Carita Cinta Munggaran

Dua hate hiji cinta

qualitifiedboy@gmail.com (+6285250127899) — Fri, 09 Nov 2018 17:51:00 +0000

Hiji mangsa na kahirupan pernah aya dua wanoja nu ku kuring dipikanyaah. Jadi pegeusi haté kuring anu hampa jeung jadi batur hirup dina sesa hirup nu duka nepi ka iraha lilana.

Lain Kuring haweuk dapat Memang nu ka Hiji geus jadi batur hirup nu geus jangji dina masing masing hate rek sauyunan dina kasusah Jeung kasenang Mudah mudahan Dunia sinareng ahérat. Wanoja nu kahiji nya eta wanoja anu Selalu aya Nalika Kuring Susah di pangumbaraan, tapi kadang SIKAP acuhna teu katulungan 😥, nyaah setiap Pasti Kuring GEUS pasti da dikumahakeun deui Meren Kuring teh BAPA ti Anak anakna, kadang Kuring rindu imut manis di nu Matak Giunga Nalika Kuring mikiran nana asa ngalayang duh mun inget Harita 😍.

Nu nu Kadu di wanoja janteun Hasrat Cinta Kuring, wanoja anu din PENILAIAN Kuring mah solehah, Handap asor, mikanyaah setiap Sasama sareng ka "ibuan" Cocok lah Jadi Anak ibu kanggo Kuring mah .. 😍hehe Wanoja ngadeukeutkeun anu anu Kuring sareng Pangeran Maha Kawasa , kunaon sababna nyakeutkeun sareng kanu kagungan bumi, Langit sinareng eusina? Margi da Kuring gaduh anggepan Yen wanoja nu bageur Bakal ngajodo sareng pameget bageur oge Jadi asa sumanget nyakeutan Gusti anu maha suci teh Sanes KARENA eta wanoja TAPI langkung setiap kumaha Usaha Uranga Supaya gaduh wanoja anu sabageur Jeung yang solehah eta wanoja, teu di Dunia oge insya Alloh di akherat. Wanoja nu Kadu mah asa seueur pisan lika liku jalan carita Jeung Kuring, asa hirup Retorika lagu Doel Sumbang, gigi sareng rossa, aslina tah ace "baper" pisan mu ngadangu lagu2 penyanyi eta terbawa suasana. Mung Kuring oge nyadar Diri bisa ayeuna tos ngarumah Tangga jeung insya Alloh Moal ngaganggu deui ka kahirupan manehna aya nu ayeuna Wacana ngabina rumah Tangga.

NB: dua duana gaduh pipi ekstra gemesin 😄. Kanggo ka dua duana insya Alloh sami sami nyaah di dunia dugi ka akherat.

Dihandap sketsa wajah dua nana 😍

Serat Ka Hiji

qualitifiedboy@gmail.com (+6285250127899) — Wed, 24 Oct 2018 13:43:00 +0000

Kanggo Memeth...,

Kahaturkeun ieu serat enggal ka aos kalayan kabingahan, hapunten aa wantun komunikasi na saarah kawas kieu da bongan sok "Baper" cenah saur anak "zaman now" mah. hmmm .... kumaha damang? nya kahoyong mah damang nya nuju maca ieu serat ti aa, teu kenging nyengserikeun nya aa jiga bardak zaman kapungkur nyeta ngintun serat. da sanes teu hoyong atuh nyarios teh, komo pami pendak mah atoh pisan.... hehe. Hapunten rada wantun da aa ngaraos kapungkur urang saling kenal tapi saling ninggalkeun boh rasa boh raga, kapungkur pernah saling mikanyaah sanajan akhirna pisah mung eta sadaya tos berlalu sanajan nolak mopohokeun masa lalu (rada puitis saalit lah hehe).

hmm.... naon deui nya sesah da milarian kata-kata na pami saarah mah, btw emang leres kitu kapungkur teh teu bertepuk sebelah tangan? asa teu percanten da aa mah, sok asa ngimpi geuning. saleres na seueur pertanyaaan aa nu masih ngambang na angan angan teh. kadang sok ka impenkeun, tapi da aa gen nyadar diri aa tos gaduh pasangan. aa ngabentengi diri sanajan hate mah masih aya rasa ka salira. nya duka naon atuh nu ku aa pilari di salira teh, da nu pasti mah satiap nu aya di salira aya di istri aa. eta panginten nu disebat ku ceu edoh "cinta teh". Tos kalukis jalan carita aa, kapenjara ku cinta salira (kabalik teu nya heheh), aa mah unggah hanjat ninggalkeun kenangan we nya? Andai.....

