"The Way You See The Problem Is The Problem"

Tanzania yangu..."Inayokazana" kuona ilhali imefumba macho (III)

noreply@blogger.com (Mzee wa Changamoto) — Tue, 24 Jan 2012 05:00:00 +0000

Katika sehemu ya kwanza ya muendelezo huu niliangalia namna ambavyo TANZANIA YANGU inajitahidi "kufa kupona" kuendelea lakini inapuuza ELIMU. Ukweli wa mambo ni kuwa sio tu watu wanaliona suala hili, lakini wenye mamlaka na dhamana ya kusema haya, WANAPUUZA. Na si ajabu kwa kuwa wao ni wanufaika wa hali ilivyo.
Katika sehemu hii ya pili nikaandika namna ambavyo nilisikitishwa na habari niliyoisoma nilipokuwa napitia blogu ya Kaka Michuzi ambapo nilikutana na habari hii toka kwa WAKAZI wa Block 5 na 6 ambao wamelalamikia namna ambavyo shughuli za uchimbaji mchanga zinaathiri mazingira yao. Katika sehemu ya maelezo yao, wanasema "tulikwishatoa taarifa juu ya jambo hili polisi, serikali ya mtaa, kwa mkurugenzi wa Manispaa ya Kinondoni kwa DC mwezi June. Lakini hadi hivi leo mwezi August watu hawa wanaochimba mchanga wanaendelea kuchimba mchanga na wamediriki hata kututishia sisi wananchi wa eneo hili la Mivumoni".
Lakini leo nageukia upande mwingine. Upande wa MAISHA MAGUMU YA MTANZANIA.
Leo nimesikia TAARIFA ZA MGOMO WA MADAKTARI ambapo "Miongoni mwa madai ya madaktari ambayo wanataka yafanyiwe kazi ni Serikali kuboresha huduma za afya nchini (hospitali na vitanda kwa kila mgonjwa inawezekana), kuboreshwa kwa maslahi kwa watumishi wa sekta ya afya, malipo kwa kazi za ziada kwani madktari wanalipwa sh. 10,000 kwa mkesha na kufanya kazi masaa 36 tofauti na taratibu za Serikali ambapo ilitakiwa walipwe sh. 40,000 (half pediem).
Madai mengine ni pamoja na haki ya kupewa nyumba au posho ya pango kama muongozo wa utumishi wa umma wa serikali ya Tanzania unavyoelekeza ule wa mwaka 1994 na wa mwaka 2009, kulipwa posho ya kufanya kazi katika mazingira hatarishi (Risk allowance).
Sharti lingine la madaktari kwa Serikali ni kutaka kuondolewa kwa Katibu Mkuu wa wizara ya afya Bi. Blandina Nyoni ambaye wanadai amekuwa ni kikwazo katika juhudi za msingi katika kuboresha sekta ya afya Tanzania,"
Asiyejua umuhimu wa huduma za Afya ama Elimu kwa Tanzania ni WATAWALA AMBAO HAWATIBIWI WALA KUSOMESHA NYUMBANI. Na ndio maana sishangani kuona hawatilii maanani lile lisemwalo kuhusu sekta hizi. Ninapowaza ATHARI ZA MGOMO WA MADAKTARI na kisha kuona Rais na Makamu wake wakiwa kwenye "ziara" mbalimbali, nawaza namna wanavyowafikiria hawa watabibu na hata waathirika wa mgomo huo.
Kama inavyoonekana hapo chini,
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiongozana na mkewe Mama Zakhia Bilal, Mkuu wa Mkoa wa Lindi, Ludovic Mwananzila na baadhi ya viongozi wa Mkoa wa Lindi, wakati akikagua Daraja la Mingumbi baada ya kuzindua daraja hilo lililopo Kilwa, akiwa katika ziara yake ya kukagua miradi ya maendeleo ya mkoa wa Lindi jana.
Photo Credits: Michuzi Blog
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akikata utepe kuzindua rasmi Jengo jipya la Bwalo la Shule ya Sekondari ya wasichana Ilulu, iliyopo Kilwa, wakati akiwa katika ziara yake ya kukagua miradi ya maendeleo ya mkoa wa Lindi jana Januari 22, 2012. Kulia ni Mkuu wa Mkoa wa Lindi, Ludovic Mwananzila.
Photo Credits: Michuzi Blog
Lakini katika hili kuna jambo la kujiuliza. Ninapoona Makamu wa Rais akiwa na Mkuu wa Mkoa "AKIKAGUA MIRADI YA MAENDELEO MKOANI..." mkoani Lindi ninawaza.
1: Ni lipi analolifanya ambalo mkuu wa Mkoa (ambaye ni mwakilishi wao) hawezi kufanya?
2: Ni lipi atakalosema ambalo hawezi kuliandika likasomwa na mkuu wa mkoa?
3: Kama UKAGUZI WA MIRADI YA MAENDELEO ndio lengo pekee la ziara (kama ilivyonukuliwa HAPA), kwanini usiwepo utaratibu utakaowawezesha "wasaidizi na wawakilishi" wa ofisi yake mikoani kufanya hivyo? Hizo pesa za kugharamia ziara ya "Mheshimiwa" Makamu wa Rais si zingetosha kukamilisha mradi mwingine?
Hivi huyo Mkuu wa mkoa anaweza kusimama na kueleza analowafanyia wananchi wa Lindi ikiwa hata MIRADI YA MAENDELEO INAMTOA MAKAMU MAGOGONI? Ni kwamba hawaaminia ama vipi?
Sitashangazwa na hili (la kutoaminiwa) kwa kuwa hata Kaka Lukwangule aliripoti hapa jinsi ambavyo Rais alipokwenda Morogoro "alibambikizwa" ripoti ya miaka 12 akaishitukia (japo sikusoma kuwa alichukua hatua) "rais anapopewa taarifa ya matumizi ya fedha halafu anahoji uhalali wake...watendaji wanapojaribu kuziba soni zao kisha wanagutukiwa,wataalamu wa uchumi wanapobabaisha na takwimu zao halafu anawashtukia.wananchi wanapomwambia rais waziwazi kwamba watendaji wake ni wazushi.Rais anaposhangazwa na kauli za watendaji ambazo walistahili kuzifanya zamani halafu wanasingizia mambo ambayo hayana kichwa wala mguu.Rais anaposhangazwa na uuzaji holela wa ardhi za watu kiasi cha kukosa akiba"
Kama haya yanatokea kwa Rais, kwanini aendelee kuwaamini "watendaji" wake?
Lakini bado swali ni lile lile, KWANINI UKAGUZI USIFANYWE NA MKUU WA MKOA AMA WATENDAJI WENGINE WA NGAZI HIYO?
Labda ni mambo ya kawaida, lakini katika hali tete ya Uchumi kama tuliyopo, nahisi baadhi ya "kawaida" zapaswa kuwekwa kando. Kama Tanzania tunataka KUONA UCHUMI WETU UKIKUA, NI LAZIMA TUBANE MATUMIZI na hatuwezi kubana matumizi ikiwa watu walio na heshima, ulinzi na wenye ziara za gharama zaidi nchini wanaweza kufanya "ZIARA YA KUKAGUA MIRADI YA MAENDELEO".
Hii ni zaidi ya UTANI.
Matumizi ya fedha lazima yabanwe kwa kuONDOA NAFASI ZA MADARAKA ZISIZOELEWEKA ZINAINUFAISHA VIPI JAMII. Na moja ya nafasi hizo ni WAKUU WA MIKOA. Niliandika HAPA nikiuliza iwapo Wakuu wa mikoa ni watumishi wa wananchi, watumishi wa Rais ama mzigo kwa serikali na wananchi? na hakuna jibu nililopata.
Maswali yangu makuu yalikuwa
1: Wakuu wa mikoa NI WATUMISHI WA WANANCHI AMA VIBARAKA WA RAIS NA SERIKALI?
2: Hivi kazi yao kubwa ni nini?
3: Wapo kama watendaji wa kuendeleza mikoa na wananchi ama kutekeleza ILANI za uchaguzi za Rais aliyeko madarakani?
4: Hivi Rais awateuaye anajua hali halisi ya uhitaji wa mikoa anayowapeleka wakuu hao?
5: Ni kwanini anawahamisha wakuu hao kabla hawajaweka misingi imara ya maendeleo huko waliko?
Wakuu wa Mikoa hawajawa na kazi inayodhihirika kwa wananchi licha ya kuwa na malipo ambayo yakisitishwa kwa wote tena kwa mwaka, yanaweza kujenga mabweni, ama kuchimba visima, ama kununua vitabu ama kulipa waalimu n.k

Lakini ndio TANZANIA YANGU, inayojaribu kuongeza mapato ikiongeza MATUMIZI YASIYO YA LAZIMA. Inayojaribu kuongeza ufanisi kwa kuongeza msururu wa watekelezaji.

TANZANIA YANGU....."INAYOKAZANA" KUONA ILHALI IMEFUMBA MACHO.

Kumbuka....NAWAZA KWA SAUTI TUUU!!!!!!!!!!!!

Tanzania Yangu ni kipengele kinachozungumzia ytale yaendeleayo nchini Tanzania na namna ambavyo "ndivyo sivyo" inavyozidi kupamba moto nchini. Kwa matoleo yaliyotangulia BOFYA HAPA

Tuonane "Next Ijayo"

TANZANIA YANGU......NA MAPENZI YA "MUNGU WETU" ASIYE NA MAPENZI KWETU.

noreply@blogger.com (Mzee wa Changamoto) — Mon, 16 Jan 2012 01:45:00 +0000

Moja ya habari zilizotawala vyombo vya habari vya Tanzania na maandishi yahusuyo waTanzania ni kifo cha Mbunge wa vITI maalum kwa tiketi ya ChaDeMa, Dada Regia Mtema. Watu wengi walitoa kauli mbalimbali kuwasilisha masikitoko yao. ikiwemo sala ya kumuomba apumzike kwa amani. Lakini pia kulikuwa na kauli ambazo ni kama DESTURI itokeapo majanga haya. Kati ya mambo ambayo nayasikia saana yatokeapo majanga ndani ya Tanzania yangu ni neno MAPENZI YA MUNGU YAMETIMIZWA.

Ukweli wa mambo ni kuwa MAPENZI YA MUNGU HUTIMIZWA na huyatimiza pale aonapo panafaa. Lakini pia, ni Mungu huyuhuyu ambaye ametupa akili na maarifa ya kujifunza mambo mbalimbali yatutokeayo na kisha kutumia AKILI ZETU, BUSARA ZAKE NA UTII katika kuepusha majanga zaidi.

Lakini kwetu sisi tumekuwa TUKIMSINGIZIA MUNGU kuhusu mengi yatutokeayo na kisha kupuuza kila sababu isababishayo matatizo hayo.

Mungu nimuaminiye mimi ni MUNGU WA UPENDO. Ambaye hawezi "kutuua sisi tu" kwa kiwango tufacho na kuwaacha wale wanaojitahidi kuepusha ajali hizo. Nchi nyingi zimewekeza kwenye maisha ya wananchi wao na kuwafanya viongozi kuwa watumishi halisi wa wananchi na kutatua matatizo yao, lakini kwetu sisi ni kinyume. Tumekuwa tukiona hawa walio madarakani wakifanya kila wawezalo kuepusha majukumu hasa yale yatakayotumia muda na UWEKEZAJI (kumbuka sijasema gharama, nimesema kuwekeza kwa kuwa najua si gharama kuliko thamani ya maisha ya watu)
Nilishaandika sana kuhusu AJALI ZINAZOTUMALIZA nchini Tanzania. Na niliandika haya na bado naandika kwa kuwa mimi ni MHANGA wa ajali mbili TU kati ya maelfu zinazotokea na hasa zitokeazo nchini Tanzania. Na ninaloamini na kuendelea kusema ni kuwa VIONGOZI WETU HAWAJALI KUHUSU ATHARI ZAKE na ndio maana kila siku zinatokea na hakuna hatua za kila siku za kuzuia hili.
Kila kitokeacho, tunaambiwa ni MAPENZI YA MUNGU.
Huyu MUNGU WETU atimizaye mapenzi ndani mwetu ni Mungu gani ambaye atapenda kuona Tanzania ndio tufao kwa ajali za barabarani?
Huyu MUNGU WETU atimizaye mapenzi ndani mwetu ni Mungu gani ambaye ataacha watu wafe kwenye meli kama Mv Bukoba, Spice Islander na hizi mashua na mitumbwi kila uchao?
Huyu MUNGU WETU atimizaye mapenzi kwetu ni Mungu gani anayewasaka wale walio na mazingira machafu na kuwaua?
Huyu MUNGU WETU ATIMIZAYE MAPENZI mbona ni MUNGU ambaye si nifunzwaye wala kumuamini mimi?
Ni kweli kuwa TANZANIA TUNAYE MUNGU ATUPENDAYE AMBAYE ANATUUA KWA MAPENZI YAKE?
Lazima tukubali na tukabili ukweli.
Kuwa......
Mungu hatashuka na kutujengea barabara na kuziboresha ili ziwe na ubora na ukubwa utakaosaidia ama kuwezesha tufike salama.
Mungu hatashuka na kuhakikisha kuwa matairi yasiyo na ubora hayawekwi kwenye magari tusafiriayo
Mungu hatashuka kuhakikisha kuwa yale mabati yasiyo na ubora yanatumika kutengeneza bodi za magari
Mungu hatashuka kukataza mkono wa askari wa usalama baraarani kupokea rushwa.
Mungu hatashuka kuhakikisha kuwa idadi ya wanaostahili kuwemo kwenye meli ndio wanaopanda meli hiyo.
Mungu hatashuka kuzuia watoto wale wanaocheza kwenye mitaro ya maji machafu wasiugue kipindupindu.
Mungu hatashuka kuhakikisha kuwa ile pesa ya kujenga wodi ya kinamama ili wajifungue salama hazichukuliwi na nanilii na kutengeneza mradi wake.
Mungu hatashuka kuhakikisha kuwa yule mfamasia hapeleki dawa za jamii kwenye duka lake binafsi na kuziuza kwa bei ambayo wengi hawamudu.
Mungu hatashuka na kuhakikisha kuwa wale waliopewa kandarasi za kujenga barabara wanajenga kwa ubora.
Lakini kubwa zaidi.......
Mungu hatashuka kuwawajibisha wale ambao wamezembea kwenye ajali kama za MV Bukoba ama MV Spice Islander ama reli ya kati Dodoma ama ajali zituuzazo kila siku.
Mungu hatakuja na kututoa ndani kutupeleka kuziba madimbwi, kujaza barabara na hata kuziba mashimo yanayoachwa wazi baada ya machombo migodini ambayo kila mwaka twasikia yakileta maafa nyakati za mvua
Ninalotaka kusema hapa ni kuwa TUACHE KUMSINGIZIA MUNGU, BALI TUTUMIE AKILI NA BUSARA TULIZOPEWA NAYE MUUMBA KUEPUKA AJALI.
Mapenzi ya Mungu si sisi kufa kwa uzembe wetu.
Mapenzi ya Mungu si sisi kutowajibika kwa kuwawajibisha wasiowajibika.
Mapenzi ya Mungu si sisi kuishi chini ya tawala zinazotunyonya ilhali twajua suluhisho.
Mapenzi ya Mungu si sisi kuendelea kuitwa maskini ilhali tuna malighafi za kutosha.
Huyu si Mungu tufunzwaye, japo ndiye TUHURIRIWAYE NA WANASIASA WANAPOKUJA KUTOA SALAAM ZA RAMBIRAMBI.
Kama ni kweli kuwa huyu Mungu tunambiwaye na wanasiasa yu-hai, basi hili linanifanya niamini kuwa TUNAYE MUNGU WETU (Tanzania pekee), AMBAYE ANATIMIZA MAPENZI YAKE KWETU, LAKINI HANA MAPENZI JUU YA MAISHA YETU.
Na huyu Mungu wetu anaonekana kushika kasi katika maisha yetu ndani ya nchi yangu....
Yaani...TANZANIA YANGU, IHUBIRIYO "MAPENZI YA MUNGU WETU" ASIYE NA MAPENZI KWETU.

