Cambados Web deixa de actualizarse. A partir de agora podes seguir todo (ou case todo) o que pasa en Cambados en VIVIR EN CAMBADOS, ou se o prefires no dominio cambados.org.es

Con este logo empezou este proxecto alá por decembro de 2007, sen ningún tipo de pretensións, e máis coma un xogo ou un desexo de aprender algo sobre php, que outra cousa. Foron algo máis de 4 anos de probas, acertos e moitos erros que levaron á base de datos que soporta esta publicación a ter pouco menos que vida propia.

Logo da segunda mitade do 2007

Nos últimos tempos paseime máis tempo corrixindo erros que publicando novas, deixei a música, algo que me gusta moito, as curiosidades, algo que me distrae máis que a televisión, que só me pon dos nervios, e as noticias breves. Nas últimas semanas as noticias publicadas centráronse en Cambados, algo que creo que tivo que ser así desde o principio.

Logo do 2008

Como dixen a base de datos de Cambados Web non aguanta máis probas, en catro anos sufriu moitas, quizais demasiadas, produto da falta de experiencia ou directamente do non ter nin idea de como estruturar un proxecto destas características. Moitas veces pregunteime a razón de non usar unha plataforma de blog, houbese aforrado moitas horas de pelexa, pero é certo que agora tampouco tería os coñecementos que teño sobre php.

Segue en ler máis...

Finalizamos con esta entrada a serie de blogs de Cambados, toca a quenda á poesía de Ramón Nogueira que desde o seu Flores Versadas móstranos o seu lado artístico cunha mestura de boas letras e fotografías.

Para pechar este ciclo quero agradecer a colaboración de Merchy, principal impulsora da idea, e de todos os blogueiros que nos enviaron a tempo a información, sen eles esta serie non houbera sido posible.

Bajo este nombre en inglés se esconde uno de los blogs mejor cuidados en cuanto a estética y contenido de Cambados. Si realmente quieres saber por dónde se mueve la moda no puedes perderte los consejos que cada pocos días Lorena publica en su blog y, lo mejor de todo, con los precios de lo que te costará, para que puedas hacerte un presupuesto antes de salir de casa.

Como entre los blogueros cambadeses hay confianza quiero agradecer a Lorena su entrevista, porque es la que menos trabajo me ha dado de todas, ha sido un copiar y pegar. Se nota que es una persona con un gusto visual exquisito y muy metódica.

Natureza Atlántica ofrécenos unha promoción especial de primavera válida para facer unha escapada nos meses de maio e xuño.

Por 375€ podemos gozar de 3 días e dúas noites para dúas persoas na súa casa rural Vila Alo en San Vicente do Grove. O prezo inclúe o almorzo e unha cea de benvida a base de mariscos ou carne á brasa.

As reservas pódense facer en info@naturalezaatlantica.com e no 661 550 392

O blog de Carolina Laya é propiedade da xornalista cambadesa do mesmo nome. Desde o meu punto de vista, e como é lóxico, é un dos blog mellor escritos de Cambados e por tanto moi recomendable.

O Consello Xeral do Poder Xudicial aprobou onte un informe para a remodelación do mapa xudicial español que probablemente afecte os xulgados de Cambados e Vilagarcía.

O organismo que impulsa este informe quere reducir á metade as xurisdicións, o que para Cambados e Vilagarcía supón unir os seus xulgados nunha única sede. Esta medida provocou o rexeitamento dos profesionais e presúmese que ambas as localidades loitarán políticamente por ter a cabeza dun partido xudicial que atenderá a máis de 100.000 persoas. Na actualidade, a de Cambados aglutina a uns 50.000 (os comprendidos polos municipios do Grove, Sanxenxo, Ribadumia, Meis, Meaño e Cambados), unha cifra similar á de Vilagarcía, que inclúe os municipios de Vilanova, A Illa e Vilagarcía.

Con esta medida preténdese optimizar os recursos económicos e materiais e renovar a planta de xurisdicións, que data de 1988, pero cuxo deseño é do século XIX.

É un dos últimos en unirse ao mundo dos blogs en Cambados, pero moi pronto marcou o seu propio estilo comentando a actualidade nacional.

David Falcón presenta os seus novos temas no Rif Rock de Cambados o sábado 5 de maio a partir das 23:30h. Este concerto está enmarcado dentro das Jazzerz Live Series que está fomentado este templo da música cambadesa e polo que desfilaron estilos como o blues, pop e o folk norteamericano.

Os veciños de Vilariño atopáronse desde fai un par de semanas con dous proxectos que pretenden ampliar a rede de transporte e a subestación que Rede Eléctrica de España e Gas Natural-Fenosa ten no lugar de O Pardiño en Vilariño.

Ambos os proxectos enfróntanse a unha forte oposición veciñal, que constituíron a asociación O Batuqueiro, cuxo presidente é José Rodríguez.

O proxecto de Gas Natural ten a licenza municipal desde agosto de 2010, a pesar de que os veciños se acaban de decatar esta mesma semana. Do proxecto de Rede Eléctrica, os afectados xa teñen nas súas mans o informe de impacto ambiental onde se lles explica que a previsión é que o cableado vaia enterrado entre Sete Pías e O Pardiño a dous metros e medio de profundidade, algo que aos veciños parécelles moi pouco. Estamos a falar dunha liña de alta tensión e as radiacións transmítense pola terra.

Co fin de captar os máximos apoios posibles a asociación O Batuqueiro estará no pleno que a corporación municipal celebra o último xoves de mes, e convocou unha asemblea aberta para o sábado 28, ás 20.30 horas. Pretenden pedir ao alcalde, Luís Aragunde, que deixe de nadar entre augas e que se poña de lado dos veciños.