Tos we nya aa ngintun ieu serat, aa nyerat ieu serat margi nuju teu betah hate. Hatur nuhun tos ngaluangkeun waktos kanggo nga aos serat ti aa.

Salam,

Geulis

qualitifiedboy@gmail.com (+6285250127899) — Sun, 31 Mar 2013 02:28:00 +0000

Mun pareng ningali bulan
Purnama anu ayeuna nyaangan
Omat ulah ngarasula
Pèdah akang teu aya mareungan

Hatè manteng ka salira
Kebat lir caang purnama
Moal linci komo midua
Anceug lir karang sagara

Geulis
Purnama ngadadak alum
Ngawawaas manah nu muyung
Meureun anjeun rada pundung
Nahan sono teu kabendung

Girimis mimiti ngeuclak
Nyumputkeun katineung bulan
Nyuuh dina pangsujudan
Amparan tilam kahèman

Hayu urang ngaraket keun
Kadeudeuh urang duaan
Neuja muntang ka Pangèran
Di kiat keun Iman Islam

Tong Ngarasula

qualitifiedboy@gmail.com (+6285250127899) — Sun, 31 Mar 2013 02:23:00 +0000

Heurin letah heureut lengkah
Mung sakieu buktosna
Banda teu aya sumawonna patalayah

Abdi sadar tumarima
Ieu cocobi ti Gusti Nu Maha Asih
Moal mungpang moal mangmang

Hujan aya raatna
Panas aya iuhna
Sagalana aya waktuna
Teu kudu ngarasula

Komo potes teu puguh mah
Sumerah pasrah Kanu Kawasa
Ikhlas,Tawakal
Eta koncina

Naha Salah

qualitifiedboy@gmail.com (+6285250127899) — Sun, 26 Feb 2012 09:43:00 +0000

naha salah lamun kuring boga rasa cinta salian ka anjeun,,,
naha salah lamun kuring boga rasa deudeuh salian ka anjeun,,,,

sapanjang anjeun satia akang moal rek khianat,
cinta akang moal unggut karinduan
sapanjang anjeun satuhu akang moal rek midua,
cinta akang moal gedag kaanginan

cinta akang mah bulan anu nyaangan peuting, bakal aya salalawasna
cinta akang srangenge anu maturan poe, bakal aya salalawasna

ulah....melang
ulah....hariwang

naha salah lamun kuring boga rasa cinta salian ka anjeun
naha salah lamun kuring boga rasa cinta salian ka anjeun

sapanjang anjeun satia akang moal rek khianat,
cinta akang moal unggut karinduan
sapanjang anjeun satuhu akang moal rek midua,
cinta akang moal gedag kaanginan

cinta akang MAH bulan anu nyaangan peuting, bakal aya salaLAwasna
cinta akang sangenge anu maturan poe, bakal aya salalawasna

Soca nu Nyarita

qualitifiedboy@gmail.com (+6285250127899) — Fri, 08 Jul 2011 10:55:00 +0000

aya nu benten,,,,
dina tetep sieup anjeun
dina giler soca anjeun
dina imut na anjeun
saolah mere isyarat
yen ajeun miboga rasa nu sarua
rasa mikaheman, mikadeudeuh jeng mikanyaah
meski teu kecap ku ilat
meski teu kedal ku lisan
tapi bisa kabaca dina teteup sareng imut salira,,,

soca nu nyarita,,
sanajan satekah polah di sumput-sumput

moal bisa ngabohongan diri,,,

Sorot Soca

qualitifiedboy@gmail.com (+6285250127899) — Thu, 07 Jul 2011 17:57:00 +0000

najan anjeun teu kedal
najan teu terus terang
tapi sorot soca bangun anu balaka
aya rasa cinta dina hate eneng
dina sorot soca atrat kabaca
cinta tong dipendem cinta tong di sideng
bilih raray resa seer jerawat
da akang gen terang di eneng aya cinta
sorot soca anu nyarita
aya rasa cinta
aya rasa trasa cinta
hop atuh gera nyarita
tong ukur dina soca
sorot soca nu nyarita
abdi ngantos pisan kata cinta tina lisan