Tanzania Yangu ni kipengele kinachozungumzia ytale yaendeleayo nchini Tanzania na namna ambavyo "ndivyo sivyo" inavyozidi kupamba moto nchini. Kwa matoleo yaliyotangulia BOFYA HAPA

Tuonane "Next Ijayo"

UELEWA WA KUELEWA UELEWA

noreply@blogger.com (Mzee wa Changamoto) — Thu, 12 Jan 2012 09:07:00 +0000

Kutokana na kuombwa na msomaji wangu aliyeiona kwenye ukurasa wangu wa Facebook, nimeona ni vema kuihamishia hapa ili kwa wale kina nanilii wasio kule wapate kuchanganua hili.
Nimeiboresha kidoogo kwa kuongeza sehemu ya maoni yangu katika hili.
TRUST ME. INAELWEKEA. Ilaaa.....UTAELEWA HAPA UKIELEWA UELEWA WA UELEWA WAKO KWANZA...
Ok......
UnaELEWA nini kuhusu kuELEWA? Tatizo ni kuwa ni lazima kuELEWA kuwa unaELEWA, ingawa kuwa muELEWA wa kuwa unaELEWA waweza kuhitaji uELEWA.
Yaani ninajiuliza hapa ni kama unatambua kama unaELEWA mwanzo wa uELEWA ulio ndani mwako?
Na vipi unawaELEWA wale wasiokuELEWA ambao wanaamini wanakuELEWA unavyoELEWA ilhali nawe waELEWA kuwa uELEWA wao si sahihi?
Labda hakuna anayeELEWA uELEWA wa wengine maana lazima utumie uELEWA wako kupinga ama kukubaliana na uELEWA wa mwingine ambaye yawezekana uELEWA wako wakueleza kuwa HAELEWEKI.
Hiviii.... kipi chanzo na / ama kipimo cha kuELEWA?
Kumbuka kuwa hutaELEWA kuwa unaELEWA hili kama hutaELEWA ninachoELEWA ama kutoELEWA uELEWA.
Kuna kuELEWA kwamba unaELEWA.
Kuna kuELEWA kwamba huelewi.
Kuna kuELEWA kwamba hueleweki.
Kuna kuELEWA kwamba huelewi kuwa hueleweki ambako kunaeleweka kwa asiyeelewa kwanini huelewi.
Kuna kuELEWA kwamba unaelewa japo huelewi kwamba unaloelewa halieleweki.
Kuna kutoelewa kwamba unaelewa kisichoeleweka.
Na huku kote twatendwa na watu na watu hawa wote SIWAELEWI
Labda sijielewi na ndio maana utaniELEWA ama hutaniELEWA.

Na kinyume chake ni sahihi?

UmeniELEWA?

NAWAZA KWA SAUTI TUUU!!!!!!!!!!!!

Tanzania Yangu.....Na mikakati thabiti ya "kuua kilicho chake"

noreply@blogger.com (Mzee wa Changamoto) — Fri, 06 Jan 2012 01:00:00 +0000

Mwaka 2008, Tanzania ilitajwa kama nchi ya 78 katika nchi bora za kufanya biashara ulimwenguni. Kwa mujibu wa matandao wa Forbes unaojihusisha na habari za Mapato na Biashara, takwimu zilizotolewa mwaka huo zilionesha kuwa Tanzania ilikuwa imepanda nafasi 26 toka ile iliyokuwa nayo mwaka 2007 (ya 104) na kwa mwaka huo (2008) ilikuwa nafasi moja juu ya China iliyoshuka nafasi mbili toka mwaka uliopita.
Ripoti ya mwaka 2008 ilionesha kuwa ukuaji wa viwanda, madini hasa Dhahabu, mabadiliko ya mfumo wa kibenki na uwekezaji, michango ya wahisani pamoja na sera madhubuti za uchumi ni kati ya vigezo vilivyoiweka Tanzania katika nafasi hiyo. Lakini pia miundombinu chakavu imekuwa kikwazo katika uwekezaji na ukuaji wa uchumi kwa ujumla.

Mwaka uliomalizika umeshuhudia Tanzania ikishika nafasi ya 108, ikiwa ni nafasi 6 chini ya ilivyokuwa mwaka 2010. Na kwa mwaka jana, wenzetu ambao tulikuwa juu yao kwa nafasi moja mwaka 2008, (namaanisha China) sasa wanashikilia nafasi ya 82.

Botswana ndiyo nchi bora zaidi kwa biashara barani Afrika (kwa mujibu wa mtandao wa Forbes) na inashikilia nafasi ya 55 duniani. Kwa upande wa Majirani zetu, Kenya ni ya 103, Uganda ni ya 105.
Bado yaonekana kuwa nchii yangu (inayosemekana kuwa katika asilimia 10 zenye uhitaji zaidi, ama wenyewe wanaita maskini) inategemea zaidi misaada ya nje ilhali inatumia asilimia nne (4%) ya eneo lote la nchi.
Miundombinu chakavu katika kukwamua uchumi inaonekana kuwa kikwazo kingine kinachoikwamisha nchi ambayo tayari inashikilia rekodi ya kupokea fungu kubwa zaidi kutoka Millennium Challenge Compact (MCC) lenye thamani ya dola milioni 698.
LAKINI NI NANI MCHAWI WA MAENDELEO YETU?
NAWAZA.......
Hivi kama serikali (ambayo naamini ina magari mengi sana) ingeweka ulazima wa magari yote kununua matairi kwenye viwanda vya ndani kama General Tyre, VINGEKUFA? Ama watasema matairi yaliyokuwa yakitengenezwa Arusha hayakukidhi ubora wa barabara na hali ya Tanzania?Hivi kama serikali ingeweka mkakati madhubuti na kuamua kutumia magari yanayotengenezwa na kiwanda cha jeshi cha NYUMBU katika idara na ofisi zake zooote nchini, tusingepunguza uagizaji wa magari? Ama watasema MAGARI YA NYUMBU HAYAKO KATIKA KIWANGO CHA TANZANIA ukilinganisha na magari yatokayo Marekani / Japan / China?

Hivi wabunge wetu na sare zote zinazofadhiliwa / kudhaminiwa na serikali zingekuwa ni kutoka viwanda vya ndani kama URAFIKI vingekufa?

Hivi serikali ingeamua kutumia (japo asilimia kubwa ya) saruji ya nyumbani, nondo za nyumbani na mafundi wa nyumbani kujenga "vikwangua anga" vyote vya nyumbani, ajira ingekuwa katika kiwangi ilichopo?
Ni wakati ambao naamini "wenye uerevu" wa mambo watajitokeza na kunyambua mambo haya yanayoelezwa na hawa "wataalam" wa uchumi wa dunia, ama wajitokeze kuwapinga na kujenga hoja za ki-uchumi wa Tanzania na / ama Afrika na kisha kutueleza ni kwanini tupo tulipo, na ni vipi tunaweza kusonga mbele zaidi (kama kuna uwezekano).
Lakini nawaza namna tunavyoweza kusonga mbele kiuchumi ikiwa HATUTHAMINI KILICHO CHETU?

Ni vipi tutaendeleza VAZI LA TAIFA iwapo mBunge asiyevaa SUTI haonekani kuvaa kiheshima ndani ya Bunge la Tanzania? Hata suti tunasikia kuwa wazivaazo wanazitoa nje ya nchi (kama WIKILEAKS ilikuwa sahihi).

Tutawezaje kuendeleza uzalishaji wa magari ya nyumbu ikiwa yale waliyotengeneza miaka hiyo hayajapata mteja na wala kupata nafasi ya kuonyeshwa na kunadiwa (zaidi ya siku ya maigizo ya uhuru)?

Ni vipi kiwanda kama General Tyre kingeshindana na viwanda vya nje iwapo maelfu ama malaki ya magari ya serikali yanatumia matairi yaliyoagizwa nje?

LAKINI HII NDIYO TANZANIA YANGU.....INAYOONYESHA MIKAKATI THABITI YA "KUUA KILICHO CHAKE"

Tanzania Yangu ni kipengele kinachozungumzia ytale yaendeleayo nchini Tanzania na namna ambavyo "ndivyo sivyo" inavyozidi kupamba moto nchini. Kwa matoleo yaliyotangulia BOFYA HAPA
Tuonane "Next Ijayo"

Nafasi ya kazi

noreply@blogger.com (Mzee wa Changamoto) — Thu, 05 Jan 2012 21:28:00 +0000

Nafasi ya Kazi...

Blogger Mwenza
Ninatafuta blogger mwenza kwa ajili ya kushirikiana kuiandikia na kuiendeleza Kona Ya Waungwana.
Sifa zifuatazo zahitajika:
1. Awe ni msomaji na mfuatiliaji wa blog mbalimbali hapa nchini Tanzania
2. Awe ni mkazi wa jijini Dar
3. Awe na background ya uandishi wa habari (si lazima sana)
4. Anaweza kuwa mwanafunzi katika chuo chochote Dar na hasa chuo cha Uandishi wa habari
5. Awe na ujuzi katika kublog na ufahamu wa blogger.com
6. Awe na nafasi ya angalau masaa matatu kwa siku kwa ajili ya kutafiti habari na kupost
7. Awe ni mmiliki wa Laptop yenye uwezo wa kuunganisha internet, na digital camera
8. Awe na uwezo wa kuongea kwa ufasaha lugha ya Kiswahili na Kiingereza

Mafao ni maelewano. Kama una sifa hizo hapo juu niandikie lacford.media@gmail.com au SMS +1301 222 7739

Ahsante,
Mfalme Mrope
Je Huu Ni Uungwana

Kabla Magufuli hajaomba radhi, ...........

noreply@blogger.com (Mzee wa Changamoto) — Wed, 04 Jan 2012 00:10:00 +0000

Waziri wa Ujenzi wa Jamhuri ya Muungano wa Tanzania Mhe. John Magufuli
Moja kati ya habari zilizotawala mwanzo wa mwaka huu ni kupanda kwa nauli za vivuko na hasa cha Kigamboni. Hili limeonekana kupata msukumo wa upinzani toka sehemu mbalimbali na zaidi toka kwa WABUNGE walioonyesha nia ya kumfanya Waziri Magufuli awaombe radhi wananchi na pia kufuta kauli yake. Kauli inayozungumziwa hapa ni ile aliyonukuliwa akisema "Na
atakayeshindwa kulipa nauli mpya Dar- Kigamboni na apige mbizi au azunguke
Kongowe" Hii IMEWAKERA WENGI (miongoni mwa wachache waliolalamika)
Kwanza niwapongeze wabunge wa KULIVALIA NJUGA HILI.
Lakini pia niwapongeze kwa uwezo wao kuwahadaa wananchi wao juu ya hili.
Suala la kupanda kwa nauli linaonekana kutokea na kupata nafasi kubwa kwenye vyombo vya habari kwa sababuni kweli kuwa WANANCHI HAWANA UWEZO WA KULIPIA KIVUKO (hata kabla ya nyongeza ilikuwa taabu)
Lakini lazima sote tukubali kuwa kuna ulazima wa kuongeza bei ya kuvuka kwa kuwa GHARAMA ZA KUENDESHA KIVUKO ZIMEPANDA.
Sasa hapa kuna namna ya kushughulika na haya. NAMNA AMBAYO WABUNGE WANGU (walio wabunifu wa kukwepa vyanzo vya matatizo) wanaepuka. Tunatakiwa kuangalia chanzo cha tatizo kuliko mvuto wa kuendekeza "UVIVU WA FIKRA" ambao unatuaminisha katika kila tunacholishwa na hawa wanajaribu kupata "UTENDAJI KAZI" kwa mambo ambayo si suluhisho la matatizo ya wananchi.
Na hili (la kutatua chanzo cha tatizo) ndilo la muhimu kuangalia kwa kuwa ndilo litakalotatua tatizo na pia limo ndani ya uwezo wetu.
Gharama za kuendesha kivuko si kitu ambacho tunaweza kushughulikia kwa urahisi. Lakini tunaweza kujadili na kutatua suala la uwezo wa wananchi kulipia kivuko hicho.
Majuzi niliona WARAKA WA KAKA MBUNGE WA KIGAMBONI kuhusu kupinga ongezeko. Na nukuu ya walionakiliwa. Nami palepale (kwenye facebook) nikampongeza na kumueleza "Hii ni safi sana. Naamini wananchi wa Jimbo lako wataanza kufuarahia MPANGO WAKO MPYA wa kuwawakilisha na kutuwekea hapa. Sijawa na takwimu halisi, lakini nilisikia "pingamizi kubwa" la wananchi wa Kigamboni kuhusu POSHO ZENU WABUNGE. Unaweza kuliandikia na hilo pia? Ama ni mimi niliyekosa barua yako kuhusu hili? HERI YA MWAKA MPYA" na yeye akanijibu akisema "Mubelwa acha fujo. Msimamo wangu ni kwamba mfumo mzima wa malipo kwa watumishi wa umma unapaswa kuangaliwa upya na usilenge wabunge peke yao."
Haikuniingia akilini kuona HOJA YANGU INATAFSIRIWA KAMA FUJO, na ndio maana nikamjibu kuwa "FUJO? Kaka. Nadhani unatania. Na kama la, basi nitalazimika kuanza kukushangaa. Ni kipi nilichosema ambacho ni cha fujo? Je! Kwa huo msimamo wako kuwa "malipo kwa watumishi wa umma unapaswa kuangaliwa upya na usilenge wabunge peke yao" ULIUANDIKIA BARUA KAMA HII? Kama ndivyo, pongezi. Kama sivyo, kwanini? Na hii pia inakuwa fujo?
Nahisi unanirejesha kulekule kwa Ndg Lazaro Nyalandu aliyelalamika kuwa sisi tuulizao hili na lile TUNA UBUNIFU WA KULALAMIKA. Sina hakika kama hili ni suala lililopo "mjengoni" ama la. Lakini kama nilivyoweka bayana MSIMAMO WANGU KWA NDG. NYALANDU HAPA, sitasita kuweka bayana kwa yeyote atakayeonyesha ubunifu wa kulalamikia walalamishi wasio wabunifu. "
Swali ni kuwa KWANINI WANANCHI WASHINDWE KULIPA? Na je! Magufuli akiomba radhi itasaidia vipi kubadili maisha ya wananchi?
Niliwahi kutoa mfano mmoja wakati nimekwenda Karagwe mwaka 2003. Wakati huo, rais wa awamu ya tatu alikuwa ametoa msamaha wa kodi ya wananchi. Watu wakapongeza. Lakini nilipokwenda kijijini Karagwe nikagundua kuwa WATU HAWAKUHITAJI MSAMAHA WA KODI KWANI HAUKUWA UKIWASAIDIA KUTATUA TATIZO LAO LA UCHUMI. Wakati huo, nilifika gulioni na kukuta watu wameleta mikungu ya ndizi ambayo walikuwa tayari kubadilishana nayo kwa PAKITI YA CHUMVI YA SHILINGI HAMSINI. NA HAWAKUPATA MTU WA KUBADILISHANA NAO. Wakaziacha hapo kwa kuwa hata nyumbani zipo zinazoivia shambani. Wakati huo huo, mkungu huo wa ndizi ulikuwa ukiuza kwa maelfu ya shilingi jijini Dar. TATIZO LILIKUWA NI BARABARA. Kama barabara ingekuwa nzuri, basi magari yanayofuata ndizi yangefika kule, na pengine wangeuza kwa shilingi elfu moja ama mbili, yule muuzaji angeuza mwanza kwa elfu kama tano na wale wa Dar wangeipata kwa bei zaidi.
Ina maana kama mtu huyu angeuza mikungu mitatu, angepata shilingi elfu tano za kulipa kodi. Kwa maana nyingine, mwananchi angelipa kodi, mwananchi angebaki na pesa mfukoni na serikali ingekusanya mapato zaidi na pengine mlaji wa Dar angepata ndizi kwa bei nafuu zaidi kwa kuwa usafiri usingekuwa na gharama kubwa sana.
Ni hilo linalonifanya niiwaze Kigamboni.
Wananchi hawana maisha mabaya kwa kuwa Magufuli kaongeza nauli, bali kwa kuwa WANANCHI HAWANA KAZI, HAWANA BIASHARA NA / AMA VYANZO VYA MAPATO.
Na hili ndilo liletayo yote haya. Na HILI HALITOKANI NA KAULI AMA HATUA YA MAGUFULI KUPANDISHA NAULI.
Hawa wabunge niliosikia wamemtaka Waziri Magufuli aombe radhi, wangeanza kwa kutueleza wao wamewafanyia nini wananchi wao kuweza kuwakwamua katika uwezo mdogo wa kulipa nauli? HILI NDILO TATIZO KUU.
Kama wananchi wangekuwa na kipato mara mbili ya walicho nacho, wasingejali kuongezewa hizo gharama, hasa kwa kuwa zimetajwa kuongezwa kwa NIA ILIYO SAHIHI. Suala la kauli ya Magufuli, ni moja, lakini haliendani na CHANZO CHA TATIZO.
Narejea kusema kuwa JAPO DALILI ZA KUKOSEKANA KWA MAJI KWENYE MTI HUONEKANA KWENYE MAJANI, WAKATI WA KUMWAGILIA, TUNAMWAGILIA MIZIZI NA SI MAJANI. Wabunge wajiulize kwanini wananchi hawataweza kulipa hicho kiwango kipya badala ya kung'ang'ania kuwa kauli ya Magufuli ni mbaya.
By the way, wangeshughulikia na kurejesha pesa zilizofujwa, wakagoma kupokea posho zao na kuacha ku-extend vikao kwa mambo yasiyo na tija kwa wananchi, ningeweza amini kuwa wana "uchungu na wananchi wao". Na pengine pesa hizo zingetosha kujenga daraja.
Nimeona wakilalamika kuliko ambavyo nilisikia wakiWAKILISHA MAONI YA WANANCHI KUHUSU POSHO ZAO, KUHUSU UMEME, KUHUSU MENGINE MENGI.

