Career Malayalam

ഈ 10 വിവരങ്ങൾ നിങ്ങളുടെ Resume-ൽ എഴുതരുത്

noreply@blogger.com (Malayalam Career) — Mon, 04 Mar 2019 05:43:00 +0000

ഏതെല്ലാം വിവരങ്ങൾ ആണ് നിങ്ങളുടെ റെസ്യൂമെയിൽ ചേർത്ത് കൂടാത്തത്?

CV, Resume, Cover Letter എന്നിവ തയാറാക്കുമ്പോൾ അനുഭവസമ്പന്നർക്കും, പുതിയ ഉദ്യോഗാര്ഥികൾക്കും അതിൽ എന്തെല്ലാം ചേർക്കണം,എന്തെല്ലാം വിവരങ്ങൾ ചേർത്തുകൂടാ എന്ന് സംശയം ഉണ്ടാകാറുണ്ട്. പലപ്പോഴും, പലരും, ചേർക്കേണ്ട വിവരങ്ങൾ വിട്ടുപോവുകയും, ആവശ്യമില്ലാത്ത വിവരങ്ങൾ ചേർക്കുകയും ചെയ്യാറുണ്ട്. ഏതെല്ലാം വിവരങ്ങൾ ആണ് റെസ്യൂമെയിൽ ചേർക്കേണ്ടാത്തതു എന്നാണ് ഇവിടെ വിവരിക്കുന്നത്.

ഈ പത്തു കാര്യങ്ങൾ നിങ്ങളുടെ Resume-ൽ ചേർക്കരുത്

ശമ്പളചരിത്രം/ Salary History
ഓരോ കമ്പനികൾക്കും, തങ്ങളുടെ ജീവനക്കാർക്ക് നൽകുന്ന ശമ്പളം, ആനുകൂല്യങ്ങൾ, സൗകര്യങ്ങൾ (Salary, Incentives, Benefits, Allowances, Food, Accommodation, Transportation Etc.) എന്നിവക്കു തങ്ങളുടേതായ നിലവാര/ മാനദണ്ഡങ്ങൾ ഉണ്ട്. ഒരേ തരം പ്രവർത്തന മണ്ഡലങ്ങളിൽ ഉള്ള കമ്പനികൾ ആണെങ്കിൽ പോലും, ഒരോ കമ്പനിയുടെയും ശമ്പള-അനുകുല്യങ്ങളുടെ നിലവാരം വ്യത്യസ്‍തമായിരിക്കും. അതിനാൽ ഒരിക്കലും ശമ്പളചരിത്രം,interview process -ൻ്റെ ഇടക്ക് ചോദിച്ചാൽ മാത്രം, പഴയ ശമ്പളത്തിൻ്റെ വിവരം, payslip എന്നിവ നൽകുക. ഒരിക്കലും അത് CV, Cover Letter, Resume എന്നിവയിൽ ഉൾപ്പെടുത്താതെ ഇരിക്കുക.

ഉദ്ദേശ്യം / Objective / Career Objective / Resume Objective
ഒരു recruiter-ക്കു ഒരു CV/Resume അയക്കുമ്പോൾ, അത്തിൻ്റെ ഉദ്ദേശലക്ഷ്യം വ്യക്തമാണ്. ആശയപരമായി പുതുമുഖകാർക്കു (Freshers) ഒരു Career Objective എഴുതണ്ടതായ ആവശ്യകത ഉള്ളു. അനുഭവസമ്പത്തുള്ളവർ Career Objective-നു പകരം ഒരു CAREER SUMMARY ആണ് എഴുതേണ്ടത്. വളരെയേറെ Resume-കളിലെ Career Objective, COPY >PASTE ആണ്. നിങ്ങളുടെ CV/ Resume-ൽ കാണുന്ന ഏതൊരു copy/paste വാക്യങ്ങളും, ആറു മാസം experience ഉള്ള ഒരു processional-നു പോലും, ആ CV/Resume-നെ കുറിച്ചുള്ള മതിപ്പു / ധാരണ ഇല്ലാതെയാക്കും. NEVER COPY PASTE IN A RESUME/CV. ഒരു വാക്ക് പോലും.

