Carita Urang Sunda

Seni Pasering Budaya

noreply@blogger.com (Anonymous) — Fri, 20 Jul 2012 08:38:00 +0000

Tulisan kang Dedi Ruspendi

Seug numut kana hal ieu Bongkot budaya di dunya mung aya 3, da titilaras tina seni oge mung tilu. Baheula manusa kafir nepi ka embung diwakilan narima tuduh jalan, hayang jonghok jeung Allah ku diri pribadi. Padahal teu sakabeh manusa bisa jonghok jeung elmu Allah.

Dirina ngarasa leuwih hade dibere tuduh jalan ku Allah, sabab ceuk pangrasanya leuwih jago jeung leuwih beunghar, sanggup nalukeun jeung marentah manusa sejen. Nepi ka maehan Nabi jeung nantang sangkan Allah atawa Malaikat turun langsung.

Nya lungsur heula dasar-dasar budaya samemeh turun dasar Agama keur manusa. Malaikat ngajirim duaan. Dina Qur'an sejarah ieu kasabit Harut jeung Marut di nagri Babilonia. Geuk kayakinan Sunda Satria Kembar. Munding Wangi jeung Silih Wangi.

Ngalaras jiwa manusa ku seni (Sihir), sabab kakuatan seni bisa nyihir manusa nepi ka akalna daya. Ayeuna oge aya nu ngaluarkeun duit jutaan ngan keur lalajo konser musik pujaan. Padahal loba pakirmiskin nu leuwih ngabutuhkeun duit sakitu tinimbang lalajo nu teu aya manfaat. Mung kakuatan seni kapan siga sihir nepi ka akal manusa macet.

Titilaras seni aya tilu, jadi bongkotna budaya mung aya tilu :
1. Kharawitan => Sunda.
2. Diatonis => Yahudi.
3. Purnatonis => Majusi

Laras anu katilu teu mandiri anging asup ngagoda titilaras anu dua. Jadi pabentarna budaya sabenerna lain Iblis jeung Malak. Tapi antara Malak jeung Malak nu diemprakan ku setan.

Teu kudu parebut budaya da masing-masing geus aya tempatna. Di Tatar Sunda nya sunda nu kudu eksis nu sejen wayahna ngelehan.

Buku Gudangna Elmu

noreply@blogger.com (Anonymous) — Tue, 17 Jul 2012 03:49:00 +0000

Tulisan Kang Dedi Ruspendi

Lain hartina elmu aya dina buku, ngan ku maca buku atanapi tulisan jeung pamadegan batur, hiji konci atawa cara pikeun mukakeun kajembaran jeung lawang elmu anu aya dina jiwa urang.

Seueur buku nu dibaca, teu sapamadegan jeung urang, samalah seueur buku nu dibaca omeaneun, eusina salah jeung tojaiyah jeung pamikiran urang.

Janten buku ngan sakadar konci pikeun mukakeun kasadaran kaelmuan urang. Da seueur buku nu kedah dibeberes, samalih kedah dipiceun tina pikiran urang. Sabab eusina bakal nyilakakeun urang.

Kabayan: BUAH KALAPA NU PANGHADENA

noreply@blogger.com (Anonymous) — Mon, 16 Jul 2012 06:29:00 +0000

(Tulisan kang Dedi Ruspendi)

Hiji mangsa si Lamsijan jeung si Kabayan Cindekul sisi walungan. Euweuh wea nu nyanggut. Pok si Lamsijan nyarita : “....Kabayan jeung tinimbang keiu mah. Isuk urang ‘kontes’ we lah ulah ngusep. Atawa nguseup bari kontes. Meh teu kesel teuing.

Si Kabayan ngahuleng. “....Kontes nanahaon ari nyaneh?” “.....Enya kontes. Nguseup teh urang bari mawa bubuahan. Tuluy konteskeun. Dimana aya nu eleh urang dahar we eta buah teh.”

“ Jadilah!!!!..........”. Tuluy bae baralik da mangsa pareng geus burit. Isukna dua sobat teh geus cidekul deui bae dina batu lempar anu gede sisi walungan. Ayeuna mah bari mekel bubuahan. Si Kabayan mawa kalapa. Kolot naker. Ari si Lamsijan mawa ganas geus asak pisan.

“Tah. Kabayan.....Ieu teh buah nu pangalusna. Rupana koneng enay, angseuna seungit, makutana hejo. Gambaran hirup mausa. Kudu murni hade laku cara konengna emas nu mahal hargana. Seungit ku kahadean nepi ka jadi kacapangan balarea. Makuta hejo mere katengtreman jeung kasuburan ka balarea. Kapan nu make kuncung atawa makuta cara ganas mah Raja lain......”