KABLA MAGUFULI HAJAOMBA RADHI....WABUNGE MTUELEZE MMEFANYA NINI KUWAWEZESHA WANANCHI KUMUDU (JAPO) NAULI YA ZAMANI, YA SASA (ILIYO NA ULAZIMA) NA PIA KUTIMIZA AHADI ZENU. Mtueleze MMEWAWAJIBISHA VIPI MAFISADI, na MNAONA UWIANO GANI KATI YA PESA MNAZOLIPWA, KAZI MNAYOFANYA NA WANANCHI WA MAJIMBONI MWENU!

Steina Mrema aagwa.

noreply@blogger.com (Mzee wa Changamoto) — Mon, 02 Jan 2012 00:27:00 +0000

Watanzania na jamii zao kutoka miji ya karibu na Washington DC leo wamejumuika kwa wingi katika ibada ya kumuaga ndugu, rafiki na mpendwa wetu Steina Mrema.

Ibada hiyo ilifanyika katika kanisa la Cathedral Of Praise lililopo mji wa Lanham, jimbo la Maryland. Mtoto wa Marehemu akiwa na Mama yake wakitoa heshima kwa Marehemu Steiner. Baada ya hapo, ndugu, jamaa na marafiki walipita kutoa heshima zao za mwisho. Rashidi Mkakile, Stephano Mhina na George Mwasaliba wakitoa heshima zao za mwisho kuuaga mwili wa marehemu Steina Mrema.Sunday Shomari, akitoa heshima za mwisho kwa Marehemu Steina Mrema.

Baada ya mwili kuondoka, ulifuata wakati wa chakula na mazungumzo, nami nikabahatika kumpata rafiki wa muda mrefu na wa karibu wa Marehemu Steina Mrema ambaye alinieleza machache kuhusu Marehemu. Karibu umsikilize

SHUKRANI KWA WOTE WALIOSHIRIKI KATIKA KUFANIKISHA HILI.
MUNGU AWATANGULIE NDUGU WATAKAOSINDIKIZA MWILI KWA MAZIKO NYUMBANI TANZANIA.

SALAM ZA MWAKA MPYA ZA RAIS WA JAMHURI YA MUUNGANO WA TANZANIA MHESHIMIWA DKT. JAKAYA MRISHO KIKWETE KWA WATANZANIA.

noreply@blogger.com (Mzee wa Changamoto) — Sun, 01 Jan 2012 08:32:00 +0000

TAREHE 31 DESEMBA, 2011

Ndugu Wananchi;

Leo tunauaga mwaka 2011 na kuukaribisha mwaka 2012. Naungana nanyi Watanzania wenzangu kumshukuru Mwenyezi Mungu kwa kutujaalia uhai na bahati ya kuiona siku ya leo. Wapo ndugu, jamaa na marafiki zetu wengi ambao hawakujaaliwa kuwa nasi kwa kuwa wametutangulia mbele ya haki. Tuzidi kuwaombea kwa Mwenyezi Mungu awape mapumziko mema na sisi tuendelee kumuomba Mola wetu atujaalie rehema na neema tele katika mwaka ujao.

Mapitio ya Mwaka 2011 na Matarajio kwa Mwaka 2012

Miaka 50 ya Uhuru

Ndugu wananchi;

Mwaka 2011 ulikuwa mwaka wa aina yake na wa kihistoria kwa nchi yetu na wenye mchanganyiko wa mambo. Kulikuwa na matukio ya furaha na majonzi na ulikuwa mwaka tuliopata mafanikio mengi na changamoto mbalimbali. Tumeweza kusherehekea miaka 50 ya Uhuru wa Tanzania Bara kwa heshima stahiki kama nilivyoelekeza katika hotuba yangu ya kuuaga mwaka 2010 na kuukaribisha mwaka 2011. Tumezitumia vizuri sherehe hizo kufanya tathmini ya maendeleo tuliyoyapata tangu Uhuru mpaka hapa tulipo sasa pamoja na kutambua changamoto zilizo mbele yetu.

Hakika tumepata mafanikio makubwa sana katika miaka 50 hii ya Uhuru wetu kuliko yale yaliyopatikana katika miaka 77 ya ukoloni wa Wajerumani (miaka 34) na Waingereza (miaka 43). Pamoja na mafanikio hayo tuliyoyapata bado nchi yetu ni miongoni mwa nchi maskini sana duniani hivyo bado tunayo kazi kubwa sana ya kufanya mbele yetu. Katika tathmini iliyofanywa na kila Wizara na Idara za Serikali, mambo yanayostahili kufanyika miaka ijayo pamoja na mikakati ya kufikia malengo hayo, yameainishwa vizuri.

Mpango wa Maendeleo

Ndugu Wananchi;

Bahati nzuri, mambo yote yaliyoainishwa kufanywa yanakuwa sehemu ya mambo ya kutekelezwa katika Mpango wa Maendeleo wa Miaka Mitano 2011/2012 mpaka 2015/2016. Kama mtakavyokumbuka miongoni mwa matukio muhimu katika mwaka 2011 ni kukamilika kwa kazi ya kufanya tathmini ya kuhuisha Dira ya Taifa ya Maendeleo ya mwaka 2025 na kutengenezwa kwa Mpango wa Kwanza wa Maendeleo wa Miaka Mitano wa kutekeleza Dira hiyo. Tumejipanga vizuri kutekeleza Mpango wa Maendeleo wa Miaka Mitano katika Bajeti ijayo. Pia nimeunda Kikundi Kazi kinachoongozwa na Prof. Benno Ndulu cha kushauri juu ya vipaumbele na kufuatilia utekelezaji wa Mpango huo.

Ndugu Wananchi;

Kwa mara nyingine tena narudia kutoa pongezi za dhati kwa Watanzania wenzangu wote kwa jinsi tulivyosherehekea miaka 50 ya kuzaliwa kwa taifa huru la Tanganyika ambalo sasa ni Tanzania Bara. Tumeikumbuka na kuitukuza ipasavyo siku hii maalum na adhimu kwa nchi yetu. Nawapongeza sana wale wote waliofanya kazi kubwa ya maandalizi ya sherehe zile pamoja na wananchi walioshiriki. Ni matumaini yangu kuwa kila mmoja wetu katika ngazi yake na dhamana yake atafanya tathmini ya jinsi mambo yalivyokuwa katika maeneo yake ili kujua mafunzo gani amepata. Lengo ni kutambua maeneo ya udhaifu kwa nia ya kurekebisha kasoro zilizopo na yale waliyofanya vizuri kwa nia ya kuimarisha zaidi.

Mchakato wa Katiba

Ndugu Wananchi;

Tukio lingine la kihistoria lililotokea mwaka huu tunaoumaliza leo ni kuanza kwa mchakato wa kupata Katiba mpya ya nchi yetu. Kama mnavyokumbuka, katika hotuba yangu ya kuuaga mwaka 2010 na kuukaribisha mwaka 2011, niliahidi kwamba tutaanzisha mchakato wa kuitazama upya Katiba ya nchi yetu kwa lengo la kuihuisha, ili hatimaye tuwe na Katiba inayoendana na taifa lenye umri wa nusu karne. Azma yetu ni kuwa tusherehekee miaka 50 ya Muungano wa Tanganyika na Zanzibar tukiwa na Katiba mpya itakayotumika kwenye Uchaguzi Mkuu ujao wa mwaka 2015.

Kama mnavyofahamu nyote, katika Bunge la Aprili, 2011, Serikali iliwasilisha Muswada wa Sheria ya Mabadiliko ya Katiba (2011). Tarehe 18 Novemba, 2011 Bunge liliupitisha Mswada huo na mimi nikatia saini na kuwa Sheria tarehe 29 Novemba, 2011. Sheria hiyo sasa ndiyo inayotoa mwongozo wa namna mchakato wa kupata Katiba mpya utakavyoendeshwa.

Ndugu Wananchi;

Sheria hiyo imeainisha utaratibu wa uundwaji wa Tume ya Kukusanya Maoni ya wananchi wote na jinsi itakavyofanya kazi yake. Aidha, inaelezea namna ya kuundwa kwa Bunge Maalum la Katiba lenye uwakilishi mpana zaidi kuliko Bunge la sasa la Jamhuri ya Muungano. Kazi ya Bunge hilo itakuwa ni kupokea na kujadili Rasimu ya Katiba itakayotayarishwa na Tume ya Katiba. Baada ya Bunge kujadili Rasimu hiyo na kufanya uamuzi wake, Rasimu ya Katiba itapelekwa kwa wananchi kwa uamuzi wa mwisho kwa njia ya kura ya maoni. Sheria, pia, inaelekeza namna kura ya maoni ya wananchi itakavyoendeshwa na hatimaye kupata Katiba mpya.

Ndugu Wananchi;

Sote tunafahamu maoni mbalimbali na mjadala mkali uliokuwepo baada ya mimi kueleza dhamira yangu ya kuanzisha mchakato wa kufanya mabadiliko ya Katiba yetu wakati Muswada ulipokuwa Bungeni na hata baada ya kupitishwa na kusainiwa kuwa Sheria. Kwa kutambua wajibu wa kusikiliza maoni ya wadau, sikusita kukubali maombi ya kukutana na viongozi wa CHADEMA, CUF na NCCR na Shirikisho la Mashirika yasiyokuwa ya Kiserikali. Tulikuwa na mazungumzo mazuri na viongozi wa CHADEMA, CUF na tulielewana juu ya namna ya kushughulikia hatua zinazofuata katika mchakato huu. Nitakutana na viongozi wa NCCR mapema mwezi Januari, 2012.

Napenda kuwahakikishia Watanzania wenzangu wote kuwa niko tayari kukutana na kuzungumza na wadau wowote na kupokea mawazo mema ya kuboresha mchakato wetu huu muhimu. Dhamira yangu na ya wenzangu Serikalini ni kuhakikisha kuwa tunakuwa na mchakato mzuri ili hatimaye tupate Katiba iliyo nzuri; Katiba ambayo italilea taifa letu kwa miaka 50 ijayo likiwa na amani, utulivu, demokrasia na maendeleo makubwa zaidi.

Ndugu Wananchi;

Ni matarajio yangu kuwa ndani ya robo ya kwanza ya mwaka ujao uundaji wa Tume ya Katiba utakuwa umekamilika. Katika robo ya pili au ya tatu ya mwaka 2012, Tume hiyo itaanza kazi yake ya kukusanya maoni. Napenda kutumia nafasi hii kuwaomba Watanzania wenzangu wote mjiandae kushiriki kwa ukamilifu kutoa maoni yenu kwenye Tume ya Katiba. Aidha, niwaombe, ndugu zangu, tujiepushe na vitendo vya kuzuia watu kutoa maoni yao kwa uhuru hasa wale wenye maoni tofauti na yetu. Kutoa maoni katika Tume hiyo ni haki ya kila mwananchi.

Iwe ni mwiko kwa mtu yoyote au kikundi chochote kumzuia mtu au watu wowote kutumia haki yao hiyo. Iwe ni mwiko pia kwa mtu, watu au taasisi yoyote kujaribu kuhodhi mijadala hiyo. Ni vyema tukajua kuwa tunatengeneza Katiba ya watu wote na kwa maslahi yetu sote. Hatutengenezi Katiba ya watu fulani wateule au kikundi fulani cha kisiasa au kijamii kwa maslahi yao. Tuwaache watu watoe maoni yao kwa uhuru ili tupate Katiba ya watu wote.

Hali ya Usalama Nchini

Uharamia Baharini

Ndugu Wananchi;

Hali ya usalama wa nchi yetu katika mwaka 2011 ilikuwa ya kuridhisha na Tanzania iliendelea kuwa nchi yenye amani na utulivu. Kwa jumla, mipaka yetu yote ilikuwa salama isipokuwa ule wa majini kwa upande wa Bahari Kuu ya Hindi ambako kumekuwepo na matukio ya uharamia. Katika mwaka huu tunaoumaliza leo, kumekuwepo na majaribio tisa ya kuteka meli ndani ya mipaka yetu katika Bahari Kuu hiyo. Bahati nzuri hakuna hata moja lililofanikiwa kutokana na kazi nzuri iliyofanywa na Jeshi letu la Wanamaji. Maharamia saba wamekamatwa na kufikishwa Mahakamani ambako kesi zao zinaendelea.

Napenda kutumia nafasi hii kutoa pongezi maalum kwa Jeshi letu la Ulinzi la Wananchi wa Tanzania kwa kazi nzuri waliyoifanya na wanayoendelea kuifanya ya kupambana na maharamia katika Bahari Kuu ya Hindi. Kutokana na juhudi zao hizo matukio ya kujaribu utekaji meli yamepungua mwaka huu ikilinganishwa na mwaka jana ambapo kulikuwa na matukio 30.

Ndugu Wananchi;

Natambua kuwepo kwa mahitaji kadhaa kwa Jeshi letu na wanajeshi wetu ili kuimarisha ulinzi katika mipaka yetu ya majini katika Bahari Kuu ya Hindi na katika maziwa yetu makuu ya Nyasa, Tanganyika na Victoria. Tumekwishaanza kuchukua hatua muafaka kwa ajili hiyo na tutaendelea nazo kwa kasi zaidi katika mwaka 2012 na kuendelea.

Uhalifu

Ndugu Wananchi;

Juhudi za kupambana na kudhibiti uhalifu nchini ziliendelea na mafanikio yameendelea kupatikana. Taarifa za Jeshi la Polisi za kati ya Januari na Novemba, 2011 zinaonesha kuwa matukio ya makosa makubwa ya jinai yamepungua ukilinganisha na hali ilivyokuwa kipindi kama hicho mwaka 2010. Makosa hayo yamepungua kutoka 86,150 hadi 69,678 na punguzo kubwa zaidi limetokana na kupungua sana kwa makosa ya wizi, pamoja na yale ya kubaka, kunajisi, kutupa watoto, unyang’anyi wa kutumia silaha, kuchoma nyumba, na dawa za kulevya.

Ndugu Wananchi;

Mafanikio haya ya kutia moyo ni uthibitisho wa kazi nzuri inayofanywa na Jeshi la Polisi wakishirikiana na wananchi na vyombo vingine vya ulinzi na usalama. Tutaendeleza juhudi za kuliwezesha Jeshi hilo kwa zana, vifaa, mafunzo, maslahi na mazingira ya kazi na ya kuishi katika mwaka 2012 na miaka ijayo ili ufanisi mkubwa zaidi upatikane katika kupambana na uhalifu nchini.

Ajali za Barabarani

Ndugu Wananchi;

Kwa upande wa ajali za barabarani, matukio yamepungua kutoka 22,440 mwaka 2010 hadi 22,000 mwaka 2011. Hata hivyo, ajali zilizosababisha watu kupoteza maisha ziliongezeka mwaka huu kuliko mwaka wa jana. Mwaka jana ajali hizo zilikuwa 2,833 ukilinganisha na 3,012 mwaka 2011 na watu waliopoteza maisha walikuwa 3,332 ukilinganisha na 3,707 mwaka 2011.

Ongezeko la ajali barabarani linasababishwa na ongezeko kubwa la vyombo vya usafiri hasa magari na pikipiki. Katika miaka sita iliyopita, magari 514,136 na pikipiki 1,206,679 zimeinginzwa nchini. Sababu nyingine ni madereva kutokuwa makini katika uendeshaji ama kwa sababu ya ujuzi mdogo au uzembe na ulevi. Mimi naamini kuwa tatizo hili litapungua sana kama madereva wataacha uzembe, ulevi na kuheshimu sheria za usalama barabarani.

Aidha, nirudie kuwataka ndugu zetu wa Polisi wanaosimamia sheria ya usalama barabarani, kuhakikisha kuwa sheria hiyo inatekelezwa ipasavyo na wale wote wanaotumia barabara, yaani vyombo vya usafiri na watu.
Ajali ya Mabomu, Meli na Mafuriko

Ndugu Wananchi;

Katika mwaka 2011 licha ya ajali barabarani, kulitokea ajali ya kulipuka mabomu katika kambi ya Jeshi Gongolamboto, ajali ya kuzama kwa meli ya Spice Islander huko Zanzibar na mafuriko katika jiji la Dar es Salaam. Matukio hayo yamesababisha ndugu zetu wengi kupoteza maisha, wengine kujeruhiwa na mali nyingi kupotea.

Milipuko ya Mabomu

Katika ajali ya Gongolamboto watu 25 walifariki dunia na 512 walijeruhiwa na nyumba 1,791 ziliharibiwa kwa viwango mbalimbali. Nimearifiwa kuwa shilingi 817,740,849 zimelipwa kwa ajili ya kugharamia ukarabati wa nyumba zao zilizoharibiwa. Bahati mbaya kwa wale ambao nyumba zao ziliharibiwa sana na kulazimika kujengwa upya kazi hiyo imechelewa sana kuanza kwa sababu za urasimu wa kupata viwanja.

Nimemuagiza Mkuu wa Mkoa wa Dar es Salaam ahakikishe kuwa wahusika katika Wizara ya Ardhi, Nyumba na Maendeleo ya Makazi na Manispaa ya Ilala wanaacha urasimu na kuharakisha upatikanaji wa viwanja ili kazi ya ujenzi ianze. Aidha, nimewaomba viongozi wa Wizara ya Ulinzi, JWTZ na hasa JKT kuhakikisha kuwa kazi ya ujenzi itakapoanza inakamilika mapema iwezekanavyo.