HOBBIES / ഹോബികൾ / വിനോദവൃത്തി
നിങ്ങളുടെ തൊഴിലുമായി ബന്ധപ്പെട്ട ഹോബികൾ അല്ലെങ്കിൽ, അനാവശ്യമായി സ്ഥലം കളയാനും, റിക്രൂട്ടറുടെ ശ്രദ്ധ നിങ്ങളുടെ യഥാർത്ഥ skills-ൽ നിന്നും തിരിക്കാനും മാത്രമേ ഉപകരിക്കൂ.
അതുമല്ലെങ്കിൽ അഭിമുഖസമയത്തു ഉദ്യോഗാർഥിയുടെ വ്യക്തിത്വം, interpersonal skills, ആശയവിനിമയപരമായ skills എന്നിവ പരിശോധിക്കാൻ വേണ്ടി ഹോബികളെക്കുറിച്ചു ചോദിക്കാം, അപ്പോൾ റെസ്യൂമെയിൽ മുൻകൂട്ടി എഴുതിയിരിക്കുന്ന ഹോബികളുമായി ബന്ധപ്പെട്ട അടിസ്ഥാനപരവും, ആനുകാലികവും ആയ വിഷയങ്ങളിൽ ഉത്തരം നല്കാൻ കഴിഞ്ഞില്ലെങ്കിൽ അവിടെ ഉദ്യോഗാർത്ഥിയുടെ മൂല്യനിർണയത്തെ പ്രതികൂലമായി ബാധിക്കും. ഉദാഹരണം: Hobby: Reading Novels, എന്ന് എഴുതിയാൽ ചോദിക്കുവാൻ സാധ്യത ഉള്ളവ; എന്ത് തരം നോവലുകൾ ആണ് വായിക്കുന്നത്?; അവസാനം ആയി വായിച്ചാ നോവൽ ഏതാണ്? ഇതുവരെ എത്ര നോവൽസ് വായിച്ചിട്ടുണ്ട്? ഏറ്റവും ഇഷ്ടപെട്ട നോവൽ ഏതാണ്; അത് എഴുതിയതു ആരാണ്? അദ്ദേഹത്തിന്/ ആ നോവലിന് കിട്ടിയ അവാർഡുകൾ ഏതാണ്?. അതിനാൽ ഹോബി ചില അവസരങ്ങളിൽ തലവേദന ആകാം, അങ്ങനെ ആകാതിരിക്കുവാൻ ശ്രദ്ധിക്കുക.

മതം/ജാതി/ RELIGION
പാരമ്പര്യമായി നമ്മൾ CV-യിൽ എഴുതുന്നതും, നല്ല കമ്പനികൾ നോക്കാത്തതും, നമ്മളുടെ ജോലിയുമായോ, skills-ഉം ആയോ യാതൊരു ബന്ധവുമില്ലാത്തതും, CV/Resume-യിൽ അനാവശ്യം ആയതുമായ കാര്യം. മതം എഴുതുന്നതുകൊണ്ടു എവിടെയെങ്കിലും ഗുണം ഉണ്ടാവുകയാണെങ്കിൽ, മറ്റുള്ള സ്ഥലത്തു ദോഷവും ഉണ്ടാകാം.

Reference / Reference Contacts
Reference Contacts ചോദിച്ചാൽ മാത്രം നല്കുക. Job Application Form തന്നിട്ടുണ്ടെങ്കിൽ, അതിൽ ചോദിച്ചിട്ടുണ്ടെങ്കിൽ മാത്രം എഴുതുക.

CV/Resume അയക്കുന്ന തീയതി

ശാരീരിക അളവുകൾ
പൊക്കം, ഭാരം (Height -Weight) എന്നിവ.

Irreverent Experience: നിങ്ങൾ അപേക്ഷിക്കുന്ന തസ്തികയുമായി ബന്ധം ഇല്ലാത്ത Work Experience

Photo:
നിങ്ങളുടെ ഫോട്ടോ നിങ്ങളെ കുറിച്ച് മുൻവിധികൾ ഉണ്ടാക്കുവാനും, അഭിമുഖത്തിനുള്ള അവസരം നഷ്ടമാകാനും സാധ്യത ഉണ്ടാക്കിയേക്കാം.

Non-professional E-mail ID: BeerLover123@gmail.com or CuteChick4life@yahoo.com crazysumesh@gmail.com ഇതുപോലെയുള്ള email-id കൾ ഒരിക്കലും CV/Resume-ൽ ഉൾപെടുത്തരുത്.

ദയവായി നിങ്ങളുടെ ചോദ്യങ്ങളും, അഭിപ്രായങ്ങളും താഴെ comment box-ൽ രേഖപെടുത്തുക.

ഇത് കൂടെയില്ലാതെ CV അയക്കരുത്

noreply@blogger.com (Job Inbox) — Sat, 02 Mar 2019 16:49:00 +0000

Dear Colleagues,

Greetings of the Day!!