Harita Kasorenakeun,,,

qualitifiedboy@gmail.com (+6285250127899) — Sat, 25 Jun 2011 10:35:00 +0000

Harita Kasorenakeun ,,,
kuring nganjang ka rorompok salira
mawa kaasih nu pohara gedena
mawa kasono nu taya bandingan nana
harita kasorenakeun,,,
rundayan katineung dipapalerkeun
bongan matak guligah kana rasa
bongan mawa eurih nu ngaraheut kana ati
lamun teu patembong
lamun teu paembol
Harita kasorenakeun,,,
kuring ngalengkah mapag kalangkang
ngajugjug salira nu diudag ku mangsa jeung rasa
Harita kasorenakeun,,,
salira ngantos dilawang panto
tuluy gugupay bari imut
Gusti nu agung pami emut harita,,
naha bet asa teu puguh
mun diri ker ngumbar rasa katresna
rek disusud na jajantung
rek ditanyakeun kasanubari
naha ayena asa landes misono
melit ngait kana diri
taya daya pikeun ngajauhan salira..

Galur Carita

qualitifiedboy@gmail.com (+6285250127899) — Fri, 24 Jun 2011 20:52:00 +0000

Galur caritra urang duaan
kadang hideung kadang bodas
najan teu saendah Sinta jeung Rama
najan teu saluyu antara hate jeung pikiran
najan nu aya ngan tunggara
najan peurih ngabatin
Anjeun tetep paling endah na hate...

Langlayangan Pegat

qualitifiedboy@gmail.com (+6285250127899) — Sun, 27 Mar 2011 23:12:00 +0000

panas nu sakieu mentrang
suganteh moalrek hujan
sono bogoh anu urang
geuningan teu bisa manjang
asa dina pangimpian
urang jadi pipisahan
kadeudeuh nu nyangreud pageuh kiwari talina udar
urang teu bisa embung najan kagandrung sagunung
urang teu bisa nolak najan duriat sajagat
urang lir ibarat wayang usik malikna ku dalang
anu teu wasa wenang beuereum hideung na kumaha dalang
apan hirup ngalalakon saperti dina sinetron
caritana kedah pisah nya hamo bisa di pondah
urang teubisa embung najan laput rasa gandrung
urang teu bisa nolak sanajan limpas ku kabeurat
tarimakeun janten randa akang pasrah janteun duda
najan pait bari peurih teubisa di kumahakeun
ulah ceurik tong di ceung ceurikan
takdir teu benang di pungkir kadar teu isa disinglar
najan pada pada beurat
meureun gerat kedah pegat

Carita nu Teumanggih Tungtung

qualitifiedboy@gmail.com (+6285250127899) — Sun, 24 Oct 2010 04:48:00 +0000

Dina gurat-gurat hate
Anjeun kungsi ngotretken galur carita
nu can kungsi kapedar dina saban sajarah kahirupan kuring
dina munggaran tepang
naha ieu jajantung wet miheulaan ratug tutunggulan
padahal mah lisan teu sakecap-kecap acan ngaluarkeun sora
sukma kuring adug lajer
nyawang mangsa katukang jeung anjeun
Ngotektak kana saban uteuk nu wangkelang kana ugeran
Satekah polah hayang nyingraykeun lalungse nu ngabangbaluhan hate
giler soca anjeun nu matak ngagorogotan ati
matak hayang teupang unggal kuring usik
unggal kuring ngarenghap
lambey nu biasa di hias ku imut manis salira mulasara dina jero kalbu
duriat nu teu pernah dikedalkeun ka salira
jadi rusiah ati antara kuring jeung Pangeran nu Maha Kawasa
jadi carita nu teu pernah nemu jeung lalancip kahirupan...

