cheka na kitime teh teh teh teh

OYAA NIMEJIUNGA NA FREEMASON MSINITAFUTE

2022-10-12T15:20:00.000+03:00

Aise juzi niliona tangazo kwenye nguzo ya umeme ya namna ya kujiunga na Freemason. Kulikuwa na namba ya simu ya wakala wa Freemason. Nikampigia, alikuwa jamaa fresh sana , tumeongea nae fresh yaani alikuwa anayajua matatizo yangu utadhani ni ndugu yangu. Hawa jamaa ma Freemason wana uwezo sana aise. Alinieleza masharti ya kujiunga, nikatumia shilingi laki mbili unusu ili aniunge, kanitumia meseji imetoka Marekani tena ya Kingleza imesema Conglations umejiunga na Freemason you will be rich man. Kwa kweli ndoto zangu zote najua zitatimia. Lazima na mimi niwe na demu bomba aliyejichubua na kuwa na makalio ya Uturuki, halafu niwe na gari kali na nyumba ya ghorofa maana yote haya nimeambiwa nikifuata vizuri masharti lazima nitayapata.
Wiki iliyopita nimepeleka shiling alfu hamsini ambazo zimetumwa Canada ili kunisafisha nyota.

Unajua mwaka juzi ulikuwa mgumu sana nilitengeneza nyimbo zangu kumi zote hazikuhiti, ndio jamaa yangu mmoja ambaye alikuwa na singo inafanya vizuri akaniunganisha na mganga wake. Mganga akacheki kwanini nyimbo zangu hazihiti, akakuta kumbe kuna wasanii watatu wameshirikiana na prodyusa wangu wameniwekea mkaa kwenye nyota yangu. Mganga akanisaidia kidogo akanambia nilete kuku mweupe na kuku mwekundu kutengenezea dawa ya kusafisha mikosi niliyotupiwa, akanambia nimlipe nusu tu ya fedha yaani shilingi alfu hamsini na nyingine ntamalizia ntakapokuwa supastaa. Nilikamilisha masharti likiwemo kubwa moja kuwa kila nikimaliza kurekodi master niipeleke makaburini kwanza ndio niipeleke redio, alisema hiyo ina maana mizimu isikilize singo yangu kwanza kabla ya watu wengine. Masharti yote nilifwata, nimetengeneza singo sita, singeli mbili, bongofleva mbili, na muziki wa enjili nyimbo mbili, hata moja haipigwi, nimesha honga madj kibao, samahani nimeshawapa madj kibao hela ya promo, bado nyimbo zangu hazipigwi, ni wazi kama gundu nililowekewa ni babu kubwa. We fikiria katika miaka miwili nimetoa singo kumi na sita hata moja haikuhiti si lazima kuna mkono wa mtu hapo? Sasa nimeona hakuna mabadiliko ndio nimeona sasa nijiunge na Freemason. Najua mwaka kesho utanikuta mimi ni superstar.......natafuta hela kidogo za kulipa ili nipate pete ya u Freemason hapo ndio ntakuwa nimejiunga kamili na ndipo kila kitu kitakuwa changu. Ngoja nikatafute hela nimalize deni msinitafute...........

KESHO SENSA TUSISHANGAE MASWALI

2022-08-22T20:09:00.000+03:00

Kesho sensa, kwetu kule tunaita senza, hata kama hamtaki, mambo ya kutegemewa ni kama ifuatavyo;

1. KARANI: Hodi, shkamoo mzee mie ni karani wa sensa, hata sikai, naomba tu idadi ya mademu ulionao

2. KARANI: Hodi sina muda mwingi mie ni karani wa sensa, nauliza we umo twitter au fesibuku?

3. KARANI: He jamani kumbe ulilala kwenye mtumbwi? Sasa naandikaje? Walisahau kutufundisha kuhesabu waliolala kwenye mitumbwi

4.KARANI: Samahani kuna swali la mwisho hapa, umelala na mabinti wangapi toka umezaliwa?

SERIKALI IPIGE MARUFUKU WALEVI WAPYA WANATUSUMBUA WAKONGWE

2022-08-02T08:48:00.004+03:00

Nilikuwa nimekaa kwenye kaunta ya baa moja maarufu ndipo vurugu tulizotegemea zikaanza, wananchi wakachukua sheria mkononi na kumbeba mzobemzobe mlevi mmoja na kumtupa nje ya baa akisindikizwa na matusi yasiyoandikika. Nasema tulitegemea vurugu maana mlevi huyu alianza usumbufu muda mrefu, aikuwa na kelele na matusi, ilikuwa lazima ifikie wakati vurugu itokee.

Kimsingi wote tuliokuwa kwenye baa ni walevi, japo najua wengine watadai wao sio walevi ni wanywaji lakini hizo ni porojo tu, sasa wewe unakunywa kilevi halafu ukiitwa mlevi unakataa? Ndorobooo mfupi weee.

Kama nilivyokuwa nasema wote kwenye baa tulikuwa walevi ila yule jamaa aliyetupwa nje ni wazi alikuwa mlevi mpya. Hakuna kitu kinatuudhi sisi walevi wakongwe kama hawa walevyi wapya, walevi wapya wana mambo ya ajabu sana. Kwanza wanachanganya sana maana kuna aina nyingi za walevi wapya, kuna wale ambao ndio wamepata mshahara wa kwanza na kila siku walikuwa wakiota kuonja bia, basi hawa wakimaliza bia moja tu akili hufyatuka, wanaanza kufanya vituko, mwingine utakuta analia tu, ukimuuliza kwanini analia, atakujibu, eti anashangaa nguvu zimemuishia hata kusimama kwenda chooni hawezi. Halafu kuna walevi wapya ambao wao hunywa siku akibahatisha kupata hela kidogo, hawa wanakelele sana, na kazi yao kubwa kujisifu kuwa wana hela. Hawa hata uende mji gani, maneno yao yanafanana utadhani wote walienda shule moja ya kujisifu, ‘Mi nina pesa bwana, mi naweza kuinunua nchi hii. Ukisikia mafisadi ndio sisi’ Tatizo ukimuangalia huyo anayejisifu kuwa ana pesa, kiatu chake kimechokaa, ila hawa huwa hawana usumbufu zaidi ya kujisifu, na mara nyingi baada ya nusu saa wanakuwa wameshatwanga usingizi huku hata kinywaji chao hawajamaliza.

Kuna aina nyingine ya walevi wapya ambao hawa ni wale ambao hawajajua kuwa kuchanganya pombe ni hatari, mi huwa nawaita wanasayansi-watafiti. Walevi aina hii wanakuwa bado hawajaamua kinywaji gani kinawafaa, hivyo basi wakiingia baa huangalia kaunta na kuchagua kinywaji utadhani wako supamaket, mara nyingine bila hata kujua jina la kinywaji hicho, utasikia, ‘Nipe hicho kwenye chupa ndefu’, au mara nyingine mlevi huyo ataingia baa tatu tofauti na kila baa anakunywa pombe tofauti, basi utamuonea huruma baada ya muda mfupi, atatapika huyo utadhani ana malaria 15.