Si Lamsijan ngagakgak seuri siga nu meunang. Ari si Kabayan tenang wae masangkeun eupan, tuluy dialungkeun kana walungan. Gek sila hareupeun sobatna salse naker. Pokna : “.....Tah. ieu mah kalapa buah nu pangkuatna jeung panghadena. Moal aya nu kiat jeung hade iwal ti kalapa. Geura sok eta ganas teh pesek sing beresih.”

Si kabayan oge mesek kalapa tapasna meni beresih. Batok kalapa tembong hideung puguh geus kolot kacida. Nu mesek ganas oge beres. Gebro we ganas dipeupeuh ku kalapa nepi ka bubuk. “.......Tuh!!!!!! eleh ganas teh ku kalapa. Deuleu.” Kituna teh bari miheulaan ngadahar ganas. Kalapa diasupkeun deui kana endong. Lamsijab ukur olohok nenjo nu cacamuilan.

Isukna Lamsijan jeung Kabayan kontes deui. Diuk pahareup-hareup dina batu lempar tea. Ayeuna mah lamsijan mawa gedang pokna : “....Tah ieu mah gedang. Asal kecap tina gede dangiang mun dipesek loba sikina. Ngandung harti jelema kudu loba siki, loba elmu jeung kaweruh, jeung loba amal kahadean. Pasti eta jalma teh bakal gede dangiang disingkat jadi gedang.”. Lamsijan nyakakak deui.

Si kabayan ungut-unggutan ngadenge katerangan sobatna kitu teh. “.....Cikan kainyah pesek hang nyaho.” Teu talangke gedang dipesek ku si Lamsijan, burahay beureum pikabitaeun ma’lum gedang samangka. Sanggeus rengse gedang dipesek diteundeun hareupeun duaan. Si Kabayan ngulangkeun deui kalapana pokna : “.....Kalapa, alus, kuat jeung hade.” Gejret gedang teh dipeupeuh teu nungguan Lamsijan celebek wae didahar, kalapa mah diasupkeun deui kana endong.

Isukna saperti biasa reureuh nguseup si Lamsijan jeung si Kabayan nuluykeun kontesna Lamsijan ayeuna mah mawa cau, pokna : “....Tah ieu mah kabayan Cau. Turuyan nyagag dina sikatan, sikatan nyagak na seuhangan. Cangkangna leuleur matak tisorodot. Gambaran carita urang. Carita jelema nu tara aya pamustungannana. Loba cagag loba mengkol, bari sakakpeung leuleur hese dicekelna. Didaharna sok sisina.”

Lamsijan mesek cau am didahar. Ari cangkangna sok diteundeun dina pingping si Kabayan. Tuluy bae pindah nguseup ngajauhan si Kabayan sieun dibales diragragan cangkang cau. Kabayan elelh babar ayeuna mah kapiheulaan dahar cau. Padahal kalapana geus siap ngabebek cau. “....Cau. Carita urang, mun didahar lung, cangkangna....” Kitu bae si Kabayan bari ngalungkeun cangkang cau maledog si Lamsijan. “.....Haram jadah siah kabayan. Meunggeus isuk urang kontes deui.”

Isukna nu rek nuluykeun kontes ngajugjug deui pakalangan. Nyaeta batu lempar sisi walungan. Useup minangka jadi pokal, teu poho korang oge nyolengreng mapaesan cangkeng. Ayeuna mah lamsijan oge mawa endong. Teuing buah naon nu dibawana. Dua sobat teh ngaruseup heula memeh kontes.

Biasa pahareup-hareup sila ipis dipakalangan kontes. “ Mawa buah naon ayeuna Lamsijan?” Si Kabayan nalek. Lamsijan ngodok endong. Bru bae dahareun ditambrukeun hareupeun si Kabayan bari ngajorowok tarik pisan “.....Kalapa!!!!!...” atuh puguh si Kabayan ngajenghok. Eleh deui babar. Mangkaning kalapana ayeuna mah geus herang naker batokna teh, da meunang ngurus.

“Ari nyaneh belegug. Lamsijan. Nu kitu mah lain kalapa siah. Galendo, tah nu eta noga, jeung bajigur dina bungkus plastik.” Si Kabayan muncereng. “.....Enya kapan tina kalapa...” Lamsijan oge molotot. Kabayan embung eleh “......Kapan nyaneh oge nyaksian jeung nyaho, kalapa mah nu kieu” bari ngasongkeun kalapa anu batokan keneh.

“.......Cikan kalapa teh pesek.” Lamsijan leuleuy. “...Hor ari nyaneh. Kapan kamari bareng mesekna kasaksi ku ilaing. Dimana mana oge mesek buah mah miceun cangkang. Sakali cangkang terus dagingna. Tah ieu teh geus dipesek. Piraku kudu dipesek deui? Mustahil Lamsijan. Tahayul eta teh bid’ah. Mesek anu geus meunang mesek.”