Do'a Nyuhunkeun Jodo

qualitifiedboy@gmail.com (+6285250127899) — Sun, 12 Sep 2010 12:49:00 +0000

Doa Versi Sunda

Duh Gusti nu Agung lamun mah jodo Abdi dilangit...
Mugia Anjeuna enggal diturunkeun
pami mah eta jodona aya dina jero bumi
mugia Anjeuna enggal dimunculkeun tepungkeung sinareng enggal jodokeun sareng simAbdi...
pami mah sesah ngajodo sareng sim abdi mugia Gusti ngagampilkeun ngajodona
pami mah eta hubungan haram kanggo simabdi mugia Gusti nyucikeun eta hubungan
pami mah jodo eta tebih mugia enggal dicaketkeun sareng simkuring
Ku kaagungan sinareng kakawasaan Gusti...Amiin

Doa Versi Indonesia

Ya Tuhan kalau dia memang jodoh ku maka dekatkanlah kami
jika dia bukan jodohku semoga dia berjodoh dengan ku
seandainya dia berjodoh dengan orang lain
semoga perjodohan itu putus dan segera jodohkan dengan ku
seandainya Engkau tidak menjodohkan dia di dunia dengan ku
semoga engkau menjodohkan kami di akhirat kelak..amiin

Serat Kanggo Malati Pulas bodas

qualitifiedboy@gmail.com (+6285250127899) — Fri, 27 Aug 2010 13:32:00 +0000

Kahatur am..
nu dipikanyaah ku a ian
Nu sok manjang kapiraray

Salam katresna ti katebihan,
Hapunten pami pesan dina fesbuk nembe diwaler. Da puguh a ian na nuju damel harita teh. Ah duka ku naon atuh kamari mah asa rus ras basa ngawawaas lalampahan anu lawas, ngahelas. Asa teu percanten pami salira bakal mikasono ka a ian.wet asa dina ngimpi. Nu puguh diraoskeun ku a ian mah dugi kaayeuna Nyaeta rasa deudeuh jeung rasa sieun. sieun pami a ian nganyenyeri ka am..,sieun pami am.. ninggalkeun a ian, sieun pami a ian sulaya kana jangji sanaos a ian sadar yen rasa mah sakapeung hambar,sieun Tina cinta kana cidra, sakilat mindah rupa. Tina deudeuh jadi geuleuh, henteu kenging disisieuh.
Ngarumaoskeun diri da a ian mah puguh laip. Piraku jalmi siga am.. kersa ka a ian nu teu aya pupurieunana.
am.., langit anu tadina ceudeum teh bet ngadadak bengras basa a ian nampi serat ti am... Naha leres eta teh, Ambu?Naha leres Am.. mikanyaah sareung mikasono ka a ian. Ah asa teu percanten, tapi ieu hate janten bungangang, bingah pisan. Tatu teh ngadadak lita, teu geutihan deui. Hate nu pias koneas teh ngadadak jadi kayas. Lamun seug a ian gaduh jangjang hoyong ngapung ngawang-ngawang, rek nepungan anjeun nu ayeuna aya dipanjara suci. Najan dipisah kusagara, kaamparan banua, da meureun masih salangit, hate a ian tetep ngait.

Sakitu wae nu kapihatur, bilih aya basa nu kirang merenah neda hapunten, da Am.. ge pan uninga a ian mah teu tiasa nyerat anu ngawirahma siga para bujangga.

Nu teu weleh mikasono.

a ian shinchan

Peuting Harita Jeung Manehna

qualitifiedboy@gmail.com (+6285250127899) — Sun, 01 Aug 2010 06:52:00 +0000

Sanajan langit angger angkeub
sanajan langit poek mongkeleng
tapi hadirna anjeun peuting harita
ngabedahkeun rasa kasono
nu geus lami ngagunduk na hate
hadirna anjuen lir ibarat angin
mepende sukma ngahudang rasa ka deudeuh
nu nyingraikeun halimun peuting
nembrakeun endah na purnama
ngalegena mapaesan jiwa
harita lamunan ngancik kana diri
ras kabayang...
imut anteub sareng giler soca anjeun
nu matak nembus jajantung
melah rasa na jero dada
nalikung diri ku rasa katresna
geusan ngahontal endahna dunya
tina udagan taya hareupan
lieuk euweuh ragap teu aya
ukur keclak ibun katresna
nu mangkak endah ngarandakah
dina hate urang duaan
ngalembreh maseuhan satia

Kahoyong

qualitifiedboy@gmail.com (+6285250127899) — Fri, 23 Jul 2010 22:27:00 +0000

Kahoyong Akang mikanyaah salira

kalawan cara nu sedarhana
ku kecap nu teu kabujeung
dikeudalkeun suluh kana seuneu
nu ngajanteunkeun suluh jadi lebu .

