका लागि सक्षम र इमानदार नेतृत्व आवश्यक रहेको उल्लेख गरे।
समर्थन घोषणासँगै संस्थाले आफ्ना सदस्य तथा शुभेच्छुकहरूलाई समेत पाण्डेलाई मतदान गर्न आह्वान गरेको छ। दुई सय बढी युवाहरु प्रवेश गरेका छ।

अस्पतालका विभिन्न विभागहरुमा कार्यरत स्वास्थ्यकर्मी तथा कर्मचारीहरु बीच भएको हाजिरीजवाफ प्रतियोगितामा प्रशासन समूह द्वितीय तथा एनेस्थेसिया समूह तृतीय हुन सफल भएको छ । यसैगरी ईमरजेन्सी विभाग समूह सान्त्वना हुन सफल भएको छ । प्रतियोगितामा नर्सिङ विभाग, रेडियोलोजी विभाग तथा प्रयोगशाला विभागहरु ७ समूहको सहभागिता रहेको थियो ।

प्रथम हुने फार्मेसी विभागमा हरी खनाल, डोलराज मगर र अनिश चौधरी सहभागी थिए । यसैगरी द्वितीय भएको प्रशासन समुहमा माधव घिमिरे, सुनिता अर्याल र तुल्सीराम खनाल सहभागी भएका थिए भने तृतीय भएको एनेस्थेसिया विभाग समुहमा सत्यराज शाक्य, मेनिला भुर्तेल र डा. अंशु न्यौपाने प्रतियोगिका रुपमा सहभागी भएका थिए ।

प्रतियोगिताका विजेताहरुलाई सम्मान गर्दै अस्पताल बिकास समितिका अध्यक्ष अजमान श्रेष्ठले रचनात्मक प्रतियोगिताको माध्यमबाट स्वास्थ्यकर्मी तथा कर्मचारीहरु अस्पतालको सेवामा थप समर्पित हुने भावनाको जागृत भएको बताउँदै खुसी व्यक्त गरे । जस्तोसुकै परिस्थितीमा सधै जनताको स्वास्थ्यसेवामा तल्लिन हुने पेसाकर्मीहरु वार्षिकोत्सवको सन्दर्भमा आपसी सद्भाव, एकता र पेसाप्रतिको मर्यादामा थप केन्द्रित हुने वातावरण निर्माण भएको बताउँदै उनले अस्पताल बिकास समिति आवश्यक सहकार्यका लागि सधै तत्पर रहेको उल्लेख गरे । यसैगरी अस्पताल बिकास समितिका सदस्य लक्ष्मी भट्टराईले पेसागत मर्यादामा रहेर आफ्नो जिम्मवारी पूरागर्ने सबै स्वास्थ्यकर्मी तथा कर्मचारीको पक्षमा समितिले सधै साथ दिने प्रतिवद्धता गरिन् ।

अस्पतालका मेडिकल सुपेरिटेन्डेन डा। इन्द्र ढकालले सेवाग्राहीलाई गरिने व्यवहार आफूले पूरा गर्नुपर्ने कर्तव्य र मर्यादाका बारेमा स्वास्थ्यकर्मीहरु सधै संवेदनशिल भएर लाग्ने गरेको उल्लेख गरे । अन्य पेसा तथा कर्मभन्दा स्वास्थ्यकर्मीको पेसा निकै संवेदनशिल र मर्यादित हुनुपर्ने बताउँदै उनले सोही भावना अनुसार अगाडि बढ्नुपर्नेमा जोड दिए ।

अस्पतालले हरेक वर्ष फागुन १५ गते मनाउँदै आएको वार्षिकोत्सव अन्तरगत यस वर्ष पनि विभिन्न अतिरिक्त क्रियाकलापसहित सप्ताहव्यापी मनाएको छ । चिकित्सक, स्वास्थ्यकर्मी, स्टाफनर्स तथा कर्मचारीहरुसहित करिब ९ सय जना कार्यरत रहेको लुम्बिनी प्रदेशकै ठूलो यस अस्पतालमा वार्षिक साढे ३ लाख बढीले स्वास्थ्य सेवा लिने गर्दछन् ।