Kuna wale walevi wageni ambao hujidanganya eti ukichanganya pombe na maji au na soda haileweshi. Hawa mara nyingi huwa wanakuwa smat sana wakati wanaingia baa, lakini muda si mrefu pombe iliyochanganywa na maji inaanza kufanya kazi utakuta wanalegeza tai shati lililochemekwa linachomolewa, kifupi tu pombe ukichanganya na maji au soda haipungui makali, ila inaongeza kichwa kugonga kesho yake.

Halafu maskini kuna wale walevi wapya wadada, hawa utawajua tu kwa kuwa wanakatabia kakujifanya wao walevi sugu tayari. Hawa utawajua kwa kupenda kuagiza wain kwa chupa au boksi, utasikia, ‘Naomba santanna chupa moja ya baridi’ Kumbuka waliotengeneza wain wenyewe huwa wanakunywa labda glasi moja wakati wa kula, huyu mlevi mpya anakunywa kwa chupa 3 au hata 4utadhani anakunywa bia, matokeo yake baada ya chupa mbili, mdada huanza kuimba taarabu kwenye tamasha la bluuz.

Kundi maarufu la walevi wapya ni lile ambalo sio kwamba ulevi wameanza karibuni hapana lakini wao pombe ambazo wamekuwa wakinywa miaka mingi ni tofauti za zile zinazouzwa baa. Hawa huanzia kwenye pombe za bei rahisi kisha kuja baa kusukutua na bia. Hawa wanataabu sana na mara nyingi huishia kutupwa nje ya baa na walevi wakongwe. Kwanza hawa huingia kwenye baa wakiwa tayari wameshalewa, utawajua tu maana hata wanachoongea hakieleweki, ulimi mzitooo, kwa kawaida hununua bia moja tu ambayo hiyo watahangaika nayo wakitusumbua walevi wakongwe, hatimae hupotea ghafla, ukiwafuatilia utawakuta hatua chache nje ya baa wameshaangusha gari mtaroni.

DOKTA HEBU NIKATE MIKONO

2022-07-29T20:15:00.000+03:00

WAKUJA:Dokta kuna ndoto inanijia kila usiku wiki ya pili sasa, naomba msaada wako
DOKTA: Ndoto? Unakuja hospitali kwa ajili ya ndoto tu? Unaota nini?
WAKUJA: Dokta naona mademu masupasta wote wa Bongo wananipiga wanataka kunibaka, me napigana nao nawatandika mangumi mpaka wanakimbia wote.
DOKTA: Duh sasa mi nahusikaje hapo?
WAKUJA: Dokta mi naomba unikate mikono, ili nisijitetee

SIE WOTE NI WABONGO IZ OKE

2022-07-27T16:53:00.004+03:00

Dreva wa Bodaboda alipata abiria wawili wa chapchap, akawapakia mshkaki wakiwa njiani abiria wakaanza mazungumzo,

ABIRIA 1: Hivi kwenye pisto yako zimebaki risasi ngapi?

ABIRIA 2: Zimebaki 5

ABIRIA 1: Acha uhuni we unajua risasi bei mbaya, umepeleka wapi risasi moja?

ABIRIA 2: Si unakumbuka yule dereva wa bodaboda mbishi si ililazimika nimtwange risasi nyingine ya ziada...(wakati huu dereva wa bodaboda alikuwa anakaribiwa kuchafua suruali). Akawafikisha abiria wake walipotaka kufika, walipotaka kumpa nauli akawajibu huku akichekacheka

DEREVA: Msiwe na wasi wasi tunasaidiana, sisi wote ni Wabongo karibuni tena, nyie nendeni tu

ELIMU YA MATUMIZI YA SIMU KWA WALE WENYE MICHEPUKO

2022-07-23T21:37:00.002+03:00

Jamaa zangu wengi sana wanapata taabu sana kwa sababu ya simu. Kidude hiki ambacho kinatakiwa kitupunguzie shida katika maisha chenyewe ndio kimekuwa shida kubwa. Mtu unakuwa huna raha kabisa shauri ya kidude hiki why? Jamani Why? Kuna hii ishu ya kuwa na mchepuko, kimsingi hili jambo gumu kumalizika , kwa hiyo sihangaiki kuwambia watu waache, huko ni sawa na kukataza jua lizizame, na pia hayanihusu. Sijui kwa nini michepuko ina tabia ya kuwa haina taimingi, pale mazahaus au fazahaus yupo, na limchepuko ndo linanapiga simu, hovyo kabisa........ lakini hayanihusu. Ili kukwepa maswali watu wanaweka simu kwenye silent, wengine vibrashen, chondechonde usiweke kwenye vibreshen, mazahaus na fazahaus wote wana machale kishenzi, lazima utasikia ‘nani huyo? mbona hupokei?’ Maswali ya hatari sana usikubali yakutokee, hivyo daima weka simu kwenye silent. Japo tatizo la mimichepuko mingine usipopokea ndio haachi kupiga.
Ukiwa na mchepuko we sevu jina lake mjomba, au shangazi au ba mdogo, usiandike fundi majeneza au fundi pikipiki, imeshapitwa na wakati hiyo, utastukiwa. Ni vizuri kufanya mazoezi ya kuekti kwenye kioo ili wakati unasema uongo uso uwe umetulia kabisa wakati unajibu uongo, maana unaweza kulazimika kupokea simu ya mchepuko, mazahaus au fazahaus yuko mbele yako, ikalazimika uanzishe kujibu simu za kujidai unaongea maswala ya kiukoo kama vile kumalizia kujenge makaburi na kadhalika., hapo lazima uekti vizuri kuliko msanii wa Bongomuvi. Ili kupunguza mitihani hii, jamaa yangu mmoja wa Kiluvya amempangia mchepuko muda wa kupiga simu hii imemuondolea adha ya kulazika kupokelea simu chooni na bafuni. Kwa hiyo tafadhali wandugu tena chonde sana yale mnayochati futeni, hata kama lilikuwa neo tamu kama I love you my Chokoleti futa usitake sifa, au litakukosti ohoo. Amri kuu ya simu ukiwa na mchepuko ni kuwa unatakiwa kuibeba popote utakapokuwa, bafuni chooni, msibani harusini usingizini kanisani, kwenye sinagogi, ukimuachia nafasi mazahaus au fazahaus aibebe umekwisha. Pia kama una mchepuko, ni muhimu sana umpe semina na warsha na kongamano kuhusu nini cha kusema ikiwa kwa bahati mbaya simu ikiangukia mikononi mwa mazahaus au fazahaus. Asianze samahani nimekosea namba, hiyo imepitwa na wakati. Yeye cha kufanya ni kuongea kwa konfidens kabisa na kuulizia kwanini hujakamilisha ripoti ya kazi, au kama we fundi gereji aulize gari lake mbona breki na taa hazifanyi kazi, au kama wewe ni dokta aombe ushauri kuhusu dawa ya pumu kwa ajili ya bibi yake aliyeko kijijini. Kikubwa asipaniki. Somo hili litaendelea ,,,,,,mazahaus kashika simu yangu mai Godi