Kahoyong Akang mikanyaah salira

kalawan cara nu sedarhana
ku isyarat hatenu teu kabujeung
didugikeunawan ka hujan
nu ngajanteunkeun awan sirna

Serat nu Janteun Talatah teu Keudal

qualitifiedboy@gmail.com (+6285250127899) — Fri, 23 Jul 2010 08:26:00 +0000

Nata kata niti ati pikeun ngawakilkeun rasa dina jero dada
Pikeun nyampaikeun rasa katresna
Katresna nu neundeun katineung nu laun-laun jadi rasa kahariwang
Nu kungsi ngahaleuangkeun dalinding kawih ati dina guratan mangsi
Nu jadi talatah teu kedal ka anjeun
Serat nu janten titipan hate akang pikeun anjeun
Nalika akang keur ngumbar rasa kasono ka anjeun
Serat nalika anjeun hadir dina lawang emutan
Mukakeun panto hate akang nu kunsi nutup diri
Ngesian geutih akang ku rasa kanyaah anjeun
Ngajadikeun sagara cinta nu pohara gedena
Ngumbar kahayang pikeun lalayaran dina eta sagara
Sanajan pikeun ngajugjug tea sagara the
Ngaliwatan ruyuk pinuh cucuk jeung mentas lautan seuneu
Ku akang pasti rek disorang asal ngajugjug na sareng anjeun
Cimata nu kungsi ngeclak ti salira kangggo akang
Janten hutang nu kedah dibayar ku kanyaah
Sanajan kanyaah akang teu ngabukti ku lampah
Tapi ngansaukur ucap nu diwakilkeun ku ieu serat

Antara Isuk jeung Janari

qualitifiedboy@gmail.com (+6285250127899) — Wed, 21 Jul 2010 22:12:00 +0000

Antara isuk jeung janari
aya lamunan ngaririncik
dina babantar hate
maturan langit nu simpe
nu ngantos datangna balebat fajar
nu ngantos layung di jomantara
maturan cai nu ngagalura
di paleubah sagara cinta
maturan ibun sesa halimun
nu enteup na pucuk-pucuk daun
ngageuing panon poe
nu geus lila teu embol nembongan
lamunan kasalira nalika diri
ngarasa aya nu usik jadi igel na lebah urat getihna
ngarasa aya nu ngalir bengras
minuhan rohang simpe na jero hatena
minuhan ku rasa kadeudeuh jeung kanyaah
ngubaran rasa kasono nu geus ngabudal..
duh jungjunan...
sanajan urang pateubih
tapi hate mah teu weuleh ngaraos cakeut
sanajan saucap salira nyarita
tapi cukup ngubaran rasa kasono nu ngagorogotan diri
sanajan sakeclak salira mapaesan diri
tapi cukup keur niiskeun hate kuring
duh jungjunan..
nami anjeun salamina kaukir na ieu hate
moal aya nu bisa ngahapus eta ukiran
iwal pangeran anu maha kawasa
duh jungjunan
hadirna anjeun ku akang diantos...