वार्षिकोत्सवको अवसरमा कर्मचारी तथा स्वास्थ्यकर्मीहरुलाई सम्मान, अभिमुखिकरण, रक्तदान तथा फलफूल वितरण, सरसफाई तथा सचेतना कार्यक्रमका साथै स्वास्थ्यकर्मी तथा कर्मचारीहरुबीच मैत्रीपूर्ण भलिबल, फुटबल, ब्याटमिन्टन, म्याराथन लगायतका प्रतियोगिताहरु आयोजना गरिएको अस्पतालका प्रशासकीय प्रमुख प्रेम गौतमले जानकारी दिए ।

विशेष गरी निर्वाचन अवधिमा सार्वजनिक विदा हुने भएकाले उक्त समयमा समेत परिचालित हुने गरी फागुन १९ देखि २२ गतेसम्म विशेष स्वास्थ्य सेवा दलले काम गर्नेगरी समिति गठन गरिएको अस्पतालका प्रशासकीय प्रमुख प्रेम गौतमले जानकारी दिए । अस्पतालका आकस्मिक विभागका प्रमुख वरिष्ठ कन्सल्टेन्ट डा. मोहम्मद नुरुल होदाको संयोजकत्वमा प्रत्येक विभागबाट १ जना फोकल पर्सन रहनेगरी समिति गठन गरिएको उनले जानकारी दिए । अस्पतालको नियमित सेवा वाहेक यो समितिले निर्वाचनको अवधिमा आइपर्ने स्वास्थ्य समस्यालाई मध्ययनजर गरी उपचार सेवामा खटिने व्यवस्था गरिएको प्रमुख गौतमले जानकारी दिए ।

अस्पतालका मेडिकल सुपेरिटेन्डेन डा. इन्द्र ढकालले निर्वाचनलाई सफल बनाउनका लागि स्वास्थ्यको क्षेत्रबाट आफूहरुले गर्न सक्ने योगदानका रुपमा यो कार्यक्रमलाई लिइएको जानकारी दिए । जनताको स्वास्थ्य सेवाप्रति अस्पताल संवेशनशिल भएको बताउँदै उनले कुनै पनि अवस्थामा स्वास्थ्यको सहज पहुँचका लागि सधै प्रतिवद्ध रहेको बताए । अस्पताल बिकास समितिका अध्यक्ष अजयमान श्रेष्ठले निर्वाचन निस्पक्ष, भयरहित र शान्तिपूर्ण रुपमा सम्पन्न हुने विश्वास व्यक्त गर्दै अस्प्तालको तर्फबाट आवश्यक स्वास्थ्य सेवालाई उक्त अवधिमा थप प्रभावकारी बनाउन टास्क फोर्स गठन गरिएको बताए । जनको स्वास्थ्य सेवाका सम्बन्धमा अस्पताल परिवार सधै संवेदनशिल रहेको बताउँदै उनले खास परिस्थितीहरुमा थप प्रभावकारी बनाउने प्रयास स्वरुप विशेष स्वास्थ्य सेवा दलको अवधारणा अघि सारिएको उल्लेख गरे ।

यस्तोमा रुपन्देहीका उम्मेदबार पनि आफनो निर्वाचन क्षेत्रको घरघर पुग्ने प्रचार गर्ने मात्र नभई संघसंस्था, मठमन्दिरमा मत माग्न हिडेका समाचारहरु प्रकाशनमा आएका छन । यस्तोमा शान्त र प्रविधिमैत्री प्रचारमा छन उज्यालो नेपाल पार्टीका युवा उम्मेदबार ईन्जिनियर सुरज पाण्डे । रैथाने उनि भड्किलो प्रचारभन्दा पनि सरल र सादगीपूर्ण तर प्रविधिमैत्री प्रचारमा छन ।