MV Spice Islander

Ndugu Wananchi;

Kwa upande wa ajali ya MV Spice Islander iliyotokea Septemba 10, 2011 ndugu zetu 619 waliokolewa na maiti 203 zilipatikana. Mali iliyokuwa ndani ya meli hiyo haikuweza kuokolewa hivyo haikuweza kujulikana kama wapo watu wengine waliokuwa wamezama na meli hiyo.

Rais wa Zanzibar na Mwenyekiti wa Baraza la Mapinduzi, Mheshimiwa Dkt. Ali Mohamed Shein aliunda Tume ya Uchunguzi wa ajali hiyo. Tume hiyo imekamilisha kazi yake na kuwasilisha ripoti yake Serikalini. Hivi sasa Serikali ya Mapinduzi Zanzibar inaitafakari taarifa hiyo kwa lengo la kuchukua hatua muafaka. Subira yavuta heri.

Mafuriko ya Dar es Salaam

Ndugu Wananchi;

Kutokana na mvua kubwa zilizonyesha kuanzia usiku wa kuamkia tarehe 20 mpaka tarehe 23 Desemba, 2011, Bonde la Mto Msimbazi na maeneo ya jiji yalikumbwa na mafuriko makubwa ambayo hayajawahi kutokea katika historia ya jiji la Dar es Salaam. Kutokana na mafuriko hayo ndugu zetu 40 wamepoteza maisha na nyumba na mali nyingi zimeharibiwa. Pia, watu wapatao 5,029 wamekosa makazi na kupatiwa hifadhi na jamaa zao au katika maeneo yaliyotengwa na Serikali ya Mkoa wa Dar es Salaam. Aidha, Serikali imekuwa ikiwahudumia waathirika hao kwa malazi, chakula na huduma ya afya. Vile vile, watu na mashirika mbalimbali yamekuwa yanatoa misaada ya kibinadamu kuwasaidia ndugu zetu hao.

Ndugu Wananchi;

Tarehe 21 Desemba, 2011, niliwatembelea baadhi ya waathirika na kuona athari za mafuriko katika jiji la Dar es Salaam. Pia nilipata nafasi ya kupokea taarifa ya maafa hayo kutoka kwa Mkuu wa Mkoa. Nilielezwa shughuli za uokoaji, huduma zinazotolewa kwa walioathirika katika makazi ya muda na mipango ya baadaye kuhusu watu walioathirika na ujenzi wa makazi katika Bonde la mto Msimbazi na mabonde mengine katika jiji la Dar es Salaam.

Niliwapa pole waathirika na kuwapongeza viongozi wa Mkoa wa Dar es Salaam walivyoongoza juhudi za kuokoa maisha ya ndugu zetu waliokumbwa na janga hili na jinsi wanavyowahudumia. Niliafiki uamuzi wa Mkoa kwamba ndugu zetu waliojenga na kuishi katika Bonde la Mto Msimbazi wahame. Aidha, nilikubaliana na uamuzi wao kuwa wale wote waliojenga katika njia za asili za kupita maji na kuyalazimisha maji kutafuta njia nyingine na kusababisha madhara pasipostahili nao pia wabomoe. Maji yaachwe yapite kwenye njia zake za kawaida ili kuepusha madhara yanayoweza kuepukika.

Ndugu Wananchi;

Ni matumaini yangu kuwa ndugu zetu wa Jangwani na kwingineko hawatakaidi tena amri halali ya mkoa kama walivyofanya miaka ya nyuma. Baada ya mafuriko ya mwaka 1998, ambapo baadhi ya watu waliokolewa kwa helikopta kama safari hii, watu waliamriwa kuhama na kugawiwa viwanja vya kujenga makazi mbadala. Lakini, walikaidi amri na kudiriki kwenda Mahakamani kuzuia utekelezaji wa amri hiyo. Bahati nzuri walishindwa.

Wahenga wamesema “asiyesikia la mkuu huvunjika guu”. Mafuriko yametokea tena mwaka huu, tena mabaya zaidi. Safari hii helikopta hazikutosha bali boti na vijana hodari wa kuogelea walitumika kuokoa maisha ya watu. Pamoja na juhudi hizo safari hii ndugu zetu 40 wamepoteza maisha na mali nyingi zaidi zimepotea na kuharibiwa.

Ndugu Wananchi;

Nimewataka viongozi wa Serikali na Halmashauri za Mkoa wa Dar es Salaam washikilie msimamo wao huo huo. Watu watakaokaidi wasiachwe kuendelea kuishi mabondeni. Tukikubali wabaki, sote, yaani watu wenyewe na Serikali, hatutaeleweka. Tena tutachekwa na kulaumiwa vibaya siku za usoni mafuriko mengine yatakapotokea na watu kukutwa katika hali kama hii na Serikali kujikuta inarudia tena kufanya kazi ya kuokoa watu.

Bahati nzuri maeneo ya kuhamia yametambuliwa na viwanja vimeshaanza kugawiwa. Kila mwenye nyumba atapewa na naomba hata wapangaji wapewe iwapo viwanja vitasalia. Hivyo, narudia kuwataka ndugu zetu kuhama kwa hiari yao na wale watakaokaidi wahamishwe bila ya ajizi kwa mujibu wa taratibu zilizowekwa.

Uchumi na Maendeleo

Ndugu Wananchi;

Kwa upande wa uchumi, mwaka 2011 ulikuwa na changamoto nyingi. Kulikuwa na mchanganyiko wa ukame, uhaba mkubwa wa umeme, upungufu wa chakula kwenye baadhi ya maeneo nchini, kupanda kwa bei za mafuta na vyakula, kushuka kwa thamani ya shilingi, mfumuko wa bei kupanda na sasa mvua nyingi na athari zake. Pamoja na changamoto hizo tunatarajia uchumi wetu utakua kwa asilimia 7 ingawaje wenzetu wa IMF wanakadiria kuwa utakua kwa asilimia 6.3. Hata kwa kiwango hicho bado nchi yetu inabakia kuwa miongoni mwa nchi 20 duniani zinazoongoza kwa ukuaji wa uchumi. Ni dhahiri basi kuwa kama athari hizo zisingekuwepo hali ya uchumi wetu ingekuwa bora zaidi.

Ndugu Wananchi;

Tulianza mwaka 2011 kukiwa na ukame mkali uliokumba maeneo mengi nchini. Mtakumbuka kuwa katika hotuba yangu ya kuuaga mwaka 2010 na kuukaribisha mwaka 2011 nililizungumzia suala la uhaba wa mvua na ukame na kutaka tuombe mvua za masika ziwe nzuri. Mvua hazikuwa nyingi na mtawanyiko wake haukuwa mzuri. Maeneo mengi mvua zilikuwa chini ya wastani. Kwa sababu hiyo watu 423,530 katika Halmashauri 36 za mikoa 13 walikumbwa na upungufu wa chakula na kuilazimisha Serikali kutoa msaada wa chakula.

Aidha, kwa sababu ya upungufu huo, bei za vyakula zilipanda sana hasa mijini. Ili kukabiliana na hali hiyo niliagiza Wakala wa Taifa wa Hifadhi ya Chakula kuanza utaratibu wa kuuza mahindi kwa wafanyabiashara wa mijini ili kusaidia kupunguza bei ya chakula. Agizo langu hilo sasa ni sehemu ya sera ya Taasisi hiyo itakayotekelezwa kila mwaka wakati chakula kutoka mashambani kitakapopungua katika masoko ya mijini.

Ndugu Wananchi;

Ukame huo pia ukasababisha kupungua sana kwa maji katika mabwawa ya kuzalisha umeme na hivyo kuliingiza taifa katika tatizo kubwa la upungufu wa umeme. Ili kukabiliana na tatizo hilo TANESCO imelazimika kuingia mikataba na makampuni ya kuzalisha umeme kwa malipo. Kwa vile gesi inayozalishwa hivi sasa kwa ajili ya kuendeshea mitambo ya kufulia umeme iliyopo Ubungo haitoshelezi mahitaji ya taifa, makampuni hayo yamelazimika kutumia mitambo inayotumia mafuta.

Mitambo hiyo imepatikana na tayari inazalisha umeme. Ndiyo maana mgao sasa haupo. Lakini, kwa sababu ya kutumia mafuta, umeme huu ni ghali na umekuwa mzigo mkubwa wa gharama kwa TANESCO. Kutokana na sababu hizo, TANESCO wamepeleka maombi EWURA ya kutaka kuongeza bei ya umeme.

Ndugu Wananchi;

Tunamshukuru sana Mwenyezi Mungu kwamba tunaumaliza mwaka huu na kuuanza mwaka 2012 kukiwa na mvua nzuri karibu nchi nzima. Dua zetu mwaka huu ni kuomba mvua za kiasi kwani sehemu nyingine mvua zimezidi kipimo. Zimesababisha mafuriko, vifo vya watu, mali pamoja na miundombinu ya babara kuharibika. Katika baadhi ya maeneo mazao mashambani hasa mahindi yanaathirika kwa maji kuzidi. Kwa muelekeo huu wa mvua na hasa kama mvua za masika nazo zitakuwa nzuri mwaka 2012 kutakuwa na chakula kingi nchini karibu maeneo yote.

Ndugu Wananchi;

Baada ya ukame wa mwaka 2006 na upungufu mkubwa wa umeme wa tangu wakati huo mpaka mwaka 2008, tulitoa ahadi ya kuchukua hatua za makusudi za kupunguza utegemezi mkubwa wa kupita kiasi wa umeme wa nguvu ya maji. Nilisema kuwa tutaanza juhudi za kuendeleza vyanzo vingine vya nishati hasa gesi asilia na makaa ya mawe mpaka tufikie mahali ambapo hata kama maji hayatoshi katika mabwawa ya vituo vya umeme, nchi haitakosa umeme.

Tumeendelea kutekeleza uamuzi ule wa busara. Mpaka sasa Serikali kupitia TANESCO imeshaongeza MW 245 za umeme unatokana na gesi asilia. Nyongeza hiyo ingeweza kuwa kubwa zaidi lakini hakuna gesi ya kutosha kutoka Songo Songo. Bahati mbaya mchakato wa kuongeza gesi umechelewa kwa karibu miaka miwili, lakini mwelekeo sasa mzuri.

Ndugu Wananchi;

Maombi yetu kwa Serikali ya China ya kupata mkopo wa kujenga bomba la kusafirisha gesi kutoka Mtwara na mtambo wa kuchakata gesi inayotoka Songo Songo yamekubaliwa. Utekelezaji wake unatarajiwa kuchukua miezi 18 na gesi itakayoletwa inaweza kuzalisha mpaka Megawati 3,000 za umeme. Baada ya hapo kasi ya kuongeza umeme itakuwa kubwa zaidi na tatizo la upungufu wa umeme linaweza kuwa historia.

Bahati nzuri wawekezaji wa kuzalisha umeme kutumia gesi hiyo wapo, wanachosubiri ni gesi kufika. Wakati huo huo michakato ya kuzalisha umeme kutokana na makaa ya mawe ya Ngaka, Kiwira na Mchuchuma imeanza na ipo katika hatua mbalimbali. Pia mradi wa kuzalisha umeme kwa kutumia nguvu ya upepo unaendelea vizuri.

Matatizo ya Bei ya Mafuta

Ndugu Wananchi;

Katika mwaka 2011 bei ya mafuta iliendelea kuwa tatizo. Tatizo hilo lilikuwa na sura ya ndani na ya nje. Bei ya mafuta katika soko la dunia ilipanda kutoka dola za Marekani 76.1 kwa pipa mwezi Septemba, 2010 hadi dola 100.5 Septemba, 2011 na dola 99.92 jana tarehe 30 Desemba, 2011. Kwa vile mafuta yanagusa takriban nyanja zote za uchumi na maisha ya Watanzania nyongeza ya asilimia 45 ya bei za mafuta imesababisha kupanda kwa gharama ya huduma na bidhaa nyingi hivyo kuongezeka gharama ya maisha kwa watu.

Ndugu Wananchi;

Hapa kwetu makali ya ongezeko la bei ya mafuta duniani yaliongezwa na kushuka thamani ya shilingi na vitendo vya wafanyabiashara ya mafuta. Thamani ya shilingi dhidi ya dola ya Marekani ilishuka kutoka wastani wa shilingi 1,500 kwa dola ya Kimarekani mwanzoni mwa Januari, 2011 hadi shilingi 1,815 kwa dola tarehe 27 Oktoba, 2011. Serikali kupitia Benki Kuu ilichukua hatua mbalimbali zilizoweza kupunguza kasi ya kushuka kwa thamani ya shilingi hadi wastani wa shilingi 1,595 kwa dola hivi sasa.

Kwa sababu ya shilingi kupungua thamani, waagizaji wa mafuta walilazimika kutumia pesa nyingi za Kitanzania kununua dola ambazo kabla ya hapo walitumia pesa kidogo kuzipata. Hali hiyo ndiyo iliyosababisha athari za kupanda kwa bei za mafuta duniani kuwa kali zaidi hapa nchini.

Sambamba na hilo, mwenendo wa wafanyabiashara hasa wa kukataa kutii maamuzi ya EWURA hasa pale wanapoteremsha bei limekuwa tatizo lingine. Wafanyabiashara hawako tayari kuona watumiaji wa mafuta wakipata nafuu hata kidogo. Kila bei zinaposhuka basi watapinga. Ama wataendelea kuuza kwa bei ya zamani au watasababisha upungufu wa mafuta ili bei iendelee kuwa juu. Lakini EWURA wanapotangaza kupandisha bei, yote hayo hayaonekani.

Napenda kutumia nafasi hii kuwasihi wafanyabiashara ya mafuta kutoa ushirikiano kwa EWURA inapotimiza wajibu wake. Ni ukweli ulio wazi kuwa bei ya mafuta duniani hupanda na kushuka. Kukataa kushusha bei ya mafuta wakati bei ya dunia inaposhuka ni tamaa ya utajiri iliyovuka mipaka ya utu. Nawapongeza EWURA kwa msimamo wao na waendelee kuwawajibisha wanaokaidi. Msirudi nyuma.

Kwa nia ya kutafuta nafuu ya bei ya mafuta, tumeamua kuanzisha uagizaji wa pamoja wa mafuta. Lengo ni kupata nafuu ya bei na ya gharama ya uchukuzi na hivyo kumfanya mtumiaji wa mwisho naye apate nafuu ya bei ya mafuta. Utaratibu huo utaanza rasmi mwezi Januari, 2012. Tungoje tuone utakavyopokelewa na wafanyabiashara. Naamini utasaidia, labda kama utahujumiwa. Naagiza Wizara na Mamlaka husika kuhakikisha kuwa mpango huu unafanikiwa kama tunavyotarajia.

Kilimo

Ndugu Wananchi;

Kwa upande wa kilimo katika mwaka 2011 juhudi za kuleta mageuzi katika kilimo chetu zinazolenga kuwanufaisha wakulima wadogo zimeendelea kutekelezwa. Ruzuku ya pembejeo iliendelea kutolewa, maafisa ugani waliongezwa vijijini na uboreshaji wa masoko na miundombinu vijijini uliendelea. Juhudi hizo zimeleta matokeo mazuri kwa uzalishaji wa mazao kuongezeka. Bahati mbaya katika mikoa ya Rukwa, Mbeya, Ruvuma na Iringa kumekuwa na usumbufu mkubwa wa ununuzi wa mahindi ya wakulima katika msimu huu.

Kiini cha tatizo ni taratibu za kupata fedha za kununulia mahindi kutokamilika mapema. Nimewaagiza viongozi wa NFRA, Wizara ya Fedha na Wizara ya Kilimo, Chakula na Ushirika kuhakikisha kuwa wakulima ambao mazao yao yako mikononi mwa NFRA wanalipwa mara moja na usumbufu uliokuwepo safari hii haujirudii tena mwakani na miaka ijayo. Lazima taratibu za kupata fedha za kununulia mazao ya wakulima zianze na kukamilika mapema kabla ya msimu wa ununuzi kuanza. Aidha, nimewataka wahakikishe kuwa ucheleweshaji wa upatikanaji wa vocha za pembejeo haujitokezi tena mwakani na miaka ijayo. Kwa sasa njia zitafutwe za kuhakikisha kuwa wakulima hawakosi pembejeo kwa sababu ya vocha kuchelewa.

Ndugu Wanananchi;

Vile vile, nimeelekeza kuwa mwakani uwekwe mfumo mzuri utakaowawezesha wafanyabiashara binafsi kushiriki mapema katika ununuzi wa mazao ya wakulima. Pamoja na kuuza sehemu ya mahindi ya NFRA mijini ili kushusha bei hasa katika kipindi cha upungufu wa mahindi mikononi mwa wakulima, NFRA itafute namna bora ya kuuza mazao yaliyopo katika maghala yake mapema kabla ya msimu mpya wa ununuzi haujaanza. Kufanya hivyo kutatoa nafasi katika maghala ili kutoa nafasi ya kuhifadhi bidhaa za msimu mpya.