UJUE MYUZISHEN NA WANASIASA , BABA MMOJA MAMA MMOJA MATUMBO MBALIMBALI

2022-07-20T15:21:00.001+03:00

Nilikuwa nimekaa kwenye kijiwe kimoja wanapouza pombe za kikwetukwetu, nateremukisha plastiki moja baada ya jingine, mambo ni mazuri sana siku hizi, maana hata hivi vijiwe vyetu vimeboreshwa kuna luninga za fletskrin. Hata sisi sasa tunaona laiv hotuba za wanasiasa na kupata burudani ya kusindikizwa na Bongofleva wakati wa kushushia hii kitu ya asili.
Ujue ukiwa unakunywa hivi vitu akili inachangamka, mizimu inaamka na kuanza kukupa maelekezo mbalimbali yenye manufaa, we fikiria unaweza ukaanza kinywaji hujui Kiingereza lakini baada ya plastiki tatu Kiingereza iz spiking iz vere izeee, yaani kinakuwa rahisi kabisa. Au unaanza hujui kabisa kucheza lakini baada ya plastiki kadhaa unakuwa na uwezo wa kucheza show ambalo wacheza shoo wa Wasafi Classic wakikuona wanakuibia staili. Hizi ni baadhi ya faida chache za pombe za kikwetukwetu, faida ambazo Taifa halijazitumia, hebu fikiria yaani niliachwa kuoneshwa kwenye loyotua bila sababu. Enewei hapa akili imeshachangamka nimegundua kumbe wanamuziki na wanasiasa ndugu kabisaa, tena inawezekana hawa ni pacha. Kwanza kabisa wote wanaishi mjini kwa kutunga mistari. Ila huyu ndugu mmoja huwa anaweka biti kwenye mashahiri yake hivyo anayosema yanautamu unajikuta unacheza wakati unamsikiliza. Nimefanya risachi nikaanza na babu za hawa Bongofleva, hebu kumbuka kale kawimbo ka Dada Asha iz of Tabola Jazz Band, ze mwimbaji aliahidi kumnunulia Asha ndege, sio njiwa nooo elopleni na wale myuzishen wa Ulafiki Jazbendi wakawa na kawimbo kao eti maisha mjini hayafai wanaenda Gezaulole makao mapya kulima. Watu wakakubali na kucheza sana mistari hiyo, wakati myuzisheni anamuahidi Asha kuwa atamnunulia elopleni, yeye mwenyewe hata hela ya kula kesho hajui itakakotoka dah, walipokuwa wakihimiza watu kwenda kijijini kulima hata jembe walikuwa hawajui linashikwaje. Ukimpa myuzishen jembe analishika kama kakumbatia gitaa la bezi hahahahaha. Enewei hao ndio wanamuziki bwana na mpaka leo hawajabadilika ila wameboresha uwongo wao siku hizi unasindikizwa na video, wote wana mabinti wakali, magari ya kifahari nguo za bei mbaya na nyumba za ghorofa, wakimaliza shuting wanarudi geto kwenye godoro chafu hahahahaha. Sasa ndugu zao wanasiasa nao wana mistari mikali lakini bila muziki, hawa bwana wanaweza kukwambia nipe kura zako ntakuletea barabara, utaishi maisha kama Ulaya, kila mtu atakuwa na hela mfukoni, magonjwa yatakwisha, dawa ya korona itatengenezwa Nachingwea na kugawiwa bure nyumba hadi nyumba. Mwenyewe utajikuta unapiga makofi. Na wao siku hizi wameboresha promo zao, zinaonekana mpaka kwenye luninga, ukiingia mkenge uwachague ndio huwaoni tena mpaka baada ya miaka mitano wanapokuja kukupa mistari mingine iliyoboreshwa zaidi. Ngoja niongeze plastiki jingine, nami nijione nina ngumi kama Tyson, nikawashushie kipigo wale vibaka mtaani kwetu, naenda kuwapiga mpaka waombe poo, unajua Jek Chen mtoto wa mama yangu mdogo? .

MTAALAMU LAZIMA ANIRUDISHIE MKWANJA WANGU AU TUTAPELEKANA PABAYA

2022-03-16T12:25:00.001+03:00

MMwaka huu Mungu atusaidie tuwe na afya njema na mambo yetu yatunyookee, ila kuna kitu kinanikosesha raha. Mwezi wa tatu mwaka jana kuna mambo mganga wangu alinitabiria, alinihakikishia kuwa nitakuwa supastaa, na hela yangu alichukua ikiambatana na kuku wawili mweusi, mmoja mweupe na mwingine mwekundu, huyu mwekundu nilimuona akichinjwa na akachemshwa nikapewa miguu niile huku narudia mara kwa mara kusema 'Mimi ni supasta kama ilivyo miguu ya kuku kwani iko dunia nzima', eti ndio dawa, mganga alinihakikishia kuwa nyama iliyobaki itatolewa sadaka kwa watoto yatima. Mwaka umeisha hakuna chochote kilichotokea, mpaka leo sijawa supasta, kwa maneno mengine alinitapeli. Leo nimeamua naenda kudai kuku wangu na shilingi alfu hamsini alizochukua kunisafishia nyota.
Mkasa mzima ulitokana na kuwa mwaka juzi ulikuwa mgumu sana, wote si mnakumbuka, lakini nilitengeneza nyimbo zangu kumi kitu cha ajabu ni kuwa zote hazikuhiti, ndio jamaa yangu mmoja ambaye alikuwa na singo inafanya vizuri yutyubu, ina folowaz alfu 3, akanipeleka kwa mganga wake. Mganga akanicheki akakuta kumbe kuna wasanii watatu wameshirikiana na jirani yangu wameweka nyota yangu kwenye gunia la mkaa. Mganga akanihakikishia kuwa wabaya wangu watakuja wenyewe kuniomba msamaha, kazi yangu ilikuwa ni kumletea kuku wawili weusi, mmoja mweupe na mwingine mwekundu, halafu nimlipe nusu tu ya fedha yaani shilingi alfu hamsini na nyingine ntamalizia ntakapokuwa supastaa. Alikuwa na sharti moja tu, kuwa baada ya hapo, nikimaliza kurekodi, lazima master niipeleke makaburini, halafu huko niimbe japo kipande cha wimbo ndio niipeleke redio, alisema hiyo ilikuwa na maana kuwa mizimu isikilize singo yangu kwanza na iipitishe kabla ya wabaya wangu hawajaisikia. Masharti yote nilifwata, nimetengeneza singo sita, singeli mbili, bongofleva mbili, na sebene za nguvu mbili, tena huku kwenye sebene nilimchukua mwimbaji aliyesema yeye ni Mkongo ili wimbo upate fleva ya Falipupa, jamani mpaka sasa hata wimbo mmoja haupigwi redioni, nimesha honga madj kibao, samahani nimeshawapa madj kibao hela ya promo, bado nyimbo zangu hazipigwi, ni wazi kuwa gundu nililowekewa ni babu kubwa na mganga kashindwa kulifuta sasa si anirudishie hela yangu tu. We fikiria katika miaka miwili nimetoa singo kumi na sita hata moja haikuhiti si lazima kuna mkono wa mtu hapo? Nasema nataka hela yangu, kama hasara nimekula sana, nimeuza baiskeli ya baba mdogo nikaingia studio, nimeuza kitanda cha mjomba alichokiacha kwetu wakati anahama nikaingia studio, nimeshakopa watu kibao nikaingia studio, kazi yote bure, hata hela ya kumlipa mganga nilikopa, sijawa supasta sasa japo nirudishe nusu hasara, mganga atanirudishia hela yangu na kuku wawili mwaka huu sitaki mchezo, na studio siingii tena, maana kama miaka miwili nimeshindwa basi sasa nahamia kuwa muigizaji, labda huku ntakuwa supasta. Kama mtu anafahamu mganga wa kunifanya supasta tuwasiliane.