उनि सामाजिक संजालमा आफना आठ मुख्य एजेण्डाको भिडियो तयार गरेर प्रस्तुत गरेका छन । उनको यो प्रचार शैली अहिले धेरैलाई नौलो तर उत्कृष्ट लागेको छ । घरदैलोमा रहेका उनि बुधबारदेखि भने फेरि फरक ढंगमा भेटिए ।

बुधबार भाटभटेनी नजिक भएको कोणसभामा उनले डिजिटल भिडियो डिस्प्लेमार्फत पार्टीको घोषणापत्र र यो क्षेत्रको विकासमा बुनेका योजनाहरु प्रस्तुत गरे । धेरै मतदाताहरु उनको यो काममा आर्कषित भए । एक हप्ता उनि आफनो निर्वाचन क्षेत्रको बुटवल उपमहानगरपालिका, सैनामैना, तिलोत्तमा नगरपालिकाका मुख्य चोकहरुमा यसरी नै आफनो कुरा सुनाउदै हिडेका छन ।

तिलोत्तमा–३, ड्राइभरटोलमा रहेको नवजीवन फिजियो थेरापी एन्ड रिहयाब सेन्टरले हरेक वर्षझैँ यस वर्ष पनि स्ट्रोक र SCI बिरामीहरूको आत्मविश्वास बढाउने, मानसिक सशक्तीकरण गर्ने तथा पुनः सक्रिय र आत्मनिर्भर जीवनतर्फ प्रेरित गर्ने उद्देश्यले यो कार्यक्रम आयोजना गरिएको नवजीवन फिजियो थेरापी एन्ड रिहयाब सेन्टरका संचालक तथा वरिष्ठ फिजियोथेरेपिस्ट मिलन केसीले बताउनु भयो ।

४७ जना सहभागी रहेको उक्त कार्यक्रममा स्ट्रोक र स्पाइनल कर्ड इन्जुरी भएका बिरामीहरूका साथै केही बालरोग (पेडियाट्रिक) अवस्थाका बिरामीहरूको सहभागिता रहेको संचालक मिलन के सी ले बताउनु भयो ।

उहाँका अनुसार यो वाकाथन (दौड) प्रतियोगिता कुनै प्रतिस्पर्धात्मक कार्यक्रम नभई पहिलो, दोस्रो वा तेस्रो स्थानको आधारमा मूल्याङ्कन गर्ने उद्देश्यविना आयोजना गरिएको थियो। “हरेक पाइला उतसवको” भन्ने नाराले प्रत्येक सानो प्रयास, प्रत्येक चाल र प्रत्येक पाइला नै उपलब्धि हो भन्ने सन्देश दिएको के सी ले बताउनु भयो । विशेषगरी लामो समयदेखि शारीरिक चुनौतीसँग जुधिरहेका बिरामीहरूका लागि यो कार्यक्रम आत्मबल, आशा र साहसको प्रतीक बनेको के सी को भनाइ रहेको थियो ।

तिलोत्तमा–३, ड्राइभरटोलमा लामो समयदेखि स्ट्रोक, स्पाइनल कर्ड इन्जुरी तथा विभिन्न मस्कुलोस्केलेटल समस्याबाट पीडित बिरामीहरूको गुणस्तरीय उपचार, पुनःस्थापना तथा निरन्तर फिजियोथेरापी सेवा प्रदान गर्दै आइरहेको न्युरो फिजियोथेरेपिस्ट आशिक ढकाल बताउनु भय। अनुभवी फिजियोथेरापिस्टहरूको टोली, आधुनिक उपचार पद्धति र बिरामीमैत्री वातावरणका कारण NRC ले उल्लेखनीय सफलता हासिल गर्दै धेरै बिरामीहरूलाई पुनः आत्मनिर्भर जीवनतर्फ डोर्‍याउन सफल भएको उहाको भनाइ रहेको थियो ।

यस प्रकारका प्रेरणादायी कार्यक्रममार्फत NRC ले बिरामीहरू, उहाँहरूको परिवार तथा सम्पूर्ण समाजमा सकारात्मक सोच, आशा र आत्मविश्वास फैलाउने कार्यक्रमका संयोजक तथा स्वास्थ्य कर्मी भारत जंग छेत्रीले बताउनु भयो ।