Uwekezaji

Ndugu Wananchi;

Katika mwaka huu tunaoumaliza leo tulitoa kipaumbele cha juu katika kukuza uwekezaji nchini na tunakusudia kuendelea kufanya hivyo mwaka ujao. Tumekuwa tunatangaza fursa za uwekezaji zilizopo nchini na kuwashawishi wawekezaji wa ndani na nje kujitokeza kuja kuwekeza. Pia tumekuwa tunachukua hatua za kuboresha mazingira ya uwekezaji ili kuifanya Tanzania kuwa nchi nzuri ya kuwekeza na kufanya biashara.

Tumeainisha maeneo ya kipaumbele katika uwekezaji ambayo baadhi yake ni viwanda, kilimo, madini, utalii, biashara, nishati, uchukuzi na teknohama. Lengo letu kuu la kuhimiza uwekezaji nchini ni kutaka kuongeza uwezo na kasi ya kukuza uchumi na kupunguza umaskini kwa kuongeza uzalishaji mali, kuboresha huduma na kukuza ajira.

Ndugu Wananchi;

Mara kadhaa unawasikia watu hapa nchini na kwingineko duniani wakiuliza kwa nini nchi za Afrika, Tanzania ikiwemo ni maskini wakati rasilimali zimejaa tele. Moja ya sababu kubwa ni kutokuwepo kwa uwekezaji wa kutosha wa kuzigeuza rasilimali hizo kuwa bidhaa na huduma za kuuza katika soko na kuwapatia mapato wamiliki wake watakayoyatumia kuboresha hali zao za maisha. . Chukua, kwa mfano, mtu mwenye msitu mkubwa na mzuri anayetaka uwe shamba la kuzalisha mazao yatakayomwezesha kupata mapato yatakayosaidia kubadili maisha yake. Haitakuwa hivyo mpaka pale atakapochukua panga na jembe akafyeka na kulima, baadae akachukua mbegu akapanda, akaweka mbolea, akapalilia, akavuna na kupeleka mazao sokoni kuuza akapata pesa, atakapozitumia kujipatia mahitaji yake ya maisha. Kufyeka, kulima, kupanda, kupalilia, kuvuna na kupeleka sokoni ndiyo uwekezaji.

Ndugu Wananchi;

Ni kutokana na kutambua ukweli huo ndiyo maana sisi katika Serikali tunahimiza na kuvutia wawekezaji ili nchi itumie fursa zilizopo nchini kujiletea maendeleo, kupunguza umaskini na kukuza ajira.

Inakadiriwa kuwa hapa nchini mwaka 2011, kuna watu wenye uwezo wa kufanya kazi 22,152,320 na kati ya watu hao 2,368,672 au sawa na asilimia 10.7 hawana ajira. Ili watu hao waweze kupata ajira itategemea kwa kiasi gani tunafanikiwa kukuza uwekezaji katika sekta na shughuli mbalimbali. Bila ya hivyo kupatikana kwa ajira itakuwa ndoto.

Ndugu Wananchi;

Katika kuwahamasisha wawekezaji, tunatambua fika umuhimu wa kutoa kipaumbele kwa wawekezaji wananchi wa Tanzania. Wanahitaji upendeleo maalum na wanahitaji kuwezeshwa na tumekuwa tunafanya hivyo. Ndiyo maana kuna maeneo na shughuli zilizotengwa maalum kwa ajili ya wawekezaji wazawa pekee. Aidha, umewekwa ukomo wa kiwango cha chini cha mtaji ambacho wawekezaji wageni lazima wawe nacho ili watambuliwe kuwa wawekezaji. Tusipofanya hivyo uchumi utatawaliwa na wageni.

Lakini hatukuishia hapo tu, tumelitazama suala la uwezeshaji wa wazawa ili waweze nao kushiriki katika fursa zilizopo nchini mwao. Tumechukua hatua za makusudi kufufua Benki ya Rasilimali kwa ajili ya kutoa mikopo kwa wawekezaji wazawa kwa shughuli za viwanda na biashara. Pia tunakamilisha mipango ya kuanzisha Benki ya Kilimo kwa ajili ya kutoa mikopo kwa wakulima wazawa. Benki hizo mbili hazitatoa mikopo kwa wawekezaji wageni. Aidha, tumeanzisha mpango wa dhamana kwa wauzaji nje na wenye viwanda vidogo na vya kati, yaani Export Credit Gurantee Scheme na Small and Medium Enterprises Guarantee Scheme”. Mifuko hiyo maalum inayosimamiwa na Benki Kuu ipo kwa ajili ya kuwasaidia wawekezaji wazawa. Mwaka 2011 wananchi wengi walinufaika na Export Credit Guarantee Scheme kupitia vyama vyao vya ushirika 635 vilivyopatiwa jumla ya shilingi bilioni 108.67. Aidha, makampuni mengine yalipata jumla ya shilingi bilioni 24.35. Ni makusudio yetu kuongeza fedha ili makampuni na na watu wengi wanufaike na fursa hizi.

Uwezeshaji Wajasiriamali Wadogo

Ndugu wananchi;

Tunatambua kwamba wapo watu wanaopenda kufanya shughuli zao za kujipatia kipato. Tunatambua pia kwamba si kila mtu atapata nafasi ya kuajiriwa, lakini wapo wanaoweza kujiajiri kwa maana ya kuwa na shughuli zao za kuwapatia riziki. Hata hivyo, ili waweze kufanya hivyo wanahitaji kuwa na mtaji, yaani pesa. Si wengi wanao ndugu au jamaa wa kuwapatia pesa wanazozihitaji. Pesa za namna hiyo ziko benki ambako kuzipata kwake kuna masharti magumu, moja likiwa ni dhamana ya kitu kisichoondosheka. Wengi na hasa vijana hawana dhamana ya namna hiyo.

Ni kwa nia ya kuwaondoshea kikwazo hicho ili waweza kukopesheka, ndipo tulipohimiza uanzishaji wa SACCOS na kuanzisha Mfuko wa Uwezeshaji Wananchi Kiuchumi. Ndiyo maana pia kuna Mifuko ya Wanawake na Vijana. Kwenye Mfuko wa Uwezeshaji wa Wananchi Kiuchumi, tulitenga shilingi bilioni moja kwa kila Mkoa kwa upande wa Bara na milioni 100 kwa mikoa ya Zanzibar isipokuwa Mkoa wa Mjini Magharibi uliopata shilingi milioni 200. Pesa hizo zilikopeshwa kupitia Benki za NMB na CRDB kila moja ikipewa shilingi bilioni 5.5 kwa maelewano kuwa wao watachangia mara tatu. Pia asasi ndogo za fedha 12 zilipewa jumla ya shilingi bilioni 10.

Ndugu Wananchi;

Tathmini iliyofanywa na Baraza la Uwezeshaji la Taifa zinaonesha kuwa jumla ya shilingi bilioni 37.17 zilikopeshwa na benki za NMB na CRDB na jumla ya shilingi bilioni 12.06 zilikopeshwa na asasi 12 za fedha. Jumla ya wananchi 72,912 wamenufaika na mikopo hiyo. Kati yao 46,299 ni wanaume na 36,613 ni wanawake. Mikopo hiyo pia imenufaisha SACCOS 192 na vikundi vingine 86. Kati ya jumla ya shilingi bilioni 49.23 zilizotolewa kwa mikopo, shilingi bilioni 39.275 zimesharejeshwa ambazo ni sawa na asilimia 79.8 ya mikopo iliyotolewa. Kiwango cha urejeshwaji mikopo kinategemewa kuongezeka kwa vile baadhi ya mikopo iliyotolewa kupitia asasi ndogo za fedha bado haijaiva.

Ndugu Wananchi;

Tathmini iliyofanywa inaonyesha pia kwamba yapo mambo mazuri mengi na upungufu kadhaa. Upungufu uliojitokeza ni pamoja na baadhi ya SACCOS kutoza riba kubwa kuliko kiwango cha juu kilichowekwa na serikali cha asilimia 12. Lingine ni kuwa japokuwa vijana ndiyo wanaohitaji uwezeshaji wa kujiajiri lakini ni asilimia 32.5 tu ya vijana waliokopeshwa. Aidha, wanawake walikuwa ni asilimia 38.4 tu ya waliokopeshwa.

Baadhi ya mazuri yaliyojitokeza ni pamoja na: ongezeko la ajira la asilimia 3.8; kuongezeka kwa watu wenye akaunti benki kwani asilimia 33 ya waliokopeshwa walifungua akaunti kwa mara ya kwanza. Lingine muhimu ni kupanda hadhi kwa baadhi ya SACCOS, vikundi na watu binafsi kulikowafanya waweze kupata sifa na nafasi ya kukopeshwa na mabenki. Urejeshwaji wa mikopo kwa takribani asilimia 80 ni wa kuridhisha japo ingekuwa bora kiasi chote au hata zaidi ya hapo kitarejeshwa. Hivyo basi juhudi ziendelee kufanyika katika kurejesha mikopo iliyosalia.

Ndugu Wananchi;

Kwa ujumla tathmini iliyofanyika inaonesha kuwa mpango huu ni wenye manufaa na kwamba yafaa tuendelee nao. Pia kwamba tuuongezee uwezo ili wananchi wengi zaidi wafaidike nao. Serikali inayaafiki mapendekezo hayo na inayafanyia kazi. Ni makusudio yetu kuwa katika bajeti ijayo tutatenga fedha zaidi katika Mfuko huu. Tutaendelea kutumia mpango wa dhamana kwa mabenki ili kuongeza fedha za uwezeshaji. Aidha, tutauboresha mfuko huu na mingineyo yote ya uwezeshaji kiutendaji na kifedha ili watu wetu wengi waweze kunufaika nayo. Tutatengeneza mfumo maalum utakaowawezesha vijana wengi zaidi kunufaika.

Ndugu Wananchi;

Naelewa kuwa upo utaratibu unaozitaka Halmashauri za Wilaya na Miji kutenga asilimia 10 ya mapato ya ndani kwa ajili ya mikopo ya wanawake na vijana. Utekelezaji wa utaratibu huu umekuwa ukisuasua. Napenda kutumia nafasi hii kuzikumbusha Halmashauri zote nchini kuhakikisha kuwa zinatekeleza agizo hilo bila kukosa. Wakuu wa Wilaya wafuatilie utekelezaji wa agizo hili na watoe taarifa kwa Wakuu wa Mikoa kila miezi minne ambao nao watatoa taarifa kwa Waziri Mkuu.

Malimbikizo ya Madai ya Watumishi Serikalini

Ndugu Wananchi;

Katika mwaka 2011 kero ya malimbikizo ya madai ya stahili mbalimbali za watumishi wa umma wakiwemo walimu imejirudia tena. Tatizo hili nililikuta wakati naanza kazi hii na tukafanya jitihada kubwa na kulipa madeni yote. Baada ya kubaini kuwa limekuwa linajirudiarudia kila baada ya kipindi kifupi, nilitoa maelekezo kwa Halmashauri za Wilaya na Miji na Wizara za Serikali kuhakikisha kuwa tatizo hilo linakoma.

Kuhusu uhamisho nilielekeza kwamba kama Halmashauri au taasisi yoyote ya Serikali haina pesa za uhamisho, isiwahamishe watumishi wake. Niliagiza kuwa mtindo wa kuhamisha watumishi bila ya kuwa na fedha za uhamisho ukomeshwe mara moja. Nilitaka kiongozi au mhusika yeyote atakayekiuka agizo hili alipishwe yeye gharama za kumhamisha mtumishi huyo. Kuhusu madai ya likizo nilielekeza kutengwe fedha za kutosha za likizo kwani mapumziko ni haki na muhimu kwa wafanyakazi. Hata hivyo kama fedha hakuna si busara kulimbikiza madeni. Uzuri wa likizo ni kuwa hazipotei. Wakati wa kustaafu siku za likizo ambazo mtumishi hakuchukua hulipwa.

Ndugu Wananchi;

Nilisema pia kwamba suala la kuwapandisha watumishi vyeo bila kuwarekebishia mishahara yao kwa wakati ni upungufu wa kiutendaji ambao ni lazima ukomeshwe mara moja. Kupandishwa watumishi vyeo ni mpango unaoeleweka na siyo jambo la dharura wala ajali. Kwa mujibu wa utaratibu wa Serikali, mtumishi hupandishwa cheo kwa misingi miwili. Kwanza, kutimiza masharti ya muundo wake wa utumishi, na pili, kuwepo kwa fedha kwenye bajeti ya Wizara au Idara husika kwa madhumuni hayo. Hivyo iweje leo mtu apandishwe madaraja bila kulipwa mshahara stahiki? Hili halieleweki na wala halikubaliki.

Ndugu Wananchi;

Niliagiza viongozi wa Wizara zote na Halmashauri kuhakikisha kuwa watumishi wote wanapandishwa vyeo wakati wao ukiwadia na wanalipwa stahili zao kwa wakati. Hali kadhalika, madeni ya malimbikizo ya mafunzo hayawezi kuwepo kama utaratibu wa serikali wa mafunzo ungefuatwa. Chini ya utaratibu huo mambo matatu hupaswa kuzingatiwa. Kwanza, mpango wa mafunzo wa Wizara, Idara au Taasisi. Pili, watumishi wanaohitaji mafunzo kuingizwa kwenye mpango wa mafunzo wa taasisi husika. Tatu, kutenga fedha za kugharamia mafunzo hayo. Kama fedha haikutengwa, mtumishi hawezi kwenda kusoma. Mtumishi anayejiendeleza nje ya mpango huo atafanya hivyo kwa gharama zake mwenyewe.

Sasa madeni hayo ya mafunzo yanatoka wapi? Kama wako watendaji wanaowaruhusu watumishi walio chini yao kwenda kusoma bila kutengewa fedha kwenye bajeti wawajibishwe ipasavyo.

Ndugu Wananchi;

Baada ya hotuba yangu ya Februari, 2009 na Serikali kulipa takriban shilingi bilioni 64 kwa madai ya walimu mwaka huo, bado Serikali ililipa tena shilingi bilioni 29.8 kati ya Julai 2010 na Oktoba 2011. Hivi sasa nimeambiwa tena kuna madai mapya yaliyofikia shilingi bilioni 52.7. Sina tatizo na madai yanayostahili kulipwa na najua kwamba shilingi bilioni 22.5 zimetolewa na kati ya hizo shilingi bilioni 19.2 zimekwishapelekwa kwenye Halmashauri husika na shilingi bilioni 3.3 ni kwa ajili ya waajiriwa wa Wizara. Zilizobakia zitalipwa kwenye mishahara yao.

Bado ningependa kujua imekuwaje tena kuwe na malimbikizo makubwa kiasi hiki. Mambo haya tulikwishaelewana kuhusu namna ya kuepuka malimbikizo. Kulikoni? Je lini tabia hii ya kulimbikiza madeni itakoma? Nataka majibu toka kwa wahusika.

Ndugu Wananchi;

Hivi karibuni tumelijadili suala la ajira na huduma kwa walimu. Tumegundua kuwa zipo mamlaka kadhaa zinazohusika na ajira na masuala ya walimu na kwamba huenda inachangia kasoro hizi zinazojitokeza. Tumeelewana kuhusu kulitafutia ufumbuzi wa kudum wa suala hilo mapema iwezekanavyo. Labda itasaidia. Naamini baada ya muda si mrefu tutakuwa tumepata jawabu litakaloturidhisha sote. Serikali na walimu ili tuondokane na misuguano isiyokuwa ya lazima.

Mahusiano ya Kimataifa

Ndugu Wananchi;

Katika medani ya Kimataifa mwaka 2011, Serikali iliendelea kutetea na kuendeleza maslahi ya Tanzania nje ya nchi. Mahusiano yetu na mataifa na mashirika ya kikanda na kimataifa yamezidi kuimarika. Ahadi yetu katika mwaka 2012 ni kuendeleza juhudi hizo maradufu kwani nchi yetu inanufaika sana kwa ajili hiyo.

Washirika wetu wa maendeleo wameendelea kutuunga mkono, kututia moyo na kutusaidia katika juhudi zetu za kujiletea maendeleo. Tunawashukuru sana kwa ushirikiano mzuri na misaada yao na tunawaahidi kuitumia vizuri misaada hiyo.

Sensa

Ndugu Wananchi;

Katika kumalizia hotuba yangu nataka kuzungumzia mambo mawili. Jambo la kwanza ni Sensa ya Watu na Makazi itakayofanyika Jumapili ya tarehe 26 Agosti, 2012. Hapa nchini tumekuwa na utaratibu wa kufanya sensa kila baada ya miaka 10, na mara ya mwisho ilikuwa mwaka 2002.

Kufanya Sensa ya Watu na Makazi ni jambo lenye umuhimu wa kipekee kwa taifa. Takwimu na taarifa zitakazokusanywa husaidia taifa katika kupanga mikakati na mipango yake ya maendeleo. Aidha, husaidia Serikali kupima mafanikio ya programu zake mbalimbali za Maendeleo. Husaidia pia kujipanga vizuri katika kufanya mambo yake.