നമ്മുടെ കേരളത്തിലെ കലാലയങ്ങളിൽ നിന്നും വിവിധ ബിരുദങ്ങൾ കരസ്ഥമാക്കി വരുന്ന ഭൂരിഭാഗം ഉദ്യോഗാർത്ഥികക്കും, ഇത് എന്താണെന്നു അറിയില്ല. അവർ തങ്ങളുടെ CV അയക്കുമ്പോൾ ഏകദേശം ചുവടെ ചേർത്തിരിക്കുന്ന ചിത്രത്തിലേതു പോലെയാണ് അയക്കാറുള്ളത്.

മറ്റു ചിലർ ചുവടെ ചേർത്തിരിക്കുന്ന ചിത്രത്തിലെ പോലെ, അയക്കുന്ന ഇമെയിലിനു, "Subject line" പോലും ചേർക്കാറില്ല.

CV അയക്കുമ്പോൾ, കൂട്ടുകാരന് വാട്ട്സാപ്പിൽ meme അയക്കുന്ന ലാഘവത്തോടെ ഒരിക്കലും അയക്കരുത്.

ഉദ്യോഗാര്‍ത്ഥി അയക്കുന്ന CV, ഉദ്യോഗാര്‍ത്ഥിയുടെ ഭാവി തൊഴിൽദാതാവിന് / മാനേജറിന് (Future Employer / Manager) അയക്കുന്ന ആദ്യത്തെ ഔദ്യോഗികമായ (Official) ഇമെയിൽ ആണ്. അത് ഉദ്യോഗാര്‍ത്ഥിയുടെ പ്രാഥമിക വിലയിരുത്തലിനും, First Impression മുള്ള മാർഗ്ഗം കൂടിയാണ്.

ചിലർ CV അയക്കുമ്പോൾ ഇമെയിൽ ബോഡിയിൽ 'PFA' എന്ന് മാത്രം എഴുതി അയക്കാറുണ്ട്, അതും ശരിയായ രീതി അല്ല.തങ്ങളുടേതായിട്ടുള്ള പ്രവർത്തനമണ്ഡലങ്ങളിൽ വർഷങ്ങളുടെ അനുഭവപരിജ്ഞാനം ഉള്ളവർ പോലും തങ്ങളുടെ CV അയക്കുമ്പോൾ ഉദാസീനത കാണിക്കുന്നതായി കാണാറുണ്ട്.

എന്താണ് കവർ ലെറ്റർ/ COVER LETTER ?

ഉദ്യോഗാര്‍ത്ഥി അയക്കുന്ന CV ക്കു / Job Application നു ഒരു ഹ്രസ്വവും, ഔപചാരികവും ആയ, ഒരു പേജിൽ ഒതുങ്ങുന്ന, ഒരു കത്ത് ആണ് കവർ ലെറ്റർ (Covering Letter.) CV/ Resume അയച്ചു ജോലിക്ക് അപേക്ഷിക്കുക എന്നത്, ഒരു കച്ചവടം നടത്തുന്നത് പോലെയാണ്. ഈ കച്ചവടത്തിൽ നിങ്ങൾ, നിങ്ങളെ തന്നെയാണ് sell ചെയുന്നത്. ഒരു mobile വിളിക്കുമ്പോൾ അതിൻ്റെ നിർമാതാവ് അതിൻ്റെ ഗുണഗണങ്ങൾ വിശദീകരിച്ചു പരസ്യങ്ങളും, leaflet കാളും publish ചെയ്യാറുണ്ട്. ഉദ്യോഗാർത്ഥി എന്ന product-ൻ്റെ ഗുണഗണങ്ങൾ ആകർഷകമായി പരസ്യപ്പെടുത്തുകയാണ് CV, Resume, കവർ ലെറ്റർ എന്നവയിലൂടെ ചെയ്യണ്ടത് എന്ന ആശയത്തിലൂന്നി വേണം അവ നിർമ്മിക്കേണ്ടത്. ഒരു കമ്പനിയിൽ, ഒരു തസ്തികയിലേക്ക് ആയിരക്കണക്കിന് CV/Resume കൾ ആണ് ഒരു HR Managerന് അല്ലെങ്കിൽ റിക്രൂട്ടറിനു ലഭിക്കുന്നത്. അതിൽ നിന്ന് ആദ്യത്തെ സ്ക്രീനിംഗിൽ തിരഞ്ഞെടുക്കകപ്പെടുന്നത് പത്തോ,പതിനഞ്ചോ മാത്രം. ഓരോ CV യും shortlist ചെയ്യാൻ എടുക്കുന്ന സമയം അറ മിനിറ്റിനും താഴെയാണ്. ഈ സമയത്തിനുള്ളിൽ ആ മാനേജറിനെ ഇല്ലെങ്കിൽ റിക്രൂട്ടറിനെ സ്വാധീനിക്കാൻ കഴിയുന്ന രീതിയിൽ നമ്മുടെ സിവിയെ യും, കവർ ലെറ്ററായും വിദഗ്ദ്ധമായി രൂപപ്പെടുത്തണം. "In your esteemed organization", "My expertise and skills" തുടങ്ങിയ സർവ്വസാധാരണമായ പ്രയോഗങ്ങൾ കണ്ടു മടുത്തിട്ടുള്ളവർ ആണ് നിങ്ങളുടെ CV / കവർ ലെറ്റർ കാണുവാൻ പോകുന്നത്, അതിനാൽ മറ്റുള്ളവരുടെ CV-യോ കവർ ലെറ്റാറോ, അതിലെ വാക്യങ്ങളോ copy/paste ചെയ്യാതെ, സ്വന്തമായി യഥാർത്ഥമായി എഴുതുവാൻ ശ്രെമിക്കുക. CV/Cover Letter എന്നിവ എഴുതുന്നത് ഒറ്റ ഇരുപ്പിൽ ഒറ്റ തവണ ചെയ്തു തീർക്കുവാനുള്ളതല്ല. പല പ്രവശ്യം വീണ്ടും വീണ്ടും എഴുതി, തിരുത്തി ഒരു പൂർണത കൈവരുത്തുക. എല്ലാ professionals-ഉം സ്വന്തമായി കുറ്റമറ്റ ഒരു CV/Cover letter എഴുതുവാൻ പപ്രാപ്തർ ആയിരിക്കണം. സ്വന്തമായി എഴുതുവാൻ കഴിയുന്നില്ലെങ്കിൽ മാത്രം ഒരു Professional CV Writer-ടെ സേവനം തേടാവുന്നതാണ്.