Si lamsijan kerung. Cakakak teh si Kabayan seuri “....Hahaha......Siga Ulama Islam di Indonesia nya kuring. Jan.” “Nyao siah mamawa ulama sagala.” Lamsijan hareugeuun. “Enya kapan ulama oge embung mesek Agama leuwih jero. Cukup ku tafsir. Malah ngawatesan maneh ku Ijma jeung ahli tafsir samemehna. Nepi ka teu apal siki jeung eusi Agama nu sabenerna. Ahirna teu aya manfaat sama sakali tina Agamana.”

Kabayan narik napas panjang. Lamsijan olohok.
“Tah....ari manfaat Agama pan hayang. Kapan cara uing seubeuh dahar buah kontes. Teu ngadahar kalapa. Teu ngamangfaatkeun Islam da kapan can nyaho eusina. Ngamangfaatkeun Agama sejen wae nu geus dipesek tur babari dipesekna saperti tina paham Shabiin, Nasrani jeung Yahudi. Kadang-kadang paham Majusi oge diharakan. Bari tetep boga kayakinan kuat yen Islam Agama nu pangalusna.”

Kabayan ngarenghap. “.........Saeutik oge moal mangfaat tina Islam. Najan keukeuh ngagulkeun Islam. Lir ibarat kalapa batokan digegel teuas dilamot pait. Nu matak taya pangaruh kana ahlaq jeung kalakuan tina Agama nu dianggapna panghadena teh. Bukti nagara keuna reformasi. Geus reformasi parasea keneh bae. Lain pantar urang eta teh Jan. Ulama jeung pamingpin.”

Cag.

Kabayan: Ulin Ka Tempat Piknik

noreply@blogger.com (Anonymous) — Mon, 16 Jul 2012 06:24:00 +0000

(diasuh ku Kang Andi Sumirat)
“Kang, naha nya di tempat piknik kieu bet asa aya nu benten”

"Beda kumaha...beuh ?"

“Muhun cobi tinggal we ku akang, antawis nu piknik mani karasep gareulis kitu....sedeng bangsa urang nu daragang keu karucel teh, asa garoreng rupi nya, kang ? Hehehe..

"Ari silaing kasep Lamsijan? mun ngeunteung deuleu..goblog sugan....beuh “
“Ah fakta etamah, kang...hehe”

"Denge ku silaing Lamsijan...., gusti Alloh SWt mah tara meunteun jelema dumasar kana rupana, tapi dumasar kana kaberesihan hate na deuleu.....ngarti ?

Hehehe..ngartos kang, euleuh kang itu teh iteung nyusul ka dieu....nyandak tangkal sampeu, enggal papagkeun.....!! "

“walah cilaka pamajikan nyusul mah...euy lamsijan.....beuh ?"....

"kudu kieu yeuh....mepende nyi ietung mah.......”

Teu ngeunah ngeunah kunaon…sebel sebel na kunaon
asa teu boga salah…ngarasa teu boga dosa
bet percaya wae ka gosif…pikiran jadi negatif
nyangka nyangka suudon…jiga budak anu bolon

naha teu cape hate…ngan ngajak pasea wae
yap kadieu iteung…..tangkeup akang
~ ~ ~ ~ ~~
cinta akang sadalem laut kidul…….kadeudeuh akang lebar sajagat raya
geura taropong hate akang moal bohong…teuteup mata akang mung aya iteung
taya gurat taya cupat……taya bakat jadi playboy
yaaaaap kadieu iteung…….gabrug akang……

Kabayan : Balon Gubernur

noreply@blogger.com (Anonymous) — Mon, 16 Jul 2012 06:21:00 +0000

"Lamsijaaannn.....!"
"Ieu kang, abdi mah nuju ngumbah caruluk, aya naon kang...?"
"Lain euy, aya beja tinu beunang dipercaya....cenah para balon gubernur Jawa Barat rek arulin ka kidul.....!!"

"Bejakeun ku silaing ka balarea deuleu, kade kitu euy motong kakemot beunang kaolo, menggeus ratusan calon inohong ti jaman normal nepi ka kiwari...gawena ukur ngawadul geus jareneng mah tara inget bari modol euy....heuheuy beuh ?"....siaaaap kang, hehe he...

"montong cengar cengir siah, bisi digantung digawir hambalang ke ku aing.....heuheuyy beuh ? Ha ha ha.....

Kabayan - Camat

noreply@blogger.com (Anonymous) — Mon, 16 Jul 2012 06:12:00 +0000

Tulisan Kang Andi Sumirat

"Kang..., saurna enjing ieu bupati Cianjur bade ngaresmikeun samsat outlet nya di kacamatan cibinong, raos panginten nya mayar pajeg kandaraan teh moal tebih kedah ka kota cianjur, hehe......"