Ndugu Wananchi;

Maandalizi ya kufanyika kwa sensa hiyo yanaendelea vizuri. Maelekezo yanatolewa na yataendelea kutolewa kuhusu namna itakavyofanyika na wajibu wa kila mmoja wetu. Ninawaomba Watanzania wenzangu msikilize maelezo na maelekezo hayo. Pia naomba nyote muhifadhi na kuikumbuka tarehe hiyo ili siku hiyo mtu asikose kuhesabiwa. Mwisho, naomba kila mmoja wetu awepo kuhesabiwa siku hiyo.

Vitambulisho vya UTaifa

Ndugu Wananchi,

Jambo la pili ni vitambulisho vya uraia. Hatimaye azma ya tangu Uhuru ya kila mwananchi kuwa na kitambulisho cha uraia tumeweza kuanza kuitimiza. Mwezi Desemba mwaka 2011, mchakato wa utoaji wa vitambulisho vya uraia umeanza. Mchakato huu ambao ni wa miaka mitatu umegawanyika katika awamu nne kila moja ikihusisha makundi mbalimbali.

Awamu ya kwanza imeanza na watumishi wa Dar-es-Salaam na Zanzibar na vitambulisho vyao vitatolewa wakati wa sherehe za Muungano mwezi Aprili 2012. Baada ya hapo zitafuta awamu nyingine. Nawasihi wananchi wenzangu mjiandae kwa kutayarisha nyaraka muhimu zitakazohitajika kwa ajili ya kufanikisha zoezi hilo. Aidha, naomba kutoa tahadhari kwamba watumishi watakaohusika na zoezi hili wawe waadilifu. Sitapenda kuona au kusikia vitambulisho vinatolewa kwa watu ambao hawastahili kuvipata. Ni wajibu wao kujiridhisha na nyaraka zinazowasilishwa na wananchi na kama watakuwa na mashaka ni vyema kuwasiliana na taasisi husika kwa uthibitisho zaidi.

Hitimisho

Ndugu Wananchi; Watanzania Wenzangu;

Wakati tunapojiandaa kuanza mwaka mpya hapo kesho, napenda kuwahakikishia kuwa mimi na wenzangu Serikalini tumedhamiria kwa dhati kuwatumikia kwa moyo wetu wote na kwa nguvu zetu zote. Tutajitahidi kwa kadri ya uwezo wetu na vipaji alivyotujaalia Mwenyezi Mungu kushirikiana nanyi katika kutafuta ufumbuzi wa kudumu wa changamoto zinazolikabili taifa letu na watu wake. Naamini kwa pamoja na ushirikiano tutaweza, kila mtu atimize wajibu wake.

Baada ya kusema hayo, nawatakieni nyote heri na fanaka tele katika mwaka mpya 2012. Sote tusherehekee kwa amani na utulivu.

Mungu Ibariki Afrika;

Mungu Ibariki Tanzania.

Asanteni kwa kunisikiliza.

Ibada ya kumuaga Ndg. Steina Mrema

noreply@blogger.com (Mzee wa Changamoto) — Thu, 29 Dec 2011 01:17:00 +0000

Ndugu, jamaa na marafiki tunaombwa kujumuika pamoja katika misa ya kumuaga ndugu yetu,mwenzetu,Mtanzania mwenzetu na rafiki yetu mpendwa Steina Mrema. Misa hii itafanyika siku ya Ijumaa Desemba 30, 2011 kuanzia saa tisa na nusu alasiri (3:30 PM) na baadae kuaga mwili wa marehemu katika kanisa la Cathederal Of Praise, Lanham, Maryland.

Anwani itakapofanyika misa hii ni :

10110 Greenbelt Road,

Lanham, MD 20706

Tunahimizwa kuzingatia muda, na pia kuarifu wenzetu.
BARAKA KWENU

Maendeleo ya msiba wa Steina Mrema

noreply@blogger.com (Mzee wa Changamoto) — Tue, 27 Dec 2011 05:26:00 +0000

Video Credits: Swahili Villa blog
Ndugu, jamaa na marafiki bado tunaombwa kujitokeza na kujitoa ili kufanikisha safari ya mwisho ya ndugu yetu Steina Mrema.

Mpaka sasa, michango iliyokusanywa na wakazi wa DMV ni $ 5,000 na wakazi wa majimbo ya PA na DE wameweza kukusanya kiasi cha $4,000. Gharama za jumla kwa ajili ya kuhifadhi na kusafirisha mwili ni $15,000.
Kwa gharama hizo, bado zinahitajika $6,000.
Ndugu zetu, chochote ulichonacho kitasaidia kutufikisha karibu na lengo letu

Kwa wakazi wa DMV, tunaombwa tufike College park kusaidia kuchangia kwa kadri ya uwezo wetu. Ni utu na moyo wa kuwezesha ndugu, jamaa na marafiki wa Marehemu kumpumzisha karibu nao

Anwani ni
9005 LOCUST SPRING DR,
COLLEGE PARK, MD 20740.

Kwa Watanzania waliombali na MD,PA, mnaweza kuchangia kwa akaunti iliyofunguliwa kuwezesha hili. Akaunti hiyo imefunguliwa katika Bank ya Wells Fargo.
Jina Elimchili Lyaro,
routing number 055003201
account number 7015276038 .

Msiba huu ni wetu sote, UMOJA, MSHIKAMANO NA USHIRIKIANO WETU, ndio utakaowezesha na hatimae kufanikisha kuusafirisha mwili wa Ndugu, rafiki, Jamaa, na mTanzania mwenzetu Steina Mrema nyumbani Tanzania kwa mazishi,
SISI TULIMPENDA STEINA LAKINI MWENYEZI AMEMPENDA ZAIDI, JINA LAKE LIHIMIDIWE.

Kwa wakaazi wa PA msiba upo:
626 BRIDGE STREET,
COLLEGE, PA 19426.

KWA MAELEZO ZAIDI NA MAELEKEZO TAFADHALI PIGA SIMU:
STELLA NDOSSI- 302 377 3214
EDNA IWEKAMA-484 334 5607
ELIMCHILE LYARO-610 331 9164
VICTOR RWEHUMBIZA-302 740 2844
RASHIDI MKAKILE -240-938-3177
STEPHANO MHINA - 240-550-4962
GEORGE MWASALWIBA- 240-533-6941
EMMANUEL NNKO - 202-460-8638

CHEMSHA AKILI......!

noreply@blogger.com (Mzee wa Changamoto) — Mon, 26 Dec 2011 10:15:00 +0000

Nguo inauzwa sh. 10,000 we huna pesa, ukaamua kukopa kwa dada yako sh.5000 na kwa kaka sh.5000 ukapata sh.10,000. Uloenda kununua hiyo nguo ukaomba upunguziwe ukauziwa kwa 9700/= ukarudishiwa sh.300. Ukaamua kupunguza deni ukatoa sh.100 kwa kaka na sh.100 kwa dada. Ukabakiwa na sh.100. Hivyo ikawa una deni kwa kaka sh.4900 na dada sh.4900. Ukijumlisha ya kaka 4900 na dada 4900 unapata 9800 ukiongeza na ile sh.100 uliyobaki nayo inakuwa 9900. Je? sh.100 imekwenda wapi?

Nova Kambota
www.novakambota.com

Heri ya KRISMAS kwenu nyote

noreply@blogger.com (Mzee wa Changamoto) — Sun, 25 Dec 2011 12:02:00 +0000

God is Love

Christmas is all about love

Christmas is thus about God and Love

Love is the key to peace among all mankind

Love is the key to peace and happiness within all creation

Love needs to be practiced - love needs to flow - love needs to make happy

Love starts with your partner, children and family and expands to all world

God bless all mankind

From Kriyayoga.com

WASH THE TEARS.....Gramps Morgan

noreply@blogger.com (Mzee wa Changamoto) — Fri, 23 Dec 2011 03:00:00 +0000

"In this time of destruction, we must hold on firm, we got to get along.....
WE KNOW WE MUST WIN THE FIGHT.....
WE KNOW THAT JAH IS THE BEST OVER TRIALS AND TRUBULATIONS...."Gramps Morgan
Ni mwisho wa mwaka sasa. Mwisho ambao umekuja na yake ya kusikitisha. Kwa wakazi wa Dar Es Salaam wamekumbwa na maafa ambayo yamevunja rekodi. Taswira zilizoonekana kusikitisha saana. Napiga picha ya wale waliopo huko.

Kuna mengi ya kuongea kuhusu hili, na tutayajadili baadae kidogo. Kwa sasa ni kuungana na waathirika wote wa janga hili katika kuwafariji na kuwasaidia.

Kwa wale wooote mlioathirika kwa mafuriko yaliyotokea, naamini MUNGU ATAWAFUTA MACHOZI KATIKA WAKATI HUU AMBAO TUNA MAGUMU HAYA YALIYOTUKUMBA.

Kama alivyoimba Gramps Morgan, ni Mungu pekee wa kutufuta machozi asemapo "JAH shall wash away all the tears from my eyes. In times when the storm and the tides are raging high. We know we shall win and we'll survive....JAH SHALL WASH AWAY ALL THE TEARS"
Karibu tumsikilize Ijumaa hii akitufariji na wimbo huu WASH THE TEARS.

**Them, I & Them ni kipengele kikujiacho kila Ijumaa kinachoelezea kazi za wasanii (Them) kulingana na maono yangu (I) kwa ajili na manufaa ya hadhira (Them)**
Kwa nyimbo zaidi ndani ya kipengele hiki bofya hapa.
IJUMAA NJEMA

MSIBA WASHINGTON DC & PENNSYLVANIA

noreply@blogger.com (Mzee wa Changamoto) — Thu, 22 Dec 2011 07:33:00 +0000

TUNASIKITIKA KUTANGAZA MSIBA WA NDUGU YETU STEINA MREMA ALIYEFARIKI LEO ASUBUHI DECEMBER 21, 2011 SAA 12:54(6:54 AM),

MSIBA UPO NYUMBANI KWA ELIMCHILE LYARO

ADDRESS
626 BRIDGE STREET,
COLLEGE, PA 19426.

JIMBO LA MARYLAND, UPO NYUMBANI KWA BWANA RASHIDI

9005 LOCUST SPRING DR,
COLLEGE PARK, MD 20740.

NDUGU ZANGU WATANZANIA, MSIBA HUU NI WETU SOTE, NDUGU,MARAFIKI,JAMAA NA WATANZANIA WOTE TUNAOMBWA TUUNGANE SOTE TUPANGE MIPANGO YA JINSI GANI NA HATIMAE KUWEZESHA KUUSAFIRISHA MWILI WA MAREHEMU TANZANIA KWA MAZISHI.

KWA MAELEZO ZAIDI NA MAELEKEZO TAFADHALI PIGA SIMU:
STELLA NDOSSI- 302 377 3214
EDNA IWEKAMA-484 334 5607
ELIMCHILE LYARO-610 331 9164
VICTOR RWEHUMBIZA-302 740 2844
RASHIDI MKAKILE -240-938-3177
STEPHANO MHINA - 240-550-4962
GEORGE MWASALWIBA- 240-533-6941
JOSHUA JONATHAN - 703-932-5150
EMMANUEL NNKO - 202-460-8638

TUTAZIDI KUWATAARIFU MAENDELEO YA MSIBA HUU ZIKIWEMO GHARAMA ZA KUMSAFIRISHA MAREHEMU NYUMBANI TANZANIA KWA MAZISHI MARA TU ZITAKAPOJULIKANA.

RAHA YA MILELE UMPE EE BWANA NA MWANGA WA MILELE UMUANGAZIE...MUNGU AIBARIKI NA KUILINDA FAMILIA YA STEINA MREMA, AWAPE FARAJA NA KUWATIA NGUVU KATIKA KIPINDI HIKI KIGUMU....BWANA AMETOA NA BWANA AMETWAA, JINA LAKE LIHIMIDIWE

Kwa ndugu zetu wa Dar Es Salaam....POLENI SANA

noreply@blogger.com (Mzee wa Changamoto) — Wed, 21 Dec 2011 23:19:00 +0000

May the comfort of God help you during this difficult time.
Labda hatuoni na kuumizwa na yanayotokea kwao kwa kuwa HATUKO NAO.
Labda hatuhisi uchungu wa kinachotokea kwa kuwa HATUJAPOTEZA NDUGU.
Labda hatuoni kuwa twaweza kusaidia kwa kuwa TWADHARAU NGUVU ZILIZOMO NDANI MWETU (maombi).
Labda tunajisahaulisha kuwa ni wenzetu kwakuwa HATUWAFAHAMU.
Labda tunaona ni namba ndogo kwa kuwa TWAWACHUKULIA KAMA TAKWIMU.
Lakini ndugu zangu na wasomaji wa blogu hii, tuna tunaloweza kuwasaidia ndugu hawa.
HATA MAOMBI TU YANATOSHA KUWASAIDIA.
Hali ya Dar Es Salaam ni mbaya saaana na kwa hakika kila mwenye kuweza kusaidia na afanye hivyo. Najua kila mmoja ana matatizo yake, na mimi nina ya kwangu. Lakini TUKIWAWEKA KATIKA SALA ZETU TUTAKUWA TUMEWASAIDIA SAAAANA.
Hakuna msaada wa mbali na usio na gharama lakini wenye nguvu kama maombi
TUWAOMBEE WATU WA DAR ES SALAAM
To all My Brothers, Sisters, Aunts and Uncles and everyone in Dar Es Salaam....... Although no words can really help to ease the loss you bear, just know that YOU ARE VERY CLOSE IN OUR EVERY THOUGHTS AND PRAYERS
Photo Credits Michuzi Blog and Single and Sane blog

ADIMIKO

noreply@blogger.com (Mzee wa Changamoto) — Mon, 19 Dec 2011 03:52:00 +0000

Amani, Heshima na Upendo kwenu waungwana.
Kwa wiki tano zijazo niko kwenye pilika m'bano kiasi. Ratiba yangu inaonekana itakuwa imebana saana na sina hakika kama ntaweza kuugawa vema muda wangu katika pilika za maisha na mchakato wa kuelisha nikielimishwa hapa "barazani".
Nasaka maisha kidoogo na ntaadimika kwa muda.
Tukingali pamoJAH

Elimu ya Uhuru, uhuru wa elimu na elimu huru

noreply@blogger.com (Mzee wa Changamoto) — Sun, 11 Dec 2011 16:29:00 +0000

SIKUISAHAU "SIKU KUU" HIINilikuwa nasubiri wamalize hii HANGOVER ya "mapato na matumizi" ya SHEREHE HIZI kisha wakishakuwa "sober" tuje kujadili namna ambavyo tutaoanisha ELIMU na UHURU.
Kama nilivyosema katika status yangu hukooo "usokitabu" na nairejea hapa chini.....
MIAKA 50 YA UHURU..........
Tunalohitaji ni MWALIMU wa kuwafuata wale waliopanga haya mashamsham ya uhuru kuhusu MIAKA 50 YA ELIMU YA UHURU ili waujue UHURU WA ELIMU na baada ya hapo wapewe ELIMU HURU ya kuwa HURU KIELIMU kuweza kuleta maendeleo nchini.
NAWAZA KWA SAUTI TUUUU!!!!!!

TUKUTANE "NEXT IJAYO" TUTAKAPOJADILI HILI.