त्यस्तै सदस्यहरुमा निर्मला भण्डारी, सविन श्रेष्ठ, चन्द्र बहादुर विक, हिरालाल भण्डारी र बालगोन्द्र चौधरी निर्वाचित भएका छन् । नवनिर्वाचित कार्यसमितिको कार्यकाल दुई बर्षको लागि हुनेछ । नवनिर्वाचित अध्यक्ष पोखरेलले कुनै पनि सामान, चिठ्ठी, पत्र, कागजात वा अन्य वस्तुहरु एक स्थानबाट अर्को स्थानमा छिटो र सुरक्षित रुपमा पु¥याउनको लागि कुरियरले धेरै भूमिका खेलेको बताए ।

उनले हरेक जिल्लामा यो व्यवसायलाई थप व्यवस्थित बनाउने कार्यमा नवनिर्वाचित समितिले पहल गर्ने धारणा राखे । हाल कुरियर संघले कुरियर सेवामा संलग्न कम्पनी तथा एजेन्टहरुको हित र अधिकारको संरक्षण, सेवाग्राहीलाई गुणस्तरीय सेवा प्रदान गर्ने मापदण्ड निर्धारण गर्ने, सरकारसँग नीति, कानुन र करसम्बन्धि बिषयमा संवाद गर्ने पुलको काम गर्ने, अन्तराष्ट्रिय कुरियर संघहरुसँग सहकार्य गरेर सेवा स्तर बढाउने, कुरियरमा आवद्ध व्यक्ति तथा संघ संस्थाको विवाद समाधान, तालिम तथा क्षमता अभिवृद्धि लगायतका काम गर्दै आएको छ ।

बुटवल । राष्ट्रिय स्वतन्त्र पार्टी (रास्वपा) बाट रूपन्देही क्षेत्र नम्बर–३ को उपचुनावमा उम्मेदवारका आकांक्षी मधु अर्यालले आफू चुनाव हुन लागेको क्षेत्रले खोजेको उम्मेदवार भएको बताएका छन् ।

पार्टीको क्षेत्रीय सभापति समेत रहेका अर्याल पार्टी स्थापनाकालदेखि निरन्तर रुपन्देही ३ मा संगठन निर्माणमा खटेको, क्षेत्रका समस्या र सम्भावना राम्ररी पहिचान गरेकाले आफूले टिकट पाए क्षेत्रलाई कायापलट बनाउने ‘भिजन’ तयार गरेको बताए ।

रास्वपालाई रुपन्देही–३ मा संगठन विस्तारमा नेतृत्वदायी भूमिका खेलेका उनले शुरुमा ५ सय पार्टी सदस्य रहेकामा आफू क्षेत्रीय सभापति भएपछि करिब २८ सय जना पार्टी सदस्य पुगेको बताए । रास्वपाको उम्मेदवारको लागि अर्यायसहित ९ जना टिकटको आकांक्षी छन् ।

पार्टीले गरेको ब्लुप्रिन्ट संवादमा गौतमबुद्ध अन्तर्राष्ट्रिय विमानस्थल पूर्ण क्षमतामा चलाई भैरहवामा पर्यटन क्षेत्रमा गरिएको लगानीलाई सुरक्षित गर्न, विमानस्थल जोड्ने सडक कनेक्टिभिटी र लुम्बिनीको पर्यटन विकास, खेल पर्यटन सहित रुपन्देहीको एकीकृत विकास गर्ने मुख्य एजेण्डा प्रस्तुत गरेको अर्यालले बताए । कृषिलाई व्यवसायीकरण, माछा सुपर जोन, प्राङगारिक खेतीलाई जोड दिने आफनो एजेण्डा रहेको उनले सुनाए ।
उनले मतदाताको घरदैलोमा पुग्दा अधिकांशले रास्वपाबाट परिवर्तनको आशा गरेकाले चुनावी माहोल रास्वपामय रहेको दावी गरे ।
उनले भ्रष्टाचारको अन्त्य गरी सुशासन, जनताको पक्षमा कानून र नीति निर्माणसंगै संसदमा सशक्त प्रतिपक्षी सांसदको भूमिका खेल्दै २०८४ मा रास्वपाको वहुमतको ढोका खोल्न रुपन्देही ३ मा जित निकाल्न आफू सबैभन्दा उपयुक्त उम्मेदवार हुने दावी गरे ।