KIONGOZI USIPOIPITIA HOTUBA ILIOANDIKIWA NA WACHINI WAKO SHAURI ZAKO

2018-05-17T11:39:00.001+03:00

KIDUME HAKIKIMBII ISHU NDOGONDOGO WEWE

2018-04-23T20:25:00.000+03:00

Aise wiki hii ngumu sana kwa rafiki yangu mmoja, haonekani wala hajulikani aliko, simu yake kazima, vijiwe vyote haonekani, sijapata wasiwasi wa kutaka kwenda kutoa ripoti polisi kwani najua ni mzima ila ndio kapotea. Baba zima likipotea halafu sio ndugu yako unaendaje polisi kulalamika, unaweza ukajikuta wewe unapumzishwa maana sio siri vituo vingi vya polisi kuingia bure kutoka ni ishu nyingine. Hakafu jamaa nilihisi atapotea siku kama nne hivi kabla, maana alianza kudai kuwa simu yake eti mbovu haipokei meseji na mtu akimpigia spika mbovu. Nikajua kuna kitu anakwepa, maana namjua ana simu tatu na zote zina ni zile zenye laini mbili sasa zitakuwaje zote zimepata ugonjwa sawa?. Jamaa tumemzoea ni mjanja mjanja sana mwenye stori nyiiingi, lakini ghafla tukaona kawa mpole sana, ukiwa nae anaonekana yuko mbali, kwanza tukajua labda kafiwa au kapata barua nzito toka kwa wazazi wake, kumbe bwana ameitwa Ilala. Yaani katika siku chache za karibuni ukisikia mwanaume unaitwa Ilala,moyo unaanza kwenda mbio, unasikia kizunguzungu, mara nyingine miguu inakufa ganzi basi ni shida tu. Siku za nyuma jamaa yangu alikuwa kila mara akitamba kuwa yeye ni kidume cha mbegu, na kwa kutuhakikishia alikuwa anatembea na picha za watoto sita aliokuwa anajisifu walitokana na kazi yake mahiri. Kwa kweli hatukuwahi kumuuliza hao watoto wako wapi, maana tulitegemea kidume cha mbegu kinajua kutunza matokeo ya kazi nzuri, kumbe jamaa alikuwa akijua tu kazi aliyofanya imepata matokeo anahama mtaa. Sasa kuna wadada sita wameenda kulalamika Ilala, kila mmoja akienda kwa wakati wake bila kujua kuna wenzie wametangulia. Na ndipo ukaanza wito mfululizo ukimtaka jamaa yangu ahudhurie mazungumzo Ilala, kidume cha mbegu kawa mpole na mnyonge hata ukimtia masinge anakuangalia tu. Hahahaha. Sasa hajulikani aliko. Najua atasoma tu ujumbe huu maana huwa hakosi gazeti hili. Aise chalii yangu we rudi tu ukutane na janga lako ndipo litaisha maana utakimbia mpaka lini? We si kidume bwana kidume hakikimbii ishu ndogondogo kama hizi hahahahahahahahah

BARUA KALI KWA WAZUNGU, MSITUIBIE KAAIDIA KETU

2018-04-23T19:10:00.001+03:00

CHEKA NA KITIME BLOG

TZ BONGOLAND

APRILI 2018 KATIKATI

DEAR WAZUNGU,

Aise nimeona niwaandikie barua hii kimwishomwisho maana nyie bwana mna mchezo wa kudhulumu aidia za watu mnazifanya zenu. Sasa nimeona niwaandikie mapema kabla hamjaiba aidia yetu. Tena natoa onyo kali MTUACHEE TULALE na aidia yetu, nikisikia 'Ohh CNN au BBC wametangaza kuwa eti nyie ndio mmegundua aidia hii' itabidi nitumie mbinu ambazo kwenu hamzijui kabisa, yaani nitaenda kuwashtaki kwa babu kitakachowapata msinilaumu. Ninyi kwenu mtu akitaka kuchekesha watu huwa wanaochekeshwa wanalipa si ndio? Mtu kama Mista Bin si mnamlipaga? Sasa sie tumegundua namna ya kuongeza pato la serikali yetu ambapo anaechekesha anawalipa wanaocheka. Yaani Mista Bin anasimama mlangoni kuwalipa wanaoingia, jambo ambalo ni mara ya kwanza kutokea duniani. Si unaona hili bonge la aidia tumegundua kuongeza pato la Bongoland. Haka kablogu uchwara kalikuwa kana jifanya kuchekesha walionuna na wenye stress kama zile za kale kamoja unusu ketu, au stress za kukosa upenyo wa kupiga dili, au wenye stress za kunyimwa kuandamana, sasa watu wetu wenye intelijensia ya hali ya juu wameona haka kablogu nako kalipishwe kama shilingi milioni hivi ndio kaendele kuchekesha walionuna. THIS IZ VERE VERE BRAIT AIDIA, sasa ndio nasema msituibie kaaidia eti baadae mkatangaza umoja wa mataifa kuwa ni kaadia kenu. Maana yake bado hatujasahau mlivyokuja kudai eti mmegundua Mlima Kilimanjaro na Ziwa Viktoria wakati sie tulikuwa tunalijua kila siku. Siwaamini kabisa.