FEEL IRIE...Lucky Dube

noreply@blogger.com (Mzee wa Changamoto) — Fri, 09 Dec 2011 03:00:00 +0000

Ni KAWAIDA kwa binadamu anapopata shida kujiona kama aliyefika mwisho wa maisha, kama aliyeumbuka na kusahauliwa na Mungu, kama asiye na thamani na ambaye haoni pa kwenda. Ni wakati huu huu ambapo BINADAMU husahau uwezo halisi ulio ndani mwake unaomuwezesha kukabiliana na matatizo anayokumbana nayo.
Binadamu wa "kisasa" HAWATAFUTI NGUVU ILIYO NDANI MWAO ambayo inaweza kuwa SULUHISHO HALISI, ASILIA NA NAFUU kwa maisha yao.
Ndio maana mtu akiumwa kichwa (hata kama ni kwa kufikiria sana ama kutopata mapumziko ya kutosha ama kwa kufanya kazi sana) anakimbilia vidonge badala ya kutafuta CHANZO CHA TATIZO. Na kushindwa kwetu kutatua CHANZO CHA TATIZO ni CHANZO CHA MATATIZO MENGINE. Mfano, kuwaza kitu usicho na suluhisho nacho na kuendelea kuumizwa nacho kwaweza kukusababishia msongo wa mawazo (stress), vidonda vya tumbo (Ulcers) na matatizo mengine mengi kama kupungua uzito na kudhoofika kwa ujumla.
Leo hii tunaye Lucky Dube ambaye anaimba akiusiana na mtu ambaye amemkuta akilia kutokana na UGUMU WA MAISHA.
Anaanza kwa kumuuliza muda atakaoendelea KUBEBA mzigo alionao moyoni (ambao ni kama hana suluhisho nao). Anamuuliza ni muda kwa gani ataendelea kulia na kutiririsha machozi? Anamwambia sote tuna matatizo na haijalishi tunajitahidi kiasi gani kuepukana nayo bado yatatufuata. (How long shall you carry that burden on your shoulders? How long shall those tears keep running down your beautiful face? We all have troubles now and again, know what I'm saying? No matter how hard we try, trouble will find us one way or another.)
Na anaendelea na mtindo wake wa kutumia "mifano-hai-mifu" (ambayo ameitumia katika nyimbo nyingi) kumuonesha kuwa si yeye wa kwanza kuwa na matatizo kwani "watu wamekuwa na matatizo tangu Papa akiwa "mtumishi" kanisani, na watu wamekuwa na mashaka tangu ile "bahari mfu" ikiwa mahututi". (People had troubles since the POPE was an altar boy.People had worries from when the Dead Sea was only critical)
Na hiyo yote ni kumdhihirishia azungumzaye naye kuwa MATATIZO SI YAKE PEKEE NA YEYE SI WA KWANZA NA HATAKUWA WA MWISHO.
Na anazidi kumhakikishia kuwa "hakuna binadamu anayeweza kuikimbia hofu ya matatizo kwani ni sehemu ya ukamilifu wa ubinadamu wetu hivyo yatapata namna ya kujidhihirisha maishani mwetu" hivyo si jambo la ajabu kukumbana nayo.
Mwisho anampa suluhisho kuwa ANZA KUTABASAMU NA USIACHE MATATIZO (yaliyo nje ya uwezo wako) YAZUIE UKUAJI WAKO.
Basi tutambue kuwa katika wakati huu wa mkanganyiko wa uchumi na matatizo ya ajira, ndoa, pesa, afya, kazi na mengine mengi, TUNA NAFASI YETU NA NAFASI YA WENZETU. Kwa tunaloweza kuwa na suluhisho HALALI basi tulitafute, na kwa yale ambayo hatuna namna ya kuyabadili, basi tuyaache kwa wenye dhamana huku tukiendelea kuboresha maisha yetu kwa FURAHA ILIYOSALIA kwani ni makwazo, hofu na matatizo ni sehemu ya maisha yetu, tukiyaendekeza hatutaishi vema kwani hayataisha.
Msikilize ukimsoma Lucky katika FEEL IRIE

How long shall you carry that burdain on your shoulders
How long shall those tears keep running down your beautiful face?
We all have troubles now and then, know what i'm saying.
No matter how hard you try trouble will find us one way or the other

People had troubles since the pope was an altharboy,
peolple had worries from when the dead sea was only critical

Hear those drums rollingand listen to those guitarsskanking

CHORUS
Put a smile on your face don't let the troubles get you down..shoop shoop doooo
Let me tell you how it feels ... we feel irie...irie we feel irie.......irie...we feel irie..irie
we feel so irie...irie

Do you feel like we do? (tell me) do you feel like we do? (I say) do you feel like we do?

No man can hide from his fears since they are bother him (?)they always know where to find him.
Come on walk tall and keep your head high. I tell you again and again...

CHORUS

**Them, I & Them ni kipengele kikujiacho kila Ijumaa kinachoelezea kazi za wasanii (Them) kulingana na maono yangu (I) kwa ajili na manufaa ya hadhira (Them)**
Kwa nyimbo zaidi ndani ya kipengele hiki bofya hapa.
IJUMAA NJEMA

Labda UNYOOFU si suluhisho la kutufikisha kila tunakotaka kwenda......

noreply@blogger.com (Mzee wa Changamoto) — Tue, 06 Dec 2011 05:00:00 +0000

.......... japo twatumia unyoofu kama kielelezo cha kuelekea mafanikioni.Labda waTanzania tu-wanyoofu saana ilhali Tanzania yetu imeshapinda. Ndio maana ni kama twaendesha ki-ajali ajali
Labda Rais Kikwete yu-mnyoofu ilhali serikali na Tanzania yake imepinda. Ina maana hatatufikisha
Labda twajitahidi kuwaza ki-nyoofu ilhali suluhisho la mawazo hayo tayari limepinda. Ndio maana matokeo ni kutofika tutakako
LABDA HATUWAZI KULINGANA NA MAZINGIRA NA LABDA ILI TUSONGE MBELE, TWAHITAJI DEREVA ANAYEONA BARABARA IMEPINDA NAYE AKAPINDA KULINGANA NA BARABARA HIYO ILI TUFIKE TUENDAPO.
NAWAZA KWA SAUTI TU!!!!!!!

Nawaombea viongozi wapate ajali kama zetu, wahisi maumivu yetu, watatue tatizo letu na kuokoa maisha yetu.

noreply@blogger.com (Mzee wa Changamoto) — Sat, 03 Dec 2011 20:25:00 +0000

Photo Credits:Orlando Grace Church
Mafunzo ya imani yanatufundisha ama kutuelekeza kuwa BINADAMU WOTE NI SAWA.
Ni kuwa licha ya tofauti zetu za mali, rangi, imani, pesa, kimo, kabila nk bado tu-sawa na TUNA UHAI ULIO SAWA.
Lakini HILI SI KWA WATAWALA wetu. Tumejengewa TOFAUTI KUBWA SANA KATI YA UHAI WA MTAWALA WETU NA MWANANCHI WA KAWAIDA. Uhai wa hawa wajiitao VIONGOZI umeonekana kuwa na thamani sawa na makumi, mamia na ama maelfu ya wananchi wanaowaongoza. KIFO CHA KIONGOZI NI KIFO, LAKINI CHA MWANANCHI NI TAKWIMU (hata kama wote wamekufa kwa sababu inayofanana). Ndio maana awapo kiongozi hata shughuli za nchi zitasimama, japo ili zisimame kwa mwananchi, lazima liwe JANGA LA KITAIFA.
Na ndio maana thamani ya mwananchi wa kawaida haionekani katika mikakati ya serikali kujali uwepo wao. Kwa maana nyingine ni kuwa VIONGOZI WETU HAWATUJALI.
Tumeshuhudia namna ambavyo watawala wa nchi mbalimbali wanavyotumia maelfu ya maisha ya wananchi wao KUKINGA NAFASI NA MAISHA YAO.
TATIZO la ajali kwa TANZANIA si tatizo la jana wala juzi. Si tatizo ambalo tunaona likipata unafuu wowote na hasa siku ama nyakati hizi za mwisho wa mwaka ambapo wasafiri huongezeka, wenye magari KUTAMANI PESA ZAIDI na wenye mamlaka ya kusimamia sheria za barabarani "KUCHUMA" ZAIDI. Wananchi KUTAMANI ZAIDI KUFIKA ilhali wakipuuza njia sahii za kuwafikisha huko nk. YOTE JUU YA YOTE, NYAKATI HIZI USALAMA HUPUUZWA NA AKILI KUWEKWA KWENYE PESA.
Na KAMA KAWAIDA ya serikali yetu, haionyeshi kuwa na mikakati madhubuti ya kupunguza na pengine kufuta ajali za kizembe, bali kitakachofuata ni SALAMU za rambirambi toka kwa viongozi. Nilisema hapa kuwa TUMECHOSHWA NA SALAAM ZENU ZA RAMBIRAMBI NA SASA HATUZITAKI. Kila salaam ya rambirambi inaambatana na ONYO KALI KWA WATENDAJI kuhakikisha kuwa ajali zinapungua ama kushughulikiwa, lakini hakuna tofauti. Kwenye salaam zake za mwanzoni mwa mwaka 2009, Rais Kikwete alisema "hatuwezi kuvumilia kutokea kwa ajali hizi wakati mamlaka zenye dhamana ya kusimamia sheria za usalama barabarani zipo. Tufanye jitihada zote zilizo ndani ya uwezo wetu kupunguza kwa kiwangi kikubwa na ikiwezekana kukomesha kabisa ajali hizi za barabarani ambazo zimeshapoteza maisha ya wenzetu wengi"
KUNA MABADILIKO GANI YA DHATI YALIYOFANYWA?
Kwa mujibu wa ripoti hii ya kwanza kutolewa na Shirika la Afya la Umoja wa Mataifa (WHO) kuhusu hali ya dunia katika usalama wa barabarani, watu milioni 1.3 hufa kila mwaka na kati ya milioni 20 na 50 hupata majeraha makubwa katika ajali. Na kwa mujibu wa TAKWIMU HIZI KAMILI juu ya ajali hizo, Tanzania inayokadiriwa kuwa na watu takriban milioni 40.4 inapoteza watu (wanaoripotiwa) 34.3 katika kila watu 100,000 kutokana na ajali za barabarani. Hii si idadi ndogo hata kidogo na hasa ikizingatiwa kuwa asilimia kubwa ya ajali hizi zingeweza kuepukika kama serikali ingeweka mkakati mzuri wa kukabiliana na tatizo hili.
Baraza la mawaziri lililotangazwa Novemba 2010 lilikuja na utata wa nani atakayekabiliana na suala la ajali, na kwa kuwa HAKUNA aliyekubali kutekeleza OMBI HILI lililowataka MAWAZIRI WAORODHESHE WATATENDA NINI, VIPI NA KUFIKIA LINI, bado swali linabaki palepale kuwa "Ni nani atakayechukua jukumu la kushughulikia kuzuia ajali na kuratibu usalama wa wananchi? Je! Ni Wizara ya Ujenzi (Barabara na Uwanja wa Ndege), Wizara ya Uchukuzi (Reli, Bandari, Usafiri Majini) ama Wizara ya Usalama wa Raia (ambayo hata sijui imekuwa "faded" ndani ya wizara ipi? Ama ni wizara gani?)"
Leo hii bado tunasikia vifo vingi vitokeavyo kutokana na ajali ambazo bado twaamini nyingi zingeweza kuzuilika.
Tumezoea kusema AISIFIAYE MVUA IMEMNYEA. Kweli, na mimi MVUA YA AJALI ILININYEA. Lakini tusisahau kuwa si kila aina ya mvua ikunyesheayo hukupa nafasi ya pili ya kukauka na kuwa kama ambaye hakuguswa nayo. Kuna masimulizi ambayo huwakuta watu walionyeshewa na mvua hizo ambayo wanatamani wasingekuwa wasimuliaji wa habari ama hali hizo na licha ya juhudi zao za hali na mali katika kuhakikisha hatupitii yale wapitiayo wao, bado twapuuza na matokeo yake ni sisi kuteketea.
TUSISUBIRI MVUA YA AJALI ITUNYESHEE KWANI HATA TUKIPONA, HATUTAKUWA KAMA TULIVYOKUWA AWALI.
Kwa kumbukumbu niliyonayo, mara ya mwisho niliposikia serikali ikionekana kuamka na kuzungumzia tatizo la ajali kwa namna ya suluhisho ni pale lilipohusisha WAHESHIMIWA. Na kwa hakika tuliona mabadiliko kidogo mpaka walipoonekana kuwa salama TUMEREJEA KWENYE KULIPUUZIA.
Hili linanifanya niamini kuwa serikali haioni tatizo la ajali kwa waTanzania mpaka pale litakapowahusisha viongozi, na ndio maana sasa natamka wazi kuwa NAWAOMBEA VIONGOZI WAPATE AJALI KAMA ZETU, WAHISI MAUMIVU YETU, WATATUE TATIZO LETU NA KUOKOA MAISHA YETU.

Msiba wa Mama yake Mfalme Mrope

noreply@blogger.com (Mzee wa Changamoto) — Sat, 03 Dec 2011 11:24:00 +0000

Mama wa Kaka, Rafiki na bloga mwenzetu Addson Omari (Je! Huu ni uungwana blog) amefariki. Kwa mujibu wa Kaka Addson (pichani juu), Mama Shamsa binti Hassan alifariki nyumbani Tanzania jana tarehe 2/12/2012 na kuzikwa siku hiyo hiyo. Habari za kisomo na dua zitawajia baadae kidogo.
Blogu hii ilifanikiwa kuungana na bloga wengine Sunday Shomari (Sunday Shomari blog), Ebou Shatry (Swahili Villa blog), Dj Luke Joe (Vijimambo blog) na Da Yasinta "Kapulya" Ngonyani (Maisha na Mafanikio blog) kuwasiliana naye na kumfariji Kaka yetu kwa msiba huo.
Kaka Addson pia anapatikana kupitia simu ya mkononi namba +1 301 222 7739.
Pichani (L-R) ni Kaka Sunday Shomari akiwa na binti wa Addson aitwaye Naima (huyu aliyonionyesha jana ni post tosha. Itakuja baadae), Kaka Ebou Shatry, Kaka Addson nami tukiwa nyumbani kwa mfiwa Baltimore Maryland kuungana naye katika kusherehekea na kuenzi maisha ya Mama yake mpenzi.
Rafiki yangu Glorie Ngahyoma alisema "Death leaves a heartache no one can heal, love leaves a memory no one can steal"
Nami nakubaliana naye. La kukumbuka ni kuwa PANAPO MAJAALIWA, TUTAONANA TENA.
Kama alivyosema Beres Hammond katika wimbo I'ii Live again, naamini sote tutaonana tukimtegemea Mungu mkarimu na msamehefu.

Bwana alitoa, na sasa ametwaa. Mapenzi yake yatimizwe
Picha kwa hisani ya Kaka Sunday Shomari.

Truth Will Reveal.......Nasio Fontaine

noreply@blogger.com (Mzee wa Changamoto) — Fri, 02 Dec 2011 10:00:00 +0000

"You see their faces but you never know their thoughts,
.. you see their actions but you never know their reactins,
Time and Time-alone will prove the story and every eye will see,
TRUTH WILL REVEAL" NASIO FONTAINE
Photo Credits: Global Publisher
Nimekuwa kimya kuhusu sakata zima la KATIBA kwa kuwa nilihisi kilichokuwa kikiendelea kingekuwa MARADHI kwangu. Lakini leo nimeona nijikite kuoanisha DARUBINI hii ya mmoja wa wakali wa muziki wa reggae duniani na hili. Nakumbuka punde baada ya Mhe. Rais kutangaza kuwa mwaka huu utakuwa mwaka wa mchakato wa katiba, NILIHOJI HAPA kuhusu utekelezaji wa suala hili. Rais kwa kauli yake alisema ".. Jambo la nne ambalo tulilokubaliana kufanya ni kuanzisha mchakato wa kuitazama upya Katiba ya Nchi yetu kwa lengo la kuihuisha ili hatimaye tuwe na Katiba inayoendana na taifa lenye umri wa nusu karne." kisha akaendelea kusisitiza akisema "Ndugu Wananchi;
Ndiyo maana tukaamua kuanzisha mchakato huu na kwa ajili hiyo, nimeamua kuunda Tume maalum ya Katiba, yaani Constitutional Review Commission. Tume hiyo itakayoongozwa na Mwanasheria aliyebobea, itakuwa na wajumbe wanaowakilisha makundi mbalimbali katika jamii yetu kutoka pande zetu mbili za Muungano. Jukumu la msingi la Tume hiyo litakuwa ni kuongoza na kuratibu mchakato utakaowashirikisha wananchi wote bila kubagua, vyama vya siasa, wanasiasa, wafanyabiashara, asasi za kiraia, mashirika ya dini, wanataaluma na makundi mbalimbali ya watu wa nchi yetu kote nchini, katika kutoa maoni yao juu ya wayatakayo kuhusu Katiba ya nchi yao.
Baada ya kukamilisha kukusanya maoni,Tume itatoa mapendekezo yake yatakayofikishwa kwenye vyombo stahiki vya Kikatiba kwa kufanyiwa maamuzi.Baada ya makubaliano kufikiwa, taifa letu litapata Katiba mpya kwa siku itakayoamuliwa ianze kutumika.
Ndugu Wananchi;
Ni matumaini yangu kuwa mchakato huo utaendeshwa vizuri, kwa amani na utulivu kama ilivyo sifa ya nchi yetu na mazoea yetu ya kujadiliana bila kugombana. Wananchi watapewa fursa ya kutosha ya kutoa maoni yao kwa uhuru na pawepo kuvumiliana kwa hali ya juu pale watu wanapotufautiana kwa mawazo. Pasiwepo kutukanana, kudharauliana, kushutumiana, kubezana, kuzomeana wala kushinikizana. Naomba washiriki waongozwe kwa hoja badala ya jazba. Tukiwa na jazba, hasira na kushinikizana kamwe hatutaweza kutengeneza jambo jema. Na inapohusu Katiba ya Nchi itakuwa hasara tupu. Haitakuwa endelevu na kulazimika kufanyiwa marekebisho mengi mwanzoni tu baada ya kutungwa.
Nawaomba Watanzania wenzangu wenye maoni yao wajiandae kushiriki kwa ukamilifu katika mchakato huu. Katoeni maoni yenu mazuri yatakayowezesha nchi yetu kuwa na Katiba itakayokidhi matakwa yetu ya sasa na ya miaka 50 ijayo.""
Na haya niliyapenda kwa kuwa yalisemwa kuoneysha kuwa YANGEHUSISHA wananchi kwa asilimia kubwa. Na hii ilikuwa ni hotuba ya kuuaga mwaka 2010 na kuukaribisha 2011. Japo sikukubaliana na wazo la tume, na Wizara na mengine kadhaa, nikaona ni vemakusubiri kitakachotoea. Na wiki hii tumeona madhara ya kuamini kauli za wanasiasa. Baada ya kile kilichoitwa "MAZUNGUMZO YA KIHISTORIA" baina ya Mhe. Rais Kikwete na viongozi wa chama kikuu cha upinzani nchini CHADEMA, wengi waliamini kuwa kungekuwa na ushirikishwaji wa maoni ya wapinzani hao kwenye mchakato, hasa ikizingatiwa kuwa nao wana wafuasi wengi nchini na Rais alisema angependa kuona wananchi wakipewa "fursa ya kutosha" kutoa maoni yao.
Kilichofuata wote tunakijua. Hili tabasamu na muonekano wa "makubaliano" haukuakisi ukweli wa kilichotokea. Rais akatenda kinyume na mazungumzo yao, CHADEMA wakasema RAIS AMEWAUZA. Na katika kauli hiyo, Naibu Katibu mkuu wa CHADEMA Mhe. John Mnyika alikaririwa akisema "Kitendo cha Rais Kikwete kuusaini muswada huo bila ya kuupitia ni kinyume na makubaliano, jambo ambalo linatufanya tususie mchakato mzima wa kuuratibu maoni ya kwa ajili ya Katiba Mpya kupitia sheria ailiyoisaini,"
NINALOONA AMA KUELEWA NI KUWA Rais alitambua tangu awali kuwa hakuwa na mpango wa kubadilishwa mawazo na hiyo "kamati maalum" ya CHADEMA, lakini bado akaamua kukutana nao, kuchukua maoni yao na kuyaweka kando. Pesa ya wananchi ikatumika kuwakarimu Ikulu.
Kwa hiyo, USO WA RAIS HAUKUONYESHA KILICHO MOYONI mpaka maamuzi yalipotoka kuwa amesaini alichopelekewa, ambacho hakikuendana na kauli yake ya disemba 31, 2010.
Lakini NASIO mwisho ni mwa wimbo anasema "TUTAWAVUA HIZO MASK NYUSONI MWAO NA KISHA KUDHIHIRISHA UNAFIKI WAO.
Muda waja ambao tutajua ni nani aliye mtetezi wa wananchi. Kama ni Rais na mkakati wake wa katiba ama Chadema ambao nao yawezekana wanafanya UPINZANI tu na si kwa maslahi ya wananchi.
Msikilize NASIO FONTAINE katika wimbo huu...TRUTH WILL REVEAL
DONDOO: Sikia anavyoanza kwa KUWACHEKA hawa "wanafiki"