रुपन्देही ३ मा नदी दोहन र ढंगा,गिटीबालुवा चोरी तस्करीको ठूलो समस्या रहेको भन्दै आफूले यसलाई नियन्त्रण गर्न सही नीति बनाउन भूमिका खेल्ने बताए । निर्वाचन आयोगले रुपन्देही क्षेत्र न. ३ को उपनिर्वाचनको मिति सार्वजनिक गर्दा रुपन्देही ३ का ३६ वडामध्ये २ वडा वडा समिति रहेकामा त्यसयता आफ्नो सक्रियतामा ३४ वडामा संगठन विस्तार भएको अर्यालले बताए ।

‘क्षेत्रका आफ्ना पार्टीका नेता कार्यकर्ताहरुको चाहना र सुझाव अनुसार नै उम्मेदवार बन्न लागेको हुं, पार्टीले अपनाएको उम्मेदवार छनोट विधि अनुसार पनि प्राइमरी इलेक्सन र अन्य मापदण्डमा अब्बल दावी गरेको छु’–अर्यालले भने–‘म निर्वाचन क्षेत्रका मुद्धालाई स्थापित गर्ने गरी उम्मेद्वार बन्न खोजेको हुँ ।’ भूगोललाई मसिनो गरी बुझेका अर्याल उम्मेद्वार भएकाले कार्यकर्ताहरु समेत उत्साही छन् । अर्याल जे काम गर्छन्, त्यसलाई इमान्दारीपूर्वक गर्नुपर्छ भन्ने मान्यता राख्छन् । अर्यालले अन्य उम्मेद्वारहरुले जस्तो ठूला सपना बाँडेका छैनन् ।

राष्ट्रिय गौरवको आयोजनामा पर्ने गौतमबुद्ध अन्र्तराष्ट्रिय विमानस्थल सञ्चालनका लागि प्रतनिधिसभा सदस्यका रुपमा आफूले अभिभाकत्व लिने गरी नीतिगत पहल गर्ने उनको अठोट छ । त्यसो त अर्यालले पार्टी समक्ष आफ्ना योजनाहरुको विस्तृत योजना नै पेश गरेका छन् , तर उनले आफू सांसदका रुपमा नीतिगत र कानुनी रुपमा गर्न सक्ने भूमिकालाई मुख्य एजेन्डाका रुपमा अघि सारेका छन् । विमानस्थलसँगै बुद्धजन्मस्थल लुम्बिनीलाई जोडेर आध्यात्मिक पर्यटन र त्यसका लागि बुद्ध सर्किटका लागि पहल गर्ने उनको योजना छ ।

तिनाउ दानव नदीलाई प्रकृति र मानव जीवनसँग जोडेर विकास गर्ने, सहरमुखी क्षेत्र र ग्रामिण इलाकाहरुमा कृषिलाई प्राथमिकता राखेर काम गर्ने उनको प्रतिवद्धता छ । प्रविधिमा आधारित रहेर कृषिको आधुनिकिकरण गरी उत्पादन बढाउने र यसको बजारीकरणमा बिशेष भूमिका खेल्ने उनले बताए । ‘कृषि, शिक्षा, स्वास्थ्य र पर्यटनमा बिशेष रुपमा नीतिगत कामहरु गर्न खटिन्छु’ उनले भने ।