Mi na kaidia kengine kwanini hapa Bongolendi kusianzishwe malipo kwa kila anaetuma mesej insta alipie, anaepokea alipie na hivyo hivyo fesbuk na watsap, yaani Bongo itakuwa na mahela mengi kibao. Najua tuna watu maintelijensia kweli hebu tengenezeni kashelia flani bwana tulianzishe Bongo. Bongo is foleva, Foleva is Bongo

Trump

Macroni sijui Macaroni

Na yule Maza pale kati

Mgunduzi wa kaaidia ketu

HAYA STAKI MCHEKE LETENI MAONI HAPO CHINI

PESA SABUNI YA ROHO WALAHI

2018-03-16T08:49:00.008+03:00

Binti mmoja alitoroka kijijini kwao na kukimbilia mjini kutafuta maisha, akarudi kwao baada ya miaka mitano. Na muda wote huo alikuwa kimya hakuandika barua wala kutuma ujumbe. Siku hiyo ghafla akarudi kijijini akiwa kwenye gari jipya zuri sana. Mtu wa kwanza kukutana alikuwa baba yake ambaye wakati huo alikuwa anatoka kilabuni kunywa pombe. Ile kumtambua tu binti yake ambaye wakati huo kajichubua kavaa nywele bandia, mzee akamcheki kisha akaanza kumpa vipande vyake ‘We mwanaharamu umeondoka hapa kwa miaka mitano hukutaka kutuandikia barua wala kutuma salamu unajua ulimtesa sana mama yako?’ Binti kajiumauma kasha akamjibu baba yake,’ Baba unajua niliona niwe kimya maana kazi niliyokuwa nikifanya msingefurahia’. Baba yake akauliza ‘Kwani ulikuwa unafanya kazi gani hiyo ambayo tusingeifurahia na wewe ndiye binti yetu?’ Binti akajibu huku anaangalia chini, ‘Baba nilikuwa nafanya kazi ya umalaya’. Duhh mzee akawa mbogo mara dufu, ‘Unasema nini we mwendawazimu? Yaani ulikuwa huko mjini unalitia nuksi jina la ukoo wetu na kijiji chetu? nakuambia hivi geuka sasa hivi urudi ulikotoka, mimi ntainuaje uso wangu hapa kijijini?’ Binti akamwambia baba yake, ‘Sawa baba ntaondoka ila kuna zawadi nimeleta naomba niziache. Nimemletea mama sanduku la nguo na kanga 20 na pesa kidogo milioni tatu. Na wewe baba nimekununulia hilo gari nililokuja nalo na nimekufungulia akaunti ina milioni kumi, na ntakuwa naongeza kila mwaka ili isipungue, utaweza kupumzika kulima sasa, na ntakujengea nyumba nyingine ya kisasa’ Mzee alikuwa kama kapigwa shoti, pombe yote ikamtoka akabaki mdomo wazi anamwangalia tu binti yake. Akili ilipomrudia akamuuliza binti yake, ’Mwanangu mpenzi ulisema ulikuwa unafanya kazi gani mjini?’ Binti akajibu ‘Samahani baba nilisema kuwa nilikuwa nafanya kazi ya umalaya’. Mzee akachekaa saana na kusema, ‘Unajua sikukusikia vizuri ndio maana nilikasirika. Eti nilisikia umesema ulikuwa unafanya kazi ya uyaya, ndio nikasema binti yangu mzuri kwanini afanye kazi ya kulea mtoto wa mtu? Karibu nyumbani mwanangu mpenzi’

Chezea pesa wewe

YAANI WASOMI SIWAELEWAGI KWA KWELI

2018-02-28T11:36:00.004+03:00

Yaani mi wasomi siwaelewagi kiukweli, labda sababu sikusoma sana lakini nawaangaliaga halafu na jichekea kimoyomoyo. Yaani utaona wanajifanya wanajua kumbe ukiangalia kwa makini, utajua kumbe jamaa hawajui mambo mengi sana. Lakini lazima kuwaonea huruma, unajua wao wakati wako shule walikuwa wako bizi na vitabu wanajitahidi kukesha kwa kuweka miguu kwenye ndoo za maji baridi ili wasipate usingizi wakeshe wanasoma. Mchana wanasoma, usiku wanasoma, hawajui Yanga wala Lipuli wala Asno, wao ni kusoma tu, hata kucheka wanaona kma wanapoteza muda wa kusoma, na kweli wanaenda vyuo vya juu na huko wanasoma zaidi, wanaenda Ulaya kule tena wanaendelea kusoma, mambo yanayoendelea duniani wao yanawapita. Wakimaliza shule wanajua kweli mambo waliyosomea, utasikia huyo profesa wa miti, au dokta wa udongo, wanajua kila kitu kuhusu taaluma yao, lakini ukiwaambia hebu cheza singeli wanacheza kama wazungu, hawajui starehe ya kucheza kiduku, wala rumba. Ukiwauliza kama wanamjua Juma Necha au Feruzi wanakuangalia tu. Sasa ngoma inakuja hawa jamaa si ndio wanachaguliwa kuwa viongozi wa nchi, wao wanajua mambo ni kuwa bizi tu, wanaendeleza mambo yao yale ya kukesha kwenye ndoo hata kwenye maisha. Halafu wanadhani watu wote wanatakiwa waishi kama wao, ukimwambia twende mpirani hataki, twende dansi, ndio kabisa hataki, labda umwambie twende maktaba kusoma vitabu hapo ndipo anakuona wewe wa maana. Hawa hawa wasomi utasikia, ‘Nilisoma Ulaya mambo ya uchumi, wazungu wanasema lazima kila mtu alipe kodi ili nchi iendelee’, Sasa sie wengine huwa tunaenda kunywa bia saaana ili kusaidia kodi ipatikane, hapo ndipo utamshangaa msomi, anakuja tena anatunga sheria za kukataza usinywe bia, eti nenda kafanye kazi ulipe kodi, jamani hivi usomi wote huwa hawaoni kuwa wanywa bia tunalipa sana kodi bila kushurutishwa? Yaani wakipata tu uongozi wanaanza kuweka sheria za kupunguza muda wa kunywa, sijui hivi hawaoni kuwa wanapunguza muda wa kulipa kodi. Unajua mie huwaga siwaelewi hawa jamaa, siwaelewi kabisaa

MKATABA WANGU NI KUHAKIKISHA NAKUPUNGUZA PRESHA...... njoo huku ucheke

2018-02-28T11:09:00.000+03:00

Hahahahah unajua bosi wetu kwa kikabila chao , kuhongwa ni kuchongwa, sasa anasema kama hawa maafisa wanataka kuhongwa tatizo liko wapi? Na hata kama wanataka kuhongwa mawe wapi ishu? mbona mawe yapo kibao unaokota unawahonga

Huu uwongo, we Nuh unapumulia nini sasa? Moyo wako unakaa tumboni?

We Kim, kama mtoto wako mbichi ndio unamuanika hadharani? Si utumie taulo tu kumkausha? au huna taulo mashabiki wako wakuchangie?

Ile mbaya, yaani ile mbaya, ukiwakuta wanapika ugali utaona wanachochea kuni ugali uive haraka yaani hawana subira. Kuna siku nilimkuta mwanasiasa mmoja anachemsha maharage akawa kila dakika anachochea ana taka eti maharage yaive katika dakika kumi.

Jamani hivi kweli? Sasa mlimzima? Au ilikuwaje tupeni stori

Aliyesema hili lazima mpenzi wa klabu watani

Aise kumbe Simba ni Makirikiri? Mnajua utani mwingine unaweza anzisha ngumi? Yaani wenzenu kucheza kote kule mnaona ni makirikiri tu? Nyie wabayaaaaaaaaa

Duhh kidude cha kuzuia wizi toka Tanzania chaingia Asia, kwa nini kisianze kukamata wezi hapa Bongo kwanza tutest zali?