"Eta teh deuleu Lamsijan, tandana pamarentah geus mimiti beunta kana kasusah rahayat dina widang jauhna patali marga mayar pajeg kandaraan, ngan bae mudah-mudahan ulah jiga nu enggeus-enggeus sok paheula-heula hayang jadi camat.....beuh...?

Ah akang mah kumaha, apan camat mah mung hiji pa wody efiana tea....di cibinong mah......? Hehehe.....

"beuh angger kuled otak sia mah lamsijan, lain camat tukang marentah...deuleu ?" hehe camat naon atuh, kang ?

"calo matuh..belegug, maksud aing teh ?" ooohhhhhhh

Bruk Brak

noreply@blogger.com (Anonymous) — Mon, 16 Jul 2012 05:59:00 +0000

Tulisan Kang Andi Sumirat

Nyaritakeun jalan nagara tina taneuh di kalimantan barat, aya deui anu leuwih lucu jeung pikasebeleun.......di cianjur pakidulan aya "jalan anak tere nagara"...........

Di wilayah kacamatan Cikadu kabupaten Cianjur jalan nagara teh cenah mah mangrupa jalan korban politik leutik......ceuk sakaol mah dina tahun 2006 kacamatan cikadu teh rahayatna teu loba milih ka bupati anu kapilih.......nepi ka usum kiwari oge eta jalan teh ukur puraga tamba kadenda diulas-oles ku mangsi hideung......

Anu leuwih parna eta kaayaan teh geus dikanyahokeun ku gubernur jeung wakilna malah menristek oge bejana mah kungsi gegelendeng ka wagub, yen kacida teuing ngantep jalan nagara paranti liwat jelema....bet jiga jalan paragi liwat jurig atawa jin.......???

Pertanyaanana......."naha enya eta wewengkon cikadu teh geus dijieun anak tere ku nagara...?"

lamun henteu....pek geura jawab, naon dasarna jelaskeun ka rahayat......ngeunaan jalan we heula........hahahahahahaha..

KANDA PANUTUP

noreply@blogger.com (Anonymous) — Sun, 08 Jul 2012 14:48:00 +0000

Tulisan Kang Dedi Ruspendi

Setiaragen tetep teu tiasa dipondah hoyong nikah jeung pameget anu dipisuka jeung dipikacinta. Tur ngarasa lain tugas sareng tujuan wanoja kamajuan hiji bangsa jeung nagara.

Setiaragen ngabohongkeun katangtuan Samiang Keling nunggal mangke nu geus nempatkeun wanoja salaku tihang nagara.

Nun. Hyang Murbawisesha.
Paparinan pituduh Setiaragen dinagara Sundapala. Sangkan tumuwuh tihang-tihang nagara nu kokoh jeung tanggoh. Memeres cukang lantaran. Ngawujud Muara beres geusan kawaluyanan bangsa jeung nagara.

Kembang pinetik sinebaran sari. Sunda waluya. Pratiwi walagri. Nusantara nyandang bagja.

Pun.

GIRI MALELA , April 2008
Resi Jayadiprana.

SATRIA PININGIT

noreply@blogger.com (Anonymous) — Sun, 08 Jul 2012 14:41:00 +0000

Tulisan Kang Dedi Ruspendi

Dina budaya Sunda lain kudu didagoan tapi kudu diupayakeun sangkan lahir generasi atawa nonoman nu mibanda jiwa suci tur bisa ngalarap lampah munasabah jeung babakti ka nagri kalawan temen sujud ka Illahi.

Ieu awalna "....Turun pulung ti galungung......". Tah didieu hartina dunya atikan "...Empu linduhung, gawe luhung jeung agung...". Beberes heula dunya atikan lamun generasi hayang bener.

"...Gulusur lebak camene, ngamuhara ka muhara beres.....". Wanoja deuih salaku tihang nagara kudu kapulungan, nepi ka ahirna bakal jadi muara beres. Tegesna jadi cukang lantaran gelar insan anu suci ku nyucikeun diri enggon rarabi.

Kasimpulan aya dua hal pentiung sangkan lahir satria pininggit;

1. Rarabi kudu jauh ti napsu estu babakti ka Illahi pikeun cukang lantaran gumelar.

2. Dunya atikan sin bener tur beuneur jauhkeun tina kamunafikan saperti dunya atikan di urang ayeuna.

Hanjakan euweuh budayawan Sunda. Nepi ka dina acara perkawinan diantep nanggap setan jeung Iblis. Atuh dunya atikan diantep bejad jeung bokbrok deuih......