उनले निर्वाचन क्षेत्र न. ३ को मा मल र सिंचाईको व्यवस्था, पूर्वाधार विकासका लागि प्राथमिकताका साथ काम गर्ने योजना बनाएका छन् । अर्यालले रास्वपाको संगठन विस्तारमा क्षेत्र, जिल्लामात्रै होइन्, देशका विभिन्न अभियानमा सामेल भएका छन् । पार्टी सभापती रवि लामिछानेसँगै उनी विभिन्न अभियानमा सामेल भएका छन् । नारायणगढ–बुटवल सडक विस्तारका लागि दवाव दिन आयोजित पैदल यात्रामा उनी रवि लामिछानेसँगै हिडेका थिए । जाजरकोट र रुकुम पश्चिममा गएको भूकम्पका बेला राहात र उद्धारका बेला पनि अर्याल पार्टी सभापतीसँगै खटिएका थिए ।
यस्तै पाल्पा, अर्घाखाँची, कपिलबस्तुमा रास्वपाका विभिन्न कार्यक्रममा पार्टी सभापतीको सम्बोधनमा सँगसँगै हिडेको उनी बताउँछन् । स्वदेशमा मात्रै होईन अर्याल बेल्जियमको एन्ट्रोपसिटिमा प्रमुख अतिथिका रुपमा सहभागी भएर संगठन विस्तार गरेका थिए । त्यसैगरी उनी पोल्याण्डको राजधानी वासा,बेल्जियमको ब्रसेल्स सहरमा पनि पार्टी गतिविधि विस्तारमा लागेको थिए । बुटवल १७ का मधु प्रसाद अर्याल अभियान्ता, लेखक, र अन्तर्राष्ट्रिय अनुसन्धानकर्ता हुन् ।

सामाजिक रुपान्तरणका लागि नयाँ काम गर्ने अठोट सहित राजनीतिमा लागेका उनी बालबालिकाको क्षेत्रमा १५ बर्षदेखि काम गरेका व्यक्ति हुन् । बालबालिकमा देखिने संवेदनशिल विश्वव्यापी समस्या ‘अटिजम’मा विद्यावारिधिको शोधकर्ता हुन् । अन्तर्राष्ट्रिय अनुसन्धान फेलोको रूपमा उनले काम गरेका छन् । काठमाडौंका विभिन्न कलेजहरुमा प्राध्यापन समेत गरेका उनले केही विद्यालय तहको पुस्तक लेखेका छन् । कक्षा ११ र १२ को अनिवार्य नेपाली (२०६३) बिषयका सहलेखक हुन भने उनले टाकुरिएका नेपाली कविता सग्रह (२०६१) प्रकाशित छन् । अर्यालको सबै क्षेत्रका व्यक्तिहरुसँग राम्रो सम्बन्ध बनाएका छन् । वैकल्पिक शक्ति मूलधारको पार्टीहरुसँगै प्रतिस्पर्धा गरेर स्थापित हुने उनको मान्यता छ ।
रास्वपाबाट उम्मेदवार बन्न ९ जनाले आवेदन दिएका छन् । उम्मेदवार बन्न आवेदन दिनेहरुमा अर्यालसंगै शुलभ खरेल, पार्थिवेन्द्र उपाध्याय, डा. लेखजंग थापा, ज्ञानु पौडेल, जितबहादुर (जेबी) गुप्ता, कुसुम महर्जन, रचना क्षेत्री र पुनमकुमारी अग्रवाल रहेका छन् ।

उम्मेदवारका लागि आवेदन दिएकाहरु मध्ये कुसुम महर्जन पार्टी केन्द्रीय सदस्य हुन् । उनी गत आम निर्वाचनमा समानुपातिक उम्मेदवार थिइन् । भैरहवा माइती भई भक्तपुर बस्दै आएकी उनी अहिले उम्मेदवार बन्नकै लागि समानुपातिक सूचिबाट नाम हटाउन पार्टीमा निवेदन दिएकी थिइन् ।
भैरहवा निवासी जेबी गुप्ता रास्वपा रुपन्देहीको संस्थापक मध्येका एक हुन् । २०७९ को चुनावमा रास्वपाबाट उम्मेदवार बनेर ५ हजार ७ सय ९६ मत ल्याएका थिए ।
सहकारी अभियान्ता ज्ञानु पौडेल भैरहवा निवासी हुन् । पौडेल लुम्बिनी विशिष्टीकृत सहकारीको अध्यक्ष,लुम्बिनी प्रदेशकै ठूलो जनउत्थान सहकारीकी पुर्व अध्यक्ष र केन्द्रीय वचत तथा ऋण सहकारी संघकी केन्द्रीय सदस्य हुन् । बुटवल १६ सेमलारका सुलभ खरेल अमेरिकाबाट उम्मेदवार बन्नकै लागि आएको चर्चा छ । पेशाले अधिवक्ता उनी यसअघि पार्टीमा सक्रिय थिएनन् ।