**Them, I & Them ni kipengele kikujiacho kila Ijumaa kinachoelezea kazi za wasanii (Them) kulingana na maono yangu (I) kwa ajili na manufaa ya hadhira (Them)**
Kwa nyimbo zaidi ndani ya kipengele hiki bofya hapa.

IJUMAA NJEMA

Miaka 21 baada ya kifo chake, 30 baada ya kugundulika UKIMWI...

noreply@blogger.com (Mzee wa Changamoto) — Thu, 01 Dec 2011 05:00:00 +0000

Ujumbe wake unaendelea kupuuzwa, kizazi chazidi kuteketea. Photo: MUSIC UGANDA.COM
"Today it's me tomorrow someone else
It's me and you we've got to stand up and fight
We share a light in the fight against AIDS
Let's come on out, let's stand together and fight AIDS"
Hiki ni kiitikio cha wimbo ALONE AND FRIGHTENED ambao ulibeba jina la albamu iliyozinduliwa rasmi Sept 29, 1989. Hii ilikuwa ni siku 64 kabla Philly Bongoley Lutaaya hajarejea rasmi nchini mwake Uganda (Des 2, 1989) na kufariki dunia siku 13 baadae (Des 15, 1989). Ina maana leo hii ni miaka 21, miezi 11 na siku 15 tangu amefariki, na USIA aliouimba miaka zaidi ya 21 iliyopita bado ndilo PUNGUFU KUU lililopo katika VITA DHIDI YA UKIMWI katika nchi nyingi barani Afrika.
Tuna msemo mzuuri na wa maana nchini mwetu usemao AISIFIAYE MVUA IMEMNYEA, lakini tusilokumbuka ni kuwa si kila aina ya mvua ikunyeayo hukupa nafasi ya pili ya kukauka na kuwa kama ambaye hakuguswa nayo. Kuna masimulizi ambayo huwakuta watu ambao wanatamani wasingekuwa wasimuliaji wa habari ama hali hizo na licha ya juhudi zao za hali na mali katika kuhakikisha hatupitii yale wapitiayo wao, bado twapuuza na matokeo yake ni sisi kuteketea.
Philly Lutaaya (aliyezaliwa 1951) alikuwa msanii wa kwanza mwenye umaarufu / ushawishi kuwa wazi juu ya kukumbwa na maambukizi ya virusi vya ukimwi na kisha kubadili maisha kwa kutumia kipaji alichokuwa nacho na kilichompa umashuhuri, kuweza kuielimisha jamii kuhusu JANGA LA UKIMWI na pia NAMNA ILIYO SAHIHI KWA JAMII KUPAMBANA NA MARADHI HAYO. Photo: MY HERO.COM
Tatizo la kupuuzia suluhisho halisi la matatizo kwa jamii si kitu kigeni. Tunashangazwa saana na jamii ambayo inapenda kufika 10 bila kufikiria moja na mbili. Aliloimba Philly mwaka 1989 kuwa "ni mimi na wewe tunaostahili kusimama na kupigana vita hii" lilikuwa ndilo suluhisho pekee katika kufanikisha hili.
Kwa mtazamo wa "jicho langu la ndani", naamini aliloeleza Philly ni kuwa tunahitaji kuelimishana zaidi kuhusu janga na madhara. Kuhusu ukweli wa maambukizi na namna tunavyoweza kuishi kwa upendo na kwa miaka miingi tukiwa na virusi na si UKIMWI. Kuelimishana namna ya kuwathamini na kutowatenga waathirika na kuwapa nafasi wanayostahili katika kuisaidia jamii yetu kuelimika kuhusu ugonjwa huu.
TATIZO NI SIASA ZINAPOINGIA KATIKA MAISHA YA WANANCHI.
Sasa hivi (kama alivyosema Rais mstaafu wa Marekani Ronald Regan), kila anayetetea suala la utoaji mimba ni yule ambaye mimba yake haikutolewa. Vivyo hivyo katika hili la Ukimwi. Kamati zaundwa, matumizi yapangwa na "miradi" yaanzishwa lakini waathirika wa virusi hivi wanakuwa watu wa mwisho kabisa katika mchakato mzima na wanakuwa katika upande wa kupokea maelekezo na si kupanga utekelezaji utakaowezesha kufanikisha lengo la kuzuia maambukizi.
Ni vipi tunaweza kuwa na watu wasio waathirika wakazungumzia hisia za kuwa muathirika na kupanga mikakati madhubuti ya kusaidia wengine ambao si waathirika kutofikia hisia na maisha wapitiayo wao?
Haishangazi kuwa VITA DHIDI YA UKIMWI NI MIRADI TOSHA kwani kwa asilimia kuwa yahusisha watu ambao hawana uchungu wa kweli na hawajui uhalisia wa uathirika na pia wanachukuliza vita dhidi ya ukimwi kama miradi.
Ufuatao ni ZAIDI YA WIMBO kwa kuwa ni UJUMBE TOSHA wa namna tunavyoweza kutatua tatizo la UKIMWI hapa ULIMWENGUNI.
PUMZIKA KWA AMANI PHILLY BONGOLEY LUTAAYA

Habari zaidi kuhusu Philly, bofya HAPA
SHUKRANI ZA PEKEE KWA KAKA FADHY MTANGA kwa changamoto hii
Out there somewhere
Alone and frightened
Oh the darkness
The days are long
Life in hiding
No more making new contacts
No more loving arms
Thrown around my neck

Take my hand now
I'm tired and lonely
Give me love
Give me hope
Don't desert me
Don't reject me
All I need is love
And understanding

Chorus:
Today it's me
Tomorrow someone else
It's me and you
We've got to stand up and fight
We share a light
In the fight against AIDS
Let's come on out
Let's stand together
And fight AIDS

In times of joy
In times of sorrow
Let's take a stand
And fight until the end
With open arms
Let's stand up
And speak out to the world
We'll save some lives
Save the children of the world

Let's be open
Advise the young ones
A new generation
To protect and love
Hear them singing
Playing nothing
Let's give them everything
In truth and love

Take the message
Cross the frontier
Break the barrier
We'll fight together
The doors are open
We'll lead the struggle
We won't bow down
In defeat we'll fight on

Chorus

Ndoto kama hatua...Keep on walking (II)

noreply@blogger.com (Mzee wa Changamoto) — Wed, 30 Nov 2011 16:12:00 +0000

"May be hoping for a change is a dream, may be life aint as bad as it seems, but if dreaming is the best i can do, then i'll be dreaming my whole life through" Tanya Stephens
Maneno haya ya mwanadada huyu niliyaeleza vema kwenye kipengele hiki hapa. Na kubwa hapa ni kuhusu NGUVU YA KUAMINI NA KUENDELEA KUOTA KATIKA KILE UAMINICHO.
Lakini pia nakumbuka kuwa "kichwa hiki cha post" nilishakitumia katika post hii niliyozungumzia ndoto za Dadangu Lady Jay Dee na zangu pia na kama nilivyosema katika post hiyo, ilikuwa ni MAALUM KWA NDUGU ZANGU WALIOKATA TAMAA YA KUTIMIA KWA NDOTO ZAO.
Katika maisha nimejifunza mengi sana. Na pia nimejifunza kujaribu kurejesha fikra za muunganisho wa matukio ili kuweza kuthamini pale ulipo. Na hili ni tatizo kwa wengi. Watu wengi wameshindwa kuoanisha kilichorokea na kinachotokea sasa na matokeo yake wanashindwa kuwa na FADHILA kwa wale waliowawezesha kufanikiwa walivyo (iwe ni kwa heri ama kwa shari). Niliwahi kueleza HAPA mkasa wa mfanyakazi mwenzangu ambaye nipokutana naye wiki hiyo alinieleza kuwa ANAMSHUKURU MUNGU KUWA HAKUPATA NAFASI YA PROMOTION ALIYOKUWA ANAITAFUTA KWANI KULE ALIKOTAKA KUHAMIA NDIKO WALIKOPUNGUZA WENGI NA WALIPUNGUZA WASIO NA UZOEFU NA KAMA ANGEHAMIA ANGEKUWA HANA UZOEFU WOWOTE. Sura yake ya siku hiyo ilikuwa tofauti na ile aliyokuwa nayo siku aliponiambia kuwa hajapata nafasi aliyokuwa akiiombea. Wakati ule alikuwa na huzuni saana na leo anaonekana kuwa na furaha. Anashukuru Mungu kuwa hakupata nafasi aliyokuwa akijiuliza kwanini ameikosa.
Kuna wengi ambao wako kwenye FANI sahihi lakini wanashindwa kujua ni vipi waboreshe nafasi zao za mafanikio. NA HILI NDILO NINALOTAKA KUZUNGUMZA LEO.
Jana, nilipata nafasi ya kumhoji Dr Donald Thomas. Mhandisi na mwana-anga mstaafu wa NASA ambaye amefanya kazi hapo kwa miaka 20. Na katika miaka hiyo, amekwenda safari za kwenye space mara nne na sasa ni mkurugenzi katika chuo kikuu cha Towson hapa Marekani. Nilikutana kwa mara ya kwanza na Dk Thomas miaka 3 iliyopita ambapo alikuja kazini kwetu kutushukuru kwa kazi tunayofanya ambayo ilikuwa ni muhimu kwa kuwasafirisha kwenda kwenye space. Katika mazungumzo yake akatoa historia yake na namna ambavyo ALIHANGAIKA NA KUVUMILIA kabla hajapata nafasi ya kufanya kile alichokuwa akikipenda zaidi. Ilimchukua miaka 9, alituma maombi mara nne, akaamua kuchukua madarasa ya urubani, scuba diving, kufundisha, kuongeza elimu na mengine ili kufanikisha kile alichotaka kufanya japo hakukuwa na uhakika wa hilo. Lakini aliamini katika atendalo. Habari hiyo ilinivutia saana nikaona nimualike kwenye Club yetu chuoni aweze kuzungumza na kuwahamasisha wanasayansi watarajiwa, na mwezi march mwaka 2009, alikuja chuoni na kuzungumza nasi. WATU WAKAPENDA NA KUJIFUNZA
Dr Thomas nami March 4, 2009.
Baada ya mazungumzo hayo, nilitamani saana kushirikisha wenzangu katika alichozungumza, lakini kwa bahati mbaya SIKUWEZA. Ni kwa kuwa mengi ya aliyozungumza sikuyakumbuka kwa usahihi hivyo nikaona NI VEMA KUMTAFUTA, KISHA NIMREKODI NA KUWEZA KUSHIRIKIANA NA WAPENDWA HAPA. Nilijaribu kiasi (unakumbuka HII POST?) lakini bado haikuwa rahisi. Nikaona njia sahihi ni kumpata na kumrekodi. Tangu katikati ya mwaka 2009 nimekuwa nikiwaza na kujaribu hili, lakini haikuwa rahisi, mpaka JANA (Nov 29, 2011) nilipoweza kumpata kwa mahojiano naye. Na sasa, nikiwa kama mwandishi mwanafunzi, niliweza kujua mengi ya kujiandaa na namna ya kumfanya aeleze mengi zaidi niliyotaka, nilivyotaka na kwa jamii ninayotaka kuigusa. Hili likawa UTHIBITISHO mwingine kuwa KUNA KILA SABABU KATIKA KILA KITOKEACHO. Nikimhoji Dr Donald Thomas Jumanne Nov 29, 2011
FUNZO HAPA NI KUWA kama ningemhoji mwaka niliopenda mimi, pengine nisingepata niliyopata jana, na kama yeye angepata nafasi ya kuingia NASA alipotuma maombi kwa mara ya kwanza, basi yawezekana asingekuwa bora kama alivyokuwa baada ya kuongeza elimu, ujuzi na mengine ili kujiweka sawa. Na mwisho, ni mimi ambaye sikukata tamaa kumtafuta kwa miaka miwili na nikampata na kuongea na yeye kwa kuwa HAKUKATA TAMAA kwa miaka 9 aliyokuwa akisaka nafasi ya kujiunga na NASA na nilipomuuliza wito wake kwa wanafunzi wachanga anasema WASIKATE TAMAA. Akawa kama anahimiza nilichohimiza kuwa USIKATE TAMAA.
Na kwa wewe msomaji, ambaye kwa miaka mingi umekuwa na ndoto ambayo pengine inaonekana kutokamilika.
Kama unachopenda kufanya ni halali na chema, na kama ni mapenzi halisi na ndoto ya maisha yako, basi kabla hujakata tamaa na kuachana nacho, angalia waliofanikiwa kwenye fani ama kazi uitakayo wana SIFA gani ambazo wewe hujakamilisha? Angalia unaweza kujiboresha vipi ili ufanikiwe, na kisha ongeza TALANTA uliyojaaliwa ndani mwako, UTAFANIKIWA.
Na ndio maana narejea kwenye kichwa cha post kuwa NDOTO NI KAMA HATUA.....KEEP ON WALKING
Sikiliza sehemu HII fupi kati ya saa moja la mahojiano yangu na Dr Donald. Nimeweka sehemu ya HISTORIA, HARAKATI ZAKE KUJIUNGA NA NASA, ALIVYOKATA TAMAA BAADA YA KUONA AMEKOSA NAFASI HIYO, HISIA ZAKE SIKU ALIPOPATA na mwisho WITO WAKE KWETU.
FURAHIA UKIJIFUNZA

Na ukitaka kutazama mission moja kati ya nne alizokwenda Dr Don, tazama video hii iliyoeleza kwa ufupi safari yao hiyo.

USISAHAU KUKOSOA / KUSHAURI uaminipo pana kosa ama kuhitaji ushauri. Nathamini saana hilo na ndio njia pekee ya kuniboresha.

Miaka 50 ya UHURU, DELAWARE VALLEY

noreply@blogger.com (Mzee wa Changamoto) — Sun, 27 Nov 2011 22:08:00 +0000

TANZAM (Tanzania American Community of the Delaware Valley)inawaalika watanzania wote katika maadhimisho ya miaka 50 ya Uhuru yatakayofanyika tarehe 10 December 2011 yatakayofanyika
31 BLUE HEN DRIVE
NEWARK. DE 19713.

Kiingilio ni dola 15 na muziki utakuwa chini ya Dj Master P Rwechungula.
Kwa maelezo zaidi, wasiliana na
1. Ms. Lilian Kamwani - (267) 230 6163
2. Mr. Alberto Othon – (267) 756 3564
3. Mr. Primus Muganyizi – (267) 467 7163
4. Mr. Khamza Kikula – (215) 740 3287

Alberto Othuon
Katibu, TANZAM
www.tanzam.org