MUHIMU KUCHEKA , ukishindwa jitekenye na vichwa hivi vya habari

2018-02-27T11:15:00.000+03:00

Aise nyie kazi yenu si kufungana magoli? Sasa hii ishu ya kupigana mikono inatokea wapi? Acheni hizo, mwisho tutasikia mnapiga wenzenu vichwa

Kiukweli imelazimika wafanyakazi wote fekifeki wa blogu hii tuitwe kwenye kikao feki tuangalie kichwa hiki cha habari na kukidiskas. Baada ya kikao maazimio yanasema
i. Maziwa hapa ni yale ya ng'ombe au mbuzi kwa kizungu milk....swali nani anachea maziwa yetu, kumbe tunakunywa maziwa yaliyochezewa machezo mchafu?
ii. Maziwa hapa maana ni yale kwa kizungu yanaitwa lakes. kama Lake Nyasa, Lake Victoria na kadhalika...swali je ni kitu cha ajabu watu kucheza wachafu kwenye maziwa? Kwa kuwa maziwa hayo yamejaa maji yanayoondoa uchafu basi poa tu, kachezeni mtatakata tu
iii. Mchizi wa ofisi anadai maziwa hapa ni yale ya wamama ambayo watoto wananyonyaga... kiukweli watu wengi wanachezea vibaya haya maziwa aka manyonyo
Sasa serikali imeshtukia mchezo mchafu kwenye maziwa yepi?

Ok so kimsingi ni mmoja wa wavuta bangi, wengine wanavuta ili walime, wengine ili waondoe woga wa kuwatokea wapenzi, wengine wanavuta ili waimbe vizuri, ila kimsingi wote ni wavuta bangeee

Simba mkorofi huyu au mbao hiyo ilikuwa feki kama zile za fanicha za Mchina,

Kwani kubeba unga ni tatizo? Mbona wenzenu huku kijijini tukitoka mashine kusaga tunabeba tu bila shida, kwanini sasa huyu anyatiwe? Nyie watu wa mjini bwana mna mambo, kumbebesha mtu unga tu imekuwa nongwa

Sijaelewa kazaa nae au hakuzaa nae? Yaani kashinda kitu gani?

Ukiona umeweza kumfuga simba ujue huyo ni paka mkubwa tu sio simba. Weee ufuge simba kwa uchawi gani?

Hahahaha jamani woga gani tena, Mange aandamane ndio polisi watishike? Si wamuache tu aandamane, kwanza yuko Marikani so whats problem. Nyerere aliwaambiaga watu waliokuwa wakimbebza Mrema kuwa waachiwe hata maiti huwa inabebwa.....

Halooooooooooooooooooooooooooooooooooooooooooooooooooo, mmesema nini nyie???????????

MTAALAMU WETU FEKI ACHUNGULIA VICHWA VYA HABARI ....njoo tucheke....eti Maria Sarungi ni MTU HATARI hahahahaha

2018-02-26T10:10:00.002+03:00

Jamani kumbukeni nyie ni wanamichezo na kioo cha Taifa sasa kwanini muendeleze makali, kwanini msinywe bia tu? mapombe makali yatawaunguzia figo...ni ushauri tu

Yaani tangu namfahamu Sugu hajawahi kuwa na nywele ndefu, so how come asuke? Hapa naona ni njama za kumtania tu mtu wangu

Ndio mnajua leo? Si Bunge lilipunguzaga kodi ya majiko ya mafuta ya taa na gesi ili watu waache kutumia mkaa, ile ishu iliishia wapi? Lakini wakati huohuo bei ya gesi na mafuta ya taa ikapanda hahahaha

Aise wapi huko? Maana nimeishiwa sembe na unga wa ngano. Niambieni nimtume mtoto akanunue kilo kumi za ngano na tatu za sembe, wanauzaga na unga wa mhogo?

Aise Ei Wai, hii haijakaa vizuri kabisa, hao mastaa hawana jema kwa ndoa yako, wao walitakiwa kuishia kunogesha harusi tu, hii inshu ya kukusaidia kunogesha ndoa si fresh kabisa mtu wangu, watungie mistari waachane na ndoa yako utainogesha mwenyewe

Mtaalamu wetu wa Kiingereza ambacho hakijapitishwa na TBS, amesema anaogopa kutafsiri hiki kichwa cha habari kwa kuwa yeye mwenyewe ni Yanga damu. Bosi katishia kumfukuza kazi ndio katuambia eti wameandika Yanga inaona aibu kufunga magoli, imejikwangua kuingia kwenye kota za FA... jamni eti kweli?

Ukisikia fek news ndio hizi, hivi unaandika haya ukiwa na akili timamu au umevuta cha Makambako? Yaani ngoja nifunge ukurasa kabla sijasema blalifu

JUMAPILI MUHIMU KUCHEKA......kuna waziri katabiri mwisho wa dunia na Yanga wote mamilionea

2018-02-25T09:48:00.003+03:00

Dah sasa hawa waliokuwa wamekunywa 'nyagi' miaka nenda rudi si watakufa? Na nyie mnaetaka kuanza kutafuna mali za ushirika mnaona wenzenu wanavyotapika?

Hakuna siri hapo mkwanja umepotea mfukoni, Yaani Jumapili kama leo nina mia tatu mfukoni natafuta mia nyingine nipate nauli ya kwenda job kesho...................serikali iachie kidogo jamani, ilipe madeni na sie tupate mishahara

Dah faza si watakamatwa wengi halafu wapelekwe wapi? Kliniki au jela?

Wapi huko? Njoni na mtaani kwetu kuna bar inakesha hapa full muziki , upigwe mfungo bar ifungwe

Ohooo kasema mwisho lini watu tujitayarishe, maana manabii wengi walishawahi kutabiri hili ikawa hola. Ila Waziri namuamini lazima mwisho utakuja

Oya we mzee usimchane mwenzio, akiumia utasema nini? Na akichanika utalipia gharama za kumshona?

Itakuwa wamecheza BIKO, halafu wameshinda wote, aise timu nyingine zina bahati ya mtendo. Big up yanga kwa kucheza TATU MZUKA

CHUNGULIA UCHEKE....tatizo la lusoma vichwa vya habari pekee

2018-02-24T08:45:00.001+03:00

MI nadhani mngeshirikisha na washibiki pia katika kilio hicho ndio kingenoga, kwanini Wengere ulie na wachezaji pekee, lieni wote na hawa washabiki wako wenye roho ngumu. Yaani mkikusanya machozi yote mnaweza kukuta mkapata kikombe kwa kukusanya machozi mengi.