पार्थिवेन्द्र रुपन्देही क्याम्पस भैरहवाका क्याम्पस प्रमुख थिए । उम्मेदवार बन्नका लागि उनले पदबाट राजीनामा दिएका छन् । उनी अघिल्लो चुनावमा विवेकशील साझा पार्टीबाट रुपन्देही ३ मै संघीय सांसदको उम्मेदवार थिए । उनी नेकपा एमालेका स्वर्गीय नेता धनपति उपाध्यायका छोरा र सिद्धार्थनगरकी उपमेयर उमा अधिकारीका पति हुन् । उनी अधिवक्ता पनि हुन् । डा. लेखजंग थापा न्यूरो सर्जन हुन् । उनको भैरहवामा आफ्नै क्लिनिक छ । गत आम निर्वाचनमा उनी नागरिक उन्मुक्ति पार्टीबाट प्रदेश सभा सदस्यका समानुपातिक उम्मेदवार थिए ।

रचना क्षेत्री पार्टीको जिल्ला कोषाध्यक्ष हुन् । उनी मन्टेश्वरी विद्यालय सञ्चालक हुन् । पुनमकुमारी अग्रवाल नेपालकै ठूलो प्रांगारिक मल उद्योगकी सञ्चालक हुन् । उनी विगत दश वर्षदेखि राजनीतिमा सक्रिय छन् ।
रास्वपामा उम्मेदवार छनोट विधि अन्तर्गत प्रारम्भिक निर्वाचन (प्राइमरी इलेक्सन) को नतिजाको ५० अंक, समावेशिताको ५ अंक, पोलिटिकल प्रोक्सिमिटीको २० अंक र लिडरसिप एकेडेमीको नतिजाको २५ अंकका आधारमा उम्मेदवारको अन्तिम टुंगो भदौ १५ गते लाग्ने छ ।
भदौ १२ गते बिहान ७ बजेदेखि १३ गते सांझ ७ बजेसम्म उम्मेदवार छनोटका लागि पार्टीको मोबाइल एपबाट अनलाइन भोटिङ (प्राइमरी इलेक्सन) हुने पार्टी सहमहामन्त्री विपिनकुमार आचार्यले जानकारी दिए ।

प्राइमरी इलेक्सनमा सम्बन्धित निर्वाचन क्षेत्रका पार्टी सदस्यको मतदानको ८० अंक, क्षेत्रभित्रका मतदाता रहेका पार्टीका तहगत समिति सदस्यको मतदानको १० अंक र केन्द्रीय समिति सदस्यको मतदानको १० अंकभार रहने छ । पार्टी सदस्यको मतदानमा साउन २६ सम्म पार्टी सदस्यता लिएकाले मात्र मतदानमा भाग लिन पाउने सहमहामन्त्री आचार्यले बताए ।
प्राइमरी इलेक्सनमा रास्वपाले छनोट भएका उम्मेदवारहरु मध्ये पार्टी सदस्य मतदातालाई कोही पनि मन नपरेको अवस्थामा त्यस विकल्पमा पनि मतदान गर्न पाइने र नयां उम्मेदवार ल्याउने विकल्प पनि खुला राखेको छ ।
निर्वाचन आयोगले असोज २१ गते उम्मेदवारी दर्ताको कार्यतालिका सार्वजनिक गरिसकेको छ ।
इलाम र बाराको उपचुनावमा नराम्रो हार ब्यहोरेको रास्वपाले यहांको उपचुनाव जितेर पार्टीको शाखलाई फर्काउने रणनीतिमा छ ।