കവർ ലെറ്ററിൻ്റെ ഘടന എങ്ങനെയാണ്?

ഒരു കവർ ലെറ്ററിനു എല്ലാ തരം കത്തുകളെയും പോലെ മൂന്ന് ഭാഗങ്ങൾ ആണ് ഉണ്ടായിരിക്കേണ്ടത്. ഇത് മൂന്നു ചെറിയ ഖണ്‌ഡികകളിലായി എഴുതുക.

ആമുഖം: ഒന്നാമത്തെ ഖണ്‌ഡികയിൽ ആമുഖമായി, കത്തിൻ്റെ ഉദ്ദേശ്യം, ഏതു തസ്തികയിലേക്ക് ആണ് അപേക്ഷിക്കുന്നത്, ഈ അവസരത്തെക്കുറിച്ചു, എവിടെ നിന്ന് വിവരം ലഭിച്ചു, എന്നീ വിവരങ്ങൾ ഉൾപ്പെടുത്താം.
ഈ ആമുഖം, ബാക്കി കവർ ലെറ്ററും CV മുഴുവനായും വായിക്കുവാൻ പ്രേരിപ്പിക്കുന്നതായിരിക്കണം.
കാതൽ: കവർ ലെറ്റെറിൻ്റെ ഓരോ വാക്കുകളും, ഖണ്‌ഡികകളും തുല്യമായ പ്രാധാന്യം ഉള്ളവ തന്നെയാണ്. കവർ ലെറ്റെറിൻ്റെ രണ്ടാമത്തെയും കാതലുമായ ഖണ്‌ഡികയിൽ, ഉദ്യോഗാര്ഥി തൻ്റെ വിദ്യാഭ്യാസത്തിൻ്റെയും, ജോലി സംബന്ധമായ അനുഭവസമ്പത്തിന്റെയും ഒരു രത്നചുരുക്കം നൽകണം. കൂടെ attach ചെയുന്ന CV-യിൽ എല്ലാം വിവരിച്ചിട്ടുള്ളതിനാൽ, കവർ ലെറ്ററിൽ സംഗ്രഹം മാത്രം മതി, വിവരണം ഒഴിവാക്കുക.
ഉപസംഹാരം: മൂന്നാമത്തെയും അവസാനത്തെയും ആയ ഈ ഖണ്‌ഡിക. "CALL TO ACTION " രീതിയിൽ ആയിരിക്കണം ക്രമപ്പെടുത്തേണ്ടത്. Recruitment പ്രക്രിയയുടെ അടുത്ത ഘട്ടങ്ങളെക്കുറിച്ചു ഉദ്യോഗാർത്ഥിക്കുള്ള താല്പര്യവും, ഉത്സാഹവും ലഖുവായി പ്രകടിപ്പിക്കണം.

നിങ്ങളുടെ ചോദ്യങ്ങളും, അഭിപ്രായങ്ങളും താഴെ comment box-ൽ രേഖപെടുത്തുക.