Sijaelewa kabisaaa, kwa hiyo hata kucheka sicheki kwa nguvu nachekea tumboni

He hawa jamaa wameanza kupiga muziki siku hizi? Basi wajitayarishe kupambana na polisi, ikifika saa sita usiku muziki basi, utadhani sie wanafunzi

AISE KUMBE WACHEZAJI WA CHELSEA HAWANA MAPAFU......kusoma magazeti kunatoa elimu nyingi sana

2018-02-23T08:50:00.002+03:00

Ukiona hivyo watalala Uarabuni, ila huku ni kujitafutia matatizo, kwenu Afrika halafu hutaki kulala kwenu

Hakuna siri bwana si ulikuja na ndege? Masupastaa mna shida sana

Watagawana vipi figo moja jamani? Dahhh

Unajua magazeti yanasaidia sana kutoa elimu, mimi sikujua kuwa wachezaji wa Chelsea hawana mapafu kasoro huyu Alonso. Aise kusoma ni msaada sana ningejuaje?

Lazima nitafute video zake ili nione kama zinatisha, zisiponitisha mhariri nakuja kwako unirudishie hele niliyonunua gazeti

KUWA NA MCHEPUKO INAHITAJI AKILI YA ZIADA

2018-02-21T09:33:00.002+03:00

Unajua kuna mambo mengine huwa tunaongea na kucheka na kutania lakini ni mambo magumu yanayohitaji uvumilivu, sayansi, ubunifu, uwongo na kadhalika kuweza kufanikiwa vizuri. Hivi mnajua hakuna jambo gumu kama kuwa na ndoa halafu kuwa na mchepuko? Mi nawashangaa sana jamaa ambao wamo katika ndoa kisha wana michepuko, hivi mnawezaje kutimiza masharti magumu ya mchezo huo. Juzi kulikuwa na sikukuu yenu mpendanao, huku mwandani anajua mtakuwa wote siku hiyo na mchepuko anajua mtakuwa wote siku hiyohiyo, sasa hapo ndio najiuliza unatumia mbinu gani? NIlijaribu kuulizia rafiki zangu wawili ambao wamo kwenye mtiti huo majibu yao yameniacha hoi.

Kwanza kuna huyu jamaa yangu ambaye ana mke mzuri tu lakini kajitosa kuwa na mchepuko mkorofi. Kanambia yeye hana tabu na siku ya Valentine kulikuwa hakuna namna ilikuwa lazima atafute njia ya kuwa na mchepuko maana kinyume cha hapo tatizo kubwa lingetokea. Hivyo alianza kumshawishi mkewe kuwa waachane na mambo ya Valentine kwa kuwa kasoma kwenye mtandao kuwa sherehe hizo ni za kishetani. Na mkewe ambaye ni mtu wa dini wakati huo alikuwa kishafanya mipango mingi ya kumtengenezea mumewe chakula cha nguvu kwa ajili ya siku hiyo, ikalazimu akagawe chakula kwa jirani ili asijikute anasherehekea sikukuu ya mashetani, jamaa akaaga anaenda angalia mpira na wenzie klabu, akapata mwanya kwenda kula sikukuu na mchepuko. Halafu kuna huyu mama jirani tumezoeana naye kanipa stori yake ya Valentine , akanambia alijaribu kila njia kumtoka mumewe aende kwa kibenten wakafurahie Valentine, dili likakwama. Mamaa alimtaarifu Kibenten kuwa sipike wala nini, amsubiri yeye atakuja na chakula toka hoteli moja kali sana mjini. Basi hapo mamaa alianza kumlainisha mumewe kuwa kuna rafiki yake alifiwa na mama yake anataka kwenda kumpa pole, jamaa akakubali na kumwambia mkewe itakuwa vizuri kwa kuwa ni siku ya Valentine wasindikizane itakuwa na uzito zaidi, baada ya dakika kumi, mamaa akaja na stori kuwa safari imekufa maana rafiki yake kumbe kasafiri. Baada ya hapo akaanza kujidai anataka amtengenezee mumewe chakula kitamuu, anataka kwenda Kariakoo kununua viungo vya pilau, jamaa akamwambia mkewe aachane na pilau, leo wale ugali mchicha kama siku ya kwanza walipokutana enzi za ubachela. Mamaa akaona akubali yaishe akamtwangia Benten simu kuwa kapatwa na tumbo la ghafla hivyo haji.

Hahahahaha Cheka na Kitime.....tatizo la kusoma vichwa vya habari pekee

2018-02-21T09:06:00.002+03:00

Si mchezo hii ndiyo inaitwa imani, kuamini kuwa ulinzi wa hizi pesa uko chini ya nguvu za aliye juu. Hakuna haja ya benki bwana.

Wakuu mnataka kunambia kavaa njuga na ile suti? Acheni fix....

Mauzauza hutokana na nguvu za giza, sasa kama mkuu ameweza kukemea mpaka mauzauza yakaibuka, ni vizuri akafikiria kuanzisha kanisa lake.

Akifanya ziara Mwakyembe mbona itakuwa big soooo. Shiye njoo benyewe, unajuaga shie hatukuwagi na maparmisio?

Sasa nani kapewa nini? Simba kapewa waarabu au waarabu wamepewa simba. Tungoje dakika tisini tutajua nani kapewa...................

Usanii ni kazi nzuri sana unaweza kusema chochote watu wanaandika tu.....

Sasa kazi gani hii mnataka kujipa? Kiafrika huwa hatufukuagi makaburi, mizimu ikikasirika cha moto kitawapata. Msiseme sikuwaambia

Naniii? Waarabu? Unawajua waarabu wewe

CHEKA NA KITIME........zari achukizwa na wanaomchimba hahahahaha dahh

2018-02-20T08:39:00.001+03:00

Trump eti anafosi lazima tununue mitumba yake, sasa na huku watu wanasema hiyo haiwezekani je viwanda vyetu vya nguo itakuwaje? Trump si mvae wenyewe hukohuko Taifa kubwa?

Hili ni jambo jema, kama mzimu wa wema unakuandama mtu. Yaani ni jambo la kushukuru je ungekuwa unakuandama mzimu wa Ubaya? Hongera Zari

Aise jamaa ni chizi kisheria..... hii kali

Ohooo sasa huko watawatwanga risasi. Unajua nchi nyingine simba hawajulikani, na kama wapo wanaogopwa kuwa wanaweza kuua ngamia wao. Sasa hili wazo la kuendeleza mauaji ni la hatari sana

Itakuwa wanataka kufyatua matofali, nafikiri hapa mhariri anaongelea ujenzi wa uwanja wa michezo wa simba, hivyo bado kufyatua matofali tu waanze ujenzi. Safi sana simba

Aise aise babangu unajua Bililioni13 ni hela nyingi sana. Bililioni moja sawa na bilioni mia, Dah hongera bodi ya mikopo

Masau big up, kumpapasa kifaru sio jambo la mchezomchezo lazima uwe mtu makini

Dah hapa kidogo nimechanganyikiwa, kwanza kama kuna watoto humu nendeni kucheza nje. Ok sasa bibie kwanini uwachukie wanaokuchimba? Si inakuwa mmekubaliana wakuchimbe? Ona dogo kakuchimba mna watoto wawili so whats problem? Dawa ni wewe kuwakataza wasikuchimbe, sio unawaruhusu halafu ndio unawachukia....ushauri tu wa kitaalamu