qualitifiedboy@gmail.com (+6285250127899) — Mon, 19 Jul 2010 19:01:00 +0000

Lebah bantaran wahangan
nu kungsi janten saksi urang duaan

Cinta dina Doa

qualitifiedboy@gmail.com (+6285250127899) — Fri, 16 Jul 2010 01:30:00 +0000

Langit nu simpe
tur layung pulas beureum dipalebah wetan
nutup kana angen jeung rasa nu baheula aya
rasa nu suganteh moal kasorang deui
tapi saprak wanoh jeung Anjeun
Naha bet nyorang deui ka sagara tresna
nu teu mere ibar ka diri
numawa hemeng ngalimpudan
dina bimbang sapanjang amparan
eling laju nu bingung
rasa nu nyinglarkeun kahieum ati
lir ibarat baleubat fajar nu nyinglarkeun hideung na mega peuting batara alam anu endah
Dina reungeut sora sakeucapan
bet asa landes misono
meulit ngait dalit ngahiji
taya daya pikeun ngalepaskeun
tapi da urang lir ibarat wayang usik malikna ku dalang
anu teu wasa wenang beuereum hideung na kumaha dalang
apan hirup ngalalakon saperti dina sinetron
caritana kedah pisah nya hamo bisa di pondah
Akang mung bisa ngadoa

"Ya Allah lamun mah kuring ditakdirkeun ngajodo jeung manehna
rakeutkeun kuring jeung manehna
Tapi pami teu ngajodo di dun'ya
Mugia janten jodo engke di akherat...amiin"

Eusi Hate na Gurat Mangsi

qualitifiedboy@gmail.com (+6285250127899) — Tue, 13 Jul 2010 11:37:00 +0000

guruh golontorna cai wahangan
nu sapopoe maturan carita kahirupan
nalika hate jeung pikiran
manggih kasono jeung kabimbang
reus-reus neuteup niiskeun kasusah
lamey sok seuri mun emut
guguyon nu jadi ciri khas anjeunna
aya poe jeung peuting nu dianti-anti
sabab dina wanci eta kuring sok muka konci gedogan
sanajan aya rasa sieun,rasa dikukuntit
tapi hate geus sono kana ucap katana
paningal anu biasana
geus kumalayang kana alam ngimpi
anu biasana carang kiceupan
na peutingan eta pinuh ku kabungah
mung wungkul anjeunna
nu aya dina lawang emutan
anjeunna nu geus cumantel
na hate oge pikiran
nu nyimpen rasa kadeudeuh,kanyaah jeung kaasih

Cinta (Kalangkang)

qualitifiedboy@gmail.com (+6285250127899) — Tue, 13 Jul 2010 06:06:00 +0000

Cinta lir ibarat kalangkang
Deukeut anggang bisa diatur ku urang
Cinta bisa ilang jeung nembongan
Repok jodo akhirna datang sorangan

Cinta manjangkeun carita
Cinta panjang lalakona...

Cinta lir ibarat nu geulis
Geura endah ti mawu sewu mamanis
Cinta perlu jalan anu lueus
Solo goto tapakan di anggang putus

Cinta pinuh pengorbanan
Cinta pinuh kasadaran

Cinta datangna teu kaharti
Gandrung ewuh mikangen ngungkapin ati
Cinta matak anteung beurang peuting
Ngadak-ngadak dunya asa nu sorangan

Cinta mangkat mega endah
Cinta tembang kanyaan

Duriat

qualitifiedboy@gmail.com (+6285250127899) — Tue, 13 Jul 2010 05:52:00 +0000

Dina hate kuring Anjeun cicing
dina hate anjeun Kuring cicing
Bener-bener henteu bisa ngejat
dibeungkeut kutali duriat

Sanajan loba nu daratang
Pating kuriling nagihan hutang
pating keletrok kana panto hate
tapi ku urang teu dipalire

durit teu bisa digantian ku rupa
duriat teu bisa digantian ku harta
duriat teu bisa di aya-aya
duriat datangna heunteu kapaksa

Dikotretkeun dina hate didituna
diguratkeun dina rasa didituna
dibuka dibaca kuurang duaan
dijaga diriksa pinuh rasa ka heman