KIFO KINATISHA BWANA WEWE

2018-02-17T17:00:00.002+03:00

Aise kifo kinatisha. Umeshaona watu wanavyoongea kwa sauti ya chini wakiwa karibu na maiti? Wanasaikolojia wanasema kuwa hii ni kutokana na woga wa kifo. Utaona gari lililobeba maiti linawasha taa kutaarifu kila mtu kuwa kuna kitu si cha kawaida kinakuja, watu wote wanasogea pembeni kwa heshima, nimeshaona watu waliobeba maiti wakizuia gari zisipite mpaka wao wapite wawahi kuzika, wote woga huo. Sasa mkasa kiboko umemkuta jamaa yangu. Baada ya kupata mtoto wa kwanza yeye na mkewe walifurahi sana. Miezi michache baadae walianza kukosa raha baada ya kuhisi kuwa mtoto wao huwa hatoi sauti ya kuonyesha anataka kuongea, mwisho ikawa wazi kuwa wamezaa mtoto bubu. Siku moja ghafla wakasikia mtoto anasema ‘Bibi bibi’, ilikuwa furaha kubwa wazazi wakajua kumbe mtoto wao anaongea. Lakini furaha yao ilikuwa ya muda mfupi, bibi wa mtoto akafariki siku hiyohiyo. Baada ya hapo mtoto akaendelea kuwa bubu. Mwezi baada ya msiba mtoto akaamka anatamka, ‘Mjomba mjomba’, wazazi tena wakalipuka kwa furaha, baada ya muda mfupi furaha yao ikaisha, walipopata habari kuwa kuna msiba wa mjomba wa mtoto. Sasa ukaanza wasiwasi, maana ikaonekana kila mtoto akifungua mdomo na kutaja jina la mtu anafariki. Wakaanza kuona heri abakie bubu. Baada ya miezi sita ya mtoto kuwa bubu siku moja akaamka na kusema ‘Baba baba’, basi kilio kikaanza pale pale wakajua jamaa yangu ndio safari imefika. Jamaa akawa anahaha, hakai wala hasimami, machozi yana mtoka hovyo. Siku nzima ikawa anafanya mambo ya ajabu, kakusanya nguo zake kazikunja kasha kazichoma, akachoma nyaraka zake nyingi tu, akaanza kugawa vitu vyake muhimu. Mkewe akaomba kuongea nae, mume akagoma na kusema ‘Usinipotezee muda si unajua nina dakika chache tu za kuishi? We niache’. Mke akasisitiza kusikilizwa, hatimae jamaa akakubali kusikiliza neno la mkewe. Kwa upole Yule mama akamwambia mumewe, 'Mume wangu samahani kwa ntakalokwambia aomba unisamehe, kiukweli mtoto huyu si wako nilichepuka kidogo na baba yake amefariki masaa mawili yaliyopita'. Jamaa alipigwa bumbuwazi kwa muda kasha akapiga ukulele wa furaha na kuanza kusema, ‘Asante Mungu asante Mungu’, hapohapo akamkumkumbatia mkewe kwa furaha na kumsifu, 'Asante mke wangu leo ndio nimejua unanipenda kwa dhati, umeniokoa na kifo mke wangu' Kifo kinatisha bwana

CHEKA NA KITIME VICHWA VYA HABARI LEO JUMAMOSI......Chibu kupigwa mnada Dar, sasa hii kali gazeti gani hilo?

2018-02-17T10:02:00.001+03:00

Wabongo najua mlivyo wabishi hapa lazima mnabisha sana hasa wale wa mabondeni. Lakini habari ndio hiyo hapa hakuna kucheka wala nini acheni ubishi

Nilijua tu, aise jamaa lazima wakusake, hii yote ili iwe tishatoto kwa sie tunaetaka kuwakamatisha wala rushwa, mimi lazima nami nimpige video mmoja

Heri nusu shari kuliko shari kamili, hawanaga dogo hao we piga tu magoti mpaka wakuruhusu usimame wenyewe. Na wewe umewakorofisha nini? Unaona sasa umepiga magoti

Kwa hili tusikubali ni lazima wawatafute. Wamewapoteza wapi? Yaani mtu unampoteza mtu mzima ndio nini? Aise watafuteni mpaka muwapate.

Hapa lazima niushirikina tu, unapigaje panga nyota? Nyota hizi hizi tunazoziona zinang'ara angani leo we Mbongo uzipige kwa panga, ushirikina tu huyu

Nimemuuliza mhariri wetu wa kizungu, hapa maana yake nini, kasema eti Chibu anapigwa mnada Dar es salaam. Aise kweli wahenga walisema, kuwa uyaone, mtoto wa Tandale amekuwa na thamani mpaka anapigwa mnada? Sijui watamnunua wazungu au wanaijeria maana sijui kama kuna Mbongo ataweza bei ya Chibu

Mzee wa tafsiri za Kiingleza amenambia eti Tanzania tumepewa shilingi bilioni themanini tukanunue mihogo. E bwana ehh wakaanga mihogo kaeni mkao wa kutajirika. Yaani hata mimi italazimika nianzishe biashara ya kuuza mihogo. Yaani nasikia mihogo itakuwa inagawiwa bure kwa kila mtoto wa shule na mfanyakazi kila asubuhi. Kumaliza mihogo ya bilioni 80 sio kazi ndogo.

Nasikia na Tanzania itaanza kuiuzia mitumba Marekani, kwa hiyo zile nguo zetu chakavu tusitupe, na sisi tutaanza kuwauzia Wamarikani aise, bonge ya dili, yaani nina nguo za zamani kibao home, lazima nitajirike mwaka huu

Yanga na Majimaji ndio mabingwa wa penati Tanzania...duhh sijui watapata ngao kwa hilo?

CHEKA NA KITIME IJUMAAA.....ondoa stress

2018-02-16T12:10:00.000+03:00

Meli ya uvuvi yavuliwa yenyewe swafiiiiiii, hili iso shamba la bibi

Kumbe Songea kuna bendi kali? Au Matimilia imefufuka, maana mpaka Nsajigwa kakubali lazima muziki umerudia enzi zake

Hahahaha yaani madreva wote wakianza kurekodi mbona askari watakuwa wachache. Ngoja namimi nitembee na kakamera kangu ka video kawe stendi bai

Bao la usiku, duh, ni lile linaloletaga watoto au?

Mabao kila mahala bao la usiku bao la mono bao la penati....nchi ya mabao

Kama yule jamaa aliyetuita nchi za tundu la niniliu, eti anajidai lafki yetu full unafiki

Sasa jamani ndio mnatulazimisha kuvaa mitumba kwa nguvu, na viwanda vyetu vya nguo itakuwaje? Huu ndio Nyerere aliuita ukoloni mamboleo