Kadeudeuh Tilam Katresna

qualitifiedboy@gmail.com (+6285250127899) — Sat, 10 Jul 2010 09:30:00 +0000

Katresna anu nembongan

kanyaah anu marengan

nu dongkap teu diondang

nyaangan kaendahan hate

mapaesan kaendahan hate

duriat nu teu weleh minggat

rasa anu teuweleh ngariksa

kanyaah, kaasih, kaheman kasalira

ngahudang sarebu rasa

hate nu teu weleh keueung

ku poek nu dalinding

sieun..akang sieun

mayunan hate sorangan

mungkieu ayana, mung kieu buktosna

sono pami teu tepang

kasono nu taya saatna

kanyaah anu wangi bersih

satia jadi kakasih

pamenteu marahmay manis

hanjakal mun endahngan ukur kalangkang

ngaraos reueus najan raga urang pateubih

najan urang paanggang hate teu weleh inget wae

hoyong pateupang simpay panangan

hoyong pateupung lawung

na implengan iiraha bakal kasorang

kangen manteung kasalira

Kadeudeuh Tilam Katresna mung hiji kanggo kasalira

Duh naon lepatna lamun Hate mikanyaah ka salira
naha salira nyaram akang pikeun miboga rasa deudeuh ka salira

naon dosana lamun hate mika asih kasalira

kapalang deudeuh ieu hate mika heman

kapalang cinta ieu hate kasalira

najan kedah tunggara rek satia moal rek sulaya

cinta moal rek kadungsang dungsang

cinta pasrah jiwa jeung raga

moal welas kumawelang

cinta lahir tumekaning batin

sumanding asih nu tingtrim

Cinta nu hadir minuhan kalbu akang

ngahudang rasa minuhan sagara hate

jajangtung ratug tutunggulan

rasa nu teu bisa kabendung

nata kata niti ati janten sakalimat puisi

Asih salira nu teu acan kedal

galindeng salira nu di antos

waktos kedal lisan

nyumponan harapan diri asih salira

kanyaah salira

Ku akang di antos...

Kadeudeuh ieu kanggo Malati pulas bodas lebah pengkolan!!
Rasa ieu duka ti iraha dugi kaayeuna

Cinta Paanggang

qualitifiedboy@gmail.com (+6285250127899) — Fri, 09 Jul 2010 06:30:00 +0000

Duka dimana ayana
Duka iraha datangna
Anjeun jol-jol hadir dina kahirupan kuring
nyampak dina lawang rasa
jiga nu nganti dina lawang emutan
padahal urangteh munggaran teupang.
tapi bet aya seredet hate
bet dersurser sesah hilapna
bet tembong dina impenan peuting
ngagalaksak kana rasa
ngabandang rasa kacinta
Dina reungeut sora sakeucapan
bet asa landes misono
meulit ngait dalit ngahiji
taya daya pikeun ngalepaskeun
bibarengan rasa kadeudeuh
padahalmah samemeh wanoh jeung Anjeun
kuring lir ibarat bulan nu nyorangan
nganti bentang anu baris marengan
nganteur nyorang simpena peuting
nepi ka balebat nyampeur
nyinglarkeun kahieum ati
balebat fajar ti wetan anu nyingraykeun
hideungna mega peuting
batara alam nu endah
mukakeun gapura sagara hirup
nubaris jadi lalakon hirup
kumalayang dialam dunya
Mung hanjakal urang kapisah
ku rohang jeung waktu nu beda
kahalang raketna panjara suci
mung di kumahakeun deui
cinta urang lir ambek nyedek tanaga midek
napsu ngagulidag taya liang moncor
antukna ngaguruh nutupan mamaras
nyesakeun diri nu nyileuk taya karep

Hujan jeung Cimata

qualitifiedboy@gmail.com (+6285250127899) — Wed, 07 Jul 2010 12:33:00 +0000

langit teu embol nembongan
biruna katutup halimun
tapi sorot panon poe
wanci sareupna maju ka kulon keun
maksa seseleket kana sesela mega
Patingbarasat siga sinar laser
patingarudat bijil ti langit nembus mega nutug lemah
kasawang ti kajauhan kalakay jiga nu ngagupayan
nu ngebat palebah pengkolan
heas-heas nurih ati
sakedepan ngalongkewangkeun diri leungiteun
puntangan hambar diri ilang tungkusan harepan
sirna ilang mamanisna
hate sumeblak cisoca cireumbaay
nineung taya bandingan nana
saukur hate nalangsa teu walakaya
hate keubek kubanggaluh
harepan ngiang ka jomantara
lalampahan pinuh rasa kaduhung
Hujan ieu marengan cimata..